ရွေးချယ်ခွင့် ဆုိုရာမှာ ...

Tin Latt December 16, 2014 at 2:56pm

 

၁၉ ၇၆ကနေ ၁၉ ၈၁ အထိ အမေရိကန် ကောလိပ်တွေကို နမူနာ ယူထားတယ် ဆုိုတဲ့ ဒေသကောလိပ် Regional College ဆုိုတဲ့ ခေတ်တခေတ် ရှိခဲ့ဘူးတယ် ... ၁၀တန်း စာမေးပွဲအမှတ် တခုထဲနဲ့ တက်ကသုိုလ် ၀င်ခွင့် ဆုံးဖြတ်တာ မသင့်တော်ဘူး၊ ၁၀တန်းအောင်တဲ့အချိန်မှာ အသက် ၁၆နှစ်ကျော်သာ ရှိသေးတဲ့အတွက် ဘယ်လုိုင်းရွေးရမယ်ဆုိုတာ ဆုံးဖြတ်ဖို့ လုံလောက်တဲ့ ၀မ်းစာ မရှိသေးဘူး၊ ကလေးတွေ လိုက်ချင်တဲ့လမ်းကြောင်းကို အမှတ်နဲ့ ခွဲမဲ့အစား ကိုယ် ၀ါသနာ ပါရာရွေးချယ်ခွင့် ပေးသင့်တယ် ဆိုတဲ့ အတွေးတွေကနေ ပေါက်ဖွားလာတယ် ... ၁၀တန်းအောင်ပြီးရင် တက်ကသုိုလ် တန်းတက်ခွင့် မပေးဘဲ နီးစပ်ရာ ပြည်နယ်နဲ့ တုိုင်း မြို့တော်တွေမှာ ရှိတဲ့ ၂နှစ်သင် ဒေသကောလိပ်တွေမှာ တက်ရောက်စေတယ် ... သိပ်ပံသင်ချာ၊ သိပ်ပံဇီဝ၊ ၀ိဇ်ဇာသင်ချာနဲ့ ၀ိဇ်ဇာရုိုးရုိုး ဆုိုပြီး ဘာသာတွဲ ၄ခုကို အမှတ်နဲ့ မဟုတ်ဘဲ ကြိုက်ရာ ရွေးခွင့်ပြုခဲ့တယ် ...
ဆိုလုိုတာက ဆရာဝန် ဖြစ်ဖို့ ၀ါသနာပါရင် ၁၀တန်းအောင်တဲ့ အမှတ်ပေါ်မှာ မရွေးတော့ဘဲ ဒေသကောလိပ်မှာ သိပ်ပံဇီဝယူ၊ ၂နှစ်တက်၊ ၁၀တန်းအမှတ်နဲ့ ဒေသ ၂နှစ်အမှတ်ပေါင်း ပှမ်းမျနဲ့ ဆေးတက်ကသိုလ်တက်ခွင့် ရမရ ဆုံးဖြတ်၊ အင်ဂျင်နီယာ ဖြစ်ဖို့ ၀ါသနာပါရင် ၁၀တန်းအောင်တဲ့ အမှတ်ပေါ်မှာ မရွေးတော့ဘဲ ဒေသကောလိပ်မှာ သိပ်ပံသင်္ချာယူ၊ ၂နှစ်တက်၊ ၁၀တန်းအမှတ်နဲ့ ဒေသ ၂နှစ်အမှတ်ပေါင်း ပှမ်းမျနဲ့ စက်မှုတက်ကသိုလ်တက်ခွင့် ရမရ ဆုံးဖြတ်တဲ့ စနစ်မျိူး ဖြစ်တယ် ... ပထမနှစ်မှာ မြန်မာ၊ အင်္ဂလိပ်၊ နုိုင်ငံရေး သိပ်ပံ က compulsory ကျန်တဲ့ ဘာသာတွေက elative, မှတ်မိသလောက် Bio combinationi ဆုိုရင် ရူပ၊ ဓာတု၊ ဇိဝ Maths combination ဆုိုရင် ရူပ၊ ဓာတု၊ သချာင်္ Arts combination တော့ သိပ်မမှတ်မိဘူး ... ပထ၀ီ၊ သမုိုင်း၊ သချာင်္နဲ့ ပထ၀ီ၊ သမုိုင်း၊ဘောဂလား စိတ်ကြိုက်မြန်မာစာလား မသေချာဘူး ... ဒုတိယနှစ်ကျရင် အသက်မွေးဝမ်းကြောင်း ရွေးချယ်ရာမှာ အထောက်အကူ ပြုစေတဲ့ လုပ်ငန်းအတတ်ပညာတွေ သင်ရမယ် ... စုိုက်ပျိူးရေး၊ မွေးမြုရေး၊ ရေထွက်ပစ်စည်း (Marinc Biology၊ ချည်မှင်၊ စက်ပစ်စည်း၊ လှပ်စစ်ပစ်စည်း၊ အဆောက်အဦး၊ လုပ်ငန်းခွင် အုပ်ချူပ်မှု၊ ရုံးလုပ်ငန်း၊ စီးပွားစီမံ၊ စာရင်းအင်း တုို့လုို ဘာသာတွေအပြင် ပန်းချီ၊ ပုံနှိပ်၊ ရုပ်ရှင်တွေကစလို့ အိမ်တွင်းမှု (အချက်အပြုတ်) လို ဘာသာရပ်တွေအထိ ရွေးချယ် သင်ယူခွင့် ပြုခဲ့တယ် ... ဒေသကောလိပ် စနစ်ဟာ ၁၀တန်း အမှတ်ခုထဲနဲ့ ဆုံးဖြတ်တာ မဟုတ်ဘူး ... ကျောင်းသားမှာ ရွေးချယ်ခွင့် ရှိတယ် ... ကုိုယ် တကယ် ၀ါသနာ ပါတာ ဟုတ်မဟုတ်ကုိုလဲ စမ်းသပ်ကြည့်ခွင့်ရှိတယ် ဆုိုတော့ လက်ရှိပညာရေးစနစ်နဲ့ ပတ်သက်လုို့ လူတွေ မကျေမနပ် ဖြစ်နေတဲ့အချက်တော်တော်များများကို address လုပ်ထားပြီး ဖြစ်တယ်လို့ ဆုိုမယ် ဆုို ဆုိုနုိုင်တဲ့ စနစ် ဖြစ်ခဲ့တယ် ထင်မိတယ် ...

တကယ် ဒီစနစ်ရဲ့ first product တွေ စထွက်လာတဲ့ ၁၉ ၇၈မှာ ကျတော့ မူလ မှော်လင့်မထားတဲ့ အသျံတွေ စထွက်လာခဲ့တယ် ဆုိုတယ် ... အရင်စနစ်ဟောင်းမှာ ၁၀တန်း အမှတ်ကောင်းရင် အဲဒီခေတ်က ထိပ်တန်း တက်ကသုိုလ်တွေ ဖြစ်ခဲ့တဲ့ ဆေး၊ စက်မှု သွားလို့ရခဲ့တယ် ... အခု ဒေသ ၂နှစ်တက်တဲ့အချိန်မှာ တက်ကသုိုလ်ကျောင်းသား ဖြစ်ပြီ ဆုိုတဲ့ စိတ်နဲ့ လွတ်လပ်လွန်းသွားတဲ့ သူတချိူ့ ဒေသကောလိပ်မှာ ထင်သလောက် အမှတ်မကောင်းကျတော့ ၃နှစ် ပှမ်းမျ ယူတဲ့အခါ ဆေး၊ စက်မှု မ၀င်နုိုင်ကြတော့ဘူး ... အဲဒီအခါ မိဘတွေက အရင် ၁၀တန်းအမှတ်ကောင်းရင် လုိုင်းကောင်းရရက်နဲ့ အခု ဒေသ ခံလုိုက်လို့ လုိုင်းကောင်း မရတော့ဘူး ဆုိုတာ စ ဖြစ်လာတယ် ... နောက် ဆေးဝင်ရင် MBBS အတွက် ဒေသပြီးရင် ၅နှစ်၊ စက်မှု ၀င်ရင်BE အတွက် ဒေသပြီးရင် ၄နှစ် ထပ်တက်ရတယ် ... ဆေး၊ စက်မှုက ဆရာတွေက အဲဒီအချိန်ဟာ တကယ် တတ်ကျွမ်းဖုို့ လုံလောက်သင့်သလောက် မလုံလောက်ဘူးလို့ ယူဆခဲ့ကြတယ် ... ပထမနှစ် ဒုတိယနှစ်ကထဲက ဆေး ဆိုလဲ ဆေးနဲ့ ပတ်သက်တဲ့ အခြေခံတွေ၊ စက်မှု ဆုိုလဲ စက်မှုနဲ့ ပတ်သက်တဲ့အခြေခံတွေ စ ပေးထားခဲ့ရင် နောက်နှစ်တွေမှာ အတင်း တွန်း ထုိုး သင်စရာ မလုိုဘူး လို့ ယူဆခဲ့ကြတယ် ဆုိုတယ် ... RASU လို MASU လို ၀ိဇ်ဇာသိပ်ပံ တက်ကသုိုလ်တွေ ကျတော့ ဒေသပြီးရင် BA, BSc ရဖို့ နောက်ထပ် ၂နှစ်တက်ရတယ် ... ဒေသကောလိပ်မှာ ဆေး၊ စက်မှု ရခြင်လုို့ ယူခဲ့တဲ့ ဘာသာတွဲတွေက ၃နှစ်ပှမ်းမျအမှတ်အရ တက်ခွင့်ရတဲ့ တက်ကသုိုလ် ဘာသာရပ်နဲ့ မကိုက်ဘဲ ဖြစ်နေတတ်တယ် ... ဥပမာ စက်မှု ရမလားလို့ ပထမနှစ်မှာ သိပ်ပံ သချာင်္နဲ့ ဒုတိယနှစ်မှာ စက်ပစ်စည်း ယူလာတဲ့သူ တက်ကသုိုလ်မှာ Maths Major ယူရင် ၂နှစ်နဲ့ တွန်းထုိုး သင်လို့ ရပေမဲ့ မြန်မာစာ ယူရင် ၂နှစ်နဲ့ ဘယ်လိုမှ မလုံလောက်တဲ့ ပြသနာမျိူး ဖြစ်တယ် ... တခါ ဒုတိယနှစ်ဘာသာရပ်တွေမှာ အိမ်တွင်းမှုလို ဘာသာမျိူးက ကျန်တဲ့ ဘာသာတွေနဲ့ ယှဉ်ရင် အမှတ်ရလွယ်နေတော့ ပြိုင်ဆုိုင်မှုဟာ မမှတဘူျး၊ ရန်ကုန် မန်းတလေးလို နေရာတွေမှာ ဒုတိယနှစ် ဘာသာတွေ စုံစုံလင်လင် သင်ပေးနုိုင်ပေမဲ့ နယ်မြို့ကြီးတွေက ဒေသကောလိပ်တွေမှာ ရန်ကုန်မန်းတလေးလောက် စုံစုံလင်လင် မသင်ပေးနုိုင်တော့ ရွေးချယ်ခွင့်ဟာ မမှတဘူး ဆုိုတာမျိူးတွေ ဖြစ်လာခဲ့တယ်ျဆိုကြတယ် ...
အဲဒါတွေကို တုံ့ပြန်တဲ့အနေနဲ့ ၁၉ ၇၉ မှာ ဒုတိယနှစ် လုပ်ငန်း အတတ်ပညာတွေကို ဖြုတ်လုိုက်ပြီး အခြေခံ ပို်င်နုိုင်အောင် ပထမနှစ် ဘာသာရပ်တွေကိုဘဲ ဒုတိယနှစ်မှာ ဆက်သင်တဲ့စနစ်ကို ပြောင်းလဲ ကျင့်သုံးခဲ့တယ် ... ဒါပေမဲ့ ဆေး၊ စက်မှု ရခြင်လုို့ ဒေသကောလိပ်မှာယူခဲ့တဲ့ ဘာသာတွဲနဲ့ ၃နှစ်ပှမ်းမျှ အမှတ်အရ တက်ခွင့်ရတဲ့ တက်ကသုိုလ် ဘာသာရပ်နဲ့ မကုိုက်တဲ့ ပြသနာ ရှိမြဲ ရှိနေခဲ့တယ် ... ဆေးရခြင်လုို့ ဒေသမှာ သိပ်ပံဇီဝယူ Geography, History, Maths major တွေရရင် ဒေသပြီး တက်ရမဲ့ ၂နှစ်နဲ့ ဘယ်လိုမှ မလုံလောက် ... နောက်ဆုံး ၁၉ ၈၂ကနေစလို့ ဒေသကောလိပ်အပါအ၀င် ၃နှစ်ပျမ်းမှ အမှတ်နဲ့ တက်ကသုိုလ် ရွေးချယ်ခွင့် ပေးတဲ့စနစ်ကုို ဖျက်သိမ်းပြိး မူလစနစ်ဟောင်း ၁၀တန်းအမှတ်နဲ့ တုိုက်ရုိုက် တက်ကသုိုလ် ၀င်ခွင့်ပေးတဲ့စနစ်ကုို ပြန်သွားခဲ့တယ် ...
အဲလို စနစ်ဟောင်းကုို ပြန်သွားပေမဲ့ ပထမနှစ်မှာ ၁၀တန်း ဘာသာရပ်တွေရဲ့ advanced level ကိုသင်၊ ဒုတိယနှစ်မှာ ကျမှ ဆေးဆုိုဆေး၊ စက်မှုဆို စက်မှုနဲ့ ပတ်သက်တဲ့ ဘာသာရပ်တွေရဲ့ အခြေခံကို စသင်၊ ဒုတိယနှစ်အမှတ်ပေါ်မှာ မူတည်ပြီး မေဂျာခွဲတဲ့စနစ်ကို ဆက်သုံးနေခဲ့တယ် လို့ နားလည်ထားမိတယ် ... ဒုတိယနှစ်အောင်မှတ်နဲ့ မေဂျာခွဲတဲ့အခါ အများကြိုက်တဲ့ မေဂျာရတာ မရတာပေါ်မှာ မူတည်ပြီး မေးခွန်း၊ ဆရာ၊ စစ်ဆေးမှုနဲ့ ပတ်သက်တဲ့ controverisal issue တွေ များလွန်လွန်းလို့ အခုနောက်ပုိုင်းမှာ တက်ကသုိုလ်မှာ အစအထွက် မခံတော့ဘဲ ၁၀တန်းအောင် ၀င်ခွင့်စဉ်းစားကထဲက အမှတ်နဲ့ တခါထဲ မေဂျာ ခွဲ ပလုိုက်လေသလား စဉ်းစားစရာ ဖြစ်မိတယ် ...
ဒီမှာ ၁၀တန်းအောင်တဲ့ အမှတ်နဲ့ တက်ကသုိုလ်ခွဲတဲ့စနစ်ဟာ ၁၀တန်း အမှတ်တခုထဲနဲ့ ကလေးဘ၀ကို ဆုံးဖြတ်ရာ ရောက်ပါတယ် ကျန်တဲ့ အချက်အလက်တွေကို ပါ ထည့်သွင်းစဉ်းစားသင့်ပါတယ် ဆုိုတဲ့ အဆုိုဟာ ကောင်းတာ မှန်တာ မှန်ပေမယ့် တကယ် လက်တွေ့ လုပ်တဲ့အခါမှာ မြန်မာနုိုင်ငံရဲ့ လက်ရှိအနေအထားအရ အဆင်ပြေနုိုင် မပြေနုိုင် အများကြီး စဉ်းစားစရာ ရှိတယ်လို့ ယူဆပါတယ် ... ကျနော့်အမြင်တော့ ပြသနာ ဖြစ်နေတာက ၁၀တန်းအောင်တဲ့အချိန်မှာ အကြောင်းကြောင်းကြောင့် အမှတ်နဲသွားပြီး သူ တက်ချင်တဲ့ တက်ကသုိုလ် တက်ခွင့်မရ၊ ၁၀တန်းကုို နောက်တခါ ပြန်ဖြေခွင့် မရတာက အဓိက ပြသနာ လို့ ယူဆပါတယ် ... ဒီအခက်အခဲက အခု လက်ရှိ ၁၀တန်းအောင်ပြီးရင် ပြန်ဖြေခွင့် မရတဲ့စနစ်ကုို GCE, GCSE တွေလို စိတ်ကြိုက်အမှတ်မရလုို့ ပြန်ဖြေချင်ရင် ၆လတစ်ကြိမ် ပြန်ဖြေခွင့်ပြုလိုက်ရုံနဲ့ ဖြေရှင်းပြီးသား ဖြစ်နုိုင်တယ်လို့ ယူဆပါတယ် ...
ပထမနှစ်ကထဲက မေဂျာခွဲတာဟာ အဲဒီအချိန်မှာ ကလေးတွေ သူတုို့ ဘာလိုချင်တယ် ဆိုတာ တကယ် မသိလောက် သေးလို့ မသင့်တော်ဘူး ဆုိုတဲ့ issue ကတော့ ပထမနှစ်ကနေ နောက်ဆုံးနှစ်အထိ မေဂျာ တစ်ခုထဲ တောက်လှောက်ယူရတဲ့ စနစ်ကျိုcredit transfer နဲ့ မေဂျာ ပြောင်းခွင့်ပေးတဲ့ စနစ်ကုို သုံးလိုက်ရင် ဖြေရှင်းနုိုင်မယ် ထင်ပါတယ် ... ဥပမာ ပထမနှစ်မှာ Civil ရတယ် ... တတိယနှစ်ကျမှ electrical ပြောင်းချင်တယ် ... ရတယ် ... တတိယနှစ် EE တက်ဖို့ လုိုတဲ့ ဘာသာတွေထဲက သင်ပြီးသား ဘာသာတွေ exemption ရမယ် ... ကျန်တဲ့ဘာသာတွေ ကျောင်းလခပြန်သွင်း ပြန်တက် ဒုတိယနှစ် Civil ပြီးတာနဲ့ တတိယနှစ် EE တော့ တန်းတက်ချင်မှ တက်လို့ရမယ် ဆုိုတာမျိူးကုို ဆုိုလိုပါတယ် ...
အရင်စနစ်ဟောင်းမှာ တုံးက AGTI ပြီးလို့ B Tech မမှီတဲ့သူက စာပေးစာယူကုို ပထမနှစ်က ပြန်တက်ဖုို့က လွဲလို့ တခြား ဘာမှ ရွေးချယ် စရာ မရှိပါ ... တကယ်က AGTI မှာ သင်ခဲ့တဲ့ ဘာသာတွေကုို credit transfer နဲ့ exemption ပေးပြီး စာပေးစာယူမှာ သူယူချင်တဲ့ ဘာသာတွေဟာ Maths လို မေဂျာမျိူး ဖြစ်ခဲ့ရင် ဒုတိယနှစ်က စ တက်ခွင့် ပြုတာမျိူး ဖြစ်သင့်ပါတယ် ...
တလောက B Tech အောင်စာရင်းတွေမှာ BE ၀င်ဖို့ အမှတ်မှီတဲ့လူ သိသိသာသာ နဲသွားတာနဲ့ ပတ်သက်လို့ အုတ်အုတ်ကျက်ကျက် ဖြစ်ခဲ့တာမှာလဲ တကယ်လို့သာ B Tech နဲ့ အလုပ်ခွင်ဝင်သွား၊ ထုိုက်သင့်တဲ့ လုပ်သက်ရရင် BE ၀င်ခွင့် စာမေးပွဲ ပြန်ဖြေ၊ အလုပ်လုပ်ရင်း BE ကို အချိန်ပုိုင်း ယူလို့ ရတဲ့ လမ်းကြောင်းမျိူး ဖွင့်ထားပေးတာနဲ့ ဖြေရှင်းနိုင်တယ်လို့ ယူဆပါတယ် .. နည်းပညာ တက်ကသုိုလ်တွေမှာ ၁၀တန်းအောင်တဲ့ fresher တွေကိုဘဲ တိုက်ရုိုက် လက်ခံရုံမက အဲလို အလုပ်ခွင်က ပြန်လာမဲ့လူတွေအတွက် part time program တွေ စီစဉ်ပေးတာ ဒါမှမဟုတ် အဲဒီလုိုလူတွေကုို ပုံမှန်အတန်းတွေမှာ ရာခုိုင်နှူံးတခု သတ်မှတ်ပြီး လက်ခံပေးတာဟာ အဖြေတစ်ခု ဖြစ်နုိုင်တယ်လို့ ယူဆပါတယ် ...
၁၀တန်းအောင်တုံးက ၅ဘာသာ ထွက်လောက်အောင် တော်ပေမဲ့ ဆေးမ၀င်ဘဲ ဆေးဖက်ဆုိုင်ရာ နည်းပညာ တက်ကသုိုလ်လို တက်ကသုိုလ်မျိူး ရောက်သွားတဲ့ လူမျိူးတွေ အလုပ်ခွင် ၀င်သွားပြီး ထုိုက်သင့်တဲ့ လုပ်သက်ရတဲ့အချိန်မှာ ဆေး ၀င်ခွင့် စာမေးပွဲ ပြန်ဖြေလို့ MD လို program မျိူး တက်ခွင့်ရနုိုင်တဲ့ လမ်းကြောင်းမျိူး ရှိရင် ကလေးတွေအတွက် ရွေးချယ်ခွင့်တွေ ပို ဖန်တီးပေးရာ ရောက်မယ် ထင်မိပါတယ် ...
https://www.duke-nus.edu.sg/…/requirements-duke-nus-programs
ပထမ ဘွဲ့ တခု ရထားပြီးရင် လှောက်လို့ရတဲ့ NUS နဲ့ Duke ပေါင်းဖွင့်တဲ့ MD program ဖြစ်ပါတယ် ... လွယ်လွယ်နဲ့ ၀င်ခွင့် ရမှာ မဟုတ်ပေမဲ့ ၁၀တန်းအောင် ဆေး တက် ဆိုတဲ့ လမ်းကြောင်း တစ်ခုထဲ ထက် ပိုတဲ့ ရွေးချယ်စရာ လမ်းကြောင်းတွေ ဖန်တီးနုိုင်ကြောင်း ထောက်ပြလိုရင်း ဖြစ်ပါတယ် ...
၁၀တန်းအောင်တွေကို ဘဲ ဦးတည်ချက် ထားမဲ့အစား AGTI တွေ B Tech တွေ လုပ်သက် တစ်ခုရပြီးရင် ၀င်ခွင့်စာမေးပွဲနဲ့ BE programထဲကုို ၀င်လုို့ရမယ့် ၀င်ပေါက်တွေ ဖွင့်ထားလို့ ရနုိုင်တယ်လို့ ယူဆပါတယ် ... လက်ရှိ နည်းပညာတက်ကသုိုလ်တွေက မလုပ်ချင် ဒါမှမဟုတ် မလုပ်နုိုင်သေးရင် ပြင်ပ တက်ကသိုလ်တွေကို outsource လုပ်လို့ရပါတယ် ... National Accreditation Scheme တခုတော့ လိုပါလိမ့်မယ် ...
တချိူ့ပြောနေတာက ဆေးကျောင်းကုို စိတ်မပါပေမဲ့ အမှတ်ကောင်းလို့ တက်တယ် ဆရာဝန် မလုပ်ဘူး အဲဒိအစား အမှတ်နဲပေမဲ့ ဆရာဝန် အလုပ်ကို စိတ်ပါတဲ့လူကုို ရွေးချယ်ခွင့် ပေးသင့်တယ် အခုက အဲဒီလို ရွေးချယ်ခွင့် မရဘူး ဖြစ်နေတယ် ဆုိုပါတယ် ... သဘောမတူပါ ... ရွေးချယ်ခွင့်က ရှိပါတယ် ... ၁၀တန်းကို တစ်ဘာသာ ၄၀နဲ့ အမှတ် ပေါင်း ၂၄၀ ရလို့ ဆေးကျောင်း မလျှောက်ရဘူး မဟုတ် လျှောက်လို့ရတယ် ... ဆေးကျောင်းက သူ့ကို မရွေးတာဘဲ ရှိပါတယ် ... ဒီမှာလဲ ကျောင်းရဲ့ ရွေးချယ်ခွင့်ကို ထည့် စဉ်းစားရပါမယ် ... လက်ခံနုိုင်တာ လူ၃၀၀ အမှတ် ၄၀၀ ကျော်တွေ လာလျှောက်တာ က လူ၃၀၀ ကျော်နေရင် ကျောင်းက ဘာအတွက် အမှတ် ၄၀၀ မပြည့်တဲ့လူကို စဉ်းစားရမှာပါလဲ ... သင်ရမဲ့ ဆရာတွေကလဲ ဖြစ်နုိုင်ရင် တော်တဲ့လူတွေ ပို သင်ချင်ကြမှာပါ ... ကျောင်းသားရဲ့ ရွေးချယ်ခွင့် တစ်ခုထဲ မဟုတ်ဘဲ ကျောင်းရဲ့ ရွေးချယ်ခွင့်ကိုလဲ ထည့်စဉ်းစားရမယ်လို့ ယူဆပါတယ် ...
ဒီလိုပြောလို့ ၁၀တန်းတုံးက အမှတ်မကောင်းရင် ဆရာဝန် မဖြစ်နုိုင်ဘူး မဆုို အမှတ်မကောင်းလို့ သူနာပြု တက်ကသုိုလ် သွားချင်သွားမယ် ဆေးဝါး ကျွမ်းကျင် သွားခြင်သွားမယ် တချိန်မှာ သူ ကျန်းမာရေး စောင့်ရှောက်မှု လုပ်သက်တစ်ခုလဲ ရှိ ဆရာဝန် ဖြစ်ဖို့ ၀င်ခွင့်စာမေးပွဲလဲ အောင်တယ် ဆိုရင် ဆရာဝန် ဖြစ်နုိုင်ဖို့ လမ်းကြောင်းတ ခု ဖွင့်ပေးတာမျိူး ရှိစေချင်တာ ဖြစ်ပါတယ် ...

Tin Latt