"ခေါင်းဆောင်ကောင်းဆိုတာ သူများမလုပ်ရဲတာကို ဦးဆောင်လုပ်ရဲသူ"

BigBrother Myanmar created the doc:

[By Than Htike Soe]

      တကယ့် လုပ်ငန်းခေါင်းဆောင်ကောင်းဆိုတာ သူများ မလုပ်သေးသည့် လမ်းကို စွန့်ထွင် လုပ်ချင်စိတ်ရှိသူမျိုးဖြစ်ရမည်။ အများက အောင်မြင်မှာ မဟုတ်ပါဘူးလို့ ဘယ်လောက်မြင်နေနေ စိတ်ဓာတ်ကောင်းကောင်းနဲ့ ကိုယ့်အဖွဲ့ကိုယ် ခေါင်းဆောင်သွားနိုင်သူမျိုး ဖြစ်ရမည်။ အများအမြင်မှာ သဘာဝမကျဘူးလို့ ထင်ရသည့် စီးပွားရေး မဟာဗျူဟာများကို ချရဲ လုပ်ရဲရမည်၊ ကိုယ့် ကုန်ပစ္စည်းကို ဈေးကွက်ထဲ နည်းလမ်းသစ်တွေနဲ့ ထိုးဖောက်ရဲရမည်၊ အများနဲ့မတူ တစ်မူကွဲသည့် ဈေးကွက် ဖော်ဆောင် ရေး စီမံကိန်းများကို သူများတွေ မေးငေါ့နေသည့်ကြားမှ ဖော်ဆောင်ရဲရမည်။


တစ်လောကလုံးက ဟာ…ဒီလူက ဘယ့်နှယ့်တုန်း သူများ သွားတဲ့လမ်းက ဖြောင့်ဖြောင့်မသွားချင်ဘူးလို့ မည်မျှပင် ပြောဆိုဝေဖန်နေစေကာမူ လုပ်စရာရှိတာ လုပ်ရဲသူမျိုးမှ ယနေ့လို အပြိုင်အဆိုင်တွေပေါသော ဈေးကွက်ထဲမှာ သူများထက် နှာတစ်ဖျား သာနေမည်ဖြစ်သည်။ တစ်ကယ့် လုပ်ငန်းခေါင်းဆောင်ကောင်းတွေဆိုတာ ကိုယ့်လုပ်ငန်း ရှေ့ဆက် တိုးတက်သထက် တိုးတက်ဖို့အတွက် လမ်းသစ်တွေကို အချိန်ပြည့် တီထွင်ကြံဆနေပြီး တစ်ကယ်လည်း လိုက် အကောင်အထည်ဖော်ရဲသူမျိုးကို ခေါ်သည်။ သူများက တောင်ဆို ကိုယ်က မြောက်ကို ရဲရဲနဲ့ ယုံယုံကြည်ကြည် ချီတက်ရဲသူမျိုးကို ခေါ်သည်။ ယနေ့လို အပြိုင်တွေ အတူတွေ များလှသော ခေတ်ကြီးမှာ သူများအတိုင်း လိုက်လုပ်နေလို့တော့ သူလို ငါလိုအဆင့်ပဲ ရလိမ့်မည်။ သူများထက် ကိုယ်တွေက သာချင်ရင် သူများထက် တစ်ခုခုမှာထူးလည်း ထူး၊ ကောင်းလည်း ကောင်းအောင် ကြိုးစားကြရမည်။

          ယနေ့လို စိန်ခေါ်မှုတွေများလှသော စီးပွားရေး လူမှုရေးလောကကြီးမှာ ကောင်းတယ်ဆိုရုံလောက်နဲ့ အလုပ်မဖြစ်တော့။ အကောင်းဆုံး၊ အပြောင်မြောက်ဆုံး၊ အထူးခြားဆုံး၊ အသားနားဆုံး ဆိုသည့် အဆင့်ကို ရောက်အောင်လုပ်နိုင်မှ လူအများကြားက ကိုယ့်လုပ်ငန်းက ထိုးထွက်နေမည်ဖြစ်သည်။ ယနေ့ ကမ္ဘာ့အဆင့်လုပ်ငန်းကြီး အတော်များများကို ကြည့်လျှင် အထက်ဖော်ပြပါ အကောင်းဆုံး၊ အပြောင်မြောက်ဆုံး၊ အထူးခြားဆုံး၊ အသားနားဆုံးဆိုသည့် စံချိ်န် စံညွှန်းများနဲ့ အမြဲ ကိုက်ညီအောင် ကြိုးစားလျှက်ရှိကြကြောင်းကို တွေ့ရလိမ့်မည်။ အများကြားမှ ထိုးထွက်နေသည့် ကုမ္ပဏီ တစ်ခုရှိလျှင် အများကြားမှ မထိုးထွက်နိုင်သည့် ကုမ္ပဏီက အခု တစ်ထောင်လောက်ရှိနေသည်။ ထိုသို့ အများကြားမှ ထိုးမထွက်နိုင်သော ကုမ္ပဏီများကို ကြည့်လိုက်တော့ သူတို့လည်း ညံ့တော့ မညံ့၊ သို့သော် အထက်မှာပြောခဲ့သလို ကောင်းတယ်ဆိုရုံလောက်နဲ့ ကျေနပ်ရောင့်ရဲနေကြသဖြင့် သူလိုကိုယ်လို ဘဝများက မတက်နိုင်ကြခြင်းဖြစ်ကြောင်းကို တွေ့ရသည်။ သူများထက် ထူးအောင် ကောင်းအောင် လုပ်နိုင်မှ သူများထက် အပေါ်ကို ရောက်မည်မှာ မလွဲသော ပုံသေနည်းဖြစ်သည်။

          သူများထက် ထူးအောင် ကောင်းအောင် ထိရောက်အောင် လုပ်နေသော စီအီးအိုနှစ်ယောက်လောက်ကို နမူနာပေး ပြောချင်သည်။ ပထမတစ်ယောက်က ကမ္ဘာ့ မျက်မှန်လောကတွင် မသိသူ မရှိလောက်အောင် နာမည်ကျော်သော Luxottica ကုမ္ပဏီ၏ စီအီးအိုဖြစ်သည်။ ၎င်း ကုမ္ပဏီ၏ ကမ္ဘာတစ်ဝန်း တစ်နှစ်တစ်နှစ် ရောင်းအားက ဒေါ်လာ သန်း ၇၀၀၀ လောက်ရှိသည်။ ထိုကုမ္ပဏီ၏ ဈေးကွက် ဖောက်ထွင်းပုံများက နမူနာယူလောက်သည်။ ခေတ်ရေစီးနှင့် အညီ ဝယ်သူများ၏ အကြိုက်နှင့်လည်း အကိုက်ဖြစ်စေ၊ ဝယ်သူများ၏ လိုအပ်ချက်နှင့်လည်း အကိုက်ဖြစ်စေအောင် စီမံထားသည်။ ထိုသို့ စီမံထားနိုင်သဖြင့်လည်း ၎င်းတို့၏ ကမ္ဘာတစ်ဝန်းရောင်းအားကို ယှဉ်နိုင်သော လုပ်ငန်းတူ မရှိ။ မျက်မှန်ကို ရိုးရိုးမရောင်း။ မျက်မှန်အရောင်းခန်းမများကို အထူးပြင်ဆင် ပြုလုပ်ထားသည်။ အားကစားမျက်မှန် အရောင်းဌာနမှာဆို အားကစားပစ္စည်းအမျိုးမျိုးကို ချထားပေးကာ ဝယ်သူများအနေဖြင့် ကိုယ်ကစားမည့် အားကစားနှင့် ပက်သက်သည့် မျက်မှန်များကို အားကစားပစ္စည်းများနှင့် ကစားရင်း အစမ်း တပ်ကြည့်နိုင်သဖြင့် တကယ့် အပြင်မှာဆို မျက်မှန်နဲ့ ကိုယ် ဘယ်လိုနေမလဲဆိုတာ ဆိုင်မှာတင် ဆုံးဖြတ်နိုင်သွားသည်။ ပြေးရင်တပ်ဖို့ မျက်မှန်လာဝယ်သူများ အစမ်းလုပ်ကြည့်နိုင်ဖို့ ပြေးစက်များလည်း ထားပေးထားသဖြင့် ဝယ်သူများအနေဖြင့် အပြင်မှာ ဘယ်လိုနေမလဲဆိုတာ ဆိုင်မှာတင် ဆုံးဖြတ်လို့ရသွားသည်။ ဝယ်သူများကလည်း ထိုသို့ ဝန်ဆောင်မှုပေးသည်ကို သဘောကျကြသည်။ အခြား ဌာနများတွင်လည်း သူ့ကဏ္ဍနှင့်သူ သက်ဆိုင်ရာ မျက်မှန်များကို သက်ဆိုင်ရာ ပြင်ပ ပတ်ဝန်းကျင်နှင့် ကိုက်ညီအောင် ဖန်တီးပေးပြီး ဝယ်သူကို အကောင်းဆုံးဝန်ဆောင်မှုကာ ရောင်းချကြသည်။ ယနေ့ နည်းပညာခေတ်ကြီးနှင့် အကိုက်ဖြစ်အောင်လည်း မှန်အဖြစ်ရော၊ ကွန်ပျူတာအဖြစ်ပါ အသုံးပြုလို့ရသည့် ကြည့်မှန်များကိုလည်း ထားပေးသေးသည်။

မျက်မှန်တပ်ပြီး ထိုမှန်မှာ ကိုယ်နဲ့ လိုက်မလိုက် ကြည့်နိုင်သလို၊ ထိုမှန်ကို Touchscreen အဖြစ်လည်း အသုံးပြုကာ အင်တာနက်မှတစ်ဆင့် မိတ်ဆွေများထံ ကိုယ် မျက်မှန်တပ်ထားသည့်ပုံကို ပို့ပြီး ထိုမျက်မှန်နဲ့ ကိုယ်နဲ့ လိုက် မလိုက် မေးကြည့်နိုင်ရန်လည်း စီစဉ်ပေးထားသည်။ ထိုသို့ အစစအရာရာ ဝယ်သူစိတ်ချမ်းသာအောင် စိတ်ကူးဆန်းဆန်းပြားပြားဖြင့် စီစဉ်ပေးထားနိုင်သဖြင့် ဝယ်သူများကလည်း သဘောအလွန်ကျသည်။ ထိုသို့ ခေတ်ကြီးနှင့် အညီ ခေတ်မီမီ ဈေးဝယ်နိုင်အောင် စိတ်ကူးဆန်းသစ်စွာ စီစဉ်ပေးတတ်သော ကုမ္ပဏီမှ မအောင်မြင်လျှင် မည်သည့် ကုမ္ပဏီ အောင်မြင်ပါအံ့နည်း။
          Luxottica သည် ယခုအခါ အမေရိက၊ ဩစတြေးလျ၊ တရုတ်၊ ဗြိတိန် စသည့်နိုင်ငံများတွင်ပါ လုပ်ငန်းခွဲများ အောင်မြင်စွာ ဖွင့်လှစ်လုပ်ကိုင်လျှက်ရှိနေပြီကို တွေ့ရသည်။ ဒေသအလိုက် ဒေသခံများ၏ သဘောထားများကို စစ်တမ်းကောက်ယူကာ ဒေသခံများ အဆင်အပြေဆုံးဖြစ်မည့် ဝန်ဆောင်မှုများပေးကာ ၎င်းတို့၏ ကုန်ပစ္စည်းကို ဈေးကွက်တင်ရောင်းချလျှက်ရှိကြောင်း တွေ့ရသည်။  Luxottica သည် သူများထက် ထူးနိုင် ကောင်းနိုင်အောင် ကြိုးစားထားသဖြင့် သူများထက်လည်း ပိုမြင့်သော နေရာကို ရောက်နေသည်မှာ အထင်အရှားဖြစ်သည်။

          “ခေတ်ကြီးက အပြောင်းအလဲ သိပ်မြန်နေပြီ၊ အပြောင်းအလဲနောက်ကို လိုက်နိုင်အောင်ကြိုးစာနိုင်မှ သူများနောက် မရောက်မှာဗျ၊ သူများ မလုပ်သေးတာကို ကိုယ်က သတ္တိရှိရှိနဲ့ လုပ်နိုင်ရမယ်၊ ကျွန်တော်တို့ အရောင်းပြခန်းတွေမှာ အားကစားပစ္စည်းတွေ ထားပေးတာကို ကြောင်တောင်တောင်နိုင်တယ်လို့ ပြောတဲ့ လုပ်ငန်းပြိုင်ဘက်တွေ အများကြီးပဲ၊ ဘယ်သူ ဘာပြောပြော ကိုယ်ယုံကြည်တဲ့လမ်းကို ရဲရဲလျှောက်လိုက်တာ ခုဆို ကျွန်တော်တို့ တီထွင်ဆန်းသစ်လိုက်တာကို ဝယ်သူတွေ သဘောကျပြီး အရောင်းတွေ ထောင်တက်သွားတာပါပဲဗျာ” ဟု  Luxottica ၏ စီအီးအို အန်ဒရီယာ ဂွာရာက ပြောပြသည်။
          သူများနဲ့မတူ တစ်မူထူးခြားအောင်လုပ်နေသည့် နောက် စီအီးအိုတစ်ယောက်နဲ့ မိတ်ဆက်ပေးချင်ပါသေးသည်။ သူကတော့ Amazon ကုမ္ပဏီ၏ စီအီးအို ဂျက်ဖ် ဘီးဇော့ဖြစ်သည်။ အမေဇုန်က Kindle စာဖတ်စက်ကို ထုတ်လုပ်နေသည်။ Kindle ကို သင်ပုန်းကွန်ပျူတာများလို ဘက်စုံသုံး ဖျော်ဖြေရေးကွန်ပျူတာပုံစံမျိုး ပြုလုပ်ရောင်းချလျှင် အမြတ်အစွန်း ပိုရလိမ့်မည်ဖြစ်သော်လည်း ဂျက်ဖ် ဘီးဇော့က စာဖတ်စက်အနေနှင့်သာ ထုတ်လုပ်ရောင်းချနေသဖြင့် ဝေဖန်သူများက ဝိုင်းဝေဖန်လျှက်ရှိကြသည်။ ဂျက်ဖ် ဘီးဇော့သည် စီးပွားရေး မလုပ်တတ်ကြောင်း၊ တိုးချဲ့လုပ်ကိုင်ပါလျှင် အများကြီး ဖြစ်မြောက်နိုင်ပါရက်နဲ့ Kindle ကို စာဖတ်စက်အနေနှင့်သာ ဆက်ထုတ်နေခြင်းသည် ဂျက်ဖ် ဘီးဇော့တစ်ယောက် စီးပွားရေးအမြင်မရှိရာရောက်ကြောင်း ဝိုင်းဝေဖန်လျှက်ရှိကြသည်။ ထိုသို့ ဝေဖန်နေကြသည့်ကြားမှပင် ဂျက်ဖ် ဘီးဇော့သည် Kindle ကို စာဖတ်စက်အနေနှင့်သာ တင်းခံပြီး ဆက်ထုတ်ခဲ့သည်။ ဝေဖန်သူများကို ဘီးဇော့ တုံ့ပြန်ချက်က မည်သို့ရှိသနည်း ကြည့်ရအောင်ပါ။

          “ကျွန်တော်တို့က စာဖတ်သမားတွေနဲ့ စာအုပ်စာပေကို ချစ်တဲ့လူတွေကို ဦးတည်ပြီး Kindle ကို ရောင်းနေတာပါ၊ သင်ပုန်းကွန်ပျူတာ (Tablet) တွေကို ကျွန်တော်တို့ မထုတ်လည်း ထုတ်မယ့် တစ်ခြား ကုမ္ပဏီပေါင်းက ရာချီပြီး ရှိနေပါတယ်၊ အဲ့ ရာချီထဲဝင်ပြီး ကျွန်တော်တို့က ဘာလို့ အများထဲကတစ်ယောက်အဖြစ်နဲ့ ရပ်တည်နေမှာလဲ၊ ကျွန်တော်တို့ စာဖတ်စက် (Ebook reader) ဟာ လုပ်ငန်းတူပြိုင်ဘက်တွေထက် သာနေတာ အားလုံးအမြင်ပါပဲ၊ ကျွန်တော်တို့နယ်မှာ ကျွန်တော်တို့ ထိပ်ဆုံးရောက်အောင် ကြိုးစားလုပ်ကိုင်သွားဖို့ပဲ ဆန္ဒရှိပါတယ်၊ သူများနယ်ဝင်ပြီိး ရောကောသောကော အဖြစ်မျိုး အရောက်မခံနိုင်ပါဘူး၊ ကျွန်တော်တို့ စာဖတ်စက်တွေပဲ ဆက်ထုတ်သွားမှာပါ” ဟု ၎င်းက သဘောထားကို ရှင်းလင်းတင်ပြသွားသည်။

          ဘီးဇော့၏ ရဲရဲဝံ့ဝံ့ ဆုံးဖြတ်လုပ်ကိုင်ခဲ့မှုက ယခုဆို သူ မှန်ကြောင်း ပြနေပြီ။ အက်ပဲ၏ အိုင်ပတ်တွေ စပေါ်တုန်းက အိုင်ပတ်သည် Kindle စာဖတ်စက်များကို သတ်ပစ်လိမ့်မည်ဟု လူတွေက ထင်ကြေးပေးခဲ့သော်လည်း ဘီးဇော့ကား မကြောက်မရွံ့ ရှေ့ဆက်ခဲ့သည်။ ယခု အိုင်ပတ်သည် Kindle ကို မသတ်နိုင်။ Kindle က သူ့လိုင်းနှင့်သူ သူ့ပရိသတ်နှင့်သူ ခိုင်မာနေပြီ။ ဘီးဇော့ ကြိုတင်ပြောကြားခဲ့သလို ယခုအခါ အိုင်ပတ်နှင့်ပြိုင်မည့် သင်ပုန်းကွန်ပျူတာကုမ္ပဏီက ရာချီပြီး ရှိလာပြီ။ Kindle ကိုသာ သင်ပုန်းကွန်ပျူတာလိုင်းဘက် ပြောင်းလိုက်မည်ဆို ယခုလောက်ဆို Kindle လည်း တစ်ရာထဲက တစ်ခု ဘဝနှင့်ပင် လုံးချာလည်နေဦးမည်။ သူများစကား နားမယောင်တတ်သော ဘီးဇော့၏ ရဲရင့်သည့် ဆုံးဖြတ်ချက်ကြောင့်သာ Kindle ထူထူထောင်ထောင် ဖြစ်လာရခြင်းဖြစ်သည်။

          လုပ်နေကျ၊ သွားနေကျ သမားရိုးကျ လမ်းဟောင်းကြီးများမှ ခွဲထွက်ပြီး လုပ်ဖို့၊ သွားဖို့ဆိုတာ တော်တော်ခက်သည်။ ကိုယ်က သွားရဲတယ်ဆိုရင်တောင် ဘေးလူတွေက ဟေ့…မဖြစ်ဘူးနော်…မလုပ်နဲ့…ကွိသွားမယ်ဆိုတာမျိုး ဝိုင်းပြော ဝိုင်းဖျက်လို့ ပျက်သွားရသည့် လုပ်ငန်းခေါင်းဆောင်တွေ အများကြီးရှိသည်။ ကိုယ်တိုင်က သွားရဲဖို့လိုသလို၊ သူများစကားနားယောင်ပြီး နောက်ဆုတ်တတ်သည့်စိတ်ကိုလည်း ဖျောက်နိုင်ဖို့ လိုသည်။ ပတ်ဝန်းကျင်၏ ဖိအားကို မခံနိုင်၍ လုပ်ငန်းသစ်များ အကောင်အထည်မဖော်ရဲသော လုပ်ငန်းခေါင်းဆောင်တွေ အများကြီးရှိနေသည်။ ထိုခေါင်းဆောင်တွေသည် လုပ်ရဲကိုင်ရဲ စွန့်စားရဲသော ခေါင်းဆောင်အရည်အချင်းရှိသည့်လူတွေနှင့် တွေ့သည့်အခါ အလိုလို နောက်ရောက်ကုန်ကြလိမ့်မည်။ ယနေ့ စီးပွားရေးလောကသည် လုပ်ရဲ ကိုင်ရဲ စွန့်စားရဲ ဆန်းသစ်တီထွင်ရဲသော ခေါင်းဆောင်မျိုးတွေကို တောင်းဆိုနေပြီ။ သူများလုပ်တာလောက် လိုက်လုပ်တတ်သော ခေါင်းဆောင်မျိူး ဦးဆောင်သော လုပ်ငန်းသည် သူများနောက်ကသာ နေရလိမ့်မည်။ သူများထက် ထူးအောင် ချွန်အောင် ခွန်အားစိုက်လုပ်လိုစိတ်ရှိသော ခေါင်းဆောင်ကောင်း ဦးဆောင်သော လုပ်ငန်းမျိုးသာ ယနေ့ ခေတ်ကြီးတွင် သူများရှေ့က ရပ်တည်နိုင်မည်ဖြစ်သည်။

                                                                                                သန်းထိုက်စိုး
Ref: Do You Pass the Leadership Test? By Bill Taylor