ဒီမိုကရေစီ လေ့လာရေးစာစဉ် အခန်း(၃) အပိုင်း(၁)

 နိုင်ငံတော်ဆိုသည်မှာ

        ပြီးခဲ့သောအခန်း၌ နိုင်ငံရေးနှင့်ပတ်သက်၍ အရစ္စတိုတယ်နှင့် မာခီယာဗယ်လီတို့၏ ရှုမြင်သုံးသပ်ချက် နှစ်ရပ်အကြား တည်ရှိသော ၀ိရောဓိအကြောင်းကို ဆွေးနွေးခဲ့ပြီး ဖြစ်ပါသည်။ နိုင်ငံရေးဟူသည် အရာများစွာတို့ လွန်ထိုး ယှက်နွယ်လျက်ရှိပြီး အဓိပ္ပါယ်အမျိုးမျိုးထွက်နိုင်သော သဘောတရားဖြစ်ပါသည်။ ဤအခန်းတွင် “နိုင်ငံရေး” ကဲ့သို့ အလားတူခက်ခဲသော သဘောတရား တစ်ရပ်ဖြစ်သည့် “နိုင်ငံတော်” နှင့် ပတ်သက်သော အဓိပ္ပါယ်ဖွင့်ဆိုချက် တစ်ခုသို့မဟုတ် အဓိပ္ပါယ် ဖွင့်ဆိုချက်တစ်ခုကို ကြိုးပမ်းဖော်ထုတ်သွားမည် ဖြစ်ပါသည်။ ဤတွင် “နို်င်ငံရေး” ၏ အဓိကအာရုံစူးစိုက် ရာသည် “နိုင်ငံတော်” ဖြစ်သည်ဆိုခြင်းကို ကျွန်ု့ပ်တို့ အဆိုင်းမတွ ပြောဆိုနိုင်ပါသည်။

သို့သော် နိုင်ငံတော်နှင့် တစ်နည်းတစ်ဖုံ ပတ်သက်မှုမရှိသည့် နိုင်ငံရေးအကြောင်းကို စိတ်ကူးဖြင့် ပုံဖော်ရန် ဆိုသည်မှာမူ ကျွန်ုပ်တို့အတွက်ခက်ခဲလှပါသည်။ နို်င်ငံရေးသိပ္ပံပညာရှင်များနှင့် မနုဿဗေဒ ပညာရှင်များက ရံဖန်ရံခါ ဆိုတတ်ကြသည်မှာ ရိုးစင်း၍ ရှေးကျသောလူ့အဖွဲ့အစည်းများသည် “နိုင်ငံမဲ့” များဖြစ်သည် ဟူ၍ပင်။ ဤသို့ ပြောဆိုကြခြင်းမှာ ထိုလူ့အဖွဲ့အစည်းတို့သည် အရွယ်ပမာဏ သေးငယ် သည့်အပြင် ဖွဲ့စည်းပုံ သတ်သတ်မှတ်မှတ်ရှိသော ဌာနများ မတည်ရှိခြင်းကြောင့် ဖြစ်မည့် ဤကဲ့သို့သော ဆွေမျိုးအုပ်စုများကို အဖေ၊ အဖိုး သို့မဟုတ် အုပ်စုအတွင်းမှ အသက်အကြီးဆုံးယောက်ျား (ရံဖန်ရံခါ မိန်းမ) တို့က ဦးဆောင်ကြပါသည်။ သို့သော် ကျွန်ုပ်တို့အနေဖြင့် ဖော်ပြပါ ကျောက်ခေတ်လူ့အဖွဲ့အစည်း မျိုးထက် တတိယကမ္ဘာနိုင်ငံများ အပါအ၀င်ဖြစ်သော၊ နိုင်ငံတစ်နိုင်ငံအဖြစ် တည်ရှိနေကြသည့် ခေတ်သစ် လူ့အဖွဲ့ အစည်းများအကြောင်းကိုသာ အဓိက စိတ်ဝင်စားပါသည်။

          “နိုင်ငံတော်” ဟူသော ဝေါဟာရသည် ဂုဏ်မဲ့ (ကြားနေ) ဝေါဟာရတစ်ရပ် ဖြစ်ပါသည်။ တနည်းဆိုရ သော် စိတ်ခံစားမှုရှုထောင့်မှ သုံးသပ်ချက်အရ ကောင်းသော နိုင်ငံတော်များနှင့် ဆိုးသော နိုင်ငံတော်များဟူ၍ တည်ရှိနိုင်ပါသည်။ ဂျာမနီနိုင်ငံကို ၁၉၃၃ ခုနှစ်မှ ၁၉၇၅ ခုနှစ်အထိ အုပ်ချုပ်ခဲ့သော နာဇီအစိုးရ၊ ကမ္ဘောဒီးယား နိုင်ငံကို ၁၉၇၅ ခုနှစ်မှ ၁၉၇၈ ခုနှစ်အထိ အုပ်ချုပ်ခဲ့သော ခမာနီတို့၏ “ဒီမိုကရက်တစ် ကမ်းပူးချား” အစိုးရနှင့် ၁၉၈၈ ခုနှစ် စက်တင်ဘာလ နောက်ပိုင်းမှစ၍  မြန်မာနိုငံကို အုပ်ချုပ်နေခဲ့သော န၀တ စစ်အစိုးရ စသည်တို့ အားလုံးသည် နိုင်ငံတော်များ ဖြစ်ကြပါသည်။ ထိုနည်းတူစွာ ဆွစ်ဇာလန်နိုင်ငံ အစိုးရ၊ အမေရိကန်ပြည်ထောင်စု သမ္မတနိုင်ငံ၊ ပဉ္စမမြောက် ပြင်သစ်သမ္မတနိုင်ငံ၊ ဗြီးတိန်နိုင်ငံ၏ စည်းမျဉ်းခံ ဘုရင့်အစိုးရနှင့် အိန္ဒိယသမ္မတနိုင်ငံ တို့သည်လည်း နို်ငံတော်များ ဖြစ်ကြပါသည်။ နိုင်ငံတော်တို့သည်လည်း လူသားတို့ကဲ့သို့ပင် အကောင်းနှင့် အဆိုး ပေါင်းစပ်၍ တည်ရှိကြပါသည်။

          ၁၉၃၀ ပြည့်လွန်နှစ်များအတွင်းက နိုင်ငံရေးသိပ္ပံပညာရှင်တစ်ဦးသည် နိုင်ငံတော်နှင့်ပတ်သက်သော အဓိပ္ပါယ်သတ်မှတ်ချက် ၁၄၅ မျိုးကို ရှာဖွေတွေ့ရှိခဲ့သည်ဟု ဆိုသည်။ ထိုနောက်ပိုင်းတွင်လည်း များပြားလှ သော အဓိပ္ပါယ်သတ်မှတ်ချက်များ ပေါ်ထွက်ခဲ့သည်ကို သံသယရှိဖွယ်မလိုပါ။ နိုင်ငံရေးသိပ္ပံပညာရှင် ဒေးဗစ်အီစတန် (David Easton) က “နိုင်ငံတော်ဟူသည့် စကားရပ်လောက် လူသားတို့အချင်းချင်း သဘော ထား မတိုက်ဆိုင်ဘဲ အငြင်းပွားခဲ့ရသောစကားရပ်မျိုး ရှိနိုင်ခဲလှသည်” ဟု ဆိုခဲ့ဖူးပါသည်။ Easton. The political system: an inquiry into the state of political science- p 107)။ အနက်အဓိပ္ပါယ် သတ်မှတ် ချက် တစ်ရပ်ကို ရနိုင်ရန် ဆိုသည့်ကိစ္စမှာ လွယ်ကူသောအရာ မဟုတ်ပါ။ နိုင်ငံတော်ကို နားလည်ရန်ကြိုးပမ်း ခြင်းမှာ စင်စစ် အိန္ဒိယပုံပြင်လာ မျက်မမြင်ပုဏ္ဏားခြောက်ယောက် ဆင်စမ်းကြသကဲ့သို့ အမြီးကို စမ်းမိသူက ကြိုး၊ နားရွက်ကိုစမ်းမိသူက ယပ်တောင်၊ နှာမောင်းကိုစမ်းမိသူက မြွေ စသည်ဖြင့် ဆင်ကိုအမျိုးမျိုး အဓိပ္ပါယ်ဖွင့် ဆိုကြသကဲ့သို့ ဖြစ်နေပါသည်။

          မည်သည့်ခေတ်သစ် နိုင်ငံများတွင်မဆို၊ နို်င်ငံတော်တစ်ရပ်၌ အောက်တွင်ဖော်ပြထားသော ဂုဏ်အင်္ဂါ ရပ်များ ပါဝင်ပါသည်။

(၁) လူပုဂ္ဂိုလ်များ။  ။ နိုင်ငံရေးခေါင်းဆောင်များ၊ ဥပဒေပညာရှင်များ၊ အစိုးရ၀န်ထမ်းများ၊ ရဲဝန်ထမ်းများနှင့် စစ်ဝန်ထမ်းများ စသည်အားဖြင့်။

(၂) ဌာနများ။  ။ ပင်ရင်းဥပဒေအရဖြစ်စေ၊ ဖွဲ့စည်းအုပ်ချုပ်ပုံအခြေခံဥပဒေ၊ ဥပဒေမှအတည်ပြုထားသော အခြားဥပဒေများအရ ဖြစ်စေ၊ ကဏ္ဍနှင့်လုပ်ပိုင်ခွင့်များ သတ်မှတ်ပေးခံထားရသည့် အဖွဲ့အစည်းများနှင့် လုပ်ငန်းဆောင်တာများ၊ ဥပမာ-ဥပဒေပြုအဖွဲ့များ၊ အုပ်ချုပ်ရေးဌာနများ၊ စစ်တပ်များ စသည်အားဖြင့်။

(၃) အရင်းအမြစ်ပစ္စည်းများ။  ။ လူမှုအဖွဲ့အစည်းတစ်ရပ်အတွင်း အာဏာကို ထိန်းသိမ်းထားနိုင်ရန်အတွက် နိုင်ငံတော်က လိုအပ်သော အရင်းအမြစ်ပစ္စည်း ပစ္စယများ၊ ဥပမာ-အခွန်အတုပ်၊ မြေ၊ အဆောက်အဦးနှင့် အရွယ်ပမာဏ ကြီးမားသော လုပ်သားအင်အား စသည်အားဖြင့်။

          “နိုင်ငံတော်” ၏ သဘောသဘာဝကို လေ့လာရန်အတွက် ပထမအခန်းတွင် ဖော်ပြခဲ့ပြီးဖြစ်သည့် ရှင်းလင်းလွယ်ကူသော အဓိပ္ပါယ်သတ်မှတ်ချက်ကို ပြန်ကောက်ရမည်ဆိုလျှင် “နိုင်ငံတော်” ဟူသည် ဌာနတစ် ရပ်ဖြစ်၍ -

(၁)     လူမှုအဖွဲ့အစည်းတစ်ခု၏ အချုပ်အခြာအာဏာကို ပြိုင်ဖက်ကင်းစွာ ပိုင်ဆိုင်ပြီး၊ (ပုံမှန်အားဖြင့်) တိတိ ကျကျ သတ်မှတ်ထားသော နယ်နိမိတ်အတွင်း၌ တည်ရှိသည်။ ဆိုလိုသည်မှာ နိုင်ငံတော်သည် သတ်မှတ်ထား သော ပိုင်နက်တစ်ခုတွင် နေထိုင်သည့် သတ်မှတ်ထားသော လူ့အဖွဲ့အစည်းတစ်ခုကို ထိန်းချုပ်ထားခြင်းဖြစ် သည်။

(၂)     သဘောတရားရေးရာအရဖြစ်စေ၊ အုပ်စုသဘောအရဖြစ်စေ၊ တူညီသောလူမှုရေး ဦးတည်ချက်အရ ဖြစ်စေ၊ သို့မဟုတ် ဘာသာရေးအရဖြစ်စေ ၄င်းတို့၏ အချုပ်အခြာအာဏာပိုင်ခွင့်ကို တရားဝင်ကြောင်း ထုတ် ဖော်ကြေညာလေ့ရှိသည်။ နိုင်ငံတော်သည် အာဏာရှိရုံမျှသာမက တရားဝင် အုပ်ချုပ်စီရင်ပိုင်ခွင့် ပါရှိကြောင်း ထုတ်ဖော်ကြေညာလေ့ရှိသည်။

          ဖော်ပြပါ အဓိပ္ပါယ်သတ်မှတ်ချက်၏ ပထမပိုင်းမှ စတင်ဆွေးနွေးပါမည်။ ပြိုင်ဖက်မဲ့သော “အချုပ်အခြာ အာဏာ” ဆိုသည်မှာ မည်သည့်အရာကို ဆိုလိုပါသနည်း။ ဤသည်မှာ ရှုတ်ထွေးသော ကိစ္စတစ်ရပ် ဖြစ်ပါ သည်။ (ကျွန်ု့ပ်တို့ စိတ်ဝင်စားစွာ လေ့လာလိုသော) လူမှုအဖွဲ့အစည်းတိုင်းသည် နိုင်ငံတော်တစ်ရပ်ကို ပိုင်ဆိုင် ၍ ယင်းတို့၌ အခြားသော လူများအပေါ်တွင် သြဇာအာဏာ ရှိကြသူတို့ ပါဝင်ပါသည်။ ဥပမာအားဖြင့်-မိဘများ က သားသမီးအပေါ်၊ အလုပ်ရှင်က အလုပ်သမားအပေါ်၊ ဘာသာရေးခေါင်းဆောင်များ က ယုံကြည်သက်ဝင် သူတို့အပေါ် ကာယအစွမ်းကြီးသူများက ကာယစွမ်းအား ချို့တဲ့သူများအပေါ်၊ ဥာဏစွမ်းအား ကြီးသူများက ဥာဏစွမ်းအား နည်းသူတို့အပေါ် စသည်အားဖြင့် သြဇာသက်ရောက်မှု ရှိကြပါသည်။ အဖွဲ့အစည်းတိုင်းတွင် အားကြီးသူတို့က အားနည်းသူတို့အပေါ် ထိန်းချုပ်တတ်သော သာဓကများ မရေတွက်နိုင်အောင် ရှိနေပါသည်။ တဖန် အခြားဥပမာတစ်ခုအနေဖြင့် လူမှုအဖွဲ့အစည်းတိုင်းလိုလို၌ လင်ယောက်ျားတို့သည် ဇနီးမယားတို့အပေါ် ထိန်းချုပ်လေ့ရှိသော်လည်း တခါတရံ တကယ့်အခြေအနေသည် ပြောင်းပြန်ဖြစ်နေတတ်ပါသည်။ အရေးကြီး သောကိစ္စတပ်ရပ်မှာ ၊ နေ့စဉ်ဘ၀တွင် သာမန်လူသားတို့ ကျင့်သုံးလေ့ရှိသော သြဇာအာဏာနှင့် နိုင်ငံတော် တစ်ရပ်က ကျင့်သုံးနေသာ အချုပ်အခြာအာဏာ တို့ မည်သို့မည်ပုံ ကွာခြားကြသည်ဆိုသော ကိစ္စဖြစ်သည်။

          အဖြေမှာ နိုင်ငံတော်တစ်ရပ်ထံတွင် လူမှုအဖွဲ့အစည်းတစ်ခုအတွင်းရှိ အခြားသော လူပုဂ္ဂိုလ်များ၊ အဖွဲ့ အစည်းများ သို့မဟုတ် ဌာနများက  ပိုင်ဆိုမှုမရှိသည့် အာဏာနှင့် အုပ်ချုပ်စီရင်ပိုင်ခွင့် တို့အားဖြင့် ဆောင်ရွက် အကောင်အထည်ဖော်နိုင်သည့် သီးသန့်ုလုပ်ငန်းဆောင်တာများ ရှိနေခြင်းပင်တည်း။ ယင်းလုပ်ငန်းဆောင်တာ များအနက်-

(၁)     ဥပဒေပြုသူများ သို့မဟုတ် ဥပဒေပြုအဖွဲ့အားဖြင့် ဥပဒေများ ပြဋ္ဌာန်းထုတ်ပြန်ခြင်း။

(၂)     နို်င်ငံတော်က တည်ထောင်၍ စံမံခန့်ခွဲသော တရားရုံးတို့အားဖြင့် ရာဇ၀တ်မှုများနှင့် တရားမမှုများကို တရားစီရင်ခြင်း။

(၃)     နိုင်ငံတော်၏ လုပ်ငန်းဆောင်တာများကို ဘဏ္ဍာရေးအားဖြင့် ပံ့ပိုးရန်အလို့ငှာ နိုင်ငံသားတို့ထံမှ အခွန် အတုပ်ကောက်ခံခြင်း။

(၄)     တရားရုံး၊ ပုလိပ်အဖွဲ့ သို့မဟုတ် အခြားနည်းလမ်း တရပ်ရပ်တို့အားဖြင့် ပြည်တွင်း တရားဥပဒေစိုးမိုးရေး ကို ထိန်းသိမ်းစောင့်ရှောက်ခြင်း၊

(၅)     လက်နက်ကိုင်တပ်ဖွဲ့များကို တည်ထောင်ထိန်းသိမ်းခြင်းအားဖြင့် နိုင်ငံတော်အား ပြည်ပရန်မှကာကွယ် စောင့်ရှောက်ခြင်း၊

(၆)     အခြားနိုင်ငံတို့နှင့် သံတမန်ရေးရာ ဆက်သွယ်ဆောင်ရွက်ခြင်း။

(၇)     နိုင်ငံတော်အချို့က ဆောင်ရွက်ကြသော်လည်း အချို့ကဆောင်ရွက်ခြင်းမရှိသော လုပ်ငန်းဆောင်တာ များဖြစ်သည့် လူထုပညာရေး၊ လူထုကျန်းမာရေး၊ စီးပွားရေးစီမံကိန်း၊ (ဆိုရှယ်လစ်နိုင်ငံများကဲ့သို့) နိုင်ငံပိုင် စီးပွားရေးလုပ်ငန်းများကို စီမံခန့်ခွဲခြင်း၊ နိုင်ငံတော်ဘာသာကို ဦးဆောင်ခြင်း သို့မဟုတ် အထောက်အပံ့ပေးခြင်း (ဥပမာ-စစ်ကြိုခေတ် ဂျပန်နိုင်ငံတွင် ဘုရင်က နိုင်ငံတော်ဘာသာကို ကာကွယ်စောင့်ရှောက်သူအဖြစ် တည်ရှိခဲ့ ခြင်းနှင့် အီရန် အစ္စလမ်မစ် သမတနိုင်ငံတွင် အစ္စလမ်ဘာသာကို နိုင်ငံတော်ဘာသာအဖြစ် ထားရှိခြင်း)၊ ယဉ်ကျေးမှုနှင် ပတ်သက်သည်တို့ကို ထောက်အပံ့ပေးခြင်း ( နိုင်ငံတော်က ကဇာတ်ရုံကြီးများ၊ တီးဝိုင်းကြီးများ နှင့် အနုပညာရှင်တို့အား အထောက်အပံ့ပေးခြင်း စသည်ဖြင့်) စီးပွားရေလုပ်ကိုင် ဆောင်ရွက်မှုများအတွက် စည်းမျဉ်းများ ချမှတ်ပေးခြင်း၊ နိုင်ငံခြားနှင့် ကူးသန်းရောင်းဝယ်ခြင်း၊ သဘာဝပတ်ဝန်းကျင်ကို ထိန်းသိမ်းစောင့် ရှောက်ခြင်း စသည့်လုပ်ငန်းဆောင်တာများ ပါဝင်ကြပါသည်။

 

ဆက်လက်ဖေါ်ပြသွားပါမည်။
ABSDF မှထုတ်ဝေသော ဒီမိုကရေစီ လေ့လာရေးစာစဉ်မှ ကူးယူဖေါ်ပြပါသည်။