Wednesday, September 21, 2011

ပြည်ထောင်စု မြန်မာနိုင်ငံတော်၏ ပထမဆုံးသော ယာယီသမ္မတကြီးစ၀်ရွှေသိုက်

by Min Thant Syn on Saturday, September 17, 2011 at 4:30pm
 
 
၁၉၄၇ခုနှစ် စက်တင်ဘာလ ၂၅ရက်နေ့တွင် တိုင်းပြည်ပြုလွှတ်တော် တတိယညီလာခံမှ နိုင်ငံတော်ယာယီ သမ္မတအဖြစ် ညောင်ရွှေစော်ဘွားကြီးစ၀်ရွှေသိုက်အား ရွေးကောက်တင်မြှောက်ခဲ့ကြသည် ။

              ၁၉၄၇ခုနှစ် စက်တင်ဘာလ၂၄ရက်နေ့တွင် တိုင်းပြုပြည်ပြုလွှတ်တော် တတိယအကြိမ်ညီလာခံ အဋ္ဌမမြောက် အစည်းအဝေးတွင် အတည်ပြုခဲ့သည်။  ဖွဲ့စည်းပုံအခြေခံဥပဒေအရ နိုင်ငံတော်သမ္မတသည် နိုင်ငံသားအားလုံး၏ အထွတ်အထိပ်ဖြစ်သောကြောင့် ငါးနှစ်တကြိမ် ပါလီမန်လွှတ်တော်နှစ်ရပ်ပေါင်း (ပြည်သူ့လွှတ်တော်နှင့် လူမျိုးစုလွှတ်တော်) အစည်းအဝေးမှလျှို့ဝှက်မဲစနစ်ဖြင့် ရွေးကောက်တင်မြှောက် ရသည်။

သမ္မတသည် နိုင်ငံတော်၏အကြီးအကဲဖြစ်သဖြင့် တတိုင်းတပြည်လုံး၏ ရိုသေလေးစားကိုင်းရှိုင်းမှုကို ခံယူရသည်။ နိုင်ငံတော်သမ္မတ၏ ရာထူးသက်တမ်းသည် ငါးနှစ်ဖြစ်ပြီး၊ မည်သူမဆို သမ္မတရာထူး သက်တမ်းကို နှစ်ကြိမ်ထက်ပို၍ ထမ်းဆောင်ခွင့်မရှိစေရဟု ဖွဲ့စည်းပုံတွင်အတိ အလင်းဖေါ်ပြထားသည်။ သမ္မတသက်တမ်းငါးနှစ်အတွင်း သမ္မတကိုဖြုတ်ချခွင့် မရှိပေ။ သို့သော်သမ္မတသည် နိုင်ငံတော်၏ ကျေးဇူး သစ္စာကို ဖေါက်ဖျက်ခြင်း၊ အခြေခံဥပဒေကိုကျူးလွန်ခြင်း၊ အကျင့်သိက္ခာလွန်ကဲစွာ ပျက်ပြားမှသာ ပါလီမန်က သတ်မှတ်သည့်နည်းများအတိုင်း စွပ်စွဲပြစ်တင်စုံစမ်းစစ်ဆေးပြီး ခိုင်လုံမှသာ သမ္မတကိုရာထူးမှ ထုတ်ပယ်နိုင်သည်။

              နိုင်ငံတော်အစိုးရ၏ဆောင်ရွက်ချက်များကို သမ္မတနာမည်ခံပြီး ဆောင်ရွက်ရမည်။ ပါလီမန်၏ ပြ  ဌာန်းသည့်ဥပဒေများကို သမ္မတလက်မှတ်ထိုးမှသာ အတည်ဖြစ်သည်။ သမ္မတသည် အစိုးရအဖွဲ့၏ ထောက်ခံချက်၊ အကြံပေးချက်တို့ကို လက်ခံပြီးမှသာ ကိစ္စအ၀၀ကိုဆောင်ရွက်ရမည်။ တဦးတည်း ထင်သလို ဆောင်ရွက်ခွင့် မရှိချေ။
ဥပဒေပြုရာ၌လည်း ပါလီမန်က သဘောတူအတည်ပြုထားသည့်ဥပဒေကြမ်းကို သမ္မတထံလက်မှတ် ရေးထိုးရန် ပေးပို့ရသည်။ သို့သော် ခုနှစ်ရက်အတွင်း သမ္မတက လက်မှတ်ရေးထိုးခြင်းမပြုလျှင် သမ္မတက လက်မှတ်ရေးထိုးပြီးသကဲ့သို့ အတည်ဖြစ်သည်ဟု မှတ်ယူရမည်။

            နိုင်ငံတော်ဝန်ကြီးချုပ်ကို ပါလီမန်က ရွေးချယ်တင်မြှောက်ပြီး  သမ္မတက ခန့်အပ်ပေးရမည်။ ၀န်ကြီးများနှင့် နိုင်ငံတော်ရှေ့နေချုပ်၊ နိုင်ငံတော်စာရင်းစစ်ချုပ်များကို ၀န်ကြီးချုပ်က ထောက်ခံပြီးမှ သမ္မတကခန့်အပ်ရမည်။ တရားလွှတ်တော်ချုပ်နှင့် တရားလွှတ်တော်ဝန်ကြီးများကိုလည်း အစိုးရအဖွဲ့က ရွေးချုပ်ပြီး နာမည်တင်သွင်းလာမှုကို ပါလီမန်က အတည်ပြုပြီးမှသာ သမ္မတက ခန့်အပ်ရမည်ဟူ၍ သမ္မတ၏တာဝန်နှင့် လုပ်ပိုင်ခွင့်များကို အပ်နှင်းထားလေသည်။
ထို့ပြင် နိုင်ငံတော်သမ္မတသည် တိုင်းပြည်၏ အထွဋ်အထိပ် နိုင်ငံတော်အကြီးအကဲ ဖြစ်သောကြောင့် နိုင်ငံတော်မှထောက်ပံသည့် အိမ်တဆောင်ဥပဒေအရ ပြဋ္ဌာန်းထားသော လစာငွေ ၅၀၀၀ကျပ်၊ တနှစ် ဧည့်ခံစရိတ် ၂၄၀၀၀ကျပ်၊ နိုင်ငံတော်အတွင်း လှည့်လည်ခရီးသွားစရိတ် ၇၅၀၀၀ကျပ်၊ ၀တ်စုံခ ၁၀၀၀၀ ကျပ် ၊ ဒုတိယအကြိမ် ထပ်မံရွေးကောက်ခံရလျင် ၀တ်စုံခ ငွေ ၅၀၀၀ ကျပ်သာ ရရှိမည်ဟု သမ္မတ၏ ခံစားခွင့်ကိုသတ်မှတ်ပေးထားသည်။

          နိုင်ငံတော်၏ ယာယီသမ္မတအဖြင့် ရွေးကောက်တင်မြှောက်ခံရသော စ၀်ရွှေသိုက်ကို ၁၈၈၆ ခုနှစ် အောက်တိုဘာလ ၁၆ရက်သောကြာနေ့တွင် ညောင်ရွှေမြို့၌ ဖွားမြင်ခဲ့သည် ၊ မိဘများမှာ အင်းတိန်မြို့စား စ၀်ချုံနှင့် စ၀်နန်းဆာတို့ ဖြစ်သည်။ သို့သော်ဖခင်၏အကိုရင်းဖြစ်သူ ညောင်ရွှေစော်ဘွားကြီး ဆာစ၀်မောင် (ဆာစောမောင်) နှင့် ကြင်ယာတော် မဟာဒေ၀ီတို့မှ မွေးစားခဲ့သည်။ မွေးစားဖခင် ညောင်ရွှေစော်ဘွားကြီး ဆာ စ၀်မောင်သည် မန္တလေးနန်းတွင်းတွင် ကြီးပြင်း၍ ၁၈၈၅ခုနှစ်နိုဝင်ဘာလ ၂၉ရက်နေ့တွင် သီပေါမင်း ပါတော်မူချိန် ၌ အရှင်နှစ်ပါးအား ပြန်လည်လု့ယူရန်ကြိုးစားခဲ့သည်။ ထို့အပြင် ၁၉၂၅ခုနှစ်နိုဝင်ဘာလ ၂၄ ရက် နေ့တွင် နတ်ရွာစံသော မိဘုရားခေါင်ကြီး စုဘုရားလတ်၏ ဈာပနတွင် အဓိကအခန်းမှ ပါဝင်ဆောင် ရွက် ပေးခဲ့သူ ဖြစ်သည်။ နောင်တွင်အင်္ဂလိပ်အစိုးရက ညောင်ရွှေစော်ဘွားကြီးစ၀်မောင်အား `ဆာ´ (sir)ဘွဲ့ ချီးမြှင့်ခဲ့သည်။

            စ၀်ရွှေသိုက်သည် တောင်ကြီးမြို့ရှိ ရှမ်းစော်ဘွားသားသမီးများ ပညာသင်သောကျောင်း၌ ပညာသင် ကြားခဲ့သည်။   ငယ်ရွယ်စဉ်ကပင် စစ်ပညာကို ၀ါသနာပါခဲ့သည် ။ ၁၉၁၄ခုနှစ်တွင် ဘားမားရိုင်ဖယ် (Burma Rifile) အင်္ဂလိပ်စစ်တပ်၌ ရိုးရိုးတပ်သားအဆင့်မှ အရာခံဗိုလ်ရာထူးတိုင်အောင် အမှုထမ်းခဲ့သည်။ ပထမ ကမ္ဘာစစ် ၁၉၁၈ခုနှစ်တွင် ဖြစ်ပွားသောအခါ အီရတ်နိုင်ငံ မက်ဆိုပိုတေးမီးယား (Mesopotamia) စစ်မြေပြင် သို့ သွားရောက်ရန် ရန်ကုန်လေဆိပ်၌ စောင့်ဆိုင်းနေစဉ် ရွှေဘိုစစ်ဋ္ဌာနချုပ် ထောက်လှမ်းရေးအရာရှိငယ် အဖြစ်တာဝန် ပေးအပ်ခြင်းခံရသည်။ ၁၉၂၀-၂၃ တွင် မြန်မာနိုင်ငံ အရှေ့မြောက်နယ်ခြားဒေသ၏ စစ်တပ် တာဝန်ခံ အရာရှ်ိငယ် အဖြစ်အမှုထမ်းသည်။ ထို့နောက် စစ်တပ်မှ အနားယူခဲ့သည်။ သို့သော် ဒုတိယကမ္ဘာ စစ် (၁၉၃၉-၁၉၄၅) ဖြစ်ပွား လာချိန်တွင် စစ်မှုထမ်းရန် ပြန်လည်ဆင့်ခေါ်ခြင်းခံရသည်။
          ၁၉၂၇ခုနှစ်တွင် ဖခင်ဖြစ်သူ ဆာစ၀်မောင်ကွယ်လွန်သောအခါ ယင်းနှစ် အောက်တိုဘာလတွင် စော်ဘွားအဖြစ် ရွေးချယ်ခံရသည်။ သို့သော် ၁၉၂၉ခုနှစ် မတ်လ ၈ရက်နေ့မှ ညောင်ရွှေစော်ဘွား အရိုက် အရာကို အင်္ဂလိပ်အစိုးရက ခန့်အပ်ခဲ့သည်။ စော်ဘွားအဖြစ် နယ်သူ နယ်သားများ၏ လေးစားချစ်ခင်မှုကို လည်း ရရှိခဲ့သည်။

           ၁၉၂၉-၃၀တွင်ဟောင်ကောင်၊ တရုတ်ပြည် ၊ ဥရောပနိုင်ငံများနှင့် အင်္ဂလန်ပြည်များသို့ ဒေသန္တာရ ဗဟုသုတရှာမှီးရန် ခရီးအကြိမ်ကြိမ် ထွက်ခဲ့သည်။ ၁၉၃၁နိုဝင်ဘာလ၂၇ရက်နေ့တွင် ဗြိတိန်နိုင်ငံ လန်ဒန်မြို့ အထက်လွှတ်တော် ဘုရင့်ဝတ်လဲတော်ခန်းမ၌ ကျင်းပခဲ့သော မြန်မာနိုင်ငံဆိုင်ရာ ဒုတိယမျက်နှာစုံညီ အစည်းအဝေးသို့ မြန်မာကိုယ်စားလှယ်အဖွဲ့ဝင်၂၄ ဦးတို့နှင် အတူ တက်ရောက်ခဲ့သည်။
         ၁၉၃၇ခုနှစ်ဇွန်လတွင် သိန္နီမြှောက်ပိုင်းစော်ဘွားကြီး၏ သမီးစ၀်ဟုံခမ်းနှင့် လက်ထပ်ခဲ့သည်။ စ၀်ပုံခမ်းသည် သိန္နီစော်ဘွားစ၀်ဟုံဖ၏ ညီမဖြစ်သည်။ သား ၇ယောက် သမီး ၄ယောက် စုစုပေါင်း ၁၁ ဦး ထွန်းကားခဲ့သည်။ သားသမီးများကို အင်္ဂလန်ရှိ ဘုရင့်တက္ကသိုလ်၊ ကိန်းဘရစ်တက္ကသိုလ်တို့၌ ပညာ သင်ကြားစေခဲ့သည်။   
                
စ၀်ရွှေသိုက်သည် ၁၉၄၆ခုနှစ် မတ်လ ၂၈ရက်နေ့တွင် ရှမ်း-ဗမာ ယဉ်ကျေးမှုအသင်း တည်ထောင်ရာ ဥက္ကဋ္ဌအဖြစ် ဆောင်ရွက်ခဲ့သည်။ အတွင်းရေးမှူးအဖြစ် ဂဠုန်ဦးစောဖြစ်သည်။ ၁၉၄၇ခုနှစ် ဖေဖေါ်ဝါရီလ ၃ရက်မှ ၁၂ရက်နေ့ အထိ ပင်လုံမြို့၌ ကျင်းပခဲ့သော သမိုင်းဝင် ပင်လုံညီလာခံ၌ ရှမ်းစော်ဘွားများအဖွဲ့၏ ဒုတိယခေါင်းဆောင်အဖြစ် ပါဝင်ဆောင်ရွက်ခဲ့သည်။ ပထမခေါင်းဆောင်မှာ တောင်ပိုင်းစော်ဘွားကြီး ခွန်ပန်းစိန် ဖြစ်သည်။ စော်ဘွားများဘက်မှ အဓိကဦးဆောင်၍ ပြောဆိုသူဖြစ်သည်။  ဖေဖေါ်ဝါရီလ ၁၂ရက်နေ့တွင် သမိုင်းဝင် ပင်လုံစာချုပ်လက်မှတ်ရေးထိုးသူ ၂၄ ဦးတွင် တဦး အပါအ၀င်ဖြစ်သည်။
တောင်တန်းသားများ စည်းလုံးညီညွန်ရေးအဖွဲ့ (၁၉၄၇) ၏ ဥက္ကဋ္ဌအဖြစ်လည်း ဆောင်ရွက်ခဲ့သည်။ ၁၉၄၇ နယ်စပ်ဒေသ ရှမ်းပြည်အမတ်တဦးအဖြစ် ရွေးချယ်ခံ၍ အခြေခံဥပဒေ ရေးဆွဲရာတွင် ကော်မတီဝင် ၅၅ ဦး ၌ ရှမ်းပြည်အမတ် ၆ ဦးတွင်တဦးအပါအ၀င် အဖြစ် ဆောင်ရွက် ခဲ့သည်။ ၁၉၄၇ ဇွန်လ ၁ ရက်နေ့တွင် မြန်မာနိုင်ငံ တိုင်းပြုပြည်ပြုလွှတ်တော် ဥက္ကဋ္ဌအဖြစ် ရွေးချယ်တင်မြှောက်ခြင်း ခံရသည်။

ထို့နောက် ၁၉၄၇ ခုနှစ် စက်တင်ဘာလ ၂၅ ရက်နေ့တွင် တိုင်းပြုပြည်ပြုလွတ်တော် တတိယညီလာခံက ညောင်ရွှေစော်ဘွားကြီးစ၀်ရွှေသိုက်ကို နိုင်ငံတော် ယာယီသမ္မတအဖြစ် ရွေးကောင်တင်မြှောက်ခဲ့ကြသည်။ နိုင်ငံတော်ယာယီသမ္မတကြီးအဖြစ် ၁၉၅၂ ခုနှစ် မတ်လ၁၂ရက်နေ့အထိ တာဝန်ထမ်းဆောင်ခဲ့သည်။ သမ္မတသက်တမ်းအတွင်း ၁၉၅၀ပြည့်နှစ် နိုဝင်ဘာလ ၂၆ရက်နေ့တွင် ရန်ကုန်မြို့ မဟာဗန္ဓုလပန်းခြံ၌ ၁၉၄၈ခုနှစ် ဇန်န၀ါရီလတွင် တည်ဆောက်ခဲ့သော လွတ်လပ်ရေး ကျောက်တိုင်ဖွင့်ပွဲအခမ်းအနားကို တက်ရောက် ဖွင့်လှစ်ပေးခဲ့သည်။
ထို့နောက် သမ္မတသက်တမ်း ကုန်ဆုံးပြီး ၁၉၅၂မှ ၁၉၆၀ ပြည့်နှစ်အထိ လူမျိုးစုလွှတ်တော်ဥက္ကဋ္ဌအဖြစ် ဆက်လက် တာဝန်ယူခဲ့သည်။ ၁၉၆၀ပြည့်နှစ် ဧပြီလ ၈ ရက်နေ့တွင် လူမျိုးစုလွှတ်တော်အစည်းအဝေးတွင် စ၀်ရွှေသိုက်အား သဘာပတိအဖြစ်ခန့်အပ်ခဲ့သည်။ ၁၉၆၀ပြည့်နှစ် သြဂုတ်လတွင် မြန်မာချစ်ကြည်ရေးအဖွဲ့ကိုဦးဆောင်၍ ချက်ကိုစလိုဗက်ကီးယားနိုင်ငံ သို့လည်း သွားရောက်ခဲ့သည်။
အိမ်စောင့်အစိုးရလက်ထက် ၁၉၅၉ ခုနှစ် ဧပြီလ ၂၄ရက်နေ့တွင် အခြားရှမ်းစော်ဘွား ၂၉ ဦး နှင့် အတူ စော်ဘွား အာဏာကို စွန့်လွတ်ခဲ့ရသည်။

သမ္မတကြီး စ၀်ရွှေသိုက်သည် အမျိုးဘာသာ၊ သာသနာ၊ ပညာတွင် ကြိုးပမ်းဆောင်ရွက်ခဲ့မှုကြောင့် နိုင်ငံတော်မှ ချီးမြှင့်သော အဂ္ဂမဟာသရေစည်ဘွဲ့၊ အဂ္ဂမဟာသီရိသုဓမ္မဘွဲ့များ ရရှိခဲ့သည်။
ငယ်စဉ်က စစ်မှုရေးရာ ၊အားကစား၊ ဘောလုံး၊ ရေကူး၊ ဟော်ကီ၊ ခရစ်ကတ်၊ တောပစ် ၀ါသနာပါ၍ လိုက်စားခဲ့သည်။ သမ္မတဘ၀တွင် ကလေးသူငယ်များစောင့်ရှောက်ရေးအသင်း၊ အနာကြီးရောဂါသည်များ ကူညီစောင့်ရှောက်ရေးအသင်း စသည့် လူမှုရေးလုပ်ငန်းများတွင် တက်ကြွစွာ ပါဝင်ဆောင်ရွက်ပေးခဲ့သည်။
၁၉၄၇ နိုဝင်ဘာလ ၂၀ ရက်နေ့ တွင်အင်္ဂလန်ပြည် လန်ဒန်မြို့ ၀က်စမင်တန်အက်ဘေး ဘုရားရှိခိုးကျောင်း၌ ကျင်းပသော ဆဋ္ဌမမြောက် ဂျော့ဘုရင်၏ သမီးတော်ကြီး အယ်လီဇဘက်မင်းသမီး (ယခု ဒုတိယမြောက် အယ်လီဇဘက်ဘုရင်မ) နှင့် ကြင်ရာတော် ဖီးလစ်မင်းသားတို့၏ လက်ထပ်မင်္ဂလာအခမ်းအနား သို့ မြန်မာနိုင်ငံကိုယ်စား သမ္မတကြီးစ၀်ရွှေသိုက်နှင့် မဟာဒေ၀ီတို့ တက်ရောက် ချီးမြှင့်ခဲ့သည်။
ထို့နောက် လူမျိုးစုလွှတ်တော်ဥက္ကဋ္ဌအဖြစ် ဆောင်ရွက်နေစဉ် ၁၉၆၂ ခုနှစ် မတ်လ ၂ ရက်နေ့၌ ဗိုလ်ချုပ်ကြီးနေ၀င်း ဦးဆောင်သော တော်လှန်ရေးကောင်စီက နိုင်ငံတော်အာဏာကို သိမ်းပိုက်ခဲ့ပြီးနောက် ဖမ်းဆီး ထိန်းသိမ်း ခံခဲ့ရသည်။ သမ္မတဟောင်း စ၀်ရွှေသိုက်သည် ၁၉၆၂ခုနှစ် နိုဝင်ဘာလ ၂၁ ရက်နေ့တွင် ထိန်းသိမ်းထားရာ အင်းစိန်ထောင်၌ ကွယ်လွန်ခဲ့လေသည်။

၁၉၆၂ခုနှစ် မတ်လ ၂ ရက်နေ့တွင် တော်လှန်ရေးကောင်စီမှ အာဏာသိမ်းခဲ့သောနေ့၌ သားဖြစ်သူ မီမီသိုက် တော်လှန်ရေးကောင်စီ၏ စစ်တပ်မှ ပစ်ခတ်မှုကြောင့် သေဆုံးခဲ့ရာ စ၀်ရွှေသိုက်သည် စိတ်ထိခိုက်ခဲ့ရသည်။

(၁) မြန်မာ့စွယ်စုံကျမ်း  အတွဲ၃  စာ၁၈၊၁၉
(၂) မောင်ဇေယျ  မြန်မာလူကျော်၁၀၀ (ပထမအုပ်) ယူနီတီစာပေတိုက်  ၊ ပ ကြိ်မ် ၂၀၁၀ မတ်
(၃)ရေနံမြေခင်စု “ဗမာ့ပထမသမ္မတကြီး” စာပေဗိမာန် မဂ္ဂဇင်း တွဲ ၁ အမှတ် ၁  (၁၉၅၆မေ)
သန်းဝင်းလှိုင်

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...