မိဘတို့အတွက် သားသမီးများပြုစုပျိုးထောင်နည်း (၂)

အထမြောက်အောင်မြင်နည်း၊

ယခင်ကပြုမိသောအမှားများအတွက် ကိုယ့်ကိုကိုယ် အပြစ်မတင်ပါနှင့်တော့၊ အတိတ်ကိုပြုပြင်၍ မရသော်လည်း အနာဂတ်သည် သင့်လက်ထဲတွင်ရှိသည်၊၊

မိဘတဦးအနေဖြင့် မည်သည့်ရည်မှန်းချက်ရှိကြောင်း ဆုံးဖြတ်ထားပါ။

မိဘတို့ ၏လုပ်ငန်းသရုပ်ဖော်ချက်ကို ကိုယ့်ဘာသာခပ်တိုတိုရေးပါ၊

အနီးမှာရှိနေပါ။

သင်သတိမထားမိမှီ အိမ်ကြီးဟောင်းလောင်းဖြစ်လိမ့်မည်၊၊

ကျမတွင် သမီး ၆ယောက် ရှိ၏။ သို့သော် ကျမသတိမထားမိခိုက်မှာပင် သမီး ၆-ယောက်အလုပ်ကိုယ်စီနှင့် ဖြစ်သွားသောအခါ ကျမတို့အိမ်သည် ဟောင်းလောင်းဖြစ် သွားပါတော့သည်။ မိသားစုတနှစ်ကို တခါလောက်အားလုံးပြန်လည်ဆုံကြဖို့ရန်ပင်မလွယ်ပါ၊ တယောက်ကပြန်လာ။ ဟိုတယောက်ကမအားအချိန်မရ။

ခွင့်တောင်းလို့မရ။ ထိုနည်းနှင့်တခါမှ စုစုစည်းစည်းမဆုံကြပါ။ ထို့ကြောင့် သင်သည် သင့်ကလေးတွေနှင့် နေရသောအချိန်ကို အခွင့်ကောင်းများယူ၍ သူတို့၏စိတ်နှစ်လုံးသားထဲကို စိမ့်ဝင်သွားအောင် သူတို့ကို ချစ်တဲ့အကြောင်း ပြောပြပါ။ အခွင့်ကောင်း များကို လက်မလွှတ်ပါနှင့်၊၊ အချိန်ရှိခိုက် လုံးလစိုက်ပါ၊၊ မည်သည့် ကလေးကမျှ သူတို့ကိုမွေးဖွားပေးရန် တောင်းဆိုခဲ့သည် မဟုတ်ပေ။ သူတို့နှင့်တိုင်ပင်ရန် သူတို့လည်း အနီး တွင်မရှိပါ၊၊ ရည်ရွယ်ချက် ရှိသည်ဖြစ်စေ မရှိသည်ဖြစ်စေသင်တို့ကသာ သင်တို့၏ဘ၀ထဲသို့ ကလေးတွေကို ဖိတ်ခေါ်ထားခြင်းဖြစ်သည်၊၊

သူတို့တွေမွေးဖွားလာပြီဆိုသည်နှင့် တစ်ပြိုင်နက် သူတို‹ရှင်သန်ရပ်တည်ရန် အသည်းအသန်လိုအပ်သော ရုပ်ပိုင်းနှင့်စိတ်ပိုင်း လုံခြုံ မှု၊ ချစ်ခြင်းမေတ္တာနှင့် òပစုစောင့်ရှောက်မှုတို‹ကို ပေးရမည်သာဖြစ်သည်။ သူတို့သည် သင်တို့၏မြီရှင်ဖြစ်တော့၏။ ထိုထက်ပို၍ဆိုး သည်မှာ သင့်ကလေးများနှင့် အတူနေရမည့်အချိန်သည် တိုတောင်းလွန်းရုံမက ၄င်းအချိန်ကို အစားထိုးစရာလည်းမရှိပေ၊၊ သင့်က လေးများ သင့်အနီးတွင် နေလိုသည့်ကျောင်းပိတ်ရက်၊ ခရစ်စမတ်ပွဲ စသည့်နေ့ရက်များစွာ မကျန်တော့ပါ၊၊ ထို့ကြောင့် အမြေ‡ာ် အမြင်ရှိသော မိဘတိုင်းသည် ထိုတဖြုတ်ဖြုတ်ကုန်ဆုံးမည့်အချိန်များကို အမိအရဆုပ်ကိုင်တတ်ဖို‹ လိုပါသည်၊၊ အချိန်ရှိခိုက်လုံးလ စိုက်ပါ မကြာမီသူတို့လေးတွေသင့်အနားမှ ထွက်ခွာချိန်ကို ရောက်တော့မည်၊၊ သင်ပုံပြင်များဖတ်ပြရန် သင့်ရင်ခွင်ထဲတိုးဝှေ့အိပ် ရန်၊ သင်နှင့်ဘောလုံးကစားရန် သို့မဟုတ် သူတို့စက်ဘီးကလေးပြင်ပေးရန် မပူဆာတော့သောအချိန်သို‹ မကြာမီရောက်လာ လိမ့်မည်၊၊ ထူးဆန်းသည်မှာ ယခုအချိန် အလုပ်ရှုပ်ရသည်များကို ထိုအချိန်ကျမှ မည်မျှလုပ်ပေးချင်သည်ဆိုစေကာမူ လုပ်ပေးခွင့်မ ရ၍ စိတ်မကောင်းဖြစ်ရဦးမည်၊၊ ပုံပြင်များဖတ်ပြချင်၍မှ ဖတ်မပြနိုင်သောအခြေအနေမျိုးကို ကြုံရဦးမည်၊၊ သင့်ကလေးများနှင့်အတူ နေရသောကာလသည် သင်မသိလိုက်မီ ကုန် လွန်သွားမည်၊၊

အချိန်သည်ငွေဖြစ်သည်ဟု လူအများပြောဆြိုကပါသည်၊၊ သို့သော် ယင်းအဆိုသည်မှန်ပါ၏လော၊၊ တကယ်အရေးကြီးသည်မှာ ငွေ မဟုတ်ပါ၊၊ အချိန်သည် ငွေထက်အပြတ်အသတ်ပို၍ အရေးကြီးသည်၊၊ ငွေကြေးအရမ်းºကွယ်ဝသော်လည်း အချိန်လုံလောက် စွာရှိနေလျှင် အရာရာကိုကျားကွက်ဆင်၍ ကစားသွားနိုင်သည်။ ထို့ကြောင့် သင်မသိလိုက်မီ အချိန်အတောအတွင်းပင် သင့်အိမ်သည် ဟောင်းလောင်းဖြစ် တော့မည်၊၊ ငွေနှင့်မတူသည်မှာ အချိန်ကိုသိမ်းဆည်းထား၍မရ နောက်တစ်ရက်၊ နောက်တစ်နှစ် အထိအချိန် သည် သယ်ဆောင်သွား၍လည်း မရခြင်းဖြစ်သည်၊၊ ထို့အပြင် အလုပ်ခွင်၌ အလုပ်များသည်ဖြစ်စေ၊ နေအိမ်၌ မအား လပ်သည်ဖြစ်စေ၊ သင့်မိသားစုအတွက်လုံခြုံစေရန်၊ သက်တောင့် သက်သာရှိစေရန်နှင့် အနာဂတ် အတွက် အချိန်ပိုပေးနိုင်ရန် ရည်ရွယ်၍ ရာထူးတက်ရန် ကြိုးပမ်းနေသော်လည်း ယင်းကိစ္စတို့အတွက် အချိန်ကစောင့်ဆိုင်းနေမည် မဟုတ်ပါ၊၊ သင့်ကလေးတို့ နောက်မှလုပ်ပေးမည်ဟု အားခဲလျှက် အချိန်ဆွဲ မထားပါနှင့်။ သူတို့တတွေလူကြီးဖြစ်ပြီး အိမ်မှထွက်ခွာသွားသောအခါ သင်ခဲလေ သမျှ သဲရေသာ ကျတော့မည်၊၊

အလုပ်လုပ်ခြင်းကြောင့် အချိန်မရှိခြင်းဟု အကြောင်းမပြသင့်။

ကလေးတွေနှင့်အတူနေရန် အချိန်မရခြင်းအတွက် သင့်အလုပ်ကိုဖြစ်စေ၊ အိမ်အလုပ်ကိုဖြစ်စေ၊ အပြစ်တင်ရန် လွယ်ပါသည်။ အထူး သဖြင့် အသက်မွေးမှုအလုပ်လုပ်ရသော မိခင်တစ်ဦးဖြစ်သည်ဆိုပါက ကလေးနှင့်ဝေးရာ လုပ်ငန်းမှာ အချိန်ကုန်ရသည့်အတွက် ကိုယ့်ကိုကိုယ်အပြစ်တင်မိပြီး စိတ်စနိုးစနောင့်ဖြစ်ရ သေးသည်။ သို့တစေ နေအိမ်နှင့်လုပ်ငန်း ဖိအားလွန်ဆွဲမှုသည် အများယူဆ သကဲ့သို့ သင်နှင့်သင်ကြင်ဖေါ်တို့၏ လုပ်ငန်း တာဝန်များနှင့် မပတ်သက်ဘဲ သင်တို့နှစ်ဦး၏ ကိုယ်ရည်ကိုယ်သွေးနှင့် ပိုမိုပတ်သက်ကြောင်း သတိပြုသင့် ပါသည်၊။ မိသားစုအတွက် အချိန်ပေးရသည်မှာ မလွယ်ပါ။ အလုပ်ကို စွဲစွဲလမ်းလမ်းလုပ်လိုစိတ်နှင့် အပန်းဖြေ အားကစားအလုပ်ကိုလည်း စွဲစွဲလမ်းလမ်းလုပ်လိုစိတ်၊ ၎င်းစွဲလမ်းစိတ်များကို ရောကြည့်ရန် အချိန်ရှာရသည်မှာ လည်း မလွယ်ပြန်ပါ၊၊ သို့သော် တကယ်တမ်းမှာ မိသားစုကိုဂရုမစိုက်အားခြင်းသည် အလုပ်ကြောင့်ဟု ဆင်ခြေ ပေးစရာမလိုဟု ဆိုလျှင် သင့်ကိုယ်ရည် ကိုယ်သွေးကြောင့်ဟူ၍လည်း ဆင်ခြေပေးနိုင်မည် မဟုတ်ပေ၊၊ မိမိကိုယ်ကို အလုပ်စွဲသူဟူ၍ သမုတ်လိုက်ရုံနှင့် အမှန်တရားကို ဖုံးကွယ်မထားနိုင်ပါ၊၊ တသမတ်တည်းဖြစ်မည် ဆိုလျှင် ၀င်ငွေရသည့်အလုပ်တွင် ကိုယ့်ကိုကိုယ်မြုပ်နှံသကဲ့သို့ အိမ် မှုကိစ္စအ၀၀တွင်လည်း အလားတူ တစ်တန်းတစ်စားတည်းထား၍ မြုပ်နှံရမည်သာဖြစ်၏၊၊ ထိုကြောင့် ကိုယ်နှင့်မအပ်စပ်သော ကမ္ပည်းကို ထိုးရန် မကြံစည်ပါနှင့်၊၊ မိသားစုမရှိလျှင် လူသည်လောကကြီးအလယ်၌ အထီးကျန်၍ အအေးဒဏ်နှင့်အတူ တုန်လှုပ် နေသည်ဟု လူတွေကပြောကြပါသည်၊၊

သင့်ကိုယ်ပိုင်ထင်ပေါ်ကျော်ကြားမှုကို အဟုတ်ကြီးမထင်ပါနှင့်၊

ကျနော်တို့လူအများစုသည် အလုပ်ခွင်၌ မိမိကိုယ်ကို တကယ်အရေးကြီးသောပုဂ္ဂိလ်များဟု အထင်ခံလိုကြ သည်၊၊ တကယ်တမ်း မှာ အတ္တအရေးကြီးမှုမှအစပြုကာ နောက်ဆုံးအောက်ခြေလွတ်သည်အထိ မှိုင်းမိမည့် အန္တရာယ် ဖြစ်လာနိုင်သည်၊၊ သင်သည်အ လုပ်တွင် မည်မျှအရေးပါအရာရောက်သည်ဆိုစေ တစ်နေနေ့ တစ်ချိန်ချိန်တွင် သင့်နေရာ၌ တစ်စုံတစ်ယောက်က အစားထိုးဝင် ရောက်လာလိမ့်မည်၊၊ ထို့ကြောင့် သင်သည် အလုပ်ခွင်၌ မရှိမဖြစ်ဟု ကိုယ့်ကိုကိုယ် မလှည့်စားပါနှင့်။ ဤကိစ္စကိုလက်ခံရန် မလွယ်သော်လည်း လုပ်ငန်း ခွင်၌ သင်မရှိလျှင်လည်း ဖြစ်ပါသည်၊၊ နေအိမ်၌မူ သင့်ကလေးများအတွက် သင်သာအဖ၊ သင်သာ အမိဖြစ် ပါသည်။ ကလေးတို့သည် သင်နှင့်အတူတကွနေထိုင်ရန် တကယ်တမ်းလိုအပ်၍ ဆန္ဒလည်းရှိပါသည်၊၊ သူတို့က သင်၏ချစ် မေတ္တာကို ¹ခွင်းချက်မဲ့လိုချင်သည်၊၊ သင်၏တစ်ကြိမ်တစ်ခါအမှားကိုလည်း သူတို့ကဂရုမစိုက၊် စိတ်မဆိုးဘဲခွင့်လွှတ်ရန် အသင့်ဖြစ်၏၊၊

တခါက ချားလ်အမည်ရှိသော လူတယောက်ရှိ၏။ သူ၏မိသားစုအတွက် ၀မ်းစာရှာဖွေရေးမှာ သူ၏ပဓာနတာဝန် ကြီးဖြစ်ကြောင်း ခံယူထား၏၊၊ ထို့ကြောင့် သူ့ကလေးများကိုချစ်သော်လည်း သ‹ူရုံးခန်း၌သာ အချိန်ကုန်လေ့ရှိ ခြင်း ဖြစ်သည်၊၊ သူသည် နေအိမ်၌ရှိ သည့်အခါတွင် သူ‹စာရွက်စာတမ်းများနှင့် အလုပ်ရှုပ်နေတတ်သေး၏။ ထို‹ကြောင့် မိသားစုဘ၀ရှေ့ရေးကောင်းစားဖို‹ သူကလေး ဘ၀တုံးက မရရှိခဲ့သည်များကို ရရှိအောင်အလုပ်ကို ပင်ပင်ပန်းပန်းကြိုးစားသည်။ ယခုအချိန်တွင် အားသွန်ခွန်စိုက်ကြိုးစားသည်၊၊ တချိန်ချိန်တွင် အနားယူနိုင်ပြီး သူအင်အားစိုက်ထုတ်မှု၏ အသီးအပွင့်တို့ကို ချိုမြိန်စွာဆွတ်ခူးနိုင်မည်ဟု တွက်ကိန်းချထား၏၊ နောင်ရေး အတွက် စိတ်အေးရပြီဆိုသည့်အခါ သူ့ဇနီးမယား၊ သမီးသားနှင့် တစ်ချိန်လုံးအတူနေနိုင်မည်ဟု သူစဉ်းစား ထားသည်။ ချားလ်သည် သူတ‹ိုနှင့်အတူ နေချိန်နည်းကြောင်း မိသားစုကညည်းငြူသောအခါ ချားလ်က ဒါမင်းတို့အတွက် လုပ်တာလေဟု စောဒကတက်ခဲ့သည်။ ချားလ်၏အမြင်တွင် သူ့ဇနီးသည် လိုတရဆိုသကဲ့သို့ အပူအပင်ကင်းမဲ့စွာ ပြည့်ပြည့် စုံစုံနေရသည်၊၊ ဇနီး သည်ကမှု သူ့အရိပ်တကြည့်ကြည့်နှင့် အနီးတွင်ရှိနေ စေချင်၍ လက်ထပ်ခဲ့သောသူချစ်သူသည် သူ့အနီးတွင် မည် သည့်အခါမျှမရှိ၊ သူ့ချစ်လင်ကို ရင်တွင်းဖြစ်စကား များ ပြောပြချင်သော်လည်း ပြောခွင့်မကြုံ၊၊ ဇနီးသည်ခမျာ သူ့ကိုဂရုမစိုက်၍ အထီးကျန်ခံစား နေရသည်၊၊ ပထမတော့ဇနီးသည်သည် အလုပ်ကိုချည်း ဖိလုပ်နေသူ ခင်ပွန်းကို မကျေမနပ်ဖြစ်သည်၊၊ သို့သော် သူသည် ခင်ပွန်းအတွက် စိတ်ထိခိုက်ခံစားမှုကို လျော့ချ၍ ခပ်ခွာခွာနေမှဖြစ်မည်ဟု တဖြည်းဖြည်းသဘော ပေါက်လာ၏။ ထိုအခါ အချိန်ပြည့်မိခင်ဖြစ် အောင် ကိုယ်ရောစိတ်ပါမြ‡ုပ်နှံသည်၊၊ ကိုယ်ပိုင်အပေါင်းအသင်း မိတ်ဆွေများ တစ်စတစ်စတိုးပွားအောင်းလည်း ကြံဆောင်လာသည်။

သူမသည် ဤကဲ့သို့သော အစားထိုး လုပ်ငန်းများကို တရစပ်ပြုလုပ်၍ အာရုံပြောင်းသည့်အခါ အထီးကျန် မခံစားရ တော့ဘဲ စိက်သက်သာရာ ရခဲ့တော့၏၊၊ ထိုနောက် ကလေးများကြီးပြင်း၍ ပိုမိုလက်လွတ်လာသော အခါ သူမသည် သူမိတ်ဆွေ အပေါင်းအသင်းများနှင့် ကုသိုလ်ဖြစ်လုပ်ငန်းများတွင် ကိုယ်ဖိရင်ဖိဝင်ရောက် လုပ်ကိုင်တော့သည်။ ချားလ်သည် သူ‹တွက်ကိန်း အတိုင်း အသက်၅၀-ပြည့်သည့်အခါ အလုပ်မှအနားယူ တော့သည်။ ပင်စင်လစာ ကောင်းစွာရသည်၊၊ သူမိသားစုနှင့်အတူ ပျော် ပျော်နေ နိုင်တော့မည် ထင်သည်။ သို့သော် သူ့စိတ်ကူးလေးများ လွင့်စဉ်သွားပြန်သည်။ ထိုအချိန်၌ သူ့ကလေးအားလုံး အိမ်တွင် မရှိတော့ပြီ။ တစ်နယ်ရပ်ခြားသွား၍ ကိုယ့်ဝမ်းကိုယ် ကျောင်းနေကြပြီ၊၊ အနေစိမ်းခဲ့၍လားမပြောတတ်။ သူတို့အလည်လာ သည့်အခါ၌ပင် တစ်ယောက်နှင့်တစ်ယောက် ပြောစရာစကား မရှိသလောက်ပင် ကြောင်အမ်းအမ်း ဖြစ်နေကြသည်၊၊ ထို့အပြင် ဇနီးသည်သည် ခင်ပွန်း၏နံဘေးတွင် တစ်ချိန်တုန်းက အချိန်ပြည့်ရှိခဲ့သော်လည်း ယခုအခါတွင်မူ အမြဲတစေအပြင်ထွက်၍ သူ့အ လုပ်နှင့်သူ အလုပ်ရှုပ်ကာ ခပ်စိမ်းစိမ်းဖြစ်နေပြန်သည်၊၊ ချားလ်ယူခဲ့သောမိန်းမသည် ဤအမျိုးသမီးမှ ဟုတ်ပါလေစ၊၊ သူသည် ပက တိသူစိမ်း တစ်ဦးပမာဖြစ်နေ၏၊

ချားလ်ဝဋ်လည်လေပြီ၊၊ ယခုအခါ အထီးကျန်ခံစားရသူသည် ဇနီးသည်မဟုတ်တော့ပါ၊၊ ချားလ်တ ယောက်နှစ်ရှည်လများ အကြီးအကျယ်ကြိုးပမ်း မျှော်လင့်တောင့်တခဲ့သည်များ မည်သို့ဖြစ်ကုန်ပြီနည်း၊၊ နာရီပေါင်းများစွာ အလုပ် လုပ်သည့်အကျင့်ကြီး စွဲမသွားပါစေနှင့်။ ယင်းအကျင့်ပါမိလျှင် ကောင်ကျိုးထက် ဆိုးကျိုးသာအဖတ်တင်လိမ့်မည်၊၊ ကလေးအတွက် သင်ကြားပေးသောအချိန်၏ အရည်အသွေးကောင်းမှုရှိ/မရှိ အပြတ်သားဆုံးအတိုင်းအတာ နည်းတစ်ရပ်သည် ထိုအချိန်ကာလ ရှည်ကြာမှုရှိမ/ရှိစစ်ဆေးကြည့်ရန်ဖြစ်၏၊၊ ယင်းသည် အမှန်တကယ်အဓိပ္ပါယ်ရှိပါသည်။ အားလုံးခြုံကြည့်လျှင် သင်တစ်စုံတ ယောက်ကို ချစ်ခင်သည့်အခါ သင့်ချစ်သူအနီးတွင်သာ အချိန်ကုန်ချင်သည်မဟုတ်ပါလော။ သို့ဖြစ်ရာ ကလေးအတွက် အချိန်မ ပေးနိုင်သည့် အခါ သင်သည်သူတို‹ကိုတကယ်မချစ်၍သာ သူတို‹အနီး၌သင်မရှိဟု ထင်မည်၊၊ သူတို့သည် မည်သိုပြောပြော၊ မည်မျှ လက်ဆောင်ပေးပေး သူတို‹၏စိတ်ထဲတွင် တစ်စုံတခုကို အရေးတကြီး လိုအပ်နေသေးသည်။ သင့်သား သမီးများ အလိုရှိသည်မှာ သင့်လက်ဆောင်များမဟုတ်ပါ။ သင့်ကိုသူတို့အနီး၌ ရှိစေလိုခြင်း ဖြစ်ပါသည်၊၊

အချိန်ရှိအောင်တဖြည်းဖြည်းစ၍ ဖြည်းညှင်းစွာ ကျင့်သုံးပါ၊၊

ကျနော်တို့၏ကလေးများသည် ကျနော်တို၏အချိန်ပေးမှုကို လိုလားတောင့်တ၏၊ ယင်းကိစ္စသည် ကျနော်တို့အတွက် အရေးကြီး သည်ဆိုလျှင် ကျနော်တို့သည် သူတို့အတွက် အချိန်ပေးရမည်၊၊ အချိန်မပေးနိုင်၍ မည်သို့အကြောင်းပြသည်ဖြစ်စေ အမှန်တ ရားကိုမည်သို့မျှ ဖုံးကွယ်ထား၍မရနိုင်ပါ။ ကလေးတို့ကို ဂရုစိုက်ရန် မည်မျှအရေးကြီးကြောင်း ကျနော်တို့မကြာခဏ သတိလစ် တတ်သည်မှာ ပြဿနာဖြစ်၏၊၊ ကလေးတို့အတွက် အချိန်ပေးရေးကိစ္စကို ဦးစားပေးစာရင်းထိပ်၌ မထည့် သွင်းမိခြင်းသည် အဓိက အားဖြင့်သူတို့ကကျနော်တို့ကို မည်မျှအလိုရှိကြောင်း သတိထားမိလောက်အောင် အတူနေချိန်မရှိ၍ ဖြစ်ပါသည်၊၊ ထို့အပြင် ဤ ကိစ္စသည် ဦးစားပေးစာရင်းအောက်သို့ ရောက်နေ၍ ကျနော်တို့၏ဦစားပေးမှု ပြောင်းလဲရန် လိုအပ်ကြောင်း သိရှိဖို့အ ချိန်လည်းမရှိခဲ့ပေ၊၊ သို့သော် သည်အချိန်တွင်မူ အသိနောက်ကျမည် သာ ဖြစ်တော့၏၊၊ တဖြည်းဖြည်း မိသားစုနှင့်နေရဖို့အချိန် ပေးပါ၊ တကယ်မဖြစ်နိုင်သည်ကို တစ်မဟုတ်ချင်း အကုန်လုံး ပြောင်းပစ်မည်ဆိုခြင်းထက် ဖြစ်နိုင်သည်ကို တဖြည်းဖြည်း စတင်နိုင် ပါသည်၊၊

တစ်ပတ်လျှင်တစ်ကြိမ် သို့မဟုတ် တစ်လတွင်အားလပ်ရက် တစ်ကြိမ်ဆိုသကဲ့သို့ မိသားစုအတွက် ပြင်ပ အနှောင့်အယှက် လုံးဝကင်းသည့် အချိန်မျိုးကိုပေးပါ၊၊ အလုပ်ခွင်၌ ရည်မှန်းချက်ပစ်မှတ်ထားရှိ ဆောင်ရွက် သကဲ့သို့ အိမ်၌လည်း သင့်ရည်မှန်းချက်အောင်မြင်အောင် ဆောင်ရွက်ပါ၊၊ လက်တွေ‹မကျသော ရည်မှန်းချက် များကို စိုးရွံ့မှုများဖြင့် မလုပ်ပါနှင့်။ နက်ဖြန်ခါဟူသည် မည်သည့်အခါမျှမရှိပါ၊၊ ထိုကြောင့် ကျနော်တို့ ကလေးများအတွက် ယနေမှစ၍ပင်အချိန်ပေးပါ၊၊ အချိန်သည် ချစ်ခြင်းမေတ္တာ၏ သာဓကပင်ဖြစ်၏။ သင့်ကလေးများနှင့် နေချိန်ရှိသည့်အခါ သူတို့အတွက် မိသားစုအမှတ်တ ရအတွေ‹အကြုံများ ဖန်တီးပေးပါ။ နောင်ကလေးများကြီးပြင်းလာသည့်အခါ ထိုအမှတ်တရလေးများက ကြီးမားစွာလွမ်းမိုးနေပါ လိမ့်မည်၊၊ မိသားစုက ကိုယ့်ကိုချစ် ကြောင်း သတိရစေသော ထိုအမှတ်တရလေးများသည် သူတို‹၏အနာဂတ်ဘ၀ တည်ဆောက်ရေးအတွက် အင်အာကြီးမားသော စိတ်လှုပ်ရှားမှု အခြေခံကောင်းများ ဖြစ်သည်၊၊ ထိုကြောင့် မည်သည့်နေရာကို သွားသည်ဖြစ်စေ။ မည်သည်ကို ပြုလုပ်သည်ဖြစ်စေ ဤအမှတ်တရလေးများက သူတ‹ို၏စိတ်တွင် ခံစားရသောလုံခြုံမှုကို လွင့်စဉ်မသွားအောင် ထိန်းသိမ်းပေးတော့သည်၊၊

သတိပြုရန်၊၊

၁။ ဘ၀သည်တိုတောင်း၏၊ ထို့ ကြောင့် ယင်းကို အဟောသိကံ မဖြစ်ပါစေနှင့်၊၊

၂။ သင့်ကလေးတွေနှင့် အတူနေရသောနှစ်များကို အစားမထိုးပါနှင့်။ ထိုအချိန်တို့သည် ကုန်လွယ်လွန်းသည်၊၊

၃။ သင့်အဖို့ အခြားအရေးကြီးကိစ္စများကို သင်ကြိုးစားပြုလုပ်သကဲ့သို့ မိသားစုဆိုင်ရာကိစ္စများကိုလည်း အင်တိုက်အားတိုက်  ကြိုးစားပြုလုပ်ပါ၊၊

၎။ သင်မရှိလျှင် မဖြစ်သောတစ်ခုတည်းသောနေရာသည် သင့်နေအိမ်ဖြစ်သည်၊၊

၅။ အရည်အသွေး ကောင်းသောအချိန်သည် ရှည်ကြာသောအချိန်ကာလ၏ ရလဒ်ဖြစ်သည်၊၊

၆။ သင့်ကလေးများအတွက် အချိန်စီစဉ်ခြင်းအလေ့အထကို ပျိုးထောင်ပါ၊၊

၇။ မိသားစုအမှတ်တရလေးများကို ယခုကတည်းက အတူတကွစတင်ဖန်တီးပါ၊၊