အတ္တကင်းတဲ့ ပန်းချီကား.........

                   
        ပန်းချီဆရာတစ်ယောက် ရေးထားတဲ့ ......... ပန်းချီကားတစ်ချပ်...  ကုန်းမြင့်လေးပေါ်က ခြံစည်းရိုးလေးတစ်ခုကို ခပ်လှမ်းလှမ်းကနေ မြက်ခင်းကိုကြားခံပြီး ရေးဆွဲထားတာ........ ပန်းလေးတွေလဲ ပွင့်နေတယ်....  ခပ်ပါးပါး ခပ်ဝါးဝါးလေး....နံနက်ခင်း တစ်ခုရဲ့..   မြူနှင်းတွေအောက်မှာပေါ့.... မြင်ယုံနဲ့ အေးချမ်းသွားတယ်၊ နောက်ပြီး ခြံစည်းရိုးလေးရဲ့ နောက်မှာ ... ဘာတွေရှိနေသေးလဲ ဆိုတဲ့ အတွေးတွေကို ဖြစ်ပေါ်စေခဲ့တယ်...... ။ ဖန်တီးခြင်း အနုပညာ...... ပြည့်စုံနေသလိုနဲ့.... တွေးစရာလေးတွေ ဆက်...နေတယ်။

                              ခံစားမိသူရဲ့ ရင်ထဲမှာ အနုပညာဆန်လှတဲ့..အတွေးတွေ ရှိနေခဲ့ပါတယ်၊ ပုံရိပ်ဖော်ခြင်း အတတ်ပညာတွေကိုသာ ခံစားသမျှ ဖန်တီးတတ်ကြမယ်ဆိုရင်... ဒီကမ္ဘာလောကကြီးမှာ........ ခံစားမှုတွေကို ထိန်းသိမ်းတဲ့ နေရာ အကြီးကြီးတစ်ခု လိုအပ်လာ ပါလိမ့်မယ်.....  အားလုံးကိုမဟုတ်ပေမဲ့လဲ.... တစ်ချို့တစ်ချို့သော အကြောင်းအရာလေးတွေကိုတော့... စာတွေ၊ ပုံပြင်တွေ၊ ပန်းချီတွေ၊ အနုပညာနဲ့ ပိသုကာလက်ရာတွေကတဆင့် ရင်ထဲနှလုံးသားထဲမှာ.... သိမ်းဆည်းထားတတ်ကြတယ်........လို့။

                              ဆောင်းနံနက်ခင်းတစ်ခုမှာ ကောင်မလေးတစ်ယောက် အားကစားဝတ်စုံလေးနဲ့ ပြေးနေတယ်. . နှင်းတွေကြား ထဲမှာပေါ့၊ ကျွန်တော်နဲ့ နေ့တိုင်းဆုံဖြစ်ခဲ့တာကြာပါပြီ..... နေ့တိုင်းဆုံတွေ့လာတော့ မှတ်မိလာတယ်......... ဆောင်းတွင်းကြီးကိုတောင် ကုန်ဆုံးသွားမှာ ကြောက်လာမိတယ်၊ ကောင်မလေးကို မတွေ့ရမှာ စိုးလို့လေ....။

                              ကြာလာတော့လဲ ဆုံဖြစ်တိုင်း ပြုံးပြဖြစ်ခဲ့ကြတယ်..... နှုတ်ဆက်တဲ့ သဘောလေ..   သူနဲ့ပြုံးပြ  နှုတ်ဆက်ဖြစ် ခဲ့ရင် အဲဒီအချိန်လေးတွေတင် မကဘဲနဲ့   တစ်နေကုန် လန်းဆန်းနေတတ်တာ.....  တက်ကြွလာတာတွေက...  တစ်ခုခုဘဲလို့လဲ.တွေး တတ်ခဲ့ပါတယ်။     တဖြည်းဖြည်းနဲ့ နွေ ရောက်လာခဲ့တယ်၊ ကျွန်တော်ကတော့ နေ့တိုင်း  ဆက်ပြေးနေသေးပေမဲ့.... ကောင်မလေးက မလာတော့ဘူး........ ကျွန်တော် နေ့တိုင်း သတိတရ ကြည့်ဖြစ်နေခဲ့တယ်၊  နောက် ...........မိုးတွင်းရောက်လာတယ်၊    ကျွန်တော်လဲ မပြေးဖြစ်တော့ဘူး။

                               ကောင်မလေးကို နေ့တိုင်းသတိရနေမိတယ်...... အပြုံးလေးတွေနဲ့ ပြေးနေတဲ့ ကောင်မလေးဆိုတာက လွဲပြီး ကျွန်တော်ဘာမှလဲ မသိခဲ့ပါဘူး...... ထူးခြားတာတစ်ခုက ဒီကောင်မလေးကို မျက်လုံးထဲမှာ... အလွတ်ရနေတာပါပဲ..... သူ့ကိုသတိရ မိတဲ့ အတွက်....... သူ့ပုံတူကို ပန်းချီကားလေးအဖြစ် ရေးဆွဲချင်နေတာပါပဲ.....၊     ကျွန်တော် ပန်းချီ ရေးဆွဲနည်းတွေ လေ့လာတယ်၊ အချိန်ကန့်သတ်ချက်အရ ပန်းချီဆရာကြီးတွေဆီမှာ...... စနစ်တကျ မသင်ယူနိုင်လို့ အနီးဝန်းကျင်က စုပ်ချက်ကြမ်းကြမ်းနဲ့  ရေဆေး ပန်းချီတွေကို ဆွဲတတ်တဲ့ အသိပန်းချီဆရာတစ်ယောက်ဆီမာ သင်ယူနေတဲ့ သဘောမျိုး လေ့လာမိတယ်။

                               ကျွန်တော် ကောင်မလေးရဲ့ မျက်လုံး၊ နှာခေါင်း၊ ပါးစပ်တွေကို တစ်ခုချင်းစီ ရေးဆွဲရင် အဆင်ပြေပေမဲ့........ အားလုံးဆက်စပ်ဆွဲလိုက်ရင်...... ကောင်မလေးနဲ့ မတူတော့ဘူး၊ ကျွန်တော် ....အကြိမ်ကြိမ်ရေးဆွဲနေခဲ့ပေမဲ့ စိတ်ထဲမှာ မှတ်မိနေတဲ့  ပုံရိပ်တွေနဲ့ တူကို မတူတာလေ......... ။

                               ကျွန်တော် ပန်းချီဆရာကို မေးမိတယ်.. ဘာကြောင့်များ မတူတာလဲလို့လေ... ပန်းချီဆရာက ပြန်ပြောတယ်     `` ခံစားမှုပုံရိပ်လေး ထည့်ပေးလိုက်ပါ...... ပြုံးနေတဲ့ မျက်လုံးလေး ဆွဲပေါ့ ....  ခင်ဗျား ရေးတဲ့ပန်းချီကားက ခင်ဗျားရဲ့ မုဒ်တွေ....... ၀င်နေလို့ဗျ.. အန်ဆီးရေးရင်.... နေးချားမုဒ်ထည့်ဆွဲ.. ပုံတူကြည့်ဆွဲသလို ဆွဲလို့ မရဘူး´´ တဲ့..ကျွန်တော် ကျိုးစားမယ်ဆိုပြီး ပြန်လာ ခဲ့တယ်.. ...... ဆက်ဆွဲတယ်..... စာရွက်တွေ တစ်ချပ်ပြီး တစ်ချပ်.. ထူးမလာဘူး မုဒ်တွေကို ဖြုတ်ပစ်ရမယ်တဲ့..... ကျွန်တော့်မုဒ်က ဘာပါလိမ့်လို့....... ။

                              နောက်တစ်ကြိမ် ဆောင်းရောက်ခဲ့ပြန်ပြီ....... ကျွန်တော် ပြန်ပြီး နံနက်ခင်း ကျန်းမာရေး ပြန်လုပ်ပြီ..... စိတ် ထဲမှာလဲ ပျော်နေသလိုလိုပါပဲ...... ကောင်မလေးကို တွေ့ရနိုင်လို့...... မျှော်လင့်ချက်ရှိနေလို့လေ။

                              မျှော်လင့်ထားသလိုပါပဲ.......... ကောင်မလေးကို တွေ့ပါတယ်..... အဖော်ယောက်ျားလေးတစ်ယောက်နဲ့လေ သူပြေးလာတာ မဟုတ်တော့ဘူး၊ လင်မယားနှစ်ယောက်....... လမ်းလျှောက်နေကြတာ..... ကျွန်တော့်ကို မျက်နှာချင်းဆိုင်တွေ့တော့ သူပြုံးပြသွားတယ်..... ကျွန်တော် ထူးထူးဆန်းဆန်း စိတ်ထဲမှာ အေးစက်သွားတယ်၊ ကျွန်တော် ပြေးနေရာက ရပ်ပြီး နောက်ပြန်လှည့် ကြည့်မိတယ်........ နောက်...ကျွန် တော် ဆက်ပြေးလာခဲ့တယ်.. စိတ်ထဲမှာ အေးစက်စက်နဲ့ အလေးအပင်ကြီးတစ်ခုကို လွှတ်ချလိုက် ရသလို ပေါ့ပါးနေသလိုလို......။

                               ဒီနေ့ကောင်မလေးကို သတိရမိတယ်.  ကျွန်တော် ကောင်မလေးပုံကို အကြိမ်ကြိမ် ရေးဆွဲသိမ်းဆည်းထားတဲ့ ပန်းချီဆွဲတဲ့ ပစ္စည်းတွေကို ထုတ်ပြီး တစ်ခေါက်ပြန်ရေးဆွဲမိတယ်........ ပြုံးနေတဲ့ မျက်လုံးနဲ့ မျက်နှာ ကို ရေးဆွဲနိုင်ခဲ့ပြီ.....     ဒါပေမဲ့ ကျွန်တော် တကယ်ရေးဆွဲခဲ့တဲ့ ကောင်မလေးရဲ့ မျက်နှာ မဟုတ်ဘူး၊ မာမာထန်ထန် ဂျစ်ကန်ကန် မျက်နှာ တစ်ခုဖြစ်နေတယ်၊ စပြီးရေး ဆွဲမိကတည်းကလဲ ကျွန်တော် သတိထားမိခဲ့တယ်..... ကောင်မလေးနဲ့ မတူဘူးလို့လေ.... ဒါပေမဲ့ ကျွန်တော် ဆက်ဆွဲခဲ့တာပါ.....အခု ကျွန်တော် ရေးဆွဲတာ အောင်မြင်သွားပြီလေ......... လွဲချော်ခြင်းတွေနဲ့ပေါ့.......။

                               ကုန်းမြင့်လေးပေါ်က ခြံစည်းရိုးလေးတစ်ခုကို ခပ်လှမ်းလှမ်းကနေ မြက်ခင်းကိုကြားခံပြီး ရေးဆွဲထားတဲ့ ပန်းချီ ကားလေးတစ်ချပ်........   ပန်းလေးတွေလဲ ပွင့်နေတယ်....    ခပ်ပါးပါး ခပ်ဝါးဝါးလေး....  နံနက်ခင်း တစ်ခုရဲ့..    မြူနှင်းတွေအောက် မှာပေါ့. မြင်ယုံနဲ့ အေးချမ်းသွားတယ်၊  နောက်ပြီး ခြံစည်းရိုးလေးရဲ့ နောက်မှာ. ဘာတွေရှိနေသေးလဲ ဆိုတဲ့ အတွေးတွေကို ဖြစ်ပေါ်စေ ခဲ့တယ်...... ။ ဖန်တီးခြင်း အနုပညာ...... ပြည့်စုံနေသလိုနဲ့.... တွေးစရာလေးတွေ ဆက်...နေတယ်။

                               တကယ်တော့ အနုပညာဆိုတာ ကိုယ့်ရဲ့ အတ္တမုဒ်လေးကင်းဖို့ လိုတယ်ထင်တယ်နော်...... အနုပညာက သန့် ရှင်းတယ်၊ တစ်ဘက်သားကို ဒါမှမဟုတ် လူအများကို  ကိုယ်စားပြုတယ်လို့ ခံစားမိတယ်........

                               ကျွန်တော် ငှက်ကလေးနှစ်ကောင်ရဲ့ ပုံလေးကို အန်ဆီး ရေးဆွဲမိတယ်........ အပြုံး အရယ်တွေ မပါတဲ့ စုံတွဲ သဘာဝပုံလေးလေ...... ကျွန်တော် အတ္တကင်းကင်းနဲ့ ရေးဆွဲခဲ့တာပါ......  တော်တော်လှတယ်လို့တော့ .....    ထင်မိသား ပြန်ကြည့် မိတိုင်း ကျွန်တော် ပြုံးဖြစ်နေခဲ့တယ်....... ရိုးရှင်းစွာ ဖန်တီးခြင်း အနုပညာတွေကို ဆက်ပြီးလေ့လာရဦးမယ်.. အမှန်အတိုင်းပေါ့...။

                              

                                   ကိုတင့်