အားလုံးအတွက်ပညာရေး

Written by ပါမောက္ခဒေါက်တာမြင့်မြင့်ခင်    Monday, 11 April 2011 13:12

စာအုပ်တွေကတော့ ဘာသာပြန်သူရဲ့ တာဝန်မို့ ထားပါတော့။ ဆောင်းပါးတွေ ဘာသာပြန်ရာမှာလည်း ကျိုးကြောင်းဆီလျော်မှုနဲ့ အတွေးအခေါ် အမြော်အမြင်ပိုင်းကိုလည်း အလေးပြု ဂရုထားထိုက်ပါတယ်။ ခပ်လွယ်လွယ်နဲ့ ဆောင်းပါးဖြစ်လျှင်ပြီးရော ဆိုပြီး အတုံးလိုက် အတစ်လိုက် မပြန်လိုက်ပါနဲ့။ စာဖတ်သူအပေါ် အကျိုးသက်ရောက်မှုခြင်း မတူပါဘူး။ ကျွန်မ ယဉ်ပါးနေတဲ့ ကျန်းမာရေးဆောင်းပါးတွေ မူတည်ပြီး ပြောရလျှင်တော့ ဒီလို မြန်မာစာဖတ်ပရိသတ်နဲ့ အပ်စပ်တဲ့ ကောက်ချက်ချမှု၊ ဝေဖန်မှု မပါကြပါဘူး။ အချို့ဆို အလွန်တရာမှာ အံမ၀င်ခွင်မကျ ဖြစ်နေပါတယ်။ ဥပမာ- အစားအသောက်မှာ brussel sprout နဲ့ broccoli ကို စားဖို့ တိုက်တွန်းပါတယ်။


သူတို့ဆီမှာ ပေါပေါလောလော နေရာတကာရတာမို့ သူတို့ အခြေအနေနဲ့ ဆီ လျော်ကိုက်ညီပါတယ်။ မြန်မာမှာတော့ brussel sprout ဟာ မရှိသလောက် ရှားပါတယ်။ အဆင့်မြင့် စူပါမတ်ကက်တွေမှာ ဈေးကြီးပေးပြီး
ဝယ်ချင်ပါတယ် ဆိုတာတောင် မရနိုင်တာမျိုးပါ။ broccoli ကတော့ တစ်ခါတစ်ခါ စူပါမတ်ကတ်တွေမှာ ရပါ တယ်။ ဈေးထဲမှာလည်း ပေါ်နေပါတယ်။ အမြင်ပေါတာတော့ မဟုတ်ဘူး။ ဒီလိုဆိုလျှင် ဖြစ်ထိုက်တာက 'ဒါတွေဟာ သူတို့ဆီမှာ ပေါတယ်။ မြန်မာမှာတော့ ရှားလို့ ၀ယ်လို့သိပ်မလွယ်ဖြစ်နိုင်တယ်။ 'သူ့အစား စားသုံးနိုင်တာတွေက -------- လို့ ဆိုသင့်ပါတယ်။ ဒီလိုပြောနိုင်အောင် အနည်းအကျဉ်း သတင်းထောက်လှမ်းတာတော့ လုပ်ရပါတယ်။
ဒါမျိုးရေးချင်လျှင် ဒီလောက်တော့ လုပ်ရမှာပေါ့။ ဒါစာရေးသူရဲ့ စေတနာက ဖော်ပြ ဖန်တီးပေးနေတဲ့ တာဝန်ပဲ မဟုတ်လား။ လုပ်ကိုလုပ်ပေးရမှာပါ။ မဟုတ်လျှင် ထိရောက်မှု အားပျော့သွားပါတယ်။ ဒီလိုပါပဲ အဲဒီအထက်ကညွှန်းတဲ့ ဆောင်းပါးတွေမှာဆို ဓာတ်ပုံတွေကလည်း မသင့်တော်တာတွေ များပါတယ်။ ဥပမာ တစ်ခုထုတ်ပြရလျှင် အသက်(၁၂၀)ကျော် နေနိုင်ဖို့ ဆိုတဲ့ ဆောင်းပါးမှာ ထည့်ထားတဲ့ ဓာတ်ပုံပေါင်း(၄-၅)ခုကတော့ အားလုံးပျိုမျစ်နုနယ်တဲ့ အမျိုးသမီး မော်ဒယ်လှလှလေးတွေ ပုံစံတွေဖောင် (form) ကောင်းကောင်း၊ ဒေါက်ကောင်းကောင်း၊ ရင်သားမောက်မောက်၊ တင်ကဖြိုးဖြိုး နိုင်ငံခြားသား အနောက်တိုင်းသူ ပုံတွေ ဖြစ်တယ်။ တစ်ယောက်က လူငယ်လူရွယ်တွေ သုံးတတ်တဲ့(music player) နားမှာ တပ်ထားတယ်။ နောက်တစ်ပုံက ဂေါက်သီးရိုက်နေတာ။ ဒီပုံတွေ ဘယ်သူ့ကို ရည်စူးပြီး ထည့်ထားတာလဲ။ (၆၀-၇၀-၈၀) ကျော်တွေ အတွက်တော့ မဟုတ်လောက်ဘူး။ ဒီလိုလူတွေ (အမျိုးသမီးဖြစ်စေ၊ အမျိုးသားဖြစ်စေ)က 'တို့အတွက် မဟုတ်ပါဘူး'လို့ မှတ်ချက်ပေးလိုက်မှာ အမှန်ပဲ။ ဒီတော့ စိတ်ဝင်စားမှု လျော့နည်းသွားတယ်။ ယုတ္တိမတန်လို့ ဆွဲဆောင်မှု မရှိဘူး။
အကြောင်းအရာတွေကို တကယ်နှလုံးသွင်းပြီး တကယ်လုပ်မယ့် သူတွေအတွက် ရည်စူးသင့်ပါတယ်။ ဒါမှ ကိုယ်လိုချင်တဲ့ အကျိုးသက်ရောက်မှုရှိမှာ။ မဟုတ်ရင်လည်း ဘယ်လို အကျိုးသက်ရောက်မှုမျိုး ရှိရှိ မရှိရှိ ရေးလိုက်တာပဲလို့ ဆိုချင်တာလား။
ကျွန်မတို့ တိုင်းပြည်ကို အခြား သူတကာတွေနဲ့ ရင်ပေါင်တန်းနိုင်အောင် (knowledge-based society) ပညာကို အခြေခံထားတဲ့ လူမှုအဖွဲ့အစည်း ဖြစ်လာလိုလျှင် ကြိုးစားပြီး အနာဂတ်တိုင်းပြည်၊ အနာဂတ် လူငယ်တွေ မနစ်နာဖို့ အရေးအတွက် ကြိုးစားကြပါလို့ တိုက်တွန်းချင်ပါတယ်  . . .

ဓာတ်ပုံဆိုတာ များတိုင်း၊ ကြည့်လို့လှတိုင်း ကောင်းတာ မဟုတ်ပါဘူး။ ကိုယ်နဲ့ လိုက်ရာလိုက်ရာကို ရွေးချယ် စိစစ်သင့်ပါတယ်။ ဒါမှသာ အဓိပ္ပာယ် ရှိတော့မှာပေါ့။ ဖိုင်(file) ထဲမှာရှိတဲ့ ကြည့်ကောင်းမယ်ထင်တဲ့
ဓာတ်ပုံထည့်မှာပဲဆိုတဲ့ အဆင့်အတန်းကနေ ဘယ်တော့ ပြောင်းတော့မှာလဲ။ အဲဒီလို မလုပ်ပါနဲ့။ လေးနက်မှုနဲ့ အရေးပါမှု (seriousness) ပေါ့ပါးသွားပါတယ်။ အနည်းဆုံး ဒီမှာတော့ နိုင်ငံခြားဓာတ်ပုံ သုံးရတယ် ဆိုတောင်
သက်ကြီးရွယ်အို ဓာတ်ပုံတွေ သုံးသင့်ပါတယ်။ ဒါမှသာ အဓိပ္ပာယ် ရှိတော့မှာပေါ့။

အခြား စဉ်ဆက်မပြတ် ပညာရှာဖွေနည်းများ
ခေတ်အလိုက် လိုအပ်ချက်တွေကို ဖြည့်ဆည်းပေးနေတဲ့ သင်တန်းတွေ အလွန်များနေပါတယ်။ ဒါက လိုတာရှိလို့ ပေးနိုင်အောင် ဖန်တီးထားတာပဲ ကောင်းပါတယ်။ မဟုတ်လျှင် ဘယ်ဘက်လှည့်ပြီး အကူအညီ တောင်းရမယ် မသိဘူး။ သိကြတဲ့ အတိုင်း အခုအချိန်က နိုင်ငံခြားသွားပြီး လုပ်ရတဲ့သူတွေက ခပ်များများပဲ။ ကိုယ့်ဆီမှာက အလုပ်ကရှား၊ နေရထိုင်ရ စားရသောက်ရတာက ဆင်းရဲ ဆိုတော့ ရေကြည်ရာမြက်နုရာလို့ မဆိုနိုင်တောင် ငတ်လုငတ်ခင်တော့ မဟုတ်ဘူးဆိုတဲ့ အလုပ်မျိုးရလျင် သွားကြမှာပဲ။ ဒါလည်း ကောင်းပါတယ်။ တိုင်းပြည်တော်တော်များများ အထူးသဖြင့် ဆင်းရဲတဲ့ တိုင်းပြည်တွေ ဒီလို လုပ်လာကြတာ ကြာပါပြီ။ (services export)လို့ အမည်တပ်ထားတဲ့ ၀န်ဆောင်မှုကို ထွက်ကုန်သဖွယ် သဘောထားပြီး တိုင်းပြည်အတွက် နိုင်ငံခြား ငွေရှာပြီး အလုပ်ဖြစ်နေတဲ့ တိုင်းပြည်တွေ အများကြီး ရှိပါတယ်။ မြန်မာပြည်က ဒီဈေးကွက်ထဲ ၀င်လာတာ နောက်ကျပါသေးတယ်။
ဝင်လာပြန်လာတော့လည်း ခိုးကြောင်ခိုးဝှက် ဆိုတော့ (illegal workers) တရားမ၀င် လုပ်သားလို့ အမည်ခံရတာမို့ နှိမ်ခြင်းခံ လိုက်ရတာ။ ဒါပေမဲ့ ဒီလို အလုပ်လုပ်နေရ အလုပ်ကလေး ရှိတာကပဲ အသက်ဆက်ရမှာဆိုတော့ စွန့်စားခန်းတစ်ခုလို သဘောထားပြီး လုပ်နေကြတာပဲ။
လက်လုပ်လက်စား လူတန်းစားထက် အထက်တန်းကျတဲ့ နိုင်ငံခြားထွက်လုပ်မည့် သူတွေလည်း ရှိကြပါတယ်။ ဒါ့အပြင် တိုင်းပြည်တွင်းမှာပဲ အလုပ်ရဖို့ လုပ်ငန်းခွင်မှာ တတ်တတ်မြောက်မြောက် ကျွမ်းကျွမ်းကျင်ကျင် လုပ်နိုင်ဖို့အရေး သင်တန်း မျိုး မွမ်းမံသင်တန်း ဆိုပါစို့ တက်ကြရပါသေးတယ်။ ဒီသင်တန်းတွေက အမျိုးအစားအားဖြင့် နှစ်မျိုးခွဲနိုင်ပါတယ်။

(၁)အထွေထွေသင်တန်းများ
ဒီမှာ အင်္ဂလိပ်စာ သင်တန်းများက ထိပ်တန်းက ပါပါလိမ့်မယ်။ အင်္ဂလိပ်စာ။ စကားကို အခြေခံလောက်မှ မပြောတတ် မဆိုတတ်ရှိလျင် အလုပ်မှာ မတွင်ကျယ်နိုင်ဘူး ဆိုတော့ ဆက်လက် သင်ကြရတာ။ နိုင်ငံခြားသွား
အလုပ်လုပ်မည့် သူကတော့ ပိုလိုတာပေါ့။ ဒီထဲမှာ အထက်က ပုံဖော်ခဲ့သလို ကလေးငယ်တွေလည်း ပါပါတယ်။ ဒါကတော့ ဆက်လက် အစဉ်တစိုက် ပညာသင်ကြားရေး(continuing education) မျိုး မဆိုနိုင်တော့ပါဘူး။ တကယ့် အခြေခံပညာ သင်ယူရေး ဖြစ်သွားပြီး မိဘ တွေအနေနဲ့ ဟာကွက်တွေ ဖြည့်ပေးတာ ဖြစ်တယ်။

(၂) သတ်သတ်မှတ်မှတ် ပိုမို ကျဉ်းမြောင်းတဲ့ ဦးတည်ချက်များရှိတဲ့ သင်တန်းများ
လက်ရှိ ဖြစ်ပေါ်လာတဲ့ အခြေအနေကို ရင်ဆိုင် ကိုင်တွယ်နိုင်မည့် ပညာနဲ့အတတ်တွေ တိကျစွာ သင်ပေးခြင်းဆိုတဲ့ သင်တန်မျိုးတွေ ဖြစ်ပါတယ်။ ဒါတွေဟာ သတင်းစာထဲမှာ အထူးသဖြင့် ယခု (၄-၅-၆)လ အတွင်း များပြား ထင်ရှားလာတာတွေ ဖြစ်တယ်။ ဘယ်လောက် စုံတယ်။ ဘယ်လောက် အသေးစိတ်ကျတယ်။ သီးခြားထူးကဲတဲ့ ရည်ရွယ်ချက်တွေ ရှိတယ်ဆိုတာ သူတို့ ကြော်ငြာတဲ့ စာသားတွေ၊ ခေါင်းစဉ်တွေ ကြည့်မှသိမှာမို့ အချို့ တင်ပြလိုက်ပါတယ်။
- English Courses
- Foundation English Program
- Communicative English
-  IELTS
- သူနာပြုအကူနှင့် ဆေးဝါးကျွမ်းကျင်မှုသင်တန်း
- Capacity Enhancement Training Course
- စီးပွားရေးနှင့်စီမံခန့်ခွဲမှု မိတ်ဆက်
- ဆေးတက္ကသိုလ်ဝင်ခွင့်နှင့် ကွန်ပျူတာနည်းပညာတက္ကသိုလ် GTC/GTI  ၀င်ခွင့်
- Tourism English နဲ့ တကယ်ပဲ လိုရင်းလိုအပ်ချက်ကို ကျဉ်းကျဉ်းမြောင်းမြောင်း ထဲထဲဝင်ဝင် သင်ပေးမယ်ဆိုတဲ့ စင်ကာပူမှာ အလုပ်သွားလုပ်မယ့် အင်ဂျင်နီယာတွေအတွက် သင်တန်းတွေ ဖြစ်တယ်။ ဒီစာရင်းဟာ မဆုံးသေးပါဘူး။
ဒီသင်တန်းတွေရဲ့ တကယ်ထိရောက်မှုနဲ့ အောင်မြင်မှုကိုတော့ စနစ်တကျ ဆန်းစစ်ထားတာတွေ မတွေ့ရသေးပါဘူး။ အခြား အထူးပြု ဘာသာရပ်တွေ ဖြစ်တဲ့ ဥပဒေပညာ (Law)၊ စီမံခန့်ခွဲရေးပညာ (Management) စတဲ့ ပညာရပ်တွေ အများအစား ပေါ်နေပါတယ်။ IT, Computer ပညာနဲ့ Management ပညာကတော့ ရေပန်းအစားဆုံးပဲ၊ ဒါဟာ ဘာကိုပြသလဲဆိုတော့ မြန်မာလူထုဟာ လိုအပ်နေတဲ့ ခေတ်နဲ့အညီ ပေါ်လာတဲ့ ပညာရေးကဏ္ဍတွေကိုလည်း လျစ်လျူရှုမထားဘဲ ကိုယ်တတ်နိုင်တဲ့ ပညာကို ရှာဖွေနေတာ ဖြစ်ပါတယ်။ ချီးကျူးဖို့ ကောင်းပါတယ်။ သင်ကြားရမည့် သူတွေအတွက် ကုန်ရမယ့်ငွေကတော့ များသထက်များလာမှာ အမှန်ပါပဲ။
ဒါတွေအားလုံး အထူးစပါယ်ရှယ် ၀န်ဆောင်မှုတွေဖြစ်လို့ လိုနေတဲ့ အလုပ်ရှာသူများအတွက် ကောင်းပါတယ်။ တိကျသေချာပြီး အသေးစိတ်ကျတဲ့ လိုအပ်ချက်တွေကို ဖြည့်ဆည်းပေးနေတာတွေပါ။ မြန်မာတွေဟာ ပြင်ပလောကနဲ့ ထိတွေ့မှုနည်းသူ ဆိုတော့ ဒီလို အချောသပ် သင်တန်းတွေ မရှိရင် အလုပ်လုပ်မယ့် နိုင်ငံခြားရောက်တော့ ခေတ်မဆန် လုံးလုံးနောက်ကျနေတာတွေ၊ ချောမွေ့ပြေလည် မဖြစ်တာတွေ ရှိနိုင်ပါတယ်။
အခြား ပညာတိုးတက်ရေးအတွက် လုပ်နိုင်တာတွေ ရှိပါသေးတယ်။ ငွေလည်း သိပ်မကုန်ပါဘူး။ ဒါတွေကတော့ အသင်းအဖွဲ့ အသီးသီးတို့ကပေးနေတဲ့ ဟောပြောမှုများ၊ သင်တန်းများ ဖြစ်ပါတယ်။ နီးစပ်ရာတွေနဲ့ ဆက်သွယ်ပြီး ဘယ်မှာ ဘာ တွေရှိမယ်ဆိုတာ စုံစမ်းပါ။ သတင်းစာထဲမှာလည်း ပါတတ်ပါတယ်။ ဆရာဝန်လောကအတွက်ဆို မြန်မာနိုင်ငံ ဆရာဝန်အသင်းက ဒီလို ပညာပေးတွေကို နယ်မြို့များ အပါအ၀င် မှန်မှန် လုပ်ပေးနေပါတယ်။ ရန်ကုန်မှာဆို 'စဉ်ဆက်မပြတ် ပညာပေး သင်တန်း'တွေဟာ ဆက်တိုက် ဆိုသလို ရှိနေပါတယ်။ တချို့တွေက ငွေကြေးပေးရတယ် ဆိုပေမယ့် အမြတ်အစွန်း ယူတာမျိုး မဟုတ်လို့ အထူး သက်သာပါတယ်။ ဒီလိုပါပဲ အခြား အထူးပညာရှင်(professional) အဖွဲ့ဖြစ်တဲ့ အင်ဂျင်နီယာ၊ ဗိသုကာအဖွဲ့ စတာတွေကလည်း အလားတူ သင်တန်းတွေ၊ ဟောပြောပွဲတွေ ရှိပါတယ်။ ၀ိဇ္ဇာသိပ္ပံ ပညာရှင်များအဖွဲ့ဆို အဆင့်မြင့်ဘာသာရပ် ဟောပြောမှုတွေ ရှိပါတယ်။ ပြပွဲတွေဟာလည်း ပညာရှာမှီးဖို့ရာ အဖိုးတန် အခါအခွင့်တွေ ဖြစ်တယ်။ ဥပမာ-အိပ်ခ်ျအိုင်ဗွီ အကြောင်းပြပွဲ ဆိုပါတော့။ ဒီလိုပွဲမျိုး သွားလိုက်တာနဲ့ ဒီရောဂါအကြောင်း အခြေခံရော အခြားကုသရေး၊ မပြန့်ပွားရေး နောက်ဆုံးပေါ် တွေ့ရှိချက်တွေ သိနိုင်တာပဲ။ ဒါဟာ ဗဟုသုတတွင်မကပဲ ကိုယ့်လုပ်ငန်းမှာ အသုံး ၀င်နိုင်ပါတယ်။
ဝါသနာအဖုံဖုံအတွက် ပေးတဲ့ ဟောပြောမှု သင်တန်းတွေလည်း ရှိတတ်ပါတယ်။ ဥပမာ- ပန်းစိုက်ခြင်း၊ ပန်းအိုးထိုးခြင်း ဒါတွေဟာလည်း သူ့နေရာနဲ့သူ ပညာရှာမှီးရာမှာ အသုံးချနိုင်ပါတယ်။
စာအုပ်။ စာဖတ်ခြင်း အထက်ပါ ဘာသာပြန်စာတွေမကပဲ ကိုယ်လိုချင်တဲ့ ပညာအတွက် တတ်စရာတွေလည်း ရှိပါတယ်။ မဟုတ်လျှင်လည်း လိုနေတဲ့၊ သစ်ဆန်းနေတဲ့ ဗဟုသုတအတွက်လည်း ဖတ်နိုင်ပါတယ်။ ဒီမှာတော့ (Scientific Literacy) လို့ ခေါ်တဲ့ သိပ္ပံပညာ တတ်မြောက် သိရှိရေးအတွက် ကြိုးပမ်းမှုတွေ ရှိရပါလိမ့်မယ်။ မြန်မာလူထုဟာ ဒီကဏ္ဍမှာ ပြည့်စုံဖူလုံခြင်း မရှိဘူးလို့ ဆိုရမယ့် အခြေအနေမှာ ရှိပါတယ်။ တကယ်တော့ ခေတ်မီတိုင်းပြည် ဖြစ်လာဖို့အရေး နိုင်ငံတကာအဆင့် မဆိုနဲ့ဦး၊ အိမ်နီးချင်း နိုင်ငံများနဲ့ ရင်ပေါင်တန်း လိုက်နိုင်ဖို့မှာ မြန်မာတွေ ကြိုးစားရမှာက အများကြီးပါ။
ပညာတတ်တယ် ဆိုရာမှာလည်း လက်တစ်ဆုပ်စာ အပေါ်ဆုံးက မလိုင်သကာအလွှာကို ပြောနေတာ မဟုတ်ပါ ဘူး။ အလွှာတိုင်း အလွှာတိုင်းမှာ ပညာတတ်(Literate) ဖြစ်ဖို့ လိုပါတယ်။ အထူးအလေးပေးရမှာ တွေကတော့ အင်္ဂလိပ်စာနှင့် သိပ္ပံဆိုင်ရာ အတတ်အသိများ (Scientific Literacy) ဖြစ်ပါတယ်။ ကျွန်မတို့ တိုင်းပြည်ကို အခြား သူတကာတွေနဲ့ ရင်ပေါင်တန်းနိုင်အောင် (knowledge-based society) ပညာကို အခြေခံထားတဲ့ လူမှုအဖွဲ့အစည်း ဖြစ်လာလိုလျှင် ကြိုးစားပြီး အနာဂတ်တိုင်းပြည်၊ အနာဂတ်လူငယ်တွေ မနစ်နာဖို့ အရေးအတွက် ကြိုးစားကြပါလို့ တိုက်တွန်းချင်ပါတယ်။
ပညာရေးမှာ ရင်းနှီးမြှုပ်နှံပါ။ ဒီလို မြှုပ်နှံမှုမျိုးဟာ နောင်အခါမှာ အတိုင်းမသိ ကြီးမားတဲ့ အကျိုးအမြတ်မျိုး ပေးနိုင်ပါတယ်။ ဒီလို ရင်းနှီးရာမှာလည်း အထက်က ပြောခဲ့သလို ဆင်းရဲချမ်းသာမရွေး အလွှာပေါင်းစုံ ကျား၊ မ မခြား ပါရပါမယ်။ ဒါကြောင့် ကျွန်မတို့ တိုင်းပြည်အတွက်တော့ နောက်ကျပေမယ့် အခြား တိုင်းပြည်တွေကို အမှီလိုက် ကျော်လွန်သွားဖို့ ဆိုတာက ပညာရေးကိုပဲ အဓိက အားကိုးရပါတော့မယ်။ သတိဖြစ်ကြပါစေ၊ ၀ီရိယစိုက်ထုတ်နိုင်ပါစေ။ အချိန်မလင့်ပါစေနဲ့လို့ ဆုတောင်း လိုက်ရပါတယ်။