မာက္ခ(စ်)၏ အဘိဓမ္မာအမှားတော်ပုံ “-

- ဦးဖိုးသာအောင် - 29/,May, 2011

ကွန်မြူနစ်ဝါဒကို စတင်တည်ထောင်ခဲ့သူ ကားလ်မာက္ခ(စ်) (KARL MARX, 1818-1883) က ဆိုခဲ့သည်မှာ ဘာသာရေးမျာသည် လူသားတို့ကို ဒုက္ခပေးနေသည့် မှိုင်းဖြစ်သည်၊ ဘိန်းဖြစ်သည်၊ ဒါကြောင့် ဘာသာရေးမှိုင်းကို တိုက်ဖျက် ပစ်ရမည် ဟူ၍ ဖြစ်ပါသည်။ (လီနင် ရေး- RELIGION)

မာက္ခ(စ်)ဝါဒသည် နိုင်ငံရေးစနစ်တခု ပြုပြင်ပြောင်းလဲရန် သက်သက် မဟုတ်တော့ဘဲ အဘိဓမ္မာဆိုင်ရာ သဘောတရားရေးဖြင့် ပေါင်းစပ်ထားသဖြင့်လည်း လူသားတို့ ယုံကြည်ကိုးကွယ်မှု ဘာသာတရားပိုင်းကိုပါ ဝေဖန်ပိုင်းခြား ထားသည် ကိုလည်း တွေ့ရပါသည်။ ဤသို့ လူလူချင်း အုပ်ချုပ်ကြရာ၌ အုပ်ချုပ်ခံအများစုက မကျေနပ်ချက်များကြောင့် အုပ်ချုပ်ပုံ နည်းစနစ်များကို ပြုပြင်ပြောင်းလဲ အစားထိုးကြရာ၌ ကားလ်မာက္ခ(စ်)၏ ကွန်မြူနစ်စနစ်သည်လည်း ကမ္ဘာ့သမိုင်းမှာ အကြီးဆုံး အခန်းကဏ္ဍကြီး တခုအဖြစ် မှတ်တမ်းဝင်ခဲ့ပါသည်၊ မာက္ခ(စ်) ဝါဒသည် ကွန်မြူနစ်ဝါဒအဖြစ် ကျော်ကြားလာခဲ့ပါသည်။



ကွန်မြူနစ် အယူအဆ စတင် ရေးသားခဲ့သူ ကားလ်မာက္ခ(စ်) (KARL MARX, 1818-1883)

မာက္ခ(စ်)ဝါဒသည် အခြေခံအားဖြင့် အဘိဓမ္မာ၊ လူ့သမိုင်းနှင့် လူမှုစီးပွားဆက်ဆံရေးသမိုင်းတို့ကို သေချာဂန လေ့လာ စီစစ်သုံးသပ်ချက်များ၏ ရလာဒ်အဖြစ် ဝါဒတခုဖြစ်ပေါ်လာခဲ့ပါသည်၊

အဘိဓမ္မာပိုင်းတွင် ဘာသာရေးများကို တိုက်ဖျက်ပြီး ရုပ်ပိုင်း၏ ပဋ္ဋိပက္ခများ၊ ဝိရောဓိများကြောင့် ဖြစ်ပေါ်တိုးတက်လာသည့် အနုမာနကို ပြဌါန်းပါသည်၊

သမိုင်းကို ချဉ်းကပ်ရာတွင်လည်း လူလူချင်းတွင် ကာယ၊ ဥာဏ၊ ဝီရိယ စွမ်းအား ကွာဟမှုကြောင့် သဘာဝအားဖြင့် ဖြစ်ပေါ်လာရသည့် အုပ်ချုပ်သူနှင့် အုပ်ချုပ်ခံ၊ ဖိနှိပ်သူနှင့် ဖိနှိပ်ခံသဘောတရားကို အဓိက အချက်အဖြစ် မချဉ်းကပ်ဘဲ လူတန်းစားရှိ၍ လူတန်းစား ပဋ္ဋိပက္ခဖြစ်သည်ဟု ယူကာ လူ့သမိုင်းသည် လူတန်းစား သမိုင်းသာဖြစ်သည်ဟု ခံယူခဲ့ကြပါသည်၊

လူမှုစီးပွားရေးပိုင်းတွင်လည်း ကုန်ထုန်ကရိယာနှင့် ကုန်ထုတ်မြေယာများကို ပုဂ္ဂလိက ပိုင်ဆိုင်မှုမပြုဘဲ အများပိုင်၊ ဘုံပိုင်၊ အစိုးရပိုင် ဖြစ်ရမည်ဟု ဆိုသည့် ပုံစံကို ပြဌါန်းကျင့်သုံးသည့် မူပင် ဖြစ်ပါသည်။

ဤရေသောက်မြစ်သုံးသွယ်မူကိုခံယူပြီး ကွန်မြူနစ်ဝါဒကို လက်တွေ့အကောင်အထည်ဖော်ခဲ့သဖြင့် ဆိုဗီယက်အင်ပါယာတွင် ၁၉၁၉ ခုနှစ်လောက်ကစပြီး အောင်မြင်မှုများ ရခဲ့ကြပါသည်၊ မာက္ခ(စ်)ဝါဒကို ရုပ်လုံးပေါ်အောင်မြင်သည်အထိ ကနဦးကြိုးပန်းခဲ့သူမှာ ရဲဘော်ကြီးလီနင် (VALDIMIR ILYICH LENIN, 1870-1924) ပင် ဖြစ်ပါသည်။


ကွန်မြူနစ် ရဲဘော်ကြီးလီနင် (VALDIMIR ILYICH LENIN, 1870-1924)

ဤကဲ့သို့ ကွန်မြူနစ်ဝါဒကို အထမြောက်အောင်မြင်ခဲ့သည့် ဆိုဗီယက် အင်ပါယာနိုင်ငံကြီးသည် တဖြည်းဖြည်း ဆင်းရဲမွဲတေ ငတ်ပြတ် လာသည့် ပြည်သူ လူထုကြီးကို ဆက်လက်ဦးမဆောင်နိုင်သည့်အတွက် 1989 ခုနှစ်တွင် အစိတ်စိတ် အမွှာမွှာ ကွဲကြပြီး ဆိုဗီယက်အင်ပါယာ၏ ကွန်မြူနစ် စနစ်သည် သမိုင်းတခု နိဂုံးချုပ် သွားပါတော့သည်၊

လက်ကျန်ကွန်မြူနစ်နိုင်ငံများသည်လည်း သူတို့၏ ပြည်သူလူထုက လက်ခံနိုင်စွမ်း မရှိဖြစ်နေသော အခြေအနေနှင့် ရင်ဆိုင်နေကြရသည်သာ ဖြစ်နေပါသည်။

နဂိုကတည်းက ကားလ်မာက္ခ(စ်)၏ တွေးခေါ်မှု အယူအဆ မှားယွင်းခဲ့သောကြောင့် ဖြစ်ပါသည်။ ကမ္ဘာ့လူသားတို့ လက်ခံနိုင်မှု မရှိသောကြောင့် ဖြစ်ပါသည်၊ အဘယ်ကြောင့် ကွန်မြူနစ်ဝါဒသည် ကမ္ဘာပေါ်တွင် ကျဆုံးလာနေရပါသနည်း၊ အဖြေမှာ ရှင်းပါသည်၊

အဘိဓမ္မာ အမှားသည် ရေသောက်မြစ် ဖြစ်သဖြင့် အဓိကအမှားဟု ဆိုရပါမည်၊
လူသည် ရုပ်ဒြပ်အမှုန်တို့ဖြင့် ဖွဲ့စည်းထားပြီး ဆင့်ကဲ တိုးတက်ဖြစ်စဉ် ကြောင့် အသိတရားရှိ လူသားဟူ၍ ဖြစ်တည်လာရသည်ဟူသော ရုပ်ဝါဒအခြေခံအယူအဆပင်ဖြစ်သည်၊

၎င်း အနုမာနသည် နာမ်နှင့် ဥာဏ် တို့၏ အခန်းကဏ္ဍကို ပစ်ပယ်ထားသဖြင့် ကျပ်မပြည့်သော အဘိဓမ္မာသာ ဖြစ်နေပါသည်၊
ဂျာမန်လူမျိုး ကားလ်မာက္ခ(စ်)သည် သူ၏ နိုင်ငံရေး တိုးတက်ပြောင်းလဲ စေချင်သည့် ဆန္ဒအရ သူတည်ထွင်ခဲ့သည့် အနုပတိလောမရုပ်ဝါဒ သဘောတရားသည် သူလေ့လာတွေ့ရှိနားလည် လက်ခံသည့်အတိုင်းအတာ ဘောင်အတွင်း၌သာ တည်ရှိနေသည်၊

ဒါကြောင့် ဘဝနှင့် ဝိဘဝဟူသည့် အမျိုးမျိုးသော ဘဝများ ကူးစက်ပြောင်းလဲမှု ရှိနေသည်ကိုပင် လက်မခံသည့်အတွက် ပစ္စုပ္ပန်ကမ္မဘဝ သက်သက်လောက်ဖြင့် အလွန်တိမ်သည့် ဥစ္ဆေဒ ဒိဌိအယူသာ ဖြစ်နေပါသည်။ ကံ၊ ကံနှင့် သူ၏ အကျိုးပေးသည် စိတ်နှင့်ရုပ်တို့အား သက်ရောက်မှုရှိနေသည်ကိုပင် ကားလ်မာက္ခ(စ်) နားမလည်နိုင်ပါ၊ ၎င်း သည် ရုပ်ဒြပ်တို့၏ ဖြစ်ပေါ်ပြောင်းလဲမှုထဲမှ မထွက်နိုင်ခြေ၊ တနည်းဆိုရသော် ရုပ်လွန်အဆင့်သဘာဝကိုပင် မမှီ မကန်း ဖြစ်နေသည်၊

ဤသို့ဖြစ်ရသည်မှာလည်း ကားလ်မာက္ခ(စ်)သည် ဘာသာရေးအရ ထာဝရဘုရား အသိုင်းအဝိုင်းမှာပဲ ကြီးပြင်းရသဖြင့် လက်တွေ့မကျသည့် စိတ်ကူးယဉ် အခြောက် အမြှောက်များကို ဘာသာရေးဟု ယူဆပြီး ဘာသာ အားလုံးကို မှိုင်းဟု စွတ်စွဲလိုက်ခြင်းပင် ဖြစ်သည်၊

လောကတွင် လက်တွေ့ကျပြီး လောကုတ္တရာဘက်သို့ မကူးသည့် ဟိန္ဒူဗြဟ္မဏ ဘာသာကိုပင် ကားမာက္ခ(စ်) နားလည်မှု မရှိခဲ့ပါ၊
ရုပ်နှင့် နာမ် လောက၏ နက်ရှိုင်းမှုကို သက်သေပြနိုင်သည့် ဗြဟ္မဏအယူအဆကိုပင် မမှီသည့် ကားလ်မာက္ခ(စ်) သည် ရုပ်၊ နာမ်တို့မှ ကျော်လွန်လွတ်မြောက်သည့် ဥာဏ်စခန်းဖြစ်သည့် ဗုဒ္ဓဘာသာကို အဘယ်မှာလျှင် နားလည်နိုင်ပါမည်နည်း။

သို့သော် ကွန်မြူနစ်တို့က ဗုဒ္ဓဝါဒကိုပင်လျှင် သန္နိကဝါဒ၊ ဘုံဝါဒဟု လိုရာဆွဲပြောဆိုကြပြီး မာက္ခ(စ်) ဝါဒနှင့် တူသရောင်ရောင် ဝါဒဖြန့်မှုလည်း ရှိကြပါသည်၊ ဒဿန လိုလို အနုမာနလိုလို တည်ထွင်ဖန်တည်းပြီး ထည့်သွင်းထားသည့် ကွန်မြူနစ် ဝါဒ ဟုဆိုသည့်အတွက် ဘာသာရေး ဒဿန ဘက်ကကြည့်သည့် အမြင်ကို တင်ပြခြင်းဖြစ်ပါသည်၊ မာက္ခ(စ်)၏ တပည့်များဖြစ်ကြသော ကွန်မြူနစ်တို့သည် ရုပ်၏အသေးဆုံး အစိတ်အပိုင်းဖြစ်သည့် ကွပ်(စ်)၏ မသေခြာ မရေရာခြင်း ဖြစ်သည့် (Uncertainty principle) ကိုပင် လက်ခံရန် ခက်ခဲနေကြဆဲ ဖြစ်သည်၊

မြတ်ဗုဒ္ဓကိုပင်လျှင် လူသားဗုဒ္ဓ၊ အဆုံးစွန်သော ကိုယ်ကျိုးစွန့်သူ၊ လူသားကောင်းကျိုးအတွက် လမ်းညွှန်ချက် ပညတ်ချက်များကို ချမှတ်နိုင်ခဲ့သည့် ပညာရှင်ကြီးတဆူအဖြစ်သာ မှတ်ချက်ချနေကြပါသည်၊

မြတ်ဗုဒ္ဓ၏ ပါရမီတော်များနှင့် ပါရမီတော်အကြောင်းတို့ကြောင့် အကျိုးဖြစ်ထွန်းလာရသည့် ဂုဏ်တော်ကိုးပါး၊ ဈာန်အဘိဥာဉ်၊ တန်ခိုးတော် အနန္တ၊ ဥာဏ်တော်အနန္တတို့၏ အခန်းကဏ္ဍများကို မိုက်မွဲစွာ မျက်ကွယ်ပြုပြီး မှေးမှိန် သေးသိန် အောင် ပြုလုပ်သူများထဲမှာ ကွန်မြူနစ်များလည်း ပါဝင်နေကြပါသည်။

မလိုက်နိုင်သဖြင့် လက်ခံရန်ငြင်းဆန်နေသည်ကိုလည်း နားလည်မှု ပေး နိုင်ပါသေးသည်၊ စိတ်ကို ရုပ်သိမ်းချုပ်ငြိမ်းအောင် အပျက်ရှု့ သည့် အဆင့်ကို အောင်မြင်သဖြင့် ထာဝရငြိမ်းချမ်းမှုကို သုံးဆယ့်တစ်ဘုံသားများ ရရှိနိုင်သည် ဟူသော အဆင့်ကိုဖြင့် ကွန်မြူနစ်များ လုံးဝ နားလည်နိုင်မည်မဟုတ်ပါ၊ ကွန်မြူနစ်များသည် ရုပ်၏ တည်ငြိမ်မှုမရှိခြင်းနှင့် မသေချာခြင်း နိယာမကိုပင် ကောင်းစွာ သဘောပေါက် နားလည်နိုင်စွမ်း မရှိသည့်အတွက် စိတ်ကို စင်ကြယ်အောင် လက်တွေ့ လေ့ကျင့်မှုဖြင့် စွမ်းအင်များ ဖြစ်ပေါ်လာသည်ဆိုသည်ကို လက်ခံရန် ဝန်လေးတတ်ကြပါသည်၊

စိတ်ကိုတည်ငြိမ်ရင့်ကျက်အောင် လေ့ကျင့်သည့် သမထ၏ အစွမ်းဖြင့် ပြီးမြောက်အောင်မြင်မှု များလည်း ရှိနေကြောင်းကို လက်တွေ့မြင်ရသိရသော်လည်း နာမ်ပိုင်းကို မျက်စိမှိတ်၍ ငြင်းချက်ထုတ်နေကြသဖြင့် ကွန်မြူနစ် ဟူသည် ဒေဝဒတ် ဂိုဏ်းသားများပင် ဖြစ်နေပါတော့သည်။


ကွန်မြူနစ် အယူအဆ စတင် ရေးသားခဲ့သူ ကားလ်မာက္ခ(စ်) (KARL MARX, 1818-1883)

ဤသဘာဝကွာခြားချက်၏ အကျိုးရလာဒ်ကို မည်သည့် တန်ခိုးရှင်နှင့် အာဏာရှင်ကမျှ ဆွဲစိ၍ မရနိုင်ပါ၊ ကားလ်မာက္ခ(စ်)သည် ရုပ်နာမ်ခန္ဓာနှင့် လူသားတို့၏ လုပ်နိုင်စွမ်းသည့် ကံ၊ စိတ်၏ စဉ်းစား ဆင်ခြင်နိုင်စွမ်းရှိသည့် လောကီအသိဥာဏ်၊ ၎င်းကံနှင့် ဥာဏ်ပမာဏ ကွာခြား အမှုအလျှောက် လူသားတို့တွင် အကျိုးတရား ကွာခြားကြပါသည်၊

ဒီနေရာမှာ အရေးကြီးသောအချက်မှာ ကံ ဥာဏ်ဝီရိယ အလျှောက် အကျိုးရလာဒ် ကွာခြားမှုကြောင့် ဖြစ်ပေါ်လာရသည့် လူတန်းစား ကွာဟမှုသည် လူ့လောကကြီးကို ဆိုးကျိုးမဖြစ်ဖို့ လိုပါသည်၊
လူတန်းစားမြင့်သူက နိမ့်သူကို မဖိနှိပ်ရန် မတရား မပြုကျင့်နိုင်ရန် လူမှုဆက်ဆံရေးနည်းစနစ်ကို ရှာဖွေကြံဆ ကြရာ၌ ကားလ်မာက္ခ(စ်)က လူတန်းစား ရှိ၍သာ လူလူချင်း ဖိနှိပ်မှုရှိသည်၊

ဒါကြောင့် လူတန်းစားမဲ့ ကမ္ဘာဖြစ်ရေးသည်သာ လူ့လောကကြီးကို အပြီးတိုင် သာယာစေမည်ဖြစ်သည်ဟု ယူဆပြီး လူတန်းစား ပပျောက်ရေးကို ရုပ်ယန္တား ဆန်သည့် နည်း စနစ်ဖြင့် “ ဖိနပ်ကို ပုံစံတခုတည်း ထုတ်ခါ ဖိနပ်နှင့် မတော်သည့် ဖနှောင့်ကို လှီးရန် ကြံစည်သည့် ဝါဒ ” ကိုတည်ထွင်လိုက်ခြင်းသည် လူသားတို့အတွက် သွက်သွက်ခါ အမှားကြီးတခု ဖြစ်နေပါတော့သည်၊

အမှန်မှာ လူတန်းစားကြောင့် ဖြစ်ပေါ်လာစေမည့် ဆိုးကျိုးများ လျှော့နည်းကုန်ခမ်းပြီး ကောင်းကျိုးများ ဖြစ်ထွန်းရန်မှာ နှစ်ဦးနှစ်ဘက် ကျေနပ်မှုသော့ချက်ကို ရအောင်ရှာပြီး ကျင့်သုံးလိုက်နာ ရမည့်စနစ်(တနည်းအားဖြင့်) ယနေ့ လူတွေလိုလားနေသည့် အတိုက်အခံရှိသော ဒီမိုကရေစီစနစ်ဆိုတာမျုိုးသာ လူသားများအတွက် ကောင်းကျိုးသုခ ရစေမည်ဖြစ်ပါသည်၊
ဤသည်ကား မာက္ခ(စ်) ဝါဒ၏ အဘိဓမ္မာပိုင်းအမှားတရပ်ကို ထောက်ပြခြင်းဖြစ်ပါသည်။

လူသည် အများစုသမဂ္ဂဖြစ်လာလျှင် တဦးနှင့်တဦး ဆက်ဆံရာ၌ သဟဇာတ ဖြစ်စေမည့် လူမှုဆက်ဆံရေး စနစ်ကို ကျင့်သုံးရန် လိုအပ် လာသည်၊ မာက္ခ(စ်) ဝါဒ၏ ရေသောက်မြစ်တခုဖြစ်သည့် သမိုင်းချဉ်းကပ်မှုအမြင်သည် ဝိုင်းလုပ်ဝိုင်းစား သမိုင်းဦးဘုံမြေခေတ်မှလွဲပြီး နောက်အဆင့်ဆင့် ပြောင်းလဲလာသည့် ခေတ်များကို အဆိုးမြင် ရှုထောင့်ဖြင့်သာ မြင်သော အမြင်ဖြစ်နေသည်၊

ထိုဆက်ဆံရေးစနစ်ကို နှစ်ဦးနှစ်ဘက်(သို့မဟုတ်) အများသဘောတူ သတ်မှတ်ကျင့်သုံးကြသည်သာဖြစ်သည်၊ အကယ်၍ နှစ်ဘက် သဟဇာတဖြစ်စေမည့် စနစ်ကို ဖောက်ဖျက်ပါက အရေးယူရန်လိုအပ်ပါသည်၊

ထိုလိုအပ်ချက်နှင့် လျော်ညီစွာ အရေးယူဆုံးဖြတ်နိုင်မည့် ခေါင်းဆောင် ရှိရမည်သာဖြစ်သည်၊
ခေါင်းဆောင်သည် အုပ်ချုပ်သူဖြစ်လာပြီး ကျန်လူများက အုပ်ချုပ်ခံဖြစ်လာကြသည်၊

သက်ဦးဆံပိုင် ပဒေသရာဇ်ခေတ် ဆိုသည်မှာလည်း သမိုင်းလိုအပ်ချက်နှင့်အတူ လူသားတို့ တည်ထွင် ဖန်တည်း လက်ခံကျင့်သုံးခဲ့ကြသည့် စနစ်နှင့် ခေတ်ပင်ဖြစ်ပါသည်၊ ခွန်အားအဓိက ကာလက ခွန်အားကြီးသူက အုပ်ချုပ်သူဖြစ်လာကြပြီး၊ ဥာဏ်အား အဓိက ကာလတွင် ဥာဏ်အားကြီးသူက အုပ်ချုပ်သူ ဖြစ်လာ သည်မှာလည်း ဓမ္မတာ သဘောပင်ဖြစ်ပါသည်၊

သူ့ခေတ်နှင့်သူ့အခါ အကောင်းဆုံး စနစ်ပင်ဖြစ်သည်၊ ဒါကြောင့် “ အကွပ်မရှိတဲ့ကြမ်း၊ မင်းမဲ့တိုင်းပြည် ဆိုသည်မှာ ဗရမ်းဗတာဖြစ်မြဲ ” ဟု ဆိုရိုးစကားရှိခဲ့သည်မဟုတ်ပါလား၊
သို့သော် ပဒေသရာဇ်စနစ်မှာ အားကောင်းချက်များရှိသလို အားနည်းချက်နှင့် ဆိုးကျိုးများလည်း ရှိနေပါသည်၊

လူသားတို့သည် ရုပ်ပိုင်းရော စိတ်ပိုင်းပါ တိုးတက်လာကြသည်နှင့်အမျှ ပဒေသရာဇ်စနစ်၏ ဆိုးကျိုး များကိုလည်း ပြုပြင်ပြီး စနစ်သစ်တခုကို တည်ထွင်လာကြပြန်ပါသည်၊

အများက တင်မြှောက်သည့်အစုအဖွဲ့ အုပ်ချုပ်ရေးစနစ် (သို့မဟုတ်) အစိုးရစနစ် တွင်လည်း အားနည်းချက်၊ အားကောင်းချက်များ ရှိနေသည်မှာ ဓမ္မတာပင်ဖြစ်ပါသည်။ ထို့ကြောင့် သက်ဦးဆံပိုင်တဦး တယောက်၏ အုပ်ချုပ်မှုစနစ်မှ ပြည်သူအများ လိုလားထောက်ခံသည့် အဖွဲ့အစည်းတခု၏ အုပ်ချုပ်ရေးစနစ် ဖြစ်ခဲ့ပါတော့သည်၊

ဤကဲ့သို့ ပဒေသရာဇ်စနစ်နှင့် အများတင်မြှောက်သည့်အစုအဖွဲ့ အုပ်ချုပ်ရေးဖြစ်သော အစိုးရစနစ်တို့၏ မွေးရာပါ အားနည်းချက်များသည် ဆင်းရဲ ချမ်းသာကွာဟမှုနှင့် လူတန်းစား ကွဲပြားမှုကြောင့်သာ ဖြစ်သည်ဟု မာက္ခ(စ်)ဝါဒီတို့က ယူဆကြပြီး လူ့သမိုင်းသည် လူတန်းစား ပဋ္ဋိပက္ခသမိုင်းသာဖြစ်သည်ဟု ကောက်ချက်ဆွဲကြပါတော့သည်၊

လူတန်းစားချင်း ဆက်ဆံရေးမှာ မတရားမှုနှင့် ဖိနှိပ်ချုပ်ချယ်မှုအပေါ် မကျေနပ်သည့်အတွက် ဆိုးကျိုး ပဋ္ဋိပက္ခများဖြစ်ရသည်ဟု မှန်ကန်စွာ မြင်နေကြပါသည်၊ အဘယ်ကြောင့်ဆိုသော် လူသားတို့သည် သဘာဝအရ ဆင်းရဲချမ်းသာ လူတန်းစား ရှိနေခြင်း အပေါ်တွင် လက်ခံပြီး အမြင်ကြည်လင်ကြပါသည်၊

လူ့သမိုင်းသည် လူတန်းစားပဋ္ဋိပက္ခသမိုင်းဟု လက်မခံကြပါ၊ ဒါကြောင့် လူသားတို့တောင်းဆိုနေကြသည်မှာ လူတန်းစားပပျောက်ရေးမဟုတ်ဘဲ၊ လူတိုင်း သူ့အရည်အသွေး ရှိသလောက် ကြိုးစားနိုင်ခွင့် ခံစားနိုင်ခွင့်သာဖြစ်သည်၊ လူတိုင်း သူ့အရည်အချင်း အရ ချမ်းသာ ပိုင်ခွင့် ရှိသည်၊

သို့သော် ဤချမ်းသာခြင်းဖြင့် တပါးသူကို မထိခိုက်စေရ၊ ဆိုးကျိုး မသက်ရောက်စေရ၊ ချမ်းသာခြင်းကြောင့် တဘက်သားကို ထိခိုက်နစ်နာစေမှုကို ပပျောက်အောင် ဒီမိုကရေစီစနစ်ဖြင့် ကျားကန် ပေးခြင်းသည် ယနေ့ အကောင်းဆုံးဖြစ်သည်ကို လူသားများ နားလည် လက်ခံနေကြပြီ လည်း ဖြစ်ပါသည်၊

မာက္ခ(စ်)ဝါဒီတို့သည် ဆင်းရဲချမ်းသာ လူတန်းစားရှိနေသဖြင့် ပေါ်ပေါက်နေသည့် လူတန်းစား ပဋ္ဋိပက္ခသမိုင်းသည် လူ့သမိုင်းဖြစ်သည်ဟုခံယူကြပြီး လူသားတို့ကတော့ လူ့သမိုင်း ဟူသည် လူတန်းစားများ ရှိနေလင့်ကစား တဦးနှင့်တဦး မတရားသည့် ဖိနှိပ်ဆက်ဆံမှုကို တရားမျှတပြီး ကျေနပ်မှုရရှိမည့် ကောင်းမွန်စွာဆက်ဆံရေးကို တောင်းဆို တိုက်ပွဲဝင်မှု သာဖြစ်သည်ဟု ခံယူကြပါသည်၊

ဤသည်မှာ မာက္ခ(စ်) ဝါဒီများနှင့် အခြားသော လူသားတို့၏ သမိုင်းအပေါ်အမြင်မတူညီမှုပင် ဖြစ်ပါသည်။

မာက္ခ(စ်)ဝါဒ၏ ကုန်လုပ်ဆက်ဆံရေး(ခေါ်) စီးပွားရေးအမြင်သည်လည်း တိမ်းစောင်းလွန်းလှပါသည်၊
အဓိက အမြင်များမှာ ကုန်ထုတ်ကရိယာနှင့် ကုန်ထုတ်မြေယာများကို အများပိုင်၊ ဘုံပိုင်၊ နိုင်ငံတော်ပိုင် အဖြစ် သတ်မှတ် ပြဌါန်းခြင်း ပင်ဖြစ်သည်၊

ဤအမြင်သည် သက်မဲ့ပစ္စည်းကိုသာမက လူကိုပါ က်မဲ့ ထုတ်ကုန် ကရိယာ အဖြစ် မြင်သည့် အမြင်ဖြစ်သည်၊ စွမ်းအား ရှိသလောက်လုပ်ပြီး သာတူညီမျှ ခံစားရမည်မှ တဆင့် စွမ်းအား ရှိသလောက် လုပ်၊ လိုအပ် သလောက် ခံစားစေဆိုသည့် အလွန်ရှုးသွပ် မိုက်မဲသည့် အယူအဆ ကိုလည်း ပြဌါန်းခဲ့ပေသည်။

မာက္ခ(စ်) စီးပွားရေးအမြင်ထဲ၌ ထုတ်ကုန်တန်ဖိုးကို လူ၏ စွမ်းပကားနှင့်အချိန်၏ အချိုးဖြင့် တွက်ကိန်းထုတ်ခဲ့သည်ကိုတော့ ချီးကျူးလက်ခံထိုက်လှပါသည်၊

သို့သော် လူကို ရုပ်ယန္တရားဆန်ဆန် သတ်မှတ်ပြီး စုပေါင်းကုန်ထုတ်ကရိယာအဖြစ် မြင်သည့်အမြင်ကား မာက္ခ(စ်)၏ မဟာအမှားတော်ပုံကြီးပင်ဖြစ်ပါတော့သည်၊

မာက္ခ(စ်)၏ စီးပွားရေး သီအိုရီအရ တတိုင်းပြည်လုံး၏ ကုန်ထုတ်ကရိယာများ ကုန်လုပ်စွမ်းအားများ အားလုံးကို နိုင်ငံပိုင်၊ ပြည်သူပိုင်၊ ဘုံပိုင်အဖြစ် ပြဌါန်းလုပ်ကိုင်ခဲ့သဖြင့် ချွတ်ချုံကျ သွားသည့် ဆိုဗီယက် ပြည်ထောင်စုနှင့် မော်စီတုန်း လက်ထက် တရုတ်နိုင်ငံတို့က မာက္ခ(စ်)၏ စီးပွားရေး သီအိုရီကြီး မှားယွင်းကြောင်း သက်သေပြ လိုက်ကြပါ တော့သည်၊


တရုတ် ကွန်မြူနစ် ခေါင်ေးဆာင်ကြီး မော်စီတုန်း

မာက္ခ(စ်)၏ စီးပွားရေးအမြင်သည် လူသားတို့၏ ထူးချွန်ထက်မြက်မှုကို အညွှန့်ကျိုးစေသည့် အယူအဆလည်း ဖြစ်နေပါသည်၊
ဒါကြောင့် ဆိုရှယ်လစ်စီးပွားရေးစနစ်ကို ကျင့်သုံးမိသည့် နိုင်ငံများသည် ဆင်းရဲမွဲတေမှုဖြင့်သာ ရင်ဆိုင်ကြရပါတော့သည်၊

တောင်ကိုရီးယားနှင့် မြောက်ကိုရီးယား၊ အရှေ့ဂျာမဏီနှင့် အနောက်ဂျာမဏီ၊ ဆိုဗီယက် ပြည်ထောင်စုနှင့် အမေရိကန် ပြည်ထောင်စုတို့၏ စီးပွားရေး ကွာခြားမှုကို နှိုင်းယှဉ်ကြည့်လျှင် ထင်ရှားနေပါသည်၊
ယနေ့ တရုတ်ပြည်သည် ဖောက်ပြန်မှားယွင်းခဲ့သည့် မာက္ခ(စ်)ဝါဒ စီးပွားရေးစနစ်ကို ပြန်လည်ပြင်ဆင်ပြီး တိန့်ရှောင်ဖိန်၏ ခုန်ပြန်ကျော်လွှားရေး မူလေးချက်ကြောင့် နွားလံထူလာသော စီးပွားရေးစနစ်ဖြစ်ပါသည်၊ မည်သို့ဆိုစေ မာက္ခ(စ်) ဝါဒ၏ ရေသောက်မြစ်တခုဖြစ်သည့် စီးပွားရေး ဒဿနသည်လည်း မှားယွင်းပြီး မအောင်မြင်ကြောင်း ဆိုဗီယက်ပြည်ထောင်စုပြိုကွဲမှုက ပြနေပါသည်။

မာက္ခ(စ်) ဝါဒ (သို့) ကွန်မြူနစ်ဝါဒ၏ ရေသောက်မြစ်သုံးသွယ်ဖြစ်သည့် အဘိဓမ္မာပိုင်း၊ သမိုင်းချဉ်းကပ်မှုအမြင်နှင့် စီးပွားရေး အယူအဆ အားလုံးတို့သည် တခုမျှ အမှန်မရှိပါ၊

အားလုံးမှားယွင်းနေကြောင်း လူ့သမိုင်းက သက်သေခံနေပါသည်၊
ဤနေရာတွင် လူ့သမိုင်း၏ တိုးတက်ပြောင်းလဲလာမှု ဖြစ်စဉ်တွင် တော်လှန်ရေးသည် မပါလျှင် မပြီးပါ၊

အုပ်ချုပ်သူနှင့် အုပ်ချုပ်ခံပြည်သူ၊ ဓနရှင်နှင့် ဆင်းရဲသား၊ အလုပ်ရှင်နှင့် အလုပ်သမားတို့၏ လူမှု ဆက်ဆံရေးတွင် မတရားပါက တော်လှန်ရေးသည် ဖြစ်မြဲဓမ္မတာပင်ဖြစ်ပါသည်၊

ဤကဲ့သို့ ရိုးရှင်းလှသည့် တော်လှန်ရေးကို မာက္ခ(စ်) ဝါဒီများက လူတန်းစား တော်လှန်ရေး အဖြစ် ဖန်တည်း ပုံဖော်ခဲ့ပြီး သူတို့၏ မှားယွင်းသည့် ရုပ်ဝါဒနှင့် စီးပွားရေး ဘုံဝါဒကို အတင်းအဓမ္မ တပ်ဆင်ခဲ့ကြသောကြောင့် ခါးသီးလှသည့် ကွန်မြူနစ် သမိုင်း တခေတ်ကို လူသားတို့ ဖြတ်သန်းခဲ့ကြ ရသည်သာ ဖြစ်ပါတော့သည်။ ၎င်းတော်လှန်ရေးများကြောင့်လည်း ဘက်နှစ်ဘက်ကျေနပ်မှုရရှိကြပြီး တိုးတက်ဖြစ်ထွန်းလာကြသည်သာ ဖြစ်သည်၊



ကွန်မြူနစ်ဝါဒဆိုသည်မှာ ဗုဒ္ဓဘာသာကို မှိုင်းဟု စွပ်စွဲပြီးဖျက်ဆီးနှောင့်ယှက်နေသော ဝါဒဖြစ်သည်။
ကွန်မြူနစ်ဝါဒဆိုသည် လူသားများ၏ စွမ်းရည်ကို အညွှန့်ကျိုးစေပြီး ဆင်းရဲမွဲတေစေသော ဝါဒဖြစ်သည်။
ကွန်မြူနစ်ဝါဒသည် လူ့သမိုင်းကို အရုပ်ဆိုးအကျည်းတန်အောင် ပုံဖော်ပြီး လူလူချင်း အဘိဇ္ဈာ ထားစေသော ဝါဒ ဖြစ်သည်။
ထို့ကြောင့် ကူးစက်ပြီး အမြစ်တွယ်ခါ အကုရခက်သည့် ကိုယ်ခံအားကျဆင်းသည့် AIDS ရောဂါနှင့်တူသည့် ကွန်မြူနစ်ဝါဒကို သိနားလည်ပြီး ဝေးဝေးက ရှောင်ကြရန်နှင့် တိုက်ဖျက်ကြရမည်သာ ဖြစ်ပါကြောင်း။ ။

၂၉-၅ -၂၀၁၁