ဆရာကြည်မင်း(ကျော်စောမင်း) နှင့်တွေ့ဆုံခြင်း

Wai Maw

မေး ။  ။ ပြီးခဲ့တဲ့ မတ်လ(၃၀)ရက်နေ့က ပြောကြားခဲ့တဲ့ သမ္မတကြီးရဲ့ ပထမဆုံး မိန့်ခွန်းထဲမှာ ဆက်လက်အကောင်အထည်ဖော် ဆောင်ရွက်မယ့် လုပ်ငန်းစဉ်(၁၀)ချက်ကို ထုတ်ဖော်ပြောဆိုခဲ့ပါတယ်။ အဲဒီ အချက်(၁၀)ချက်အနက် နံပတ်(၈)အချက်မှာ “စတုတ္ထမဏ္ဍိုင်ဖြစ်တဲ့ သတင်းမီဒီယာများနှင့်ပတ်သ...က်ပြီး ဖွဲ့စည်းပုံ အခြေခံဥပဒေပါပြဌာန်းချက်များနှင့်အညီ ခေတ်နှင့်မလျော်ညီတဲ့ စာပေစာနယ်ဇင်းဆိုင်ရာ ဥပဒေအချို့ ကိုပြင်ဆင်ပြဌာန်းခြင်း ဆိုတဲ့အချက်လည်းပါဝင်ပါတယ်။ စာနယ်ဇင်းလွတ်လပ်ခွင့်နဲ့ပတ်သက်ပြီး သမ္မတရဲ့ မိန့်ခွန်းမှာ ပါတာတွေကို ဆရာဖတ်ပြီးလောက်ပါပြီ။ နောက် စာပေအမျိုးအစား(၅) မျိုးကို “တင်ထုတ်” ကနေ“ထုတ်တင်” လုပ်မယ်လို့ဆိုတာကိုလည်း ဆရာသိပြီးပါပြီ။ ဆိုတော့ ဒီနေ့ ကျနော်တို့ဆီမှာရောက်နေတဲ့ စာပေလွတ်လပ်ခွင့် အခြေအနေကို အရင်ဆွေးနွေးပေးပါအုံး။ 

ဖြေ ။  ။ သတင်းနဲ့ပတ်သက်ပြီး ပြောရရင် ဥပမာဆရာ့ အိမ်ဘေးနားမှာ ဆိုက်ကားသမားတစ်ယောက်ကို ကားတိုက်တယ်။ ရဲဌာနကလည်း သတင်းကို အတည်ပြုပေးလိုက်တယ်။ အဲဒီ သတင်းဂျာနယ်ထဲပါဖို့ စောင့်ရမယ်။ အဲဒါမျိုး သင့်တော်သလား။ တစ်ခါတလေကျတော့ သတင်းတစ်ပုဒ် နိုင်ငံတော်ကိုလည်း မထိခိုက်စေဘူး။ ပြည်သူလူထုအကျိုးကိုလည်း မထိခိုက်စေဘူးဆိုရင် သတင်းသမားက သတင်းကိုဖော်ပြ ရမှာပဲ။ အဲဒါမျိုး ဖော်ပြခွင့်မရတာမျိုးတွေရှိနေတယ်။ ဥပမာ လုယက်မှုဖြစ်တယ်ဆိုကြပါစို့။ လုယက်မှုဖြစ်တယ် ဆိုတာ ရဲတွေရဲ့ လုပ်ငန်းညံ့ဖျင်းလို့၊ ပြည်ထဲရေးဝန်ကြီးဌာနရဲ့ အစီအမံညံ့ဖျင်းလို့ လုယက်မှုဖြစ်တာ မဟုတ်ဘူး။ ဘယ်နိုင်ငံမှာမဆို ဖြစ်နေတယ်။ လူရှိနေသမျှ လောဘရှိနေသမျှ လုယက်မှု လူသတ်မှု မုဒိန်းမှု ရှိနေမှာပဲ။ အဲဒီလို ဖြစ်နေတဲ့ကိစ္စမျိုးကို ထည့်ခွင့်မပေးတာရှိခဲ့တယ်။ အခုဟာက စမ်းတ၀ါးဝါးနဲ့ ဖြစ်နေတယ်။ ဘယ်နာမည်လေးဖြင့် သုံးရင်ကောင်းမလား၊ မသုံးရဘူးလား။ ဘယ်သတင်းဖြင့် မသုံးရဘူးလား။ ဘာအကြောင်းဖြင့် မရေးရဘူးလား။ စသဖြင့် စမ်းတ၀ါးဝါးကြီး ဖြစ်နေတယ်။ ဥပမာ စွယ်စုံကျော်ထင်အကြောင်းကို ရေးထားတဲ့စာအုပ်။ စွယ်စုံကျော်ထင်ကျမ်းကို ရေးထားတာ“ နောက်ကျောဖုံးမှာ မာဃဒေ၀ လင်္ကာကြီးမှ ထုတ်နှုတ်သည်” လို့ပါနေတယ်။ အဲဒါကို ဆရာက ဝေဖန်ရေးဆရာ တစ်ယောက်အနေနဲ့ ညွှန်ပြလိုက်တယ်။ အဲဒါကိုဖော်ပြခွင့် မရခဲ့ဘူး။ ဆရာရေးတာ တိုင်းပြည်နဲ့လူမျိုးကို ဘာမှထိခိုက်မှုမရှိဘဲနဲ့ ဖော်ပြခွင့်မရခဲ့ဘူး။ ဒါမျိုးဘာကြောင့် ဖြစ်ခဲ့သလဲ။ နိုင်ငံတစ်ခုမှာ ဒေါက်တိုင်ကြီး သုံးခုရှိတယ်။ အုပ်ချုပ်ရေးအာဏာ၊ ဥပဒေပြုရေးအာဏာ၊ တရားစီရင်ရေးအာဏာ ဆိုပြီးတော့ အစိုးရတစ်ဖွဲ့အတွက် အခြေခံအာဏာသုံးရပ်ရှိတယ်။ အစိုးရအဖွဲ့က တစ်ပြည်လုံးကို စီမံအုပ်ချုပ်ရမယ်။ လွှတ်တော်က လိုအပ်တဲ့ဥပဒေကို ပြုပေးရမယ်။ တရားစီရင်ရေးမူကိုလည်း လုပ်ပေးရမယ်။ တရားရေးနဲ့ ပတ်သက်တဲ့ အကျဉ်းထောင်တွေ၊ ပညာပေးရေးစခန်းတွေ အကုန်ထပ်လုပ်ရမယ်။ အဲဒီအတွက် လုံလောက်တဲ့ ဥပဒေ၊ မှန်ကန်တဲ့ဥပဒေ ရှိရမယ်။ ဥပဒေဆိုတာ တစ်ပြေးတည်းဖြစ်ရမယ်။ အဲလိုမဟုတ်ဘဲ မမှန်မကန်တာတွေ ဖြစ်လာရင် အဲဒါတွေကို ထောက်ပြဖို့ဆိုပြီး စတုတ္ထမဏ္ဍိုင်ဖြစ်တဲ့ မီဒီယာတွေ ပေါ်ပေါက်လာတာ။ မီဒီယာက အဲဒါတွေကို ဝေဖန်နေတာ။ ဝေဖန်တဲ့အခါမှာလည်း ပုဒ်မ ၅၀၀ ဆိုတဲ့ အသရေဖျက်မှုဆိုတာရှိတယ်။ တစ်ဦးချင်း အသရေဖျက်တာ၊ အဖွဲ့အစည်းတစ်ခုကိုအသရေဖျက်တာ၊ နိုင်ငံတစ်နိုင်ငံကို အသရေဖျက်မှုတွေ ရှိတယ်။ တစ်ဖက်က အဲလိုရှိသလို ကင်းလွတ်ခွင့်နည်းလမ်းတွေ ပေးထားတာလည်းရှိတယ်။  ဥပမာ တရားရုံးက မစီရင်ရသေးတဲ့ ပြစ်မှုတစ်ခုကို ဘေးကနေ အဲဒီစီရင်ချက်လွဲမှားအောင်ရေးရင် အဲဒါ တရားစီရင်ရေးကို အနှောင့်အယှက် ဖြစ်စေတဲ့အတွက် ပုဒ်မ ၅၀၀ နဲ့တရားစွဲခံရမယ်။ အဲဒါမျိုး အပြစ်ရှိတယ်။ ဒါပေမယ့် အမှုတစ်ခုကို စီရင်ပြီးသွားလို့ အဲဒီစီရင်မှုမှာ ပြစ်မှုနဲ့ပြစ်ဒဏ် မမျှတရင် ဝေဖန်ခွင့်ရှိတယ်။ မီဒီယာကို ဝေဖန်ပိုင်ခွင့်ပေးထားရတယ်။ အဲဒီဝေဖန်နိုင်ခွင့်ဟာ ပုဒ်မ ၅၀၀ ရဲ့ကင်းလွတ်ခွင့်တွေထဲမှာ အကျူံးဝင်နေရ တယ်။ ဥပမာ အစိုးရ၀န်ထမ်းတစ်ဦးကို မိမိတာဝန်ှနင့် ပတ်သက်၍ မမှန်မကန်ပြုမူသည်ဟု ယူဆ၍ ဝေဖန်လျှင် အပြစ်မမြောက်ဘူး။ အစိုးရ၀န်ထမ်းတွေက ငါတို့ဘာလုပ်လုပ် လွတ်တယ်ဆိုတဲ့ ပုံစံမျိုးတော့ မဖြစ်သင့်ဘူး ထင်တယ်။ ဒီမိုကရေစီနိုင်ငံဖြစ်လာပြီဆိုရင် မီဒီယာလွတ်လပ်ခွင့်က အလိုလိုပါလာပြီ။

မေး ။  ။ သတင်းလွတ်လပ်ခွင့်နဲ့ပတ်သက်တဲ့ အဲလိုဖြစ်ရပ်မျိုးတွေအပေါ် ဆရာ့အမြင်ကိုပြောပြပါဦး။ 

ဖြေ ။  ။ စာပေစီစစ်ရေးကခုဆို တချို့အရေးအသားတွေကို လျှော့ပေါ့ပေးလာတာ တွေ့ရတယ်။ လျှော့ပေါ့ပေး တဲ့ဟာကို မီဒီယာတွေက ဘယ်လောက်အထိ အသုံးချကြမှာလဲ။ ဒီမိုကရေစီစနစ်၊ ဈေးကွက်စီးပွားရေးစနစ်ကို သွားမယ်လို့ကြေညာထားရင် မီဒီယာက သိပ်အရေးကြီးသွားပြီ။ ဈေးကွက်ကို Monopoly လုပ်ထားတဲ့ဟာတွေ ကိုတိုက်ထုတ်ပေးရမယ်။ စီးပွားရေးကို ကိုယ့်လက်ထဲမှာကိုင်ထား၊ လိုသလိုကစားပြီး လူတွေ ဒုက္ခပေးနေတဲ့ ကိစ္စတွေကို တိုက်ထုတ်ပေးရမယ်။ စီစစ်မှုကိုတော့ ရှိသင့်တဲ့နေရာမှာသာ ရှိပါစေ။ မေး ။  ။ ကျွန်တော်တို့နိုင်ငံကို ဒီမိုကရေစီနိုင်ငံသွားမယ်ဆိုပြီး ကြေညာထားတော့ သတင်းလွတ်လပ်ခွင့်ဟာ ရောဘယ်လိုရှိသင့်ပါသလဲ။ 

ဖြေ ။  ။ ဒီမိုကရေစီနိုင်ငံဆိုတာ လူတွေရဲ့အကြံဥာဏ်နဲ့ ဝေဖန်ချက်၊ ထင်မြင်ချက်တွေကို လွတ်လပ်စွာပြောဆို ခွင့်ရှိတာကို ခေါ်တယ်။ ပြောဆိုပိုင်ခွင့်ဆိုရာမှာလည်း ပုဂ္ဂလိကလွတ်လပ်ခွင့်၊ နိုင်ငံတော်ရဲ့အချုပ်အခြာအာဏာ၊ ကောင်းကျိုးလုပ်နေတဲ့ ကောင်းမွန်တဲ့အဖွဲ့အစည်းများရဲ့ လုပ်ငန်းစဉ်တွေကို မထိခိုက်စေရဘူး။ စာမူတစ်ခုရေး တဲ့အခါ ဒီစာမူထည့်သင့် မထည့်သင့်၊ ဝေဖန်ချက်တစ်ခုပါသင့် မပါသင့် ဆိုတာကို သက်ဆိုင်ရာအယ်ဒီတာက ဆုံးဖြတ်လိမ့်မယ်။ ဟိုးအရင်တုန်းက ပေါ်ခဲ့တဲ့ ကွန်မြူနစ်ဂျာနယ်လိုမျိုး အလုပ်သမား၊ လယ်သမားတွေကို လှုံ့ဆော်ပေးတဲ့ စာတွေထည့်ခဲ့ရင်၊ အစိုးရကိုဆန့်ကျင်တဲ့စာမျိုးဖြစ်လာရင် တည်ဆဲဥပဒေနဲ့ အရေးယူ လိုက်ပေါ့။ အစိုးရကိုဆန့်ကျင်ပြီး ရေးသားတယ်။ ပြည်ထောင်စုစည်းလုံးညီညွှတ်မှုကို ပြိုကွဲအောင်ရေးသား တယ်။ လူမျိုးတစ်မျိုးနဲ့တစ်မျိုး မုန်းတီးအောင်ရေးသားတယ်။ အဖွဲ့အစည်းတစ်ခုနဲ့တစ်ခု မုန်းတီးအောင်ရေး သားတဲ့အခါမျိုးမှာ ခိုင်လုံတဲ့အထောက်အထားယူပြီး ဒီဂျာနယ်ကို တရားရုံးကနေတဆင့် ပိတ်ပစ်လိုက်။ အယ်ဒီတာကိုထောင်ချပစ်လိုက် ဒါပဲလုပ်လို့ရမယ်။ အဲဒါတွေကို ရှုပ်တယ်ဆိုပြီးတော့ စီစစ်တာမျိုးတော့ မဖြစ်သင့်ဘူး။ အခုဆို တပ်မတော်အုပ်ချုပ်ရေး ပြီးသွားပြီ။ တရားရုံးစနစ်နဲ့ပဲ လုပ်ရတော့မယ်။ ခုဆို ဒီမိုကရေစီ စနစ်အရ စာပေစီစစ်ရေးမူကို လျှော့ပေးမယ်။ (မဂ္ဂဇင်း၊ ဂျာနယ်အမျိုးအစား ၅ မျိုး “တင်ထုတ်” မှ “ထုတ်တင်” ပုံစံပြောင်းလဲပေးမည်ကို ဆိုလိုသည်) လျှော့ပေး ပြီးတော့မှ လွတ်လပ်ခွင့်ပေးမယ်။ စာပေစီစစ်ရေးက လျှော့လိုက်ရင် အယ်ဒီတာတွေ အရမ်းတာဝန်ကြီးလာလိမ့်မယ်။ ဒီသတင်းက လွတ်လောက်တယ်၊မလွတ် လောက်ဘူး။ မှားလောက်တယ်၊ မှန်လောက်တယ်ဆိုပြီး ကိုယ့်တာဝန်ကိုယ်ယူရတော့မယ်။ တကယ်တော်တဲ့ လူတွေပေါ်လာတော့မယ်။ အဲဒီအချိန်ကျမှ တကယ်တော်တဲ့ သတင်းထောက်တွေ အယ်ဒီတာတွေ ပေါ်လာလိမ့်မယ်။ အခုကျတော့ သတင်းထောက်အလုပ်က အလုပ်မရသေးတဲ့ ဘွဲ့ရလူငယ်တွေရဲ့ ဝေလေလေ လုပ်ငန်းကြီး ဖြစ်နေသေးတယ်။ အမှန်ဆို သတင်းထောက်အလုပ်က တကယ်ပင်ပန်းတယ်..။  ။

စာကြွင်း။  ။ ဆရာကြည်မင်း (ကျော်စောမင်း) သည် မွေးမြူရေးဆိုင်ရာ ဆေးတက္ကသိုလ်(ရေဆင်း) ပါမေက္ခချုပ် (အငြိမ်းစား) ဒေါက်တာ မောင်မာင်စံ ဖြစ်ပါသည်။  

ပြည်သူ့ခေတ်ဂျာနယ် အတွဲ ၁ အမှတ် ၄၃ ၁၉ မေ ၂၀၁၁