အတိုက်အခံတွေ ဒိတ်အောက်ကုန်ပြီလား

အခုတလော အပေါင်းအသင်းအချို့နဲ့ စကားပြောဖြစ်ပါတယ်။ အနာဂတ်မြန်မာ့နိုင်ငံရေးကိုလည်း ဆွေးနွေးဖြစ်ပါတယ်။ သူက ရွေးကောက်ပွဲကို ထောက်ခံသူ ဖြစ်ပြီး လက်ရှိလွှတ်တော်ကို ဒီမိုကရေစီရဲ့ အဆောက်အဦးလို့ မြင်ပါတယ်။ အခြေခံဥပဒေကို လက်မခံပေမယ့် ဒီအခြေခံဥပဒေကို ပြင်ဖို့ အနှစ်(၂၀) ပူးသတ်ဖို့ စဉ်းစားနေသူ ဖြစ်တယ်။

တိုင်းရင်းသားပါတီတွေထဲက ရခိုင်နဲ့ရှမ်းကို အားကျပြီး ကျားဖြူပါတီဟာ စောင့်ကြည့်ရမယ့်ပါတီဖြစ်ကြောင်း ပြောပါတယ်။ ကျားဖြူပါတီဟာ ပါတီရန်ပုံငွေအတွက် စီးပွားရေးကိုလည်း လုပ်မှာဖြစ်လို့ ကြံ့ဖွတ်အစိုးရကို ကောင်းကောင်းယှဉ်ပြိုင်နိုင်မယ်လို့ သူက ယုံတယ်။ ပါတီရန်ပုံငွေမရှိယင် ရေရှည်သွားဖို့ မဖြစ်ကြောင်း သူက သုံးသပ်ပြတယ်။ စီးပွားရေးမလုပ်တဲ့ အရွေးကောက်ခံမွန်ပါတီကိုတော့ ဝေဖန်သွားပါတယ်။


မြန်မာနိုင်ငံရဲ့ နိုင်ငံခြားရေးနဲ့ပတ်သက်ပြီး လက်ရှိကြံ့ဖွတ်အစိုးရက တရုတ်နဲ့ မဟာဗျူဟာမြောက် ဆက်ဆံမှာ ဖြစ်လို့ အတိုက်အခံတို့ကို အားပေးလေ့ရှိတဲ့ အမေရိကန်တောင် ပျာယာခတ်နေရပြီလို့ ဆိုပါတယ်။ ကျောက်ဖြူ ရွှေလီ လမ်းမနဲ့ပိုက်လိုင်း၊ တရုတ်က ငွေချေးခွင့်ပေးခြင်း၊ တရုတ်လို တိုးတက်လာတဲ့ အင်အားကြီးနိုင်ငံတစ်နိုင်ငံကို အကာအကွယ်ယူနိုင်ခြင်းတို့ကြောင်း ကြံ့ဖွတ်အစိုးရဟာ အင်အားပိုကြီးလာဖို့ ရှိကြောင်း သုံးသပ်ပါတယ်။

အမျိုးသားဒီမိုကရေစီအဖွဲ့ချုပ်နဲ့ အရွေးချယ်မခံတဲ့ အခြားတိုင်းရင်းသားပါတီများဟာ လမ်းမှားသို့ ဆက်လက်ဦးတည်နေကြောင်း၊ ဒေါ်စုကိုပဲ ဗဟိုပြုထားလို့ ဒေါ်စုက အိုသွားယင် ပါတီကလည်း အိုသွားမှာ ဖြစ်ကြောင်း၊ ၁၉၉၀ ခုရလာဒ်ကို ကိုင်စွဲထားခြင်းဖြင့် ဒိတ်အောက်နေပုံကို သိရကြောင်း၊ အတိုက်အခံတွေအတွက် ဇရာမရဏသဘောဆောင်နေကြောင်း ဝေဖန်ဆွေးနွေးပါတယ်။

သိန်းစိန်အစိုးရက မှန်ကန်တဲ့ခြေလှမ်းကို လှမ်းနေတဲ့အချိန်မှာ ဒေါ်စုတို့အတိုက်အခံတွေက ဘာမှရေရေရာရာမရှိဘဲ ၁၉၉၀ခု ရလာဒ်ကို ပြန်ဖော်နေခြင်းဟာ မိုက်မဲရာရောက်နေတယ်လို့ ဆက်လက်ဝေဖန်ပါတယ်။

တိုင်းရင်းသားလက်နက်ကိုင်အဖွဲ့တွေအနေနဲ့ ဗုံးများခွဲရုံနဲ့ တိုင်းပြည်မငြိမ်မသက်ဖြစ်အောင် လုပ်နိုင်မှာမဟုတ်သလို လက်ရှိအစိုးရကိုလည်း ဘာမှ လုပ်နိုင်မှာဟုတ်ကြောင်း ထောက်ပြပါတယ်။ တိုင်းပြည်ကြီးပွားတိုးတက်လာတာနဲ့အမျှ ဒီတိုင်းရင်းသားလက်နက်ကိုင်တွေလည်း ပပျောက်သွားမှာ ဖြစ်တဲ့အကြောင်း၊ (ထိုင်း၊ မလေး၊) စင်ကာပူနိုင်ငံက ကွန်မြူနစ်သူပုန်တွေ ချုပ်ငြိမ်းသွားသလိုမျိုး လုံးပါးပါးသွားမှာ မလွဲမသွေပင် ဖြစ်ကြောင်း သူက ခန့်မှန်းပါတယ်။ လက်ရှိအစိုးရဟာ ပြည်နယ်အစိုးရကို လုပ်ပိုင်ခွင့်များစွာ ပေးအပ်ထားရာ ယင်းအခွင့်အရေးကို အမိအရ ဆုပ်ကိုင်ပြီး ကိုယ့်ပြည်နယ်နဲ့လူမျိုး တိုးတက်အောင် လုပ်မှသာ ပရိယာယ်ကြွယ်ဝရာ ရောက်မှာဖြစ်ကြောင်း အကြံပြုပါတယ်။

အထက်ဖော်ပြပါအားလုံးဟာ သူ့အမြင်တွေပါ။ မှန်တယ်မှားတယ် မဝေဖန်လိုပါ။ ဒါပေမယ့် သူက စာရေးသူ့အမြင်ကိုလည်း တောင်းခံပါတယ်။ စာရေးသူကလည်း ပွင့်ပွင့်လင်းလင်းပါပဲ။ သူ့အမြင်ကို လေးစားပေမယ့် ကိုယ့်အမြင်ကိုလည်း ပြောပြဖြစ်ပါတယ်။

အခြေခံဥပဒေက မပြည့်ဝဘူးဆိုယင် အနှစ်(၂၀)စောင့်စရာမလိုပါ။ အခြေခံဥပဒေမတည်ငြိမ်ယင် နိုင်ငံကလည်း တည်ငြိမ်မှာမဟုတ်ဘူး၊ အခြေခံဥပဒေကို ခဏခဏပြင်နေယင်လည်း မကောင်းပါ၊ လက်ရှိအစိုးရမှာ အခြေခံဥပဒေကို ပြင်လို့မရအောင်လည်း ကြိုတင်စီမံထားပါတယ်။

စီးပွားရေးလုပ်တဲ့တိုင်းရင်းသားပါတီအချို့ကိုလည်း အပြစ်မတင်ပါ။ ဒါပေမယ့် နိုင်ငံရေးပါတီဟာ နိုင်ငံရေးကိုပဲ လုပ်သင့်ပါတယ်။ စီးပွားရေးမှာ မပတ်သက်သင့်ဘူး။ စီးပွားရေးမှာ ပါဝင်ပတ်သက်တဲ့ နိုင်ငံရေးပါတီကို ပြည်သူလူထုက အယုံအကြည် ကင်းမဲ့လေ့ ရှိပါတယ်။ ပါတီရန်ပုံငွေကို ရှာခွင့်ရှိပါတယ်။ ပါတီတစ်ရပ်ဟာ လွှတ်တော်မှာ ဥပဒေပြုဖို့ လုပ်ရပါတယ်၊ ကိုယ်မဲဆန္ဒနယ်အတွက် ဥပဒေတွေ ပြုပေးလို့ရအောင် ကူညီရမှာဖြစ်တယ်။ လွှတ်တော်အမတ်တွေက စီးပွားရေးအခွင့်အလမ်းတွေ ကောင်းစေမယ့် ဥပဒေတွေကို ပြုပေးပြီး စီးပွားရေးသမားတွေကပဲ စီးပွားရေးကို လုပ်ရမှာဖြစ်တယ်။ အဲဒီစီးပွားရေးသမားတွေဆီက အစိုးရက အကောက်ခွန်ကောက်ယူရမှာ ဖြစ်တယ်။ အဲဒီစီးပွားရေးသမားတွေက ဘယ်ပါတီက သူတို့အတွက် ပိုလုပ်ပေးနိုင်မယ်ကို ကြည့်ပြီး ရန်ပုံငွေလှူကြမှာဖြစ်တယ်။ စီးပွားရေးသမားတစ်ပိုင်း၊ နိုင်ငံရေးသမားတစ်ပိုင်းဖြစ်အောင် မလုပ်ရဘူး။

ပြည်ပအားကိုး ပုဆိန်ရိုးလို့ အော်နေတဲ့ဒီအစိုးရဟာ တရုတ်ကို ပြောင်ပဲ အားကိုးလိုက်ပါပြီ။ ဒါပေမယ့် ဒါက မဟာဗျူဟာမြောက်လို့ ပြောလို့ မရပါဘူး။ တရုတ်အစိုးဟာ ဒီအစိုးရကို ကြိုက်လို့ အသိအမှတ်ပြုတာ မဟုတ်ပါ။ သူ့အကျိုးစီးပွားအတွက်သာ အသိအမှတ်ပြုတာ ဖြစ်ပါတယ်။ တရုတ်ကွန်မြူနစ်တွေဟာ ဦးနုရဲ့ ပါလီမာန်အစိုးရနဲ့လည်း တည့်အောင် ပေါင်းခဲ့ပါတယ်။ သေချာတာက ဦးနုနဲ့ ချူတို့ရဲ့ ဆက်ဆံရေးဟာ လက်ရှိသိန်းစိန်နဲ့ ဝမ်းကြားပေါင်းတို့ဆက်ဆံရေးထက် အများကြီး သာပါတယ်။ နောက်တစ်ခု ထောက်ပြရမှာက တရုတ်တွေနဲ့ တိုင်းရင်းသားလက်နက်ကိုင်တွေရဲ့ ဆက်ဆံရေးပါ။ တရုတ်တွေက မြန်မာနိုင်ငံက တိုင်းရင်းသားတွေကို သူ့နိုင်ငံမှာရှိတဲ့ သူ့တိုင်းရင်းသားတွေလောက် အခွင့်အရေးရဖို့ မြန်မာအစိုးရကို စဉ်းစားစေချင်ပုံရပါတယ်။ တိုင်းရင်းသားလက်နက်ကိုင်အဖွဲ့တွေဟာ တရုတ်အစိုးရနဲ့ ဘယ်တုန်းကမှ ဆက်ဆံရေးမပျက်ပြားခဲ့ပါဘူး။ ဒီတိုင်းရင်းသားလက်နက်ကိုင်တွေကို နိုင်ဖဲအဖြစ်ကိုင်ပြီး မြန်မာ့အစိုးရကို တိတ်တဆိတ်ဖိအားပေးနေတာကို ခန့်မှန်းလို့ ရပါတယ်။ ဒီတော့ တရုတ်အစိုးရဟာ လက်ရှိမြန်မာအစိုးရကို ဆက်ဆံတဲ့နေရာမှာ အမေရိကန်လောက် ရိုးသားမှု မရှိဘူးလို့ ထင်ပါတယ်။

တရုတ်က ငွေချေးပေးတာကိုတော့ ကျေးဇူးတင်ရပါလိမ့်မယ်။ ဒါပေမယ့် မြန်မာအစိုးရက ပေးဆပ်ရမယ့်အတိုင်းအတာကိုလည်း ခန့်မှန်းကြည့်ဖို့ လိုပါတယ်။ မြန်မာအစိုးရဟာ ကျောက်ဖြူရေနက်ဆိပ်ကမ်းကို တရုတ်လက်ထဲ ထိုးအပ်ရသလို ထားဝယ်ရေနက်ဆိပ်ကမ်းကိုလည်း ထိုင်းလက်ထဲ အတင်းထည့်ပေးနေပါတယ်။ ဒီထားဝယ်နဲ့ ကျောက်ဖြူကို တရုတ်က အခြေစိုက်စခန်းအဖြစ် အသုံးပြုဖို့ များနေပါတယ်။ တရုတ်က အိန္ဒိယနဲ့ အမေရိကန်ကို ကိုင်ဖို့ မြန်မာနဲ့ ပါကစ္စတန်ကို ချဉ်းကပ်နေပါတယ်။ သေချာတာက တရုတ်ချေးပေးတဲ့ငွေဟာ အခြေစိုက်စခန်းအတွက် ငှားရမယ့်ငွေတွေ ဖြစ်သင့်ပါတယ်။ အရင်တုန်းက ဖိလစ်ပိုင်၊ အခု ဂျပန်နဲ့ တောင်ကိုရီယားနိုင်ငံတွေမှာ အမေရိကန်အခြေစိုက်စခန်းတွေ ရှိပါတယ်။ ဒီအခြေစိုက်စခန်းတွေအတွက် အမေရိကန်က ဒေါ်လာဘီလီယံပေါင်းများစွာ ပေးငှားရပါတယ်။ ဗီယက်နာမ်စစ်ပွဲတုန်းက ထိုင်းအခြေစိုက်စခန်းကို အသုံးပြုရလို့ ထိုင်းတွေ မြန်မာနိုင်ငံကို ကျော်ဖြတ်သွားတာကိုပဲ ကြည့်ပါ။

၁၉၉၀ -ခု ရလာဒ်ကို ဆုပ်ကိုင်ခြင်းဟာ ဒေါ်စုတို့အတွက် မှန်ကန်တဲ့ ရပ်တည်ချက်ဖြစ်တယ်။ အခြေခံဥပဒေအတွက် နှစ်ပေါင်း(၂၀)ကျော် တိုက်ခဲ့ပြီ၊ မအောင်မြင်သေးဘူး။ ဒါက လမ်းမှားနေလို့ပဲလို့ စွပ်ဆွဲလို့ မဖြစ်ဘူး။ နယ်လဆင်မန်ဒဲလားတို့ဆို ဒေါ်စုထက် ပိုကြာပါတယ်။ ဇွဲရှိဖို့ပဲ လိုပါတယ်။ နောင်အနှစ်(၂၀)မှာ လက်ရှိဥပဒေကို လွှတ်တော်မှာ ပြင်ခွင့်ရဖို့ မသေချာသလို လက်ရှိတော်လှန်ရေးကို နောက်နှစ်ပေါင်း(၂၀)ကျော် ဆက်လက်တိုက်ပွဲဝင်ယင်လည်း လုံးဝမအောင်မြင်နိုင်ဘူးလို့ ဘယ်သူက ငြင်းပယ်ဝံ့လဲ။ နိုင်ငံရေးသမားဆိုတာ နိုင်ငံရေးသစ္စာရှိရမယ်။ နိုင်ငံရေးသမားဆိုတာ ကိုယ်ယုံကြည်ချက်ကို မရောင်းစားရဘူး။ အပေးအယူမလုပ်ရဘူး။ အလျှော့အတင်းမလုပ်ရဘူး။ သေတပန်သက်တဆုံး တိုက်ပွဲဝင်ရမယ်။ မအောင်မြင်ယင်လည်း နောက်မျိုးဆက်သစ်တွေက ဆက်ပြီး တိုက်ပွဲဝင်ကြပါလိမ့်မယ်။

တိုင်းရင်းသားလက်နက်ကိုင်များနဲ့ပတ်သက်ပြီး ကွန်မြူနစ်သူပုန်တွေနဲ့ နှိုင်းယင် မှားပါတယ်။ ထိုင်းတို့၊ မလေးရှားတို့၊ စင်ကာပူတို့က ကွန်မြူနစ်တွေဟာ သူတို့ရဲ့ယုံကြည်ချက်ကို ပဲလှော်နဲ့ လဲစားခဲ့ကြပါတယ်။ ဗမာပြည်ကွန်မြူနစ်ပါတီကလည်း တရုတ်ဆိုတဲ့နဂါးက အမြီးဖျားနဲ့ ရိုက်လိုက်လို့ ဘဝပျက်သွားတာပါ။ (ဒါဟာ တရုတ်တွေဟာ သူတို့ အကျိုးစီးပွားအတွက်ဆိုယင် ကွန်မြူနစ်ဝါဒကိုတောင် သစ္စာဖောက်ဖို့ ဝန်လေးသူတွေ မဟုတ်ပါ)။ နောက်ပြီး ကွန်မြူနစ်တို့ရဲ့ အစွန်းရောက်မှုတွေကြောင့် အမာခံနယ်မြေတွေ ဆုံးရှုံးကုန်တယ်လို့ ယူဆပါတယ်။ ဒါပေမယ့် မြန်မာနိုင်ငံက တိုင်းရင်းသားတွေဟာ ခွဲထွက်ဖို့ တိုက်နေတာ မဟုတ်ပါ။ မိမိတို့ရဲ့အခွင့်ရေးအတွက် တိုက်ပွဲဝင်နေတာပါ။ ကွန်မြူနစ်ဝါဒအတွက်၊ ဒီမိုကရေစီရေးအတွက်၊ လူ့အခွင့်အရေးအတွက် မဟုတ်ဘူးလို့ ပြောရမှာဖြစ်တယ်။ သူတို့ရဲ့ ရည်မှန်းချက်အစစ်အမှန်က လူမျိုးတန်းတူရေးသာ ဖြစ်တယ်။ တိုင်းပြည်က တိုးတက်လာသည်နဲ့အမျှ လုံးပါးပါးကုန်မယ်လို့ ပြောယင် သမိုင်းမကြေရာရောက်ပါတယ်။ အမှန်မတော့ ဒီတိုင်းရင်းသားလက်နက်ကိုင်တွေအများစုက အရှေ့တောင်အာရှမှာ အချမ်းသာဆုံးလို့ သတ်မှတ်ခံရတဲ့ ဦးနုပါလီမာန်အစိုးရခေတ်ကတည်းက ရှိနေခဲ့တာပါ။ တိုင်းပြည်တိုးတက်ယင် အစိုးရက အင်းအာကြီးလာသလို သူပုန်တွေလည်း အင်အားကြီးလာတတ်ကြောင်း သတိချပ်သင့်ပါတယ်။

နောက်ဆုံး သုံးသပ်ချင်တာက သိန်းစိန်တို့က လမ်းမှန်ကို လျှောက်နေတယ်လို့ မယူဆပါ။ သိန်းစိန်အစိုးရဟာ လွတ်လပ်စွာ တက်လာတဲ့အစိုးရ မဟုတ်တဲ့အတွက် သူ့ကို မတရားတင်မြှောက်ပေးတဲ့နောက်ကွယ်က လူတွေရဲ့ လောင်းရိပ်ကနေ ရုန်းမထွက်နိုင်ပါဘူး။ သူက အတိုက်အခံတွေအပေါ်ပဲဖြစ်ဖြစ်၊ တိုင်းရင်းသားတွေအပေါ်ပဲဖြစ်ဖြစ် သဘောထားပျော့ပျောင်းလို့ မရပါ။ အဆင်မပြေပါက စစ်တပ်က အချိန်မရွေး အာဏာပြန်သိမ်းနိုင်ပါတယ်။ သူကိုယ်တိုင် အနိုင်နိုင်ထိန်းနေရတယ်ဆိုတော့ ဖြောင့်ဖြောင့်မတ်မတ် လျှောက်ဖို့ လုံးဝမဖြစ်နိုင်ပါ။

(ရာမည)