မတားဆီးနုိုင်သေးသော ခုခံအားကျရောဂါ နှင့် အနာဂါတ်အလားအလာ

by Nyan Lin on Monday, May 16, 2011 at 2:19pm

စာရေးသူ၏ မှတ်ချက်
အိပ်ခ်ျအုိုင်ဗွီ ပုိုး ကူးစက်ခံထားရသော သူငယ်ချင်းတစ်ဦးကြောင့် ဤဆောင်းပါးကုို ရေးရန် ဆန္ဒဖြစ်ပေါ်လာခဲ့သည်။ သူငယ်ချင်းသည် ဆေးဘက်ဆုိုင်ရာ အထူးကုဆရာဝန် တစ်ဦးဖြစ် သော်လည်း အသက် ၂၆နှစ် ဆရာဝန်ဖြစ်ပြီး မကြာမီတွင် အိပ်ခ်ျအုိုင်ဗွီပုိုး ကုို ရရှိခဲ့သည်။ သူသည် အသက် (၁၂)ခန့် အရွယ် လူပျိုဖေါ်ဝင်ချိန်မှ စတင်ကာ လိင်တူကုိုသာ စိတ်ဝင်စား ခဲ့သည် ဟု ဆုိုသည်။ သူ၏ ပြောပြချက်များကုို အခြေပြုပြီး မြန်မာစာဖတ်သူများ မသိသေးသော အချက်များ ဆက်လက် ပေါ်ထွက်နေသည်ဟု ယူဆသဖြင့် ဤဆောင်းပါးတွင် တတ်နုိုင်သမျှ လုိုအပ်သော အချက်အလက်များ ထည့်သွင်းဖြည့်စွက် ထားပါသည်။



”အိပ်ခ်ျအုိုင်ဗွီ” တွေနှင့် ရင်လေးစရာ မြန်မာပြည်

အိပ်ခ်ျအုိုင်ဗွီအကြောင်း စဉ်းစားတဲ့အခါ မြန်မာပြည်ရှေ့ရေးအတွက် ရင်မအေးစရာ ကိစ္စတွေ ဖြစ်လာပါတယ်။ မြန်မာပြည်မှာ နှစ် (၂၀) ကျော်ကြာ ကျန်းမာရေးလုပ်ငန်းတွေ လုပ်နေတဲ့ အေဇက်ဂျီ အကြီးအကဲ Dr. Frank Smithuis က မြန်မာနုိုင်ငံရဲ့ လိင်လုပ်သား အနည်းဆုံး ၂၃% ခန့်မှာ အိပ်ခ်ျအုိုင်ဗွီပုိုး ရှိနေတယ်လုို့ လွန်ခဲ့သော ၄နှစ်ခန့်က ထုတ်ဖေါ်ပြောကြားခဲ့ပါတယ်။  အဲဒီသတင်း ထွက်ပေါ်လာပြီး မရှေးမနှောင်းမှာပဲ  ရောဂါပုိုးကူးစက်ခံထားရသူ (၂၄၀၀၀၀) ခန့် ရှိတယ်လုို့ မြန်မာစစ်အစုိုးရက တရားဝင် ကြေငြာခဲ့ပါတယ်။ ဒါပေမဲ့ တကယ် ရောဂါပုိုး ကူးစက်ခံထားရတဲ့ အရေအတွက်ဟာ အဲဒီထက် များတယ်လုို့  Dr. Frank Smithuis  ကပဲ ပြောခဲ့ပါတယ်။
ကျွန်မကုိုယ်တုိုင် ၁၉၉၀ ပြည့်နှစ်များမှ စတင်ပြီး ရန်ကုန်မှာ အိပ်ခ်ျအုိုင်ဗွီကြောင့် အသက်ဆုံးရသော ကျောင်းနေဖက်၊ အပေါင်းအသင်း၊ လုပ်ဖေါ်ကုိုင်ဖက်၊ မိတ်ဆွေများကုို စတင်မြင်ခဲ့ရပါတယ်။ မှတ်မိသလောက် ပြောရရင် ဒီရောဂါ ရပြီး သေဆုံးသွားသူများထဲမှာ အသိပညာ ရှင်၊ အတတ်ပညာရှင် များစွာ ပါဝင်ခဲ့ပါတယ်။ အမှန်တော့ အိပ်ခ်ျအုိုင်ဗွီ ကြောင့်သေသူ မြောက်များစွာ ဟုိုစဉ်ကတည်းက ရှိခဲ့မှာပါ။ ရောဂါပုိုးကုို နာမည်မတပ်နုိုင်ခဲ့လုို့်၊ စစ်ဆေးနုိုင်ခြင်း မရှိခဲ့လုို့ အိပ်ခ်ျအုိုင်ဗွီမှန်း မသိခဲ့ကြတာပါ။

ပထမဦးဆုံး အေအုိုင်ဒီအက်စ် ရောဂါ ကူးစက်ခဲ့သူများ
ဒီရောဂါ ဘယ်အချိန်က ဘယ်လုို စဖြစ်လာတာ၊ လူဘယ်နှစ်ယောက် သေတယ် ဆုိုတာတွေကုို အတိအကျ ဘယ်သူမှ မသိကြပါဘူး။ ဒါပေမဲ့ ၁၉၈၀ ခုနှစ်နောက်ပုိုင်းလောက်က စပြီး အမည်မဖေါ်နုိုင်တဲ့ ရောဂါဆန်းကြီးအကြောင်းကုို အမေရိကန်တွေ စတင်ကြားသိခဲ့ကြရပါ တယ်။ ၁၉၈၀ ခုနှစ် အစောပုိုင်း ကာလများမှာ နယူးယောက်မြို့ နဲ့ ကာလီဖုိုးနီးယားမှာ ရှိတဲ့ လိင်တူဆက်ဆံသူ လူငယ်တော်တော်များများ ဟာ လူကြီးတွေမှာ ဖြစ်လေ့ရှိတဲ့ ကုရခက်တဲ့ Kaposi's Sarcoma (KS) လုို့ ခေါ်တဲ့ ကင်ဆာရောဂါတစ်မျိုးကုို စတင်ခံစားခဲ့ရပါတယ်။ ဆေးရုံ၊ ဆေးခန်း၊ ဆရာဝန်များအကြား ဒီကိစ္စဟာ အဖြေရှာရ ခက်တဲ့၊ စုိုးရိမ်စရာ ကိစ္စကြီးတစ်ခု ဖြစ်လာခဲ့ပါတယ်။ ဒါပေမဲ့ ရောဂါဟာ လိင်တူဆက်ဆံသူများအကြား တုိုက်တုိုက်ဆုိုင်ဆုိုင် တပြိုင်နက်တည်းမှာ ဖြစ်လာ တာဆုိုတော့ ဘာမှန်းသေသေချာချာ မသိကြပေမဲ့ ဒီရောဂါဟာ လိင်ဆက်ဆံရာက ကူးတာဖြစ်နုိုင်တယ်လုို့ အားလုံးက တညီတညွတ်တည်း တွက် ခဲ့ကြပါတယ်။
ဒီရောဂါကုို တကမ္ဘာလုံးက စတင်သိရှိခဲ့ရတာတော့ အဲဒီတုန်းက နာမည်ကြီး ဟောလီးဝုဒ် မင်းသားကြီး ”ရော့ခ်ဟတ်ဆန်” ကြောင့်ပါ။ သူ့မှာ ရောဂါဖြစ်လာတော့ တကမ္ဘာလုံး လှုပ်လှုပ်ရှားရှား ဖြစ်ကုန်ပါတယ်။ ”ရော့ခ်ဟတ်ဆန်” မှာ အိပ်ခ်ျအုိုင်ဗွီပုိုး ရှိနေကြောင်းကုို ၁၉၈၄ ခုနှစ် ဇွန်လမှာ တရားဝင် အဖြေထွက်လာပါတယ်။
၁၉၈၅ခုနှစ်မှာတော့ ဟတ်ဆန် နဲ့  သိတ်ခင်တဲ့ မင်းသမီး ”ဒေါရစ်စ်ဒေး” က ရုပ်မြင်သံကြား အစီအစဉ် တစ်ခုကုို စပြီးပွဲဦးထုတ်တော့ ဒေါရစ်ဒေးက ဟတ်ဆန်ကုို ဖိတ်လုိုက်ပါတယ်။ ”ဒေါရစ်စ်ဒေး” ကုို ကူတဲ့အနေနဲ့ ဟတ်ဆန် စင်ပေါ်တက်ရောက်ပြီး စကားပြောတဲ့အခါ ပိန်ချုံးပြီး လူရုပ်ပျောက်နေတဲ့ သူ့ကုို ဒေါရစ်ဒေး အပါအဝင် ပရိသတ်အားလုံးက ပွဲစဉ်တစ်လျှောက်လုံး အံ့သြထိတ်လန့်စွာနဲ့ စုိုက်ကြည့်နေခဲ့ရတယ်လုို့ ဆုိုပါတယ်။

ဆေးပေါ်ထွက်လာခြင်း
အနာသိပြီးတဲ့နောက်ပုိုင်း ဆေးရှိအောင် လုပ်ကြပါတယ်။ အိပ်ခ်ျအုိုင်ဗွီပုိုးကုို သေသွားအောင် မသတ်နုိုင်ပေမဲ့၊ ရောဂါကာကွယ်ဆေး မထုတ်နုိုင်ပေမဲ့ ခန္ဓာကုိုယ်ခုခံအားကုို ကျဆင်းမသွားအောင် ထ်ိန်းထားနုိုင်မဲ့ ဆေးများကုို ၁၉၉၅ ပါတ်ဝန်းကျင် လောက်မှာ စတင်ထုတ်လုပ်ခဲ့ပါတယ်။  ဒီဆေးကုို သုံးခြင်းဖြင့် အနည်းဆုံး အနှစ် ၂၀ခန့် ဆက်လက် အသက်ရှင်နုိုင်တယ်လုို့ ဆုိုပါတယ်။
ဆေးတွေဟာ အမျိူးအစားစုံလှပြီး ဘေးထွက်အာနိသင် တွေ ရှိနေတဲ့အတွက် ဘေးထွက် အာနိသင် နည်းပါးသော ဆေးများကုို တဆင့်ထက် တဆင့် တုိုးမြှင့် ထုတ်လုပ်ခဲ့ကြ ပါတယ်။ မြန်မာပြည်ကုို ပထမဦးစွာ စတင် ဝင်ရောက်တဲ့ ဆေးကတော့ ”အေဇက်တီ” လုို့ မှတ်မိပါ တယ်။ ခုခံအားကျရောဂါ မဖြစ်စေရန် သုံးတဲ့ ”အေဇက်တီ” ဟာ ခုခံအားကျ ရောဂါဖြစ်လာ စေတယ်လုို့ အထောက်အထားများ ထွက်ပေါ်လာလုို့  တချို့နုိုင်ငံတွေမှာ ဆေးကုမ္ဗဏီကုို တရားစွဲတဲ့အတွက် အမှုတွေတောင် ဖြစ်ယူရပါတယ်။
အခုနောက်ပုိုင်းမှာ ဆက်တုိုက် ထွက်နေတဲ့ ဆေးတွေက များတော့ မမှတ်မိတော့ပါဘူး။ ဈေးပေါလေလေ၊ ဘေးထွက်အာနိသင်အကျိုးဆက်မှာ ပုိုမုို အန္တာရာယ် ကြီးမားလေ ဖြစ်ပါတယ်။ အိပ်ခ်ျအုိုင်ဗွီကြောင့် ခုခံအားကျ ရောဂါ ခံစားခဲ့ရတဲ့ ကျွန်မရဲ့ သူငယ်ချင်း ကတော့ ဆေးနဲ့ပါတ်သက်တဲ့ သူရဲ့ အတွေ့အကြုံကုို ခုလုိုရင်ဖွင့်ပါတယ်။ ”ခုခံအားကျဆေးတွေက ဈေးသိတ်ကြီးတယ်။ အာရှတုိုက်မှာ ဈေးပေါပေါနဲ့ ဖြန့်တဲ့ ဆေးတွေရှိတာကုို သိပါတယ်။ ဒါပေမဲ့ အဲဒီဆေးတွေက ကျောက်ကပ်ကုို အရမ်းထိတာ။ ငါတော့မသောက်ရဲဘူး။ တကယ်ကောင်းတဲ့ ဆေးကတော့ တစ်လကုို အနည်းဆုံး ဒေါ်လာ ၄၀၀ လောက် အနည်းဆုံးရှိတယ်။ အခု ငါသောက်နေတာ အဲလုို ဆေးမျိုးပေါ့” လုို့ ပြောပါတယ်။
ဆေးကြောင့် ပုိုးကုို ရှာမတွေ့တော့ခြင်း
သုတေသနပညာရှင်များက ဆေးတွေကုို ပူးတွဲသုံးပြီး ပုိုးကုို နှိမ်နင်းတဲ့ နည်းကုိုလည်း စမ်းသပ် အသုံးပြုလျှက် ရှိပါတယ်။ နှစ်မျိုးတွဲသောက်တာက တမျိုးတည်းသောက်တာထက် ပုိုမုိုထိရောက်တယ် လုို့ ဆုိုပါတယ်။ လက်ရှိမှာတော့ saquinavir ဆုိုတဲ့ ဆေးနှင့် ritonavir ၊ တုို့ကုို ပူးတွဲသုံးရင် သေနုိုင်တဲ့အထိ ဘေးထွက် အာနိသင်များ ရှိတယ်လုို့ တရားဝင်သတင်းထုတ်ပြန်ထားပါတယ်။
ဆေးသောက်ထားသူရဲ့ သွေးထဲမှာ ရောဂါပုိုး ကုို ရှာဖွေရခက်ခဲလာကြောင်း သူငယ်ချင်းကပဲ ဆက်လက် ရှင်းပြပါတယ်။  ” ဆေးသောက်ပြီး တစ်နှစ်လောက်ကြာတဲ့အခါ ကုိုယ်ခံအားတွေ ပြန်တက်လာတယ်။ သွေးထဲမှာ ရှိတဲ့ အိပ်ခ်ျအုိုင်ဗွီ ဗုိုင်းရပ်စ်ပုိုးကုိုလည်း စစ်ဆေးတဲ့ စက်က ရှာမတွေ့တော့ဘူး။ ခုဆုိုရင် သွေးစစ်တုိုင်း ပုိုးရှာမတွေ့တာ ၁နှစ်ကျော်သွားပြီ”
”ဒီလုိုဆုိုရင် အိပ်ခ်ျအုိုင်ဗွီ မရှိတော့တာလား” ဟု ကျွန်မက မေးသောအခါ ”မဟုတ်ဘူး၊ ဗုိုင်းရပ်စ်ပုိုးက ခဏအိပ်ပျော်သွားတဲ့ သဘောပဲ” ဟု ဖြေသည်။
သူငယ်ချင်းဟာ လိင်တူချင်းဆက်ဆံရာမှ ရောဂါ ရရှိလာခဲ့တာပါ။ သူ့ကုို ရောဂါကူးစက်စေခဲ့သူ လူငယ်ကလည်း အရင်လိင်တူဆက်ဆံဖက်တစ်ဦးထံမှ ရခဲ့တာလုို့ ပြောပါတယ်။ သူ့ချစ်သူကောင်လေးကုို လျှော့တွက်ခဲ့မိကြောင်းကုိုလည်း ခုလုိုရှင်းပြပါတယ်။
”သူက ရုပ်ကလည်း အရမ်းချော၊ အနေအထုိုင်လည်း သိတ်သန့်၊ နောက်ပြီး အသက်က (၁၉) နှစ် ပဲ ရှိသေးတော့ ပုိုးရှိလိမ့်မယ်လုို့ မျှော်လင့်မထားမိဘူး။ အရင်တယောက်နဲ့ ပြတ်ပြီးတဲ့နောက် တခါမျှ သွေးစစ်ခြင်း မရှိပဲ ငါနဲ့ အိပ်ပြီးတော့မှ အရင်တစ်ယောက်က သူ့မှာ ရောဂါရှိနေကြောင်း အကြောင်း လှမ်းကြားခဲ့တာ” လို့  ပြောပါတယ်။
” ရောဂါပုိုးရှိနေတာကုို စောစောစီးစီး မသိခဲ့တော့ ဘာမှ မလုပ်နုိုင်သေးခင် ငါ့မျက်လုံးထဲကုို ပုိုးဝင်တယ်။ ဝင်တဲ့ ပုိုးက ကျောက်ရောဂါရဲ့ မျိုးစိတ်တစ်ခုပဲ။ ကုလုို့မရတော့ ဘူး။ အခုဆုိုရင် ငါ့မျက်လုံးက ဆေးအမြဲထည့်နေရတယ်” လုို့ သူငယ်ချင်းက ပြောပြရှာပါတယ်။

လိင်တူဆက်ဆံသူများနှင့် လိင်ကွဲချစ်သူအယောင်ဆောင်များ
ကမ္ဘာမှာ ဒီကနေ့အထိ အိပ်ခ်ျအုိုင်ဗွီကြောင့် သေဆုံးရသူ ခန့်မှန်းခြေ လူ(၂၅)သန်းခန့် ရှိသွားပါပြီ။ အခုနောက်ပုိုင်း တချို့ ဖွံ့ဖြိုးဆဲ နုိုင်ငံများမှာ အ်ိပ်ခ်ျအုိုင်ဗီ ဖြစ်ပွားနှုန်းကုို အတော်အတန် လျှော့ချနုိုင်ခဲ့ပေမဲ့လည်း သြစတြေးလျ မှာတော့ ၁၉၉၉-၂၀၀၉  ခုနှစ်အတွင်း အိပ်ခ်ျအုိုင်ဗွီ ဖြစ်ပွားသူ ၅၀% ခန့်တုိုးမြှင့်လာ တယ်လုို့ ပြောပါတယ်။ သြစတြေးလျ နဲ့ အမေရိကန်နုိုင်ငံ၏ တရားဝင်စာရင်း ဇယားများကုို ကြည့်လျှင် အိပ်ခ်ျအုိုင်ဗွီ ကူးစက်ခံရသူ အများစုမှာ လိင်တူဆက်ဆံသူ အများစု ဖြစ်ကြောင်း တွေ့ရပါတယ်။
ခက်တာက လိင်တူဆက်ဆံသူ တချို့ဟာ ဇနီးမယား၊ သားသမီးများနဲ့ သူလုို ကုိုယ်လုို လူတန်းစားတွေပါ။ ပါတ်ဝန်းကျင် လူမှုအသုိုင်းအဝုိုင်းကြောင့် လူမြင်ကောင်းအောင်၊ ပုံမှန်ဘဝအခြေအနေမျိုး ဖြစ်အောင် နေနေကြသူတွေပါ။ အဲသလုို တင့်တယ်တဲ့ဘဝမျိုးမှာ နေနုိုင်အောင် မိန်းမတွေကုို လက်ထပ်ယူခဲ့သူများထဲဝယ် မင်းသားကြီး ”ရော့ခ်ဟတ်ဆန်” ကုိုယ်တုိုင်လည်း ပါဝင်ခဲ့ပါတယ်။ ဟတ်ဆန်ရဲ့ ကိစ္စမှာ ဇနီးဖြစ်သူက ဟတ်ဆန် ယောင်္ကျားတစ်ယောက်နဲ့ ဖေါက်ပြန်နေတာကုို ပျားရည်ဆမ်းခရီးထွက်ချိန်မှာပဲ သိသွားလုို့  လင်မယားအကြီးကျယ် စကားများခဲ့ကြပါတယ်။ လက်ထပ်ပြီး ၃နှစ်ခန့် အကြာမှာတော့ တရားဝင် ကွာရှင်း ပြတ်ဆဲခဲ့ပါတယ်။
လက်ရှိ စာရင်းကောက်ယူချက်အရ အမေရိကတုိုက်မှာ အိမ်ထောင်ဇနီးမယား ရှိလျှက် လိင်တူဆက်ဆံသူ အမျိုးသားများ မှာ ၃၀% ခန့် ရှိနေတယ် လုို့ ဆုိုပါတယ်။ အာရှတုိုက်မှာတော့ လိင်တူရော၊ လိင်ကွဲရော နှစ်မျိုးစလုံး ဆက်ဆံတဲ့ အမျိုးသားများ၊ နဲ့ လိင်တူဆက်ဆံသူ အမျိုးသားများမှာ ၃၀% ခန့်ဟာ ရောဂါပုိုး သယ်ဆောင်ထားပါတယ်။ အမေရိကန်မှာ ၂၀၀၈ခုနှစ်အတွင်း လူ (၅၆၃၀၀)ကျော် အိပ်ခ်ျအုိုင်ဗွီ ကူးစက်ခဲ့ပြီး ၅၃% က လိင်တူနဲ့ လိင်ကွဲ နှစ်မျိုးစလုံး ဆက်ဆံသူ အမျိုးသားများ၊ နှင့် လိင်တူဆက်ဆံသူ အမျိုးသားများ ဖြစ်ပါတယ်။ အဲဒီအထဲမှာ လူမဲဦးရေ က လူဖြူဦးရေရဲ့ ၇ဆ ရှိတယ်လုို့  စာရင်းထုတ်ပြန်ပါတယ်။

ပုိုးရှိလျက်နှင့် အကာအကွယ်မသုံးပဲ လိင်ဆက်ဆံလျှင်ထောင်ဒါဏ်
လက်ရှိ ကြုံတွေ့နေရတဲ့ ပြဿနာကတော့ ဖွံ့ဖြိုးပြီးနုိုင်ငံတွေမှာ ရောဂါပုိုးကူးစက်ခြင်းကုို ကာကွယ်တဲ့အနေနဲ့  အကာအကွယ် မရှိ လိင်ဆက်ဆံသူတွေကုို အစုိုးရက ထောင်ဒါဏ် (၇)နှစ်အထိ သတ်မှတ်လုိုက်တာပါ။ ဒါပေမဲ့လည်း ဒီဥပဒေကြောင့် လူတချို့ က အိပ်ခ်ျအုိုင်ဗွီ ရှိနေတာကုို သက်ဆုိုင်ရာကုို သတင်းမပုို့ခဲ့ရင် ရောဂါကူးစက်မှုကုို မထိမ်းချုပ်နုိုင်တော့ပဲ ဖြစ်လာမှာကုို ပူပင်နေရကြောင်း လူထုကြားထဲမှာ အငြင်းပွားလျှက် ရှိပါတယ်။ အိပ်ခ်ျအုိုင်ဗွီ ကုိုယ့်ထံရောက်မလာအောင် ဘယ်သူ့မှာ တာဝန်ရှိသလဲ။ မိမိနဲ့ မိမိ မိသားစုကုို ရောဂါပုိုးရောက်မလာအောင် ကာကွယ်ဘုို့ကတော့ လူတုိုင်းရဲ့ တာဝန်ပါပဲ။ ဒီခေတ်ထဲမှာ ဘယ်သူ့ကုိုမှ ယုံလုို့မရတော့ဘူးဆုိုတာ အားလုံး စဉ်းစားပြီး ဖြစ်ကြမှာပါ။

ရည်ညွှန်းကုိုးကား
1. http://www.avert.org/origin-aids-hiv.htm
2. The interview with AZG
3. Biography of Rock Hudson (http://en.wikipedia.org/wiki/Rock_Hudson)
4. http://www.reuters.com/article/idUSTRE64G2GX20100517