ဖြစ်တည်မှု ဖြစ်စဉ်
|
12:45 AM |
No မှတ်ချက် |
(က)
သတ္တ၀ါတို့ တိုက်ခြင်းအစ
ကိုက်ခြင်းက ဖြစ်ဟန်ရှိ …
စစ်လက်နက်တို့ သစ်ဆန်း
စစ်ပညာတို့ သစ်ဆန်း
စစ်လမ်းတို့ ဖူးပွင့်ဝေ …
ထိုထိုအထဲ
တို့ဗမာဆိုတာက ထိပ်တန်း …
သမ်ိုင်းမတင်မီ မြန်မာပြည်မှသည်
နန်းကျ နန်းတက်
စစ်နဲ့တယ်မကင်း …
အတော်ဆုံးမင်းဆိုတာ
စစ်တိုက်ခြင်းနဲ့သာ စံထိုး
ပုဂံ၊ ပဲခူး၊ ကုန်းဘောင်နဲ့ ရတနာပုံ
အင်္ဂလိပ် မြန်မာ စစ်ပွဲများ
ကိုလိုနီခေတ်၊ လွပ်လတ်ရေးခေတ်
စစ်တိုက်တော်သူသာ သူရဲကောင်းဖြစ် …
(ခ)
ကျောင်းသား ငယ်ဘ၀ကပင်
စတင်ခဲ့တယ် ဆိုရမလား
ကျောက်သင်ပုန်းထဲ စစ်ကစား
သေနတ်ပစ်တန်း တပျော်တပါး ကစား …
အချစ်နဲ့စစ်မှာ မတရားတာမရှိ
တိုက်ရဲသူတို့ အောင်ပွဲ
သေနတ်ပြောင်းဝမှာ အာဏာရှိတယ်
ခွပ်ဒေါင်းသွေး ရဲရဲနီ
တိုက်မယ်ခိုက်မယ် တို့ခွပ်ဒေါင်း …
သက်တမ်းအရှည်ဆုံး စစ်အစိုးရ
တို့နိုင်ငံက
တို့နိုင်ငံက …
(ဂ)
ဒါဝင်သီအိုရီအရ
ကိုက်ခြင်းမှသည် တိုက်ခြင်းသို့ တစစတိုး
သည်အမျိုး၊ သည်တိုင်းပြည်
သွေးမြစ်တွေ အလီလီဝေခဲ့ပြီ
မြေနီနီ၊ လေနီနီ
အတွေးအမြင်တွေ နီ
ယဉ်ကျေးမှုတွေ နီ ...
လူဖြစ်ခြင်းဟူသည်
တိုက်ဖို့ပင် သက်သက်လေလား။ ။
လူဗိုလ်
0 comments:
Post a Comment