14.03.2012 နေ့ဖတ်ရန်သတင်းများ

by Myanmar Journal on Wednesday, March 14, 2012 at 9:13am ·

 
ကိုယ်စားလှယ်အဖွဲ့ကို လုံခြုံရေးလိုက်ပေးနေ တဲ့ လုံခြုံရေးတဉီး ပစ်သတ်ခံလိုက်ရပါတယ် 
အာဖဂန် အစိုးရကိုယ်စားလှယ်အဖွဲ့ တိုက်ခိုက်ခံရ
အာဖဂန်နစ္စတန်မှာ တနင်္ဂနွေနေ့တုန်းက အမေရိကန် စစ်သားတဉီးကနေ အာဖဂန် အရပ်သား ၁၆ ယောက်ကို သတ်ဖြတ်လိုက် တယ်ဆိုတဲ့ ရွာကို အာဖဂန်အစိုးရ ကိုယ်စားလှယ် အဖွဲ့သွားရောက်ရာမှာ သေနတ်သမားတွေက အဲဒီ ကိုယ်စားလှယ် အဖွဲ့ကို ပစ်ခတ် တိုက်ခိုက်ခဲ့ပါတယ်။
သမ္မတ ခါဇိုင်းရဲ့ ညီအကိုတော်သူ ၂ ဉီးလည်း ပါဝင်တဲ့ ဒီအဖွဲ့ဟာ ဘလန်ဒီရွာ အရောက်မှာ ပစ်ခတ်ခံခဲ့ရတာ ဖြစ်ပါတယ်။
ကိုယ်စားလှယ်အဖွဲ့ကို လုံခြံရေး လိုက်ပေးနေတဲ့ လုံခြုံရေးတဉီး ပစ်သတ်ခံလိုက်ရပါတယ်။
ပစ်ခတ်မှုတွေ လုပ်ခဲ့တဲ့ အမေရိကန် စစ်သားဟာ စိတ်ပုံမှန် မဟုတ်တဲ့လူ ဖြစ်ကြောင်းကို သေဆုံးသူတွေရဲ့ မိဘဆွေမျိုးတွေကို ကိုယ်စားလှယ်တွေက ရှင်းပြနေခဲ့ကြတာဖြစ်ပါတယ်။
အဲဒီနောက်မှာတော့ အစိုးရ ကိုယ်စားလှယ်တွေဟာ သေဆုံးသူ တယောက်ချင်းဆီအတွက် သက်ဆိုင်ရာ ဆွေမျိုးတွေကို လျော်ကြေး ဒေါ်လာ ၂ ထောင် ပေးမယ်လို့ ပြောပါတယ်။
အခု သတ်ဖြတ်မှုကြောင့် အာဖဂန်နိုင်ငံ တဝန်း အကြီးအကျယ် ဒေါသဖြစ်စေခဲ့ပြီး အခု ကိစ္စအပေါ် ဆန့်ကျင်ဆန္ဒပြတဲ့ ဂျလာလာဘတ်မြို့ အစောပိုင်း ဆန္ဒပြမှု တွေမှာ ကျောင်းသား အများအပြား ပါဝင်ခဲ့ကြပါတယ်။

အခမ်းအနားတွေကနေ လူထုဆီသို့သွားပါ
ဒီကနေ့ မတ် ၁၃ မှာ ကျရောက်တဲ့ စက်မှုတက္ကသိုလ် ကျောင်းသား ကိုဖုန်းမော် သေဆုံးမှု ၂၄ နှစ်ပြည့် အထိမ်းအမှတ် မြန်မာ့ လူ့အခွင့်အရေးနေ့ကို နှစ်ပေါင်းများစွာအတွင်း ပထမဆုံးအကြိမ် ရန်ကုန်မှာ ခမ်းခမ်းနားနား ကျင်းပတာမှာ ဒေါ်အောင်ဆန်းစုကြည်နဲ့ ၈၈ မျိုးဆက် ကျောင်းသား ခေါင်းဆောင်တွေ တက်ရောက် မိန့်ခွန်း ပြောပါတယ်။
ကိုဖုန်းမော်နဲ့ ကိုစိုးနိုင်တို့မှာ ဒီမိုကရေစီ တိုက်ပွဲအတွက် ၂၆ နှစ်ကြာ အမှောင်ချခံ ခဲ့ရတဲ့ အမှောင်ခေတ် တခုလုံးကို လင်းသွားစေဖို့ အသက်တွေ စတေးပေးခဲ့တဲ့ မီးရှူးမီးပန်း နှစ်ခု ဖြစ်တယ်လို့ ကိုမင်းကိုနိုင်က ဘီဘီစီကို ပြောပါတယ်။
သူတို့နှစ်ဦးအပါအဝင် နောက်ပိုင်းမှာ ကျဆုံးခဲ့တဲ့ သူရဲကောင်းတွေရဲ့ ပေးဆပ်မှု တန်အောင် အားလုံး အလုပ် ဆက်လုပ်ဖို့ လိုတယ်လို့လည်း သူက ထောက်ပြ ပြောဆိုပါတယ်။
ဒါပေမဲ့ ဒီလို အခမ်းအနားတွေ ကျင်းပနေရုံနဲ့တော့ မရဘဲ ပြည်သူတွေဆီ အရောက်သွားလို့ လူ့အခွင့်အရေးတွေ ပြည်သူတွေ ခံစားနိုင်ဖို့ လက်တွဲ လုပ်ကြဖို့ လိုတယ်၊ ဒါကြောင့် ``အခမ်းအနားမှသည် ပြည်သူ့ဆီသို့`` ကြွေးကြော်သံနဲ့ တက်ရောက် လာသူတွေကို ပန်ကြားခဲ့တယ်လို့လည်း ကိုမင်းကိုနိုင်က ဘီဘီစီကို ပြောပါတယ်။
ပြည်သူတွေဆီ သွားဖို့ဆိုတာမှာ လွတ်လပ်စွာ ဟောပြောခွင့်၊ စည်းရုံးခွင့်၊ ကိုးကွယ်ခွင့်အပါအဝင် ပြည်တွင်းစစ်မီး တောက်နေတဲ့ ဒေသတွေမှာလည်း လူ့အခွင့်အရေး ချိုးဖောက်မှုတွေ ရှိနေဆဲ ဖြစ်လို့ ငြိမ်းချမ်း ပွင့်လင်း လူ့အဖွဲ့အစည်း သဘောကို အရအမိ လုပ်ဆောင်ဖို့ပါလို့ သူက ရှင်းပြပါတယ်။
ကိုမင်းကိုနိုင်ဟာ နိုင်ငံတကာရောက် ၈၈ မျိုးဆက် ကျောင်းသားတွေကိုလည်း ရဲဘော်တို့ အစချီလို့ ဗီဒီယိုကနေ တဆင့် အမှာစကား ပြောထား ပေမယ့်လို့ အခမ်းအနားတွေအပြင် ထိထိရောက်ရောက် လုပ်ပါဆိုတာဟာ သူတို့ကို ချက်ချင်း ပြည်တွင်း လာရမယ်လို့ ခေါ်ဖို့ အားမရှိတဲ့ အကြောင်း ရိုးရိုးပဲ ပြောပါတယ်။
ဒါပေမဲ့ တတ်နိုင်ရင် စိတ်ကူးတွေနဲ့ လူ့အခွင့်အရေးပညာပေး ဇာတ်လမ်းတွေ ရိုက်ပြီး ပြည်တွင်းမှာ ပြသနိုင်တယ်၊ ပြည်တွင်းမှာ ပြည်သူတွေရဲ့ နစ်နာ ဆုံးရှုံးမှုတွေကို ဖော်ထုတ် တင်ပြပေးနိုင်တယ်၊ ဆက်သွယ်ရေး ကောင်းတဲ့ခေတ်မို့ စိတ်ကူးနဲ့ အားစိုက်မှု ပေါင်းရင် အလုပ်ဖြစ်မယ်လို့ ကိုမင်းကိုနိုင်က ပြောပါတယ်။

ပထမ အကြိမ် ကျွန်းဒဏ်က ထွက်ပြေးခဲ့တဲ့ မှတ်တမ်းတသက်မှာ နှစ်ကျွန်းကျသူ
အင်းစိန်ထောင်အထူးတရားရုံးတခုဖြစ်တဲ့ ရန်ကုန်မြောက်ပိုင်းခရိုင် တရားသူကြီး ဦးလှဝင်းထိုင်တဲ့ရုံးကနေ KNU ဗဟိုကော်မတီဝင် ပဒိုမန်းငြိမ်းမောင်ကို မတရားအသင်း ဆက်သွယ်မှု ပုဒ်မ၁၇(၁)နဲ့ ထောင်ဒဏ် ၃နှစ်၊ နိင်ငံတော်ကို စစ်မက်ပြိုင်ဆိုင် တိုက်ခိုက်မှုမှာ ပါဝင်ကျူးလွန်တယ်ဆိုတဲ့ ပုဒ်မ ၁၂၂(၁)နဲ့ ထောင်ဒဏ် တသက်တကျွန်း ချမှတ်လိုက်တဲ့အကြောင်း ပဒို မန်းငြိမ်းမောင် အမှုကို လိုက်ပါဆောင်ရွက်ပေးတဲ့ တရားလွှတ်တော် ရှေနေ့ ဦးကြီးမြင့်က ဘီဘီစီကို ပြောပါတယ်။
ဒီအမှုကို အယူခံတက်မယ်ဆိုရင် ရက်ပေါင်း ၆၀ အတွင်း အယူခံတက်ရမှာ ဖြစ်ပါတယ်။ အယူခံနဲ့ ပတ်သက်ပြီး ကာယကံရှင် ပဒိုမန်းငြိမ်းမောင်သဘောထားကို မေးဖို့လိုဦးမယ်လို့ ရှေ့နေဦးကြီးမြင့်ကပြောပါတယ်။
ပဒိုမန်းငြိမ်းမောင်လွှတ်ဖို့ လွှတ်မလွှတ်ဟာ နိုင်ငံရေးနဲ့ တောတော် များများ ပတ်သက်နေပါတယ်။
ကေအန်ယူနဲ့ အစိုးရကြား ငြိမ်းချမ်းရေး သဘောတူညီချက်ရမရဟာ ပဒိုမန်းငြိမ်းမောင်ရဲ့ အမှုအပေါ် ကြီးကြီးမားမား သြဇာ သက်ရောက်နိုင်တယ်လို့ သူ့ရှေ့နေဉီးကြီးမြင့်က ပြောပါတယ်။
မန်းငြိမ်းမောင်ဟာ ပါလီမန်ဒီမိုကရေစီ အစိုးရလက်ထက်တုန်းကလည်း တသက်တကျွန်း ပြစ်ဒဏ်ကျခံခဲ့ရဖူးပြီး ကိုကိုးကျွန်းကနေ ထွက်ပြေးခဲ့သူမို့ အခုတကြိမ်ဟာ သူ့ဘဝတသက်မှာ ဒုတိယ အကြိမ် ကျွန်းဒဏ်ကျခံရတာဖြစ်ပါတယ်။
သူ့ရဲ့ ပထမအကြိမ်ကျွန်းကျစဉ်က ကိုကိုးကျွန်းကနေ ထွက်ပြေးခဲ့ပုံကို ရဲဘော်ရှောင်းနာမည်နဲ့ ကိုယ်တိုင်ရေးသား ထုတ်ဝေခဲ့ဖူးပါတယ်။

ရှားပါးသတ္တု တတန် ရဖို့၊ မြေဆီ စတုရန်းပေ သုံးထောင်ကျော် ပျက်စီးတယ်လို့ ဆိုပါတယ်ရှားပါးသတ္တုပစ္စည်း တရုတ်တို့ကန့်သတ်မှု WTO ကိုတိုင်ကြား
တရုတ်နိုင်ငံကနေ ကမ္ဘာ့ ရှားပါး ဓာတ်သတ္တု ပစ္စည်းတွေကို နိုင်ငံခြားကို တင်ပို့တဲ့နေရာမှာ ကန့်သတ် တားမြစ်မှုတွေ လုပ်နေတာနဲ့ ပတ်သက်ပြီး အမေရိကန်ပြည်ထောင်စု၊ ဉရောပသမဂ္ဂနဲ့ ဂျပန်နိုင်ငံတို့ဟာ WTO ကမ္ဘာ့ကုန်သွယ်ရေးအဖွဲ့ချုပ်မှာ တိုင်ကြား တော့မှာ ဖြစ်ပါတယ်။
တရုတ်တို့ရဲ့ ဟာ အခုလို ကန့်သတ်မှုတွေ လုပ်တဲ့ အတွက် ဒါဟာ ကုန်သွယ်ရေးဆိုင်ရာ စည်းမျဉ်း စည်းကမ်းတွေကို ချိုးဖေါက်ရာ ရောက်တယ်လို့ အီးယူ ကုယ်သွယ်ရေး ကော်မရှင်နာ မင်းကြီး ကာရဲယ် ဒီ ဂုခ်ျက ပြောပါတယ်။ နောက်ပြီး ကမ္ဘာတဝန်း ထုတ်လုပ်သူတွေနဲ့ အသုံးပြုသူတွေ အတွက် ထိခိုက်မှုတွေ ရှိခဲ့တယ် လို့လည်း သူကပြောပါတယ်။
တရုတ်နိုင်ငံဟာ ကမ္ဘာပေါ်မှာ ရှားပါးတဲ့ သတ္တုဓာတ် ၉၅ ရာခိုင်နှုန်းထိ ကြွယ်ဝတဲ့ တိုင်းပြည် ဖြစ်ပါတယ်။ တရုတ်နိုင်ငံ မြောက်ပိုင်းအတွင်း မွန်ဂိုးလီးယား ပြည်နယ်မှာ အဓိက ထွက်ရှိ တာပါ။ ဒီသတ္တုဓာတ် ၁၇ မျိုးကို အိုင်ဖုန်း နဲ့ လျှပ်စစ်ကားလို ပစ္စည်းတွေ ထုတ်လုပ်ရာမှာ အသုံးချပါတယ်။
အနှုတ် အသိမ်းအယူ အများဆုံး ကတော့ အမေရိကန်ဘက်က ဖြစ်ပါတယ်။ တရုတ်နိုင်ငံက ဒီသတ္တုတင်ပို့တာကို ထိန်းချုပ်ပြီး ကမ္ဘာ့ ဈေးကွက်မှာ ဈေးတက်အောင် လုပ်နေတယ်လို့ အမေရိကန်က စွပ်စွဲ ထားပါတယ်။
တရုတ်အစိုးရကလည်း ဒီလို ထိန်းချုပ်တာဟာ ကမ္ဘာ့ ကုန်သွယ်ရေး အဖွဲ့ချုပ် စည်းမျဉ်းတွေ နဲ့ အညီ ထိန်းချုပ်တာပါ လို့ တုံ့ပြန် ပါတယ်။ အလွန်အကျွံ တွင်းတူးမှုတွေကြောင့် ပတ်ဝန်း ကျင် ပျက်စီးရမှု တွေကို ထိန်းချုပ်ဖို့ ဒီလို သတ်မှတ်ချက်တွေ ထားရတာလို့ လည်း တရုတ်ဘက်က ဆိုပါတယ်။ ဒီ ရှားပါးသတ္တု တူးဖော်ရတာဟာ ခက်ခဲတယ်၊ အဆိပ် အတောက်တွေ ထွက်ရှိပြီး ရေဒီယို သတ္တိကြွမှု အန္တရာယ်တောင် ရှိတယ်လို့ သိရပါတယ်။
ဒီသတ္တု တတန်ရဖို့ အတွက် မြေဆီ စတုရန်းပေ ၃ ဝဝဝ ကျော် ပျက်စီးရတယ်လို့ လည်း ဆိုပါတယ်။ မနှစ်က သတ္တု တန် ၃၉ ဝဝဝ ထုတ်ခဲ့ရာက နောက်ကို တနှစ် တန် ၃ဝဝဝဝ ကျော်ထိ လျှော့ချ ထုတ်လုပ်ဖို့ တရုတ်က စီစဉ် နေပါတယ်။
ဒီရှားပါးသတ္တု ကိစ္စဟာ အခုတခါမှ ပထမဆုံး နိုင်ငံရေး ပြဿနာ ဖြစ်လာတာ မဟုတ်ပါဘူး။ အရင် တနှစ်ကျော်ကလည်း ဂျပန်နဲ့ သံတမန်ရေး အရ အငြင်းပွားပြီး ပို့ကုန် တားမြစ်မှုတွေ လုပ်ခဲ့ဖူးပါတယ်။ အခု တိုင်ကြားမှုဟာလည်း အမေရိကန်၊ ဥရောပ သမဂ္ဂနဲ့ ဂျပန်တို့ ပထမဆုံး အကြိမ် ပူးတွဲ တိုင်ကြားမှု ဖြစ်ပါတယ်။

မှတ်ပုံတင် အရာရှိချုပ်ကို ခန့်အပ်လိုက်ပြီလို့ အလုပ်သမား ဒုဝန်ကြီး ဉီးမြင့်သိန်းကပြောမြန်မာနိုင်ငံမှာ အလုပ်သမားအဖွဲ့အစည်းတွေ ဖွဲ့နိုင်ပြီ
အလုပ်သမား အဖွဲ့အစည်းတွေ မှတ်ပုံတင်ခွင့် အတွက် အာဏာပိုင်တွေဘက်က အဆင့်သင့် ဖြစ်သွားပြီ ဖြစ်လို့ အလုပ်သမား အသင်းတွေ၊ သမဂ္ဂတွေ ဖွဲ့စည်းနိုင်ပြီ ဖြစ်ကြောင်း အလုပ် သမားဝန်ကြီးဌာန ဒုတိယဝန်ကြီး ဉီးမြင့်သိန်းက အင်္ဂါနေ့မှာ ပြောကြားလိုက်ပါတယ်။
အလုပ်သမားအသင်းအဖွဲ့ဆိုင်ရာ ဥပဒေကို မတ်လ ၉ ရက်နေ့က အာဏာသက်ဝင်ပြီလို့ သမ္မတက ကြေညာပြီးတဲ့နောက်မှာ၊ မှတ်ပုံတင် အရာရှိချုပ်ကို ခန့်အပ်လိုက်တာ ဖြစ်ပါတယ်။
အခုလက်ရှိ မှတ်ပုံတင်အရာရှိချုပ်ကတော့ အလုပ်သမားညွှန်ကြားရေး ဉီးစီးဌာန၊ ညွှန်ကြားရေးမှူးချုပ် ဉီးချစ်ရှိန်ဖြစ်တယ်လို့ ဒုဝန်ကြီးက ပြောပါတယ်။
ဉီးချစ်ရှိန်ကလည်း ပြည်နယ် တိုင်းဒေသကြီး အဆင့်လိုက်၊ မြို့နယ်အဆင့်လိုက် မှတ်ပုံတင်အရာရှိတွေကို ခန့်အပ် ထားပြီ ဖြစ်ပါတယ်။
ဖွဲ့စည်းခွင့်ဆိုင်ရာ ဉပဒေစာအုပ် တသောင်းကို ထုတ်ဝေဖြန့်ချိထားပြီ ဖြစ်ပြီး၊ အလုပ်သမား အဖွဲ့တခုမှာ အနည်းဆုံးအဖွဲ့ဝင် ၃၀ ရှိရမှာ ဖြစ်တယ်လို့ သိရပါတယ်။
အခုစည်းမျဉ်းစည်းကမ်းတွေဟာ နိုင်ငံတကာ အလုပ်သမားအဖွဲ့ချုပ် ILO နဲ့ ညှိနှိုင်း တိုင်ပင်ပြီး နိုင်ငံတကာ စည်းမျဉ်းတွေနဲ့အညီ ရေးဆွဲထားတာ ဖြစ်လို့ အားနည်းစရာ အကြောင်း မရှိနိုင်ဘူးလို့ လည်း သူကပြောပါတယ်။

၈၈မျိုးဆက် ကိုကိုကြီးမတ်လ ၁၃ ရက် မြန်မာ့ လူ့အခွင့်ရေးနေ့
ဒီကနေ့ဟာ ၁၉၈၈ ခုနှစ်တုန်းက လုံထိန်းတွေရဲ့ လက်ချက်နဲ့ စက်မှုကျောင်းသား ကိုဖုန်းမော် သေဆုံးခဲ့တာ ၂၄နှစ်တင်းတင်း ပြည့်တဲ့ နေ့ ဖြစ်ပါတယ်။ရှစ်လေးလုံး အရေးအခင်းကြီး အစပျိုး ဖြစ်ပေါ်လာစေတဲ့ အကြောင်းရင်း တရပ်ထဲမှာ ကိုဖုန်းမော် သေဆုံးခဲ့ရမှုလည်း ပါဝင်ပါတယ်။
ကိုဖုန်းမော် သေဆုံးခဲ့အပြီး နောက်တနှစ်အကြာ ၁၉၈၉ ခုနှစ်ကစလို့ မတ်လ ၁၃ရက်ကို ဒီမိုကရေစီ လှုပ်ရှားသူတွေက မြန်မာနိုင်ငံ လူ့အခွင့်အရေးနေ့အဖြစ် သတ်မှတ် ကျင်းပခဲ့ကြပါတယ်။
အခု ဒီနှစ်မှာတော့ အကျဉ်းထောင်ကနေ ပြန် လွတ်လာကြတဲ့ ၈၈ မျိုးဆက် ကျောင်းသား တွေက လူ့အခွင့်အရေးနေ့ အထိမ်းအမှတ် သဝဏ်လွှာ ပေးပို့ခဲ့ကြပါတယ်။ ၈၈မျိုးဆက် ကျောင်းသား ခေါင်းဆောင် တဉီး ဖြစ်တဲ့ ဉီးကိုကိုကြီး က ဒီသဝဏ်လွှာမှာ မြန်မာ့ လူ့အခွင့်အရေး အမှောင်ကျ ဆိတ်သုဉ်း ခဲ့တဲ့ နေရာက အလင်းခေတ် ကိုစပြီး ဖေါက်ထွက်လာတဲ့ သင်္ကေတ တခုအနေနဲ့ ကိုဖုန်းမော် ကျဆုံးတဲ့ နေ့ ကို မြန်မာ့လူ့အခွင့်အရေးနေ့ အဖြစ် အားလုံးက သတ်မှတ်ခဲ့ကြောင်း ဘီဘီစီ ကို ရှင်းပြပါတယ်။
ဒါပေမယ့် အမျိုးမျိုးသော ဖိနှိပ်မှုတွေ၊ အဟန့်အတားတွေ ကြောင့် ပြီးခဲ့တဲ့နှစ်တွေမှာ မှေးမှိန်ခဲ့ပြီး အခုမှသာ ပြည်တွင်း ပြည်ပ မှာ မြန်မာ့ လူ့အခွင့်အရေးနေ့ ကျင်းပခွင့် ရခဲ့ပုံ ကို ဉီးကိုကိုကြီးက ပြောပြပါတယ်။
မြန်မာနိုင်ငံမှာ လူ့အခွင့်အရေး ကင်းမဲ့ခဲ့လို့ အရှေ့တောင်အာရှ မှာ အချမ်းသာဆုံး နိုင်ငံကနေ ဖွံ့ဖြိုးမှု အနိမ့်ဆုံး နိုင်ငံ အဖြစ်ကျရောက် ခဲ့လို့ မြန်မာနိုင်ငံ ပါဝင်လက်မှတ် ရေးထိုးခဲ့တဲ့ လူ့အခွင့်အရေး ကြေညာ စါတမ်းကို အများပြည်သူ သိရှိအောင် ကျင့်သုံးနိုင်အောင် ထုတ်ပြန်ရကြောင်း ဉီးကိုကိုကြီး က ရှင်းပါတယ်။

အမေရိကန် သမ္မတ အိုဘားမားအာဖဂန်ဆိုင်ရာ ဗျူဟာတွေ မပြောင်းလဲဘူးလို့ အိုဘားမားပြော
ပြီးခဲ့တဲ့ တနင်္ဂနွေနေ့တုန်းက အာဖဂန် အရပ်သား ၁၆ယောက်ကို အမေရိကန် စစ်သားက သတ်ဖြတ်ခဲ့မှုကြောင့် အမေရိကန်ရဲ့ အာဖဂန် နစ္စတန် အပေါ် ထားရှိတဲ့ နည်းဗျူဟာတွေ ၊ ရည်ရွယ်ချက်တွေ ပြောင်းသွားမှာ မဟုတ်ဘူးလို့ သမ္မတ အိုဘားမားက ပြောပါတယ်။
အမေရိကန် တပ်တွေ ရုတ်သိမ်းဖို့ သတ်မှတ်ထားတဲ့ အချိန် ၂ဝ၁၄ ခုနှစ်ထက် အာဖဂန်မှာ ဆက်လက် တပ်စွဲမထားဖို့ အရေးကြီးတယ် ၊ ဒါပေမယ့် အလျင်စလို ရုတ်သိမ်းမှု မဖြစ်သင့်ဘူးလို့ သူက သတိပေးထားပါတယ်။
အမေရိကန် တပ်တွေဟာ အာဖဂန်နစ္စတန်ကနေ သိက္ခာရှိရှိ တာဝန်သိသိနဲ့ ဆုတ်ခွာသင့်တယ် ဒါမှသာ နောက်တခေါက် ပြန်သွားစရာ မလိုတော့ဘူးလို့ မစ္စတာ အိုဘားမားက ပြောပါတယ်။
ဒီကိစ္စနဲ့ ပတ်သက်လို့ အမေရိကန် ရုပ်မြင်သံကြား ဌာနတခုရဲ့ မေးမြန်းခန်းမှာ မစ္စတာ အိုဘားမားက ပြောကြားရာမှာ ဒီသတ်ဖြတ်မှုဟာ သေနတ်သမားရဲ့ တယောက်တည်း ကြံစည်ဆောင်ရွက်မှု ဖြစ်ပါတယ်လို့ သူက ဆိုပေမယ့် ဒီစစ်သားရဲ့ လှုပ်ရှား ဆောင်ရွက်မှုကို ပြောမသွားသလို သူ့ရဲ့ စိတ်ပိုင်းဆိုင်ရာ အခြေအနေကိုလည်း ဆိုမသွားခဲ့ပါဘူး။
အမေရိကန် နိုင်ငံခြားရေး ဝန်ကြီး ဟီလာရီ ကလင်တန် ကလည်း ဒီဖြစ်ရပ်ဟာ ကြောက်မက်ဖွယ် အရုပ်ဆိုးလှတဲ့ ဖြစ်ရပ်တခုပါ ၊ အသတ်ခံလိုက်ရတဲ့ မိသားစုဝင်တွေ သေဆုံးသွားတဲ့ ခလေးတွေ အတွက် တကယ့်ကို ထင်တောင် ထင်မှတ်ထားမှာ မဟုတ်တဲ့ အဖြစ်ဆိုးကြီး တခုဖြစ်တယ်လို့ ပြောပါတယ်။
ဒီသတ်ဖြတ်မှုကို ကျူးလွန်ခဲ့တဲ့ စစ်သားကိုလည်း ဖမ်းဆီးထားပြီး အပြည့်အဝ စုံစမ်း စစ်ဆေးနေပါတယ် ၊ ပြစ်မှု ထင်ရှားတဲ့လူကို အရေးယူသွားမှာပါလို့ ဆိုပါတယ်။

သတင်းအတွက် အသက်ကို စတေးခဲ့သူ မာရီ ကိုဗင်ဆီးရီးယား အရေး လုံခြုံရေး ကောင်စီ နှုတ်ဆိတ် မနေသင့်
အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ဆီးရီးယား နိုင်ငံမှာ အစိုးရက လူထုကို အစုလိုက် အပြုံလိုက် သတ်ဖြတ်နှိမ်နင်း နေတာနဲ့ ပတ်သက်လို့ ကုလသမဂ္ဂ လုံခြုံရေး ကောင်စီ အနေနဲ့ ရေငုံနှုတ်ပိတ် မနေသင့်ဘူးလို့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က ပြောကြားလိုက်ပါတယ်။လတ်တလော ဖြစ်ပျက်မှုတွေဟာ စစ်တပ်က လူထုကို ကြိုတင် ကြံစည်ပြီး သတ်ဖြတ်နေသလိုဘဲလို့ မစ္စက် ကလင်တန်က ဆိုပါတယ်။ဗြိတိန် နိုင်ငံခြားရေး ဝန်ကြီး ဝီလီယမ် ဟိတ်ခ်ကလည်း ကုလသမဂ္ဂ အနေနဲ့ ဆီးရီးယား အရေးမှာ ခေါင်းဆောင်မှု ပြသင့်တယ်လို့ ပြောပါတယ်။အတိုက်အခံ အဖွဲ့ဖြစ်တဲ့ ဆီးရီးယား အမျိုးသား ကောင်စီဝင်တွေဟာ ဒီနေ့ အင်္ဂါနေ့မှာ ဆီးရီးယား အရေး ဆိုင်ရာ အာရပ် အဖွဲ့ချုပ်ရဲ့ အထူးကိုယ်စားလှယ် ကိုဖီ အာနန် အပါအဝင် ကုလသမဂ္ဂ အဖွဲ့တွေနဲ့ တူရကီမှာ တွေ့ဆုံကြဖို့ ရှိပါတယ်။
 ဆီးရီးယားက လူထုအုံကြွမှုတွေကို သတင်းယူရင်း ပြီးခဲ့တဲ့ လတုန်းက သေဆုံးသွားတဲ့ စစ်ပွဲဆိုင်ရာ သတင်းထောက် မာရီ ကိုလ်ဗင်ရဲ့ ဈာပန အခမ်းအနားကို သူမရဲ့ မွေးရပ်မြေ ဖြစ်တဲ့ New York state က Oyster Bay မှာ ကျင်းရခဲ့ရာမှာ ရာထောင်ချီတဲ့ လူတွေ တက်ရောက် ဂါရဝ ပြုခဲ့ကြပါတယ်။
မာရီ ကိုလ်ဗင်ဟာ စစ်မက် ပဋိပက္ခ ဖြစ်ပွားတဲ့ နေရာတွေမှာ မကြောက်မရွံ့ သတင်းလိုက်ယူလေ့ ရှိတဲ့ ၊ သတင်းထောက် အလုပ်ကို လေးစားခုံမင်စွာ လုပ်ကိုင်တဲ့သူ တယောက်ဖြစ်တယ်လို့ လူတွေက ရည်ညွှန်း ပြောဆိုခဲ့ကြပါတယ်။

ဖေ့စ်ဘွတ်ခ်ကို ရာဟူးက တရားစွဲပြီYahoo က Facebook ကို တရားစွဲပြီ
အင်တာနက် ကုမ္ပဏီ တခုဖြစ်တဲ့ Yahoo က Facebook ကို သူရဲ့ မူပိုင် ဆယ်ခုကို ခိုးယူ သုံးစွဲမှုနဲ့ စွပ်စွဲကာ တရားစွဲဆိုထားပါတယ်။ရာဟူးရဲ့ မူပိုင်ဖြစ်တဲ့ message ပို့တာ ၊ ကြော်ငြာတဲ့ ပုံစံနဲ့ ဆင်တူယိုးမှား ပြုလုပ်တာတွေ အပြင် ကိုယ်ရေး အချက်အလက်တွေ ထိန်းချုပ်တဲ့ နည်းပညာတွေကို ဖေ့စ်ဘွတ်ခ်က ယူပြီး သုံးခဲ့တယ်လို့ ဆိုပါတယ်။ဒါနဲ့ ပတ်သက်လို့ ဖေ့စ်ဘွတ်ခ် ဖက်က တုန့်ပြန်ချက်ကတော့ ရာဟူးဟာ သူတို့နဲ့ ရေရှည် လက်တွဲ အလုပ်လုပ်လာတဲ့ စီးပွားဖက်တွေ ဖြစ်ပြီး အဲဒီလို အတူတကွ လုပ်ဆောင် မှုတွေကြောင့် နှစ်ဖက် ကုမ္ပဏီတွေမှာ အကျိုးအမြတ်တွေ အများအပြား ရှိခဲ့ပါတယ် ၊ အခုလို တရားစွဲဆိုမှုကြောင့် စိတ်ပျက်မိတယ်လို့ ဆိုပါတယ်။အခုလို ပဟေဌိ ဆန်လှတဲ့ ရာဟူးရဲ့ လုပ်ရပ်အပေါ် အပြင်းအထန် ကာကွယ်တုန့်ပြန်သွားမယ်လို့လည်း ပြောပါတယ်။                    
ကျွဲနွှား လုယူမှုကနေ လူမျိုးရေး အဓိကရုန်းဖြစ်တောင်ပိုင်း ဆူဒန် နိုင်ငံ လူမျိုးစု ပဋိပက္ခကြောင့် လူရာထောင်ချီ သေဆုံး
တောင်ပိုင်း ဆူဒန်နိုင်ငံမှာ လူမျိုးစု ဆိုင်ရာ ပဋိပက္ခ ဖြစ်ပွားမှုကြောင့် လူနှစ်ရာကျော် သေဆုံးသွားတယ်လို့ အာဏာပိုင်တွေက ပြောပါတယ်။ပြီးခဲ့တဲ့ သောကြာနေ့တုန်းက နိုင်းလ် ပြည်နယ် အထက်ပိုင်းမှာ မာလီ လူမျိုးစုတွေက လာရောက် စီးနင်း တိုက်ခိုက်ခဲ့ ပြီးတဲ့နောက် ရာထောင်ချီတဲ့ လူတွေ ပျောက်ဆုံးနေတယ်လို့ ဆိုပါတယ်။ပြီးခဲ့တဲ့ ဇူလိုင်လကတည်းက လွတ်လပ်ရေး ရခဲ့တဲ့ တောင်ပိုင်း ဆူဒန်နိုင်ငံမှာ ကျွဲအုပ် ၊နွားအုပ်တွေ လုယူမှုကနေ မာလီနဲ့ လူနူ လူမျိုးစုတွေကြား လက်စားချေ တိုက်ခိုက်မှုတွေ ဖြစ်ပွားခဲ့တာကြောင့် ထောင်သောင်းချီတဲ့ လူတွေ သေဆုံးခဲ့ရပြီ ဖြစ်ပါတယ်။                    

 ဒေါ်အောင်ဆန်း စုကြည် မိန့်ခွန်း ကြိုတင် ထွက်လာ
အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်ရဲ့ ရုပ်မြင်သံကြား ကနေ မဲဆွယ် ဟောပြောမယ့် မိန့်ခွန်း ဟာ ထုတ်လွှင့်ဖို့ စီစဉ် ထားတဲ့ မတ်လ ၁၄ ရက် မတိုင်ခင် အင်တာနက် စာမျက် နှာတွေ ပေါ်မှာ ကြိုတင် ထွက်ပေါ် လာပါတယ်။
အဲဒီမိန့်ခွန်းမှာ ဒေါ်အောင်ဆန်းစုကြည်က အန်အယ်ဒီရဲ့ အဓိက နိုင်ငံရေး ရည်မှန်းချက်တွေ ဖြစ်တဲ့ တရားဥပဒေ စိုးမိုးရေး၊ ပြည်တွင်း ငြိမ်းချမ်းရေးနဲ့ ၂၀၀၈ အခြေခံဥပဒေ ပြင်ဆင်ရေး အကြောင်းတွေကို ပြောထား ပါတယ်။
ဒါ့အပြင် မြန်မာနိုင်ငံ ဖွံ့ဖြိုးရေးမှာ စစ်တပ်ရဲ့ အခန်းကဏ္ဍ ဟာအရေး ကြီးကြောင်း ပြောခဲ့ပြီး၊ စီးပွားရေး၊ လူမှုရေး၊ ပညာရေး၊ ကျန်းမာရေး၊ လယ်သမား၊ အလုပ်သမား၊ အမျိုးသမီးနဲ့ လူငယ်ရေးရာ တွေကိုပါ ကျယ်ကျယ်ပြန့်ပြန့် ထည့်သွင်း ပြောသွားခဲ့ ပါတယ်။
ဒေါ်အောင်ဆန်းစုကြည်နဲ့ အန်အယ်ဒီ ပါတီရဲ့ ရည်မှန်းချက် တွေဟာ ကြီးမားပေမယ့် တကယ်တမ်း မြန်မာ နိုင်ငံမှာ စစ်မှန်တဲ့ ဒီမိုကရေစီ စံနစ် ပေါ်ပေါက် လာဖို့အတွက် အချိန် ယူရလိမ့်မယ်လို့ Democracy Internatoinal အဖွဲ့က အာဖဂန်နစ္စတန် နိုင်ငံ စီမံကိန်း ဆိုင်ရာ ဒုတိယ တာဝန်ခံ ဒေါက်တာ မင်းဇော်ဉီးက သုံးသပ် ပါတယ်။
အန်အယ်ဒီပါတီ ရွေးကောက်ပွဲ ဝင်တာဟာ တကယ်တော့ နိုင်ငံရေး လှုပ်ရှားမယ့် ဘောက်ကိုချဲ့လိုက် တာသာ ဖြစ်တယ်လို့ သူက ဆိုပါတယ်။
မြန်မာ အစိုးရ နဲ့ ပတ်သက် လို့လည်း တကယ်တမ်း ဒီမိုကရေစီ စံနစ်ဆီ ရောက်အောင် လုပ်မယ် ဆိုရင် ဘယ်သူ့ ကိုဘဲ ဖြစ်ဖြစ် လက်ကမ်း ကြိုဆို သင့်တယ် လို့ ဒေါက်တာ မင်းဇော်ဉီးက ပြောပါတယ်။

သမ္မတ ဖိတ်ခေါ်မှုကြောင့် ပြန်လာတဲ့ နိုင်ငံရေးသမား တဦး စစ်ဆေးခံနေရ
ပြည်ပရောက်နေသူများ မြန်မာပြည်တွင်းသို့ ပြန်လာနိုင်ကြောင်း သမ္မတ ဦးသိန်းစိန်ရဲ့ ဖိတ်ခေါ်မှုအရ ပြည်တွင်းကိုပြန်သွားခဲ့တဲ့ ရခိုင်ပြည်နယ်၊ မာန်အောင်မြို့နယ် အမျိုးသားဒီမိုကရေစီ တွဲဖက် အတွင်းရေးမှူး ဟောင်း တဦးဟာ ဒေသခံ အာဏာပိုင် တွေရဲ့ စစ်ဆေး မေးမြန်းမှုတွေနဲ့ ရင်ဆိုင်နေရပါတယ်။
၂၀၀၇ ရွှေဝါရောင်တော်လှန်ရေးမှာ ပါဝင်ခဲ့ပြီးတော့ ထိုင်းနိုင်ငံ မဲဆောက်မြို့သို့ ထွက်ပြေး တိမ်းရှောင် နေခဲ့တဲ့  ဦးသန်းနိုင် ဟာ ၂၀၁၂ ခုနှစ် ဖေဖော်ဝါရီလ ထဲမှာ မာန်အောင်ကို ပြန်လာခဲ့ပါတယ်။
မြို့နယ် အုပ်ချုပ်ရေးမှူးကို အကြောင်းကြား ခဲ့ပေမယ့်လည်း မတ်လ ၁၁ ရက် နေ့မှာ မြို့နယ်ရဲစခန်းမှူး၊ ရဲအုပ်နဲ့ ကျောက်ဖြူခရိုင် အထူးရဲတပ်ဖွဲ့တွေ အပါအ၀င် ရဲတပ်ဖွဲ့ဝင် ၄ ဦး လာရောက် မေးမြန်း ဓာတ်ပုံရိုက် ယူကာ နောက်ထပ် လိုအပ်ရင်လည်း မေးမြန်းဖို့ ခေါ်ယူမယ်လို့ ပြောဆိုခဲ့တယ်လို့  ဦးသန်းနိုင်က ပြောပါတယ်။
“သူတို့ကတော့ တာဝန်အရလို့ ပြောတယ်။ ကျနော်ထင်တာကတော့ ပြန်ဝင်လာတဲ့ သူတွေနဲ့ ပတ်သက်ပြီးတော့ ပြည်ပမှာ ဘာတွေလုပ်ခဲ့လဲ၊ ဘာအကြောင်းနဲ့ ၀င်လာလဲ၊ ဘာတွေဆက်လုပ်ဦးမှာလဲ ဆိုတာ သိချင်တယ်လို့ ထင်တယ်။ ကိုယ်ရေးအကျဉ်း မေးတယ်။ မူလတန်းကို ဘယ်ကျောင်းမှာ နေခဲ့တယ်။ အလယ်တန်း၊ အထက်တန်း ဘယ်ကျောင်းမှာ ပညာသင်ခဲ့တယ်။ တက္ကသိုလ်ကို ဘယ်မှာ တတ်ခဲ့တယ်။ မွေးချင်း ညီအကို မောင်နှမ တွေကို မေးတယ်။ နောက် ကျနော့် အိမ်ထောင်ဖက်က ဘယ်သူ။ မိသားစုဝင် တွေက ဘယ်သူ။ ကျနော်တို့ မိသားစုထဲမှာ အစိုးရ အရာရှိတွေ ရှိလား။ သူတို့ အကြံပေး ဖိတ်ခေါ်လို့ လာ တာလား ဆိုတာ မေးတယ်။”
အထက်က နိုင်ငံတော်အဆင့် ပြောဆိုထားချက်နဲ့ အောက်ခြေမှာ ဖြစ်ပွားနေတာတွေက ကွဲလွဲမှုတွေ ရှိနေ တယ်လို့ လည်း သူက ပြောပါတယ်။ ဦးသန်းနိုင်ဟာ ထိုင်းနိုင်ငံ မဲဆောက်မြို့နယ်  မယ်ပရွာမှာ ကျောင်းဆရာ အဖြစ် တာဝန် ထမ်းဆောင်ခဲ့ပြီးတော့ သမ္မတ ရဲ့  ဖိတ်ခေါ်ချက်နဲ့ ပြန်လာခဲ့တာပါ။

ရုပ်ရှင်ဆင်ဆာစည်းကမ်း ပိုလျှော့ဖို့လို
By မခင်ဖြူထွေး
မြန်မာရုပ်ရှင်နဲ့ ဗွီဒီယို ဇာတ်ကားတွေအပေါ် တင်းကျပ်ထားတဲ့ စည်းမျဉ်းစည်းကမ်းတချို့နဲ့ ဆင်ဆာ အချက် ၁၀ ချက်ကို အစိုးရက မကြာသေးခင်က ဖြေလျှော့ ပေးလိုက်တာဟာ တကယ်တမ်း ဆင်ဆာလွတ်လပ်ခွင့် ပေးလိုက်တာ မဟုတ်ဘူးလို့ အနုပညာအသိုင်းအဝိုင်းက ထောက်ပြကြပါတယ်။ ဘယ်လို အချက်တွေကို ဖြေလျှော့ခွင့်ပေးလိုက်ပြီး ဘယ်လိုအချက်တွေကို ဆက်ပြီး ထိန်းချုပ်ထားတာပါလဲ။  ဒီအပေါ် အနုပညာအသိုင်းအဝိုင်းက လူတချို့ရဲ့ အမြင်တွေကို မခင်ဖြူထွေးက တင်ပြထားပါတယ်။
အရင်အစိုးရလက်ထက်က မြန်မာ့ရုပ်ရှင်နဲ့ ဗွီဒီယိုဇာတ်ကားတွေအပေါ် တင်းကျပ်ထားတဲ့ စည်းမျဉ်းစည်းကမ်းတချို့နဲ့ ဆင်ဆာအချက် ၁၀ ချက်ကို အခု အရပ်သား အစိုးရလက်ထက်မှာ ဖြေလျှော့ပေးလိုက်တာပါ။ ဒီလို ဖြေလျှော့ပေးလိုက်တဲ့ အထဲမှာတော့ စုန်း၊ သရဲ-တစ္ဆေကားတွေ ရိုက်ခွင့်ပြုတာ၊ ဇာတ်ကားတွေထဲမှာ အရက် သေစာ သောက်စားခွင့်ပြုတာ၊ အရွယ်မရောက်သေးတဲ့ ကလေးငယ်တွေကို ချစ်ခန်း ကြိုက်ခန်းတွေ ရိုက်ခွင့်ပြုတာ၊ လူကြီးမိဘတွေကို ပြန်ပြောတာမျိုး ရိုက်ခွင့်ပြုတာ၊ ယောက်ျားလေးတွေကို အခြောက်သဏ္ဍာန်မြူး သရုပ်ဆောင်ခွင့်ပြုတာ စတဲ့အချက်တွေ ပါဝင်ပါတယ်။
ဒါပေမဲ့ တကယ်တမ်း ဖြေလျှော့ပေးသင့်တဲ့ အချက်တွေကိုတော့ ဆက်ပြီး ထိန်းချုပ် ထားဆဲ ဖြစ်တာမို့ တကယ်တမ်း လွတ်လပ်ခွင့်ပေးတယ်လို့ မယူဆနိုင်ကြောင်း လက်ရှိ ဆင်ဆာ အပိတ်ခံထားရတဲ့ လွမ်းစိမ့် ဇာတ်ကားကို ရိုက်ကူးခဲ့သူ ဒါရိုက်တာ ကိုချိုတူးဇော်က ထောက်ပြပါတယ်။
“ကျနော့်ကားက လုံးဝ တကားလုံးကို ဆင်ဆာက ပြသခွင့်မပေးတာဗျ။ အခုချိန်အထိလည်း ပြသခွင့် မပေးသေးပါဘူး။ မပေးသေးတဲ့အတွက် ဆင်ဆာက ဖြေလျှော့တယ်ဆိုတာ ကျနော်တို့ကားမျိုးတွေ အကျုံးမဝင်သေးဘူး၊ တကယ်ကို ပြည့်ဝတဲ့လွတ်လပ်မှု မဟုတ်သေးဘူးလို့ပဲ ကျနော် မြင်ပါတယ်။”
ဘယ်လို အခြေအနေမျိုးကို တကယ်ပြည့်ဝတဲ့ လွတ်လပ်မှုလို့ ဆိုနိုင်မှာပါလဲ။ -
“ကျနော်တို့ အနုပညာသမားတွေက ကျနော်တို့အမြင်ကို ဒါဖြင့်ရင်တော့ ဒီလိုမြင်တယ်၊ ဒါဖြင့်တော့ ဒီလို ခံစားရတယ်-ကျနော်တို့အမြင်တွေက သီအိုရီကျကျပေါ့-လက်တွေ့အချက်တွေနဲ့ ဖြစ်ကောင်း ဖြစ်ချင်မှဖြစ်မယ်၊ ကျနော်တို့ ဟောဒီလို ခံစားရတယ်ဗျာ၊ ဟောဒီလို မြင်တယ်ဗျာ- ဟောဒီလိုတော့ ထိ-သိ-ကြုံတွေ့ခဲ့ရတယ်ဗျာ-လို့ တဆင့် ပြန်ပြီးတော့ ဖန်တီးမယ်၊ ဖောက်သည်ချမယ်၊ ဒါကို လွတ်လပ်ခွင့်ပေးမှ တိုင်းပြည်မှာ ဒီမိုကရေစီစနစ်ကြီးက တကယ်ဖွံ့ဖြိုးမှာ။ အဲဒီတော့ ဒါတွေကို ရုပ်ရှင်ကလည်း ရုပ်ရှင်အလျောက်၊ စာပေကလည်း စာပေအလျောက်၊ အဲဒါတွေကို လွတ်လပ်စွာ ဖော်ထုတ်ခွင့်တွေကို ပေးရပါလိမ့်မယ်။ အဲဒါမှ တကယ်ပြည့်ဝတဲ့၊ လွတ်လပ်တဲ့ဆင်ဆာမူလို့ ကျနော် မြင်ပါတယ်။ ”
လွမ်းစိမ့်ဇာတ်ကားဟာ ၁၉၈၈ ခုနှစ် ကျောင်းသားတွေ ဦးဆောင်ပါဝင်ခဲ့တဲ့ လူထု လှုပ်ရှားမှု အရေးတော်ပုံ နောက်ခံထား ရိုက်ကူးထားတဲ့ ဇာတ်ကားတစ်ခုပါ။ ဒီလို နိုင်ငံရေး နောက်ခံ အကြောင်းအရာနဲ့ ဇာတ်ကားမျိုးတွေကတော့ ဆင်ဆာ ပိတ်ပင်ခံရဆဲ ဖြစ်ပါတယ်။ ခုချိန်မှာ ဒါမျိုး မရှိသင့်တော့ဘူးလို့ လွမ်းစိမ့် ဇာတ်ကားမှာ အာအိုင်တီ ကျောင်းသားအဖြစ် ပါဝင် သရုပ်ဆောင်ခဲ့တဲ့ မင်းသား ရဲတိုက်က ပြောပါတယ်။
“ဒါကတော့ -- မူဝါဒအရ ဒီလိုကားမျိုး Pass မဖြစ်တာ သဘာဝကျပါတယ်။ အခုတော့ ဆင်ဆာ မူဝါဒ ပြောင်းလဲလာပြီလို့လည်း ကြားရပါတယ်။ ပြောင်းလဲအောင်လည်း အားလုံးက ဝိုင်းပြီး ဆောင်ရွက် နေတာကို တွေ့ရပါတယ်။ လျှော့ပေးသွားတဲ့ အချက်တွေတော့ ရှိပါတယ်။ ဒါပေမဲ့ လျှော့ပေးထားတဲ့ အချက်တွေထဲမှာ လွမ်းစိမ့်နဲ့ ပတ်သက်တဲ့ အချက်တွေ မပါသေးဘူး။ မပါသေးတဲ့အတွက် လွမ်းစိမ့်က မထွက်လာသေးဘူး။”
အခု အစိုးရက ဆင်ဆာ သတ်မှတ်ချက်တချို့ လျှော့ပေါ့ပေးတယ် ဆိုတာဟာလည်း တကယ်တော့ တရားဝင် စာထုတ်ပြီး လျှော့ပေါ့ပေးတာမျိုး မဟုတ်ပါဘူး။ ဒီအပေါ် ဒါရိုက်တာ ဝိုင်း ကလည်း -
“ဆင်ဆာ rules တွေက လျှော့ပေါ့တယ်လို့ ပြောတယ်၊ သူတို့က လျှော့ပေါ့တယ်ဆိုတာ အခုချိန်မှာ ဒီဘက်က လှုပ်ရှားမှုတွေ အားကောင်းနေတဲ့အတွက် အားမတန်လို့ မာန်လျှော့ပြီးတော့ - လိုက်လျောပေးနေတဲ့သဘော၊ တကယ့်တကယ် အဲဒါကို စာထုတ်ထားခြင်း လုံးဝမရှိဘူး။ လက်ရှိဥပဒေတွေအရ ဒီကားတွေကို ဆင်ဆာဖြတ်လို့ ရနေပါတယ်။ ဘာလို့လဲဆိုတော့ သူတို့က ပါးစပ်ထဲမှာပဲ ဥပဒေကိုလုပ်နေတဲ့အခါကျတော့ သိပ်အဆင်မပြေဘူး”
တကယ်တော့ တိုးတက်ပြီး လွတ်လပ်တဲ့ နိုင်ငံတွေမှာလည်း ဆင်ဆာ သတ်မှတ်ချက်တွေ ရှိပါတယ်။ ကလေးငယ်တွေ မကြည့်သင့်တဲ့ ဇာတ်ကား၊ ဆယ်ကျော်သက်တွေ ရှောင်သင့်တဲ့ဇာတ်ကား စသဖြင့် ဇာတ်ကားအမျိုးအစားအလိုက် ဘယ်ကားတွေကတော့ဖြင့် ဘယ်လိုလူတွေ မကြည့်ရဘူး ဆိုတဲ့ သတိပေးချက်တွေနဲ့ သတ်မှတ်ထားပါတယ်။ တကယ်တမ်း ပြည့်ဝတဲ့ ဆင်ဆာမူတွေ ဖြစ်ဖို့မှာ ဒီလို အချက်တွေကိုလည်း ထည့်သွင်းစဉ်းစားရမှာ ဖြစ်တယ်လို့ ဒါရိုက်တာ ချိုတူးဇော်က အခုလို အကြံပြု ထောက်ပြပါတယ်။
“အမေရိကားမှာလည်းပဲ ဆင်ဆာမှာ အမျိုးမျိုး မူတွေသတ်မှတ်ထားတယ်။ အဲဒါ ဘာတွေလဲဆိုတော့ ကလေး၊ သူငယ် အသက်အရွယ်နဲ့ ကန့်သတ်တယ်။ အဲဒီလိုမျိုးပဲ ဆင်ဆာမှာ အဆင့်ဆင့်ရှိသင့်တယ်။ ကျနော် အဲဒါလေး အကြံပေးပါရစေ။ တကယ်လို့ ကျနော်တို့က မြန်မာလူ့အဖွဲ့အစည်းနဲ့ မကိုက်ညီတဲ့ မလုံမလဲ ဝတ်စားဆင်ယင်မှုတွေကို ပြမယ်၊ ဒါမှမဟုတ် ရုန့်ရင်းကြမ်းတမ်းစွာနဲ့ တကယ့် ကြောက်စရာ၊ လန့်စရာကောင်းတဲ့ သရဲကားတွေကိုဆိုရင် ကလေးသူငယ်တွေနဲ့ ကန့်သတ်ပြီးတော့ ကြည့်ခွင့် မရအောင် ကန့်သတ်ပြီးတော့ ဒါမျိုးတွေ စည်းမျဉ်းစည်းကမ်းတွေလုပ်မယ်။ ဒါတွေ တကယ် မကြည့်နိုင်အောင်လည်း ဘယ်လိုမျိုး စည်းကမ်းဥပဒေတွေ နောက်ဆက်တွဲ cover ဖြစ်အောင် လုပ်မယ်ဆိုတာတွေကိုပါ ထည့်စဉ်းစားသင့်တယ်၊ အဲဒါမျိုး လုပ်ရမယ်။ စည်းကမ်းဆိုတာက ပြဌာန်းချင်တိုင်း ပြဌာန်းလို့ မရဘူး။ နောက်မှ နောက်ဆက်တွဲဖြစ်လာမယ့် ကောင်းကျိုး၊ ဆိုးကျိုးကိုပါ ထည့်စဉ်းစားပြီးတော့ အဲဒါကိုပါ cover ဖြစ်အောင် ကြိုပြီးတော့ ရေးဆွဲသင့်တယ်၊ ပြင်ဆင်ထားသင့်တယ်ဆိုတာလေးကိုပါ အကြံပေးချင်ပါတယ်ဗျာ”
ဒါရိုက်တာ ကိုချိုတူးဇော်ရဲ့ အမြင်ပါရှင်။ တကယ်တမ်း မြန်မာ့ ရုပ်ရှင်နဲ့ မီဒီယာလောက တိုးတက်လာအောင် ပြုပြင် ပြောင်းလဲမှုတွေ လုပ်ဖို့ဆိုရင် အခုလို ဆင်ဆာ လျှော့ပေါ့ပေးတာမျိုးနဲ့ မလုံလောက်ဘဲ တကယ်တမ်း မှန်ကန်တဲ့ လုပ်သင့်လုပ်ထိုက်တဲ့ ပြုပြင် ပြောင်းလဲမှုတွေ အများကြီးလုပ်ဖို့ လိုအပ်နေသေးတယ်လို့ ရုပ်ရှင် အနုပညာရှင် အသိုင်းအဝိုင်းက ဝေဖန် ပြောဆိုနေကြတာပါရှင်။

ရှားပါးတွင်းထွက်သတ္ထုကိစ္စ တရုတ်နဲ့ကမ္ဘာ့နိုင်ငံများကြား အငြင်းပွား
By ဗွီအိုအေ(မြန်မာဌာန)
နည်းပညာအဆင့်မြင့် လူသုံးပစ္စည်းတွေဖြစ်တဲ့ ရုပ်မြင်သံကြားစက်၊ အဆင့်မြင့် လက်ကိုင်ဖုန်း၊ မော်တော်ကား စတာတွေကို ထုတ်လုပ်ရာမှာသုံးတဲ့ Rare Earth Minerals လို့ခေါ်တဲ့ ရှားပါးသတ္ထု ကုန်ကြမ်းတွေရဲ့ ၉၀%ကို တရုတ်နိုင်ငံက ရောင်းချဖြန့်ဖြူးပါတယ်။
ဒါပေမယ့် နောက်ပိုင်းမှာ အဲဒီ ရှားပါးသတ္ထုတွေကို ပြည်ပကို အရေအတွက် လျှော့ချ ဖြန့်ဖြူးရောင်းချဖို့ တရုတ်အစိုးရက လုပ်ဆောင်ခဲ့တာဟာ WTO ကမ္ဘာ့ကုန်သွယ်ရေးအဖွဲ့ရဲ့ ဥပဒေကို တရုတ်အစိုးရက ချိုးဖောက်တာဖြစ်တယ်ဆိုပြီး   အမေရိကန်၊ ဥရောပသမဂ္ဂနဲ့ ဂျပန်နိုင်ငံတို့က Geneva အခြေစိုက်  WTO ကို တိုင်တန်း ကန့်ကွက်လိုက်ပါတယ်။
တရုတ်အစိုးရက အဲဒီ စွပ်စွဲ တိုင်တန်းချက်ကို ငြင်းပယ်လိုက်ပါတယ်။ တရုတ်ကုမ္ပဏီတွေရဲ့ လိုအပ်ချက်ပြည့်မီအောင် ထုတ်ကုန်အတိုင်းအတာကို ကန့်သတ်ရတာ ဖြစ်တယ်လို့ တရုတ်တို့က ရှင်းချက်ထုတ်ပါတယ်။
အမေရိကန်သမ္မတ အိုဘားမားက ဈေးကွက်တွေမှာ သူ့သဘာဝအတိုင်း ဖြစ်ပျက်နေတာကို  ကန့်ကွက်စရာမရှိပေမယ့် တရုတ်အစိုးရရဲ့ မူဝါဒအရ  ပြည်ပဈေးကွက်ကို လျှော့ချတဲ့အတွက် တရားမျှတမှု မရှိဘူးလို့ ဆိုပါတယ်။ တရုတ်ပြည်က လိုက်နာရမယ့် ကုန်သွယ်ရေးဥပဒေကို  ချိုးဖောက်တယ်လို့ ပြောကြားလိုက်ပါတယ်။
Rare Earth Minerals လို့ခေါ်တဲ့ ရှားပါးတွင်းထွက် သတ္တုတွေကို ဈေးကွက်မှာ ရှားပါးအောင် လုပ်ခဲ့ရင် ကမ္ဘာ့လူသုံးကုန်ပစ္စည်း ထုတ်လုပ်မှုမှာ အကြီးအကျယ်  ပြဿနာတက်ကုန်နိုင်ကြောင်း   အမေရိကန် ကုန်သွယ်ရေးကိုယ်စားလှယ် Kon Kirk  က ပြောကြားသွားပါတယ်။

ရာသီဥတုပြောင်းလဲမှုကြောင့် လူသားဘေးဒုက္ခ ပိုကြီးမားမည့်အရေး ADB သတိပေး
By ဗွီအိုအေ (မြန်မာဌာန)
လာမယ့် နှစ်တွေအတွင်း အာရှ-ပစိဖိတ် ဒေသတခွင်မှာ ရာသီဥတုပြောင်းလဲမှုကြောင့် ဆိုးဝါးတဲ့ ရာသီဒဏ်ခံရပြီး သန်းနဲ့ချီတဲ့ လူထုအိုးအိမ်ရွှေ့ပြောင်း နေထိုင်ရမှုတွေ ဖြစ်လာနိုင်တယ်လို့ ADB  အာရှဖွံ့ဖြိုးမှုဘဏ်က သတိပေးလိုက်ပါတယ်။
ပြီးခဲ့တဲ့၂ နှစ်အတွင်း သဘာဝပတ်ဝန်းကျင်ဆိုင်ရာ ဘေးအန္တရာယ်တွေကြောင့် ဒေသတွင်း နေထိုင်သူတွေထဲက ၄၂ သန်းကျော် အိုးအိမ်ရွှေ့ပြောင်း နေထိုင်ခဲ့ရတယ်လို့ အင်္ဂါနေ့က ထုတ်ပြန်တဲ့ ADB အစီရင်ခံစာမှာ ဖော်ပြထားပါတယ်။ ပြင်းထန်တဲ့ ရာသီဥတုဖောက်ပြန်မှုတွေ အဖြစ်များလာတာမို့  ရွှေ့ပြောင်းနေထိုင်သူဦးရေ ဒီထက် ပိုတိုးလာဖို့ ရှိတယ်လို့လည်း ADB  ဒါရိုက်တာ Brat Edes က ပြောပါတယ်။
ဒေသတွင်းကမြို့ကြီးတချို့မှာ အခုလိုအုပ်စုလိုက် ရွှေ့ပြောင်းနေထိုင်မှုတွေရှိနေပြီး တချို့မြို့တွေဟာ ပင်လယ်ရေ မျက်နှာပြင်အောက်နိမ့်တဲ့ ကမ်းရိုးတန်းဒေသတွေမှာ ရှိနေတာမို့ ရှေ့လျှောက်  ပြဿနာတွေ ပိုပြီး ရှုပ်ထွေးလာနိုင်တယ်လို့လည်း ပြောပါတယ်။
ဒါ့ကြောင့်  မြို့ကြီးတွေရဲ့ အခြေခံ အဆောက်အအုံတွေကို သဘာဝဘေးဒဏ်ခံနိုင်အောင်နဲ့ ပိုမို ကောင်းမွန်အောင်လုပ်ဖို့အပြင် သဘာဝအန္တရာယ်ကြောင့် အိုးအိမ်ရွှေ့ပြောင်းလာသူတွေအတွက်  ကောင်းမွန်တဲ့ ကာကွယ်စောင့်ရှောက်မှုတွေ လုပ်ပေးဖို့ အစိုးရတာဝန်ရှိသူတွေကို သတိပေးလိုက်ပါတယ်။
မကြာခင် ကာလတွေအတွင်းမှာ ထိုင်း၊ တရုတ်၊ ကမ္ဘောဒီးယား၊ ဗီယက်နမ်၊ ဖိလစ်ပိုင်၊ မြောက်ကိုရီးယားနဲ့  သြစတေးလျနိုင်ငံတွေ အပါအဝင်  ဒေသတွင်း နိုင်ငံတွေမှာ ရေအကြီးအကျယ် လျှံခဲ့သလို တချိန်တည်းမှာလည်း တချို့ဒေသတွေမှာတော့ မိုးခေါင်ရေရှားမှုနဲ့  ကြုံခဲ့ကြရပါတယ်။


အခမ်းအနားမှသည် ပြည်သူ့ဆီသို့ ကြွေးကြော်သံ ပန်ကြားခဲ့သူ ကိုမင်းကိုနိုင်