သစ္စာဖေါက်ရုပ်ရှင်

          ကျွန်ပ်၏ ဖြတ်သန်းလာသော ဘ၀လမ်းကြောင်းခရီးကို ပြန်လည်သုံးသပ်မိသည်။ ဘ၀ခရီးကို ပထမ၊ ဒုတိယ၊ တတိယ ဟူ၍(၃)ပိုင်းပိုင်းခြားလိုက်ပါမည်။

ဘ၀၏ ပထမအရွယ် လမ်းကြောင်းကို ပြန်လည်သုံးသပ်သော် . . . ငယ်စဉ်ဘ၀ထဲက ၀ါသနာပါလာသောပန်းချီပညာရပ်နှင့် ဓါတ်ပုံ(ရုပ်ငြိမ်/ရုပ်သေ) Still Cameraman ဘ၀ပင်ဖြစ်သည်။ ဟုတ်သည် … ကျွန်ုပ်၏ ဖေါ်ကျူးထားသောပန်းချီကားများသည် ငြိမ်သက်နေသည့် ပုံရိပ်များကို အသက်ဝင်လာအောင် တင်ပြထားမှုများကများလှသည်။ ဥပမာအားဖြင့် “အောင်စည်အောင်မောင်း”၊“ဒိုး”၊ “စစ်နှင့်ငြိမ်းချမ်းရေး”၊ “သစ္စာဖေါက်(88-1)” စသည့်ပန်းချီကားများဖြစ်တော့သည်။

“အောင်စည်အောင်မောင်း” နှင့် “ဒိုး” ပန်းချီကားတို့သည် သဘင်သည် အမျိုးသမီးကနေသောဟန်ပန် (လက်များ၊ ခါးများ၊ ခြေများ)လှုပ်ရှားမှုဟန်ကိုဖန်တီးထားခြင်း၊ “စစ်နှင့်ငြိမ်းချမ်းရေး” ပန်းချီကားတွင် ငြိမ်းချမ်းရေးငှက်အတွင်းရှိစစ်သဏ္ဍာန်များလှုပ်ရှားပေါ်လွင်နေခြင်း၊ ငြိမ်းချမ်းရေး(ဂျိုးငှက်)၏ ပျံသန်းမှုကားသံဆူးကြိုးမှတစ်ဆင့် ဖြတ်သန်းတော့မည့်အလားဖြစ်နေခြင်း၊ “သစ္စာဖေါက်” ပန်းချီကားတွင် ငြိမ်သက်စုဝေးနေသောငှက်အုပ်စုမှ တစ်ကောင်တည်းပျံသန်းထွက်ခွာခြင်းစသည့် သဏ္ဍာန်များ ပင်ဖြစ်တော့သည်။

          ရုပ်ငြိမ်ဓါတ်ပုံပညာရပ်တွင်လည်းလှပသောရှုခင်းတွင် အလင်းရောင်အနေအထားများမှ တစ်ဆင့် ခံစားရသူ ကြည့်ရှုသူတို့၏ စက္ခုအာရုံတွင် လှုပ်ရှားမှုကိုဖြစ်ပေါ်စေခြင်း၊ သဘာဝ၏အလှတရားများကို သက်ဝင်မှုရှိလာအောင် ဖန်တီးပေးထားမှုများပင်ဖြစ်သည်။ ဤသည်တို့ကားပထမအရွယ်၏ ခံစားမှု၊ ဖန်တီးမှု အတ္တနယ်ပယ်ပင်ဖြစ်တော့သည်။

          ဘ၀၏ ဒုတိယအရွယ်တွင် ဖေါ်ကျူးတင်ပြမှုကိုပြောပြပါတော့မည်။ ရုပ်ငြိမ်ပန်းချီ ၀ါသနာရှင်ဘ၀မှ

ဘ၀၏ကံဇာတာအပြောင်းအလဲကြောင့် ရုပ်ရှင်သရုပ်ဆောင်/ဒါရိုက်တာဘ၀သို့ခြေလှမ်းခဲ့ရပြီဖြစ်တော့သည်။

          ရုပ်ရှင်သရုပ်ဆောင်/ဒါရိုက်တာတည်းဟူသောအနုပညာသမားတစ်ယောက်၏ ဖေါ်ကျူးမှု ပေးဆပ်မှုတို့ကားသေနေသောအရုပ်များ၊ ရုပ်ပုံလွှာများကိုရှင်လာအောင်၊ လှုပ်ရှားလာအောင် ဖေါ်ပြမှုပင်ဖြစ်သည်။ ငြိမ်သက်နေသောရေပြင်ထဲသို့ ခဲတစ်လုံးပစ်ချလိုက်သကဲ့သို့ ရုပ်ရှင်ကြည့် ပရိသတ်၏ နှလုံးသားကိုလောဘ၊ ဒေါသ၊ မောဟ၊ ဟာသစသည့် ခံစားမှုမျိုးစုံကိုပစ်ထည့်ပေးရသောအလုပ်ပင်ဖြစ်သည်။ အများပြည်သူပရိသတ်များကလည်းပျော်ပျော်ပါးပါးကြီးကိုအားပေးလက်ခံကြတော့သည်။ မိမိ၏ ခန္ဓာအားရင်း၍ ခံစားမှုမျိုးစုံကိုပေးဆပ်ခဲ့ခြင်းဖြစ်သည်။ မိမိ၏ ဘ၀ကိုမေ့ခြင်းမဟုတ်၊ ကျေးဇူးရှင်လုပ်ငန်းကို ပြစ်မှားခြင်းမဟုတ်၊ လက်တွဲဖေါ် အနုပညာသမားများကို ချိုးနှိမ်ခြင်းမဟုတ်၊ ပုဂ္ဂလိကခံစားမှုသက်သက်သာဖြစ်တော့သည်။ ယင်းကဲ့သို့ ရသမျိုးစုံပေးခြင်းကိုအကုသိုလ်အလုပ်ဟူ၍ မိမိမလုပ်တော့သည့်အချိန်၊ မိမိလုပ်ပိုင်ခွင့် မရှိတော့သည့် အချိန်ကာလကြမှ ကယောင်ကတန်းတွေးခေါ်မိခြင်းတော့မဟုတ်။ ဤအနုပညာလောကတွင် ကျင်လည်စဉ်ကာလကတည်းကတစ်ခုတည်းသော နွေရာသီကျောင်းပိတ်ရက်တွင် သားနှင့် သမီးငယ်တို့၏ အင်းစိန်တောရကျောင်းတွင် ဆရာတော်ကြီးအား “ရုပ်ရှင်အနုပညာသမားတွေ သေလွန်တဲ့အခါ ဘယ်ဘုံကိုရောက်မှာလဲ” ဟုမေးမြန်းလိုက်သည့် မေးခွန်းစကားကို ကြားမိစဉ်ကတည်းကတွေးခေါ်မှုစတင် သန္ဓေတည်မွေးဖွားလာခဲ့ခြင်းဖြစ်သည်။စင်စစ်အနုပညာလောကသည်အတ္တနယ်ပယ်တွင် အကုသိုလ်ဝေဌသူတို့နှင့် အကုသိုလ်လက်ခံအားပေးကြသူများဟုရင့်ရင့်သီးသီး ပြတ်ပြတ်သားသားကိုကိုယ့်ပေါင်ကိုယ်လှန်ထောင်းလိုက်ရပါတော့သည်။

          ယခု . . . ဘ၀၏ တတိယအရွယ်သို့ ရောက်ခဲ့ပြီ။ ကံကောင်းကြီးလှစွာဖြင့် အနုပညာလောကထဲမှ နှင်ထုတ်ခံလိုက်ရပြီဖြစ်တော့သည်။ အချိန်ကာလကန့်သတ်မှုမရှိအနုပညာလုပ်ငန်းများကိုလုပ်ကိုင်ခွင့် မပြုတော့ချေ။ ၀မ်းမြောက်စွာဖြင့် ကျေးဇူးတင်စွာဖြင့် သာဓုခေါ်ဆိုလိုက်ပါသည်။ ရုပ်ရှင်သမားဘ၀မှ ရုပ်သေလောကထဲသို့ ပြန်လည်၍ ခြေစုံပစ်ဝင်ခဲ့ရပြီ ဖြစ်တော့သည်။ အကြောင်းမှာ . . . သေဆုံးသွားသောလူတို့အား (အခမဲ့)မီးသင်္ဂြိုလ်ပေးရမှုပင်ဖြစ်တော့သည်။ ယခုမှ ပရဟိတနယ်ပယ်တွင် ဘ၀တစ်ခုလုံးစုန်းစုန်းမြုပ်၍ လုပ်ကိုင်ပေးဆပ်ခွင့်ကိုရရှိတော့သည်။ အမျှော်အမြင် ကြီးမားလှသောဘက်စုံအနုပညာရှင်ကြီးဘဘဦးသုခ၏ ကျေးဇူးပင်ဖြစ်တော့သည်။ အနုပညာလောက၏ အကုသိုလ်ပွားများမှုများကိုကုသိုလ်တရားဖြင့် မိမိ၏ အနုပညာသည်ဘ၀ကို ခုတုံးလုပ်ကာ ပြန်လည်၍ပေးဆပ်မှု၊ အကြွေးဆပ်မှု၊ ကျေးဇူးဆပ်ခွင့်ပင်ဖြစ်တော့သည်။ (ကျန်ရစ်ခဲ့သောအနုပညာမောင်နှမများ၊ ထပ်မံမွေးဖွားပေါ်ပေါက်လာသောအနုပညာညီငယ်/ ညီမငယ်များ၏ အတွင်းစိတ်သဏ္ဍာန်တွင်လည်းရှိနေမည်ဟုယူဆပါသည်။ ရှိလည်းရှိနေစေချင်သည်။ ရှိမှုကိုအကောင်အထည် ဖေါ်ထုတ်ကြရန် တိုက်တွန်းအားပေးလိုက်ပါသည်)။ ဒါမှလည်းအတ္တနယ်ပယ်မှ ပရဟိတနယ်ပယ်သို့ရောက်ရှိမည်ဖြစ်သည်။

ကျွန်ုပ်ဆိုလိုသည်မှာ“မင်းတို့လည်းမင်းတို့ရဲ့ အနုပညာလောကကြီးကိုစွန့်လွှတ်ပြီး ငါ့လိုသုဘရာဇာဖြစ်အောင်လုပ်ကြ” ဟူ၍မဟုတ်။အတ္တနယ်ပယ်မှ ပရဟိတနယ်ပယ်သို့ကူးရာတွင် အနုပညာလောကကိုလည်းစွန့်ရန်မလို၊ သုဘရာဇာလည်းလုပ်ရန်မလို။ ကိုယ်ကျင်လည်ရာဘ၀(အနုပညာလောက)မှ အများအကျိုးပြုမည့် ပညာရေး၊ ကျန်းမာရေး၊ ဘာသာရေး၊ နိုင့်ငံအရေး၊ အမျိုးသားရေးကိစ္စရပ်များတွင် စစ်မှန်သောစိတ်ဓါတ်၊ သဒ္ဒါပွားသောလုပ်ရပ်၊ အထူးအားဖြင့် သီလလုံစွာ ဗြဟ္မာစိုရ်တရား(၄)ပါးလက်ကိုင်ပြုကျင့်သုံးရန်သာဖြစ်တော့သည်။ သင်တို့သည် ကျွန်ုပ်ထက်သာသည်။ ကျွန်ုပ်ထက်စွမ်းသည်။ ကျွန်ုပ်ထက် အခွင့်အရေးများသည်။ အများအကျိုးဆောင် ကိုယ့်အကျိုးလည်းအောင်မည်။ အောင်မြင်မှု ပန်းတိုင်နှစ်ခုကိုလက်ကိုင်ပြုထားသူများဖြစ်သည်။ ကိုယ်ဝါသနာပါရာ အနုပညာလုပ်ငန်းကိုလုပ်ကိုင်ခွင့်ရတုန်းရခိုက် အခွင့်အရေးလေးမှာအများအကျိုးအတွက် ပေးဆပ်နိုင်သူများဖြစ်တော့သည်။

          ကျွန်ုပ်အတွက်သည်ကားတစ်ခုတည်းသောပေးဆပ်မှုသာရှိတော့သည်။

          ဤကဲ့သို့ . . . ဘ၀၏ တတိယအရွယ်တွင် သေဆုံးသွားသောရုပ်အလောင်းများအားကောင်းမွန်စွာသင်္ဂြိုလ်ပေးခြင်း၊ ကျန်ရစ်သူမိသားစုများ၏ အပူမီးကို ငြိမ်းအေးပေးခြင်းတို့ကိုလုပ်ကိုင်လာခဲ့စဉ် … နေ့စဉ် နေ့စဉ်နှင့်အမျှ ရုပ်သေရုပ်ငြိမ်ဖြစ်သွားသူတို့၏ သေဆုံးမှုခန္ဓာကိုယ်များကိုထိတွေ့မြင်တွေ့မှုများ၊ အသုဘကမ္မဋ္ဌာန်းခံယူခဲ့ရမှုများ၊ သံဝေဂတရားများ ပေါ်ပေါက်လာမှုတို့သည်ကား ကျွန်ုပ်အတွက်များစွာခံစားလာခဲ့ရတော့သည်။ နေရာလုပွဲကြောင့် တိုက်နေတဲ့စစ်၊ အာဏာကြောင့်တိုက်နေတဲ့စစ်ပွဲ၊ စားဝတ်နေရေးအတွက် တိုက်နေတဲ့စစ်ပွဲ၊ ဘာသာရေးကြောင့် တိုက်နေတဲ့စစ်ပွဲ၊ ပညာရေးကြောင့် တိုက်နေရတဲ့စစ်ပွဲ၊ ကျန်းမာရေးအတွက် တိုက်နေတဲ့စစ်ပွဲ၊ အချစ်ကြောင့် တိုက်နေတဲ့စစ်ပွဲ၊ အိမ်ထောင်ရေးကြောင့်တိုက်နေတဲ့စစ်ပွဲ၊လူမျိုးရေးကြောင့် တိုက်နေတဲ့စစ်ပွဲ၊ နိုင်ငံရေးကြောင့် တိုက်နေတဲ့စစ်ပွဲ၊ အာဃာတကြောင့် တိုက်နေတဲ့စစ်ပွဲစသည့် စသည့် ဘ၀စစ်ပွဲများကိုတိုက်ရင်းခိုက်ရင်းနောက်ဆုံးတော့လည်း . . . မီးခိုးနဲ့ပြာ ဘ၀ဘဲ ရောက်တော့တာပဲဟု မြင်လာမိတော့သည်။ ဒါဟာ . . . ကျွန်ုပ်ရဲ့ သံဝေဂ။

          ဒါကြောင့် . . . ဘ၀၏တတိယအရွယ်တွင် ပေါ်ပေါက်လာသော ကျွန်ုပ်ရဲ့ဆန္ဒ၊ ရုပ်သေသမားဘ၀မှ ရုပ်ရှင်သမားဘ၀၊ ရုပ်ရှင်သမားဘ၀မှ ရုပ်သေဘ၀သို့ ဘ၀၏သံသရာလည်ပတ်ခြင်းကိုခံနေရသော ဆန္ဒသည်ကား ဘ၀သံသရာမှ လွတ်မြောက်လိုသည့် ဆန္ဒ၊ရုပ်၊ နာမ် ချုပ်ငြိမ်းရာဘ၀၊ သေခြင်းကင်းရာဘ၀၊ ရှင်ခြင်းများနှင့်သာရပ်တည်လိုသည့်ဘ၀၊ ငြိမ်းချမ်းမှု မဂ်ဖိုလ်နိဗ္ဗာန်သို့ အရောက်လှမ်းလိုသည့် ဆန္ဒပင်ဖြစ်တော့သည်။

          ထို့ကြောင့် . . . ကျွန်ုပ်သည်ကား “ရုပ်သေ”မှ “ရုပ်ရုင်”သို့ . . .

                                        “သေခြင်း”မှ “ရှင်ခြင်း” မြဲရာအရပ်သို့ချီတတ်အားထုတ် ကြိုးကုတ်ရန်သာရှိတော့သည်ဟု . . . ။

(ယုံကြည်မိပါသည် . . . ဤစာပိုဒ်အားဖတ်မိသူစာဖတ်ပရိသတ်၊ အထူးအားဖြင့် ကျွန်ုပ်နှင့် လက်တွဲမဖြုတ် စွန့်လွှတ်စွန့်စားရုန်းကန်ပေးဆပ်နေကြသောလူမှုရေးသမားများ၏ အသံကား . . “ခင်ဗျား၊ မင်း၊ ဦး၊ အစ်ကို၊ ငါ့မောင်လေးကတော့ ငါတို့နဲ့ လမ်းခွဲချင်လို့လား၊ ငြီးငွေ့လို့လား၊ စိတ်ဓါတ်ကျလို့လား၊ စိတ်ပျက်လို့လား၊ မပေးဆပ်ချင်တော့ဘူးလား၊ သတ္တိကြောင်တာလား၊ ကိုယ်လွတ်ရုန်းတာလား၊ သစ္စာဖောက်လား” ဟူ၍ ပြောဆိုကြ၊ ကဲ့ရဲ့ကြ၊ ဝေဖန်ကြ၊ ရှုံ့ချကြမည်ဟုမျှော်လင့်လျှက် . . . . )

ကျော်သူ

(၂၅.၂.၂၀၁၁ ခုနှစ် နံနက် (၄း၀၀)နာရီတွင် ပေါ်ပေါက်မွေးဖွားလာမှု။)

ဦးကျော်သူကိုလေးစားရုံမျှမကပဲ သူ့ ရေးသားသောစာပေနှင့် လုပ်ဆောင်ချက်များ၊ ရပ်တည်ချက်များကို နှစ်သက်လို့ ပြန်လည်မျှဝေမိပါသည်။