25.03.2012 နေ့ဖတ်ရန်သတင်းများ

by Myanmar Journal on Saturday, March 24, 2012 at 2:44pm ·

စစ်တပ် အာဏာသိမ်း ခေါင်းဆောင် ဆန်နိုဂို

မာလီအာဏာသိမ်း စစ်ခေါင်းဆောင် အသတ်မခံရကြောင်း ပြောကြား

လုယက်မှုတွေကို တကယ့်စစ်သားတွေက လုပ်တာ မဟုတ်ဘူးလို့ ဗိုလ်ကြီး ဆန်နဂိုး ပြော

မာလီနိုင်ငံ အာဏာသိမ်း စစ်ခေါင်းဆောင် ဗိုလ်ကြီး အာမန်ဒူ ဆန်နဂိုးက သူအသတ်ခံ လိုက်ရပြီ ဆိုတဲ့ ကောလဟာလတွေ မဟုတ် ကြောင်း ပြသဖို့ အတွက် ရုပ်မြင် သံကြားကနေ စကားပြော ကြားသွားပါတယ်။

ဆူပူ အုံကြွမှုတွေ ဖြစ်ပြီးနောက် လုယက်မှုတွေ ကျယ်ကျယ်ပြန့်ပြန့် ဖြစ်ပေါ်ခဲ့တဲ့အပေါ် ဗိုလ်ကြီး ဆန်နဂိုးက ရှုတ်ချလိုက်ပါတယ်။ အခုလို လုယက် မှုတွေကို တကယ့်စစ်သားတွေက လုပ်ဆောင်တာ မဟုတ်ဘူးဆိုတာကို သက်သေ ပြနိုင်တယ်လို့ သူကပြောပါတယ်။

ဒါပေမယ့်လည်း သာမန်လူတွေကနေ စစ်ယူနီဖေါင်းဝတ်ပြီး အခုလိုလုပ်ကြတာ ဖြစ်ကြာင်း၊ အကြောင်းကတော့ အာဏာသိမ်း စစ်ခေါင်းဆောင်တွေကို လူထုက ဆန့်ကျင်လာအောင် လုပ်တာ ဖြစ်တယ်လို့ ပြာကြားသွားပါတယ်။

အခုလို ရုပ်မြင်သံကြားကနေ ပြောကြားတဲ့ အခါမှာ သူ့အနားမှာရှိတဲ့ ပြောခွင့်ရသူကလည်း စစ်တပ်ထဲမှာ အကွဲအပြဲ မရှိကြောင်း ပြောကြားသွားပါတယ်။

မြို့တော် ဘာ့မကို မှာ ဗိုလ်ကြီး ဆန်နဂိုးနဲ့ တွေ့ဆုံမေးမြန်းခဲ့တဲ့ သတင်းထောက်တဦးက ဘီဘီစီကို ပြောတာကတော့ ဗိုလ်ကြီး ဆန်နဂိုးဟာ တည်တည်ငြိမ်ငြိမ် ရှိတယ်လို့ ဆိုပါတယ်။

လုယက်မှုတွေနဲ့ ကစဥ့်ကလျားဖြစ်မှုတွေ အကြီးအကျယ် ဖြစ်ပွားခဲ့ပြီးနောက် ဒီကနေ့မှာတော့ ဘာမကို့ မြို့ ဟာ ငြိမ်သက်နေတယ်လို့ အဲဒီ သတင်းထောက်က ပြောပါတယ်။

ပဒိုမန်းငြိမ်းမောင်ကို ကေအန်ယူထံ ပြန်ပို့

နိုင်ငံ့ခေါင်းဆောင်တယောက်က အမျှော်မြင်ရှိရှိ နဲ့ ကျွန်တော်ကိုလွှတ် ပေးလိုက်တာပါ

နိုင်ငံတော်ပုန်ကန်မှုနဲ့ ထောင်ဒဏ် တသက် တကျွန်း ပြစ်ဒဏ် ချမှတ်ခံရပြီးနောက်၊ သမ္မတရဲ့ လွတ်ငြိမ်းချမ်းသာခွင့်နဲ့ ပြန်လည်လွတ်မြောက် လာတဲ့၊ ကရင်အမျိုးသား အစည်းအရုံး KNU ဗဟိုကော်မီတီဝင် ပဒိုမန်းငြိမ်းမောင်ကို အစိုးရကနေ စနေနေ့မှာ KNU ထံ ပြန်လည် လွှဲပြောင်း လိုက်ပါတယ်။

မြန်မာအစိုးရ ပြည်ထောင်စု ရထားဝန်ကြီး ဦးအောင်မင်းခေါင်းဆောင်တဲ့ မြန်မာအစိုးရရဲ့ ငြိမ်းချမ်းရေး ဖေါ်ဆောင်ရေးအဖွဲ့ဟာ၊ ကားနှစ်စီးနဲ့ စနေနေ့မနက် ၁၁ နာရီလောက်က မဲဆောက်မြို့ကို ရောက် လာပြီးတော့ ပဒိုမန်းငြိမ်းမောင်ကို ကေအင်ယူ တာဝန်ရှိသူတွေဆီ ပြန်လွှဲပေးလိုက်တာ ဖြစ်ပါတယ်။

မိခင်အဖွဲ့အစည်းကို ပြန်လည်ရောက်ရှိလာတဲ့ ပဒိုမန်းငြိမ်းမောင်က ပြောကြားရာမှာ နိုင်ငံ့ခေါင်းဆောင် တယောက်က အမျှော်အမြင် ရှိရှိနဲ့ အခုလို လွှတ်ပေးလိုက်တာ ဖြစ်ကြောင်းနဲ့ ဒါဟာ အမျိုးသား ပြန်လည် စည်းလုံးညီညွတ်ရေးနဲ့ တိုင်းရင်းသား စည်းလုံးညီညွတ်ရေးကို တည်ဆောက်တဲ့နေရာမှာ အများကြီးအထောက်အကူဖြစ်တယ်လို့ ဆိုပါတယ်။

နိုင်ငံ့ခေါင်းဆောင် တယောက်က အမျှော်အမြင် ရှိရှိနဲ့ အခုလို လွှတ်ပေး လိုက်တာ ဖြစ်တဲ့ အတွက် ကျွန်တော် ဝမ်းသာတာပေါ့

ပဒိုမန်းငြိမ်းမောင်

ဝန်ကြီး ဦးအောင်မင်းက သူတို့ အနေနနဲ့ ပြန်လွှတ်ပေးမယ်လို့ ကတိပေးထားတဲ့ အတိုင်း ပြီးမြောက်အောင် ဆောင်ရွက်တာ ဖြစ်တယ်လို့ ပြောပါတယ်။

ကေအင်ယူ အထွေထွေ အတွင်းရေးမှူး နော်စီ ဖိုးရာစိန်ကတော့ အခုလို ပြန်လွှတ်ပေးတဲ့ အပေါ် ကြိုဆိုကြောင်းနဲ့ ဒါဟာ ငြိမ်းချမ်းရေး ဖြစ်စဉ် အတွက် ယုံကြည်မှု တည်ဆောက်နိုင်မှု တခု ဖြစ်တယ်လို့ ပြောပါတယ်။

ပဒိုမန်းငြိမ်းမောင်ဟာ ပြီးခဲ့တဲ့ နှစ်လယ်လောက်တုန်းက ထိုင်းနိုင်ငံချင်းမိုင်ကနေ တရုတ်ပြည် ယူနန်ကို သွားရာကနေ ပျောက်ဆုံးသွားခဲ့တာပါ။ နောက်ပိုင်းမှာ ယူနန်ပြည်နယ် ကူမင်းလေဆိပ်ကနေ၊ မြန်မာနိုင်ငံ ရန်ကုန်မြို့ကို ပို့ဆောင်ခံရပါတယ်။

ရန်ကုန်ရောက်တော့ နိုင်ငံကူးလက်မှတ်အပေါ် ပြင်ဆင်ထားမှု၊ လူဝင်မှုကြီးကြပ်ရေး ဥပဒေ တွေနဲ့ ထောင်ဒဏ် ၁ နှစ်ချမှတ်ခဲ့ပါတယ်။

နောက်ပိုင်းမှာ သူဟာ ကေအင်ယူ ဗဟိုကော်မီတီဝင် ပဒိုမန်းငြိမ်းမောင်ဆိုတာကို အစိုးရက သိရှိသွားပြီး၊ သူ့ကို မတရားအသင်းဆက်သွယ်မှု၊ နိုင်ငံတော်ပုန်ကန်မှုတွေနဲ့ တရားစွဲဆို ခဲ့ပါတယ်။

အခုလ ၁၃ ရက်နေ့မှာတော့ အင်းစိန်ထောင် တရားရုံးကနေ ပြစ်ဒဏ် တသက်တကျွန်းနဲ့ ထောင်ဒဏ် ၃ နှစ်ချမှတ်ခဲ့ ပြီးတော့၊ ၁၉ ရက်နေ့မှာ သမ္မတဦးသိန်းစိန်က လွတ်ငြိမ်း ချမ်းသာခွင့် ပေးခဲ့တာ ဖြစ်ပါတယ်။

KIA နဲ့ အစိုးရ ငြိမ်းချမ်းရေး ကိုယ်စားလှယ် တွေ မနှစ်က တွေ့ဆုံဆွေးနွေးခဲ့စဉ်ကချင်ဒေသမှာ စစ်ရေး အရှိန်အဟုန်တိုးလာနေ

မြန်မာအစိုးရ ငြိမ်းချမ်းရေး ကိုယ်စားလှယ် အဖွဲ့နဲ့ KIO ကချင် လွတ်မြောက်ရေးအဖွဲ့ ကိုယ်စားလှယ်တွေ အကြား လတ်တလော တွေ့ဆုံ ဆွေးနွေးမှုတွေ ရှိခဲ့ပေမယ့် ဒီကနေ့အထိ နိုင်ငံရေး ဆွေးနွေးနိုင်တဲ့ အဆင့်ကို မရောက်နိုင် ပဲ ကချင်ပြည်နယ်မှာ စစ်ရေး အရှိန်အဟုန်တွေ များလာနေပါတယ်။

နှစ်ဘက် တွေ့ဆုံ ဆွေးနွေးမှုတွေ နောက်ဆုံး လုပ်ခဲ့တဲ့ မတ်လ ၁၀ရက် နောက်ပိုင်း ကချင် ဒေသမှာ တိုက်ခိုက်မှုတွေ အကြိမ် ၄၀လောက် ရှိခဲ့တယ်လို့ KIO က ပြောပါတယ်။

တခါ သောကြာနေ့ကစပြီး စနေနေ့အထိ မိုးမောက်မြို့နယ် စိန်လုံရွာရဲ့ အရှေ့ဖက် လဂပ်ဘွန် တောင်ခြေနားမှာ အစိုးရတပ်တွေနဲ့ KIA အကြား ၂ရက်ကြာ တိုက်ပွဲဖြစ်ပွားခဲ့တယ်လို့ သိရပါတယ်။

အစိုးရ စစ်တပ် တပ်မ ၈၈ လက်အောက်ခံ တပ်ဖွဲ့ဝင် အင်အား ၁၀၀ကျော်လောက်ဟာ KIA တပ်မဟာ ၃ နယ်မြေဂွင်ထဲ ရုတ်တရက် ဝင်တိုက်ခိုက်ခဲ့တဲ့အတွက် တိုက်ပွဲဖြစ်ပွားခဲ့ပြီး KIA ဖက်က စခန်းတခုကို လက်လွှတ် ဆုတ်ခွာပေးခဲ့ရတယ်လို့ အဲဒီတိုက်ပွဲမှာ ပါတဲ့ KIA အရာရှိ တဦးက ဘီဘီစီကို ပြောပါတယ်။

အဲဒီစခန်းကို ပြန်သိမ်းယူနိုင်ဖို့ KIA ဖက်က စနေနေ့ မနက်ကစပြီး ပြန်တိုက်ခဲ့ရာမှာ တနေကုန် တိုက်ပွဲ အပြင်းအထန် ဖြစ်ပွားခဲ့ပြီး ညနေ ၅နာရီကျော်လောက်မှာတော့ KIA ဖက်က စခန်းကို ပြန်သိမ်းပိုက်လိုက်နိုင်ခဲ့ပြီလို့ သိရပါတယ်။

စနေနေ့မှာပဲ KIO ဗဟိုကော်မီတီက လည်း ကချင်ဒေသမှာ စစ်ရေး အရှိန်တွေ တိုးလာနေ တာကို ပြည်သူတွေသိအောင်ဆိုပြီး အသိပေး ကြေညာချက် ထုတ်ပြန်လိုက်ပါတယ်။

ဒီလို စစ်ရေးအရှိန်တွေ တိုးလာနေပေမယ့် အစိုးရ ငြိမ်းချမ်းရေး ကိုယ်စားလှယ် အဖွဲ့ကသာ KIO နဲ့ ဆက်ဆွေးနွေးလိုတဲ့ ဆန္ဒရှိနေမယ် ဆိုရင် ဆွေးနွေးပွဲတွေ ဆက်ရှိနေမှာ ဖြစ်ပြီး နိုင်ငံရေးအရ ဆွေးနွေးမှု အဆင့် ပေါ်ထွန်းလာအောင် KIOဖက်က တွန်းတင်နေတဲ့ အနေအထားမျိုး ရှိနေတယ်လို့ KIO တွဲဘက် အထွေထွေ အတွင်းရေးမှူး ဦးလာနန်းက ဘီဘီစီကို ပြောပါတယ်။

ဒါပေမယ့်လည်း KIO နယ်မြေထဲ အစိုးရတပ်တွေ အလွန်အကျွံ ကျူးကျော်လာရင်တော့ KIA အနေနဲ့ နည်းအမျိုးမျိုး သုံးပြီး တုန့်ပြန်သွားမယ်လို့ ဦးလာနန်းက ပြောပါတယ်။

မြန်မာ့ ဆိပ်ကမ်းက ဝန်ချီ စက်ယန္တယားတွေစက်မှု ဖွံ့ဖြိုး ဌာန ဘတ်ဂျက် အကုန် ဖြတ်ခံရ

၂ဝ၁၂-၂ဝ၁၃ ခုနှစ် အတွက် အစိုးရ ဘတ်ဂျက်ကို ပြည်ထောင်စု လွှတ်တော်က အတည်ပြုခဲ့ရာမှာ မြန်မာ့ စက်မှု ဖွံ့ဖြိုးရေး ဝန်ကြီး ဌာနက ဘတ်ဂျက် အားလုံး အဖြတ်ခံခဲ့ရပါတယ်။

ဝန်ထမ်း လစာလို သာမန် အသုံး စရိတ်တင် မက စီမံကိန်းတွေမှာ ရင်းနှီး မြှုပ်နှံမယ့် ငွေလုံးငွေရင်း ဘတ်ဂျက် မပါတော့တဲ့ အတွက် မြန်မာ့ စက်မှု ဖွံ့ဖြိုးရေး ဝန်ကြီးဌာန တခုလုံး ရပ်တည်ဖို့ အခက်အခဲ ရှိနေပြီး ဝန်ထမ်းတွေ လခ ပေးဖို့တောင် အခက်အခဲ ရှိနေပါတယ်။

အစမှာ ရင်းနှီး မြှတ်နှံမှု ငွေရင်းကိုသာ ဖြတ်ဖို့ ဥပဒေ မူကြမ်းမှာ ရေးထားပေမယ့် ဝန်ထမ်း လစာတွေကိုပါ ဖြတ်ခိုင်းဖို့ ညွှန်ကြားပြီး ပြန်ပြင်ဆွဲခိုင်းတဲ့ အတွက် သာမန် အသုံးစရိတ်တွေ အပါအဝင် အကုန် အဖြတ် ခံရတာ ဖြစ်တယ်လို့ ကြံဖွံ့ အမတ် ဉီးဝင်းသန့်က ဘီဘီစီကို ပြောပြပါတယ်။

ဝန်ထမ်းတွေ အနေနဲ့ ခုမတ်လကုန်ထိတော့ လခ ရနိုင်စရာ ရှိပြီး ရှေ့လကစပြီး ဝန်ကြီးဌာနမှာ ပေးစရာ ပိုက်ဆံ မရှိတော့ပါဘူး။

ဒါပေမယ့် ဝန်ကြီးဌာနမှာ လွှဲပြောင်း သုံးစွဲငွေ ရှိပြီး စက်မှု ဖွံ့ဖြိုးရေး ဝန်ကြီးဌာနကို တခြား ဝန်ကြီး ဌာနတခုကို မပေါင်းမချင်း ဝန်ထမ်း လစာတွေ ပေးနိုင်မှာ မဟုတ်ပါဘူး။

ဒါ့ကြောင့် အစိုးရ အနေနဲ့ စက်မှု ဖွံ့ဖြိုးရေး ဝန်ကြီး ဌာနက ဝန်ထမ်းတွေကို တခြား ဝန်ကြီးဌာနထဲ ရွှေ့ပြောင်းတာကို အမြန်ဆုံး ပြန်တမ်းထုတ် လုပ်ဆောင်သင့်တယ်လို့ ကြံ့ဖွံ့ အမတ်က ပြောပါတယ်။

ဝန်ကြီး ဌာန နောက်တခုနဲ့ ပေါင်းတဲ့ အခါ ဆက် အလုပ် မလုပ်ချင်တဲ့ ဝန်ထမ်းက ဝန်ထမ်း ဥပဒေ အရ လျော်ကြေး ယူပြီး စောစောစီးစီး ပင်စင် ယူသွားဖို့ပဲ ရှိပါတယ်။

မြန်မာ ရုပ်ရှင် သမိုင်း ပြတိုက်ရှေ့က ဆိုင်းဘုတ်ရုပ်ရှင် အစည်းအရုံးသစ် ဖွဲ့စည်း

မြန်မာနိုင်ငံ ရုပ်ရှင် အစည်းအရုံးကို ရုပ်ရှင် လောကသားတွေ စုဝေး တွေ့ဆုံ မဲခွဲ ရွေးချယ် ပြီး ပြန်လည် ဖွဲ့စည်းခဲ့ပါတယ်။

ရုပ်ရှင် အစည်း အရုံးဟောင်းဟာ ရုပ်ရှင် လောကသားတွေရဲ့ ဆန္ဒနဲ့ ဖွဲ့စည်းထားတာ မဟုတ်သလို ရုပ်ရှင်လောက ကောင်းကျိုး အတွက် ဘာမှ လုပ်မပေးနိုင်လို့ ရုပ်ရှင်လောကရဲ့ ဝါရင့် မိဘတွေရဲ့ ဉီးဆောင်မှု အောက်မှာ အခုလို ပြန်လည် ရွေးချယ် ဖွဲ့စည်းခဲ့တာလို့ ဒါရိုက်တာ မောင်မျိုးမင်းက ဘီဘီစီကို ပြောပြပါတယ်။

အစည်းအရုံး ဥက္ကဌနဲ့ အလှုပ် အမှုဆောင် အဖွဲ့အပါအဝင် အစည်းအရုံး ရာထူး နေရာတွေ ရွေးချယ်ရာမှာ ရုပ်ရှင်ကား၊ ဗီဒီယိုကား သတ်မှတ်ထားတဲ့ အရေအတွက် တခုထိ ရိုက်ကူးထားသူ ဖြစ်ရမယ် ဆိုတဲ့ အချက်တွေကို စည်းကမ်း သတ်မှတ်ထားတယ်လို့ ဒါရိုက်တာ မောင်မျိုးမင်းက ပြောပါတယ်။

ဒါ့အပြင် အစည်းအရုံး ရာထူး နေရာတွေကို မဲပေး ရွေးချယ်ခွင့် ရဖို့ အတွက်လည်း သတ်မှတ်ထားတဲ့ ဇာတ်ကား အရေအတွက်ကို ရိုက်ကူးထားပြီးသား ဖြစ်ရမယ်လို့ ပြောပါတယ်။

အစည်းအရုံး ဖွဲ့စည်းပုံကို အကြမ်းအားဖြင့် ဒါရိုက်တာ၊ သရုပ်ဆောင်၊ ဇာတ်ပို့ ဇတ်ရံ၊ နောက်ခံ ဂီတ စသဖြင့် အမျိုးအစား ဆယ့်တမျိုး သတ်မှတ်ထားပြီး တမျိုးကနေ ကိုယ်စားလှယ် နှစ်ယောက်ကျစီကို အလုပ် အမှုဆောင် ကောင်စီမှာ ခန့်ထား ရွေးချယ်ဖို့ စီစဉ် ထားပါတယ်။

လောလောဆယ် ဒါရိုက်တာ အမျိုးအစားက ဒါရိုက်တာ မျိုးဇော်အောင်နဲ့ ညီထွန်းလင်းတို့ နှစ်ယောက်ကို ရွေးထားပြီး ဇာတ်လမ်း ဇာတ်ညွှန်း အမျိုးအစားမှာ တက္ကသိုလ် ယဉ်ယဉ်လဲ့နဲ့ အေးကြူလေးတို့ကို အလုပ် အမှုဆောင် အဖွဲ့ထဲ ရွေးထားပါတယ်။

ရုပ်ရှင် အစည်းအရုံးသစ် ပြန်ဖွဲ့တာကို ရုပ်ရှင် အစည်း အရုံးဟောင်းက မလိုလားဘဲ အစည်းအရုံးသစ် ဖွဲ့ရာမှာ လာရောက် နှောက်ယှက်မှုတွေ ရှိတယ်လို့ ဒါရိုက်တာ မောင်မျိုးမင်းက ပြောပြခဲ့ပါတယ်။

SSA တပ်မဟာ ၁ နဲ့ အစိုးရတပ် ပြန်တိုက်အစိုးရတပ်နဲ့ SSA တပ်မဟာ ၁ ပစ်ခတ်မှုဖြစ်

SSA တပ်မဟာ ၁ လို့ သိကြတဲ့ ရှမ်းပြည် တပ်မ တော် မြောက်ပိုင်းနဲ့ မြန်မာ အစိုးရတပ်တို့ ငြိမ်း ချမ်းရေး ယူထားတဲ့ ကြားက ပစ်ခတ်မှုတွေ ပြန်ဖြစ်နေပါတယ်။

ရှမ်းပြည်မြောက်ပိုင်း မိုင်းရှူး မြို့နယ်မှာ အခြေ စိုက်နေတဲ့ SSPP/SSA ရဲ့ တာစံပူး တပ်စခန်း ကို အစိုးရ စစ်တပ်ဘက်က ရုပ်သိမ်းခိုင်းတာကို SSA ဘက်က မရုပ်သိမ်း ရာကနေ အပြန် အလှန် ပစ်ခတ်မှု ဖြစ်ပွားခဲ့တာလို့ သတင်း ရရှိပါတယ်။

အဲဒီဒေသမှာ လှုပ်ရှားနေတဲ့ SSA အရာရှိ တယောက် အပြောအရ မြန်မာအစိုးရ စစ်တပ်က သူတို့ကို တာစံပူး တပ်စခန်းကနေ ဆုတ်ခွာ ခိုင်းသလို အဲဒီတပ်စခန်းကိုပါ ရုပ်သိမ်းခိုင်းရာမှာ SSA ဘက်က ရုပ်သိမ်းဖို့ ငြင်းဆိုလိုက်လို့ အစိုးရ စစ်တပ်က စပြီး ဝင်ရောက် တိုက်ခိုက်ခဲ့ ရာကနေ ပစ်ခတ်မှု ဖြစ်ခဲ့တယ်လို့ သိရပါတယ်။

SSA ကို ဝင်ရောက် တိုက်ခိုက်ခဲ့တဲ့ မြန်မာ အစိုးရ စစ်တပ်ကတော့ ရှမ်းပြည်တောင်ပိုင်း မိန်းစန် မြို့နယ်ခွဲမှာ လှုပ်ရှားနေတဲ့ တပ်ဖွဲ့တွေလို့ သိရပေမဲ့ တပ်နံပါတ် အတိအကျကို မသိရဘူးလို့ အဲဒီ SSA အရာရှိက ပြောပါတယ်။

မြန်မာ အစိုးရဘက်က ပြန်လည် ဆုတ်ခွာမှ ပစ်ခတ်မှုက ရပ်စဲသွားတယ်လို့ သတင်းရရှိ ပါတယ်။

ဒီပစ်ခတ်မှုက မတ်လ ၂၁ ရက်နေ့ ညနေ ၄ နာရီ ကနေ ၅ နာရီ အထိ ဖြစ်ပွားခဲ့ပြီး SSA ဘက်က ထိခိုက် ကျဆုံးမှု မရှိဘူးလို့ အဲဒီ အရာရှိက ဘီဘီစီကို ပြောပါတယ်။

အခုချိန်မှာ SSA ဘက်ကလဲ အဲဒီ ဒေသတွေမှာ အင်အားတွေ ထပ်မံ ဖြည့်တင်းနေတယ်လို့ သတင်း ရရှိပါတယ်။

SSPP/SSA ဟာ ဒီနှစ် ဇန်နဝါရီလ ၂၈ ရက်နေ့က တောင်ကြီးမြို့မှာ မြန်မာအစိုးရ ကိုယ် စားလှယ်တွေနဲ့ ပြည်နယ် အဆင့်နဲ့ ပြည်ထောင်စု အဆင့်မှာပါ တွေ့ဆုံ ဆွေးနွေးမှု ပြုလုပ်ခဲ့ပြီး အပစ်အခတ် ရပ်စဲရေး သဘော တူညီမှု ရယူခဲ့တာ ဖြစ်ပါတယ်။

ဒါပေမဲ့ ဒီအပစ်ခတ် ရပ်စဲရေး လုပ်ပြီးတဲ့ အချိန်ကနေ အခုချိန်ထိ နှစ်ဘက်ကြားမှာ တိုက် ပွဲငယ်ပေါင်း အခုအကြိမ်နဲ့ပါဆို လေးကြိမ် ဖြစ်ပွားခဲ့ပြီး ပါပြီ။

ဒါ့အပြင် SSPP/SSA ထိန်းချုပ် နယ်မြေမှာ လှုပ်ရှားနေတဲ့ မြန်မာ အစိုးရ စစ်တပ်ကို ရုပ် သိမ်းပေးဖို့ ဆွေးနွေးပွဲမှာ SSA က တောင်းဆို ထားပေမယ့် အခုချိန်ထိ ရုပ်သိမ်းတာ မရှိ သေးသလို ထပ်ပြီးတော့ အင်အားဖြည့်တာ၊ တပ်စခန်း ချဲ့ထွင်တာ လုပ်နေသေးတယ်လို့ အဲဒီအရာရှိက ပြောပါတယ်။

အခုလို တိုက်ပွဲတွေ ပြန်ဖြစ်နေတဲ့ ကိစ္စဟာ နှစ်ဘက်ကြား ပြုလုပ်ထားတဲ့ ငြိမ်းချမ်းရေး သဘော တူညီမှုကို ထိခိုက် စေနိုင်မလား ဆိုပြီး SSA စစ်ဘက်ဆိုင်ရာက ဗိုလ်မှူး တဦးကို ဘီဘီစီက မေးကြည့်ရာမှာ မြန်မာ အစိုးရက လက်နက်ကိုင်တိုင်းရဲ့ နယ်မြေတွေကို လက်နက် ပို့ဆောင်နေတာတွေ တပ်တိုးချဲ့ တည်ဆောက်နေတာတွေ ပြုလုပ်နေတဲ့ အတွက် ငြိမ်းချမ်းရေး ရေရှည် တည်တံ့ဖို့ မမြင်ကြောင်း၊ ငြိမ်းချမ်းရေး ပျက်ပြားသွားမလား တည်မြဲမလားဆိုတာ အစိုးရရဲ့ လုပ်ဆောင်နိုင်ပေါ်မှာသာ မူတည်မယ်လို့ အဲဒီ အရာရှိက ပြောပြသွားပါတယ်။

ရှမ်းပြည် တပ်မတော် မြောက်ပိုင်းလိုပဲ ရှမ်းပြည် ပြန်လည် ထူထော်ရေး ကောင်စီ/ရှမ်းပြည် တပ်မတော် တောင်ပိုင်း (RCSS/SSA)ဟာလဲ မြန်မာအစိုးရနဲ့ ငြိမ်းချမ်းရေး ယူထားပေမယ့် အစိုးရစစ်တပ်နဲ့ ၁၄ ကြိမ်အထိ ပစ်ခတ်မှု ပြန်လည် ဖြစ်ပွားခဲ့ပါတယ်။

ဒါကြောင့် RCSS/SSA လည်း မြန်မာ အစိုးရကို သံသယ ရှိလာပြီး စိုးရိမ်မှုတွေ ရှိနေတယ်။

အလားတူပဲ ကရင်တပ်ဖွဲ့ KNUနဲ့လဲ အပစ်အခတ် ရပ်ထားတယ် ဆိုပေမယ့်လည်း တိုက်ပွဲတွေ ဖြစ်နေသလို နောက်တခါ ကချင်တပ်ဖွဲ့ KIAနဲ့လည်း ငြိမ်းချမ်းရေး ယူဖို့ ကြိုးစားနေပေမယ့် ခုချိန်ထိ တိုက်ပွဲတွေ ဖြစ်နေသေးတာကို တွေ့နေရတုန်းလို့ ဖြစ်ပါတယ်။

အခုလိုမျိုး တဘက်မှာ မြန်မာ အစိုးရက ငြိမ်းချမ်းရေး ဖော်ဆောင်နေတယ် ဆိုပေမယ့် မြန်မာ အစိုးရ စစ်တပ်က တဘက်ကနေ အပစ်အခတ် ရပ်စဲထားတဲ့ လက်နက်ကိုင် တပ်ဖွဲ့တွေကို ဆက်လက် ပစ်ခတ် တိုက်ခိုက် နေတဲ့အတွက် ဒီငြိမ်းချမ်းရေး လုပ်ငန်းစဉ်ကို အောင်မြင်အောင် လုပ်ဆောင်ဖို့ ထိရောက်အောင် လုပ်ဖို့ဆိုတာ အချိန်ယူ လုပ်ဆောင် ရဉီးမယ့်ပုံ ရှိပါတယ်။

ပင်လယ်ဓါးပြတွေကိုကမ်းထိ တက်တိုက်ခွင့်ရ

ဆိုမာလီ ပင်လယ်ဓါးပြတွေကို အီးယူ ကမ်းတက် နှိမ်နင်း တော့မယ်

အာဖရိက ဉီးချို ဒေသ က ပင်လယ်ပြင်မှာ သွားလာနေတဲ့ သင်္ဘောတွေကို ပင်လယ် ဓားပြ ရန်ကနေ ကာကွယ် ပေးနေတဲ့ အီးယူ ရေတပ်က သင်္ဘောတွေ အနေနဲ့ ဆိုမာလီ ပင်လယ် ဓါးပြတွေကို ပင်လယ်ပြင်မှတင်မက ကုန်းပေါ်ထိ တက်ရောက် နှိမ်နင်းခွင့် ရသွားပါပြီ။

ပင်လယ်ဓါးပြ လှေတွေနဲ့ ဆိုမာလီ ကမ်းခြေတွေမှာ လောင်စာဆီ သိုလှောင်ထားမှုတွေကို ကမ်းအထိ တက်ရောက် တိုက်ခိုက်နှိမ်နင်းဖို့ ဥရောပ သမဂ္ဂက သူ့ရဲ့ စစ်သင်္ဘောတွေကို ခွင့်ပြု သဘောတူခဲ့တာ ဖြစ်ပါတယ်။

ဓါးပြတွေနဲ့ ပတ်သက် ဆက်နွယ်နေတဲ့ လုပ်ငန်းတွေ အကုန်လုံးကို ဖြိုခွင်း နှိမ်နင်း ပစ်ချင်တယ်လို့ ဥရောပ သမဂ္ဂ ဆိုင်ရာ ရေတပ် အကြီးအကဲက ဘီဘီစီကို ပြောပါတယ်။

ဒီ ဥရောပ သမဂ္ဂရဲ့ ပင်လယ်ဓါးပြ နှိမ်နင်းရေး တပ်ဖွဲ့သက်တမ်းကိုလည်း နောက်ထပ် နှစ်နှစ် တိုးမြှင့် ခဲ့ပါတယ်။

 Bamako မြို့မှာ စစ်တပ်က ဆိုင်တွေကို လုယက်

 မာလီမှာ စစ်တပ် အာဏာသိမ်း ခေါင်းဆောင် Amadou Sanogo က လက်ရှိ ရာထူးမှာ ဆက်နေဖို့ ဆန္ဒမရှိတော့ဘူးလို့ ဘီဘီစီကို ပြောပြီး စစ်တပ် အနေနဲ့ တိုင်းပြည်လုံခြုံရေးကို တာဝန်ယူနိုင်တဲ့ အခါ သူရာထူးက နှုတ်ထွက်မယ်လို့ ဆိုပါတယ်။

စစ်တပ်ဟာ နိုင်ငံမြောက်ပိုင်းက Tuareg သူပုန်တွေကို နှိမ်နင်းဖို့ လက်နက်လည်း အပြည့်အစုံ မရှိဘူး တပ်သားတွေကိုလည်း ကောင်းကောင်း လေ့ကျင့်ထားတာ မရှိဘူးလို့ သူက ငြီးတွား ပြောဆိုခဲ့ပါတယ်။

ဒါပေမယ့် တပ်မှူးကြီး ဆန်နိုဂိုရဲ့ တပ်ဖွဲ့ဝင်တွေဟာ Bamako မြို့တော်က ဆိုင်တွေမှာ ဝင်ရောက် ခိုးဆိုး လုယက်မှုတွေ လုပ်နေတယ် ၊ စစ်တပ်က ဆုတ်ခွာလိုက်တဲ့ မြောက်ပိုင်းက မြို့တော်တော်များများကို သူပုန်တွေက သိမ်းလိုက်ပြီ ဆိုတဲ့ သတင်းတွေလည်း ထွက်ပေါ်နေပါတယ်။

ဘာမာခို မြို့က အာဏာသိမ်းမှုကို ဆန့်ကျင်သူတွေရဲ့ ကောလသဟာလတွေ ထွက်ပေါ်လာချိန်မှာ ကတ်ပတိန် ဆန်နိုဂို အသတ်ခံလိုက်ရပြီ ဆိုတဲ့ သတင်းတွေဟာ မမှန်ပါဘူးလို့ သူ့သစ္စာခံ တပ်ဖွဲ့တွေက နိုင်ငံပိုင် ရုပ်မြင်သံကြား ပေါ်ကနေ ပြောကြားခဲ့ပါတယ်။

တာချီလိတ်မြို့မှာ ဗုံးပေါက်ကွဲ

ရှမ်းပြည်နယ် အရှေ့ပိုင်း ထိုင်းမြန်မာနယ်စပ် တာချီလိတ်မြို့မှာ စနေနေ့မနက်က ဗုံးနှစ်လုံး ပေါက်ကွဲခဲ့တဲ့အတွက် လူနှစ်ယောက် ဒဏ်ရာ ရရှိသွားပါတယ်။

တာချီလိတ်မြို့ ရွှေတိဂုံဘုရားအနောက်ဖက် ဂေါက်ကွင်းထဲမှာ ဌာနဆိုင်ရာ အရာရှိတွေနဲ့ ဝန်ထမ်းတွေ (၆၇)နှစ်မြောက် တပ်မတော်နေ့ အထိမ်းအမှတ်အဖြစ် ဂေါက်ရိုက်ပြိုင်ပွဲလုပ်နေတဲ့ အချိန်မှာ ပေါက်ကွဲခဲ့တာ ဖြစ်တယ်လို့ သိရပါတယ်။

မနက် ၆ နာရီခွဲလောက်မှာ ဖွင့်ပွဲ လုပ်ပြီးတဲ့နောက် ၇ နာရီ လောက်မှာ အာဏာပိုင်တွေ ဂေါက်ကျင်း အမှတ် (၂) မှာ ရိုက်နေစဉ်၊ ဂေါက်ကျင်းအမှတ်(၁၃) ဘက်မှာ ပထမ အကြိမ် ပေါက်ကွဲခဲ့တာပါ။ အဲဒီပေါက်ကွဲမှုမှာတော့ ဘယ်သူ့ကိုယ်မှ ထိခိုက်မှုမရှိခဲ့ပါဘူး။

မနက် ၈ နာရီလောက်မှာတော့ ဒုတိယအကြိမ် ပေါက်ကွဲခဲ့ရာမှာ ဂေါက်ကွင်း ဝန်ထမ်း ၁ ယောက်နဲ့ ဂေါက်ကစားသူ ၁ ဦး အပြင်းအထန် ဒဏ်ရာရှိသွားတယ်လို့ သိရပါတယ်။

အဲဒီနောက်မှာတော့ ဂေါက်ကွင်းတစ်ခုလုံးကို စစ်ဆေးကြည့်တဲ့ အခါမှာ ဂေါက်ကျင်းအမှတ် (၁၃) နားမှာပဲ မပေါက်ကွဲသေးတဲ့ ဗုံးတလုံးထပ်တွေ့ရှိရ ပြန်ပါတယ်။

အဲဒီ ဗုံးအမျိုးအစားဟာ TNT ယမ်းနဲ့ ပြုလုပ်ထားတာတဲ့ဗုံး ဖြစ်သလို လက်ကိုင်ဖုန်းကို အသုံးပြုပြီး အဝေးထိန်းစနစ်နဲ့ ဖောက်ခွဲတဲ့ဗုံး အမျိုးအစား ဖြစ်တယ်လို့ ဒေသခံ လုံခြုံရေး အရာရှိတဦးက ဘီဘီစီကို ပြောပြပါတယ်။

အခုဖောက်ခွဲမှုဟာ တပ်မတော်နေ့ အထိမ်းအမှတ်ပွဲကို ရည်ရွယ် လုပ်ဆောင်တာ ဖြစ်ပေမယ့် ဘယ်သူတွေရဲ့ လက်ချက်ဖြစ်တယ်ဆိုတာ ကတော့ မသိရသေးဘဲ အခုလောလောဆယ်မှာ စုံစမ်းနေဆဲ ဖြစ်တယ်လို့ အဲဒီအရာရှိက ပြောပါတယ်။

ကိုရီးယားပညာရှင်ကို ကမ္ဘာ့ဘဏ်ဥက္ကဋ္ဌအဖြစ် သမ္မတအိုဘားမား ရွေး

By ဗွီအိုအေ(မြန်မာဌာန)

အမေရိကန်ပြည်ထောင်စုက Dartmouth ကောလိပ်အကြီးအကဲ ကိုရီးယားလူမျိုး Jim Yong Kim ကို ကမ္ဘာ့ဘဏ်ဥက္ကဋ္ဌ ရာထူးအတွက် သမ္မတအိုဘားမားက ရွေးချယ်လိုက်ပါတယ်။ နိုင်ငံတကာ ဘဏ္ဍာရေးအဖွဲ့ကြီးရဲ့ ဥက္ကဋ္ဌ တာဝန်အတွက် အသက် ၅၂ နှစ်အရွယ် Mr. Kim ကို မျှော်လင့်မထားဘဲ အမေရိကန်က ရွေးချယ်ခဲ့တာဖြစ်ပါတယ်။

ကျန်းမာရေးဆိုင်ရာ ကမ္ဘာ့အတွေ့အကြုံရှိတဲ့ Mr. Kim ဟာ ကမ္ဘာ့ဘဏ်ဥက္ကဋ္ဌရာထူးနေရာအတွက် အင်မတန်မှသင့်တော်ပြီး ဘာသာပေါင်းစုံ၊ လူမျိုးပေါင်းစုံ ရောယှက်နေထိုင်ကြတဲ့ အမေရိကန်ပြည်ထောင်စုမှာ ကြိုးစားရင် ခုလိုအခြေအနေအထိ ရောက်နိုင်တယ်ဆိုတာကို သာဓက ပြနေတယ်လို့ သမ္မတ Barak Obama ကပြောပါတယ်။ အခုလို သမ္မတ Obama ရဲ့ရွေးချယ်မှုကို ကမ္ဘာ့ဘဏ်ဘုတ်အဖွဲ့က အတည်ပြုခဲ့မယ် ဆိုရင် Mr. Kim ဟာ June လကုန်မှာ ကမ္ဘာဘဏ်ဥက္ကဋ္ဌ ဖြစ်လာမှာဖြစ်ပါတယ်၊ လက်ရှိဥက္ကဋ္ဌ ဖြစ်တဲ့ Robert Zoellick က June လကုန်မှာ ရာထူးကနေ နှုတ်ထွက်မယ်လို့ မကြာခင်ကပဲ ကြေညာခဲ့တာဖြစ်ပါတယ်။ အမေရိကန်လူမျိုးတွေကပဲ ကမ္ဘာ့ဘဏ် ဥက္ကဋ္ဌရာထူးကို ယူလာခဲ့တာဖြစ်ပြီး ဒီတခါ အမေရိကန်သမ္မတ ရွေးချယ်သူနဲ့ ပတ်သက်လို့ သိသိသာသာ စိန်ခေါ်မှုတွေရှိနိုင်ပါတယ်။

ဒီရာထူးအတွက် အမေရိကန်က မဟုတ်တဲ့ တခြားနိုင်ငံသားတွေကို ပေးစေချင်တယ်လို့ ဖွံ့ဖြိုးဆဲ နိုင်ငံတွေက ပြောနေကြတာပါ၊ Angola, Nigeria နဲ့ တောင်အာဖရိကနိုင်ငံတွေက Nigeria က ဘဏ္ဍာရေးဝန်ကြီး Ngozi Okonjo-Iweala ကို သောကြာနေ့ကပဲ ကမ္ဘာ့ဘဏ် ဥက္ကဋ္ဌအဖြစ် ထောက်ခံတင်ပြခဲ့ကြပါတယ်။

ကမ္ဘာ့ဘဏ်ဥက္ကဋ္ဌရာထူးကို စီးပွားရေး ဒါမှမဟုတ် ဘဏ်လုပ်ငန်း အတွေ့အကြုံရှိကြသူတွေကို များသောအားဖြင့် တာဝန်ပေးပါတယ်။ ဒါပေမဲ့ သမ္မတအိုဘားမား ရွေးချယ်ခဲ့တဲ့ Mr. Kim ကတော့ ဆရာဝန်တယောက်ဖြစ်သလို မနုဿဗေဒ ပညာရှင်တယောက်လည်း ဖြစ်ပါတယ်။ သမ္မတအိုဘားမားကတော့ ဆင်းရဲမွဲတေမှုနဲ့ ရောဂါတိုက်ဖျက်ရေးကို အားထုတ်လုပ်ဆောင်နေတဲ့ ကမ္ဘာ့ဘဏ်အတွက် Mr. Kim ရဲ့အရည်အချင်းဟာ အင်မတန်အရေးပါတယ်လို့ပြောပါတယ်။

အသက် ၅ နှစ်သား အရွယ်ကတည်းက မိသားစုနဲ့အတူ အမေရိကန်မှာ အခြေချနေထိုင်ခဲ့တဲ့ Mr. Kim ဟာ Iowa ပြည်နယ်မှာ ကြီးပြင်းခဲ့သူဖြစ်ပါတယ်။ သူဟာ အမေရိကန်က အထင်ကရ တက္ကသိုလ်တခုဖြစ်တဲ့ Dartmouth College ရဲ့အကြီးအကဲတာဝန်ကို ၂၀၀၉ ခုနှစ်ထဲက တာဝန်ယူခဲ့ပါတယ်ရှင်။

ကချင် ၃ နယ် ရွေးကောက်ပွဲရွှေ့ဆိုင်းမှု အမေရိကန် စောင့်ကြည့်

By မခင်ဖြူထွေးကချင်ပြည်နယ်ထဲက မဲဆန္ဒနယ်သုံးခုမှာ လုံခြုံရေးအခြေအနေကြောင့် လာမယ့် ဧပြီလ ၁ ရက်နေ့ တခြား ပြည်နယ်နဲ့ တိုင်းဒေသတွေမှာကြားဖြတ် ရွေးကောက်ပွဲ ကျင်းပတဲ့အချိန်မှာ ကျင်းပနိုင်မှာ မဟုတ်ဘဲ ရက်ရွှေ့ဆိုင်းလိုက်ကြောင်းကို ပြည်ထောင်စု ရွေးကောက်ပွဲကော်မရှင်က မနေ့က ကြေညာခဲ့တာပါ။ ဒီကိစ္စနဲ့ပတ်သက်လို့ အခြေအနေကို အပြည့်စုံ နားလည်နိုင်ဖို့ ကြိုးစားနေတယ်လို့ အမေရိကန် နိုင်ငံခြားရေးဌာန ပြောခွင့်ရသူ Victoria Nuland က ပြောပါတယ်။

“ကချင်ပြည်နယ်က ပြည်သူတွေ ရွေးကောက်ပွဲမှာ ပါဝင် မဲပေးခွင့် ဆုံးရှုံးအောင် မြန်မာအစိုးရက တမင် လုပ်တာလား၊ ဘယ်လိုရည်ရွယ်ချက်နဲ့ အခုလို ရွှေ့ဆိုင်းလိုက်တာလဲ ဆိုတာကို နားလည်နိုင်ဖို့ ကျမတို့ ဒီကိစ္စကို စုံစမ်းနေပါတယ်။ သူတို့နဲ့ စကားမပြောရသေးတဲ့အတွက် လောလောဆယ်တော့ ဘာမှ ဝေဖန် မပြောနိုင်သေးပါဘူး။ ကချင်ပြည်နယ်တွင်းမှာ အကြမ်းဖက် တိုက်ခိုက်မှုတွေ ဖြစ်ပွားနေတယ် ဆိုတာကတော့ အမှန်ပါပဲ။ ဒါပေမဲ့ ဒါကို ဖြေရှင်းဖို့ နည်းလမ်း ရှိရပါလိမ့်မယ်။”

နိုင်ငံခြားရေးဌာန ပြောခွင့်ရသူ Victoria Nuland ပြောသွားတာဖြစ်ပါတယ်။ ၂၀၁၁ ခုနှစ် ဇွန်လ ကတည်းကစလို့ ကချင်ပြည်နယ်ထဲမှာ တိုက်ပွဲတွေ ပုံသဏ္ဍန် အမျိုးမျိုးနဲ့ ဆက်လက် ဖြစ်ပွားနေသလို ဒီအပေါ် အမေရိကန် ပြည်ထောင်စုက စိုးရိမ်တဲ့အကြာင်းနဲ့ မြန်မာအစိုးရနဲ့ ကချင်အဖွဲ့တွေ နှစ်ဘက်စလုံးက အပစ်အခတ် ရပ်စဲကြဖို့ တိုက်တွန်းတဲ့ အကြောင်းလည်း ပြောခွင့်ရအမျိုးသမီး Nuland က ပြောသွားခဲ့ပါတယ်။

အီဂျစ်နိုင်ငံ ဘောလုံးပွဲ ရုန်းရင်းဆန်ခတ်မှု လူတဦးသေဆုံး

By ဗွီအိုအေ (မြန်မာဌာန)

• အီဂျစ်နိုင်ငံမြောက်ပိုင်းက Port Said မြို့မှာ လုံခြုံရေးတပ်ဖွဲ့တွေနဲ့ ဒေါသထွက်နေတဲ့ ဘောလုံးပရိသတ် ထောင်ပေါင်းများစွာကြား တိုက်ခိုက်မှုတွေဖြစ်ပွားလို့ ဆယ်ကျော်သက် လူငယ်တစ်ဦး သေနတ်မှန်ပြီး သေဆုံးသွားသလို တခြားလူ ၁၈ ဦးလည်း ဒဏ်ရာတွေ ရသွားကြပါတယ်။ အရင်လက လူတွေ သေဆုံးခဲ့ရတဲ့ အထိ ဖြစ်ပွားခဲ့တဲ့ ဘောလုံးပွဲမှာ ရုန်းရင်းဆန်ခတ် ဖြစ်ခဲ့တာကြောင့် Al-Masry ဘောလုံးအသင်းကိုလည်း ကစားခွင့် ၂ နှစ် ပိတ်မယ်၊ Port Said ဘောလုံးကွင်းကိုလည်း ၃ နှစ် ပိတ်ထားမယ်လို့ အီဂျစ်ဘောလုံး အဖွဲ့ချုပ်က သောကြာနေ့ ညပိုင်းမှာ ကြေညာလိုက်ပြီးတဲ့နောက် လူတွေ အကြီးအကျယ် ဆန္ဒပြကြတာပါ။

နှစ်ဘက်တိုက်ခိုက်မှုတွေက ဒီနေ့အထိ ကူးလာပြီး လုံခြုံရေးအရာရှိတွေက လေထဲကို သေနတ်ပစ်ဖောက်ပြီး လမ်းတွေပေါ်မှာ ပိတ်ဆို့ထားတဲ့သူတွေ၊ Suez တူးမြောင်း အာဏာပိုင်တွေရဲ့ အဆောက်အဦးအပြင်ဘက်မှာ ဆန္ဒပြနေသူတွေကို လူစုခွဲခဲ့ပါတယ်။

အခု သေနတ်ထိပြီး သေဆုံးသွားတဲ့လူငယ်ကတော့ နောက်ကျောကနေ ပစ်ခံရတာလို့ သတင်းတွေ ထွက်နေပေမဲ့ အသေးစိတ်တော့ ထပ်ပြီး မသိရသေးပါဘူး။ သူတို့ဘောလုံးအဖွဲ့ကို မီဒီယာကနေ သိက္ခာချတယ်လို့လည်း ဆန္ဒပြသူတွေက ပြောကြပြီး ရှုတ်ချပါတယ်။

ဖေဖော်ဝါရီလမှာဖြစ်ပွားခဲ့တဲ့ ရုန်းရင်းဆန်ခတ် ဖြစ်မှုထဲမှာ လူ ၇၄ ဦး သေဆုံးခဲ့ရတာပါ။ အီဂျစ်မှာ နံမည်အကြီးဆုံး ကိုင်ရိုက Al-Ahly အသင်းနဲ့ Al Masry အသင်းတို့ ကစားခဲ့ကြတာဖြစ်ပါတယ်။ နောက်ဆုံး ခရာသံ ဆုံးပြီးပြီးချင်းမှာပဲ အနိုင်ရ Al-Masry အသင်းက ပရိသတ်က တဘက်ပရိသတ်ကို ဓားတွေနဲ့ထိုး၊ ပွဲကြည့်စင်ပေါ်ကနေ တွန်းချတာတွေ လုပ်ခဲ့ကြပါတယ်။

နျူကလီးယား အစည်းအဝေးတက်ဖို့ အိုဘားမား တောင်ကိုရီးယား သွားရောက်

By ဗွီအိုအေ (မြန်မာဌာန)

အမေရိကန်သမ္မတ ဘရက်အိုဘားမားဟာ ရှေ့သီတင်းပတ်မှာ ကျင်းပမယ့် နျူကလီးယား လုံခြုံစိတ်ချမှု ဆိုင်ရာ ညီလာခံကို တက်ရောက်ဖို့အတွက် စနေနေ့မှာ တောင်ကိုရီးယားနိုင်ငံကို သွားရောက်တာဖြစ်ပါတယ်။

ဆိုးလ်မြို့တော်မှာ ကျင်းပဖို့စီစဉ်ထားတဲ့ ညီလာခံကြီးကို သမ္မတအိုဘားမားနဲ့ တရုတ်သမ္မတ ဟူကျင်းတောင် အပါအ၀င် နိုင်ငံပေါင်း ၅၀ ကျော်က ခေါင်းဆောင်တွေ တက်ရောက်ကြမှာပါ။

သမ္မတ အိုဘားမားဟာ တရုတ်၊ တောင်ကိုရီးယား၊ ကာဇက်စတန်၊ ရုရှား၊ တူရကီ စတဲ့နိုင်တွေရဲ့ ခေါင်းဆောင်တွေနဲ့ ညီလာခံပြင်ပမှာ သီးသန့်တွေ့ဆုံ ဆွေးနွေးဖို့ရှိကြောင်း သမ္မတအိမ်ဖြူတော်က ပြောပါတယ်။

မစ္စတာအိုဘားမားဟာ ပါကစ္စတန်သမ္မတ ယူဆွပ် ရာဇာ ဂီလာနီ နဲ့လည်း တွေ့ဆုံပြီး အာဖဂန်နစ္စတန်က ဦးဆောင်ပြီး တာလီဘန်နဲ့ ပြန်လည် ရင်ကြားစေ့ရေး ညှိနှိုင်းနေမှုအပေါ် အထောက်အပံ့ပေးတဲ့ လုပ်ငန်းစဉ်ကို ပြန်လည်ဆွေးနွေး သုံးသပ်ဖိ်ု့ ရှိတယ်လို့ သမ္မတအိမ်ဖြူတော်က သောကြာနေ့မှာ ထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။

အမေရိကန်သမ္မတဟာ တောင်ကိုရီးယားနိုင်ငံကို ဒေသ စံတော်ချိန် တနင်္ဂနွေနေ့ စောစောပိုင်းမှာ ရောက်ရှိမှာဖြစ်ပြီး ခရီးစဉ်ရဲ့ အစပိုင်းမှာပဲ တောင်နဲ့ မြောက်ကိုရီးယား နှစ်နိုင်ငံအကြားမှာရှိတဲ့ စစ်မဲ့ဇုန်ကို သွားရောက် လည်ပတ်ဖို့ မျှော်လင့်ထားတယ်လို့ သိရပါတယ်။

လွတ်လပ်သော စာပေ စာနယ်ဇင်းအဖွဲ့များ ပြန်လည်ဖွဲ့မည်

By မသင်းသီရိ

မြန်မာနိုင်ငံမှာ လွတ်လွတ်လပ်လပ် သတင်းမီဒီယာ လုပ်ငန်းတွေ လုပ်ကိုင်နိုင်ရေးအတွက် မြန်မာနိုင်ငံ စာပေစာနယ်ဇင်း အရေးပေါ်ညီလာခံတစ်ခုကို ဒီကနေ့ မတ်လ ၂၄ ရက် စနေနေ့မှာ ပြုလုပ်ခဲ့ပါတယ်။ သတင်းသမားတွေရဲ့ အခွင့်အရေးတွေကို အကာအကွယ်ပေးဖို့၊ သတင်းမီဒီယာကဏ္ဍ ဖွံ့ဖြိုးလာဖို့နဲ့ နိုင်ငံမှာ  သတင်းမီဒီယာ လွတ်လပ်ခွင့် အပြည့်အ၀ ရရှိဖို့တွေကို ဒီအသင်းအဖွဲ့က လုပ်ကိုင်နိုင်ဖို့ ဖြစ်တယ်လို့လည်း အဖွဲ့ဖြစ်မြောက်ရေး တာဝန်ခံတွေက ပြောပါတယ်။ ဒီအကြောင်းကို မသင်းသီရိက တင်ပြထားပါတယ်။

မြန်မာနိုင်ငံမှာ သတင်းမီဒီယာလုပ်ငန်းတွေ လွတ်လပ်ပြီး ဖွံဖြိုး တိုးတက်လာဖို့အတွက် ဒီကနေ့ မတ်လ ၂၄ ရက်မှာ မြန်မာနိုင်ငံ စာပေစာနယ်ဇင်းအဖွဲ့က အရေးပေါ် ညီလာခံတစ်ခုကို ရန်ကုန်က သူနာပြုတက္ကသိုလ် ခန်းမမှာ လုပ်ခဲ့တာပါ။ မြန်မာနိုင်ငံ သတင်းစာဆရာအသင်း၊ မြန်မာနိုင်ငံ စာရေးဆရာအသင်းနဲ့ မြန်မာနိုင်ငံ ပုံနှိပ်ဖြန့်ချိသူများ အသင်း ဆိုပြီး အသင်း ၃ သင်း ဖွဲ့စည်းပြီး သတင်းလုပ်ငန်းတွေကို လုပ်ဖို့ စီစဉ်ကြပါတယ်။ ဒီအသင်းတွေဟာ ထိန်းချုပ်မှု ကင်းပြီး သတင်းလုပ်ငန်းတွေကို လွတ်လွတ်လပ်လပ် လုပ်နိုင်ဖို့ အဓိက ရည်ရွယ်ထားတယ်လုိ့ သတင်းစာဆရာ အသင်း ဖြစ်မြောက်ရေး ကော်မတီထဲမှာ ဒုတိယ ဥက္ကဋ္ဌအဖြစ် တာဝန်ယူထားတဲ့ Reuters သတင်းဌာနက ဦးအောင်လှထွန်းက ပြောပါတယ်။

“အဓိက ကတော့ independent ဖြစ်တဲ့ body တစ်ခု၊ ကျနော်တို့ရဲ့ သတင်းထောက်တွေပေါ့၊ journalist တွေရဲ့ အခွင့်အလမ်းကို ကာကွယ်ပေးမယ့် အမှီအခိုကင်းတဲ့ လွတ်လပ်တဲ့အဖွဲ့အစည်းတစ်ခု ပေါ်ပေါက်လာရေးအတွက် ဖြစ်ပါတယ်။ ကျနော်တို့ ကိုယ့်ဟာကိုယ် အချင်းချင်း ထိန်းကျောင်းသွားကြမယ်၊ အဲဒီဟာကို ရည်ရွယ်ပါတယ်ခင်ဗျ အဓိက ကတော့။ အခုကတော့ အားလုံးသိတဲ့အတိုင်းလေ ကျနော်တို့ တိုင်းပြည်ရဲ့ နိုင်ငံရေး အခြေအနေကလည်း ပြောင်းလဲနေပါပြီ။ အုပ်ချုပ်ရေး၊ ဥပဒေပြုရေး၊ တရားစီရင်ရေး ကဏ္ဍတွေမှာလည်း အားလုံး ရှေ့တန်း ရောက်နေကြပါပြီ။ ကျနော်တို့ရဲ့ စတုတ္ထမဏ္ဍိုင်တော့ နောက်က ကျန်ခဲ့တာပေါ့။ အမှန်တော့ အားလုံးကို စောင့်ကြည့်ရမယ့်အချိန်ပေါ့။ အစိုးရက အဲဒါကို ပြုပြင်ချင်တဲ့ဆန္ဒ ရှိလိမ့်မယ်လို့ ကျနော် ထင်ပါတယ်။ ကျနော်တို့ တောင်းဆိုခဲ့တာလည်း ကြာပါပြီ။”

အခုဖွဲ့စည်းကြမယ့် အသင်း သုံးသင်းစလုံးကို သုံးလအတွင်း အပြီးဖွဲ့စည်းသွားမယ့် လုပ်ငန်းစဉ်တွေနဲ့ ပတ်သက်လို့လည်း ရန်ကုန်တိုင်းမ် ဂျာနယ် အယ်ဒီတာချုပ် ဦးကိုကို (စက်မှု) က ရှင်းပြပါတယ်။

“အဲဒီအသင်း သုံးသင်းစလုံးကို ကျနော်တို့က သုံးလတွင်းအပြီး ဇွန် ၂၄ ရက် နောက်ဆုံးထားပြီး ဖွဲ့စည်းရမှာဖြစ်ပါတယ်။ သို့သော် ပုံနှိပ်ထုတ်ဝေ ဖြန့်ချိသူများအသင်းကတော့ လက်ရှိမှာ မြန်မာနိုင်ငံမှာ ပုံနှိပ်ထုတ်ဝေလုပ်ငန်းရှင်များအသင်း ရှိပြီးသား ဖြစ်တဲ့အတွက်ကြောင့် လက်ရှိအသင်းပေါ်မှာပဲ အခြေခံပြီး ပြုပြင်ပြောင်းလဲ ဖွဲ့စည်းသွားမှာဖြစ်ပါတယ်။ မြန်မာနိုင်ငံ စာရေးဆရာအသင်းကတော့လည်း လက်ရှိ ကျနော်တို့ တည်ရှိတဲ့ မြန်မာနိုင်ငံ စာပေစာနယ်ဇင်းအဖွဲ့ရဲ့ အဖွဲ့ဝင်အင်အား၊ အသင်းရဲ့ ရန်ပုံငွေ အစရှိသည်ဖြစ်ပေါ့လေ။ အဲဒီဟာအားလုံးကို မြန်မာနိုင်ငံ စာရေးဆရာအသင်းက အမွေ ဆက်ခံသွားပါမယ်။ အဲဒီအတွက်တော့ မြန်မာနိုင်ငံ သတင်းစာဆရာအသင်းက လုံးဝ အသစ်ဖြစ်သွားပြီးတော့ ကျနော်တို့ အစအဆုံးပေါ့လေ၊ ငွေရေးကြေးရေးကစပြီးတော့ အသင်းဝင်အင်အားတွေကအစ တစ်ကနေ၊ အစကနေ ပြန်လုပ်ရမယ့်အသင်း ဖြစ်ပါတယ်ခင်ဗျ။”

မြန်မာနိုင်ငံ စာပေစာနယ်ဇင်းအဖွဲ့ဟာ ပြန်ကြားရေး ၀န်ကြီးဌာန လက်အောက်ခံ အဖွဲ့အစည်းတစ်ခု ဖြစ်ခဲ့တယ်၊ ဒီအဖွဲ့မှာလည်း အများရွေးချယ် ခန့်အပ်တဲ့သူတွေ နည်းတယ်ဆိုတဲ့ ဝေဖန်ချက်တွေ ရှိခဲ့ပါတယ်၊။ အခုဖွဲ့ကြမယ့် အသင်းအဖွဲ့တွေကရော ဘယ်လောက်ထိ မှီခိုမှု၊ ထိန်းချုပ်မှုကင်းတဲ့ အဖွဲ့အစည်းတွေ ဖြစ်လာမယ်လို့ ပြောနိုင်ပါသလဲ၊ Reuters သတင်းဌာနက ဦးအောင်လှထွန်းကတော့ မြန်မာနိုင်ငံဟာ ကောင်းတဲ့အပြောင်းအလဲဘက်ကို သွားနေပြီမို့ သတင်းလုပ်ငန်းတွေလည်း တိုးတက်လာဖို့ရှိတယ်လို့ ဆိုပါတယ်။

“ကျနော်တို့ အလားအလာ ကောင်းတယ်ထင်ပါတယ်။ ကျနော် အဲဒီလိုထင်လို့ အဲဒါကို ကျနော် လက်ခံခဲ့တာပါ။ လွတ်လွတ်လပ်လပ် ဆိုတာမှာ အစိုးရတောင်မကဘူး၊ ဘယ်အဖွဲ့အစည်း ဘယ်သူ့ရဲ့သြဇာခံမှ မဖြစ်ရဘူး ဆိုတဲ့ အဲဒီလို နားလည်မှုနဲ့ လက်ခံခဲ့တာပါ။ အရေးကြီးတာ ကျနော်တို့အပိုင်းကလည်း ညီညီညွတ်ညွတ်နဲ့ တသံတည်းထွက်နိုင်ဖို့ သိပ်အရေးကြီးမယ် ထင်ပါတယ်။ ခွဲခြားခြင်းမရှိဘဲ အားလုံး ၀ိုင်းဝန်းလုပ်လိုက်ရင်တော့ ပိုကောင်းမယ်ထင်ပါတယ်။ ၀ိုင်းဝန်းပြီးတော့ ပူးပေါင်း ပါဝင်ဖို့အတွက် ကျနော်တို့ သဘောတူခဲ့တာပါ။ 

 ·  · Share