27.03.2012 နေ့ဖတ်ရန်သတင်းများ

by Myanmar Journal on Tuesday, March 27, 2012 at 7:36am ·

တရုတ် ပါဝင် ပူးပေါင်းဖို့ အိုဘားမား တိုက်တွန်းမြောက်ကိုရီးယား အရေး တရုတ်ပူးပေါင်းဖို့ အိုဘားမားတောင်းဆို

မြောက်ကိုးရီးယားနိုင်ငံက ဒုံးကျည် စမ်းသပ်မှုတွေ ရှေ့တိုးလုပ်ဆောင်မှုကြောင့် ဖြစ်လာနိုင်ချေရှိတဲ့ ဘယ်လိုရန်စမှု မျိုးကိုမဆို တရုတ်နဲ့ အမေရိကန် နှစ်နိုင်ငံ ပူးပေါင်းပြီး တုန်ပြန့်သွားမယ်လို့ အမေရိကန် ကပြောကြားလိုက်ပါတယ်။

မြောက်ကိုရီးယားက တာဝေးပစ် ဒုံးကျည် ပစ်ပြီး ဂြိုလ်တု တခုလွှတ်တင်ဖို့ လုပ်နေတာပါ။ ဘယ်လို ပစ်လွှတ်မှု မျိုးမဆို Missile ဒုံး စမ်းသပ်တာဖြစ်တဲ့အပြင် ဒါဟာ ကုလသမဂ္ဂရဲ့ လုံခြုံရေး အစီအစဉ်ကို ချိုးဖောက်တာဖြစ်တယ်လို့ အမေရိကန်နိုင်ငံက ပြောကြားလိုက်ပါတယ်။

နောက်ပြီး သူနဲ့ တရုတ်သမ္မတ ဟူကျင်တောင် ပြောခဲ့တဲ့ အကြောင်းအရာတွေထဲမှာ မြောက်ကိုးရီးယားရော အီရန် နိုင်ငံ နှစ်နိုင်ငံလုံးအကြောင်းလည်း ပါဝင်တယ်လို့ သမ္မတ အိုဘားမားက ပြောကြားခဲ့ပါတယ်။

မြောက်ကိုရီးယား နျူကလီးယား အရေးနဲ့ပတ်သက်ပြီး တရုတ်နိုင်ငံရဲ့ ကိုင်တွယ်ပုံက အကျိုးသက်ရောက်မှု မရှိဘူးလို့ စောစောပိုင်းတုန်းက အမေရိကန်သမ္မတက ဝန်ဖန်ခဲ့ပါတယ်။ ဒီနေ့ စည်းဝေးပွဲမှာတော့ တရုတ်နဲ့ အမေရိကန် နှစ်နိုင်ငံလုံးက နျူကလီးယား မပြန့်ပွားရေးကို လိုလားတယ်လို့ဆိုပါတယ်။

မစ္စတာ အိုဘားမား ဒီနေ့ အစည်းအဝေးပွဲမှာ ပြောကြားတဲ့ စကားတွေဟာ မြောက်ကိုးရီးယား ခေါင်းဆောင်တွေကို တိုက်ရိုက်ရည်ညွှန်းတယ်ဆိုတာ ပြပါတယ်။

သူက မြောက်ကိုးရီးယားရဲ့ နျူးကလီးယားလက်နက်တွေဟာ လုံခြုံရေးကို ထိခိုက်စေတာဖြစ်သလို အခုလို ရန်စမှုတွေဟာ ဘာအကြိုးအမြတ်မှ မရှိဘူးလို့ ပြောခဲ့ပါတယ်။

နျူးကလီးယား ထုတ်လုပ်တဲ့ စာတ်သတ္တုပစ္စည်းတွေကို အကြမ်းဖက်သမားတွေက ခိုးယူမှကနေ ဘယ်လိုတားစည်းမလဲဆိုတာနဲ့ ပတ်သက်တဲ့ အစည်းအဝေးပွဲကို ကမ္ဘာ့ထိပ်သီးနိုင်ငံတွေ အပါအဝင် နိုင်ငံပေါင်း ၅၀ က တောင်ကိုးရီးယား နိုင်ငံမှာ ကျင်းပနေတာဖြစ်ပါတယ်။

တကယ်လို့ အခု ဒုံးပျံလွှတ်မယ့် အစီအစဉ်ကို ဆက်လုပ်ရင် မြောက်ကိုရီးယားအနေနဲ့ နောက်ထပ် ပိတ်ဆို့အရေးယူမှုတွေနဲ့ အထီးကျန်အဖြစ် ဝိုင်းပယ်ခံရနိုင်တယ်လို့ အမေရိကန် သမ္မတ အိုဘားမားနဲ့ တောင်ကိုးရီးယား သမ္မတ Lee Myung-Bak က ပြီးခဲ့တဲ့ ရက်ကပဲ သတိပေး ပြောကြားပါတယ်။တောင်ကိုးရီးယားရဲ့ ပိုင်နက်ထဲကို ဝင်လာတဲ့ စမ်းသပ်ပစ်လွှတ်တဲ့ ဒုံးပျံဆိုရင်တော့ ပစ်ချမယ်လို့ တောင်ကိုးရီးယားနိုင်ငံက သတိပေးပြောကြားလိုက်ပါတယ် မသီတာရေ။။                      

ALP နဲ့ အစိုးရ၊ ငြိမ်းချမ်းရေး ဆွေးနွေးမယ်

ALP ဟာ ထိုင်း၊ အိန္ဒိယနဲ့ဘင်္ဂလားဒေ့ရှ် နယ်စပ် တွေမှာ အခြေစိုက် လှုပ်ရှားတာဖြစ်

ရခိုင်ပြည်လွတ်မြောက်ရေးပါတီ Arakan Liberation Party (ALP)နဲ့ မြန်မာအစိုး ရဟာ ဧပြီလဆန်းကျရင်၊ စစ်တွေမြို့မှာ ပထမ အကြိမ် တွေ့ဆုံပြီး၊ ငြိမ်းချမ်းရေးအတွက် ဆွေးနွေး ကြတော့မှာ ဖြစ်ပါတယ်။

အခုလို ဆွေးနွေးတဲ့ အခါ ALP ဘက်က တင်ပြဆွေးနွေးမယ့် အချက်တွေ အပေါ် အစိုးရဘက်က သဘောတူညီနိုင်မယ် ဆိုရင် အပစ်အခတ် ရပ်စဲရေး စာချုပ်၊ ချုပ်ဆို နိုင်မှာ ဖြစ်တယ်လို့ ALP ဒုဥက္ကဌ ခိုင်စိုးနိုင်အောင်က ထိုင်းနိုင်ငံ မဲဆောက်မြို့မှာ သတင်းထောက်တွေကို ဒီကနေ့ ပြောကြားပါတယ်။

ALP ဘက်က ဆွေးနွေးမယ့် အချက်တွေထဲမှာ အပစ်အခတ်ရပ်စဲရေး၊ ALP ရဲ့ သတ်မှတ် နယ်မြေတွေကနေ အစိုးရတပ်တွေ ဆုတ်ခွားပေးဖို့နဲ့ တပြည်လုံး အတိုင်းအတာနဲ့ အပစ် အခတ်ရပ်စဲရေး ထုတ်ပြန် ကြေညာပေးဖို့ စတဲ့ အချက်တွေ ပါဝင် တယ်လို့ ခိုင်စိုးနိုင်အောင်က ပြောပါတယ်။

အစိုးရဘက်က ဦးအောင်သောင်း ဦးဆောင်တဲ့ ငြိမ်းချမ်းရေးဖေါ်ဆောင်ရေးအဖွဲ့က ALP ကို နှစ်ကြိမ် ဆက်သွားလာပြီးတဲ့ နောက်မှာ ALP နဲ့ ရခိုင်ပြည်နယ် ဝန်ကြီးချုပ်တို့ဟာ ပြည်နယ် အဆင့် ငြိမ်းချမ်းရေး ဆွေးနွေးဖို့ ဖြစ်လာတာပါ။

ALP ဟာ မြန်မာနိုင်ငံရဲ့ နယ်ခြားဒေသတွေ ဖြစ်တဲ့ ထိုင်း၊ အိန္ဒိယနဲ့ ဘင်္ဂလားဒေ့ရှ် နိုင်ငံ နယ်စပ်တွေမှာ အခြေစိုက် လှုပ်ရှားနေကြတာ ဖြစ်လို့ အဲဒီ ၃ နိုင်ငံ နယ်စပ်က ALP ကိုယ်စားလှယ်တွေဟာ စစ်တွေကို ဧပြီလဆန်း အရောက်သွားပြီး၊ ဧပြီလ ၄ ရက်နေ့နဲ့ ၅ ရက်နေ့တွေမှာ ဆွေးနွေးကြမှာ ဖြစ်ပါတယ်။

ALP ကိုယ်စားလှယ်အဖွဲ့ ပထမအသုတ်ဟာ အိန္ဒိယနယ်ကနေ စစ်တွေကို မနက်ဖြန်သွားမှာ ဖြစ်ပြီး၊ ထိုင်းနယ်စပ်အဖွဲ့ ကတော့ အခုလ ၃၀ ရက်နေ့မှာ မဲဆောက် မြဝတီ ရန်ကုန်က တဆင့် စစ်တွေကို သွားကြမှာ ဖြစ်ပါတယ်။

ဘင်္ဂလားဒေ့ရ်ှက ကိုယ်စားလှယ်တွေ ကတော့ စစ်တွေနဲ့ အနီးဆုံးဖြစ်လို့ ဧပြီလ ၁ ရက်နေ့မှာ စတင်ထွက်ခွာလာမှာ ဖြစ်တယ်လို့ သိရပါတယ်။

နအဖအဖွဲ့ဝင်တွေရဲ့ ပင်စင်အကြောင်း လွှတ်တော်မှာ မထောက်ပြ

ပင်စင်စားတွေကို လစာ တိုးပေးတဲ့ အထဲမှာ နဝတ အစိုးရ ခေါင်းဆောင်ဟောင်း တွေလည်း အပါအဝင် ဖြစ်ပြီး စစ်ခေါင်းဆောင်ဟောင်း ဗိုလ်ချုပ်မှူး ကြီး သန်းရွှေဆိုရင် ပင်စင် လစာ တလ ကျပ်သိန်းတရာနဲ့ ဆုကြေးငွေ (Gratuity) သိန်းနှစ်ထောင့် သုံးရာ ရကြောင်း သတင်းတွေထွက်ပေါ်နေတယ်လို့ အမျိုးသားလွှတ်တော် အမတ် ဉီးဖုန်းမြင့်အောင်က ပြောပါတယ်။

စစ်ခေါင်းဆောင်ဟောင်း ဗိုလ်ချုပ်မှူးကြီး သန်းရွှေ အပါအဝင် နအဖ နိုင်ငံတော် အေးချမ်း သာယာရေးနဲ့ ဖွံဖြိုးတိုးတက်ရေး အစိုးရ အဖွဲ့ဝင်တွေ ရနေတဲ့ ပင်စင် လစာတွေနဲ့ ပတ်သက်လို့ ဘယ်သူမှ အတိအကျ မသိရသလို လွှတ်တော် အမတ်တွေလည်း အတိအကျ မသိကြဘူးလို့ ဆိုပါတယ်။

ဒါ့အပြင် တပ်မတော် အရာရှိတွေရဲ့ ပင်စင်ဟာ တပ်မတော်ရဲ့ ဆုံးဖြတ်ချက်အောက်မှာ ရှိနေတယ်လို့လည်း ဉီးဖုန်းမြင့်အောင်က ဆိုပါတယ်။

ဒါပေမဲ့ သူတို့ပင်စင် အတွက် ပေးရတဲ့ ငွေဟာ ပြည်သူ့ဘဏ္ဍာငွေဖြစ်တဲ့ အတွက်တော့ လွှတ်တော်နဲ့ သက်ဆိုင်တယ်လို့လည်း ဆိုပါတယ်။

သမ္မတ ဦးသိန်းစိန် အစိုးရအဖွဲ့ရဲ့ ဆောင်ရွက် ချက်တွေ ဖြစ်တဲ့ အစိုးရ တဖွဲ့လုံး လစာ ခံစားခွင့် လျှော့ယူတာ၊ အစိုးရ ပင်စင်စားတွေကို လစာ တိုးမြှင့်ပေးခဲ့တာ၊ အမျိုးသား လူ့အခွင့်အရေး ကော်မရှင်အဖွဲ့ ဖွဲ့ခဲ့တာတွေကိုတော့ ဖွဲ့စည်းပုံအခြေခံ ဥပဒေနဲ့ မညီဘူးဆိုပြီး အောက်လွှတ် တော် ဥက္ကဌ သူရ ဦးရွှေမန်းက သောကြာနေ့တုန်းက ပြည်ထောင်စုလွှတ်တော်ကို သဝဏ်လွှာ ပေးပို့ပြီး ထောက်ပြ ပြောဆိုခဲ့ပြီးနောက်မှာ ပင်စင်စား တပ်မတော် အကြီးအကဲတွေရဲ့ ပင်စင်

သူရ ဦးရွှေမန်း အပါအဝင် တခြား ထိပ်တန်းစစ်ခေါင်းဆောင်ဟောင်း ၁၀ဦးလောက်ရဲ့ ပင်စင် လစာ စုစုပေါင်းဟာလည်း ကျပ် သိန်းထောင်ချီ ရှိနေတယ်လို့ ဆိုပါတယ်။

နိုင်ငံတော် ဘတ်ဂျက် မရှိလို့ အစိုးရ ဝန်ထမ်းတွေကို လစာ တိုးမပေးနိုင်ဘူးလို့ ပြောနေချိန်မှာ အခုလို နအဖအစိုးရ အဖွဲ့ဝင်ဟောင်းတွေရဲ့ ပင်စင်လစာတွေ အဆမတန် ကြီးမားနေတာကို လွှတ်တော်မှာ တင်ပြဆွေးနွေးတာမျိုး ခုချိန်ထိ မရှိသေးပါဘူး။

အခုအခါမှာတော့ အစိုးရ ပင်စင်စားတွေကို လစာတိုးမြှင့်ပေးခဲ့တဲ့ ကိစ္စကို လွှတ်တော်ကို တင်မယ်ဆိုတဲ့အတွက် နအဖ ခေါင်းဆောင်ဟောင်းတွေကို ပင်စင်လစာ အဆမတန် ပေးနေတယ် ဆိုတဲ့ ကိစ္စကို ထောက်ပြ ဆွေးနွေးသွားမှာ ဖြစ်တယ်လို့ လွှတ်တော်အမတ် ဦးဖုန်းမြင့်အောင်က ပြောပါတယ်။

မြန်မာနိုင်ငံမှာ ဝင်ငွေခွန်နဲ့ ကုန်သွယ်ခွန် အသစ်ချမှတ်

မြန်မာနိုင်ငံမှာ ဧပြီလ ၁ ရက်နေ့က စပြီး ဝင်ငွေ ခွန်နဲ့ ကုန်သွယ်ခွန်တွေကို သတ်မှတ်ချက် အသစ် နှုန်းထားတွေနဲ့ ကောက်ခံတော့မှာ ဖြစ်ရာ၊ လစာငွေ တနှစ်ကို ၁၄ သိန်း ၄ သောင်း အထက် ရတဲ့သူတွေ အတွက် ဝင်ငွေခွန်ကို ၁ ရာခိုင်နှုန်း ကနေ ၂ဝ ရာခိုင်နှုန်းအထိ ကောက်ခံမှာ ဖြစ်ပြီး၊ လုပ်ငန်းဆိုင်ရာ စီးပွားရေး ဝင်ငွေခွန်ပေါ်မှာ တော့ ၁ ရာခိုင်နှုန်း ကနေ ၃ဝ ရာခိုင်နှုန်းအထိ ကောက်ခံမှာ ဖြစ်ပါတယ်။

ကုန်သွယ်ခွန်နှုန်းထားကတော့ ဆေးလိပ်၊ အရက်၊ အစရှိတဲ့ အထူးကုန်စည် ၁၈ မျိုးက လွဲပြီး ကုန်စည်လုပ်ငန်း ကုန်သွယ်လုပ်ငန်း တွေကို ၅ ရာခိုင်နှုန်းကောက်ခံမှာ ဖြစ်ပါတယ်။

အရင်တုန်းက ဝင်ငွေခွန်ရော ကုန်သွယ်ခွန်ပါ ကင်းလွတ်ခွင့် ရနေတဲ့ စစ်တပ်ပိုင် ဦးပိုင် ကုမ္ပဏီဟာလည်း အခွန် ပေးဆောင်ရတော့မှာ ဖြစ်ပါတယ်။

အစိုးရဝန်ထမ်းတွေရာ ပုဂ္ဂလိက စီးပွားရေးသမားတွေကိုပါ တပြေးညီ ကောက်ခံသွားမှာ ဖြစ်တယ်လို့လည်း အခွန်ဦးစီးဌာန အရာရှိဟောင်းလည်းဖြစ် စီးပွားရေး ဆိုင်ရာ ဆောင်ပါး တွေကို ရေးသားနေတဲ့ ဦးဟန်ထွန်းက ရှင်းပြပါတယ်။

ဧပြီလ တရက်နေ့မှာ ဝန်ထမ်းတွေ အပိုထောက်ပံ့ကြေး ရရှိတော့မှာနဲ့ အခုလို ဝင်ငွေခွန်နဲ့ ကုန်သွယ်ခွန်တွေ တိုးကောက်မယ် ဆိုတာဟာ တိုက်ဆိုင်နေပါတယ်။

ဆင်နီဂေါလ်နိုင်ငံရေး အာဖရိကသမဂ္ဂ ချီးကျူး

ဆင်နီဂေါမှာ ဒီမိုကရေစီ အားကောင်းတာကို ပြဆိုတာဖြစ်တယ်လို့ မစ္စတာပင်း ပြော

ဆင်နီဂေါလ်နိုင်ငံမှာ သမ္မတရွေးကာက်ပွဲ ပြီးတဲ့ နောက် အာဏာကို ငြိမ်းငြိမ်းချမ်းချမ်း လွှဲပြောင်း ပေးခဲ့တဲ့အပေါ် အာဖရိကသမဂ္ဂ ဥက္ကဌ ယန်ပင်းက ချီးကျူးပြောကြားလိုက်ပါတယ်။

သမ္မတ ရာထူး ၁၂ နှစ်ကြာ ယူခဲ့တဲ့ သမ္မတ အဗ္ဗဒူလိုင်း ဝက်ဒ် ဟာ ရွေးကောက်ပွဲမှာ သူရှုံးနိမ့်ခဲ့တယ်ဆိုတာကို လက်ခံတဲ့အတွက် ဒါဟာ ဆင်နီဂေါလ်နိုင်ငံမှာ ဒီမိုကရေစီ စနစ် အားကောင်းတာကို ပြဆိုတာ ဖြစ်တယ်လို့ မစ္စတာ ပင်းကပြောပါတယ်။

တခြား အိမ်နီးချင်းနိုင်ငံတွေနဲ့ မတူတဲ့ အချက်ကတော့ ဆင်နီဂေါလ်နိုင်ငံမှာ စစ်တပ်က အာဏာသိမ်းတာမျိုး တခါမှာ မရှိခဲ့ဘူးပါ။

ရွေးကောက်ပွဲမှာ အနိုင်ရသွားတဲ့ မက်ကီ ဆားလ်ကတော့ အခုလို သူ့ရဲ့အောင်မြင်မှု ဟာ ဆင်နီဂေါလ်ပြည်သူတွေ အတွက် ခေတ်သစ်တခုကို ရောက်ရှိစေတဲ့ အထိမ်းအမှတ် ဖြစ်တယ်လို့ ပြောကြားပါတယ်။

ပြင်သစ်သမ္မတ နီကိုလပ်စ် ဆာကိုဇီ ကလည်း အရင်ပြင်သစ်ကိုလိုနီ ဖြစ်ခဲ့ဘူးတဲ့ ဆင်နီဂေါလ် ကနေ အခုလို ကြားရတာဟာ အာဖရိကအတွက် သတင်းကောင်း ဖြစ်တယ်လို့ ပြောပါတယ်။

ကိုဖီအာနန် နဲ့ ရုရှ သမ္မတကိုဖီအာနန် နဲ့ မက်ဒ်ဗီးရေးဒက်ဖ် ဆွေးနွေး

သမ္မတ Dmitry Medvedev က Kofi Annan ရဲ့ ဆီးရီးယား ငြိမ်းချမ်းရေး ကြိုးပမ်းမှု ကို အပြည့်အဝ ထောက်ခံ တဲ့ အကြောင်း ခိုင်ခိုင်မာမာ ပြောကြား လိုက်ပြီး သူ့သဘောထား ကို လည်း ရှင်းပြသွားပါတယ်။

Mr Annan ဟာ ဆီးရီးယား ငြိမ်းချမ်းရေး အထူးမစ်ရှင် အနေနဲ့ လာတဲ့ အတွက် ဒီကြိုးပမ်းချက်တွေ ကို အထူးတလည် လေးစားတဲ့ အကြောင်း၊ ဆီးရီးယား အစိုးရ အနေနဲ့ လည်း ကြာရှည်နေပြီ ဖြစ်တဲ့ သွေးမြေကျ ပြည်တွင်းစစ် ရပ်တန်း က ရပ်ဖို့ အခု အချိန် ဟာ နောက်ဆုံး အခွင့်အရေး ဖြစ်နေပုံနဲ့ ဒါကြောင့်မို့ Russia အစိုးရ အနေနဲ့ ဘယ်ပုံစံ၊ ဘယ်လိုနည်း နဲ့ ဖြစ်ဖြစ် Mr Annan ကို ကူညီထောက်ခံမှု ပြုမှာပါ၊ Mr Annan ရဲ့ ကြိုးပမ်းမှုတွေ ဟာလည်း အပြုသဘောဆောင်တဲ့ ရလဒ်တွေ နဲ့ အဆုံးသတ် ပါစေ လို့ သမ္မတ Dmitry Medvedev က ပြောသွားပါတယ်။

ဒါဆိုရင် ရုရှား က ဘာလုပ်ပေးမှာ ပါလည်း၊ တကယ်တော့ ရုရှားဟာ ဆီးရီးယား ရဲ့ ကာလ ရှည်ကြာနေပြီ ဖြစ်တဲ့ မဟာမိတ် နိုင်ငံပါ။ လက်နက်ခဲယမ်းတွေ အဓိက ရောင်းချနေတာ ဖြစ်သလို ဆီးရီးယား နိုင်ငံတွင်းမှာလည်း ရင်းနှီးမြှုပ်နှံမှု တွေ ပြုထာတါပါ။ ဒါကြောင့်မို့ သြဇာသက်ရောက်မှု တော့ အထိုက်အလျှောက် ရှိပါတယ်။ ဒါဆိုရင် သမ္မတ အာဆဒ် ကို ပြည်တွင်းစစ်ထိုးမှု တွေ ရပ်ဆဲ ဖို့ ဖိအားပေး ပြောမှာပါလား၊ ဒီအချက်ကိုတော့ သမ္မတ Dmitry Medvedev က ရှင်းရှင်းလင်းလင်းပြောမသွားပါဘူး။ ငြိမ်းချမ်းမှု ဖြစ်ရအောင်၊ ရက် အကန့်အသတ် တို့၊ ပြင်းပြင်းထန်ထန် သတိပေးတာတွေ မပါဝင် ပါဘူး။

အဲဒီအတွက် အထူးသံတမန် အနေ နဲ့ ရောက်လာတဲ့ Kofi Annan ကလည်း သံခင်း တမန်ခင်း ပြောတဲ့ လေသံနဲ့ ပဲ ဆက်ပြီး လုပ်ဆောင်ရမယ့် ကိစ္စ ရပ်တွေ ထဲမှာ ရုရှ ရဲ့ ထောက်ခံမှု နဲ့ အကြံဉာဏ် ကို အားကိုးပုံ၊ ဆီးရီးယား ဟာ Mr Medvedev ပြောသလို ပူးတွဲ လုပ်ဆောင်ရမယ့် အခွင့်အရေး ကို အမိအရ ကိုင်ပြီး တိုက်ခိုက်မှု တွေ ရပ်ဆိုင်းယင်း၊ လူသားချင်းစာနာ ကူညီမှု တွေပါ ခွင့်ပြုမယ် ဆိုရင် အားလုံးရည်မှန်းတဲ့ နိုင်ငံရေး လုပ်ငန်းစဉ်တွေ ငြိမ်းချမ်းစွာ နဲ့ ပြေလည်သွားမှာပါ လို့ Kofi Annan ပြောသွားပါတယ်။

ဒါပေမယ့် ရုရှ နိုင်ငံခြားရေး ဝန်ကြီး Sergi Lavrov ကတော့ နိုင်ငံတကာ အသိုင်းအဝိုင်းအနေနဲ့ ဆီးရီးယား ပြည်တွင်းရေး မှာ ဝင်မစွက်ဖက်ဖို့၊ ဘက်မလိုက်ဖို့ ဆီးရီးယား အတိုက်အခံ အင်အားစု ကို နိုင်ငံရေး အရရော၊ စစ်ရေး အရပါ မကူညီဖို့ ရည်ညွှန်းတဲ့ လေသံ ကို Kofi Annan နဲ့ တွေ့ဖုံ အပြီးမှာ ပြောပုံ ကို Moscow မှ ဘီဘီစီ သတင်းထောက်က သတင်းပေးပို့ လိုက်ပါတယ်။

မိုဟာမက် မေရာ နေခဲ့တဲ့ တိုက်ကို ရဲတွေ ဝိုင်းစဉ်ကပြင်သစ်က အကြမ်းဖက်သမားရဲ့ အစ်ကိုကို စွဲချက်တင်

ပြင်သစ် နိုင်ငံမှာတော့ အစိုးရ ရှေ့နေတွေက တူလူးစ် မြို့ နဲ့ အနီးတဝိုက်မှာ ဖြစ်ခဲ့တဲ့ တိုက်ခိုက်မှု ၃ ခုမှာ ဂျူးလူမျိုး ကလေးငယ် တွေအပါအဝင် လူ ၇ ဉီးကို သတ်ဖြတ်ခဲ့တဲ့ မိုဟာမက် မေရာရဲ့ အစ်ကို ဖြစ်သူကို လူသတ်ရန် ကြိုတင်ကြံစည်မှု၊ အကြမ်းဖက်မှုတွေနဲ့ စွဲချက် တင်လိုက်ပြီ ဖြစ်ပါတယ်။

ဒီကိစ္စ အတွက် တရားရေး ဆိုင်ရာ အပြည့် အစုံ စုံစမ်း စစ်ဆေးမှု တွေကိုလည်း စတင် တော့မှာ ဖြစ်ပါတယ်။

အစိုးရ ရှေ့နေတွေက အဗ္ဗဒဲလ်ခါဒါ မေရာဟာ သူ့ညီဖြစ်သူ တိုက်ခိုက်မှုတွေ ပြုလုပ်နိုင်ဖို့ အတွက် ပြင်ဆင်ရာမှာ အကူအညီ ပေးခဲ့တဲ့ အထောက်အထားတွေ ကို တွေ့ရှိထားတယ်လို့ ဆိုပါတယ်။

ဒါပေမယ့် တရားခံရဲ့ ရှေ့နေကတော့ သူဟာ ဒီတိုက်ခိုက် သတ်ဖြတ်မှု တွေမှာ ပါဝင် ပတ်သက်ခြင်း မရှိသလို၊ အရင်က သတင်းတွေမှာ ဖော်ပြထားတဲ့ သူ့ညီရဲ့ လုပ်ရပ်တွေ အတွက် ဂုဏ်ယူနေတယ် ဆိုတာတွေ ဟာလဲ မဟုတ်ကြောင်းကို ငြင်းဆို ထားပါတယ်။

ပြီးခဲ့တဲ့ ကြာသပတေး နေ့က တူလူးစ် မြို့မှာ ရဲတွေက မိုဟာမက် မေရာ နေတဲ့ တိုက်ခန်းကို နာရီ ၃၀ ကြာတဲ့ စီးနင်းမှုကို ပြုလုပ်ပြီး မိုဟာမက် မေရာကို အသေပစ်သတ် ခဲ့ကြပါတယ်။

ပုပ်ရဟန်း မင်းကြီး ဘဲန်းနဒစ်မူးယစ်ဆေးဝါး ရောင်းဝယ်မှုတွေကို ပုပ်ရဟန်းမင်းကြီး ရှုံ့ချ

မက္ကဆီကို နိုင်ငံကို ရောက်ရှိနေတဲ့ ပုပ်ရဟန်း မင်းကြီး ဘဲန်းနဒစ်က လူထုစုရုံးပွဲကြီး တခုမှာ မူးယစ်ဆေးဝါး ကူးသန်း ရောင်းဝယ် နေမှုတွေနဲ့ အဂတိ လိုက်စားမှု တွေကို ပြစ်တင် ရှုံ့ချလိုက် ပါတယ်။

ပုပ်ရဟန်း မင်းကြီးက ကက်သလိတ် ယုံကြည် ကိုးကွယ်ကြသူ တွေကို လက်တုန့်ပြန် ခြင်းနဲ့ တိုက်ခိုက်ခြင်း တွေကို လက်မခံ ကြဖို့နဲ့ ဆင်းရဲနွမ်းပါးမှု တွေနဲ့ ရာဇဝတ် ပြစ်မှု တွေနဲ့ ပတ်သက်လို့ တုန့်ပြန် နိုင်ဖို့ ဘာသာရေး ကိုအာရုံစိုက်ကြဖို့ကို တိုက်တွန်း လိုက်ပါတယ်။

ပုပ်ရဟန်း မင်းကြီးက အခုအချိန် မှာ မိသားစု တော်တော် များများဟာ ရေခြား မြေခြားနဲ့ တကွဲတပြား ဖြစ်နေကြ ရတဲ့ အကြောင်း၊ ဆင်းရဲမွဲတွေမှုတွေ၊ အဂတိ လိုက်စား မှုတွေ၊ အိမ်တွင်းရေး အဆင်မပြေမှုတွေ၊ မူးယစ် ဆေးဝါး ရောင်းဝယ်မှုတွေ နဲ့ ရာဇဝတ်မှုတွေ ဖြစ်နေကြတဲ့ အချိန် မျိုးမှာ ဘာသာရေးကို လက်ကိုင်ထား ကြဖို့ လိုအပ်ကြောင်း တွေကို ပြောကြားသွား ပါတယ်။

မက္ကဆီကို နိုင်ငံရဲ့ ကက်သလိတ် အသင်းတော် အတွက် အရေးကြီးဆုံး အထိန်းအမှတ် နေရာ တနေရာဖြစ်တဲ့ ဆီလာယိုမှာ ရှိတဲ့ Christ the King monument မှာ လူပေါင်း ၃ သိန်း လောက်စုရုံး ကြပြီး ပုပ်ရဟန်း မင်းကြီးရဲ့ သတင်းစကားကို နာကြား ခဲ့ကြတာ ဖြစ်ပါတယ်။

အရေးနိမ့်သွားခဲ့တဲ့ လက်ရှိသမ္မတ အဗ္ဗဒူလိုင်းဝက်ဒ်ဆီနီဂေါလ် သမ္မတရွေးပွဲ အဖြေထွက်

ဆီနီဂေါလ် နိုင်ငံမှာ ပြုလုပ်ခဲ့တဲ့ သမ္မတ ရွေးကောက်ပွဲမှာ လက်ရှိသမ္မတ အဗ္ဗဒူလိုင်း ဝက်ဒ်ကသူရဲ့ပြိုင်ဘက် မက်ကီဆောလ် ကို ရှုံးနိမ့် သွားခဲ့ပြီ ဖြစ်တယ်လို့ နိုင်ငံပိုင်ရုပ်မြင်မှာ ပြောကြား သွားပါတယ်။

အရင်က ဝန်ကြီးချုပ် ဟောင်းဖြစ်တဲ့ မစ္စတာ ဆောလ် ကို ဖုန်းဆက်ပြီး သူရှုံးနိမ့်တာကို ပြောခဲ့ကြောင်း သတင်းတွေမှာ ဆိုပါတယ်။

မစ္စတာ ဝက်ဒ်က တတိယ သက်တမ်း အရွေးခံ နိုင်ဖို့ အတွက် ဆီနီဂေါလ် ဖွဲ့စည်းပုံကို အပြောင်းအလဲ တွေ လုပ်ခဲ့တာကြောင့် ဆူပူမှုတွေ ဖြစ်ခဲ့ပါတယ်။

အခုရွေးကောက်ပွဲ ရလဒ်တွေ အငြင်းပွားဖွယ် ဖြစ်လာရင် နောက်ထပ် ဆူပူမှုတွေ ထပ်ဖြစ်လာ ကြမှာကို လဲ စိုးရိမ်နေခဲ့ ကြတာ ဖြစ်ပါတယ်။

ဆီနီဂေါလ် နိုင်ငံ ဟာ သူ့ရဲ့ အိမ်နီးချင်းတွေလို စစ်တပ်က အာဏာသိမ်း တာမျိုးတွေ မရှိတဲ့ ဒီမိုကရေစီကို ကာလရှည် ကျင့်သုံးနေတဲ့ နိုင်ငံဖြစ်ပါတယ်။

မြောက်ကိုးရီးယား ဒုံးကျည် လွှတ်တင်မှု အမေရိကန် နှင့် တရုတ် တုံ့ပြန်မည်

By ဗွီအိုအေ (မြန်မာ သတင်းဌာန)

မြောက်ကိုးရီးယား နိုင်ငံက ဒုံးလက်နက် ပါဝင်နိုင်တဲ့ ဂြိုလ်တု လွှတ်တင်မယ့် အစီအစဉ် နဲ့ ပတ်သက်ပြီး အမေရိကန် နဲ့ တရုတ် နိုင်ငံ တို့က ပူးပေါင်း ညှိနှိုင်း တုံ့ပြန်ကြဖို့ သဘောတူ လိုက်ကြတယ် လို့ အမေရိကန် တာဝန် ရှိသူ တွေက ပြောဆို လိုက်ပါတယ်။

တောင်ကိုရီးယားနိုင်ငံ ဆိုးလ်မြို့မှာကျင်းပနေတဲ့ နျူကလီယားလုံခြုံမှုဆိုင်ရာ ထိပ်သီးညီလာခံ မှာ မြောက် ကိုးရီးယား က ဒုံး လက်နက် စမ်းသက် ပစ်လွှတ် မယ့် ကိစ္စက လွှမ်းမိုး နေခဲ့တာ ဖြစ်ပါတယ်။ ဒီကနေ့ တနင်္လာနေ့ မှာတော့ သမ္မတအိုဘားမား နဲ့ တရုတ်သမ္မတ ဟူကျင်းတောင် တို့ နျူကလီယား လုံခြုံမှု ထိပ်သီး ညီလာခံ ရဲ့ ပြင်ပ တစ်ဦးချင်း တွေ့ဆုံတဲ့ နေရာမှာ မြောက်ကိုးရီးယား နိုင်ငံရဲ့ ဒုံးလက်နက် စမ်းသပ် မယ့် အစီအစဉ် နဲ့ ပတ်သက်ပြီး တရုတ် သမ္မတ ဟူဂျင်းတောင် က တရုတ် နိုင်ငံ အနေနဲ့ အထူး တလည် စိုးရိမ် မကင်း ဖြစ်ရတယ် လို့ ပြောဆိုခဲ့တဲ့ အကြောင်း အမေရိကန် အမျိုးသား လုံခြုံရေး ဒုတိယ အကြံပေး ပုဂ္ဂိုလ် ဘန်ရုတ်စ် (Ben Rhodes) က သတင်းထောက် တွေကို ပြောဆို လိုက်တာပါ။

တရုတ် နိုင်ငံက သူတို့ စိုးရိမ် မကင်း ဖြစ်နေရတာ နဲ့ ပတ်သက် ပြီး မြောက်ကိုးရီးယားကို အလေးအနက် ပြောဆို ထားပြီး ဖြစ်တယ် လို့ လည်း ဆိုပါတယ်။ တကယ်လို့ မြောက် ကိုးရီးယား နိုင်ငံက သာ အဲဒီ ဒုံး လက်နက် ကို စမ်းသပ် ပစ်လွှတ် ခဲ့မယ် ဆိုရင် နောက်ထပ် ဘယ်လို ခြေလှမ်း တွေ ထပ်လှမ်းပြီးတော့ အရေးယူ မလဲ ဆိုတာ ကို စဉ်းစားသွား မယ် လို့ ခေါင်းဆောင် နှစ်ဦးက သဘော တူခဲ့ကြတာပါ။

မြောက်ကိုရီးယားက နျူကလီယား အရေး အံတု နေတဲ့အပေါ် တရုတ်နိုင်ငံ အနေနဲ့ မျက်စေ့ပိတ် မသိ ကျိုးကျွန် ပြုနေတာ ကို ရပ်တန်း က ရပ်ဖို့ နဲ့ တရုတ်ရဲ့ သြဇာ လွှမ်းမိုးနိုင်မှုကို အသုံးချပြီး နျူကလီးယား အကြံကြီးမှု ကိုဟန့်တား ပေးပါရန် သမ္မတ အိုဘားက တနင်္ဂနွေနေ့က တိုက်တွန်းလိုက်ပါတယ်။

တရုတ်နိုင်ငံဟာ မြောက်ကိုရီးယားနဲ့ အဓိကကျတဲ့ မဟာ မိတ်ဖြစ်သလို ကုန်သွယ် ဖက်လည်းဖြစ်ပေမဲ့ မြောက် ကိုရီးယား အပေါ် နိုင်ငံရေးအရ သြဇာ လွှမ်းမိုးနိုင်မှုကတော့ အကန့်အသတ် တွေရှိပါတယ်လို့ တရုတ် အစိုးရ ကပြောပါတယ်။

သီလဝါ ဆိပ်ကမ်းရှိ သစ်ပုံ မီးလောင်

By နန္ဒာချမ်း

ရန်ကုန် နိုင်ငံတကာ ဆိပ်ကမ်းဖြစ်တဲ့ သီလ၀ါမှာ ဒီနေ့ခင်း ပိုင်းကစလို့ လောင်ကျွမ်း နေတဲ့မီးဟာ ညပိုင်း ရောက်တဲ့ အထိ ငြှိမ်းသတ်နိုင်ခြင်း မရှိသေးဘူးလို့ မြန်မာနိုင်ငံ ဗဟိုမီးသတ်ဦးစီးဌာနက ဗွီအိုအေ ကို အတည်ပြု ပြောဆိုခဲ့ပါတယ်။ ထိခိုက် ဒဏ်ရာရမှု အခြေအနေနဲ့ ပျက်ဆီးဆုံးရှုံးမှု အနေအထား ကိုတော့ မသိရသေးပါဘူး။

ရန်ကုန်တိုင်း ကျောက်တန်း မြို့နယ်တွင်းမှာရှိတဲ့ သီလ၀ါဆိပ်ကမ်းက သစ်လုံးတွေ စုထားတဲ့ ကွင်းပြင် တခုမှာ တနင်္လာနေ့ နေ့ခင်းပိုင်း ၂ ခွဲကျော်ကနေ စတင် မီးလောင်ကျွမ်းမှု ဖြစ်ခဲ့တာပါ။ မြန်မာစံတော်ချိန် ည ၈ နာရီခွဲမှာ ဗွီအိုအေကနေ မြန်မာနိုင်ငံ ဗဟိုမီးသတ်ဦးစီးဌာနကို ဆက်သွယ် မေးမြန်းတဲ့အချိန်အထိ လောင်ကျွမ်း နေတာ ၆ နာရီကျော်ကြာနေပြီဖြစ်ပေမဲ့ မီးဟာ မငြိမ်းသေးဘဲ လောင်ကျွမ်း နေဆဲဖြစ်တယ်လို့ ဗဟိုမီးသတ် ဦးစီးဌာနမှ တာဝန်ရှိသူတဦးက အတည်ပြု ဖြေကြားခဲ့ပါတယ်။

မီးသတ်ဖြေ။            ။ “အခြေအနေက အခုအချိန်အထိ ငြှိမ်းသတ်နေတုန်းပါပဲ။”

မေး။                      ။ ဘယ်အချိန်ကစလောင်ကျွမ်းတာပါလဲရှင်။

မီးသတ်ဖြေ။            ။ “ကျနော်တို့ သတင်းရတဲ့အချိန်က နေ့လည် ၂ နာရီ ၄၀ မှာ သတင်းရလို့  ကားတွေ လွှတ်ပြီး ငြှိမ်းသတ်နေတာပါခင်ဗျာ။”

မေး။                      ။ ဒါဆို အခုထိ မငြှိမ်းသေးဘူးပေါ့နော်။

မီးသတ်ဖြေ။            ။ “ဟုတ်ကဲ့ပါ။ ဟုတ်ကဲ့ပါ။ အခုအထိ ငြှိမ်းသတ်နေတုန်းပါပဲ။”

မေး။                      ။ လောင်တာက ဘယ်လိုဟာမျိုးကို လောင်တာလဲရှင့်။ ဘာတွေ လောင်တာပါလဲ။

မီးသတ်ဖြေ။            ။ “ကွင်းပြင်ထဲက သစ်လုံးတွေလို့ ပြောပါတယ်။”

မေး။                      ။ ဘယ်လိုဖြစ်ပြီးလောင်တယ်လို့ သိရပါသလဲရှင့်။

မီးသတ်ဖြေ။            ။ “အသေးစိတ်ကတော့ မသိရသေးဘူးခင်ဗျ။ အဓိကက မီးငြိမ်းဖို့ကို ဦးစားပေး အရင်လုပ်နေလို့ပါ။”

မေး။                      ။ မီးသတ်ကားတွေ ဘယ်နှစ်စင်းလောက် သွားရလဲရှင့်။

မီးသတ်ဖြေ။            ။ “မီးသတ်ကားကတော့ အားလုံးပေါင်း (၃၂) စင်းလောက် ရှိပါတယ်။”

မေး။                      ။ လူထိခိုက်ဒဏ်ရာရတာရှိလားရှင်။

မီးသတ်ဖြေ။            ။ “လူ ထိခိုက်ဒဏ်ရာရတာတော့ လောလောဆယ် ဘာမှ မကြားရသေးဘူး။ ဒါပေမဲ့ ကျနော်တို့ကတော့ ဒီအချိန်ထိဆိုရင်တော့ ထိခိုက်ဒဏ်ရာရသူမရှိဘူးလို့ပဲ ယူဆပါမယ်။ ရှိရင်တော့ ရှေ့တန်းက လှမ်းပို့ပါမယ်။”

ရေနက် ဆိပ်ကမ်းရှိရာ သီလ၀ါဆိပ်ကမ်းမှာရှိတဲ့ ဒီသစ်လုံးပုံတွေဟာ စီးပွားရေး လုပ်ငန်းရှင် ဦးတေဇ ပိုင်တဲ့ ထူးကုမ္ပဏီနဲ့ CIFG ကုမ္ပဏီ က ပိုင်ဆိုင် တာ ဖြစ်ပြီး ဘောလုံးကွင်း ၂ ကွင်း စာလောက် ကျယ်တယ် လို့လည်း သိရပါတယ်။ မီးအားပြင်း တဲ့ အတွက် မီးသတ် အပြင် ဆိပ်ကမ်း ၀န်ထမ်းတွေရော၊ အနီးနား ၀န်းကျင်မှာရှိတဲ့ ဒေသခံ အရပ်သား တွေကပါ ၀ိုင်းဝန်း ငြိမ်းသတ်နေ ရတယ်လို့လည်း သိရပါတယ်။

လောလောဆယ် အခြေအနေထိတော့ မီးစတင် လောင်ကျွမ်းရတဲ့ အခြေအနေ၊ ထိခိုက် ဒဏ်ရာ ရရှိမှုနဲ့ အပျက် အဆီး ဆုံးရှုံးမှု အခြေအနေတွေ နဲ့ပတ်သက်တဲ့ အသေးစိတ်ကိုတော့ မသိရသေးပါဘူး။ ပြီးခဲ့တဲ့ ဒီဇင်ဘာလ ၂၉ ရက်နေ့ကလည်း ရန်ကုန်တိုင်း မင်္ဂလာ တောင်ညွန့်မြို့နယ် ကူးတို့ ဆိပ်ရပ်ကွက်တွင်း ဖြစ်ခဲ့တဲ့ ဓာတုဗေဒပစ္စည်း သိုလှောင်ရုံ မီးလောင်ကျွမ်းမှုတုန်းကလည်း မီးသတ်ဝန်ထမ်း လေးဦးအပါအ၀င် လူ  (၂၀) နီးပါး သေဆုံးခဲ့ရပြီး တော်တော် များများလည်း ဒဏ်ရာတွေရရှိခဲ့ကြသလို လူပေါင်း (၈၀၀) ကျော် မီးဘေး ဒုက္ခသည်ဖြစ်ခဲ့ရဖူးပါတယ်ရှင်။

အမေရိကန် ရုရှား လက်နက် လျှော့ပေါ့ရေး နောက်တဆင့် ရှိလာနိုင်

By ဗွီအိုအေ (မြန်မာ သတင်းဌာန)

ရုရှားနဲ့ နောက်ထပ် လက်နက် ထိန်းချုပ်ရေး သဘောတူမှု ရယူနိုင်မယ့် အနေအထား ရှိတယ်လို့ အမေရိကန် သမ္မတ အိုဘားမားက ပြောပါတယ်။ ဆိုးလ်မြို့က နျူကလီးယား လုံခြုံရေး ထိပ်သီး စည်းဝေးပွဲမှာ တနင်္လာနေ့က ရုရှားသမ္မတ Dmitry Medvedev နဲ့ တွေ့ဆုံ စကားပြောဆိုပြီးတဲ့နောက် သမ္မတ အိုဘားမားက နျူကလီးယား လက်နက် ပိုင်ဆိုင်မှုတွေ လျှော့ချရေးနဲ့ပတ်သက်လို့ နှစ်နိုင်ငံအနေနဲ့ ရှေ့ဆက် ဆောင်ရွက်သွားနိုင်လိမ့်မယ်လို့ ဆိုပါတယ်။

၂၀၁၀ ခုနှစ်က ရုရှားနိုင်ငံနဲ့ ချုပ်ဆိုခဲ့တဲ့ START သဘောတူစာချုပ်ဟာ အနှစ် ၂၀ အတွင်း ပြည့်ဝခိုင်မာမှု အရှိဆုံး လက်နက်ဆိုင်ရာ သဘောတူ စာချုပ်တစ်ခု ဖြစ်တယ်လို့ သမ္မတ အိုဘားမားက ပြောပါတယ်။ ရုရှားသမ္မတ အဖြစ် အရွေးခံထားရတဲ့ Vladimir Putin နဲ့ နောက်ထပ် တစ်ကြိမ် နျူကလီးယား လက်နက်လျှော့ချရေး သဘောတူ ညီချက်ရအောင် လုပ်ဖို့ စီစဉ်ထားတယ်လို့လည်း မစ္စတာ အိုဘားမားက ပြောပါတယ်။

လာမယ့် သမ္မတ ရွေးကောက်ပွဲပြီးရင် မစ်ဇိုင်းဒုံးကျည် ကာကွယ်ရေး ကိစ္စနဲ့ ပတ်သက်ပြီး ပိုပြီးတော့ ကိုင်တွယ်ရ လွယ်ကူတဲ့ အခြေအနေ ရှိလိမ့်မယ်လို့လည်း မစ္စတာ အိုဘားမားက မစ္စတာ Medvedev ကို ပြောခဲ့သလို မစ္စတာ Medvedev ကလည်း သူ့အနေနဲ့ နားလည်ကြောင်းနဲ့ ဒါကို မစ္စတာ ပူတင်ကို ပြန်ပြောပြ သွားမယ့်အကြောင်း အပြန်အလှန် ပြောဆိုခဲ့ကြပါတယ်။ ဒီကိစ္စကို အများရှေ့ ထုတ်ပြောဖို့ မရည်ရွယ်ပေမဲ့ ခေါင်းဆောင်နှစ်ယောက် သူတို့ရှေ့က မိုက်တွေ ပွင့်နေတာကို သတိမထားမိခဲ့ဘဲ အားလုံးက ကြားခဲ့ကြရတာဖြစ်ပါတယ်။

၂၀၁၂ ခုနှစ်ဟာ အမေရိကန်နဲ့ ရုရှား နှစ်နိုင်ငံစလုံးမှာ ရွေးကောက်ပွဲ ကျင်းပကြတဲ့ နှစ်ဖြစ်တာမို့ ဒီလို အရေးကြီးတဲ့ ကိစ္စမျိုးတွေကို ဒီနှစ် အတွင်း ဆွေးနွေးမှာ မဟုတ်တဲ့အကြောင်း သမ္မတ အိမ်ဖြူတော်က ကြေညာချက် တစ်စောင် ထုတ်ပြန်ပါတယ်။ ဆီးရီးယားအရေးနဲ့ ပတ်သက်လို့ အမေရိကန်နဲ့ ရုရှား အကြား သဘောထား ကွဲလွဲမှုတွေ ရှိနေ ပေမဲ့လည်း ရုရှားနိုင်ငံဟာ အမေရိကန်နဲ့ ၁၀ နှစ်အတွင်း အကောင်းဆုံး ဆက်ဆံရေး တရပ် ထားရှိတဲ့ အကြောင်း ရုရှား သမ္မတ Medvedev က ပြောဆိုခဲ့ပါတယ်။

အခွန် ဥပဒေသစ် ဝင်ငွေနည်းသူတို့ သက်သာမည်

By သိဂီ င်္ထိုက်

၂၀၁၂-၂၀၁၃ ဘဏ္ဍာရေးနှစ်မှာ အသစ်ကျင့်သုံးမယ့် အခွန်ဥပဒေ နဲ့ ပတ်သက်ပြီး  ဘဏ္ဍာ အခွန် ဒုတိယ ၀န်ကြီး ဦးဝင်းသန်းက တနလာင်္နေ့က ရန်ကုန်မြို့က ကုန်သည်ကြီးတွေကို ရှင်းပြပါတယ်။ ၀င်ငွေခွန် ဥပဒေ အရ တနှစ် ၀င်ငွေ (၁၄) သိန်း ရသူတွေကို အခွန်စည်းကြပ်မှာ ဖြစ်ပြီး ကုန်သွယ် လုပ်ငန်းခွန် နဲ့ ပတ်သက် ပြီးလည်း အသေးစိတ် ရှင်းလင်းခဲ့ပါတယ်။

ဧပြီလမှာ စတော့မယ့် ၂၀၁၂-၂၀၁၃ ဘဏ္ဍာရေးနှစ်မှာ ၀င်ငွေခွန် နဲ့ ကုန်သွယ် လုပ်ငန်းခွန် တွေကို အစိုးရက ပြောင်းလဲ စည်းကြပ် တော့မှာ ဖြစ်ပါတယ်။ အရင်က အခွန် ဥပဒေ ဟောင်းမှာ တနှစ်ကို ၀င်ငွေ ၃ သောင်း ရှိသူ တွေကို အခွန်စည်းကျပ်တာ ဖြစ်ပေမယ့် အခု ဥပဒေ အသစ်မှာတော့ တနှစ်ကို ၀င်ငွေ ၁၄ သိန်း လောက် ရသူတွေကိုဘဲ စည်းကြပ်တော့မှာ ဖြစ်တယ်လို့ ဆိုပါတယ်။ သက်သာခွင့် တွေကိုလည်း သီးခြား ပြဌာန်းထား တယ်လို့ ဆိုပါတယ်။ တနလာင်္နေ့ ရန်ကုန်က ပြည်ထောင်စု မြန်မာနိုင်ငံ ကုန်သည်များနဲ့ စက်မှု လက်မှု အသင်းချုပ်မှာ ကျင်းပတဲ့ အခွန်ဆိုင်ရာ ရှင်းလင်းပွဲကို တက်ရောက်ခဲ့တဲ့ ဦးခင်မောင်ညို ဘောဗေဒကတော့ အခုလို ပြောပါတယ်။

“တစ်နှစ်ကို ခါတိုင်းက သုံးသောင်းလေ။ သုံးသောင်းဆိုရင် အခွန်ဆောင် ရပြီလေ။ အခုဟာက ဝန်ထမ်း ဆိုရင် တစ်နှစ်ကို ၁၄ သိန်းလောက် ကျမှ ဆောင်ရတယ်။ ပြန်တမ်းဝင် ဝန်ထမ်းပေါ့ဗျာ။ ပြန်တမ်းဝင် အရာရှိမှ စ ဆောင် ရတဲ့ သဘောဘဲ။ ဒါတောင်မှ သက်သာခွင့်တွေ ဘာတွေ ရှိသေးတယ်။ အခွန် နှုန်းထားက တစ် ရာခိုင်နှုန်းကနေ ပြီး ၂၀ ရာခိုင်နှုန်း အထိ ဒါက သက်သာခွင့်တွေ အပေါ်ကမှ သက်သာခွင့်တွေ ပေးဦးမှာ။ ဇနီးအတွက် တို့ ဟိုဒင်း အတွက်တို့လေ။ သက်သာခွင့်တွေ ပေးဦးမှာ။ သက်သာခွင့် တွေ ပေးပြီးတော့ မှ စည်းကြပ်မှာ။ အဲဒီတော့ တစ်ရာခိုင်နှုန်းက နေ ၂၀ ရာခိုင်နှုန်း အထိ၊ ၂၀ ရာခိုင်နှုန်း ဆိုတာ တော်တော် များပါတယ်။ သိန်း ၂၀၀ ကျော်မှ ၂၀ ရာခိုင်နှုန်း။”

ဒီဥပဒေ အသစ်အရ အစိုးရ ၀န်ထမ်းတွေ အနေနဲ့ တနှစ် ၀င်ငွေကို အတိအကျ ရှိပေမယ့် ပုဂ္ဂလိက ၀န်ထမ်းတွေ လုပ်ငန်းရှင်တွေကို အတိအကျ ၀င်ငွေခွန် စည်းကျပ်ဖို့မှာတော့ ပြည်သူ လူထုရဲ့ ပူးပေါင်း ပါဝင်မှုပေါ်မှာ မူတည် နေတယ်လို့လည်း ဦးခင်မောင်ညိုက ပြောပါတယ်။ အခွန် မဆောင်သူတွေ အခွန်ရှောင်သူ တွေကို အစိုးရ အနေနဲ့ ဥပဒေကြောင်း အရ ဘယ်လို ထိန်းချုပ် ကြပ်မတ် မလဲ ဆိုတာ ကိုတော့ ရှင်းလင်းပွဲမှာ အသေးစိတ် မပြောခဲ့ပါဘူး။ အခု ထွက်လာတဲ့ ဥပဒေသစ် အကောင်အထည် ပေါ်လာဖို့မှာတော့ ပုဂ္ဂလိက လုပ်ငန်းရှင်တွေ ဘက်က ပူးပေါင်းပါဝင်မှုက အရေးကြီးတယ် ဆိုပြီးလည်း ဦးခင်မောင်ညိုက ပြောပါတယ်။

“လစာ ထုတ်ပေးတဲ့သူ က မှန်မှန်ကန်ကန် လုပ်ရင်တော့ ဘယ်သူ့ကို ဘယ်လောက် ကောက်ရမယ်။ ဘယ်သူ့ အတွက် ဘယ်လောက် ဖြတ်ရမယ် ဆိုတာ အကုန်လုံးက တိတိကျကျ သတ်မှတ် ထားပြီးသား။ ဇနီး တစ်ယောက် အတွက် နောက်တခါ ခလေး တစ်ယောက် အတွက် အကုန်လုံးက သတ်မှတ် ထားပြီး သားတွေ။ အဲဒီ အပေါ် လုပ်ထုံး လုပ်နီးက ဘာမှ မခက်ဘူး။ တစ်ခုဘဲ ကုမ္ပဏီတွေ က လုပ်ပေးမလား၊ မလုပ်ပေးဘူးလား။ အဲဒါပဲ။”

(၁၉၉၀) က ပြဌာန်းခဲ့တဲ့ ကုန်သွယ် လုပ်ငန်းခွန်ဥပဒေကို ဖျက်သိမ်းပြီး အခု အသစ် ပြဌာန်းတဲ့ ကုန်သွယ် လုပ်ငန်းခွန် မှာတော့ သာမန် ကုန်စည်တွေ အမျိုးအစား (၇၀) အတွက် ငါး ရာခိုင်နှုန်း သာ အခွန် စည်းကြပ် မှာ ဖြစ်ပေမယ့် ပတ်ဝန်းကျင် ညစ်ညမ်းမှု ဖြစ်စေတဲ့ ကုန်စည်တွေ၊ ကျန်းမာရေး ထိခိုက်စေတဲ့ ကုန်စည်တွေ ဒါတွေကိုတော့ အထူးကုန်စည်တွေ အဖြစ် သတ်မှတ်ပြီး (၃၀) ရာခိုင်နှုန်းကနေ (၁၀၀) ရာခိုင်နှုန်း အထိ ကောက်ခံမှာ ဖြစ်တယ်လို့ ဥပဒေ အသစ်မှာ ဖော်ပြထားပါတယ်။

“အခွန်က နှစ်မျိုးဘဲ ခွဲတယ်။ တစ်ခု က ငါး ရာခိုင်နှုန်း ကောက်တဲ့ ဟာ။ နောက်တစ်မျိုးက …ငါးရာခိုင်နှုန်း ထဲမှာ အမျိုး (၇၀) လောက်ပါတယ်။ နောက် အထူးဆိုတဲ့ ဟာကျတော့ ၅၀ ရာခိုင်နှုန်း၊ ၃၀ ရာခိုင်နှုန်း … ကျောက်စိမ်းတို့ ဘာတို့ ဆိုရင် ၃၀ ရာခိုင်နှုန်း၊ အရက် ဆိုရင် ၅၀ ရာခိုင်နှုန်း၊ စီးကရက်ဆိုရင် ၁၀၀ ရာခိုင်နှုန်း၊ ပတ်ဝန်းကျင်တို့ ဘာတို့၊ နောက် မော်တော်ကား ဆိုရင် ၂၅ ရာခိုင်နှုန်းပေါ့။ အဲဒီ ဟာတွေကို တော့ သူက အထူး ကုန်စည် လို့ သတ်မှတ်ပြီးတော့ ကောက်တာ။ အဲဒီ ဟာတွေကတော့ များတယ်။”

(၁၉၇၄) က ပြဌာန်းခဲ့တဲ့ ၀င်ငွေခွန် ဥပဒေကို ဖျက်သိမ်းပြီး အခု ၀င်ငွေခွန် ဥပဒေသစ်နဲ့ အစားထိုးမှာ ဖြစ်ပါတယ်။ စီးပွားရေး ပညာရှင်တွေကတော့ အခု ၀င်ငွေခွန် ဥပဒေက  ဖြေလျှော့လာတဲ့ သဘောရှိ ပေမယ့် လူထု အနေနဲ့ အခွန်ဆောင် လာဖို့ကတော့ ပညာပေး လုပ်ငန်းတွေ လုပ်ဆောင်ဖို့ လိုသလို အစိုးရ အနေနဲ့လည်း ဥပဒေကြောင်းအရ ကြပ်မတ် လုပ်ဆောင်ဖို့လည်း လိုတယ်လို့လည်း ပြောဆိုကြပါတယ်။

ကက်သလစ် ဆရာတော် Cardinal Francois-Xavier Van Thuanပုပ်ရဟန်းမင်းကြီး ကိုယ်စားလှယ် ဗီယက်နမ် လာခွင့် မပြု

By ဗွီအိုအေ (မြန်မာ သတင်းဌာန)

ရိုမန် ကက်သလစ် ခရစ်ယာန် အသင်းချုပ်ရှိရာ ဗာတီကန်က ကိုယ်စားလှယ် အဖွဲ့တဖွဲ့ လာရောက်မယ့် အစီအစဉ်ကို ဗီယက်နမ်နိုင်ငံက လက်မခံ ငြင်းဆန်လိုက်တယ်လို့ သတင်းတွေ ထွက်ပေါ်လာပါတယ်။ ကွယ်လွန်သူ ကက်သလစ် ဆရာတော် Cardinal Francois-Xavier Van Thuan ကို မှီလိုက်တဲ့သူတွေနဲ့ တွေ့ဆုံ စကားပြောဆိုဖို့ ပြီးခဲ့တဲ့ တပတ်ထဲ ဗီယက်နမ်နိုင်ငံကို လာဖို့ စီစဉ်ထားတဲ့ ဗာတီကန် ကျောင်းတော်က ကိုယ်စားလှယ်အဖွဲ့ရဲ့ ပြည်ဝင်ခွင့် ဗီဇာတွေကို ပြန်လည် ရုပ်သိမ်းလိုက်တာလို့ ကက်သလစ် သတင်းဌာနတခုဖြစ်တဲ့ အေရှားနယူး (AsiaNews) နဲ့ ပြင်သစ်သတင်း ဌာနတွေက ဖော်ပြလိုက်ကြတာပါ။

ဗာတီကန် အသင်းတော်ကနေ သူတော်စင် တဦးအဖြစ် ချီးမြှောက်ဖို့ ဆုံးဖြတ်ရာမှာ ဆောင်ရွက်ရတဲ့ လုပ်ထုံး လုပ်နည်းတွေထဲ သက်ဆိုင်ရာ ပုဂ္ဂိုလ်ကို သိတဲ့သူတွေနဲ့ လူတွေ့ မေးမြန်းမှုတွေဟာ နောက်ဆုံး အဆင့်တဆင့် အဖြစ်နဲ့ အရေးကြီးလေ့ ရှိပါတယ်။ ဗီယက်နမ် အစိုးရကတော့ ဗာတီကန် ကိုယ်စားလှယ် တွေ ဗီဇာပယ်ဖျက်ခံရတယ် ဆိုတဲ့ သတင်းနဲ့ ပတ်သက်လို့တော့ တစုံတရာ မှတ်ချက်ပေး ပြောဆိုတာမျိုး မရှိသေးပါဘူး။

ဘုန်းတော်ကြီး Van Thuan ဟာဆိုရင် ကွန်မြူနစ် တပ်ဖွဲ့တွေလက်ထဲ မကျခံ သီတင်းတပတ်အလို (၁၉၇၅)  ခုနှစ်မှာပဲ တောင်ဗီယက်နမ် ရဲ့ မြို့တော် ဆိုင်ဂုံမြို့ လက်ထောက် ဂိုဏ်းချုပ် ဆရာတော် အဖြစ် တာဝန် ပေးခံခဲ့ရ သူပါ။