26.03.2012 နေ့ဖတ်ရန်သတင်းများ

by Myanmar Journal on Monday, March 26, 2012 at 5:58am ·

အိုဘားမားနဲ့ မြောက်ကိုရီးယား သမ္မတ သတင်းစာရှင်းဒုံးပျံလွှတ်တင်ပါက မြောက်ကိုရီးယား ပိတ်ဆို့အရေးယူခံရနိုင်

မြောက်ကိုရီးယားနိုင်ငံအနေနဲ့ ချိန်းခြောက် ရန်စ မှုတွေ လုပ်လို့ ဘာမှ ဖြစ်လာမှာ မဟုတ်ဘူးလို့ သမ္မတအိုဘားမားက ပြောပါတယ်။ မြောက်ကိုရီးယား အစိုးရက အာကာသထဲကို ဆက်သွယ်ရေး ဂြိုဟ်တု လွှတ်တင်ဖို့ စီစဉ်နေတဲ့ အတွက် အခုသတိပေးချက် ထွက်လာတာဖြစ် ပါတယ်။

ဆိုးလ်မြို့မှာ ပြုလုပ်မယ့် ကမ္ဘာ့ နျူးကလီးယား လုံခြုံရေးဆိုင်ရာ အစည်းအဝေး မစမီ တောင်ကိုရီးယားသမ္မတ လီမြောင်ဘက်နဲ့ အတူ အိုဘားမားက အခုလို ပြောခဲ့တာဖြစ်ပါတယ်။

တကယ်လို့ အခု ဒုံးပျံလွှတ်မယ့် အစီအစဉ်ကို ဆက်လုပ်ရင် မြောက်ကိုရီးယားအနေနဲ့ နောက်ထပ် ပိတ်ဆို့အရေးယူမှုတွေနဲ့ အထီးကျန်အဖြစ် ဝိုင်းပယ်ခံရနိုင်တယ်လို့ ခေါင်းဆောင် နှစ်ယောက်က သတိပေး ပြောကြားပါတယ်။

မြောက်ကိုရီးယားက သူလုပ်ရမယ့် တာဝန်တွေက ဘာဆိုတာ သိနေသလို ဒါကို နောက်မဆုတ် တမ်းလုပ်ဖို့ အခုပြဿနာမှာ အမေရိကန်ရော တောင်ကိုရီးယားကပါ တသံတည်း ညီညွတ်မှု ရှိတယ်လို့ သမ္မတအိုဘားမားက ပြောပါတယ်။

သမ္မတလီကတော့ မြောက်ကိုရီးယားရဲ့ ချိန်းခြောက် ရန်စမှုတွေကို ပြင်းပြင်းထန်ထန် တုံ့ပြန်ဖို့ နှစ်ဘက်သဘောတူထားသလို တောင်ကိုရီးယား အမေရိကန်တို့ စစ်ရေးအရ အသင့်ဖြစ်နေအောင် အမြဲ အားဖြည့်နေတယ်လို့ ဆိုပါတယ်။

တဖက်ကလည်း မြောက်ကိုရီးယား အနေနဲ့ ငြိမ်းချမ်းရေး လမ်းစဉ်ကို ရွေးမယ်ဆိုရင် ပြည်သူလူထု ဘဝတိုးတက်ရေး အတွက် နိုင်ငံတကာ အသိုင်းအဝိုင်းကလည်း ကူညီဖို့ အဆင်သင့်ပဲလို့ တောင်ကိုရီးယား သမ္မတက ဆက်ပြောပါတယ်။

မြောက်ကိုရီးယားနိုင်ငံ ထူထောင်သူ Kim Il-sung မွေးနေ့ အနှစ်၁၀၀ ပြည့် အထိမ်း အမှတ် အဖြစ် လာမယ့် ဧပြီလ ၁၂ ရက်နဲ့ ၁၆ ရက် အတွင်း အာကာသထဲကို ဂြိုဟ်တု လွှတ်တင်မှာဖြစ်ပါတယ်။ အခုအခါ ဒုံးပျံရဲ့ အဓိက အစိပ်အပိုင်းတွေကို လွှတ်တင်မယ့် နေရာကို တနင်္ဂနွေနေ့ ဒီကနေ့မှာ စရွှေ့နေပြီလို့ တောင်ကိုရီးယား လုံခြုံရေး အရာရှိတွေက ပြောနေကြပါတယ်။

ကချင်ဒုက္ခသည်တချို့အတွက် ကုလသမဂ္ဂ ကူညီနိုင်

အကူအညီပေးမှုကို ကုလသမဂ္ဂ အနေနဲ့ ပြီးခဲ့တဲ့ ဒီဇင်ဘာလက တကြိမ်ပဲ လုပ်နိုင်ခဲ့ပါတယ်

မြန်မာနိုင်ငံမြောက်ပိုင်း ကချင်ပြည်နယ်ဘက်မှာ တိုက်ပွဲတွေကြောင့် အိုးအိမ်စွန့်ခွာ ထွက်ပြေးခဲ့သူ ထောင်ပေါင်းများစွာထဲက တချို့သူတွေအတွက် လိုအပ်နေတဲ့ အကူအညီတွေ ပေးဖို့ စီစဉ် ဆောင်ရွက်နိုင်ခဲ့တယ်လို့ ကုလသမဂ္ဂက ပြောကြားပါတယ်။

လူပေါင်း ၁၀၀၀ လောက်အတွက် တလစာ အခြေခံ လိုအပ်တဲ့ ပစ္စည်းတွေကို တင်ဆောင် ထားတဲ့ ကုလသမဂ္ဂ အကူအညီပေးရေး ယာဉ်တန်းဟာ တိုက်ပွဲတွေ ဖြစ်နေတဲ့ အဲဒီ နယ်မြေတွေဘက်ကို ဝင်ရောက်သွားနိုင်ခဲ့တာ ဖြစ်ပါတယ်။

တိုက်ပွဲဖြစ်ပွားနေတဲ့ နယ်မြေတွေဘက်မှာ အကူအညီ အများအပြားကို ဖြန့်ဝေ ပေးနိုင် လိမ့်မယ်လို့ မျှော်လင့်ကြောင်း အဲဒီ ကုလသမဂ္ဂအဖွဲ့ရဲ့ ပြောခွင့်ရသူက ဆိုပါတယ်။

ကုလသမဂ္ဂကနေ အလားတူ အကူအညီ ပေးနိုင်မှုကို ပြီးခဲ့တဲ့ ဒီဇင်ဘာလက တကြိမ်ပဲ လုပ်ဆောင် နိုင်ခဲ့ပါတယ်။

ပြီးခဲတဲ့နှစ် ဇွန်လက စလို့ အစိုးရတပ်တွေနဲ့ ကချင်လွတ်မြောက်တပ် KIA တပ်ဖွဲ့တွေ အကြား ပြင်းထန်တဲ့ တိုက်ခိုက်မှုတွေကြောင့် လူပေါင်း ၅ သောင်းခွဲ လောက် အိုးအိမ်စွန့်ခွာ ထွက်ပြေး ခဲ့ရတယ်လို့ ကုလသမဂ္ဂက ခန့်မှန်းထားပါတယ်။

ကုလားတန် မြစ်ကြောင်းအတွက် လေ့လာဆန်းစစ်မယ်

အခုစီမံကိန်းဟာ ရွှေသဘာဝ ဓါတ်ငွေ့ စီမံကိန်း ပြီးရင် ဒုတိယအကြီးဆုံး စီမံကိန်းဖြစ်

မြန်မာနိုင်ငံ အနောက်ဘက် ရခိုင်ပြည်နယ်နဲ့ ချင်းပြည်နယ်မှာ အကောင်အထည်ဖေါ်နေတဲ့ ကုလားတန်မြစ်ကြောင်း ဘက်စုံ ဖွံဖြိုးရေး စီမံကိန်းကြောင့် သဘာဝ ပတ်ဝန်းကျင်နဲ့ ဒေသခံ လူထုတွေအပေါ် ဘယ်လို အကျိုးသက်ရောက် မူတွေ ရှိလာနိုင်သလဲ ဆိုတာကို မြန်မာအစိုးရ ဟာ အိန္ဒိယနဲ့ ပူးပေါင်းပြီး လေ့လာဆန်းစစ်မူ တွေ ပြုလုပ်သွားတော့မှာ ဖြစ်ပါတယ်။

ကုလားတန် မြစ်ကြောင်း ဘက်စုံ စီမံကိန်းဟာ မြန်မာနိုင်ငံ အနောက်ဘက် ဒေသမှာ တရုတ်နဲ့ ပူပေါင်း လုပ်ကိုင်နေတဲ့ ရွှေသဘာဝ ဓါတ်ငွေ့ စီမံကိန်းပြီးရင် ဒုတိယအကြီးဆုံး နိုင်ငံခြား ရင်းနှီးမြှုပ်နှံမူ ပြုလုပ်ထားတဲ့ စီမံကိန်းတစ်ခု ဖြစ်ပါတယ်။

အရင်ကတော့ အခုလို လေ့လာ တိုင်းတာမူတွေ ပြုလုပ်ခဲ့တာ မရှိခဲ့ပေမယ့်၊ အခုအခါ ဒီစီမံကိန်းနဲ့ ပတ်သက်ပြီး သဘာဝ ပတ်ဝန်းကျင်ထိန်းသိမ်းရေး အဖွဲ့တွေရဲ့ အသံတွေ ကျယ်ကျယ် လောင်လောင် ထွက်လာတဲ့ နောက်ပိုင်းမှာ မြန်မာအစိုးရဟာ အိန္ဒိယနဲ့ ပူးပေါင်းပြီး လေ့လာ စစ်ဆေးမူတွေ ပြုလုပ်သွားမယ်လို့ ပြောကြားလာတာ ဖြစ်ပါတယ်။

အခုလို မြန်မာအစိုးရရဲ့ ဆုံးဖြတ်ချက်အပေါ် သဘာဝ ပတ်ဝန်းကျင်အရေး လှုပ်ရှားတဲ့ အဖွဲ့တွေက ကြိုဆိုလိုက်ကြပါတယ်။ အခုလို ကြီးမားတဲ့ စီမံကိန်းကြီးတွေ အပေါ်မှာ လေ့လာမူတွေ အများကြီး လုပ်ဖို့ လိုတယ်လို့ ရခိုင်သဘာဝ ပတ်ဝန်းကျင် ထိန်းသိမ်းရေး အသင်း ဒုတိယဥက္ကဌ ဦးမောင်မောင်သိန်းဖေက ပြောပါတယ်။

ကုလားတန် မြစ်ကြောင်း ဘက်စုံ စီမံကိန်းနဲ့ ပတ်သက်ပြီး ဖေဖေါ်ဝါရီလအတွင်း ကိုးရီးယား အဖွဲ့ တစ်ခုက လေ့လာမူ ပြုခဲ့ပြီး ရရှိတဲ့ အချက်အလက်တွေကို သတင်းထုတ်ပြန်ဖို့ စီစဉ်နေ တယ်လို့လည်း သိရပါတယ်။

ကုလားတန်မြစ်ကြောင်းဘက်စုံ စီမံကိန်းမှာ ပါဝင်တဲ့ ပလက်ဝမြို့ အရှေ့ဘက်ကမ်းမှာ တည်ဆောက်မယ့် ဆိပ်ကမ်းဂိုဒေါင်တွေ အတွက် အိန္ဒိယ အွိုင်ယွန် ကုမ္ပဏီက မြေ ၁၁ ဧကကို လျော်ကြေးပေးမယ်ဆိုပြီး သိမ်းယူသွားပေမယ့် အခုအခါ အဲဒီနေရာမှာ အဆောင်တွေ ဆောက်နေပေမဲ့ လျော်ကြေးငွေ မပေးသေးတာကြောင့် ဒေသခံတွေ အခက်အခဲ ဖြစ်နေကြရ တယ်လို့ သတင်းတွေ ရရှိပါတယ်။

KNU နဲ့ မြန်မာ အစိုးရ ငြိမ်းချမ်းရေး ဖေါ်ဆောင်ရေး အဖွဲ့KNU နဲ့ မြန်မာအစိုးရ ရန်ကုန်မှာတွေ့ဖို့ရှိ

မြန်မာအစိုးရနဲ့ ကေအင်ယူ ငြိမ်းချမ်းရေး ဖေါ်ဆောင်ရေး အဖွဲ့တွေဟာ လာမယ့် ဧပြီလဆန်း မှာ ရန်ကုန်မှာ ထပ်မံ တွေးနွေးမယ့် အကြောင်း နှစ်ဖက် ငြိမ်းချမ်းရေး ဖေါ်ဆောင်ရေး အဖွဲ့တွေ မဲဆောက် မှာ ဆွေးနွေးကြပါတယ်။

ဒီတခါ ဆွေးနွေးရာမှာ နိုင်ငံရေး၊ ဒေသဖွံ့ဖြိုးရေး နဲ့ ပြန်လည်နေရာ ချထားရေး စတာတွေ ပါဝင်မယ် လို့ နှစ်ဖက်စလုံးက ပြောပါတယ်။ မြန်မာဖက် က ရထားဝန်ကြီး ဦးအောင်မင်း ဦးဆောင် လာပြီး ဒါဟာ ကြားဖြတ်ဆွေးနွေးပွဲ ဖြစ်တဲ့ အကြောင်း၊ ဒုတိယ အဆင့် အနေနဲ့ ဧပြီလ ၄ ရက်နေ့မှာ ဆွေးနွေး မယ့် အကြောင်းပြောယင်း၊ ဗဒိုမန်းငြိမ်းမောင် ကိုလည်း ကေအင်ယူ တာဝန်ရှိသူ တွေ လက်ထဲ ပြန်အပ်ပါတယ်။

ကေအင်ယူ အထွေထွေ အတွင်းရေးမှူး နော်စီဖိုးရာစိန် က အခုလို မန်းငြိမ်းမောင် ကို ပြန်လွှတ်ပေးတဲ့ အတွက် မြန်မာ အစိုးရ နဲ့ ကေအင်ယူ အကြားမှာ ယုံကြည်မှု တည်ဆောက် လိုက်တာဖြစ်တယ် လို့ ဘီဘီစီ ကို ပြောပြပါတယ်။

ဗဒိုမန်းငြိမ်းမောင် ကိုယ်တိုင်ကလည်း သူ့ကို ပြန်လွှတ်ပေးတဲ့ အပေါ်မှာ အမျိုးသား ပြန်လည်စည်းရုံးရေး ကိုတည်ဆောက်တဲ့ နေရာမှာ အထောက်အကူ အများကြီးရှိတဲ့ အကြောင်း ဘီဘီစီ ကို ရှင်းပြပါတယ်။

ဧပြီလ ၄ ရက်နေ့ကနေ ၁၁ ရက်နေ့ အထိ ရန်ကုန်မှာ ဆွေးနွေးပြီးရင်၊ ၉ ရက်နေ့မှာတော့ ပဲခူးတိုင်း ကျောက်ကြီး၊ ကရင်ပြည်နယ် သံတောင်မြို့ နဲ့ တနင်္သာရီ တိုင်း ထားဝယ်မြို့ တွေမှာ ကေအင်ယူ ဆက်ဆံရေး ရုံးတွေ ဖွင့်လှစ် မယ့် အစီအစဉ် တွေလည်း ရှင်းပြကြပါတယ်။

ကချင်ဒေသတွင်း စစ်ရေး အရှိန်မြင့်

By မသင်းသီရိ

ကချင်ပြည်နယ် ငြိမ်းချမ်းရေးအတွက် အစိုးရအဖွဲ့နဲ့ ကချင်လွတ်လပ်ရေးအဖွဲ့ KIO တို့ကြား ဆွေးနွေး ညှိနှိုင်းမှုတွေ လုပ်နေတဲ့ကြားက ထိုးစစ်တွေ ထပ်တိုးလာတာဟာ စစ်ရေးအရှိန်တွေ လျော့သွားအောင် လုပ်ကြမယ်ဆိုတဲ့ သဘောတူညီချက်တွေကို အကောင်အထည် မဖော်နိုင်တာကြောင့် ဖြစ်တယ်လို့ ကချင် KIO အဖွဲ့က ပြောပါတယ်။ လက်ရှိ ကချင်ပြည်နယ်တွင်းက ဆွေေးနွးမှုတွေနဲ့ တိုက်ပွဲဖြစ်နေတဲ့ နောက်ဆုံး အခြေအနေတွေကို မတ်လ ၂၄ ရက်နေ့ နေ့စွဲနဲ့ ကချင် KIO အဖွဲ့က စာတစ်စောင်ထုတ်ပြန် အသိပေးလိုက်ပါတယ်။ ဒီအခြေအနေကို မသင်းသီရိက တင်ပြထားပါတယ်။

KIO ဘက်က အဓိက ပြောချင်တာကတော့ အစိုးရ ငြိမ်းချမ်ရေးအဖွဲ့တွေနဲ့ သူတို့ ကချင်အဖွဲ့တွေ ငြိမ်းချမ်းရေးအတွက် ဆွေးနွေးနေကြတယ်၊ ဒါပေမဲ့ တဘက်ကလည်း ထိုးစစ်တွေ အရှိန်မြင့်လာနေတယ်၊ ဒါဟာ လက်ရှိ နှစ်ဘက် အဖွဲ့ကြားမှာ ငြိမ်းချမ်းရေးအတွက် သဘောတူလက်မှတ် မထိုးနိုင်ကြသေးဘူး ဆိုပေမယ့် စစ်ရေးအရှိန်လျော့အောင် လုပ်ကြမယ်ဆိုတဲ့ သဘောတူညီချက်ဟာ လက်တွေ့မှာ မအောင်မြင်ဘူး ဆိုတာ သိရအောင်လို့ လူထုကို အသိပေးစာတစ်စောင် ထုတ်ပြန်တာဖြစ်ပါတယ်လို့ KIA ရဲ့ ဒုတိယ စစ်ဦးချုပ် ဗိုလ်မှူးချုပ် ဂွမ်မော်က ပြောပါတယ်။

“မတ်လ ၈ နဲ့ ၁၀ ကြား ဆွေးနွေးရေးကာလတွင်းမှာပဲ တပ်ရင်း (၅) ဘက်ကို ထိုးစစ်တွေ လုပ်လာတယ်။ နောက်မကြာခင်မှာပဲ တပ်မဟာ (၃) နဲ့ ဗဟိုဌာနချုပ်ဘက်မှာလည်း အင်အားတွေ တိုးပြီးတော့ ထိုးစစ်တွေ လုပ်လာတယ်။ ဒီ မတ်လ တိုက်ပွဲပေါင်း အားလုံး ၇၈ ကြိမ် ရှိသွားပါပြီ၊ ကျနော်တို့ ဒီကနေ့အထိဆိုရင် အားလုံး ၇၈ ကြိမ် ရှိသွားပြီ။ အဲဒီတော့ ကျနော်တို့ ဆွေးနွေးပွဲ နှစ်ခုစလုံးမှာ စစ်ရေးအရှိန်များကို လျော့သွားအောင် လုပ်ကြမယ်ဆိုတဲ့ သဘောတူညီချက်က အကောင်အထည် မဖော်နိုင်တဲ့အပြင် စစ်ရေးအရှိန်က တိုးမြင့်လာတယ်။ ဒုတိယအချက်ကတော့ ကျနော်တို့ဘက်ကနေပြီးတော့ အပစ်အခတ် ရပ်စဲရေး မလုပ်ချင်ဘူးလို့ အဲဒီလို သဘောပေါက် နားလည်ကြတယ်။ တကယ်တော့ ကျနော်တို့က ဒီ သဘောတူညီချက်ပုံစံကို ယေဘုယျအားဖြင့် ၁၈ ရက်နေ့မှာ ဆွေးနွေးရေးအဖွဲ့ခေါင်းဆောင် ဦးအောင်သောင်းတို့ကို ကျနော်တို့က အဆိုပြုပြီး တင်သွင်းထားပြီးသား ဖြစ်တယ်။ အဲဒီတော့ လက်မှတ်မထိုးနိုင်တာကတော့ အကြောင်း အမျိုးမျိုးကြောင့်ပေါ့။ သို့သော်လည်းပဲ KIO က စာချုပ်ပုံစံနဲ့တကွ လက်မှတ်ရေးထိုးဖို့၊ ခိုင်ခိုင်မာမာ လုပ်ဖို့ ကျနော်တို့ဘက်က အဆိုပြုလွှာ တင်သွင်းထားပြီးသား ဖြစ်တယ် ဆိုတာကို လူထုကို အသိပေးချင်တာပါ။”

ပြီးခဲ့တဲ့ မတ်လ ၈ ရက်နေ့ကနေ ၁၀ ရက်နေ့ထိ ၃ ရက်ကြာ ကချင်အဖွဲ့ နဲ့ ငြိမ်းချမ်းရေး ဆွေးနွေးပွဲတွေကို ရွှေလီမြို့မှာ ပြုလုပ်ခဲ့ပေမဲ့ ဒီနောက်ဆုံးအကြိမ်မှာလည်း နှစ်ဘက် အပစ်ရပ် သဘောတူညီချက် လက်မှတ် ထိုးနိုင်ခဲ့တာ မရှိသေးပါဘူး။ အဓိက ကတော့ ကချင်ပြည်နယ်တွင်း တပ်စခန်းချထားရေး ကိစ္စတွေနဲ့အတူ အပစ်ရပ် သဘောတူလက်မှတ်ကို နိုင်ငံတကာ အဖွဲ့အစည်းတခုရဲ့ စောင့်ကြပ်မှုအောက်မှာ ကချင်အဖွဲ့က ရေးထိုးချင်တယ် ဆိုတဲ့အချက်တွေကို ညှိနှိုင်းမရတာကြောင့် ဖြစ်ပါတယ်။

“ပြဿနာဖြစ်နိုင်တဲ့ ဒေသမှာရှိတဲ့ နှစ်ဘက်စလုံး တပ်စခန်းတွေကိစ္စကို အရင်ဆုံး ဖြေရှင်းရပါမယ်။ ဘာဖြစ်လို့လဲဆိုတော့ တချို့တွေက နီးနီးကပ်ကပ် ရှိတယ်။ တချို့တွေကတော့ အနောက်ဘက်မှာရော၊ အရှေ့ဘက်မှာရော အဲဒီလို ရောပြီးနေတဲ့အခါကျတော့ ဒီစခန်းတွေကိစ္စကို ဖြေရှင်းပြီးမှာသာလျင် သဘောတူညီမှုကို လုပ်လို့ရှိရင် တိုက်ပွဲတွေက ရပ်ဆိုင်းသွားမှာဖြစ်တယ်။ လက်မှတ်ထိုးရုံနဲ့ ဒီကိစ္စက ပြီးဆုံးသွားမှာမဟုတ်ဘူးလို့ ကျနော်တို့က အဲဒီလို တင်ပြထားတာဖြစ်ပါတယ်။ အရင်လို အပစ်ရပ် သဘောတူညီချက် လုပ်ထားပြီးတော့ တိုက်ပွဲတွေ ပြန်ဖြစ်လာတယ်ဆိုရင် အဓိပ္ပါယ်မရှိတဲ့ သဘောတူညီချက် ဖြစ်သွားမှာပဲ။ အဲဒီတော့ အခု ကျနော်တို့က ခိုင်ခိုင်မာမာ ဖြစ်ချင်တယ်။ တဘက်နဲ့တဘက် သတိထားပြီးနေတဲ့ အချိန်မျိုးမှာ သဘောတူညီမှု ဘယ်လောက်ပဲလုပ်လုပ် ရှေ့တန်းမှာတော့ ဒါ ထိန်းလို့ရမှာမဟုတ်ဘူး။ အဲဒါတွေကို အရင် ဖြေရှင်းဖို့လိုတယ်လို့ ကျနော်တို့က တင်ပြထားတာပါ။”

အခုလို KIO ဘက်က သူတို့ဖြစ်နေတဲ့ နောက်ဆုံးအခြေအနေတွေ ထုတ်ပြန်တဲ့စာကို အစိုးရအဖွဲ့တွေဆီလည်း ပို့ထားတယ်လို့ ပြောပါတယ်။

“ကျနော်တို့ဘက်က ဒီထုတ်ပြန်ချက်ကို ဦးအောင်းသောင်းတို့ အဖွဲ့ဆီလည်း ပို့ပါတယ်။ နောက်ပြီးတော့ ကြားမှာ စေ့စပ်ရေးလုပ်ပေးတဲ့ အဖွဲ့ကိုလည်း ကျနော်တို့ ပို့ထားပြီးသားပါ။ အဲဒီတော့ ပြည်သူလူထု ကြားထဲမှာလည်း ဒီစာတွေ ကျနော်တို့က အခု ဖြန့်နေပါတယ်။ ပြီးတော့ လိုအပ်လို့ရှိရင် ကျနော်တို့က ရှင်းလင်းပွဲတွေ လုပ်ဖို့ ရှိပါတယ်။ ဘယ်တော့ ထပ်တွေ့ဖို့ဆိုတာ ကျနော်တို့က ရက်အတိအကျ ချိန်းထားတာ မရှိဘူး။ အဲဒီတော့ တဘက်နဲ့ ပြန်ပြီး ညှိနှိုင်းရအောင်ဆိုတဲ့ သဘောနဲ့ပဲ ပြန်ပြီး အစည်းအဝေးကို နိဂုံးချုပ်ထားတယ် ဆိုတော့ အစိုးရဘက်ကနေပဲ ဘယ်နေ့မှာ တွေ့မလဲဆိုတာ ကျနော်တို့ စောင့်နေတာပါ။”

ဧပြီလ ၁ ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ လုံခြုံရေးအရ ဆိုပြီး မိုးကောင်း၊ ဗန်းမော်၊ ဖားကန့် နေရာသုံးခုမှာ ရွေးကောက်ပွဲကို ရက်အကန့်အသတ်မရှိ ရွေ့ဆိုင်းထားပါတယ်။ ဒီအပေါ် KIO အဖွဲ့ရဲ့ အမြင်ကတော့ -

“ကျနော်တို့ကတော့ ဒီ လုံခြုံရေး ဆိုတဲ့ခေါင်းစဉ်ကို သေချာရှင်းရှင်းလင်းလင်း နားမလည်ဘူး။ ဒီဒေသမှာကတော့ တိုက်ပွဲကြောင့်ဆိုတာ သိပ်ပြီးတော့ ဟပ်စပ်မှု မရှိဘူးလို့ ကျနော်တို့ ဒီလိုပဲ မြင်တယ်။ နောက် ကျနော်တို့ KIO ကတော့ လွန်ခဲ့တဲ့ ရွေးကောက်ပွဲတုန်းကလည်း ကျနော်တို့ အားလုံးကို အသိပေးပြီးသား ဖြစ်ပါတယ်။ ဒီရွေးကောက်ပွဲကတော့ ကျနော်တို့ဘက်က ဘာမှအနှောက်အယှက်ပေးမှာ မဟုတ်ဘူး။ လူထုကလည်း ကိုယ့်ဆန္ဒနဲ့ကိုယ် ပါဝင်ကြဖို့ဆိုပြီးတော့၊ အခု ကြားဖြတ် ရွေးကောက်ပွဲမှာလည်း ဒီသဘောထားကတော့ KIO မှာ ရှိနေဆဲဖြစ်ပါတယ်။”

KIA ရဲ့ ဒုတိယ စစ်ဦးချုပ် ဗိုလ်မှူးချုပ်ဂွမ်မော်ကို ဆက်သွယ်မေးမြန်းထားတာ ဖြစ်ပါတယ်။ ကချင်ပြည်နယ်တွင်း တိုက်ပွဲတွေ ဖြစ်နေတာ အခုဆိုရင် ၁၀ လ ရှိနေပြီဖြစ်ပြီး ဒီတိုက်ပွဲတွေကြောင့် ထွက်ပြေးရတဲ့ ဒုက္ခသည်တွေအတွက် နှစ်ဘက်အဖွဲ့တွေဟာ ယုံကြည်မှုတွေ ပိုတည်ဆောက်ပြီး ငြိမ်းချမ်းရေး လက်မှတ်တွေ အမြန်ထိုးကြဖို့အတွက် ပြည်တွင်း ပြည်ပ အဖွဲ့အစည်းတွေကလည်း တိုက်တွန်းနေကြတာ ဖြစ်ပါတယ်။

အာဖဂန် ပစ်ခတ်မှုအတွက် အမေရိကန် လျော်ကြေးပေး

By ဗွီအိုအေ (မြန်မာဌာန)

အမေရိကန် စစ်သားတဦးရဲ့ လက်ချက်အဖြစ် စွပ်စွဲထားတဲ့ ပစ်ခတ်မှုအတွင်း သေဆုံးခဲ့ရသူ အာဖဂန် နိုင်ငံသားတွေရဲ့ ကျန်ရစ်သူ မိသားစုဝင်တွေကို အမေရိကန် ပြည်ထောင်စုက ဒေါ်လာထောင်သောင်းချီ နစ်နာကြေး ပေးအပ်ခဲ့တဲ့အကြောင်း အာဖဂန် အာဏာပိုင်တွေက ပြောပါတယ်။ ကန်ဒါဟာပြည်နယ် အုပ်ချုပ်ရေးမှူးရုံးမှာ နစ်နာကြေးငွေ ပေးအပ်ခဲ့တာလို့ ပြည်နယ်ကောင်စီဝင် တဦးက ဗွီအိုအေကို တနင်္ဂနွေနေ့က ပြောလိုက်တာပါ။

ကန်ဒါဟာပြည်နယ် Panjawai ခရိုင်မှာ ဒီလ ၁၁ ရက်နေ့က ဖြစ်ပွားတဲ့ ပစ်ခတ်မှုအတွင်း သေဆုံးခဲ့သူ တဦးချင်းအတွက် နစ်နာကြေးအဖြစ် ဒေါ်လာ ၅ သောင်းစီနဲ့ ထိခိုက်ဒဏ်ရာရသူ တဦးစီကို ဒေါ်လာ ၁၁,၀၀၀ စီကို ကျန်မိသားစုဝင်တွေထံ စနေနေ့က ပေးအပ်ခဲ့တာ ဖြစ်ပါတယ်။ သူပုန်တွေရဲ့ အန္တရာယ် ရှိနေတဲ့အတွက် အခမ်းအနားကိုတော့ သတင်းမီဒီယာတွေကို အသိမပေးဘဲ ထားခဲ့တာလို့လည်း ကန်ဒါဟာပြည်နယ် ကောင်စီဝင်က ပြောပါတယ်။

အာဖဂန်မှာရှိတဲ့ မြောက်အတ္တလန်တိတ် စာချုပ်အဖွဲ့ (NATO) ပြောခွင့်ရသူကတော့ အခုသတင်းနဲ့ ပတ်သက်လို့ အတည်ပြုချက် မပေးခဲ့သလို ငြင်းချက်လည်း မထုတ်ခဲ့ပါဘူး။ ဒါပေမဲ့လည်း ညွန့်ပေါင်း တပ်ဖွဲ့ဝင်တွေ အနေနဲ့ နစ်နာကြေး ပေးအပ်ရတာမျိုး ရှိရင်လည်း ထုတ်ဖော် ပြောဆိုခွင့် မရှိဘူးလို့ ဆိုပါတယ်။ အာဖဂန် ယဉ်ကျေးမှုမှာတော့ တစုံတယောက် သေဆုံးတယ်ဆိုရင် တာဝန်ရှိသူ အနေနဲ့ တောင်းပန်တဲ့ အနေနဲ့ ကျန်မိသားစုကို နစ်နာကြေး ပေးအပ်ရလေ့ ရှိပါတယ်။ အမှုကို စုံစမ်းစစ်ဆေးနေတဲ့ အာဖဂန်တာဝန်ရှိသူတွေကလည်း အစောပိုင်းမှာ နစ်နာကြေး အနည်းငယ်စီ သက်ဆိုင်ရာ မိသားစုတွေကို ပေးအပ်ခဲ့တာပါ။

အမှုကို စစ်ဆေးနေတဲ့ အမေရိကန် တာဝန်ရှိသူတွေကတော့ အမေရိကန် စစ်သားRobert Bales အပေါ် လူသတ်ဖို့ ကြိုတင်ကြံစည်မှု ၁၇ မှု၊ ကိုယ်ထိလက်ရောက် တိုက်ခိုက်မှုနဲ့ လူသတ်ဖို့ ကြိုးပမ်းမှုတွေအတွက် ၆ မှုနဲ့ သောကြာနေ့ကပဲ တရားစွဲဆို ထားပါတယ်။

သမ္မတအိုဘားမား ကိုရီးယားစစ်မဲ့ဇုန် ရောက်ရှိ

By ဗွီအိုအေ (မြန်မာဌာန)

အမေရိကန်သမ္မတ ဘရက်အိုဘားမား နဲ့ တောင်ကိုရီးယားသမ္မတ အီမြောင်ဘက်တို့ဟာ ဒီကနေ့ တွေ့ဆုံခဲ့ကြပြီးတော့ မြောက်ကိုရီးယားနိုင်ငံဘက်က ဖြစ်လာနိုင်ချေရှိတဲ့ ခြိမ်းခြောက်မှုတွေကို ညီညီညွတ်ညွတ် ရင်ဆိုင်သွားမယ် ဆိုတာကို ပြသလိုက်ပါတယ်။ မြောက်ကိုရီးယားအနေနဲ့ ခြိမ်းခြောက်မှုတွေလုပ်နေရုံနဲ့ ဘာမှအောင်မြင်မှုရမှာ မဟုတ်ဘဲ တကယ်လို့ နောက်လမှာ ဒုံးကျည် ပစ်လွှတ်ခဲ့မယ်ဆိုရင် ဒီထက်ပိုပြီးတော့ အထီးကျန်သွားဖို့ပဲ ရှိတယ်လို့ တောင်ကိုရီးယား သမ္မတနဲ့ တွေ့ဆုံပြီးတဲ့နောက် သတင်းစာရှင်းလင်းပွဲမှာ ပြောသွားပါတယ်။

ဒါကို တောင်ကိုရီးယား သမ္မတကလည်း သဘောတူလိုက်ပြီး မြောက်ကိုရီးယားရဲ့ တာဝေးပစ်ဒုံးကျည်ဟာ ကမ္ဘာ့ငြိမ်းချမ်းရေးကို ခြိမ်းခြောက်နေတဲ့ ရန်စမှုသာဖြစ်ပြီး၊ ကုလသမဂ္ဂရဲ့ ဆုံးဖြတ်ချက်နဲ့ အမေရိကန်နဲ့ သဘောတူညီချက်တွေကို ဆန့်ကျင်နေတယ်လို့ ပြောလိုက်ပါတယ်။ နိုင်ငံတကာ နျူကလီးယား လုံခြုံရေးညီလာခံ မတိုင်ခင်မှာ ခေါင်းဆောင် ၂ ဦးက အခုလိုပြောဆိုလိုက်တာ ဖြစ်ပါတယ်။

ဒါ့အပြင် အစောပိုင်းမှာတုန်းက အမေရိကန်သမ္မတ ဘရက်အိုဘားမားဟာ ကိုရီးယား ၂ နိုင်ငံကို ပိုင်းခြားထားတဲ့ စစ်မဲ့ဇုန်ကို ဒီကနေ့ တနင်္ဂနွေနေ့မှာ သွားရောက်ခဲ့ပါတယ်။ သမ္မတအိုဘားမားဟာ ကျည်ကာမှန် အထူကြီး ကာထားတဲ့ နောက်မှာရပ်ပြီးတော့ မြောက်ကိုရီးယားနိုင်ငံဘက် အခြမ်းကို မှန်ဘီလူးနဲ့ ကြည့်ခဲ့ပါတယ်။ အဲဒီနောက် သမ္မတဟာ အဲဒီစစ်မဲ့ဇုန်မှာ စောင့်နေတဲ့ အမေရိကန်တပ်တွေကို တွေ့ဆုံခဲ့ပြီးတော့ သူတို့ဟာ တောင်ကိုရီးယားနိုင်ငံ ကြွယ်ဝလာဖို့အတွက် လုပ်ပေးနေတဲ့ စစ်သားတွေဖြစ်ကြတယ်လို့ ပြောခဲ့ပါတယ်။

ဟောင်ကောင် အကြီးအကဲ ရွေးချယ်

By ဗွီအိုအေ (မြန်မာဌာန)

ဟောင်ကောင်ရွေးကောက်ပွဲ ကော်မရှင်ဟာ တနင်္ဂနွေနေ့က တွေ့ဆုံခဲ့ကြပြီးတော့ အရင်တုန်းက အိမ်ခြံမြေရောင်းဝယ်ရေး အကြီးအကဲ Leung Chun-ying ကို ဟောင်ကောင်ရဲ့ အုပ်ချုပ်ရေး အကြီးအကဲအဖြစ်နဲ့ ခန့်အပ်လိုက်ပါတယ်။ စီးပွားရေးလုပ်ငန်းရှင် နဲ့ တခြား ဟောင်ကောင်မြို့ရဲ့ အကြီးအကဲ ၁,၂၀၀ က မစ္စတာ Leung ကို ထောက်ခံမဲ ၆၈၉ မဲပေးခဲ့ကြပါတယ်။ ဒါဟာ သူအနိုင်ရရှိဖို့အတွက် လိုအပ်နေတဲ့ ၆၀၁ မဲထက် အများကြီး ပိုရခဲ့တာပါ။

သူနဲ့ အနီးဆုံးပြိုင်ဘက် မစ္စတာ Henry Tang ကတော့ ၂၈၅ မဲပဲ ရခဲ့ပြီးတော့ ဒီမိုကရက်တစ်ပါတီက Albert Ho ကတော့ ၇၆ မဲရခဲ့ပါတယ်။ ဟောင်ကောင်ရဲ့ အကြီးအကဲကို ရွေးချယ်တဲ့နေရာမှာ သာမန် ဟောင်ကောင် ပြည်သူတွေဟာ မဲပေးပိုင်ခွင့်မရှိကြပါဘူး။

အစောပိုင်းကတော့ မစ္စတာ Tang က ရှေ့ကနေ ပြေးနေခဲ့တာပါ။ ဒါပေမဲ့ အရှုပ်တော်ပုံတွေက သူ့အပေါ် ထောက်ခံမှုတွေကို ကျဆင်းစေခဲ့တာဖြစ်ပါတယ်။

ရွေးကောက်ပွဲကော်မရှင်ရဲ့ ဆွေးနွေးပွဲအပြင်ဘက်မှာတော့ ဟောင်ကောင်ပြည်သူ ထောင်ပေါင်းများစွာက ဒီမိုကရေစီကို အပြည့်အ၀ အသုံးပြုဖို့ ငြိမ်းချမ်းစွာ ဆန္ဒပြခဲ့ကြပါတယ်။ မစ္စတာ Leung ဟာ လာမယ့် ဇွန်လကျရင် ဟောင်ကောင်ရဲ့ အုပ်ချုပ်ရေးမှူး တာဝန်တွေကို လွှဲပြောင်းယူမှာဖြစ်ပါတယ်။

သတင်းထိန်းချုပ်မှု လျှော့ချဖို့ စီစဉ်နေလို့ ပြန်ကြားရေးဝန်ကြီးဆို

By ဗွီအိုအေ (မြန်မာဌာန)

မြန်မာနိုင်ငံမှာ သတင်းမီဒီယာ ထိန်းချုပ်မှုတွေ လျှော့ချပေးဖို့ စီစဉ်နေတယ်လို့ ပြန်ကြားရေး ၀န်ကြီးက ပြောကြားလိုက်ပါတယ်။ မြန်မာနိုင်ငံ ဒီမိုကရေစီလမ်း လျှောက်လှမ်းနေရာမှာ အစိုးရအနေနဲ့ ခေတ်စနစ်နဲ့အညီ သတင်းမီဒီယာ ကဏ္ဍမှာ ထိန်းချုပ်မှုတွေ လျှော့ချပေးဖို့ စီစဉ်ထားတယ်လို့ ရန်ကုန်မြို့မှာ စနေနေ့က အရေးပေါ် ခေါ်ယူကျင်းပတဲ့ မြန်မာနိုင်ငံ စာပေစာနယ်ဇင်း ညီလာခံမှာ စာရေးဆရာများ၊ ထုတ်ဝေသူများနဲ့ သတင်းသမားများကို   ပြန်ကြားရေး ၀န်ကြီး ဦးကျော်ဆန်းက အသစ်ထုတ်ပြန်လိုက်တဲ့ မီဒီယာ ဥပဒေနဲ့ ပတ်သက်ပြီး ရှင်းလင်းပြခဲ့ပါတယ်။

“ကနေ့ မီဒီယာလောကကိုလည်း ခေတ်စနစ်နဲ့အညီ ပြုပြင်ပြောင်းလဲ လိုကြတာမို့ မြန်မာနိုင်ငံ စာပေနဲ့ စာနယ်ဇင်း  အဖွဲ့ကြီးကို ခေတ်စနစ်နဲ့ လိုက်လျော ညီထွေ ဖြစ်မယ့် အသင်းအဖွဲ့များ၊ အဲဒီလို အဖွဲ့အစည်းများ ပေါင်းစုတဲ့ မီဒီယာအဖွဲ့ စသဖြင့် ဖြစ်ထွန်း ပေါ်ပေါက်လာဖို့ ရည်ရွယ်ပြီး ဒီကနေ့ အရေးပေါ် ညီလာခံကို  ခေါ်ယူခြင်းဖြစ်ကြောင်း ရှင်းလင်း ပြောကြားလိုပါတယ်။”

အစိုးရသစ်အဖွဲ့ အာဏာရယူခဲ့တဲ့ တစ်နှစ်နီးပါး အချိန်အတွင်းမှာပဲ အရင်က အစိုးရထိန်းချုပ်မှု အပြည့်ရှိတဲ့  သတင်းမီဒီယာ ကဏ္ဍကို နိုင်ငံရေးကင်းရှင်းတဲ့ လွတ်လပ် အဖွဲ့အစည်းဖြစ်အောင် တဖြည်းဖြည်း ပြောင်းလဲဖို့ လုပ်ဆောင်လာခဲ့တယ်လို့လည်း ပြောပါတယ်။

ညီလာခံကို တက်ရောက်လာကြတဲ့ သတင်းသမားတွေကလည်း ဒီအပြောင်းအလဲအတွက် ကြိုဆိုခဲ့ကြပြီး  ရှေ့လျှောက် ပိုမို လွတ်လပ် ပွင့်လင်းမှု ရဖို့ မျှော်လင့် ထားကြကြောင်း ပြောကြားခဲ့ကြပါတယ်။ ဒီညီလာခံမှာပဲ  မီဒီယာဥပဒေသစ် အတွက် မူကြမ်းအတွက် ဆွေးနွေးခဲ့ကြပါတယ်။

မြောက်ကိုရီးယား ဒုံးကျည်လွှတ်မယ့် အစီအစဉ် ပြန်စဉ်းစားဖို့ ကုလပြော

By ဗွီအိုအေ (မြန်မာဌာန)

ရှေ့လထဲမှာ  မြောက်ကိုရီးယားက လွှတ်တင်ဖို့ ကြေညာထားတဲ့ ဂြိုဟ်တု လွှတ်တင်ရေး အစီအစဉ်ကို ပြန်ပြီး စဉ်းစားဖို့ ကုလသမဂ္ဂ အတွင်းရေးမှူးချုပ် ဘန်ကီမွန်းက မြောက်ကိုရီးယားကို တိုက်တွန်းလိုက်ပါတယ်။

မစ္စတာ ဘန်ကီမွန်းဟာ တောင်ကိုရီးယား သမ္မတ အီမြောင်ဘတ်နဲ့ စနေနေ့ တွေ့ဆုံချိန်မှာ မြောက်ကိုရီးယား ဂြိုဟ်တု ပြဿနာကို ဆွေးနွေးခဲ့ပါတယ်။ သူဟာ ဆိုလ်းမြို့ကို စနေနေ့ အစောပိုင်းက ရောက်ရှိခဲ့တာဖြစ်ပြီး တနင်္လာနေ့  ကျင်းပမယ့် နျူကလီယား လုံခြုံရေး ထိပ်သီးဆွေးနွေးပွဲကို တက်ရောက်မှာ ဖြစ်ပါတယ်။

အတွင်းရေးမှူးချုပ်ရုံးက ထုတ်ပြန်တဲ့ ကြေညာချက်ထဲမှာတော့ ကုလသမဂ္ဂ လုံခြုံရေးကောင်စီက တားမြစ်ထားတဲ့  ဆုံးဖြတ်ချက်တွေ၊ အထူးသဖြင့် ဒုံးလက်နက်ဆိုင်ရာ နည်းပညာကို အသုံးပြုမယ့် ဘယ်ကိစ္စမျိုးအတွက် မဆို  တားမြစ်ထားတာကို လုံးဝလိုက်နာဖို့ မစ္စတာဘန်ကီမွန်းက မြောက်ကိုရီးယားကို တိုက်တွန်းထားပါတယ်။ ဒါ့အပြင်  တာဝေးပစ် ဒုံးကျည် ပစ်လွှတ်မယ့် အစီအစဉ်ကို ပြန်စဉ်းစားဖို့လည်း တောင်းဆိုထားပါတယ်။

မြောက်ကိုရီးယား နိုင်ငံဟာ စီးပွားရေး စီမံခန့်ခွဲမှု ညံ့ဖျင်းတဲ့အပြင် မိုးခေါင်ရေရှားတဲ့ ဒဏ်ကိုပါ ခံနေရတာမို့  အငတ်ဘေးနဲ့ ကြုံနေရတဲ့ နိုင်ငံဖြစ်ပြီး အမေရိကန်ပြည်ထောင်စုက စားနပ်ရိက္ခာ မက်ထရစ် တန်ချိန် ၂ သိန်း ၄ သောင်း ကူညီထောက်ပံ့မှု ပေးမယ်ဆိုရင် သူ့ရဲ့ နျူကလီယား အစီအစဉ်တွေကိုရော ဒုံးကျည် စမ်းသပ် ပစ်လွှတ်မှုတွေကိုပါ ရပ်ဆိုင်းထားမယ်လို့ သဘောတူထားပါတယ်။

ဒါပေမဲ့ နောက်ပိုင်းမှာတော့ တာဝေးပစ် ရော့ကက်နဲ့ ရှေ့လထဲမှာ စူးစမ်းလေ့လာရေး ဂြိုဟ်တု လွှတ်တင်မယ်လို့ ပြောကြားခဲ့ပါတယ်။ အမေရိကန်နိုင်ငံနဲ့ တောင်ကိုရီးယား ကတော့ မြောက်ကိုရီးယားရဲ့ တာဝေးပစ် ဒုံးလက်နက် စမ်းသပ်ပစ်လွှတ်ဖို့ အစီအစဉ်ဟာ တကယ်ဆိုရင် နျူကလီယား ထိပ်ဖူးတပ် ဒုံးကျည် အတွက် လုပ်ဆောင်နေတာလို့  ယုံကြည်ကြပါတယ်။

ကုလသမဂ္ဂ အတွင်းရေးမှူးချုပ် ကလည်း ဒီအစီအစဉ်ဟာ ဒေသတွင်း ငြိမ်းချမ်းရေးကို ခြိမ်းခြောက် နေတယ်လို့ သတိပေးထားပါတယ်။

တစ်နှစ်ကြာမြောနေတဲ့ ဂျပန်ငါးဖမ်းသင်္ဘော ပြန်တွေ့

By ဗွီအိုအေ (မြန်မာဌာန)

ပြီးခဲ့တဲ့နှစ် မတ်လ ၁၁ ရက်နေ့က ဂျပန်နိုင်ငံမှာ လှုပ်ခတ်ခဲ့တဲ့ ငလျင်ကြီးနောက်ပိုင်း  ဖြစ်ပေါ်လာတဲ့ ဆူနာမီ လှိုင်းလုံးကြီးတွေရဲ့ ရိုက်ခတ်မှုကြောင့် ပျောက်ဆုံးနေတဲ့ ဂျပန် ငါးဖမ်းသင်္ဘော တစ်စင်းကို အခု ကနေဒါနိုင်ငံ  အနောက်ဘက် ကမ်းရိုးတန်းရဲ့ ကမ်းလွန်နေရာမှာ တွေ့ရှိခဲ့ရပါတယ်။

ပေ ၁၆၀ ကျော် အရှည်ရှိတဲ့ ဒီငါးဖမ်းသင်္ဘောကို ကနေဒါနိုင်ငံ တောင်ဘက်မှာ ရှိတဲ့ Haida Gwaii အငူရဲ့ အနောက်ဘက် ရေမိုင် ၁၅၀ လောက်အကွာမှာ တွေ့ခဲ့ရတာပါ။ ဒါဟာ Vancouver မြို့ရဲ့ အနောက်မြောက်ဘက် မိုင် ၆၀ လောက်အကွာမှာ ဖြစ်ပါတယ်။

ဒီသင်္ဘောဟာ ကနေဒါကမ်းခြေဆီ တဖြည်းဖြည်း ရွေ့လာနေတာမို့ ရေကြောင်း မတော်တဆ အန္တရာယ် ဖြစ်လာနိုင်ကြောင်း ကနေဒါအစိုးရက သတိပေးချက် ထုတ်ပြန်ထားပါတယ်။

ဒီလှေဟာ ပြီးခဲ့တဲ့နှစ်က ဆူနာမီလှိုင်း ရိုက်ခတ်မှုကြောင့် ပစိဖိတ် သမုဒ္ဒရာကို ဖြတ်ပြီး မြောက်အမေရိက တိုက်ကို  ပထမဆုံး ရောက်ရှိလာတဲ့ အကြီးဆုံး သင်္ဘောတစ်စင်းလည်း ဖြစ်ပါတယ်။

လုံခြုံရေးကြောင့် ရွေးကောက်ပွဲ ရွှေ့ဆိုင်းမှု ယုတ္တိမတန်ကြောင်း KIO ပြော

ဖနိဒါ | စနေနေ့၊ မတ်လ ၂၄ ရက် ၂၀၁၂ ခုနှစ် ၂၀ နာရီ ၀၀ မိနစ်

ချင်းမိုင်(မဇ္စျိမ)။                ။ ကြားဖြတ်ရွေးကောက်ပွဲတွင် ကချင်ပြည်နယ်မှ မဲဆန္ဒနယ်များကို ရွေးကောက်ပွဲကော်မရှင်က ရွှေ့ဆိုင်းလိုက်သော်လည်း ယင်းဒေသများတွင် တိုက်ပွဲဖြစ်ပွားမှုမရှိသဖြင့် လုံခြုံရေးအကြောင်းပြရွှေ့ဆိုင်းခြင်းမှာ ယုတ္တိမတန်ကြောင်း ကချင်လွတ်လပ်ရေးအဖွဲ့ KIO ပြောသည်။

ကချင်ပြည်နယ်က ပြည်သူ့လွှတ်တော် မဲဆန္ဒနယ်များဖြစ်သော ဖားကန့်၊ ဗန်မော်၊ မိုးကောင်းမြို့နယ်များအား လုံခြုံရေး အခြေအနေများကြောင့် ကြားဖြတ်ရွေးကောက်ပွဲ ရွှေ့ဆိုင်းလိုက်ကြောင်း ပြည်ထောင်စု ရွေးကောက်ပွဲကော်မရှင် ဥက္ကဋ္ဌက မတ်လ ၂၄ နေ့ထုတ် နိုင်ငံပိုင်သတင်းစာများ ထည့်သွင်း ကြေညာထားသည်။

“အဲဒီဒေသမှာလည်း KIO တပ်ဖွဲ့ဝင်တွေ သွားတာလာတာ မရှိဘူး။ ဒါကြောင့် ကျနော်တို့က နှောက်ယှက်တာလည်း ရှိမှာမဟုတ်ဘူး။ ဘယ်လို ရည်ရွယ်ချက်နဲ့ ပြောတယ်ဆုိုတာကိုတော့ နားမလည်ဘူး။ လုံခြုံရေးမဖြစ်ဘူးဆိုတဲ့ ဆင်ခြေ က သိပ်ပြီး ယုတ္တိမရှိဘူး”ဟု  KIO ပြောရေးဆိုခွင့်ရှိသူ ဦးလနန်က ပြောသည်။

ရွေးကောက်ပွဲကျင်းပရန်ရှိသည့် ဒေသများတွင် တိုက်ပွဲပဋိပက္ခများ မရှိသော်လည်း ကချင်ပြည်နယ် အခြားဒေသများဖြစ်သည့် KIO ၏ မိုးညှင်းမြို့နယ် တပ်မဟာ (၂)လက်အောက်ခံ တပ်ရင်း(၅)၊ မိုးမောက်မြို့နယ် တပ်မဟာ (၃) နယ်မြေနှင့် ရှမ်းပြည်နယ်မြောက်ပိုင်း နမ်းခမ်း၊ မန်ဒုံမြို့နယ်အကြားရှိ KIO တပ်မဟာ (၄) လက်အောက်ခံ တပ်ရင်း (၈)ဒေသတွင် နှစ်ဖက်တိုက်ပွဲ နေ့စဉ် ဖြစ်ပွားနေသည်ဟု သိရသည်။ မတ်လ ၂၃ ရက်နေ့ထိ တိုက်ပွဲပေါင်း ၇၃ ကြိမ် ဖြစ်ပွားခဲ့ကြောင်း KIO က ပြောသည်။

အစိုးရကိုယ်စားလှယ်များနှင် KIO တို့ တပ်ဖွဲ့များ အပြန်အလှန် ရုပ်သိမ်းရေးကိစ္စများ နှစ်ဖက်သဘောတူထားသော်လည်း အစိုးရဘက်က တစုံတရာလုပ်ဆောင်ပေးခြင်းမရှိဘဲ KIO နယ်မြေအတွင်း တပ်များ တိုးမြင့်လာခြင်းကြောင့်  တိုက်ပွဲများ ဆက်လက် ဖြစ်ပွားနေသည်ဟု ဦးလနန်က ဆက်ပြောသည်။ 

ဦးအောင်သောင်း ဦးဆောင်သည့် ပြည်ထောင်စုအဆင့် ငြိမ်းချမ်းရေးအဖွဲ့ အဖွဲ့အနေဖြင့် KIO နှင့် သဘောတူထား သည့် အချက်များကို သက်ဆိုင်ရာအစိုးရ အာဏာပိုင်များထံသို့ ထိရောက်စွာ တင်ပြနိုင်ခြင်းမရှိဟု သူက ယူဆနေ သည်။

“ဦးအောင်သောင်း ဦးဆောင်တဲ့အဖွဲ့က သဘောတူပြီးထုတ်ထားတဲ့ ကြေညာချက်နှစ်ခုကို အပြုသဘောဆောင်တဲ့ကိစ္စ အပေါ် တခုမှ သက်ဆိုင်ရာအစိုးရကို ညှိနိုင်းပေးနိုင်တာ မရှိဘူး။ ဒါကြောင့် စစ်ပွဲတွေက အမြဲတမ်းလို တိုက်ပွဲ ဖြစ်နေ တယ်။ ဆိုလိုတာက နှစ်ဖက် ဒီလိုလုပ်ရအောင်ဆိုတာကို သက်ဆိုင်ရာအစိုးရတွေကို ထိထိရောက်ရောက် တင်ပြနိုင် တာမျိုး မရှိဘူး”ဟု KIO ပြောခွင့်ရ ဦးလနန် က မဇ္စျိမကို ပြောသည်။

ဇန်နဝါရီလအတွင်းက တရုတ်နိုင်ငံ ရွှေလီမြို့တွင် နှစ်ဖက်တွေ့ဆုံစဉ် အစိုးရတပ်၏ စစ်ရေးအရှိန်များ ထိန်းသိမ်းသွား ရန်နှင့် မတ်လအတွင်းက ပြဿနာဖြစ်ပွားနေသည့် ဒေသများတွင် နှစ်ဖက်ညှိနိုင်းလုပ်ဆောင်သွားရန် သဘောတူညီ ခဲ့ပြီး ယခုအထိ တိတိကျကျ တုံ့ပြန်မှုမရှိသဖြင့် ယခုလို တုံ့ပြန်ပြောဆိုလိုက်ခြင်း ဖြစ်သည်။

ကချင်ပြည်နယ် ရွေးကောက်ပွဲ မကျင်းပသည့်အပေါ် အမတ်လောင်းများ ဝေဖန်

မျိုးသန့် | သောကြာနေ့၊ မတ်လ ၂၃ ရက် ၂၀၁၂ ခုနှစ် ၂၁ နာရီ ၁၇ မိနစ်

ချင်းမိုင် (မဇ္ဈိမ) ။        ။ ကြားဖြတ်ရွေးကောက်ပွဲ ကျင်းပရန် ရက်ပိုင်းသာ လိုတော့ချိန်မှ လုံခြုံရေး အကြောင်းပြချက်ဖြင့် ကချင်ပြည်နယ်အတွင်း ရွေးကောက်ပွဲများ ကျင်းပတော့မည် မဟုတ်ကြောင်း ပြည်ထောင်စု ရွေးကောက်ပွဲ ကော်မရှင်က ကြေညာလိုက်ခြင်းမှာ မရိုးသားသော လုပ်ရပ်ဟု လွှတ်တော်ကိုယ်စားလှယ်လောင်း ဒေါ်ဘောက်ဂျာက ဝေဖန်လိုက်သည်။

ကချင်ပြည်နယ်အတွင်း လစ်လပ် မဲဆန္ဒနယ်များ ဖြစ်သည့် ဖားကန့်၊ ဗန်းမော်၊ မိုးကောင်း မြို့နယ်များတွင်ရွေးကောက်ပွဲ ကျင်းပနိုင်ခြင်း မရှိဟု နိုင်ငံပိုင် ရုပ်မြင်သံကြားမှတဆင့် သောကြာနေ့ ညနေပိုင်းတွင် ကြေညာခဲ့ခြင်း ကို ဝေဖန်ပြောဆိုလိုက်ခြင်း ဖြစ်သည်။

"ကျမတို့ကိုလည်း ဘာမှ အကြောင်းမကြားဘူး။ ဒါက ရိုးသားမှု မရှိဘူး။ လုံခြုံရေးက ဘာမှ မဖြစ်ပါဘူး။ ကျမတို့လည်း ညညနေ့နေ့ ဒီအတိုင်း သွားလာနေတာပဲ။ ဘာ အနှောက်အယှက်မှ မရှိပါဘူး။ ဖားကန့်မှာ ကျမက လုံးဝနိုင်နိုင်ပါတယ်။ အဲဒါကို ဒီလိုလုပ်တယ် ဆိုတော့ ဒါ သက်သက်လုပ်တဲ့ သဘောပါ" ဟု ဖားကန့်မြို့နယ်တွင် ဝင်ရောက် ယှဉ်ပြိုင်မည့် အမျိုးသားဒီမိုကရေစီအင်အားစု NDF လွှတ်တော်ကိုယ်စားလှယ်လောင်း ဒေါ်ဘောက်ဂျာ က မဇ္ဈိမကိုပြောသည်။

မိုးကောင်းမြို့နယ်တွင် တသီးပုဂ္ဂလ ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်မည့် ဒေါက်တာတူးဂျာကလည်း ၎င်း၏မဲဆန္ဒနယ်တွင် လုံခြုံရေးအတွက် စိုးရိမ်ဖွယ်အခြေအနေမရှိကြောင်း၊ ရွေးကောက်ပွဲ ဖျက်သိမ်းခြင်းနှင့် ပတ်သက်၍လည်း မြို့နယ်ကော်မရှင်မှ ၎င်းထံ အကြောင်းကြားလာခြင်း မရှိသေးကြောင်း ပြောသည်။

"ဒီမှာကတော့ စိုးရိမ်စရာဘာမှ မရှိပါဘူး။ လုံခြုံရေး စိုးရိမ်လောက်တဲ့ အခြေအနေတော့ မရှိဘူး။ အခုကတော့ မဲရုံအခြေအနေတွေကတော့ တည်ငြိမ်အေးချမ်းမှုရှိပါတယ်။ ကျနော်ကတော့ ဒီလိုပဲ နေရုံပဲပေါ့ဗျာ။ ဘာမှ မတတ်နိုင်တော့ဘူး။ အာဏာပိုင်တွေလုပ်တဲ့ အလုပ်ဆိုတော့လည်း ကျနော့်အနေနဲ့ ဘာမှ မတတ်နိုင်ဘူး။ ဒီလိုပဲ နေရုံရှိတယ်" ဟု မဇ္ဈိမကို ပြောသည်။

ကော်မရှင်မှ ရွေးကောက်ပွဲ ကျင်းပနိုင်ခြင်း မရှိဟု ကြေညာခဲ့သည့် ဖားကန့်မြို့နယ်၊ မိုးကောင်းမြို့နယ်၊ ဗန်းမော် မြို့နယ်များအနက် ဖားကန့်မြို့တွင် မဲရုံပေါင်း ၇၁ ရုံ၊ မိုးကောင်းမြို့တွင် မဲရုံပေါင်း ၆၅ ရုံ တို့ကို ရွေးကောက်ပွဲ ကျင်းပနိုင်ရန် မြို့နယ်ကော်မရှင်အဖွဲ့ခွဲမှ ပြင်ဆင်ပြီး ဖြစ်သည်ဟုလည်း သိရသည်။

 ·  · Share