28.03.2012 နေ့ဖတ်ရန်သတင်းများ

by Myanmar Journal on Wednesday, March 28, 2012 at 7:24am ·

မြန်မာ့ တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်အောင်လှိုင်တပ်မတော်က အမျိုးသား နိုင်ငံရေး တာဝန် ထမ်းနေတာလို့ ကာချုပ်ပြော

မတ်လ ၂၇ ရက်နေ့ဟာ ဖက်ဆစ်ဂျပန်ကို ဗမာ့တပ်မတော်နဲ့ တော်လှန်ရေး ပြောက်ကျား ရဲဘော်တွေ နိုင်ငံရေး ပါတီတွေနဲ့ ပြည်သူ လူထုက ပူးပေါင်း တိုက်ထုတ်ခဲ့တာ ၆၇ နှစ် ပြည့်မြောက်တဲ့ နေ့ဖြစ်ပါတယ်။

အဲဒီနေ့ အထိမ်း အမှတ် တပ်မတော်နေ့ အခန်း အနား အဖြစ် မြန်မာ့ တပ်မတော်က ကျင်းပခဲ့ သလို အမျိုးသား ဒီမိုကရေစီ အဖွဲ့ချုပ်နဲ့ တခြား နိုင်ငံရေး အင်အားစုတွေ ကလည်း ဖက်ဆစ် တော်လှန်ရေး နေ့ အခန်းအနား အဖြစ်နဲ့ ကျင်းပခဲ့ကြ ပါတယ်။ တပ်မတော်နေ့ အခန်းအနားမှာ ကာကွယ်ရေး ဦးစီးချုပ် ဗိုလ် ချုပ်ကြီး မင်းအောင်လှိုင် က ပြည်သူ လူထုကို ပထမဆုံး မိန့်ခွန်း ပြောကြားခဲ့ ပါတယ်။

သူ့ မိန့်ခွန်းဟာ တပ်မတော် ခေါင်းဆောင်သစ် လက်ထက် တပ်မတော်ရဲ့ ရပ်တည်ချက်ကို ပထမဆုံး ထုတ်ဖော် ပြောကြားခဲ့တဲ့ မိန့်ခွန်းလို့ ဆိုနိုင် သလို အရပ်သား အသွင် ယူထားတဲ့ အစိုးရ လက်ထက်မှာ တပ်မတော် ဘက်က ပထမဆုံး ပြောတဲ့ မိန့်ခွန်းလည်း ဖြစ်ပါတယ်။

လွှတ်တော်ထဲမှာ တပ်မတော်သား ၂၅ ရာနှုန်း ပါဝင်တဲ့ ကိစ္စကိုလည်း ထည့်ပြောသွား တာတွေ့ရပါတယ်။ တပ်မတော်သား တွေက လွှတ်တော်ထဲမှာ ပါဝင် ဆောင်ရွက်နေတာဟာ အမျိုးသား နိုင်ငံရေး လုပ်နေတာလို့ သူက ပြောပါတယ်။

ဒီတော့ တပ်မတော်သား တွေဟာ အများနည်းတူ ရွေးကောက်ပွဲဝင်တဲ့ နည်းနဲ့ မဟုတ်ဘဲ လွှတ်တော်ထဲမှာ အဆင်သင့် ပါဝင် နေတဲ့ အခြေခံဥပဒေကို ပြင်ဆင်ဖို့လိုတယ်လို့ ပြောတဲ့ NLD နဲ့ တခြား ဒီမိုကရေ စီ အင်အားစု တွေကို သတိပေး ပြောဆို တာလားလို့ ယူဆ စရာ ဖြစ်ပါတယ်။

ဒါ့အပြင် တပ်မတော်ဟာ အခြေခံ ဥပဒေကို ကာကွယ်ဖို့ တာဝန်ရှိတယ်လို့လည်း သူက ပြောသွားပါတယ်။ တပ်မတော် အနေနဲ့ မြန်မာနိုင်ငံရဲ့ အနာဂတ်မှာ ကျယ်ကျယ် ပြန့်ပြန့် ဆက်လက် ပါဝင်ဖို့ သဘောထားကို ထင်ဟပ် ပြောဆိုခဲ့တာလည်း တွေ့ရပါတယ်။ တပ်မတော်ဟာ စစ်ရေးသာ မက နိုင်ငံရေး စီးပွားရေး အုပ်ချုပ်ရေး တို့ကိုပါ လေ့လာ ရမယ်လို့ သူက ဆိုပါတယ်။

တပ်မတော် ရဲ့ သမိုင်းကို ပြောရာ မှာတော့ တပ်မတော်ကို ဗိုလ်ချုပ် အောင်ဆန်းနဲ့ ရဲဘော် သုံးကျိပ်က တည်ထောင် ခဲ့တာကို အသိ အမှတ်ပြု ပြောဆိုခဲ့ ပေမဲ့ တပ်မတော်ကို ဆက်လက် တိုးတက် ကြီးပွားအောင် ထူထောင်သူ တွေဟာ ဗိုလ်ချုပ်ကြီး နေဝင်းနဲ့ ဗိုလ်ချုပ်မှူးကြီး သန်းရွှေ ဖြစ်တယ်လို့ ထောက်ပြ ပြောဆိုသွားခဲ့ ပါတယ်။

NLD မှာ ကျင်းပတဲ့ ဖက်ဆစ် တော်လှန်ရေးနေ့ အခန်း အနားမှာ နာယက ဦးတင်ဦး မိန့်ခွန်း ပြောစဉ်တချိန်တည်းမှာ အန်အယ်လ်ဒီ အမျိုးသား ဒီမိုကရေစီ အဖွဲ့ချုပ် မှာလည်း ဖက်ဆစ် တော်လှန်ရေးနေ့ အခန်း အနား ကျင်းပခဲ့ သလို ဝါရင့်နိုင်ငံရေး သမားကြီးတွေကလည်း ဖက်ဆစ်တော်လှန်ရေးနေ့ အခန်း အနား ကျင်းပခဲ့ကြ ပါတယ်။

ဖက်ဆစ်တော်လှန်ရေး ကာလတုန်းက တပ်မတော်နဲ့ ပြည်သူ လက်တွဲပြီး တစ်သားတည်း စည်းလုံး ညီညွတ် ခဲ့ကြပေမဲ့ နောက်ပိုင်း တိုင်းပြည် အာဏာကို သိမ်းယူခဲ့ ပြီးတဲ့နောက် ပြည်သူတွေ အပေါ် အင်အားပြ ဖိနှိပ် ခဲ့တာတွေ ရှိခဲ့လို့ တပ်မတော်နဲ့ ပြည်သူတွေ ကြားမှာ စိတ်ဝမ်း ကွဲပြားမှုတွေ ရှိခဲ့တယ်လို့ အန်အယ်လ်ဒီ နာယက ဦးတင်ဦးက ပြောပါတယ်။

ဒါပေမဲ့ ပြည်သူလူထု အပေါ် တပ်မတော်က ဘယ်လို ဆက်ဆံရမယ် ဆိုတဲ့ စည်းမျဉ်း စည်းကမ်း တွေကို လိုက်နာပြီး လူထု ယုံကြည်ကိုးစားမှု ရအောင် လုပ်ဆောင်ရင် ဖက်ဆစ် တော်လှန်ရေး ကာလတုန်းကလို တပ်မတော်နဲ့ ပြည်သူ တစ်သားထဲ ပြန်ကျနိုင်မယ်လို့ သူက ပြောပါတယ်။

ဒေါ်အောင်ဆန်း စုကြည် မကျန်းမာတဲ့ အတွက် အန်အယ်လ်ဒီ ရုံးချုပ်မှာ ကျင်းပတဲ့ အခန်းအနား မတက်ရောက်နိုင် ပေမဲ့ သဝဏ်လွာ ပေးပို့ခဲ့ ရာမှာ ဒီနေ့ဟာ စိတ်ဓါတ် တော်လှန်ရေး ဆင်နွဲ နေတဲ့ ကာလလို့ ဆိုပြီး တိုင်းချစ် ပြည်ချစ် တိုင်းရင်းသားတွေ အနေနဲ့ တိုင်းပြည် အတွက် ဘာဆက် လုပ်စရာ ရှိသေးတယ်ဆိုတာကို စဉ်းစားကြဖို့ တိုက်တွန်း ထားတာ တွေ့ရပါတယ်။

တပ်မတော်နေ့ စစ်ရေးပြအခမ်းအနားများအပြောင်းအလဲတွေကို စစ်တပ်က ဟန့်တားမှာ အာဏာသိမ်းမှာ မဟုတ်လို့ယူဆ

လက်ရှိတိုင်းပြည်မှာ လုပ်နေတဲ့ ဒီမိုကရေစီ အပြောင်းအလဲတွေကို စစ်တပ်က နှောင့်ယှက်တာမျိုး အာဏာသိမ်းမှာမျိုး လုပ်မယ်လို့ သူမယူဆကြောင်း ဗိုလ်ကြီးဟောင်း စိုင်းဝင်းကျော်က ဘီဘီစီကို ပြောပါတယ်။ လက်ရှိတာဝန်ယူနေတဲ့ သမ္မတအပါအဝင် လွှတ်တော်ဥက္ကဌ တွေဟာလည်း စစ်တပ် အရာရှိဟောင်း ကြီးတွေဖြစ်လို့ ကာကွယ်ရေး ဦးစီးချုပ်က အထက်အောက် လေးစားမှု၊ နားလည်မှု ရှိနိုင်တယ်လို့ သူကဆက်ပြောပါတယ်။

တဖက်ကလည်း ကချင်ပြည်နယ်၊ ရှမ်းပြည်နယ်တွေမှာ သမ္မတက အပစ်ရပ်ဖို့ပြောနေပေမယ့် စစ်တပ်က ဆက်တိုက်နေတာနဲ့ပတ်သက်လို့ ကာကွယ်ရေးဦးစီးချုပ်ဟာသမ္မတအမိန့်ကို နာခံ သင့်တယ်လို့ ပြောပါတယ်။

အခုလို အခက်အခဲ ဖြစ်နေတာကတော့ အရင်ဗိုလ်ချုပ်မှူးကြီးသန်းရွှေဟာ စစ်တပ်အကြီး အကဲတွေအပေါ် သြဇာညောင်းဆဲ ဖြစ်လို့ လက်ရှိဗိုလ်ချုပ်ကြီး မင်းအောင်လှိုင် အနေနဲ့ သူ ဆုံးဖြတ်ချင်သလို ဆုံးဖြတ်လို့မရ နိုင်တာဖြစ်နိုင်တယ်လို့လည်း ဘီဘီစီ ကိုပြောပါတယ်။

လက်ရှိ ပြုပြင်ပြောင်းလဲရေးတွေကို တပ်မတော်ထဲမှာ အဆင့်ဆင့်လိုလား ထောက်ခံမှုတွေ ရှိတယ်လို့ သူကပြောပါတယ်။ ဒါပေမယ့် အပြောင်းအလဲ လုပ်တဲ့အခါ နိုင်ငံမှာဖြစ်ခဲ့တဲ့ အတိတ်က သင်ခန်းစာတွေကြောင့် စစ်တပ်ရဲ့အပြည့်အဝ ပါဝင်မှုကို စိတ်ရှည်ဖို့တော့လို မယ်လို့ စိုင်းဝင်းကျော်က သုံးသပ်သွားပါတယ်။

ပြီးခဲ့တဲ့ ၈၈အရေးအခင်းတုန်းက ဗိုလ်ကြီးစိုင်းဝင်းကျော်ဟာ ပြည်သူ့ရင်ခွင်ကိုဘက်ပြောင်း ဝင်ရောက်ခဲ့တာဖြစ်ပြီး အခုအခါ အမေရိကန်ပြည်ထောင်စုမှာ အခြေချလျက်ရှိပါတယ်။

ကိုဖီအာနန် နဲ့ ဝမ်ဂျားဘောင်ကိုဖီအာနန် နဲ့ တရုပ်ဝန်ကြီးချုပ် တွေ့

တရုတ် အစိုးရ က ဆီးရီးယားမှာရှိတဲ့ အဖွဲ့အစည်း တွေ အနေနဲ့ ကုလသမဂ္ဂ နဲ့ အာရပ် အဖွဲ့ချုပ် တို့ရဲ့ ငြိမ်းချမ်းရေး မစ်ရှင်ရဲ့ သံတမန် ကိုဖီအာနန် နဲ့ ပူးပေါင်းဆောင်ရွက်ကြဖို့ နှိုးဆော်လိုက်ပါတယ်။

ကိုဖီအာနန် ဟာ တရုတ်နိုင်ငံ ကိုရောက်ရှိနေပြီး ဝန်ကြီးချုပ်ဝမ်ဂျားဘောင် နဲ့ တွေ့ဆုံ နေပြီး တရုတ် အစိုးရ အနေနဲ့ ဆီးရီးယား နိုင်ငံမှာ ဖြစ်ပွား နေတဲ့ အကြမ်းဖက်မှု တွေ ရပ်တံ့စေ ရေး အတွက် သူကြားဝင်ဆောင်ရွက်နေမှု ကို ထောက်ခံ ပံ့ပိုးမှု ပြုဖို့ ဆွေးနွေးနေတါပါ။

ဆီးရီးယားရဲ့ အရေးကိစ္စ ကို အစိုးရ အနေနဲ့ ရေရှည် အချိန်ဆွဲ လုပ်ဆောင်နေတာကို ခွင့်မပြု နိုင်သလို၊ ဒီ အကြမ်းဖက်မှု မှာ ပါဝင် ပတ်သက်နေသူ တွေဆီက သဘောတူညီချက်တွေ မရပဲ နဲ့လည်း အချိန်သတ်မှတ်ချက် တွေ ပြုနေလို့၊ ခရီးရောက်မှာ မဟုတ်ဖူး လို့လည်းကိုဖီအာနန် က စောစော ပိုင်း က ပြောပါတယ်။

ကုလသမဂ္ဂ နဲ့ အာရပ်အဖွဲ့ချုပ် သံတမန် ရဲ့ ပြောခွင့်ရ ပုဂ္ဂိုလ် က ဆီးရီးယား အစိုးရ က ကိုဖီအာနန် ရဲ့ နိုင်ငံတွင်း အကြမ်းဖက်မှု တွေ ရပ်တံ့စေရေး အတွက် ချမှတ်ပြတဲ့ အကြံဉာဏ် ခြောက်ချက် ကို လက်ခံကြောင်း ပြောပါတယ်။

ဒီအချက်တွေ ကတော့ တိုက်ခိုက်မှု တွေ ရပ်တံ့မှု ကို ကုလသမဂ္ဂ ဖက်က စောင့်ကြည့်လေ့လာဖို့၊ အစိုးရတပ်တွေ အနေနဲ့ အတိုက်အခံတွေ စုရုံးရာ မြို့ကြီးတွေ ကနေ ဆုတ်ခွာရေး နဲ့ လူမှုရေး အကူအညီပေးမှု တွေ အတွက် လမ်းဖွင့်ပေးရေးသတာတွေ ပါဝင်ပါတယ်။

ဒါပေမယ့် ဒီအကြံပြုချက်တွေ ကို ဘယ်လို အောင်မြင်အောင် လက်တွေ့ အကောင် အထည်ဖေါ်ရေး အပိုင်းဟာ ပိုပြီး အရေးကြီးတဲ့ အကြောင်း ကုလ ပြောခွင့်ရ ပုဂ္ဂိုလ် က ရှင်းပြပါတယ်။ အကြောင်းကတော့ အာရပ်အဖွဲ့ချုပ်က လေ့လာရေး အဖွဲ့ဝင်တွေ က အကြမ်းဖက်မှု တွေ ရပ်တံ့အောင် ကြိုးစားခဲ့စဉ်က မအောင်မြင် ခဲ့လို့ ဖြစ်ပါတယ်။ရုရှ အစိုးရ ဖက်ကလည်း ဆီးရီးယား အစိုးရ အနေနဲ့ ကိုဖီအာနန် ရဲ့ အကြံပြုချက် ကို လက်ခံဖို့ တွန်းအားပေးပုံ ရကြောင်း ဘီဘီစီ သတင်းထောက် က ပြောပါတယ်။                      

ဆိုလ်းမြို့တော် ရောက် သမ္မတ အိုဘားမားနျူကလိယပ် ထိပ်သီး ညီလာခံ

တောင်ကိုးရီးယား ၊ဆိုလ်းမြို့မှာ နှစ်ရက်ကြာ ကျင်းပတဲ့ နျူကလီးယား လုံခြုံရေး ထိပ်သီးညီလာခံ မှာ တက်ရောက်လာတဲ့ ကမ္ဘာ့ခေါင်းဆောင် ၅၃ ဦးစလုံးက နျူကလီးယား အကြမ်းဖက် ချိန်းခြောက်မှု ကို တိုက်ဖျက်ရေး အပိုင်းမှာ ခိုင်မာ လေးနက်တဲ့ အရေးယူမှု ပြုကြဖို့ အချက်ကို နောက်ဆုံး ထုတ်ပြန်တဲ့ ကြေညာချက် မှာ ဖေါ်ပြ ထားပါတယ်။

နျူကလီးယား အကြမ်းဖက် ချိန်းခြောက်မှု ဟာဆိုရင် တကမ္ဘာလုံး ကို စိမ်ခေါ် ချိန်းခြောက် မှုထဲ မှာ တခု အပါအဝင် ဖြစ်တယ် လို့ ပြောကြပါတယ်။ ဒါကြောင်မို့ ခိုင်မာ တဲ့ အမျိုးသားရေး မူဝါဒ တွေ နဲ့ နိုင်ငံတကာ ပူးပေါင်းဆောင်ရွက်မှုတွေ ဟာ ဆိုရင်၊ အကြမ်းဖက်သမားတွေ ရဲ့ လက်ထဲ နျူကလီးယား ဆိုင်ရာ ပစ္စည်းတွေ မကျရောက်ဖို့ အရေးကြီးတဲ့ အကြောင်း ဆွေးနွေး ကြတါပါ။

တကယ်တော့ ဒီ ထိပ်သီးညီလာခံ ဟာ နျူကလီးယား အကြမ်းဖက် ချိန်းခြောက်မှု ကို အလေးပေး အာရုံစိုက် ကြတယ် ဆိုပေမယ့် မြောက်ကိုးရီးယား နဲ့ အီရန် ရဲ့ နျူကလီးယား အစီအစဉ် တွေ အပေါ်မှာ နိုင်ငံတကာ က စိုးရိမ်နေချိန် နဲ့ လည်း တိုက်ဆိုင်နေပါတယ်။

အမေရိကန်သမ္မတ အိုဘားမား ဟာ ပါကစ္စတန် သမ္မတ ဂီလာနီ နဲ့လည်း တွေ့ဆုံ ဆွေးနွေး ပါတယ်။ ဒီတွေ့ဆုံမှု ဟာဆိုရင် ပြီးခဲ့တဲ့ နှစ် မေလ က အမေရိတန် တပ်ဖွဲ့ဝင်တွေ ကနေ ပါကစ္စတန် မှာ အိုစမာ ဘင်လာဒင် ကို ပစ်သတ်မှု အပြီးမှာ ပထမဆုံး အကြိမ် တွေ့ကြတာလည်း ဖြစ်ပါတယ်။

အဆိုပါ စစ်ဆင်ရေး ကြောင့် နှစ်နိုင်ငံကြား မှာ ဆက်ဆံရေး မပြေမလည် ဖြစ်ခဲ့ရတါပါ။ ကနေ့ ခေါင်းဆောင်နှစ်ယောက် တွေ့ကြရာမှာတော့ အိုဘားမား က ပါကစ္စတန် အစိုးရ အနေနဲ့ အမေရိကန်နဲ့ ဆက်ဆံရေးကို ပြန်လည်သုံးသပ်ယင်း သင့်မြတ်မျှတ မှု နဲ့ အတူ၊ အမေရိကန် ရဲ့ လုံခြုံရေး လိုအပ်ချက် ကို လေးစားဖို့ မျှော်လင့်ကြောင်း ပြောသွားပါတယ်။

ALP ဟာ ထိုင်း၊ အိန္ဒိယနဲ့ဘင်္ဂလားဒေ့ရှ် နယ်စပ် တွေမှာ အခြေစိုက် လှုပ်ရှားတာဖြစ်ALP နဲ့ အစိုးရ၊ ငြိမ်းချမ်းရေး ဆွေးနွေးမယ်

ရခိုင်ပြည်လွတ်မြောက်ရေးပါတီ Arakan Liberation Party (ALP)နဲ့ မြန်မာအစိုး ရဟာ ဧပြီလဆန်းကျရင်၊ စစ်တွေမြို့မှာ ပထမ အကြိမ် တွေ့ဆုံပြီး၊ ငြိမ်းချမ်းရေးအတွက် ဆွေးနွေး ကြတော့မှာ ဖြစ်ပါတယ်။

အခုလို ဆွေးနွေးတဲ့ အခါ ALP ဘက်က တင်ပြဆွေးနွေးမယ့် အချက်တွေ အပေါ် အစိုးရဘက်က သဘောတူညီနိုင်မယ် ဆိုရင် အပစ်အခတ် ရပ်စဲရေး စာချုပ်၊ ချုပ်ဆို နိုင်မှာ ဖြစ်တယ်လို့ ALP ဒုဥက္ကဌ ခိုင်စိုးနိုင်အောင်က ထိုင်းနိုင်ငံ မဲဆောက်မြို့မှာ သတင်းထောက်တွေကို ဒီကနေ့ ပြောကြားပါတယ်။

ALP ဘက်က ဆွေးနွေးမယ့် အချက်တွေထဲမှာ အပစ်အခတ်ရပ်စဲရေး၊ ALP ရဲ့ သတ်မှတ် နယ်မြေတွေကနေ အစိုးရတပ်တွေ ဆုတ်ခွားပေးဖို့နဲ့ တပြည်လုံး အတိုင်းအတာနဲ့ အပစ် အခတ်ရပ်စဲရေး ထုတ်ပြန် ကြေညာပေးဖို့ စတဲ့ အချက်တွေ ပါဝင် တယ်လို့ ခိုင်စိုးနိုင်အောင်က ပြောပါတယ်။

အစိုးရဘက်က ဦးအောင်သောင်း ဦးဆောင်တဲ့ ငြိမ်းချမ်းရေးဖေါ်ဆောင်ရေးအဖွဲ့က ALP ကို နှစ်ကြိမ် ဆက်သွားလာပြီးတဲ့ နောက်မှာ ALP နဲ့ ရခိုင်ပြည်နယ် ဝန်ကြီးချုပ်တို့ဟာ ပြည်နယ် အဆင့် ငြိမ်းချမ်းရေး ဆွေးနွေးဖို့ ဖြစ်လာတာပါ။

ALP ဟာ မြန်မာနိုင်ငံရဲ့ နယ်ခြားဒေသတွေ ဖြစ်တဲ့ ထိုင်း၊ အိန္ဒိယနဲ့ ဘင်္ဂလားဒေ့ရှ် နိုင်ငံ နယ်စပ်တွေမှာ အခြေစိုက် လှုပ်ရှားနေကြတာ ဖြစ်လို့ အဲဒီ ၃ နိုင်ငံ နယ်စပ်က ALP ကိုယ်စားလှယ်တွေဟာ စစ်တွေကို ဧပြီလဆန်း အရောက်သွားပြီး၊ ဧပြီလ ၄ ရက်နေ့နဲ့ ၅ ရက်နေ့တွေမှာ ဆွေးနွေးကြမှာ ဖြစ်ပါတယ်။

ALP ကိုယ်စားလှယ်အဖွဲ့ ပထမအသုတ်ဟာ အိန္ဒိယနယ်ကနေ စစ်တွေကို မနက်ဖြန်သွားမှာ ဖြစ်ပြီး၊ ထိုင်းနယ်စပ်အဖွဲ့ ကတော့ အခုလ ၃၀ ရက်နေ့မှာ မဲဆောက် မြဝတီ ရန်ကုန်က တဆင့် စစ်တွေကို သွားကြမှာ ဖြစ်ပါတယ်။

ဘင်္ဂလားဒေ့ရ်ှက ကိုယ်စားလှယ်တွေ ကတော့ စစ်တွေနဲ့ အနီးဆုံးဖြစ်လို့ ဧပြီလ ၁ ရက်နေ့မှာ စတင်ထွက်ခွာလာမှာ ဖြစ်တယ်လို့ သိရပါတယ်။

Amnesty International အမှတ်တံဆိပ်သေဒဏ်ကွပ်မျက်မှု တိုးလာ နိုင်ငံတကာ လွတ်ငြိမ်းအဖွဲ့ ဆို

နိုင်ငံ အနည်းအကျဉ်းလောက်က သေဒဏ် ကွပ်မျက်မှုတွေ အတော်များများ စီရင်ခဲ့တာဟာ တုန်လှုပ်ဖွယ်ကောင်းလောက်အောင် ၂ဝ၁၁ ခုနှစ် အတွင်း အရေအတွက် များပြားခဲ့တယ်လို့ နိုင်ငံတကာ လွတ်ငြိမ်းချမ်းသာခွင့် အဖွဲ့ Amnesty International က ပြောပါတယ်။

ဒီအဖွဲ့ကြီးရဲ့ နှစ်ပတ်လည် အစီရင်ခံမှာ အရှေ့အလယ်ပိုင်း လေးနိုင်ငံ ဖြစ်တဲ့ အီရတ် ၊ အီရန် ၊ ဆော်ဒီ အာရေဗျနဲ့ ရီမင်တို့မှာ သေဒဏ် ကွပ်မျက်မှု အရေအတွက် ဟာ ၅ဝ ရာခိုင်နှုန်းလောက် ခုန်တက်သွားခဲ့တယ်လို့ ဆိုပါတယ်။

တရုတ်မှာတော့ နှစ်စဉ် ထောင်နဲ့ ချီ ဆက်လက် ကွပ်မျက်နေပြီး ဒီအရေအတွက် အတိအကျကို အစိုးရက လျှို့ဝှက်ထားတယ်လို့ Amnesty International က ပြောပါတယ်။

ဒါပေမယ့် တရုတ်က အုပ်ချုပ်ရေးပိုင်ဆိုင်ရာတွေရဲ့ ကျူးလွန်တဲ့ ပစ်မှု ဆယ့်သုံးခု အတွက်တော့ သေဒဏ် ကွပ်မျက်ခံရဖို့ ကင်းလွတ်ခွင့် ပေးလိုက်တယ်လို့ Amnesty International အစီရင်ခံစာမှာ ဖော်ပြထားပါတယ်။

ဒါ့အပြင် Amnesty Internationalရဲ့ ပြောချက်အရ လွန်ခဲ့တဲ့ ဆယ်စုနှစ်နဲ့ စာရင် နိုင်ငံ အတော်များများမှာ capital punishment တွေ သုံးပုံ တပုံလောက် လျော့ကျသွားတယ်လို့ ဆိုပါတယ်။

တောင်ပိုင်း ဆူဒန်သွားမယ့် ခရီးကို ဖျက်သိမ်း လိုက်တဲ့ သမ္မတ အိုမား အယ် ဘတ်ရှားဆူဒန်နဲ့ တောင်ပိုင်းဆူဒန် နှစ်ဖက် စစ်တပ် တိုက်ခိုက်

ဆူဒန် နိုင်ငံနဲ့ တောင်ပိုင်း ဆူဒန် နိုင်ငံကြား နယ်စပ်ဒေသတွေမှာ နှစ်ဖက်တပ်တွေကြား ပစ်ခတ်တိုက်ခိုက်မှု အတော်များများ ဖြစ်ပွားခဲ့ပါတယ်။

ဒါဟာ ပြီးခဲ့တဲ့ ဇူလိုင်လတုန်းက တောင်ပိုင်း ဆူဒန်နိုင်ငံ တရားဝင် လွတ်လပ်ရေး ရခဲ့ပြီးတဲ့နောက် အကြီးဆုံး နှစ်ဖက် ထိပ်တိုက် ရင်ဆိုင်မှု ဖြစ်တယ်လို့ တောင်ပိုင်း ဆူဒန်ရဲ့ လက်နက်ကိုင်တပ် ပြောခွင့်ရသူ တယောက်က ဘီဘီစီကို ပြောပါတယ်။

တဖက်နဲ့ တဖက် သူစပစ်တာ ကိုယ်စပစ်တာလို့ စွပ်စွဲ ပြောဆိုနေကြပြီး ဆူဒန် သမ္မတ Omar al-Bashir တောင်ပိုင်း ဆူဒန် နိုင်ငံ ဂျူဘားမြို့မှာ ထိပ်သီး အစည်းအဝေး မတက်ရောက်ခင် တပတ်အလိုမှာ အခုလို နှစ်ဖက်တပ်တွေ ပစ်ခတ်မှု ဖြစ်ပွားခဲ့တာပါ။

ဆူဒန်နိုင်ငံက ရေဒီယို ကြေညာချက်တွေ အရ အခုတော့ သမ္မတ အိုမာအယ် ဘတ်ရှားဟာ ခရီးစဉ်ကို ရပ်ဆိုင်းလိုက်ပြီလို့ ဆိုပါတယ်။                      

နာမယ်ကျော် ဇိမ်ခံကား BMWBMW ကား အစင်း ၁.၃သန်း ပြန်သိမ်း

ဂျာမန်ကား ကုမ္ပဏီ BMW က ကမ္ဘာတလွှား မှာရှိတဲ့ သူတို့ကုမ္ပဏီထုတ် ကားတွေမှာ ဘက်ထရီ ပြဿနာကြောင့် ဝါယာရှော့ ဖြစ်တာတို့ မီးလောင်တာဖို့ ဖြစ်ပွားနိုင်တာကြောင့် ကားအရေအတွက် ၁.၃ သန်း စင်းကို ပြန်သိမ်းဖို့ စီစဉ်နေပါတယ်။

၂ဝဝ၃ ခုနှစ်နဲ့ ၂ဝ၁ဝ ခုနှစ် အတွင်း ထုတ်ခဲ့တဲ့ five -series နဲ့ six-series မော်ဒယ်ကားတွေ အားလုံး ကိုပြင်ဖို့ ပြန်အပ်သင့်တယ်လို့ သူ့ကုမ္ပဏီထုတ် ကားပိုင်ရှင်တွေကို ဆော်သြထားပါတယ်။

အခုလို ဘတ်ထရီ ချွတ်ယွင်းမှုနဲ့ ပတ်သက်လို့ အကြောင်းကြားမှု ကိုးခုသာ လက်ခံ ရရှိခဲ့ပြီး ဒီပြဿနာကြောင့် ထိခိုက်ဒဏ်ရာရမှု တစုံတရာ မဖြစ်ခဲ့ဘူးလို့ BMW ကုမ္ပဏီက ဆိုပါတယ်။                      

ကုလကိုယ်စားလှယ်အဖွဲ့ ရွေးကောက်ပွဲစောင့်ကြည့်ဖို့ စေလွှတ်မည်

By ဗွီအိုအေ (မြန်မာဌာန)

မြန်မာနိုင်ငံမှာ ရှေ့တပတ်ထဲ ကျင်းပမယ့် လွှတ်တော် ကြားဖြတ်ရွေးကောက်ပွဲကို စောင့်ကြည့် အကဲခတ်ဖို့အတွက် ကိုယ်စားလှယ် အဖွဲ့တခု စေလွှတ်မယ်လို့ ကုလသမဂ္ဂက ပြောလိုက်ပါတယ်။ ကုလသမဂ္ဂရုံးချုပ်ရှိရာ နယူးယောက်က ကိုယ်စားလှယ် အဖွဲ့တဖွဲ့ကို စေလွှတ်မှာဖြစ်ပြီး လေ့လာတွေ့ရှိချက်တွေကိုတော့ ခရီးစဉ်အပြီး အတွင်းရေးမှူးချုပ် ဘန်ကီမွန်းထံ အစီရင်ခံသွားမှာ ဖြစ်တယ်လို့လည်း Inner City Press သတင်းဌာနကို အတွင်းရေးမှူးချုပ်ရုံး တာဝန်ရှိသူတွေက အင်္ဂါနေ့မှာ ပြောလိုက်တာပါ။

မြန်မာအစိုးရကတော့ ကြားဖြတ်ရွေးကောက်ပွဲတွေကို စောင့်ကြည့် အကဲခတ်ဖို့ အမေရိကန် ပြည်ထောင်စု၊ ဥရောပသမဂ္ဂနဲ့ အရှေ့တောင်အာရှ နိုင်ငံများအသင်း (Asean) တို့လို နိုင်ငံတကာ အသိုင်းအဝိုင်းက ကိုယ်စားလှယ်တွေကို လက်ခံမယ်လို့ ပြီးခဲ့တဲ့ သီတင်းပတ်ထဲမှာပဲ ကြေညာထားတာ ဖြစ်ပါတယ်။

ဥပဒေပြု အမတ်တွေနဲ့ သတင်းသမားတွေပါ ပါဝင်မယ့် အကဲခတ်အဖွဲ့တွေကို လက်ခံသွားမယ်လို့ ပြောဆိုခဲ့တာပါ။ ဧပြီလ ၁ ရက်နေ့ ကျင်းပမယ့် ကြားဖြတ် ရွေးကောက်ပွဲတွေဟာ မြန်မာအစိုးရရဲ့ ပြုပြင်ပြောင်းလဲရေး လုပ်ဆောင်မယ်လို့ ကတိပေးထားတာတွေကို စမ်းသပ်ချက် တခုဖြစ်မယ်လို့ ကုလသမဂ္ဂ အပါအဝင် နိုင်ငံတကာ အသိုင်းအဝိုင်းက သတိပေးထားတာ ဖြစ်ပါတယ်။

ပြီးခဲ့တဲ့နှစ် မတ်လထဲမှာ တက်လာတဲ့ အစိုးရသစ် ကတော့ ရွေးကောက်ပွဲတွေဟာ လွတ်လပ် မျှတမှု ရှိမှာ ဖြစ်တယ်လို့ ပြောဆိုထားတာပါ။ ဒါပေမဲ့လည်း အဓိက နိုင်ငံရေး ပါတီတခုဖြစ်တဲ့ အမျိုးသား ဒီမိုကရေစီ အဖွဲ့ချုပ် (NLD) အပါအဝင် ဒီမိုကရေစီ လိုလားတဲ့ နိုင်ငံရေး အင်အားစုတွေကတော့ ရွေးကောက်ပွဲအတွက် မဲစာရင်းတွေမှာ မမှန်မကန် ထည့်သွင်းထားတာတွေ၊ ရွေးကောက်ပွဲအကြို မဲဆွယ် စည်းရုံးလှုပ်ရှားမှုတွေမှာ မမျှတတာတွေလို လုပ်ရပ်မျိုးတွေ ရှိနေတယ်ဆိုပြီး ထောက်ပြ ဝေဖန်နေကြတာလည်း ဖြစ်ပါတယ်။

ရွေးကောက်ပွဲတွေအပြီး ဧပြီလ နှောင်းပိုင်းမှာတော့ ကုလသမဂ္ဂ အတွင်းရေးမှူးချုပ် ဘန်ကီမွန်း ကိုယ်တိုင်လည်း မြန်မာနိုင်ငံကို သွားရောက်ဖို့ စီစဉ်ထားတာ ဖြစ်ပါတယ်။

နိုင်ငံရေးမှာ တပ်မတော် ဆက်လက်ပါဝင်သွားမည်

By ကျော်ကျော်သိန်း

မြန်မာနိုင်ငံမှာ တပ်မတော်က ဦးဆောင်မှုကဏ္ဍမှာရှိနေတာကို သဘောတူပေမဲ့ အဲဒီအချက်ကြောင့် တပ်မတော် က နိုင်ငံကို အုပ်ချုပ်မယ် ဆိုတာမျိုးကိုတော့ သဘောမတူဘူးလို့ အမျိုးသားဒီမိုကရေစီအဖွဲ့ချုပ် NLD တာဝန်ရှိသူတဦးက ပြောပါ တယ်။ တပ်မတော်ဟာ တိုင်းပြည် ကာကွယ်ရေး တာဝန်ကိုပဲ ယူသင့် တယ်လို့ တိုင်းရင်းသား ခေါင်းဆောင်တဦးက ပြောသလို ၈၈ မျိုးဆက်ကျောင်းသားများ အဖွဲ့ ခေါင်းဆောင် တဦးကတော့ အမျိုးသား ပြန်လည်သင့်မြတ်ရေးကို မျှော်ကိုးပြီး ပုံစံတကျမဟုတ်သေး တဲ့ နိုင်ငံရေး ဖြစ်စဉ်တခု ကို ဖြတ်သန်းနေရတာဖြစ်တယ်လို့ ပြောပါတယ်။

၆၇ နှစ်မြောက် တပ်မတော်နေ့မိန့်ခွန်းအဖြစ် ကာကွယ်ရေးဦးစီးချုပ်ပြောသွားတဲ့ မိန့်ခွန်းပါ အချက်တချို့ အပေါ် အခုလို တုံ့ပြန်ချက် အသီးသီးကိုတော့ ကိုကျော်ကျော်သိန်းက ဘန်ကောက်ကနေ စုစည်းပြီး တင်ပြ ထားပါတယ်။

“နိုင်ငံတော်ဖွဲ့စည်းပုံအခြေခံဥပဒေ ပုဒ်မ ၂၀၊ ပုဒ်မခွဲ (စ)မှာ တပ်မတော်သည် နိုင်ငံတော် ဖွဲ့စည်းပုံ အခြေခံဥပဒေ ကို ကာကွယ်စောင့်ရှောက်ရန် အဓိက တာဝန်ရှိတယ်လို့ အတိအကျ ဖော်ပြ တာဝန် ပေးအပ် ထားပြီး ဖြစ်တယ်။ ဒါ့ကြောင့် တို့ တပ်မတော်အနေနဲ့ ခေတ်မီဖွံ့ဖြိုးတိုးတက်သော ဒီမိုကရေစီ နိုင်ငံတော်သစ် တည်ဆောက် ရာမှာ ဖွဲ့စည်းပုံ အခြေခံဥပဒေကို အဓိကတာဝန်တရပ်အနေနဲ့ ကာကွယ်စောင့်ရှောက် သွားရမှာ  ဖြစ်ကြောင်း ပြောကြားလိုတယ်။”

မြန်မာနိုင်ငံမှာ အစိုးရအဖွဲ့အပြောင်းအလဲဖြစ်ပြီးတဲ့နောက် ပထမဆုံးကျင်းပတဲ့ တပ်မတော်နေ့ အခမ်းအနား ကို နေပြည် တော်မှာ ကျင်းပခဲ့ပြီး ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင် တက်ရောက်ပြီး ပြောကြားတဲ့ မိန့်ခွန်းကို နိုင်ငံပိုင် အသံလွှင့် ဌာနတွေကနေ တိုက်ရိုက် ထုတ်လွှင့်ခဲ့တာပါ။

မိန့်ခွန်းထဲမှာ ဗိုလ်ချုပ်ကြီးမင်းအောင်လှိုင်က တပ်မတော်ဟာ အတိတ်တုန်းကလိုပဲ နိုင်ငံရေးမှာ ဆက်ပြီး ပါဝင် သွားမယ်လို့ ပြောပါတယ်။

“နိုင်ငံတော်ရဲ့ စီးပွားရေးဦးတည်ချက်တွေအတိုင်း တပ်မတော်က သက်ဆိုင်ရာကဏ္ဍက တတတ်တအား ပါဝင် ဆောင်ရွက် သွားမှာဖြစ်ကြောင်း ပြောကြားလိုတယ်။ ဒီကနေ့ နိုင်ငံတော်က ချီတက်နေတဲ့ ဒီမိုကရေစီ လမ်းကြောင်း မှာ အစိုးရရဲ့ အုပ်ချုပ်ရေးလုပ်ငန်းတွေကို တပ်မတော်က မှန်မှန်ကန်ကန် ရပ်တည် ဆောင်ရွက် ပေးသွားမှာ ဖြစ်လို့၊ ပြောင်းလဲလာတဲ့ ခေတ်စနစ်နဲ့အညီ၊ ဆောင်ရွက်နေတဲ့ ဒီမိုကရေစီအုပ်ချုပ်မှုပုံစံတွေကို မျက်ခြည်မပြတ် လေ့လောနေကြဖို့ လိုအပ်တယ်။”

နိုင်ငံပိုင်သတင်းစာတွေထဲမှာ ဖော်ပြထားတဲ့ တပ်မတော်နေ့ဦးတည်ချက်ထဲမှာလည်း နိုင်ငံတော်၏ အမျိုးသား နိုင်ငံရေး ဦးဆောင်မှုအခန်းကဏ္ဍတွင် စစ်မှန်သော မျိုးချစ်စိတ်ဓာတ် ဖြစ်သည့် ပြည်ထောင်စု စိတ်ဓာတ်ဖြင့် တပ်မတော်က ပါဝင် ထမ်းဆောင်နိုင်ရေးဆိုတဲ့ ဦးတည်ချက်တခု ပါဝင်ပါတယ်။

ဒီအပေါ် NLD ရဲ့ သဘောထားကို NLD ဗဟို အလုပ်အမှုဆောင်အဖွဲ့ဝင်တဦးဖြစ်တဲ့ ဦးဉာဏ်ဝင်းက အခုလို ပြောပါတယ်။

“ကျနော်တို့သဘောထားက ကျနော်တို့ NC လုပ်ကတည်းက တင်ပါတယ်။ တပ်မတော်က ဦးဆောင်မှု ကဏ္ဍမှာ ရှိနေတာကို ကျနော်တို့ သဘောတူတယ်။ သို့သော် ဦးဆောင်မှုဆိုပြီးတော့ တိုင်းပြည်ကို အုပ်ချုပ် မယ်ဆိုတာမျိုး ကိုတော့ ကျနော်တို့ သဘောမတူပါဘူး။”

နိုင်ငံရေးဦးဆောင်မှုအခန်းကဏ္ဍမှာ တပ်မတော်က ပါဝင်ရေးဆိုတာ ၂၀၀၈ ခုနှစ် ဖွဲ့စည်းပုံအခြေခံဥပဒေနဲ့ အာမခံချက် ပေးထားတဲ့ အချက်ဖြစ်ပါတယ်။ လွှတ်တော်အသီးသီးမှာလည်း မဲဆန္ဒရှင်လူထုက ရွေးကောက် တင်မြှောက်တာ မဟုတ်ဘဲ ကာကွယ်ရေး ဦးစီး ချုပ်က တိုက်ရိုက်ခန့်ထားတဲ့ တပ်မတော်သား လွှတ်တော် ကိုယ်စားလှယ် တွေက ၂၅% နေရာယူထားတာပါ။ ကာကွယ်ရေးဦးစီး ချုပ်က ဖွဲ့စည်းပုံကို ကာကွယ်ရမယ်လို့ ပြောခဲ့ပေမဲ့ ဦးဉာဏ်ဝင်းကတော့ -

"ကျနော်တို့က ဥပဒေတရပ်အနေနဲ့ လေးစားမယ်၊ ကာကွယ်စောင့်ရှောက်မယ်ဆိုတာကတော့ ကျနော်တို့ လက်မခံတဲ့ အသုံးအနှုန်းပါ။”

ဒီမိုကရေစီနိုင်ငံတခုအဖြစ် တည်ဆောက် မယ်ဆိုရင် တပ်မတော်ဟာ သူလုပ်ရမယ့်အလုပ်ကိုပဲ လုပ်သင့် တယ် လို့ ရခိုင်တိုင်းရင်း သား နိုင်ငံရေး ခေါင်းဆောင်တဦးဖြစ်တဲ့ ဦးအေးသာအောင်က ပြောပါတယ်။

ဒါနဲ့ ပတ်သက်လို့တော့ ကျနော်တို့က ရှင်းရှင်းပြောမယ်ဆိုရင် ဘ၀င်မကျဘူး။ ဒီမိုကရေစီနိုင်ငံကို သွားမယ် ဆိုရင် တပ်မတော်ဟာ တကယ့် ကာကွယ်ရေးအလုပ် လို့ ပြောရမယ့်အလုပ်ကိုပဲ ကျနော်တို့ လုပ်စေ ချင်တယ်။ ဒါလည်း တိုင်းပြည်အရေး နိုင်ငံအရေး အတွက်ပဲ ပေါ့၊ ဖွဲ့စည်းအုပ်ချုပ်ပုံ အခြေခံဥပဒေမှာ လမ်းညွှန် အနေနဲ့ ဖော်ပြထားတဲ့ တပ်မတော်သည် အမျိုးသားနိုင်ငံရေးမှာ ဦးဆောင်အခန်းကဏ္ဍက ပါရမယ် ဆိုတဲ့အချက်ကိုတော့ ကျနော်တို့က သိပ်ဘ၀င်မကျဘူး။ ပြီးတော့ ဒီမိုကရေစီနိုင်ငံ ဖော်ဆောင် မယ် ဆိုတဲ့ ဟန် နဲ့လည်း မကိုက်ညီဘူးလို့ ကျနော်တို့ မြင်ပါတယ်။”

အခြေခံဥပဒေဆိုတာ တပ်မတော်မှ မဟုတ်ဘဲ နိုင်ငံသားတိုင်းက လေးစားလိုက်နာရမှာဖြစ်တယ်လို့ ဦးအေးသာအောင် က ဆိုပေမဲ့ ၂၀၀၈ အခြေခံဥပဒေဟာ ဒီမိုကရေစီအခြေခံတွေ၊ တိုင်းရင်းသားများရဲ့ ရပိုင်ခွင့် တွေ မပါတဲ့အတွက် ပြင်ဖို့တော့ လိုတယ်လို့ ပြောပါတယ်။

၂၀၀၈ ခုနှစ် အခြေခံဥပဒေ အရဆိုရင် စစ်တပ်ရဲ့ ကိစ္စအရပ်ရပ်ဟာ ကာကွယ်ရေးဦးစီးချုပ်ရဲ့ ထိန်းချုပ်မှု အောက်မှာပဲ လုံးဝရှိနေတဲ့ အပြင် စစ်ဘက်နဲ့ပတ်သက်တဲ့ ပြစ်မှုဆိုင်ရာတွေကို အရပ်ဘက်ဥပဒေတွေအရ ဖွဲ့စည်းထားတဲ့ တရားရုံးတွေကနေ စစ်ဆေးခွင့်မရှိ ဘဲ စစ်တပ်ကဖွဲ့စည်းတဲ့ စစ်ခုံရုံးတွေမှာပဲ စစ်ဆေး အရေးယူ ရမှာဖြစ်ပါတယ်။

မြန်မာနိုင်ငံဟာ ကာလတခုမှာ ပုံစံတကျ မဟုတ်တဲ့ နိုင်ငံရေးဖြစ်စဉ်တခုကို ဖြတ်သန်းနေရတာဖြစ်ပါတယ်လို့ ၈၈ မျိုးဆက် ကျောင်းသားများအဖွဲ့ ခေါင်းဆောင်တဦးဖြစ်သူ ကိုကိုကြီးက ပြောပါတယ်။

“ကျနော်တို့က အမျိုးသားပြန်လည်သင့်မြတ်ရေးကို မျှော်ကိုးပြီးတော့ ကာလတခုမှာ သမားရိုးကျမဟုတ်တဲ့၊ ပုံစံတကျ မဟုတ်သေးတဲ့ နိုင်ငံရေးဖြစ်စဉ်တခုကို ဖြတ်သန်းနေရတာပါ။ တကယ့် တကယ်ကတော့ တည်ငြိမ် တဲ့ အခြေကျ တဲ့ ဒီမိုကရေစီနိုင်ငံတနိုင်ငံဖြစ်လာပြီဆိုရင် ဒီတပ်မတော်သားဆိုတာဟာလည်း နိုင်ငံသားတွေရဲ့ အစိတ်အပိုင်း တခုသာ ဖြစ်တာ ကြောင့် သူက အထူးအခွင့်အရေး ရယူခံစားတာမျိုး သာမန် နိုင်ငံသား တွေထက် ကျော်လွန်ပြီးတော့ အထူးအခွင့်အလမ်း တခုမှာ ရနေတာမျိုးဟာ သူတို့ကိုယ်က မဖြစ်သင့် ဘူးဆိုတာ ကို သူတို့ကိုယ်တိုင် နားလည် သဘောပေါက် လာလိမ့်မယ်လို့ ကျနော် ယုံကြည်မျှော်လင့်ပါတယ်။ နောက်ပြီးတော့ ဒါဟာ ကျနော်တို့ ရေရှည်သွားရမယ့် ပန်းတိုင်တခုလည်း ဖြစ်ပါတယ်။”

မြန်မာအစိုးရက တပ်မတော်နေ့လို့ခေါ်ပြီး NLD နဲ့ တခြားအဖွဲ့အစည်း တွေက တော်လှန်ရေးနေ့လို့ခေါ်တဲ့ မတ်လ ၂၇ ရက်နေ့ အထိမ်းအမှတ်အဖြစ် အခမ်းအနားတခုကို NLD ရုံးချုပ်မှာ ကျင်းပခဲ့သလို ၀ါရင့် နိုင်ငံရေးသမားကြီး တွေကလည်း သခင်သိန်းဖေ အိမ်မှာ မိတ်ဆုံစားပွဲတခု လုပ်ခဲ့ကြပါတယ်ခင်ဗျား။

နျူကလီးယားအကြမ်းဖက်မှု ဟန့်တားဖို့ ကမ္ဘာ့ခေါင်းဆောင်တွေ ကြိုးပမ်း

By ဒေါ်ခင်စိုးဝင်း

နိုင်ငံပေါင်း ၅၀ ကျော်ကခေါင်းဆောင်တွေက ကမ္ဘာကြီးမှာ အစုလိုက် အပုံလိုက် သိုလှောင်ထားတဲ့ Nuclear လက်နက်ကြီးတွေ လျှော့ချရေးအတွက် သူတို့တာဝန်ယူမှုကို ထပ်လောင်းအာမခံ လိုက်ကြပါ တယ်။  တောင်ကိုရီးယားနိုင်ငံ ဆိုးလ်မြို့မှာကျင်းပနေတဲ့ နှစ် ရက်ကြာ Nuclear လုံခြုံမှုဆိုင်ရာ ထိပ်သီးညီလာခံမှာ သမ္မတ အိုဘားမားက Nuclear လက်နက်ကြီးတွေ လျှော့ချရေးအတွက် နိုင်ငံတကာ အသိုင်းအ၀ိုင်းအနေနဲ့ အရှည်သဖြင့် အလေးအနက်ထား မဖြစ်မနေကြိုးပမ်းကြရပါလိမ့်မယ်လို့ ဒီကနေ့ အင်္ဂါနေ့မှာ တိုက်တွန်းပြောဆိုလိုက်တာပါ။

၂၀၁၀ ပြည့်နှစ်တုံးက ၀ါရှင်တန်မှာ အမေရိကန်က အိမ်ရှင်အဖြစ် ကမကထ ပြု ကျင်းပခဲ့တဲ့ ပထမအကြိမ် Nuclear လုံခြုံမှုဆိုင်ရာ ထိပ်သီးညီလာခံအပြီး အခုကျင်းပတဲ့ ညီလာခံမှာ ပါဝင် တက်ရောက်တဲ့ နိုင်ငံ ၅၀ ကျော် တိုးလာတာ တွေ့ရ တယ်လို့ သမ္မတအိုဘားမားကပြောပါတယ်။

နိုင်ငံတကာ အသိုင်းအ၀ိုင်းအနေနဲ့ Nuclear စွမ်းအင်ကို စိတ်ချလုံခြုံမှုနဲ့အတူ ထိရောက်စွာ အရပ်သုံးအတွက် ထုတ်လုပ်ခွင့်ရရေးကို ဦးတည်ပြီးတော့ ဒီညီလာခံကြီးကနေ  Nuclear အရေး ကြီးမားကျယ်ပြန့်တဲ့ ကမ္ဘာ့ဗိသုကာအဖြစ် ရပ်တည်နိုင်ရေးဆိုတဲ့ ရလဒ်ကို ဆောင်ကျဉ်းပေးမှာဖြစ်တယ်လို့လည်း ဆိုပါတယ်။ ဒါပေမဲ့ ဒီ ညီလာခံကြီးအပြီး ကြေညာချက်ထဲမှာတော့ ဒီရည်ရွယ်ချက် မည်မည်ရရ အထမြောက်တာ မတွေ့ရဘူးလို့ Australia သုတေသီ Martine Letts က VOA ကို ပြောပါတယ်။ Nuclear လုံခြုံမှုအတွက် အရေးပါတဲ့ အစိတ်အပိုင်းတခုအဖြစ်နဲ့သာ ဒီညီလာခံက ပံ့ပိုးပေးနိုင်တယ်လို့ သူက သုံးသပ် ပါတယ်။

မကြာခင်က မြောက်ကိုရီးယားကနေ Nuclear လက်နက်တင်ဆောင်နိုင်တဲ့ ဂြိုလ်တုတလုံး ရှေ့လမှာ လွှတ်တင်မယ်လို့ ကြေညာခဲ့တဲ့ ကိစ္စကတော့ ဒီထိပ်သီးညီလာခံကို အရိပ်ပမာ စိုးမိုးနေခဲ့တာဖြစ်ပါတယ်။ မြောက်ကိုရီးယားက သုတေသန ဂြိုလ်တုလို့ ပြောပေမဲ့ အနောက်နိုင်ငံတွေကတော့ ဒီဂြိုလ်တုလွှတ်တင်ရာမှာ တာဝေးပစ် ပဲ့ထိန်း ဒုံးလက်နက်ကို ထည့်သွင်း စမ်းသပ်တာဖြစ်မယ်လို့ ယူဆနေကြတာ ဖြစ်ပါတယ်။

ကြားဖြတ်ရွေးကောက်ပွဲ မီဒီယာစည်းမျဉ်း ပြန်ကြားရေး ထုတ်ပြန်

By သင်းသီရိ

ဧပြီလ ၁ ရက်နေ့မှာ ကျင်းပမယ့် ကြားဖြတ် ရွေးကောက်ပွဲအတွင်း  သတင်း သမားတွေ လိုက်နာရန် အတွက် ထုတ်ပြန် လိုက်တဲ့ အထဲက  အချက်တချို့ဟာ   သတင်းလွတ်လပ်ခွင့်ကို ကန့်သတ်ရာ ရောက်တယ်လို့  ပြည်တွင်း သတင်းသမား တွေက ဝေဖန်လိုက်ကြပါတယ်။ ရွေးကောက်ပွဲမှာ ပြည်တွင်း ပြည်ပ သတင်းသမား တွေ လိုက်နာဖို့ အတွက်  ပြန်ကြားရေး ဌာနက ဆောင်ရန် ရှောင်ရန် အချက်များ ဆိုပြီး  ပြန်ကြားရေးဌာန က ထုတ်ပြန် လိုက်တဲ့အပေါ် အခုလို အမြင်တွေ ရှိကြတာပါ။

ပြန်ကြားရေးဌာနက  ကြားဖြတ်ရွေးကောက်ပွဲမှာ  ပြည်တွင်း ပြည်ပ  သတင်းသမားတွေ လိုက်နာဖို့ ဆောင်ရန် ရှောင်ရန် အချက်တွေအဖြစ်  ကန့်သတ်ချက် တွေပါဝင်တဲ့  စာကို ဒီကနေ့ မတ်လ ၂၇ ရက် မှာ ထုတ်ခဲ့ပါတယ်။ ရွေးကောက်ပွဲဆိုင်ရာ ဥပဒေ တွေကို လိုက်နာရမယ် နိုင်ငံရဲ့ အချုပ်အချာ အာဏာကို လေးစား လိုက်နာဖို့နဲ့  ရွေးကောက်ပွဲ အာဏာပိုင်တွေက ဥပဒေနဲ့ အညီ ညွန်ကြား တာကို လိုက်နာ ဖို့တွေ လည်း ပါဝင်ပါတယ်။ အဲဒီအချက် တွေထဲက အပိုဒ် (၆၄) မှာဖော်ပြထားတဲ့ ရွေးကောက်ပွဲတွင်း မသမာမှုတွေ ဆိုပြီး မမှန်မကန် တိုင်ကြားမှုတွေ စွပ်စွဲမှုတွေကို မဖော်ပြ၊ မရေးသားကြဖို့ ဆိုတဲ့ အချက်ပါ ပါတယ်။ ဒီအချက်ဟာ အတော်လေး သတင်းသမားတွေ အတွက် ရှုပ်ထွေးစေတဲ့ ကန့်သတ်ချက်တခု ဖြစ်နေပြီး  သတင်း လုပ်ငန်း တွေအတွက် အတော်လေး အနှောင့်အယှက် ဖြစ်နေတဲ့ အချက်တခု ဖြစ်တယ်လို့ ပြည်တွင်း သတင်းအယ်တီတာ တဦးက သုံးသပ်ပါတယ်။

“အဲဒီ အပိုဒ် က ပိုခက်ပါတယ်။ အဲဒီ အပိုဒ်က ကျနော် တို့ က Complaints တွေ တိုင်း သတင်း သမားက မှန် မမှန် ချက်ခြင်း မသိနိုင်ပါဘူး။ ဘယ်နေ့မှာ ဘယ်သူက Complaint တက်တယ် ဆိုတာ နောက်နေ့မှာ ရေးဖို့ ကျနော် တို့မှာ တာဝန် ရှိတယ်လေ။ ကျနော် တို့မှာ တာဝန်ရှိတယ်။ ရေး လိုက်တဲ့ Issue ပေါ်မှာ သူတို့က ဟုတ်လား မဟုတ်လား စုံစမ်း စစ်ဆေးပြီးတော့ အဲဒီ သက်ဆိုင်ရာကို သူတို့ဘာသာ သူတို့ ဖြေရှင်းဖို့ ပဲ လိုအပ်တယ်။ ကျနော်တို့ ကို မမှန် သတင်း လွှင့်တယ် ဆိုတာ မျိုး Article 64 နဲ့ စွပ်စွဲ တာမျိုး ဆိုရင် အဆင်မပြေ လောက်ဖူး ခင်ဗျ။ အခက် အခဲတော့ ရှိမယ်။ သို့သော် ကျနော်တို့က တော့ ရေးဖို့ တာဝန် ရှိပါတယ်။ အဲဒါကို မရေးဘဲနဲ့ သိသိကြီးနဲ့ မျက်စိမှိတ် နေရတာ မျိုး ဆိုရင်တော့ အဆင် မပြေဘူးလေ။ ကျနော်တို့ ဒါ ရေးတော့ ရေးကြမှာပါဘဲ။ ဓာတ်ပုံဘဲဖြစ်ဖြစ် သတင်းဘဲ ဖြစ်ဖြစ် ဖော်ပြကြမှာဘဲ ခင်ဗျ။ လွှင့်တဲ့သူ၊ ကော်မရှင် အဖွဲ့ဝင်တွေ မှာဘဲ တာဝန် ရှိမှာပါဘဲ ခင်ဗျ။”

လာမယ့် တနင်္ဂနွေ ဧပြီလ ၁ ရက်နေ့မှာ ကျင်းပမယ့် ကြားဖြတ် ရွေးကောက်ပွဲကို ပြည်ပ အခြေစိုက် သတင်း မီဒီယာ တွေကို သတင်း ယူခွင့်ပေးသလို နိုင်ငံတကာ ရွေးကောက်ပွဲ စောင့်ကြည့်ရေးအဖွဲ့ တွေကိုလည်း လာခွင့် ပြုထားပါတယ်။ ပြည်ထောင်စု ရွေးကောက်ပွဲ ကော်မရှင် ကလည်း မနက်ဖြန် မတ် လ ၂၈ ရက် မနက် ၉ နာရီကျရင် နေပြည်တော်မှာ ရွေးကောက်ပွဲအတွက် သတင်းစာရှင်းလင်းပွဲတခုလည်း လုပ်မှာ ဖြစ်ပါတယ်။