09.03.2012 နေ့ဖတ်ရန်သတင်းများ

by Myanmar Journal on Friday, March 9, 2012 at 8:49am ·

 
ပုံထွက်အား ကောင်းတဲ့ iPad အသစ်iPad အသစ် ထွက်မယ်
ကမ္ဘာ့ ထိပ်တန်း Apple ကွန်ပျူတာ ကုမ္ပဏီ က ပုံထွက် ပိုပြတ်သားတဲ့ မျက်နှာပြင် နဲ့ iPad အသစ်ကို မတ်လ ၁၆ ရက်မှာ စ ရောင်းမယ် လို့ ကြေညာလိုက် ပါပြီ။
4 G အမျိုးအစား iPad အသစ်ဟာ iPad 2 ထက် ဝ.၆ မီလီမီတာ လောက်သာ ပိုထူပြီး ပေါင် ၄ဝဝ ကနေ ၆၅ဝ ဝန်းကျင်ထိ ဈေးနှုန်းနဲ့ ဗြိတိန်မှာ ရောင်းချမယ်လို့ ဆိုပါတယ်။
5-megapixel ရှိတဲ့ ကင်မရာ လည်း ပါပါတယ်။

Window 8 system အသုံးပြုတဲ့ လက်ကိုင် ကွန်ပျူတာတွေ ဈေးကွက်ထဲ ဝင်လာရင်တော့ Apple ရဲ့ ဝေစု အသာစီး ရမှုကို စိန်ခေါ် လာနိုင်တယ်လို့ သုံးသပ် နေကြပါတယ်။

ဒေသခံတွေရဲ့ လိုအပ်ချက်တွေကို လေ့လာဖို့ သွားဟုမ်းစ်မှာ ကုလဝင်
ဆီးရီးယား နိုင်ငံ ဟုမ်းစ်မြို့က ဘာဘာ အမာ ရပ်ကွက်မှာ ဖြစ်ပျက်နေတာ တွေဟာ ကမ္ဘာပျက် နေတဲ့ အတိုင်းပဲ လို့ ကုလသမဂ္ဂ လူမှု ကူညီရေး အကြီးအကဲ ဗယ်လာရီ အေးမို့စ်က မှတ်ချက်ပေး လိုက်ပါတယ်။
ဆီးရီးယား လခြမ်းနီ အဖွဲ့တွေနဲ့ အတူ ဒေသခံ တွေရဲ့ လိုအပ်ချက် တွေကို လေ့လာဖို့ သွားခဲ့ တာပါ။
ဘာဘာအမာ မှာ ဆီးရီးယား တပ်တွေက ရက် သတ္တပတ်တွေ ချီပြီး ဗုံးကြဲတာ ခံခဲ့ရပါတယ်။
အေးမို့စ်ရဲ့ ပြောခွင့်ရ ပုဂ္ဂိုလ် အဆိုအရ အဲဒီမှာ သေနတ်သံတွေ ကြားနေရဆဲ ဖြစ်ပြီး လူသူ မရှိတဲ့ တစပြင်လို ဖြစ်နေတယ်လို့ သိရပါတယ်။
ကြက်ခြေနီအဖွဲ့နဲ့ ဆီးရီးယား ကြက်ခြေနီ အဖွဲ့တွေကို ဒီရပ်ကွက်ထဲ ကယ်ဆယ်ရေး ပစ္စည်းတွေ ပို့ဖို့ ဝင်ခွင့် မပေးသေးပါဘူး။
ဒါပေမယ့် အပြင်ဘက် ရပ်ကွက်တွေမှာတော့ ထောက်ပံ့ရေး ပစ္စည်းတွေ စဝေနေပြီ ဖြစ်ပါတယ်။

ကေအိုင်အိုနဲ့ အစိုးရ ရွှေလီမှာ ပြန်ဆွေးနွေး
ကေအိုင်အို ကချင် လွတ်လပ်ရေး အဖွဲ့နဲ့ မြန်မာ အစိုးရရဲ့ ငြိမ်းချမ်းရေး ဖော်ဆောင်ရေး အဖွဲ့တို့ ကြာသပတေး နေ့က စတင်ပြီး ငြိမ်းချမ်းရေး တွေ့ဆုံ ဆွေးနွေး ခဲ့ပါတယ်။
ကေအိုင်အိုနဲ့ အစိုးရကြား ငြိမ်းချမ်းရေး ဆွေးနွေးမှု တွေကို ဇန်နဝါရီလက ပြုလုပ်ခဲ့စဉ်
အစိုးရ ဘက်က ပြည်ထောင်စု အဆင့် ငြိမ်းချမ်းရေး ဖော်ဆောင်ရေး အဖွဲ့မှာ ဦးအောင်သောင်း ခေါင်းဆောင်တဲ့ ကိုယ်စား လှယ် အဖွဲ နဲ့ ကေအိုင်အို ဘက်က ဗဟို ကော်မီတီဝင် ဦးဆွန်လွတ်ဂမ် ခေါင်းဆောင်တဲ့ ကိုယ်စားလှယ် အဖွဲ့တို့ တရုတ် မြန်မာ နယ်စပ် တရုတ် နိုင်ငံ ဘက်ခြမ်း ရွှေလီမြို့မှာ ဆွေးနွေးခဲ့တာပါ။
ပထမနေ့ ဆွေးနွေးမှုတွေ ကို ညနေပိုင်းက ရပ်နားခဲ့ပြီး သောကြာနေ့မှာ ဆက်လက် ဆွေးနွေးကြမှာ ဖြစ်ပါတယ်။
ဆွေးနွေးပွဲ ပထမနေ့မှာ ကေအိုင်အို ဘက်က ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့ကို တင်သွင်း ထားခဲ့တဲ့ အဆင့် သုံးဆင့်ပါ စာတမ်းကို ဆွေးနွေး ခဲ့ ပါတယ်။
ဆွေးနွေးပွဲ အတွက် တစ်ရက်ကြိုပြီး ရွှေလီမြို့ကို ရောက်ရှိ နေခဲ့တဲ့ ကေအိုင်အို ကိုယ်စားလှယ် အဖွဲ့မှာ အဖွဲ့ဝင် (၁၇) ယောက် ပါရှိ ပါတယ်။
မြန်မာ အစိုးရက အခု လပိုင်းတွေ အတွင်း တိုင်းရင်းသား လက်နက်ကိုင် အဖွဲ့ အတော် များများနဲ့ ဆွေးနွေးပြီး အပစ်အခတ် ရပ်စဲရေး သဘောတူညီချက်တွေ လက်မှတ် ရေးထိုးနိုင်ခဲ့ပါတယ်။
အနောက်နိုင်ငံ များကလည်း ဆယ်စုနှစ်ပေါင်း များစွာ ရှိလာခဲ့တဲ့ လက်နက်ကိုင် တို င်းရင်းသား ပဋိ ပက္ခ တွေကို ဖြေရှင်းပြီး လက်ရှိ ပြုလုပ်နေတဲ့ နိုင်ငံရေး ပြုပြင် ပြောင်းလဲမှုတွေကို ဆက် လုပ် မယ် ဆိုရင် ပိတ်ဆို့ အရေးယူမှုတွေကို ဖယ်ရှား ပေးမယ် လို့ ပြောဆိုခဲ့ကြပါတယ်။
လောလောဆယ် ကချင် ပြည်နယ် အတွင်းမှာ သူပုန် တွေနဲ့ အစိုးရကြား တိုက်ပွဲတွေ ဆက်လက် ဖြစ်နေတဲ့ အတွက် တရုတ် မြန်မာ နယ်စပ်က ယာယာယီ ဒုက္ခသည် စခန်းတွေကို ဒုက္ခသည်တွေ ထောင်နဲ့ ချီပြီး ထွက်ပြေး နေကြပါတယ်။

ဒဲရက် မစ်ချယ် ရန်ကုန်သွားမယ်
အမေရိကန် အထူး ကိုယ်စားလှယ် ဒဲရက် မစ်ချယ်ဟာ ကြားဖြတ် ရွေးကောက်ပွဲ ကိစ္စ၊ စစ်အစိုးရရဲ့ ပြုပြင် ပြောင်းလဲရေး တွေအတွက် အမေရိကန်ရဲ့ အားပေး ချီးမြှင့်မှု တွေကို ပြဖို့ မြန်မာပြည်ကို သွားမှာ ဖြစ်ပါတယ်။
ဒီ တနင်္ဂနွေ နေ့မှာ မြန်မာပြည်ကို တပတ်ကြာ သွားပြီး နေပြည်တော်မှာ အစိုးရ အရာရှိတွေနဲ့ တွေ့ဆုံမှာပါ။
ရန်ကုန် မန္တလေး မြို့တွေကိုလည်း သွားပြီး အရပ်သား အဖွဲ့အစည်းတွေ၊ လူပုဂ္ဂိုလ်တွေနဲ့ တွေ့ဆုံမယ်လို့ အမေရိကန် နိုင်ငံခြားရေး ဌာနက ဆိုပါတယ်။
ဒေါ် အောင်ဆန်းစုကြည် ဝင်ပြိုင်မယ့် ဒီရွေးကောက်ပွဲမှာ တရားမျှတ သန့်ရှင်းမှုတွေ ရှိရင် အနောက်နိုင်ငံတွေက ပိတ်ဆို့မှုတွေကို ရုပ်သိမ်း ပေးလာနိုင် ပါတယ်။

ဦးဂမ္ဘီရ ကို စစ်ဆေးပြီးပြန်လွှတ်
မတ်လ၆ရက် အင်္ဂါနေ့ညက အထူးရဲတပ်ဖွဲ့ကနေ စစ်ဆေးစရာရှိလို့ဆိုပြီး ခေါ်ဆောင်သွားတဲ့ ၂၀၀၇ သံဃ လှုပ်ရှားမှုရဲ့ ဦးဆောင် ဆရာတော်တပါး ဖြစ်တဲ့ အရှင်ဂမ္ဘီရကို မနေ့ည ၉နာရီခွဲ လောက်က ယာယီ သီတင်းသုံးနေတဲ့နေအိမ်ကို ပြန်လည် ပို့ပေးခဲ့ပါတယ်။
ဆရာတော်နဲ့အတူ ညီဖြစ်တဲ့ ကိုလွင်မောင်မောင်နဲ့ နိုင်ငံရေးအကျဉ်းသားဟောင်း ကိုထွန်းထွန်းဦးတို့ကိုလည်း ခေါ်ယူစစ်ဆေးခဲ့ပြီး ရှေ့ဆင့်နောက်ဆင့် ပြန်ပို့ပေးခဲ့တာဖြစ်တယ်လို့သိရပါတယ်။
ဆရာတော်ကို ချိပ်ပိတ်ထားတဲ့ ကျောင်းတွေကို ပြန်ဖွင့်ခဲ့တဲ့ ကိစ္စ ၊ကချင်ပြည်နယ်ကို သွားရောက်ခဲ့တဲ့ အကြောင်းရင်း စတာတွေကို မေးမြန်းခဲ့တယ်လို့ ဆရာတော်ရဲ့ညီ ကိုလွင်မောင်မောင် ပြန်ပြောပြပါတယ်။
ဆရာတော်က ကျောင်းတွေကိစ္စဟာ မဟနတွေနဲ့ပြေလည်ပြီးဖြစ်တယ်၊ ကချင်ပြည်နယ်ကို သွားတာဟာ စစ်ဘေးဒုက္ခသည်တွေ ဘာတွေ လိုအပ်သလဲဆိုတာ သွားလေ့လာတာ စသဖြင့် ပြန်ဖြေခဲ့တယ်လို့ ဆိုပါတယ်။
ဆရာတော် ဦးဂမ္ဘီရလုပ်ဆောင်ချင်တာတွေကို အစိုးရနဲ့ပူးပေါင်းလုပ်ဆောင်နိုင်ကြောင်း စစ်ဆေးသူတွေကပြောတော့ ဆရာတော်က အစိုးရအဖွဲ့တွေ နိုင်ငံရေးပါတီတွေနဲ့သီးခြားနေချင်လို့ လုပ်နိုင်သမျှကိုယ့်ဖာသာလုပ်နေတဲ့အကြောင်း ပြန်မိန့်ခဲ့တယ်လို့ ပြောပါတယ်။
ဆရာတော် ဦးဂမ္ဘီရကတော့ ကချင်ပြည်နယ်ကပြန်လာတာခရီးပမ်းတာရော ညကကောင်းကောင်းမအိပ်ရဘဲ စစ်ဆေးခံရတာကြောင့် ကျန်းမာရေးမကောင်းလို့ ဆေးကုသမှုခံယူနေရတယ်လို့သိရပါတယ်။
ဆရာတော် ဦးဂမ္ဘီရဟာ ဇန်န၀ါရီ ၁၃ ရက်က သမတရဲ့ လွတ်ငြိမ်းချမ်းသာခွင့်နဲ့ လွတ်မြောက်လာပြီးနောက် သံဃာတော်တွေနေထိုင်ဖို့ ကျောင်းမရှိတာကြောင့် ချိပ်ပိတ်ထားတဲ့ မဂ္ဂင်ကျောင်းတိုက်နဲ့ တခြား ၃ကျောင်းကို အာဏာပိုင်ခွင့်ပြုချက်မယူဘဲ ဖွင့်လှစ်သီတင်းသုံးနေထိုင်စေခဲ့ပါတယ်။
အဲဒီကိစ္စကြောင့် နိုင်ငံတော်သံဃမဟာနယကနဲ့ တာဝန်ရှိသူတွေက ၃ကြိမ်တိုင်တိုင်ဆင့်ခေါ်တဲ့အခါ မကြွရောက်ခဲ့လို့ ဖေဖေါ်ဝါရီ ၁၀ရက်နေ့ကလည်း ခုလိုဘဲ တညတာ ခေါ်ယူစစ်ဆေးတာခံခဲ့ရပါသေးတယ်။
ခုတကြိမ်ခေါ်ယူစစ်ဆေးတာနဲ့ပါဆိုရင် ဆရာတော်ထောင်ကလွှတ်လာပြီးတဲ့နောက် ဒုတိယအကြိမ်မြောက် ခေါ်ယူစစ်ဆေးခံရတာဖြစ်ပါတယ်ခင်များ

အပြည်ပြည်ဆိုင်ရာအမျိုးသမီးများနေ့ဆန္ဒပြပွဲမြန်မာအမျိုးသမီးတွေ အခွင့်အရေးချိုးဖေါက်ခံရဆဲဖြစ်
ဒီကနေ့ကျရောက်တဲ့ နိုင်ငံတကာ အမျိုးသမီးများနေ့ကို ကမ္ဘာတဝှမ်းနေရာ တထောင်ကျော်မှာ ကျင်းပကြပါတယ်။ မြန်မာ ပြည်တွင်းမှာလည်း အမျိုးသမီး အခွင့်အရေး လှုပ်ရှားသူတွေက ရန်ကုန် ထားဝယ်စတဲ့ မြို့တွေအပါအဝင် ပလောင် ကယား တိုင်းရင်းသား ဒေသတွေမှာလည်း ကျင်းပတယ်လို့ ထိုင်းအခြေစိုက် အမျိုးသမီးများ အဖွဲ့ချုပ် မြန်မာ နိုင်ငံမှလွေးနွေနှောင်းက ဘီဘီစီကိုပြောပါတယ်။
အခုအခါ အစိုးရသစ်လက်ထက်မှာ တိုင်းရင်းသား ဒေသတွေအတွင်း အပစ်အခတ်ရပ်စဲပေမယ့် လူ့အခွင့်အရေး ချိုးဖေါက်မှုတွေ အမျိုးသမီးတွေကို အဓမ္မပြုကျင့်မှုတွေ ဆက်ရှိနေဆဲဘဲလို့ သူကဆက်ပြောပါတယ်။
အဓိကအားဖြင့် စစ်ပွဲတွေဖြစ်နေတဲ့ ကရင်ပြည်နယ် ကယားပြည်နယ် ရှမ်းပြည်နယ်တွေမှာ အစိုးရစစ်တပ်ဘက်က မတရားပြုကျင့်မှုတွေဆက်ရှိနေတယ်လို့သူ့ရဲ့စုံစမ်းသိရှိချက်တွေ အစီရင်ခံစာတွေအပေါ်အခြေခံပြီး လွေးနွေနှောင်းက ပြောပါတယ်။
အပြည်ပြည်ဆိုင်ရာ အမျိုးသမီးနေ့မှာ အာရှဒေသအတွင်း မြန်မာ အိန္ဒိယ သိရိလင်္ကာ ပါကစ္စတန်စတဲ့နိုင်ငံတွေမှာ အမျိုးသမီးတွေအဓမ္မကျင့်ခံရတဲ့ ပြဿနာကို အာရှလူ့အခွင့်အရေး ကော်မရှင်က ထောက်ပြထားပါတယ်။
အခုနှစ် အတွက် အဓိကဦးတည်ချက်ကတော့ အမျိုးသမီးတွေရဲ့အရည်အချင်းတွေကို အသိမှတ်ပြုဖို့ နဲ့ အမျိုးသမီးအခွင့်အရေး ရဖို့ ခွဲခြားဆက်ဆံမှုရှိနေသေးတယ်ဆိုတာ ဖေါ်ထုတ်ဖို့ အပြည်ပြည်ဆိုင်ရာအမျိုးသမီးနေ့ကျင်းပရေးအဖွဲ့က မီးမောင်းထိုးပြ ထားပါတယ်။

ဆီးရီးယားမှာ ပြည်ပ စစ်ရေး မစွက်ဖက်ဖို့ ကိုဖီအာနန် သတိပေး
ကမ္ဘာ့ ကုလသမဂ္ဂနဲ့ အာရပ် အဖွဲ့ချုပ် ရဲ့ ဆီးရီးယား နိုင်ငံ ဆိုင်ရာ အထူး သံတမန် မစ္စတာ ကိုဖီအာနန်က ဆီးရီးယားကို ပြည်ပ ကနေ စစ်ရေး အရ တစုံတရာ ဝင်ရောက် စွက်ဖက်မှုဟာ အခြေ အနေ ပိုဆိုးအောင် လုပ်တာသာ ဖြစ်မယ်လို့ ပြောရင်း စစ်ရေး စွက်ဖက်မှုကို ဆန့်ကျင် သတိပေးလိုက် ပါတယ်။
ဆီးရီးယား အရေးကို နိုင်ငံရေး နည်းနဲ့ ဖြေရှင်းမှ ရမယ်လို့ မစ္စတာ အာနန် ပြော
ဘယ်သူ ကမှ အင်အားသုံးဖို့ စဉ်းစားမှာ မဟုတ်ပါဘူး လို့မျှော်လင့်ကြောင်းလည်း သူက ပြောပါတယ်။
စီစဉ်ထားတဲ့ Damascus ခရီးစဉ် မတိုင်ခင် မစ္စတာ အာနန်က ဆီးရီးယား ပြဿနာကို နိုင်ငံရေး အရ ဖြေရှင်း မှသာ ပြေလည်အောင် နိုင်လိမ့်မယ် လို့ ပြောပါတယ်။
မစ္စတာ အာနန်က ဆီးရီးယား ပြည်သူလူထု ရဲ့ မျှော်မှန်းချက်တွေကို ထင်ဟပ် စေတဲ့ ဖြေရှင်းမှု တစ်ရပ် ရအောင် ဦးတည် ဆောင်ရွက်ကြဖို့ အတိုက်အခံ ဘက်ကိုရော အစိုးရ ဘက်ကိုပါ တိုက်တွန်းခဲ့ ပါတယ်။
အာရပ် အဖွဲ့ချုပ် ရဲ့ အတွင်း ရေးမှူးချုပ် နာဘီ အယ်လ် အာရဘီ Nabil El-Araby နဲ့ ဆွေးနွေးပြီးတဲ့ နောက် အခုလို ပြောခဲ့တာ ဖြစ်ပါတယ်။
မစ္စတာ နာဘီ အယ်လ် အာရဘီ ကလည်း အခုလောလောဆယ် တိုက်ခိုက်မှုတွေ ရပ်ဖို့ တိုက်တွန်းလိုက်ပါတယ်။
လူသားချင်း စာနာမှု ဆိုင်ရာ အကူ အညီတွေ၊ ဆေးဝါး အထောက်အကူတွေ၊ စတင် ပေးဖို့ လိုနေတယ် လို့လည်း သူက ပြောပါတယ်။
ဆီးရီးယား ဝန်ကြီး ဘက်ပြောင်း
မစ္စတာ ဟူဆန် အက်ဒင်က အစိုးရဘက်က လက်တုံ့ ပြန် မှာကို မျှော်လင့်ထား
ဆီးရီးယား နိုင်ငံရဲ့ လက်ထောက် ရေနံ ဝန်ကြီး အက်ဘ်ဒို ဟူဆန် အက်ဒင် Abdo Hussam-eddin က သူဟာ အစိုးရ အဖွဲ့ကနေ ဆီးရီးယား လူထု တော်လှန်ရေး ဘက်ကို ဘက်ပြောင်း လာပြီလို့ ထုတ်ဖော် ပြောလိုက် ပါတယ်။
လွန်ခဲ့တဲ့ တစ်နှစ်က သမ္မတ အာဆတ်ကို ဆန့်ကျင်တဲ့ လူထု အုံကြွမှုကြီး နောက်ပိုင်း ဘက်ပြောင်း လာတဲ့ အရပ်သား အရာရှိကြီးတွေထဲမှာ သူဟာ အဆင့် အမြင့်ဆုံး ဖြစ်ပါတယ်။
အင်တာနက်မှာ ဖော်ပြ ထားတဲ့ ဗီဒီယို ထဲမှာ ဆီးရီးယား အာဏာပိုင်တွေက သူ့အိမ်ကို မီးရှို့ပြီး သူ့မိသားစုတွေကို လိုက်လံ ရှာဖွေပြီး တုံ့ပြန် လိမ့်မယ်လို့ မျှော်လင့် ထားကြောင်း ပြောပါတယ်။
တခြား အစိုးရ အဖွဲ့ဝင်တွေ ကိုလည်း သမ္မတ အာဆတ် အစိုးရ အဖွဲ့ကနေ နုတ်ထွက်ကြဖို့ သူက တိုက်တွန်း ပါတယ်။

နိုင်ငံရေး အကျဉ်းသူဟောင်း မဇင်မာအောင် သတ္တိရှင် အမျိုးသမီးဆုရ
By ဗွီအိုအေ (မြန်မာဌာန)
မဇင်မာအောင် လက်ဝဲဘက် -(ဒု)၊ အခြားဆုရှင်များနှင့်အတူ သမ္မတကတော် မီရှဲလ်အိုဘားမား(လယ်)၊ နိုင်ငံခြားရေးဝန်ကြီး ဟီလာရီကလင်တန် ယာဘက်အတွင်း (စတုတ္ထမြောက်)
လူ့အခွင့်အရေးနဲ့ တန်းတူညီမျှရေးအတွက် လှုပ်ရှားဆောင်ရွက်နေတဲ့ ကမ္ဘာတဝန်းက အမျိုးသမီး (၁၀) ဦးကို အပြည်ပြည်ဆိုင်ရာ အမျိုးသမီးများနေ့မှာ အမေရိကန်အစိုးရက ချီးကျူးဂုဏ်ပြု လိုက်ပါတယ်။
၂ဝ၁၂ ခုနှစ်အတွက် အမျိုးသမီး ရဲစွမ်းသတ္တိရှင်တွေအဖြစ် နိုင်ငံ အသီးသီးက အမျိုးသမီးဆယ်ဦးကို ချီးမြှင့်ခဲ့တာမှာ မြန်မာနိုင်ငံက မဇင်မာအောင်လည်း ပါဝင်ပါတယ်။ ဒီမိုကရေစီနဲ့ လူနည်းစု တိုင်းရင်းသားတွေရဲ့ အခွင့်အရေးတွေ တိုးမြှင့်ရရှိရေး ကြိုးပမ်းလုပ်ဆောင်မှုတွေ အတွက် နိုင်ငံရေးလှုပ်ရှားသူ မဇင်မာအောင်ကို ဂုဏ်ပြု ချီးမြှင့်ခဲ့တာ ဖြစ်ပါတယ်။
မဇင်မာအောင်ဟာ အကျဉ်းထောင်ထဲမှာ ၁၉၉၈ ခုနှစ်ကနေ ၂ဝဝ၉ ခုနှစ်အထိ ၁၁ နှစ်ကြာ အကျဉ်းကျခံခဲ့ရသူ ဖြစ်ပါတယ်။ အကျဉ်းထောင်ကနေ လွတ်မြောက်လာပြီးတဲ့ အချိန်ကတည်းက စပြီး နိုင်ငံရေးမှာ အမျိုးသမီးတွေ ပါဝင်နိုင်တဲ့ အခန်းကဏ္ဍ တိုးတက်လာရေးအပါအဝင် အနာဂတ် ဒီမိုကရေစီနိုင်ငံအတွက် အကျိုးရှိစေမယ့် လုပ်ငန်းတွေကို တခြား အဖွဲ့အစည်းတွေနဲ့ လက်တွဲ လုပ်ဆောင်ခဲ့ပါတယ်။အမျိုးသမီးတွေရဲ့ တန်းတူညီမျှခွင့်အတွက် ကြိုးစားလုပ်ဆောင် တာဟာ မှန်ကန်တဲ့ လုပ်ရပ်တခုသာမကဘဲ ချက်ချာပါးနပ်တဲ့ လုပ်ရပ်လည်းဖြစ်ပါတယ်လို့ ဆုချီးမြှင့်ပွဲ အခမ်းအနားမှာ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hilary Clinton) က ပြောခဲ့ပါတယ်။
မဇင်မာအောင်နဲ့အတူ အသိအမှတ်ပြု ချီးမြှင့်ခံရတဲ့ အမျိုးသမီး ရဲစွမ်းသတ္တိ ဆုရှင်တွေထဲမှာ ပါကစ္စတန်၊ အာဖဂန်နစ္စတန်၊ ဆော်ဒီအာရေဗီးယား၊ ဆူဒန်၊ တူရကီ၊ လစ်ဗျား၊ ကိုလမ်ဘီယာ၊ မော်လ်ဒိုက်ဗ်၊ တူရကီနဲ့ ဘရာဇီးလ်နိုင်ငံတွေက ဖြစ်ပါတယ်။

မြန်မာနိုင်ငံဆိုင်ရာ အမေရိကန် သံတမန်နဲ့ သီးသန့် တွေ့ဆုံမေးမြန်းချက်
By Aung Lwin Oo

ဓာတ်ပုံ - အေပီ
လက်ရှိ မြန်မာနိုင်ငံမှာ ဖြစ်ထွန်းနေတဲ့ ပြုပြင်ပြောင်းလဲရေး အခြေအနေတွေဟာ လက်ရှိ ကမ္ဘာပေါ်မှာ တွေ့မြင်နေရတဲ့ အထဲက အကောင်းဆုံးတခု ဖြစ်တယ်၊ ဘယ်ဖက်ကမှ အရှုံးမပေါ်နိုင်တဲ့ အခြေအနေ ဖြစ်တယ်လို့ မြန်မာနိုင်ငံဆိုင်ရာ အမေရိကန် အထူးကိုယ်စားလှယ် ဒဲရစ် မစ်ချဲလ် (Derek Mitchell) က ပြောလိုက်ပါတယ်။ ရှေ့သီတင်းပတ်မှာ မြန်မာနိုင်ငံကို သီတင်းတပတ်ကြာ မသွားရောက်မီ မြန်မာနိုင်ငံဆိုင်ရာ မူဝါဒ ညှိနှိုင်းရေးမှူး ကို ဦးကျော်ဇံသာ က ၀ါရှင်တန် ဒီစီ မှာရှိတဲ့ အမေရိကန် နိုင်ငံခြားရေး ၀န်ကြီးဌာနမှာ တွေ့ဆုံ မေးမြန်းရာမှာ ပြောဆိုလိုက်တာပါ။ အမေရိကန် သံတမန် မစ်ချဲလ် နဲ့ ဗွီအိုအေ မြန်မာပိုင်း အယ်ဒီတာ ဦးကျော်ဇံသာ သီးသန့် မေးမြန်းချက် အပြည့်အစုံကို အသံနဲ့ နားဆင်နိုင်ပါတယ်။

ဆီးရီးယား ပြဿနာ စစ်ရေးနဲ့ မဖြေရှင်းဖို့ ကုလအထူးကိုယ်စားလှယ် သတိပေး
By ဗွီအိုအေ (မြန်မာဌာန)
ဆီးရီးယားနိုင်ငံမှာ မငြိမ်မသက်ဖြစ်မှုတွေကို စစ်ရေးအရ ရှေ့တိုးဆောင်ရွက် အရေးယူမှုတွေ ရှိမယ်ဆိုရင် အခြေအနေတွေပို ဆိုးလာလိမ့်မယ်လို့ ကုလသမဂ္ဂအာရပ် အဖွဲ့ချုပ်ရဲ့ ဆီးရီးယား နိုင်ငံဆိုင်ရာ အထူးကိုယ်စားလှယ် Kofi Annan က သတိပေး ပြောဆိုလိုက်ပါတယ်။
ဆီးရီးယားနိုင်ငံရဲ့ ပဋိပက္ခတွေကို ပြင်ပကတပ်ဖွဲ့တွေက အင်အားသုံး နှိမ်နင်းဖြေရှင်းမယ်ဆိုရင် အဲဒီတွက်ဆချက်က မှားမှာဖြစ်ပြီး ဒေသထဲမှာ ကျယ်ကျယ်ပြန့်ပြန့် ထိခိုက်မှုတွေ ရှိလိမ့်မယ်လို့  ကြာသာပတေးနေ့က အီဂျစ်နိုင်ငံ၊ ကိုင်ရိုမြို့ကို ရောက်လာတဲ့ Mr. Anan က ပြောပါတယ်။
အာရပ်အဖွဲ့ ချုပ် အတွင်းရေးမှူးချုပ် Nabil  Elaraby နဲ့ တွေ့ဆုံအပြီးမှာ ကုလသမဂ အကြီးအကဲဟောင်း Mr. Anan က ခုလို ပြောဆိုခဲ့တာဖြစ်ပါတယ်။ Syria သမ္မတ Bashar Al Assad ရဲ့ ၁၁ နှစ်ကြာ အာဏာချုပ်ကိုင်ထားတဲ့ အစိုးရကို ပြန်ပြီး တိုက်ခိုက် နေတဲ့ Syrai သူပုန်တွေရဲ့ တိုက်ပွဲတွေ အဆုံးသတ်သွားအောင် Syria သူပုန်တပ်တွေကို လက်နက် ထောက်ပံ့ပေးဖို့ Qartar နဲ့ Saudi  Arabia နိုင်ငံတွေက တောင်းဆိုခဲ့ကြပါတယ်။ ဒါပေမယ့် Syria နိုင်ငံတည်ငြိမ်မှုကို ထိခိုက်မှာစိုးတယ်ဆိုတဲ့ ပူပန်မှုတွေကို အကြောင်းပြပြီး အနောက်အင်အားကြီး နိုင်ငံတွေက Syria ကို အရေးဝင်ရောက်ဆောင်ရွက်ဖို့ကို တုံ့ဆိုင်းနေခဲ့ကြတာ ဖြစ်ပါတယ်။
Syria နိုင်ငံကို ဒေသတွင်း အင်အားကြီးနိုင်ငံမဟုတ်တဲ့ နိုင်ငံတွေကဝင်ပြီး အရေးယူဆောင်ရွက်မယ့် အရေးကို တူရကီက ဆန့်ကျင်တယ်လို့ သမ္မတ Abdullah Gul က ကြာသာပတေးနေ့က ပြောပါတယ်။ Tunisian မြို့တော် Tunis ကို အလည်အပတ်ခရီး လာရောက်စဉ်မှာ တူရကီသမ္မတက ခုလို ပြောဆိုခဲ့တာဖြစ်ပါတယ်။

ကျပ်ငွေလဲနှုန်း ပေါက်ဈေးနဲ့အညီ အရှင်ထားတော့မည်
နန္ဒာချမ်း

ဓာတ်ပုံ Reuters
မြန်မာနိုင်ငံမှာ မှောင်ခို ငွေလဲဈေးကွက် ပပျောက်အောင်နဲ့ ငွေလဲနှုန်း တမျိုးတည်း ဖြစ်အောင် ပေါင်းစည်းဖို့ ရည်ရွယ်ချက်နဲ့ လာမယ့် ဘဏ္ဍာရေးနှစ်ကစပြီး - ငွေလဲလှယ်နှုန်းတွေကို ဈေးကွက်ပေါက်ဈေးအတိုင်း နှုန်းအရှင် ထားရှိတော့မယ်လို့ သိရပါတယ်။ ဒါပေမဲ့လည်း အဲ့ဒီလို လုပ်ဆောင်တဲ့နေရာမှာ လက်ရှိ ငွေလဲနှုန်း ထားအတိုင်း အတည်ပြု သတ်မှတ်သွားမယ်ဆိုရင် နိုင်ငံခြားပို့ကုန်လုပ်ငန်းရှင်တွေအနေနဲ့ အခက်အခဲရှိနိုင် တယ်ဆိုပြီး ဘဏ်လုပ်ငန်းရှင်တွေနဲ့ စီးပွားရေးပညာရှင်တွေက ပြောဆိုနေတာပါ။
မြန်မာနိုင်ငံမှာ ဘဏ်ငွေကြေးဈေးကွက် ဖွံ့ဖြိုးဖို့နဲ့ ဧပြီလ ၂၀၁၂ - ၂၀၁၃ ဘဏ္ဍာရေးနှစ်ကို စတင်တဲ့အခါ - ငွေလဲလှယ်နှုန်းကို လက်ရှိပေါက်ဈေးအတိုင်း နှုန်းအရှင် ထားရှိတော့မယ်ဆိုတဲ့အကြောင်း - မြန်မာနိုင်ငံ တော် ဗဟိုဘဏ်ရဲ့ အထောက် အထားကို ကိုးကားပြီး ရိုက်တားစ် သတင်းမှာ ရေးသားထားပါတယ်။ အဓိက ကတော့ - မြန်မာနိုင်ငံမှာ အမျိုးမျိုး ဖြစ်နေတဲ့ နိုင်ငံခြားငွေ လဲလှယ်မှုကို တပေါင်းတစည်းတည်း ဖြစ်အောင် ဒီလကုန် နောက်ဆုံးထား လုပ်ဆောင်သွားဖို့ ပြင်ဆင်နေတဲ့အကြောင်း ဗဟိုဘဏ် အကြီးအကဲ တဦးကနေ ပြောဆိုထားတာပါ။ ဒီအခြေအနေနဲ့ပတ်သက်ပြီး - မြန်မာနိုင်ငံ ဗဟိုဘဏ် ဥက္ကဌဟောင်း လည်းဖြစ် - လက်ရှိ အစိုးရရဲ့ ဘဏ္ဍာရေးနဲ့ အခွန်ဝန်ကြီးဌာန အကြံပေးအဖွဲ့ခေါင်းဆောင်လည်းဖြစ်တဲ့ ဦးသန်းလွင် ကတော့ -
“သူတို့အနေနဲ့တော့ လဲလှယ်နူန်းကို သတ်မှတ်မယ်လို့တော့ပြောပါတယ် နောက်ဘက်ဂျက်က ဧပြီလဆိုတော့လည်း ကျနော်တို့ ဒါမဖြစ်ဘူးလို့တော့ မပြောတတ်ဘူး ဖြစ်နိုင်ပါတယ်။ ငွေလဲနူန်း ကတော့ တည်ငြိမ်မူတခုရှိရင်တော့ ပိုပြီးတော့မှ အဆင်ပြေမယ်လို့ထင်ပါတယ်။ စီးပွားရေး လုပ်ငန်းရှင်တွေက ကျတော်တို့တည်တည်ငြိမ်ငြိမ်ဆိုရင် ဘယ်လောက်နဲ့ငွေလဲလှယ်ပြီးတော့ အလုပ်လုပ်ရမယ် ကုန်ထုတ်ရမယ် ကုန်သွင်းရမယ် စသည်အားဖြင့် တွက်ခြေကို အနီးစပ်ဆုံး တွက်လို့ရမယ်။ သိ်ု့သော် လက်ရှိ ရှိနေတဲ့ ငွေဈေးလောက်ကို ကြိုက်ပြီလို့လည်း သတင်းတခု ထွက်တဲ့အတွက် တကယ်လို့ အဲ့ဒါကြိုက်ပြီလို့ပြောတာက တာဝန်ရှိသူတွေအပိုင်းကကြိုက်တာလား အစိုးရပိုင်းက ကြိုက်တာလားဆိုတာ ကျတော်တို့က တိတိကျကျ မပြောတတ်သေးပါဘူးခင်ဗျာ။”
မြန်မာနိုင်ငံရဲ့ တရားမ၀င် ငွေလဲနှုန်း မှောင်ခိုဈေးကွက်မှာ ၁ ဒေါ်လာကို ၈၀၀ ၀န်းကျင်ပေါက်နေချိန် - လက်ရှိ မြန်မာအစိုးရရဲ့ တရားဝင် ငွေလဲနှုန်းက ၁ ဒေါ်လာကို ၆ ကျပ်သာသာပဲရှိနေတာပါ။ အစိုးရအနေနဲ့ ဒီလို မှောင်ခိုငွေလဲဈေးကွက် မရှိတော့အောင် - ဘဏ်တွေမှာ တရားဝင် ပေါက်ဈေးအတိုင်း လဲလှယ်နိုင် အောင် - ဘဏ်ငွေကြေးဈေးကွက် ခိုင်မာအောင်လို့ စီစဉ်နေပေမဲ့ စီးပွားရေးလုပ်ငန်းကတော့ - အစိုးရရဲ့ နှုန်းကို ပြင်သင့်တယ် - လက်ရှိ ဈေးအတိုင်း သွားရင် စီးပွားရေး လုပ်ငန်းရှင်တွေ အခက်အခဲ ဖြစ်နိုင်တယ် ဆိုပြီး ပြောဆိုနေတာပါ။
“ဒီအခုလက်ရှိ ရှိနေတဲ့ ၈၁၀ -  ၈၁၅ ကျပ်လောက်နဲ့ လဲလှယ်နိုင်လောက်တဲ့ ဈေးလောက်နဲ့ နေမယ် ဆိုရင်တော့ လုပ်ငန်းတွေရဲ့ အနေအထားနဲ့ ငွေတန်ဖိုးနဲ့ ဆိုရင်တော့ လုပ်ငန်းရှင်တွေ လုပ်ငန်း လုပ်ဖို့ အခက်အခဲရှိနိင်တယ် မတိုးတက်နိုင်ဘူး ကျနော်တို့က ကျနော်တို့ မှန်းထားတာ တော့ ၉၅၀ နဲ့ အထက်နဲ့ လဲလှယ်နူန်းနဲ့ရဖို့  ရေထွက်လုပ်ငန်းနဲ့ပတ်သတ်တော့ ကျနော်တို့ ရေထွက်ပစ္စည်းတွေ ကို နိုင်ငံခြား အိပ်စပို့ ပို့တယ် ပြန်ပြီးတော့ မြန်မာငွေနဲ့ လဲတယ်ဆိုရင် ကျနော်တို့က ၉၅၀ လောက် အောက်ခံရမှ ကျတော်တို့ရဲ့ ကုန်ထုတ်လုပ်မူက ပျမ်းမျ နည်းနည်း အဆင်ပြေတဲ့ သဘောရှိပါတယ်။ အဲဒီ့ထက် နိမ့်မယ်ဆိုရင် ကျနော်တို့ လုပ်ငန်းတွေကို လုပ်ရတာ အခက်အခဲဖြစ်ပါတယ် ခင်ဗျာ။”
မြန်မာနိုင်ငံ ဗဟိုဘဏ် ဥက္ကဌဟောင်း ဦးသန်းလွင် ဖြစ်ပါတယ်။ မြန်မာနိုင်ငံမှာ အရပ်သားအစိုးရ တက်လာပြီး တဲ့နောက်ပိုင်း - စီးပွားရေး ဖွံ့ဖြိုးတိုးတက်အောင်အတွက် တချို့အပိုင်းတွေမှာ ပြုပြင်ပြောင်းလဲမှု တွေကို တော်တော်များများ လုပ်ဆောင်လာနေတာပါ။ မြန်မာနိုင်ငံမှာက နိုင်ငံခြားငွေကိုလည်း အရင်က တရားဝင် ကိုင်ဆောင်ခွင့် မပြုခဲ့သလို - နိုင်ငံခြားငွေနေရာ အစားထိုးသုံးတဲ့ FEC (ခေါ်) နိုင်ငံခြားငွေလဲ လက်မှတ်တွေသာ အသုံးပြုခွင့်ရခဲ့တာပါ။ ဒါပေမဲ့ FEC ကိုလည်း ပယ်ဖျက်တော့မယ်ဆိုတဲ့ သတင်းတွေ မကြာသေးခင်က ထွက်ပေါ်နေသလို နိုင်ငံခြားငွေ တရားဝင် ကိုင်ဆောင်ခွင့် ပြုတဲ့သဘောနဲ့ ပြီးခဲ့တဲ့လ ကစပြီး - မြန်မာနိုင်ငံက နိုင်ငံခြားငွေလဲ ကောင်တာတွေ ဖွင့်ထားတဲ့ ဘဏ်တိုင်းမှာ ဘယ်သူမဆို စာရွက် စာတမ်း ပြစရာမလိုဘဲ အမေရိကန် ဒေါ်လာ တစ်သောင်းအထိ လဲခွင့် ပြုလိုက်တာလည်းဖြစ်ပါတယ်။ ဒါ့အပြင် မြန်မာနိုင်ငံမှာ အခုလို ငွေလဲနှုန်းအပါအ၀င် ဘဏ္ဍာရေးလုပ်ငန်းတွေမှာ ပြုပြင်ပြောင်းလဲမှုတွေ လုပ်ဆောင်ဖို့ ရည်ရွယ်ပြီး မနှစ်ကစလို့ IMF နိုင်ငံတကာ ငွေကြေးရန်ပုံငွေအဖွဲ့ကြီးကနေ နည်းပညာ ဆိုင်ရာနဲ့ အကြံဥာဏ်ပေးတဲ့အပိုင်းတွေမှာ အကူအညီပေးခဲ့တာရှိ သလို - ကမ္ဘာ့ဘဏ်နဲ့ အာရှဖွံ့ဖြိုးရေး ဘဏ်တို့နဲ့လည်း ချိတ်ဆက်လုပ်ဆောင်လာနေတာဖြစ်ပါတယ်။

လျှို့ဝှက်ထိန်းသိမ်းခွင့်ဥပဒေ တရုတ်လွှတ်တော်ပြင်ဆင်
ဗွီအိုအေ
တရုတ်နိုင်ငံမှာ သံသယရှိသူတွေကို လျှို့ဝှက်စခန်းတွေမှာ ထိန်းသိမ်းနိုင်ခွင့် ဥပဒေကို အတည်ပြုဖို့ ပြင်ဆင်နေချိန်မှာ လူတွေပျောက်ဆုံးမှုတွေအတွက် လူထုမကျေနပ်တဲ့ ဆန္ဒပြပွဲတွေဖြစ်လာအပြီးမှာ ဒီဥပဒေကို အတည်ပြုဖို့ရှိတာကို အလျှော့ပေးလိုက်ပါတယ်။
တရုတ်လွှတ်တော်ထဲမှာ ဒီနေ့ ပြင်ဆင်တင်သွင်းလိုက်တဲ့ ပြစ်မှုဆိုင်ရာ ဥပဒေကြမ်းထဲမှာ နိုင်ငံတော် လုံခြုံရေးကို ခြိမ်းခြောက်မှုအတွက် သံသယရှိနိုင်သူတွေကို ထိန်းသိမ်းရာမှာ သူတို့ရဲ့မိသားစုတွေကို ရဲတွေ အနေနဲ့ အကြောင်းကြား စရာ မလိုဖူးဆိုတဲ့ အပိုဒ်ကို ဖြုတ်ပေးခဲ့ပါတယ်။
တရုတ်အမျိုးသားလွှတ်တော် ဒုဥက္ကဌ Wang Zhaoguo က တရုတ်နိုင်ငံရဲ့ ပြစ်မှုဆိုင်ရာ ဥပဒေဟာ ကျိုး ကြောင်း ဆီလျှော်မှု ရှိတယ်၊ ဒါပေမဲ့ ပြစ်မှုဆိုင်ရာ အပြစ်ရှိသူတွေရဲ့ အခွင့်အရေးကို ကာကွယ်ပေးတဲ့ အနေနဲ့ ခုလို ဥပဒေကို ပြင်ပေးတာ ဖြစ်တယ်လို့ ဆိုလိုက်ပါတယ်။
ဒုဥက္ကဌ Wang က ဒီဥပဒေကို ဆွေးနွေးပြင်ဆင်ပေးရတာက လုပ်ငန်း အတွေ့အကြုံအရနဲ့ လူထုရဲ့အသံကို နားထောင်လိုလို့ဖြစ်တယ်၊ တရားရေးစနစ် ပြုပြင်ပြောင်းလဲရေးလုပ်နေတာတွေကို ပိုလေးနက်စေချင်လို့ ဖြစ်တယ်လို့ ထုတ်ပြောလိုက်ပါတယ်။
လူ့အခွင့်အရေး လှုပ်ရှားသူတွေဖက်ကလဲ ခုလိုပြင်ဆင်လိုက်လျောပေးလိုက်တဲ့ ဥပဒေကို ကြိုဆို လိုက်ကြပါ တယ်။ အာဏာရှင်နိုင်ငံမှာ လူ့အခွင့်အရေးတွေ တိုးတက်စေဖို့ ပထမခြေလှမ်းဖြစ်တယ်လို့ သူတို့က ဆိုကြပါတယ်။
ဒါပေမဲ့ ဒီပြင်ဆင်ပြီးသား ဥပဒေမှာတောင် ဒီလျှို့ဝှက်ဖမ်းဆီးတာတွေကို လုံးဝတာဆီးနိုင်မှာ မဟုတ်သေးဘူး၊ အကြမ်းဖက် သူလို့ သံသယရှိသူတွေကို ဖမ်းရာမှာ အစဉ်အလာရှိထားပြီသား ထိန်းသိမ်းရေး စခန်းတွေမှာ သူတို့မိသားစုတွေကို အသိ မပေးပဲ ထားလို့ရသေးလို့ ဖြစ်တယ်လို့ ဆိုပါတယ်။
ဒီလျှို့ဝှက်ဖမ်းဆီမှုကြောင့် ပျောက်ဆုံးမှု့လုပ်လိုက်တာတွေကို တရုတ်နိုင်ငံမှာ ဖွဲ့စည်းပုံအရ ဆန့်ကျင်မှုရှိပေမဲ့ အစိုးရဆန့်ကျင်ရေးသမားတွေကို ဖမ်းဆီးရာမှာ အာဏာပိုင်တွေက အသုံးပြုလာခဲ့ပြီး၊ ဒီပျောက်ဆုံးမှုတွေဟာ ပြီးခဲ့တဲ့နှစ်ထဲကစပြီး တရုတ်အစိုးရက အာရပ်ကမ္ဘာမှာလို ဆန္ဒပြပွဲတွေဖြစ်လာမှာ စိုးရိမ်ခဲ့အပြီးမှာ ပိုများလာ ခဲ့ပါတယ်။