ကျွန်မ နှစ်သက်မိသော ‘ကံချွန်အမှတ်တရ စာစုများ’

by Waing Wyut Yee on Wednesday, September 14, 2011 at 10:02am

ဆရာကံချွန် ကွယ်လွန်ခြင်း ၂-နှစ်မြောက် အမှတ်တရနေ့ပြုလုပ်ရာမှာ ထုတ်ဝေခဲ့တဲ့ ဆရာရေးဆရာ ၃၅-ယောက်ရဲ့ အမှတ်တရစာမူများပါရှိတဲ့ “ကံချွန်အမှတ်တရစာစုများ” ဆိုတဲ့စာအုပ်လေးဖတ်ပြီးနောက်မှာ ဆရာကံချွန်ပြောခဲ့ဖူးတဲ့ စကားလေးတွေက ကျွန်မအတွက် အားဆေးတစ်ခွက်ဖြစ်စေခဲ့တယ်။ ဒီလို အားဆေးလေးတစ်ခွက်ကို အမှတ်တရဖြစ်ဖို့ရယ် သူငယ်ချင်းတွေအတွက်လည်း အားဆေးတစ်ခွက်ဖြစ်စေဖို့ ရည်ရွယ်ပြီး ကံချွန်အမှတ်တရစာစုများ စာအုပ်ထဲက ပြန်လည်မျှဝေလိုက်တာပါ။


----------------------------------

ဆရာကံချွန်ရဲ့ ချစ်ဖို့အကောင်းဆုံးစရိတ်လေးကတော့ သူကိုယ်တိုင် အလုပ်လုပ်သလို သူနဲ့ရင်းနှီးခင်မင်သူတွေကိုလည်း အလုပ်လုပ်ဖို့ အမြဲတိုက်တွန်းတတ်တာလေးပါပဲ။ ကျွန်တော့် ကျူရှင်ကိုလာရင်း တစ်ခြားကျူရှင်တွေကို သမီးပို့ရင်း ‘ခေတ်ကျောင်းသား’၀တ္ထုကို သူရေးခဲ့တယ်။ အဲဒီဝတ္ထုထဲမှာ ကျွန်တော်တို့က ဇာတ်ဆောင်တွေပေါ့။ အဲဒီနောက် ကျွန်တော့်မျက်စိအောက်မှာတင် စာအုပ်တွေ ဟောတစ်အုပ်၊ ဟောတစ်အုပ်ရေးခဲ့၊ ထုတ်ခဲ့နိုင်ခဲ့တာ။ ခုချိန်ထိ စာအုပ် ၇၃-အုပ် ပုံနှိပ်ထုတ်ဝေပြီးပြီ။ ဆရာကံချွန်ရဲ့ စကားတွေကို နားထဲမှာ ခုထိ ကြားနေတယ်။ “သိပ်ကောင်းမှသာ ရေးရမယ်ဆိုရင် အကြာကြီးစောင့်နေတာနဲ့ မရေးဖြစ်တောဘူး။ ဒီတော့ ရေးဖြစ်အောင် သတ္တိမွေးရတယ်။ အကောင်းစားမဟုတ်တောင် အညံ့စားမဖြစ်အောင် သတိထားလိုက်တယ်။ အနည်းဆုံး မညံ့အောင်ကြိုးစားလိုက်တော့ ရေးဖြစ်သွားရော” [စာမျက်နှာ-၁၆၊ ငြိမ်းမင်း၊ ‘အမှတ်တရဆရာကံချွန်’]

တစ်ခါသားတော့ သူရေးပြီးပို့ထားတဲ့ စာမူတစ်ပုဒ်နဲ့ အကြောင်းအရာတူ စာမူတစ်ပုဒ်က သတင်းစာထဲ ပါလာခ့တယ်။ အဲဒီစာမူရေးတဲ့သူက စာရေးဆရာ သတင်းစာဆရာကြီး လူထုဦးလှ။ သူက အကြောင်းအရာတူစာမူဖြစ်ပါလျက် သူ့စာမူမသုံးဘဲ ဘာကြောင့် လူထုဦးလှစာမူမှ သုံးရသလဲဆိုတဲ့မေးခွန်းကို အယ်ဒီတာချုပ်စားပွဲရှေ့ဝင်တွေ့ပြီး မေးခဲ့ဖူးတဲ့အကြောင်း သူပြောပြတော့ တအံ့တသြနဲ့ နားထောင်ခဲ့ရတယ်။ “ကျွန်တော်ဗျာ အယ်ဒီတာချုပ်ကို ၀င်တွေ့ပြီးမေးပြီးမှ ကိုယ်လုပ်တာ ဟုတ်မှ ဟုတ်ရဲ့လားလို့ တွေးပြီး စိုးရိမ်နေမိသေးတယ်။ တစ်ဖက်ကလည်း အယ်ဒီတာချုပ် ဘယ်လိုပြန်ဖြေမလဲဆိုတာ သိချင်နေမိတယ်။ သူပြောတာလက်ခံနိုင်ရင် လက်ခံမယ်။ လက်မခံနိုင်ရင် ဘယ်လိုပြန်ပြောဦးမယ်လို့လည်း ဆုံးဖြတ်ထားတာ။ အယ်ဒီတာချုပ်က ဘယ်လိုဖြေသလဲသိလား။ ကိုကံချွန်လေးတဲ့။ ကျွန်တော့်ကို သူ့ရှေ့က ကုလားထိုင်မှာ ထိုင်ခိုင်းပြီး စိတ်ရှည်လက်ရှည် ရှင်းပြတယ်ဗျ။ ကိုကံချွန်လေးဆောင်းပါးက ကောင်းပါတယ်။ သုံးဖို့လည်း ရည်ရွယ်ထားပြီးသားပါ။ ဒါပေမယ့် လူထုဦးလှဆီက ရောက်လာတော့ ကိုကံချွန်လေးစာမူမသုံးဘဲ ဦးလှဆောင်းပါးကိုပဲ သုံးလိုက်ရတယ်။ ကိုကံချွန်လေးမှာ ပရိသတ်ရှိပါတယ်။ အနည်းဆုံး ပရိသတ်ငါးထောင်လောက်ရှိမှာပေါ့။ ဒါပေမယ့် လူထုဦးလှက ပရိသတ်ငါးသောင်းခြောက်သောင်းလောက်ရှိလိမ့်မယ်။ ကျွန်တော်တို့အနေနဲ့ စေတနာချင်းတူရင် ပရိသတ်ပိုပြီး ပျံ့နှံ့နိုင်မယ့် စာရေးဆရာကိုပဲ ရွေးရတယ်။ ဒါကြောင့် ကိုကံချွန်လေးစာမူကို မသုံးဘဲ လူထုဦးလှ စာမူသုံးရတာ နားလည်ပေးပါဗျာတဲ့ဗျ” [စာမျက်နှာ-၃၈၊ သိုက်ထွန်းသက်၊ ‘စာရေးဆရာ ကာတွန်းဆရာ ပန်းချီဆရာ ကံချွန်ကွယ်လွန်ခြင်း တစ်နှစ်ပြည့်အလွမ်းပြေ’]

အထူးသဖြင့် ဆရာကံချွန်သည် လူငယ်မျိုးဆက်သစ်တွေနှင့် ပတ်သက်၍ အလွန်အားပေးသည်။ အစွမ်းအစရှိသူမှန်သမျှ စာပေအသိုင်းအ၀ိုင်းထဲ လက်ကမ်းခေါ်သည်။ မြှင့်တင်သည်။ ကျွန်တော့်ကို စာရေးသားခြင်းဖြင့်သာ ဘ၀ရပ်တည်စေလိုသည်။ တွေ့တိုင်းဒါပဲပြောသည်။ ကျွန်တော့်ကလောင်ကလေး မဖြစ်စလောက် လူရာဝင်လာတော့ ဟိုကဒီက စာမူတွေတောင်းကြတိုင်း “ဆူးငှက်ရေ တောင်းလို့ရေးပြီဆိုရင် ကိုယ့်အတွက် အဖက်တင်အောင်ရေး။ ဂျာနယ်မှာရေးရင်လည်း တစ်ပုဒ်နဲ့ပြီးသွားတာမျိုးမရေးနဲ့။ ခေါင်းစီးတစ်ခုနဲ့ ပင်တိုင်ရအေင်ရေးပြီး စာအုပ်ထုတ်နိုင်အောင်ကြိုးစား။ ရေးအားရှိတုန်းရေးကွ”ဟု အမြဲအားပေးသည်။ [စာမျက်နှာ-၅၄၊ ဆူးငှက်၊ ‘တူတဲ့အလုပ်တွေ … အတူလုပ်ခဲ့ … အတုယူခဲ့ရဖူးသည်’]

ကျွန်တော် ကံချွန့်အိမ်သွားတိုင်း မောင်သာပိုကို ခေါ်သွားလေ့ရှိပါသည်။ အလုပ်များကို တစ်ခုပြီးတစ်ခု မနားတမ်းလုပ်ဆောင်နေသော မောင်ကံချွန်ကို ဥိးသာပိုမှ “မင်းကွာ အလုပ်တွေ တစ်ခုမဟုတ်တစ်ခုလျှောက်လုပ်နေတာပဲ။ တစ်ခါတစ်လေ နားနားနေနေ အေးအေးသက်သာနေပါလားကွာ”ဟု ကရုဏာသက်စွာပြောရာ ထိုအခါ မောင်ကံချွန်က “ဒီမယ် ဦးသာပို လူဆိုတာ အလုပ်လုပ်ရတယ်ဗျာ။ အလုပ်လုပ်တဲ့လူက တန်ဖိုးရှိတယ်။ သူ့အလုပ်သူ သူ့တန်ဖိုးထားပြီး အအားမနေဘဲလုပ်ဆောင်တော့ အလုပ်လည်းပြီးတယ်။ အချိန်လည်း ကုန်မှန်းမသိ ကုန်သွားတယ်။ အလုပ်ရဲ့တန်ဖိုးဝင်ငွေကိုလည်း နားလည်လာတယ်။ အလုပ်မလုပ်ဘဲ ဘော်ကျော့နေသူကို ကျွန်တော်မုန်းတယ်။ မလေးစားဘူး။ မချစ်ခင်ဘူး။ ခင်ဗျားလည်း အလုပ်မလုပ်ချင်ရင် ကျွန်တော့်ဆီမလာနဲ့ဗျာ” ဦးသာပို ဘာမှ မပြောပါ။ အသက်ကြီး၍ ရင့်ကျက်နေသူတစ်ဦးပီပီ ကံချွန်ဘာကို ဆိုလာသည်ကိုသိ၍ ခပ်ပြုံးပြုံးနှင့်တုန့်ပြန်ပါသည်။ [စာမျက်နှာ-၇၂၊ ၀င်းသူ(နန်းတော်ရှေ့)၊ ‘မောင်ကံချွန် ဘ၀ တစေ့တစောင်း’]

‘ကာတွန်းကို အားရကျေနပ်လောက်တဲ့အထိ လုပ်ချင်သေးတယ်’လို့ ကျွန်တော်ကပြောတော့ … “လူတစ်ယောက်ဘ၀မှာ ဘာအလုပ်ပဲလုပ်လုပ်။ အားရကျေနပ်မှုဆိုတာ သေအထိမရနိုင်ဘူးကွ။ ကိုယ်လုပ်ချင်ရာတစ်ခုထဲကို ကြည့်လို့မရဘူး။ လုပ်သင့်တာတွေလည်း လုပ်ရသေးတယ်။ ငါကတော့ ကိုယ်လုပ်နိုင်တယ်လို့ထင်တာတွေ အကုန်လုပ်တာပဲ။” ‘အစ်ကိုက ပါရမီရှင်ကိုးဗျ’လို့ ကျွန်တော်က ၀င်နောက်တော့ “စကားကောင်းပြောရင် မဖောက်နဲ့ကွာ”ဆိုပြီး ကျွန်တော့်ကို ဂျိုကြည့်လှမ်းကြည့်တယ်။ ပြီးတော့ သူရဲ့ လူမှုဆက်ဆံရေးအမြင်သဘောထားကိုလည်း ခုလိုပြောတယ်။ “လူတွေက ငါ့ကို နားမလည်ကြဘူး။ အသက်ကြီးလာတာနဲ့အမျှ လုပ်ချင်တဲ့အလုပ်တွေက များလာတယ်။ ကိုယ့်အသက်ရွယ်နဲ့ယှဉ်လိုက်ရင် အချိန်တွေက နည်းလာပြီ။ တစ်ခါတုန်းက စာရေးဆရာမလေးတစ်ယောက် အိမ်ကိုရောက်လာတယ်။ ဘာကိစ္စရှိလဲလို့မေးတော့ သူက ဘာရယ်မဟုတ်ပါဘူး။ ပျင်းလို့ အလည်လာတာလို့ပြောတယ်။ ငါ့မှာလည်း အချိန်က သိပ်ရှားတယ်။ ဒီတော့ ရှင်းရှင်းပဲပြောလွှတ်လိုက်တယ်။ ပျင်းလို့ဆိုပြီး ငါ့ဆီမလာနဲ့။ ငါက မပျင်းတတ်ဘူး။ အားလို့ဆိုပြီး ငါ့ဆီမလာနဲ့ ငါက ဘယ်တော့မှ မအားဘူး။ အေးတစ်ခုတော့ရှိတယ်။ ငါ့အတွက် အကျိုးရှိတဲ့ကိစ္စဆိုရင်လာခဲ့။ ငါ့အတွက် အကျိုးမရှိပေမယ့် မင်းအတွက် အကျိုးရှိမယ့်ကိစ္စဆိုရင်လာခဲ့။ မင်းအတွက်လည်း အကျိုးမရှိဘူး။ ငါ့အတွက်လည်းအကျိုးမရှိဘူး။ ဒါပေမယ့် အများအတွက် အကျိုးရှိမယ့်ကိစ္စဆိုရင်လာခဲ့ ရတယ်။ ဘာမဟုတ်တဲ့ ကိစ္စအတွက် ငါ အချိန်မပေးနိုင်ဘူးလို့ ပြောလွှတ်လိုက်တယ်။ မင်းစဉ်းစားကြည့်ကွာ ငါက အလုပ်ကို တစ်ခုမဟုတ်တစ်ခု လုပ်နေတာ။ အချိန်မပေးနိုင်ဘူး။ ဖြုန်းတီးခဲ့တဲ့ အချိန်တွေထက် ခုထိ နှမြောတုန်း။” သူ့ရဲ့ အမြင်သဘောထား မှန်မမှန် မှတ်ချက်မပေးချင်ပေမယ့် ဒီသဘောထား အမြင်တွေကြောင့် အနုပညာနယ်ပယ်မှာ ကံချွန်ဆိုတဲ့ နာမည်ဟာ အခိုင်အမာ အခိုင်အခံ့ ဖြစ်စေခဲ့တာကတော့ သေချာပါတယ်။ [စာမျက်နှာ-၁၁၃၊ ကာတွန်းဝင်းအောင်၊ “ကျွန်တော့်အစ်ကို ကံချွန်”]

သူနဲ့ပတ်သက်၍ မှတ်လောက်သားလောက်သော အဖြစ်အပျက်လေးတစ်ခုရှိပါသည်။ လွန်ခဲ့သော နှစ်-၃၀ လောက်ကပါ။ ဒေါနခြံဗလီပေါက်ရှိ လက်ဖက်ရည်ဆိုင်တွင် ကံချွန်၊ နီမောင်နှင့် ကျွန်တော်တို့ထိုင်နေကြသည်။ မကြာခင်မှာပင် ရန်ကုန်က စာရေးဆရာတစ်ဦးနှင့် လုပ်ငန်းရှင်တစ်ဦးတို့ရောက်ရှိလာကြပြီး လက်ဖက်ရည်အတူသောက် စကားတွေ အတူပြောနေကြသည်။ ဤတွင်လုပ်ငန်းရှင်တစ်ယောက်က သူ့ကို လုပ်ငန်းကြော်ငြာအတွက် ကာတွန်းသရုပ်ဖော်ရေးပေးဖို့ ကိုကံချွန်ကိုအပ်သည်။ ဘယ်လောက် ပေးရမလဲဟု မေးသည်။
“ငါးရာ”
“ဘယ်တော့လောက်ရမလဲ”
“အခုစောင့်ယူရင် အခုရတယ်”
“ဒါဖြင့်လည်း စောင့်ယူမယ်ရော့”ဆိုပြီး လက်ဖက်ရည်ဆိုင်မှ ကံချွန်အိမ်သို့ ပြန်လာခဲ့သည်။ သူ့အိမ်တွင် ကျွန်တော်တို့ကို ခဏထိင်ခိုင်းထားပြီး သူက စားပွဲပေါ်တွင် မင်အိုးတွေ၊ ကံလောင်တံတွေထုတ်သည်။ စာရွက်တွေထုတ်သည်။ ပြီးတော့ ခဲတံဖြင့် အရာပေးပြီးနောက် ကလောင်တံတွေ၊ စုတ်တံတွေဖြင့် လုပ်ငန်းကြော်ငြာ ကာတွန်းတစ်ပုဒ်ကို ဆယ့်ငါးမိနစ်အတွင်း ရေးဆွဲပေးလိုက်သည်။
“ရော့ ကြော်ငြာ၊ ပေးငါးရာ”
အလုပ်အပ်သူမှာ မျက်လုံးပြူးသွားသည်။
“ဆရာကလည်းဗျာ ဆယ့်ငါးမိနစ်လောက်ကလေးလုပ်ရတဲ့အလုပ်ကို ငါးရာတောင်ယူမှာလား”ဟု ဈေးဆစ်ချင်သည့်ပုံစံဖြင့်ပြောသည်။ သည်တွင် ကိုကံချွန်ပြန်ပြောလိုက်သော စကားလေးက လွန်စွာ မှတ်သားစရာကောင်းလှသည်။
“ကျုပ် ဆယ့်ငါးမိနစ်လောက်နဲ့ ဒီပုံကိုဆွဲနိုင်တာသာ ခင်ဗျားက မြင်တာကိုး။ ဒီလို ဆယ့်ငါးမိနစ်လောက်နဲ့ရေးနိုင်ဖို့ ဆယ့်ငါးနှစ်လောက် မနားမနေ လေ့ကျင့်သင်ကြားခဲ့ရတာကို ခင်ဗျားမှ မသိဘဲ” [စာမျက်နှာ-၁၄၁၊ မောင်သင်းဝေ၊ ‘အမှတ်ရဆဲပါ ကိုကံချွန်’]

“ခြေလှမ်း တစ်လှမ်းကို ကြည့်ရုံဖြင့်  လူတစ်ယောက် လမ်းကြောင်း တစ်ခုလုံးကို နားမလည်နိုင်ပါ။
ဘ၀လမ်းကောင်း တစ်ခုလုံးကို တောင်ထိပ်ပေါ် တက်ကြည့်မှ မြင်ရပါသည်” ဆိုသည့် စာသားအတိုင်း အခုလည်း ဆရာကံချွန်လမ်းကြောင်းကငို သိလိုသေးလျှင်တော့ ….. ဘေးထိုင်ဘုပြောနေမည့်အစား၊ ဆဲရေးပုတ်ခတ်နေမည့်အစား၊ အမနာပ ဆိုနေမည့်အစား အကောင်းဆုံးအကြံဥာဏ်ပေးလိုသည်က ‘တောင်ထိပ်ပေါ်တက်ကြည့်ပါ’ဟူ၍သာ။ [စာမျက်နှာ-၁၆၈၊ ဇော်ခိုင်ဦး၊ ‘တောင်ထိပ်ပေါ်တက်ကြည့်ပါ’]


ကျွန်မနှင့် ဆရာစိုးဘားဒိုင်တို့နှစ်ယောက်ပေါင်း စာအုပ် ၀တ္ထုလ်တစ်အုပ်ထုတ်ဖူးပါသည်။ လင်းလွန်းခင် စာပေက ထုတ်ဝေခဲ့သော ‘ပင်လယ်ဖြတ်တဲ့လှည်း’စာအုပ်မှာ ကျွန်မက မင်္ဂလာလှည်း ၀တ္ထုလတ်တစ်ပုဒ်ရေးသည်။ ဆရာစိုးဘားဒိုင်က ပင်လယ်ဝတ္ထု ရေစီးကြောင်းများတဲပင်လယ်။ ကျွန်မ၀တ္ထုကို အရင်ဖတ်ဖြတ်ပုံရပါ၏။ ချက်ခြင်းဖုန်းကောက်ဆက်လိုက်ခြင်းဖြစ်သည်။ ကျွန်မကိုယ်တိုင်က သည်အချက်ကို ဂရုမပြုမိပါ။ ဆရာစိုးဘားဒိင်က သူ့ဝတ္ထုလတ်ကို ရေးပြီးတာကြာပြီ။ ကျွန်မက လက်စမသတ်နိုင်သေးတော့ ပြီးချင်စိတ်က များနေသည်။ သည်တော့ ဇာတ်ကို မကွန့်တော့ဘဲ ခပ်သုတ်သုတ်ကလေး သိမ်းလိုက်ခြင်းဖြစ်သည်။ ကျွန်မ စိတ်ထဲတော့ ၀တ္ထုလတ်တစ်ပုဒ်အဖြစ် အဆင်ပြေသွားတာပါပဲလေလို့ တွေးမိခဲ့သည်။ ဆရာချွန်ထောက်ပြတော့မှ စရိုက်တွေ ဘ၀တွေ ထပ်ဖြည့်လိုက်လျှင် ၀တ္ထုကြီးတစ်ပုဒ်ဖြစ်နိုင်တာ သဘောပေါက်မိခဲ့ရသည်။
“ဟုတ်ပါ့ဆရာ၇ယ် … ကျွန်မက ဇာတ်ကို ချုံ့လိုက်မိတယ်။ … ဇာတ်လမ်းက ကျွန်မမောင်တစ်ယောက် ကိုယ်တွေ့ဖြစ်ပျက်ခဲ့တာလေးပြောပြတော့ သဘောကျတာနဲ့ စိတ်ရှိတုန်းရေးလိုက်တာ ဆရာရဲ့။ ကျွန်မမောင်က တပည့်တ်စယောက် မိန်းမသွားတောင်းတာမှာ လမ်းခရီးဒုက္ခရောက်ရတာကိုပြောပြမိတာပါ။ ဒါကို ကျွန်မက ဇာတ်ထည့်ပြီး ချဲ့လိုက်တာပါ။ ဆရာချွန်ပြောပြတော့မှ နှမြောတောင်နေသေးတယ်။ ….”
“နှမြောစရာပေါ့ဟ … ငါပြောမယ် …. စာရေးဆရာဆိုတာ ရေးစရာရှိတာ ကုန်အောင်ရေးရတယ် … ဘယ်သူ့မှ မငဲ့နဲ့ …. စိတ်က ချုပ်ထားတာရှိရင် …. မလွတ်လပ်သလိုဖြစ်နေရင် …. Pressure တစ်ခုခုရှိနေရင် အပြည့်မလှတော့ဘူး။ … ညည်းဝတ္ထုတွေ ငါစောင့်ဖတ်ဖြစ်တယ် … မြင်တာရှိပြောမယ် …. ငါက ညံ့ရင် ညံ့တယ်ပြောမှာပဲ … ကောင်းရင်လည်း ချီးကျူးမှာပဲ ….. ” [စာမျက်နှာ-၁၈၉]

တစ်ခါတစ်ရံ ကျွန်မက ကျွန်မရင်ထဲ စနောင့်စနင်ရှိတာကလေးတွေ ပြောပြသည့်အခါ ဆရာချွန်ပြောလေ့ရှိသည့် စကားရှိပါ၏။
“အဲဒါတွေက ညည်းရှေ့လာပြောနေတာတွေလား … အဲဒါဆိုရင်တော့ ပါးရိုက်လွှတ်လိုက်ဟ … ကွယ်ရာမှာ ပြောတာဆိုရင်တော့ ရှိပါစေအေ … ညည်းမပြောနဲ့ ငါတောင် အခုထိ အပြောမလွတ်သေးဘူး …. ပြောနေတဲ့ လူတွေက မရေးဘူးဟ … ရေးနေတဲ့သူတွေက မပြောအားဘူး … ကိုယ့်အလုပ်ကိုယ်လုပ် …” [စာမျက်နှာ-၁၉၀၊ ခင်ခင်ထူး၊ ‘စိတ်ကောင်းရှိသူ’]

===========================


ဆရာကံချွန်အမှတ်တရနေ့အစီအစဉ်လေးကို ကျွန်မတက်ရောက်ချင်ပေမယ့် ရန်ကုန်မှာပဲရှိနေတာကြောင့် မတက်ရောက်နိုင်ကြောင်း၊ ဆရာကံချွန်နဲ့ပတ်သက်တဲ့ အမှတ်တရစာအုပ်ထုတ်ဝေမယ်ဆိုသိရတော့ ကျွန်မ ဖတ်ချင်ကြောင်းကို ဆရာကံချွန် အမှတ်တရနေ့စီစဉ်သူများထဲမှတစ်ဦးဖြစ်တဲ့ ဟာဂျီဘီလားလ် @ ကိုဇော်မင်းထွန်းကို ပြောဖြစ်တယ်။ သူက ကျွန်မအတွက် စာအုပ်တစ်အုပ် ချန်ထားပေးမယ်၊ ကျွန်မ မန္တလေးလာတဲ့အခါ ပေးပါ့မယ်လို့ပြောခဲ့တယ်။ ဒီလိုနဲ့ ကျွန်မ မန္တလေးပြန်ရောက်တော့ စာအုပ်လေးကို  အမှတ်တရပေးခဲ့တဲ့ ဟာဂျီဘီလားလ် @ Ko Zaw Min Tun ကိုလည်း ကျေးဇူးတင်ပါတယ်။

http://www.mmsy.org/profiles/blogs/2609488:BlogPost:609700?commentId=2609488%3AComment%3A611571&xg_source=msg_com_blogpost