နောက်ဆုံးဖယောင်းတိုင်

Cloud Cuckoo Land created a doc.

ပုံပြင်တစ်ပုဒ်လောက် ပြောပြပါရစေ။ ဒီပုံပြင်မှာ ရည်ရွယ်ချက် ရှိပါသည်။ လူဆိုတာ တစ်ယောက်ထဲ နေလို့ မရဘူး။ အသိုင်းအဝိုင်း၊ အပေါင်းအသင်းနဲ့ နေရတယ်။ အနည်းဆုံး ကိုယ့်မိသားစုနဲ့ ပေါင်းရတယ်။ သင်းရတယ်။ အမြဲတမ်း ထိတွေ့ ဆက်ဆံနေရတော့ စိတ်ထဲမှာ အဆင်မပြေမှုတွေ၊ ပြဿနာတွေ၊ အားမလို အားမရ ဖြစ်မှုတွေ ရှိနိုင်ပါတယ်။ ဒီပုံပြင်လေးဟာ အဖွဲ့အစည်း တစ်ခုနဲ့ တစ်ခုအကြား၊ မိဘနဲ့ သားသမီးအကြား၊ ဆရာနဲ့ တပည့်အကြား၊ လင်မယား နှစ်ယော...က်အကြား၊ သူငယ်ချင်း နှစ်ယောက် အကြားမှာ ထားသင့် ထားအပ်တဲ့ အတွေး တစ်ခုကို ပေးပါလိမ့်မယ်။
____________________________

တစ်ခါတုန်းက……….
အလင်းမရှိဘဲ မှောင်နေတဲ့ အခန်း တစ်ခန်းထဲမှာ ဖယောင်းတိုင်လေး (၅) တိုင် ရှိတယ်။ အဲဒီ ဖယောင်းတိုင် တွေမှာ အလင်း ကိုယ်စီနဲ့ပေါ့။ ဖယောင်းတိုင် (၅)တိုင်ရဲ့ အလင်းအားကြောင့် မှောင်မဲနေတဲ့ အခန်းဟာ လင်းထိန် နေတော့တယ်။ ဒီအခန်းထဲကို လေပြေပျော့လေး တိုက်ခတ်နေသတဲ့။ တစ်ခါတစ်ခါမှာ လေဟာ ပြင်းသွားလိုက်၊ တစ်ခါ တစ်ခါမှာ လေဟာ ငြိမ်သွားလိုက်နဲ့ပေ့ါ။
လေတစ်ချက် အဝေ့မှာ ဖယောင်းတိုင်လေး တစ်တိုင် မီးငြိမ်းသွားတယ်။ အခန်းဟာ အလင်းအား နည်းနည်း လျော့သွားတယ်။ အဲဒီ ဖယောင်းတိုင်လေးကို “အချစ်” လို့ နာမည် ပေးကြည့်ရအောင်။ “အချစ်ဆိုတဲ့ အလင်းအားလေး” လျော့သွားတော့ အခန်းဟာ နည်းနည်းလေး မှောင်သွားတယ်။
နောက်ထပ် လေအဝှေ့မှာ ဒုတိယ ဖယောင်းတိုင်လေး မီးငြိမ်း သွားပြန်တယ်။ အဲဒီ ဖယောင်းတိုင်လေးကို “သံယောဇဉ်” လို့ နာမည် ပေးကြည့်ရအောင်။ ဒီအခန်းထဲမှာ “အချစ်” ဆိုတဲ့ အလင်းရောင်ရယ်၊ “သံယောဇဉ်” ဆိုတဲ့ အလင်းရောင်ရယ် မရှိတော့ဘူး။ အခန်းဟာ အမှောင်ထု ကြီးစိုး လာတော့တယ်။
ဒီလိုနဲ့ နောက်ထပ် “လေတစ်ချက်” အဝေ့မှာ တတိယ ဖယောင်းတိုင်လေး ငြိမ်းသွားပြန်တယ်။ အဲဒီ ဖယောင်းတိုင်လေးကို “မေတ္တာတရား” လို့ နာမည် ပေးကြည့် ရအောင်။
ဒီလိုပဲ… နောက်ထပ် လေအဝေ့ တစ်ချက်မှာ စတုတ္ထ ဖယောင်းတိုင်လေး ငြိမ်းသွားပြန်တယ်။ ဒီ ဖယောင်းတိုင်လေး ကိုတော့ “ကရုဏာ တရား” လို့ နာမည် ပေးကြည့် ရအောင်။
ဖယောင်းတိုင် (၅) တိုင် အလင်းအား ရှိတဲ့ ဒီအခန်းဟာ ဖယောင်းတိုင် (၁)တိုင် မျှသာ အလင်းအား ရှိတော့တယ်။ ဒီနောက်ဆုံး ဖယောင်းတိုင်လေးသာ လေအဝေ့မှာ မီးညွန့်ကလေး ငြိမ်းသွားခဲ့ရင် ဒီတစ်ခန်းလုံး မှောင်မဲ သွားတော့ မှာပါပဲ။
ဖြစ်ချင်တော့ ဒီအခန်းထဲကို လူတစ်ယောက် ရောက်လာတယ်။
“အခန်းကြီးက မှောင်းမဲ နေတာပဲ။ တော်သေးတာပေါ့။ ဖယောင်းတိုင်လေး တစ်တိုင် လင်းနေသေးလို့”

ပြောပြောဆိုဆိုနဲ့ လက်ကျန် ဖယောင်းတိုင်ရဲ့ မီးညွန့်ကို လက်ဝါးလေးနဲ့ ကာလိုက်တယ်။ အလင်းရောင် မှိန်ပျပျ အောက်မှာ မီးငြိမ်းနေတဲ့ ဖယောင်းတိုင် (၄)တိုင်ကို တွေ့သွားတယ်။ ချက်ချင်း ဆိုသလိုပဲ နောက်ဆုံး ကျန်နေတဲ့ ဖယောင်းတိုင်ရဲ့ မီးညွန့်ကို ကူးပြီး မီးငြိမ်းသွားခဲ့တဲ့ ဖယောင်းတိုင်လေးတွေကို မီးကူး ပေးလိုက်တယ်။ ဒီအခန်းက အရင်အတိုင်းပဲ ပြန်ပြီး လင်းထိန် သွားပါတော့တယ်။
________________________________________________________________________________________
စာဖတ်သူကို မေးပါရစေ……
ဒီနောက်ဆုံးကျန်တဲ့ ဖယောင်းတိုင်လေးကို ကျွန်တော်တို့ နာမည် ပေးကြည့် ကြရအောင်။ စာဖတ်သူလည်း ကြိုက်သလို နာမည်ပေးပါ။ ကျွန်တော် ပေးထားတဲ့ နာမည်လေးတော့ ရှိတယ်။ ကျွန်တော်က နောက်ဆုံး ဖယောင်းတိုင်လေးရဲ့ နာမည်ကို “နားလည်ပေးမှု၊ စာနာပေးမှု ဖယောင်းတိုင်” လို့ နာမည် ပေးထားတယ်။
တွေးကြည့်ရအောင်။
လူတစ်ယောက်နဲ့ တစ်ယောက် အကြားမှာ “နားလည်ပေးမှု၊ စာနာပေးမှု” ဆိုတဲ့ အလင်းအား ရှိတဲ့ ဖယောင်းတိုင်လေးသာ ရှိနေသေးရင် “အချစ်” ဆိုတာ ပြန်ဖြစ်နိုင်တယ်။ “သံယောဇဉ်” ဆိုတာ ပြန်ဖြစ်နိုင်တယ်။ “မေတ္တတရား၊ ကရုဏာတရား” တွေ ပြန်ဖြစ်နိုင်တယ်။ “နားလည်ပေးမှု၊ စာနာပေးမှု” ဆိုတဲ့ ဖယောင်းတိုင်လေးသာ မီးငြိမ်း သွားခဲ့ရင်… အခန်းကြီး မှောင်မဲ သွားသလို အချစ်တွေ၊ မေတ္တာတရားတွေ၊ သံယောဇဉ်တွေ၊ ကရုဏာ တရားတွေ ပြန်ဖြစ်ဖို့ မလွယ်တော့ပါဘူး။ လူ့ဘဝရဲ့ အနှစ်သာရလည်း ပျက်စီး သွားတော့မှာပါပဲ။
မိသားစု အချင်းချင်း အကြားမှာ၊ သူငယ်ချင်း နှစ်ယောက်အကြားမှာ၊ မောင်နှမ နှစ်ယောက်အကြားမှာ၊ လင်းမယား နှစ်ယောက်အကြားမှာ၊ အဖွဲ့အစည်းတစ်ခုနဲ့ တစ်ခုအကြားမှာ “နားလည်ပေးမှု၊ စာနာပေးမှု” ဆိုတဲ့ ဖယောင်းတိုင်လေး လင်းနေဖို့ လိုမယ် ထင်ပါတယ်။ ဒီ ဖယောင်းတိုင်လေးသာ မီးငြိမ်းသွားခဲ့ရင်… လူမှုဆက်ဆံရေးရဲ့ ပျော်စရာကောင်းတဲ့ သဘာဝကို ခံစားနားလည် နိုင်တော့မှာ မဟုတ်ပါဘူး။
ချစ်သူ နှစ်ယောက် အကြားမှာ “နားလည်ပေးမှုနဲ့ စာနာပေးမှု” ရှိရင် ပျော်စရာ သိပ်ကောင်းမှာပဲ။
မိဘအပေါ်မှာ နားလည်ပေးတတ်တဲ့ သားသမီးတွေကို ပိုင်ဆိုင်ခွင့်ရတဲ့ မိသားစုဟာ ပျော်စရာကြီးပါ။ ဒီလိုပါပဲ နားလည် ပေးတတ်တဲ့၊ စာနာ ပေးတက်တဲ့ မိဘတွေရဲ့ သားသမီး ဖြစ်ခွင့် ရရင်လည်း ပျော်စရာ ပါပဲနော်။
ကိုယ့်ကို နားလည်ပေးတဲ့၊ စာနာပေးတဲ့ ချစ်သူနဲ့သာ အတူနေခွင့် ရရင် အချစ်ဆိုတာ ပျော်စရာပဲလို့ ခံစားမိမှာပါ။
အပြန်အလှန် နားလည်ပေးတဲ့၊ စာနာပေးတဲ့ လူ့အဖွဲ့အစည်း တွေသာ ကျွန်တော်တို့ ဝန်းကျင်းမှာ ရှိခဲ့ရင် ကျွန်တော်တို့ လူ့ဘောင် လောကကြီးဟာ ဒီထက်ပိုပြီး သာယာ လာပါမယ်။ ငြိမ်းချမ်း လာပါမယ်။ တိုးတက် လာပါမယ်။ ပျော်စရာလည်း ကောင်းလာ ပါမယ်။
ဒါကြောင့် ဘယ်နေရာမှာ မဆို “နားလည်ပေးမှုနဲ့ စာနာပေးမှု” အပြန်အလှန် ရှိကြမယ် ဆိုရင် လောကကြီးဟာ ငြိမ်းချမ်း နေမှာပါ။
ဒါပေမယ့်….
“နားလည်ပေးမှုနဲ့ စာနာပေးမှု” ကိုတော့ အလွဲသုံးစား မလုပ်သင့်ဘူးနော်။
“နားလည်ပေးမှုနဲ့ စာနာပေးမှု” ကို အခွင့်ကောင်း မယူသင့်ဘူး။
“နားလည်ပေးမှုနဲ့ စာနာပေးမှု” ကို တန်ဖိုးမဲ့အောင် မလုပ်သင့်ဘူးနော်။
စာဖတ်သူလည်း နောက်ဆုံး ဖယောင်းတိုင်လေးရဲ့ နာမည်ကို ဘယ်လိုများ မှည့်ခေါ်ချင်ပါသလဲ။
ဒီပုံပြင်လေးကို ဖတ်ပြီး….
“ချစ်သူတွေ၊ သူငယ်ချင်းတွေ၊ မိသားစုတွေ၊ လူသားတွေ၊ အဖွဲ့အစည်းတွေ” ရဲ့ ကြားမှာ “နားလည်ပေးမှုနဲ့ စာနာပေးမှု” ဆိုတဲ့ အလင်းရောင်လေးနဲ့ “အချစ်တွေ၊ သံယောဇဉ်တွေ၊ မေတ္တာတရားတွေ၊ ကရုဏာ တရားတွေ” ပြန်ပြီး ရှင်သန် ထွန်းလင်းကြပါစေလို့ ဆန္ဒ ပြုလိုက်ပါတယ်။
တွေးဆကြည့်ကြဖို့ပါခင်ဗျာ။
နီးနီးဝေးဝေး အတွေးလက်ဆောင် စာအုပ်မှ

posted by ဦးဘုန်း(ဓာတု၊မန္တလေး)