တတိယ မှန်နန်းကော်မရှင်၂၂၊ ၂၃၊ ၂၄

တတိယ မှန်နန်းကော်မရှင်၂၂

လွတ်လပ်တဲ့အာရှအသံ
သောတရှင်များခင်ဗျား။ ဒီတပတ်ဆက်ပြောမှာက လွတ်လပ်ပီးခေတ် မြန်မာအစိုးရက မြန်မာသမိုင်းပြန်လည်ပြုစုရေးမှာ ပါဝင်ခဲ့တဲ့ သမိုင်းပညာရှင် အရာရှိကြီးများအကြောင်းနဲ့ မြန်မာသမိုင်းကော်မရှင်အကြောင်းဖြစ်ပါတယ်။
ဗိုလ်မှူးဘရှင်ဆိုတဲ့ ဗြိတိန်စစ်သံမှူးဟောင်း သမိုင်းပညာရှင် ဒေါက်တာလုစ်ရဲ့ တပည့်ရင်းပုဂ္ဂိုလ်ကြီးကို သောတရှင်များကြားဘူး ဖတ်ဖူးကြမယ်ထင်ပါတယ်။
ကွယ်လွန်တာကြာခဲ့ပေမယ့် သူ့လက်ရာတွေက ကျန်ရစ်ထင်ရှားဆဲပါ။ သူက စစ်မဖြစ်ခင် ကောလိပ်ကျောင်းမှာတုန်းက ကျေးလက်ပြုပြင်ရေးလုပ်ငန်းတွေမှာ တက်ကြွခဲ့သူပါ။ စစ်တွင်း အာရှလူငယ်အစည်းအရုံး ဥာဏဗလတာဝန်ခံ၊ ဗမာ့ကာကွယ်ရေးတပ်မတော် ပညာရေးဌာန သမိုင်းဆရာလုပ်ခဲ့ပါတယ်။ ပြည်ထောင်စုမြန်မာနိုင်ငံတော်သမိုင်းဆိုတဲ့စာအုပ်ကို နန်းရင်းဝန်သခင်နု ဗမာ့တပ်မတော်က ဗိုလ်မှူးကြီးကျော်ဇောတို့အမှာတွေနဲ့ လွတ်လပ်ရေးရတဲ့နေ့မှာ ထုတ်ခဲ့ပီး ရာဇဝင်မင်းဆက်တွေအကြောင်းထက် နိုင်ငံနဲ့ လူတွေအကြောင်း ပြောင်းလဲပုံကို ရေးမယ်ဆိုပီး သမိုင်းစကားလုံးကို လူသုံးများအောင် နှိုးဆော်ခဲ့သူပါ။ သူက တပ်မတော်စိတ်ဓာတ်စစ်ဆင်ရေးကထုတ်တဲ့ မြဝတီမဂ္ဂဇင်းနဲ့ တချိန်ထဲလို စာပေဗိမာန်ထုတ် စွယ်စုံကျမ်းအတွဲတွေမှာ တိုင်းရင်းသားလူမျိုးတွေအကြောင်း၊ မြန်မာနဲ့ အရှေ့တောင်အာရှခေတ်ဟောင်းသမိုင်းတွေ အကြောင်း ရေးပါတယ်။ ဖက်ဆစ်တော်လှန်ရေးနဲ့ ဗမာ့တပ်မတော်ကဏ္ဍက ကိုယ်တိုင်ဆင်နွှဲခဲ့တဲ့ သူ့အထူးပြုအကြောင်းရပ်တွေပါ။ တော်လှန်ရေးနေ့က တပ်မတော်နေ့လို့ ဖဆပလခေတ်မှာ ပြောင်းလဲခဲ့တဲ့ကိစ္စမှာ နောက်ကွယ်က သြဇာရှိခဲ့တဲ့ တပ်မတော်ပညာရှင်တွေထဲက တယောက်ပါ။ နောက် သူမကွယ်လွန်ခင်မှာ အနော်ရထာအရင်ကမြန်မာနိုင်ငံဆိုတဲ့ စာအုပ်တအုပ်ထုတ်ဝေခဲ့ပါတယ်။
ဒေါက်တာကျော်သက်ကတော့ ပထမဆုံးသမိုင်းပါရဂူဘွဲ့ရ မြန်မာလူမျိုးပါ။ ရန်ကုန်တက္ကသိုလ်ပါမောက္ခလည်းဖြစ်ပါတယ်။ အင်တာနက်မှာ လွှင့်တင်ထားတဲ့ သူလက်ချာပေးပုံ ရုပ်မြင်သံကြားမှတ်တမ်းကြောင့် ယနေ့လူငယ်တွေ သူ့ကိုသိကြမယ်ထင်ပါတယ်။ မွန်မြန်မာမင်းမှုထမ်းမျိုးကဆင်းသက်ပီး ဝိုင်အမ်ဘီအေပညာတတ်မိသားစုမှာ ကြီးပြင်းခဲ့တဲ့ ဒေါက်တာကျော်သက်ဟာ မျိုးချစ်စိတ်ကြီးတဲ့ သမိုင်းဆရာပါ။ သူပေးတဲ့ သမိုင်းလက်ချာကို သေချာနားထောင်မယ်ဆိုရင် မြန်မာပြည်ကို ချစ်တီးတွေ လာသွေးစုပ်ခဲ့တဲ့အကြောင်း၊ လက်ရှိဖဆပလအစိုးရက ဆိုရှယ်လစ်လမ်းကြောင်းကနေ ဘက်မလိုက်နိုင်ငံတည်ထောင်နေကြောင်းစတဲ့ အစိုးရအာဘော်ဆန်ဆန်တွေ ပြောတာကိုတွေ့ပါလိမ့်မယ်။ သူရေးတဲ့ ပြည်ထောင်စုမြန်မာနိုင်ငံသမိုင်းမှာလည်း ဇော်ဂျီရဲ့ မူလတန်းသမိုင်းဖတ်စာတွေလိုပဲ မြန်မာနိုင်ငံကိုစည်းလုံးပေးတဲ့ စစ်ဘုရင်တွေကဏ္ဍကို အသားပေးရေးပါတယ်။ တပင်ရွှေထီးအကြောင်းမှာဆိုရင် မွန်ပဒေသရာဇ်တွေအပေါ် ရက်စက်ခဲ့ပုံရော မွန်လူထုကို သိမ်းသွင်းခဲ့ပုံကိုရော ဖော်ပြထားပါတယ်။ ရခိုင်ဟာ မြန်မာနယ်တွေနဲ့ ကင်းလွတ်သီးခြားဖြစ်တယ်ဆိုတာ အမြဲပြပေမယ့် မြန်မာပြည်အရေးမှာ ပါနေတဲ့ တိုင်းရင်းသားတမျိုးပဲလို့ ဦးကျော်သက်က ကောက်ချက်ပေးပါတယ်။ သမိုင်းအထောက်အထားစုံကနေ ဆိုင်ရာခေတ်နောက်ခံအချက်အလက်သစ်တွေယူပီး ကဏ္ဍခွဲခြားသုံးသပ်တာကတော့ ရိုးရိုးစာရေးဆရာတွေရေးတဲ့ စုတုကူးသမိုင်းတွေထက် အများကြီးသာပါတယ်။ စစ်အာဏာသိမ်းအစိုးရခေါင်းဆောင် ဗိုလ်ချုပ်ကြီးနေဝင်းနဲ့ ပုဂ္ဂိုလ်ရေးခင်မင်မှုရှိပေမယ့် နောက်ပိုင်းမှာ အဆင်မပြေဖြစ်ပီး နိုင်ငံခြားထွက်သွားခဲ့ပါတယ်။ သူ့နေရာကို လန်ဒန်က မဟာဝိဇ္ဇာရ ဦးတင်အုံးက ဆက်ခံပါတယ်။ ဦးတင်အုံးဟာ နောက်ပိုင်း မဆလအစိုးရ ဒုနိုင်ငံခြားရေးဝန်ကြီးဖြစ်လာပါတယ်။
ဒေါက်တာကျော်သက်ထက်အရင် ပြည်ပထွက်သွားတဲ့ သမိုင်းနဲ့နိုင်ငံရေးသိပ္ပံပါမောက္ခကတော့ မန္တလေးတက္ကသိုလ်က ဒေါက်တာမောင်မောင်ကြီးပါ။ အသစ်ပေါ်ခါစ မြန်မာ့ဆိုရှယ်လစ်လမ်းစဉ်ကို လှောင်ပြောင်ဝေဖန်လို့ ရပ်စဲခံရပီးနောက် အမေရိကကို ထွက်သွားပါတယ်။ သူဟိုမှာရေးတဲ့ မြန်မာအာဏာရှင်စနစ်ရဲ့ရင်းမြစ်များစာအုပ်ဟာ ခေတ်အဆက်ဆက် မြန်မာ့လူ့ဘောင်မှာကြီးစိုးခဲ့တဲ့ ဂုဏ်မက် အာဏာရှိသူကို အောက်ကျို့တဲ့အလေ့တွေ လွတ်လပ်ရေးရပီးတဲ့ထိ ဘယ်လိုတွယ်ကပ်ပါနေတယ်ဆိုတာကို ပိုင်းခြားသုံးသပ်ထားတာပါ။ ဒီစာအုပ်ကတော့ ဒေါက်တာအောင်ခင် ဘာသာပြန်ပီးနောက် မြန်မာ့ဒီမိုကရေစီရေးစိတ်ဝင်စားသူ လူငယ်ပိုင်းထဲမှာ ပိုစိတ်ဝင်စားဖတ်ရှုခံရပါတယ်။
၁၉၅၅ မှာ မျိုးချစ်စိတ်သန်တဲ့ ဝန်ကြီးချုပ်ဦးနုက မြန်မာသမိုင်းကို မြန်မာပညာရှင်တွေကိုယ်တိုင် စနစ်တကျရေးဖို့ဆိုပီး မြန်မာသမိုင်းကော်မရှင်ကို ဖွဲ့စည်းခဲ့ပါတယ်။ ဒီကော်မရှင်မှာ ရန်ကုန်တက္ကသိုလ်ပါမောက္ခချုပ် အင်္ဂလိပ်စာပေနဲ့ မနုဿဗေဒပညာရှင် ဒေါက်တာထင်အောင်၊ အင်္ဂလိပ်စာပါမောက္ခနဲ့ ဝန်ကြီးချုပ်အတွင်းဝန် ဦးမျိုးမင်း၊ ဇော်ဂျီ၊ မင်းသုဝဏ်၊ စာရေးဆရာဇေယျ၊ မောင်ထင်၊ သီပေါမင်းခေတ် ရွှေတိုက်အတွင်းဝန်သမက် ပညာရေးမဟာဌာနမှူး ပါမောက္ခဦးဘ၊ ပထဝီပါမောက္ခဒေါက်တာသင်းကြည် စတဲ့ သမိုင်းဘက်ကမဟုတ်တဲ့ ပညာရှင်တွေအများစုပါတယ်လို့ ဒေါက်တာသန်းထွန်းရေးဘူးပါတယ်။ ဦးဆောင်သူက အင်္ဂလိပ်အောက်ကျခါစ အောက်မြန်မာပြည်ဘုန်းကြီးကျောင်းပညာရေးကို ကျမ်းပြုခဲ့တဲ့ ပညာမင်းကြီးဦးကောင်းပါ။ ပါမောက္ခဦးဘညွန့်(ချစ်ဒုက္ခ)၊ ဒေါက်တာကျော်သက်၊ ဗိုလ်မှူးကြီးဘရှင်၊ ဒေါက်တာလုစ်စတဲ့ သမိုင်းဌာနပုဂ္ဂိုလ်များလည်း ပါပါတယ်။ မင်းကြီးဦးကောင်းကွယ်လွန်ပီးနောက် တက္ကသိုလ်ကျောင်းအုပ်ဟောင်း ပါဠိနဲ့မြန်မာစာပညာရှင် ဦးဖေမောင်တင်က ဥက္ကဋ္ဌတာဝန်ယူခဲ့ပါတယ်။ မြန်မာစာနဲ့ ကမ္ပည်းကျောက်စာဘက်ကပညာရှင်တွေလည်း ဝိုင်းဝန်းကြပါတယ်။
ကော်မရှင်အတွက်လိုတဲ့အထောက်အထားတွေကိုလည်း ဒေါက်တာရီရီ၊ ဒေါ်ကြန်စတဲ့ ပညာရှင်ငယ်တွေကို လန်ဒန်လွှတ်ပီး ပြတိုက် စာကြည့်တိုက်နဲ့ရုံးမှတ်တမ်းတွေက လိုရာများ ကူးယူစေပါတယ်။ ပန်းချီဆရာကြီးဦးငွေကိုင်လည်း ပစ္စည်းအထောက်အထား ပုံတူကူးဖို့ သွားခဲ့ပါတယ်။ မှတ်တမ်းမှတ်ရာများ စုဆောင်းပီးနောက် ပညာရှင်အယ်ဒီတာအဖွဲ့ကတည်းဖြတ်ထုတ်ဝေတဲ့ မြန်မာသမိုင်းစာစဉ်တွေ ထွက်ပေါ်လာပါတယ်။ ဗိုလ်မှူးဘရှင်ရဲ့ လောကထိပ်ပန်၊ သမိုင်းသုတေသနကော်မရှင်စာစောင်လိုသုတေသနစာစဉ်၊ ကျမ်းစဉ်၊ ပုဂံမင်စာသုတေသနခရီးလို မှတ်တမ်းစဉ်တွေ ထုတ်ဝေခဲ့ပါတယ်။ နောက် ဒေါက်တာလုစ် မြန်မာပြည်ကထွက်သွားရပီးနောက် ကော်မရှင်မှာ အဓိကလည်ပတ်တဲ့ဝင်ရိုးတချောင်းလျော့သွားတဲ့အပြင် အစိုးရသစ်ခေါင်းဆောင် ဗိုလ်ချုပ်ကြီးနေဝင်းကလည်း မြန်မာစာကော်မရှင်၊ ယဉ်ကျေးမှုကော်မရှင်စတဲ့ သူ့စိတ်ကြိုက်စီမံကိန်းတွေကို ပိုအားသန်နေတာကြောင့် ကော်မရှင်အလုပ်တွေ အရှိန်ကျသွားပါတယ်။
လမ်းစဉ်ပါတီခေတ် ဆိုရှယ်လစ်လှိုင်းလုံးတွေကြား မြန်မာသမိုင်းရေးပုံတွေ ဘယ်လိုပေါ်ထွက်လာတယ်ဆိုတဲ့အကြောင်း ရှေ့တပတ်ဆက်ပါမယ်။ နားထောင်တဲ့အတွက် ကျေးဇူးပါ။
http://bobolansin.wordpress.com/2011/08/11/%E1%80%90%E1%80%90%E1%80%AD%E1%80%9A-%E1%80%99%E1%80%BD%E1%80%94%E1%80%B9%E1%80%94%E1%80%94%E1%80%B9%E1%80%B8%E1%80%B1%E1%80%80%E1%80%AC%E1%80%B9%E1%80%99%E1%80%9B%E1%80%BD%E1%80%84%E1%80%B9%E1%81%82/

သန်းထွန်း ပွဲဦးထွက်၂၃

လွတ်လပ်တဲ့အာရှအသံ
သောတရှင်များခင်ဗျား။ ဖဆပလခေတ် သမိုင်းပညာရှင်တွေအကြောင်း ပြန်ဆက်ရရင် ဒီ ၁၉၅၀ ကျော်ကာလ ကိုရီးယားစစ်အတွင်း ဆန်ဈေးကောင်းခဲ့ရာက မြန်မာအစိုးရမှာ ပြည်ပငွေပိုလျှံပီး အနောက်နိုင်ငံတွေကို ပညာတော်သင်တွေ စေလွှတ်ခဲ့ပါတယ်။ စေလွှတ်ရာမှာလည်း တိုင်းပြည် ထူထောင်ရေးမှာ အသုံးကျမယ့် ဘာသာရပ်ပေါင်းစုံပါဝင်ပါတယ်။ တိုင်းပြည်တခုရဲ့ လမ်းကြောင်း အနာဂတ်ကိုပဲ့ပြင်ရာမှာ အရေးကြီးတဲ့ သမိုင်းပညာရပ်အတွက်လည်း အင်္ဂလန် အမေရိက တက္ကသိုလ်ကြီးတွေကို စေလွှတ်သင်ကြားစေခဲ့တာပါ။ အဲဒီထဲမှာ မြန်မာသမိုင်းလေ့လာရေးအတွက် အစဉ်အလာ ကြီးတဲ့ လန်ဒန်တက္ကသိုလ်နဲ့ စစ်အေးခေတ်သြဇာချဲ့ထွင်ရေးမှာ အရေးကြီးတဲ့ အရှေ့တိုင်းနိုင်ငံများ လေ့လာရေးကို စောက်ချလုပ်ကိုင်နေတဲ့ အမေရိကန်တက္ကသိုလ်တွေဆီ လွှတ်တာဖြစ်ပါတယ်။ အဲဒီတက္ကသိုလ်တွေမှာ ပညာသင်ခဲ့တဲ့ မြန်မာသမိုင်းပညာရှာတွေထဲက နောင်မှာ သမိုင်းဌာနတွေကို ဦးစီးလုပ်ကိုင်ရတဲ့ ပညာရှင်ကောင်းတွေပေါ်ထွက်လာခဲ့ပါတယ်။
အကြောင်းကြောင်းကြောင့် ပြည်ပပြန်ထွက်သွားသူတွေရှိပေမယ့် မြန်မာပြည်မှာအခြေချပီး သမိုင်း သုတေသန ကိုစူးစိုက် လေ့လာ ပို့ချ ဖြန့်ဖြူးနေတဲ့ ဆရာတွေလည်းရှိပါတယ်။ သူတို့ထဲက ထင်ရှားသူ တချို့ကတော့ ဒေါက်တာသန်းထွန်း၊ ဒေါက်တာရီရီ၊ ဦးထွန်းအောင်ချိန်၊ စိုင်းအောင်ထွန်း၊ ဒေါက်တာ ခင်မောင်ညွန့် စသူတွေပါ။ သူတို့တွေဟာ ပြည်ပကပြန်လာပြီး တက္ကသိုလ်တွေ
သုတေသနဌာနတွေမှာ ဝင်အမှုထမ်းရင်း အင်္ဂလိပ်မြန်မာဘာသာတွေနဲ့ သုတေသနစာတမ်းဆောင်းပါးတွေ ရေးကြပါတယ်။ မြန်မာနိုင်ငံသုတေသနအသင်းဂျာနယ်နဲ့ ရှုမဝ မြဝတီစတဲ့ အများဖတ်မဂ္ဂဇင်းကြီးတွေမှာ ထည့်သွင်းကြပါတယ်။ နောက် ၁၉၆၀-၇၀ ပြည့်လွန်နှစ်တွေမှာ ဒီပုဂ္ဂိုလ်ကြီးတွေရဲ့ စာအုပ်တွေ မြန်မာဘာသာနဲ့ ထွက်ရှိလာပါတယ်။ ဒီလိုထွက်လာခဲ့တဲ့စာအုပ်စာတမ်းတွေထဲမှာ လူပြောသူပြောအများဆုံး ကတော့ မန္တလေးတက္ကသိုလ်သမိုင်းပါမောက္ခဒေါက်တာသန်းထွန်းရဲ့ စာအုပ်တွေလို့ဆိုရင် ရနိုင်ပါတယ်။
ဒေါက်တာသန်းထွန်းကို အများပရိသတ် စပီးသိကြတာက ရန်ကုန်တက္ကသိုလ်သမိုင်းကထိက ခန့်အပ်ရေး ကိစ္စမှာ ဗိုလ်မှူးဘရှင်နဲ့ ယှဉ်ပြိုင်လျှောက်ထားတာက စပါတယ်။ ၁၉၆၀ စစ်အာဏာမသိမ်းခင် လွတ်လပ်တဲ့ ပုဂ္ဂလိကသတင်းစာတွေခေတ်မို့ တက္ကသိုလ်ကောင်စီမှာ အချေအတင်ဆွေးနွေးကြတာတွေက အပြင်ပရိသတ်တွေကြား အုတ်သြသောင်းသဲဖြစ်ခဲ့တာပါ။ အဲဒီနှစ်ပိုင်းမှာပဲ မြန်မာစာပါမောက္ခ
နေရာအတွက် မင်းသုဝဏ် (ဦးဝန်)နဲ့ ဦးဧမောင်တို့ နှစ်ယောက် အပြိုင်လျှောက်တာ နှစ်ယောက်စလုံးကို မြန်မာဘာသာပါမောက္ခ နဲ့ မြန်မာစာပေပါမောက္ခဆိုပြီး
( ၂ )နေရာခွဲပေးခဲ့တဲ့ကိစ္စကလည်း အများသူငါ စိတ်ဝင်စားစရာဖြစ်ခဲ့တာပါ။ ဒါကြောင့်မို့ ဒီတခါ သမိုင်းကထိကနေရာမှာ ပညာရှင်တွေ ဘယ်သူ့ဘက်က ရပ်ကြမလဲဆိုတဲ့ကိစ္စက လူသိချင်တဲ့သတင်းဖြစ်ခဲ့ပါတယ်။ တက္ကသိုလ်ပညာရေးအဖွဲ့မှာရှုံးပေမယ့် ကောင်စီမှာ ဒေါက်တာသန်းထွန်းနိုင်ခဲ့ပါတယ်။
၁၉၆၁ မှာ ခေတ်ဟောင်းမြန်မာရာဇဝင် မြန်မာရာဇဝင်စာတန်းအမှတ်တစ်ဆိုတဲ့ စာအုပ်ကို သူထုတ်ပါတယ်။ သူ့ရဲ့ပါရဂူဘွဲ့ယူစာတမ်းနဲ့ ဒေါက်တာလုစ်စာတမ်းတွေဘာသာပြန်ထားတာကို စုစည်းပီးထုတ်တဲ့ အဲဒီစာအုပ်မှာ အစဉ်အဆက် ထွက်ခဲ့တဲ့မြန်မာရာဇဝင်တွေကို အရှိ်အတိုင်း ဘယ်သူ့မှ မငဲ့ကွက်ပဲ ပြန်သုံးသပ်ထားပါတယ်။ ဒါကြောင့် မြန်မာသမိုင်းကိုသိလိုသူတွေအတွက် ဒီအမှာစာကို အရင်ဖတ်ကြည့်တာဟာ အများကြီး ခရီးတွင်လိမ့်မယ်လို့ တိုက်တွန်းလိုပါတယ်။ အမှာစာမှာ ဒေါက်တာသန်းထွန်းက မျိုးချစ်စိတ် အပိုအကဲနဲ့ သူများရာဇဝင် ကိုယ့်ရာဇဝင်ကို မရေးသင့်ဘူး၊ မြန်မာရာဇဝင်ကို မြန်မာတွေကိုယ်တိုင် အပို မပါပဲ ရေးပြီး ကမ္ဘာကိုပြဘို့ အချိန်တန်ပီ၊ အင်္ဂလိပ်နဲ့ ကုလားတွေက မြန်မာအဆိုးရေးတာတွေကို မဟုတ်တာပြင်၊ ဟုတ်တာဝန်ခံဘို့ အချိန်ရောက်ပီလို့ သူ့ရဲ့သမိုင်းအမြင်ကို အကျဉ်းချုပ်ရေးသားခဲ့ပါတယ်။ တရားသဘော ကမ္မဋ္ဌာန်းစာ၊ နယ်ချဲ့ဝါဒ၊ အမျိုးသားရေးဝါဒ၊ လူတန်းစားအမြင်၊ ပြည်ထောင်စုစိတ်ဓာတ် စတဲ့ အမြင်တမျိုးမျိုးစွဲကိုင်ပီး သမိုင်းရေးသူတွေက သူ့စကားကို လက်ခံမှာမဟုတ်ဖူး၊ ရာဇဝင်ကို သူတို့စိတ်ကြိုက်အရောင်ခြယ်နေအုံးမှာပဲ၊ ပေါ်ပင်လိုက်ရေးပီး ဘာသာရပ်တန်ဘိုး လျော့အောင် ဈေးချနေတာလို့ သူပြင်းပြင်းထန်ထန်ဝေဖန်ခဲ့တဲ့စကားဟာ ဒီမိုကရေစီအရေးတော်ပုံခေတ် တပ်မတော်ဦးဆောင်သော ပြည်ထောင်စုသမိုင်းခေတ်တွေထိ မှန်နေဆဲလို့ ဆိုရမှာပါ။ မြန်မာသမိုင်းကို ကမ္ဘာသိဖို့မပြောနဲ့ မြန်မာအငယ်တွေတောင် မသိကြတဲ့ခေတ်ရောက်နေပီး အင်္ဂလိပ်လိုရေးတဲ့ မြန်မာသမိုင်းစာအုပ်တွေမှာလဲ သူတို့အမြင်အာဘော်တွေကို မဝင်ဝင်အောင် နည်းပေါင်းစုံနဲ့ သွင်းနေကြဆဲဆိုတာကို ဝမ်းနည်းဖွယ်ရာတွေ့ရပါတယ်။
ဒီနေရာမှာ ဝေဖန်ရေးနဲ့ပတ်သက်ပီး ပြောရရင် တကယ်က အဲဒီအချိန်မှာ ဒေါက်တာ သန်းထွန်းဟာ ရှုမဝမှာ စရေးတာကလွဲရင် အပြင်စာဖတ် ပရိသတ်ကြားမှာ လူသိများလှသေးတာ မဟုတ်ပါဘူး။ သုတေသနအသင်းဂျာနယ်မျိုးမှာ အင်္ဂလိပ်လို ဆောင်းပါးရေးတဲ့သူမျိုးပါ။ ရာထူး အားဖြင့် ကျော်ကြားမှုအားဖြင့် သူ့ထက်သာတဲ့သူတွေကို ဒီလို ဝေဖန်ပြောကြားရဲတာဟာ အဲဒီခေတ်မှာ အတော်လေးအခြေကျနေပီဖြစ်တဲ့ ဒီမိုကရေစီယဉ်ကျေးမှုစနစ်ကြောင့်လို့ ဆိုချင်ပါတယ်။ နောက် ထင်ရှားတဲ့ဥပမာတခုကတော့ အရှေ့ကနေဝန်းထွက်သည့်ပမာ ဝတ္ထုထဲမှာ ဦးသိန်းဖေမြင့်က စစ်ကြီး မဖြစ်ခင်က နိုင်ငံရေးသမားကြီးတွေကို ပွင့်ပွင့်လင်းလင်း ဝေဖန်ခဲ့တာပါ။ အဲဒီစာရေးချိန် ၁၉၅၀ကျော်မှာ မြန်မာပြည်တရားဝန်ကြီးချုပ်ဖြစ်နေတဲ့ ဦးသိမ်းမောင်ကို ဝေဖန်တာတွေလဲ ပါပါတယ်။ ဒါပေမဲ့ အဲဒိဝတ္ထုကို ဖဆပလအစိုးရက စာပေဗိမာန်ဆုပေးခဲ့ပါတယ်။ အလားတူပဲ စစ်အာဏာမသိမ်းခင် မြန်မာစာပေနဲ့ ပညာရပ်နယ် လူမှုနယ်တွေမှာ အတော်လွတ်လပ်ပွင့်လင်းတဲ့ဝေဖန်ရေးယဉ်ကျေးမှု တခုရှိခဲ့တယ်ဆိုတာကို အမှတ်ရကြစေချင်ပါတယ်။ နားထောင်တဲ့အတွက် ကျေးဇူးပါ။

Eco World Content From Across The Internet. Featured on EcoPressed Has sustainability education been hijacked?

3 thoughts on “သန်းထွန်း ပွဲဦးထွက်၂၃”

Reply ↓

kohlahan on August 20, 2011 at 3:00 am said:

ဆန်ဈေးကောင်းလို့ ပို့လျှံတဲ့ပြည်ပငွေ အသုံးနဲ့ သဘာဝဓါတ်ငွေ့ကရတဲ့ ပြည်ပငွေ အသုံး၊ အသုံးနှစ်ခုကို ယှဉ်ပြီး လက်တံရှည်ရှည်နဲ့ ဆောင်းပါးတပုဒ် ရေးရင် နောင်အကျိုးများလိမ့်မယ် ထင်ပါတယ်။ အသံလွှင့်ဆောင်းပါး မဟုတ်သည့်တိုင် သမိုင်းအချက်အလက်နဲ့ ဗဟုသုတဖြစ်စေမယ့် ဆောင်းပါးသဘောမျိုးကို နှောင်းလူများအတွက် တစုတစည်းတည်း လေ့လာနိုင်တဲ့အတွက် အကျိုးများမယ် ထင်ပါတယ်။ ကျေးဇူးတင်သည်။

အသံနဲ့ အမှန်၂၄

လွတ်လပ်တဲ့အာရှအသံ
သောတရှင်များခင်ဗျား၊ ယခင်အပတ်က ဒေါက်တာသန်းထွန်းရဲ့ ရာဇဝင်ဝေဖန်မှုအကြောင်းပြောခဲ့ပါတယ်။ အဲဒိ ခေတ်ဟောင်းမြန်မာရာဇဝင် စာအုပ်နိဒါန်းမှာပဲ ဒေါက်တာသန်းထွန်းက ရာဇဝင်ကိုအသုံးချပီး ဝါဒဖြန့် လူထုအမြင်ကို လွှမ်းမိုးတဲ့အလေ့အထတွေအကြောင်း ရှင်းပြပါတယ်။ ကိုလိုနီအစိုးရက မြန်မာပြည်ကို တိုက်ခိုက်သိမ်းရတဲ့အကြောင်းနဲ့ပတ်သက်ပီး အင်္ဂလိပ်ကိုလိုနီဝါဒီတွေရေးတဲ့ ရာဇဝင်စာအုပ်တွေမှာ ပေးလေ့ရှိတဲ့အကြောင်းပြချက်က မြန်မာမင်းဟာ ရက်စက်ကြမ်းကြုတ်တယ် တရားသဖြင့်အုပ်ချုပ်တဲ့ အင်္ဂလိပ်တွေကြောင့် မြန်မာတွေ ကြီးပွားတိုးတက်အေးချမ်းလာပါသတဲ့။ အင်္ဂလိပ်ခေတ်မှာလူဖြစ်တဲ့ မြန်မာကြီးများရဲ့ အပြောအဆိုတွေမှာ ဒီအမြင်မျိုးပါလာတတ်တယ်လို့ ဒေါက်တာသန်းထွန်းက သုံးသပ်ပါတယ်။ လူထုဒေါ်အမာ ဒုတိယကမ္ဘာစစ်မဖြစ်ခင်က ရေးခဲ့တဲ့ တို့ပယောဂဆိုတဲ့ဆောင်းပါးတပုဒ်မှာ ကောလိပ်ကျောင်းသူ တဦးနှင့် မြန်မာပြည်၏ လွတ်လပ်ရေးစကားစမိကြရာ၊ ထိုမိန်းကလေးက “လွတ်လပ်ရေး ဘာလုပ်ဘို့လဲရှင့် အင်္ဂလိပ် အုပ်စိုးနေတာ အကောင်းသားဘဲ။ ကျွန်မတို့ လက်နက်လဲ ဘာမရှိ၊ ညာမရှိနဲ့ ကိုယ့်ဘာသာ အုပ်စိုးနေရင် တရုပ်တွေ ဂျပန်တွေက ဝိုင်းတိုက်ကုန်မှာပေါ့။ ပီးတော့ ဘမာမင်းဆိုတာ တယောက်မကောင်းရင် တမျိုးလုံးသတ်တယ်ဆို” စသည်ဖြင့် ကိုယ့်အမျိုး၏ စွမ်းရည်ကို မယုံ၊ ကိုယ့်အမျိုး၏ မင်းများကို အလွဲလွဲထင်၊ ကိုယ့်အမျိုးကို ကိုယ်မရိုသေ။ ကိုယ်သင်ထားသော ပညာမျှဖြင့် မချင့်ချိန်ဘဲ ထင်မြင်ချက်ပေးနေတယ်လို့ ရေးဖူးပါတယ်။ ဒါက ပညာရေးသမိုင်းသင်ရိုးကတဆင့် လူထုကြား လွှမ်းမိုးပုံပါ။
ဇာတ်ကတဲ့အခါမှာ ဘုရင်ကလူစွမ်းကောင်းကိုသတ်၊ သူများသားမယားကိုသိမ်းတဲ့ဇာတ်တွေကတာဟာ နယ်ချဲ့ဝါဒကိုအားပေးနေသလိုရှိတယ်လို့ ဒေါက်တာသန်းထွန်းက မှတ်ချက်ချပါတယ်။ မြန်မာဘုရင်စနစ်အပြစ်ကို အင်္ဂလိပ်ကပြလျှင် မြန်မာအုပ်ချုပ်ရေးစနစ်မည်မျှအခြေခံကြီး၍ မည်သည်ကပဓာနချီးမွမ်းဖွယ်ဖြစ်သည်ကို လက်ဆုပ်လက်ကိုင်ပြနိုင်တာမပေါ်ခဲ့ဘူးလို့ အင်္ဂလိပ်ဝါဒဖြန့်တာကို တန်ပြန်ဖို့ မျိုးချစ်ပညာရှင် စာရေးဆရာတွေ ရေးတဲ့သမိုင်းတွေရဲ့ အားနည်းချက်ကို ထောက်ပြခဲ့ပါတယ်။ ပင်မရင်းမြစ်တွေကိုးကားပီး ရေးတဲ့ ပုဂံဦးတင်စာတမ်းကြီးကိုက နယ်ချဲ့ဝါဒကိုလက်ခံလာအောင်ရေးရတဲ့ ပေါ်လစီစာမို့လို့ အင်္ဂလိပ်အုပ်ချုပ်ရေးကောင်းတာကို သိသိသာသာနဲ့ မသိမသာဖော်ပြနေရတယ်လို့ ဒေါက်တာသန်းထွန်းကဆိုပါတယ်။
မြန်မာရာဇဝင်ကို မြန်မာစာမတတ်ပဲ မြန်မာရာဇဝင်နဲ့မညှိနှိုင်းပဲ တဖက်စကားတဖက်နားနဲ့ ရေးခဲ့တဲ့ လူမျိုးခြားတွေရဲ့ရာဇဝင်တွေကို ပြန်စစ်ဆေးဖို့ကောင်းပီလို့လည်း အဲဒိ ၁၉၅၀ ကျော်က အနောက်နိုင်ငံတွေမှာ ဦးတက်ထွဋ်စတဲ့ မြန်မာပညာရှင်တွေက အင်္ဂလိပ်ရာဇဝင်သမားတွေရေးခဲ့တဲ့ မြန်မာရာဇဝင်စာအုပ်တွေထဲက အမှားတွေ ကဲ့ရဲ့ပြောင်လှောင်တဲ့စာတွေကို သုတေသနညီလာခံတွေမှာ ထောက်ပြဝေဖန်တာတွေကို ကိုးကားပီး ဒေါက်တာသန်းထွန်းက သတိပေးပါတယ်။ သူ့သတိပေးစကားဟာ အနှစ် ၅၀ လွန်လေပီးနောက် ခုချိန်ထိကို မှန်နေတုန်းပဲဖြစ်ပါတယ်။ မြန်မာစာမတတ် မြန်မာပြည်ပင် မရောက်ဖူးပဲ မြန်မာပြည်အကြောင်း ရေးသားထုတ်ဝေနေတဲ့ ပညာရှင်ဆိုသူတွေ အတော်ပေါ်ထွန်းလာတာကို တွေ့နေရလို့ပါပဲ။ နိုင်ငံခြားသားပြောရင် အထင်ကြီးအဟုတ်ထင်တတ်တဲ့ ဓလေ့စရိုက်အားနည်းချက်ကို ဂရုစိုက်ပြုပြင်ချိန်တန်ပီဖြစ်ပါတယ်။ ပီးတော့လည်း ဒေါက်တာသန်းထွန်းပြောသလို စစ်ဆေးလေ့လာပီး သုတေသနလုပ်တဲ့ ကျမ်းပြုတဲ့အကျင့် မြန်မာပြည်မှာ သေချာထွန်းကားဖို့ လိုနေပါပီ။
နိုင်ငံခြားသားက မြန်မာရာဇဝင်ကို ချိုးချိုးဖဲ့ဖဲ့ရေးသလို မြန်မာကတော့ ဖုံးဖိရေးတယ်၊ လှအောင်ပြင်ရေးတယ်လို့ ဒေါက်တာသန်းထွန်းက ဝေဖန်ပါတယ်။ မျိုးချစ်စိတ်ကို ဦးစားပေးပီး မဖြစ်ဖူးပဲ ဖြစ်ခဲ့သလိုရေးတာတွေက တကောင်းကို သာကီဝင်တွေ ၂ ကြိမ် တည်ထောင်တာ၊ အနော်ရထာက တရုတ်ဥတည်ဘွားကို ခြိမ်းခြောက်တာ၊ အလောင်းစည်သူ ဖောင်စကြာနဲ့တိုင်းခန်းလှည့်တာ၊ မွန်သူရဲကောင်းသမိန်ဗရမ်း ၂ ယောက်က အင်းဝကို တရုတ်စစ်ကနေ ကာကွယ်ပေးတာတွေလို့ သူကထောက်ပြပါတယ်။ နောက် မလိုတဲ့အုပ်စုကိုသမိုင်းမှာ နာမည်ဖျက်တဲ့ဥပမာကိုတော့ အရည်းဂိုဏ်းနဲ့ပေးပါတယ်။ ပန်းဦးလွှတ်တယ်ဆိုတာ သက်သေအထောက်အထားမတွေ့ပါဘူးတဲ့။ နောက်ပီး ပုဂံခေတ်မှာ ဘုရင်တွေက အရည်းတွေကို နှိမ်နင်းတယ်ဆိုတာလည်းမဟုတ်ပါဘူး၊ ဝိနည်းလိုက်စားတဲ့ ဘုန်းကြီးလူထွက် ဓမ္မစေတီမင်းလက်ထက်ကျမှ သီဟိုဠ်သံဃာတွေကိုအားပေးလို့ ဒီဂိုဏ်းအရှိန်ကျသွားပီးနောက်မှ မကောင်းရေးတာတွေပေါ်လာတယ်လို့ ဒေါက်တာသန်းထွန်းကဆိုပါတယ်။ အရည်းဂိုဏ်းဟာ ပွဲကျောင်းဂိုဏ်း လက်ဝှေ့သတ်သင်တဲ့ဂိုဏ်းအဖြစ် ကုန်းဘောင်ခေတ်ထိရှိခဲ့ပီး မင်းတုန်းမင်းအမိန့်နဲ့မှ ပွဲကျောင်းပညာရေးချုပ်ငြိမ်းခဲ့ရတာပါ။ ပတူကြီးသင်္ဃရာဇာဟာ အင်းဝခေတ်မှာထင်ရှားတဲ့ လက်ဝှေ့အကျော် သာသနာပိုင်ဖြစ်ပါတယ်။
နောက်ပီး နိုင်ငံခြားသားတွေစွပ်စွဲတတ်တဲ့ မြို့တည်ရင်လူစတေးတယ်ဆိုတဲ့ဓလေ့ဟာ ဟုတ်မဟုတ် မြို့ဟောင်းတွေမှာ တူးဖော်ကြည့်သင့်တယ်လို့လည်း သူကအကြံပေးပါတယ်။ အပြစ်ရှိတဲ့လူ ဆိတ်နွားကြက်ဘဲစတာတွေသာ မြို့တည်ရင် မင်္ဂလာယူပီးလွှတ်တာတွေ့ရပါသတဲ့။ ဒီမှာတော့ မဇ္ဈိမတိုင်းမှာစီရင်တဲ့နည်းဆိုပီး အင်းဝခေတ်မှာ
သတ္တဝါတွေခေါင်းကိုဖြတ်ပီးအင်းမြှုပ်တဲ့ဓလေ့ရှိကြောင်း အမိန့်တော်တွေကို ကိုးကားပီးရေးတဲ့ မြန်မာဘလောက်တခုကိုတွေ့ထားပါတယ်။ နောက် နိုင်ငံခြားသားမှတ်တမ်းတွေမှာ တွင်တွင်ကျယ်ကျယ်ဖော်ပြတတ်တာတခုက အင်းဝ ဟံသာဝတီက မြန်မာ မွန်အမျိုးသားတွေရဲ့ တန်ဆာမှာ ချူဆွဲတဲ့အလေ့ပဲဖြစ်ပါတယ်။ ဇဝနစတဲ့ မြန်မာစာရေးဆရာတွေကတော့ ဒါဟာ တောင်ပေါ်သား ကျွန်းသားလူရိုင်းတွေနဲ့မှားယွင်းတာပါလို့ ငြင်းဆုိုလေ့ရှိပါတယ်။
ဒါပေမဲ့လည်း ဒေါက်တာသန်းထွန်းရေးခဲ့သလိုပဲ လူမျိုးတိုင်းတခါကရိုင်းခဲ့ နောက်မှာ ယဉ်ကျေးလာခဲ့တာရှိသလို အောင်မြင်တာ ကျရှုံးတာတွေလည်းရှိတာပါပဲ။ သမိုင်းရဲ့တာဝန်က ဒါတွေကနေ သင်္ခန်းစာထုတ်တတ်ဖို့ဖြစ်ပီး အနိမ့်ကို ပိုနိမ့် အမြင့်ကိုပိုမြင့်အောင် မလှည့်စားသင့်ဘူးလို့သူက သတိပေးသွားပါတယ်။ မျက်မှောက်ခေတ်မှာပဲ နိုင်ငံရေးဝါဒဖြန့်အတွက် စစ်အာဏာမသိမ်းခင် ကိုလိုနီခေတ် ဖဆပလခေတ်တွေကို ခေတ်ကောင်းကြီး၊ အာရှမှာ ဗိုလ်လုပ်ခဲ့တဲ့အချိန်၊ အာဏာသိမ်းပီး အကုန်ဆုတ်ယုတ်ပျက်စီးတယ်လို့ ဟုတ်တာထက် ပိုလွန်ချဲ့ကားပြောကြ ရေးကြတာတွေကို ပြည်တွင်းပြည်ပမီဒီယာတွေမှာ တွေ့နေရပါတယ်။ တကယ်က မြန်မာပြည်ခေတ်အဆက်ဆက်မှာ ပြည်တွင်းမငြိမ်သက်မှု၊ ဖိနှိပ်သွေးစုပ်မှုတွေက သူ့အထွာနဲ့သူ ရှိခဲ့တာဖြစ်ပီး အဆင်ပြေဝပြောမှုဆိုတာ သူ့ခေတ်သူ့အထွာ လူလတ်တန်းစားတရပ်မှာသာရှိခဲ့တယ်ဆိုတဲ့ သုတေသနကျမ်းပြုချက်တွေ ခေတ်ပြိုင်အထောက်အထားတွေ ရှိပါတယ်။ စစ်အာဏာသိမ်းတာ ကြာလာတာနဲ့အမျှ ပိုမိုကျပ်တည်းလာတာရှိသလို ဒေသဌာနအပေါ်မူတည်ပီး အဆင်ပြေချောင်ချိလာသူတွေလည်းရှိပါတယ်။ တကယ်က ခေတ်တိုင်းမှာဖြစ်ပျက်ခဲ့သမျှ အကောင်းအဆိုးတွေကို ဟုတ်တိုင်းမှန်ရာစာတင်ဖို့က ကလောင်သမား ပညာရှင်တွေရဲ့ တာဝန်ကြီးမို့ ဒီတာဝန်ကို တည့်တည့်မတ်မတ်ထမ်းကြဖို့လိုပီး ကလောင်သိက္ခာကို ဆန္ဒဒေါသအလိုလိုက်ကာ ဝါဒဖြန့်အဖြစ်တလွဲမသုံးသင့်ဘူးလို့ ယူဆပါတယ်ခင်ဗျား။ ကျေးဇူးတင်ပါတယ်။

Eco World Content From Across The Internet. Featured on EcoPressed Has sustainability education been hijacked?

One thought on “အသံနဲ့ အမှန်၂၄”

Tazar Aung on September 2, 2011 at 3:26 am said:

နိုင်ငံတကာ စာအုပ်နှစ်ထဲက ဒေါက်တာသန်းထွန်းဖတ်တဲ့ စာတမ်း (ဖတ်စာအုပ် သမိုင်း) ရယ်၊ ဒေါက်တာသန်းထွန်း ရ၅ နှစ်ပြည့် ဝမ်းမြောက်ဝမ်းသာ စာတမ်းများထဲက မြင့်သန်း ရေး စာတမ်း -( လူဖြူ၏ အမြင်/ လူဖြူ၏ အရေးအသား) ထဲမှာ အသံနဲ့ အမှန်အကြောင်း လည်း ဖတ်ဖူးတယ်….

http://bobolansin.wordpress.com/2011/08/25/%E1%80%A1%E1%80%9E%E1%80%B6%E1%80%94%E1%80%B2-%E1%80%B7%E1%80%A1%E1%80%99%E1%80%BD%E1%80%94%E1%80%B9%E1%81%82%E1%81%84/

တံခါးပိတ်သမိုင်း ၂၅

လွတ်လပ်တဲ့အာရှအသံ
သောတရှင်များခင်ဗျား၊ ယနေ့တင်ဆက်မှာကတော့ ၁၉၆၂ စစ်အာဏာသိမ်းပီးနောက်ပိုင်း မြန်မာသမိုင်းသင်ကြားရေးနဲ့ ရေးသားမှုမှာ ဘာအပြောင်းအလဲတွေ ရှိလာတယ်ဆိုတာပါ။ သိတဲ့အတိုင်း စစ်အာဏာသိမ်းတော်လှန်ရေးကောင်စီဟာ ဆိုရှယ်လစ်တော်လှန်ရေး ပဒေသရာဇ်စနစ်ဖျက်သိမ်းရေး ဓနရှင်အဆောင်အယောင်နိုင်ငံရေးစီးပွားရေးစနစ်တွေကိုဖျက်မယ်ဆိုတဲ့ ကြွေးကြော်သံနဲ့ တက်လာတဲ့ အာဏာသိမ်းအစိုးရပါ။ တနည်းပြောရင် ယခင် ဦးနုအရပ်သားအစိုးရထက် ပိုပီး လက်ဝဲဆန်တဲ့နိုင်ငံရေးအမြင်ရှိပါတယ်။ အာဏာပိုင်လောကမှာ ဒီအမြင်တွေပြောင်းတာနဲ့အတူ စီးပွားရေး လူမှုရေးတွေမှာ နိုင်ငံနဲ့ချီတဲ့အပြောင်းအလဲတွေ ဖြစ်လာပါတယ်။
ပညာရေးမှာ သိသာတာက ပုဂ္ဂလိကစာသင်ကျောင်းတွေ ပြည်သူပိုင်သိမ်းခံရတာပါ။ အထူးသဖြင့် ခရစ်ယာန်သာသနာပြုကျောင်းတွေကို အဓိကသိမ်းပါတယ်။ သတင်းစာဆရာမ ဒေါ်စန်းစန်းတင်ရဲ့ ကိုယ်ရေးမှတ်တမ်းစာအုပ် No Time for Dreams မှာ သူ အလယ်တန်းကျောင်းသူဘဝ သာသနာပြုကွန်ဗင့်ကျောင်း ပြည်သူပိုင်သိမ်းခံရတော့ ဗြိတိသျှရာဇဝင်စာအုပ်တွေ ဆက်မသင်ရတော့ပဲ မြန်မာသမိုင်းစာအုပ်တွေကို မြန်မာဘာသာနဲ့ သင်ရတော့တယ်ဆိုတာပါပါတယ်။ ဒီမှာတခုသွားသတိရမိတာက စာရေးဆရာမကြီး ခင်နှင်းယု ၁၉၅၀ ကျော်က မြဝတီမဂ္ဂဇင်းမှာ ရေးခဲ့တဲ့ နွားတထောင်ဝတ္ထုပါ။ အဲဒိဝတ္ထုမှာ ဇာတ်ဆောင်အမျိုးသမီးက သူ့သမီးလေးမိကို ရန်ကုန်မြို့ထဲက အင်္ဂလိပ်မယ်သီလရင်ကျောင်းကို ကျောင်းအိပ်ကျောင်းစားထားရတော့ ခလေးက အိမ်ကသင်ပေးတဲ့ ဗမာစာပေ ယဉ်ကျေးမှု သမိုင်းတွေကို မေ့ပီး အနောက်တိုင်းအလေ့အထတွေပဲ ဝင်လာတယ်လို့ စိုးရိမ်ပူပန်စိတ်နဲ့ ရေးဖွဲ့ခဲ့ပါတယ်။ သူခိုးသတက်ပြားဆိုတာ ရော်ဘင်ဟုလိုနေမှာဘဲ၊ မေမေပြောတဲ့ ဗမာသူရဲကောင်း ကျန်စစ်သားဆိုတာ ဆိုပီး ခလေးစိတ်ကူးထဲမှာပေါ်လာတဲ့ အလယ်ခေတ် သံချပ်ကာဝတ် အင်္ဂလိပ်သူရဲကောင်းပုံကို ပန်းချီဆရာက သရုပ်ဖော်ဆွဲပီး ဖော်ပြခဲ့ပါတယ်။ ဒီလို စာပေတွေဟာ လွတ်လပ်ပီးခေတ် မြန်မာလူ့ဘောင်မှာ ရိုးရာနဲ့ အနောက်တိုင်းယဉ်ကျေးမှုအားပြိုင်ပွဲတွေရှိတာကို ဖော်ပြနေတာပါ။
ပါလီမန်ခေတ်မှာ ကိုလိုနီခေတ်က ကျန်ခဲ့တဲ့ ပညာရေး လူမှုယဉ်ကျေးမှုအဖွဲ့အစည်းတွေကို ဆက်လက်ရပ်တည်ခွင့်ပေးတာကို မနှစ်လိုတဲ့ မျိုးချစ်ပညာတတ်အသိုင်းအဝိုင်းလည်း ရှိနေပါတယ်။ တချိန်ထဲမှာ စစ်အေးခေတ် အင်အားလွန်ပွဲတွေကြောင့် အမေရိကန် ဆိုဗီယက် တရုတ်စတဲ့ နိုင်ငံကြီးတွေက ဝါဒဖြန့်စာပေယဉ်ကျေးမှုတွေ အပြိုင်အဆိုင်ဖြန့်ဖြူးလာပါတယ်။ မြန်မာပြည်ဟာ တရုတ်နဲ့ အမေရိကန်ဆိုတဲ့ အင်အားကြီးနိုင်ငံကြီး ၂ နိုင်ငံ စစ်တန်ခိုးပြိုင်တဲ့ စက်ကွင်းထဲမှာ အရေးပါတဲ့ ပထဝီနိုင်ငံရေးအနေအထားရှိနေတော့ ပြည်ပသြဇာတွေကို တတ်နိုင်သမျှ နည်းစေချင်တာက အာဏာရအစိုးရများရဲ့ မူဝါဒဖြစ်ပါတယ်။ ဒါတွေကို နိုင်ငံရေးအားပြိုင်မှုတွေနဲ့ ပြည်တွင်းမတည်ငြိမ်မှုတွေနဲ့ ပတ်လည်ဝိုင်းနေတဲ့ ဦးနုအစိုးရက သေချာမကိုင်တွယ်နိုင်ခဲ့ပဲ သူ့လက်ထက်မှာ ပြည်ပယဉ်ကျေးမှုတွေ အဆီးအတားနည်းနည်းနဲ့ ထိုးဖောက်နေတာကို ဗိုလ်ချုပ်ကြီးနေဝင်းက အမျိုးသားယဉ်ကျေးမှုလုံခြုံရေးလို့ သူမြင်တဲ့ဘက်ကနေ ကာကွယ်ဖြေရှင်းခဲ့တာပါ။ ဒါကြောင့် စစ်အာဏာသိမ်းပြီးတဲ့အခါ သာသနာပြု ကျောင်း တွေပိတ်ခိုင်းခဲ့တဲ့အပြင်၊ အမေရိကန်၊ ဗြိတိသျှ၊ ဆိုဗီယက်၊ တရုတ်၊ မြောက်ကိုရီးယား စတဲ့ သံရုံးတွေက ထုတ်ဝေတဲ့ စာစောင်တွေကို အသေ အချာစိစစ်ဖို့လုပ်ခဲ့ပါတယ်။ အမျိုးသား ယဉ်ကျေးမှုလုံခြုံရေး လို့ သူမြင်တဲ့ဘက်ကနေ ကာကွယ်ဖြေရှင်းခဲ့တယ်လို့ ပြောနိုင်ပါတယ်။ အဲဒီကတဆင့် စာပေစိစစ်ရေးအထိ ချဲ့ထွင်လာခဲ့တာကတော့ နောက်ကိစ္စဖြစ်ပါတယ်။ ဒီဘက်ခေတ်မှာတော့ ခေတ်ဟောင်းပုံစံ အင်္ဂလိပ်ဘာသာသက်သက် စာသင်ကျောင်းတွေ မြန်မာပြည်မှာ ပြန်ပေါ်နေပီလို့ ကြားသိရပါတယ်။
နောက်ပီး ၁၉၆၂ မှာ နိုင်ငံတော်မူဝါဒဖြစ်လာတဲ့ မြန်မာ့ဆိုရှယ်လစ်လမ်းစဉ်ဆိုတဲ့ မည်သူ့သြဇာမှမခံတဲ့ ဗုဒ္ဓဘာသာစကားလုံးတွေနဲ့ ဆိုရှယ်လစ်ဝါဒကို အကောင်အထည်ဖော်ဖို့ တက္ကသိုလ်လူမှုဝိဇ္ဇာဌာနတွေ၊ နောက် လမ်းစဉ်ပါတီဝါဒဖြန့်စာအုပ်တွေနဲ့ မီဒီယာတွေက လှုံ့ဆော်ပေးရပါတယ်။ ဒဿနိကဌာန၊ နိုင်ငံရေးသိပ္ပံဌာန၊ ဘောဂဗေဒဌာနတွေလောက် သိသိသာသာ အသုံးချတာမခံရပေမယ့် ရာဇဝင်ဌာနတွေနဲ့ မြန်မာစာဌာနတွေလည်း မဆလမူဝါဒတွေအတွက် အားဖြည့်ပေးခဲ့ရပါတယ်။ အရှေ့တိုင်းနဲ့ အနောက်တိုင်းရာဇဝင်ဌာနတွေကို သမိုင်းဌာနတွေအဖြစ် ပူးပေါင်းဖွဲ့စည်းခဲ့ပီး ကမ္ဘာ့သမိုင်း မြန်မာ့သမိုင်းသင်ကြားရေးတွေမှာ လက်ဝဲသဘောတရားရေးအမြင်ဖြစ်တဲ့ သမိုင်းဦးဘုံမြေခေတ်၊ ကျေးပိုင်ကျွန်ပိုင်ခေတ်၊ မြေရှင်ပဒေသရာဇ်၊ အရင်းရှင်နယ်ချဲ့နဲ့ ဆိုရှယ်လစ်ခေတ်ဆိုတဲ့ ခေတ်ကြီး ၅ ခေတ်ပြောင်းလဲလာပုံအမြင်နဲ့ ချဉ်းကပ်သင်ကြားရပါတယ်။ ဒီအမြင်တွေကို ကမ္ဘာ့သမိုင်းမှတ်တိုင်များ မြန်မာ့သမိုင်းမှတ်တိုင်များစတဲ့ လမ်းစဉ်ပါတီထုတ် စောင်ရေသောင်းနဲ့ချီဖြန့်တဲ့ စာအုပ်တွေမှာလည်း ထည့်သွင်းဖော်ပြပါတယ်။ ဒီစာအုပ်တွေဟာ ပီအက်စ်စီခေါ်တဲ့ ဝန်ထမ်းရွေးချယ်ရေးစာမေးပွဲတွေ ဖြေဆိုသူတိုင်း လက်ကိုင်ထားကျက်မှတ်ရတာတွေပါ။ ဒါကြောင့် ၂၆ နှစ်တာ မဆလခေတ်ကို ဖြတ်သန်းခဲ့တဲ့ သက်လတ်ပိုင်းနဲ့အထက် မျိုးဆက်တွေအတွက် မဆလခေတ်ပါးရှားဖိနှိပ်မှုတွေကို ဘယ်လိုပဲ မနှစ်မြို့စေကာမူ အဲဒိခေတ်မီဒီယာစာပေနဲ့ ပညာရေးကပေးတဲ့ မဆလသမိုင်းအမြင် ယဉ်ကျေးမှုစံနှုန်းတွေကို မေ့ပစ်ဖို့ ခက်ပါတယ်။ ခေတ်ကြီး ၅ ခေတ်မှာ ဆိုရှယ်လစ်ခေတ်ပီးလို့ အရင်းရှင်ခေတ်ပြန်ရောက်နေတာကတော့ အစပိုင်းမှာ ထူးဆန်းနေမှာပါ။
နောက်ပီး တော်လှန်ရေးကောင်စီဟာ ဖက်ဒရယ်မူကိုအကြောင်းပြပီး အာဏာသိမ်းခဲ့တာဖြစ်တော့ တိုင်းရင်းသားကိစ္စကိုလည်း အထူးသတိထား စည်းရုံးပါတယ်။ တိုင်းရင်းသားတွေအကြား အထင်အမြင်လွဲစေတဲ့ စကားအသုံးအနှုန်း သမိုင်းရေးသားမှုတွေကို သေချာစိစစ်ပါတယ်။ မွန်လူမျိုးတွေမကြိုက်တဲ့ တလိုင်းဝေါဟာရကိုတားမြစ်သလို ကရင်ပြည်နယ်ကို ဖလံတောင်ဝှေးပေါက်ရာလို့ အဓိပ္ပာယ်ရတဲ့ ကော်သူးလေပြည်နယ်လို့ တိုင်းရင်းဘာသာနဲ့ ပြောင်းလဲ မှည့်ခေါ်တာမျိုးလည်း လုပ်ခဲ့ပါတယ်။ တိုင်းရင်းသားတွေကို ရှေးမြန်မာဘုရင်တွေက ဖိနှိပ်ရက်စက်မှုကိုပြတဲ့ ချင်းဖဝေး၊ နန်းရွှေကျင်ဇာတ်ထုပ်တွေကို ယုတ္တိမရှိကြောင်း မဆလဘက်တော်သား စာရေးဆရာတွေက ဖြေရှင်းပေးကြသလို လူမျိုးစုပြဋ္ဌာန်းခွင့်နဲ့ ကိုယ်ပိုင်အုပ်ချုပ်ရေးအတွက် စစ်အစိုးရကို လက်နက်ကိုင်တိုက်ခိုက်နေတဲ့ တိုင်းရင်းသားလက်နက်ကိုင်တွေကို ဒေသခံတွေက မယုံကြည်မထောက်ခံကြဘူး၊ ဒီသူပုန်တွေဟာ ပြည်ပနိုင်ငံတွေမှာ ခြေကုပ်ယူပီး ပြည်ထောင်စုကိုပြိုကွဲအောင် ကြံစည်နေသူတွေ စသဖြင့် ခရီးသွားဆောင်းပါး သတင်းဆောင်းပါးတွေရေးပီး ဝါဒဖြန့်ပေးကြတဲ့ မြန်မာစာရေးဆရာတွေလည်း အများအပြားပေါ်ထွက်လာပါတယ်။ ဒီအမြင်အယူအဆတွေကို ပြည်နယ်ဒေသတွေဆီ အရောက်အပေါက်နည်းတဲ့ ပြည်မက မြန်မာတွေအတော်များများက လက်ခံယုံကြည်ပီး တိုင်းရင်းသားသူပုန်တွေကို အကြမ်းပတမ်းလူသတ်လုယက်ဖျက်ဆီးမိုင်းခွဲနေသူတွေလို့ ယူဆကြောက်ရွံ့မှု အတော်ကြီး အမြစ်တွယ်ခဲ့ပါတယ်။
ဒါပေမဲ့လည်း အစိုးရတပ်တွေရဲ့ ဖြတ်လေးဖြတ်ချေမှုန်းတာကို လက်တွေ့ခံရတဲ့ ပြည်နယ်သားတွေကတော့ မဆလဝါဒဖြန့် တိုင်းရင်းသားစည်းလုံးညီညွတ်ရေးစာပေမီဒီယာတွေကို အယုံအကြည်အတော်မရှိခဲ့ကြပါဘူး။ ၁၉၈၈ အရေးအခင်းပီး မြို့ပေါ်က တက္ကသိုလ်ကျောင်းသားတွေ တိုင်းရင်းသားနယ်စပ်တွေမှာ လက်နက်ကိုင်တော်လှန်ရေးစမှပဲ ဒီဝါဒဖြန့်ယန္တရားရဲ့ အငွေ့အသက်တွေ စပြယ်တယ်လို့ ပြောရင်ရပါမယ်။ စစ်သားနဲ့ ဝန်ထမ်းမဟုတ်တဲ့ မြန်မာတွေကို စတွေ့ခွင့်ရတဲ့ တိုင်းရင်းသားတွေအတွက် မြန်မာမုန်းစိတ်ကြောက်စိတ် အနည်းငယ်လျော့ပါးသွားသလို မြို့ပေါ်မှာလည်း စစ်တပ်ရဲ့ ရက်ရက်စက်စက်ချေမှုန်းမှုကို လက်တွေ့ကြုံလိုက်ရတော့ သူတို့အထင်နဲ့ကြောက်တဲ့ သူပုန်ဆိုတာမျိုး သူတို့ကိုအုပ်စိုးနေတဲ့ စစ်တပ်လည်း ပြည်သူတွေပေါ် ကျူးလွန်တတ်မှန်း ကောင်းကောင်းသိသွားကြပါတယ်။ ကျေးဇူးတင်ပါတယ်ခင်ဗျား။
http://bobolansin.wordpress.com/2011/09/01/%E1%80%90%E1%80%B6%E1%80%81%E1%80%AB%E1%80%B8%E1%80%95%E1%80%AD%E1%80%90%E1%80%B9%E1%80%9E%E1%80%99%E1%80%AF%E1%80%AD%E1%80%84%E1%80%B9%E1%80%B8-%E1%81%82%E1%81%85/

ဆုယူသမိုင်း၂၆

လွတ်လပ်တဲ့အာရှအသံ
သောတရှင်များခင်ဗျား၊ ဒီတပတ်ကျနော်တင်ဆက်မှာက လွတ်လပ်ပီးခေတ်မှာ ပေါ်ထွန်းခဲ့တဲ့ စာပေသုတေသီများရဲ့ လူမှု ယဉ်ကျေးမှုသမိုင်းတွေဖြစ်ပါတယ်။
ဒုတိယကမ္ဘာစစ်ပီးစကထဲက မြန်မာစာပေပညာရှင်တွေဟာ စာပေနဲ့ယဉ်ကျေးမှုပြန်လည်ထူထောင်ရေးကို အဓိကထား အားထုတ်ခဲ့ကြပါတယ်။ စစ်တွင်း ၃ နှစ်မှာ မဟာမိတ်နဲ့ ဖက်ဆစ် ၂ ဖက်လုံးရဲ့ ရှေ့တန်းစစ်မျက်နှာ ၂ ကြိမ်ဖြစ်ခဲ့တာမို့ မြန်မာပြည်မြို့ရွာတွေ အတော်ကြေပျက်ခဲ့ပါတယ်။ ဒါကြောင့် ရှေးဟောင်းအနုပညာအဆောက်အအုံ၊ လက်ရာ၊ စာပေမှတ်တမ်းဆိုတာတွေလည်း အတော်ပျောက်ပျက်ကုန်ပါတယ်။ စစ်တွင်းပျက်စီးတဲ့ ယဉ်ကျေးမှုအမွေတွေထဲမှာ အထင်ရှားဆုံးက မန္တလေးနန်းတော်နဲ့ ရန်ကုန်တက္ကသိုလ်စာကြည့်တိုက်တွေပဲ ဖြစ်ပါမယ်။ ရန်ကုန်တက္ကသိုလ်က စုဆောင်းလာတဲ့ ရှေးဟောင်းစာစုတွေ တရုတ်နဲ့ပတ်သက်တဲ့အထောက်အထားမှတ်တမ်းတွေ စစ်မီးဒဏ်ခံရသလို စစ်ကြီးမဖြစ်ခင်က သခင်ကိုယ်တော်မှိုင်းစတဲ့ မြန်မာပညာရှိကြီးတွေ အားထားရာဖြစ်တဲ့ ဘားနတ်အခမဲ့ပိဋကတ်တိုက်ပိုင် စာစုတွေလည်း ဖရိုဖရဲပျောက်ပျက်ခဲ့ပါတယ်။ ဆရာဇော်ဂျီနဲ့ အခြားပညာရှင်တွေ ရနိုင်သမျှ စုစည်းသိမ်းဆည်းထားတဲ့ထဲက ပြန်ပီး အမျိုးသားစာကြည့်တိုက် တက္ကသိုလ်စာကြည့်တိုက်တွေကို ထူထောင်ခဲ့ရတာဖြစ်ပါတယ်။
ဒါကြောင့် စစ်ပီးခေတ်တိုင်းပြည်လွတ်လပ်ရေးကိုအားထုတ်တာနဲ့အတူ ယဉ်ကျေးမှုထူထောင်ရေးကလည်း အင်မတန်အရေးကြီးလာပါတယ်။ ဒဂုန်တာရာရဲ့ တာရာမဂ္ဂဇင်း၊ ဦးကျော်ရဲ့ရှုမဝမဂ္ဂဇင်း၊ နောက် တပ်မတော်စိတ်ဓာတ်စစ်ဆင်ရေးကထုတ်တဲ့ မြဝတီမဂ္ဂဇင်း၊ မင်းယုဝေရဲ့ ငွေတာရီမဂ္ဂဇင်းစတဲ့ စစ်ပီးခေတ်မှာထင်ရှားခဲ့တဲ့ မဂ္ဂဇင်းကြီးတွေဟာ ခေတ်ပေါ်စာပေထွန်းကားရေးနဲ့အတူ ယဉ်ကျေးမှုနဲ့သမိုင်းထိန်းသိမ်းဖော်ထုတ်ရေးကိုလည်း သူရိယ၊ ဒဂုန်စတဲ့ခေတ်ဟောင်းမဂ္ဂဇင်းကြီးတွေနဲ့မခြား ထမ်းဆောင်ခဲ့ကြပါတယ်။
စစ်တွင်းမှာ ဦးဖိုးကျား၊ အဝေးရောက်မင်း၊ မော်ပီဆရာသိန်းကြီး၊ သိပ္ပံမောင်ဝစတဲ့ နာမည်ကျော်စာရေးဆရာပညာရှိကြီးတချို့ အနိစ္စရာက်ကုန်တဲ့အပြင် သခင်ကိုယ်တော်မှိုင်း၊ သဘင်ဝန်ဦးနု၊ ဒဂုန်ခင်ခင်လေးစတဲ့ လက်ဟောင်းကလောင်ကြီးတွေလည်း စာရေးကျဲသွားပါတယ်။ ဒီနေရာကို ဇော်ဂျီ၊ မင်းသုဝဏ်၊ ဇေယျ၊ ငွေဥဒေါင်းစတဲ့ လူလတ်တန်းသုတေသီတွေက အစားဝင်ရေးလာကြပါတယ်။ ရှုမဝမဂ္ဂဇင်း အနှစ် ၄၀ ကျော်သက်တမ်းရဲ့ မာတိကာတွေကိုပြန်စဉ်လိုက်ရင် စာပေလောက ဝါစဉ်ကြီးငယ်အပြောင်းအလဲသဘောကို သိနိုင်ပါတယ်။ ဆရာဇော်ဂျီ၊ မင်းသုဝဏ်တို့ဟာ မဂ္ဂဇင်းသက်တမ်းတလျှောက် အဆက်မပြတ်ရေးသားချီးမြှင့်ကြသူများပါ။ အရင်ဆောင်းပါးတွေမှာ ပါခဲ့သလိုပဲ ဒီဆရာကြီးတွေဟာ လွတ်လပ်စမြန်မာပြည်ဝန်ကြီးချုပ် ဦးနုရဲ့ မိတ်ဆွေရင်းများဖြစ်တာနဲ့အညီ တိုင်းပြည်ရဲ့ ယဉ်ကျေးမှုထိန်းသိမ်းမြှင့်တင်ရေးမှာ ဒေါက်တာထင်အောင်စတဲ့ အခြားပုဂ္ဂိုလ်ကြီးများနဲ့အတူ ဦးဆောင်ခဲ့ရပါတယ်။ သူတို့ဦးစီးတဲ့ စာပေဗိမာန်က စာပေဆုပေးတဲ့အခါ စာပဒေသာဆုဆိုတာပါပါတယ်။ ဝတ္ထုနဲ့ ဘာသာပြန်မဟုတ်သောစာပေလက်ရာတွေထဲက ရွေးချယ်ချီးမြှင့်တာပါ။
၁၉၅၁ မှာ ဒီဆုကို ပထမဆုံးဆွတ်ခူးသူက ရဟန်းတော်တပါးပါ။ စစ်မဖြစ်ခင် မန္တလေးကျောက်စာဝန်ရုံးစာရေးဘဝထဲက သူရိယမဂ္ဂဇင်းမှာ ရတနာပုံလှိုင်ခင်အေးနာမည်နဲ့ သုတေသနစာတွေရေးခဲ့တဲ့ ကိုထွန်းလှိုင်ဟာ စစ်တွင်းမှာ ရဟန်းဘဝကူးပြောင်းပီး စာပေသုတေသနအလုပ်တွေဆက်လုပ်ရင်းနဲ့ လူဘဝကရေးခဲ့တဲ့ ဆင်ယင်ထုံးဖွဲ့မှုကျမ်းကို ရွှေကိုင်းသားနာမည်နဲ့ အပီးသတ်ရေးသားထုတ်ဝေခဲ့တာပါ။ စစ်တွင်းနဲ့ စစ်ပီးခေတ်မြန်မာအမျိုးသမီးများ ဆင်ယင်ထုံးဖွဲ့မှုအခန်းတွေကို လူထုဦးလှဖြည့်စွက်ရေးသားတယ်လို့ ဆိုပါတယ်။ တကောင်းခေတ်ကနေ ပုဂံ၊ အင်းဝ၊ တောင်ငူ၊ ဟံသာဝတီ၊ ကုန်းဘောင်၊ ဘိုးတော်ဘုရား၊ ဘကြီးတော်၊ ရတနာပုံ၊ စစ်ကြို၊ စစ်တွင်းခေတ်ထိ မြန်မာအမျိုးသား၊ အမျိုးသမီး ၀တ်စားဆင်ယင်မှုတွေကို အသေးစိတ် သုတေသနပြုထားတာဖြစ်ပီး စစ်ပြေးဘဝမှာ စစ်ဘေးကြုံခဲ့ရင် အနှစ်နှစ်အလလစုဆောင်းလာခဲ့တဲ့ ဗဟုသုတတွေ တိုင်းပြည်အတွက် မသုံးလိုက်ရပဲ အလဟဿဖြစ်သွားမှာစိုးလို့ လေယာဉ်ပျံသံနားစွင့်ရင်း မြန်မြန်ပြီးအောင်ရေးခဲ့တဲ့စာအုပ်လို့ အမှာမှာ ဆရာတော်ကရေးထားပါတယ်။
ဆင်ယင်ထုံးဖွဲ့မှုဟာ စာပေဗိမာန်ထုတ် ရိုးရာယဉ်ကျေးမှုသုတေသနစာအုပ်တွေရဲ့ အာဒိကမ္ပ မူလအစလည်းဖြစ်ပါတယ်။ ဆရာတော်ရဲ့ အနှစ်(၁၀၀)ပြည့်မန္တလေး၊ ပုဂံသွားမှတ်တမ်း၊
နှစ် ၆၀၀ ပြည့် အင်းဝ၊ အထက်ဗမာပြည်စာရေးဆရာအသင်း စာဆိုတော်နေ့တွေမှာ ဖတ်ခဲ့တဲ့ စာတမ်းတွေ စတဲ့ကျန်ရစ်ခဲ့တဲ့ စာပေအလုပ်တွေကိုပြန်ကြည့်ရင် ခေတ်ပညာမတတ်ပေမယ့် ရဟန်းတော်တပါးရဲ့ သမိုင်းနဲ့သုတေသနမြတ်နိုးစိတ်က နောက်မျိုးဆက်တွေအတွက် တန်ဖိုးကြီးလှတဲ့သုတေသနတွေ့ရှိချက်တွေ ချန်ထားခဲ့နိုင်တာကို တွေ့ရမှာပါ။ ဆရာတော့်စာတွေက သူ့လိုပဲ ကျေးလက်နေ ရဟန်းတော်၊ ကျောင်းဆရာကြီးစတဲ့ မြန်မာမှုသုတေသီတွေကို သုတေသနလမ်းကြောင်းပေါ် တက်လာအောင် တိုင်းပြည်ကို သူတို့တွေ့ရှိ်ထားတဲ့ ရှားပါးစာစု အနုယဉ်ကျေးမှု အသိပညာတွေနဲ့ ပိုကြွယ်ဝလာအောင် အားထုတ်စေခဲ့ပါတယ်။ နောက်နှစ် ဇန်နဝါရီ ၅ ရက်နေ့ဆို ဆရာတော်ရွှေကိုင်းသား သက်တော်ရာပြည့်ပီမို့ ဂုဏ်ပြုအမှတ်တရစာတမ်းဖတ်ပွဲ ပြပွဲတွေကျင်းပသင့်သလို သူ့စာစုတွေလည်း မျိုးဆက်သစ်တွေအတွက် စုစည်းထုတ်ဝေသင့်ပါတယ်။ ဆရာတော်ဟာ သုတေသနမှာသာမက စာပေရေးချွတ်မှုမှာလည်း လက်ရာထူးခြားတဲ့ စာနယ်ဇင်းဆောင်းပါးရှင်တယောက်ပါ။
နောက် ဆရာဇော်ဂျီရဲ့သခင်ကိုယ်တော်မှိုင်းဋီကာ၊ ရွှေပြည်ဦးဘတင်ရဲ့ မြဝတီစာပေဂီတ၊ ဇေယျရဲ့ မြန်မာ့မျက်ပွင့်၊
မောင်သုတရဲ့ စာဆိုတော်များ အတ္ထုပ္ပတ္တိ၊ သစ်တောဝန်ထောက် အထက်လွှတ်တော်အမတ်ဟောင်းစည်သူမောင်မောင်ကျော်ရဲ့ မဟာဂီတအကြောင်းစာစုတွေကို မန္တလေးတက္ကသိုလ် မြန်မာစာဆရာ ဦးလှမောင်ပြန်တင်ဆက်တာ စတာတွေဟာ အဲဒိခေတ် မဂ္ဂဇင်းကြီးတွေရဲ့ ပင်တိုင်ဆောင်းပါးတွေက ထွက်လာတာပါ။ ဒါတွေက သာမန်အများကြိုက် အချစ်ဝတ္ထုကဗျာစတာတွေနဲ့တင် မတင်းတိမ်ပဲ ခေတ်ဟောင်းခေတ်သစ်ဗဟုသုတတွေမျှဝေနိုင်ဖို့ ဆရာတင့်တယ်၊ သန်းဆွေ၊ ဗိုလ်မှူးကျော်သောင်း၊ ဇဝန၊ ဦးသိမ်းမောင်စတဲ့ စာဖတ်နာတဲ့ မဂ္ဂဇင်းအယ်ဒီတာ စာရေးဆရာကြီးများကြိုးစားခဲ့ကြတာဖြစ်ပါတယ်။ ရှေ့တပတ်မှာတော့ လွတ်လပ်ရေး တော်လှန်ရေးမော်ကွန်းတင်စာပေတွေအကြောင်း ဆက်ပြောပါ့မယ်။ ကျေးဇူးတင်ပါတယ်။
http://bobolansin.wordpress.com/2011/09/08/%E1%80%86%E1%80%AF%E1%80%9A%E1%80%B0%E1%80%9E%E1%80%99%E1%80%AF%E1%80%AD%E1%80%84%E1%80%B9%E1%80%B8%E1%81%82%E1%81%86/