တွေ့ဆုံဆွေးနွေးရေး ဇာခန်းဆီကိုလှပ်ကြည့်ခြင်း

by Hla Shwe on Tuesday, September 6, 2011 at 9:51am

           

အပိုင်း(၁)
(၂၀၁၀) ရွေးကောက်ပွဲအပြီး၊ အနိုင်ရကြံ့ဖွဲ့ပါတီ အစိုးရတက်လာသည်။ ရွေးကောက်ပွဲလွန်နိုင်ငံရေးတွင် ရွေးကောက်ပွဲ ၀င်သည့်ဘက် နှင့် မ၀င်သည့်ဘက် ပဋ္ဋိပက္ခပေါ်လာသည်။ မိတ်ဘက်ချင်းပဋ္ဋိပက္ခဖြစ်သည်။ အာဏာရှင်ဆန့်ကျင်ရေးနိုင်ငံရေး ကတဘက်၊ အာဏာရှင်မဆန့်ကျင်ရေးနိုင်ငံရးကတဘက် ဖြစ်သွားရာ မူလကတည်းက စုစည်းကျစ်လစ်မှုမကောင်း သော အတိုက်အခံအုပ်စုသည် ပို၍အားပျော့သွားသည်။ ဤသို့နိုင်ငံရေးကစားကွက်ကို နအဖ  က အကွက်ဆင်ဖန်တီးခဲ့ခြင်းဖြစ်သည်။
(၂၀၀၈) ဖွဲ့စည်းအုပ်ချုပ်ပုံ ဥပဒေ သည်မြွေအရေခွံလဲထားသည့် အာဏာရှင်စနစ်ကို အသက်ဆက်သွင်းထားခြင်းဖြစ်သည်။ သို့သော်ယင်းကိစ္စတွင်လည်း တညီတညာတည်း အင်အားဖြင့် ဆန့်ကျင်ရမည့်အစား မဲမထည့်ရေး၊ မဲထည့်ရေးဟူ၍အမြင်ကွဲပြီး ရှင်နည်းရာ အဂ္ဂ
 လူထွက် ဖြစ်ခဲ့ရပြန်သည်။

၁၉၉၀ ရွေးကောက်ပွဲအနိုင်ရပြီးအမတ်မင်းများ ဂန္ဒီခန်းမအစည်းအဝေးတွင် အစိုးရဖွဲ့ရမည့်အစား မင်းဒိတ်(mandate) သာ ရယူခဲ့သည်။ အလွန်အားကောင်းသော အခွင့်အလမ်းကောင်းတခု လက်လွတ်သွားခဲ့သည်။ အတိတ်ကို ပြန်ှလှန်ကြည့်ရာ အခြေအနေကတောင်းဆိုသော နိုင်ငံရေးစီးကြောင်းကို မလိုက်ဘဲ မှုံဝါးဝါးအမြင်တို့ကြောင့်အံလွဲ၊ စံလွဲကုန်သည်။ ခုတော့မလိုအပ်ပဲ အချိန်ကြာရှည်လာသည်။ ယင်းအတွက် ပေးဆပ်နေရသည့် ဘ၀ရောက်သွားသည်၊ သမိုင်းအကြွေးတင်နေသည်။ သမိုင်းပေးတာဝန်မကျေဖြစ်နေသည်။
လက်ရှိအခြေအနေတွင် ဖြစ်ပေါ်နေသည့်နိုင်ငံရေးကို ပကတိအတိုင်းရှုမြင်ရန် အားထုတ်သင့် သည်။ တွေ့ဆုံဆွေးနွေးလမ်းကြောင်းနှင့်သွားမည်၊ သို့မဟုတ် ၉၀ ရွေးကောက်ပွဲရလဒ်ကို ဆုပ်ကိုင်ပြီး ကြံဖွံ့အစိုးရကို တိုက်ခိုက်မည်။ စသည့်နည်းလမ်းကို ပြတ်ပြတ်သားသားရွေးချယ်ရန်လိုအပ်သည်။ ယင်းသို့နည်းလမ်းရွေးချယ်ရာတွင် ပန်းတိုင်ကိုလက်တွေ့ကျကျ သတ်မှတ်ရန်လိုသည်။

မျက်မှောက်အခြေအနေသည် ဒီမိုကရေစီရေးလမ်းကြောင်းပေါ်သို့ တင်ပေးနိုင်ရန်ဝေးလျက်ရှိသည်။ ခရီးဝေးသည်ထက် တံတိုင်းကြီးခံနေသည်။ ထိုတံတိုင်းကို ကျော်မလား၊ ဖြိုမလားရွေးချယ်ရမည်။ သို့သော် ကျော်တက်ရန်ဖြစ်နိုင်မဖြစ်နိုင်သုံးသပ်ရန်ရှိသည်။ ကျော်တက်ပါက လိုအပ်ချက် ထောက်ကူချက်ရှိရမည်။ အချိန်ကြာမည်။ အဓမ္မကြီးစိုးစီးပိုးတဲ့အကျင့်စရိုက်နဲ့ကျင်လည်နေသူတွေက ကျော်တက်သည်ကို ကြည်ဖြူနိုင်ပါ့မလား။ ကြည်ကြည်ဖြူဖြူ လက်ကမ်းလာသည်ဆိုရင်တောင်၊ ရိုးသားပါရဲ့လား၊ အကောက်ကြံခလောက်ဆံန် အောင်လုပ်သွားမည်လား။ မိမိယှဉ်ဘက်၊ ရန်ဘက်ကို
လျော့တွက်၍ မရ သတိကြီးကြီးထားမှတန်ကာကျမည်။ တကယ်ပြောတာလား၊ အယုံသွင်းတာလား၊ ဒေါ်စုမပြောနှင့် ဗိုလ်ချုပ်အောင်ဆန်း ကိုပင်သမိုင်းထဲက ဖျောက်ခဲ့သူတွေက၊ အောင်ဆန်းပုံချိတ် လုပ်ပြလာသည်။ ပြောစကားနှင့်အလုပ်က ရှေ့နောက်မညီ။ ယင်းသို့အငြင်းပွားစရာဖြစ်သော အခြေအနေကို အကောင်းဘက်တွေးပြီး သမ္မတခေါ်တွေ့သည့်ရက် ကိုစောင့်နေပါက အခက်ကြီးကြုံ ရတက်မီးပုံ ပေါ်လာလိမ့်မည်။

နိုင်ငံရေးသည် ဥာဏ်ဂိမ်း ဖြစ်သည်။ အခြေအနေတရပ်ကို ဖန်တီးရသည့် အခါဖြစ်စေ၊ ကျော်ဖြတ်ရသည့်အခါဖြစ်စေ နည်းလမ်းကောင်းရဖို့ brain storming လုပ်ရသည်။ ပညာသည်တို့ခေါင်း ပူအောင်ဝိုင်းစဉ်းစားရသည်။ ခေါင်းဆောင်ဟူသည် မိမိအတွင်းအားမည်မျှ ရှိသည်၊ ပြင်ပအားမည်မျရှိသည်ကို တွက်ချက်ထားရမည်။ အင်အားကိုမချိန်ဆပဲ နည်းလမ်းမှန်ရှာရမည်မဟုတ်။ ဒုတိယအကြိမ်လွတ်လပ်ရေးတိုက်ပွဲ၊ ၂၁ ရာစုပင်လုံညီလာခံ၊ ပြည်တွင်းငြိမ်းချမ်းရေး၊ အမျိုးသားရင်ကြားစေ့ရေး အော်နေရုံနှင့် ပန်းတိုင်ရောက်မည်မဟုတ်။ နိုင်ငံရေးယဉ်ကျေးမှုသည် ဘ၀ကပြဌာန်းပေးသောအရာ ဖြစ်၍ ပြောင်းချင်တိုင်းပြောင်းမရနိုင်။ စကားတန်ဆာဆင်လွန်းလျင်ချောင်ပိတ်မိတတ်သည်၊ဟူသောအချက်ကိုအထူးသတိချပ်စေချင်ပါသည်
   NLDပါတီသည် အာဏာရှင်စနစ်ဖြိုချရေးတွင်တပ်ဦးပါ တီအဖြစ်ဆက်လက် တည်ရှိနေဆဲဖြစ်သည်။ သို့ဖြစ်၍ မိတ်ဖက်ပါတီများကိုလက်တွဲ ထားသင့်သည်။ ကိုယ်ထင်ရာကိုယ်လုပ်ဆိုပြီး ဒီမိုကရေစီအခွင့်အရေးကိစ္စနှင့်မရောနှောစေချင်ပါ။ တိုင်းရင်းသားလက်နက်ကိုင်တပ်ဖွဲ့များကိုလည်း ဒီမိုကရေစီအင်အားစုအတွင်း ထည့်ထားရမည်။ တောတွင်းလက်နက်ကိုင်တပ်များသည် လက်နက်မကိုင်ထားပါက မျိုးပြုန်းမှာသေချာသည်။ နိုင်ငံရေးလိုအပ်ချက်အရ ကိုင်ထားရခြင်းဖြစ်သည်။ သောင်းကျန်းသူများမဟုတ်။ လက်နက်ကိုင်တပ်ပေါင်းစု ရှိနေပြီဖြစ်၍ မြေပေါ်ပါတီများ တပ်ပေါင်းစုရှိရမည်။ ယင်းသို့အင်အားကို စုစည်းမထားပဲ မည်သည့်နိုင်ငံရေးမျ ရှေ့တိုးရမည်မဟုတ်ပါ။ လူထုထောက်ခံမှုရသည်ဆိုရုံမျနှင့်မလုံလောက်ပါ။ အင်အားစနစ်တကျ စုစည်းရပါမည်။ စစ်ဗိုလ်တဖြစ်လဲ အာဏာရှင်အစိုးရကို ပုံမှန်အစိုးရကဲ့သို့ဆက်ဆံမိပါက ထောင်ချောက်မိမှာ စိုးရိမ်သည် ဆိုသောတိုင်းရင်းသားခေါင်းဆောင်တစ်ဦး၏ သတိပေးစကားကို လက်ဆောင်ပါး ချင်ပါသည်။
ယခုလက်ငင်းဖြစ်ပေါ်နေသော နိုင်ငံရေးဖြစ်စဉ်သည် ရိုးစင်းသောနိုင်ငံရေးမဟုတ်၊ တရားဝင်မှု၊ ဥပဒေဘောင်ဝင်မှုချို့တဲ့နေသော ကြံ့ဖွံ့အစိုးရသည် အလှည့်ကျအာဆီယံ ဥက္ကဌ ရရန် ရာထားလိုက်သည်နှင့် ဥပဒေဘောင်ဝင်မှု ရသွားမည်၊ နိုင်ငံတကာအလယ်ရုပ်ပြကောင်းလာမည်။ ယင်းမှထွက်ပေါ်လာမည့် အကျိုးရလဒ် အတိုင်းအဆ ကြီးမားမည်ဖြစ်သည်ကို လိုချင်လွန်း၍ အလောတကြီး ဟန်မဆောင်နိုင်ပဲ ပြုံးပန်းဆင်နေခြင်းဖြစ်သည်။

၂၀၀၈ ဖွံ့စည်းပုံအရမြန်မာပြည် အနာဂါတ်ကို သူတို့ကြိုက်သလို ပုံဖေါ်နိုင်သည်။ ဒေါ်စုကိုအသုံးချနေသည်မှာ ဗိုလ်သန်းရွေ၏ အထွေအထွေ အကြပ် အတည်းကို ကျော်ဖြတ်လို၍ဖြစ်သည်။
  နိုင်ငံရေး စီးပွားေ၇းအကြပ်အတည်း၊တပ်တွင်းအက်ကြောင်း စပ်ကြောင်း၊ ထိပ်ပိုင်းဗိုလ်ချုပ်များ
အုပ်စုအကွဲအပြဲ၊တရုပ်နဂါးကြီးက မြန်မာပြည်ကိုတဖြည်းဖြည်းဝါးမျိုလာသည့်၇န်စွယ်ကတမှောင့်
အရေးေ၇းအခက်ကြုံနေရာ၊“ဗိုလ်သန်းရွေအခက် ဒို့အချက်” ဆိုပြီး အင်နှင့်အားနှင့်ရင်ဆိုင်တိုက် ပွဲဝင်မှသာအခွင့်အလမ်းကို ဖမ်းယူနိုင်မည် ဖြစ်သည်။ ကျားကုတ်ကျားခဲအားထုတ်ရမည့် အချိန်ဖြစ်သည်။”စိတ်ပြောင်းလာပါပြီဟ”ု ယူဆပါက  ကိုယ့် လည် ပင်းကိုယ် ကြိုးကွင်းစွပ်သလို ဖြစ်သွားနိုင်ကြောင်း သတိပေးချင်ပါသည်။

ဝင်းမြင့်မောင်