ပေတိုး
|
11:02 PM |
No မှတ်ချက် |
ဘယ်ကလေးတစ်ယောက်ဆီက
ကျခဲ့မှန်းမသိတဲ့
အကျထည် ဂါဝန်ပွပွကြီးနဲ့
အဲဒီ အကျထည် ဂါဝန်ကြီးကို
ထပ်မံစပ်ဟပ် ဖာထေးထားသေး
အဲဒီ အဆီအငေါ်မတည့်တဲ့ ဂါဝန်ပွပွကြီး ဝတ်လို့
ပေတိုး။
နှုတ်ခမ်းတစ်ခြား ဆေးတစ်ခြား
အပေါစား နှုတ်ခမ်းနီနီကြီးလည်း
နီနီရဲရဲကြီး ဆိုးထားခံရသေး
ပေတိုး။
အပေါစားပေါင်ဒါလည်း
မျက်နှာပေါ် တဖုန်းဖုန်း ရိုက်ခံထားရ
လူပုံအလယ်မှာ
မျက်နှာကြီး ဖွေးဖုံလို့
ပေတိုး။
ဆံပင်အရှည် မရှိလို့သာပေါ့
နို့မို့ဆို
ကော့စမက်တစ်တွေ၊ ဘယ်ရီကရိမ်းတွေ
တလှေကြီး လိမ်းခံရဦးမှာ
ကျိချွဲချွဲကြီးနဲ့ နေဦးမှာ
ဒါပေမယ့် ( မလွတ်ပါဘူး )
ခုလည်း ဘယ်သက်သာလို့လဲ
ခေါင်းရမ်းပန်းရိုင်းပွင့်ကြီး တကားကား
ခေါင်းမှာ ပန်ထားခြင်းခံရသေး
ပေတိုး
မျောက်ကလေး ပေတိုး။
မျောက်ဆိုတာနဲ့ လုံလောက်ခဲ့ရဲ့သားနဲ့
ပေတိုးလို့ နာမည်မှည့်ခြင်းလည်း ခံရသေးတဲ့
ပေတိုး ပေတိုး
မျောက်ကလေး ပေတိုး။
သူ့မျောက်ဆရာက ကြိမ်လုံးလေး တစ်ချက်ဝင့်
ဟဲ့ ပေတိုး ရှေ့ဂျွမ်း( ကျွမ်း )ဆိုရင်
ပေတိုးခမျာ
ရှေ့ဂျွမ်း။
ဟဲ့ ပေတိုး
နောက်ဂျွမ်းဆိုရင်
ပေတိုးခမျာ
နောက်ဂျွမ်းတွေ တသွင်သွင် ထိုးလိုက်ရ
ဟဲ့ ပေတိုး
ရှေ့ဂျွမ်းဆိုရင်
ပေတိုးခမျာ
ရှေ့ဂျွမ်းတွေ တသွင်သွင် ထိုးလိုက်ရ။
မျောက်ဆရာက
ကြိမ်လုံးကလေး ဝင့်ဝင့်ပြလိုက်တိုင်း
မျောက်ကလေး ပေတိုးခမျာ
ဂါဝန်ကြီး တဖားဖား
ပေါင်ဒါကြီး တဖွေးဖွေး
နှုတ်ခမ်းနီကြီး တရဲရဲ
ပန်းပွင့်နီကြီး တကားကားနဲ့
လူလယ်ခေါင်ကြီးမှာ
အမြီးငေါက်တောက်နဲ့
ပေတိုးခမျာ
ကခုန်ရ ဂျွမ်းတွေ ဂျွမ်းတွေ
ထိုးထိုးပြရ
သူငယ်ချင်း လီကီရေ ..
ငါတို့တွေမလဲ
ဆိုကြပါစို့
လောကဓံ မျောက်ဆရာက
ကြိမ်ကလေး ဝင့်ပြလိုက်တဲ့အခါ
ပေတိုးပဲ မဟုတ်ဘူးလား။
ဒါပေမယ့်
တို့တွေ
ပေတိုးလိုပဲ ကံကောင်းတယ်
တို့က
ရှုမျှော်နေကြရတယ်
ပေတိုးခမျာ
ကျောပေါ်ကျတဲ့ ကြိမ်ချက်ကမှ
သက်သာလိမ့်ဦးမယ့်လို့
မသိခဲ့ရှာဘူးကိုး။
ခုတော့ ..
အမြီးငေါက်တောက်ကြီးနဲ့
ခမျာမှာ
ဂါဝန်ကြီး တဖားဖား
နှုတ်ခမ်းနီကြီး တရဲရဲ
ပေါင်ဒါကြီး တဖွေးဖွေးနဲ့
လူလယ်ခေါင်ကြီးမှာ
ပေတိုး
မျောက်ကလေး ပေတိုး။ ။
မောင်ချောနွယ်
မောင်ချောနွယ်ကဗျာပြပွဲ
ကဗျာဆရာမောင်ချောနွယ်ဟာ မြန်မာမော်ဒန်ကဗျာလောကမှာတော့ ထင်ရှားတဲ့ ကဗျာဆရာတယောက်ပါ။ ကျွန်တော်စုဆောင်းထားပြီးသမျှ သူ့ရဲ့ကဗျာတွေကို ပြန်ပြီးဝေငှပေးချင်တဲ့ စေတနာနဲ့ ထရက်သပ်သပ်ဖွင့်ပြီး တင်ဆက်လိုက်ရခြင်းဖြစ်ပါတယ်။ မူလတင်ပေးသူများဖြစ်တဲ့ လမ်းအိုလေး၊ ဒေါက်တာလွဏ်းဆွေဘလော့ခ်၊ poems corner နဲ့ မြန်မာကျူးပစ်မင်ဘာများ အားလုံးကို ကျေးဇူးအထူးတင်ပါတယ်။
ကဗျာဆရာမောင်ချောနွယ်အား ဂုဏ်ပြုတင်ဆက်လိုက်ပါတယ်။
Credit to mgpo
Credit to mmcpcommunity.net
0 comments:
Post a Comment