အချစ်များ သူ့ဆီမှာ

ကွန်ဆူး မား

`` ဟေ့လူကြီး အခုချက်ချင်း ဖုန်းကိုင်လိုက်ပါ´´
`` ဟေ့လူကြီး အခုချက်ချင်း ဖုန်းကိုင်လိုက်ပါ´´
ဒီ Ringing Tone က မိန်းမရဲ့ အသံအစစ်၊ ဒီစကားကို သူကိုယ်တိုင် Recording လုပ်ပြီး ကျွန်တော့်ဖုန်းထဲမှာ Ringing Tone ပြောင်းပေးထားတာ...။
မြန်မြန်ဆန်ဆန်ပဲ ကောက်ကိုင်လိုက်ရတယ်။
`` အမိန့်ချိပါချင်.... အဲ အမိန့်ချိပါ ခညာ´
´ဖုန်း Ringing Tone သံနဲ့ မပီကလာ ပတ်ချွဲနှပ်ချွဲ ပြန်ထူးပုံကြောင့် ဘေးကတပည့်ကျော်လေး ပြုံးစိစိ ဖြစ်သွားတယ်၊ ပြီးတော့ အားနာလို့နဲ့ တူပါရဲ့ မယောင်မလည်နဲ့ ထွက်သွားတယ်၊ ဖုန်းပြောရင်း ခေါင်းညိတ် ပြုံးပြလိုက်တယ် ကျေးဇူးတင်တယ်ဆိုတဲ့ သဘောလေးနဲ့ပါ။
`` မောင် အခု ဘယ်မှာလဲ ´´
`` ရုံးမှာပဲလေ... အိမ်မပြန်ရသေးဘူး၊ ထမင်းတောင် မစားရသေးဘူး´´
`` တနင်္ဂနွေနေ့ကြီး ရုံးမှာ ထမင်းတောင် မစားရသေးဘူး ဟုတ်လား´´
`` ဟုတ်တယ်လေ... ခရီးသည်တွေ အ၀င်များနေလို့ အလုပ်ရှုပ်နေတာကိုး၊ ဒါနဲ့ နွယ်လေး က ဘယ်မှာတုံး´´
`` ဈေးထဲမှာပေါ့... မမတို့နဲ့ ရှော့ပင်ထွက်လာတာ၊ မောင် ရုံးမှာ သေချာပါတယ်နော်´´
`` ဟား သေချာပါတယ်ကွာ´´
`` ဒါဆို စက်ထဲကနေ စကားပြော နွယ်လေးနားထောင်ကြည့်မယ်´´
`` စက်ချိန်မှ မဟုတ်တာကို သူတို့ စက်ပိတ်ထားမှာပေါ့´´
`` မရဘူး.. လှေထဲက ကိုကျော်တင့်ကို လှမ်းမေး သူက အမြဲ ဖွင့်ထားတာ၊ လိမ်မယ် မကြံနဲ့နော်... နွယ်လေးအကြောင်း သိတယ် မဟုတ်လား´´
`` ဟား ကောင်းပါပြီဗျာ.... ခဏကိုင်ထား´´ ပြောရင်းနဲ့ ဖုန်းကို ဆက်သွယ်ရေး စကားပြောစက်ရဲ့ အရှေ့ မှာချ...၊ ပြီးတော့ စက်ဖွင့်ပြီး အလုပ်မရှိ အလုပ်ရှာ ကိုကျော်တင့်ကို လှမ်းခေါ်လိုက်ရတယ်။
``အယ်လ်ဖာ ၀မ်းမှ အယ်ဖာ တူး ကြားရင် အကြောင်းပြန် အိုဗာ´´
``အယ်လ်ဖာ တူး ရှိတယ်... ပြောပါ... ပြောပါ... အိုဗာ´´
`` ထမင်းစားပြီးပြီလား အိုဗာ...´´
`` ဟား... ဘာများလဲလို့ ပြီးပြီကွာ နှပ်နေတာ စိတ်ညစ်အောင် မလုပ်နဲ့ အိုဗာ´´
`` ဟဲဟဲ ဆောရီးပါ ဘရားသား အိုဗာ´´
ခိုးလိုးခုလု ဖြစ်သွားတဲ့ ကိုကျော်တင့်ကို အသံကြားအောင် ရယ်ပြရင်း စက်ပိတ်လိုက်ရတယ်၊ တော်ပါသေးရဲ့ အင်မတန် ရင်းနှီးတဲ့ စီနီယာမို့လို့၊ ပြီးတော့ ဖုန်းကို ကောက်ကိုင်ပြီး `` နွယ်လေး ကြားတယ်နော်´´
`` အင်းပြီးရော.... အ်ိမ်ပြန်မယ်ဆို ဖုန်းဆက်ဦး၊ နွယ်လေး မကြမ်းချင်ဘူးနော်၊ သွားတော့မယ်... ဒါပဲ´´
`` ဟုတ်... မမ အမိန့်တော်မြတ်အတိုင်းပါ´´
ညားကာစ ဇနီးချောလေးက တစ်လလောက် အတူလိုက်နေပြီး အခု အိမ်ခဏပြန်တယ်၊ ပြီးတော့ လစာပြုတ်လုလု ဖုန်းချည်း ဆက်နေတော့တာလေ...။
အကြောင်းပြချက်က `` စိတ်မချလို့ပါ´´တဲ့။
သူ့ကိုလည်း အပြစ်တင်လို့မရဘူး၊ ကျွန်တော် အလုပ်လုပ်နေတာက နယ်စပ်မြို့လေးတစ်မြို့ ရဲ့ နိုင်ငံခြားသား ခရီးသွား လုပ်ငန်းမှာကိုး၊ မြန်မာ အမျိုးသမီးတွေ အတွက်ကတော့ ရင်ပူစရာနေရာလေးပေါ့။
==================
``ဟဲလို မမနွယ် သားသား အိမ်ပြန်ပါပြီခင်ဗျာ..´´
`` ဟုတ်... အိမ်ရောက်ရင် ဖုန်းပြန်ဆက်၊ မိုးတောင်တော်တော် ချုပ်နေပြီခုမှ ပြန်တယ်´´
`` ဟုတ် အလုပ်ရှုပ်နေလို့ပါ အိမ်ရောက်ရင် ဆက်လိုက်မယ်နော်၊ ဒါနဲ့ နွယ်လေးက ဘယ်မှာလဲ ´´
`` ရွှေဘဲမှာ ဘဲကင်စားနေတယ်၊ မောင် စားဦးမလား´´
`` ဟား နားလိုက်တော့ တစ်နေကုန် လျှောက်သွားနေတာပဲ၊ အခု ဘယ်သူတွေနဲ့လဲ´´
`` ဘယ်သူတွေနဲ့ရမလဲ မမတို့နဲ့ တူတွေ၊ တူမတွေနဲ့ပေါ့၊ ဘာပြောချင်တာလဲ´´
`` ဘာမှ မဟုတ်ပါဘူးဗျာ... ဆောရီးပါ´´
===================
`` ဟဲလို မောင်..... အိမ်ရောက်ပြီလား´´
`` ရောက်ပြီ´´
`` ရောက်ရင် ဖုန်းဆက်ဆိုတာ ဘာလို့ မဆက်တာလဲ´´
`` ဆက်မလို့ပဲ အိမ်ရောက်တော့ စားစရာ လုပ်နေတာနဲ့ မေ့သွားတယ်´´
`` ဟွန်း... အခု ဘာချက်နေတာလဲ ´´
`` ဘာချက်ရမလဲ၊ ခင်ဗျား ဘာတွေ ထားခဲ့လို့လဲ၊ စွန်တန် ဟင်းချိုနဲ့ ဘာလချောင်ကြော်၊ ကြက်ဥကြော်ပေါ့´´
`` အင်းလေ ဘာလချောင် ကြော်ထားပေးခဲ့တယ်၊ ကြက်ဥတွေ၊ ခေါက်ဆွဲခြောက်တွေ ထားခဲ့တယ်၊ ငါးခြောက်လည်း ရှိသေးတယ်၊ စည်သွပ်ဗူးတွေလည်း ရှိသေးတယ်လေ၊ အခု ချက်ပြီးပြီလား´´
`` ဟင်းချို ချက်နေတုံး...´´
`` အဲဒီ မီးဖိုအပေါ်တည့်တည့်က လော်ကာထဲမှာ ငါးရံခြောက်တစ်ပြားရှိတယ်၊ ဖွင့်ကြည့်ပါဦး ဘယ်နှစ်မျှောင်းလဲလို့´´
`` ဟာ နေပါစေတော့ကွာ နောက်နေ့မှ စားတော့မယ်´´
`` မရဘူး.... အခုဖွင့် ရှင် ရုတ်ရုတ် ရုတ်ရုတ် မလုပ်နဲ့နော်... ပြော ဘယ်နှစ်မျှောင်းလဲ´´
`` ဘာလုပ်လို့လဲ ဟ၊ ကြည့်ပေးမယ်၊ ခဏစောင့် တကယ်ပဲကွာ´´ပြောရင်း လော်ကာထဲက ငါးခြောက်ကိုယူကြည့်ပြီး `` ဟဲလို.. လေးမျှောင်း အစ်မရေ လေးမျှောင်း ဟုတ်ပြီလား ´´
`` ဟုတ်ပြီ မောင်လေး တော်တယ်၊ မောင်မြဲမြဲမှတ်ထား ၊ နွယ်လေးကို ဘယ်တော့မှ လိမ်လို့ မရဘူး၊ ညအိပ်ရင်လည်း တစ်ခါ ထပ်စစ်ဦးမယ်၊ ရပြီ အခု ရေချိုးပြီး ထမင်းစားတော့´´
`` ဟွန်း´´ တော်သေးတယ် ရစ်မနေပဲ ထမင်းစားခွင့် ပြုသွားလို့၊ နွယ်လေးက ကျွန်တော် အိမ်မှာ ရှိ/မရှိ၊ ရုံးမှာ ရှိ/မရှိ စစ်ဆေးပုံ နည်းလမ်းကတော့ လက်ဖျားခါလောက်တယ်၊ စီအိုင်ဒီက ကြည်မာခင်ရဲ့ အမျိုးများလားလို့ အထင်ကြီးလောက်စရာပါပဲ။
======================
`` ဟဲလို နွယ်လေး အိပ်ပြီလား ´´
`` အိပ်ယာထဲတော့ ရောက်နေပြီ အိပ်လို့ မပျော်သေးဘူး´´
`` ဟုတ်လား ဘာလို့တုန်း´´
`` မောင့်ကို လွမ်းလို့ပေါ့၊ မောင်ရော အခု ဘယ်မှာလဲ ´´
`` အိပ်ယာထဲမှာပဲ၊ မောင်လည်း နွယ်လေးကို လွမ်းနေတာ´´
`` ဟုတ် အတူတူပါပဲ မောင်ရယ် ခဏလေးနေပြီးရင် ပြန်လာမယ်နော်၊ ဟိုမှာ နေရင် လွယ်လွယ်နဲ့ အိပ်မပြန်မရောက်နိုင်မှန်းသိလို့ မေမေတို့နဲ့ ခဏနေနေတာပါ၊ နော်မောင်နော်´´
`` အင်းပါ မောင်ကလွမ်းနေကြောင်း ပြောပြတာပါ၊ နွယ်လေး စိတ်ပျော်သလိုလုပ်ပါ ရပါတယ်၊ အခု မေမေတို့ရော နေကောင်းကြတယ် မဟုတ်လား´´
`` ဟုတ် ကောင်းပါတယ်မောင်၊ မောင်လည်း ကျန်းမာရေး ဂရုစိုက်နော်...´´
`` ဟုတ်.. နွယ်လေးလည်း ဂရုစိုက်နော်´´
`` ဟုတ်ကဲ့ပါ မောင် စိတ်ချပါ၊ ဒါနဲ့ မောင် နွယ်လေး သီချင်းနားထောင်ချင်တယ်၊´´
`` အင်း... ဘာသီချင်းလဲ ပြော မောင်ဖွင့်ပြမယ်´´
`` ဟုတ်... ဇော်ဝင်းထွဋ်ရဲ့ အချစ်များ သူ့ဆီမှာ သီချင်း ဖွင့်ပြ´´
``သီချင်းအဟောင်းကြီး ခွေတောင် ဘယ်မှာမှန်း မသိဘူး...´´
`` ခွေက နွယ်လေး ခေါင်အုံးအောက်မှာ ကြည့်လိုက်တွေ့လား´´
`` အော.. တွေ့ပြီဗျာ... ငါ့မိန်းမ တော်လိုက်တာ´´
`` ဘာတော်တာလဲ မောင်´´
`` အော် မောင် အခန်းထဲမှာ ရှိ/မရှိ Checking လုပ်တဲ့ နည်းလေးတွေ ကို သဘောကျလို့ တော်လိုက်တာလို့ ပြောတာပါ ကဲ..ကဲ သီချင်းဖွင့်လိုက်ဦးမယ်ဗျာ´´
`` ဒါပေါ့မောင်ရဲ့ တခြားအခန်းနဲ့ တခြားနေရာတွေ ဥပမာ ကေတီဗွီလို နေရာတွေ၊ မာဆတ်လိုနေရာတွေ၊ နိုက်ကလပ်လိုနေရာတွေ ရောက်နေရင် ဘယ်လိုလုပ်မလဲ၊ နောက်ထပ် အများကြီး ရှိသေးတယ် မောင့်ကို စစ်ဆေးစရာတွေ... ခစ်ခစ်ခစ်´´
`` ဟဲဟဲ မောင်ကလည်း မသွားပါဘူးဗျာ၊ ကြိုက်သလိုစစ်´´
`` ဟုတ်ကဲ့ပါ ဒါပေမယ့် စ်ိတ်တော့ မချပါဘူး´´
`` အင် ဘာဖြစ်လို့တုန်း နွယ်လေးရယ်´´
`` ဘာဖြစ်ရမလဲ မောင့်ကို ချစ်လို့ပေါ့´´
ဆောင့်ဆောင့် အောင့်အောင့် ပြောလိုက်ပေမယ့်လည်း ဒီစကားလေးကြားတိုင်း ရင်ထဲမှာ ခုထိ နွေးထွေးရင်း ကြည်နူးနေဆဲပါ၊ မရိုးနိုင်တဲ့ အနှစ်သက်ဆုံး စကားလေးပေါ့။
ဒီအချိန်မှာပဲ တိုက်တိုက်ဆိုင်ဆိုင် ဇော်ဝင်းထွဋ်ရဲ့ `` အချစ်များ သူ့ဆီမှာ´´ သီချင်းလေးဖွင့်မိလျှက်သား ဖြစ်သွားတယ်၊
ဒီတိုက်ဆိုင်မှုလေးကို ကျွန်တော် အခွင့်အရေး ယူဖြစ်သွားတယ်ဗျ...
ကျွန်တော် မထင်မှတ်ပဲ နွယ်လေးကို စကားတစ်ခွန်း ပြန်ပြောလိုက်မိတယ်...
`` မောင်က ပိုချစ်တယ်´´လို့လေ... သီချင်းသံလေးကလွဲလို့ အားလုံးတိတ်ဆိတ်သွားတယ်..
မမြင်ရပေမယ့် ကျွန်တော် သိနေပါတယ် နွယ်လေး ကြည်နူးစွာ ပြုံးနေမယ် ဆိုတာကိုပေါ့.....။

(ကွန်ဆူးမား)

ဒီနေ့ထွက်တဲ့ WW ဂျာနယ်မှာပါတဲ့ ကျွန်တော့်ရဲ့ စာမူလေးပါ... မိတ်ဆွေများအားလုံးအတွက်။