နိုင်ငံတော်ဗဟိုအဆင့် ပိုစတာပြိုင်ပွဲမှာ ပထမဆုနှစ်ခါရရှိခဲ့တဲ့ ပန်းချီဆရာမ မခိုင်သဇင်ထက်နှင့် တွေ့ဆုံခြင်း

YoYarLay added 5 new photos — with Artist KhaingThazin Htet.

ကျွန်မက ပန်းချီဆွဲနေရရင် စိတ်ချမ်းသာတယ်

ပန်းချီပညာမှာ ထူးချွန်ထက်မြက်တဲ့ သူတစ်ယောက် ဖြစ်တဲ့ မခိုင်သဇင်ထက်နှင့် ရိုးရာလေးမှ တွေ့ဆုံခဲ့ ပါတယ်။ မခိုင်သဇင်ထက်ဟာ ငယ်စဉ် ကလေးဘဝ အရွယ် ကတည်းက ပန်းချီပညာကို ဝါသနာပါခဲ့ပြီး ယခုလည်း ပန်းချီ ပညာဖြင့် သူမ၏ နေ့ရက်တွေကို ဖြတ်ကျော်နေပါတယ်။

မေး ။ ။ မခိုင်သဇင်ထက်ရဲ့ Profile အကျဉ်းလေးကို သိပါရစေ။
ဖြေ ။ ။ ကျွန်မဟာ ၁၉၉၁ မှာ မွေးတဲ့သူပါ။ အကို ၂ ယောက် ရှိတဲ့ အငယ်ဆုံး သမီးပေ့ါ။ မှတ်မှတ် ရရ မူကြိုမှာ ကတည်းက အရောင် ကတ်ပြားတွေ ရွေးတဲ့ပြိုင် ပွဲမှာ ပထမဆရ ရလေရဲ့။ နောက်ပိုင်း ကလေး ပန်းချီပြိုင်ပွဲလေးတွေ ဝင်ပြိုင်တယ် ဘာမှ မတတ်သေးပေမဲ့ ဟိုလျှောက်ခြစ် ဒီလျှောက်ခြစ်ပေါ့လေ။ နှစ်သိမ့် ဆုတောင် ရသေး။ အဲ့ဒါနဲ့ပဲ ကျွန်မ ၇ တန်း စာမေးပွဲဖြေပြီး နွေရာသီကစ အဖေက ဆရာမကြီးဒေါ်နွဲ့ နွဲ့ ရီရဲ့  ပန်းချီသင်တန်းပို့ ခဲ့တယ် ၂၀၀၃ လောက်ကပေါ့။ အဲ့ဒီမှာ ပန်းချီအခြေခံတွေ စသင် ရတယ်လေ။ ပြီးတော့ ပန်းချီပြိုင် ပွဲတွေ ဝင်ပြိုင်ခဲ့တာပေါ့။ မှတ်မှတ် ရရ ဂျပန်မှာပြုလုပ်တဲ့ ကလေး ပန်းချီပြိုင်ပွဲ တွေက Certificate တွေ ၆ ခု ၇ ခုလောက် ကျမ ရခဲ့တယ်။ ဗိုလ်တထောင် ၄ မှာလဲ ပန်းချီနဲ့ ပတ်သတ်ပြီး နာမည်ကြီး သူပေါ့။

မေး ။ ။ တစ်နိုင်ငံလုံး ပထမဆုတွေက ဘယ်ခုနှစ်တွေက ရခဲ့တာပါလဲ။
ဖြေ ။ ။ ၂၀၀၇ ၊ ၂၀၀၉ ခုနှစ် ကမ္ဘာ့ လူဦးရေနေ့ အထိမ်းအမှတ်ပြိုင်ပွဲမှာ ရခဲ့တာပါ။ တစ်နိုင်ငံလုံး ပထမ ဆုနှစ်ဆုနဲ့ တခြား အထူးဆုတွေ ရခဲ့တာပါ။
မေး ။ ။ ယခုချိန်ထိ ပန်းချီကား ဘယ်လောက်များများ ဆွဲပြီးခဲ့ပါပြီလဲ။
ဖြေ ။ ။ ခဲကားတွေက ၃၀ မှ ၄၀ လောက်ပေါ့။ ရေဆေးက ၁၀၀ ကျော်မယ် acrylic ကားက ၃၀ နီးပါး ဆွဲပြီးခဲ့ပါပြီ။ နောက်ထပ် လေ့ကျင့်ထားတဲ့ ဟာတွေလည်း ရှိပါသေးတယ်။
မေး။ ။ ပန်းချီပညာဟာ ဆရာမ ဘဝအတွက် ဘယ်လောက် အရေးပါပါသလဲ။ ဘယ်တော့ထိ ဒီပညာရပ်ကို လုပ်သွားဖို့ ရှိပါသလဲ။
ဖြေ ။ ။ အရေးပါတယ် ဆိုတာထက် ပုံ မဆွဲရ မနေနနိုင်တာ။ အမြဲ ဓါတ်ပုံရိုက် ပုံကြမ်းရေး ပန်းချီဆွဲနေ ရရင် ပျော်ပါတယ်။ ဒီပညာရပ်ကို မသေမချင်း လုပ်သွားမှာပါ။ တခြားအလုပ် လုပ်ခဲ့ရင်လ အားတဲ့အချိန် ပန်းချီရေးနေမှာပါပဲ။ ဒါဟာ ဘယ်သူကမှ တိုက်တွန်းခြင်း မရှိဘဲနဲ့ ကိုယ့်ပင်ကို ဗီဇက စကားပြောတယ်လို့  ထင်ပါတယ်။
မေး ။ ။ ပန်းချီကား တော်တော်များများမှာ သစ်ပင်ပါရတဲ့ အကြောင်းကရော။
ဖြေ ။ ။ သစ်ပင် တွေက လူသားတွေအတွက် မိတ်ဆွေကောင်းပဲ။ အသီး၊ အပွင့် ၊ အရွက် ပေးတယ်။ အရိပ်ပေးတယ်။ အောက်ဆီဂျင်ထုတ် ပေးတယ်။ ရာသီဥတု သဘာဝ ပတ်ဝန်းကျင် အတွက်လဲ အထောက်အပံ့ ဖြစ်စေတယ်။ သစ်တော ပြုန်းတီးမှုတွေလဲ ကာကွယ်ရမယ်။ ဆရာမကို fb မှာဆို သစ်ပင် ရေးတဲ့ ပန်းချီဆရာမ အဖြစ် သိကြပါတယ်။
မေး ။ ။ ဆရာမရဲ့ ပန်းချီကားတွေကို စိတ်ဝင်စားလို့ လာရောက် ကြည့်ရှုချင်တယ်ဆိုရင် ဘယ်မှာ ကြည့်လို့ ရနိုင်မလဲ။
ဖြေ ။ ။ https://www.facebook.com/pages/Khaingthazinhtets-art-gallery/446527098733933 မှာ တင်ပေးထားပါတယ်။ အဲဒီပေ့ခ်ျလေးမှာ
ပန်းချီကားတွေကို အသေးစိတ် ကြည့်နိုင်ပါတယ်။
မေး ။ ။ ရိုးရာလေး ပရိသတ်တွေ အတွက် ကျေးဇူးတင် စကားလေးပြော ပေးပါအုံး။
ဖြေ ။ ။ ပန်းချီ ပြပွဲတွေ သွားကြည့်ကြပေးပါ။ ပန်းချီကားတွေကို တန်ဖိုးထားပြီး အားပေးကြတဲ့အခါ ပန်းချီဆရာတွေ အတွက်လဲ ပို အားဖြစ်စေ ပါတယ်။
အားလုံးကို ကျေးဇူးတင်ပါတယ်။
ရိုးရာလေး အင်တာဗျူး ကဏ္ဍ
ကျော်လင်းနိုင် (ရိုးရာလေး)
www.yoyarlay.com