17.08.2012 နေ့ဖတ်ရန်သတင်းများ

by Myanmar Journal on Thursday, August 16, 2012 at 5:06pm ·

ရခိုင် ပြဿနာ အင်ဒိုနီးရှား ကူညီ ဖြေရှင်းမယ်

အင်ဒို နီးရှား သမ္မတက ရခိုင် အရေး ကူညီဖို့ ဆန္ဒရှိ

အင်ဒိုနီးရှား နိုင်ငံက မြန်မာနိုင်ငံမှာ ဖြစ်ခဲ့တဲ့ ပဋိ ပက္ခ တွေနဲ့ ပတ်သက်ပြီး ကူညီ အဖြေရှာဖို့ ကြိုးစား ဆောင်ရွက် နေပါတယ်။

သမ္မတ ဆူဆီလို ဘန်ဘန်း ယူဒို ယိုနိုက အင်ဒိုနီးရှား နိုင်ငံ လွတ်လပ်ရေးနေ့ အကြို မိန့်ခွန်းမှာ ထည့်သွင်း ပြောခဲ့တာ ဖြစ်ပါတယ်။

ကြာသပတေး နေ့ နေ့လည်ကတော့ သမ္မတ ယူဒို ယိုနိုဟာ မကြာ သေးခင်ကပဲ မြန်မာ နိုင်ငံက ပြန်လာတဲ့ အင်ဒိုနီးရှား ကြက်ခြေနီ အဖွဲ့ ဥက္ကဌနဲ့ တွေ့ဆုံပြီး ရိုဟင်ဂျာ တွေကို ညီ အကိုလို သဘောထားပြီး စိုးရိမ်တာကို မြန်မာ ဘက်က တမျိုး မထင်ဖို့ ကြက်ခြေနီဥက္ကဌ Jusuf Kalla ကိုဘဲ အထူး သံတမန် အနေနဲ့ အားကိုး ရမှာဖြစ်တယ်လို့ ပြော ပါတယ်။

တဘက် ကလည်း ဗုဒ္ဓဟူး နေ့ကတော့ မက္ကာမြို့မှာ ကျင်းပ ပြီးစီးသွားတဲ့ အိုအိုင်စီ အစ္စလမ်နိုင်ငံများ ထိပ်သီး အစည်းအဝေးမှာ မြန်မာ နိုင်ငံ အရေးနဲ့ ပတ်သက်ပြီး သူတို့ ဘက်က ဘာတွေဆွေးနွေးခဲ့တယ်ဆိုတာ အင်ဒိုနီးရှား နိုင်ငံခြားရေး ဝန်ကြီး မာတီ နာတလေ ဂါဝါ Marty Natelegawa က သတင်းထောက် တွေကို ရှင်းပြခဲ့ပါတယ်။

အိုအိုင်စီ အစည်းဝေးမှာ ရခိုင် ပဋိပက္ခနဲ့ ပတ်သက်လို့ စိုးရိမ် ပူပန်တယ်ဆိုတာ ကောလ ဟာလ မဟုတ်ဘဲ တွေ့ရှိချက်တွေ အပေါ် အခြေခံပြီး ပြောခဲ့ ကြောင်းနဲ့ အိုအိုင်စီ အဖွဲ့ထဲမှာ မလေးရှား ဘရူနိုင်းနဲ့ ဘင်္ဂလားဒေ့ရှ် နိုင်ငံ တို့နဲ့ ပူးပေါင်းပြီး ကယ်ဆယ်ရေး အကူအညီတွေ ပေးဖို့နဲ့ နိုင်ငံ တကာက ရိုဟင်ဂျာတွေဆီ သွားတွေ့ဖို့ အင်ဒို နီးရှားက ဆောင်ရွက် နေတယ်လို့ မာတီ နာတလေ ဂါဝါက ပြောပါတယ်။

အာဆီယံ အဖွဲ့အနေနဲ့ ရိုဟင်ဂျာ ကိစ္စနဲ့ ပတ်သက်ပြီး ကြေညာချက် ထုတ်ပြန် ပေးဖို့ အင်ဒိုနီးရှား နိုင်ငံက တောင်းဆို တာကို မြန်မာ ဘက်က လက်ခံဖို့ တိုက်တွန်းခဲ့ ပါတယ်။

မြန်မာ နိုင်ငံ ဘက်ကလည်း သဘောတူ လက်ခံ ခဲ့တယ်လို့ ဆိုပါတယ်။

ဒါဟာ ရိုဟင်ဂျာ ကိစ္စ အာဆီယံက ပူးတွဲ ကြေညာချက် ထုတ်ဖို့ အင်ဒိုနီးရှား နိုင်ငံရဲ့ သံတမန်ရေး ကြိုးပမ်းမှု အဖြေထွက်တဲ့ သဘော လို့ လည်း ပြော ပါတယ်။

အိုအိုင်စီက ပြုလုပ်တဲ့ အစည်း အဝေးမှာ ဒီပြဿနာကို ကုလသမဂ္ဂ အထွေထွေ ညီလာခံမှာ တင်ပြမယ် လို့လည်း ဆုံးဖြတ်ကြ ပါတယ်။

လွှတ်တော်ကော်မီတီအဆင့် အငြင်းပွားမှု ဖွဲ့စည်းပုံဆိုင်ရာ အကျပ်အတည်းဖြစ်လာမလား

လွှတ်တော်အသီသီးက ဖွဲ့စည်းထားတဲ့ ကော်မီတီ၊ ကော်မရှင်နဲ့ အဖွဲ့တွေကို ပြည်ထောင်စုအဆင့် အဖွဲ့တွေအဖြစ် အဓိပ္ပါယ်ဖွင့်ထားတာကို အခြေခံဥပဒေနဲ့ ညီမညီ စီစစ်ပေးဖို့ သမ္မတကိုယ်စား ပြည်ထောင်စု ရှေ့နေချုပ်က ဖွဲ့စည်ပုံဆိုင်ရာ ခုံရုံးကို တင်သွင်းခဲ့တဲ့ တင်သွင်းလွှာအပေါ် အခြေခံဥပဒေနဲ့ ကိုက်ညီမှုမရှိဘူးဆိုတဲ့ ဖွဲ့စည်းပုံဆိုင်ရာ ခုံရုံးရဲ့ မတ်လ ၂၈ရက်နေ့ ဆုံးဖြတ်ချက်ကို ဒီကနေ့ အစိုးရ သတင်းစာတွေမှာ ဖေါ်ပြထားပါတယ်။

ဒီဆုံးဖြတ်ချက်နဲ့ပတ်သက်လို့ ဧပြီလ ၂၆ ရက်နေ့က တကြိမ်၊ သြဂုတ်လ ၈ ရက်နေ့တကြိမ် လွှတ်တော်ကိုယ်စားလှယ်တွေက ဖွဲ့စည်းပုံဆိုင်ရာခုံရုံးဟာ ဖွဲ့စည်းပုံပါ ပြဌာန်းချက်တွေကို ဖေါက်ဖျက်တယ်လို့ ဖေါ်ပြပြီး စွပ်စွဲပြစ်တင်လိုတဲ့ သဘောထားကို ပြည်သူ့လွှတ်တော် ဥက္ကဌဆီကို တင်ပြခဲ့ကြပါတယ်။

ဒီလို လွှတ်တော်ကော်မီတီတွေကို ပြည်ထောင်စုအဆင့် ဟုတ်မဟုတ် ဖွဲ့စည်းပုံဆိုင်ရာ ခုံရုံးနဲ့ လွှတ်တော်ကြား အငြင်းပွားနေမှုနဲ့ ပတ်သက်လို့ ရှေ့နေဦးအောင်ထူးက ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၇၄ အရ ပြည်ထောင်စုလွှတ်တော်ကို ပြည်သူ့လွှတ်တော်နဲ့ အမျိုးသားလွှတ်တော်တို့နဲ့ ဖွဲ့စည်းရမယ်လို့ ပြဌာန်းထားတဲ့ အတွက် ဒီလွှတ်တော် ၂ ရပ်က ဖွဲ့စည်းတဲ့ ကော်မီတီတွေ ကော်မရှင်တွေဟာ ယေဘူယျအားဖြင့် ပြည်ထောင်စုအဆင့်ရှိတယ်လို့ သတ်မှတ်ရမှာဖြစ်ကြောင်း ပြောပါတယ်။

ဒီလို လွှတ်တော် ၂ ရပ်က ဖွဲ့စည်းလို့ ပြည်ထောင်စုအဆင့် မသတ်မှတ်ဘူးဆိုရင်လည်း ပြည်ထောင်စုလွှတ်တော်အစည်းအဝေးကနေ ဒီကော်မီတီတွေကို ပြည်ထောင်စုအဆင့်သတ်မှတ်အတည်ပြုပေးဖို့ ဖွဲ့စည်းပုံခုံရုံးက အကြံပြုသင့်တယ်လို့ ဦးအောင်ထူးက ပြောပါတယ်။

၂၀၀၈ ဖွဲ့စည်းပုံမှာ မရှင်းမလင်းပြဌာန်းထားချက်တွေကို အသုံးချပြီး လွှတ်တော်နဲ့ ဖွဲ့စည်းပုံဆိုင်ရာခုံရုံးကြား ဥပဒေကြောင်းဆိုင်ရာ ကစားကွက်တွေဖန်တီး လုပ်ဆောင်နေတာကြောင့် ဖွဲ့စည်းပုံဆိုင်ရာ အကျပ်အတည်း မဖြစ်သင့်ပါပဲလျက် ဖြစ်လာမယ့် အလားအလာရှိနေတယ်လို့ သူက သုံးသပ်ပါတယ်။

အီကွေဒေါ နိုင်ငံက ဝီကီလိ ထူထောင်သူကို ခိုလှုံခွင့်ပေး

ဂျူလီယန် အာဆန့်ဂ်ျ ကို ထောက်ခံမှု ပြကြ သူများ

ဝစ်ကီလိခ် တည်ထောင်သူ ဂျူလီယန် အက်ဆန့်ဂ်ျ ကို လန်ဒန် မြို့က သူတို့ သံရုံးထဲမှာ ၂ လ လောက် နေခွင့် ပေးခဲ့ပြီး ဖြစ်တဲ့ အီကွေဒေါ နိုင်ငံက အခုတော့ သူ့ကို ခိုလှုံခွင့် ပေးလိုက်ပါတယ်။

ဒါကလည်း ဆွီဒင် နိုင်ငံမှာ သူ့ကို လိင်စော်ကား မှုတွေ လုပ်ခဲ့တယ် ဆိုတဲ့ စွဲချက်တွေနဲ့ ရုံးတင် စစ်ဆေးခံရမယ့် အခြေအနေကနေ ကာကွယ် နိုင်အောင် လို့ ဖြစ်ပါတယ်။

အီကွေဒေါ နိုင်ငံခြားရေး ဝန်ကြီး ရီကာဒို ပါတီနို ကလည်း သူ့ကို ဆွီဒင် နိုင်ငံမှာသာ ရုံးတင် စစ်ဆေး ခွင့် ပေးခဲ့ရင်တော့ အဲဒီ ကနေ တဆင့် တချိန်က အမေရိကန်တွေရဲ့ သံတမန်ရေး ဆိုင်ရာ သတင်း ပေါက်ကြားမှုတွေ အတွက်ပါ တရားစွဲဆိုပြီး ရုံးတင် စစ်ဆေး ခံရဖို့ အမေရိကန် အထိ ပို့ပစ် ခံရမယ့် အန္တရာယ်မှာ ရှိနေတယ် လို့ ဆိုပါတယ်။

အဲဒီမှာ မေးစရာ ရှိတာက မစ္စတာ အက်ဆန့်ဂ်ျဟာ ဒီလို ခိုလှုံခွင့် လျှောက်ထား ဖို့ အကျုံးဝင် ပါသလား ဆိုတာပါ။

လူတဦး အနေနဲ့ သူနေရင်း နိုင်ငံမှာ လူမျိုး၊ ဘာသာ ၊ အသင်းအဖွဲ့ နဲ့ နိုင်ငံရေး ယုံကြည်မှု စတဲ့ အကြောင်း တချက်ချက် ကြောင့် ရုံးတင် စစ်ဆေး ခံရဖို ရှိနေပြီ ဆိုရင် နိုင်ငံတနိုင်ငံကို ခိုလှုံခွင့် လျှောက်လို့ ရနိုင်ပါတယ်။

သူ့ကို ထောက်ခံသူတွေက မစ္စတာ အက်ဆန့်ဂ်ျဟာ နိုင်ငံရေး ခံယူချက် တွေကြောင့် တရားစွဲဆို ခံရလောက်တဲ့ အခြေအနေတွေနဲ့ ရင် ဆိုင်နေရတယ် လို့ ပြောနေကြပါတယ်။ ဒါပေမယ့်လို့ နေရင်း ဖြစ်တဲ့ သြစတေးလျ မှာ ဒီလို စွဲဆို ခံရဖို့ တွေ ရှိနေတာကို သက်သေ ပြဖို့တော့ ခက်ပါလိမ့်မယ်။

အခု တရားစွဲထားတဲ့ ဆွီဒင်ကလည်း သူ့ရဲ့ ဝစ်ကီလိခ်ကြောင့် ဆွဲတာ မဟုတ်ဘဲ ပြစ်မှုတွေကျူးလွန် ထားလို့ စွဲဆိုထားတာ ဖြစ်နေပါတယ်။ ပြီးတော့ သူဆွီဒင်ထက် ကြောက်တဲ့ အမေရိကန်ကလည်း ခုထက်ထိတော့ သူ့ရဲ့ ဝစ်ကီလိခ် ကိစ္စတွေနဲ့ စွဲဆိုဖို့ ကို မလုပ်သေးပါဘူး။

ဒီတော့ကာ ဗြိတိန်နဲ့ အီကွေဒေါ နှစ်နိုင်ငံအကြားမှာ နိုင်ငံရေး ကိစ္စကြောင့် စွဲဆို ခံရတာ မဟုတ်တဲ့ အတွက် ဒုက္ခသည် တွေ အပေါ် သတ်မှတ်ချက် တွေအရ ခိုလှုံခွင့် ပေးသင့် မပေးသင့် ကို အငြင်းပွား နေခဲ့ကြတာပါ။

အက်ဆန့်ဂ်ျက အက်ကွေဒေါ သံရုံးကို ရွေးရတဲ့ အကြောင်းရင်း

အက်ဆန့်ဂ်ျ အက်ကွေဒေါကို ရွေးချယ်ရတာက လွန်ခဲ့တဲ့ ၂၀၁၀ က အက်ကွေဒေါ ဒုတိယ နိုင်ငံခြား ရေး ဝန်ကြီးက သတင်းတွေ လွတ်လပ်စွာ တင်နေ နိုင်ဖို့ မစ္စတာ အာဆန့်ဂ်ျ ကို သူတို့ နိုင်ငံမှာ နေထိုင်ခွင့် ပြုမယ် လို့ ပြောဖူး ပါတယ်။ ဒါပေမဲ့ နောက်ပိုင်းမှာ ဒါဟာ ဒုတိယ နိုင်ငံခြား ရေး ဝန်ကြီးရဲ့ ကိုယ်ပိုင် သဘောထား သာ ဖြစ်တယ်ဆိုပြီး အီကွေဒေါ သမ္မတ က ပြန်လျောချ ခဲ့ပါတယ်။

ဒါပေမဲ့ နောက်ပိုင်း မှာ ဝစ်ကီလိခ်ကို ချီးမွမ်း နေတဲ့ အဲဒီ သမ္မတ မစ္စတာ ကော်ရဲရာ နဲ့ ရုပ်မြင် အင်တာဗျူး လုပ်ခဲ့ အပြီး မှာ သတင်း လွတ်လပ်ခွင့်နဲ့ မီဒီယာ တွေရဲ့ အပျက် သဘော ဆောင်တတ်တဲ့ ကိစ္စတွေ ကို အခြေခံပြီး သူတို့ နှစ်ဦး တော်တော် ရင်းနှီး သွားခဲ့ပါတယ်။

အခုကိစ္စမှာ အက်ဆန့်ဂ်ျက ဗြိတိန်ရဲ့ ဥပဒေကို ချိုးဖောက်ခဲ့သလား

သူ့ကို ဆွီဒင်က ဖမ်းဝရမ်း ထုတ်လိုက် အပြီးမှာ ဗြိတိန်က ဒီကိစ္စကို စဉ်းစား နေစဉ် အတွင်း သူ့ကို ကန့်သတ်ချက် တွေပါတဲ့ အာမခံနဲ့ နေခွင့် ပေးထား ခဲ့တာ ဖြစ်ပါတယ်။ ဒါပေမယ့် သူက ဒါကို ချိုးဖောက်ပြီး သံရုံးထဲဝင်သွား ခဲ့တာဆိုတော့ သူ့ကို ဖမ်းမယ်ဆို ဖမ်းလို့ ရပါတယ်။ ရဲဘက်ကလည်း ဖမ်းလို့ အခြေအနေပေး တာနဲ့ ဖမ်းမယ်ဆိုပြီး ပြောထား ပါတယ်။

ဘာကြောင့် သံရုံးထဲ ဝင်မဖမ်း သေးတာလဲ

သံရုံးထဲကို ရဲက ဝင်ဖမ်းဖို့က သက်ဆိုင်ရာ သံအမတ်ရဲ့ ခွင့်ပြုချက် မရဘဲ ဘယ် နိုင်ငံရဲ့ ရဲတပ်ဖွဲ့မှာ သံရုံး တွေထဲထိ ဝင်ဖမ်းတာမျိုး လုပ်လို့ မရပါဘူး။ ဒီဥပဒေကိုလည်း ၁၉၆၁ က သံတမန် ရေးရာ ဗီယန်နာ သဘောတူညီချက်မှာ အတည်ပြုထား ခဲ့တာ ဖြစ်ပါတယ်။

ဒါပေမဲ့ ဂျော့ ဝါရှင်တန် တက္ကသိုလ်က ပါမောက္ခ ဂျွန်နသန် တာလီကတော့ တကယ်လို့ ဝင်ဖမ်း ချင်ရင်လည်း ၁၉၈၇ DIPLOMATIC AND CONSULAR PREMISES ACT အရ သံရုံး မြေဟာ အများ ထင်သလို အဲဒီသံရုံး ပိုင် နိုင်ငံက မဟုတ်ဘဲ အိမ်ရှင် နိုင်ငံပိုင် ပဲ ဖြစ်ပါ တယ်တဲ့။ အထဲက သံရုံးကသာ သံတမန် အခွင့်အရေးက ကာကွယ် ထားတာ ဖြစ်လို့ ဗြိတိန် အစိုးရက သံရုံးမြေ နေရာကို ပြောင်းပြီး သတ်မှတ်တာ မျိုး လုပ်ချင် လုပ်လို့ ရတယ်လို့ ပြောပါတယ်။

ဒါပေမဲ့ သူ့အမြင်အရ ဆိုရင် ဒီလောက် အထိတော့ လုပ်လိမ့်မှာ မဟုတ်ဘူး၊ ဘာကြောင့်လည်း ဆိုတော့ အာဆန့်ဂ်ျ ဟာ အီကွေဒေါ အထိ ရောက်ဖို့ အရင်ဆုံး အင်္ဂလိပ် မြေကို ဖြတ်ရမှာ ဖြစ်တာကြောင့်လို့ ပြောပါတယ်။ ဒီတော့ သူ့ အထင်အရ အာဆန့်ဂ်ျ အီကွေဒေါ အထိ ရောက်ဖို့ သိပ် မလွယ်လှ တဲ့အကြောင်းနဲ့ အင်္ဂလိပ်တွေက အသာ ထိုင်စောင့် နေရုံသာ လိုတဲ့ အကြောင်း၊ အဲဒီလို သာ ဆိုရင် အာဆန့်ဂ်ျ အတွက်ကတော့ အီကွေဒေါ သံရုံးရဲ့ ကာလရှည် ဧည့်သည်ကြီး ဖြစ်ဖို့ ပဲ ရှိတဲ့အကြောင်း ပြောပါတယ်။

ဘာသာရေး ပဋိပက္ခ ဖြစ်အောင် မလှုံ့ ဆော်ဖို့ တိဘက် သတိပေး

တိဘက် ဘုန်းတော်ကြီး ပုံတွေကို အလွဲသုံးစား လုပ်ပြီး ဗုဒ္ဓဘာသာနဲ့ မွတ်စလင် တွေကြား ပဋိပက္ခတွေ ဖြစ်ပေါ်အောင် လှုံ့ဆော် နေတာ တွေကို စိုးရိမ် ကြောင်း အိန္ဒိယ အခြေစိုက် တိဘက် အုပ်ချုပ်ရေး အဖွဲ့ က ပြော ပါတယ်။

အိန္ဒိယ နိုင်ငံမှာ အခြေစိုက် တဲ့ ပြည်ပရောက် တိဘက် အုပ်ချုပ်ရေး အဖွဲ့ CTA က သြဂုတ်လ ၁၅ရက်နေ့က ကြေညာချက် ထုတ် ပြန်ခဲ့တာ ဖြစ်ပါတယ်။

အလောင်းတွေ ဘေးမှာ တိဘက် ဘုန်းတော်ကြီး တွေရပ် နေတဲ့ ပုံတွေကို တချို့ လူမှု ကွန်ယက်တွေ မီဒီယာတွေ ပေါ်မှာ ဖော်ပြ တာဟာ ဗုဒ္ဓဘာသာနဲ့ မွတ်စလင် တို့ကြား အမုန်း ပွားအောင် လုပ်ကြံ ရန်တိုက် ပေးနေ တာ ဖြစ်တယ်၊ တကယ်တန်း ဒီပုံတွေဟာ ၂၀၁၀ ခုနှစ် ဧပြီလ တုန်းက တိဘက် ဒေသ ငလျင် ကြီးမှာ သေဆုံး ခဲ့ကြသူ တွေကို တိဘက် ဘုန်းတော်ကြီး တွေက ကူညီ မြှုပ်နှံ နေတဲ့ပုံတွေ ဖြစ်တယ် လို့ ကြေညာချက်မှာ ပါရှိပါတယ်။

ဒါကြောင့် ဗုဒ္ဓ ဘာသာနဲ့ မွတ်စလင်ကြား ရန်မီးပွားအောင် လှုံ့ဆော် ဖန်တီးနေတာ အားလုံး ရပ်ဆိုင်း ကြဖို့ အိန္ဒိယနိုင်ငံက တိဘက် အုပ်ချုပ်ရေး အဖွဲ့ ပြန်ကြားရေး အရာရှိ တက်ရှီက ဘီဘီစီကို ပြောပါတယ်။

အင်တာနက်မှာ တိဘက် ဘုန်းတော်ကြီ တွေရဲ့ ဓါတ်ပုံ တွေကို အလွဲသုံးစား လုပ်နေတာဟာ သိရ သလောက် ပါကစ္စတန်မှာ အသုံးပြု နေတာ ဖြစ်ပြီး ဗုဒ္ဓ ဘာသာ ဘုန်းတော်ကြီးတွေက မွတ်ဆလင် တွေကို သတ်ဖြတ် နေတယ်လို့ လုပ်ကြံ စွပ်စွဲတာ တွေကို အမြန်ဆုံး ရပ်ပေးဖို့ တောင်းဆို ရာမှာ တချို့ ဝက်ဆိုဒ်က ဖယ်ရှားခဲ့ ပေမဲ့ အခု အထိ တချို့ ဆိုဒ် သုံးလေးခုမှာ ရှိနေသေး တယ်လို့ သူက ပြောပါတယ်။

ဒီလို မဟုတ် မမှန် ဖော်ပြ တာတွေကြောင့် ဘာသာရေး မုန်းတီးမှုတွေ ဖြစ်ပွား လာစေနိုင်တယ်လို့ လည်း ပြည်ပရောက် တိဘက် အုပ်ချုပ်ရေး အဖွဲ့က သတိပေးထားပါတယ်။

ဂျူလီယံ အာဆန့် ခိုလှုံခွင့်ရပြီ၊ သို့သော်လည်း လန်ဒန်သံရုံးမှ မည်သို့ ထွက်ခွာမည်နည်း 

မိုးမခအထောက်တော် အမှတ် ၀၀၃သြဂုတ် ၁၆၊ ၂၀၁၂

လန်ဒန်မြို့ အီကွေဒေါသံရုံးတွင် ခိုလှုံနေသည့် အငြင်းပွားဖွယ် ၀ီကီလိ ၀က်ဆိုက် တည်ထောင်သူ ဂျူလီယံ အာဆန့်ကို ခိုလှုံခွင့်ပေးကြောင်း အီကွေဒေါနိုင်ငံ၏ ကြေညာချက်က ပြီးခဲ့သည့် နာရီပိုင်းအတွင်း ထွက်ပေါ်လာသည်။

သို့သော်လည်း ဗြိတိန်အာဏာပိုင်တို့က သူ့ကို သံရုံးပြင်ပသို့ထွက်သည်နှင့် ဖမ်းဆီးမည့် အစီအစဉ်ရှိသည်ဟု ဆိုလိုက်သည်။

ဖမ်းဆီးရမိပါက လိင်ပိုင်းဆိုင်ရာ ရာဇ၀တ်မှု ကျူးလွန်သည်ဟု စွပ်စွဲခံထားရသည့်အာဆန့်သည် သူ့အား စစ်ဆေးမည့် ဆွီဒင်နိုင်ငံသို့ ပို့ဆောင်ခံရဖွယ်ရှိသည်။

အဆိုပါ လိင်ပိုင်းဆိုင်ရာ ရာဇ၀တ်မှုသည် ဆွီဒင်နိုင်ငံတွင် ကွန်ဒုံ အသုံးမပြုဘဲ လိင်ဆက်ဆံခဲ့မှု ဖြစ်သည်ဟု သိရသည်။

သူ၏ ၀ီကိလိ ၀က်ဆိုက်တွင် အမေရိကန်သံတမန်လောက၏ လျှို့ဝှက်ပေးစာ နှစ်သိန်းကျော်ကို ဖွင့်ချထားသည့် အတွက် အမေရိကန်ကလည်း သူ့ကို အလိုရှိနေသည်။

ခိုလှုံခွင့်ရသည့် အီကွေဒေါသို့ မည်သို့ သွားမည်နည်းဟူသော အချက်က မေးခွန်းကြီးဖြစ်နေသည်။

အီကွေဒေါက သူ့အား သံရုံးဝန်ထမ်းအဖြစ် တာဝန်ပေးသည့်နည်းဖြင့် ခေါ်ထုတ်သွားသည့်နည်းလမ်းမှာ အလုပ်မဖြစ်ဟု ဆိုသည်။ သံရုံးဝန်ထမ်းအဖြစ် တာဝန်ပေးရေးမှာ ဗြိတိန် နိုင်ငံခြားရေးဌာန၏ သဘောတူညီချက် လိုအပ်သည်။

နောက်နည်းလမ်းတခုက သူ့အား အီကွေဒေါ၏ ကုလသမဂ္ဂဆိုင်ရာ ကိုယ်စားလှယ်တဦးအဖြစ် ခန့်အပ်ရေး ဖြစ်သည်။ ထိုနည်းဖြင့် ဖမ်းဆီးခံရမည့်အန္တရာယ်မှ လွတ်နိုင်မည်ဟု တချို့က ဆိုသည်။

ဤအတောအတွင်း သံရုံးအပြင်ဘက်တွင် ရဲတပ်ဖွဲ့ဝင်အများအပြား စောင့်ကြည့်နေဆဲဖြစ်သည်။

နိုင်ငံတကာသဘောတူညီချက်အရ သံရုံးအတွင်းသို့ သွားရောက် ဖမ်းဆီးခွင့် မရှိချေ။

သို့သော်လည်း အီကွေဒေါသည် လန်ဒန်မြို့ သံရုံးကို တလွဲအသုံးချနေသည်ဟု စွပ်စွဲခံရပြီး သံရုံးအဆင့်မှ ပယ်ဖျက်ခံရမည့် အန္တရာယ်လည်း ရှိနေသည်။ ထိုသို့ ပယ်ဖျက်လိုက်ပါက ၀င်ရောက် ဖမ်းဆီးနိုင်ပြီ ဖြစ်သည်။ မည်သို့ပင် ဆိုစေ ထိုသို့ လုပ်ဆောင်မည် ဆိုပါက သံတမန်ဆက်ဆံရေးများ ပိုမို ပျက်ပြားရတော့မည် ဖြစ်သည်။

သူ၏ရှေ့ရေး မည်သို့ ဖြစ်ပျက်မည် ဆိုသည်က လတ်တလော စိတ်ဝင်စားဖွယ် အကြောင်းအရာ ဖြစ်နေသည်။

ဈေးဝယ်ငွေထုတ် ကဒ်များ နောက်လထွက်မည်

သိင်္ဂီထွန်း | ဗုဒ္ဓဟူးနေ့၊ သြဂုတ်လ ၁၅ ရက် ၂၀၁၂ ခုနှစ် ၁၆ နာရီ ၃၉ မိနစ်

ရန်ကုန် (မဇ္ဈိမ)။         ။ ဈေးဝယ်နိုင်ရန်နှင့် ဘဏ်များတွင် အပ်နှံထားသည့် ငွေများ ပြန်လည် ထုတ်ယူနိုင်ရန် MPU (Myanmar Payment Union) ဟု အမည်ပေးထားသည့် ကဒ်တမျိုးကို စက်တင်ဘာလအတွင်း စတင် အသုံးပြုနိုင်တော့မည်ဟု အာရှိ စိမ်းလန်းစိုပြေရေးနှင့် ဖွံ့ဖြိုးမှုဘဏ် (AGB) ၏ စီမံခန့်ခွဲမှု ဒါရိုက်တာ ဦးရဲမင်းဦးက မဇ္ဈိမကို ပြော သည်။

"ဘဏ်တချို့မှာ စပြီးစမ်းသုံးနေပြီခင်ဗျ။ ကျနော်တို့ဘဏ်တွေမှာလည်း စမ်းသုံးနေပြီ။ ဒါပေမယ့် သုံးစွဲသူတွေကိုတော့ ကျနော်တို့မပေးသေးဘူး။ ဝန်ထမ်းတွေကိုပေးပြီး စမ်းသုံးနေပြီ။ ဒီလလုံးစမ်းပြီး ဘာချို့ယွင်းချက်မှ မတွေ့ဘူး အဆင်ပြေ ချောမွေ့တယ်ဆိုရင် စက်တင်ဘာမှာ အသုံးပြုဖို့ ကြေငြာမယ်။" ဟု ဦးရဲမင်းဦးက ပြောသည်။

MPU ကတ်စနစ်သည် ATM (ငွေထုတ်၊ ငွေသွင်းနိုင်သည့်စနစ်)နှင့် POS (ဈေးဝယ်စင်တာများတွင် အသုံးပြုနိုင်သည့် စနစ်) များကို အသုံးပြုနိုင်အောင် ပြုလုပ်ထားခြင်းဖြစ်သည်။ အဆိုပါကဒ်ကို ဂျာမဏီနိုင်ငံထုတ် စက်များဖြင့် စမ်းသပ် လျက်ရှိသည်ဟုလည်း ဦးရဲမင်းဦး က ပြောသည်။

"ကျနော်တို့ စနစ်တွေအားလုံးက တခြားနိုင်ငံမှာရှိတဲ့ စနစ်တွေ၊ ဆော့ဖ်ဝဲတွေ အကုန်လုံး တခြားနိုင်ငံမှာသုံးပြီး ဘာ Error (အမှားအယွင်း) မှ မရှိတဲ့ဟာကို ဝယ်လိုက်တာ။ ကျနော်တို့ အခုစမ်းသပ်တာဆို တလရှိပြီ။ တလစမ်းသပ်ပြီးနောက်ပိုင်းမှာ အကောင်အထည်ဖော်မှာဖြစ်တယ်။ တတ်နိုင်သမျှ ယုံကြည်စိတ်ချရ အောင်လုပ်ထားပါတယ်။" ဟုပြောသည်။

MPU ကဒ်အတွင်း ငွေသိမ်းဆည်းထားလိုပါက MPU အဖွဲ့ထဲတွင် ပါဝင်သည့် ဘဏ်များမှတဆင့် ကဒ်အတွင်း ထည့်သွင်းထားနိုင်သည်။  ကျပ်တသောင်းမှ အများဆုံး သိန်း ၅၀ အထိ တနေ့တာ အတွင်း ထုတ်ယူအသုံးပြုနိုင်မည်ဖြစ်သည်။

လက်ရှိအချိန်အထိ မြန်မာနိုင်ငံတွင် ငွေသား ငွေသားသယ်ဆောင်ရသော အန္တရာယ်ရှိခြင်းနှင့် ဗဟိုဘဏ်မှ ငွေစက္ကူ ရိုက်ထုတ်ရသော စရိတ်များရှိကြောင်း၊ MPU ကဒ် စနစ်ကိုအသုံးပြုပါက ထိုပြဿနာများ လျော့နည်းသွားမည်ဟု ဘဏ်လုပ်ငန်းများ၏ အကြံပေးတဦးဖြစ်သူ ဦးစံသိန်းက ပြောသည်။

လက်ရှိတွင် MPU နှင့် ချိတ်ဆက်ထားသည့် ဘဏ် ၁၆ ခုရှိပြီး နောက်ပိုင်းတွင် ဘဏ်အားလုံး ပါဝင်သွားနိုင်မှာဖြစ်ကြောင်း သမဝါယမဘဏ်လီမိတက်မှ ဦးဖေမြင့်ကပြောသည်။ မြန်မာနိုင်ငံတွင် ပုဂ္ဂလိကဘဏ် ၁၉ ခု ရှိသည်။

မြန်မာ့ မူးယစ်ဆေးဝါး ပြဿနာ ပိုဆိုးလာကြောင်း အတည်ပြု

မဇ္ဈိမသတင်းဌာန | ကြာသပတေးနေ့၊ သြဂုတ်လ ၁၆ ရက် ၂၀၁၂ ခုနှစ် ၁၂ နာရီ ၃၄ မိနစ်

ဇူလိုင်လအတွင်း ဘိန်းဖြူ ၁၁၆ ကီလိုနှင့် အဖက်တမင်း ဆေးပြား ၁ ဒဿမ ၄ သန်းကို ဖမ်းဆီးရမိလိုက်ပြီးနောက်မြန်မာနိုင်ငံတွင် အဖက်တမင်း မူးယစ်ဆေးဝါးပြဿနာသည် `အလွန်အန္တရာယ်ရှိ´ သည့် အခြေအနေသို့ ရောက်ရှိနေပြီဖြစ်ကြောင်း တာဝန်ရှိသူများက သတိပေး ပြောကြားလိုက်သည်။ 

“အခြေအနေ ပိုဆိုးလာပါတယ်။… ၂၀၁၄ ခုနှစ်မှာ မူးယစ်ဆေးဝါး ကင်းစင်စေရပါမယ်လို့ ကတိပြုထားပေမယ့် ဘိန်းမဲပဲ ကင်းစင်နိုင်ပါလိမ့်မယ်။ စိတ်ကြွဆေးကတော့ ဆက်ရှိနေမှာ ဖြစ်ပါတယ်” ဟု တာဝန်ရှိသူတဦးက မကြာသေးခင်က အေအက်ဖ်ပီ သတင်းဌာနကို ပြောကြားခဲ့သည်။ 

ဇူလိုင်လအတွင်း မူးယစ်ဆေးဝါးနှင့် ဆက်နွယ်သည့်မှုခင်းပေါင်း ၃၄၂ မှု ဖြစ်ပွါးခဲ့ပြီး မသင်္ကာသူ ၄၇၃ ဦးကို ဖမ်းဆီးခဲ့သည်ဟု နိုင်ငံပိုင်မီဒီယာက ဗုဒ္ဓဟူးနေ့က သတင်းဖော် ပြခဲ့သည်။ 

စိတ်ကြွဆေးအများစုကို မြန်မာနိုင်ငံ၏ အရှေ့ဘက်နယ်စပ်တွင် ဖမ်းဆီးရမိခဲ့ခြင်းဖြစ်ပြီး ရန်ကုန်မြို့သို့လည်း ၀င်ရောက်လာနေကြောင်း တာဝန်ရှိသူများက ပြောသည်။ 

ဘိန်းစိုက်ပျိုးမှုနှင့် အဖက်တမင်းဆေးပြား ထုတ်လုပ်မှုသည် အချို့သော တိုင်းရင်းသား လက်နက်ကိုင်အဖွဲ့များအတွက် ငွေဝင်လမ်းတခု ဖြစ်ကြောင်းလည်း အစိုးရတာဝန်ရှိသူများက ပြောသည်။ 

အာဖဂန်နစ္စတန်နိုင်ငံ ပြီးလျှင် မြန်မာနိုင်ငံသည် ကမ္ဘာ့ဒုတိယအကြီးဆုံး ဘိန်းစိုက်ပျိုး ထုတ်လုပ်သည့်နိုင်ငံ ဖြစ်သည်။ 

ကုလသမဂ္ဂအဖွဲ့ကြီး၏ အဆိုအရ ရှမ်းပြည်နယ်သည် မက်တာအဖက်တမင်း ထုတ်လုပ်သည့် အဓိကနေရာဖြစ်ကြောင်း သိရသည်။ ၁၉၉၈ မှ ၂၀၁၀ ခုနှစ်အတွင်း အဖက်တမင်းပုံစံ စိတ်ကြွဆေး ဖမ်းဆီးရမှုသည် လျှင်မြန်စွာ တိုးပွါးလာနေကာ ၀ယ်လိုအား မြင့်တက်မှုကြောင့် သုံးဆနီးပါး မြင့်တက်လာခဲ့ကြောင်း  ကုလ က ပြောသည်။ 

“ကုလ မူးယစ်ဆေးဝါး ထိန်းချုပ်ရေးအဖွဲ့ (UNODC) အား ရှမ်းပြည်နယ်တွင်း ၀င်ရောက် အလုပ်လုပ်ကိုင်ခွင့် ပြုထားသည့်နရာများအား  အစိုးရတာဝန်ရှိသူများက ထပ်မံတိုးချဲ့ လုပ်ကိုင်ခွင့် ပြုခဲ့သဖြင့်လည်းကောင်း၊ မကြာသေးမီက ရရှိခဲ့သော အပစ်အခတ်ရပ်စဲရေး သဘောတူညီချက်များ ကြောင့်လည်းကောင်း ကုလ မူးယစ်ဆေးဝါး အေဂျင်စီအနေဖြင့် အားတက်မိကြောင်း” ပြောဆိုခဲ့သည်ကို မဇ္ဈိမ က ဇူလိုင်လအတွင်းက သတင်းပေးပို့ခဲ့သည်။

“ကာလကြာရှည်နေပြီဖြစ်တဲ့ ဆင်းရဲမွဲတေမှုရဲ့ စိန်ခေါ်မှုတွေကို ဖြေရှင်းပေးနိုင်ရင်၊ ကျေးလက် စားနပ်ရိက္ခာ မလုံလောက်မှုကို လျှော့ချပေးနိုင်ရင်၊ လက်နက်ကိုင်ပဋိပက္ခကို လျော့ပါးသွားအောင် လုပ်နိုင်ရင် ဘိန်းစိုက်တောင်သူတွေကို ဘိန်းခင်းတွေဆီ မသွားအောင် လုပ်နိုင်ပါလိမ့်မယ်” ဟု UNODC ဘန်ကောက်ရုံး ကိုယ်စားလှယ် ဂယ်ရီလူးဝစ်စ် က ဆိုသည်။ 

တောင်သူများအား ဤသို့ အသွားနှစ်ဘက်ရှိသော ၀င်ငွေရလမ်းမှ ရှောင်ဖယ်သွားစေလိုပါက ၎င်းတို့၏ စားဝတ်နေရေးကို တနည်းတဖုံ ဖြည့်ဆည်းပေးရန် လိုကြောင်းလည်း သူက ပြောသည်။ 

“ဒီလုပ်ငန်း ထိရောက်ဖို့ဆိုရင် တောင်သူတွေကို သူတို့စားဝတ်နေရေး ရေရှည်ဖူလုံစေမယ့် အခြား နည်းလမ်းတွေဖြည့်ဆည်းပေးဖို့ လိုမယ်။ တောင်သူတွေ ဘိန်းစိုက်တာ စားနပ်ရိက္ခာ ၀ယ်ဖို့ပါ။ ကြွေးဆပ်ဖို့ပါ။ ကျန်းမာရေး အသုံးစရိတ်နဲ့ ကျောင်းလခ ပေးနိုင်ဖို့ပါ” ဟု ဂယ်ရီလူးဝစ်စ် က ပြောသည်။ 

လွန်ခဲ့သော ဆယ်စုနှစ်အတွင်း UNODC နှင့် အစိုးရမဟုတ်သော အဖွဲ့အစည်းများက မြန်မာနိုင်ငံမှ ဘိန်းစိုက်တောင်သူများကို ဘိန်းမစိုက်ရန် ဆွဲဆောင်သည့်အနေနှင့် စားဝတ်နေရေး ပြေလည်စေရန် အဖြေရှာပေးခဲ့သည်။ လမ်းများ ဖောက်ပေးခဲ့သည်။ ဆည်မြောင်း တာတမံနှင့် ရေကြောင်း သွားလာရေးအတွက် ကူညီခဲ့သည်။ ရပ်ရွာ ကျန်းမာရေး စောင့်ရှောက်မှု စနစ်များ လုပ်ကိုင်ပေးခဲ့သည်။ 

ဥရောပသမဂ္ဂနှင့် ဂျပန်နှင့် ဂျာမဏီအစိုးရများက ပေးအပ်သော ရန်ပုံငွေများဖြင့် ဆောင်ရွက်နေသော UNODC ၏ အခြားနည်း ဖွံ့ဖြိုးမှု အကူအညီများသည် မကြာသေးခင် အချိန်အထိ ရှမ်းပြည်နယ် တောင်ပိုင်းရှိ သုံးမြို့နယ်တွင်သာဆောင်ရွက်နိုင်သည့် အသေးစား ဖွံ့ဖြိုးရေး စီမံကိန်းများ ဖြစ်နေသည်။ ယင်းသည် ရှမ်းပြည်နယ်တခုလုံးနှင့် တနိုင်ငံလုံးအတွက် လိုအပ်နေသော အခြေခံ အဆောက်အအုံများ၊ ဈေးများ၊ ကျောင်းများ၊ ရေရှည် တည်တံ့နိုင်မည့် စားဝတ်နေရေး လုပ်ငန်းများကို တိုးတက်ကောင်းမွန်အောင် ပြုလုပ်ရန် မလုံလောက်ပါ။ 

အစိုးရတပ်များနှင့် တိုင်းရင်းသားနှင့်နိုင်ငံရေး သူပုန်အဖွဲ့အစည်း အမျိုးမျိုးအကြား ရာစုနှစ် တ၀က်ကျော်ကြာဖြစ်ပွါးနေသော ပြည်တွင်းပဋိပက္ခကြောင့် နိုင်ငံမှာ အစိတ်စိတ် ကွဲပြားနေရပြီး မတည်ငြိမ်မှုနှင့် ဆင်းရဲမွဲတေမှုကိုဖြစ်ပေါ်စေခဲ့သည်ဟု UNODC က ပြောသည်။ 

ကရင် လွတ်မြောက်ရေး တပ်မတော် (KNLA) နှင့် ရှမ်းပြည်တပ်မတော် တောင်ပိုင်း (SSA-S) အပါအ၀င်မြန်မာပြည်တာင်ပိုင်းမှ တပ်ဖွဲ့များနှင့် ၂၀၁၂ ခုနှစ်အစောပိုင်းတွင် အပစ်အခတ် ရပ်စဲရေး စာချုပ်များ ချုပ်ဆိုနိုင်ခဲ့ခြင်းကြောင့် ယခင်က မသွားရောက်နိုင်ခဲ့သော ဒေသများသို့ ယခု သွားရောက်နိုင်ခဲ့သည်။ 

UNODC ၏ လေ့လာမှုအရ မြန်မာနိုင်ငံအတွင်း ဘိန်းစိုက်ပျိုးမှုသည် ၂၀၁၀ ခုနှစ်တွင် ၃၈,၁၀၀ ဟက်တာ ရှိခဲ့ရာမှ ၂၀၁၁ ခုနှစ်တွင် ၄၃,၆၀၀ ဟက်တာအထိ ရှိလာခဲ့သည်ဟု ၂၀၁၁ ခုနှစ်အတွင်း ပြုလုပ်ခဲ့သော စစ်တမ်းတွင်ဖော်ပြထားသည်။ ယင်းစိုက်ပျိုးမြေ အများစုသည် ရှမ်းပြည်နယ်အတွင်း ရှိသည်ဟုလည်း ဆိုသည်။ သို့သော် အစိုးရအနေဖြင့် ဘိန်းတိုက်ဖျက်ရေး လုပ်ငန်းများကို အားကြိုးမာန်တက် ဆောင်ရွက်ခဲ့ပြီး ၂၀၁၁ ခုနှစ်အတွင်း ဘိန်းစိုက်မြေ စုစုပေါင်း ၆,၁၂၄ ဟက်တာကို ဖျက်ဆီးခဲ့ပြီး ၂၀၁၀ ခုနှစ်အတွင်း ၅,၁၃၆ ဟက်တာသာ ဖျက်ဆီးနိုင်ခဲ့သည် ဟု စစ်တမ်းက လေ့လာဖော်ပြထားသည်။ 

နိုင်ငံတွင်း ဘိန်းစိုက်ပျိုးမှုတွင် အိမ်ထောင်စုပေါင်း ၂၄၆,၀၀၀ ပါဝင်ပတ်သက်နေပြီး ယင်းတို့အထဲမှ ၉၁ ရာခိုင်နှုန်းသည် ရှမ်းပြည်နယ်မှ ဖြစ်သည်ဟု UNODC ၀ဘ်ဆိုက်၏ မေလ ဆောင်းပါးတွင် ရေးသားထားသည်။ 

ဘိန်းတိုက်ဖျက်ရေးသည် မြန်မာအစိုးရ၏ ဦးစားပေးလုပ်ငန်းဖြစ်ပြီး မကြာသေးမီက ပြုလုပ်ခဲ့သော ဘိန်းတိုက်ဖျက်ရေး လုပ်ငန်းများသည် သိသိသာသာ တိုးတက်လာပြီး ဘိန်းစိုက်ခင်း အမြောက်အများကို ဖျက်ဆီးနိုင်ခဲ့သည်။ 

“သို့သော် ယင်းလုပ်ငန်းသည် သာမန်အားဖြင့် ဆင်းရဲပြီး ကြွေးထူသော ဘိန်းစိုက် တောင်သူများအတွက် အလွန်အထိနာသော နောက်ဆက်တွဲအကျိုးဆက်များ ပေါ်ထွက်လာစေခဲ့သည်။ တောင်သူ အများအပြားသည် စားနပ်ရိက္ခာ ၀ယ်ယူရန်နှင့် မသေရုံလေး နေထိုင်နိုင်ရုံအတွက်သာ ဘိန်းစိုက်ပျိုးနေကြခြင်းဖြစ်သည်” ဟု အဆိုပါ အစီရင်ခံစာတွင် ရေးသားထားသည်။ 

အခြားနည်းလမ်းဖြင့် စားဝတ်နေရေး ပြဿနာကို ဖြေရှင်းပေးခြင်းမပြုဘဲ ဘိန်းတိုက်ဖျက်ရေး လုပ်ငန်းကို လုပ်ဆောင်ပါက ဘိန်းစိုက်ပျိုးခြင်းမှ ရရှိသည့်ဝင်ငွေအပေါ် ရပ်တည်နေရသော အိမ်ထောင်စုများအတွက် စားနပ်ရိက္ခာ မလုံလောက်မှုပြဿနာ ပိုမိုကြီးထွားလာနိုင်ပြီး မိသားစုများကို ကျွေးမွေးနိုင်ရန်အတွက် အခြား ၀င်ငွေရလမ်းများကို ရှာဖွေကြရလိမ့်မည်ဟု UNODC မြန်မာနိုင်ငံဆိုင်ရာ မန်နေဂျာ ဂျေဆင် အီလေး (Jason Eligh) က ပြောသည်။ 

မကြာမီ ကာလများအတွင်း ဘိန်းစိုက်ပျိုးမြေ တိုးတက်လာရခြင်း အဓိကအကြောင်းများမှာ ကာလ ရှည်ကြာနေပြီဖြစ်သော ဆင်းရဲမွဲတေမှု၊ စားနပ်ရိက္ခာလုံခြုံမှု လျော့ကျလာခြင်းနှင့် လက်နက်ကိုင် ပဋိပက္ခများကြောင့် ဒေသတွင်း လုံခြုံမှုမရှိခြင်းတို့ကြောင့် ဖြစ်သည်ဟု သူက ပြောသည်။ UNODC သည် ၂၀၁၁ ခုနှစ်က စ၍ ရှမ်းပြည်နယ်တောင်ပိုင်းတွင် ရေရှည် တည်တံ့မည့် စားဝတ်နေရေး ဖူလုံစေမည့် အခြားနည်းလမ်းများ နှင့် စားနပ်ရိက္ခာ လုံခြုံမှုရှိစေမည့် စီမံကိန်းများကို လုပ်ဆောင်ခဲ့သည်။ ဥရောပသမဂ္ဂနှင့် ဂျာမဏီအစိုးရ တို့က ပေးအပ်သော ရန်ပုံငွေများဖြင့် ဘိန်းစိုက်ပျိုးခြင်းအပေါ် မှီခိုနေရေသော ရပ်ရွာအသိုင်းအ၀ိုင်းကို ကွင်းဆင်းကာ တိုက်ရိုက် အကူအညီများအဖြစ် ပေးအပ်ခဲ့ခြင်း ဖြစ်သည်။

ဆက်သွယ်ရေး တင်ဒါအကြံပေး လျှောက်ထားမှု ပြည်ပကုမ္မဏီများပြား

တင်ဇာအောင် | ကြာသပတေးနေ့၊ သြဂုတ်လ ၁၆ ရက် ၂၀၁၂ ခုနှစ် ၁၉ နာရီ ၃၄ မိနစ်

ရန်ကုန် (မဇ္ဈိမ) ။       ။ မြန်မာ့ဆက်သွယ်ရေးလုပ်ငန်းမှ ဆက်သွယ်ရေးနှင့် ပတ်သက်သည့် တင်ဒါများ ခေါ်ယူသည့် အခါ တင်ဒါအကြံပေး လုပ်ငန်းများ လုပ်ကိုင်ရန် လျှောက်ထားသူများတွင် နိုင်ငံခြား ကုမ္ပဏီများ ပိုမိုများပြားကြောင်း သိရသည်။

သြဂုတ်လ ၁ ရက်နေ့ နောက်ဆုံးထား၍ လာရောက်လျှောက်ထားကြသည့် ကုမ္ပဏီပေါင်း ၆၄ ခုထဲတွင် ပြည်ပကုမ္ပဏီ က အများစုဖြစ်နေကာ စိစစ်ရွေးချယ်နေပြီ ဖြစ်ကြောင်း မြန်မာ့ ဆက်သွယ်ရေး လုပ်ငန်းမှ တာဝန်ရှိသူ တဦးက ပြော သည်။

“ပြည်ပအဖွှဲအစည်းတွေက တင်ဒါ ဘယ်လိုခေါ် ရတယ်၊ ဘယ်လိုရေးရတယ်၊ ဘယ်ပုံဘယ်နည်း  ရွေးပုံရွေးနည်းတွေက အစ သူတို့က နားလည်တယ်။ ဒါကြောင့် အတိုင်ပင်ခံ ခေါ်တာပါ။ သူတို့က တင်ဒါ ခေါ်တာနဲ့ ပတ်သက်ပြီး အစအဆုံး လုပ်ပေးရမှာပါ” ဟု ဆိုသည်။

ဆက်သွယ်ရေး ဝန်ဆောင်မှု ကဏ္ဍ လျှင်မြန်စွာ တိုးတက်ရန်အတွက်လည်း ဆက်သွယ်ရေး စာတိုက်နှင့် ကြေးနန်း ဝန်ကြီးဌာန ပြည်ထောင်စု ဝန်ကြီးဦးသိန်းထွန်းက သြဂုတ်လ ၁ဝ ရက်နေ့တွင် ကျင်းပသည့် ပြုပြင်ပြောင်းလဲရေးဆိုင်ရာ အသေးစိတ်ညှိနှိုင်း အစည်းအဝေးတခုတွင် “ဆက်သွယ်ရေးကဏ္ဍ ပြုပြင်ပြောင်းလဲရေး ဆောင်ရွက်ရာတွင် အမြဲတမ်း လမ်းကြောင်းမှန်ပေါ် ရှိနေစေရန် ဆောင်ရွက်နေသည်” ဟု ဝန်ကြီးက ပြောသည်။  

ဆက်သွယ်ရေး လုပ်ငန်းများတွင် ပုဂ္ဂလိက ပူးပေါင်းဆောင်ရွက်ခြင်းနှင့် ပတ်သက်ပြီး ပြည်တွင်း မိုဘိုင်းဖုန်း လုပ်ငန်းရှင် တဦးကလည်း “ ဆက်သွယ်ရေး လုပ်ငန်းတွေကို ပုဂ္ဂလိက ပေးမယ်ဆိုရင်၊ လုပ်ငန်းပိုင်းမှာ လုပ်နည်းလုပ်ဟန်တွေကိုပြောင်းချင်တယ်ဆိုရင် ဆက်သွယ်ရေး အနေနဲ့ ကိုင်ထားတာတွေ သိပ်မလုပ်ဘဲ လိုချင်တဲ့ ကုမ္ပဏီကို အကောင်းဆုံး လုပ်နိုင်တယ်ဆိုရင် ယှဉ်ပြိုင်ပြီး အကောင်းဆုံး ပေးလိုက်တာ ကောင်းပါတယ်။ လုပ်ငန်းရှင် ရင်းနှီးမြှုပ်နှံချင်သလောက် ရင်းနှီးမြှပ်နှံခွင့် ပေးလိုက်မယ်ဆိုရင် ကောင်းပါတယ်။ သူတို့ နည်းပညာပိုင်းကို ဘယ်လောက် လုပ်ပေးနိုင်သလဲ၊ ဘာတွေ ကောင်းအောင် လုပ်ပေးနိုင်သလဲ။ ဒါတွေကို ကြည့်ပြီး လုပ်ကိုင်ခွင့် ပေးမယ်ဆိုရင် ကောင်းပါတယ်” ဟု သုံးသပ်ပြောသွားသည်။

မြန်မာ့ဆက်သွယ်ရေး လုပ်ငန်းသည် လုပ်ငန်းသုံးပစ္စည်းများ ဝယ်ယူရန်အတွက် တင်ဒါခေါ်ယူ လျက်ရှိရာ GSM SIM ကတ်  ငါးသိန်းကျော်နှင့် WCDMA SIM ကတ် နှစ်သန်းခွဲကျော် ဝယ်ယူမည်ဟု မြန်မာ့ဆက်သွယ်ရေး လုပ်ငန်း တာဝန်ရှိသူ တဦးက ပြောဆိုထားသည်။ 

ကျပ်ငွေဖြင့် ဝယ်ယူမည့် တင်ဒါခေါ်ယူခြင်းကို သြဂုတ်လ ၂ ရက်နေ့မှ စတင်ခဲ့ပြီး ၁၇ ရက်နေ့ နောက်ဆုံးထား၍ တင်ဒါ သိမ်းမည် ဖြစ်ကြောင်း သိရသည်။

အိမ်၊ ခြံ၊ မြေ အရောင်းအဝယ်အေးမည်ဟု အကျိုးဆောင်များ ခန့်မှန်း

ကိုကိုအောင် | ဗုဒ္ဓဟူးနေ့၊ သြဂုတ်လ ၁၅ ရက် ၂၀၁၂ ခုနှစ် ၁၆ နာရီ ၅၂ မိနစ်

ရန်ကုန် (မဇ္ဈိမ) ။       ။ အိမ်ခြံမြေ အရောင်းအဝယ်လုပ်ရာတွင် ဝယ်ယူသူဘက်မှ ပေးဆောင်ရမည့် ရောင်းဝယ်ခွန်ကို တိုးမြင့်လိုက်ခြင်းကြောင့် လတ်တလော ဈေးကွက်တွင် အရောင်းအဝယ် နည်းပါးခြင်းမှာ နောက် သုံးလခန့် ဆက်ဖြစ်နေနိုင်ကြောင်း လုပ်ငန်းအကျိုးဆောင်များက ပြောသည်။

ရန်ကုန်မြို့၊ မန္တလေးမြို့နှင့် နေပြည်တော်မြို့တော်များရှိ အိမ်ခြံမြေ အရောင်းအဝယ်များ အတွက် အရောင်းအဝယ် တန်ဘိုးအပေါ် တံဆိပ်ခေါင်းခွန် ၇ ရာခိုင်နှုန်း အပါအဝင် ဝယ်သူက ပေးဆောင်ရမည့် အခွန်စုစုပေါင်း ၁၅ ရာခိုင်နှုန်း အစား ၃၇ ရာခိုင်နှုန်းသို့ ယခုလ ၁၂ ရက်နေမှစ၍ အစိုးရက တိုးမြှင့်လိုက်သည်။ မြန်မာနိုင်ငံ တစ်ဝှန်းကျန်မြို့နယ်များရှိ အရောင်းအဝယ်များအတွင် တံဆိပ်ခေါင်းခွန် ၅ ရာခိုင်နှုန်း အပါအဝင် ၃၅ ရာခိုင်နှုန်း သို့ တိုးမြှင့်လိုက်သည်။

ယင်းသို့ပေးဆောင်ရမည့်ဟု သတ်မှတ်ခြင်းမှာ ဝင်ငွေရလမ်းမဖေါ်ပြနိုင်သည့် ဝယ်ယူသူများအတွက် ဖြစ်သည်။ ဝင်ငွေရလမ်း ဖေါ်ပြနိုင်ပါ ဝယ်ယူသူသည် တံဆိပ်ခေါင်းခွန်သာပေးဆောင်၍ ဝယ်ယူနိုင်သည်။

“တကယ်လို့ ရောင်းလိုသူတွေက ဈေးကျမှာကို ကြောက်ပြီး တွန်းရောင်းမယ်ဆိုရင်တော့ ဈေးကျဆင်းသွား နိုင်တယ်။ ကာလတစ်ခု ပြီးရင်တော့ ဈေးကွက်က ပုံမှန်ပြန်ဖြစ်နိုင်တယ်။ ကားဈေးကွက်လို လုံးဝပြိုဆင်းသွား တာတော့ မဖြစ်နိုင် ပါဘူး” ဟု ရန်ကုန်အခြေစိုက် မဏ္ဍိုင်အိမ်ခြံမြေ အကျိုးဆောင်မှ မန်းနေဂျင်း ဒါရိုက်တာ ဦးသန်းဦး က ပြောသည်။

မိုးလွင် အိမ်၊ ခြံ၊ မြေ ကုမ္ပဏီမှ အထွေထွေမန်နေဂျာ ဦးမင်းချိုဦး က နောင် သုံးလကျော်သည်အထိ ဈေးကွက် ဆက်လက်အေးပါက မြေဈေး ကျဆင်းသွားနိုင်သည်ဟု ပြောသည်။

ရောင်းသူက ပေးဆောင်ရမည့် ရောင်းဝယ်ခွန် မှာ မူလအဆိုင်း ၁၀ ရာခိုင်နှုန်းသာ ဖြစ်သည်။

ယင်းသို့အခွန်တိုးမြှင့်ကောက်ခံရခြင်းမှာ မြန်မာနိုင်ငံ အိမ်ခြံမြေဈေးကွက်အတွင်း ငွေကြေးခဝါချမှုများကို တိုက်ဖျက်လို၍ လုပ်ရသည်မှာ ဖြစ်နိုင်ကြောင်း လေ့လာသူတစ်ဦးက ပြောသည်။