28.08.2012 နေ့ဖတ်ရန်သတင်းများ

by Myanmar Journal on Monday, August 27, 2012 at 6:16pm ·

ရခိုင်ပြည်ပဋိပက္ခ လှုံ့ဆော်မှုနဲ့ ကုလ၀န်ထမ်းသုံးဦးထောင်ချခံရ

ရခိုင်ပြည်နယ်အတွင်း ဇွန်လတုန်းက ဖြစ်ပွားခဲ့တဲ့ ပဋိပက္ခတွေမှာ ပါဝင်ပတ်သက်ခဲ့တယ်ဆိုတဲ့ စွပ်စွဲ ချက်တွေနဲ့ ဖမ်းဆီး ထိန်းသိမ်းခံထားရတဲ့ နိုင်ငံတကာ NGO ၀န်ထမ်းသုံးဦးကို မြန်မာအစိုးရက ပြစ် ဒဏ် စီရင်လိုက်ပြီဖြစ်ပါတယ်။

ရခိုင်ပြည်နယ် ပဋိပက္ခကြောင့် ဖမ်းဆီးခံခဲ့ရတဲ့ ကုလသမဂ္ဂ၀န်ထမ်း ဆယ်ယောက်အထိ ရှိခဲ့ပေမယ့် ကျနတဲ့သူတွေကတော့ အစောပိုင်းက ပြန်လည် လွတ်မြောက် လာခဲ့ကြပြီး ဖြစ်ပါတယ်။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

ရခိုင်ပြည်နယ်အတွင်းဖြစ်ပွားခဲ့တဲ့ ဆူပူမှုတွေနဲ့ ပဋိပက္ခတွေမှာ တနည်းနည်းနဲ့ ပါဝင်ပတ်သက်မှု ရှိတယ်ဆိုတဲ့ စွပ်စွဲချက်တွေနဲ့ ဖမ်းဆီး ထိန်းသိမ်းခံထား ရတဲ့ INGO ခေါ် ကုလသမဂ္ဂမှာ တာဝန် ထမ်းဆောင်နေတဲ့ ၀န်ထမ်းသုံးဦးကို သြဂုတ်လ ၂၄ ရက်နေ့၊ သောကြာနေ့က စီရင်ချက် ချလိုက် တာလို့ ရခိုင်ပြည်နယ် ပဋိပက္ခနဲ့ပတ်သက်လို့ အစိုးရ ပြောခွင့်ရပုဂ္ဂိုလ်လည်းဖြစ်၊ ပြည်နယ် ဥပဒေရေးရာ ကော်မီဥက္ကဋ္ဌလည်းဖြစ်တဲ့ ဦးလှသိန်းက ဗွီအိုအေကို ပြောပြပါတယ်။

သူတို့အပေါ် စွဲချက်တင်ထားတဲ့ ပုဒ်မတွေနဲ့ ပြစ်ဒဏ်တွေကို ဦးလှသိန်းက အခုလို ရှင်းပြပါတယ်။

“အမိန့်ချတာက သောကြာနေ့ကပေါ့။ ခင်မောင် ခေါ် အဏ္ဏဝါဆာဒတ်၊ သူက ပြစ်မှု ပုဒ်မ ၁၅၃ (က)၊ နောက် ၅၀၅ (ဂ)၊ အဲဒီ ပြစ်မှု နှစ်ခုအတွက် နှစ်နှစ်စီပေါ့- တပေါင်းတည်း ကျခံစေ ဆိုပြီးတော့ နှစ်နှစ်ပေါ့။ နောက် နိုင်ငံခြားငွေ လဲလှယ်မှု စည်းမျဉ်း ဥပဒေပုဒ်မ ၂၄ (၁) အရ တနှစ် ဆိုတော့ အဲဒီလူက သုံးနှစ်ကျတာပေါ့။ ပုဒ်မ သုံးခုအတွက် သုံးနှစ်။ နောက် ဦးခင်မောင်ဆွေ ခေါ် တာရက်၊ သူကတော့ ပြစ်မှုပုဒ်မ ၁၅၃ (က)၊ ပြစ်မှု ပုဒ်မ ၅၀၅ (ဂ)-တမှုကို နှစ်နှစ်စီ တပေါင်းတည်း ကျခံစေဆိုတော့ စုစုပေါင်း တပေါင်းတည်း ဆိုတော့ နှစ်နှစ်၊ နောက် ဒေါ်ချိုလေးမာက သူက ၁၅၃ (က) အရ နှစ်နှစ်၊ ပြစ်မှု ပုဒ်မ ၄၃၆/၁၀၉ အတွက် ငါးနှစ်၊ နောက် နိုင်ငံခြားငွေလဲလှယ်မှု စည်းမျဉ်း သတ်မှတ်ရေး ဥပဒေပုဒ်မ ၂၄(၁) အရ တနှစ်။ ပြစ်မှုတွေကို တပေါင်းတည်း ကျခံစေဆိုတော့ အကုန်လုံးပေါင်းလိုက်ရင် ခြောက်နှစ်။ ဒီအထဲမှာ ကျနော်တို့သိတာက အခု သုံးယောက်က UNHCR ကချည့်ပဲ။ လောလောဆယ်တော့ ဘူးသီးတောင်မှာပဲ ရှိသေးတယ်။”

သူတို့အပေါ် စွဲချက်တင်ထားတဲ့ ပုဒ်မတွေထဲက ပုဒ်မ ၁၅၃(က) ကတော့ လူမျိုးစုတဖွဲ့နဲ့ တဖွဲ့အကြား ရန်ညှိုးထားစေရန်၊ မုန်တီးစိတ် ပွားစေရန်၊ သို့တည်းမဟုတ် အဲဒီလို ဖြစ်ပေါ်စေရန် အားပေး အားမြှောက်ပြုခြင်း၊ နောက် ပုဒ် ၅၀၅(ဂ) ကတော့ အများပြည်သူရဲ့အကျိုး ပျက်စီးစေမှု ကို ဖြစ်စေသော ဖော်ပြချက်၊ တနည်းအားဖြင့် တဘက်နဲ့တဘက် ခိုက်ရန်ဖြစ်ပွားအောင် ရန်တိုက်ပေးမှုဖြစ်ပြီး ပုဒ်မ ၄၃၆/၁၀၉ ကတော့ မီးဖြင့်ဖြစ်စေ၊ ပေါက်ကွဲ စေတတ်တဲ့ ပစ္စည်းဖြင့်ဖြစ်စေ ဖြစ်ပေါ်လာအောင် အားပေးအားမြှောက်ပြုမှု၊ တနည်းအားဖြင့် မီးရှို့ ဖျက်စီးမှုတွေ ကို အားပေး အားမြှောက်ပြုမှုတွေ ဖြစ်ပါတယ်။

ဒီဝန်ထမ်းတွေအပေါ် ပြစ်ဒဏ် စီရင်ချက်ချလိုက်တယ်ဆိုတဲ့ သတင်းအချက်အလက်ကလွဲလို့ ကုလ သမဂ္ဂအနေနဲ့ အခုချိန်ထိ ဘယ်လိုပုဒ်မတွေနဲ့ ထောင်ဒဏ် ဘယ်နှစ်နှစ်ချတယ်ဆိုတဲ့ တရားဝင် အသိပေး အကြောင်းကြားစာ အာဏာပိုင်တွေထံက မရသေးဘူးလို့ ကုလသမဂ္ဂသတင်း နဲ့ ပြန်ကြားရေးဌာန တာဝန်ခံ ဦးအေးဝင်းက ဗွီအိုအေကို ပြောပါတယ်။

သူတို့အပေါ် အခုလို စီရင်ချက် ချလိုက်တာနဲ့ပတ်သက်လို့ ကုလသမဂ္ဂဌာနချုပ်ကပဲ ဆုံးဖြတ်ပြီး တုံ့ပြန်မယ်လို့ ဦးအေးဝင်းက ပြောပါတယ်။

“ဘာမှတော့ ကျနော် မသိသေးဘူးဗျ။ ဒါပေမဲ့ Head Policy (ဌာနချုပ်ရဲ့မူဝါဒ) ဘက်ကတော့ ထုတ်မလား မပြောတတ်ဘူးဗျာ။ ဒါကတော့ သူတို့ရဲ့ဆန္ဒအတိုင်းပေါ့။”

ကုလသမဂ္ဂ ၀န်ထမ်းတွေကို အခုလို စွဲချက်တင် အပြစ်ပေးလိုက်တဲ့ကိစ္စအတွက် ကုလသမဂ္ဂနဲ့ မြန်မာအစိုးရအကြား ညှိနှိုင်းဆွေးနွေးပြီးမှသာ ကုလသမဂ္ဂဘက်က တစုံတရာ တုံ့ပြန်ချက် ထွက်လာနိုင်ခြေ ရှိပါတယ်။

အခု ပြစ်ဒဏ် ချမှတ်အပြစ်ပေးခံလိုက်ရတဲ့ ၀န်ထမ်း သုံးဦးဟာ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး UNHCR မှာ တာဝန်ထမ်းဆောင် နေကြတဲ့ ဌာနေ ၀န်ထမ်းတွေဖြစ်ပါတယ်။ သူတို့ဟာ ရခိုင်ပြည်နယ်မှာ နေထိုင်နေကြတဲ့ အစ္စလာမ်ဘာသာဝင်တွေ ဖြစ်တယ်ဆိုတာ အစိုးရ သတင်း ထုတ်ပြန်ရေးအဖွဲ့က အစောပိုင်းမှာ ဗွီအိုအေကို အတည်ပြု ပြောကြားထားပြီး ဖြစ်ပါတယ်။

ဥပဒေရေးရာ ကျွမ်းကျင်သူတွေကတော့ ဒီလူတွေအနေနဲ့ အထက်ရုံးမှာ အယူခံဝင်နိုင်ခွင့်ရှိပြီး အဲဒီ အယူခံအပေါ် အခြေခံပြီး သူတို့ရဲ့ ပြစ်ဒဏ်ကို လျှော့ပေးတာမျိုး၊ ဒါမှမဟုတ်လည်း ကွင်းလုံးကျွတ် လွှတ်ပေးလိုက်တာမျိုး ဖြစ်နိုင်တယ်လို့ ပြောပါတယ်။

ရခိုင်ပြည်နယ်အတွင်း ဖြစ်ပွားခဲ့တဲ့ ဆူပူအကြမ်းဖက်မှုတွေ ပါဝင်ပတ်သက်ခဲ့တယ်ဆိုတဲ့ စွပ်စွဲချက်တွေနဲ့ နိုင်ငံတကာက NGO အဖွဲ့အစည်းတွေက ၀န်ထမ်း ဆယ်ဦးကို မြန်မာအာဏာပိုင်တွေက အစောပိုင်းမှာ ဖမ်းဆီးထိန်းသိမ်းခဲ့ပြီး ကျန်တဲ့ ခုနစ်ဦးကိုတော့ ကာလ အပိုင်းအခြားလိုက် အသုတ်လိုက်ခွဲပြီး ပြန်လွှတ်ပေးခဲ့ပြီး ဖြစ်ပါတယ်။

အခု ပြစ်ဒဏ် ပေးခံရတဲ့ ၀န်ထမ်း သုံးဦးဟာ နောက်ဆုံးကျန်နေတဲ့ သုံးဦးပဲ ဖြစ်ပါတယ်။

တိုက်ပွဲတွေကြောင့် ဖားကန့်ကျောက်တူးသမား သောင်းချီတိမ်းရှောင်

ကချင်ပြည်နယ်က ကျောက်စိမ်းထွက်ရှိရာ ဖားကန့်မြို့နယ်အတွင်းမှာ ဒီရက်ပိုင်းအတွင်း အစိုးရ စစ်တပ်နဲ့ ကချင်လွတ်လပ်ရေးတပ်မတော် KIA အကြား တိုက်ပွဲတွေ ရက်ဆက်ဖြစ်လာ တာကြောင့် ကျောက်တွင်းတွေမှာ အလုပ်လုပ်ကိုင်နေသူ တစ်သောင်းကျော်လောက် ဖားကန့်မြို့ပေါ်ကို ထွက်ပြေးခိုလှုံနေကြရပါတယ်။ ထွက်ပြေးလာသူတွေဟာ ဖားကန့်မြို့ပေါ်က ခရစ်ယာန်နဲ့ ဗုဒ္ဓဘာသာဘုန်းကြီးကျောင်းတွေမှာ ခိုလှုံနေပြီး ဘာသာရေး၊ လူမှုရေး စတဲ့ အဖွဲ့အစည်းတွေနဲ့ မြို့ခံတွေက ၀ိုင်းဝန်းကူညီ ထောက်ပံ့ပေးနေရပါတယ်။ ဒီသတင်းအပြည့်အစုံကိုတော့ ထိုင်းအခြေစိုက်သတင်းထောက် ကိုမိုးဇော်က တင်ပြထားပါတယ်။

ဖားကန့်ဒေသဘက်ကို ပြီးခဲ့တဲ့ အပတ်တွေကစပြီး အစိုးရစစ်တပ်ဘက်က တပ်အင်အားတွေ ထပ်မံဖြည့်တင်းခဲ့ တဲ့နောက် နှစ်ဖက်တပ်တွေအကြားမှာ ကြိုးကြား ကြိုးကြား ပစ်ခတ်တာတွေ စတင်ခဲ့တာ ဖြစ်ပါတယ်။ ဒီရက် ပိုင်းအတွင်းမှာတော့ တိုက်ပွဲတွေက ပိုပြင်းထန်လာတာကြောင့် ဖားကန့်မြို့ ပတ်ဝန်းကျင်က ကျောက်စိမ်း မှော်တွေမှာ အလုပ်လုပ်ကိုင်နေသူတွေဟာ မနေရဲတော့ဘဲ ဖားကန့်မြို့ကို ထွက်ပြေးခိုလှုံလာတာ ဖြစ်ပါတယ်။

ဖားကန့်မြို့ပေါ်ကို ရောက်ရှိလာတဲ့ ဒုက္ခသည်တွေကို ကူညီနေသူ ဒေသခံတယောက်က လက်ရှိအခြေအနေကို အခုလို ပြောပြပါတယ်။

“ဖားကန့်မြို့ပေါ်မှာ ရောက်လာတဲ့ မနေ့က ရတဲ့စာရင်းအရဆိုရင် တစ်သောင်းခွဲဝန်းကျင်လောက်ပဲ ဒီလောက်ပဲ ရှိမှာပေါ့။ ဒုကသည်တွေ ခိုလှုံတဲ့နေရာက နှစ်ချင်းခရစ်ယာန်အသင်းတွေ၊ ကက်သလစ် အသင်းတော်။ နောက် ပြီးတော့ မြို့ဦးစေတီ၊ လှိုင်ဂူ ဗုဒ္ဓဘာသာကျောင်း၊ သီရိမင်္ဂလာမဏိဇေယျံ၊ စန်းကြွယ် မစိုးရိမ် ကျောင်းတိုက်၊ နောက် ရောင်ခြည်ဦး သီလရှင်စာသင်တိုက်။ နောက်တခါ ရခိုင်ရိုးရာယဉ်ကျေးမှုအသင်း။ နှစ်ချင်း အသင်းတော် တို့၊ ကက်သလစ်အသင်းတော်တို့ ဆိုတာတွေက ကျောင်းတွေက အများကြီးနော်။ အဲဒီမှာတွေ အပြည့်ရှိတယ်။ ဒုက္ခသည်တွေက။”

ဖားကန့်မြို့ကို ရောက်ရှိလာတဲ့ ဒုက္ခသည်တွေကို ဘာသာရေး၊ လူမှုရေး၊ နိုင်ငံရေးနဲ့ မြို့ခံတွေက ၀ိုင်းဝန်း ကူညီထောက်ပံ့ထားတယ်လို့ သူက ပြောပါတယ်။

“ကျနော်တို့ကတော့ မနေ့တုန်းကရော၊ ဒီနေ့ရော၊ ဟိုပြီးခဲ့တဲ့နေတွေတုန်းကရော အဲဒီကျောင်းတွေ ကို နှံ့အောင် အကုန်လိုက်လှူထားပြီ တတ်နိုင်သလောက်ပေါ့လေ။ ဘုန်းကြီးကျောင်းတွေကလည်း ရှိတဲ့ဆန်တွေ ဘာတွေ ထုတ်ပေးပေါ့ဗျာ။ ခရစ်ယာန်အသင်းတော်တွေဆိုတာလည်း ရှိတဲ့ဟာတွေ ထုတ်ပေးပြီး အဆင်ပြေအောင်တော့ စီစဉ်ထားပါတယ်။”

အခြားဒေသခံတယောက်လည်း ဒီကနေ့မှာလည်း တိုက်ပွဲတွေ ဆက်ဖြစ်နေဆဲလို့ ပြောပါတယ်။“တိုက်ပွဲအခြေအနေက လွန်ခဲ့တဲ့ ကြာသပတေး၊ သောကြာနေ့ကတည်းက နေ့တိုင်းလိုလိုပဲ တိုက်ပွဲဖြစ်နေတာ ပေါ့။ သေနတ်သံကြားနေတာပေါ့။ ဒီနေ့လည်း ဆိုင်းဂျာဘွမ်ဆိုတဲ့ဖက် ဒီမနက်တည်းက သေနတ်သံပြန်ကြား နေရတယ်။ ဘယ်လိုဖြစ်တယ်ဆိုတာတော့ မသိသေးဘူး။ အခုစစ်ဖြစ်တဲ့နေရာတွေက အစိုးရစစ်ကြောင်း စစ်ဖြစ်တဲ့နေရာတွေပဲဖြစ်နေတာ။ ကြားတာကတော့ အစိုးရစစ်တပ်က အင်အားထပ်ဖြည့်နေတယ် ဘာညာ သတင်းကြားနေတယ်။ တပ်မတွေလည်းပြန်ထိုးလာတယ်။ စစ်အင်အားက အတော်များလာတယ်လို့ ကြား နေတာပဲ။”

အခြားဒေသခံတွေကတော့ ဒီရက်ပိုင်းတွေအတွင်းမှာ တပ်မ (၃၃) က တပ်ဖွဲ့တွေ ဖားကန့်ဒေသဘက် ကို ၀င်ရောက်လာနေတယ်လို့ ပြောပါတယ်။ အခုလို တိုက်ပွဲဖြစ်ပွားနေတာကြောင့် ဖားကန့်မြို့နယ် က ကျောက်တွင်းတွေမှာ ရှာဖွေစားသောက်နေသူ လက်လုပ်လက်စားသမားတွေဟာ အဓိက အခက်အခဲတွေ့ကြုံနေရပြီး ရေရှည်လာရင် ဖားကန့်ကို ရောက်နေတဲ့ ဒုက္ခသည်တွေဟာ စားရေး သောက်ရေးနဲ့ ကျန်းမာရေးအခက်အခဲတွေ ရင်ဆိုင်လာရနိုင်တယ်လို့ ဒေသခံတွေ က သုံးသပ်နေပါတယ်။

KIA နဲ့ မြန်မာအစိုးရတို့ဟာ ၁၇ နှစ်ကျော်ကြာ အပစ်အခတ်ရပ်စဲခဲ့ပြီးတဲ့နောက် ပြီးခဲ့တဲ့နှစ် ဇွန်လက တိုက်ပွဲတွေ ပြန်လည်စတင်ခဲ့တာဖြစ်ပါတယ်။ တနှစ်ကျော်ကြာ တိုက်ပွဲကာလအတွင်းမှာတော့ စစ်ပွဲကြောင့် ဒေသခံပြည်သူ အနည်းဆုံး ၇ သောင်းကျော်ဟာ တရုတ်-မြန်မာနယ်စပ်နဲ့ ကချင်ပြည်နယ်က မြို့ကြီးတွေဆီကို ထွက်ပြေး တိမ်းရှောင်နေရပါတယ်။

ပြီးခဲ့တဲ့စနေနေ့ကတော့ ငြိမ်းချမ်းရေးဖော်ဆောင်ရေးလုပ်ငန်းကော်မတီက ကချင်လွတ်လပ်ရေးအဖွဲ့ KIO ကို ငြိမ်းချမ်းရေးအတွက် ထပ်မံဆွေးနွေးဖို့ စာပေးပို့ထားကြောင်း ငြိမ်းချမ်းရေး အကျိုးတော်ဆောင် တဦးက ပြောပါတယ်။ ဒီသတင်းနဲ့ပတ်သက်ပြီး KIO ဘက်ကို အတည်ပြုချက်ရဖို့ ကြိုးစားပေမဲ့ ဖုန်းဆက်သွယ်လို့ မရသေးပါဘူး။

အာဖဂန်အရပ်သား ၁၇ ယောက်ကို တာလီဘန်ခေါင်းဖြတ်

အမျိုးသမီး နှစ်ဦး အပါအ၀င် အာဖဂန်အရပ်သား ၁၇ ယောက်ကို တာလီဘန် စစ်သွေးကြွတွေ  က ခေါင်းဖြတ်သတ်ဖြတ်ခဲ့တယ်လို့ အာဖဂန်နစ္စတန်နိုင်ငံ တောင်ပိုင်းက တာဝန်ရှိသူတွေက ပြောပါတယ်။

သတ်ဖြတ်မှုဟာ ဟယ်လ်မန်းခရိုင် ကာဂျာကီ မြို့နယ်မှာ တနင်္ဂနွေနေ့က ဖြစ်ပွားခဲ့ တာ ဖြစ်ကြောင်း ပြည်ထဲရေး ၀န်ကြီးဌာန တာဝန်ရှိသူတွေကပြောပါတယ်။ ဘာကြောင့် အခုလို သတ်ဖြတ်မှုခဲ့တယ်ဆိုတာနဲ့ ပတ်သက်လို့ကတော့ သတင်းတွေ အမျိုးမျိုး ထွက်နေပါတယ်။

တာလီဘန်တွေဟာ ပါတီပွဲတခုကို တိုက်ခိုက်ခဲ့တာ ဖြစ်ကြောင်း၊ ဘာကြောင့်လဲ ဆိုတော့ တီးမှုတ် ကခုန်တာကို တာလီဘန်တွေက လက်မခံကြတဲ့အတွက် ဖြစ်ကြောင်း  တချို့အာဖဂန်အရာရှိတွေ က ပြောပါတယ်။

ဒါပေမယ့် ဟဲလ်မန်းခရိုင် အုပ်ချုပ်ရေးမှူးကတော့ ကာလကြာရှည် ကမ္ဘာ့ရန်ဖြစ်ခဲ့ကြတဲ့ တာလီဘန်ခေါင်းဆောင် နှစ်ယောက်ကြား ပြဿနာတက်ရာကနေ ဖြစ်ပွားခဲ့တာလို့ ပြောပါတယ်။

အနီးနားမှာရှိတဲ့ မူဆာကွာလာမြို့နယ်ရဲ့ အုပ်ချုပ်ရေးမှူးကတော့ အသတ်ခံရသူတွေဟာ အစိုးရနဲ့နီးစပ်သူတွေဖြစ်တဲ့ အတွက် စစ်သွေးကြွတွေက သတ်သွားတာဖြစ်တယ် လို့ ဆိုပါတယ်။ ဒီလို ဖြစ်ရပ် ဖြစ်ပွားခဲ့တဲ့ အရပ်ဟာ အစိုးရထိန်းချုပ်မှု မရှိတဲ့အရပ် ဖြစ် တာကြောင့် ဒီသတင်းတွေကို မှန်မမှန်စစ်ဆေးဖို့ ခက်နေတယ်လို့ အာဏာပိုင်တွေက ပြောပါတယ်။

တနင်္ဂနွေနေ့ နှောင်းပိုင်းမှာ တာလီဘန်စစ်သွေးကြွတွေဟာ ဟယ်လ်မန်း ၀ါရှီယား စစ်တပ်စခန်းကို ၀င်ရောက်စီးနင်း တိုက်ခိုက်ခဲ့ပါတယ်။ စစ်သား ဆယ်ယောက် သေဆုံးပြီး တာလီဘန်တွေနဲ့အတူ စစ်သား ငါးယောက်ပါသွားပါတယ်။ ပြန်ပေးဆွဲ သွားတာလား၊ သူတို့စိတ်အလိုအရ လိုက်သွားကြတာလား ဆိုတာလည်း မသိရသေးပါဘူး။

ရန်ကုန်လမ်းတွေပေါ်က နံရံဆေးမှုတ်အနုပညာ

မြန်မာနိုင်ငံမှာ စာပေလွတ်လပ်ခွင့်နဲ့ လွတ်လပ်စွာ ဆန္ဒထုတ်ဖော်မှုတွေ အထိုက်အလျောက် ရှိလာပြီဖြစ်ပေမဲ့လို့ မြို့ပေါ်လမ်းမတွေဘေး နံရံဆေးမှုတ် အနုပညာတွေကိုတော့ တစုံတရာ ကန့်သတ်ခံနေရဆဲ ဖြစ်တယ်လို့ လမ်းဘေး နံရံဆေးမှုတ် အနုပညာရှင်တွေက ပြောပါတယ်။ ဒါပေမဲ့လည်း ရန်ကုန်မြို့ လမ်းတွေမှာတော့ အရင်ကထက်စာရင် Graffiti ဆိုတဲ့ လမ်းဘေး နံရံဆေးမှုတ် အနုပညာတွေ ကတော့ ပိုပြီး တွေ့လာရတယ်လို့ ဆိုရမှာပါ။ ရိုက်တာသတင်းဌာနက ဒီအကြောင်း ရေးသားချက်ကို ကိုသားညွန့်ဦးက တင်ပြထားပါတယ်။

ရန်ကုန်မြို့ရဲ့ ညစ်ပေနေတဲ့ လမ်းဘေးတခုရဲ့ နံရံမှာ အတောင်ပံပါတဲ့ ရုပ်မြင်သံကြားစက် တလုံးပုံကို တွေ့ရပါတယ်။ ဒါဟာ ရန်ကုန်မြို့ လမ်းတွေပေါ်မှာ Graffiti လို နံရံဆေးမှုတ် အနုပညာ ဖန်တီးနေတဲ့ ကိုအောင်ရဲ့ လက်ရာတခုပါ။ မီဒီယာလွတ်လပ်ခွင့်ရဖို့ မျှော်လင့်နေတဲ့ ဒီ ပုံဟာ အခု ရန်ကုန်မြို့ရဲ့ အခြားနေရာ အတော်များများမှာပါ ပုံတူကူးဆွဲထားတာ တွေ့ရပါတယ်။ ဒီ အနုပညာမျိုးကို ဥရောပတို့ အမေရိကန် ပြည်ထောင်စု မြို့ကြီးတွေရဲ့ လမ်းဘေးချောင်ကြားတွေမှာ တွေ့ရမြင်ရလေ့ ရှိပေမဲ့ မြန်မာပြည်မှာတော့ ကျယ်ကျယ်ပြန့်ပြန့် မရှိသေးပါဘူး။ တာဝန်ရှိသူတွေ ဘက်က လက်မခံနိုင်တဲ့ အတိုင်းအတာမျိုးတွေ ရှိနေတုန်းပဲလို့ Graffiti အနုပညာရှင် ကိုအောင်က ပြောပါတယ်။

“တော်တော်များများက သေသေချာချာလည်း သိပ်မသိကြဘူးလေ။ သိပ်မသိကြတော့ ဒီလို Graffiti ရေးတာကို အရေးခံရတဲ့ နေရာတွေက လူတွေကလည်း တအားကို sensitive ဖြစ်နေတုန်းပဲ။ ဒါပေမဲ့ အကြီးအကျယ်တော့ ဖမ်းပြီးတော့ ထောင်ချတယ်တို့ ဘာတို့ ဆိုတာမျိုးတော့ လောလောဆယ် မရှိသေးဘူး။ ဒါပေမဲ့ ခံဝန်ချက် ထိုးရတာမျိုးတော့ ရှိတယ်။” ဒါပေမဲ့လည်း အခုလို လူမှု အဖွဲ့အစည်းအတွင်းက နိုင်ငံရေး လူမှုရေး အခြေအနေတွေကို ထပ်ဟပ်သရော်တဲ့ Graffiti ရေးဆွဲတာတွေဟာ၊ လက်ရှိ ပြုပြင် ပြောင်းလဲရေးတွေ မကြုံခင် စစ်အစိုးရ အောက်မှာဆိုရင် အတော်လေး အန္တရာယ်များမယ့်ကိစ္စပါ။ ၂၀၁၁ မတ်လမှာ အရပ်သားတပိုင်း အုပ်ချုပ်ရေး ပြောင်းလဲပြီးတဲ့နောက် လမ်းတွေပေါ်က Graffiti အနုပညာသမားတွေ အတွက် အပြောင်းအလဲ တစုံတရာ ရှိလာစေပါတယ်။

နိုင်ငံရေးလွတ်လပ်မှု တစုံတရာ ရှိလာတာနဲ့အမျှ၊ Graffiti သမားတွေကလည်း နိုင်ငံရေး လူမှုရေး ရိုက်ခတ်တဲ့ အနုပညာတွေကို ရန်ကုန်လမ်းတွေပေါ်မှာ သရုပ်ဖော် လာခဲ့ကြပါတယ်။ ပြီးခဲ့တဲ့နှစ် အတွင်းမှာတင် ရန်ကုန်လမ်းတွေပေါ် Graffiti ရေးဆွဲမှုတွေ အတော်များလာခဲ့တယ်လို့ ပန်ချီဆရာ ဂရစ်ဖစ်ဒီဇိုင်နာ ကိုအောင်က ပြောပါတယ်။ ကိုအောင် အဖို့တော့ သူ့ရဲ့ စံပြုသူဟာ ဗြိတိသျှအကျော်အမော် လမ်းဘေးအနုပညာရှင် Banksy ဖြစ်ပါတယ်တဲ့။ Banksy ဟာ စစ်ဆန့်ကျင်ရေး၊ ဆင်းရဲမွဲတေမှု စတဲ့ လူမူဘ၀တွေကို လမ်းဘေးနံရံတွေ ဆေးမှုတ် ရေးဆွဲခဲ့သူပါ။ မြန်မာပြည်က Graffiti သမားတွေဟာလည်း ဒီ အယူအဆကို သယ်ဆောင်လာသူတွေပါ။ မြန်မာပြည်အနှံ့ မီးတွေပျက်တာကြောင့် မီးလာရေး လှုပ်ရှားမှု လုပ်ခဲ့စဉ်မှာ Graffiti သမားတွေကလည်း သူ့နည်းသူဟန်နဲ့ ဒီလှုပ်ရှားမှုမှာ ပါဝင်ခဲ့ကြပါတယ်။

“ရန်ကုန်မှာ ကျနော်တို့ မီးတွေ ပျက်တဲ့အချိန် ရှိတယ်။ အဲဒီမီးတွေ ပျက်တဲ့အချိန်တုန်းက ကျနော်တို့က ဘာကိုဖြစ်လဲ ဆိုတော့ ဒီ မီးပျက်တဲ့ဟာကို ပြည်သူတွေက မလိုလားဘူး။ ဒါပေမဲ့ ပြည်သူတွေကို ကျနော်တို့ ကိုယ်စားပြုပြီး လုပ်တာတော့ မဟုတ်ဘူး။ ကျနော်တို့ကိုယ်တိုင် ဒီ မီးပျက်တာကို ခံစားလာရတာ။ အဲဒီ ခံစားလာရတာကို ကျနော်တို့က ရင်ဖွင့်ပြီးတော့ မီးပေးပါ တို့ ဆိုတဲ့ ပုံစံမျိုးနဲ့ ရေးကြတာ။”

Twotwenty လို့ ကိုယ့်ကိုကိုယ့် အမည်ပေးထားတဲ့ Graffiti လမ်းပေါ် အနုပညာသမားတဦး သူ့အတွေ့အကြုံကို ပြောခဲ့တာပါ။ ဒီလိုပုံတွေကြောင့် မြို့ရဲ့ အလှတွေ အနုပညာရသတွေ ပျက်စီးကုန်တယ်လို့ ဝေဖန်မှုတွေတော့ ရှိပါတယ်။ ဒါပေမဲ့ သူတို့အနေနဲ့ နေရာကို အသေအချာ သတ်မှတ် ရွေးခြယ်ပြီးမှ Graffiti ရေးဆွဲတာဖြစ်တယ်လို့ Twotwenty က ဖြေရှင်းချက်ပေးပါတယ်။“ကျနော်တို့က တကယ် ဖျက်ဆီးတယ်ဆိုရင်လည်း ဖျက်ဆီးတယ်။ ဒါပေမဲ့ ကျနော်တို့ ဖျက်ဆီးတယ် ဆိုတာက ကျောင်းတွေ၊ ကလေးစာသင်ကျောင်း၊ Church တွေ၊ ဘာသာရေးဆိုင်ရာ နေရာတွေ။ ဒါတွေ ကျနော်တို့ ဖျက်ဆီးတဲ့စာရင်းထဲမှာ မပါဘူး။ ဒီနေရာတွေကိုလည်း ကျနော်တို့ မဖျက်ဆီးဘူး။ ဒါပေမဲ့ တကယ် ဖျက်ဆီးတာက ကျနော်တို့ မကျေနပ်တဲ့ နေရာတွေမျိုး။ အဆောက်အဦးတွေ၊ သူများတွေက နေရာယူပြီးတော့ အဲဒီ နေရာယူခံလိုက်ရတဲ့ သူတွေက ဘေးမှာ ဖယ်လိုက်ရတယ်ပေါ့။”

မြန်မာအစိုးရ အနေနဲ့ မီဒီယာထိန်းချုပ်မှု အတော်များများကို သြဂုတ် ၂၀ ရက်နေ့က ပယ်ဖျက်ပေး လိုက်ပါတယ်။ ဒါပေမဲ့လည်း ၂၀၀၇ ရွှေဝါရောင် လှုပ်ရှားမှု အပြီးမှာ ထင်ရှားတဲ့ တတ်ကြွ လှုပ်ရှားသူတွေ ထောင်နန်းစံ ခဲ့ရတဲ့ လွတ်လပ်စွာ ရေးသားပြောဆိုခွင့်ကို ဟန့်တားတဲ့ ဥပဒေ ပုဒ်မတွေကတော့ ရှိနေဆဲပါ။ ဒါကြောင့်လည်း Graffiti အနုပညာသမားတွေ အဖို့လည်း လွတ်လပ်မှု အကန့်အသတ်တွေက ရှိနေဦးမှာပါ။ တဘက်မှာလည်း Graffiti ကို ဝေဖန်သူတွေ ပြောသလိုပဲ၊ သာမန် မြို့ခံတွေ အဖို့လည်း လမ်းဘေးအနုပညာနဲ့ စည်းမဲ့ကမ်းမဲ့ ရေးခြစ်တာမျိုးကို ခွဲခြားမြင်နိုင်ဖို့ကလည်း ခက်ပါသေးတယ်။ ဒါပေမဲ့လည်း Graffiti ကို စိတ်ဝင်စားလာကြတဲ့ အနုပညာရှင်တွေလည်း အတော်လေးတော့ ပေါ်လာပါတယ်။ မကြာသေးခင်ကတော့ ကိုအောင်ဟာ ဗိုလ်ချုပ်အောင်ဆန်းပုံကို အာဏာရပါတီကြီးရဲ့ ဆိုင်းဘုတ်မှာ သွားဆွဲခဲ့ပါတယ်။ ဒါပေမဲ့ အလျင်အမြန်ပဲ နောက်နေ့ဆိုသလိုတော့ ပြန်ဖျက်တာ ခံခဲ့ရပါတယ်။

ဆီးရီးယားစစ်တပ် လေယာဉ်ပစ်ချခံရ

သူပုန်တွေက အစိုးရ ရဟတ်ယာဉ်ကို ပစ်ချခဲ့တယ်လို့ ဆိုပါတယ်။

အတိုက်အခံတွေဖြစ်တဲ့ ဆီးရီးယား လွတ်မြောက်ရေးတပ်က သူတို့ ပစ်ချလိုက်တဲ့ ရဟတ်ယာဉ်ဟာ ဒမတ်စကပ်စ် မြို့တော်ရဲ့ အရှေ့မြောက်ပိုင်းက ဂျိုဘာရပ်ကွက် အပေါ်မှာ လူတွေကို ပစ်ခတ် တိုက်ခိုက်နေတာ ဖြစ်တယ်လို့ ဆိုပါတယ်။

မျက်မြင်သက်သေတွေကတော့ အဲဒီ ရဟတ်ယာဉ်ကို အောက်ကနေ ပစ်ချလိုက်တာ ဖြစ်ပြီး ကွာဘန်ရပ်ကွက်ထဲက လမ်းငယ် တခုထဲ မီးလောင်ပြီး ထိုးကျသွား ခဲ့တယ်လို့ ပြောပါတယ်။ ဒေသတွင်းက အတိုက်အခံ အဖွဲ့ဝင် တဦးက ဒီရဟတ်ယာဉ်ဟာ တမနက်လုံး မြို့တော်ရဲ့ အရှေ့ခြမ်းမှာ ပျံဝဲရင်း တိုက်ခိုက်နေခဲ့ တာဖြစ်ပြီး သူပုန်တွေက တနာရီ နီးပါးလောက် ပစ်ချဖို့ ကြိုးစား နေကြတာ ဖြစ်တယ်လို့ ဆိုပါတယ်။

အတိုက်အခံ တွေဘက်က အင်တာနက်ပေါ် တင်လာတဲ့ ဗီဒီယိုတွေမှာတော့ မီးလောင်နေတဲ့ ရဟတ်ယာဉ် ပျက်ကျသွားပုံတွေနဲ့ ကြွေးကျော်နေကြတဲ့ သူပုန် တပ်ဖွဲ့ဝင်တွေကို တွေ့ရပါတယ်။ဒါပေမယ့် အစိုးရ ရုပ်မြင်ကတော့ ရဟတ်ယာဉ် ပျက်ကျခဲ့တာသာ ပြောသွားပြီး၊ ပစ်ချခံရတယ်လို့တော့ မကြေညာသွား ခဲ့ပါဘူး။

တနင်္ဂနွေ နေ့တုန်းက ဒမတ်စကပ်စ် မြို့တော် ဆင်ခြေဖုန်း ရပ်ကွက်တွေကို အစိုးရ တပ်ဖွဲ့တွေက ပြန်ထိန်းချုပ် နိုင်ဖို့ ရဟတ်ယာဉ် တွေရဲ့ အကူအညီတွေနဲ့ အပြင်းအထန် ထိုးစစ်ဆင် ခဲ့ကြတာ ဖြစ်ပါတယ်။ ဂျိုဘာနဲ့ အနီးတဝိုက်က ရပ်ကွက်တွေ ဖြစ်ကြတဲ့ ဇမ်မီကာနဲ့ အာဘင် ရပ်ကွက်တွေ အပေါ်က စစ်ရဟတ်ယာဉ် တွေက ဒုံးကျည်တွေနဲ့ ပစ်ခတ် နေခဲ့ကြတယ်လို့ အတိုက်အခံ တွေက ပြောပါတယ်။

အခုရဟတ်ယာဉ် အပြင် ပြီးခဲ့တဲ့ ၁၃ ရက် နေ့ကလည်း မစ် ၂၃ တိုက်လေယာဉ် တစင်းကို ပစ်ချနိုင်ခဲ့တယ်လို့ ဆီးရီးယား လွတ်မြောက်ရေး တပ်က ပြောပါတယ်။ အခု ပစ်ချလိုက်တဲ့ ရဟတ်ယာဉ်က ယာဉ်မှုးရဲ့ အလောင်းကိုလည်း သူတို့ ရရှိထား ပြီး ဖြစ်တဲ့ အကြောင်းနဲ့ ဒါဟာ ဒါရာယာ လူသတ်မှုကြီး အတွက် လက်စားချေ တုန့်ပြန်မှု ဖြစ်တယ်လို့ လည်း ဒမတ်စကပ်စ် မြို့တော် အတွင်းက ဆီးရီးယား လွတ်မြောက်ရေး တပ်ရင်းရဲ့ ပြောခွင့်ရသူက အေအဖ်ပီ သတင်းဌာနကို ပြောလိုက်ပါတယ်။

ပြီးခဲ့တဲ့ တနင်္ဂနွေ နေ့ကလည်း အနောက်တောင်ဘက်မှာ ရှိတဲ့ ဒါရာယာ အရပ်ထဲမှာ အစိုးရ တပ်ဖွဲ့တွေက လူပေါင်း ၃၀၀ လောက်ကို အစုလိုက် အပြုံလိုက် သတ်ဖြတ်ခဲ့တဲ့ အကြောင်း အတိုက်အခံ တွေဘက်က ပြောပါတယ်။ အဲဒီ သတ်ဖြတ်မှုနဲ့ ပတ်သက်တဲ့ ဗီဒီယိုတွေ၊ ဓာတ်ပုံတွေလည်း ထွက်လာပါတယ်။ အဲဒီ အထဲမှာ မိန်းမတွေ ကလေးတွေပါ ပါတဲ့ လူသေ အလောင်း တွေကို တွေ့ကြ ရပါတယ်။

နိုင်ငံပိုင် မီဒီယာ တွေဘက်ကတော့ ဒီသတ်ဖြတ်မှုတွေ အတွက် အတိုက်အခံ တွေဘက်ကို ပြန်ပြီး အပြစ်တင်ထားပါတယ်။ ပြီးတော့ ဒါရာယာထဲမှာ အကြမ်းဖက် သမား တွေရဲ့ အကြွင်းအကျန် တွေတောင် မရှိတော့ဘူးလို့လည်း ဆိုပါတယ်။

တခါ ကုလသမဂ္ဂ လူ့အခွင့်အရေး ကောင်စီရဲ့ ဆီးရီးယား အရေး လွတ်လပ်တဲ့ စုံစမ်းရေး ကော်မရှင် ဥက္ကဌ ဖြစ်တဲ့ ပေါ်လို ပင်ညဲရိုးကတော့ ဒီသတ်ဖြတ်မှုတွေဟာ စစ်ရာဇဝတ်မှု နဲ့ အကျုံးဝင်လောက် တယ်လို့ ဘီဘီစီကို ပြောပါတယ်။

တချိန်ထဲမှာပဲ ဆီးရီးယား သမ္မတ ဘာရှာ အဲလ် အာဆတ်ဒ်က တော့ အခု ဖြစ်နေတဲ့ ဆီးရီးယား အုံကြွမှုကြီးမှာ ပြည်ပက ပါဝင် ပတ်သက်မှုတွေ ရှိနေပြီး ဒါဟာ ဆီးရီးယား တနိုင်ငံထဲသာ မကဘဲ ဒေသတခုလုံးကို ပစ်မှတ်ထားတာ ဖြစ်ကြောင်းနဲ့ သူ့အနေနဲ့ ဘာပဲ ရင်းရ ရင်းရ အဲဒီ ကိစ္စကို မအောင်မြင်အောင် တားဆီးသွားမယ်လို့ ဆိုလိုက်တဲ့ အကြောင်း နိုင်ငံပိုင် သတင်း ဆာနာမှာ ကိုးကား ဖော်ပြထား ပါတယ်။

ဘတ်စ်ကတ်ဘော သံခင်းတမန်ခင်းလေလား

မြန်မာပြည်ဖွား အမေရိကန် ဘတ်စ်ကတ်ဘော မန်နေဂျာ ရစ်ချတ် ချို

မြန်မာနိုင်ငံမှာ အားကစားနဲ့ဆိုင်တဲ့ အလုပ်ရုံဆွေးနွေးပွဲတွေ ကျင်းပဖို့အတွက် အမေရိကန်နိုင်ငံ ဘတ်စ်ကတ်ဘော အဖွဲ့ (NBA) က မန်နေဂျာတွေ ပါတဲ့ အမေရိကန် ဘတ်စ်ကတ်ဘော သံတမန် အဖွဲ့ဟာ မြန်မာနိုင်ငံမှာ ရောက်နေကြပြီး၊ ဒီကနေ့ သြဂုတ်လ ၂၆ ရက်မှာတော့ ရန်ကုန်မြို့မှာ သတင်းစာ ရှင်းလင်းပွဲ ကျင်းပခဲ့ပါတယ်။

စိတ်ဝင်စားစရာ ကောင်းတာက မြန်မာပြည်ဖွား ရစ်ချတ်ချိုဟာ NBA Charlotte Bobcats အသင်းရဲ့ မန်နေဂျာ ဖြစ်နေတာပါ၊ သူလည်း ရန်ကုန်ကို လိုက်ပါလာပြီး ရှင်းလင်း ပြောကြားခဲ့ပါတယ်။ ဒီကနေ့ သတင်းစာ ရှင်းလင်းပွဲ ပြုလုပ်ခဲ့တဲ့ ရန်ကုန်က တော်ဝင်စင်တာမှာလည်း ဘတ်စ်ဘောကို စိတ်ဝင်စားတဲ့ ကျောင်းသား လူငယ်တွေ လာရောက်ခဲ့ကြပြီး၊ NBA Los Angeles Lakers အသင်းရဲ့ လက်ထောက် မန်နေဂျာ ဒါဗင် ဟမ် က မြန်မာ့ ဘတ်စ်ကတ်ဘော အသင်းသား တယောက်နဲ့ သရုပ်ပြ ကစားပြခဲ့ပါတယ်။

ဒီကနေ့ ရှင်းလင်းပွဲကို ရန်ကုန်က မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ် မစ်ချယ်လည်း တက်ရောက်ခဲ့ပါတယ်။ ဒီ ဘတ်စ်ကတ်ဘော သံခင်းတမန်ခင်း အဖွဲ့ဟာ မြန်မာနိုင်ငံမှာ သောကြာနေ့အထိ ရှိနေမှာ ဖြစ်ပြီး၊ အားကစားဆိုင်ရာ ဆွေးနွေးပွဲတွေကို လုပ်ကြမှာ ဖြစ်ပါတယ်။

အမေရိကန် ဘတ်စ်ကတ်ဘောသမားကိုယ်တိုင်က ကစားပြခဲ့ပါတယ်။

မြန်မာနိုင်ငံမှာ ဘောလုံးအားကစားကတော့ ပရိသတ်အကြိုက်ဆုံးနဲ့ ပရိသတ် အများဆုံး အားကစားဖြစ်ပြီး၊ ဘတ်စ်ကတ်ဘော ကစားတာကိုတော့ ဟစ်ဟော့ အားကစားသမားတွေနဲ့ ကြေးရတတ်တချို့ ကစားကြတာ ရှိပါတယ်။ ဘတ်စ်ကတ်ဘောနဲ့ဆိုင်တဲ့ သင်တန်းတွေ၊ တခြား အစီအစဉ်တွေကိုလည်း နောက်ပိုင်းမှာ အမေရိကန်တွေက ထပ်မံ လုပ်ဆောင်ပေးဖို့ ရှိသေးတယ်လို့ မြန်မာနိုင်ငံ ဘတ်စ်ကတ်ဘော အဖွဲ့ချုပ်က ဒုတိယ ဥက္ကဌ ဦးမောင်မောင်မြင့်က ဘီဘီစီကို ပြောပါတယ်။

မြန်မာနိုင်ငံ ဘတ်စ်ကတ်ဘော အဖွဲ့ချုပ်နဲ့လည်း အနာဂတ်မှာ လက်တွဲ ဆောင်ရွက်ဖို့ ရှိကြောင်းကိုလည်း အရိပ်အယောင်တွေ သူ့အနေနဲ့ တွေ့ရကြောင်း သူက ဆိုပါတယ်။

ကျပ်သိန်းတရာကျော်ဖိုး၊ ငွေစက္ကူအတုတွေ ဖမ်းဆီးမိ

ဗဟိုဘဏ်ရဲ့ နောက်ဆုံးထုတ်ကတော့ ကျပ် တသောင်းတန် ဖြစ်ပါတယ်

ရှမ်းပြည်တောင်ပိုင်း တောင်ကြီးမြို့နယ် ဟိုမိန်း ဒေသမှာ မြန်မာကျပ်ငွေ သိန်း ၁ ရာကျော် တန်ဖိုးရှိတဲ့ ငွေစက္ကူ ကျပ် ၅၀ဝ၀ တန် အတု သယ်ဆောင်သူ အမျိုးသမီး တဦးကို ဒေသခံ ပြည်သူ့စစ် တပ်ဖွဲ့ တဖွဲ့က ဖမ်းဆီး ရမိတယ်လို့ သိရပါတယ်။

ပြီးခဲ့တဲ့ သောကြာနေ့ သြဂုတ်လ ၂၄ ရက် နေ့က ဟိုမိန်း ဒေသမှာ အခြေစိုက် လှုပ်ရှားနေတဲ့ မဟာကြာ ပြည်သူ့ စစ်တပ်ဖွဲ့ခေါ် Shan State South (S သုံးလုံး) ပြည်သူ့စစ် တပ်ဖွဲ့ဟာ မြန်မာ ငွေစက္ကူ ကျပ် ၅၀ဝ၀ တန် သယ်ဆောင်တဲ့ အသက် ၄၀ ကျော်ရှိတဲ့ နန်းနု (ခေါ်) နန်းပေါက်ကို ငွေသားအတု သိန်း ၁၅၀ ကျော်နဲ့ အတူ ဟိုမိန်းမြို့ အတွင်းမှာ ဖမ်းဆည်းရ မိပါတယ်။

နန်းနုဟာ ဟိုမိန်းဒေသ အတွင်းမှာ အခုလိုမျိုး ငွေတုတွေ အကြိမ်ကြိမ် သယ်ဆောင်လာဖူးကြောင်းနဲ့ အခုတခါ သူ့ကို ဖမ်းဆီးမိ တာဟာ တတိယ အကြိမ် ဖြစ်တယ်လို့ ဟိုမိန်း ဒေသခံ တစ်ယောက်က ဘီဘီစီကို ပြောပြပါတယ်။

ပထမ အကြိမ်တုန်းက ကျပ် ၃ သိန်းဖိုးနဲ့ ဒုတိယ အခေါက်မှာ သိန်း ၅၀ ဖိုး ငွေတုတွေကို သယ်ခဲ့တာ ဖြစ်ပြီး၊ သူ့လုပ်ရပ်ကို သိတဲ့ ဒေသခံ အာဏာပိုင် တချို့က သူ့ကို ဆက်မလုပ်ဖို့ တားမြစ်ခဲ့တယ်လို ဆိုပါတယ်။

အဲဒီလို တားတဲ့ကြားက အခုလို ပြန်သယ်ဆောင်တော့ ဒေသခံ ပြည်သူ့စစ်တွေက ဖမ်းဆီး လိုက်တာ ဖြစ်တယ်လို့ ဒေသခံက ရှင်းပြပါတယ်။

နန်းနုဟာ လင်းခေးမြို့နယ် နားကုန်းဒေသခံ တစ်ယောက်ပဲဖြစ်ပြီး၊ သူဟာ ထိုင်းနိုင်ငံမှာ လွန်ခဲ့တဲ့ နှစ်ပေါင်း ၂၀ ကျော် ကတည်းက နေထိုင်နေပြီး ထိုင်းနိုင်ငံနဲ့ မြန်မာနိုင်ငံ နှစ်နိုင်ငံ မှတ်ပုံတင်ကို ကိုင်ဆောင် သွားလာနေတာ ဖြစ်ပါတယ်။

သူ့ရဲ့ ထွက်ဆိုချက် အရ ဒီငွေစက္ကူ အတုတွေကို ချင်းမိုင်မြို့နေ စိုင်းဆောလုံ ဆိုသူက တဆင့် ယူပြီး မယ်ဟောင်ဆောင် လမ်းကြောင်း ကနေ သယ်ဆောင်တာ ဖြစ်တယ်။ ငွေတွေကို ရောင်းချတဲ့ ပုံကတော့ ကျပ်ငွေ ၅ သိန်းကို ဘတ်ငွေ ၇ ထောင်နဲ့ ရောင်းချ နေတာဖြစ်တဲ့ အကြောင်း နန်းနုက ထွက်ဆိုထားတယ်လို့ ဟိုမိန်း ဒေသခံ အာဏာပိုင် တစ်ယောက်က ပြောပါတယ်။

အခုချိန်မှာတော့ နန်းနုနဲ့ သူ့ဆီက ဖမ်းဆီးရမိတဲ့ ငွေသားတွေကို အစိုးရတာဝန်ရှိသူတွေဆီ လွဲပြောင်း ပေးလိုက်ပြီလို့ သိရပါတယ်။

 ခုံရုံး ဆုံးဖြတ်ချက် မှားကြောင်း ပြည်ထောင်စု လွှတ်တော် ဆုံးဖြတ်

ဒေါ်အောင်ဆန်းစုကြည်နဲ့ ဦးသိန်းညွှန့်တို့ ကတော့ ညှိနှိုင်း ဆောင်ရွက်ဖို့ တိုက်တွန်းခဲ့ပါတယ်

ပြည်သူ့လွှတ်တော်နဲ့ အမျိုးသားလွှတ်တော်က ဖွဲ့စည်းထားတဲ့ ကော်မရှင် ကော်မတီတွေဟာ ပြည်ထောင်စု အဆင့် မဟုတ်ဘူးလို့ ဖွဲ့စည်းအုပ်ချုပ်ပုံ အခြေခံဥပဒေ ခုံရုံးက ဆုံးဖြတ်ခဲ့တာဟာ မှာယွင်းတဲ့ ဆုံးဖြတ်ချက် ဖြစ်တယ်လို့ တနင်္လာနေ့က ကျင်းပတဲ့ ပြည်ထောင်စု လွှတ်တော်က ဆုံးဖြတ်လိုက် ပါတယ်။

ဖွဲ့စည်းပုံ ခုံရုံးက လုပ်ပိုင်ခွင့် မရှိတာကို လုပ်တယ်ဆိုတဲ့ အဆိုကို ပျော်ဘွယ်မြို့နယ်က လွှတ်တော် အမတ် ဦးမြင့်စိုးက တင်သွင်း ထားတာ ဖြစ်ပြီး တပ်မတော်သား အမတ် ၃ ဦး အပါ အဝင် အမတ် ၂ဝ ကျော် ပါဝင် ဆွေးနွေးခဲ့ ကြပါတယ်။

 ဒေါ်အောင်ဆန်းစုကြည်နဲ့ ဦးသိန်းညွှန့်တို့ ကတော့ ညှိနှိုင်း ဆောင်ရွက်ဖို့ တိုက်တွန်းခဲ့ပါတယ်။ တပ်မတော်သား အမတ်တွေက ဖွဲ့စည်းပုံ ခုံရုံးက ဆုံးဖြတ်ချက် မှန်တယ်လို့ ဆွေးနွေး ပါတယ်။

အဲဒီလို ဆွေးနွေးပြီးနောက် ခုံရုံးက မှားယွင်းတယ် ဆိုတဲ့ အဆိုကို ပြည်ထောင်စု လွှတ်တော်က အတည်ပြုခဲ့တာ ဖြစ်တယ်လို့ လွှတ်တော်အမတ် ဦးရဲထွန်းက ပြောပါတယ်။

ဖွဲ့စည်းပုံ ခုံရုံးအနေနဲ့ မှားယွင်းကြောင်း ကြေညာချက် ထုတ်မယ် ဆိုရင်တော့ ခုံရုံး တာဝန်ရှိသူတွေကို ထုတ်ပယ်တာမျိုး မလုပ်ဘဲ လိုအပ်တာတွေကို ပြန်လည် ပြုပြင်ဖို့ လုပ်နိုင်ပါတယ်။ တကယ်လို့ ခုံရုံးက မဝန်ခံဘူး ဆိုရင်တော့ ပြစ်တင်မှုတွေ ဖြစ်လာနိုင်ပါတယ်။

ဒါဟာလည်း ဖွဲ့စည်းပုံရဲ့ အားနည်းချက် ဖြစ်နေတာကြောင့် ဘယ်လို ဆက်လုပ် မလဲ ဆိုတာ ကိုတော့ စောင့်ကြည့်ရဦးမှာ ဖြစ်ပါတယ်။

အာဖဂန် အရပ်သားတြေအေပါ် တာလီဘန်တြေရဲ့ ရက္စက္မှု

အာဖဂနစ္စတန် နိုင်ငံတောင်ပိုင်း ဟဲမန်ပြည်နယ် မှာ အမျိုးသမီး နှစ်ဦးအပါအဝင် လူ ၁၇ ဦးကို တာလီဘန်တွေက အစုလိုက် အပြုံလိုက် လည်လှီးသတ်ဖြတ်ခဲ့တာနဲ့ ပတ်သက်ပြီး စုံစမ်းစစ်ဆေးမှုတွေ ပြုလုပ်နေတယ်လို့ အာဖဂန် အရာရှိတွေက ပြောပါတယ်။

ပြည်ထဲရေး ဝန်ကြီးဌာန ပြောခွင့်ရသူက ဒီသတင်းရရ ချင်း ရဲတပ်ဖွဲ့ကို အဒီကို စေလွှတ်လိုက်ကြောင်းနဲ့ ဘာတွေဖြစ်ခဲ့တယ် ဆိုတာကို အတိအကျ သိရဖို့ ရဲက စုံစမ်း စစ်ဆေးမှုတွေ အပြည့်အဝ လုပ်ဆောင် နေတယ် လို့ ပြောပါတယ်။

ဒါဟာ အရပ်သားတွေအပေါ် တာလီဘန်တွေရဲ့ ရက်စက် ကြမ်းကြုတ်တဲ့ တိုက်ခိုက်မှု တရပ် ဖြစ်တယ်လို့လည်း အာဖဂန်အရာရှိတွေက ပြောပါတယ်။ အသတ်ခံရသူတွေမှာ ရိုက်နှက်ခံထားရတဲ့ လက္ခဏာတွေ တွေ့ရသလို တချို့မှာ သေနတ်ဒဏ်ရာတွေ တွေ့ရတယ်လို့ ပြောပါတယ်။

အမျိုးသားတွေ စုရုံးပြီး ပါတီပွဲတခုကျင်းပကာ တေးဂီတနဲ့ အမျိုးသမီးတွေ ကပြဖျော်ဖြေတာကို ကြည့်ရှုနေကြစဉ် တာလီဘန်တွေက တိုက်ခိုက်ခဲ့တာလို့ ဒေသ အုပ်ချုပ်ရေးမှုးက ပြောပါတယ်။

ဒါပေမယ့် တခြားသူတွေရဲ့ အပြောအရ ကတော့ ပါတီ ကျင်းပနေတာ မဟုတ်ဘူးလို့ ဆိုပါတယ်။ တာလီဘန်တွေဟာ အမျိုးသားနဲ့ အမျိုးသမီး လူမှုရေးအရ ရောယှက် နေထိုင်ကြ တာကို သဘောမတူကြပါဘူး။

တခြား အရာရှိ တဦးကတော့ တာလီဘန် တပ်မှူး ၂ ဦးရဲ့ အာဏာ ယှဉ်ပြိုင်မှုကြောင့် အခုလို ဖြစ်ခဲ့ရတာလို့ ယုံကြည်ကြောင်း ပြောပါတယ်။

အာဖဂန်နဲ့ နိုင်ငံတကာ တပ်ဖွဲ့တွေဟာ လောလောဆယ် အာဖဂန် တောင်ပိုင်း ဟဲမန်ပြည်နယ်မှာ ရှိတဲ့ တာလီဘန်တွေကို ပစ်မှတ်ထား တိုက်ခိုက် နေကြတာ ဖြစ်ပါတယ်။

နေပြည်တော်က ပထမဆုံး မသန်စွမ်းသူများ ဆွေးနွေးပွဲ

တနင်္ဂနွေ နေ့က နေပြည်တော် ပျဉ်းမနား မြို့မှာ မသန်စွမ်းသူ ညီအစ်ကို မောင်နှစ်မများ ပထမဆုံး အကြိမ် တွေ့ဆုံ ဆွေးနွေး ခဲ့ကြ ပါတယ်။

နေပြည်တော်မှာ အခုမှ ပထမဆုံး အကြိမ် ဆွေးနွေးဖြစ်ခဲ့ပေမဲ့ နှစ်စဉ် တစ်နှစ်ကို သုံးလေးကြိမ် တွေ့ဖြစ်ကြပြီး လေးနှစ် အတွင်းမျာ ၁၇ ကြိမ် တွေ့ခဲ့ကြပြီးပြီလို့ ရွှေမင်းသား ဖောင်ဒေးရှင်း ဥက္ကဌ ဦးမြတ်သူဝင်းက ဘီဘီစီကို ပြောပါတယ်။

ရွှေမင်းသား ဖောင်ဒေးရှင်းက ဦးဆောင်ကျင်းပတဲ့ ဆွေးနွေးပွဲ ကို တနင်္ဂနွေ နေ့က ကျင်းပခဲ့ရာမှာ မသန်စွမ်းသူတွေရဲ့ ဘဝ တိုးတက်ရေးနဲ့ ပြန်လည် ထူထောင်ရေး တို့ အတွက် ဆွေးနွေးခဲ့ကြ တယ်လို့ ဦးမြတ်သူဝင်းက ပြောပါတယ်။

မသန်စွမ်းသူအဖြစ် သတ်မှတ်တဲ့ နေရာမှာ ကမ္ဘာပေါ်မှာ အမျိုး အစား ၉ မျိုး ခွဲခြား ပြီး မြန်မာ နိုင်ငံ မှာတော့ ၄ မျိုး သတ်မှတ် ထားတဲ့ အတွက် လူမှု ဝန်ထမ်း ဦးစီးဌာနက ထုတ်ပြန်တဲ့ စာရင်း အရ မသန်စွမ်း သူ အချိုး အစား ၂ ဒဿမ ၃၂ ရှိတယ်လို့ သူက ဆိုပါတယ်။

နိုင်ငံရဲ့ လက်ရှိ လူဦးရေ နဲ့ ပြန်တွက်ကြည့်ရင် လူပေါင်း ၁၅ သိန်းလောက် ရှိတယ်လို့ ခန့်မှန်း ပါတယ်။ ဒါကြောင့် လာမယ့် သန်းခေါင် စာရင်း ကောက်ယူမှုမှာ မသန်စွမ်း သူများ စာရင်းကို ထည့်သွင်း ကောက်ခံဖို့ ဆွေးနွေးပွဲမှာ အကြံ ပြုခဲ့ကြ တယ်လို့ ဦးမြတ်သူဝင်းက ပြောပါတယ်။