တွန်း၍ ရွေ့သောဘီး
|
12:46 AM |
No မှတ်ချက် |
ဘဝရထားကြီးက မှတ်တမ်းမဲ့စွာ နှစ်ပေါင်းအတော်ကြာ ခုတ်မောင်းနေခဲ့ရဲ့…
တနေ့ စာအုပ်တအုပ်ကို ကောက်ကိုင်ပြီး ဟိုလှန်သည်လှန်ကြည့်ရင်း အမှတ်မထင် စာကြောင်းလေး နှစ်ကြောင်းကို သတိထားလိုက်မိသည်။ ဆရာမ‘ဂျူး’ ရဲ့ စာအုပ်လေးပါ။ ဘာတဲ့ ‘ဘဝသည်တို၏။ အနုပညာ သည်ရှည်၏’။ အသိတရားတခု ဝင်ရောက်သလို ခံစားလိုက်မိသည်။
အဲဒီနောက်ပိုင်း တွန်းအား ကောင်းကောင်းတွေလည်း ရရှိခဲ့ဖူးသည်။ အဓိက ကျနော်ရဲ့ မိတ်ဆွေကောင်းကြီး တွေပေါ့..။ မရှိအတူ ရှိအတူအပူအအေးမျှဝေရင်း ဘဝတိုက်ပွဲမှာ အရှုံးမပေးစတမ်း တိုက်ပွဲဝင်နေကြဆဲ ရဲဘော်တွေ။ အားလုံးက အခက်အခဲတွေကို တွန်းလှန်ရင်းတဖက်ကလည်း ဝါသနာပါရာ အလုပ်တွေကို လုပ်နေကြသည်။ အချို့က ကိုယ်ပိုင် Blog လေးတွေလုပ်ကြ၊ စာရေးကြ။ အချို့ကတော့ ကျောင်းတဖက်စာရေးတာတဖက်နဲ့ သုကျရာကဏ္ဍက သမိုင်းပေးတာဝန်တွေကို ထမ်းဆောင်နေကြတာ။
အဲဒီအထဲမှာ ကျနော်တယောက်က ပရိသတ်။ နိုင်ငံရေး၊ စီးပွားရေး၊ လူမှုရေးနဲ့ ထွေရာလေးပါးပွားကြတိုင်း ဘေးထိုင် ငေးမှိုင်ပြီး ကြည့်နေတတ်သည်။ကျနော့်အပေါ်မှာ အားမလိုအားမရ ဖြစ်နေကြတယ်ထင်ပါရဲ့.. တနေ့ဆုံစည်းကြရာ ‘ရွှေထိပ်တန်း’ လက်ဘက်ရည်ဆိုင်မှာ ဆုံတွေ့ကြတော့ ကိုလူဗိုလ်က ကျနော့်ဘက်ကို မြှားဦးလှည့်လိုက်သည်။
‘ကိုဝင်းကို ခင်ဗျားဘဝမှာ ဖြတ်သန်းမှုတွေ အများကြီးရှိခဲ့ဖူးတာပဲ.. အဲဒါတွေကို ခင်ဗျားမေ့ထားတော့မှာလား.. ခင်ဗျား တွေ့ကြုံခံစားခဲ့ရတဲ့ အဖြစ်အပျက်တွေကို စာရေးပါလားဗျာ.. ရေးတတ်တာ မရေးတတ်တာအပထား မှတ်တမ်းလေးတွေ ကျန်တာပေါ့’
‘ကိုလူဗိုလ်ပြောတာ သိပ်မှန်တယ် ဖြစ်သင့်တဲ့ကိစ္စတခုလို့ မြင်တယ်’ ဟု ကိုဝေမော်က လှမ်း၍ ထောက်ခံမှုပြု လိုက်သည်။
‘ကြိုးစားပြီးသာ ရေးစမ်းပါဗျာ ဖြတ်သန်းမှုတိုင်းဟာ သူ့တန်ဖိုးနဲ့သူ ရှိနေစမြဲပါ’ ဟု ကိုလှရွှေကလည်း ထပ်၍ အဆိုပြုပြန်လေသည်။
‘အေးဗျ ခင်ဗျားတကယ်လုပ်ရင် ဖြစ်မယ်လို့ ကျနော်ယုံကြည်တယ်၊ ခံစားချက်ချင်း အတွေ့အကြုံချင်း တူညီ ကြတာ မဟုတ်သလို ဘဝဆိုတာတပြေးညီပြေးနေကြရတာမှ မဟုတ်တာ… ရေးသာရေးဗျာ ကျနော်တို့ အားလုံး ဝိုင်းကူကြမယ်’ ဟု ကိုထူးအောင်က ထပ်မံတွန်းအားပြုလိုက်ပြန်သည်။ ငြင်းဆန်ဖို့ ကြိုစားလိုက်ပြီး..
‘ဖြစ်မယ်မထင်ပါဘူးဗျာ ခင်ဗျားတို့ရေးချင်ရေးပေါ့.. ကျနော်က အတွေ့အကြုံတွေ ပြောပြမယ်လေ.. ပြီးတော့ ကျောင်းတောင်ကောင်းကောင်းတက်ခဲ့ရတာ မဟုတ်တော့ ရေးတတ်မှာ မဟုတ်ပါဘူးဗျာ’ လို့ ပြောလိုက်မိ သည်။
‘မဟုတ်သေးဘူးဗျ ခံစားချက်ဆိုတာ ငှားယူအသုံးချလို့ရတာ မဟုတ်ဘူး၊ ကိုယ်ကိုယ်တိုင် ခံစားချက်မှ အနုပညာရသ မြောက်နိုင်မှာ.. သူများလိုပဲကိုယ်လည်းရေးနိုင်ရမယ်ဆိုတဲ့ စိတ်လေးသာ မွေးလိုက်စမ်းပါ’ ဟု အားလုံးက ဝိုင်း၍ အားပေးတောင်းဆိုလိုက်တော့ တုံဏှိဘာဝေဖြစ်သွားရသည်။မခံချင်စိတ်လေးကလည်း နှလုံးအိမ်ကို နှိုးဆွလာတော့သည်။
ထိုနှင့် ကျနော်လည်း နှစ်ပေါင်းအတော်ကြာ စွန့်ခွာခဲ့သော မိတ်ဆွေ ဘောပင်နှင့်စာအုပ်ကို ကိုင်ဆောင်၍ စတင် ရေးတော့သည်။
စာရေးမည်ဆိုတော့လည်း ညည အိပ်မရ။ ဘယ်ကစရမည်မှန်း မသိဖြစ်နေပြန်သည်။ စိတ်ကလည်း တောင်စဉ် ရေမကျ ပြေးလွှားဆော့ကစားနေတော့သည်။ တခါတရံ အိပ်မက်ထဲသို့ပင် ခုန်ကူးသွားလိုက်သေးသည်။
တနေ့ ရှစ်လေးလုံး (၂၃) နှစ်မြောက်အခမ်းအနားအတွက် နံရံကပ်စာစောင်ပေးပို့ကြရန် နှိုးဆော်စာ ကပ်ထား သောကြောင့် ရှစ်လေးလုံးအကြောင်းစတင်ရေးသားမိလေသည်။ ရေးပြီးတော့လည်း ဟိုလူ့ဖတ်ခိုင်း ဒီလူ့ဖတ်ခိုင်းနှင့် ဗျာများနေရပြန်သည်။ မိမိကိုယ်ကို မချင့်မရဲ ဖြစ်နေမိသည်။ ခေါင်းစဉ်မည်သို့တပ်ရမည်နည်း ဟု ဆိုလာပြန်တော့ ခေါင်းစဉ် မပေးတတ် ဖြစ်နေပြန်သည်။ ဖတ်လိုက် စဉ်းစားလိုက်နှင့် ချွေးတို့ပင် အိုင်ထွန်းခဲ့ရပြီးနောက်ဆုံးတော့ စိတ်ထဲပေါ်လာသည့် ‘အတိတ်မှသည် ပစ္စုပ္ပန်ဆီသို့’ ဟု ခေါင်းစဉ် တပ်လိုက်မိ တော့သည်။
ဟုတ်ပါပြီ.. ရေးလည်းပြီးပြီ.. ခေါင်းစဉ်လည်းရှိပြီဆိုတော့ ကလောင်နာမည် ဘယ်လိုပေးမလဲဟု ကိုဝေမော်က မေးသောအခါကြိုတင်စဉ်းစားမှုမရှိခဲ့သောကြော
ကျနော်ပထမဆုံးရေးဖြစ်လိုက်သော စာမူလေး နံရံကပ်စာစောင်သာမက အင်တာနက် ဝက်ဆိုဒ်တချို့နှင့် ဒေါင်းအိုးဝေ စာစောင်မှာပုံနှိပ်ဖော်ပြခံရတာကို တွေ့လိုက်ရတော့ ဘယ်ပြောကောင်းလိမ့်မလဲဗျာ ရင်ထဲမှာ မပျော်သဖူး အပျော်ထူးလို့ ကြည်နူးပီတိ ဂွမ်းဆီထိ ဖြစ်ရပြီပေါ့…
ကျေးဇူးတရားဆိုတာ ဆပ်တတ်လျှင် ကျေရိုးထုံးစံ ရှိမှာမဟုတ်ပါဘူး၊ ဘဝမှာ နိမ့်ရာကနေ တဖြည်းဖြည်း အမြင့်ကို ရောက်အောင် ဆွဲကူဖေးမပေးကြတဲ့ ကျနော့်ရဲ့အကိုတွေ၊ လုပ်ဖော်ကိုင်ဘက်တွေရဲ့ ကျေးဇူးတရားက ကြီးမြတ်လွန်းပါတယ်။ ဆရာမ ‘ဂျူး’ ရဲ့ ရေးသားချက်နဲ့သူတို့ရဲ့တွန်းအားတွေကြောင့်သာ ဖြတ်သန်းခဲ့ ဖြတ်သန်းဆဲ ကာလတွေရဲ့ အဖြစ်အပျက်လေးတွေကို မှတ်တမ်းဖွဲ့ ရေးသားခွင့်ရရှိခဲ့တာပါ။
ကျနော့်မျိုးဆက်အတွက်လည်း ကျနော့်ဘဝဖြတ်သန်းမှုတွေ သူတို့ထိတွေ့ခံစားခွင့်ရတော့မှာ
အုပ်ကြီးဖေ
၂၇-၈-၂၀၁၂
0 comments:
Post a Comment