အမွေပြတ်စွန့်လွှတ်ခြင်း

မကြာမကြာ တွေ့နေရတဲ့ စကားစုလေး တစ်ခုကိုဖတ်မိတိုင်း ကျွန်မခေါင်းထဲကို အတွေးစတွေ ၀င်လာတတ်လေ့ရှိပါသည်။ အမွေပြတ်စွန့်လွှတ်ခြင်း  ဆိုတဲ့ ခေါင်းစဉ်လေးတွေကို သတင်းစာတွေထဲ မကြာခဏဆိုသလို ကျွန်မဖတ်မိရတတ်ပါသည်။
ဖတ်မိတိုင်း ၀င်လာမိတဲ့ အတွေးလေးတွေကတော့ ရင်နှစ်သည်းချာ သားသမီးတွေကို အမှန်တစ်ကယ် ပြတ်နိုင်ကြလို့လား။ ဒါမှမဟုတ် တဒင်္ဂကရုဏာ ဒေါသတွေကို မထိန်းနိုင်ကြလို့ ထည့်ကြခြင်းမျိုးလား ။ ခဏခဏတွေးဖြစ်ပေမယ့် သေချာတိကျတဲ့။

အဖြေကိုတော့ မရခဲ့ဘူးပါဘူး ။ ဒီလိုသတင်းလေးတွေ ထည့်ရတဲ့ အကြောင်းအရာလေးတွေလည်း ရှိနေတတ်ပါသေးသည်။ တစ်ခါတစ်လေမှာ သားသမီးတွေက အရမ်းဆိုးပေမဲ့ မိဘရဲ့ အရှိန်အ၀ါနဲ့ သူတို့ကို ယုံကြည်စွာ ငွေကြေး ချေးငှားနေတဲ့သူတွေ ပြဿနာလိုက်ရှင်းပေးနေ ကာကွယ်ပေးနေတဲ့ မိတ်ကောင်းဆွေကောင်းတွေ နဲ့ မိတ်တု ဆွေတုတွေကို ဟန့်တားတဲ့ သဘောလဲ ပါတတ်ပါသေးသည် ။ နောက်တစ်ခုက လုံးဝသဘောမတူတဲ့ ဘာသာကွဲကိုလက်ထပ်ခြင်း..... နောက်တစ်ခါ လူမှုရေး ဂုဏ်သိက္ခာ

ကျဆင်းစေတဲ့ ဆောင်ရွက်မှုမျိုးကို အကြိမ်ကြိမ် ဆောင်ရွက်လာရင်လဲ ထည့်တတ်ပြန်သေးပါသည်။ တကယ်တော့ နောက်ဆုံးအချိန်မှာ သားသမီးကို ဘယ်မိဘမှ ပစ်မထားကြပါဘူး ။ မိဘကို ထိပ်တိုက် ရင်ဆိုင်နေရင်တော့ အဲလိုလေး လုပ်တတ်ပါသည်။   အဓိကအချက်ကတော့ သူတို့ မိဘမကြိုက်တာကို လုံးဝမလုပ်နိုင်အောင် အားလျော့သွားအောင် လုပ်တဲ့ သဘောဆိုတာကို ကျွန်မနားလည်ပါသည်။ သို့သော်လည်း အမွေပြတ်စွန့်လွှတ်ခြင်း ဆိုတဲ့ သတင်းတွေကိုတော့ မဖတ်ချင်ဘူး ။

ဒီတခါလည်း အမွေပြတ်စွန့်လွှတ်ခြင်း ဆိုတဲ့ခေါင်းစဉ်လေးတစ်ခုကို ဖတ်မိနေပြန်ပါသည်။

ခုတစ်ခါ ဖတ်မိတာကတော့ သူငယ်ချင်းအရင်းကြီး တစ်ယောက်ကို သူ့မိဘတွေက အမွေပြတ်စွန့်လွှတ်ခြင်း သတင်းကို သတင်းစာထဲကို ထည့်လိုက်တယ်ဆိုလို့ ဖတ်နေမိခြင်းပါ ။ ကျွန်မ ဒီတစ်ခါမှာတော့ ဒီသတင်းလေးနဲ့ ခေါင်းစဉ်လေးကို အသေချာဖတ်ကာ တွေးမိလိုက်ပြန်ပါသည်။ လောကမှာ စွမ်းအားအကြီးမားဆုံးဖြစ်တဲ့ မေတ္တာတရားဆိုတဲ့ သိမ်မွေ့နူးညံ့တဲ့ ခံစားချက် မိဘဆိုတဲ့ လူသားတွေရင်ထဲက သားသမီးအပေါ်ထားတဲ့ ချစ်ခြင်းမေတ္တာ တရားကို သတင်းစာဖြတ်ပိုင်းထဲက အမွေပြတ်စွန့်လွှတ်ခြင်း   ဒီခေါင်းစဉ်လေးတစ်ခုနဲ့ ဖြိုခွဲပြောင်းလဲပစ်လို့ လဲ မရနိုင်ပါဘူး ။

ကျွန်မတို့ လူသားတွေ ကိုယ်ကိုကိုယ် ညာနေကြတာပါ ။ ကျွန်မ သေချာတဲ့ အဖြေတစ်ခုကို ရရှိလိုက် ပါသည်။ တစ်ကယ်တော့ အတ္တတွေနဲ့ ရင်ထဲက ခံစားချက်တွေကို သတင်းစာပေါ်က ကြေငြာချက်လေးနဲ့ ခဏတာ ဖုံးကွယ်လိုက်ခြင်းဘဲ ဖြစ်ပါသည်။ ဘယ်တော့မှ ဘယ်သောအခါမှ မပြတ်နိုင်တဲ့ သံယောဇဉ် မေတ္တာကြိုးတွေကို ဘယ်ကြောငြာဖြတ်ပိုင်းလေးကမှ မဖြတ်နိုင်ပါဘူး ။ အမွေဆိုတာ စံထိုက်မှ စံစားရ တာမျိုးပါ ။ သိပ်ကို ဆိုးတဲ့သားသမီးတွေ အတွက် မိဘက အပြစ်ပေး ဒဏ်ခတ်တယ်ဆိုရင်လည်း တစ်ခြား နည်းမျိုးတွေသာ ပိုပြီး အဓိပ္ပါယ် ရှိစေတယ်လို့ မှတ်ယူ ယူဆမိပါတယ် ။ အမွေဆိုတာ မိဘက သားသမီးကို ပေးမှ (သို့မဟုတ်) မိဘတွေ မရှိတော့သောအခါမှသာ ရမယ့်အရာမျိုးပါ ။ သတင်းစာထဲ လူသိရှင်ကြား
ထည့်ကြေငြာနေဖို့ မလိုအပ်ပါဘူး ။ ပေးချင်ပေး မပေးချင်အကုန်လှူခဲ့လို့ရပါသည်။ ကြေငြာတွေထည့်ပြီး သေသည့်တိုင်အောင် ပြန်မခေါ်တာမျိုး လူ ၁၀၀ မှာ တစ်ယောက်လောက်သာရှိနိုင်ပါသည်။ အချိန်တန် အများဆုံး နှစ်လောက်ကြာသောအခါ သတင်းစာထဲက အမွေပြတ်စွန့်လွှတ်ခြင်း ဆိုတာက ရယ်စရာလို ဖြစ်သွားတတ်တွေချည်းပါပဲ ။ မိဘနဲ့ သားသမီးကြား ရှိတဲ့ချစ်ခြင်းမေတ္တာတရားဆိုတာ လောကမှာ သိပ်ကို အင်အားကြီးမားတဲ့ ခံစားချက်လေးတစ်ခုပါ ။  ဘယ်သူအတွက်မှအဓိပ္ပါယ် မရှိတဲ့အမွေပြတ်စွန့်လွှတ်ခြင်း ဆိုတဲ့ ကြောငြာတွေကို ဖြစ်နိုင်ရင် နောက်ထပ် မဖတ်ရပါစေနဲ့လို့ ကျွန်မရင်ထဲမှာ ကြိတ်ခါဆုတောင်း

နေမိပါတော့သည်။

ခိုင်လေး (ရွှေတောင်) အချစ်ကို ကိုးကွယ်သူလေး