31.08.2012 နေ့ဖတ်ရန်သတင်းများ

by Myanmar Journal on Thursday, August 30, 2012 at 3:30pm ·

ပါရာလမ်ပစ်ပြိုင်ပွဲ ဝင်နွဲနေတဲ့ မြန်မာ

လန်ဒန်မြို့မှာ ကျင်းပနေတဲ့ ၂၀၁၂ ပါရာလမ်ပစ် ခေါ် မသန်စွမ်းသူတွေရဲ့ အိုလံပစ် ပြိုင်ပွဲကြီးမှာ နိုင်ငံတကာက အားကစား သမားတွေနဲ့ အပြိုင် မြန်မာ အားကစား သမား တွေလည်း ဝင်ရောက် ယှဉ်ပြိုင် နေကြပါတယ်။

မြန်မာအားကစား အဖွဲ့က ရေကူးမှာ ကိုနိုင်စစ်အောင် နဲ့ ပြေးခုန်ပစ်ဘက်မှာ ကိုဝင်းနိုင်က လှံတံပစ် ပြိုင်ပွဲမှာ ဝင်ရောက် ယှဉ်ပြိုင်ကြတာ ဖြစ်ပါတယ်။

ကိုနိုင်စစ်အောင်ဟာ ရေကူးမှာ ကမ္ဘာ့ အဆင့် ၉ မှာရှိနေပြီး အရှေ့တောင်အာရှ ပြိုင်ပွဲမှာ ရွှေတံဆိပ် ရရှိထားတဲ့ နိုင်ငံတကာ ပြိုင်ပွဲ တွေမှာ အောင်မြင်မှု ရထားတဲ့ အားကစား သမား တဦး ဖြစ်ပါတယ်။

အလားတူ ကိုဝင်းနိုင်ကလည်း အရှေ့တောင်အာရှ ရွှေတံဆိပ် ရရှိဖူးတဲ့ ဘေကျင်း ပါရာလမ်ပစ် မှာလည်း ယှဉ်ပြိုင်ဖူးတဲ့ အားကစား သမား တဦးဖြစ်ပါတယ်။

ဒီနေ့မှာ ကိုနိုင်စစ်အောင်က မီတာ ၁၀၀ ပက်လက်ကူးမှာ ဝင်ရောက် ယှဉ်ပြိုင် ခဲ့ရာမှာတော့ အဆင့် ၉ ရရှိခဲ့ပါတယ်။ တကယ်လို့သာ အဆင့် ၈ ရခဲ့ရင် နောက်ဆုံး ဗိုလ်လုပွဲကို တက်ရောက် နိုင်မှာ ဖြစ်ပါတယ်။

ဒါပေမယ့် လာမယ့် စက်တင်ဘာ ၇ ရက်နေ့မှာ တော့ မီတာ ၅၀ လိပ်ပြာကူး ပြိုင်ပွဲမှာ ဝင်ရောက် ယှဉ်ပြိုင် ဦးမှာ ဖြစ်ပါတယ်။

မြန်မာ အားကစား အဖွဲ့က အုပ်ချုပ်သူနဲ့ ရေကူး နည်းပြ ဦး အောင်မြင့်ထွန်းက ကိုနိုင်စစ်အောင် အနေနဲ့ ဂျပန်နဲ့ ကိုရီးယား တို့က အားကစား သမားတွေကို အနိုင်ရ ဖူးတဲ့ အကြောင်းနဲ့ အဓိက ယှဉ်ပြိုင်သွား ရမှာကတော့ တရုတ်က အားကစား သမား တွေဖြစ်ကြောင်း ပြောပါတယ်။

ဂရိတ် ဗြိတိန်၊ စပိန်နဲ့ အမေရိကန် တို့ကအားကစား သမားတွေကိုလည်း ယှဉ်ပြိုင်သွား ရမှာ ဖြစ်ကြောင်းနဲ့ ဗိုလ်လုပွဲ ရောက်နိုင်ဖို့ ကြိုးစား သွားမယ့် အကြောင်း ကိုလည်း ပြောကြား သွားပါတယ်။

အခက်အခဲ အနေနဲ့ကတော့ ဒီနေ့ ပြိုင်ရာမှာ ဖီနာ ရေကူး အဖွဲ့ချုပ်ရဲ့ အသိအမှတ်ပြု ရေကူး ဝတ်စုံ မရှိလို့ ပြိုင်ပွဲဝင်ဖို့ ကို ကန့်ကွက်ခံရတာမျိုး ကြုံခဲ့တဲ့ အကြောင်း၊ အရင် ဘေကျင်းပွဲမှာ ပြိုင်တုန်းက ဝတ်ခဲ့တဲ့ ရေကူး ဝတ်စုံနဲ့ ဝင်ပြိုင်တာကိုတောင် ကန့်ကွက်ခံခဲ့ရတဲ့ အကြောင်းကို ပြောပြသွားပါတယ်။

ဒီလို အခက်အခဲ ကြုံခဲ့ရပေမယ့် ဒီနေ့ ယှဉ်ပြိုင်ခဲ့ရာမှာတော့ သူကူးနေကျ စံချိန် ကိုတော့ ပြန်ရအောင် ကူးသွား နိုင်ခဲ့တယ် လို့လည်း ပြောကြား သွားပါတယ်။

ကိုဝင်းနိုင်ကတော့ လာမယ့် စက်တင်ဘာ ၈ ရက်နေ့မှာ လှံတံပစ် ပြိုင်ပွဲမှာ ဝင်ရောက် ယှဉ်ပြိုင်သွားမှာ ဖြစ်ပါတယ်။ 

နယူးအော်လင်း ညမထွက်ရ

နယူး အောလင်း မြို့ကြီးကို အိုင်းဆက် အပူပိုင်း ဟာရီကိန်း မုန်တိုင်းကြီး ဝင်နေချိန်မှာ ညမထွက်ရ အမိန့် ထုတ်ထားပါတယ်။

ရေတံခါး ရေကာတံတိုင်း တွေ မပေါက်မကျိုး ရှိနေဆဲ ဖြစ်ပေမယ့် မြို့နား ဒေသတွေမှာ အိမ်ခေါင်မိုးတွေ ရေမြုပ်နေပြီ လို့ ဆိုပါတယ်။

လူဝီဇီယားနား တပြည်နယ်လုံးမှာ စစ်သား ထောင်နဲ့ချီ ချထားပြီး မုန်တိုင်း ကယ်ဆယ်ရေး၊ ရပ်ရွာ ထိန်းသိမ်းရေး တာဝန်ပေး ထားပါတယ်။

ထွက်မပြေး နိုင်သူတွေ ကတော့ မီးစက်၊ အစာရေစာ အပြည့် စုဆောင်းပြီး အိမ်ထဲ မှာ လုံခြုံအောင် ခိုလှုံနေကြရ ပါပြီ။

လျှပ်စစ်မီး ပြတ်တောက် နေပြီမို့ လူ ငါးသိန်းလောက် အမှောင်ထဲမှာ နေနေကြရ ပါတယ်။ 

မြန်မာ ပြည်မှာ ရင်းနှီး မြှုပ်နှံမယ့်သူ တွေကို သတိပေး

မြန်မာနိုင်ငံမှာ ရင်းနှီးမြှုပ်နှံ ချင်တဲ့ နိုင်ငံခြား ကုမ္ပဏီတွေ အနေနဲ့ သတိထား ကြဖို့ နိုင်ငံတကာ စီးပွားရေး ကုမ္ပဏီ တွေကို အကြံပေးတဲ့ Control Risk Group အဖွဲ့အစည်း ရဲ့အာရှ ဒေသ ဆိုင်ရာဒါရိုက်တာ ဒိမ်း ချာမိုရိုက Dame Chammoro က ပြော ပါတယ်။

ဈေးကွက်သစ် ဖြစ်တဲ့ မြန်မာ နိုင်ငံဟာ အခြေခံ အဆောက် အဦတွေ၊ ကျွမ်းကျင် လုပ်သားတွေ၊ ဥပဒေ စနစ်တွေ ငွေကြေး လွှဲပြောင်းတဲ့ စနစ်တွေ၊ အဆင်သင့် မဖြစ်သေးတာ တွေက ပြည်ပက ရင်းနှီး မြှုပ်နှံသူတွေ ရင်ဆိုင်ရမယ့် စိန်ခေါ်မှုတွေ ဖြစ်တယ် ဆိုတာ ကြိုတင် သတိပေး နေတာ ဖြစ်တယ်လို့ သူက ပြောပါတယ်။

 ရေနံနဲ့ သဘာဝ ဓါတ်ငွေ့လို ကဏ္ဍမှာရင်းနှီးမြှုပ်နှံတဲ့ ရှက်ဗရွန်လို၊ တိုတယ်လို ကုမ္ပဏီကြီးတွေက လိုအပ်တဲ့ အခြေခံ အဆောက်အဦနဲ့ ကျွမ်းကျင်မှု တွေကို သူတို့ ယူဆောင်လာပြီး နှစ်တွေ အကြာကြီး လုပ်ဆောင်နေခဲ့တဲ့ ဥပမာနဲ့ နှိုင်းယှဉ် ပြီး ဘီဘီစီက မေးတဲ့ အခါ မြန်မာနိုင်ငံရဲ့ရေနံနဲ့ သဘာဝ ဓါတ်ငွေ့ အပိုင်း ကတော့ တခြား လုပ်ငန်းပိုင်း တွေနဲ့ ကွာခြားမှု အနည်းငယ် ရှိပြီး ဒီကဏ္ဍ တွေမှာ ရင်းနှီး မြှုပ်နှံတဲ့ ကုမ္ပဏီတွေ ကလည်း ဈေးကွက်သစ် တွေမှာဝင်ရောက် ရင်းနှီး မြှုပ်နှံ ကြတဲ့ သဘာဝ ရှိတာမို့ မြန်မာနိုင်ငံကို ဝင်လာမယ် ဆိုရင်လည်း ကြိုတင် ပြင်ဆင် ပြီးသား ဖြစ်နိုင်တယ်လို့ သူက ပြောပါတယ်။

မြန်မာ နိုင်ငံ ဘက်ကလည်း ရင်းနှီးမြှုပ်နှံမှုတွေလိုချင်နေပြီး မကြာခင် ထွက်လာမယ့် ရင်းနှီး မြှုပ်နှံမှု ဆိုင်ရာ ဥပဒေသစ် ထဲမှာ နိုင်ငံခြားသား တွေကို ၁၀၀ ရာခိုင်နှုန်း အထိ တချို့ကဏ္ဍ တွေမှာ ရင်းနှီး မြှုပ်နှံခွင့် ပေးထား တယ်လို့ သိရပေမဲ့ သူတို့ အတွေ့အကြုံ အရ ဥပဒေ မူကြမ်း ဘယ်လိုပဲ ထွက်လာလာ နောက်ဆုံး အတည် ဖြစ်တဲ့ အခါ အပြောင်း အလဲတွေ ရှိနိုင်တယ်၊ အဲဒီ ဥပဒေကို လက်တွေ့ ဘယ်လို ကျင့်သုံး မလဲ ဆိုတာ ကလည်း အရေးကြီး တယ်လို့ ဒိမ်း ချာမိုရိုက ပြောပါတယ်။

အခု ဖြစ်ပေါ် လာတဲ့ အခွင့်အရေးကို အသုံးချပြီး ချက်ချင်း ဝင်ရောက် ရင်းနှီး မြှုပ်နှံ ချင်တဲ့ ကုမ္ပဏီတွေ ရှိနိုင်သလို စောင့်ကြည့် ဦးမယ့် သူတွေလည်း ရှိနိုင်တယ်လို့ သူက ပြောပါတယ်။

ဥပဒေ ပိုင်းရော အခြေခံ အဆောက် အဦ ပိုင်းရော ပြုပြင်ဖို့ ချက်ချင်း မလွယ်ပေမဲ့ နိုင်ငံခြား ရင်းနှီး မြှုပ်နှံသူတွေ စိတ်ချ လက်ချ လာနိုင်အောင် အစိုးရအနေနဲ့ အကောင်းဆုံး လုပ်နိုင်တာ က နိုင်ငံခြား ရင်းနှီး မြှုပ်နှံမှု ဥပဒေကို လက်တွေ့ လွယ်လွယ် ကူကူ ကျင့်သုံးလို့ ရနိုင်အောင်နဲ့ ရှင်းရှင်း လင်းလင်း ရှိအောင် ရေးဆွဲဖို့ လိုအပ်တယ်၊ လက်တွေ့ ကျင့်သုံးရာ မှာလည်း ပွင့်လင်း မြင်သာ ဖို့နဲ့ ဥပဒေကို ကျောသား ရင်သား မခွဲခြားဘဲ ကျင့်သုံးဖို့၊ ရင်းနှီး မြှုပ်နှံသူတွေ ဘက်က ကြိုတင်မှန်းဆလို့ ရနိုင်တဲ့ အခြေ အနေ မျိုးကိုလည်း ဖန်တီး ပေးဖို့ လိုတယ်လို့ အာရှ ဒေသ ဆိုင်ရာဒါရိုက်တာကအကြံပြုပါတယ်။

ဥပဒေတွေ မူဝါဒတွေ ဘယ်လိုရှိတယ်၊ အဲဒီ မူဝါဒတွေ အရ အစိုးရက ဆုံးဖြတ်ချက် တွေကို ဘယ်လို ချလေ့ ရှိတယ်ဆိုတာ ခန့်မှန်း လို့ရနိုင်မယ် ဆိုရင် ရင်းနှီးမြှုပ်နှံသူတွေ ဘက်က ယုံကြည်မှု ရလာ နိုင်တယ်လို့ လည်း သူက ပြောပါတယ်။

 အခုနှစ် အတွက် အထည်ချုပ် လုပ်ငန်း ကျဆင်း

မြန်မာနိုင်ငံရဲ့ အထည်ချုပ် လုပ်ငန်းဟာ အခုနှစ်မှာ ထုတ်လုပ်အား လျော့နည်း သွားတယ်လို့ အထည်ချုပ် လုပ်ငန်းရှင်များ အသင်းက ပြောပါတယ်။

နိုင်ငံခြား ကိုတင်ပို့တဲ့ အထည်ချုပ် စက်ရုံ ၂ဝဝ နီးပါး ရှိပြီး အလုပ်သမား တစ်သိန်း ဝန်ကျင်လောက် ရှိတဲ့ အထည်ချုပ် လုပ်ငန်းမှာ အနည်းဆုံး ထုတ်လုပ်အား ၁ဝ ရာခိုင်နှုန်းကျော် လျော့ကျ လာနေတာ တွေ့ရတယ်လို့ အထည်ချုပ် လုပ်ငန်း ရှင်များ အသင်းက ပြောပါတယ်။

 နှစ်စဉ် ၃၀ ရာခိုင်နှုန်း တိုးတက်လေ့ ရှိပြီး မနှစ် တုန်းက ၉ဝ ရာခိုင်နှုန်း အထိ တက်လာတဲ့ အထည်ချုပ် လုပ်ငန်းဟာ အခုနှစ် မှာတော့ ပြီးခဲ့တဲ့ နှစ်ရဲ့ ၆ လချင်း နှိုင်းယှဉ် ကြည့်မယ် ဆိုရင် လျော့ကျတာ တွေ့နေ ရတယ်လို့ အထည်ချုပ် လုပ်ငန်းရှင်များ အသင်း ဥက္ကဌ ဦးမြင့်စိုးက ဘီဘီစီကို ပြောပါတယ်။

အခုလို ကျဆင်းရတဲ့ အကြောင်း တွေက လုပ်အားခ မြင့်တက်လာမှု၊ ငွေလဲလှယ်နှုန်းက ဖြစ်သင့်တဲ့ ဈေး အောက်မှာပဲ ရှိနေ သေးမှုနဲ့ အထွေထွေ ကုန်ကျ စရိတ် မြင့်တက်လာမှုတွေကြောင့် ဖြစ်တယ်လို့ သူက ပြောပါတယ်။

ပြီးခဲ့တဲ့ နှစ်တုန်းက အရေ အတွက် များများ ထုတ်လုပ် ခဲ့တဲ့ အတွက် အလုပ်သမားတွေ အနေနဲ့ ထုတ်လုပ်နိုင်မှု စွမ်းအား ကို ကျော်လွန် သွားတာကြောင့် အရည် အသွေးပိုင်းမှာ လိုအပ်မှုတွေ ရှိလာတယ်၊ ဒါကြောင့် ဂျပန် ဈေးကွက်ထဲမှာ အရည် အသွေးပိုင်းဆိုင်ရာ ငြိုငြင်မှု၊ စိုးရိမ် မှုတွေ ရှိလာတယ်လို့ သူက ပြောပါတယ်။

အဲဒီ အခြေအနေမှာ အလုပ်အကိုင်ရမှု နည်းလာပြီး မြန်မာ နိုင်ငံဘက်က တောင်းတဲ့ အထည်ချုပ်ခကို တဘက်က လိုက်လျော ပေးခြင်းမရှိဘဲ အပ်ထည် အော်ဒါ နည်းပါး လာတယ်လို့ လည်း ဆိုပါတယ်။

အရေးကြီးဆုံး ဖြစ်တဲ့ ငွေလဲလှယ်နှုန်းကို အမေရိကန် တစ်ဒေါ်လာ ၉၇၅ ကျပ်လောက်မှ အဆင်ပြေမယ်လို့ တွက်ချက် ထားကြောင်းလည်း ဦးမြင့်စိုးက ပြောပါတယ်။

အထည်ချုပ် လုပ်ငန်း ရှင်သန် ဖို့နဲ့ အလုပ် သမားတွေ အလုပ် အကိုင်ရရှိရေးမှာ အရေးတကြီး လိုအပ်ချက် တွေရှိနေပြီး ဈေးကွက် ရရှိရေး ဆိုတဲ့ ပထမ အချက်မှာ ဥရောပရဲ့ အခွန် သက်သာမှု ခွင့်ပြုချက် ရဖို့၊ ကမ္ဘာ့ အကြီးဆုံး အမေရိကန် ဈေးကွက်ကို တင်ပို့နိုင်ဖို့ တို့ ဖြစ်တယ် လို့ သူက ပြောပါတယ်။

ဒါ့အပြင်အချိန်ပို လုပ်ကိုင် ခွင့်ကို အရင်က သတ်မှတ် ထားတဲ့ ၂၈ နာရီ အစား ၁၆ နာရီပဲ ခွင့်ပြု ပေးတာကြောင့် အထည်တွေ မပြီးတဲ့ ကိစ္စနဲ့ ပြည်ပ နိုင်ငံတွေထက် မြန်မာ နိုင်ငံမှာ အထွေထွေ ကုန်ကျ စရိတ် ပိုများတဲ့ ကိစ္စတို့ ဖြစ်လာ တယ်လို့ ဦးမြင့်စိုးက ထောက်ပြ ပါတယ်။

 နာမည်ပျက်စာရင်းထဲပါသူတွေ ပြည်တော်ပြန်နိုင်ပြီ

န၀တ၊ နယက ခေတ်က ထုတ်ပြန်ခဲ့တဲ့ နာမည်ပျက် စာရင်းတွေကို သမ္မတက ရှင်းနေတာလို့ ဆိုပါတယ်။

နဝတ၊ နယက ခေတ်က နာမည်ပျက်စာရင်း ထည့်သွင်းခြင်း ခံရတဲ့သူတွေကို သမ္မတ ဦးသိန်းစိန်ရဲ့ လမ်းညွှန်မှုနဲ့ နာမည်ပျက်စာရင်းထဲကနေ ပယ်ဖျက်ပေးလိုက်ပြီးနောက် ဒီကနေ့မှာတော့ သမ္မတရုံး ဝက်ဘ်ဆိုက်ကနေ တရားဝင် ထုတ်ပြန် ကြေညာခဲ့ပါတယ်။

ခေတ်အဆက်ဆက်က နာမည်ပျက်စာရင်းထဲ ထည့်ခဲ့တာပဲ ရှိတယ်၊ ပြန်ပြီး ပယ်ဖျက်တာ မရှိခဲ့ဘူး။ အခုတော့ သမ္မတကလည်း ပြည်ပရောက်နေတဲ့ မြန်မာတွေကို ပြည်တော်ပြန်ဖို့ ခေါ်ထားခဲ့တာမို့ တချို့လည်း ပြန်လာကြလို့ ပြည်တွင်းမှာ ရှိနေတာတောင် နာမည်ပျက်စာရင်းထဲ ပါနေဆဲ ဖြစ်တာမို့ မသင့်မတော် ဖြစ်နေလို့ အခုလို စာရင်းကနေ ပယ်ဖျက်တာပါလို့ သမ္မတရုံး ညွှန်ကြားရေးမှူး ဦးဇော်ဌေးက ဘီဘီစီကို ပြောပါတယ်။

အခု ထုတ်ပြန်လိုက်တဲ့ စာရင်းထဲမှာ စုစုပေါင်း ၂၀၈၂ ဦးရဲ့ အမည်တွေ ပါဝင်ပါတယ်။ သံတမန်တွေ၊ သတင်းစာဆရာတွေလည်း ပါဝင်သလို ခေတ်စနစ်နဲ့အညီ ဆက်လက် ထုတ်ပြန်သွားဖို့လည်း ရှိတယ်လို့ သိရပါတယ်။

စာရင်းထဲ မပါသူတွေကလည်း စောင့်ကြည့်စာရင်းထဲ ရှိနေမှာဖြစ်ပြီး၊ နာမည်ပျက် စာရင်းကနေ ပယ်ဖျက်လိုက်တဲ့ စာရင်းထဲ ကိုယ့်နာမည် မပါသေးဘူး ဆိုပါရင်လည်း သမ္မတရုံးကို ဆက်သွယ် ပြောလာမယ်ဆိုရင် အကြောင်းချင်းရာလိုက်ပြီး ဆက်လက် ပယ်ဖျက် ပေးသွားမှာ ဖြစ်တယ်လို့လည်း ဦးဇော်ဌေးက ဆိုပါတယ်။

သမ္မတက မြန်မာ့နိုင်ငံရေး ပြောင်းလဲမှု ဖြစ်စဉ်မှာ အားလုံးပါဝင်ဖို့ကို အတိအလင်း ပြောထားပြီး ဖြစ်သလို ပြည်ပရောက်နေတဲ့ အတိုက်အခံ နိုင်ငံရေး အင်အားစုတွေကလည်း ပြောင်းလဲနေတဲ့ ခေတ်စနစ်နဲ့ အညီ ပြည်တော်ပြန် ဝင်ရောက်နေကြပါတယ်။

အထူးအားဖြင့်ဆို ၈၈ မျိုးဆက် ကျောင်းသားတွေထဲက တချို့လည်း ပညာရှင်တွေ အနေနဲ့ ပြန်ဝင်ရောက်ကြသလို၊ တချို့လည်း အစိုးရ မဟုတ်တဲ့ အဖွဲ့အစည်းတွေ အနေနဲ့ ပြန်ဝင်ရောက် လာကြတယ်လို့ ဦးဇော်ဌေးက ပြောပါတယ်။

မြန်မာ့နိုင်ငံရေး ပြောင်းလဲမှု ဖြစ်စဉ်မှာ ၈၈ မျိုးဆက် ကျောင်းသားတွေ ပါမှ ရမယ်ဆိုတာ သမ္မတကလည်း ပြောထားတာ ရှိတယ်၊ ဒါပေမဲ့ ပြန်လာတဲ့ သူတွေရဲ့ အနာဂတ် ဘယ်လိုရှိမယ် ဆိုတာကတော့ သူတို့ရဲ့ စိတ်ဝင်စားမှုပေါ် မူတည်နေပါတယ်လို့ သမ္မတရုံး ညွှန်ကြားရေးမှူးက သုံးသပ် ပြောကြားပါတယ်။

ရဘေးဒုက္ခသည်တွေ အကူအညီ အလွန်အမင်း လိုအပ်

ဧရာဝတီတိုင်းတွင်းက ရေလွှမ်းမိုးမူခံရတဲ့ မြို့နယ် တချို့က ကျေးရွာတွေမှာ ရေအနည်းငယ် ပြန်ကျသွားပြီဖြစ်ပေမယ့် ရေဘေးသင့်ဒေသတွေက ပြည်သူတွေ စားဝတ်နေရေး  အခက်အခဲတွေနဲ့ ကြုံတွေ့နေရပြီး အရေးပေါ် ရေဘေးကယ်ဆယ်ရေး အကူအညီတွေ လိုအပ်နေပါတယ်။  ရေကြီးမူကြောင့် လယ်မြေဧကပေါင်း သောင်းချီ နစ်မြုတ်ခဲ့တဲ့ အတွက် ဒေသခံလယ်သမားတွေ အခက်အခဲတွေနဲ့လည်း ကြုံတွေ့နေရပါတယ်။ ဧရာဝတီတိုင်းအတွင်းက ရေဘေးဒုက္ခသည်တွေ အခြေအနေနဲ့ ပတ်သတ်ပြီး နောက်ဆုံးအခြေအနေကို ဒေသခံပြည်သူတွေနဲ့ စေတနာ့ဝန်ထမ်းတွေကို ဆက်သွယ်မေးမြန်းထားတဲ့ မဆုမွန်က တင်ပြပေးပါမယ်။

အခုဆိုရင် ရေကြီးမူဒဏ်ကို ဆိုးဆိုးရွားရွားခံလိုက်ရတဲ့ ဧရာဝတီတိုင်း သာပေါင်းမြို့နယ်နဲ့  ပန်းတနော်မြို့နယ်က ကျေးရွာတချို့မှာ ရေအနည်းငယ် ပြန်ကျသွားပြီ လို့ ဆိုနိုင်ပေမယ့် ရေအမြင့်ပေကတော့ ခါးလည်လောက် ရှိနေတုန်းပဲလို့ ရေဘေးသင့်ဒေသတွေကို ကိုယ်တိုင် သွားရောက်ပြီး အကူအညီပေးခဲ့တဲ့ စေတနာ့ဝန်ထမ်း ဗိုလ်ကြီးဟောင်းနေမျိုးဇင်ကပြောပါတယ်။

“မနေ့က ကျနော်ရောက်တော့ စားသောက်ဖို့ အခက်အခဲ အရှိဆုံးပါပဲ။ တချို့က ဘာလုပ်ငန်း ကိုင်ငန်း ဘာဝင်ငွေမှ မရှိဘူး။ စုဆောင်းထားတာလည်း ဘာမှ မရှိဘူး။ သွားလာ ရှာဖွေစားသောက်ရမယ့် မြေပြင်ဆိုတာမရှိဘူး။ အဓိကက စားဖို့အခက်အခဲရှိတာပေါ့။ အခုတော့ လာလှူသမျလူတွေ ပေးတဲ့ဟာကို ဆန်ပြုတ်သောက်တန်သောက် ဆန်နည်းနည်းများရင် ကလေးတွေ ၀အောင်ကျွေး အဲ့လိုရှိနေတယ်။ အဓိက စားဝတ်နေရေး ကျနော်တို့တော်တော်လေး အကူအညီပေးမှ အသက်ဆက်နိုင်မှာပဲ။ ရေလုံးဝကျသွားပြီးတော့ စိုက်ပျိုး ပြန်ရှာစားနိုင်တဲ့အထိကို ကျနော်တို့ပေးနေမှ ရမှာပါ။ ဒါသာပေါင်းဒေသပါ။ ပန်းတနော်က သာပေါင်းထက်ပိုဆိုးနေတဲ့ အနေအထားရှိပါတယ်။ လုံးဝရေမကျသေးပါဘူး။ စိုက်ပျိုးမြေဧက နှစ်သောင်းလောက် ရေမြုတ်နေပြီးတော့ ရွာပေါင်းနှစ်ရာကျော်လောက် ရေအောက်မှာ ရှိနေပါသေးတယ်။”

 ရေဘေးဒဏ်သင့်တဲ့ ကျေးရွာကပြည်သူတွေဟာ ရေနစ်မြုတ်နေတဲ့ မိမိတို့နေအိမ်တွေမှာပဲ နေရပြီး အလှူရှင်တွေရဲ့ အကူအညီနဲ့ နေထိုင် စားသောက်နေရတဲ့အတွက် အခက်အခဲတွေနဲ့ကြုံနေရတယ် လို့လည်း ဒေသခံ ဆီဆုံကျေးရွာက ဒေါ်သိန်းရှင်က ပြောပါတယ်။

“ဟုတ်တယ် စားတာသောက်တာကျတော့ နည်းနည်းပါးပါး ရှာဖွေပြီးတော့ အဆင်ပြေအောင် လုပ်စားနိုင်တဲ့သူလည်း ဒီလိုပဲ ရှာဖွေပြီးတော့ နည်းနည်း စားရတာပေါ့။ လည်လည်ပယ်ပယ် မရှိတဲ့သူကျတော့လည်း မရှိသလောက်တော့ အခက်အခဲတော့ရှိသွားတာပေါ့။ သာပေါင်းမြို့နယ်မှာ ဆိုရင် မကြုံဖူးသလိုပေါ့။ အန်တီ့အသက်က ခြောက်ဆယ်ရှိပြီပေါ့။ အဲ့ဒီ့အထိ တစ်ခါမှ ဒီလိုရေကြီး နစ်မြုတ်တာနဲ့ မကြုံခဲ့ရသေးဘူး။ အခုကျတော့ အန်တီတို့လည်း တအားကြီး စိတ်ပူကြတာပေါ့။ တချို့အိမ်တွေဆို အန်တီတို့နောက်ဖက်က ရွာကကွင်းလယ်ခေါင်တို့ ဘာတို့မှာ ဆောက်ထားတဲ့ အိမ်ဆို အိမ်လိုက် အလုံးလိုက်ကြီး ပြုတ်သွားတာတို့ သစ်ပင်ပိသွားတာတို့ အဲ့တာတွေနဲ့ကြုံရတယ်ပေါ့။”

ဧရာဝတီတိုင်း ပန်းတနော်ဒေသတွင်းမှာတော့ စီးပွားရေးလုပ်ကွက်အင်းတွေ ပိတ်ထားတဲ့ အတွက် ကျေးရွာတွေဘက်မှာ ရေကျမူမရှိသေးလို့ ဒေသခံတွေ အခက်အခဲတွေနဲ့ ကြုံနေရတယ်လို့ ကိုနေမျိုးဇင်က ပြောပါတယ်။

“ လက်ရှိရေကြီးနေတဲ့ဥစ္စာက သဘာဝဘေးကြောင့်ဆိုတာ လက်ခံခဲ့တယ်။ ဒါပေမယ့် သဘာဝဘေးကြောင့်က သူ့အလိုအလျောက်ထွက်သွားအောင် စီစဉ်ပေးထားတယ်ဆိုရင် ကျသွားမှာလေ။ အခုက အဲ့လိုမဟုတ်ပဲနဲ့ ကျနော်သိရသလောက်ပေါ့ အင်းတွေက မတရား လယ်မြေတွေသိမ်းပြီး အင်းတွေ တည်ဆောက်ထားပြီး ငါးမွေးကန်တွေလုပ်ပြီး သူတို့ရဲ့ ပိတ်ဆို့ထားတဲ့ အတွက်ကြောင့် ပန်းတနော်ဒေသမှာ တင်နေတဲ့ ဧကနှစ်သောင်း တင်နေတဲ့ရေက မကျသေးတာလို့ဆိုပါတယ်။”

နစ်မြုတ်သွားတဲ့ကျေးရွာတွေက စာသင်ကျောင်း အချို့ပြန်ဖွင့်လှစ်ပေမယ့် မြစ်ရေ တက်နေဆဲဖြစ်လို့ ကျောင်းတော်တော်များများတော့ ဆက်ပိတ် ထားရဆဲ ဖြစ်ပါတယ်။ ရေဘေးသင့်ပြည်သူအချို့ဟာ ရေဘေးဒုက္ခသည်စခန်းတွေဖွင့်ထားတဲ့ ဘုန်းကြီးကျောင်း စာသင်ကျောင်းတွေမှာ နေထိုင်နေရဆဲဖြစ်သလို အများစုကတော့ မိမိတို့ရဲ့ ရေ၀ိုင်းနေတဲ့ နေအိမ်တွေမှာပဲ နေထိုင်နေကြရပါတယ်။ အချို့အိမ်လုံးမြုတ်သွားတဲ့ ရေဘေးဒုက္ခသည်တချို့ကတော့ ရေဘေးလွတ်ကင်းရာ နေရာတွေမှာ ယာယီကာလဖျင်းတဲလေးတွေ ထိုးပြီး နေထိုင်နေရပါတယ်။

အခုလိုမျိုး  ဧရာဝတီတိုင်းအတွင်း အဆိုးဝါးဆုံး ရေလွှမ်းမိုးမူဖြစ်ခဲ့တဲ့အတွက်ကြောင့် ဒေသခံပြည်သူ တစ်သိန်းခွဲကျော်လောက် ရေဘေးသင့်ခဲ့ပြီး ဧရာဝတီတိုင်းတွင်း လယ်စိုက်ဧက သောင်းနဲ့ချီပြီးတော့ နှစ်မြုတ်သွားခဲ့ပါတယ်။ လယ်ယာမြေတွေ အကုန်လုံးနီးပါး ရေနစ်မြုတ်ပြီး စပါးတွေ ဆုံးရူံးခဲ့ရတဲ့ အတွက် ဒေသခံလယ်သမားတွေအတွက် အလုပ်အကိုင်ပြန်လည်ထူထောင်နိုင်ဖို့ဆိုတာ အခက်အခဲတွေ အများကြီးနဲ့ ရင်ဆိုင်ရဦးမှာ ဖြစ်တယ်လို့ ဧရာဝတီတိုင်း သာပေါင်းမြို့နယ်က ဒေသခံဖြစ်တဲ့ ဒေါ်သိန်းရှင်က ဆိုပါတယ်။

ရေဘေးဒုက္ခသည်တွေအနေနဲ့ စားဝတ်နေရေး အခက်အခဲဖြစ်နေသလို ကျမ်းမာရေး လူမူရေး စောင့်ရှောက်မူတွေ လိုအပ်နေပါတယ်။ ဒီလိုပဲရေနှစ်မြုတ်ပျက်ဆီးဆုံးရူံးခဲ့ရတဲ့ လယ်မြေတွေ ပြန်ပြီး အစားထိုး စိုက်ပျိုးနေဖို့ သက်ဆိုင်ရာ တာဝန်ရှိသူတွေရဲ့ အကူအညီအထောက်အပံ့က အရေးတကြီး လိုအပ်နေတယ် လို့လည်း ရေဘေးသင့်ခဲ့ရတဲ့ ပြည်သူတွေနဲ့ ဒေသခံလယ်သမားတွေက ပြောပါတယ်။

နိုင်ငံတ၀ှမ်း မြစ်ရေတွေစိုးရိမ်ရေမှတ် ကျော်လွန်မြင့်တက်ပြီး ရေလွှမ်းမိုးမူတွေ ရေကြီးမူတွေဖြစ်ခဲ့တဲ့အထဲ ပဲခူးတိုင်းနဲ့ မွန်ပြည်နယ် ကရင်ပြည်နယ် တွေမှာ ဆိုးဆိုးရွားရွား ရေဘေးဒုက္ခသင့်ခဲ့ရတာဖြစ်ပါတယ်။

သမ္မတလောင်း Romney ညီလာခံမိန့်ခွန်း ပြောမည်

ရီပတ်ဘလစ်ကင် ပါတီက သမ္မတလောင်း ရွေးချယ်တာခံရတဲ့  Mitt Romney က  သူ့ကို ဘာ့ကြောင့် သမ္မတလောင်းအဖြစ်  ရွေးသင့်တယ် ဆိုတာကို  ရီပါဘလစ်ကင် ပါတီညီလာခံကြီးမှာ  ဒီကနေ့ ကြာသပတေးနေ့ မှာ ပြောကြားဖို့ ရှိပါတယ်။ ဖလော်ရီဒါပြည်နယ် Tampa မြို့မှာ ကျင်းပနေတဲ့  ရီပတ်ဘလစ်ကင် ပါတီညီလာခံမှာ ပါတီထဲက သြဇာရှိသူတွေက  မစ္စတာ ရော်မနီဟာ သမ္မတ ဖြစ်ခဲ့ရင် လက်ရှိသမ္မတ ဘားရက်အိုဘားမား ထက် ပိုပြီး အမေရိကန် နိုင်ငံ အတွက် ဆောင်ရွက်နိုင်မယ် ဆိုတာတွေကို ပြောကြားခဲ့ကြပါတယ်။   ဒီကနေ့ ဆက်ကျင်းပနေတဲ့ ညီလာခံမှာ ပြောကြားမယ့် ရီပတ်ဘလစ်ကင် သမ္မတလောင်း  Mitt Romney ရဲ့ မိန့်ခွန်းကို ရုပ်သံတွေမှာ တိုက်ရိုက်ထုတ်လွှင့် တဲ့အခါမှာ သန်းနဲ့ချီတဲ့ ပြည်သူတွေ စောင့်ကြည့်ကြမှာဖြစ်ပါတယ်။ 

ဗုဒ္ဓဟူးနေ့ ညဘက်က မိန့်ခွန်းပြောကြားခဲ့တဲ့   အမေရိကန် ဒုသမ္မတလောင်း  Paul Ryan က တကယ်လို့ နိုဝင်ဘာလ ရွေးကောက်ပွဲမှာ  မစ္စတာရော်မနီကိုသာ ရွေးချယ်ကြရင်  လက်ရှိအစိုးရရဲ့  အကြောင်းပြချက် အမျိုးမျိုးနဲ့ ငြီးငွေ့အောင် ပြောနေတဲ့ ပြောကြားချက်တွေကို ဆက်ပြီး ကြားရတော့မှာ မဟုတ်ဖူးလို့  လက်ရှိ အိုဘားမားအစိုးရကို ပြင်းပြင်းထန်ထန် ဝေဖန်ခဲ့ပါတယ်။အခု အမေရိကန်နိုင်ငံမှာ  အင်မတန်ကြီးမား တဲ့ စီးပွါးရေး ပြဿနာတွေ နဲ့ ရင်ဆိုင်နေရတာမို့  မစ္စတာရော်မနီအနေနဲ့   တကယ့်စိန်ခေါ်မှု မျိုးစုံကို ပုံစံအမျိုးမျိုးနဲ့   ရင်ဆိုင်ရဖို့ ရှိတယ်လို့လည်း ပြောကြားခဲ့ပါတယ်။

Nuclear ဗုံး ထုတ်မှာ မဟုတ်လို့ အီရန် ဘာသာရေး ခေါင်းဆောင်ပြော

အီရန်နိုင်ငံဟာ နျူကလီးယားဗုံးပြုလုပ်ဖို့ ဘယ်တုံးကမှ ကြိုးပမ်းခဲ့ခြင်းမရှိသလို လူပြောများစရာဖြစ်နေတဲ့ နျူကလီးယား စွမ်းအင် ထုတ်လုပ်ရေး ကျိုးပမ်းနေတဲ့ အစီအစဉ် ကိုလည်း စွန့်လွှတ်မှာ မဟုတ်ဖူးလို့ အီရန်နိုင်ငံရဲ့ ဥသျှာင် ခေါင်းဆောင်ကြီးက ပြောဆိုလိုက်ပါတယ်။

အီရန်နိုင်ငံရဲ့ နျူကလီးယား စွမ်းအင် ငြိမ်းချမ်းစွာ အသုံးပြုရေးအတွက် လုပ်ဆောင်ခွင့်ရှိတဲ့ အခွင့်အရေးကို အလျှော့ ပေးမှာ မဟုတ်ဖူးလို့ ကြာသာပတေးနေ့က ဘက်မလိုက် ထိပ်သီး ညီလာခံမှာ အီရန်နိုင်ငံရဲ့ ခေါင်းဆောင်ကြီး  Ayatollah Ali Khamenei ကပြောဆိုလိုက်တာပါ။

အီရန်ခေါင်းဆောင်ရဲ့ ပြောစကားဟာ ကုလသမဂ္ဂ လုံခြုံရေးကောင်စီကိုလည်း ရည်ရွယ်ပြီးတော့ ပြောလိုက်တာပါ။ သူက အမေရိကန်နိုင်ငံက နိုင်ထက်စီးနင်း လုပ်လွန်းတယ်လို့ ပြောပါတယ်။

အဲဒီ့ညီလာခံကို တက်ရောက်နေတဲ့ ကုလသမဂ္ဂ အထွေထွေအတွင်းရေးမှုးချုပ် မစ္စတာ ဘန်ကီမွန်း ကတော့ အီရန်အနေနဲ့ ကုလသမဂ္ဂရဲ့ ဆုံးဖြတ်ချက်ကို လိုက်နာဖို့နဲ့ နျူကလီးယားထုတ်လုပ်ဖို့ ကြိုးပမ်းနေမှုကို စွန့်လွှတ်ဖို့ တိုက်တွန်း လိုက်ပါတယ်။

လွှတ်တော်နှင့် အခြေခံဥပဒေခုံရုံး အငြင်းပွားမှု စုံစမ်းစစ်ဆေးမည်

မြတ်ကျော်သူ | ဗုဒ္ဓဟူးနေ့၊ သြဂုတ်လ ၂၉ ရက် ၂၀၁၂ ခုနှစ် ၂၀ နာရီ ၂၁ မိနစ်

ရန်ကုန် (မဇ္ဈိမ)။            ။ ဖွဲ့စည်းပုံ အခြေခံဥပဒေဆိုင်ရာ ခုံရုံးနှင့် လွှတ်တော်နှစ်ရပ်အကြား ငြင်းခုန်နေသည့် လွှတ်တော်ရေးရာအဖွဲ့များ အဆင့်သတ်မှတ်မှုနှင့်ပတ်သက်၍ စုံစမ်းစစ်ဆေးရေးအဖွဲ့တခုကို ဗုဒ္ဓဟူးနေ့တွင်အောက်လွှတ်တော်က ဖွဲ့စည်းလိုက်သည်။

“ကျနော်တို့ အဓိက လုပ်ရမယ့် တာဝန်ကတော့ အခုဖြစ်နေတဲ့ ပြဿနာတွေရဲ့ အဖြစ်မှန်ကို ဖော်ထုတ်ရမှာပါပဲ” ဟု စုံစမ်းစစ်ဆေးရေး အဖွဲ့ဝင်တဦးဖြစ်သော အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော်အမတ် ဦးဝင်းထိန် က မဇ္ဈိမကို ပြောသည်။

အထက်လွှတ်တော် အမတ် ၁၆၃ ဦးကလည်း စုံစမ်းစစ်ဆေးရေးအဖွဲ့ ဖွဲ့စည်းခြင်းကို ထောက်ခံအတည်ပြုကြောင်း ဗုဒ္ဓဟူးနေ့တွင် အောက်လွှတ်တော် ဥက္ကဋ္ဌသို့ သဝဏ်လွှာ ပေးပို့ခဲ့သည်။

စက်တင်္ဘာလ ပထမ သီတင်းပတ်အတွင်း စုံစမ်းစစ်ဆေးမှုများ စတင်လုပ်ဆောင်မည် ဖြစ်သော်လည်းဆောင်ရွက်မည့်ကိစ္စများနှင့် ပတ်သက်၍ အသေးစိတ် ဆွေးနွေးမှု မပြုရသေးကြောင်း ဦးဝင်းထိန် က ပြောသည်။

စုံစမ်းရေးအဖွဲ့တွင် အောက်လွှတ်တော် ဒု-ဥက္ကဋ္ဌ ဦးနန္ဒကျော်စွာ က ဥက္ကဋ္ဌအဖြစ် ဆောင်ရွက်မည်ဖြစ်ပြီး ဦးဝင်းထိန်၊ ဦးဝင်းမြင့်၊ ဦးတီခွန်မြတ်၊ သူရဦးအောင်ကို၊ ဒေါက်တာစိုးရင်၊ ဦးသောင်း၊ ဒေါ်ဒွဲဘူ၊ ဦးမောင်မောင်ဦး၊ ဒေါ်နန်းဝါနု၊ ဦးဘရှိန်၊ ဒေါ်မိမြင့်သန်း၊ ဒေါ်တင်နွယ်ဦး၊ ဒေါ်နန်းစေးအွာ နှင့် ဦးစိုးဝင်းတို့က အဖွဲ့ဝင်များအဖြစ် ပါဝင်သည်။

ဗုဒ္ဓဟူးနေ့က အထက်လွှတ်တော်တွင် အခြေခံဥပဒေခုံရုံးအပေါ် စွပ်စွဲပြစ်တင်သော ဆွေးနွေးပွဲ ပြုလုပ်ရာ အခြေခံဥပဒေခုံရုံး ဥက္ကဋ္ဌ ဦးသိန်းစိုးလည်း ပါဝင် ဆွေးနွေးခဲ့သည်။

ခုံရုံး ဥက္ကဋ္ဌနှင့် အဖွဲ့ဝင်များသည် အခြေခံဥပဒေ ပြဋ္ဌာန်းချက်ကို ဖောက်ဖျက်ကျူးလွန်ပြီး တာဝန်ကျေပွန်အောင် ထမ်းဆောင်ခြင်းမရှိကြောင်း အဆိုကို အာဏာရ ကြံ့ခို်င်ရေးပါတီမှ အထက်လွှတ်တော်အမတ် ဦးဇော်မြင့် က တင်သွင်းခဲ့ခြင်းဖြစ်သည်။

ဦးသိန်းစိုးက ယခုကဲ့သို့ လွှတ်တော်များ၏ လုပ်ဆောင်ချက်များနှင့် ပတ်သက်၍ “ဥပဒေပြုရေးကဏ္ဍက တရားစီရင်ရေးကို လွှမ်းမိုးစွက်ဖက်ခြင်း ဖြစ်ကြောင်း” ထည့်သွင်း ပြောကြားသွားသည်။ အခြေခံဥပဒေခုံရုံးကို အပြစ်တင်နေခြင်းဖြင့် အခြေခံဥပဒေကို “တန်ဖိုးမဲ့အောင်” ဆောင်ရွက်နေခြင်းဖြစ်ကြောင်းလည်း ပြန်လည်ပြစ်တင်သွားသည်။

အခြေခံဥပဒေခုံရုံး၏ ဆုံးဖြတ်ချက်ကို လွှတ်တော်များက မလိုက်နာသည့်အတွက် အခြေခံဥပဒေကို ချိုးဖောက်နေခြင်းဖြစ်သည်ဟု စွပ်စွဲကာ ပြည်ထောင်စု တရားလွှတ်တော်ထံ စာချွန်တော် လျှောက်တင်ထားကြောင်း ခုံရုံး၏ အင်တာနက် ဝဘ်ဆိုက်တွင် ထုတ်ပြန်သည်။

ထားဝယ် စီမံကိန်းအတွက် ကလုံးထာ ကျေးရွာ ပြောင်းဖို့ ငြင်းဆန်

ကြည်ပြာ | ကြာသပတေးနေ့၊ သြဂုတ်လ ၃၀ ရက် ၂၀၁၂ ခုနှစ် ၁၈ နာရီ ၂၃ မိနစ်

ရန်ကုန် (မဇ္ဈိမ) ။       ။ ရေကာတာ တည်ဆောက်ရန် အတွက် အိမ်ထောင်စု ၁၈ဝ ကျော်ရှိ ရွာတရွာကို ရွှေ့ပြောင်းပေးရန် ထားဝယ် ဖွံ့ဖြိုးမှု စီမံကိန်း ဆောင်ရွက်နေသည့် အီတာလျံ-ထိုင်းကုမ္ပဏီ ITD က ညှိနှိုင်းနေသော်လည်း ရွာသားများက ပြောင်းရွှေ့ရန် ငြင်းဆန်နေကြသည်။

ထားဝယ်ခရိုင်၊ ရေဖြူမြို့နယ်အတွင်းရှိ စိုက်ပျိုးရေးလုပ်ငန်းဖြင့် အဓိက အသက်မွေး ဝမ်းကျောင်း ပြုရာ ကလုံးထာကျေးရွာတွင် စိုက်ပျိုးမြေဧက တသောင်းကျော် ရှိသည်ဟု ဒေသခံများက ပြောသည်။

ဇူလိုင်လ ၁၆ ရက်နေ့က ကလုံးထာရွာသို့ ITD ကုမ္ပဏီ ကိုယ်စားလှယ် ရောက်လာပြီး ပြောင်းရွှေ့စေလိုကြောင်းပြောဆိုခဲ့သည်ဟု ကျေးရွာရှိ ဓမ္မရက္ခိတာ ကျောင်းတိုက် ဆရာတော် ဦးပညာဝံသ က မိန့်သည်။

“ရွာသားတွေရဲ့ဆန္ဒက လျော်ကြေးပေးလည်း ဘိုးစဉ်ဘောင်ဆက် နေလာတဲ့ ဒီရွာက မပြောင်းချင်ကြဘူး။ စီမံကိန်း ဧရိယာမှာ နဘုလယ်ဒေသ ပါတယ်။ ဘုန်းဘုန်းတို့ရွာ မပါဘူး။ ဒါကြောင့် ပြောင်းဖို့ လက်မခံနိုင်ဘူး” ဟု မိန့်ကြား သည်။

လက်ရှိရွာ၏ အရှေ့တောင်ဘက် သုံးမိုင်ခန့် အကွာသို့  ပြောင်းရွေ့နေရာချထားပေးပြီး လျှော်ကြေးများပေးသွာမည်ဟု ITD က ညှိနှိုင်းလာခြင်း ဖြစ်သည်။

စီမံကိန်းဧရိယာအတွင်း မပါသည့်အတွက် ကျေးရွာမှ ဖယ်ရှားမပေးနိုင်ကြောင်းကို သြဂုတ်လ ၂၁ ရက်နေ့က စုပေါင်း လက်မှတ်ရေးထိုးပြီး သမ္မတ ဆီသို့ ပို့လိုက်ကြောင်း သိရသည်။

“တကယ်လို့ မဖြစ်မနေ ပြောင်းရမယ်ဆိုရင်တော့ လူတိုင်းမှာ အခွင့်အရေးဆိုတာ ရှိတယ်။ လူအခွင့်အရေးတွေကိုပြောပြမယ်။ ကျနော်တို့ လုံးဝ မပြောင်းနိုင်ဘူးလို့ ပြောမယ်။ သက်ဆိုင်ရာ အဖွဲ့အစည်းတွေကိုလည်း ပြောမယ်” လို့ ကလုံးထာ ကျေးရွာတွင်နေထိုင်သည့် အသက် ၅၂ နှစ်အရွယ်ရှိ   ဦးကြီးမြင့် က ဆိုသည်။

ထားဝယ်ဒေသ ဖွံ့ဖြိုးတိုးတက်ရေးအဖွဲ့မှ တာဝန်ခံ ညှိနှိုင်းရေးမှူး ကိုသန့်ဇင် ကလည်း “စီမံကိန်းဧရိယာထဲမှာ မပါဘဲနဲ့ရေကာတာ လာဆောက်မယ်ဆိုရင်တော့ ဒေသခံတွေရဲ့ သဘောတူညီချက်က အရေးကြီးပါတယ်။ ဒေသခံတွေက အခု လုံးဝ သဘောမတူဘူး။ ညှိနှိုင်းဖို့ လိုကို လိုအပ်နေပါတယ်” ဟု ဆိုသည်။

ထားဝယ် ရေနက်ဆိပ်ကမ်း စီမံကိန်းမှာ တနင်္သာရီတိုင်း သာဂရမြို့ဟောင်းအနီးတွင် တည်ရှိပြီး ထားဝယ်မြို့ အနောက်မြောက်ဘက် မိုင် ၂ဝ ခန့်အကွာရှိ ရေဖြူမြို့နယ် နဘုလယ် ကျေးရွာအနီးတွင် ရှိသည်။

၂ဝဝ၈ ခုနှစ်တွင် မြန်မာအစိုးရက ထိုင်းနိုင်ငံ Italian-Thai Development Public Co.,Ltd  နှင့် နားလည်မှု စာချွန်လွှာ လက်မှတ်ရေးထိုးခဲ့ကာ ၂ဝ၁ဝ ပြည့်နှစ်တွင် ၇၅ နှစ် လုပ်ငန်း လုပ်ဆောင်ခွင့် သဘောတူစာချုပ် ချုပ်ဆိုခဲ့သည်။

သိမ်းထားသော ဟူးကောင်းချိုင့်ဝှမ်း လယ်များ ယုဇနက ပြန်ပေးမည်ဟုဆို

ကျော်ဖုန်းကျော်၊ အောင်မြတ်ထွန်း | ကြာသပတေးနေ့၊ သြဂုတ်လ ၃၀ ရက် ၂၀၁၂ ခုနှစ် ၁၈ နာရီ ၄၅ မိနစ်

ရန်ကုန် (မဇ္ဈိမ) ။         ။ ကချင်ပြည်နယ်၊ ဟူးကောင်းချိုင့်ဝှမ်းဒေသမှ ယုဇန ကုမ္ပဏီက သိမ်းယူထားသော မြေများ ထဲမှ လယ်ဧက တထောင်ကျော်ကို မူလပိုင်ရှင် တောင်သူများထံ ပြန်လည်ပေးအပ်သွားမည်ဟု ကုမ္ပဏီပိုင်ရှင် ဦးဌေးမြင့်က ကတိပြုလိုက်ကြောင်း တောင်သူများကိုယ်စား ဗုဒ္ဓဟူးနေ့က သွားရောက် ညှိနှိုင်းခဲ့သည့် ဒေါ်ဘောက်ဂျာ က မဇ္ဈိမကို ပြောသည်။

လွန်ခဲ့သော ခြောက်နှစ်က ပီလောပီနံနှင့် ကြံ စိုက်ပျိုးရန်တွက်ဟုဆိုကာ ယုဇန ကုမ္ပဏီက သိမ်းယူခဲ့သည့် ဧကနှစ်သိန်းကျော် အနက်မှ ဖားကန့်မြို့နယ်အတွင်းရှိ လယ်ယာမြေများကို ပြန်ပေးမည်ဟု ဦးဌေးမြင့်က ကတိပြုလိုက်ခြင်းဖြစ်သည်။

“သိမ်းဆည်းထားတဲ့ လယ်မြေတွေကိုလည်း ပြန်ပေးမယ်။ မစိုက်ပျိုးခဲ့ရတဲ့ အချိန်တွေအတွက် နစ်နာမှုကိုလည်း ညှိနှိုင်းပေးမယ်လို့ ဦးဌေးမြင့်က ပြောတယ်” ဟု အမျိုးသားဒီမိုကရေစီအင်အားစု NDF ပါတီမှ ဒေါ်ဘောက်ဂျာ က ဆိုသည်။

ကချင်ပြည်နယ်၊ ဟူးကောင်းချိုင့်ဝှမ်းဒေသရှိ လယ်မြေများအား ယုဇန ကုမ္ပဏီမှ သိမ်းယူထားခြင်းအတွက် ဆန္ဒပြရန် ရောက်ရှိလာသောလယ်သမားများအား ဗဟန်းမြို့နယ်၊ ရွှေဂုံတိုင်လမ်းပေါ်ရှိ ယုဇနဟိုတယ်ရှေ့တွင် သြဂုတ်လ ၃၀ ရက်နေ့က တွေ့ရစဉ်။ (ဓာတ်ပုံ - ဟိန်းထက်၊ မဇ္ဈိမ)

ကြာသပတေးနေ့က လယ်သိမ်းခံရသည့် ကချင်တောင်သူအချို့သည် လယ်ယာမြေများ ပြန်လည် ရရှိရေးအတွက် ရန်ကုန်မြို့၊ ဗဟန်းမြို့နယ်၊ အနောက် ရွှေဂုံတိုင်လမ်းပေါ်ရှိ ယုဇန ဟိုတယ်ရှေ့တွင် ဆန္ဒပြရန် စုရုံးခဲ့ကြသော်လည်း လယ်ယာမြေများ ပြန်လည်ရရှိမည်ဆိုသည့် ဒေါ်ဘောက်ဂျာထံမှ သတင်း စကားကြောင့် ဆန္ဒပြပွဲကို ဆိုင်းငံ့ခဲ့သည်။

NDF ပါတီမှ ရန်ကုန်တိုင်း အတွင်းရေးမှုး ဦးထက်အောင်ကျော် ၏ အဆိုအရ လယ်ယာမြေများကို ပြန်ပေးမည့်အပြင် မှတ်ပုံတင် မရှိသော မြေများအတွက် လယ်ယာမြေ မှတ်ပုံတင်ရရှိသည်အထိ တောင်သူများကို ဦးဌေးမြင့်ကဆောင်ရွက်ပေးမည်ဟုလည်း သိရသည်။

ယုဇနကုမ္ပဏီက သိမ်းယူထားသည့်အတွက် ဝါရာဇွပ်၊ နမ်ဆိုင်၊ ဘန်ကောက်၊ လဂျာပါ၊ အာန်ရာယန်၊ ရှဒူးဇွတ်ကျေးရွာများမှ လယ်ယာစိုက်ပျိုးခွင့် မရခဲ့သည့် ကာလအတွက် ပေးမည်ဆိုသည့် လျော်ကြေးကိုမူ နှစ်ဘက်ညှိနှိုင်းမှု လုပ်နေဆဲ ဖြစ်သည်ဟု ဦးထက်အောင်ကျော် က မီဒီယာများကို ပြောကြားခဲ့သည်။

ဝါရာဇွပ်ရွာမှ လယ်ယာအသိမ်းခံရသည့် တောင်သူတဦးဖြစ်သူ ဦးဇော်ဆိုင်း က ၎င်းပိုင် ယာမြေပေါ်ရှိ သီးပင်စားပင် များကို ယုဇနကုမ္ပဏီက မြေညှိစက်များဖြင့် ထိုးကော် ဖျက်ဆီးလိုက်သည်မှာ လေးနှစ်ခန့်ရှိပြီဖြစ် သဖြင့် ၎င်းအနေဖြင့် လယ်ယာကို ပြန်လည် ရရှိလျှင်ပင် ထိုမြေသည် နောင် ရှစ်နှစ်ခန့်ကြာမှ အသိမ်းမခံရမီ အခြေအနေအတိုင်း ပြန်လည်ရောက်ရှိနိုင်မည် ဖြစ်သည်ဟု ဆိုသည်။

မြန်မာနိုင်ငံ တဝှမ်းတွင်လည်း တောင်သူများထံမှ လယ်ယာမြေများကို ကုမ္ပဏီများနှင့် စစ်တပ်မှ သိမ်းယူမှုများဖြစ်ပွားလျက်ရှိကာ တောင်သူများက ပြန်လည်ရလိုမှု ဆန္ဒပြပွဲများ ဆင်နွှဲလျက်ရှိသည်။

ထင်ရှားသေူ သူဌေးကြီးတဦးဖြစ်သူ ဦးတေဇ ပိုင်ဆိုင်သည့် ဧရာရွှေဝါ ကုမ္ပဏီမှ သိမ်းယူထားသော လယ်ယာမြေ ဧက လေးသောင်းကျော်ကို တောင်သူများထံ ပြန်ပေးနိုင်ရန်အတွက် လွန်ခဲ့သော သီတင်းပတ်နှစ်ပတ်ခန့်က အစိုးရ ထံ ပြန်လည် အပ်နှံခဲ့ရသည်။