30.08.2012 နေ့ဖတ်ရန်သတင်းများ

by Myanmar Journal on Wednesday, August 29, 2012 at 6:45pm ·

နိုင်ငံရေးအမှုလိုက် ရှေ့နေကို ထောင် ၆ လ ချ

မြန်မာနိုင်ငံက တရားစီရင်ရေးအပေါ် ထောင်ပြဝေဖန်မှုများ ဆက်ရှိနေ

ရန်ကုန်မြောက်ပိုင်းခရိုင် တရားရုံး ကနေ နိုင်ငံရေး အကျဉ်သားတွေ အတွက် ရှေ့နေလိုက်ပေးဖူးတဲ့ ရှေ့နေတစ်ဦးဖြစ်သူ ဦးစောစောကျော်မင်းကို တရားရုံး အနှောက်အယှက်ပြုမှုနဲ့ ဗုဒ္ဓဟူးနေ့က ထောင်ဒဏ် ၆ လ ချမှတ်လိုက်ပါတယ်။

၂၀၀၈ တုန်းက ဦးစောကျော်ကျော်မင်းနဲ့ ဦးညီညီထွေးတို့ ရှေ့နေ နှစ်ဦးဟာ နိုင်ငံရေး အကျဉ်းသား ၁၁ ဦးရဲ့ အမှုကို လိုက်နေစဉ် တရားရုံး နှောင့်ယှက်မှုနဲ့ ထောင်ချခံခဲ့ကြရမှာ ဦးညီညီထွေးက ထောင်ကျခံခဲ့ပြီး ဦးစောကျော်ကျော်မင်းကတော့ ထိုင်းနိုင်ငံဘက်ကို တိမ်းရှောင်ခဲ့ပါတယ်။

ဦးစောကျော်ကျော်မင်းဟာ မေလတုန်းက မြန်မာပြည် ပြန်လာရာမှာ အရင်အမှုနဲ့ ထပ်တရားစွဲခံရပြီး အခုလို ပြစ်ဒဏ်ချမှတ် ခံရတာ ဖြစ်ပါတယ်။

၂၀၀၈ တုန်းက နိုင်ငံရေး အကျဉ်းသား သုံးဦးက တရားမျှတမှု မရှိတဲ့ တရားစီရင်ရေးကို အသိအမှတ်မပြု နိုင်ကြောင်း ပြောခဲ့တဲ့အခါ ရှေ့နေ နှစ်ဦးကို သူတို့အမှုသည်တွေကို ထိန်းသိမ်းဖို့ တရားသူကြီးက ပြောရာမှာ ရှေနေ နှစ်ဦးက သူတို့ ပြောပိုင်ခွင့် မရှိဘူးလို့ တုံ့ပြန်ခဲ့ပါတယ်။ နောက်ပြီး တရားခွင်အတွင်း ရဲဝန်ထမ်းတစ်ဦး ဖုန်းပြောနေတာကို ရှေ့နေတွေက ထောက်ပြခဲ့တဲ့အပေါ်လည်း ရှေ့နေတွေက တရားရုံး အနှောက်အယှက်ပြုတယ်ဆိုပြီး တရားစွဲခံရတာ ဖြစ်ကြောင်း ဦးညီညီထွေးက ဘီဘီစီကို ရှင်းပြပါတယ်။

ကိုစောကျော်ကျော်မင်း အမှုနဲ့ပတ်သက်ပြီး သူ့ကို ပြစ်ဒဏ် ချမှတ်လိုက်တဲ့ ဥပဒေရဲ့ အဓိပ္ပာယ်ဖွင့်ဆိုချက်တွေနဲ့ မကိုက်ညီဘူးဆိုပြီး အယူခံဝင်မယ်လို့လည်း သူ့ရဲ့ရှေ့နေတစ်ဦးဖြစ်တဲ့ ဦး အောင်သူရိန်ထွန်းက ပြောပါတယ်။

 နိုင်ငံခြား ရင်နှီးမြှုပ်နှံမှု ဥပဒေ လွှတ်တော် နှစ်ရပ် အတည်ပြု

ရင်းနှီးမြှုပ်နှံ သူတွေကို ဆွဲဆောင် နိုင်လိမ့်မယ်လို့ ဥပဒေ ပြုသူ တွေက မျှော်လင့်

နိုင်ငံခြား ရင်းနှီး မြှုပ်နှံမှု ဥပဒေ မူကြမ်း ကို ပြည်သူ့ လွှတ်တော် ကရော၊ အမျိုးသား လွှတ်တော် ကပါ အတည် ပြုလိုက် ပြီမို့ ဥပဒေ အသက်ဝင် လာဖို့ အတွက် သမ္မတ က အတည်ပြု ရမယ့် အဆင့် ပဲ ကျန်ပါ တော့တယ်။

ဒီဥပဒေကို ရေးဆွဲ ရာမှာ မြန်မာ စီးပွားရေး လုပ်ငန်းရှင် တွေ ရဲ့ သဘောထား တွေ ကို လည်း လွှတ်တော်က ရယူ ခဲ့တယ် လို့ ဆိုပါတယ်။

 ဒီဥပဒေ မှာ နိုင်ငံခြားသား လုပ်ငန်းရှင် အနေနဲ့ လုပ်ငန်း တခု အတွက် အနည်းဆုံး အမေရိကန် ဒေါ်လာ ၅ သန်း တန်ဘိုး ကို ရင်းနှီး မြှုပ်နှံ ရမှာ ဖြစ် သလို လုပ်ငန်း ပိုင်ဆိုင်ခွင့် ၁၀၀ ရာခိုင်နှုန်း ရင်းနှီး မြှုပ်နှံ နိုင်မယ့် လုပ်ငန်း တွေ လည်း ပါဝင် ပါတယ်။

နည်းပညာကို အခြေခံတဲ့ ရင်းနှီးမြှုပ်နှံမှုမျိုး၊ ဝေးလံ တဲ့ဒေသ တွေမှာ မြန်မာနိုင်ငံသား တွေ အတွက် အကျိုးရှိမယ့် ရင်းနှီးမြှုပ်နှံမှုမျိုးနဲ့ မြန်မာနိုင်ငံသား တွေ မလုပ်နိုင်တဲ့ အလုပ်မျိုး တွေမှာသာ နိုင်ငံခြားသား တွေကို ရာနှုန်းပြည့် ရင်းနှီး မြှုပ်နှံခွင့် ပေးထားတယ်လို့ ပြည်သူ့ လွှတ်တော် ဥပဒေ မူကြမ်း ရေးဆွဲရေး ကော်မီတီ အတွင်းရေးမှူး ဖြစ်တဲ့ ပြည်ထောင်စု ကြံခိုင်ရေးနဲ့ ဖွံ့ဖြိုးရေး ပါတီ အမတ် ဉီးစောလှထွန်း က ဆိုပါတယ်။

ဒါပေမယ့် မြန်မာနိုင်ငံနဲ့ နိုင်ငံသား တွေရဲ့အကျိုးကို ကြည့်ပြီး သယံဇာတ ထုတ်ယူရေးလို ကဏ္ဍတွေမှာ ရင်းနှီးမြှုပ်နှံမှု တွေကို ကန့်သတ်တဲ့ ပြဌာန်းချက် တွေလည်း ဥပဒေ ထဲမှာ ထည့်သွင်း ထားတယ်လို့ သူက ပြောပါတယ်။

ဒါ့အပြင် နိုင်ငံခြား ကုမ္ပဏီ တွေ အနေနဲ့ ပထမ ၂ နှစ်အတွင်း ပြည်တွင်း ကျွမ်းကျင် လုပ်သား ၅၀ ရာနှုန်းခန့်ထား ရမှာဖြစ်ပြီး၊ ဒုတိယ ၂ နှစ်မှာ ၇၅ ရာနှုန်း၊ တတိယ ၂ နှစ်မှာ ၁၀၀ ရာနှုန်း အသီးသီးတိုးမြှင့်ခန့်ထားဖို့၊ ၅ နှစ်အတွင်း နည်းပညာ လွှဲပြောင်းပေးပြီး ဖြစ်ဖို့ စတဲ့ သတ်မှတ်ချက် တွေလည်း ဥပဒေမှာ ပါတယ်လို့ ဆိုပါတယ်။

သဘာဝ ပတ်ဝန်းကျင် ထိခိုက်နိုင်တဲ့ လုပ်ငန်း တွေကိုလည်း ခွင့်မပြုဖို့ ဥပဒေက တားမြစ်ထားကြောင်း ဉီးစောလှထွန်းက ပြောပါတယ်။

တဖက်မှာလည်း ပြည်ပ ရင်းနှီးမြှုပ်နှံ သူတွေကို ပထမ ၅ နှစ် အတွင်း အခွန် ကင်းလွတ်ခွင့် နဲ့ ကုန်ကြမ်း ပစ္စည်းတွေ အကောက်ခွန်မဲ့ တင်သွင်း ခွင့် ပြုတာမျိုး ရှိသလို ရင်းနှီးမြှုပ်နှံမှုကို လွှဲပြောင်း ရောင်းချခွင့်၊ ငွေကြေး လွှဲပြောင်းခွင့် တွေကိုလည်းပေးထား တာကြောင့် ပြည်ပ လုပ်ငန်းရှင် တွေကိုဆွဲဆောင် နိုင်လိမ့်မယ်လို့ သူက ပြောပါတယ်။

ကြားခံနယ် ထားရွိရေး သမ္မတအာဆတ် ငြင်းဆို

ဘက်ပြောင်းသွား သူတွေဟာ အစိုးရ အဖွဲ့ထဲက ထုတ်ပယ်လိုက်တဲ့ သူတွေသာ ဖြစ်တယ်

ဆီးရီးယား ပဋိပက္ခတွေ ကနေ လွတ်အောင် ထွက်ပြေးခဲ့ ကြတဲ့ ဒုက္ခသည်တွေကို ဆီးရီးယား နိုင်ငံထဲ ကြားခံ နယ်မြေ တခုမှာ ခိုလှုံခွင့် ပေးထား သင့်တယ် ဆိုတဲ့ အဆိုပြုချက် တခုကို ဆီးရီးယား သမ္မတ အာရှာ အဲလ် အာဆတ်က ပယ်ချလိုက် ပါတယ်။

အစိုးရကိုလိုလားတဲ့ ရုပ်သံတခုနဲ့ အင်တာဗြူး လုပ်ရာမှာ မစ္စတာ အာဆတ်က တူရကီ အစိုးရနဲ့ အနောက်နိုင်ငံ အတော်များများက တင်ပြလာတဲ့ ဒီအဆိုပြုချက်ပါ ကြားခံ ဇုန်နယ်မြေ ထားရှိရေး ဆိုတာ လက်တွေ့ မကျဘူးလို့ ပြောကြား သွားပါတယ်။

နောက်ပြီး ဆီးရီးယား အစိုးရ ကနေ ဘက်ပြောင်းသွား သူတွေဟာ အစိုးရ အဖွဲ့ထဲကနေ ခိုင်မာ ပြတ်သားမှု မရှိတဲ့ ပျော့ညံတဲ့ သူတွေကို ထုတ်ပယ်လိုက်တဲ့ သူတွေသာ ဖြစ်တယ်လို့ ပြောပါတယ်။

လုံခြုံရေး တပ်ဖွဲ့တွေဟာ သူရဲကောင်း တာဝန်တွေကို ထမ်းဆောင် နေတာ ဖြစ်တယ်လို့လည်း သူက ချီးကျူးလိုက်ပါတယ်။

ဆီးရီးယား ပဋိပက္ခတွေ အဆုံးသတ်ရေး အတွက် အစိုးရ အနေနဲ့ အချိန် ပိုယူဖို့ လိုအပ်တယ် လို့ သူက ပြောပါတယ်။

 အခြေခံဥပဒေခုံရုံးအတွက် စစ်ဆေးရေးအဖွဲ့ ဖွဲ့စည်း

ပြည်သူ့ လွှတ်တော် ဒုတိယ ဥက္ကဌ ဦးနန္ဒကျော်စွာ က စစ်ဆေးရေး အဖွဲ့ခေါင်းဆောင် ဖြစ်ပါတယ်

ဖွဲ့စည်းပုံ အခြေခံဥပဒေ ဆိုင်ရာ ခုံရုံးအဖွဲ့ကို စုံစမ်း စစ်ဆေးဖို့ အတွက် ပြည်သူ့လွှတ်တော်က အဖွဲ့ဝင် ၁၅ ဦးပါ အဖွဲ့ တဖွဲ့ကို ဗုဒ္ဓဟူးနေ့မှာ ဖွဲ့စည်း လိုက်ပါတယ်။

ပြည်သူ့လွှတ်တော်နဲ့ အမျိုးသား လွှတ်တော်က ဖွဲ့စည်းထားတဲ့ ကော်မတီ ကော်မရှင်တွေဟာ ပြည်ထောင်စု အဆင့် မဟုတ်ဘူးလို့ အခြေခံဥပဒေ ခုံရုံးက ဆုံဖြတ်ချက် ချခဲ့တာ မှာယွင်းတဲ့ ဆုံးဖြတ်ချက် ဖြစ်တယ်လို့ အမျိုးသား လွှတ်တော်က သောကြာနေ့ တုန်းက စွပ်စွဲ ပြစ်တင်ပြီး ဆုံးဖြတ်ချက် ချခဲ့ပါတယ်။

ဒီစွပ်စွဲ ပြစ်တင်ချက်နဲ့ ပတ်သက်ပြီး ပြည်သူ့လွှတ်တော်ကို ပေးပို့ခဲ့လို့ စုံစမ်းစစ်ဆေးရေး ကော်မတီကို ဖွဲ့စည်း လိုက်တာ ဖြစ်ပါတယ်။ ပြည်သူ့ လွှတ်တော် ဒုတိယ ဥက္ကဌ ဦးနန္ဒကျော်စွာက စစ်ဆေးရေး အဖွဲ့ခေါင်းဆောင် ဖြစ်ပါတယ်။

အခြေခံ ဥပဒေ ခုံရုံးရဲ့ တာဝန် မကျေပွန်မှုနဲ့ လုပ်ခွင့် မရှိတာကို လုပ်ဆောင်တယ် ဆိုတဲ့ အချက် ၂ ချက်ကို စုံစမ်း စစ်ဆေးရေး အဖွဲ့က ဆန်းစစ်မှာ ဖြစ်ပါတယ်။

အဖွဲ့အနေနဲ့ လုပ်ထုံးလုပ်နည်း အတိုင်း စစ်ဆေးတာတွေ၊ လူခေါ်တွေ့တာတွေ ပြုလုပ်ရမှာ ဖြစ်ပြီး၊ သိရှိရတာတွေကို လွှတ်တော်ကို ပြန်တင်ပြရမှာ ဖြစ်တယ်လို့ အဲဒီအဖွဲ့မှာ ပါတဲ့ အဲဒီအဖွဲ့မှာ ပါတဲ့ ဒေါက်တာ စိုးရင်က ပြောပါတယ်။

အခြေခံ ဥပဒေ ခုံရုံး ဥက္ကဌ ဦးသိန်းစိုး ကတော့ ဖွဲ့စည်းပုံ ခုံရုံးရဲ့ ဆုံးဖြတ်ချက်ဟာ အတည်ဖြစ်တယ်၊ တရားစီရင်ရေး အဖွဲ့ကို လွှတ်တော်က လွမ်းမိုးဖို့ ကြိုးစား နေတယ်လို့ ခုခံ ပြောဆိုနေပါတယ်။

 မသန်စွမ်းသူများ အိုလံပစ် အားကစားပြိုင်ပွဲ ဖွင့်လှစ်

 မသန် စွမ်းသူများ အိုလံပစ် အားကစားပွဲတော်ကို လန်ဒန်မြို့မှာ ဗြိတိသျှ ဘုရင်မကြီး အလဇ္ဇဘက်က တရားဝင် ဖွင့်လှစ် ပေးခဲ့ပါတယ်။

၁၉၄၈ ခုနှစ်က ဗြိတိန်မှာ စတင်ခဲ့တဲ့ မသန်စွမ်းသူများ အိုလံပစ်ပွဲတော်ဟာ အခုတော့ ဗြိတိန်မြေကို တကျော့ပြန်ရောက်လာတာပါ။

နိုင်ငံပေါင်း ၁၆၅ နိုင်ငံက မသန်စွမ်းသူ အားကစားသမား ၄၂၀၀ ကျော် ပါဝင် ယှဉ်ပြိုင်ကြမှာမို့ သူ့ရဲ့ သမိုင်းတလျောက်မှာ အကြီးဆုံး ပြိုင်ပွဲကြီးလည်း ဖြစ်ပါတယ်။

ဖွင့်ပွဲကို အလဇ္ဇဘက် ဘုရင်မကြီးက တက်ရောက် ဖွင့်လှစ်ပေးခဲ့ရာမှာ ဘုရင်မကြီးဟာ မကြာခင်က ကျင်းပခဲ့တဲ့ အိုလံပစ် ပွဲတော်မှာ James Bond မင်းသားခြံရံပြီး ရဟတ်ယာဉ်ပေါ်ကနေ ဆင်းလာတဲ့ ပုံစံမျိုးနဲ့ လာတာတော့ မဟုတ်ပါဘူး။ ပုံမှန် သူစီးနေကြ ကားနဲ့ပဲ အိုလံပစ်ကွင်းဆီကို ရောက်လာခဲ့တာပါ။

အိုလံပစ် ကစားကွင်းကြီးမှာ ကျင်းပတဲ့ ဖွင့်ပွဲကို အားကစား သမားနဲ့ စေတနာ့ ဝန်ထမ်း အကျိုးဆောင်တွေ ထောင်နဲ့ချီ တက်ကြပြီး အိုလံပစ် မီးရှူးတိုင်ကို ညသန်းခေါင် အချိန်မှာ ထွန်းညှိ ခဲ့ကြပါတယ်။

ဖွင့်ပွဲ အခမ်းအနားမှာ ရူပဗေဒ ပညာကျော် စတီဖင် ဟော့ကင်း ရဲ့ ဟောပြောချက်နဲ့အတူ စကြာဝဠာ ဖြစ်ပေါ် လာပုံ အကြောင်း သင်္ကေတ ပြုတဲ့ မီးရှူး မီးပန်း တွေ ပစ်ဖောက် ဖွင့်လှစ်ခဲ့ပါတယ်။

တက်ရောက် အားပေးတဲ့ ပရိသတ် ခြောက်သောင်းကျော် ကလဲ အိုင်ဆက် နယူတန်ရဲ့ ဆွဲငင်အား သဘောတရား တွေ့ရှိခဲ့ တာကို ရည်ညွှန်း တဲ့အနေနဲ့ ပန်းသီးတွေ တပြိုင်နက် ကိုက်ကြပြီး ပါဝင် ဆင်နွှဲ ခဲ့ကြ ပါတယ်။

လက်တဘက်တည်းရှိသူကလည်း ရှိတဲ့ တခြားလက်နဲ့ သူတို့ နိုင်ငံအလံတွေကို ဝှေ့ယှမ်းခဲ့ကြ သလို၊ တချို့ကလည်း လက်တွန်းလှည်းမှာ အလံကို တပ်ဆင်ထားကြပါတယ်။ ဖွင့်ပွဲမှာ မျက်စိမမြင်သူ၊ ချိုင်းထောက်နဲ့ လမ်းလျောက်သူ၊ လူပုကလေးတွေ အပါအဝင် မသန်ပေမယ့် စွမ်းကြတဲ့ နိုင်ငံတကာက အားကစား သမားတွေကို တစုတစည်းတည်း မြင်တွေ့ရပါတယ်။

မသန်စွမ်းသူများ အားကစားပွဲကို တခြားအားကစားပွဲတွေနဲ့ မတူ ကွဲပြားစေတာကတော့ စိတ်ဓာတ်ခွန်အား မြှင့်တင်ပေးနိုင်မှု ဖြစ်တဲ့အကြောင်းကိုလည်း ဘုရင်မကြီးက ပွဲမစခင် လေးမှာ ထုတ်ပြန် ပြောကြားခဲ့ပါတယ်။

ဒီပြိုင်ပွဲမှာ မြန်မာအားကစားသမားတွေ ဝင်ရောက်ယှဉ်ပြိုင်မှာ ဖြစ်ပြီး ရေကူးမှာ စစ်အောင် နဲ့ လှံတံပစ်မှာ ဝင်းနိုင်တို့က ယှဉ်ပြိုင်ကြဖို့ ရှိပါတယ်။ 

လယ်ယာ ကော်ပိုရေးရှင်း ရှယ်ယာ ကျပ် ၁၀၀ ဘီလီလျံဖိုး ရောင်းချမည်

ရန်ကုန် (မဇ္ဈိမ) ။         ။ ပြည်တွင်းစီးပွားရေး ယှဉ်ပြိုင်မှု စွမ်းအား မြင့်လာစေရန်အတွက် မြန်မာနိုင်ငံ လယ်ယာစီးပွား ဖွံဖြိုးတိုးတက်ရေး ကော်ပိုရေးရှင်းမှ အစုရှယ်ယာ တန်ဖိုး ကျပ် ၁၀၀ ဘီလီလျံ အထိ ရောင်းချသွားမည် ဖြစ်ကြောင်းကော်ပိုရေးရှင်း တာဝန်ရှိသူတဦး က ပြောသည်။

အဆိုပါ ကော်ပိုရေးရှင်းကို ကနဦးအဖြစ် သမဝါယမဘဏ်၊ ဧရာဝတီဘဏ်၊ မြန်မာ့ရှေ့ဆောင်ဘဏ်၊ ဆန်စပါး အထူးပြု ကုမ္ပဏီများနှင့် အခြား စီပွားရေး လုပ်ငန်းရှင် ၃၇ ဦးက စတင်ရင်းနှီးမြှုပ်နှံမှု ကျပ် ၁၀ ဒဿမ ၄ ဘီလီလျံဖြင့် ဖွဲ့စည်းထားသည်။ ရှယ်ယာ တခုလျှင် ကျပ် ၁၀,၀၀၀ ဖြင့် သြဂုတ်လ ၂၆ ရက်နေ့မှ စတင် ရောင်းချလျက် ရှိသည်။

“သတ်မှတ်ထား အစုရှယ်ယာ ပြည့်မီအောင် ရောင်းချသွားမှဖြစ်တယ်” ဟု ကော်ပရိုရှင်း တာဝန်ရှိသူ ဒေါက်တာ စိုးထွန်းက ပြောသည်။

လူ တဦးလျှင် အစုရှယ်များကို ကျပ်ငွေ သန်းတထောင် အထိ ဝယ်ယူခွင့်ရှိပြီး အမှုဆောင် ဒါရိုက်တာအဖွဲ့ဝင်အဖြစ်ရွေးချယ်ခံပိုင်ခွင့် ရှိသည်။

အဆိုပါ အများပိုင် ကုမ္ပဏီအနေဖြင့် လယ်ယာကဏ္ဍ သာမက သယ်ယူပို့ဆောင်ရေး ဝန်ဆောင်မှုလုပ်ငန်းများ၊ပြည်တွင်း ဆိပ်ကမ်းတည်ဆောက် ရင်းနှီးမြှုပ်နှံမှု လုပ်ငန်းများ၊ စပါးခွံမှ လျှပ်စစ်ဓါတ်အား ထုတ်လုပ်သည့် လုပ်ငန်းများ တွင် ရင်းနှီးမြှုပ်နှံသွားမည် ဖြစ်ကြောင်း ကော်ပိုရေးရှင်း ဥက္ကဋ္ဌ ဦးချစ်ခိုင် က ပြောသည်။

ကုမ္ပဏီကို အမျိုးသား စီမံကိန်း နှင့် စီးပွားရေး ဖွံဖြိုးတိုးတက်ရေး ဝန်ကြီးဌာန၏ ခွင့်ပြုချက်ဖြင့် ဧပြီလ ပထမပတ် အတွင်းက စတင် ဖွဲ့စည်းခဲ့သည်။

မြန်မာနိုင်ငံတွင် ၁၉၉ဝ ခုနှစ်မှ ဈေးကွက်စီးပွားစနစ်ကို စတင် ကျင့်သုံးခဲ့ပြီး နောက်ပိုင်းတွင် အများပိုင် ကုမ္ပဏီများ၊ ကုမ္ပဏီများဖြင့် စတင် မိတ်ဆက်လာခဲ့သည်။ 

ထိုသို့ အများပိုင် ကုမ္ပဏီများ ပိုမို ပေါ်ပေါက်လာသောကြောင့် ပြည်သူများအနေဖြင့် ယင်းလုပ်ငန်းများတွင် ဝင်ရောက် ရင်းနှီးမြှုပ်နှံနိုင်သည့် အခွင့်အလမ်းများ ပိုမို ပေါ်လာမှာ ဖြစ်ကြောင်း ဦးချစ်ခိုင် က ပြောသည်။

ပြောင်းလဲခြင်းနှင့်အတူ လိုက်ပါကြရန် သမ္မတ၏ အကြံပေးက တိုက်တွန်း

အောင်မြတ်ထွန်း | အင်္ဂါနေ့၊ သြဂုတ်လ ၂၈ ရက် ၂၀၁၂ ခုနှစ် ၂၁ နာရီ ၁၉ မိနစ်

ရန်ကုန် (မဇ္ဈိမ) ။        ။ လက်ရှိ ပြောင်းလဲနေသည့် အခြေအနေများ နောက်သို့ လိုက်ပါမှသာ ဖွံဖြိုးတိုးတက်မှုအတွက်မောင်းနှင်အား ဖြစ်နိုင်ကြောင်း နိုင်ငံတော် သမ္မတ၏ စီးပွားရေး အကြံပေး ပါမောက္ခ ဒေါက်တာ အောင်ထွန်းသက် က ပြောဆိုလိုက်သည်။

“ပြောင်းလဲမှု မရှိရင် တိုးတက်မှု မရှိနိုင်ဘူး။ နိုင်ငံတကာကလည်း အပြောင်းအလဲကို လိုလားတယ်။ ပြည်သူတွေက လိုလားတယ်။ အဲဒါကို မပြောင်းရင် တိုးတက်မှာ မဟုတ်ဘူး။ ဒါကြောင့် ပြောင်းလဲမှုတွေကို လက်ခံဆောင်ရွက်ပေးဖို့ လိုအပ်တယ်” ဟု  သြဂုတ်လ ၂၅ ရက်နေ့က ဗိုလ်တထောင်မြို့နယ်ရှိ ဝါဏိဇ္ဇ ဘွဲ့ရများအသင်း ရုံးခန်းတွင် ပြုလုပ်ခဲ့ သည့် စွမ်းရည်ဖွံ့ဖြိုးတိုးတက်ရေးဆိုင်ရာ ဟောပြောတွင် ပြောကြားသွားသည်။

အစိုးရအဖွဲ့ဝင်များ၊ အရပ်ဖက် လူ့အဖွဲ့အစည်း၊ အစိုးရဝန်ထမ်းများနှင့် ပြည်သူများ အားလုံး အတူလိုက်ပါဖို့ လိုအပ်ကြောင်းလည်း ၎င်းက ဆိုသည်။

သမ္မတ ဦးသိန်းစိန် အစိုးရအဖွဲ့အတွင်း အပြောင်းအလဲကို လိုလားသူများ ရှိသကဲ့သို့ အပြောင်းအလဲနောက်သို့ လိုက်ပါရန် တွန့်ဆုတ်နေသူများ ရှိကြောင်းကိုလည်း “အခုချိန်ထိ ထိုင်ခုံ မဖယ်ချင်သေးတဲ့သူတွေလည်း ရှိနေသေး တယ်။ အဲဒီ ပြောင်းလဲမှုမျိုး မရှိရင် တိုင်းပြည် တိုးတက်ဖို့ဆိုတာ မရှိနိုင်ဘူး” ဟု ဒေါက်တာအောင်ထွန်းသက် က ဆိုသည်။

ထို့ပြင် ပညာရေးနှင့် ကျန်းမာရေး အသုံးစရိတ်များ မြှင့်တင်ရန် လိုအပ်ကြောင်းလည်း ထည့်သွင်းပြောကြားသွားသည်။

“ယခင်က ပညာရေးကို နိုင်ငံရေးအတွက် အသုံးချခဲ့ပြီး တက္ကသိုလ်ပညာရေး ကျောင်းများကို ဝေးလံတဲ့ နေရာတွေကို ပို့ပြီး ပညာသင်ခဲ့တယ်။ အဲဒီအတွက် အဲဒီခေတ်မှာ ကျန်ခဲ့တဲ့သူတွေက ပညာတတ်တွေ နည်းလာတယ်။ ဒါတွေကိုပြုပြင်ပြီးတော့ ပညာရေးနှင့် ကျန်းမာရေး အသုံးစရိတ်ကို ပိုပြီးအသုံးပြုဖို့ လိုအပ်တယ်” ဟု ဆိုသည်။

လာမည့် ၂၀၁၅ ခုနှစ် ရွေးကောက်ပွဲမှ လူတော်များ ရွေးထုတ် ဦးဆောင်စေလိမ့်မည်ဟုလည်း ဒေါက်တာ က မျှော်မှန်းထားသည်။

“ဒီမိုကရေစီကိုအခုမှ စတော့ အားလုံးက ချွတ်ယွင်းချက်တွေ မြင်နေရတယ်။ အားလုံး ပြုပြင်နိုင်ရင်တော့ ၂၀၁၅ မှာ တိုးတက်ပြီး လူတော်တွေ ဦးဆောင်ပြီး ဖွံဖြိုးတိုးတက်တဲ့ နိုင်ငံတော်ဆီကို ရောက်မှာပါ” ဟု ဆိုသည်။

အလားတူ ၂၀၁၅ တွင် လူတဦးချင်းစီ၏ ဝင်ငွေ သုံးဆ ရောက်ရန် မျှော်လင့်ထားပြီး ကောင်းမွန်သည့် အုပ်ချုပ်ရေး စနစ်နှင့် သန့်ရှင်းသော အစိုးရတရပ်ကိုလည်း မျှော်လင့်ထားကြောင်း နိုင်ငံတော် သမ္မတကြီး၏ စကားကို ကိုးကားပြီး သမ္မတ အကြံပေးက ပြောဆိုသွားသည်။

ခွင့်ပြုမိန့်မရ ရိုဟင်ဂျာ ဆန့်ကျင်ရေး ဆန္ဒပြမှု ဆက်လက်ကြားနာ

သန်းထိုက်ဦး | ဗုဒ္ဓဟူးနေ့၊ သြဂုတ်လ ၂၉ ရက် ၂၀၁၂ ခုနှစ် ၁၆ နာရီ ၀၅ မိနစ်

ရန်ကုန် (မဇ္ဈိမ) ။       ။ ကုလသမဂ္ဂ၏ လူ့အခွင့်အရေးကိုယ်စားလှယ် သောမတ်စ် ကွင်တားနား သြဂုတ်လဆန်းပိုင်းကမြန်မာနိုင်ငံသို့ လာရောက်စဉ် ရိုဟင်ဂျာ ဆန့်ကျင်ရေး ဆန္ဒပြမှု ဦးဆောင်ခဲ့သူများအား တရားစွဲဆိုထားသည့်အမှုကို စမ်းချောင်းမြို့နယ် တရားရုံးက အင်္ဂါနေ့တွင် ကြားနာခဲ့သည်။

ခွင့်ပြုမိန့် မရှိဘဲ ဆန္ဒပြမှုဖြင့် ဦးအောင်နိုင်ထွန်း၊ ဦးဝင်းမြင့်အောင် (ခ) ဦးဝင်းခန့်၊ ဦးမျိုးမင်းစိုးနှင့် ဦးသူရထွန်းတို့ကို စမ်းချောင်းမြို့နယ် ရဲစခန်းမှူး ဒု-ရဲအုပ် မြအောင်က တရားလိုပြုလုပ်၍ တရားစွဲဆိုထားသော အမှု ဖြစ်သည်။

“ရုံးချိန်းမှာ တရားလိုပြ သက်သေတွေကိုပဲ စစ်ဆေးပါသေးတယ်” ဟု ဦးအောင်နိုင်ထွန်း က မဇ္ဈိမကို ပြောသည်။

သြဂုတ်လ ၁၃ ရက်နေ့တွင် စတင်ကြားနာခဲ့သော အဆိုပါအမှုကို စက်တင်္ဘာလ ၇ ရက်နေ့တွင် ထပ်မံကြားနာရန် တရားရုံးတော်က ချိန်းဆိုလိုက်ပြီး ထိုနေ့တွင် စွဲဆိုခံထားရသော တရားပြိုင်များကို ပထမဆုံး စစ်ဆေးကြားနာမှာဖြစ်သည်။

သမ္မတကြီး ဦးသိန်းစိန်၏ ရိုဟင်ဂျာအရေးနှင့် ပတ်သက်၍ ပြောကြားချက်အား ထောက်ခံ၍ ရန်ကုန်မြို့၊ ပြည်လမ်းရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးရှေ့တွင် သြဂုတ်လ ၃ ရက်နေ့ နေ့လည် ၁ နာရီက လူငယ်တစု ဆန္ဒထုပ်ဖေါ်ကြစဉ်။ (ဓာတ်ပုံ - ဟိန်းထက်၊ မဇ္ဈိမ)

ဆန္ဒပြလိုသူများက ဇူလိုင်လ ၃၁ ရက်နေ့တွင် စမ်းချောင်းမြို့နယ် ရဲစခန်းသို့ ဆန္ဒပြခွင့် တောင်းခံခဲ့ရာ ခွင့်မပြုခြင်းကြောင့် တိုင်းဒေသကြီး ရဲတပ်ဖွဲ့ထံ ထပ်မံ လျှောက်ထားခဲ့သော်လည်း ပယ်ချခံခဲ့ရသည်။

ထိုသို့ ခွင့်ပြုမိန့် မရရှိခဲ့သော်လည်း သြဂုတ်လ ၃ ရက်နေ့က ကုလသမဂ္ဂ ဒုက္ခသည်များဆိုင်ရာ မဟာမင်းကြီး (UNHCR) ရန်ကုန်ရုံးရှေ့တွင် လူအယောက် ၂ဝ ခန့် ပါဝင်သော ဆန္ဒပြသူများက ရခိုင် ပြည်နယ်တွင်း ဖြစ်ပွားခဲ့သော ဆူပူအကြမ်းဖက်မှုများနှင့် ပတ်သက်၍ “ရိုဟင်ဂျာ အလိုမရှိ”၊ “နိုင်ငံတကာ မီဒီယာများ၏ တဘက်သတ် ရေးသားမှု များကို ဆန့်ကျင်တယ်” ဟူသည့် အသုံးအနှုန်းများကို အသုံးပြု၍ ဆန္ဒထုတ်ဖေါ်ခဲ့သည်ဟုလည်း ဦးအောင်နိုင်ထွန်း က ပြောသည်။    

“ကျနော်တို့အနေနဲ့လည်း ကျနော်တို့ရဲ့ ဆန္ဒတွေကို ကုလသမဂ္ဂကိုယ်စားလှယ် မစ္စတာ ကွင်တားနား ရှိတုန်းဖော်ထုတ်တာက အဝေးမှာရှိတုန်း အော်တာထက် ထိရောက်တယ်ဆိုပြီး ဆန္ဒဖော်ထုတ်ခဲ့ကြတာပါ” ဟု ပြောသည်။

ရခိုင်ပြည်နယ်ရှိ ရိုဟင်ဂျာ မူဆလင်များအပေါ် လူ့အခွင့်အရေး ချိုးဖောက်မှုများ ရပ်တန့်ရန် မူဆလင် နိုင်ငံများနှင့်နိုင်ငံတကာ အဖွဲ့အစည်းများက တောင်းဆိုနေကြစဉ် ကုလ ကိုယ်စားလှယ် မစ္စတာ ကွင်တားနားသည် ဇူလိုင်လ ၂၉ ရက်နေ့က မြန်မာနိုင်ငံသို့ ရောက်ရှိလာခဲ့သည်။ ခြောက်ရက်ကြာ ခရီးစဉ်အတွင်း စစ်တွေနှင့် မောင်တောမြို့များသို့ သွားရောက်လေ့လာခဲ့သည်။    

ဆန္ဒပြသူများသည် ‘Get Out Rohingya’ စာတန်းပါ အဖြူရောင် အင်္ကျီများကို ဆင်တူ ဝတ်ထားကြပြီး “ရိုဟင်ဂျာ အရေးအား ပြတ်သား ရဲရင့်စွာ ပြောကြားခဲ့သော သမ္မတကြီး ဦးသိန်းစိန်၏ သဘောထားအား တခဲနက်ထောက်ခံပါ သည်” ဟူသည့် ဦးသိန်းစိန် ဓါတ်ပုံ ပူးတွဲပါ စာတန်းကို ကိုင်ဆောင်ကာ ကြွေးကြော်သံများ၊ နိုင်ငံတော်သီးချင်း သီဆို တိုင်တည်ကာ ဆန္ဒဖော်ထုတ်ခဲ့ကြသည်ဟု မဇ္ဈိမက သတင်းရေးသားခဲ့ဖူးသည်။

ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့် ဥပဒေတွင် ခွင့်ပြုမိန့် မရရှိဘဲ ဆန္ဒဖော်ထုတ်ပါက တနှစ် ထက် မပိုသော ထောင်ဒဏ်ဖြစ်စေ၊ ကျပ် သုံးသောင်းထက် မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင် သည်ဟု ပြဋ္ဌာန်းထားသည်။

ထိုးစစ်ဆင် ရှေ့တန်းတပ်များကို သမ္မတ အရေးယူရန် ကချင်များ တောင်းဆို

ဖနိဒါ | ဗုဒ္ဓဟူးနေ့၊ သြဂုတ်လ ၂၉ ရက် ၂၀၁၂ ခုနှစ် ၂၀ နာရီ ၀၆ မိနစ်

ချင်းမိုင်(မဇ္စျိမ)။   ။ သမ္မတ၏ ညွှန်ကြားချက်အား မလိုက်နာဘဲ ကချင်ပြည်နယ်တွင် ထိုးစစ်များ ဆင်နွှဲလျက်ရှိသည့် အစိုးရ ရှေ့တန်းတပ်များကို “ထိရောက်စွာ အရေးယူပေးရန်” ကချင်အဖွဲ့အစည်းများက တောင်းဆိုလိုက်ကြသည်။ 

ဗုဒ္ဓဟူးနေ့က ထုတ်ပြန်လိုက်သည့် ကချင် အဖွဲ့အစည်း ၁၁ ဖွဲ့၏ ကြေညာချက်တွင် “KIO/KIA တပ်စခန်းများကို ဦးတည်ပြီး ရှေ့တန်းစစ်မျက်နှာတွင် တပ်ရင်းပေါင်း ၈၀ ကျော်တို့၏ မတရား ထိုးစစ်ဆင် တိုက်ခိုက်မှုကြီးများကို ချက်ချင်းရပ်တန့်ပေးရန်” တောင်းဆိုလိုက်သည်။ 

ထိုးစစ်များ မဆင်နွှဲရန် ၂၀၁၁ ခုနှစ်၊ ဒီဇင်္ဘာလ ၁၀ ရက်နေ့က သမ္မတ ဦးသိန်းစိန်က ညွှန်ကြားထားသော်လည်း ထိုးစစ်များ ပြင်းထန်လာနေကြောင်း ထိုင်းနိုင်ငံ အခြေစိုက် ကချင် ကျောင်းသား လူငယ်များသမဂ္ဂ (AKSYU) အထွေထွေ အတွင်းရေးမှူး ကိုနော်ဆန့် က ပြောသည်။  

“ထိုးစစ်ကတော့ ပိုပိုပြီး ဆင်လာတဲ့ အနေအထားရှိတယ်။ အဲဒါကို သမ္မတအနေနဲ့ ဆောင်ရွက်ပေးဖို့ လိုတယ်။ ညွန်ကြားချက် မလိုက်နာရင် ဘယ်လို လုပ်မလဲ။ ဘယ်လို အရေးယူဆောင်ရွက်သွားမလဲ၊ ဘယ်အတိုင်းအတာ၊ ဘယ်အချိန်ကာလထိ ဒါကို ခွင့်ပြုဦးမှာလဲဆိုတာ စနစ်တကျနဲ့ သေသေချာချာ ထိထိရောက်ရောက် အရေးယူဖို့ လိုလာတာပေါ့” ဟု မဇ္ဈိမကို ပြောသည်။ 

ကချင် အမျိုးသားအစည်းအရုံး (KNO)၊ ကချင် အမျိုးသမီးအစည်းအရုံး (KWAT)၊ ကချင် သတင်းဌာန (KNG)၊ ကချင် လူမှုဖွံ့ဖြိုးရေးကွန်ယက် KDNG၊ ကချင် သဘာဝပတ်ဝန်းကျင် ထိန်းသိမ်းရေးအဖွဲ့ KEO တို့ အပါအဝင် ကချင် ၁၁ ဖွဲ့တို့ ပူးပေါင်း၍ ထုတ်ပြန်လိုက်ခြင်းဖြစ်သည်။ 

ပြည်တွင်းစစ်၏ အရင်းခံပြဿနာများကို ကချင်လွတ်လပ်ရေးအဖွဲ့ KIO နှင့် အစိုးရအကြား “စစ်မှန်သော နိုင်ငံရေးတွေ့ဆုံဆွေးနွေးခြင်းဖြင့်” အဖြေရှာရန်လည်း တိုက်တွန်းထားသည်။ 

လူ့အခွင့်အရေးချိုးဖောက်မှုများအား စုံစမ်းရေးကော်မရှင်ဖွဲ့၍ စစ်ဆေးဖော်ထုတ်ရန်လည်း ကုလသမဂ္ဂနှင့်နိုင်ငံတကာအသိုင်းအဝိုင်းသို့ တောင်းဆိုထားသည်။  

စစ်ပြေးဒုက္ခသည် ၉၀,၀၀၀ ကျော်အတွက် ကုလမှ အကူအညီများပေးနိုင်ရေး အစိုးရနှင့် ညှိနှိုင်းဆောင်ရွက်ကာ ကချင်အဖွဲ့အစည်းများနှင့်လည်း ပူးပေါင်းဆောင်ရွက်ရန်လည်း တောင်းဆိုကြသည်။ 

“ကုလသမဂ္ဂ အနေနဲ့တော့ လက်ရှိ အခြေအနေထိ ကချင်အဖွဲ့အစည်းတွေနဲ့ ပူးပေါင်းဆောင်ရွက်မှု တော်တော် အားနည်းနေတယ်။ မရှိသလောက်ပဲ။ ဒုက္ခသည်တွေရဲ့ လိုအပ်တဲ့ ကူညီထောက်ပံ့မှုဆိုင်ရာ ဥပမာ တရုတ် အစိုးရနဲ့ ဆက်စပ်ပြီး ဆောင်ရွက်တာမျိုးတွေလည်း လုံးဝမရှိသလောက် တွေ့နေရတဲ့ အနေအထား ဖြစ်နေတယ်” ဟု ထုတ်ပြန်ကြေညာချက်အတွက် ပြောရေးဆိုခွင့်ရှိသူ ကိုနော်ဆန့် က ပြောသည်။  

တရုတ်နယ်စပ်ရှိ ယာယီဒုက္ခသည်စခန်းတွင် နေထိုင်နေသော စစ်ပြေးဒုက္ခသည်များအား အတင်းအဓမ္မမောင်းထုတ်နေခြင်းမှ ရပ်တန့်ပြီး အကူအညီများ ပေးရန် တရုတ်အာဏာပိုင်များအား ကချင်အဖွဲ့များက တောင်းဆိုထားသည်။

တရုတ်အပေါ် Republican ပါတီ သဘောထားတင်းမာ

စစ်အေးတိုက်ပွဲကာလ တုန်းကဘောထားမျိုးပဲ ရှိနေသေးတဲ့ Republican ပါတီက မစ်တ်ရော်မနီကို  သမ္မတလောင်းအဖြစ် ရွေးချယ်ကြတယ်လို့ တရုတ်အစိုးရ သတင်းစာမှာဖော်ပြပြီး  ပုတ်ခတ်လိုက် တဲ့ကြားကပဲ  မနေ့ကကျင်းပတဲ့ ရီပတ်ဘလစ်ကင် ပါတီညီလာခံမှာ  တရုတ်အစိုးရအပေါ် ပြင်းပြင်း ထန်ထန် ဝေဖန် ခဲ့ကြပါတယ်။

တရုတ်အစိုးရရဲ့ ယွမ်ငွေတန်ဖိုး မချတဲ့ကိစ္စနဲ့ ဉာဏမူပိုင်ခွင့် ချိုးဖောက်ပြီး ခိုးယူ အသုံးချမှုတွေနဲ့ ပတ်သက်ပြီး ခပ်တင်းတင်း ကိုင်တွယ်သွားဖို့ ဆုံးဖြတ်ထားကြောင်း အပြင် တောင်တရုတ် ပင်လယ်ပြင်ဒေသကို  မတည်မငြိမ်ဖြစ်အောင် လုပ်နေတယ်လို့ ဝေဖန်ရှုတ်ချလိုက်ပြီး တိုင်ဝမ်ကို လက်နက်တွေ ဆက်လက် ရောင်းချမှာဖြစ်ကြောင်း ပြောကြားခဲ့ကြပါတယ်။

တရုတ်အစိုးရကတော့ ဘယ်ပါတီကို ထောက်ခံတယ်ဆိုတာ တရားဝင် ထုတ်မပြောပါဘူး။ဖလော်ရီဒါပြည်နယ် Tampa မြို့မှာ မနေ့ကကျင်းပတဲ့ ရီပတ်ဘလစ်ကင်ပါတီ ညီလာခံမှာ Wisconsin ပြည်နယ် အောက်လွှတ်တော်အမတ် Paul Ryan က ဒုသမ္မတအဖြစ် အမည်စာရင်း တင် သွင်းမှုကို လက်ခံလိုက်ပါတယ်။ သမ္မလောင်းအဖြစ် ပါဝင် ယှဉ်ပြိုင်မယ့် Mitt Romney က ဒီလ အစောပိုင်းတုန်းက သူနဲ့အတူ ဒုသမ္မတအဖြစ် ပါဝင်အရွေးခံဖို့ မစ္စတာ Ryan ကို ရွေးချယ်ခဲ့ပြီး ကတည်းက သူဟာ သူရဲ့ပါတီဝင်တွေကို တက်တက်ကြွကြွ လုပ်ဆောင်လာအောင် စည်းရုံးလှုပ်ရှားနိုင် ခဲ့ပါတယ်။ အသက် ၄၂ နှစ်ရှိပြီဖြစ်တဲ့  လွှတ်တော် ဘတ်ဂျက်ကော်မတီဥကဋ္ဌဖြစ်သူ ပေါလ် ရိုင်ယင်ဟာ  ကျန်းမာရေး စောင့်ရှောက်ကုသမှုဆိုင်ရာနဲ့  သက်ကြီးရွယ်အိုတွေအတွက် ကျန်းမာရေးအာမခံ အစီအစဉ်တွေနဲ့ ပတ်သက်တဲ့ သူ့ရဲ့ အကြံပြုချက်တွေအပြင် လူမှုဖူလုံရေး အစီအစဉ်အတွက် ဘဏ္ဍာငွေဖြတ်တောက်ဖို့ လုပ်ဆောင်မှာတွေကြောင့် ပြင်းပြင်းထန်ထန် အဝေဖန်ခံနေရသူပါ။

Mitt Romney နဲ့ Paul Ryan တို့ကို အင်္ဂါနေ့ ရီပတ်ဘလစ်ကင် ပါတီညီလာခံကြီး ကနေ သမ္မတနဲ့ ဒုသမ္မတလောင်းအဖြစ် တရားဝင် အတည်ပြုပေးခဲ့တာဖြစ်ပါတယ်။  ဒီညီလာခံမှာ မစ္စတာရော်မနီရဲ့ ဇနီး Ann Romney ကရော နယူးဂျာစီပြည်နယ် အုပ်ချုပ်ရေးမှူး Chris Christie  ကပါ မိန့်ခွန်းပြောကြားခဲ့ပါတယ်။

Chris Christie က ဒီမိုကရက်တစ်ပါတီရဲ့ အစီအစဉ်တွေဟာ အမေရိကန်ပြည်ထောင်စု ကြီးကို ငွေကြေးပြဿနာ ချောက်နှုတ်ခမ်းပေါ်မှာ လေတချွန်ချွန်နဲ့ လျှောက်ခိုင်းသလို ဖြစ်နေတယ်လို့ ပြောကြားခဲ့ပြီး အမေရိကန်နိုင်ငံ ကျဆုံးအောင် ဒီမိုကရက်တစ်ပါတီက လုပ်ဆောင်နေတယ်လို့ စွပ်စွဲခဲ့ပါတယ်။

ဟာရီကိန်း Isaac အမေရိကန်ပြည်နယ်တွေ ဝင်မွှေ

ဟာရီကိန်း Isaac ဟာ နယူးအော်လင်းမြို့ကို ဦးတည်နေပြီး လူဝီဆီယားနား၊ မစ္စစ္စပီပြည်နယ်တွေကနေ အာကင်ဆောပြည်နယ်ကို ရောက်သွားနိုင်ပါတယ်။

အမေရိကန်မြောက်ဘက် ကမ်းရိုးတန်းကို မိုးသက်လေပြင်းတွေနဲ့အတူ ရောက်ရှိလာတဲ့ ဟာရီကိန်း မုန်တိုင်း Isaac ဟာ ကုန်းတွင်းပိုင်းကို တဖြည်းဖြည်း ၀င်ရောက်လာနေပြီး New Orleans မြို့ကို ဦးတည်နေပါတယ်။ မုန်တိုင်း ဗဟိုချက်ဟာ Louisiana ပြည်နယ်ပေါ်မှာ မနက်ဖြန် ကြာသပတေးနေ့ အထိ ရှိနေပြီး သောကြာနေ့ အစောပိုင်းမှာတော့ ကပ်လျက်ရှိနေတဲ့ Arkansas ပြည်နယ် ကို ရောက်လာ မယ်လို့လည်း အမေရိကန် အမျိုးသား ဟာရီကိန်း မုန်တိုင်းဌာနက ပြောပါတယ်။

ဟာရီကိန်း Isaac ဟာ လေတိုက်နှုန်း တနာရီကို မိုင် ၈၀ လောက်အထိ ရှိနေဆဲ ဖြစ်တဲ့အတွက် မိုးသက်မုန်တိုင်းနဲ့ ရေကြီးမှုတွေ ကြုံရနိုင်တယ်လို့လည်း မိုးလေ၀သ ခန့်မှန်းသူတွေက သတိပေး ထားတာပါ။ New Orleans မြို့ရဲ့ အရှေ့တောင်ဘက် Plaquemines Parish မှာရှိတဲ့ အရေးပေါ် ကယ်ဆယ်ရေးလုပ်ငန်း တာဝန်ရှိသူတွေကတော့ မုန်တိုင်းကြောင့် မက္ကဆီကို ပင်လယ်ကွေ့က ၀င်လာတဲ့ ရေတွေ သိသိသာသာ တက်လာနေပြီး အကာအရံ အတားအဆီးတွေကိုပါ ကျော်မယ့် အခြေအနေနဲ့ ရင်ဆိုင်နေရတယ်လို့ ပြောပါတယ်။

တချို့နေရာတွေမှာ မိုးရေချိန်ဟာ လက္မ ၂၀ လောက်အထိ ရှိနိုင်ပြီး Louisiana နဲ့ Mississippi ပြည် နယ် နေရာတချို့မှာ ဆိုရင်လည်း ရေဟာ ၁၃ ပေလောက်အထိ တက်လာနိုင်တယ်လို့လည်း သတိပေးထားတာပါ။

Mississippi ပြည်နယ် အုပ်ချုပ်ရေးမှူး Phil Bryant ကတော့ မုန်တိုင်းဟာ အသက်အန္တရာယ်ကို ခြိမ်းခြောက်နိုင်တဲ့အထိ ပြင်းထန်နိုင်တယ်လို့လည်း ဒေသခံတွေကို သတိပေးထားပါတယ်။