29.08.2012 နေ့ဖတ်ရန်သတင်းများ

by Myanmar Journal on Tuesday, August 28, 2012 at 8:53pm ·

ပါလက်စတိုင်း ထောက်ခံသူ အမေရိကန် အမျိုးသမီး သေဆုံးမှု ဆုံးဖြတ်ချက်ချ

ပါလက်စတိုင်းတွေဘက်က ထောက်ခံ လှုပ်ရှားခဲ့သူ Rachel Corrie

လွန်ခဲ့တဲ့ ၉နှစ်က ဂါဇာဒေသမှာ ပါလက်စတိုင်း ထောက်ခံအားပေးသူ အမေရိကန် အမျိုးသမီး မြေတူးစက် ကြိတ်မိပြီး သေဆုံးခဲ့ရမှုဟာ ဝမ်းနည်းစရာ မတော်တဆ ဖြစ်ရပ် ဖြစ်တယ် လို့ အစ္စရေး တရားရုံးက ဆုံးဖြတ်လိုက် ပါတယ်။

ဂါဇာဒေသ ရာဖါမြို့မှာ ပါလက်စတိုင်း အိမ်တွေကို ဖြိုချ ဖျက်ဆီးနေတဲ့ မြေတူးစက်ကြီးတခုကို တားဆီးဖို့ ကြိုးစားစဉ် Rachel Corrie သေဆုံးသွားခဲ့တာဖြစ်ပြီး အဲဒီအချိန်တုံးက သူဟာ လိမ္မော်ရောင် တောက်တောက် အပေါ်ဖုံး အင်္ကျီကို ဝတ်ဆင်ထားတာ ဖြစ်ပါတယ်။

မြေတူးစက် မောင်းသူက Rachel Corrie ကို မမြင်ရကြောင်းနဲ့ ပြိုကျလာတဲ့ ကွန်ကရိ အုတ်ခဲတုံးကြီးကြောင့် အခုလို သေဆုံးခဲ့တာ ဖြစ်တယ်ဆိုပြီး တရားရုံးက ဆုံးဖြတ်ခဲ့ပါတယ်။

တရားရုံး ဆုံးဖြတ်ချက် ထွက်ပေါ်လာအပြီးမှာ Rachel Corrie ရဲ့ မိခင် Cindy က ဒီကနေ့ဟာ သူတို့ မိသားစုအတွက်သာမက လူ့အခွင့်အရေး ရရေး၊ တရားဥပဒေ စိုးမိုးရေးနဲ့အတူ အစ္စရေးနိုင်ငံအတွက်ပါ နေ့ဆိုးတနေ့ ဖြစ်တယ်လို့ ပြောကြား လိုက်ပါတယ်။

ဒါပေမယ့်လည်း အစ္စရေး အစိုးရကတော့ အစ္စရေး တရားရုံးတွေဟာ လွတ်လွတ် လပ်လပ် စီရင် ဆုံးဖြတ်လေ့ရှိတယ် ဆိုတာ လူသိများကြောင်းနဲ့ တရားရုံးရဲ့ ဒီဆုံးဖြတ်ချက်ကြောင့် ဒီအမှုနဲ့ ပတ်သက်လို့ အစ္စရေး အစိုးရရဲ့ ဆုံးဖြတ်ချက် အပေါ်မှာလည်း သံသယရှင်းသွားစေတာမို့ ဝမ်းမြောက်ကြောင်း ပြောပါတယ်။

ဝန်ကြီးတချို့ကို ရာထူးကနေ နှုတ်ထွက်ခွင့်ပြု

လျှပ်စစ် (၁)ဝန်ကြီးအဖြစ် တရုတ်နိုင်ငံ ယူနန်ပြည်နယ်ကို ဦးဇော်မင်း သွားရောက်ခဲ့စဉ်က

မြန်မာနိုင်ငံ အစိုးရ ဆောက်လုပ်ရေး ဝန်ကြီး ဦးခင်မောင်မြင့်၊ လျှပ်စစ် ( ၁ ) ဝန်ကြီး ဦးဇော်မင်း၊ ပြည်ထောင်စု စာရင်းစစ်ချုပ် ဦးလွန်းမောင်တို့ကို ရာထူးကနေ နှုတ်ထွက်ခွင့် ပေးကြောင်း နိုင်ငံတော် သမ္မတရုံး ကနေ အင်္ဂါနေ့က ထုတ်ပြန်ကြေညာလိုက်ပါတယ်။

လျှပ်စစ်( ၁ ) ဝန်ကြီးဌာန ဝန်ကြီး ဦးဇော်မင်းဟာ မြစ်ဆုံ ရေကာတာ စီမံကိန်းနဲ့ ပတ်သက်တဲ့ သူ့ရဲ့ မှတ်ချက်စကားတွေကြောင့် ပြင်းပြင်းထန်ထန် ဝေဖန်ခံခဲ့ရသူ ဖြစ်ပါတယ်။

ပြန်ကြားရေး ဝန်ကြီး ဒုတိယ ဝန်ကြီး ဦးစိုးဝင်းကိုတော့ သာသနာရေး ဒုတိယ ဝန်ကြီး အဖြစ် ပြောင်းလဲ ခန့်အပ်လိုက်ပါတယ်။

ပြည်ထောင်စု ဝန်ကြီးတွေကို ရာထူးပြောင်းလဲ ခန့်အပ်ကြောင်း တနင်္လာနေ့က ထုတ်ဖေါ် ကြေညာခဲ့ရာမှာ မီးရထားဝန်ကြီး ဦးအောင်မင်းနဲ့ စက်မှုဝန်ကြီး ဦးစိုးသိန်းတို့ကို တခြား ဝန်ကြီးနှစ်ဦးဖြစ်တဲ့ ဦးလှထွန်း၊ ဦးတင်နိုင်သိန်း တို့နဲ့အတူ သမ္မတရုံးဝန်ကြီးဌာန ဝန်ကြီးတွေအဖြစ် ပြောင်းလဲ တာဝန်ပေးခဲ့သလို ယခင် ပြန်ကြားရေးနဲ့ ယဉ်ကျေးမှု ဝန်ကြီး ဦးကျော်ဆန်းကိုတော့ သမဝါယမ ဝန်ကြီးအဖြစ် ပြောင်းလဲခန့်အပ်လိုက်ပြီး သူ့နေရာကို အရင် အလုပ်သမား ဝန်ကြီး ဦးအောင်ကြည် ကို အစားထိုး ခန့်အပ် လိုက်ပါတယ်။

နာမည်ပျက် စာရင်းသွင်း ခံရသူ တချို့ ကို ပယ်ဖျက်ပေး

နာမည်ပျက် စာရင်းထဲက နှစ်ထောင်ကျော် ကို ပယ်ဖျက် ပေး

အရင် မြန်မာ အစိုးရ အဆက်ဆက်က သတ်မှတ်ထားတဲ့ blacklist နာမည်ပျက် စာရင်းထဲမှာ ထည့်သွင်း ခံထားရသူ ၆၁၆၅ ယောက် ထဲမှာ ၂၀၈၂ယောက်ကို စာရင်းထဲက ပယ်ဖျက် ပေးလိုက်ပြီလို့ အစိုးရက ထုတ်ပြန် ကြေညာ လိုက် ပါတယ်။

အရင်က နာမည်ပျက် စာရင်းဝင် အဖြစ် သတ်မှတ် ခဲ့ရာကနေ ပယ်ဖျက် ပေးခံရတဲ့ ပြည်ပရောက် မြန်မာ နိုင်ငံသား တွေကို နိုင်ငံတွင်း ပြန်လာရေး အတွက် ခွင့်ပြု ပေးသွားမယ်လို့ လည်းဖေါ်ပြထား ပါတယ်။

သမ္မတရဲ့ ဥပဒေ ရေးရာ အကြံပေး အဖွဲ့ ခေါင်းဆောင် ဦးစစ်အေး ကတော့ အဲဒီ လူတွေကို ပြည်တွင်း နဲ့ ပြည်ပ ပူးပေါင်းပြီး တိုင်းပြည် မငြိမ်မသက် ဖြစ်အောင် လုပ်ခဲ့သူတွေ၊ အကြမ်း ဖက်မှုနဲ့ ပတ်သက် သူတွေ ရာဇဝတ်မှု ကျူးလွန်သူတွေ လို့ အရင် အစိုးရ ခေတ် အဆက်ဆက်က သတ်မှတ်ပြီး နာမည်ပျက် စာရင်း ထဲ ထည့်သွင်း ထားခဲ့တာ ဖြစ်တယ်လို့ ပြောပါတယ်။

အခုလို စာရင်းပယ်ဖျက်ပေးလိုက်တာဟာ အခု အချိန်မှာ သမ္မတ ဦးသိန်းစိန်ရဲ့ နိုင်ငံရေး ပြုပြင် ပြောင်းလဲမှုနဲ့ တိုးတက်မှုတွေကို အသိ အမှတ်ပြုပြီး ပူးပေါင်း ဆောင်ရွက်နိုင်ဖို့ မြန်မာ နိုင်ငံကို ပြန်လာချင် ကြတဲ့ ပြည်ပရောက် မြန်မာ နိုင်ငံသားတွေ ဟာ နာမည်ပျက် စာရင်းကြောင့် အခက် အခဲတွေ ရှိနေတာကို သိရတဲ့ အတွက် သူတို့ တတွေ ပြန်လာနိုင်အောင် လုပ်ဆောင် ပေးတာလို့ ပြောပါတယ်။

အင်္ဂါ နေ့ထုတ် သတင်းစာတွေ ထဲမှာ တချို့ကို ပယ်ဖျက်ကြောင်း ထုတ်ပြန် ခဲ့ပေမဲ့ ဘယ်သူတွေ ကျန်ပြီး ဘယ်သူ တွေကို ပယ်ဖျက် ပေးလိုက်တယ် ဆိုတဲ့ စာရင်း အတိအကျကို အခုချိန်ထိ ထုတ်ပြန်တာ မတွေ့ရ သေး ပါဘူး။

ဒါပေမဲ့ ၁၉၈၈ ခုနှစ် ဒီမိုကရေစီ ရေး လှုပ်ရှားမှုမှာ ပါဝင် ပတ်သက် ခဲ့မှုကြောင့် ပြည်ပကို ထွက်ပြေး ခဲ့ကြရတဲ့ အထင်ကရ နိုင်ငံရေး ခေါင်းဆောင် တချို့ ကတော့ မကြာခင် ရက်ပိုင်း အတွင်းမှာ ပြည်တွင်း ကို ပြန်ဖို့ ခွင့်ပြုချက် ရကြတဲ့ အတွက် နာမည်ပျက် စာရင်း ပယ်ဖျက် ခံရ သူတွေထဲမှာ သူတို့ ပါဝင်တယ်လို့ ယူဆရကြောင်း အန်အယ်လ်ဒီ အယ်လ်အေ အမျိုးသား ဒီမိုကရေစီ အဖွဲ့ချုပ် လွတ်မြောက် နယ်မြေ နိုင်ငံခြား ဆက်ဆံရေး တာဝန်ခံဟောင်း ဖြစ်သူ ဦးညိုအုန်းမြင့် က ဘီဘီစီကို ပြောပါတယ်။

နာမည်ပျက် စာရင်း သတ်မှတ်တဲ့ နေရာမှာ ပြည်ထဲရေး ဝန်ကြီးဌာန၊ နိုင်ငံခြားရေး ဝန်ကြီးဌာနနဲ့ လူဝင်မှုကြီးကြပ်ရေး ဝန်ကြီးဌာနတို့က အဓိက သက်ဆိုင်နေပြီး သူတို့ အချင်းချင်းကြား ဆက်သွယ် ဆောင်ရွက်မှုတွေ ပြုလုပ်ပြီး စာရင်းထဲကနေ နောက်ထပ် ပယ်ဖျက် ပေးလိမ့်မယ်လို့ သူ မျှော်လင့်ကြောင်းလည်း ဦးညိုအုန်းမြင့်က ပြောပါတယ်။

သူနဲ့ အတူ FTUB မြန်မာ နိုင်ငံ အလုပ်သမား သမဂ္ဂများ အဖွဲ့ချုပ် က ဦးမောင်မောင်၊ NCUB က ဒေါက်တာ သောင်းထွန်းတို့ အပါအဝင် နိုင်ငံရေး သမား ငါးယောက်နဲ့ အမေရိကန်ရောက် ကျောင်းသား ခေါင်းဆောင် ကိုမိုးသီးဇွန်၊ ကိုထွန်းအောင်ကျော်တို့ အပါအဝင် ၇ ယောက်၊ စုစုပေါင်း ၁၂ ယောက်တို့ ဟာ အခုလကုန်မှာ မြန်မာ နိုင်ငံကို သွားရောက် ကြမှာ ဖြစ်ပါတယ်။

KNU နဲ့ ငြိမ်းအဖွဲ့ ဘားအံမှာ တွေ့ရန်ရှိ

ကေအင်ယူ ဆက်ဆံရေးရုံးဖွင့်စဉ်က ငြိမ်းချမ်းရေး ဖေါ်ဆောင်ရေးအဖွဲ့ဝင်များ

သြဂုတ်လ ၂၇ ရက်နေ့က တွေ့မယ့် အစီအစဉ် ပျက်သွားတဲ့ ကေအင်ယူ နဲ့ အစိုးရ ငြိမ်းချမ်းရေး အဖွဲ့ကြား တတိယအကြိမ် ဆွေးနွေးပွဲကို စက်တင်ဘာလ ၂ ရက်နေ့ ဘားအံ မှာ ပြန်ကျင်းပမှာ ဖြစ်ပါတယ်။

အစိုးရ ငြိမ်းချမ်းရေး ဖေါ်ဆောင်ရေး အဖွဲ့က စက်တင်ဘာ ၂ ရက်နဲ့ ၃ရက် မှာ ကရင်အမျိုးသား အစည်းအရုံးနဲ့ ဘားအံမှာ အပစ်အခတ် ရပ်စဲရေး ဆွေးနွေးဖို့ အကြောင်းကြား တယ်လို့ ကေအင်ယူ က ပြောပါတယ်။

အဖွဲ့ဝင် ၁၀ ဦးပါတဲ့ ကေအင်ယူ ကိုယ်စားလှယ် အဖွဲ့ကို အဖွဲ့ အထွေထွေ အတွင်းရေးမှူး နော်စီဖိုးရာစိန် ဦးဆောင် သွားမှာ ဖြစ်ပါတယ်။

အခု ပြုလုပ်မယ့် တတိယအကြိမ် အပစ်အခတ် ရပ်စဲရေး ဆွေးနွေးပွဲမှာ နှစ်ဦးနှစ်ဘက် လိုက်နာရမယ့် အပစ်အခတ် ရပ်စဲရေး ဆိုင်ရာ ကျင့်ဝတ် ၊ တပ်ပြောင်းရွှေ့ခြင်း ကိစ္စတွေ ဆွေးနွေးမှာ လို့ ကေအင်ယူ ငြိမ်းချမ်းရေး အဖွဲ့ ပြောခွင့်ရ နော်မေဦး မူတြောက ပြောပါတယ်။

ခိုင်မာတဲ့ အပစ်အခတ် ရပ်စဲရေး အာမခံမယ့် ကျင့်ဝတ် စည်းကမ်းတွေ ဖြစ်ဖို့ မျှော်လင့်တယ်လို့ ကေအင်ယူဘက်က ပြောပါတယ်။

တကယ်တော့ ဒီဆွေးနွေးပွဲကို သြဂုတ်လ ၂၇ က ၂၉ အထိ ဘားအံမြို့ ဇွဲကပင် ဟိုတယ်မှာ ကျင်းပဖို့ နှစ်ဘက် သဘောတူထား ပေမယ့် အစိုးရက ရွှေ့ဆိုင်းလိုက် တယ်လို့ ကေအင်ယူက သြဂုတ်လ ၂၅ရက် နေ့ ထုတ် ကြေညာချက်မှာ ဖေါ်ပြပါတယ်။

ဒီလိုရွှေ့ဆိုင်း တာဟာ အစိုးရ ဘက်က ငြိမ်းချမ်းရေး တာဝန်ယူထားတဲ့ ဝန်ကြီး မအားလပ်တာကြောင့် ဖြစ်ကြောင်း၊ ဝန်ကြီး ဌာန အပြောင်းအလဲ ရှိပေမယ့် ဦးအောင်မင်းက အစိုးရ ငြိမ်းချမ်းရေး အဖွဲ့ ဒုတိယ ဥက္ကဋ္ဌ ဖြစ်လို့ ဆွေးနွေးပွဲနဲ့ ပတ်သက်ပြီး တစုံတရာ အပြောင်းအလဲ မရှိဘူးလို့ နော်မေဦး မူတြောက ပြောပါတယ်။

ရွန်နီ ရီပတ်ဘလစ်ကန် သမ္မတလောင်း ဖြစ်ပြီ

ဝင်ဘာလ အမေရိကန် သမ္မတ ရွေးကောက်ပွဲ အတွက် ရီပတ်ဘလစ်ကန် သမ္မတလောင်း အဖြစ် မစ်ထ် ရွန်နီကို တရားဝင် ကြေညာ လိုက်ပါပြီ။

ဒီလို တရားဝင် တင်မြှောက် လိုက်တဲ့ အတွက် မဲဆွယ်ပွဲ အတွက် ရှာထားတဲ့ ပါတီ ရန်ပုံငွေ တွေကို မစ္စတာ ရွန်နီ သုံးစွဲ နိုင်တော့မှာ ဖြစ်ပါတယ်။

အိုက်ဆက် ဟာရီကိန်း မုန်တိုင်း ကြောင့် ဖလော်ရီဒါ ပြည်နယ်မှာ ကျင်းပတဲ့ ရီပတ်ဘလစ်ကန် ပါတီ ညီလာခံကို တရက် နောက်ဆုတ်ခဲ့ ရပါတယ်။

ဖွင့်ပွဲည မိန့်ခွန်း ပေးမယ့်သူ တွေထဲ မစ္စတာ ရွန်နီရဲ့ ဇနီး အန်းလဲ ပါပါတယ်။

နယူးအောလင်းကို မုန်တိုင်း ဦးတည်

လူဝီ ဇီယားနား ပြည်နယ် ကမ်းရိုးတန်းကို အိုက်ဆက် ဟာရီကိန်း မုန်တိုင်း ချဉ်းကပ် လာနေပြီး နယူး အောလင်း မြို့ကို ဦးတည် နေပါတယ်။

မြို့ကို မုန်တိုင်း ဒီရေ ရန်က ကာကွယ်ဖို့ စီမံ ထားတဲ့ ရေတံခါး သစ်ကြီးတွေ ကိုလဲ ပိတ်ထားလိုက်ပြီ ဖြစ်ပါတယ်။

လူဝီ ဇီယားနား ကမ်းရိုးတန်းနဲ့ နယူး အောလင်းမြို့က လူ ထောင်နဲ့ချီပြီး ထွက်ပြေး လာကြပြီး မပြေး နိုင်သူ တွေကတော့ အိမ်တံခါး တွေ အလုံပိတ် ကျန်ခဲ့ကြ ပါတယ်။

ဘယ်လို ပြင်းတဲ့ မုန်တိုင်းပဲ လာလာ ပြန်ရုန်းထ နိုင်ဖို့ ကူညီမှာ ဖြစ်ပြီး ရင်ဆိုင်ဖို့လဲ အသင့် ပြင်ထားတယ်လို့ ပင်လယ်ကွေ့က ပြည်သူတွေ အတွက် အမေရိကန် သမ္မတ အိုဘားမားက အားပေး စကား ပြောကြား ခဲ့ပါတယ်။

မက္ကဆီကို ပင်လယ်ကွေ့က ရေနံ နဲ့ ဓာတ်ငွေ့ တွင်းတူးစင်တွေ၊ သင်္ဘောကျင်း တွေ ကိုလဲ ပိတ်ထား လိုက်ပြီ။

နယူး အောလင်း မြို့ မှာ လုယက်မှု တွေ မဖြစ်အောင် စစ်တပ် ချထား လိုက်ပြီ ဖြစ်ပါတယ်။

သမ္မတ လွတ်ငြိမ်းသက်သာခွင့်ပြုမှု ကုလကြိုဆို

ရခိုင်ပြည်နယ်အရေးအခင်းမှာ ပါဝင်ပတ်သက်တယ်ဆိုပြီး ထောင်ဒဏ်အပြစ်ပေးခံရတဲ့ ကုလသမဂ္ဂနဲ့ ဆက်နွယ်တဲ့ ၀န်ထမ်းသုံးဦးကို သမ္မတဦးသိန်းစိန်က လွတ်ငြိမ်း ချမ်းသာ ခွင့် ပေးလိုက်ပါတယ်။ ကုလသမဂ္ဂ ၀န်ထမ်းတွေ အခုလို လွတ်မြောက်လာတဲ့အပေါ် ကြိုဆိုကြောင်း ကုလသမဂ္ဂဘက် ကလည်း တုံ့ပြန်ထားပါတယ်။ ဒီအကြောင်းကို ကိုသားညွန့်ဦးက တင်ပြပေးထားပါတယ်။

ကုလသမဂ္ဂဆိုင်ရာ ၀န်ထမ်းနှစ်ဦးနဲ့ နိုင်ငံတကာအဖွဲ့အစည်းတခုက ၀န်ထမ်းတစ်ဦး တို့ကို ရခိုင် အရေးအခင်းနဲ့ ပတ်သက်မှု ရှိတယ်ဆိုပြီး မောင်တောတရားရုံးကနေ တနေ့က ပြစ်ဒဏ်အသီးသီးတွေ ချမှတ်ပြီး ရက်အနည်းငယ်အတွင်းမှာပဲ သမ္မတရဲ့ အမိန့်အာဏာနဲ့ ပြန်လည် လွှတ်ပေးလိုက်တာ ဖြစ်ပါ တယ်။ ကုလသမဂ္ဂဘက်ကတော့ အခုလို လွတ်မြောက်လာတဲ့သတင်းတွေကို သိရပြီးတော့ ကြိုဆို ပါတယ်လို့ ကုလသမဂ္ဂအတွင်းရေးမှူးချုပ်ရုံး တွဲဘက်ပြောခွင့်ရ Faran Haq က ပြောပါတယ်။မြန်မာနိုင်ငံထဲက ကုလသမဂ္ဂ၀န်ထမ်းနှစ်ဦး လွတ်မြောက်လာတယ်ဆိုတဲ့ သတင်းကို သိရလို့ ကြိုဆိုပြီးတော့ ကျန်နေတဲ့ နောက်တစ်ဦးလည်း လွတ်လာမယ်လို့ မျှော်လင့်တဲ့ အကြောင်းအတွင်းရေးမှူးပြောခွင့်ရသူ Faran Hag ပြောသွားတာပါ။

ရခိုင်ပြည်နယ်တွင်း ဆူပူမူမှာ ပါဝင်ပတ်သက်တာကြောင့် ထောင်ဒဏ်ကျခံနေရတဲ့ ကုလသမဂ္ဂနဲ့ နိုင်ငံ တကာ အစိုးရမဟုတ်တဲ့ အဖွဲ့အစည်းမဟုတ်တဲ့အဖွဲ့အစည်းတွေက ၀န်ထမ်းသုံးဦးကို မိမိ အကျိုး၊ ဒေသအကျိုး၊ နိုင်ငံ့အကျိုးကို အများပြည်သူနဲ့အတူ တာဝန်ထမ်းဆောင် နိုင်အောင် သမ္မတ အနေနဲ့ လွတ်ငြိမ်းချမ်းသာခွင့် ပေးလိုက်တယ်လို့ မနေ့တုန်းက သမ္မတရုံးက ကြေညာခဲ့ပါတယ်။ အဲ့သုံးဦးလုံးဟာ  မြန်မာနိုင်ငံသားတွေလည်း ဖြစ်ကြ ပါတယ်။ အဲ့ဒီ့ဝန်ထမ်းသုံးဦးကိုတော့ ပြီးခဲ့ တဲ့သောကြာနေ့က တရားစီရင်ပြီးတော့ အမိန့်ချမှတ်ခဲ့တာဖြစ်တယ်လို့ ရခိုင်ပြည်နယ် ဥပဒေရေးရာ ကော်မတီရဲ့ ဥက္ကဋ္ဌဦးလှသိန်းက ဗွီအိ်ုအေကိုပြောခဲ့ပါတယ်။

“အမိန့်ချတာက သောကြာနေ့ကပေါ့။ ခင်မောင် ခေါ် အဏ္ဏဝါဆာဒတ်၊ သူက ပြစ်မှု ပုဒ်မ ၁၅၃ (က)၊ နောက် ၅၀၅ (ဂ)၊ အဲဒီ ပြစ်မှု နှစ်ခုအတွက် နှစ်နှစ်စီပေါ့- တပေါင်းတည်း ကျခံစေ ဆိုပြီးတော့ နှစ်နှစ်ပေါ့။ နောက် နိုင်ငံခြားငွေ လဲလှယ်မှု စည်းမျဉ်း ဥပဒေပုဒ်မ ၂၄ (၁) အရ တနှစ် ဆိုတော့ အဲဒီလူက သုံးနှစ်ကျတာပေါ့။ ပုဒ်မ သုံးခုအတွက် သုံးနှစ်။ နောက် ဦးခင်မောင်ဆွေ ခေါ် တာရက်၊ သူကတော့ ပြစ်မှုပုဒ်မ ၁၅၃ (က)၊ ပြစ်မှု ပုဒ်မ ၅၀၅ (ဂ)-တမှုကို နှစ်နှစ်စီ တပေါင်းတည်း ကျခံစေဆိုတော့ စုစုပေါင်း တပေါင်းတည်း ဆိုတော့ နှစ်နှစ်၊ နောက် ဒေါ်ချိုလေးမာက သူက ၁၅၃ (က) အရ နှစ်နှစ်၊ ပြစ်မှု ပုဒ်မ ၄၃၆/၁၀၉ အတွက် ငါးနှစ်၊ နောက် နိုင်ငံခြားငွေလဲလှယ်မှု စည်းမျဉ်း သတ်မှတ်ရေး ဥပဒေပုဒ်မ ၂၄(၁) အရ တနှစ်။ ပြစ်မှုတွေကို တပေါင်းတည်း ကျခံစေဆိုတော့ အကုန်လုံးပေါင်းလိုက်ရင် ခြောက်နှစ်။ ဒီအထဲမှာ ကျနော်တို့သိတာက အခု သုံးယောက်က UNHCR ကချည့်ပဲ။”

ထောင်ဒဏ်နှစ်နှစ် အပြစ်ပေးခံရတဲ့ ဦးခင်ရွှေဟာ ကုလသမဂ္ဂစားနပ်ရိက္ခာအစီအစဉ် WFPရဲ့ ၀န်ထမ်းဖြစ်သလိုပဲ ထောင်ဒဏ်သုံးနှစ် ချမှတ်ခံရတဲ့ ဦးခင်မောင်ဟာ UNHCR ကုလသမဂ္ဂ မဟာ မင်းကြီးရုံးရဲ့ ၀န်ထမ်းဖြစ်ပါတယ်။ ထောင်ဒဏ်ခြောက်နှစ်ချမှတ်ခံရသူ နောက်တစ်ဦးကတော့ CSSEPလို့ ခေါ်တဲ့ ရပ်ရွာလူထုဖွံ့ဖြိုးရေးစီမံချက်က မချိုမာ ဖြစ်ပါတယ်။ သူတို့သုံးဦးကို ရှေ့နေရှေ့ ရပ်နဲ့ လျောက်လဲခွင့်မပေးဘဲနဲ့ အပြစ်ပေးခဲ့တာ ဖြစ်တယ်လို့ ကုလသမဂ္ဂဘက်က ပြောခဲ့ပါတယ်။

သီးခြားလွတ်လပ်တဲ့ တရားစီရင်ခွင့် မရတာကြောင့်မို့လို့ ဒီလူတွေကို ပြန်လွှတ်ပေးဖို့ မြန်မာနိုင်ငံ ဆိုင်ရာ လူ့အခွင့်အရေး အထူးကိုယ်စားလှယ် မစ္စတာကင်တာနားရော လူ့အခွင့်အရေး အဖွဲ့အစည်းတွေကပါ မြန်မာအစိုးရကို တောင်းဆိုခဲ့ကြတာပါ။ ဒီအဖွဲ့တွေရဲ့ပြောဆိုမူ နောက်တနေ့မှာပဲ သမ္မတရဲ့အမိန့်နဲ့ ဒီလူတွေကို ပြန်လွှတ်ပေးခဲ့တာပါ။ ရခိုင်အရေးအခင်းအပြီးမှာ ဖမ်းဆီးခံခဲ့ရတဲ့ အခြားကုလသမဂ္ဂ၀န်ထမ်းတွေကိုလည်း ဒီ့မတိုင်ခင်ကတည်းက ပြန်လွှတ်ပြီး ဖြစ်ပါတယ်။

နာမည်ပျက်စာရင်းဝင် အရေအတွက် မြန်မာအစိုးရ လျှော့ချ

 တိုကျိုသံရုံးရှေ့မှ ဆန္ဒပြမြင်ကွင်း။ (ကမ္ဘာအနှံ့မှ ဤသို့ မြန်မာ့အရေးတက်ကြွလှုပ်ရှားသူများအပေါ် ကန့်သတ်ထားသည့် နာမည်ပျက်စာရင်းထဲက တချို့ကို ပယ်ဖျက်ပေးလိုက်ခြင်းဖြစ်သည်။)

အရင်စစ်အစိုးရလက်ထက်က အမည်မည်းစာရင်း Black List အဖြစ် သတ်မှတ်ထားသူ ၆,၀၀၀ ကျော် ထဲက ၂,၀၀၀ ကျော်ရဲ့ အမည်စာရင်းကို လက်ရှိအစိုးရက ပယ်ဖျက်လိုက်တဲ့အကြောင်း အင်္ဂါနေ့ မှာ ကြေငြာချက် ထုတ်ပြန်ပါတယ်။ ဒီ အမည်မည်း စာရင်းက ပယ်ဖျက်ခံရသူတွေ အနေနဲ့ မြန်မာနိုင်ငံ ကို ပြန်လာခွင့်ပြုမယ်လို့ အဲဒီ ကြေညာချက်မှာ ဖော်ပြထားပေမယ့် ဘယ်သူတွေ ပါတယ်ဆိုတဲ့ စာရင်း အတိအကျတော့ မသိရသေးပါဘူး။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်း ထားတဲ့ ကိုဇော်ဝင်းလှိုင်က တင်ပြပေးပါမယ်။

အမည်မည်းစာရင်းလို့ခေါ်တဲ့ ဒီ Black List ထဲမှာပါတဲ့ လူတွေနဲ့ပတ်သက်လို့ ပြန်လည်စစ်ဆေးပြီး မလိုအပ်တဲ့သူတွေကို ဒီ အမည်မည်းစာရင်းထဲက ထုတ်ပစ်ဖို့ နိုင်ငံတော်သမ္မတရုံးရဲ့ ညွန်ကြားချက်နဲ့ လုပ်ဆောင်ခဲ့တာပါ။

အရင် စစ်အစိုးရလက်ထက်တုန်းက ပြုစုထားခဲ့တဲ့ အဲဒီ အမည်မည်းစာရင်းဟာ လက်ရှိ သမ္မတ ဦးသိန်းစိန်အစိုးရက သွားနေတဲ့ ဒီမိုကရေစီ ပြုပြင်ရေး လမ်းကြောင်းတွေနဲ့ ကိုက်ညီခြင်းမရှိတဲ့ အတွက် အဲဒီစာရင်းကို ပြုစုပြီး ပထမအဆင့်အနေနဲ့ လက်ရှိ ရှိနေတဲ့ ၆,၁၆၅ ဦးထဲကနေ ၂,၀၈၂ ဦးရဲ့ အမည်စာရင်းကို ပယ်ဖျက်ပေးလိုက်တာလို့ သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

“Black List က အရင် နဝတ၊ နအဖခေတ်မှာ- နောက်ဆုံးနအဖခေတ်အထိပေါ့နော်။ ရှိခဲ့တဲ့ black list တွေ ရှိတယ်။ အားလုံးပြန်ပြီး စိစစ်လိုက်တဲ့အချိန်မှာ ၆,၁၆၅ ယောက်ရှိတယ်။ အဲဒီတုန်းက black list ဆွဲထားတဲ့ အကြောင်းရင်းတွေက ကျနော်တို့ ခေတ်သစ်၊ စံနစ်သစ်ပေါ့နော်-ဒီမိုကရေစီသွားနေတဲ့ အချိန်မှာ constitution အရ black list ဆွဲဖို့ မသင့်တော့တာတွေကို ပြန်လည်စိစစ်ပြီးတော့ black list စာရင်းကနေ ပယ်ပေးလိုက်တာ။”

အဲဒီ စာရင်းထဲမှာတော့ ဖောက်ခွဲရေး၊ နိုင်ငံရေး စတဲ့ အကြောင်းကိစ္စအမျိုးမျိုးကြောင့် စာရင်းသွင်း ခံထားရသူတွေလည်း ပါတယ်လို့ ဦးဇော်ဌေးက ဆက်ပြောပါတယ်။

“အရင် အကြမ်းဖက် ကိစ္စတွေ လုပ်တာတွေ ရှိတယ်လေ။ အဲဒါတွေရှိတယ်။ အမျိုးမျိုးပေါ့နော်။ အဲဒီ အမျိုးမျိုးကို ပြန်ပြီးတော့ စိစစ်လိုက်တာပါ။ အရင်တုန်းက ဘာမှ မဟုတ်ဘဲနဲ့ လုပ်ထားတဲ့ဟာတွေ - အဲဒါတွေကို ပြန်ပြီးတော့ ဖယ်ပေးလိုက်တာ။”

ဒီစာရင်းထဲမှာ ပါတဲ့သူတွေဟာ မြန်မာနိုင်ငံသားတွေ၊ မြန်မာနိုင်ငံသားဖြစ်ပြီး ပြည်ပနိုင်ငံတွေမှာ သွားရောက်နေထိုင်နေသူတွေနဲ့ ပြည်ပနိုင်ငံသား ခံယူထားသူတွေဖြစ်တယ်လို့ ပြောပါတယ်။ ဒီ အမည်မည်းစာရင်းမှာ ပါသူတွေရဲ့ အမည်စာရင်းနဲ့ပတ်သက်လို့ နိုင်ငံတော် သမ္မတရုံး အင်တာနက် ၀က်ဘ်ဆိုက်မှာ ထုတ်ပြန်သွားဖို့ ရှိတယ်လို့ ဦးဇော်ဌေးက ပြောပါတယ်။

ဒါပေမယ့် နာမည်စာရင်းက များလွန်းနေတဲ့အတွက် ကျန်နေတဲ့သူတွေရဲ့ စာရင်းကိုပဲ ရွေးထုတ်ပြီး ထုတ်ပြန်ရမလား၊ ဒါမှမဟုတ် အမည်စာရင်းမှာပါသူ အားလုံးရဲ့ နံမည်တွေအားလုံးကိုပဲ ထုတ်ပြန် ရမလားဆိုတာနဲ့ ပတ်သက်လို့တော့ ဆုံးဖြတ်ချက် မကျသေးဘူးလို့ ပြောပါတယ်။

ဒီအမည်မည်းစာရင်း ရှိတယ်ဆိုတဲ့ကိစ္စဟာ အစိုးရက တရားဝင် မထုတ်ပြန်ပေမယ့်လည်း မြန်မာနိုင်ငံ သားတွေကြားမှာ သိရှိထားပြီးသားကိစ္စပါ။ အရင် အာဏာရှင်ဟောင်း ဦးနေ၀င်းလက်ထက်ကတည်း က အမည်မည်းစာရင်းဆိုတာ တည်ရှိခဲ့တာ ဖြစ်ပေမယ့် ၁၉၈၈ ခုနှစ်နောက်ပိုင်း စစ်တပ်က အာဏာ သိမ်းပြီး ဗိုလ်ချုပ်ကြီး ခင်ညွန့် ဦးဆောင်တဲ့ တပ်မတော် ထောက်လှမ်းရေး တန်ခိုးအရှိန်အ၀ါ ကြီးထွား ခဲ့တဲ့အချိန်မှာ ဒီ အမည်မည်းစာရင်း Black List ဟာ ပိုပြီး ကျယ်ပြန့် များပြားလာပြီး ဒီ အမည်မည်း စာရင်းကြောင့် ဘ၀ပျက်ခဲ့ကြတဲ့သူတွေ၊ မိတကွဲ ဖတကွဲ ဖြစ်ခဲ့ကြသူတွေ၊ ပြည်ပနိုင်ငံတွေရောက်ပြီး မိခင်တိုင်းပြည်ကို ပြန်မရကြတော့တဲ့သူတွေ မရေမတွက်နိုင်အောင် ရှိတယ်လို့ နိုင်ငံရေး အသိုင်းဝိုင်း က ပြောကြပါတယ် ခင်ဗျား။

မြန်မာဝန်ကြီးအပြောင်းအလဲအပေါ် တုံ့ပြန်မှု

မြန်မာအစိုးရအဖွဲ့တွင်း ၀န်ကြီးအပြောင်းအလဲတွေ ဆက်တိုက်လုပ်လာတဲ့အပေါ် အများစုက အကောင်းမြင်ကြပါတယ်။ သမ္မတဦးသိန်းစိန်အနေနဲ့ သူ့ရဲ့ ပြုပြင်ပြောင်းလဲရေးလုပ်ငန်းတွေကို ပို တွန်းအားပေးပြီး လုပ်နိုင်တော့မယ်လို့ မြင်ကြတာပါ။ ၀န်ကြီးတချို့ကို ဌာနနေရာ ပြောင်းရွှေ့ခန့်ထား လိုက်တာမှာ ပြုပြင်ပြောင်းလဲရေးလိုလားသူတွေလို့ အများက သတ်မှတ်သူတွေ ပို နေရာရ လာပြီးတော့ ပြုပြင်ပြောင်းလဲရေးကို တင်းခံနေသူတွေလို့ မြင်ကြသူတွေကတော့ တာဝန်က နုတ် ထွက်ရတာ၊ သိပ် မထင်ရှားလှတဲ့ နေရာတွေကို ရောက်ကုန်တာကြောင့်လည်း အဲဒီလိုမြင်ကြတာ ဖြစ် ပါတယ်။ မြန်မာအစိုးရအဖွဲ့ အပြောင်းအလဲ အပေါ် တုံ့ပြန်ချက်တချို့ကို ကိုကျော်ကျော်သိန်းက စုစည်းတင်ပြထားပါတယ်။

မြန်မာနိုင်ငံမှာ ၂၀၁၀ ပြည့်နှစ်ရွေးကောက်ပွဲပြီး နောက်ပိုင်း သမ္မတဦးသိန်းစိန်ဦးဆောင်တဲ့ အစိုးရ အဖွဲ့ တက်လာပြီးကတည်း ကဆိုရင် အစိုးရအဖွဲ့တွင်း အဓိကအပြောင်းအလဲတွေကို တနင်္လာနဲ့ အင်္ဂါနေ့တွေမှာ သမ္မတဦးသိန်းစိန်က ကြေညာခဲ့ပါတယ်။ ဒါဟာဖြင့် တချိန်တုန်းက ကမ္ဘာ့ပြင်ပ က နိုင်ငံ တခုလိုဖြစ်နေခဲ့တဲ့ မြန်မာနိုင်ငံမှာ အပြောင်းအလဲတွေကို ရှေ့ဆက်တိုးပြီး လုပ်နိုင်တော့မယ့် အလားအလာအဖြစ် လေ့လာသူတွေက မြင်ကြပါတယ်။

အပြောင်းအလဲတွေထဲမှာ အထင်ရှားဆုံးတခုကတော့ သဘောထားတင်းမာသူအဖြစ် အများကမြင်ကြ တဲ့ ဦးကျော်ဆန်းကို ပြန်ကြားရေးဝန်ကြီးဌာနကနေ ပြောင်းရွှေ့လိုက်တာပါပဲ။ သူ့နေရာမှာ အစားထိုး ခန့်အပ်လိုက်သူက တချိန်တုန်းက ဒေါ်အောင်ဆန်းစုကြည်နဲ့ အစိုးရကြားမှာ ဆက်ဆံရေးဝန်ကြီးအဖြစ် ထမ်းဆောင်ခဲ့သူ အလုပ်သမားနဲ့ လူမှုဖူလုံရေးဝန်ကြီး ဦးအောင်ကြည်ပါ။

အခုအစိုးရအဖွဲ့တွင်း ၀န်ကြီးအပြောင်းအလဲတွေဟာ ၂၀၁၁ ခုနှစ် မတ်လမှာ အရင် စစ်ကောင်စီထံ ကနေ သမ္မတဦးသိန်းစိန် အစိုးရ အာဏာလွှဲပြောင်းယူခဲ့ကတည်းကဆိုရင် အကြီးမားဆုံးလို့ဆိုရမှာပါ။ အဲဒီအချိန်ကတည်းက ပြုပြင်ပြောင်းလဲရေးတွေ ကို အရှိန်အဟုန်နဲ့ ဆက်တိုက်လိုလုပ်ခဲ့တာကြောင့် တကမ္ဘာလုံးက အံ့အားသင့်ခဲ့ရသလို မြန်မာနိုင်ငံအပေါ် ချမှတ်ထားတဲ့ ဒဏ်ခတ်အရေးယူမှုတွေကို အနောက်နိုင်ငံတွေက ရုပ်သိမ်း ဆိုင်းငံ့ပေးခဲ့ရတဲ့ အခြေအနေထိ ရောက်ခဲ့ပါတယ်။

ဦးသိန်းစိန်ဟာ ပြုပြင်ပြောင်းလဲရေးလုပ်ငန်းစဉ်ပေါ် အခိုင်အမာ သန္နိဋ္ဌာန်ချထားတယ်ဆိုတာကို အထူးသဖြင့် ဒီ အစိုးရအဖွဲ့ အပြောင်းအလဲကို ကြည့်ခြင်းအားဖြင့် သံသယဖြစ်စရာမရှိပါဘူး လို့ မြန်မာ့အရေးလေ့လာသူ သတင်းစာဆရာ လယ်ရီ ယေဂင် (Larry Jagan) က သုံးသပ်ပါတယ်။

“မြန်မာနိုင်ငံမှာ အပြောင်းအလဲတွေကို မြန်နိုင်သမျှမြန်မြန် အတော်လေး အပြင်းအထန်လုပ်ဖို့ သူဟာ သိပ်ကို စိတ်အား ထက်သန်နေပါတယ်။ ဒါပေမဲ့လည်း အရည်အချင်းမရှိတာ၊ ထိထိရောက်ရောက် လုပ်နိုင်တဲ့ ၀န်ကြီးတွေမရှိတာ၊ အရည်အချင်း ပြည့်ဝတဲ့ အရပ်ဘက်ဝန်ထမ်းတွေမရှိတာတွေနဲ့ သူ့ရဲ့ ပြုပြင်ပြောင်းလဲရေး လုပ်ငန်းစဉ်ကို ဆန့်ကျင်တဲ့ သဘောထား တင်းမာ သူတွေကြောင့် သူ့ရဲ့ လုပ်ငန်းတွေ အဟန့်အတားဖြစ်ခဲ့ရပါတယ်။ အခုတော့ သူဟာ ရှေ့ဆက်သွားနိုင်တဲ့ အနေအထား မှာ ရောက်နေပြီလို့ ကျနော်ထင်တယ်။ ရှေ့ဆက် မြင်ရလိမ့်မယ်လို့ ကျနော်ထင်တာကတော့ အစိုးရ အဖွဲ့ထဲမှာ မျက်နှာသစ်တွေ အများကြီး ပါလာမယ်၊ ဒုတိယ၀န်ကြီးတွေလိုမျိုး နည်းနည်း နိမ့်တဲ့နေရာတွေမှာပေါ့၊ အဲဒီလူတွေဟာ အသိပညာရှင် အတတ် ပညာရှင်တွေ၊ စီးပွားရေးသမားတွေဖြစ်ပါလိမ့်မယ်။”

တနင်္လာနဲ့အင်္ဂါနေ့တွေက အပြောင်းအလဲတွေမှာ ၀န်ကြီးကိုးဦးကို ၀န်ကြီးဌာန ပြောင်းရွှေ့ ခန့်ထား တာ၊ ဒုတိယ၀န်ကြီး ၁၅ ဦး ခန့်အပ်တာ၊ ၀န်ကြီးနှစ်ဦးနဲ့ ပြည်ထောင်စုစာရင်းစစ်ချုပ်တို့ကို ရာထူး ကနုတ်ထွက်ခွင့်ပြုတာတွေပါဝင်ပါတယ်။ အခု ၀န်ကြီးအပြောင်းအလဲတွေအပေါ် အကောင်းမြင်ကြ သူများပေမဲ့လည်း သမ္မတကိုသာ ယုံကြည်ကိုးစားပြီး ၀န်ကြီးတွေ အပေါ် သိပ်ကြီးမျှော်လင့်ချက် မထားသူမျိုးလည်းရှိပါတယ်။

“သိပ်ပြီး မျှော်လင့်ချက်ကြီးရယ်လို့လည်း မရှိပါဘူး။ နိုင်ငံတော် သမ္မတကတော့ ကိုယ့်အပေါ် ကို ကောင်းအောင် လုပ်ပေးမှာပဲလေ။ နိုင်ငံတော် သမ္မတကိုတော့ မျှော်လင့်တာပေါ့။ ဒီဝန်ကြီးတွေ အနေနဲ့တော့ ပြောသလောက်ကြီး မျှော်လင့်ချက် မထားပါဘူး။”

ရန်ကုန်မြို့ခံတဦးပါ။ပြန်ကြားရေးဝန်ကြီးဌာနဟာ ပြည်တွင်းပြည်ပ သတင်းမီဒီယာတွေ၊ ရုပ်ရှင်နဲ့ဂီတနယ်ပယ်တွေကို ကြိကြပ်တဲ့အပြင် ပြည်ပ သတင်းထောက်တွေရဲ့ ပြည်ဝင်ခွင့်ဗီဇာတွေကို စိစစ်ခွင့်ပြုတဲ့ အလုပ်ကို လည်း လုပ်ပါတယ်။ နောက် ရန်ကုန်မြို့ခံတဦး ကတော့ သမ္မတရဲ့ အခုလုပ်ရပ်ကို ၀မ်းမြောက်ဝမ်းသာ ကြိုဆိုသလို အခု ပြောင်းရွှေ့ ခန့်ထားလိုက်တဲ့ ၀န်ကြီးတွေအပေါ် မျှော်လင့်ချက် ထားသူလည်းဖြစ် ပါတယ်။

“ကျနော့်အမြင်ကတော့ လူမှန် နေရာမှန်တွေလို့ မြင်လိုက်တယ်။ ဦးကျော်ဆန်းနေရာကိုဝင်သွားတဲ့ ဦးအောင်ကြည်ကို ပိုစိတ်ဝင်စားတယ်ပေါ့နော်။ ဦးအောင်ကြည်အနေနဲ့ကတော့ flexible ဖြစ်အောင် လုပ်သွားနိုင်လိမ့်မယ်လို့ ကျနော်တို့ ယုံကြည်လိုက်တယ်။ အခု နေရာပြောင်းလဲတဲ့ ဝန်ကြီးတွေပေါ့နော်-မဆိုးပါဘူး။ အားလုံး တော်တယ်၊ ကောင်းတယ်လို့ ကျနော်တော့ မြင်ပါတယ်။ ကြိုလည်း ကြိုဆိုပါတယ်။ သမ္မတကိုလည်း နှစ်နှစ်ခြိုက်ခြိုက်ပဲ ကျေးဇူးတင်လိုက်ပါတယ်။ ဘာဖြစ် လို့လဲဆိုတော့ ဒီဝန်ကြီးတွေက တိုင်းပြည်အတွက် အလွန် အရေးကြီးပါတယ်။ တိုင်းပြည် အတွက် ဆိုတာထက် ပြည်သူအတွက်လို့ ကျနော်တို့က ပိုပြီး ပြောချင်ပါတယ်။

အရေးကြီးတာ ပြည်သူ့ အတွက်ပါပဲ။ အဲဒီအတွက်တော့ ကျနော် တိုတိုနဲ့လိုရင် ပြောလိုက်မယ်ပေါ့- အခုလုပ်ရပ်နဲ့ပတ်သက်ပြီး သမ္မတကြီးကို ကျနော်တို့က ဝမ်းမြောက် ဝမ်းသာ ထောက်လည်း ထောက် ခံ လိုက်ပါတယ်။ ကြိုလည်း ကြိုဆိုလိုက်ပါတယ်။ ဝန်ကြီးတွေကိုလည်း ထို့အတူပဲ- ကြိုဆိုပါ တယ်။ ထောက်လည်း ထောက်ခံပါတယ်။ ကျနော်တို့အနေနဲ့ ပြောချင်တာကတော့- ဒီတာဝန်ယူ လိုက်တဲ့ ဝန်ကြီးတွေက ပြည်သူအတွက် တကယ်ပဲ လေးလေးနက်နက် အလုပ် လုပ်ပေးကြပါလို့- ဒါလေးပဲ ပြောချင်ပါတယ်။”

ဝန်ကြီးနေရာ အပြောင်းအလဲတွေဟာ မပြီးဆုံးသေးဘဲ နောက်ထပ် လာလိမ့်ဦးမယ်လို့ သမ္မတ ရုံးညွှန်ကြားရေးမှူး ဦးဇော်ဌေးက ပြောထားပါတယ်။ မြန်မာနိုင်ငံမှာ အပြောင်းအလဲတွေကို ခြေလှမ်း မှန်မှန်နဲ့ မြန်မြန် ဆက်လုပ်နိုင်ရင်ဖြင့် နှစ်ပေါင်းများစွာ နောက်ကျ ကျန်ရစ်နေခဲ့တဲ့ အခြေအနေ ကနေ နိုင်ငံတကာအလယ်မှာ ဂုဏ်သိက္ခာရှိရှိ ရပ်တည်နိုင်မယ့် နိုင်ငံ တခု ဖြစ်လာလိမ့်မယ်လို့ အများက ယုံကြည် မျှော်လင့်ထားကြပါတယ်ခင်ဗျား။

Mitt Romney ကို ရီပတ်ဘလီကန်ပါတီ သမ္မတလောင်းအဖြစ် အတည်ပြုရွေးချယ်

အမေရိကန်ပြည်ထောင်စုရဲ့ အဓိက နိုင်ငံရေးပါတီကြီး နှစ်ခုထဲက တစ်ခုဖြစ်တဲ့ ရီပတ်ဘလီကန်ပါတီ (Republican Party) ရဲ့ ကျင်းပနေဆဲ ပါတီညီလာခံ ဒုတိယနေ့ မနေ့က သြဂက်စ်လ (၂၈) ရက်နေ့ မှာ လာမယ့်နိုဝင်ဘာလ သမ္မတရွေးကောက်ပွဲဝင်မယ့် သမ္မတလောင်းအဖြစ် မက်ဆာချူးဆက်ပြည် နယ် (Massachusetts State) ရဲ့ အုပ်ချုပ်ရေးမှူးဟောင်း မစ်(တ်) ရော်မနီ (Mitt Romney) နဲ့ ဒုတိယ သမ္မတလောင်းအဖြစ် ၀စ္စကွန်ဆင်ပြည်နယ် (Wisconsin State) ကိုယ်စားပြု အောက် လွှတ်တော်အမတ် ပေါလ် ရိုင်ရယ်န် (Paul Ryan) တို့ကို တရားဝင် ရွေးချယ်လိုက်ကြပါတယ်။

ဖလော်ရီဒါပြည်နယ် (Florida State) ပြည်နယ်၊ တယ်မ်ပါ (Tampa) မြို့မှာကျင်းပနေတဲ့ ရီပတ် ဘလီကန် ပါတီညီလာခံမှာ တက်ရောက်လာကြတဲ့ ပြည်နယ်အားလုံးပေါင်း (၅၀) နဲ့ အမေရိကန် အစိုးရအုပ်ချုပ်ရေးဒေသတွေရဲ့ကိုယ်စားလှယ်တွေက ရော်မနီကို သမ္မတလောင်းအဖြစ် တခဲ နက် ရွေးချယ်လိုက်ကြတာပါ။ ပါတီညီလာခံကိုယ်စားလှယ် ပေါင်း(၁၁၄၄) ဦးရဲ့ ထောက်ခံမဲရရှိဖို့ လိုအပ်နေတဲ့ ရော်မနီဟာ ဒီလိုအပ်ချက်ထက် ပိုပြီး ထောက်ခံမဲတွေကို ရရှိပြီး ရီပတ်ဘလီကန်ပါတီရဲ့ သမ္မတလောင်း အဖြစ်ရွေးချယ်လိုက်ကြောင်း ညီလာခံကနေ ကြေညာခဲ့ပါတယ်။

နယူးဟမ့်ပ်ရှိုင်းယားပြည်နယ် (New Hampshire State) ရဲ့ အုပ်ချုပ်ရေးမှူး ဂျွန်ဆူနုနု (John Sununu) က ပါတီညီလာခံရဲ့ သမ္မတလောင်းရွေးချယ်တဲ့ လုပ်ထုံးလုပ်နည်းအစီအစဉ်တွေ အတိုင်း စတင် လုပ်ဆောင်ခဲ့ပြီးတော့ ရော်မနီဟာ အချိန်အခါသင့် နေရာမှန် လူမှန် ရွေးချယ်ခံရသူဖြစ်သလို ပျက်စီးချွတ်ယွင်းပြီး မပြုမပြင် ဖြစ်နေတာတွေကို ပြုပြင်ပြင် ဆင်နိုင်သူ ဖြစ်တယ်လို့လည်း ပြောဆို လိုက်ပါတယ်။

ဒီပါတီညီလာခံမှာ တက္ကဆက်(စ်)ပြည်နယ် (Texas State) ကိုယ်စားပြု အောက်လွှတ်တော်အမတ် ရွန်ပေါလ် (Ron Paul) ကိုလည်း သမ္မတလောင်းအဖြစ် ထောက်ခံတဲ့ ဆန္ဒမဲတချို့ ရရှိခဲ့ပါတယ်။ ဒေ သစံတော်ချိန် အင်္ဂါနေ့ညပိုင်းမှာ ရော်မနီရဲ့ ဇနီးဖြစ်သူ အဲန်ရော်မနီ (Ann Romney)၊ တောင် ကာရို လိုင်းနားပြည်နယ် (South Carolina State) ရဲ့ အုပ်ချုပ်ရေးမှူး နစ်ကီဟေ လီ (Nikki Haley) တို့က ဒီညီလာခံမှာ မိန့်ခွန်းတွေ ပြောကြားကြမှာ ဖြစ်သလို ညီလာခံရဲ့ အဓိကမိန့်ခွန်းကိုတော့ နယူးဂျာဆီပြည်နယ် (New Jersey State) အုပ်ချုပ်ရေးမှူး ခရစ်(စ်) ခရစ္စတီး (Chris Christie) က ပြောကြားမှာ ဖြစ်ပါတယ်။

အဲန်ရော်မနီက၊ သူ့အနေနဲ့ အိမ်ထောင်သက် (၄၃)နှစ်ကြာ ပေါင်းသင်းလာခဲ့တဲ့ ခင်ပွန်းဖြစ်သူ မစ်(တ်) ရော်မနီအတွက် နှလုံးသားထဲကလာတဲ့ စကားလုံးတွေနဲ့ သူ့ရဲ့မိန့်ခွန်းကို ပြောကြား မှာ ဖြစ်တယ်လို့ သတင်းထောက်တွေကို ပြောကြားခဲ့ပါတယ်။

ပြိုင်ဘက် ဒီမိုကရက်တစ်ပါတီ (Democratic Party) ရဲ့ သမ္မတလောင်း လက်ရှိသမ္မတ အိုဘားမားရဲ့ မဲဆွယ်စည်းရုံရေးအဖွဲ့က မစ်(တ်) ရော်မနီဟာ နေ့စဉ် ရုန်းကန်လှုပ်ရှားနေကြရတဲ့ သာမန် အမေရိ ကန် ပြည်သူ လူထုတွေနဲ့ ကင်းကွာ အလှမ်းဝေးနေသူအဖြစ် ပုံဖော် ပြောဆိုစည်းရုံးနေတာ ကို ချေဖျက်နိုင်ဖို့အတွက် ဇနီးဖြစ်သူ အဲန်ရော်မနီက သူမရဲ့ မိန့်ခွန်းမှာ မစ်(တ်) ရော်မနီရဲ့နေ့စဉ် သာမန် အမေရိကန် အိမ်ထောင်ရှင်ခင်ပွန်းသည် တစ်ယောက်အဖြစ် နေထိုင်သွားလာ လှုပ်ရှားနေ ပုံတွေကို အဓိကထားပြီး ပြောကြား လိမ့်မယ်လို့ ရီပတ်ဘလီကန်ပါတီခေါင်းဆောင်တွေက မျှော်လင့် ထားကြပါတယ်။

ဒီညီလာခံရဲ့ အဓိကမိန့်ခွန်းပြောကြားမယ့် နယူးဂျာဆီပြည်နယ် အုပ်ချုပ်ရေးမှူး ခရစ်(စ်) ခရစ္စတီး (Chris Christie) ကတော့ ပြီးခဲ့တဲ့ သုံးနှစ်ခွဲကာလအတွင်း ဒီမိုကရက်သမ္မတ အိုဘားမားရဲ့ မအောင်မြင်တဲ့ မူဝါဒတွေကြောင့် အမေရိကန်ပြည်ထောင်စုရဲ့ ဆုံးရှုံး နစ်နာမှုတွေကို မီးမောင်းထိုး ပြောကြားသွားလိမ့်မယ်လို့ မျှော်လင့်ရပါတယ်။