27.08.2012 နေ့ဖတ်ရန်သတင်းများ

by Myanmar Journal on Sunday, August 26, 2012 at 7:44pm ·

အာကာသယာဉ်မှူး အမ်းစထရောင်းအတွက် ဂုဏ်ပြုပွဲတွေ ကျင်းပ

လမင်းကြီးက ပြုံးပြနေတာကို ကြည့်ပြီး နီးလ်ကို သတိရလိုက်ပါ

အမေရိကန် ပြည်ထောင်စုမှာ မနေ့က ကွယ်လွန်သွား ခဲ့တဲ့ လကမ္ဘာ ပေါ် ပထမဆုံး ခြေချခဲ့သူ အမေရိကန် အာကာသ ယာဉ်မှူး နီးလ် အမ်းစထရောင်း အတွက် ချီးကျူး ဂုဏ်ပြုပွဲတွေ အကြီးအကျယ် ပြုလုပ်နေ ပါတယ်။

အမေရိကန်သမ္မတ အိုဘားမားက အမ်းစထရောင်းဟာ အမေရိကန် မဟာ သူရဲကောင်း တဦးဖြစ်ပြီး၊ ဒါဟာ သူ သက်ရှိထင်ရှား ရှိစဉ် အချိန်မှာ တင်မဟုတ်ပဲ အမြဲတမ်း အတွက် ဖြစ်တယ် လို့ ပြောကြားပါတယ်။

၁၉၆၉ ခုနှစ်က လကမ္ဘာပေါ် သွားရောက်ခဲ့တဲ့ သမိုင်းဝင် အာကာသ အဖွဲ့မှာ မစ္စတာ အမ်းစထရောင်းနဲ့ အတူ လိုက်ပါသွားတဲ့ ဘတ်ဇ် အဲလ်ဒရင်က မစ္စတာ အမ်းစထရောင်းဟာ အင်မတန် ထူးချွန်လှတဲ့ အာကာသ သူရဲကောင်း တဦး ဖြစ်တယ်လို့ ခေါ်ဆို လိုက်ပါတယ်။

လကမ္ဘာပေါ် ခြေချနိုင်အောင် သူ့ရဲ့ တာဝန်ယူ လုပ်ဆောင်ခဲ့မှု၊ အောင်မြင်မှုနဲ့ ရိုးရိုးကုပ်ကုပ် နေတတ်မှုတွေ အပေါ် ဂုဏ်ပြုကြဖို့ သူ့ရဲ့ မိသားစုတွေက အမေရိကန် ပြည်သူတွေကို ပန်ကြား လိုက်ပါတယ်။

သူ့မိသားစုရဲ့ ထုတ်ပြန်တဲ့ စာထဲမှာတော့ ''တိမ်ကင်းတဲ့ ညတညမှာ နောက်တခါ လမ်းလျှောက်မယ်ဆိုရင် လမင်းကြီးက ပြုံးပြနေတာကို ကြည့်ပြီး နီးလ်ကို သတိရလိုက်ပါ။ နောက်ပြီး သူ့ကို မျက်စိတဘက် မှိတ်ပြလိုက်ပါတဲ့''။

ဘတ်စ်ကတ်ဘော သံခင်းတမန်ခင်းလေလား

မြန်မာပြည်ဖွား အမေရိကန် ဘတ်စ်ကတ်ဘော မန်နေဂျာ ရစ်ချတ် ချို

မြန်မာနိုင်ငံမှာ အားကစားနဲ့ဆိုင်တဲ့ အလုပ်ရုံဆွေးနွေးပွဲတွေ ကျင်းပဖို့အတွက် အမေရိကန်နိုင်ငံ ဘတ်စ်ကတ်ဘော အဖွဲ့ (NBA) က မန်နေဂျာတွေ ပါတဲ့ အမေရိကန် ဘတ်စ်ကတ်ဘော သံတမန် အဖွဲ့ဟာ မြန်မာနိုင်ငံမှာ ရောက်နေကြပြီး၊ ဒီကနေ့ သြဂုတ်လ ၂၆ ရက်မှာတော့ ရန်ကုန်မြို့မှာ သတင်းစာ ရှင်းလင်းပွဲ ကျင်းပခဲ့ပါတယ်။

စိတ်ဝင်စားစရာ ကောင်းတာက မြန်မာပြည်ဖွား ရစ်ချတ်ချိုဟာ NBA Charlotte Bobcats အသင်းရဲ့ မန်နေဂျာ ဖြစ်နေတာပါ၊ သူလည်း ရန်ကုန်ကို လိုက်ပါလာပြီး ရှင်းလင်း ပြောကြားခဲ့ပါတယ်။ ဒီကနေ့ သတင်းစာ ရှင်းလင်းပွဲ ပြုလုပ်ခဲ့တဲ့ ရန်ကုန်က တော်ဝင်စင်တာမှာလည်း ဘတ်စ်ဘောကို စိတ်ဝင်စားတဲ့ ကျောင်းသား လူငယ်တွေ လာရောက်ခဲ့ကြပြီး၊ NBA Los Angeles Lakers အသင်းရဲ့ လက်ထောက် မန်နေဂျာ ဒါဗင် ဟမ် က မြန်မာ့ ဘတ်စ်ကတ်ဘော အသင်းသား တယောက်နဲ့ သရုပ်ပြ ကစားပြခဲ့ပါတယ်။

ဒီကနေ့ ရှင်းလင်းပွဲကို ရန်ကုန်က မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ် မစ်ချယ်လည်း တက်ရောက်ခဲ့ပါတယ်။ ဒီ ဘတ်စ်ကတ်ဘော သံခင်းတမန်ခင်း အဖွဲ့ဟာ မြန်မာနိုင်ငံမှာ သောကြာနေ့အထိ ရှိနေမှာ ဖြစ်ပြီး၊ အားကစားဆိုင်ရာ ဆွေးနွေးပွဲတွေကို လုပ်ကြမှာ ဖြစ်ပါတယ်။

အမေရိကန် ဘတ်စ်ကတ်ဘောသမားကိုယ်တိုင်က ကစားပြခဲ့ပါတယ်။

မြန်မာနိုင်ငံမှာ ဘောလုံးအားကစားကတော့ ပရိသတ်အကြိုက်ဆုံးနဲ့ ပရိသတ် အများဆုံး အားကစားဖြစ်ပြီး၊ ဘတ်စ်ကတ်ဘော ကစားတာကိုတော့ ဟစ်ဟော့ အားကစားသမားတွေနဲ့ ကြေးရတတ်တချို့ ကစားကြတာ ရှိပါတယ်။ ဘတ်စ်ကတ်ဘောနဲ့ဆိုင်တဲ့ သင်တန်းတွေ၊ တခြား အစီအစဉ်တွေကိုလည်း နောက်ပိုင်းမှာ အမေရိကန်တွေက ထပ်မံ လုပ်ဆောင်ပေးဖို့ ရှိသေးတယ်လို့ မြန်မာနိုင်ငံ ဘတ်စ်ကတ်ဘော အဖွဲ့ချုပ်က ဒုတိယ ဥက္ကဌ ဦးမောင်မောင်မြင့်က ဘီဘီစီကို ပြောပါတယ်။

မြန်မာနိုင်ငံ ဘတ်စ်ကတ်ဘော အဖွဲ့ချုပ်နဲ့လည်း အနာဂတ်မှာ လက်တွဲ ဆောင်ရွက်ဖို့ ရှိကြောင်းကိုလည်း အရိပ်အယောင်တွေ သူ့အနေနဲ့ တွေ့ရကြောင်း သူက ဆိုပါတယ်။

ဆီးရီးယားဆူပူမှုဟာ ပြည်ပ ကြံစည်မှုကြောင့်လို့ သမ္မတ ပြော

သူပုန်တွေ ထိန်းချုပ်ထားရာ နေရာတွေကို အစိုးရက ဆက်လက် ထိုးစစ်ဆင်

ဆီးရီးယား သမ္မတ ဘရှား အယ်လ် အားဆာ့တ်က သူ့နိုင်ငံတွင်းမှာ ဖြစ်ပွားနေတဲ့ ဆူပူ အုံကြွမှုဟာ ပြည်ပက အကွက်ချ စီစဉ်မှု ဖြစ်တယ်လို့ ပြောပါတယ်။

ဒီအကွက်ချ ကြံစည်မှုကို ဘယ်လိုနည်းနဲ့ ဖြစ်ဖြစ် တန်ပြန် ချေမှုန်းသွားမယ်လို့ သူက အခိုင်အမာ ပြောသွားပါတယ်။

ဆီးရီးယားနိုင်ငံမှာ စနေနေ့က ဖြစ်ပွားခဲ့တဲ့ တိုက်ခိုက်မှုတွေအတွင်း လူသေဆုံးမှုဟာ အစိုးရ ဆန့်ကျင်တဲ့ ဆူပူ အုံကြွမှုတွေ စဖြစ်ပြီးကတည်းက အသေအပျောက် အများဆုံး ဖြစ်တယ်လို့ လူ့အခွင့်အရေး လှုပ်ရှားတဲ့ အဖွဲ့တွေက ပြောခဲ့အပြီးမှာ မစ္စတာ အားဆာ့တ်က အခုလို ပြောဆိုလိုက်တာ ဖြစ်ပါတယ်။

Damascus မြို့တော်ရဲ့ အပြင်ဘက် နားက Daraya မြို့ကို အစိုးရ တပ်ဖွဲ့တွေနဲ့ လက်နက်ကိုင် ပြည်သူ့စစ်တွေ ထိုးစစ်ဆင် တိုက်ခိုက်ခဲ့ရာမှာ လူသုံးရာကျော်ကို အစုလိုက်အပြုံလိုက် သတ်ဖြတ်ခဲ့တယ်လို့ အတိုက်အခံ လှုပ်ရှားသူတွေက ပြောပါတယ်။

ဆီးရီးယားနိုင်ငံရဲ့ အကြီးဆုံးမြို့ ဖြစ်တဲ့ Aleppo မြို့နဲ့ တောင်ပိုင်း Daraa မြို့တွေမှာလည်း သူပုန်တွေ ထိန်းချုပ်ထားရာနေရာတွေကို အစိုးရ တပ်တွေက လေကြောင်းကနေ ဗုံးကြဲ တိုက်ခိုက်မှုတွေ ဆက်လုပ်ခဲ့ပါတယ်။

ရခိုင် အတွက် အင်ဒိုနီးရှား အကူညီတွေ စရောက်

နောက်ထပ် အကူညီတွေ ဆက်ရောက် လာဖို့ ရှိတယ်လို့ အင်ဒိုနီးရှား အရာရှိကဆို

အင်ဒိုနီးရှား ကြက်ခြေနီ အဖွဲ့က ရခိုင် ပြည်နယ် ပဋိပက္ခကြောင့် ဒုက္ခ ရောက်ကြ ရသူတွေ အတွက် ကူညီ ထောက်ပံတဲ့ ပစ္စည်း တွေ ရန်ကုန်မြို့ကို စတင် ရောက်ရှိ နေပါပြီ။

အင်ဒိုနီးရှားရဲ့ ဒီအကူအညီ တွေနဲ့ ပတ်သက်ပြီး ရန်ကုန်မြို့ အင်ဒိုနီးရှား သံရုံးက သတင်း ပြန်ကြားရေး နဲ့၊ လူမှုရေးနဲ့ ယဉ်ကျေးမှု ဆိုင်ရာ တာဝန်ခံ တတိယ အတွင်းဝန် မစ္စတာ ဂျူမာရာ ဆူပရီယာဒီ (Djumara Supriyadi) ကို ဆက်သွယ် မေးကြည့်တော့ သူက ခုလို ပြော ပါတယ်။

မစ္စတာဂျူမာရာ ။ ။ သြဂုတ်လ ၂၅ ရက်နေ့ မနက် တုန်းက အရေးပေါ် အကူညီ ပစ္စည်း ၇ ဒဿမ ၂ တန်ကို အင်ဒိုနီးရှား ကြက်ခြေနီ အဖွဲ့က မြန်မာ ကြက်ခြေနီ အသင်းကို လွှဲပြောင်း ပေးအပ် ခဲ့ပါတယ်။ အဲဒီ ထဲမှာ စောင်တွေ၊ လုံခြည်တွေ၊ သန့်စင်ရေး ပစ္စည်း အထုပ် တွေ ပါပါတယ်။ ဒါဟာ အင်ဒိုနီးရှား နိုင်ငံက ပေးအပ်မယ့် လူသားချင်း စာနာမှု ဆိုင်ရာ အကူအညီ အများအပြား ရဲ့ပထမ အသုတ်ဖြစ် တယ်လို့ ကျွန်တော် ထင်ပါတယ်။ ဒါဟာ သြဂုတ်လ ၁၀ ရက်နေ့ တုန်းက အင်ဒိုနီးရှား ဒုတိယ သမ္မတ ဟောင်း မစ္စတာ ယူဆွတ် ကာလား နဲ့ မြန်မာ သမ္မတ ဦးသိန်းစိန် တို့ တွေ့ဆုံ ခဲ့ပြီး တဲ့နောက် ကာလ ရှည်ကြာ ဆက်ဆံမှု ရှိခဲ့တဲ့ အင်ဒိုနီးရှား နဲ့ မြန်မာ ကြက်ခြေနီ အဖွဲ့ တို့ရဲ့ ပူးပေါင်း ဆောင် ရွက်မှု တခု ဖြစ်ပါတယ်။ အင်ဒို နီးရှား ကြက်ခြေနီ အဖွဲ့က စေတနာ့ ဝန်ထမ်း တွေလည်း ဒီမှာ ရောက်နေ ကြပြီး စစ်တွေ ကို အကူညီ ပစ္စည်းတွေ ရောက်လာတဲ့ အခါမှာလည်း သူတို့ ရှိနေကြ မှာပါ။ စက်တင်ဘာ ၆ ရက် နေ့ လောက်မှာ အဲဒီကို ပစ္စည်းတွေ ရောက်နိုင်မယ်လို့ မျှော်လင့် ပါတယ်။ အဲဒီမှာ အခက်အခဲ အများဆုံး ရှိနေတဲ့ ဒုက္ခသည် တွေကို ဒေသခံ အစိုးရနဲ့ ပူးပေါင်း ကူညီ သွားမှာပါ။

ဘီဘီစီ ။ ။ ရခိုင်ပြည်နယ်ကိုဒီအကူအညီတွေဘယ်လိုပို့ပေးမှာပါလဲ။ လေကြောင်းနဲ့လား။

မစ္စတာဂျူမာရာ ။ မူလ အစီအစဉ် အရ ဆိုရင်တော့ အင်ဒိုနီးရှား က ရောက်လာမယ့် အကူအညီ တွေကို ရန်ကုန်မြို့က တဆင့် လေယာဉ်နဲ့ အဲဒီကို တိုက်ရိုက် ပို့ပေးဖို့ ပါဘဲ။ ဒါပေမယ့် စစ်တွေ လေဆိပ်မှာ လေယာဉ်ကြီးတွေ ဆင်းလို့ မရတဲ့ အတွက် ရန်ကုန်မှာ ကုန်တွေ ကို ချပြီး စစ်တွေကို သင်္ဘောနဲ့ ပို့ပေးမှာ ဖြစ်ပါတယ်။

ဘီဘီစီ ။ ။ ဒီအကူ အညီကို ဘယ်သူ တွေကို ပေးမှာ ပါလဲ။

မစ္စတာ ဂျူမာရာ ။ ။ ရခိုင် ပြည်နယ် အရေးနဲ့ ပတ်သက်ပြီး အင်ဒိုနီးရှား အစိုးရနဲ့ ကြက်ခြေနီ အဖွဲ့ရဲ့ သဘောထား က သိပ်ရှင်း ပါတယ်။ ကျွန်တော်တို့ မှာ ကြားနေရေး မူဝါဒ ရှိပါတယ်။ ပဋိပက္ခ ကြောင့် ထိခိုက် ခံရတဲ့ နှစ်ဖက်လုံးကို သာတူညီမျှ အချိုးကျ ပုံစံနဲ့ ကူညီ သွားမှာပါ။ မြန်မာ ကြက်ခြေနီ အဖွဲ့ရော အင်ဒိုနီးရှား ကြက်ခြေနီ အဖွဲ့အတွက်ပါ ဒီကြားနေရေး မူဝါဒ ဟာသိပ် အရေးကြီး ပါတယ်။

ဘီဘီစီ ။ ။ ကြားနေရေးနဲ့ ပတ်သက်လို့ ဒေသခံ တိုင်းရင်းသား တွေက ကုလသမဂ္ဂနဲ့ အန်ဂျီအို အစိုးရ မဟုတ်တဲ့ အဖွဲ့အစည်း တချို့ ဟာ ဘက်လိုက်တယ် ဆိုပြီး ယူဆတာမျိုး တွေလည်း ရှိနေ ပါတယ်။ ပြီးတော့ အင်ဒိုနီးရှား နိုင်ငံ မြန်မာ သံရုံးရှေ့မှာ ရိုဟင်ဂျာ တွေ အတွက် ဆန္ဒပြခဲ့ တာတွေလည်း ရှိပါတယ်။ ဒီတော့ အင်ဒိုနီးရှားက အကူအညီကို ဒေသခံ တွေက လိုလိုလားလား လက်ခံ ပါ့မလား။

မစ္စတာဂျူမာရာ ။ ။ မြန်မာ အစိုးရ ကရော မြန်မာ ကြက်ခြေနီ အဖွဲ့ကရော ဒီထောက်ပံ့မှု တွေကို လက်ကမ်း ကြိုဆိုပါတယ်လို့ ပြောထား ပြီးသား ပါ။ ရခိုင် ပြည်နယ်မှာ ရှိနေတဲ့ ဒေသခံ တွေကလည်း ဒီအလှူကို ကြိုဆို လက်ခံတယ်လို့ ကျွန်တော်တို့ ယုံကြည် ပါတယ်။ ဘာ ကြောင့်လဲ ဆိုတော့ မြန်မာ နိုင်ငံက ဒီမိုကရေစီ ပြုပြင် ပြောင်းလဲရေး ဆောင်ရွက်ချက် တွေကို အင်ဒိုနီးရှား က ထောက်ခံခဲ့ ပါတယ်။ ဒါကြောင့် ဒီအရေးအခင်း ဖြစ်တော့ မြန်မာနိုင်ငံရဲ့ ပြုပြင် ပြောင်းလဲရေး ဆောင်ရွက်ချက် တွေကို မထိခိုက် အောင် အင်ဒိုနီးရှား ဖက်က ကူညီ ဆောင်ရွက် ပေးဖို့ စိတ်အား ထက်သန်တာနဲ့ အညီ ဆောင်ရွက်မှုတွေ လုပ်ခဲ့တာပါ။

ဆားလင်းကြီး ကြေးနီစီမံကိန်း ပြဿနာ ပိုကြီးလာ

ဇူလိုင်လကလည်း စစ်ကိုင်းမှာ ၁၉၉၈ ခုနှစ်က အသိမ်းခံ လိုက်ရတဲ့ လယ်တွေ ပြန်ရရေး လယ်သမားတွေ ဆန္ဒပြခဲ့ကြ

လက်ပံတောင်းတောင် ကြေးနီစီမံကိန်းကို အစိုးရဆီက လုပ်ပိုင်ခွင့် ရထားတဲ့ မြန်မာ့ စီပွားရေး ဦးပိုင် ကုမ္ပဏီနဲ့ တရုတ် အမျိုးသားပိုင် မြန်မာဝမ်ပေါင် ကုမ္ပဏီတို့ရဲ့ ဖက်စပ် လုပ်ငန်းခွင်မှာ ဒေသခံ ကျေးရွာ ၂၆ ရွာက လယ်ဧက ၇ ထောင်ကျော်ကို သိမ်းယူ ထားတယ် ဆိုပြီး ဒေသခံ လယ်သမားတွေနဲ့ အချင်းများနေတဲ့ ပြဿနာဟာ တနေ့ထက် တနေ့ ပိုပြီး တင်းမာလာ နေပါတယ်။

စနေနေ့က ဆိုရင် ဒေသခံလယ်သမား တထောင်ကျော်က မောင်းတွေထု ဆန္ဒပြပြီးတော့ သူတို့ပိုင် လယ်မြေတွေ မကျူးကျော်ရဆိုတဲ့ ဆိုင်းဘုတ်တွေကို သူတို့ပိုင် လယ်ကွက်တွေမှာ လိုက်စိုက် သလို ကုမ္ပဏီဘက် ကလည်း ဒေသခံ ပြည်သူ့ရဲတပ်ဖွဲ့ ရာကျော်သုံးပြီး တားမြစ် နေရပါတယ်။

တနင်္ဂနွေနေ့မှာတော့ ဦးပိုင်ကုမ္ပဏီဘက်က တာဝန်ခံနဲ့ ဆားလင်းကြီး အုပ်ချုပ်ရေးမှူးတို့က ကုမ္ပဏီက သိမ်းယူထားတဲ့ လယ်တွေဟာ လျော်ကြေး ပေးပြီးသားဖြစ်လို့ ကုမ္ပဏီ ဘက်က ပိုင်ဆိုင်ကြောင်း လယ်သမားတွေကို ပြောဆိုခဲ့ တယ်လို့ သိရပါတယ်။

လယ်သမားအရေး ကြားဝင်ကူညီနေတဲ့ ဆည်တဲရွာက ဆရာတော် ဦးနန္ဒာစာရကတော့ ကုမ္ပဏီဘက်က ဒီလယ်မြေတွေကို သူတို့ပိုင်ဆိုင်ပြီး ဖြစ်တယ်လို့ ဒီလိုပြတ်ပြတ်သားသား ပြောလာတော့ ဒေသခံ လယ်ပိုင်ရှင်တွေရဲ့ သဘောထားတွေ ကလည်း အတော် တင်းမာပြီး မခံမရပ် ဖြစ်နေကြတယ်လို့ မိန့်ပါတယ်။

ပြဿနာတွေ ဆက်ဖြစ်ရင် မလိုလားအပ်တဲ့ အကြမ်းဖက်မှုတွေ ဖြစ်လာတော့မှာမို့ လယ်သမားတွေ ဘက်ကတော့ ဥပဒေကြောင်းအရ ဆက်ပြီး လုပ်ဆောင်သွား မယ်လို့ ဆိုပါတယ်။

ကုမ္ပဏီဘက် ကတော့ ၂၀၁၁ ခုနှစ်က ပေးခဲ့တဲ့ တဧက ၅ သိန်း ၂ သောင်းဟာ မြေတန်ကြေးပါ ပါပြီးဖြစ်တယ်လို့ ပြောပေမယ့် လယ်သမားတွေ ကတော့ ဒီငွေကြေးဟာ ၃နှစ် သီးနှံ မစိုက်ရလို့ နစ်နာတဲ့ အတွက်ပေးတဲ့ နစ်နာကြေး သက်သက်ဖြစ်လို့ မြေတန်ကြေး မပါဘူးလို့ ပြောဆို နေကြပါတယ်။

ဒီကိစ္စတွေ ဥပဒေကြောင်း အရ ဘယ်လို ဆက်ဖြစ်မယ်ဆိုတာ မသိသေးပေမယ့် ဒေသခံတွေ ကတော့ လယ်ယာမြေ ဆုံးရှုံးတာ အပြင် စက်ရုံက ထွက်လာတဲ့ စွန့်ပစ်ရေတွေ ကြောင့် ပတ်ဝန်းကျင်က လယ်တွေဟာလည်း စိုက်ပျိုးမရ ဖြစ်မယ့် အခြေအနေတွေ ရှိခဲ့ဘူးတာမို့ ဒီစီမံကိန်းကို မလိုလားကြဘူးလို့ ဘီဘီစီကို ပြောကြပါတယ်။

လူ့အခွင့်အရေး ရှေ့နေ လိုင်စင်သိမ်းခံရ

၂၀ဝ၉ခုနှစ်က စပြီး ရှေ့နေလိုက်ခွင့် လိုင်စင် ရထားတဲ့ လူ့အခွင့်အရေး ရှေ့နေ တယောက်ကို ရှေ့နေ မဖြစ်ခင်က ပြစ်မှုကျခံ ခဲ့ရဘူးတဲ့ ကိစ္စနဲ့ ပတ်သက်ပြီး ပြည်ထောင်စု လွှတ်တော် တရားရုံးချုပ်က ရှေ့နေလိုင်စင် ပြန်သိမ်းလိုက် ပါတယ်။

မင်္ဂလာဒုံမြို့နယ် သင်္ဃန်းကျွန်းကြီး ရပ်မှာနေတဲ့ အထက်တန်း ရှေ့နေ ဦးမျိုးမင်းထွန်းခေါ် ဦးပါစီပြည်ဟိန်းကို ရှေ့နေလိုင်စင် ပြန်အပ်ဖို့ ပြည်ထောင်စု လွှတ်တော်တရား ရုံးချုပ် ကနေ အကြောင်းကြားစာပို့ လိုက်တာဖြစ်ပါတယ်။

ရှေ့နေဦးမျိုးမင်းထွန်း ပြစ်ဒဏ် ကျခံရတာ ကတော့ သူရှေ့နေ မဖြစ်ခင်ကျူရှင် ဆရာဘဝ ၂၀ဝ၇ ခုနှစ် ကာလက မင်္ဂလာဒုံ မြို့နယ်မှာ စည်ပင်သာယာနဲ့ ဖြစ်တဲ့ နယ်မြေ ကျူးကျော်မှု တခုမှာ ကြားကနေ ဝင်ရောက် ပြောဆိုလို့ စည်ပင် ဝန်ထမ်းတွေကို တာဝန် ဝတ္တရား နှောင့်ယှက်တယ် ဆိုပြီး ထောင်ဒဏ် ၃လ ကျခံခဲ့ရတာလို့ ပြောပါတယ်။

ဒီပြစ်ဒဏ် ကျခံခဲ့ရတာကို ၂၀ဝ၉ ခုနှစ် ရှေ့နေ လိုင်စင်ထုတ် ပေးတုန်းက အရေးတယူ မလုပ်ခဲ့ဘဲ အမှုလိုက် ရှေ့နေဖြစ်ကာမှ နာမည်ကြီး ကုမ္ပဏီတခုနဲ့ အပြန်အလှန် တရားစွဲ ဆိုမှု ကိစ္စကို အကြောင်းပြုပြီး ခုလို လိုင်စင် ပြန်သိမ်းတာဟာ သူ့အပေါ် အနိုင်ကျင့်တာလို့ ထင်ကြောင်း ရှေ့နေ ဦးမျိုးမင်းထွန်က ပြောပါတယ်။

ရှေ့နေ ကျင့်ဝတ် ဖေါက်ဖျက်လို့ လိုင်စင် သိမ်းခံရတဲ့ ရှေ့နေတွေတောင် တရားရုံး အဆင့်ဆင့် လျှောက်လဲ တင်ပြပြီးမှ အပြီးသတ် သိမ်းခံရတာမျိုး ဖြစ်လို့ အခုကိစ္စမှာ သူ့ဘက်က ရှေ့နေ ကျင့်ဝတ် ဖေါက်ဖျက်တာ မရှိဘဲ ခုလို တချက်လွှတ် ဆုံးဖြတ် လိုက်တဲ့ အပေါ် သမ္မတ အပါဝင် လွှတ်တော် ၂ ရပ်နဲ့ တရား လွှတ်တော်ချုပ် အထိ အသနားခံ တင်ပြသွားမယ်လို့ ဦးမျိုးမင်းထွန်းက ပြောပါတယ်။

ခုရှေ့နေလိုင်စင် သိမ်းတဲ့ အမိန့်စာ ရချိန်ဟာ ဇေကမ္ဘာ ကုမ္ပဏီနဲ့ လယ်သိမ်းခံ ကုမ္ပဏီဘက်က ကူညီဆောင်ရွက်နေတဲ့ ဦးနေမျိုးဝေရဲ့အမှုကို သူ ရှေ့နေ လိုက်ပေးချိန်နဲ့ တိုက်တိုက် ဆိုင်ဆိုင် ဖြစ်နေလို့ ဒီကိစ္စဟာ အချိန်ကိုက်များ ဖြစ်နေလေသလား တိုက်ဆိုင်မှုတခုလားဆိုပြီး ဝေခွဲမရ ဖြစ်နေတဲ့ အကြောင်း ကိုလည်း ရှေ့နေဦးမျိုးမင်းထွန်းက ဘီဘီစီကို ပြောပါတယ်။

ကြေးနီစီမံကိန်း ကြောင့် မြေယာဆုံးရှုံးကြ

စစ်ကိုင်းတိုင်း မုံရွာမြို့ တဖက်ကမ်း၊ ဆားလင်းကြီး မြို့နယ်ရှိ လက်ပံတောင်းတောင် ကြေးနီ စီမံကိန်းကြောင့် လယ်ယာမြေ ဆုံးရှုံးသွားကြတဲ့ ဒေသခံတွေ နဲ့ သတ္တုတူးဖေါ်ရေး ကုမ္ပဏီ ကြား အငြင်းပွား အချင်းများရာ က ပြဿနာတွေဟာ တနေ့ ထက် တနေ့ တင်းမာ လာပါတယ်။

ဒီစီမံကိန်း ကို အစိုးရ ဆီ က လုပ်ပိုင်ခွင့် ရထားတဲ့ မြန်မာ့ စီးပွားရေး ဉီးပိုင် ကုမ္ပဏီ နဲ့ တရုတ် အမျိုးသားပိုင် မြန်မာ ဝမ်ပေါင် ကုမ္ပဏီ တို့ရဲ့ ဖက်စပ် လုပ်ငန်းခွင်မှာ ဒေသခံ ကျေးရွာ ၂၆ ရွာက လယ်ဧက ၇ဝဝဝ ကျော်ကို သိမ်းယူမှု နဲ့ အငြင်းပွားကြတာပါ။

ပြီးခဲ့တဲ့ ရက်က ဆိုရင် ဒေသခံ လယ်သမား တထောင် ကျော်က မောင်းတွေထု ဆန္ဒပြယင်း သူတို့ပိုင် လယ်မြေတွေ မကျူးကျော် ရ ဆိုတဲ့ ဆိုင်းဘုတ်တွေ ကို သူတို့ပိုင် လယ်ကွက်တွေ မှာ လိုက်စိုက်သလို၊ ကုမ္ပဏီ ဘက်က လည်း ဒေသခံပြည်သူ့ ရဲတပ်ဖွဲ့ တရာကျော် ကို အသုံးပြုယင်း ဟန့်တားမှု တွေ ပြုပါတယ်။

ဒီလယ်တွေဟာ လျော်ကြေးပေးပြီးသား ဖြစ်လို့ ကုမ္ပဏီ ဘက် က ပိုင်ဆိုင်ကြောင်း ဉီးပိုင်ကုမ္ပဏီ ဘက် က တာဝန်ခံ နဲ့ ဆားလင်းကြီး အုပ်ချုပ်ရေးမှူး တို့က လယ်သမားတွေ ကို ပြောပါတယ်။

ဒါပေမယ့် ဒေသခံတွေ ဘက်ကတော့ သုံးနှစ်လျော်ကြေး အနေနဲ့ တဧက ကို ကျပ်ငွေ ငါးသိန်းကျော်ပေး တဲ့ အထဲမှာ ကျန်းမာရေး စရိတ်ပါ ထည့်ပြီးလို့ ဆိုထားလို့ လယ်သမားတွေဘက် က အလျှော့ပေးမှာ မဟုတ်သလို ၂၆ ရွာစလုံး ညီညီညွတ်ညွတ်နဲ့ အောင်မြင်တဲ့ အထိ တောင်းဆိုသွားမယ် လို့ ဘီဘီစီ ကို ပြောပါတယ်။

ရန်ကုန်လမ်းတွေပေါ်က နံရံဆေးမှုတ်အနုပညာ

မြန်မာနိုင်ငံမှာ စာပေလွတ်လပ်ခွင့်နဲ့ လွတ်လပ်စွာ ဆန္ဒထုတ်ဖော်မှုတွေ အထိုက်အလျောက် ရှိလာပြီဖြစ်ပေမဲ့လို့ မြို့ပေါ်လမ်းမတွေဘေး နံရံဆေးမှုတ် အနုပညာတွေကိုတော့ တစုံတရာ ကန့်သတ်ခံနေရဆဲ ဖြစ်တယ်လို့ လမ်းဘေး နံရံဆေးမှုတ် အနုပညာရှင်တွေက ပြောပါတယ်။ ဒါပေမဲ့လည်း ရန်ကုန်မြို့ လမ်းတွေမှာတော့ အရင်ကထက်စာရင် Graffiti ဆိုတဲ့ လမ်းဘေး နံရံဆေးမှုတ် အနုပညာတွေ ကတော့ ပိုပြီး တွေ့လာရတယ်လို့ ဆိုရမှာပါ။ ရိုက်တာသတင်းဌာနက ဒီအကြောင်း ရေးသားချက်ကို ကိုသားညွန့်ဦးက တင်ပြထားပါတယ်။

ရန်ကုန်မြို့ရဲ့ ညစ်ပေနေတဲ့ လမ်းဘေးတခုရဲ့ နံရံမှာ အတောင်ပံပါတဲ့ ရုပ်မြင်သံကြားစက် တလုံးပုံကို တွေ့ရပါတယ်။ ဒါဟာ ရန်ကုန်မြို့ လမ်းတွေပေါ်မှာ Graffiti လို နံရံဆေးမှုတ် အနုပညာ ဖန်တီးနေတဲ့ ကိုအောင်ရဲ့ လက်ရာတခုပါ။ မီဒီယာလွတ်လပ်ခွင့်ရဖို့ မျှော်လင့်နေတဲ့ ဒီ ပုံဟာ အခု ရန်ကုန်မြို့ရဲ့ အခြားနေရာ အတော်များများမှာပါ ပုံတူကူးဆွဲထားတာ တွေ့ရပါတယ်။ ဒီ အနုပညာမျိုးကို ဥရောပတို့ အမေရိကန် ပြည်ထောင်စု မြို့ကြီးတွေရဲ့ လမ်းဘေးချောင်ကြားတွေမှာ တွေ့ရမြင်ရလေ့ ရှိပေမဲ့ မြန်မာပြည်မှာတော့ ကျယ်ကျယ်ပြန့်ပြန့် မရှိသေးပါဘူး။ တာဝန်ရှိသူတွေ ဘက်က လက်မခံနိုင်တဲ့ အတိုင်းအတာမျိုးတွေ ရှိနေတုန်းပဲလို့ Graffiti အနုပညာရှင် ကိုအောင်က ပြောပါတယ်။

“တော်တော်များများက သေသေချာချာလည်း သိပ်မသိကြဘူးလေ။ သိပ်မသိကြတော့ ဒီလို Graffiti ရေးတာကို အရေးခံရတဲ့ နေရာတွေက လူတွေကလည်း တအားကို sensitive ဖြစ်နေတုန်းပဲ။ ဒါပေမဲ့ အကြီးအကျယ်တော့ ဖမ်းပြီးတော့ ထောင်ချတယ်တို့ ဘာတို့ ဆိုတာမျိုးတော့ လောလောဆယ် မရှိသေးဘူး။ ဒါပေမဲ့ ခံဝန်ချက် ထိုးရတာမျိုးတော့ ရှိတယ်။” ဒါပေမဲ့လည်း အခုလို လူမှု အဖွဲ့အစည်းအတွင်းက နိုင်ငံရေး လူမှုရေး အခြေအနေတွေကို ထပ်ဟပ်သရော်တဲ့ Graffiti ရေးဆွဲတာတွေဟာ၊ လက်ရှိ ပြုပြင် ပြောင်းလဲရေးတွေ မကြုံခင် စစ်အစိုးရ အောက်မှာဆိုရင် အတော်လေး အန္တရာယ်များမယ့်ကိစ္စပါ။ ၂၀၁၁ မတ်လမှာ အရပ်သားတပိုင်း အုပ်ချုပ်ရေး ပြောင်းလဲပြီးတဲ့နောက် လမ်းတွေပေါ်က Graffiti အနုပညာသမားတွေ အတွက် အပြောင်းအလဲ တစုံတရာ ရှိလာစေပါတယ်။

နိုင်ငံရေးလွတ်လပ်မှု တစုံတရာ ရှိလာတာနဲ့အမျှ၊ Graffiti သမားတွေကလည်း နိုင်ငံရေး လူမှုရေး ရိုက်ခတ်တဲ့ အနုပညာတွေကို ရန်ကုန်လမ်းတွေပေါ်မှာ သရုပ်ဖော် လာခဲ့ကြပါတယ်။ ပြီးခဲ့တဲ့နှစ် အတွင်းမှာတင် ရန်ကုန်လမ်းတွေပေါ် Graffiti ရေးဆွဲမှုတွေ အတော်များလာခဲ့တယ်လို့ ပန်ချီဆရာ ဂရစ်ဖစ်ဒီဇိုင်နာ ကိုအောင်က ပြောပါတယ်။ ကိုအောင် အဖို့တော့ သူ့ရဲ့ စံပြုသူဟာ ဗြိတိသျှအကျော်အမော် လမ်းဘေးအနုပညာရှင် Banksy ဖြစ်ပါတယ်တဲ့။ Banksy ဟာ စစ်ဆန့်ကျင်ရေး၊ ဆင်းရဲမွဲတေမှု စတဲ့ လူမူဘ၀တွေကို လမ်းဘေးနံရံတွေ ဆေးမှုတ် ရေးဆွဲခဲ့သူပါ။ မြန်မာပြည်က Graffiti သမားတွေဟာလည်း ဒီ အယူအဆကို သယ်ဆောင်လာသူတွေပါ။ မြန်မာပြည်အနှံ့ မီးတွေပျက်တာကြောင့် မီးလာရေး လှုပ်ရှားမှု လုပ်ခဲ့စဉ်မှာ Graffiti သမားတွေကလည်း သူ့နည်းသူဟန်နဲ့ ဒီလှုပ်ရှားမှုမှာ ပါဝင်ခဲ့ကြပါတယ်။

“ရန်ကုန်မှာ ကျနော်တို့ မီးတွေ ပျက်တဲ့အချိန် ရှိတယ်။ အဲဒီမီးတွေ ပျက်တဲ့အချိန်တုန်းက ကျနော်တို့က ဘာကိုဖြစ်လဲ ဆိုတော့ ဒီ မီးပျက်တဲ့ဟာကို ပြည်သူတွေက မလိုလားဘူး။ ဒါပေမဲ့ ပြည်သူတွေကို ကျနော်တို့ ကိုယ်စားပြုပြီး လုပ်တာတော့ မဟုတ်ဘူး။ ကျနော်တို့ကိုယ်တိုင် ဒီ မီးပျက်တာကို ခံစားလာရတာ။ အဲဒီ ခံစားလာရတာကို ကျနော်တို့က ရင်ဖွင့်ပြီးတော့ မီးပေးပါ တို့ ဆိုတဲ့ ပုံစံမျိုးနဲ့ ရေးကြတာ။”

Twotwenty လို့ ကိုယ့်ကိုကိုယ့် အမည်ပေးထားတဲ့ Graffiti လမ်းပေါ် အနုပညာသမားတဦး သူ့အတွေ့အကြုံကို ပြောခဲ့တာပါ။ ဒီလိုပုံတွေကြောင့် မြို့ရဲ့ အလှတွေ အနုပညာရသတွေ ပျက်စီးကုန်တယ်လို့ ဝေဖန်မှုတွေတော့ ရှိပါတယ်။ ဒါပေမဲ့ သူတို့အနေနဲ့ နေရာကို အသေအချာ သတ်မှတ် ရွေးခြယ်ပြီးမှ Graffiti ရေးဆွဲတာဖြစ်တယ်လို့ Twotwenty က ဖြေရှင်းချက်ပေးပါတယ်။“ကျနော်တို့က တကယ် ဖျက်ဆီးတယ်ဆိုရင်လည်း ဖျက်ဆီးတယ်။ ဒါပေမဲ့ ကျနော်တို့ ဖျက်ဆီးတယ် ဆိုတာက ကျောင်းတွေ၊ ကလေးစာသင်ကျောင်း၊ Church တွေ၊ ဘာသာရေးဆိုင်ရာ နေရာတွေ။ ဒါတွေ ကျနော်တို့ ဖျက်ဆီးတဲ့စာရင်းထဲမှာ မပါဘူး။ ဒီနေရာတွေကိုလည်း ကျနော်တို့ မဖျက်ဆီးဘူး။ ဒါပေမဲ့ တကယ် ဖျက်ဆီးတာက ကျနော်တို့ မကျေနပ်တဲ့ နေရာတွေမျိုး။ အဆောက်အဦးတွေ၊ သူများတွေက နေရာယူပြီးတော့ အဲဒီ နေရာယူခံလိုက်ရတဲ့ သူတွေက ဘေးမှာ ဖယ်လိုက်ရတယ်ပေါ့။”

မြန်မာအစိုးရ အနေနဲ့ မီဒီယာထိန်းချုပ်မှု အတော်များများကို သြဂုတ် ၂၀ ရက်နေ့က ပယ်ဖျက်ပေး လိုက်ပါတယ်။ ဒါပေမဲ့လည်း ၂၀၀၇ ရွှေဝါရောင် လှုပ်ရှားမှု အပြီးမှာ ထင်ရှားတဲ့ တတ်ကြွ လှုပ်ရှားသူတွေ ထောင်နန်းစံ ခဲ့ရတဲ့ လွတ်လပ်စွာ ရေးသားပြောဆိုခွင့်ကို ဟန့်တားတဲ့ ဥပဒေ ပုဒ်မတွေကတော့ ရှိနေဆဲပါ။ ဒါကြောင့်လည်း Graffiti အနုပညာသမားတွေ အဖို့လည်း လွတ်လပ်မှု အကန့်အသတ်တွေက ရှိနေဦးမှာပါ။ တဘက်မှာလည်း Graffiti ကို ဝေဖန်သူတွေ ပြောသလိုပဲ၊ သာမန် မြို့ခံတွေ အဖို့လည်း လမ်းဘေးအနုပညာနဲ့ စည်းမဲ့ကမ်းမဲ့ ရေးခြစ်တာမျိုးကို ခွဲခြားမြင်နိုင်ဖို့ကလည်း ခက်ပါသေးတယ်။ ဒါပေမဲ့လည်း Graffiti ကို စိတ်ဝင်စားလာကြတဲ့ အနုပညာရှင်တွေလည်း အတော်လေးတော့ ပေါ်လာပါတယ်။ မကြာသေးခင်ကတော့ ကိုအောင်ဟာ ဗိုလ်ချုပ်အောင်ဆန်းပုံကို အာဏာရပါတီကြီးရဲ့ ဆိုင်းဘုတ်မှာ သွားဆွဲခဲ့ပါတယ်။ ဒါပေမဲ့ အလျင်အမြန်ပဲ နောက်နေ့ဆိုသလိုတော့ ပြန်ဖျက်တာ ခံခဲ့ရပါတယ်။

ဘက်မလိုက်နိုင်ငံများညီလာခံ အီရန်တွင် ကျင်းပ

အီရန်နိုင်ငံ တဟီရန်မြို့မှာ ကျင်းပတဲ့ ဘက်မလိုက်နိုင်ငံများ လှုပ်ရှားမှု ညီလာခံကို နိုင်ငံ ဒါဇင်ပေါင်း များစွာက နိုင်ငံခေါင်းဆောင်တွေ အပါအ၀င်၊ နိုင်ငံပေါင်း ၁၂၀ နီးပါးက ကိုယ်စားလှယ်တွေ တက်ရောက်ခဲ့ကြပါတယ်။

တနင်္ဂနွေနေ့က ပြုလုပ်တဲ့ ဖွင့်ပွဲအခမ်းအနားမှာတော့ အီရန်နိုင်ငံရဲ့ နျူးကလီးယား စီမံကိန်းကို နှိပ်ကွပ်ဖို့အတွက် အနောက်နိုင်ငံတွေက ချမှတ်ထားတဲ့ ဒဏ်ခတ်ပိတ်ဆို့မှုတွေကို ဘက်မလိုက်နိုင်ငံများ လှုပ်ရှားမှုမှာပါတဲ့ နိုင်ငံခေါင်းဆောင်တွေ အနေနဲ့ အီရန်နိုင်ငံဘက်က ရပ်တည်သွားဖို့ အီရန်နိုင်ငံခြားရေးဝန်ကြီး အလီ အက်ခ်ဘား ဆာလေဟီက တောင်းဆိုလိုက်ပါတယ်။

ဒါ့အပြင် ဘက်မလိုက်လှုပ်ရှားမှု အဖွဲ့ အနေနဲ့လည်း အကြမ်းဖက်မှုတွေကို ဆန့်ကျင်သွားဖို့၊ အထူးသဖြင့် အစိုးရတွေကနေ လုပ်နေတဲ့ အကြမ်းဖက်မှုတွေကို ဆန့်ကျင်ပြီး မားမားမတ်မတ်ရပ်တည်ဖို့ တိုက်တွန်းလိုက်ပြီး အမေရိကန်၊ ဗြိတိန် နဲ့ အစ္စရေးလ် ထောက်လှမ်းရေး အဖွဲ့တွေဟာ ၂၀၁၀ ခုနှစ်ကစပြီး အီရန်နျူးကလီးယား သိပ္ပံပညာရှင်တွေ သေဆုံးတဲ့ အမှုတွေမှာ ပါဝင် ပတ်သက်နေတယ်လို့ ပြောပါတယ်။ အီရန်နိုင်ငံက ဆီရီးယားသမ္မတ ဘက်ရှာအယ်လ်အာဆတ်ကို ထောက်ခံနေတဲ့အတွက် ၅ ရက်ကြာ ကျင်းပမယ့် ဒီညီလာခံအတွက် ဆီးရီးယားပြဿနာဟာ ထိပ်ဆုံးက ဆွေးနွေးမယ့်ကိစ္စ ဖြစ်လာနိုင်ဖွယ် ရှိနေပါတယ်။

ထိုင်း-မြန်မာ နယ်စပ်ဆိုင်ရာ အစည်းအဝေး ပုဂံတွင်ကျင်းပမည်

ထိုင်း-မြန်မာနယ်စပ် ပြဿနာ အဖြေရှာရေး ဆွေးနွေးကြဖို့ မြန်မာအစိုးရက သဘောတူ လိုက်တဲ့အကြောင်း ထိုင်း နိုင်ငံခြားရေး ၀န်ကြီးဌာနက ပြောဆိုလိုက်တယ်လို့ တနင်္လာနေ့ထုတ် Bangkok Post သတင်းစာမှာ ဖော်ပြလိုက်ပါတယ်။

ထိုင်း-မြန်မာပူးတွဲ နယ်စပ်ဒေသရေးရာ ကော်မတီ (JBC) အစည်းအဝေးကို ပုဂံမှာ အောက်တိုဘာလ အတွင်း ကျင်းပမှာဖြစ်တယ်လို့ JBC ပူးတွဲ ဥက္ကဋ္ဌ Vasin Teeravechyan က ပြောပါတယ်။ ချင်းရိုင် မြို့ Mae Fah Luang တက္ကသိုလ်မှာ ကျင်းပတဲ့ လာအို၊ မြန်မာ နဲ့ ထိုင်းကိုယ်စားလှယ်တွေရဲ့ နယ်စပ်အရေး နှီးနှောဖလှယ်ပွဲမှာ JBC ပူးတွဲ ဥက္ကဋ္ဌ မစ္စတာ Vasin က ပြောဆိုလိုက်တာပါ။၃ နိုင်ငံ နယ်ခြားမျဉ်း ကြီးကြပ်ရေး ကိုယ်စားလှယ်တွေဟာ မစ္စတာ Vasin နဲ့ အတူ ထိုင်း-မြန်မာ နယ်စပ် Mae Sai-Nam Ruok မြစ် ဖြတ်ကူးတဲ့ ဒုတိယမြောက် ချစ်ကြည်ရေးတံတားကို သွားရောက် စစ်ဆေးခဲ့ပါတယ်။

ပုဂံမှာကျင်းမယ့် ထိုင်း-မြန်မာပူးတွဲ နယ်စပ်ဒေသရေးရာ ကော်မတီ အစည်းအဝေးမှာ ထိုင်းနိုင်ငံ မဲဆောက်နဲ့ မြန်မာနိုင်ငံ မြ၀တီမြို့အကြားက သောင်ရင်းမြစ်တလျှောက် ပြဿနာ အရပ်ရပ်ကို  အဓိက ဆွေးနွေးမှာ ဖြစ်တယ်လို့ မစ္စတာ Vasin က ပြောပါတယ်။ နှစ်ဘက်စလုံးက လိုက်နာဖို့ လမ်းညွှန်ချက်တွေကို ဆွေးနွေးပြီး နားလည်းမှု စာချွန်လွှာ လက်မှတ်ရေးထိုးနိုင်ရေး မျှော်လင့်နေတယ် လို့လည်း ဆိုပါတယ်။ နယ်စပ် ပြဿနာကို နိုင်ငံရေးအတွက် အသုံးမချစေလိုကြောင်း၊ နယ်စပ်ဂိတ်တွေ မကြာခဏပိတ်ခြင်း အားဖြင့် နယ်စပ်ဒေသ ကုန်သွယ်ရေးနဲ့ လမ်းပန်းဆက်သွယ်ရေး ထိခိုက် နစ်နာစေတယ်လို့ မစ္စတာ Vasin ကပြောတဲ့အကြောင်း ဘန်ကောက်ပို့စ် သတင်းစားက ရေးသားထားပါတယ်။

တချိန်တည်းမှာပဲ ထိုင်းဝန်ကြီးချုပ်ဟောင်း တက်ဆင်ရှင်နာဝပ် (Thaksin Shinawatra) ဟာ မြန်မာနိုင်ငံကို နိုဝင်ဘာလ အတွင်း လာရောက်ဖို့ရှိတယ်လို့ Pheu Thai ပါတီက အမတ် Nakhon Ratchasima Suchart Pinyo က မနေ့က တနင်္ဂနွေနေ့က ပြောဆိုလိုက်ပြီး ဘာကိစ္စနဲ့ မြန်မာနိုင်ငံကို သွားမှာလဲ ဆိုတာကိုတော့ ပြောဆိုခြင်း မရှိဘူးလို့ ဒီနေ့ထုတ် ဘန်ကောက်ပို့စ် သတင်းစာမှာ ဖော်ပြလိုက်ပါတယ်။ Pheu Thai ပါတီက အမတ်တွေ၊ အနီဝတ် တက်ဆင် ထောက်ခံသူတွေ အတော်များများ တဦးချင်းအနေနဲ့ရော အုပ်စုလိုက်ပါ မစ္စတာ တက်ဆင် ကိုတွေ့ဖို့ မြန်မာပြည်ကို သွားကြဖို့ရှိတယ်လို့ မစ္စတာ Pinyo ကပြောပါတယ်။