02.08.2012 နေ့ဖတ်ရန်သတင်းများ

by Myanmar Journal on Wednesday, August 1, 2012 at 4:37pm ·

ကမ္ဘာ့ဘဏ်က ဒေါ်လာ သန်း ၈၀ ကျော် ထောက်ပံ့

မြန်မာနိုင်ငံမှာ ပြုပြင်ပြောင်းလဲရေးကို အသိအမှတ်ပြု အားပေးတဲ့အနေနဲ့ ကမ္ဘာ့ဘဏ် ကနေပြီးတော့ ဒေါ်လာ သန်း ၈၀ ကျော် ထောက်ပံ့သွားမယ် ဆိုတဲ့အကြောင်းကိုတော့ ကမ္ဘာ့ဘဏ် တာဝန်ရှိ ပုဂ္ဂိုလ်တွေက ဒီကနေ့ပဲ ပြောလိုက်ပါတယ်။

ဒီနေ့ ရန်ကုန်မြို့က ကမ္ဘာ့ဘဏ် ဌာနေ ရုံးဖွင့် လှစ်ပွဲမှာ ကမ္ဘာ့ဘဏ် ဒု ဥက္ကဋ္ဌ ပဲန်မလာ ကောက်စ် ကနေပြီးတော့ အခုလို ပြောသွားတာ ဖြစ်ပါ တယ်။ ဒီအကြောင်းနဲ့ပတ်သက်လို့ ရန်ကုန်မြို့က ဗွီအိုအေ သတင်းထောက် ကိုရဲကျော်အောင်က တင်ပြပေးထားပါတယ်။

ကမ္ဘာ့ဘဏ်ကနေပြီး မြန်မာနိုင်ငံရဲ့ အသေးစားနဲ့ အလတ်စား စီးပွားရေး လုပ်ငန်းတွေကို အဓိက ကူညီ ထောက်ပံ့ပေးသွားမယ်လို့ ကမ္ဘာ့ဘဏ် ဒု ဥက္ကဋ္ဌ မစ္စစ် ပင်မလာ ကော့စ် က ပြောပါတယ်။ မြန် မာနိုင်ငံဟာ ဒေသတွင်းနိုင်ငံတွေထဲမှာ အဆင်းရဲဆုံးနိုင်ငံ တစ်နိုင်ငံ ဖြစ်နေတာကြောင့် ဆင်းရဲနွမ်း ပါးတဲ့ လူတွေရဲ့ ဘ၀တွေကို တိုးတက် ကောင်းမွန်အောင် ပြုလုပ်ပေးချင်တာတွေကြောင့် ကမ္ဘာ့ဘဏ် ဟာ မြန်မာနိုင်ငံကို ကူညီပေးချင်တာဖြစ်တယ်လို့ ကမ္ဘာ့ဘဏ် ဒု ဥက္ကဋ္ဌ မစ္စစ် ပင်မလာ ကော့စ် က ပြောပါတယ်။

သူ ပြောသွားတာကတော့ -“မြန်မာနိုင်ငံဟာ ဒီဒေသတွေထဲက အဆင်းရဲဆုံး နိုင်ငံတွေထဲမှာ ပါဝင်နေပါတယ်။ လူတွေရဲ့ လိုအပ်ချက်ကလည်း များပြားလွန်းလှပါတယ်။ ကမ္ဘာ့ဘဏ် အုပ်စုဟာ တခြား မိတ်ဘက်တွေနဲ့အတူ ပြည်သူတွေရဲ့ ဘဝတွေ၊ အထူးသဖြင့် ဆင်းရဲနွမ်းပါးသူတွေနဲ့ ခုခံနိုင်စွမ်း မရှိသူတွေရဲ့ ဘဝ တိုးတက်ကောင်းမွန် ဖို့ အတွက် အစိုးရရဲ့ ပြုပြင်ပြောင်းလဲမှုတွေကို အထောက်အကူပေးဖို့ လုပ်ကိုင် ဆောင်ရွက်နေပါတယ်” လို့ ပြောသွားတာပါ။

ကမ္ဘာ့ဘဏ် ဒုဥက္ကဋ္ဌနဲ့ တာဝန်ရှိသူတွေဟာ နိုင်ငံတော် သမ္မတ ဦးသိန်းစိန်နဲ့ ဒေါ်အောင်ဆန်းစုကြည် တို့နဲ့ သီးခြားစီ တွေ့ဆုံမှုတွေ ပြုလုပ်ခဲ့ပြီး ကမ္ဘာ့ဘဏ်က မြန်မာနိုင်ငံအပေါ် ပံ့ပိုးပေးမယ့် အစီအစဉ်တွေနဲ့ ပတ်သက်ပြီးလည်း ပြောကြားဖြစ်တယ်လို့ မစ္စစ် ပင်မလာ ကော့စ် က ပြောခဲ့ပါသေးတယ်။

ကမ္ဘာ့ဘဏ်အနေနဲ့ မြန်မာနိုင်ငံကို ကူညီပံ့ပိုးမှုတွေ ပြုလုပ်ရာမှာ အစိုးရကနေပြီး ပြည်သူတွေ အတွက် ၀န်ဆောင်မှုပေးတဲ့ ကဏ္ဍတွေမှာ နည်းပညာနဲ့ နိုင်ငံရဲ့ အရင်းအမြစ်တွေ၊ အကူအညီ အထောက်အပံ့တွေ တိုးချဲ့နိုင်အောင်လည်း ကူညီပေးသွားမယ်လို့ ကမ္ဘာ့ဘဏ်ဒု ဥက္ကဋ္ဌ ကပြောပါတယ်။

“အစိုးရကပေးတဲ့ ပြည်သူတွေကို ပေးတဲ့ ဝန်ဆောင်မှုလုပ်ငန်းတွေမှာ ကူညီဖို့ ကမ္ဘာ့ဘဏ်ကနေ နည်းပညာ အကူအညီ အထောက်အပံ့တွေ၊ ကမ္ဘာ့အဆင့်မီ ကျွမ်းကျင်မှု စီစဉ်ပေးတာတွေ ဆောင် ရွက်နိုင်ပါတယ်။ ဘဏ်အနေနဲ့ မြန်မာနိုင်ငံရဲ့ ဆင်းရဲနွမ်းပါးတဲ့ အတိမ်အနက်ကို သိရှိနိုင်ဖို့၊ ဘဏ္ဍာရေး စံနစ်ကို တိုးချဲ့ပြီး ခေတ်မီအောင် ပြုပြင်ဖို့၊ စီးပွားရေးပတ်ဝန်းကျင်ကို မြှင့်တင်ဖို့- စတာတွေကိုလည်း စီးပွားရေး သုတေသနပြုလုပ်ချက်တွေနဲ့ ဆောင်ရွက်နေပါတယ်။ ဒီကဏ္ဍတွေမှာ လှုပ်ရှားမှုဆောင်ရွက်ချက်တွေဟာ အစိုးရအနေနဲ့ ယုံကြည်စိတ်ချရတဲ့ နိုင်ငံခြားငွေ ရင်းနှီးမြှုပ်နှံမှုကို ဆွဲဆောင်ဖို့ ကုန်သွယ်မှုကို တိုးချဲ့ဖို့၊ နိုင်ငံရဲ့ အရင်းအမြစ်တွေကို ပိုမိုကောင်းမွန်အောင် စီမံဖို့တွေ လူထုအလုပ်အကိုင် အခွင့်အလမ်းတွေ ပိုမိုရရှိအောင် ကမ္ဘာ့ဘဏ်က ကူညီ ပံ့ပိုးတာတွေ ဖြစ်တယ်” - လို့ ပြောသွားခဲ့တာပါ။

ကမ္ဘာ့ဘဏ်က ပေးအပ်လာတဲ့ အကူအညီတွေ အပေါ်မှာလည်း အစိုးရအနေနဲ့ ပွင့်လင်းမှုတွေရှိဖို့ လိုတယ်လို့ ကမ္ဘာ့ဘဏ် အုပ်စုရဲ့ international finance group မှ မစ္စတာ ကာရင် ဖင်ကယ်စတန် က ပြောခဲ့ပါသေး တယ်။ မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းတွေမှာ အသုံးချဖို့ မြန်မာနိုင်ငံ အတွင်းမှာ ကမ္ဘာ့ဘဏ် ရုံးခွဲ ဖွင့်လှစ်နိုင်ရေးတွေလည်း ကြိုးစားနေပြီး ဖွံ့ဖြိုးရေး လုပ်ငန်းတွေအတွက် အမေရကန်ဒေါ်လာ ၈၅ သန်းကို ပေးအပ်သွားဖို့ ပြင်ဆင်နေတယ်လို့ ဒီကနေ့ ကမ္ဘာ့ဘဏ်က ပြုလုပ် တဲ့ သတင်းစာရှင်းလင်းပွဲရဲ့ သတင်း ထုတ်ပြန်ချက်မှာ ဖော်ပြထားပါတယ်။

နှစ်ပေါင် ၂၄ နှစ် ကြာ မြန်မာနိုင်ငံနဲ့ အလှမ်းဝေးကွာနေတဲ့ မြန်မာနိုင်ငံအပေါ် ကူညီ ထောက် ပံ့ရေးတွေနဲ့ ပြန်လည် ထိတွေ့လာတဲ့ ခြေလှမ်းတွေဟာ ကောင်းမွန်လာပြီး မြန်မာနိုင်ငံရေး အပြာင်းအလဲတွေကိုလည်း ဒီထက် ပိုပြီး ပိုမို ပြု လုပ်နိုင်ဖို့ တွန်းအားတွေလည်း ဖြစ်လာနိုင်တယ်လို့ စီးပွားရေးပညာရှင် ဒေါက်တာ အောင်ကိုကို ဗွီအိုအေကို အခု လိုပြောပါတယ်။

“ကမ္ဘာ့ဘဏ်အနေနဲ့ကတော့ နိုင်ငံရေး ပြုပြင်ပြောင်းလဲဖို့ အပိုင်းရော၊ စီးပွားရေး ပြုပြင်ပြောင်းလဲဖို့ အပိုင်းရော စောင့်ကြည့်နေတယ်လို့ ကျနော် ရေးထားတယ်လေ။ ဈေးကွက် စီးပွားရေး စံနစ် ဖြစ်ပေါ်လာဖို့ - တပြေးညီ ယှဉ်ပြိုင်နိုင်တဲ့ စီးပွားရေး အဆင့်အတန်းဖြစ်ပေါ်လာဖို့ အဲဒါကလည်း အရေးကြီးပါတယ်။

မြန်မာနိုင်ငံဟာ ကမ္ဘာ့ဘဏ်ရဲ့ အသင်းဝင်အဖြစ် ၁၉၈၂ ခုနှစ် ကတည်းက စတင်ခဲ့ပြီး မြန်မာနိုင်ငံ အနေနဲ့ ကမ္ဘာ့ ဘဏ် အပေါ်မှာ ကြွေးကျန် ဒေါ်လာ ၃၉၇ သန်း တင်ရှိနေတာကြောင့် ၁၉၈၇ က စပြီး ချေးငွေအသစ်တွေ ထုတ်ချေးတာတွေ မပြုလုပ်တော့ဘဲ ကမ္ဘာ့ဘဏ် အသင်းဝင်အဖြစ် ဆက်လက်ထားရှိခဲ့တာ ဖြစ်ပါတယ်ခင်ဗျား။

ပဲခူး တောင်ငူမှာ ရေတွေကြီး

ပဲခူးမြို့ပေါ် ရပ်ကွက်တွေနဲ့ တောင်ငူမှာ မိုးအဆက်မပြတ် ရွာနေလို့ ရေကြီးနေပြီး ဝမ်းရောဂါနဲ့ အခြား ရောဂါတွေလဲ စိုးရိမ် နေရတယ်လို့ သိရပါတယ်။

ပဲခူးမြို့နယ်မှာ ရေကြီးတာ ဆယ်ရက်လောက် ရှိပါပြီ။

မြို့သစ်နဲ့ ဇိုင်းဂနိုင်း တောင်ပိုင်း၊ မဇင်း စတဲ့ ရပ်ကွက် အတော်များများ ရေမြုပ် နေပါတယ်။

စိုးရိမ်ရေမှတ်ကို ရောက်နေပြီး မိုးဆက်ရွာမယ် ဆိုရင်တော့ စိုးရိမ်ရတယ်လို့ ဆိုပါတယ်။

မိုးရေထဲ သွားလာ နေရလို့ ကလေးတွေ ဓာတ်လိုက် သေတာတွေ ရှိတယ်လို့ ပဲခူးမြို့ခံက ဘီဘီစီကို ပြောပါတယ်။

တောင်ငူ မြို့နယ် ကြက်လျှာစွန်း ၉ ရပ်ကွက်၊ မိုးကောင်း ရပ်ကွက် စတဲ့ ရပ်ကွက် တွေမှာလဲ အိမ်ခြေ ထောင်နဲ့ချီ ရေမြုပ်ခဲ့ပါတယ်။

မိုးကြီးတာရယ်၊ ဆွာဆည် ပသီဆည် နဲ့ သောက်ရေခပ် ဆည်တွေကို ဒေသခံတွေ အသိမပေးဘဲ ရေလွှတ်ချခဲ့ တာတွေကြောင့် ရေပိုကြီး သွားတာ ဖြစ်တယ်။

ကာလဝမ်း၊ ငှက်ဖျား၊ သွေးလွန် တုပ်ကွေး ရောဂါတွေ ဖြစ် နေတာကြောင့် စိုးရိမ်နေပြီး မြွေအန္တရာယ် ကိုလဲ ကြောက်နေရ ပါတယ်။

ရေမြုပ်နေတဲ့ အိမ်တွေက မိသားစုတွေ စင့်ထိုးပြီး နေတာ ရှိသလို ကုန်းမြင့်ရာ အသိအိမ် တွေမှာ ပြောင်းနေကြတယ်။

တချို့ကတော့ ကားလမ်း ဘေးမှာ လူစု နေကြပြီး ဒုက္ခသည် စခန်း မရှိ၊ အစား အသောက် ကျွေးမယ့်သူ မရှိသေးလို့ ကလေးတွေ ကျောင်းသူ ကျောင်းသားတွေ ဒုက္ခရောက် နေကြပြီး ပရဟိတ အဖွဲ့တွေကို မျှော်လင့် နေကြတယ်လို့ သိရပါတယ်။

သန်းဆုရှင်ရဲ့ ခြေတု လက်ဆောင်

ပျော်ရွှင်မှု မျှဝေသူ ဇနီးမောင်နှံ

ကင်ဆာရောဂါကြောင့် ခြေတဖက် ဆုံးရှုံးခဲ့ရတဲ့ ဆယ်ကျော်သက် အရွယ် ကလေးငယ် ကီရန် မက်စ်ဝဲလ် ကို သန်းဆုရှင် ဇနီးမောင်နှံက စက်ခြေတု ဝယ်ယူ လှူဒါန်းမယ်လို့ ဆိုပါတယ်။

ကီရန် မက်စ်ဝဲလ်ဟာ ရှားရှားပါးပါး ကင်ဆာ ရောဂါ တမျိုးကြောင့် ပြီးခဲ့တဲ့ မတ် လတုန်းက ခြေတဖက် ဆုံးရှုံးခဲ့ရပါတယ်။

သူဟာ အသက် ၁၃ နှစ်သာ ရှိသေးပြီး လန်ဒန် အိုလံပစ်ပွဲအတွက် ဇွန်လတုန်းက မီးရှူးတိုင် သယ်ယူရာမှာ ပါဝင်ခဲ့လို့ သူ့ကို လူအများက မြင်တွေ့ခဲ့ကြ ရပါတယ်။

သူ့ရောဂါမျိုးဟာ တကမ္ဘာလုံးမှာ တနှစ်အတွင်း ကလေးငယ် ၃၀ လောက်သာ ဖြစ်ပွားတတ်တဲ့ ရောဂါမျိုးမို့ သူဟာ ကံမကောင်းလို့သာ ဒီရောဂါ ဖြစ်ပြီး ခြေတဖက် ဆုံးခဲ့ရတယ်လို့ ဆိုရပါမယ်။

ကောလင်း ဝီရာ နဲ့ ခရစ်စ် ဝီရာတို့ဟာ ထီပေါက်ပြီး ပေါင် ၁၆၁ သန်း ဆုငွေရခဲ့ပါတယ်။

ဒီလောက်များပြားတဲ့ ဆုငွေဟာ သူ့တို့ မောင်နှံရဲ့ ဘဝကို အပြောင်းအလဲ ဖြစ်စေခဲ့သလို ဆယ်ကျော်သက် ကီရန် ရဲ့ ဘဝကိုပါ အပြောင်းအလဲ ဖြစ်စေပါတယ်။

ဆယ်ကျော်သက် လူငယ် ကီရန် မက်စ်ဝဲလ်ဟာ အိုလံပစ် မီးရှူးတိုင် သယ်ယူလာစဉ်မှာ ခြေတဖက် ဆုံးရှုံးထားသူ ဖြစ်တဲ့ အတွက် ခြေတုတပ်ထားတဲ့ ဖက် ယိုင်လဲသွားခဲ့ပါတယ်။

ဒီဖြစ်စဉ်ကို ရုပ်မြင်သံကြားမှာ မြင်ခဲ့ရတဲ့ ဝီရာ ဇနီးမောင်နှံဟာ ကီရန်ကို စက်ခြေတု ဝယ်ယူလှူဒါန်းဖို့ ဆုံးဖြတ်ခဲ့တာ ဖြစ်ပါတယ်။

သူတို့ လှူဒါန်းမယ့် စက်ခြေတုဟာ လူ့ကြွက်သား၊ လူ့အာရုံကြော၊ လူ့ခြေသလုံးရိုးတွေပုံစံအတိုင်း တီထွင် တပ်ဆင်ထားပြီး၊ လူ့ခြေထောက်နီးပါး သွားလာလှုပ်ရှား နိုင်မှာ ဖြစ်ပါတယ်။

ကီရန်ကို ခြေတု လှူဒါန်းမယ့် အကြောင်း သတင်းကို ကြားရတော့ ကီရန်ဟာ ဝမ်းသာလွန်းလို့ အော်ပြီး ထတောင်ကတယ်လို့ သူ့မိခင် နိကလပ်စ် ကပြောပါတယ်။

ကမ္ဘာ့ဘဏ်ရဲ့ အကူအညီ စတော့မယ်

ကမ္ဘာ့ဘဏ် အရှေ့အာရှ၊ ပစိဖိတ်ဒေသ ဆိုင်ရာ ဒုဥက္ကဌ ပန်မလာ ကောက်ခ်စ်

ကမ္ဘာ့ဘဏ်က မြန်မာနိုင်ငံကို ၂၅ နှစ်ကြာ အကူအညီဖြတ်တောက် ဆိုင်းငံ့ထားခဲ့ပြီးနောက် အခုအခါမှာ အကူ အညီ ပြန်လည် ပေးအပ်ဖို့ ပြင်ဆင်နေပြီလို့ ကမ္ဘာ့ဘဏ် ဘက်က ပြောလိုက် ပါတယ်။

ရန်ကုန်မြို့မှာ ရောက်နေတဲ့ ကမ္ဘာ့ဘဏ်ရဲ့ အရှေ့ အာရှနဲ့ ပစိဖိတ် ဒေသဆိုင်ရာ ဒုတိယ ဥက္ကဌ ပန်မလာ ကောက်ခ်စ်က သြဂုတ်လ ၁ ရက် ဗုဒ္ဓဟူးနေ့မှာ ထုတ်ဖော် ပြောဆိုခဲ့တာ ဖြစ်ပါတယ်။

ဖွံ့ဖြိုးတိုးတက်ရေး အတွက် ကူညီငွေ ဒေါ်လာ ၈၅ သန်းကို ကမ္ဘာ့ဘဏ်က ကူညီဖို့ အဆင်သင့် ဖြစ်နေပြီလို့ ပြောခဲ့တာ ဖြစ်ပြီး တချိန်တည်းမှာပဲ ကြွေးဟောင်း ဒေါ်လာ သန်း ၄၀၀ နဲ့ပတ်သက်ပြီး ဖြေရှင်းနိုင်ရေး အတွက်လည်း ကူညီဆောင်ရွက်ပေးသွားမယ်လို့ ပြောပါတယ်။

ကမ္ဘာ့ဘဏ်က မြန်မာနိုင်ငံရဲ့ ပြုပြင်ပြောင်းလဲမှုတွေကို ထောက်ခံတဲ့ အနေနဲ့ အကူအညီပေးသွားမှာ ဖြစ်သလို ကမ္ဘာ့ဘဏ်ရဲ့ ရုံးခွဲသစ်ကိုလည်း မြန်မာနိုင်ငံမှာ ဖွင့်လှစ် သွားမယ်လို့ ဆိုပါတယ်။

ကမ္ဘာ့ဘဏ်ဟာ ဆင်းရဲ နွမ်းပါးမှုကို တိုက်ဖျက်ဖို့ သန္နိဋ္ဌာန် ချထားတယ်လို့ ဆိုပြီး အခုလို မြန်မာနိုင်ငံနဲ့ ပြန်လည် ဆက်သွယ်ဆောင်ရွက် လိုက်တဲ့ အတွက် အရှေ့အာရှရဲ့ အဆင်းရဲဆုံးလူတွေကို ထိတွေ့ ကူညီခွင့် ရသွားမယ် လို့ သူတို့ ယုံကြည်ကြောင်းလည်း ကမ္ဘာ့ ဘဏ် အုပ်စုရဲ့ ဥက္ကဌ ဂျင်မ်ယောင် ကင် ကပြောပါတယ်။

မြန်မာနိုင်ငံဟာ ကမ္ဘာ့ဘဏ်ကို ပေးစရာရှိတဲ့ အကြွေး ဒေါ်လာ ၃၉၇ သန်း အကြွေးကို ဆပ်ပြီးရင် IDA နိုင်ငံတကာ ဖွံ့ဖြိုးရေး အဖွဲ့ရဲ့ အတိုးမဲ့ ချေးငွေကိုလည်း ရလိမ့်မယ်လို့ ဆိုပါတယ်။

HRW စွပ်စွဲချက် သမ္မတ ပြောခွင့်ရ တုံ့ပြန်

 

တဖက်သက် သက်သေမျိုးလည်း ဖြစ်နိုင်တယ်လို့ ဦးကိုကိုလှိုင်က ပြောပါတယ်

ရခိုင်ဒေသ ပဋိပက္ခတွေနဲ့ ပတ်သက်ပြီး မြန်မာလုံခြုံရေးတွေက အကြမ်းဖက်မှုတွေ မပျံ့နှံ့ အောင် မတားဆီးခဲ့ဘူးဆိုတဲ့ လူ့အခွင့်အရေး စောင့်ကြည့်ရေးအဖွဲ့ HRW ရဲ့ စွပ်စွဲချက်ကို မြန်မာ သမ္မတ ဦးသိန်းစိန်ရဲ့ နိုင်ငံရေး အကြံပေး တစ်ဦးဖြစ်တဲ့ ဦးကိုကိုလှိုင်က ငြင်းဆိုသွားပါတယ်။

အစိုးရအနေနဲ့ အရေးပေါ် အခြေအနေ ကြေညာတာ၊ စုံစမ်း စစ်ဆေးရေး ကော်မရှင် ဖွဲ့တာနဲ့ လုံခြုံရေး တပ်ဖွဲ့တွေဝင်ပြီး ဖြေရှင်းပေးတာတွေကို အတတ်နိုင်ဆုံးနဲ့ အမြန်ဆုံး ဆောင်ရွက် ပေးခဲ့ တယ်လို့ ဦးကိုကိုလှိုင် က ပြောပါတယ်။

လုံခြုံရေးက တားဆီးလို့ရတဲ့ ဟာတွေကို ရပ်ကြည့်နေတာတွေ ရှိတယ်လို့ စွပ်စွဲတဲ့အပေါ်ကိုတော့ သူကိုယ်တိုင် သွားရောက်ခဲ့တာ မဟုတ်သလို၊ သက်သေတွေကို အသေအချာ မေးမြန်း ခွင့်လည်း ရတာ မဟုတ်လို့ ပြန်ဖြေရှင်းဖို့ မလွယ်ကြောင်းပြောပါတယ်။

ဒီကိစ္စနဲ့ ပတ်သက်ပြီး မစ္စတာ နမ်ဘီယားရော၊ မစ္စတာ ကင်တားနားရော ဒီနယ်မြေတွေကို ရောက်ခဲ့ကြောင်းနဲ့ သူတို့ အစိုးရအဖွဲ့ အနေနဲ့ နိုင်ငံတကာ နဲ့ ပူးပေါင်းပြီးတော့ အကောင်းဆုံး ဖြေရှင်းနေတယ်လို့ ဦးကိုကိုလှိုင်က ပြောပါတယ်။

လူ့အခွင့်အရေး စောင့်ကြည့်ရေးအဖွဲ့ က အသုံးပြုခဲ့တဲ့ တချို့ သက်သေတွေက မမှန်တာတွေ ရှိသလို၊ တဖက်သတ် သက်သေမျိုးလည်း ဖြစ်နိုင်တယ်လို့ ဦးကိုကိုလှိုင်က ပြောပါတယ်၊ အလွန်အကျွံ စွပ်စွဲမှုတွေလည်း များကြောင်းသူက ဆိုပါတယ်။

လုံခြုံရေးရဲ့ ပစ်ခတ်မှုကြောင့် တယောက် နှစ်ယောက်လောက်တော့ ထိခိုက်ဒဏ်ရာ ရတာတွေ ရှိတယ် ဆိုတာကို နယ်စပ်ရေးရာ ဝန်ကြီးက ထုတ်ပြန်ရှင်းလင်းပြီး ဖြစ်ကြောင်းလည်း သူ က ပြောပါတယ်။

နောက်ပြီး လွတ်လပ်တဲ့ စုံစမ်းကော်မရှင်ဖွဲ့ပြီး စစ်ဆေးဖို့နဲ့ ပတ်သက်ပြီး၊တခြားနိုင်ငံမှာလည်း အလားတူပြဿနာတွေ ရှိနေပြီး မြန်မာနိုင်ငံ ကိစ္စ ကိုမှ ဘာလို့ အခုလို လုပ်ချင်တာလဲလို့ သူ က မေးခွန်း ပြန်ထုတ် လို ကြောင်း တုန့်ပြန်သွားပါတယ်။ 

ရခိုင်က အကြမ်းဖက်မှုတွေ အစိုးရက မတားဆီးခဲ့ဆိုပြီး စွပ်စွဲခံရ

 

မြန်မာအစိုးရအနေနဲ့ ရခိုင်ပြည်နယ်တွင်းက အကြမ်းဖက် တိုက်ခိုက် မှုတွေကို ကြိုတင် တားဆီးနိုင်ခဲ့ရဲ့သားနဲ့ မတားဆီးခဲ့ဘူးလို့ လူ့အခွင့်အရေး စောင့်ကြည့်လေ့လာရေးအဖွဲ့ Human Rights Watch (HRW) က သူ့ရဲ့ အစီရင်ခံစာထဲမှာ စွပ်စွဲ ဖော်ပြပါတယ်။

ရခိုင်အမျိုးသမီးတစ်ဦး အဓမ္မသတ်ဖြတ်ခံရတဲ့ ကိစ္စအပြီး တင်းမာမှုတွေ ပြင်းထန်လာချိန်မှာ အရှိန်လျော့သွားအောင် လုပ်နိုင်မယ့် အခြေအနေတွေ ရှိခဲ့တယ်၊ နောက်ပြီး မွတ်ဆလင် ၁၀ ဦး အသတ်ခံရတဲ့ ကိစ္စမှာ ကြိုတင် တားဆီးမယ်ဆို တားဆီးလို့ ရပါတယ်လို့ HRW ရဲ့ အာရှဆိုင်ရာ ဒုတိယ ဒါရိုက်တာ မစ္စတာ ဖေးလ် ရော်ဘတ်ဆန်က ပြောပါတယ်။

''ရခိုင်ပြည်နယ်တွင်းမှာ အကြမ်းဖက် တိုက်ခိုက်မှုတွေ စဖြစ်တော့လည်း လုံခြုံရေးတွေကို အချိန်မီ မတွေ့ရပါဘူး။ ပြဿနာတွေ ဖြစ်တဲ့အချိန်မှာလည်း နှစ်ဘက်လူတွေက တဘက်နဲ့ တဘက် မီးရှို့တာ၊ တိုက်ခိုက် ကြတာ၊ ရိုက်သတ်ကြတာတွေ ဖြစ်တဲ့ အချိန်မှာလည်း တားဆီးနိုင် ခဲ့ရဲ့သားနဲ့ လုံခြုံရေးတွေက ရပ်ကြည့် နေတာမျိုးတွေ ရှိခဲ့တယ်''လို့ သူ ပြောပါတယ်။

စာမျက်နှာ ၅၆ မျက်နှာပါ အစီရင်ခံစာမှာ လုံခြုံရေးတပ်တွေရဲ့ ပစ်ခတ်မှုတွေကြောင့် နှစ်ဘက် သေကြေ ဒဏ်ရာရမှုတွေ ရှိခဲ့တယ်လို့လည်း ဖော်ပြပါတယ်။

''စစ်တပ်က နောက်ပိုင်း အရေးပေါ် ကြေငြာ ချက်ကို အကောင်အထည် ဖော်တဲ့ နေရာမှာလည်း ပစ်ခတ် နှိမ်နင်းတာတွေ ရှိပြီး အထူးသဖြင့် ရခိုင်ပြည်နယ် မြောက်ပိုင်းက မွတ်ဆလင် ရိုဟင်ဂျာတွေကို ဦးတည်ပြီး တိုက်ခိုက် နှိမ်နင်းခဲ့တယ်'' လို့ မစ္စတာ ရော်ဘတ်ဆန်က ပြောပါတယ်။

ဒီ အစီရင်ခံစာအတွက် လူ ၅၇ ဦးကို မေးမြန်းခဲ့ပြီး အဲဒီထဲမှာ ရခိုင်ပြည်နယ်တွင်း စစ်တွေနဲ့ တခြားနေရာတွေက ရခိုင်တိုင်းရင်းသားတွေ၊ ရခိုင် တိုင်းရင်းသားများ တိုးတက်ရေးပါတီက ပုဂ္ဂိုလ်တွေ၊ ကယ်ဆယ်ရေး စခန်းတွေက လူတွေ၊ ပုန်းအောင်း နေတဲ့ မွတ်ဆလင် ရိုဟင်ဂျာ တွေနဲ့ ဘင်္ဂလားဒေ့ရှ် ဘက် ထွက်ပြေးလာ သူတွေ လည်း ပါဝင် တယ်လို့ ဆိုပါတယ်။

အခုအချိန်မှာ ရခိုင်က အခြေအနေတွေကို ထိန်းသိမ်း ထားနိုင်ပြီလို့ ဆိုပေမယ့်လည်း လူအမြောက် အများ ဖမ်းဆီးမှုတွေ ဆက်လုပ်တာ ၊ လူသားချင်း စာနာမှု အကူအညီတွေ ကန့်သတ် ခံရတာ စတဲ့ လူ့အခွင့်အရေး ချိုးဖောက်မှုတွေက ဆက်ရှိနေတယ်လို့ မစ္စတာ ရော်ဘတ်ဆန်က ပြောပါတယ်။

ဒါကြောင့် နိုင်ငံတကာ အသိအမှတ်ပြု စုံစမ်းစစ်ဆေးရေး အဖွဲ့တခု ဖွဲ့ပြီး ဆောင်ရွက်စေဖို့၊ အစိုးရမဟုတ်တဲ့ NGO ပရဟိတအဖွဲ့တွေကို ရခိုင်ပြည်နယ်တွင်းက နေရာတွေကို သွားပြီး အကူအညီတွေ ပေးနိုင်အောင် လုပ်ဆောင် ခွင့်ပေးဖို့ မြန်မာ အစိုးရကို တိုက်တွန်း တယ်လို့ သူက ပြောပါတယ်။

နောက်ပြီး ကုလသမဂ္ဂ လူ့အခွင့်အရေး အဖွဲ့ကိုလည်း မြန်မာပြည်မှာ အမြဲတမ်း ရုံးစိုက်ပြီး လုပ်ဆောင်ဖို့ နဲ့ အဲဒီလို လုပ်ဆောင်ရင် အနာဂတ်မှာ ပြဿနာ တစ်ခုခုဖြစ်ရင် ချက်ချင်း စစ်ဆေး စုံစမ်းနိုင်မှာ ဖြစ်တယ်လို့ မစ္စတာ ရော်ဘတ်ဆန်က အကြံပြုထားပါတယ်။

မြန်မာ့ရင်းနှီးမြှုပ်နှံမှု အဆိုးဘက် ဦးတည်မှာ စိုးရိမ်

မြန်မာနိုင်ငံက နိုင်ငံရေး အပြောင်းအလဲတွေနဲ့အတူ အမေရိကန်နဲ့ ဥရောပတို့လို အနောက်နိုင်ငံတွေက အရေးယူ ဒဏ်ခတ်မှုတွေ လျှော့ပေါ့လာတဲ့ အတွက် နိုင်ငံခြား ကုမ္ပဏီတွေလည်း ၀င်ရောက်လုပ်ကိုင် ဖို့ ပြင်ဆင်နေကြပါတယ်။ ဒါပေမဲ့လည်း မြန်မာနိုင်ငံမှာ နှစ်ပေါင်းများစွာ အထီးကျန်ဖြစ်နေခဲ့တဲ့ မြန်မာနိုင်ငံ မှာ ခေါင်းပုံဖြတ် အမြတ်ထုတ်တဲ့ အခြေအနေတွေ ပေါ်ပေါက်လာမှာကို စိုးရိမ်မကင်း ဖြစ်တာတွေလည်း ရှိနေကြတာပါ။ ဒီအကြောင်း ဗွီအိုအေ သတင်းထောက် Scott Stearns သတင်းပေးပို့ ထားတာကိုတော့ ကိုအောင်လွင်ဦးက ပြောပြပေးမှာ ဖြစ်ပါတယ်။

အမေရိကန်နဲ့ ဥရောပနိုင်ငံတွေရဲ့ ပိတ်ဆို့ဒဏ်ခတ်မှုတွေနဲ့အတူ မြန်မာနိုင်ငံက ဘဏ်လုပ်ငန်းတွေရဲ့ အားနည်းချက်တွေကြောင့် ပြည်ပက လုပ်ငန်းတွေ ရင်းနှီးမြှုပ်နှံဖို့ အခက်ကြုံနေခဲ့ရပေမဲ့ အခုအခါ အရေးယူမှုတွေ လျော့ပါးလာတာနဲ့အမျှ ၀င်ရောက် လုပ်ကိုင်ဖို့ စိုင်းပြင်းလာကြတာ ဖြစ်ပါတယ်။ ဒီအထဲမှာ အမေရိကန် ပြည်ထောင်စုက ဧရာမလုပ်ငန်းကြီးတွေဖြစ်တဲ့ Google, Coca-Cola, General Motors စတဲ့ ကုမ္ပဏီတွေပါ ပါဝင်လာကြတာပါ။ ဒါပေမဲ့လည်း အလုပ်သမား အခွင့်အရေးတွေ၊ လုပ်ငန်းခွင် အခြေအနေတွေ အားမကောင်းလှသေးတဲ့ မြန်မာနိုင်ငံမှာ ရင်းနှီးမြှုပ်နှံမှုတွေကြောင့် အကောင်းထက် အဆိုးဘက်ကို ဦးတည်မှာကို စိုးရိမ်နေသူတွေလည်း ရှိပါတယ်။ ကုလသမဂ္ဂ ကလေးငယ်များ အရေးပေါ် ရန်ပုံငွေအဖွဲ့ (UNICEF) ရဲ့ မြန်မာနိုင်ငံဆိုင်ရာ ဌာနေ ကိုယ်စားလှယ် Ramesh Shrestha ကတော့ ဆင်းရဲမွဲတေမှု ၃၀ ရာခိုင်နှုန်း ရှိနေတဲ့ မြန်မာနိုင်ငံမှာ ကလေးတွေအပေါ် ခေါင်းပုံဖြတ် အမြတ်ထုတ် နိုင်တဲ့ အန္တရာယ် ကြီးကြီးမားမား ရှိနေတယ်လို့ ဆိုပါတယ်။

“အစိုးရက ပြောနေသလို ဒီမိုကရေစီနည်းကျ ဖွင့်ပေးလာမယ်ဆိုရင် နေရာတိုင်းမှာ တံခါးတွေ ပွင့်လာမယ် ဆိုတာကတော့ ရှင်းပါတယ်။ သဘောကတော့ မထိန်းနိုင်သေးဘဲ ဖြစ်နေတဲ့ လက်ရှိ အခြေအနေတွေ ဟာလည်း ပိုပြီး လျော့ရဲရဲ ဖြစ်လာနိုင်တာပါ။ လူတွေက လုပ်ချင်တာ လုပ်လာနိုင်တဲ့ သဘောပါ။ ဥပဒေနဲ့ ညီတာရော၊ မညီတာရော အကုန်ဖြစ်လာနိုင်ပါတယ်။”

အစိုးရ လက်အောက်ခံ မဟုတ်တဲ့ အဖွဲ့တခုဖြစ်တဲ့ World Vision ရဲ့ ကလေးသူငယ် ကာကွယ်စောင့်ရှောက်ရေး မူဝါဒရေးရာ အကြီးတန်း အကြံပေး အရာရှိ Jesse Eaves ကတော့ အကောင်းဘက်ကို ဦးတည်တဲ့ ပြောင်းလဲမှု ခြေလှမ်းတွေ လှမ်းလာတာကသာ အရေးကြီးတယ်လို့ ဆိုပါတယ်။

“မြန်မာနိုင်ငံလို တိုင်းပြည်မျိုးတွေမှာ ကိုယ့်ရဲ့နယ်စပ်ဒေသမှာ ဘာတွေ ဖြစ်ပျက်နေတယ်၊ လူထုက ဘာတွေ ရင်ဆိုင်နေရတယ် ဆိုတာတွေကို အသေအချာကြည့်ပြီး လိုအပ်သလို တုံ့ပြန်ဆောင်ရွက်နိုင်ဖို့ ကြိုးပမ်း လာတာတွေကို တွေ့ရပါတယ်။”

World Vision အနေနဲ့ကတော့ အထူးသဖြင့် လူမှောင်ခိုကူးမှုတွေ၊ ကလေးတွေအပေါ် ခေါင်းပုံဖြတ် အမြတ်ထုတ်တာတွေလို ကိစ္စတွေနဲ့ ပတ်သက်လို့ ကိုယ်တွေ့ ကြုံခဲ့ရသူတွေနဲ့ လက်တွဲပြီး အများက အာရုံစိုက်လာအောင် ကြိုးစားနေတယ်လို့လည်း သူက ပြောပါတယ်။

“ဒီကိစ္စနဲ့ ပတ်သက်လို့ ကိုင်တွယ်လာတာတွေ၊ ပွင့်ပွင့်လင်းလင်း ဆွဲထုတ်ပြီး၊ မြင်သာထင်သာဖြစ်အောင် လုပ်လာတာတွေကို ကြည့်မယ် ဆိုရင်ပဲ အပြောင်းအလဲတွေဟာ အံ့သြလောက်စရာပါ။ အကြီးမား ဆုံး ပြဿနာလို့ ကျနော် ယူဆတာကတော့ လူတွေက သူတို့ တွေ့မြင်နေရတဲ့ ကိစ္စက ဘာမှန်းမသိဘဲ ဖြစ်နေကြတာပါ၊ ဒါက သာမန် ဖြစ်ရိုးဖြစ်စဉ် ကိစ္စ၊ တလျှောက်လုံး လုပ်လာတဲ့ ကိစ္စပဲလို့ မြင်ကောင်းမြင်ကြတဲ့ ကိစ္စပါ။”

အမေရိကန် ပြည်ထောင်စု Brookings တက္ကသိုလ်က စီးပွားရေး ကျွမ်းကျင်သူ Lex Rieffel ကတော့ မြန်မာနိုင်ငံက စီးပွားရေး ပြုပြင်ပြောင်းလဲမှုတွေမှာ လူမှုဖူလုံရေးနဲ့ ဖွံ့ဖြိုးရေး အစီအစဉ်တွေဟာ စိန်ခေါ်မှုတွေ ဖြစ်လာနိုင်တယ်လို့ သုံးသပ်ပါတယ်။

“သဘာဝ အရင်းအမြစ်တွေမှာ အကြီးအကျယ် ရင်းနှီးမြှုပ်နှံကြတဲ့ တိုင်းပြည်တွေဟာ လူ့အရင်းအမြစ်တွေ မှာ စိုက်ထုတ်မှုတွေ နည်းပါးတဲ့ ပုံစံမျိုး တွေ့ရတတ်ပါတယ်။ အတွေ့အကြုံတွေအရ ပြောရမယ် ဆိုရင်တော့ လူ့အရင်းအမြစ်အတွက် ရင်းနှီးမြှုပ်နှံမှုတွေက ရေရှည်မှာ ပြန်ပြီး အကျိုး ခံစားရတတ်ပါတယ်။”

ဗြိတိန်နိုင်ငံ ကုန်သွယ်ရေးနဲ့ ရင်းနှီးမြှုပ်နှံမှုဌာနရဲ့ အမှုဆောင် အရာရှိချုပ် Nick Baird ကတော့ နိုင်ငံခြား ကုမ္ပဏီတွေက မြန်မာနိုင်ငံ ဖွံ့ဖြိုးရေးအပေါ် ကြီးကြီးမားမား အကျိုးပြုနိုင်မယ်လို့ မြင်ပါတယ်။

“ဒါက စီးပွားရေး သက်သက် မဟုတ်ပါဘူး၊ ပွင့်လင်းပြီး ထင်သာမြင်သာရှိရှိနဲ့ တာဝန်သိတဲ့ စီးပွားရေး ပုံစံမှာ အတူလက်တွဲ လုပ်ဆောင်ခြင်းအားဖြင့် တိုင်းပြည် တည်ငြိမ်မှုအတွက် အထောက်အကူ ဖြစ်ပါလိမ့်မယ်။”

ဗြိတိန်ကုန်သွယ်ရေးရုံး အကြီးအကဲလိုပဲ နှစ်ပေါင်း ၂၀ ကျော်မှာ ပထမဆုံးအကြိမ် မြန်မာနိုင်ငံဆိုင်ရာ အမေရိကန် သံအမတ်ကြီး ဖြစ်လာတဲ့ Derek Mitchell ကလည်း ပြည်ပ ရင်းနှီးမြှုပ်နှံမှုတွေက ပွင့်လင်းမြင်သာပြီး တာဝန်ခံမှုတွေ ပိုရှိလာနိုင်တယ်လို့ ပြောဆိုထားတာလည်း ဖြစ်ပါတယ်။