အမျိုးသားများ၏ လိင်မှုဘဝကို အဆင်မပြေ ဖြစ်စေသော ပြဿနာရှစ်ခု
|
8:18 PM |
No မှတ်ချက် |
By Good Health
အိမ်ထောင်ရှင် အမျိုးသားတွေ အနေနဲ့ တစ်ခါ တ လေ Sex ကိစ္စမှာ အဆင်မပြေ ဖြစ်တာမျိုးဖြစ်တတ် ပါတယ်။ အဲဒီလိုဖြစ်ရတာက ပန်းသေပန်းညှိုး ရောဂါ တစ်ခုတည်းကြောင့်မဟုတ်ဘဲ အောက်ပါ ပြဿနာတွေကြောင့်လည်း ဖြစ်တတ်ပါတယ်။
(၁) ဆီးကျိတ် ရောင်ရမ်းခြင်း
ဆီးကျိတ်ပိုးဝင်တာ ဒါမှမဟုတ် ရောင်ရမ်း တာကြောင့် လိင်တံတစ်ဝိုက် အရေပြားနေရာဟာ ရောင်ရမ်းတာနဲ့ နာကျင်တာတွေ ဖြစ်တတ်သလို ဆီးသွားတဲ့အခါ ပူစပ်ပူလောင်ဖြစ်တာ၊ နာကျင်တာနဲ့ Sex ကြောင့် နာကျင်တာတွေ ဖြစ်တတ်ပါတယ်။
(၂) ဆီးလမ်းကြောင်း ပိုးဝင်ခြင်း
ဆီးလမ်းကြောင်း ပိုးဝင်တဲ့ လက္ခဏာတွေဖြစ်တဲ့ ဆီးသွားတဲ့အချိန်မှာ နာကျင်တာ၊ ပူစပ်ပူလောင်ဖြစ်တာ စတဲ့ လက္ခဏာတွေ ခံစားရရင် ကုသသင့်ပါတယ်။ အကြောင်းကတော့ ဆီးလမ်းကြောင်း ပိုးဝင်တာက ကုသမှုမခံယူရင် အန္တရာယ် ရှိလို့ပါ။
(၃) မှိုပိုးဝင်ခြင်း
မှိုပိုးဝင်တဲ့အခါ အမျိုးသား အင်္ဂါထိပ်မှာ ရောင်ရမ်းတာနဲ့ ပူစပ်ပူလောင် ဖြစ်တာတွေ ခံစားရတတ်ပါတယ်။
(၄) အမျိုးသား အင်္ဂါတစ်ဝိုက် အရေပြား ရောင်ရမ်းခြင်း
ဓာတုပစ္စည်းတွေ၊ ဆပ်ပြာတွေနဲ့ ဓာတ်မတည့်မှု ဖြစ်တာကြောင့် လိင်တံတစ်ဝိုက် အရေပြားက ရောင်ရမ်းမှု ဖြစ်တတ်ပါတယ်။ အထူးသဖြင့် လိင်တံထိပ်က အရေပြားကို လှီးဖြတ်ထားတာမျိုး လုပ်မထားတဲ့ အမျိုးသားတွေမှာ ပိုဖြစ်တတ်ပါတယ်။
(၅) ရေယုန်ပေါက်ခြင်း
လိင်အင်္ဂါမှာ ရေယုန်ပေါက်နေရင် လိင်တံအနာ ဖြစ်တာကြောင့် အိမ်ထောင်ဖက်နဲ့ အတူနေချိန်မှာ အလွန် နာကျင်ရတတ်ပါတယ်။ ဒါကြောင့် လိင်အင်္ဂါမှာ ရေယုန်ပေါက်နေချိန် Sex ကိစ္စကို ရှောင်ပါ။ အနာကျက်စေ နိုင်ပါတယ်။ Sex ကိစ္စကို မရှောင်ပါက ကူးစက်ပိုးဝင်တာကို အလွယ်တကူ ဖြစ်စေနိုင်ပါတယ်။
(၆) ဆိုးရီးယေးစစ်ရောဂါ
အရေပြားမှာ အနီရောင်အဖတ်တွေ ဖြစ်တတ်တဲ့ ဆိုးရီးယေးစစ် အရေပြားအနာဖြစ်ရင် အပျော့စား စတီးရွိုက်ခရင်မ်ကို လိမ်းသင့်ပါတယ်။
(၇) လိင်တံထိပ်အရေပြား မပွင့်ခြင်း
ဒီအခြေအနေမှာ လိင်တံထိပ် အရေပြားက တင်းကျပ်နေပြီး အမျိုးသားလိင်တံ အရေပြားထိပ်မှာပါတဲ့ အပေါက် ကျဉ်းမြောင်းလွန်း နေတဲ့အတွက် အရေပြားကို ဆွဲလှန်လို့မရ ဖြစ်နေတာပါ။ အတင်း ဆွဲလှန်ပါက ပြန်ဆွဲချမရ ဖြစ်နိုင်တဲ့ အခြေအနေမျိုးပဲ ဖြစ်ပါတယ်။ ဒီလို အခြေအနေမျိုးဆိုရင် ဆရာဝန်နဲ့ ပြသဖို့ လိုအပ်ပါတယ်။
(၈) ရောင်ရမ်းနာကျင်ခြင်း
ယောက်ျားကလေးတွေမှာ လိင်တံရှေ့ အရေပြားအဝ ကျဉ်းမြောင်းနေမှုကြောင့် အရေပြား လန်သွားချိန်မှာ ပြန်မကျတော့ဘဲ လိင်တံထိပ်ပိုင်းကို စည်းနှောင်ထားသလို ဖြစ်စေကာ ရောင်ရမ်း နာကျင်စေတဲ့ အခြေအနေ ဖြစ်ပါတယ်။ ဒီလို အခြေအနေမျိုးဆိုရင် ဆရာဝန်နဲ့ ပြသသင့်ပါတယ်။
ကေအမ်
0 comments:
Post a Comment