16.03.2012 နေ့ဖတ်ရန်သတင်းများ

by Myanmar Journal on Friday, March 16, 2012 at 8:37am ·

 
အဓိကရုဏ်း ကိုင်တွယ်ဖို့ အီရန်ဆီက အကြံယူ 
ဆီးရီးယား သမ္မတ အီးမေး ဖောက်ခံရ ဆို
ဆီးရီးယား သမ္မတ ဘရှား အာဆတ်နဲ့ သမ္မတ ကတော်ကြား အပြန် အလှန် ပို့တဲ့ အီးမေးစာ တွေကို ဖောက်ယူ ရရှိထားတယ်လို့ ဗြိတိသျှ သတင်းစာ တစောင်က ဆိုပါတယ်။
ဒီအီးမေး တွေအရ သူ့ကို ဆန့်ကျင်တဲ့ အဓိကရုဏ်း တွေကို ကိုင်တွယ်ဖို့ အီရန် ဆီကနေ မစ္စတာ အာဆတ် အကြံဉာဏ် ရယူခဲ့တယ်လို့ သိရပါတယ်။

ဟုမ်းစ်မြို့ စစ်ဆင်ရေးကို ဘီစကစ် မုန့်တွေ၊ အရုပ်တွေ သုံးပြီး ပြန်လည် ဇာတ်ကွက်ဆင် ရိုက်ကူးတဲ့ ဟာသ ဗီဒီယို တွေနဲ့ ပတ်သက်ပြီး ရုံးဝန်ထမ်း တွေနဲ့ သမ္မတ အာဆတ် မှတ်ချက်တွေ အပြန်အလှန် လဲခဲ့ကြတယ်လို့ လည်း ဆိုပါတယ်။
ကာတာ စော်ဘွား သမီးတော် ဆီက လာတယ် ထင်တဲ့ အီးမေးမှာတော့ ဆီးရီးယား ခေါင်းဆောင် ဇနီးမောင်နှံ သူတို့ဆီ ခိုလှုံလာဖွယ် ရှိတယ်လို့ ပါရှိပါတယ်။
မနှစ် ဇွန်လနဲ့ ဒီနှစ် ဖေဖော်ဝါရီလကြားမှာ ဆီးရီးယား အတိုက်အခံ တွေက ဒီအီးမေးတွေကို ကြားဖြတ် ဖမ်းယူခဲ့တယ်လို့ ဂါးဒီးယန်း သတင်းစာက ဆိုပါတယ်။

ကန် ဗြိတိန် ဆက်ဆံရေး ခိုင်မာဆဲလို့ နှစ်နိုင်ငံ ခေါင်းဆောင်တွေ ထပ်လောင်း ပြောကြားကန် ဗြိတိန် ဆက်ဆံရေး ခိုင်ဆဲလို့ ကင်မရွန်းပြော
အာဖဂန် နစ္စတန်က စစ်ဆင်ရေးဟာ နောက်ဆုံး အဆင့်ကို ရောက်နေပြီလို့ ဗြိတိသျှ ဝန်ကြီးချုပ် ဒေးဗစ် ကင်မရွန်းက အမေရိကန် သမ္မတ အို ဘားမားနဲ့ ပူးတွဲ သတင်းစာ ရှင်းလင်းပွဲ လုပ်ရာမှာ ပြောကြား ခဲ့ပါတယ်။
ဗြိတိသျှ ဝန်ကြီးချုပ်ဟာ သူ့ရဲ့ သုံးရက်ကြာ ခရီး စဉ် အတွင်းမှာ အမေရိကန် ဗြိတိန် အနာဂတ် ဆက်ဆံရေး၊ အာဖဂန် နစ္စတန် ကိစ္စ၊ အရှေ့ အလယ်ပိုင်းက ဆီးရီးယားနဲ့ အီရန် အရေး ကိစ္စတွေကိုလည်း ဆွေးနွေး ခဲ့ပါတယ်။
နှစ်နိုင်ငံ ဆက်ဆံရေးဟာ အရင်ကလို ခိုင်မာ အားကောင်းဆဲပဲလို့ ခေါင်းဆောင် နှစ်ယောက် စလုံးက ထပ်လောင်း ပြောကြားခဲ့ပြီး ဒေးဗစ် ကင်မရွန် အိမ်ဖြူတော်ကို အမြှောက် ဆယ့် ကိုးချက် ပစ်ဖောက် ကြိုဆို ခဲ့ပါတယ်။
တခါ အာဖဂန် နစ္စတန် ကိစ္စနဲ့ ပတ်သက်လို့လည်း အခက်အခဲတွေ ရှိပေမယ့် တိုးတက်မှုတွေ ရှိနေတာ တွေ့ရတယ်လို့ အိုဘားမားက ပြောပါတယ်။
ကျနော်တို့ တပ်တွေဟာ အာဖဂန် နစ္စတန်မှာ တကယ့် တိုးတက်မှုတွေ ရနေတာ အငြင်း ပွားစရာ မလိုကြောင်း၊ အယ်ခိုင်ဒါကို ဖြိုခွင်းပြီး တာလီဘန်တွေရဲ့ တိုက်ခိုက်မှု အရှိန်ကို တန့်သွားအောင် လုပ်ဆောင် နိုင်ခဲ့ကြောင်း မကြာခင် အမေရိကန်တပ်တွေ အိမ်ပြန်လာ နိုင်တော့မှာ ဖြစ်တယ်လို့ အိုဘားမားက ပြောသွားပါတယ်။
တပ်တွေ ပြန်ရုပ်ဖို့ ကိစ္စ အသေးစိတ်ကို မကြာခင် ရှီကာဂိုမှာ ကျင်းပမယ့် နေတိုး ထိပ်သီး စည်းဝေးပွဲမှာ တင်ပြမယ်လို့ အိုဘားမားက ပြောပါတယ်။
ရှေ့နှစ် ၂၀၁၃ မှာ အာဖဂန် နစ္စတန် တပ်တွေကို အထောက်အကူ ပေးရုံ ပေးတဲ့ အဆင့် အနေအထားထိ လျှော့ချပြီး ၂၀၁၄ မှာ အာဖဂန် တပ်တွေ သူတို့ လုံခြုံရေး သူတို့ အပြည့်အဝ တာဝန် ယူနိုင်မယ်လို့ မျှော်လင့် ရပါတယ်။
အဲဒိအချိန်မှာ အမေရိကန်နဲ့ ဗြိတိသျှ တပ်တွေကို အပြီး ရုပ်သိမ်းနိုင်မယ်လို့ ခန့်မှန်းနေ ပါတယ်။
ဒေးဗစ် ကင်မရွန်း ခရီးစဉ်အတွင်း ဝန်ကြီးချုပ် ကတော် ဆမန်သာ ကင်မရွန်းဟာ ခလေး သူငယ်များ စောင့်ရှောက်ရေး ဌာနကို သွားရောက်ခဲ့ပြီး မသန် မစွမ်း ခလေး သူငယ်တွေနဲ့ တွေ့ဆုံခဲ့ပါတယ်။
ညပိုင်းမှာတော့ ဗြိတိသျှ ဝန်ကြီးချုပ်နဲ့ ကိုယ်စားလှယ် အဖွဲ့ကို အိမ်ဖြူတော်က နိုင်ငံတော် ညစာစားပွဲ တည်ခင်း ဧည့်ခံခဲ့ပါတယ်။

မြန်မာ ဘင်္ဂလားဒေ့ရှ် ရေပိုင်နက်
မြန်မာနဲ့ ဘင်္ဂလားဒေ့ရှ် နှစ်နိုင်ငံကြား ကာလရှည်ကြာ အငြင်းပွားခဲ့တဲ့ ရေပိုင်နက် ကိစ္စကို ရေကြောင်း ပိုင်နက် ခွဲဝေမှုဆိုင်ရာ နိုင်ငံတကာ တရားရုံးက မနေ့က ဆုံးဖြတ်ခဲ့မှု အပေါ် မြန်မာအစိုးရက ကျေနပ်တဲ့ အကြောင်း အစိုးရအသိုင်း အဝိုင်းနဲ့ နီးစပ်သူများ ထံက ဘီဘီစီက သတင်းရရှိပါတယ်။
လက်ရှိ လုပ်ကိုင် နေတဲ့ ရခိုင် ကမ်းလွန်က ရေနံ တူးဖော်ရေး လုပ်ကွက်တွေကို ထိခိုက်မှု မရှိတဲ့ အကြောင်းနဲ့ တရားရုံးရဲ့ အဆုံးအဖြတ်ဟာ အမြော် အမြင်ရှိတဲ့ ဆုံးဖြတ်ချက် ဖြစ်တဲ့အတွက် နှစ်နိုင်ငံစလုံး အတွက် မိတ်ဝတ်မပျက် အိမ်နီးချင်း ကောင်း ပီသစွာ ဆက်လက် လက်တွဲ ဆောင်ရွက်နိုင်မယ် လို့လည်း အစိုးရက ယူဆနေ ပါတယ်။
ဒါပေမယ့် ဒေသခံလူထုတွေ ထဲမှာ မကျေနပ်တဲ့အထဲမှာ စစ်တွေမြို့ခံ တွေပါဝင်ပြီး အချင်းချင်းကြား ဆွေးနွေးကြတဲ့ အကြောင်း၊ နယ်စပ်ဘက်မှာ တင်းမာမှု တချို့ ရှိနေတာ ကြားရကြောင်း ဘီဘီစီ သတင်းထောက် က ပြောပါတယ်။
မောင်းတောမြို့နယ် မြောက်ဖက်၊ ဘင်္ဂလားဒေ့ရှ် နဲ့ ကပ်နေတဲ့ တောင်ပြို၊ ကြိမ်ချောင်း နဲ့ ဘူးသီးတောင် မြို့နယ် မြောက်ဖက် တို့မှာလည်း မြန်မာစစ်တပ် တွေ တိုးချနေတယ် ဆိုတဲ့ သတင်းတွေ ထွက်နေသလို ဘင်္ဂလားဒေ့ရှ် ထောက်လှမ်းရေး ဖက်ကလည်း ဒီသတင်း ကို စုံစမ်းနေကြောင်း သိရပါတယ်။
စီးပွားရေး အရ သက်ရောက်မှု ကတော့ ဘင်္ဂလားဒေ့ရှ် နိုင်ငံဖက် က သဘာဝ ဓါတ်ငွေ့ တူးဖေါ်နိုင်တဲ့ ရေပိုင်နက် ရရှိဖွယ် ရှိတဲ့ အတွက် စီးပွားရေး အရ အခွင့်အလမ်း ပိုမိုလမ်းပွင့် နိုင်ကြောင်း ဒက္ကား မှ ဘီဘီစီ သတင်းထောက်က ပြောပါတယ်။

ရေပိုင်နက် ဆုံးဖြတ်ချက် ဘင်္ဂလား ကြိုဆို
ဘင်္ဂလားဒေ့ရ်ှဘက်က တောင်းဆိုထားတဲ့ အတိုင်း တရားရုံးက အနိုင်ပေးလိုက်ပါတယ်
မြန်မာနဲ့ ဘင်္ဂလားဒေ့ရှ် နိုင်ငံအကြား ရေပိုင်နက် အငြင်းပွားမှုကို နိုင်ငံတကာ ပင်လယ်ရေကြောင်း တရားရုံးက ဗုဒ္ဓဟူးနေ့မှာ ဘင်္ဂလားဒေ့ရှ် ဘက်က တောင်းဆို ထားတဲ့ အတိုင်း အနိုင်ပေး လိုက်ပါတယ်။
ဒီစီရင်ချက်ချ အပြီး ဘင်္ဂလားဒေ့ရှ် နိုင်ငံခြားရေး ဝန်ကြီးကို ဘီဘီစီ ဘင်္ဂါလီ ဌာနက ဆက်သွယ် မေးကြည့်တော့ ဘင်္ဂလားဒေ့ရှ် နိုင်ငံခြားရေး ဝန်ကြီး ဒေါက်တာ ဒီပူ မူနီက
“ တောင်းဆို ထားတဲ့ အတိုင်း ရေမိုင် ၂၀၀ အထိ ဘင်္ဂလားဒေ့ရှ် က ရခဲ့ပါတယ်။ ကမ်းခြေကနေ ရေမိုင် ၂၀၀ အပြင်ဖက် ကိုတော့ မြန်မာ နဲ့ ဘင်္ဂလားဒေ့ရှ် နှစ်နိုင်ငံ စလုံး က ဝင်ခွင့် ရခဲ့ပါတယ်”
နိုင်ငံခြားရေးဝန်ကြီး ဒီပူ မူနီက အခု ရလဒ်ဟာ ဘင်္ဂလားဒေ့ရှ် နိုင်ငံရဲ့ ကြီးမားတဲ့ အောင်ပွဲ တခုဖြစ်ပြီး နှစ် နိုင်ငံ ဆက်ဆံရေးလည်း ပိုကောင်းမယ်လို့ မျှော်လင့်ကြောင်း အခုလို ပြောကြားခဲ့ပါတယ်။
“ဒီ ရလဒ်ဟာ ဘင်္ဂလားဒေ့ရှ် နိုင်ငံနဲ့ ပြည်သူတွေ အတွက်တော့ ကြီးမားတဲ့ အောင်မြင်မှု ဖြစ်ပါတယ်။ တကယ်တော့ နှစ်နိုင်ငံ လုံးအတွက် ကောင်းပါတယ်။ ဘာလို့လဲ ဆိုတော့ ကာလ အတော်ကြာကြာ ဖြစ်ခဲ့တဲ့ ဒီ အငြင်းပွားမှုတွေကို အတိတ်မှာ ချန်ထားခဲ့ နိုင်လို့ပါ။ ရှေ့ဆက်ပြီး နှစ်နိုင်ငံ ဆက်ဆံရေး ပိုပြီး ချောမွေ့ လာမယ်လို့ မျှော်လင့်ပါတယ်”
ဒီအမှုရဲ့ စီရင်ချက် ကို အယူခံခွင့် မရှိဘူးလို့ သိရပါတယ်။
ဘင်္ဂလားဒေ့ရှ် နိုင်ငံဟာ အဲဒီဒေသမှာ ကမ်းလွန် ရေနံနဲ့ သဘာဓာတ်ငွေ့ သွားရောက် ရှာဖွေနိုင် တော့မှာ ဖြစ်ပါတယ်။
အရင်တုန်းက ဘင်္ဂလားဒေ့ရှ် ဘက်က ရေနံ နဲ့ သဘာဝ ဓာတ်ငွေ့ သွားရောက် ရှာဖွေရာမှာ မြန်မာဘက်က အဲဒီဒေသကို သူတို့လည်း တစိတ်တပိုင်း ပိုင်ဆိုင်ကြောင်း ကြေညာခဲ့ ပါတယ်။
အဲဒီနောက် နှစ်နိုင်ငံ အငြင်းပွားမှု အရှိန် အမြင့်ဆုံး အထိ ရောက်ရှိခဲ့ချိန် မှာ နှစ်ဘက်စလုံးက စစ်သင်္ဘောတွေ စေလွှတ်ခဲ့ကြ ပါတယ်။
ဒီ အငြင်းပွားမှုတွေကို ဟမ်းဘတ် ခုံရုံး က ဝင်ရောက် ဖြေရှင်းဖို့ ၂၀၀၉ ခုနှစ်က နှစ် နိုင်ငံ သဘောတူ ခဲ့ကြပါတယ်။
နှစ် နိုင်ငံက ဒီအမှုအတွက် အထောက်အထားတွေနဲ့ လျှောက်လွှဲချက် တွေကို ၂၀၁၀ နဲ့ ၂၀၁၁ မှာ တင်ပြ ခဲ့ကြပြီး မနေ့က ဒီအမှုကို ကြားနာ စီရင်ချက် ချခဲ့ကြပါတယ်။
အခု ရေပိုင်နက် အငြင်းပွားမှု ပြီးသွားတဲ့ အတွက် အိမ်နီးချင်း ကောင်းပီပီ ရှေ့ဆက်ပြီး ၂ နိုင်ငံ ပူးပေါင်း ဆောင်ရွက် မှု တွေ ပိုလုပ်နိုင်တော့မှာ ဖြစ်တယ်လို့ မြန်မာ ကိုယ်စားလှယ် ခေါင်းဆောင် ရှေ့နေချုပ် ဒေါက်တာ ထွန်းရှင်က ဘင်္ဂလားဒေ့ရှ် နိုင်ငံခြားရေးဝန်ကြီးကို ပြောကြားကြောင်း သိရပါတယ်။

တရုတ် နိုင်ငံရေး ခေါင်းဆောင် ရာထူး ဖြုတ်ခံရ
တရုတ် နိုင်ငံရဲ့ အထင်ရှားဆုံး နိုင်ငံရေး သမား တစ်ယောက် ဖြစ်သူ နိုင်ငံ အနောက် မြောက်ပိုင်း ချုန်ချင့် မြူနီစီပယ် ဒေသ မြို့တော်ဝန် ပေါရှီလိုင်ဟာ မြို့နယ် ကွန်မြူနစ် ပါတီ အကြီး အကဲ တာဝန်ကနေ ရပ်ဆိုင်း ခံလိုက်ရ ပါတယ်။
သူ့ နေရာမှာ တရုတ် ဒုတိယ ဝန်ကြီးချုပ် ကျန်ဒေ့ဂျန် Zhang Dejiang ကို ခန့်ထားခဲ့ပါတယ်။ သူ့ကို ခန့်ထားကြောင်းနဲ့ ပေါရှီလိုင်းကို ရာထူးက ထုတ်ပယ်ကြောင်း ရုပ်မြင်သံကြားကနေ ကြေညာ သွားခဲ့ ပါတယ်။
ပေါရှီလိုင် ဟာ တရုတ် ခေါင်းဆောင်တွေ ထဲမှာ အနောက်တိုင်း နိုင်ငံရေး သမားတွေလို ဝင့်ဝင့် ကြွားကြွား ပုံစံ အရှိဆုံး နိုင်ငံရေး သမား တယောက် ဖြစ်ပါတယ်။
သူဟာ တရုတ် ထိပ်တန်း ခေါင်းဆောင်တွေ ထဲက တယောက်ပါ။
ကုန်သွယ်ရေး ဝန်ကြီး တာဝန် ယူခဲ့ ဖူးသူလည်း ဖြစ်ပါတယ်။ တရုတ်မှာ အလွန် ကြီးမားတဲ့ မြူနီ စပယ်ဒေသကြီး တွေဟာ ပေကျင့်၊ စန့်ဟိုင်၊ ချင်းကျင့်၊ ချုံ့ချင့် ဆိုပြီး ရှိကြရာမှာ အဲဒီ မြူနီ စပယ် ဒေသကြီး တွေရဲ့ မြို့တော်ဝန်ဟာ တရုတ် ကွန်မြူနစ် ပါတီရဲ့ ဗဟို ကော်မတီဝင် ဖြစ်ရ ပါတယ်။
ပေါရှီလိုင်ဟာ ချုံချင့် ဒေသမှာ ဂိုဏ်းဖွဲ့ လှုပ်ရှား ကြတဲ့ ဒုစရိုက် ဂိုဏ်းတွေကို နှိမ်နင်း ရာမှာ အောင်မြင်ပြီး လူကြိုက်များ ကျော်ကြား လာသူလည်း ဖြစ်ပါတယ်။
သူဟာ တရုတ် ခေါင်းဆောင်ဟောင်း ဥက္ကဌကြီးမော်ရဲ့ ဆိုရှယ်လစ် ပုံစံကို အသက်သွင်း လိုသူ တစ်ယောက် အဖြစ်လည်း ယူဆ ခံရသူ တယောက် ဖြစ် ပါတယ်။
ပြီးခဲ့တဲ့ လထဲ မှာတော့ ပေါရှီလိုင် လက်အောက်မှာ ကာလ ရှည်ကြာ တာဝန် ထမ်းဆောင် ခဲ့တဲ့ သစ္စာရှိ ရဲအရာရှိချုပ် ဟောင်းလည်းဖြစ် ဒုတိယ မြို့တော်ဝန်လည်းဖြစ်တဲ့ ဝမ်လိဂျွန်ဟာ အမေရိကန် ကောင်စစ်ဝန်ရုံးမှာ တစ်ညတာ သွားရောက် အချိန် ကုန်လွန်ခဲ့ ပါတယ်။
သူ့ကို လည်း အခု ရာထူးက ဖြုတ်ချပြီး စုံစမ်း စစ်ဆေး နေပါတယ်။ အဲဒီ ကတည်းက မစ္စတာ ပေါရှီလိုင် ရဲ့ အနာဂတ်ရေး နဲ့ ပတ်သက်ပြီး တီးတိုး ဝေဖန် ပြောဆိုသံတွေ ထွက်ပေါ် လာခဲ့ ပါတယ်။
အဲဒီနောက် တရုတ် ပြည်သူ့ လွှတ်တော် ကျင်းပရာမှ သူတက်ရောက် မလာတဲ့ အတွက်ပိုပြီး သံသယ ဝင်ခဲ့ကြ ပါတယ်။
အခုတော့ သူ့ရဲ့ အခန်းကဏ္ဍ ပြီးဆုံး သွားပြီဆိုတာ ထင်ရှားပါတယ်။ နောက်က ကပ်လိုက် လာတဲ့ ပုစ္ဆာ တခုကတော့ တရုတ် ခေါင်းဆောင်ပိုင်းမှာ ဒီနှစ်ကုန် ကျရင် အပြောင်းအလဲ ထပ်ရှိ လာမလား ဆိုတဲ့ မေးခွန်းပဲ ဖြစ် ပါတယ်။

ထိုင်းနိုင်ငံရောက်မြန်မာ အလုပ်သမားများထိုင်းရောက်မြန်မာ အလုပ်သမား သက်တမ်းတိုးရေးရုံးထပ်ဖွင့်
ထိုင်းနိုင်ငံက မြန်မာအလုပ်သမားတွေကို နိုင်ငံသားစီစစ်ပြီး ယာယီနိုင်ငံကူး လက်မှတ်တွေ ထုတ်ပေးဖို့ ဘန်ကောက်အပါအဝင် မြို့ကြီး ၅ မြို့မှာ ရုံးသစ်ဖွင့်ပြီး လုပ်ပေး က မြန်မာဝန်ထမ်းတွေ ရောက်နေပြီဖြစ်ပေမယ့် လက်တွေ့ အကောင်အထည်ဖေါ် လုပ်လို့ မရသေးဘူးဖြစ်နေပါတယ်။
ဖေဖေါ်ဝါရီလ ၂၈ ရက်နေ့ကစပြီး ဘန်ကောက်၊ ချင်းမိုင်၊ မဟာချိုင်း၊ စမွတ်ပကန်းနဲ့ စူရတ်ထာနီမြို့တွေမှ နိုင်ငံသားစီးစစ်ရေးရုံးဖွင့်ပြီး အလုပ်သမားတွေ အတွက် ယာယီနိုင်ငံကူးလက်မှတ်ထုတ်ပေးဖို့ ထိုင်းဘက်က တောင်းဆိုထားတဲ့အတိုင်း မြန်မာအလုပ်သမားဝန်ကြီးဌာနက ဝန်ထမ်းအယောက် ၄၀ ထိုင်းနိုင်ငံကို ရောက်လာခဲ့ပြီဖြစ်တယ်။ အခုအချိန်အထိ တရားဝင်ရုံးဖွင့်ပြီး အကောင်အထည်ဖေါ် လုပ်ဆောင်ပေးဖို့ ထိုင်းဘက်က အဆင့်သင့်မဖြစ်သေးဘူးလို့ ဘန်ကောက်မြန်မာ သံရုံးဘက်က တာဝန်ရှိသူတစ်ဦးက ပြောပါတယ်။
ဒီကိစ္စနဲ့ပတ်သက်ပြီး ထိုင်းအလုပ်သမားဝန်ကြီးဌာန ညွှန်ကြားရေးမှူချုပ် ပရာ့ဝစ် ခီးယန်းဖွန်ကအခုလိုနှောင့်နှေးခဲ့ရတာကတော့ အလုပ်သမားတွေ အတွက် မြန်မာအစိုးရက ထုတ်ပေးမယ့် ယာယီနိုင်ငံကူးလက်မှတ်ကို ထိုင်းပြည်ထဲရေး ဝန်ကြီးဌာနက အသိအမှတ်ပြုတဲ့စာထုတ်ဖို့ အချိန်ကြားမြင့်သွားတယ်။ အစိုးရရုံးလုပ်ငန်းအရ ဒီလိုနှောင့်နှေးခဲ့ပေမယ့် လာမယ့် ရက်ပိုင်း အတွင်းမှာ ရုံးတွေတရားဝင်ဖွင့်ပြီး နိုင်ငံကူးလက်မှတ်ထုတ်ပေး နိုင်တော့မှာဖြစ်တယ်လို့ ဘီဘီစီကို ပြောသွားတာဖြစ်ပါတယ်။
အလုပ်သမားတွေအတွက် နိုင်ငံကူးလက်မှတ်ကို အခုထုတ်ပေးထားတဲ့ အနီးရောင် အစား ခရမ်းရောင် အဖြစ်ပြောင်းလဲထုတ်ပေးမှာဖြစ်တယ်။ ထိုင်းပြည်ဝင်ခွင့် ဗီဇာက ၂ နှစ်သက်တမ်းရှိပြီး ဗီဇာကြေး ကတော့ ဘတ် ၅၀ဝ ဖြစ်ပါတယ်။
မြန်မာအလုပ်သမား ၇ သိန်းကျော်ကို ယာယီနိုင်ငံကူးလက်မှတ်ထုတ် ပေးခဲ့ပြီဖြစ်တယ်။ နောက်ထပ် ထုတ်ပေးဖို့ကုန်သူ ၇ သိန်းကျော်ကို လာမယ့် ဇွန်လ ၁၄ နေ့အတွင်း ယာယီနိုင်ငံကူးလက်မှတ်တွေ ထုတ်ပေးနိုင်လိမ့်မယ်လို့ ထိုင်းအလုပ်သမားဝန်ကြီးဌာနက ညွှန်ကြားရေးမှူးချုပ်က ခန့်မှန်းပြောပါတယ်။

အမေရိကန်က ကချင် ဒုက္ခသည်တွေ အတွက် ကူညီမယ်
မြန်မာ နိုင်ငံကို ခုနစ်လ အတွင်း ခြောက် ကြိမ်မြောက် လာရောက်တဲ့ မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရက် မစ်ချယ်က ရန်ကုန်မြို့က အမေရိကန် သံရုံးမှာ သတင်းစာ ရှင်းလင်းပွဲ ကျင်းပခဲ့ ပါတယ်။
ရွေးကောက်ပွဲ အရေးနဲ့ ကချင် ရွာပုန်း ရွာရှောင် တွေကို ကူညီရေး ပြောခဲ့
ကချင် ပြည်နယ်က ရွာပုန်း ရွာရှောင် ဒုက္ခသည် တွေ အရေးနဲ့ လာမယ့် ဧပြီ ၁ ကြားဖြတ် ရွေးကောက်ပွဲ ကိစ္စ တို့ကို သူက ရှင်းလင်းခဲ့ ပါတယ်။
ကချင် ပြည်နယ်က ဒုက္ခသည်များအတွက် အလှူငွေ ပေးလှူမယ် လို့ပြောရာမှာ UNHCR ကုလ သမဂ္ဂ ဒုက္ခသည်များ ဆိုင်ရာ မဟာ မင်းကြီး ရုံး ကနေ တဆင့် ဒေါ်လာ တစ်သန်းခွဲကို အမေရိကန် ပြည်ထောင်စုက လှူ ဒါန်းမယ်လို့ သူက ပြော ပါတယ်။
အခု တခေါက် ခရီးစဉ်မှာ အစိုးရအနေနဲ့ ပူးပေါင်းဆောင်ရွက်ပြီး အကျိုး ကျေးဇူး တစုံတရာ ပေါ်ပေါက်အောင် ဆွေးနွေး ခဲ့တဲ့အတွက် အစိုးရပိုင်းကို ကျေးဇူးတင် ကြောင်းလည်း ပြောခဲ့ပါတယ်။
လာမယ့် ရွေးကောက်ပွဲကို နိုင်ငံတကာ လက်ခံ လောက်တဲ့ မြန်မာပြည်သူတွေ ယုံကြည်တဲ့ ရွေးကောက်ပွဲမျိုး ဖြစ်လိမ့်မယ်လို့ သူမျှော်လင်တဲ့ အကြောင်း လည်း ဒဲရက် မစ်ချဲက ပြောပါတယ်။
ဒေါ်စုနဲ့ တွေ့စဉ် မြန်မာ့ နိုင်ငံရေး ဆွေးနွေးခဲ့
တကယ်လို့ ရွေးကောက်ပွဲဟာ လွတ်လပ် မျှတပြီး အများ လက်ခံနိုင် လောက်တဲ့ ရွေး ကောက်ပွဲ ဖြစ်လာ ရေးဟာ အမေရိကန်အစိုးရက မြန်မာနိုင်ငံအပေါ် ဒဏ်ခတ် ပိတ် ဆို့မှုတွေ ကို လျှော့ပေါ့ ပေးရေးနဲ့ ဆိုင်တဲ့ အကြောင်းရင်းခံ တချက် ဖြစ်နိုင် ပေမဲ့ ဒီရွေးကောက်ပွဲ အပြင် နိုင်ငံရေးအကျဉ်းသား တွေ အားလုံး ကို လွှတ်ပေးဖို့နဲ့ တိုင်ရင်းသား အရေးကိစ္စတွေ ပြေလည်အောင် ဆောင်ရွက်ဖို့ တွေကလည်း အရေးကြီး တယ်လို့ မစ္စတာ မစ်ချဲက ပြောသွားပါတယ်။
မြန်မာ အစိုးရ ဘက်က လုပ်ဆောင်မှတွေကို ကြည့်ပြီး အမေရိကန် က တူညီတဲ့ တုန့်ပြန်မှု ဆက်လက် လုပ်သွားမယ်လို့ ဆိုပါတယ်။
မြန်မာနိုင်ငံဆိုင်ရာ အမေရိကန် အထူး သံတမန်ဟာ သမ္မတ ဦးသိန်းစိန်ရဲ့ ပြုပြင် ပြောင်းလဲမှုတွေ အပေါ် မှာလည်း အသိ အမှတ်ပြု ပြောခဲ့ သလို ဗုဒ္ဓဟူး နေ့ကလည်း ဒေါ်အောင်ဆန်း စုကြည်နဲ့ တွေ့ဆုံပြီး မြန်မာ့ မျက်မှောက် နိုင်ငံရေးနဲ့ ပတ်သက်တဲ့ ကိစ္စ တွေကို ဆွေးနွေးခဲ့ ပါတယ်။                    

ထားဝယ်မှာ မြေတွေ လျော်ကြေး မရဘဲ ဖျက်ခံရ
ထားဝယ် ဖွံ့ဖြိုးရေး စီမံကိန်းကလည်း ဒေသခံတွေ ဘဝ ရပ်တည်ရေးကို ခြိမ်းခြောက်
ထားဝယ်မှာ ရေအား လျှပ်စစ် စီမံကိန်းကြောင့် မြေတွေ လျှော်ကြေး မရပဲ အဖျက်ခံနေရပြီး ပတ်ဝန်းကျင် ကျေးရွာ ငါးရွာနဲ့ လယ်ဧက တသောင်းကျော် ရေလွှမ်း ဧရိယာထဲ ပါနေတာကြောင့် ဒီစီမံကိန်းကို ရပ်ပေးဖို့ ဒေသခံ ရွာသား သုံးထောင်က သမ္မတကို အသနားခံစာ တင်ပြခဲ့ပါတယ်။
အညာဖျား ကျေးရွာ အုပ်စုက အညာဖျား၊ ဓါးသွေးကျောက်၊ ဆိတ်ချောင်း၊ ညောင်ချောင်း၊ ဥယျာဉ်ကြီး စတဲ့ ကျေးရွာက ဒေသခံတွေဟာ လောလောဆယ်မှာကို ရေအား လျှပ်စစ် စီမံကိန်းကြောင့် ထိခိုက် နစ်နာနေပြီး စီမံကိန်း ပြီးတဲ့အခါလည်း ဆိုးကျိုးတွေ ကျိန်းသေ ကြုံတွေ့ရမှာမို့ ရေအား လျှပ်စစ် စီမံကိန်း ရပ်ဖို့ သမ္မတဆီ စာတင် ထားပါတယ်။
အညာဖျား ကျေးရွာ အုပ်စုမှာ DELCO ကုမ္ပဏီနဲ့ သဘာဝ စိမ်းလန်းရေး ကုမ္ပဏီတွေရဲ့ လုပ်ငန်း စတင် အကောင် အထည်ဖော်မှုတွေကြောင့် ဧက ထောင်ချီ ပျက်စီး ဆုံးရှုံးနေတယ်လို့ ရွာသား တယောက်က ဘီဘီစီကို ပြောပြပါတယ်။
လျော်ကြေး ပေးမယ် ပြောထားပေမယ့် အရင် အလားတူ အဖြစ်အပျက်တွေမှာ မြေသိမ်းခံရသူတွေ ကိုယ်တိုင် ခုထိ လျော်ကြေး မရသေးဘူးလို့ ရွာသားက ပြောပါတယ်။
ဖျက်ဆီးခံရတဲ့ ခြံတွေမှာ ကွမ်းသီး၊ ရာဘာ၊ ဆီအုန်းနဲ့ တခြား နှစ်ရှည်ပင်တွေ စိုက်ထားတာ ဖြစ်ပါတယ်။
နောက်ဆုံး လျော်ကြေး ရရင်တောင် လုံလောက်မှု ရှိမှာ မဟုတ်တဲ့ အတွက် ဒီစီမံကိန်းကို လုံးဝ ရပ်စေချင်ကြောင်းလည်း ညောင်ချောင်း ရွာသူ တယောက်က ပြောပါတယ်။
စီမံကိန်းက ရမယ့် အကျိုး အမြတ်နဲ့ ဆုံးရှုံးမယ့် ပမာဏ ကာမိမှာ မဟုတ်တဲ့ အတွက် ဥယျာဉ် ခြံမြေတွေ ဆုံးရှုံးမယ့် အရေးကို စိုးရိမ် ပူပန်နေကြပါတယ်။

အမေရိကန်တပ်ဖွဲ့ အာဖဂန်ရွာတွေက ရုပ်သိမ်းရေး သမ္မတ Karzai တောင်းဆို
ဗွီအိုအေ
အာဖဂန်သမ္မတ Hamid Karzai က အာဖဂန်ရွာတွေမှာ တပ်စွဲထားတဲ့ အမေရိကန်တပ်ဖွဲ့တွေ ရုပ်သိမ်းပြီး တခြားနေရာ တွေမှာ ပြန်လည်နေရာချထားဖို့ တောင်းဆိုလိုက်ပါတယ်။ ဒီသတင်းပတ် အစောပိုင်းက အမေရိကန်တပ်ဖွဲ့ဝင်တဦးက အာဖဂန်ရွာသား ၁၆ ယောက်ကို သတ်ပစ်ခဲ့တယ်လို့ဆိုတဲ့ပြဿနာ ပေါ်ပေါက်ခဲ့ပြီးနောက် အခုလိုတောင်းဆိုလိုက်တာပါ။
အာဖဂန်တပ်ဖွဲ့တွေအနေနဲ့ အရင်ကစီစဉ်ထားတဲ့အတိုင်း လုံခြုံရေးတာဝန်တွေကို ၂၀၁၄ ခုနှစ်မှာ လွှဲပြောင်း ယူမယ့်အစား ၂၀၁၃ ခုနှစ်မှာ အပြည့်အ၀တာဝန်ယူလိုတယ်လို့ အာဖဂန်သမ္မတ Hamid Karzai က အာဖဂန် ကိုရောက်ရှိနေတဲ့ အမေရိကန်ကာကွယ်ရေးဝန်ကြီး Leon Panetta ကိုပြောဆိုလိုက်တာပါ။ လုံခြုံရေးတာဝန်တွေ အားလုံးကို ပုခုံးပြောင်း လွှဲယူဖို့ အာဖဂန်တပ်ဖွဲ့တွေက အဆင်သင့်ဖြစ်နေကြပြီလို့ Mr. Karzai က မနေ့က ကြာသပတေးနေ့က ပြောဆိုလိုက် တာပါ။
ကာကကွယ်ရေးဝန်ကြီး Panetta ကလည်း ၂၀၁၄ ခုနှစ်မှာ နိုင်ငံတကာတိုက်ခိုက်ရေးတပ်ဖွဲ့တွေ ရုပ်သိမ်းပြီးတဲ့ နောက်ပိုင်း အာဖဂန်အမေရိကန်တပ်ဖွဲ့တွေ ရေရှည်ထားရှိရေးနဲ့ ပတ်သက်ပြီး အမေရိကန်နဲ့ အာဖဂန်အကြား ညှိနှိုင်းလို့ ရလိမ့်မယ်လို့ ယုံကြည်ကြောင်းပြောပါတယ်။
အမေရိကန်နဲ့ အာဖဂန်အကြား မဟာဗျူဟာမြောက် ပူးပေါင်းဆောင်ရွက် ရေးမှာ အဓိကအဟန့်အတားဖြစ်နေတဲ့ ညဘက် တွေမှာ ၀င်ရောက်စီးနင်းတဲ့ကိစ္စကိုလည်း သဘောတူညီမှုရလိမ့်မယ်လို့ ယူဆကြောင်းပြောပါတယ်။ ညဘက်စီးနင်းမှု တွေကြောင့် အာဖဂန် အရပ်သားတွေသေဆုံးရတာဖြစ်လို့ ညွန့်ပေါင်း တပ်ဖွဲ့ရဲ့ ဒီလိုစစ်ဆင်ရေး တွေ အဆုံးသတ် စေချင်တာဖြစ်တယ်လို့   Mr. Karzai ကပြောဆိုလိုက်ပါတယ်။

ဆီးရီးယားအုံကြွမှု နှစ်ပတ်လည် သေဆုံးသူများပြား
By ဗွီအိုအေ (မြန်မာဌာန)
ဆီးရီးယားနိုင်ငံမှာ လူထုအုံကြွမှုတွေ ဖြစ်ပွားခဲ့တာ ၁ နှစ်ပြည့်ချိန်မှာပဲ ကြာသပတေးနေ့က အတိုက်အခံတွေအပေါ် လုံခြုံရေးတပ်တွေရဲ့ နှိမ်နင်းမှုတွေအတွင်း လူပေါင်း ၂၃ ယောက်ထက်မနည်း သေဆုံးသွားပါတယ်။
အစိုးရပိုင် ရုပ်မြင်သံကြားမှာတော့ သမ္မတကို ထောက်ခံတဲ့ လူထုစုဝေးပွဲတွေကို ပြသခဲ့တာပါ။ နိုင်ငံအနောက်မြောက်ဘက်က Idlib ဒေသမှာ အလောင်း ၂၃ လောင်းကို စွန့်ပစ်ထားတာ တွေ့ရပြီး အလောင်းတချို့မှာ ညှင်းပမ်းနှိပ်စက်ထားတဲ့ လက္ခဏာတွေကို တွေ့ရတဲ့အကြောင်း ဗြိတိန်အခြေစိုက် ဆီးရီးယား လူ့အခွင့်အရေး စောင့်ကြည့်လေ့လာရေး အဖွဲ့က ပြောပါတယ်။ နိုင်ငံပိုင် သတင်းတွေမှာတော့ Idlib ဒေသ ဆင်ခြေဖုံးအရပ်မှာ လက်နက်ကိုင် အုပ်စုတချို့နဲ့ အစိုးရတပ်တွေ ပဋိပက္ခဖြစ်ပွားပြီး အကြမ်းဖက်သမား အများအပြားကို သုတ်သင်ခဲ့တယ်လို့ ကြေညာခဲ့တာပါ။
အတိုက်အခံတွေအပေါ် နှိမ်နင်းမှုတွေ အဆုံးသတ်ဖို့ နိုင်ငံတကာရဲ့ ကြိုးပမ်းမှုတွေ မအောင်မမြင် ဖြစ်ခဲ့ရပြီးတဲ့နောက်မှာပဲ ဆီးရီးယား အစိုးရက Idlib ဒေသ နေရာအတော်များများကို ဝင်ရောက်သိမ်းပိုက်ခဲ့သလို အတိုက်အခံ သူပုန်တွေက တော်လှန်ရေးအစပြုရာ နယ်မြေအဖြစ် ခေါ်ဝေါ်တဲ့ တောင်ပိုင်းက Daraa မြို့မှာလည်း လပေါင်းများစွာအတွင်း အပြင်းထန်ဆုံးအဖြစ် စီးနင်းတိုက်ခိုက်မှုတွေ လုပ်ဆောင်ခဲ့ပါတယ်။ နိုင်ငံအနှံ့မှာတော့ သူပုန်တွေ တပ်ဆုတ်ပေးနေကြရပြီး အတိုက်အခံတွေရဲ့ လှုပ်ရှားမှုတွေဟာလည်း ပြန့်ကျဲလာခဲ့ကြတာပါ။
ပြင်သစ်နိုင်ငံခြားရေးဝန်ကြီး Alain Juppe ကတော့ အတိုက်အခံတွေကို လက်နက်တပ်ဆင်ပေးတာဟာ နောက်ထပ် ပြဿနာတွေ ကြီးထွားလာနိုင်တာမို့ ပြင်သစ်နိုင်ငံကတော့ လက်မခံဘူးလို့ ကြာသပတေးနေ့မှာပဲ ပြောခဲ့ပါတယ်။

စုဝေးခွင့်ဥပဒေ ပြန်ပြင်ဖို့ လူ့အခွင့်အရေးအဖွဲ့ တောင်းဆို
By ဗွီအိုအေ (မြန်မာဌာန)
မြန်မာနိုင်ငံမှာ ဥပဒေအဖြစ် ပြဋ္ဌာန်းလိုက်တဲ့ ငြိမ်းချမ်းစွာ စုဝေးခွင့် ဥပဒေမှာ အားနည်းချက်တွေ ရှိနေတာကြောင့် ပြင်ဆင်ဖို့လိုတယ်လို့ လူ့အခွင့်အရေး အခြေအနေတွေကို စောင့်ကြည့်အကဲခတ်နေတဲ့ Human Rights Wtach က ပြောလိုက်ပါတယ်။
လွတ်လပ်စွာ စုဝေးခွင့်နဲ့ စီတန်းလမ်းလျှောက်ခွင့် ဥပဒေဟာ နိုင်ငံတကာ စံချိန်စံနှုန်းတွေနဲ့ ကိုက်ညီမှုမရှိဘူးလို့ ကြာသပတေးနေ့မှာပဲ ကြေညာချက် တစောင် ထုတ်ပြန်ပြောဆိုလိုက်တာပါ။ ပြီးခဲ့တဲ့နှစ် ဒီဇင်ဘာလမှာ သမ္မတ ဦးသိန်းစိန် လက်မှတ်ရေးထိုး အတည်ပြု ပေးလိုက်တဲ့ ဥပဒေအရ ငြိမ်းချမ်းစွာ စုဝေးမှုတွေ၊ စီတန်းလမ်းလျှောက်တာတွေ လုပ်ဆောင်ဖို့အတွက် အာဏာပိုင်တွေထံ ခွင့်ပြုချက် လျှောက်ထားဖို့နဲ့ ဖောက်ဖျက်သူတွေအနေနဲ့ ထောင်ဒဏ်ပြစ်ဒဏ်တွေ ကျခံနိုင်တဲ့ ပြဋ္ဌာန်းချက်တွေ ပါဝင်နေတယ်လို့ လူ့အခွင့်အရေးအဖွဲ့က ပြောဆိုခဲ့တာပါ။
အရင်တုန်းက ဆန္ဒပြ လှုပ်ရှားမှုတွေကို တားမြစ်ထားတာကို ဥပဒေသစ်က အခုအခါ ခွင့်ပြုလိုက်ပေမဲ့ ကြွေးကြော်သံတွေ တိုင်မယ် ဆိုရင်လည်း ကြိုတင် ခွင့်ပြုချက် ယူရတာမျိုးလို ထိန်းချုပ်မှုတွေ ရှိနေတုန်းပဲလို့လည်း ပြောပါတယ်။ မြန်မာနိုင်ငံမှာ တွေ့မြင်လာနေရတဲ့ အပြောင်းအလဲတွေအပေါ် စိတ်အားတက်ကြွနေပေမဲ့လည်း အရင်က မရှိဖူးတာတွေ ရှိလာရုံနဲ့ အစိုးရကို အမှတ်ပေးမနေကြဘဲ ဥပဒေတွေကို နိုင်ငံတကာ စံချိန်စံနှုန်းတွေအတိုင်း ဖြစ်အောင် ဖိအားပေးသင့်တယ်လို့လည်း Human Rights Wtach အဖွဲ့ရဲ့ အာရှရေးရာ ညွှန်ကြားရေးမှူး Brad Adams က ကြေညာချက်ထဲမှာ တိုက်တွန်းသွားတာပါ။ ဒါကြောင့်လည်း မြန်မာနိုင်ငံက လွှတ်တော်တွင်းမှာ ဒီဥပဒေကို ပြန်လည် ပြင်ဆင်နိုင်ရေး ကြိုးပမ်းဖို့နဲ့ တချိန်တည်းမှာပဲ ပြည်ထဲရေး ဝန်ကြီးဌာနလို အာဏာပိုင် အဖွဲ့အစည်းတွေအနေနဲ့ ဥပဒေတွေရဲ့ ပြင်းထန်တဲ့ အကျိုးဆက်တွေနဲ့ ပတ်သက်လို့ နိုင်ငံတကာ အဖွဲ့အစည်းတွေနဲ့လည်း တိုင်ပင်ဆွေးနွေးမှုတွေ လုပ်ဆောင်ဖို့ Human Rights Wtach အဖွဲ့က တောင်းဆိုထားပါတယ်။

မြန်မာအစိုးရ ရင်ကြားစေ့ရေး ကြိုးပမ်းမှု လိုက်လျောညီမှုမရှိ
နန္ဒာချမ်း 

• မြန်မာနိုင်ငံမြောက်ပိုင်း ကချင်ပြည်နယ်မှာ စစ်ရေးပဋိပက္ခတွေ ဆက်ဖြစ်နေတဲ့အခြေအနေဟာ အစိုးရရဲ့ အမျိုးသား ပြန်လည်ရင်ကြားစေ့ ရေး ဖြစ်ပေါ်လာအောင် ယုံကြည်မှု တည်ဆောက်နေပါတယ်ဆိုတဲ့အချက်နဲ့ လိုက်လျောညီထွေ မရှိဘူး။ ဒေသခံပြည်သူတွေရဲ့ အရေးအတွက် အထူးစိုးရိမ်ပူပန်မိတယ်လို့ - မြန်မာနိုင်ငံ မှာ ရောက်ရှိနေတဲ့ အမေရိကန် အထူး ကိုယ်စားလှယ် ဒဲရက်ခ် မစ်ချဲ က ပြောကြားခဲ့ပါတယ်။ ဒါ့အပြင် လာမယ့် ကြားဖြတ်ရွေးကောက်ပွဲ ရလဒ် ဟာလည်း အရေးကြီး တယ်လို့ - ဒီကနေ့ ရန်ကုန်မှာရှိတဲ့ အမေရိကန်သံရုံးမှာ ပြုလုပ်တဲ့ သတင်းစာရှင်းလင်းပွဲအတွင်း ထပ်မံ ပြောကြားသွားခဲ့ပါတယ်။

ကြာသပတေးနေ့ မွန်းလွဲပိုင်းက ရန်ကုန်မှာရှိတဲ့ အမေရိကန်သံရုံးမှာ ပြုလုပ်တဲ့ သတင်းစာရှင်းလင်းပွဲအတွင်း - အမေရိကန်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် ဒဲရက်ခ် မစ်ချဲ က - အပစ်အခတ်ရပ်စဲရေး ဆွေးနွေးနေတာ ပြေလည်မှုတွေ မရရှိသေးတဲ့ ကချင်ပြည်နယ်က စစ်ပြေး ဒုက္ခသည်တွေအရေးအပါအ၀င် မြန်မာနိုင်ငံမှာ ဧပြီလ ၁ ရက်နေ့ကျရင် ကျင်းပမယ့် ကြားဖြတ်ရွေးကောက်ပွဲကိစ္စ - ဒီ နှစ်ချက်ကို အဓိက အလေးထား ပြောကြားခဲ့တာပါ။ တိုင်းရင်းသားလူမျိုးစုတွေ နေထိုင်ရာဒေသတွေမှာ မကြာသေးခင် ကာလ တွေက တိုးတက်မှုတွေကို တွေ့မြင်ရတယ်ဆိုပေမဲ့ - အခြေအနေတွေဟာ တည်ငြိမ်အေးချမ်းမှု မရှိသေးတာနဲ့ ပတ်သက်ပြီး မစ္စတာ မစ်ချဲ က - ဒီသတင်းစာရှင်းလင်းပွဲအတွင်း သတင်းထောက်တွေကို အခုလို ပြောကြား သွားခဲ့တာပါ။
“ပြီးခဲ့တဲ့ လပိုင်းတွေ၊ သီတင်းပတ်တွေအတွင်း တိုင်းရင်းသားဒေသတွေမှာ ဖြစ်ပေါ်တိုးတက်မှုတွေကို ကျနော် တို့ မြင်တွေ့ခဲ့ရပါတယ်။ မြန်မာ အစိုးရကလည်း - အမျိုးသားပြန်လည်ရင်ကြားစေ့ရေး လုပ်ငန်းစဉ် တွေကို ရှေ့ဆက်ဆောင်ရွက်နေတဲ့အကြောင်း၊ အပစ်အခတ်ရပ်စဲရေးနဲ့ နိုင်ငံရေးအရ တွေ့ဆုံဆွေးနွေးမှုတွေ လုပ် ဆောင် နေတဲ့အကြောင်းတွေကို ပြောကြားခဲ့ပါတယ်။ ဒါပေမဲ့ ကချင်ပြည်နယ်မှာ အကြမ်းဖက်မှုတွေ ဆက် ဖြစ် နေတာက - အစိုးရက ပြောနေတဲ့ အမျိုးသားပြန်လည်ရင်ကြားစေ့ရေး ရအောင် ယုံကြည်မှု တည် ဆောက် နေပါတယ်ဆိုတဲ့ အချက်နဲ့ ကိုက်ညီမှု မရှိတာကို တွေ့နေရတာပါ။”
ဒါ့အပြင် ကချင်ပြည်နယ်တွင်းက ဒုက္ခသည်တွေနဲ့ပတ်သက်လို့လည်း မစ္စတာ မစ်ချဲက ရန်ကုန်မှာ ကုလသမဂ္ဂရုံး တာဝန်ရှိသူတွေနဲ့ တွေ့ဆုံချိန်မှာ ဆွေးနွေးဖြစ်ခဲ့တဲ့အကြောင်း - ဒီဒုက္ခသည်တွေကို အကူ အညီပေးရာမှာ အကန့်အသတ်တွေ ရှိနေတာကို သိခဲ့ရတယ်လို့ အခုလို ဆက်ပြောပါတယ်။
“ကျနော်တို့အနေနဲ့ တကယ်ပဲ စိုးရိမ်မိတာက ကချင်ပြည်နယ်တွင်းက IDP လို့ခေါ်တဲ့ အိုးအိမ်စွန့်ခွာထွက်ပြေးကြရတဲ့ စစ်ပြေးဒုက္ခသည်တွေ အရေးပါ။ ဒီခရီးစဉ်အတွင်းမှာ ကျနော် - ကုလသမဂ္ဂရုံးအပြင် တခြားအဖွဲ့အစည်းတွေနဲ့လည်း တွေ့ဆုံခဲ့ပါတယ်။ သူတို့အနေနဲ့ ဒီဒုက္ခသည် တွေကို ကူညီထောက်ပံ့ချင်ပေမဲ့လို့ အကူအညီပေးတဲ့နေရာမှာ အကန့်အသတ်တွေရှိနေတာကို ပြောပြပါတယ်။ ဒါပေမဲ့ မြန်မာနိုင်ငံရဲ့ နိုင်ငံရေးအခြေအနေဟာ သိမ်မွေ့နက်နဲတယ်ဆိုတာကို ကျနော် နားလည်ပါတယ်။ ဒီနေရာမှာ ကျနော့်အနေနဲ့ အသိပေးကြေညာချင်တာက ဒီဒုက္ခသည်တွေကို ကူညီဖို့အတွက်ကို အမေရိကန်ပြည်ထောင်စုကနေ အမေရိကန်ဒေါ်လာ ၁ သန်းခွဲ - ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးကို ပေးအပ်သွားမယ်ဆိုတာပါပဲ။”
ဒါ့အပြင် မစ္စတာ မစ်ချဲ က - မြန်မာနိုင်ငံမှာ ဧပြီလ ၁ ရက်နေ့ ကျင်းပဖို့ရှိတဲ့ ကြားဖြတ်ရွေးကောက်ပွဲတွေမှာ လွတ်လပ်ပြီး တရားမျှတမှုရှိဖို့နဲ့ ထင်သာမြင်သာရှိဖို့ကိုလည်း ထပ်မံပြောကြားခဲ့ပါတယ်။ ဗုဒ္ဓဟူးနေ့က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံချိန် - လက်ရှိ ကြုံတွေ့နေရတဲ့ ဒေါ်အောင်ဆန်းစုကြည် ရဲ့ မဲဆွယ်စည်းရုံးရေး ခရီးစဉ်အတွင်း အခက်အခဲတွေနဲ့  မဲပေးကြမယ့် မဲဆန္ဒရှင် တွေရဲ့ စာရင်းမှားယွင်းတာတွေကို ကြားသိခဲ့ရတဲ့အတွက် ရွေးကောက်ပွဲရလဒ်ဟာ အင်မတန်မှ အရေးကြီး တယ်လို့ အခုလို ပြောဆိုသွားခဲ့ပါတယ်။
“မြန်မာနိုင်ငံမှာ အထူးအရေးကြီးတဲ့ ကိစ္စဖြစ်တဲ့ မကြာခင်ကျင်းပမယ့် ကြားဖြတ်ရွေးကောက်ပွဲနဲ့ပတ်သက်ပြီး ပြောရမယ်ဆိုရင်တော့ - ဒေါ်အောင်ဆန်းစုကြည်နဲ့လည်း ပြောဖြစ်ခဲ့ပါတယ်။ ကျနော်တို့က လွတ်လပ်မှုရှိပြီး တရားမျှတတဲ့ ရွေးကောက်ပွဲမျိုး ဖြစ်စေချင်ပါတယ်။ ဒီမနက်လည်း နိုင်ငံရေးပါတီ အသီးသီးက ပုဂ္ဂိုလ်တွေနဲ့ တွေ့ဆုံပြီး မနေ့ကလည်း ဒေါ်အောင်ဆန်းစုကြည်နဲ့ တွေ့ဆုံပြီးပါပြီ။ မနက်ဖြန်မှာ မန္တလေးကို သွားပြီး အဲ့ဒီက နိုင်ငံရေးပါတီကိုယ်စားလှယ်တွေနဲ့ တွေ့ဆုံပါမယ်။ ဒီရွေးကောက်ပွဲ တရားမျှတမှုရှိဖို့၊ လွတ်လပ်ဖို့ ဘယ်လို လုပ်ဆောင်ကြမလဲဆိုတာ ဆွေးနွေးကြပါတယ်။ အခုအချိန်ဟာ မြန်မာနိုင်ငံမှာ ပြည်သူလူထုတရပ်လုံးက လိုလားတဲ့ ပြောင်းလဲမှုမျိုး ရရှိဖို့ အထူး အရေးကြီးနေတဲ့အခြေအနေပါ။ ယုံကြည်မှု တည်ဆောက်ဖို့ အရေးကြီး လှတဲ့ အချိန်ပါ။”
အမေရိကန်အထူးကိုယ်စားလှယ် ဒဲရက်ခ် မစ်ချဲ ဟာ မြန်မာနိုင်ငံကို လာရောက်တဲ့ ၆ ရက်ကြာခရီးစဉ် အတွင်း နေပြည်တော်မှာ ပြည်သူ့လွှတ်တော်ဥက္ကဌ သူရဦးရွှေမန်း၊ အမျိုးသားလွှတ်တော် ဥက္ကဌ ဦးခင်အောင်မြင့်နဲ့ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်တို့ အပါအ၀င် အစိုးရတာဝန်ရှိသူတွေနဲ့ ၂ ရက်ကြာ တွေ့ဆုံခဲ့တာပါ။ ဒီတွေ့ဆုံမှုနဲ့ပတ်သက်လို့လည်း - အကျိုးရှိတဲ့အကြောင်း နဲ့ အမေရိကန် နဲ့ မြန်မာ နှစ်နိုင်ငံ ဆက်ဆံရေး တိုးမြှင့်ဖို့အတွက်ကို အထောက်အကူ ဖြစ်စေတယ်လို့လည်း သတင်းစာ ရှင်းလင်းပွဲ အတွင်း သတင်းထောက်တွေ ကို ပြောကြားခဲ့ပါတယ်။ မစ္စတာ မစ်ချဲ ဟာ - မနက်ဖြန် မနက်ပိုင်းမှာတော့ မန္တလေးမှာ ရှိတဲ့ NLD မန္တလေးတိုင်းအောင်နိုင်ရေးအဖွဲ့တွေနဲ့ တွေ့ဆုံဖို့ စီစဉ်ထားတယ်လို့ သိရပါတယ်။

မြန်မာအဖွဲ့အားနည်းမှုကြောင့် ရေပိုင်နက်ဆုံးရှုံးရဟု ကနဦးပါခဲ့ဝင်သူသုံးသပ်
သင်းသီရိ
မြန်မာနိုင်ငံ နဲ့ ဘင်္ဂလားနိုင်ငံတို့ကြား အငြင်းပွားနေတဲ့ရေပိုင်နက် ပြသနာကို  ဂျာမဏီနိုင်ငံ ဟမ်းဘတ်မြို့ အခြေစိုက်  နိုင်ငံတကာ ပင်လယ် ပြင်ရေပိုင်နက် ခုံရုံးက မတ်လ (၁၄) ရက်နေ့မှာ ဆုံးဖြတ်ချက် ချလိုက်ပြီ ဖြစ်ပါတယ်။ သဘာဝ သယံဇာတ ပေါကြွယ်ဝတဲ့ ဘင်္ဂလား ပင်လယ်အော် အတွင်းမှာ ဘင်္ဂလားဒေ့ရှ် နိုင်ငံက စီးပွားရေးဇုန် ရေပြင် ပိုက်နက် မိုင် (၂၀၀) အပြည့် ခံစား ပိုင်ခွင့်ရှိစေပြီး ကမ်းဦး ရေတိမ်ပိုင်း ကိုလည်း မိုင် (၂၀၀) အထက် ဘင်္ဂလားဒေ့ရှ် ဖက်က အသုံးပြု နိုင်တယ်လို့ တရားရုံးက ဆုံးဖြတ်ချက် ချခဲ့ပါတယ်။ ဒီ ဆုံးဖြတ်ချက် ဟာ ဘင်္ဂလားဒေ့ရှ် နိုင်ငံ အတွက် အောင်မြင်မှု တခု ဖြစ်ပေမယ့် မြန်မာနိုင်ငံ အတွက် အင်မတန် နစ်နာ ဆုံးရှုံး မှု ဖြစ်တယ်လို့လည်း သုံးသပ်ချက်တွေ ရှိနေပါတယ်။ ဒီ အခြေအနေ အပြည်အစုံ ကိုတော့ မသင်းသီရိ က ဆက် ပြောပြပေးမှာပါ၊
မြန်မာနဲ့   ဘင်္ဂလားဒေ့ရှ် နိုင်ငံကြား နှစ်ပေါင်း (၃၈) နှစ်ကျော် အငြင်းပွားနေတဲ့ နှစ် နိုင်ငံ ရေပိုင်နက် ပြသနာ ကို  မတ်လ (၁၄) ရက်နေ့က  ဂျာမဏီ နိုင်ငံ ဟမ်းဘတ်မြို့ အခြေစိုက်  နိုင်ငံတကာ ပင်လယ်ပြင် ရေပိုင်နက် ခုံရုံးက  အဆုံးသတ် လိုက်တဲ့ ဆုံးဖြတ်ချက်တစ်ခု ချမှတ်လိုက်တာပါ။ နှစ်နိုင်ငံ အငြင်းပွား နေတဲ့ ရေပြင်ပိုင်နက် နယ်နမိတ်ထဲမှာ ဘင်္ဂလားဒေ့ရှ် နိုင်ငံ ဖက်က ကမ်းဦး ရေတိမ်ပိုင်း ကိုလည်း မိုင် (၂၀၀) အထက် ကျော်ပြီး ခံစားခွင့် ရှိတဲ့အကြောင်း နိုင်ငံတကာပင်လယ်ပြင်ရေပိုင်နက် ခုံရုံးက ဥက္ကဌ ဂျိူဆေး လူးဝစ်ဂျီးဆပ်စ် က အမိန့်ချပါတယ်။

ရေပိုင်နက် ငြင်းမှု ဆုံးဖြတ်ပြီးရာထူးက ဖြုတ်ချ ခံရတဲ့ တရုတ် ခေါင်းဆောင် ပေါရှီလိုင်