15.03.2012 နေ့ဖတ်ရန်သတင်းများ

by Myanmar Journal on Thursday, March 15, 2012 at 7:57am ·

 
မြန်မာ ဘင်္ဂလားဒေ့ရှ် ရေပိုင်နက် အငြင်းပွားမှု အမိန့်ချ
ဘင်္ဂလားဒေ့ရ်ှဘက်က တောင်းဆိုထားတဲ့ အတိုင်း တရားရုံးက အနိုင်ပေးလိုက်ပါတယ်
မြန်မာနိုင်ငံနဲ့ ဘင်္ဂလားဒေ့ရ်ှနိုင်ငံအကြား ဖြစ်ပွား နေတဲ့ ရေပိုင်နက်အငြင်းပွားမှုကို ကြားနားနေခဲ့ တဲ့ နိုင်ငံတကာ ပင်လယ် ရေကြောင်းဆိုင်ရာ တရားရုံးကနေ ဗုဒ္ဓဟူးနေ့မှာ အမိန့် ချမှတ် လိုက်ပါတယ်။
ဘင်္ဂလားပင်လယ်အော်က သူပိုင် ကိုယ်ပိုင် အငြင်းပွားနေတဲ့ နေရာမှာ ဘင်္ဂလားဒေ့ရှ် ဘက်က တောင်းဆိုထားတဲ့ အတိုင်း တရားရုံးက အနိုင်ပေးလိုက်ပါတယ်။

ဒီအတွက် ဘင်္ဂလားဒေ့ရ်ှနိုင်ငံဟာ အဲဒီဒေသမှာ ကမ်းလွန် ရေနံနဲ့ သဘာဓာတ်ငွေ့ သွားရောက် ရှာဖွေနိုင်တော့မှာ ဖြစ်ပါတယ်။
အရင်တုန်းက ဘင်္ဂလာဒေ့ရ်ှဘက်က ရေနံ နဲ့ သဘာဝ ဓာတ်ငွေ့ သွားရောက် ရှာ ဖွေရာမှာ မြန်မာဘက်က အဲဒီဒေသကို သူတို့လည်း တစိတ်တပိုင်း ပိုင်ဆိုင်ကြောင်း ကြေညာခဲ့တာ ဖြစ်ပါတယ်။
အဲဒီနောက်မှာတော့ နှစ်နိုင်ငံ အငြင်းပွားမှု အရှိန် အမြင့်ဆုံး အထိကို ရောက်ရှိခဲ့ချိန်မှာတော့ နှစ်ဘက်စလုံးက စစ်သင်္ဘောတွေ စေလွှတ်ခဲ့ကြတာ ဖြစ်ပါတယ်။

ကရင်ပြည်နယ် မြဝတီမြို့တွင် အဖိုးတန်စိန်အမြောက်အမြား ထွက်ရှိနေ-

ကရင်ပြည်နယ် မြဝတီမြို့တောင် ဘက် မိုင် ၂ဝအကွာတွင် အဖိုးတန်စိန်အမြောက်အမြား ထွက်ရှိသော စိန်တွင်းတစ်တွင်းကို အမေရိကန်နိုင်ငံ နာဆာမှလွှတ်တင်ထားသော Land Sat7 ဂြိုလ်တုဖြင့် မကြာသေးခင်က တွေ့ရှိခဲ့သည်ဟု ဒဂုံတက္ကသိုလ် ဘူမိဗေဒဌာနမှ အငြိမ်းစား ပါမောက္ခဦးစိုးသိန်းကပြောသည်။
အဆိုပါစိန်တွင်းရှိရာနေရာသို့ မြဝတီမြို့မှ ကားလမ်းဖြင့် တိုက်ရိုက်ရောက်ရှိနိုင်ပြီး ထိုင်းနိုင်ငံမှ အဆိုပါစိန်တွင်းကို တူးဖော်ခွင့်ရရှိရန် ဆောင်ရွက်နေ ကြောင်း သိရသည်။''ဩစတြေးလျနဲ့တရုတ်လဲ မကြာခင်က တူးကြသေးတယ်။ အောင်မြင်မှု ရှိမရှိတော့ မသိဘူး။ ဂြိုလ်တုက နေကြည့်တော့ စိန်အမြောက် အမြားထွက်နေတယ် ဆိုတာ သေချာတယ်'' ဟု ဦးစိုးသိန်းက ထပ်မံပြောသည်။
'သတ္တုတွင်း ဝန်ကြီးဌာနအနေနဲ့ကတော့ စိန် တူးခွင့် လျှောက်ထား လာတဲ့ ကုမ္ပဏီတွေ ကိုသတ်မှတ်ချက် စည်းမျဉ်းစည်းကမ်း နဲ့ ညီမညီ အရင်ကြည့်တယ်။ သတ်မှတ်ချက် စည်းမျဉ်းတွေနဲ့ ညီရင်တော့ လုပ်ပိုင်ခွင့် ပြုမိန့်တွေ ချထားပေးမှာပါ'' ဟု အမှတ်(၂) သတ္တုတွင်း ဝန်ကြီး ဌာနမှ တာဝန်ရှိသူ တစ်ဦးကပြောသည်။''ဩစတြေးလျနဲ့တရုတ်လဲ မကြာခင်က တူးကြသေးတယ်။ အောင်မြင်မှု ရှိမရှိတော့ မသိဘူး။ ဂြိုလ်တုက နေကြည့်တော့ စိန်အမြောက် အမြားထွက်နေတယ် ဆိုတာ သေချာတယ်''
မြန်မာနိုင်ငံတွင် ကျောက်မျက်ရတနာ တန်းဝင်စိန်များကို ၁၉၆ဝပြည့်နှစ်တွင် မိုးမိတ်မြို့နယ်၊ မကျည်း ပင်ကျေးရွာနှင့် မိုးဟောက် ကျေးရွာပတ်ဝန်းကျင်တွင် စတင်တွေ့ရှိရပြီး ၁၉၇၂ခုနှစ်တွင် ရန်ကုန်တက္ကသိုလ် ဘူမိဗေဒဌာနတို့ ပူးပေါင်းရှာ ဖွေရာတွင် စိန်တွေ့ရှိရာ နယ်မြေ အသစ်များ နှစ်စဉ်နှင့်အမျှ တိုးပြီးတွေ့နေရ ကြောင်း သိရသည်။
မြန်မာနိုင်ငံ တနင်္သာရီတိုင်း သိန္ဓောဒေသရှိ စိန်တွင်းသည် တန်ဖိုးကြီး စိန် များနှင့် စိန်အမြောက်အမြားထွက်ရှိသော ဒေသတစ်ခုအဖြစ် ထင်ရှားသည်။ တောင်ငူဒေသ တွင်လည်း မကြာသေးမီက စိန်တွင်း တစ်တွင်း တွေ့ရှိခဲ့ရာ ၁၄ရတီခန့် အထိ ရှိသော တန်ဖိုးကြီးစိန် တစ်ခုလည်း ပါဝင်လာခဲ့ကြောင်း သိရသည်။
ရန်ကုန်တိုင်းမ်
by: William Mill

ကွန်ဂိုစစ်ဘုရင် သောမတ်စ် လူဘန်ဂါကို စီရင်ချက်ချ
မစ္စတာ လူဘန်ဂါဟာ ကလေးတွေကို စစ်သား အဖြစ် စုစောင်း အသုံးချခဲ့တာ ဖြစ်ပါတယ်
ကွန်ဂို ဒီမိုကရက်တစ် ပြည်သူ့ သမ္မတ နိုင်ငံက သူပုန်ခေါင်းဆောင်ဟောင်း စစ်ဘုရင် သောမတ်စ် လူဘန်ဂါဟာ စစ်ရာဇဝတ်မှု တွေ ကျူးလွန်ခဲ့မှုနဲ့ အပြစ် ရှိကြောင်း the Hague မြို့ နိုင်ငံတကာ ရာဇဝတ်မှု ခုံရုံး ICC က စီရင်ချက် ချမှတ်လိုက်ပါတယ်။
သောမတ်စ် လူဘန်ဂါ ဟာ ကွန်ဂို မျိုးချစ်များ သမဂ္ဂ (UCP)ရဲ့ ခေါင်းဆောင်ဖြစ်ပါတယ်။ ကွန်ဂို ဒီမိုကရက်တစ် ပြည်သူ့ သမ္မတနိုင်ငံမှာ ရှိတဲ့ လူမျိုးစု တခုနဲ့ တခုအကြား စစ်မက် ဖြစ်ပွားရာမှာ သူပုန်တွေကို ဉီးဆောင်ခဲ့သူလည်း ဖြစ်ပါတယ်။
Hema နဲ့ Lendu လူမျိုးစု စစ်ပွဲမှာ လူပေါင်း ၆ သောင်းကျော် သေဆုံးခဲ့တယ်လို့ အမေရိကန် အခြေစိုက် လူ့အခွင့်အရေး စောင့်ကြည့်ရေးအဖွဲ့က ထုတ်ပြန် ခဲ့ပါတယ်။
မစ္စတာ လူဘန်ဂါ အပေါ် ပစ်ဒဏ်ချမှုဟာ ICC တရားရုံးအတွက် ၁၀ နှစ်အတွင်း ပထမ ဉီးဆုံး အကြိမ် ဖြစ်သလို ကလေးစစ်သား အသုံးပြုမှုနဲ့ နိုင်ငံတကာရဲ့ အာရုံစိုက်မှုကို ခံရတဲ့ ပထမဉီးဆုံး အမှုလည်း ဖြစ်ပါတယ်။
သူဟာ ၂၀၀၂ နဲ့ ၂၀၀၅ ခုနှစ်အကြားမှာ အသက် ၁၅ နှစ်အောက် ကလေးငယ်တွေကို သူရဲ့ စစ်တပ်အတွက် အသုံးပြုတာ၊ သူရဲ့ကိုယ်ရံတော်တွေ အဖြစ်ခန့်ထားတာ၊ လိင်ပိုင်းဆိုင်ရာ အသုံးချတယ် ဆိုပြီး တရားစွဲခံထားရသူပါ။ အဲဒီအထဲမှာ တချို့ဆိုရင် အသက် ၉ နှစ် အရွယ်ပဲ ရှိပါသေးတယ်လို့ ဆိုပါတယ်။
သူ့ရဲ့ UPC အဖွဲ့ဟာ ဒီကလေးသူငယ်တွေကို ရှေ့တန်း စစ်မျက်နှာစာ တွေမှာ တွင်တွင် ကျယ်ကျယ် အသုံးပြုခဲ့တယ် ဆိုတဲ့ အထောက်အထားတွေ ရှိတယ်လို့ ဒီအမှုကို ကိုင်တွယ်တဲ့ တရားသူကြီး ၃ ဉီးက ပြောပါတယ်။
အခုလို စီရင်ချက်ချနိုင်မှုဟာ အဲဒီတုန်းက စစ်ဒဏ်ကို ခံခဲ့ရသူတွေနဲ့ ICC အတွက် အရေးကြီးတဲ့ အောင်မြင်မှု တရပ်ဖြစ်တယ်လို့ လူအခွင့်အရေး အဖွဲ့တွေက ပြောပါတယ်။
ဒီအမှုအတွက် ICC တရားရုံးက သေဒဏ် ချမှတ်ပိုင်ခွင့် မရှိပေမယ့် သူဟာ တသက်တကျွန်း ထောင်ဒဏ် ချမှတ် ခံရနိုင်ပါတယ်။ တခြား ICC ရဲ့ သံသယ ရှိသူတွေထဲမှာ လစ်ဗျားက ဗိုလ်မှူးကြီး ကဒါဖီရဲ့သား Saif al-aslam Gaddafi နဲ့ သမ္မတ Omar al-Bashir အပါအဝင် တခြား ဆူဒန် အစိုးရ အဖွဲ့ဝင် တချို့လည်း ပါဝင်တယ်လို့ သိရပါတယ်။

ကျပ်သုံးသောင်းစီ ဝန်ထမ်းတွေရမှာဖြစ်ဝန်ထမ်းများ အပိုထောက်ပံ့ ကြေးလစဉ်ခံစားခွင့်ရမယ်
နိုင်ငံ့ဝန်ထမ်းများ စားဝတ်နေရေး သက်သာချောင်ချိဖို့အတွက် လစာအပြင် အပိုထောက်ပံ့ကြေး တဉီးကို ကျပ်သုံးသောင်း တိတိလစဉ်ခံစားခွင့်ပြုမယ်လို့ ဘဏ္ဍာရေးဝန်ကြီးဌာနက ကြေညာ လိုက်ပါတယ်။ အလားတူ တပ်မတော် ဝန်ထမ်းများကိုလည်း လက်ရှိလစာအပြင် ကျပ်သုံသောင်း လစဉ်ခံစားခွင့်ပြုလိုက်ပါတယ်။
အစိုးရဌာနများနဲ့ အဖွဲ့အစည်းများရဲ့ တနေ့ ၈နာရီလုပ်ခ ၁၁၀၀ ကျပ်ကို အပို ၁၀၀၀ ဆောင်းပြီး တနေ့လုပ်ခ ၂၁၀၀ ရရှိမှာဖြစ်ပါတယ်။ အခုအပိုထောက်ပံ့ကြေးကိုလာမယ့် ဧပြီလ၁ရက်နေ့ကနေစတင် ခံစားခွင့်ပြုမှာ ဖြစ်ပါတယ်။
အခုရရှိတဲ့ ဝင်ငွေကို ဝန်ထမ်းတွေက ကျန်းမာရေးပညာရေးတွေမှာ သုံးမှာဖြစ်တယ်အတွက် ဝယ်နိုင်တဲ့အား အဖြစ်ဈေးကွက်ထဲကို ချက်ချင်းရောက်လာမှာ မဟုတ်ကြောင်း ကုန်ဈေးနှုန်း တက်တယ်ဆိုတာ များသောအားဖြင့် လောင်စာဆီလို သယ်ယူပို့ဆောင် စားရိတ်တက်တာက ပိုမြန်စေကြောင်း အငြိမ်းစားအခွန်ဝန်ထမ်း ဉီးဟန်ထွန်းက ဘီဘီစီကိုပြောသွားပါတယ်။

ဒေါ်အောင်ဆန်းစုကြည် မိန့်ခွန်း ပေါက်ကြားမှု NLD ကန့်ကွက်
 ဒေါ်စု မိန့်ခွန်းဟာ အင်တာနက်မှာ မတ်လ ၁၂ ရက် တည်းက ကြိုတင်ထွက်ရှိ
အမျိုးသား ဒီမိုကရေစီ အဖွဲ့ချုပ် NLD ဥက္ကဌ ဒေါ်အောင်ဆန်းစုကြည်ဟာ အစိုးရ ထိန်းချုပ်တဲ့ ရုပ်မြင်သံကြား ကနေ ဒီကနေ့မှာ မဲဆွဲစည်းရုံး ဟောပြောခဲ့ပါတယ်။
ဒါပေမယ့်လည်း အခုလို ထုတ်လွှင့်ဖို့ စီစဉ် ထားတဲ့ ဒီကနေ့ မတ်လ ၁၄ ရက် မတိုင်ခင် ဒေါ်အောင်ဆန်းစုကြည်ရဲ့ မိန့်ခွန်းဟာ အင်တာနက် စာမျက် နှာတွေ ပေါ်မှာ မတ်လ ၁၂ ရက်တည်းက ကြိုတင် ထွက်ပေါ် လာ ခဲ့ပြီး ဖြစ်ပါတယ်။
အခုလို တင်ကြိုပေါက်ကြားခဲ့တဲ့ ကိစ္စနဲ့ပတ်သက်ပြီး NLD မှာ တာဝန်မရှိကြောင်းနဲ့ အစိုးရ ရုပ်မြင်သံကြားဌာန တာဝန်ရှိသူတွေကို ကန့်ကွက်ထားတယ်လို့ NLD ပြောခွင့်ရ ဉီးဉာဏ်ဝင်းက ဘီဘီစီကို ပြောပါတယ်။
မိန့်ခွန်းမှာတော့ ဒေါ်အောင်ဆန်းစုကြည်က NLD ရဲ့ အဓိက နိုင်ငံရေး ရည်မှန်းချက်တွေ ဖြစ်တဲ့ တရားဥပဒေ စိုးမိုးရေး၊ ပြည်တွင်း ငြိမ်းချမ်းရေးနဲ့ ၂၀၀၈ အခြေခံဥပဒေ ပြင်ဆင်ရေး အကြောင်း တွေကို ပြောထား ပါတယ်။
ဒါ့အပြင် မြန်မာနိုင်ငံ ဖွံ့ဖြိုးရေးမှာ စစ်တပ်ရဲ့ အခန်းကဏ္ဍ ဟာအရေး ကြီးကြောင်း ပြောခဲ့ပြီး၊ စီးပွားရေး၊ လူမှုရေး၊ ပညာရေး၊ ကျန်းမာရေး၊ လယ်သမား၊ အလုပ်သမား၊ အမျိုးသမီးနဲ့ လူငယ်ရေးရာ တွေကိုပါ ကျယ်ကျယ်ပြန့်ပြန့် ထည့်သွင်း ပြောသွားခဲ့ ပါတယ်။

ဝန်ကြီးဌာနတွေ ငွေအလွဲ သုံးစား လုပ်မှုကို The Voice Weekly ဂျာနယ်မှာ ဖော်ပြခဲ့သတ္တုတွင်း ဝန်ကြီးဌာနက The Voice ကို တရားစွဲမယ်
မြန်မာ နိုင်ငံမှာ ထုတ်ဝေတဲ့ The Voice Weekly ဂျာနယ်မှာ ရေးထားတဲ့ သတင်းနဲ့ ပတ်သက်ပြီး အဲဒီ ဂျာနယ်ကို သတ္တုတွင်း ဝန်ကြီး ဌာနက တရားဥပဒေ အရ အရေးယူ မယ်လို့ ဗုဒ္ဓဟူးနေ့ထုတ် သတင်းစာတွေ ထဲမှာ ဖော်ပြထား ပါတယ်။
ဝန်ကြီး ဌာန တချို့ဟာ ကျပ်ငွေ သိန်းပေါင်း ထောင်နဲ့ ချီပြီး အလွဲသုံးစား လုပ်မှု ရှိတယ် ဆိုတဲ့ ခေါင်းစဉ်နဲ့ ဖော်ပြထားတဲ့ သတင်းမှာ သတ္တုတွင်း ဌာနနဲ့ ပတ်သက်လို့ မှန်ကန်မှု မရှိတဲ့ အတွက် သူတို့ ဝန်ကြီး ဌာနရဲ့ ဂုဏ်သိက္ခာကို ထိခိုက်စေနိုင် တာကြောင့် ဂျာနယ် ထုတ်သူနဲ့ သတင်း ရေးသူတို့ကို အရေး ယူမယ်လို့ သတင်းစာတွေထဲမှာ ဆိုထားပါတယ်။
The Voice Weekly ဂျာနယ် ထဲမှာ ပြန်ကြားရေး ဝန်ကြီး ဌာန၊ သတ္တုတွင်း ဝန်ကြီး ဌာန၊ အမှတ် ၁ နဲ့ ၂ စက်မှု ဝန်ကြီးဌာန တွေ အပါအဝင် မြန်မာ အစိုးရ ဝန်ကြီး ဌာန ၆ ခုမှာ ကျပ်ငွေ သိန်းပေါင်း ထောင်နဲ့ချီပြီး ငွေကြေး အလွဲ သုံးမှု၊ ငွေစာရင်း မမှန် ကန်မှုတွေ ရှိနေ တာကို ပြည်ထောင်စု စာရင်းစစ်ချုပ် ရုံး က စစ်ဆေး တွေ့ရှိတယ် လို့ ပြီးခဲ့တဲ့ သီတင်းပတ်က ဖော်ပြခဲ့ တာပါ။
The Voice ဂျာနယ် ဘက်ကတော့ မြန်မာ နိုင်ငံ စာရင်းစစ်ချုပ်ရုံးရဲ့ စစ်ဆေး တွေ့ရှိချက်ကို ပြည်သူ့ လွှတ်တော် ငွေစာရင်း ကော်မီတီကို ပို့တယ် ဆိုတာ ကြားတဲ့ အချိန်ဟာ ဂျာနယ် ဖောင်ပိတ်ဖို့ အချိန် ရောက်နေပြီ ဖြစ်လို့ ဝန်ကြီး ဌာနတွေကို ဆက်သွယ်ဖို့ မဖြစ်နိုင် တော့တဲ့ အတွက် လွှတ်တော် အမတ်တွေကို မေးမြန်း ပြီး အတည်ပြုချက် ရယူခဲ့တယ်လို့ The Voice ဂျာနယ် အယ်ဒီတာချုပ် ဦးကျော်မင်းဆွေက ပြောပါတယ်။
အဲဒီ အစီရင်ခံစာဟာ လွှတ်တော် အမတ်တွေ အားလုံးကို ဖြန့်ဝေတာ ဖြစ်ပြီး ကန့်သတ် ဆိုတဲ့ စာလည်း မပါတဲ့ အတွက် သူတို့ သတင်း ထုတ်ပြန်ချက်ဟာ စာနယ်ဇင်း သမားတွေ လိုက်နာသင့်တဲ့ စည်းကမ်းကို ချိုးဖောက် ရာလည်း မကျဘူးလို့ ဦးကျော်မင်းဆွေက ပြောပါတယ်။
သူတို့ ထုတ်ပြန်တဲ့ သတင်းဟာ ဘယ်ဝန်ကြီး ဌာနကိုမှ တိုက်ခိုက် လိုတဲ့ သဘော မဟုတ်ဘူးဘဲ သမ္မတ ပြောနေသလို ကောင်းမွန်တဲ့ အစိုးရ၊ သန့်ရှင်းတဲ့ အစိုးရ ဖြစ်ရေးကို အထောက် အကူပြုစေဖို့ ရည်ရွယ်တာသာ ဖြစ်တယ် လို့လည်း သူက ပြောပါတယ်။

မြန်မာနိုင်ငံမှာ လူ့အခွင့်အရေး ချိုးဖေါက်မှုတွေ ရှိနေဆဲလို့ ကင်တားနားပြောပိတ်ဆို့မှု ကိစ္စ ပြန်သုံးသပ်ဖို့ ကင်တားနားပြော
မြန်မာနိုင်ငံမှာ အစိုးရရဲ့ နိုင်ငံရေး ပြုပြင် ပြောင်းလဲမှုတွေ တွေ့လာခဲ့ရအပြီး အခုအခါ အနောက်နိုင်ငံတချို့က ချမှတ်ထားတဲ့ ဒဏ်ခတ် ပိတ်ဆို့မှုတွေကို ပြန်လည်သုံးသပ်ကြဖို့ မြန်မာ နိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနားက ပန်ကြားလိုက်ပါတယ်။
ဒဏ်ခတ် ပိတ်ဆို့ထားမှုတွေကို ပြန်ရုပ်သိမ်း ပေးရမယ်လို့ ဆိုလိုတာ မဟုတ်ကြောင်း၊ ဒါပေမယ့် ဒီဒဏ်ခတ် ပိတ်ဆို့မှုတွေဟာ လူ့အခွင့်အရေး ကိစ္စရပ်တွေနဲ့ ပတ်သက် ဆက်နွယ်နေတဲ့အတွက် အသေးစိတ် ပြန်သုံးသပ် သင့်ကြောင်း မစ္စတာ ကင်တားနားက ကုသမဂ္ဂ လူ့အခွင့်အရေး ကောင်စီထံ သူ့ အစီရင်ခံစာ ကို တင်ပြခဲ့အပြီး သတင်းစာ ရှင်းလင်းပွဲမှာ ပြောကြားသွားပါတယ်။
မြန်မာနိုင်ငံမှာ ပြုပြင်ပြောင်းလဲမှုတွေ ရှိလာတဲ့အတွက်ကြောင့်ဆိုပြီး မက်လုံးပေးတဲ့ အနေနဲ့ ပိတ်ဆို့တာတွေ ပြန်ရုပ်သိမ်းပေးတာမျိုး မဟုတ်ပဲ ဒီကိစ္စကို ပွင့်ပွင့်လင်းလင်း လူသိရှင်ကြား ထောက်ပြဖို့ တာဝန်ရှိတယ်လို့ မစ္စတာ ကင်တားနားက ပြောသွားပါတယ်။
မြန်မာနိုင်ငံကို ဖေဖေါ်ဝါရီလက သွားရောက်ခဲ့တဲ့ မစ္စတာ ကင်တားနားက မြန်မာ အစိုးရသစ် ရဲ့ ပြုပြင် ပြောင်းလဲ ရေး ဆောင်ရွက်ချက်တွေကြောင့် လူ့အခွင့် အရေး ကိစ္စရပ်တွေမှာ တိုးတက်မှု တချို့ ရှိခဲ့ပေမယ့် နိုင်ငံရေး၊ စီးပွားရေး၊ လူမှုရေး နဲ့ ယဉ်ကျေးမှု ဆိုင်ရာ လူ့အခွင့် အရေး ချိုးဖေါက်မှုတွေကတော့ အတော်များများ ရှိနေဆဲပဲလို့ သူ့အစီရင်ခံစာထဲမှာ ဖေါ်ပြ ခဲ့ပါတယ်။
မြန်မာ အစိုးရရဲ့ လတ်တလော နိုင်ငံရေး ပြုပြင်ပြောင်းလဲမှုတွေကို အသိအမှတ်ပြုတဲ့အနေနဲ့ EU ဥရောပ သမဂ္ဂ၊ အမေရိကန် ပြည်ထောင်စုနဲ့ တခြား အနောက်အုပ်စု နိုင်ငံတွေက မြန်မာ နိုင်ငံအပေါ် ချမှတ်ထားတဲ့ ဒဏ်ခတ်ပိတ်ဆို့မှုတွေကို အခုနှစ်မှာ စတင် လျှော့ပေးခဲ့ပါတယ်။

ဗကသ အလံလူ့အခွင့်အရေးနေ့ မန္တလေးမှာ ကျင်းပ
မြန်မာ နိုင်ငံ လူ့အခွင့်အရေးနေ့ အဖြစ် ဒီမို ကရေစီ လိုလားသူတွေက သတ်မှတ်ထားတဲ့ စက်မှု တက္ကသိုလ် ကျောင်းသား ကိုဖုန်းမော် ကျဆုံးတဲ့နေ့ အထိမ်းအမှတ် အခမ်း အနား တွေကို မန္တလေးမှာ အထက် ဗကသက ကျင်းပခဲ့ပါတယ်။
လူ့အခွင့်အရေးနေ့အထိမ်းအမှတ်အဖြစ်မန္တလေး နည်းပညာ တက္ကသိုလ်၊ ဆေးတက္က သိုလ်နဲ့ နည်းပညာ ကောလိပ်တွေက ကျောင်းသူ ကျောင်းသားတွေက မန္တလေး အာဇာနည် ဗိမ္မာန်မှာ သွားရောက် ပန်းခွေ ချခဲ့ပြီး ခွပ်ဒေါင်း အလံကို ဝမ်းနည်းခြင်း အထိမ်းအမှတ် အဖြစ် တိုင်ဝက် လွှင့်ထူထားခဲ့တယ်လို့ ဗကသ တရားဝင် ပြန်လည် ပေါ်ထွန်းရေး ကော်မတီ ပြန်ကြားရေး အဖွဲ့ဝင် ကိုအောင်ကျော်မိုးက ဘီဘီစီကို ပြောပြပါတယ်။
အာဏာပိုင်တွေဘက် စောင့်ကြည့်ရုံသာ စောင့်ကြည့်ခဲ့တယ်လို့ ပြောပါတယ်။
ပန်းခွေ ချချိန်ဟာ အထက်တန်းကျောင်း စာမေးပွဲတွေ ကျင်းပချိန်နဲ့ သွားတိုက်နေတဲ့ အတွက် စီတန်း ချီတက်တဲ့ထိ မလုပ်ခဲ့ဘူးလို့ ပြောပါတယ်။
အာဇာနည်ကုန်းမှာ ပန်းခွေချမှု အပြင် မစိုးရိမ်ကျောင်းမှာ အထိမ်း အမှတ် ပန်းချီ ပြပွဲ ကျင်း ပပြီး နေ့လည်ပိုင်းမှာတော့ ဗကသ ကျောင်းသားဟောင်းတွေက ဟောပြောပွဲတခု ပြုလုပ် ခဲ့ပါတယ်။
ဘုရားကြီးမှာလည်း အထိမ်းအမှတ် အနုပညာ ပြပွဲ တခု ပြုလုပ်ခဲ့သလို မုံရွာ ခရိုင်က ကျောင်းသူ ကျောင်းသားတွေကလည်း ဘုန်းကြီးကျောင်းမှာ ဆွမ်းကျွေး ခဲ့ပါတယ်။
လောလောဆယ် ထောင်ထဲမှာ နိုင်ငံရေး အကျဉ်းသားတွေ ကျန်နေသေးသလို ဒီမိုကရေစီ တိုင်းပြည် တခုမှာ ရသင့် ရအပ်တဲ့ လူ့အခွင့်အရေးတွေ အတွက် ကိုယ့်နည်း ကိုယ့်ဟန်နဲ့ လုပ်ဆောင်သွားမှာ ဖြစ်သလို အစိုးရ ဘက်ကလည်း လိုက်လျောမှုတွေ လုပ်လာလိမ့်မယ်လို့ မျှော်လင့်ထားကြောင်း ကိုအောင်ကျော်မိုးက ဘီဘီစီကို ပြောပြခဲ့ပါတယ်။

ဗဟိုဘဏ်က နှုန်းကို ငြိမ်အောင် ထိန်းဖို့ ငွေပင် ငွေရင်း အလုံအလောက် ရှိမရှိ မေးစရာ ဖြစ်နေကျပ်ငွေ ဒေါ်လာ နှုန်းရှင်ကို ပြောင်းမည်
မြန်မာ ကျပ်ငွေနဲ့ ဒေါ်လာ လဲနှုန်းကို semi -float လို့ သိကြတဲ့ နှုန်း တစိတ်တပိုင်း အရှင်ထားတဲ့ စနစ်ကို ဧပြီလ တရက်နေ့က စပြီး ပြောင်းလဲ ကျင့်သုံးတော့မှာ ဖြစ်ပါတယ်။
နှုန်း တစိတ်တပိုင်း အရှင်ထားတဲ့ စနစ်အရ ကျပ်ငွေနဲ့ ဒေါ်လာ လဲနှုန်းကို ဗဟိုဘဏ်က ဈေးနှုန်း တခု သတ်မှတ်ပြီး သတ်မှတ် ဈေး နှုန်းရဲ့ အထက်အောက်ရာခိုင်နှုန်း တခုအတွင်း မှာ ငြိမ်နေအောင် ဗဟိုဘဏ်က လိုသလို အလျှာ့ အတင်း လုပ်မှာ ဖြစ်ပါတယ်။
ဥပမာ အားဖြင့် နေ့တနေ့အတွက် မြန်မာငွေကျပ် ရှစ်ရာကို တဒေါ်လာ အဖြစ် ဗဟိုဘဏ်က အကြမ်းသတ်မှတ်ပြီး ကျပ်ဒေါ်လာ လဲနှုန်းကို တဒေါ်လာ ၇၅၀ နဲ့ ၈၅၀ ကြားမှာ ငြိမ်နေ အောင် သတ်မှတ်မယ် ဆိုပါစို့။
အဲဒိနေ့မှာ မြန်မာငွေ ဝယ်လိုအားများတဲ့ အတွက် မြန်မာငွေဈေးဟာ တဒေါ်လာ ကျပ် ၈၀၀ ကနေ ၇၅၀ ထိ တက်လာမယ်ဆိုရင် ၇၅၀ အောက်ထိ အကျ မခံဘဲ ဗဟိုဘဏ်က သူတို့ဆီမှာ စုထားတဲ့ ကျပ်ငွေတွေနဲ့ ဈေးကွက်ထဲက ဒေါ်လာငွေတွေကို ဝယ်ယူပြီး ကျပ် ဒေါ်လာ လဲ နှုန်းကို ၇၅၀ အပေါ် ပြန်တက်လာအောင် ထိန်းမယ့် စနစ် ဖြစ်ပါတယ်။
ဒါပေမယ့် ကျပ် ဒေါ်လာ လဲနှုန်းကို သတ်မှတ်ထားတဲ့ နှုန်းတွေထဲမှာ ငြိမ်အောင် ထိန်းဖို့ ဗဟိုဘဏ်မှာ နိုင်ငံခြား အရံငွေ လုံလုံလောက်လောက် ရှိမရှိ ရှင်းရှင်း လင်းလင်း မသိရပါဘူး။
တဘက်မှာ ထိန်းချုပ် နှုန်းရှင် managed float ပုံစံ ဖော်ဆောင်ရာမှာ မရှိမဖြစ် လိုအပ်တဲ့ နိုင်ငံခြားငွေ လဲလှယ်တဲ့ ဌာနတွေကို တရားဝင် ဖွင့်ပေးဖို့ လိုတယ်လို့ ကမ္ဘောဇဘဏ် ဒုတိယ ဥက္ကဌ ဉီးသန်းလွင်က ဘီဘီစီကို ပြောပြပါတယ်။

ကန် သမ္မတ အိုဘားမားနဲ့ လန်ဒန် ဒေါင်းနင်းလမ်း နေအိမ်မှာ အမှတ်တရယူကေ ဝန်ကြီးချုပ် ကန် သုံးရက် ခရီး စတင်
ဗြိတိန် ဝန်ကြီးချုပ် David Cameron ဟာ သုံး ရက်ကြာ ခရီးစဉ်အဖြစ် အမေရိကန်ပြည် ထောင် စုမှာ ရောက်ရှိနေပါတယ်။
ဒီကနေ့ အမေရိကန် သမ္မတ အိုဘားမားနဲ့ မစ္စတာ Cameron တို့ ဆွေးနွေး ပြောဆိုတဲ့ အခါအာဖဂန်နစ္စတန်နိုင်ငံ အခြေအနေကိစ္စက အများဆုံး လွှမ်းမိုးနေမယ်လို့ ယူဆရပါတယ်။
မစ္စတာ Cameron ဟာ ဘတ်စကက်ဘောပြိုင်ပွဲ ကြည့်ဖို့ သမ္မတ အိုဘားမားနဲ့အတူ အိုဟိုင်ယိုး ပြည်နယ်ကို သမ္မတ လေယာဉ် Air Force One နဲ့ သွားဖို့ ရှိပြီး သူဟာ အဲဒိ သမ္မတ လေ ယာဉ် စီးဖို့ ဖိတ်ခေါ်ခံရသူ ပထမဆုံး ကမ္ဘာ့နိုင်ငံ ခေါင်းဆောင် ဖြစ်ပါတယ်။
ဝါရှင်တန်ပို့စ သတင်းစာမှာ နိုင်ငံ ခေါင်းဆောင် နှစ်ယောက်ရဲ့ ပူးတွဲ သဘောထားကို ဖော် ပြရာမှာ နှစ်နိုင်ငံ ရင်းနှီးတဲ့ ဆက်ဆံရေးကို နိုင်ငံတကာက နှစ်ကိုယ့် တစိတ် အဖြစ် ရှုမြင် ထားကြောင်း ရေးသားထားပါတယ်။
မကြာခင်က အာဖဂန် နစ္စတန်မှာ အမေရိကန် စစ်သား တယောက်က အာဖဂန် အရပ် သားတွေကို ပစ်သတ်ခဲ့တဲ့ အဖြစ်အပျက် ဖြစ်ပွားပြီးနောက် နှစ်နိုင်ငံ စလုံးက တပ်တွေကို အာဖဂန် နိုင်ငံထဲက ရုပ်သိမ်းဖို့ အချိန် ဇယား ရေးဆွဲဖို့ ကိစ္စတွေလည်း ဆွေးနွေးကြမှာ ဖြစ်ပါတယ်။

အာဖဂန် အစိုးရကိုယ်စားလှယ်အဖွဲ့ တိုက်ခိုက်ခံရ
ကိုယ်စားလှယ်အဖွဲ့ကို လုံခြုံရေးလိုက်ပေးနေ တဲ့ လုံခြုံရေးတဉီး ပစ်သတ်ခံလိုက်ရပါတယ်
အာဖဂန်နစ္စတန်မှာ တနင်္ဂနွေနေ့တုန်းက အမေရိကန် စစ်သားတဉီးကနေ အာဖဂန် အရပ်သား ၁၆ ယောက်ကို သတ်ဖြတ်လိုက် တယ်ဆိုတဲ့ ရွာကို အာဖဂန်အစိုးရ ကိုယ်စားလှယ် အဖွဲ့သွားရောက်ရာမှာ သေနတ်သမားတွေက အဲဒီ ကိုယ်စားလှယ် အဖွဲ့ကို ပစ်ခတ် တိုက်ခိုက်ခဲ့ပါတယ်။
သမ္မတ ခါဇိုင်းရဲ့ ညီအကိုတော်သူ ၂ ဉီးလည်း ပါဝင်တဲ့ ဒီအဖွဲ့ဟာ ဘလန်ဒီရွာ အရောက်မှာ ပစ်ခတ်ခံခဲ့ရတာ ဖြစ်ပါတယ်။ ကိုယ်စားလှယ်အဖွဲ့ကို လုံခြံရေး လိုက်ပေးနေတဲ့ လုံခြုံရေးတဉီး ပစ်သတ်ခံလိုက်ရပါတယ်။
ပစ်ခတ်မှုတွေ လုပ်ခဲ့တဲ့ အမေရိကန် စစ်သားဟာ စိတ်ပုံမှန် မဟုတ်တဲ့လူ ဖြစ်ကြောင်းကို သေဆုံးသူတွေရဲ့ မိဘဆွေမျိုးတွေကို ကိုယ်စားလှယ်တွေက ရှင်းပြနေခဲ့ကြတာဖြစ်ပါတယ်။
အဲဒီနောက်မှာတော့ အစိုးရ ကိုယ်စားလှယ်တွေဟာ သေဆုံးသူ တယောက်ချင်းဆီအတွက် သက်ဆိုင်ရာ ဆွေမျိုးတွေကို လျော်ကြေး ဒေါ်လာ ၂ ထောင် ပေးမယ်လို့ ပြောပါတယ်။
အခု သတ်ဖြတ်မှုကြောင့် အာဖဂန်နိုင်ငံ တဝန်း အကြီးအကျယ် ဒေါသဖြစ်စေခဲ့ပြီး အခု ကိစ္စအပေါ် ဆန့်ကျင်ဆန္ဒပြတဲ့ ဂျလာလာဘတ်မြို့ အစောပိုင်း ဆန္ဒပြမှု တွေမှာ ကျောင်းသား အများအပြား ပါဝင်ခဲ့ကြပါတယ်။

ရှားပါးသတ္တုပစ္စည်း တရုတ်တို့ကန့်သတ်မှု WTO ကိုတိုင်ကြား
ရှားပါးသတ္တု တတန် ရဖို့၊ မြေဆီ စတုရန်းပေ သုံးထောင်ကျော် ပျက်စီးတယ်လို့ ဆိုပါတယ်
တရုတ်နိုင်ငံကနေ ကမ္ဘာ့ ရှားပါး ဓာတ်သတ္တု ပစ္စည်းတွေကို နိုင်ငံခြားကို တင်ပို့တဲ့နေရာမှာ ကန့်သတ် တားမြစ်မှုတွေ လုပ်နေတာနဲ့ ပတ်သက်ပြီး အမေရိကန်ပြည်ထောင်စု၊ ဉရောပသမဂ္ဂနဲ့ ဂျပန်နိုင်ငံတို့ဟာ WTO ကမ္ဘာ့ကုန်သွယ်ရေးအဖွဲ့ချုပ်မှာ တိုင်ကြား တော့မှာ ဖြစ်ပါတယ်။
တရုတ်တို့ရဲ့ ဟာ အခုလို ကန့်သတ်မှုတွေ လုပ်တဲ့ အတွက် ဒါဟာ ကုန်သွယ်ရေးဆိုင်ရာ စည်းမျဉ်း စည်းကမ်းတွေကို ချိုးဖေါက်ရာ ရောက်တယ်လို့ အီးယူ ကုယ်သွယ်ရေး ကော်မရှင်နာ မင်းကြီး ကာရဲယ် ဒီ ဂုခ်ျက ပြောပါတယ်။ နောက်ပြီး ကမ္ဘာတဝန်း ထုတ်လုပ်သူတွေနဲ့ အသုံးပြုသူတွေ အတွက် ထိခိုက်မှုတွေ ရှိခဲ့တယ် လို့လည်း သူကပြောပါတယ်။
တရုတ်နိုင်ငံဟာ ကမ္ဘာပေါ်မှာ ရှားပါးတဲ့ သတ္တုဓာတ် ၉၅ ရာခိုင်နှုန်းထိ ကြွယ်ဝတဲ့ တိုင်းပြည် ဖြစ်ပါတယ်။ တရုတ်နိုင်ငံ မြောက်ပိုင်းအတွင်း မွန်ဂိုးလီးယား ပြည်နယ်မှာ အဓိက ထွက်ရှိ တာပါ။ ဒီသတ္တုဓာတ် ၁၇ မျိုးကို အိုင်ဖုန်း နဲ့ လျှပ်စစ်ကားလို ပစ္စည်းတွေ ထုတ်လုပ်ရာမှာ အသုံးချပါတယ်။
အနှုတ် အသိမ်းအယူ အများဆုံး ကတော့ အမေရိကန်ဘက်က ဖြစ်ပါတယ်။ တရုတ်နိုင်ငံက ဒီသတ္တုတင်ပို့တာကို ထိန်းချုပ်ပြီး ကမ္ဘာ့ ဈေးကွက်မှာ ဈေးတက်အောင် လုပ်နေတယ်လို့ အမေရိကန်က စွပ်စွဲ ထားပါတယ်။
တရုတ်အစိုးရကလည်း ဒီလို ထိန်းချုပ်တာဟာ ကမ္ဘာ့ ကုန်သွယ်ရေး အဖွဲ့ချုပ် စည်းမျဉ်းတွေ နဲ့ အညီ ထိန်းချုပ်တာပါ လို့ တုံ့ပြန် ပါတယ်။ အလွန်အကျွံ တွင်းတူးမှုတွေကြောင့် ပတ်ဝန်း ကျင် ပျက်စီးရမှု တွေကို ထိန်းချုပ်ဖို့ ဒီလို သတ်မှတ်ချက်တွေ ထားရတာလို့ လည်း တရုတ်ဘက်က ဆိုပါတယ်။ ဒီ ရှားပါးသတ္တု တူးဖော်ရတာဟာ ခက်ခဲတယ်၊ အဆိပ် အတောက်တွေ ထွက်ရှိပြီး ရေဒီယို သတ္တိကြွမှု အန္တရာယ်တောင် ရှိတယ်လို့ သိရပါတယ်။
ဒီသတ္တု တတန်ရဖို့ အတွက် မြေဆီ စတုရန်းပေ ၃ ဝဝဝ ကျော် ပျက်စီးရတယ်လို့ လည်း ဆိုပါတယ်။ မနှစ်က သတ္တု တန် ၃၉ ဝဝဝ ထုတ်ခဲ့ရာက နောက်ကို တနှစ် တန် ၃ဝဝဝဝ ကျော်ထိ လျှော့ချ ထုတ်လုပ်ဖို့ တရုတ်က စီစဉ် နေပါတယ်။
ဒီရှားပါးသတ္တု ကိစ္စဟာ အခုတခါမှ ပထမဆုံး နိုင်ငံရေး ပြဿနာ ဖြစ်လာတာ မဟုတ်ပါဘူး။ အရင် တနှစ်ကျော်ကလည်း ဂျပန်နဲ့ သံတမန်ရေး အရ အငြင်းပွားပြီး ပို့ကုန် တားမြစ်မှုတွေ လုပ်ခဲ့ဖူးပါတယ်။ အခု တိုင်ကြားမှုဟာလည်း အမေရိကန်၊ ဥရောပ သမဂ္ဂနဲ့ ဂျပန်တို့ ပထမဆုံး အကြိမ် ပူးတွဲ တိုင်ကြားမှု ဖြစ်ပါတယ်။

မြန်မာနဲ့ရေပိုင်နက်အငြင်းပွားမှု ဘင်္ဂလားဒေ့ရ်ှနိုင်
By ဗွီအိုအေ (မြန်မာဌာန)
မြန်မာနိုင်ငံနဲ့ ရေနယ်နမိတ် အငြင်းပွားမှုမှာ ဘင်္ဂလားဒေ့ရ်ှကို ကုလသမဂ္ဂ ပင်လယ်ပြင်ဆိုင်ရာ နိုင်ငံတကာ တရားရုံးက အနိုင်ပေးလိုက်ပြီလို့ ဘင်္ဂလားဒေ့ရှ် နိုင်ငံခြားရေး ဝန်ကြီးဌာနက ပြောပါတယ်။ နှစ်ပေါင်းများစွာ အချေအတင် ဖြစ်နေရတဲ့ ရေပိုင်နက်ကိစ္စအပေါ် ဂျာမဏီနိုင်ငံ Hamburg မြို့ တရားခွင်က ဗုဒ္ဓဟူးနေ့မှာ ဆုံးဖြတ်ချက် ချမှတ်လိုက်တာပါ။
သီးသန့် စီးပွားရေးဇုန်နယ်မြေ အပါအဝင် သူပိုင်၊ ကိုယ်ပိုင် ရေပိုင်နက် အငြင်းပွားရာက ကုလသမဂ္ဂ တရားရုံးက အဆုံးအဖြတ်ပေးဖို့  ၂ဝဝ၉ ခုနှစ်မှာ စတင် လျှောက်ထားခဲ့တာဖြစ်ပြီး ပြီးခဲ့တဲ့နှစ် စက်တင်ဘာလထဲမှာတော့ မြန်မာနဲ့ဘင်္ဂလားဒေ့ရှ် ၂ နိုင်ငံက နိုင်ငံတကာ ဥပဒေရေးရာ ကျွမ်းကျင်သူ အကျိုးဆောင်တွေနဲ့ အပြန်အလှန် လျှောက်လဲချက်တွေ တင်ခဲ့ကြပါတယ်။ ထောက်ခံမဲ ၂၁ မဲ ကန့်ကွက်မဲ ၁ မဲနဲ့ ဆုံးဖြတ်လိုက်တဲ့ တရားရုံးရဲ့ စီရင်ချက်ကိုတော့ အယူခံ ပြန်လျှောက်ခွင့်လည်း မရှိဘူးလို့ ဘင်္ဂလားဒေ့ရှ် နိုင်ငံခြားရေး ဝန်ကြီး Dipu Monti က ဆုံးဖြတ်ချက် ချမှတ်အပြီးမှာ ပြောခဲ့တာပါ။
ရေနံနဲ့ သဘာဝဓာတ်ငွေ့သိုက်တွေ ရှိနိုင်တယ်လို့ ယုံကြည်နေကြတဲ့ ရေပိုင်နက် ပြဿနာကြောင့် လွန်ခဲ့တဲ့နှစ်တွေအတွင်း ၂ နိုင်ငံကြား တင်းမာမှုတွေလည်း ရှိခဲ့ပါတယ်။ နိုင်ငံတကာ ပင်လယ်ပြင် ဥပဒေအရ ကမ်းလွန် ရေမိုင် ၁၂ မိုင် အထိဆိုရင် နိုင်ငံတနိုင်ငံရဲ့ ရေပိုင်နက်ဖြစ်ပြီး ကမ်းလွန် မိုင် ၂ဝဝ ဆိုရင်တော့ သီးသန့် စီးပွားရေးဇုန်နယ်မြေအဖြစ် သတ်မှတ်လေ့ရှိပေမဲ့ အခု အငြင်းပွားနေကြတဲ့ ရေပိုင်နက်ဟာ ကပ်လျက်ရှိနေတဲ့ မြန်မာ၊ အိန္ဒိယနဲ့ ဘင်္ဂလားဒေ့ရှ် ၃ နိုင်ငံ ကြား တည်ရှိနေတာမို့ အချေအတင် ဖြစ်စရာတွေလည်း ကြုံခဲ့ရတာပါ။
ဘင်္ဂလားဒေ့ရ်ှနဲ့ အိန္ဒိယနိုင်ငံတို့ကြား အငြင်းပွားနေတဲ့ အမှုကိုတော့ ကုလသမဂ္ဂရဲ့တရားခွင်က ၂ဝ၁၄ ခုနှစ်မှာ ဆုံးဖြတ်ချက် ချလိမ့်မယ်လို့လည်း မျှော်လင့်ရပါတယ်။

အမတ်တွေစွပ်စွဲချက် အီရန်သမ္မတ ပါလီမန်မှာ ဖြေရှင်း
By ဗွီအိုအေ (မြန်မာဌာန)
အီရန်နိုင်ငံရဲ့ ဥသျှောင် Ayatollah Ali Khamenei ကို အန်တုမှုနဲ့ တိုင်းပြည်စီးပွားရေးကို မကိုင်တွယ်နိုင်ဘူးဆိုပြီး ဥပဒေပြုအမတ်တွေက စွပ်စွဲနေတဲ့ကိစ္စနဲ့ ပတ်သက်လို့ ဗုဒ္ဓဟူးနေ့က လွှတ်တော်တွင်း ကြားနာစစ်ဆေးရာမှာ သမ္မတ Mahmoud Ahmadinejad ကတော့ သူ့အပေါ် ဝေဖန်မှုတွေကို ပယ်ချသွားပါတယ်။
အီရန်နိုင်ငံမှာ သမ္မတတစ်ဦးအပေါ် သူ့ရဲ့မူဝါဒတွေနဲ့ ပတ်သက်လို့ ထွက်ဆိုဖို့ လွှတ်တော်က ဆင့်ခေါ်တာဟာ ဒါဟာ ပထမဆုံးလည်း ဖြစ်ပါတယ်။ ကြားနာစစ်ဆေးမှုကိုလည်း နိုင်ငံပိုင် ရုပ်မြင်သံကြားမှာ တိုက်ရိုက် ပြသခဲ့တာပါ။ ဒီနှစ်ဆန်းပိုင်း လွှတ်တော် ရွေးကောက်ပွဲတွေမှာ အကြီးအကျယ် အသာရခဲ့ချိန်ကစလို့ သမ္မတအပေါ် ရှေးရိုးစွဲ ဝါဒီတွေရဲ့ဝေဖန်ချက်တွေ ကြီးထွားလာနေတာလည်း ဖြစ်ပါတယ်။
ကြားနာမှု အတွင်းမှာတော့ အီရန်နိုင်ငံရဲ့ ငွေကြေးဖောင်းပွမှု ပြဿနာ၊ တီဟီရန် မြို့ပတ်ရထား လုပ်ငန်းအတွက် အစိုးရက ဘဏ္ဍာရေးအရ ပံ့ပိုးမှု မပေးတာ၊ ပြီးခဲ့တဲ့နှစ်ထဲ ၁၁ ရက် အလုပ်မလာတာ၊ နောက်ပိုင်းမှာ တိုင်းပြည် ဥသျှောင်ခေါင်းဆောင်က လက်မခံဘဲ ပယ်ချခဲ့တဲ့ သမ္မတက ထောက်လှမ်းရေး ဝန်ကြီးကို ရာထူးကဖြုတ်ဖို့ ဆုံးဖြတ်ခဲ့တာတွေကို ဥပဒေပြုအမတ်တွေက မေးခွန်းထုတ်ခဲ့ကြတာပါ။
သမ္မတကတော့ ငွေကြေးဖောင်းပွမှု ပြဿနာဟာ သူ့အစိုးရက အစားအသောက်နဲ့ လောင်စာဆီ အတွက် စိုက်ထုတ်ကူညီနေတဲ့ အစီအစဉ်တွေကို ၂ဝ၁ဝ ပြည့်နှစ်တုန်းက ပယ်ဖျက်တဲ့ ဆုံးဖြတ်ချက်နဲ့ မဆိုင်ဘူးလို့ ကာကွယ်ပြောဆိုသွားပါတယ်။ ထောက်လှမ်းရေးဝန်ကြီးကို ရာထူးကမဖြုတ်ဖို့ အီရန်ဥသျှောင်ခေါင်းဆောင်ရဲ့ ဆုံးဖြတ်ချက်ကို ဆန့်ကျင်တဲ့အနေနဲ့ အလုပ်ကို ၁၁ ရက်ကြာ မလာတာလို့ စွပ်စွဲနေပေမဲ့ သမ္မတကတော့ မိတ်ဆွေတွေက အနားယူဖို့ပြောတဲ့အတွက် သူရုံးမတက်တာလို့ ဖြေကြားသွားပါတယ်။

လုပ်ငန်းရှင်ဦးတေဇသားအပေါ် ပိတ်ဆို့ဒဏ်ခတ်မှု EU ရုပ်သိမ်းမည်
Byှဗွီအိုအေ (မြန်မာဌာန)
မြန်မာစစ်အစိုးရဟောင်းနဲ့ ဆက်နွယ်မှုရှိတယ်ဆိုတဲ့ ထင်ရှားတဲ့ စီးပွားရေးလုပ်ငန်းရှင်တဦးအပေါ်ချမှတ်ထားတဲ့ စီးပွားရေးနဲ့ ခရီးသွားလာမှုဆိုင်ရာ  ပိတ်ဆို့ ဒဏ်ခတ်အရေးယူမှုတွေ ရုပ်သိမ်းသင့်ကြောင်း ဥရောပသမဂ္ဂရဲ့ အမြင့်ဆုံး တရားရုံးတော်က ဆုံးဖြတ်ချက်ချလိုက်ပါတယ်။
စီးပွားရေးလုပ်ငန်းရှင် ဦးတေဇဟာ မြန်မာစစ်အစိုးရဟောင်းနဲ့ အနီးကပ် ဆက်နွယ်ပတ်သက်မှုရှိပေမဲ့ သူ့ရဲ့သားတော်စပ်သူ ထင်ရှားတဲ့ စီးပွားရေးသမား မောင် ပြည့်ဖြိုးတေဇကတော့ မြန်မာနိုင်ငံရဲ့ လူ့အခွင့်အရေးနဲ့ ဒီမိုကရေစီအရေးကို ချိုးဖောက် ဖျက်ဆီးခဲ့တယ်ဆိုတဲ့ လုံလောက်တဲ့ သက်သေ အထောက်အထား မတွေ့ရဘူးလို့ ဥရောပသမဂ္ဂ တရားရုံးက အင်္ဂါနေ့ကထုတ်တဲ့ ကြေညာချက်မှာ ဖော်ပြခဲ့ပါတယ်။
စစ်အစိုးရရဲ့ စီးပွားရေး မူဝါဒတွေကနေ အကျိုးစီးပွားဖြစ်ထွန်းခဲ့တယ်လို့ ဥရောပသမဂ္ဂ တာဝန်ရှိသူတွေ သတ်မှတ်ထားတဲ့ စာရင်းမှာ သူ့နာမည်ကို ထည့်သွင်းဖော်ပြခံခဲ့ရပြီးတဲ့နောက် ၂ဝဝ၈ ခုနှစ်က မောင်ပြည့်ဖြိုးတေဇက တရားရုံးမှာ အမှုဖွင့် လျှောက်လဲခဲ့တာ ဖြစ်ပါတယ်။ သူ့ဖခင်ဦးတေဇရဲ့ စီးပွားရေးလုပ်ငန်းတွေနဲ့ရော စစ်အစိုးရနဲ့ ဆက်နွယ်တဲ့ စီးပွားရေးလုပ်ငန်းတွေနဲ့ပါ သူ ဆက်စပ်ပတ်သက်မှု မရှိပါဘူးလို့ မောင်ပြည့်ဖြိုးတေဇက ငြင်းချက်ထုတ်ခဲ့ပါတယ်။  ပိတ်ဆို့ဒဏ်ခတ်အရေးယူမှု Sanctions တွေကို မြန်မာအစိုးရခေါင်းဆောင်တွေနဲ့ သူတို့နဲ့ ဆက်နွယ်ပတ်သက်သူတွေကို ကန့်သတ်ချမှတ်ဖို့ တရားရုံးက ဆုံးဖြတ်လိုက်တာဖြစ်ပါတယ်။

ကွန်ဂိုသူပုန်ခေါင်းဆောင် ကလေးစစ်သားစုဆောင်းတဲ့ ပြစ်မှုထင်ရှား
By ဗွီအိုအေ (မြန်မာဌာန)
Congo နိုင်ငံသား လက်နက်ကိုင်အဖွဲ့ခေါင်းဆောင် Thomas Lubanga ဟာ အရွယ်မရောက်သေးတဲ့ ကလေးငယ်တွေကို စစ်ပွဲတွေကို ပို့ပြီး တရားမဲ့ အသုံးပြု ခဲ့ကြောင်း  ပြစ်မှုထင်ရှားတယ်လို့  နိုင်ငံတကာ ပြစ်မှုဆိုင်ရာ တရားရုံး (Internatioanl Criminal Court , ICC)  တည်ထောင်ခဲ့တဲ့ ဆယ်စုနှစ်တခုအတွင်း ပထမဆုံးအကြိမ်အဖြစ် ဆုံးဖြတ်ချက် ချမှတ်ခဲ့ပါတယ်။
အသက် ၁၅ နှစ်နဲ့အောက် ကလေးငယ်တွေကို အသက်မပြည့်မှန်းသိရက်နဲ့ Lubanga နဲ့ သူ့အပေါင်းပါတွေက စစ်တပ်ထဲ ကို မဝင်မနေရ ဝင်ရောက်ခိုင်းခဲ့တယ်ဆိုတာ သက်သေတွေနဲ့ Video စာတမ်းတွေက အထင်အရှား ဖော်ပြထွက်ဆိုခဲ့ ကြတယ်လို့ တရားသူကြီး Adrian Fulford ကပြောဆိုပါတယ်။
၂ဝဝ၂ နဲ့ ၂ဝဝ၃ ခုနှစ်တွေအတွင်း Congo ပြည်တွင်းစစ်ထဲမှာ တိုက်ခိုက်ဖို့ ကွန်ဂိုမျိုးချစ် တပ်ဖွဲ့ Union of Congolese Patriots ခေါ် သူ ဦးဆောင်တဲ့ လက်နက်ကိုင်အဖွဲ့အတွက် Thomas Lubanga ဟာ ကလေးငယ်တွေကို စစ်သားအဖြစ် စုဆောင်းခဲ့တယ်လို့ တရားသူကြီးက ပြောဆိုပါတယ်။ Thomas Lubanga အပြစ်ကျူးလွန်ကြောင်း တရားသူကြီးအဖွဲ့ဝင်တွေ တညီတညွတ်တည်း ဆုံးဖြတ်ခဲ့ကြတယ်လို့ ကြေညာခဲ့ပါတယ်။

နိုင်ငံရေးပြုပြင်မှုလုပ်ဖို့ တရုတ်ဝန်ကြီးချုပ် တိုက်တွန်း
By ဗွီအိုအေ (မြန်မာဌာန)
တရုတ်ဝန်ကြီးချုပ်ဝမ်ကျားပေါင်က စီးပွားရေးတိုးတက်မှု စိတ်ချရအောင်နဲ့ လူထုအတွင်း မတည်မငြိမ်ဖြစ်မယ့် အန္တရာယ် ကို ရှောင်လွှဲနိုင်အောင် နိုင်ငံရေးပြုပြင်ပြောင်းလဲဖို့ လိုအပ်နေပြီလို့ လာမယ့်နှစ် အနားမယူမီ သူ့ရဲ့ နောက်ဆုံး သတင်းစာ ရှင်းလင်းပွဲမှာ အလေးအနက်ပြောဆိုလိုက်ပါတယ်။
တရုတ်အမျိုးသားပြည်သူ့လွှတ်တော်ရဲ့ နှစ်ပတ်လည်အစည်းအဝေး နောက်ဆုံးနေ့ ဒီနေ့ ဗုဒ္ဓဟူးနေ့မှာ တရုတ်ဝန်ကြီးချုပ် ဝမ်ကျားပေါင်က သတင်းထောက်တွေကို ပြောဆိုလိုက်တာပါ။ နိုင်ငံရေးပြုပြင်ပြောင်းလဲမှုတွေ မလုပ်ဘူးဆိုရင် ၁၉၆၆ ခုနှစ်ကနေ ၁၉၇၆ ခုနှစ်အတွင်း ဖြစ်ပွားခဲ့တဲ့ အကြမ်းဖက်တဲ့ ယဉ်ကျေးမှုတော်လှန်ရေးပုံစံမျိုး အုံကြွပေါက်ကွဲလာမယ့် အန္တရာယ်ရှိနေတယ်လို့ ဆိုပါတယ်။
နိုင်ငံရေး ပြုပြောင်းလဲရေးမလုပ်ကြဘူးဆိုရင် လွန်ခဲ့တဲ့အနှစ် ၃ဝ အတွင်း တရုတ်နိုင်ငံရဲ့ စီးပွားရေး အမြတ်ထွက်ခဲ့တာ တွေလည်း ဆုံရှုံးနိုင်တယ်လို့ သတိပေးလိုက်ပါတယ်။ ၃ နာရီကြာတဲ့ သတင်းစာရှင်းလင်းပွဲမှာ နိုင်ငံရဲ့သာယာဝပြောမှုကို လူထုအကြား မျှတစွာဖြန့်ဝေဖို့နဲ့ တရုတ်ငွေလဲနှုံးကို နိုင်ငံတကာဈေးကွက်နဲ့အညီ နှုန်းရှင်ထားခွင့်ပြုရေးစတဲ့ စီးပွားရေး ပြုပြောင်းလဲဖို့ကိုပါ တရုတ်ဝန်ကြီးချုပ်ဝမ်ကျားပေါင်က တိုက်တွန်းသွားပါတယ်။

တရုတ်နိုင်ငံသားတဦးသတ်ဖြတ်ခံရမှု စုံစမ်းရန် တရုတ်ဖိအားပေး
By မသင်းသီရိ
တရုတ်နိုင်ငံအနောက်တောင်ပိုင်းက  ယူနယ်နယ်ထဲမှာ ဒေသခံလယ်သမားတဦးကိုတရားမဝင် နယ်စပ် ဖြတ်ကျော်ဝင်လာတဲ့  မြန်မာစစ်သား ၂ ဦးက သတ်ဖြတ်ခဲ့တဲ့ကိစ္စကို ဖော်ထုတ်အရေးယူပေးဖို့ တရုတ် နိုင်ငံခြားရေးဌာနက မြန်မာအစိုးရကို တောင်းဆိုလိုက်ပါတယ်။ ဒီပြဿနာက ပြီး ခဲ့တဲ့ ဇန်နဝါရီ ၁၂ မှာ ဖြစ်ခဲ့ပေမဲ့ တရုတ်အာဏာပိုင်ဘက်က အခြေအနေတွေကို အသေအချာစုံစမ်းပြီးမှ အခုလို အရေးယူဖို့ တောင်းဆိုလာတာဖြစ်ပြီး မြန်မာနိုင်ငံဘက်က မတည်ငြိမ်မှုတွေဟာ ဒေသတွင်း နယ်စပ်တွေထိ လူ့အခွင့်ရေးချိုးဖောက်မှု ရှိလာတာကို သတိပေး ဟန့်တားလာတာဆိုတဲ့ သုံးသပ်မှုတွေလည်း ရှိနေပါတယ်။