06.03.2012 နေ့ဖတ်ရန်သတင်းများ

by Myanmar Journal on Tuesday, March 6, 2012 at 5:32am ·

 
တရုတ် စီးပွားရေး အနိမ့်ဆုံး အဆင့်ရောက်
တရုတ်နိုင်ငံရဲ့ စီးပွားရေးတိုးတက်နှုန်း ဟာ ဆယ်စုနှစ် ၂ ခု အတွင်းမှာ အနိမ့်ဆုံးအဆင့် မှာ ရှိနေတယ်လို့ တရုတ် ဝန်ကြီးချုပ် ဝမ်ကျားပေါင် (Wen Jiabao) က နှစ်ပတ် လည် ပါလီမန် အစည်း အဝေးမှာ ပြော ကြားလိုက် ပါတယ်။
နောက်နှစ် အတွက် စီးပွားရေး တိုးတက်နှုန်း ကို ၇.၅ ရာခိုင်နှုန်း အဖြစ် မစ္စတာ ဝမ် က သတ်မှတ် ထားတယ် လို့ ပြောကြား ခဲ့ပြီး လူပေါင်း ၉ သန်း အတွက် အလုပ်တွေကို ဖန်တီးပေးနိုင်လိမ့်မယ် လို့ ဝန်ကြီးချုပ် ဝမ်ကျားပေါင်က ပြောကြား ခဲ့ပါတယ်။

တရုတ် ကွန်မြူနစ် ပါတီ ခေါင်းဆောင်တွေ အရင်က ထားတဲ့ စီးပွားရေး တိုးတက်နှုန်း ရှစ် ရာခိုင်နှုန်း ရဖို့ ဆိုရင်တော့ ပြည်သူ လူထု့ရဲ့ မကျေနပ်မှုတွေ ပျောက်စေမယ့် အလုပ်အသစ် တွေ ဖန်တီး ပေးဖို့ လိုအပ်တယ် လို့ သိရှိ ရပါတယ်။
ဝန်ကြီးချုပ်ရဲ့ ပါလီမန် မိန့်ခွန်း အပြီးမှာ ဘယ်သူ မှ လက်ခုတ် မတီးခဲ့ ကြသလို အစည်း အဝေး တက်ရောက် သူ တချို့ ဆိုရင် မိန်းခွန်း မပြီးခင် ပါလီမန် ထဲကနေ ထပြီးထွက် သွားကြပါတယ်။
ဝန်ကြီးချုပ် ဝမ်ကျားပေါင် အပါအဝင် တခြား တရုတ် ထိပ်တန်း အရာရှိ တွေဟာ နောက် တက်လာမယ့် အနာဂတ် ခေါင်းဆောင်သစ် တွေကို နေရာ ပေးတဲ့ အနေနဲ့ ဒီနှစ် အကုန်ပိုင်း မှာ ရာထူး ကနေ အနားယူ ကြဖို့ ရှိပါတယ်။

ကရင် အမျိုးသား ညီလာခံ တက်ရောက်သူများကရင့်အမျိုးသားညီလာခံ KNU ကို ထောက်ခံ
ကရင့်အမျိုးသားညီလာခံ Karen Worldwide Conference က အစိုးရနဲ့ KNU ကြား ဆောင်ရွက်နေတဲ့ ငြိမ်းချမ်းရေးကို ထောက်ခံလိုက်ပေမယ့် ဒီတကြိမ် တကယ် ငြိမ်းချမ်းရေး ရဖို့ကတော့ အစိုးရရဲ့ တကယ့်စိတ်ရင်း အရေးကြီးတယ်လို့ ဒီကနေ့ ဘန်ကောက်မှာ ကျင်းပတဲ့ ညီလာခံအကြောင်း ရှင်းလင်းပွဲမှာ ရှင်းလင်းသူတွေက ထုတ်ဖော် ပြောဆိုလိုက်ပါတယ်။

ကရင့်အမျိုးသားညီလာခံကို ပြီးခဲ့တဲ့ ဖေဖော်ဝါရီ ၂၇ ကနေ မတ် ၁ အထိ ကရင်ပြည်နယ် တနေရာမှာ ကျင်းပခဲ့တာ ဖြစ်ပြီး၊ ကရင် အမျိုးသား အစည်းအရုံး KNU အပါအဝင် ပြည်တွင်းပြည်ပက ကရင်အဖွဲ့အစည်းပေါင်း ၄၀ ကျော်က ဘာသာရေး၊ နိုင်ငံရေး၊ လူမှုရေး၊ ကယ်ဆယ်ရေးနဲ့ လူငယ်ခေါင်းဆောင်တွေ ပါဝင်ဆွေးနွေးခဲ့ပြီး ဆုံးဖြတ်ချက်တွေ ချမှတ်ခဲ့ကြပါတယ်။

တကယ့်စစ်မှန်တဲ့ ငြိမ်းချမ်းရေးရဖို့ဆိုတာက အစိုးရပေါ်မူတည်တယ်၊ အစိုးရက ဘယ်လောက်အထိ လုပ်နိုင်မလဲ၊ အစိုးရက ဘယ်လောက် စစ်မှန်တဲ့ ငြိမ်းချမ်းရေး လိုချင်သလဲပေါ် မူတည်တယ်လို့ ဒီကနေ့ ဘန်ကောက် ရှင်းလင်းပွဲကို ဦးဆောင်ခဲ့တဲ့ ဥရောပဆိုင်ရာ ကရင့်ကွန်ရက် ခေါင်းဆောင်နဲ့ ယူကေနိုင်ငံရဲ့ ကရင့်ရပ်ဝန်း အဖွဲ့အစည်းရဲ့ အကြံပေး မဇိုရာဖန်းက ဘီဘီစီကို ပြောပါတယ်။
KNU နဲ့ အစိုးရကြားမှာ ဆောင်ရွက်နေတဲ့ ငြိမ်းချမ်းရေးလုပ်ငန်းစဉ်မှာ နိုင်ငံတကာက ဖြစ်ဖြစ်၊ ဘာသာရေးခေါင်းဆောင်တွေ ဖြစ်ဖြစ် တတိယအဖွဲ့အစည်း အနေနဲ့ ပါဝင်သင့်တယ်လို့လည်း ညီလာခံက ဆုံးဖြတ်ခဲ့တယ်လို့လည်း သူက ဆိုပါတယ်။

ကရင့်အမျိုးသားညီလာခံဟာ အစိုးရနဲ့ KNU တို့ ဆောင်ရွက်နေတဲ့ အပစ်ရပ်ရေးနဲ့ ငြိမ်းချမ်းရေး လုပ်ငန်းစဉ်တွေမှာ ကရင့် လူထုအသံပါဖို့ ဆောင်ရွက်ခဲ့တာ ဖြစ်ပြီး၊ ပြည်သူတွေအတွက် ငြိမ်းချမ်းရေး အစစ်အမှန် ရဖို့ လမ်းပြမြေပုံကို ညီလာခံကနေ ထောက်ခံခဲ့တယ်လို့ မဇိုရာဖန်းက ဆိုပါတယ်။
နိုင်ငံတကာအနေနဲ့ မြန်မာအစိုးရအပေါ် ဖိအားသစ်တွေ တိုးပေးဖို့ မဟုတ်ပေမယ့် လက်ရှိဖိအားတွေကို ဆက်လက် ထားရှိဖို့နဲ့ စစ်မှန်တဲ့ ငြိမ်းချမ်းရေးရမှသာ ရုပ်သိမ်းဖယ်ရှားဖို့လည်း ညီလာခံကနေ တောင်းဆိုခဲ့တယ် လို့လည်း သူက ပြောပါတယ်။
အစိုးရနဲ့ KNU ကြား အပစ်ရပ်ဆွေးနွေးနိုင်ဖို့ သဘောတူထားတာသာဖြစ်ပြီး၊ အပစ်ရပ် သေးတာ မဟုတ်ဘူးလို့လည်း မဇိုရာဖန်းက လက်ရှိ အခြေအနေကို ထောက်ပြ ပြောဆိုခဲ့ပါတယ်။

လူရွှင်တော် ဇာဂနာ နိုင်ငံတကာပွဲမှာ ဖျော်ဖြေ
လူရွှင်တော် ဇာဂနာ ဟာ ထောင်က လွတ်ပြီး လပိုင်း အကြာမှာ ပြည်ပ ခရီးထွက်ခဲ့ တာပါ
အမေရိကန် ပြည်ထောင်စု နယူးယောက် မြို့မှာ တနင်္ဂနွေ နေ့က ကျင်းပတဲ့ Amnesty International နိုင်ငံ တကာ လွတ်ငြိမ်း ချမ်းသာခွင့် အဖွဲ့ရဲ့ နှစ် ၅၀ အထိမ်း အမှတ် Secret Policeman’s Ball ဆိုတဲ့ ရန်ပုံငွေ ပွဲမှာ ကမ္ဘာကျော် ဟာသ ပညာရှင် ၃၀ နဲ့ အတူ မြန်မာ နိုင်ငံက လူရွှင်တော် ကိုဇာဂနာ လည်း ပါဝင် ဖျော်ဖြေခဲ့ ပါတယ်။
ဒီပွဲမှာ ပါဝင် ဖျော်ဖြေ ရတဲ့ အတွက် ဝမ်းသာ ကြောင်း သူက ဘီဘီစီကို ပြောပါတယ်။
ကိုဇာဂနာက မြန်မာ နိုင်ငံ အတွက် ပညာရေး အပါ အဝင် နိုင်ငံ တကာ အကူအညီတွေ ရနိုင်ရေး နဲ့ ဗိုလ်ချုပ် အောင်ဆန်း ရုပ်ရှင် ရိုက်ကူးရေး ကိစ္စတွေ အတွက် အဓိက ဦးတည်ချက် ထားပြီး ပြည်ပ ခရီး ထွက်ခဲ့တာ လို့ ဆိုပါတယ်။
ပြည်ပမှာ သူနဲ့ အတူဖျော်ဖြေ ခဲ့ကြတဲ့ John Stewart နဲ့ Stephen Cooper တို့လို ကမ္ဘာကျော် ဟာသ အနုပညာရှင် တွေဟာလည်း အစိုးရ တွေရဲ့ ကမောက်ကမ အခြေအနေ ကို နိုင်ငံရေး ပျက်လုံးတွေနဲ့ သရော် နေပေမယ့် သူ့တို့ နိုင်ငံရဲ့ အခြေခံ ဥပဒေအရ အကာအကွယ် ပေးထားတာမို့ မြန်မာပြည် မှာလည်း အလားတူ အကာအကွယ် ပေးသင့်တယ် လို့ သူက ပြောပါတယ်။
သူဟာ တိုင်းပြည်ကို ချစ်တဲ့သူ တဦးအနေနဲ့ အနုပညာ စွက်သော နိုင်ငံရေး ကိုဆက်လုပ်မယ်လို့ ဆိုပါတယ်။ ကိုဇာဂနာကို အန်အယ်ဒီပါတီ ဝင်အနေနဲ့ ရပ်တည်ဖို့ အစီအစဉ် ရှိမရှိ မေးရာမှာတော့ အဲဒီလို ရပ်တည်ဖို့ လောလောဆယ် အစီအစဉ်မရှိသေးဘူးလို့ ဖြေခဲ့ပါတယ်။
ကိုဇာဂနာ ဟာ လွတ်လပ်ခြင်း အနုပညာ ရုပ်ရှင်ပွဲ တော်မှာ ဆုရခဲ့တဲ့ ကားတွေကို ကနေဒါနိုင်ငံတိုရွန်တိုမြို့မှာ စနေနေ့က ပြသခဲ့တဲ့ပွဲမှာလည်းသူ့ရဲ့ထောင်တွင်း အတွေ့အကြုံတွေကိုပြောပြခဲ့ပါသေးတယ်။

ပွင့်လင်း လူ့အဖွဲ့အစည်း အကြောင်း ၈၈ကျောင်းသားတွေ ရှင်းလင်း
၈၈ မျိုးဆက် ကျောင်းသားတွေ ကချင်ဒေသကို သွားရောက်ခဲ့ကြ
မြန်မာနိုင်ငံမှာ ငြိမ်းချမ်း ပွင့်လင်းတဲ့ လူ့အဖွဲ့အစည်း ပေါ်ပေါက်လာရေး အတွက် မြန်မာနိုင်ငံအလယ်ပိုင်းနဲ့ ကချင်ဒေသ တွေဆီ လှည့်လည်ပြီး လူထုကို ရှင်းလင်း ဟောပြောခဲ့ကြတဲ့ ၈၈ မျိုးဆက် ကျောင်းသား တွေက တနင်္ဂနွေနေ့မှာ သတင်းစာ ရှင်းလင်းပွဲ လုပ်ခဲ့ကြပါတယ်။
ပွင့်လင်း လူ့အဖွဲ့အစည်း မိတ်ဆက် ဆွေးနွေးပွဲ ဆိုတာကို ဟင်္သာတမှာ စလုပ်ခဲ့တာ ဖြစ်ပြီး အဲဒီကနေ နောက်ပိုင်း မြန်မာနိုင်ငံ အလယ်ပိုင်းနဲ့ ကချင်ဒေသတွေဆီ လှည့်လည် ရှင်းလင်း ဟောပြောခဲ့တာ ဖြစ်ကြောင်း ၈၈ မျိုးဆက် ကျောင်းသားခေါင်းဆောင် တဦးဖြစ်တဲ့ ဦးကိုကိုကြီးက ဘီဘီစီကို ပြောပါတယ်။
ကချင်ဒေသကို ရောက်စဉ် ငြိမ်းချမ်းရေးနဲ့ ပတ်သက်လို့ ကချင်တိုင်းရင်းသားတွေနဲ့ ဆွေးနွေးပြောဆိုခဲ့တာတွေကို ၈၈ မျိုးဆက် ကျောင်းသားတွေက အခုသတင်းစာ ရှင်းလင်းပွဲမှာ ပြန်လည် ပြောပြခဲ့ကြပါတယ်။
ငြိမ်းချမ်းရေး ဖြေရှင်းရာမှာ အပစ်အခတ် ရပ်စဲရေးကို အသားပေး ဆောင်ရွက်နေတာဟာ စစ်ရေး အမြင်ကို အသားပေး ဆောင်ရွက်နေတဲ့ ပုံစံ ဖြစ်ကြောင်းနဲ့ တိုင်းရင်းသား ဒေသ ဖွံ့ဖြိုးလာရင် တိုင်းရင်းသား ပဋိပက္ခတွေ ပြေလည်သွားမှာပဲ ဆိုတဲ့ အယူအဆကလည်း စီးပွားရေး ရှုထောင့်ကနေ အရေးထား ချဉ်းကပ်နေတဲ့ ပုံစံဖြစ်ပြီး စာပေ၊ ယဉ်ကျေးမှု ရှုထောင့်၊ သမိုင်းရေး ရှုထောင့်၊ တိုင်းရင်းသား တန်းတူ ညီမျှရေး ဆိုတဲ့ နိုင်ငံရေး ရှုထောင့် တွေကိုပါ ပြည့်ပြည့်စုံစုံ ထည့်သွင်း ဆွေးနွေးနိုင်မှ ရေရှည် တည်တံ့ခိုင်မြဲတဲ့ ငြိမ်းချမ်းရေးကို ရမှာ ဖြစ်တယ်လို့ ၈၈ မျိုးဆက် ကျောင်းသားတွေအနေနဲ့ ယုံကြည်ကြောင်း ဦးကိုကိုကြီးက ပြောပါတယ်။
ငြိမ်းချမ်းရေး ဆွေးနွေးရာမှာ လက်နက်ကိုင်ထားတဲ့ တိုင်းရင်းသား အဖွဲ့တွေနဲ့ အစိုးရ စစ်တပ် အကြားမှာပဲ တွေ့ဆုံ ဆွေးနွေးနေတာကြောင့် မြေစာပင် ဖြစ်တဲ့ ဒေသခံ ပြည်သူတွေ ရဲ့ ခံစားချက်တွေ အသံတွေကို မဖေါ်ထုတ်နိုင် ဖြစ်နေကြောင်း၊ ဒါ့ကြောင့် ဒီ တိတ်နေတဲ့ အသံတွေ ခံစားချက်တွေကို ကျယ်ကျယ်ပြန့်ပြန့် ဖေါ်ထုတ်နိုင်မှ ငြိမ်းချမ်းရေး အောင်မြင်မှု ရှိမယ်လို့ ၈၈ မျိုးဆက် ကျောင်းသားတွေအနေနဲ့ ယုံကြည်ကြောင်း ဦးကိုကိုကြီးက ပြောပါတယ်။
ပွင့်လင်း လူ့အဖွဲ့အစည်းနဲ့ ပတ်သက်လို့ တရားဥပဒေ စိုးမိုးရေးကို သူတို့အနေနဲ့ ထပ်ခါ တလဲလဲ ပြောခဲ့သလို သမ္မတ ဦးသိန်းစိန်ကလည်း ပြီးခဲ့တဲ့ သူ့မိန့်ခွန်းထဲမှာ ကြိမ်ဖန်များစွာ သုံးစွဲသွားတာ တွေ့ရကြောင်း၊ လူပုဂ္ဂိုလ် တဦးတယောက် သို့မဟုတ် တစုထဲရဲ့ ဆန္ဒ သဘောထားနဲ့ တိုင်းပြည်ကို အုပ်ချုပ်လာခဲ့ရာက တရား ဥပဒေ အရ အုပ်ချုပ်တဲ့ စနစ်ကို အကောင်အထည် ဖေါ်တော့မယ် ဆိုတာကို သူတို့အနေနဲ့ ကြိုဆိုကြောင်း ပြောပါတယ်။
၈၈ မျိုးဆက် ကျောင်းသားတွေ အနေနဲ့ ထောင်ကလွတ်လာကြကတည်းက အခုလို အစုအဖွဲ့ ပုံစံမျိုးနဲ့ စလုပ်နေတာ ဖြစ်ပြီး ခုထက် ပို ကျယ်ပြန့် စနစ်ကျတဲ့ ပုံစံတခုကို ကြိုးစားသွားမှာ ဖြစ်ကြောင်းနဲ့ ရေရှည်မှာ နိုင်ငံရေးကို ထဲထဲဝင်ဝင် ဇောက်ချ လုပ်မယ့် ပါတီအဖွဲ့ တခုမျိုးကိုလည်း ဖွဲ့လာနိုင်ကြောင်း ၈၈မျိုးဆက် ကျောင်းသား ခေါင်းဆောင် ဦးကိုကိုကြီးက ဘီဘီစီကို ပြောပါတယ်။

အီရန်နျူကလီးယား စီမံကိန်းအပေါ် IAEA စိုးရိမ်နေဆဲ
IAEA ဘုတ်အဖွဲ့ အစည်းအဝေးကို ဗီယင်နာ မြို့မှာ ကျင်းပခဲ့
အီရန် နျူးကလီးယား စီမံကိန်းနဲ့ ပတ်သက် လို့ စစ်ရေး ရှုထောင့်အရ အကြီးအကျယ် စိုးရိမ်မကင်း ဖြစ်စရာတွေ ဆက်ရှိနေဆဲပဲ လို့ IAEA နိုင်ငံတကာ အနုမြူနဲ့ စွမ်းအင် အေဂျင်စီ အဖွဲ့ အကြီးအကဲ မစ္စတာ ယူကီယာ အမာနိုက IAEA ဘုတ်အဖွဲ့ အစည်းအဝေးမှာ ထုတ်ဖေါ် ပြောကြား လိုက်ပါတယ်။
အီရန် နျူကလီးယား လှုပ်ရှားမှုတွေနဲ့ ပတ်သက်လို့ မေးစရာ ဖြစ်နေတာတွေကို ပြီးခဲ့တဲ့ တီဟီရန်မြို့ ဆွေးနွေးပွဲမှာ ရှင်းရှင်းလင်းလင်း မသိခဲ့ရဘူးလို့ ဆိုပါတယ်။
ပြီးခဲ့တဲ့ နိုဝင်ဘာလကတည်းက အီရန်အစိုးရဟာ အချေအတင် ပြောစရာ ဖြစ်နေတဲ့ သူတို့ရဲ့ ယူရေနီယမ် သန့်စင်ရေးလုပ်ငန်းကို တိုးချဲ့ လုပ်နေခဲ့တယ်လို့ ဆိုပြီး ဒီကိစ္စကို IAEA ဘုတ်အဖွဲ့ကြီးအနေနဲ့ ထိန်းကျောင်းပေးဖို့ မစ္စတာ အမာနိုက ပန်ကြားလိုက်ပါတယ်။
တနင်္ဂနွေနေ့တုန်းကပဲ အမေရိကန် သမ္မတ အိုဘားမားက အီရန်အစိုးရ နျူကလီးယား လက်နက် မထုတ်လုပ်နိုင်အောင် အင်အားသုံး တားဆီးဖို့ လက်နှေးမှာ မဟုတ်ဘူးလို့ ထုတ်ဖေါ် သတိပေးလိုက်ပါတယ်။
ဒါပေမယ့် သံတမန်ရေးနည်းကို အရင်ရွေးချယ်ဖို့ ဆန္ဒရှိနေဆဲပါပဲလို့ ဆိုပါတယ်။
မကြာသေးခင်ကပဲ အမေရိကန် အစိုးရက အီရန်ဗဟိုဘဏ်အပေါ် ပိတ်ဆို့မှုတွေ ပြဌာန်း လိုက်ပြီး ဒဏ်ခတ် အရေးယူမှုတွေကို တိုးမြှင့်လုပ်ခဲ့ပါတယ်။
တချိန်ထဲမှာပဲ အီရန် အစိုးရအပေါ် ပြင်းထန်တဲ့ အရေးယူမှု လုပ်ဖို့ ထပ်ခါတလဲလဲ တောင်းဆို နေတဲ့ အစ္စရေး သမ္မတ ရှီမွန် ပဲရစ်စ်ကလည်း သမ္မတ အိုဘားမားရဲ့ ပြောဆိုချက်ကို ကြိုဆိုလိုက်ပါတယ်။
အီရန်အစိုးရဟာ ကမ္ဘာတဝှမ်းလုံးအတွက် အန္တရာယ်ပဲလို့ သူက ပြောသွားပါတယ်။
စိတ်ဓါတ်ပိုင်း ဆိုင်ရာ ယိုယွင်း ပျက်စီးနေတဲ့ အာဏာရှင် အစိုးရ ဖြစ်တဲ့ အီရန်အစိုးရကို ဖြုတ်ချဖို့ သမ္မတ ရှီမွန် ပဲရက်စ်က တောင်းဆိုလိုက်ပါတယ်။
တခါ IAEA အဖွဲ့ထဲက အနောက်အုပ်စု အင်အားကြီး နိုင်ငံတွေအနေနဲ့ အီရန်အစိုးရအပေါ် ဖိအားတွေ ပိုပေးဖို့ လိုလားနေတာပါ။
IAEA နျူကလီးယား စစ်ဆေးရေးမှူးတွေကို အီရန်နိုင်ငံထဲ ဝင်ခွင့် ပိတ်ပင်ခဲ့တာအပေါ် ပြန်လက်တုန့်ပြန်တဲ့ အနေနဲ့ အီရန်အစိုးရအပေါ် အရေးယူ ပြဌာန်းချက်တခု ချမှတ်နိုင်ဖို့ သူတို့က လိုလားနေတာပါ။
ဒါပေမယ့် ဒီလို လုပ်ဖို့ ရုရှားနဲ့ တရုတ်တို့က ထောက်ခံမလား ဆိုတာကတော့ မသေချာသေး ပါဘူး။

တိုင်ရီ စက်ရုံ အလုပ်သမားတွေ သမဂ္ဂ ဖွဲ့
လုပ်ခ လစာတိုးပေးရေး တောင်းဆိုရာကနေ တိုင်ရီအလုပ်သမားတွေ ဆန္ဒပြခဲ့ကြ
လှိုင်သာယာ စက်မှုဇုံ ၃ မှာရှိတဲ့ တိုင်ရီ ဖိနပ် စက်ရုံ အလုပ်သမားတွေဟာ တနင်္ဂနွေနေ့က အခြေခံ အလုပ်သမား သမဂ္ဂ တိုင်ရီ ဖိနပ်စက်ရုံ ဆိုပြီး ဖွဲ့စည်းလိုက်တယ်လို့ သမဂ္ဂ ခေါင်းဆောင်တဦးက ပြောပါတယ်။
အခု ဖွဲ့လိုက်တဲ့ အခြေခံ အလုပ်သမား သမဂ္ဂ ကတော့ တိုင်ရီ ဖိနပ်စက်ရုံက အလုပ်သမားတွေ အားလုံးကို ကိုယ်စားပြုတဲ့ အလုပ်သမားတွေ သက်သက်နဲ့ ဖွဲ့စည်းထားတဲ့ သမဂ္ဂ ဖြစ်ပါတယ်။
တရားဝင် မှတ်ပုံတင်မှာ ဖြစ်တဲ့ အတွက် ရှေ့နေတွေနဲ့ တိုင်ပင်ပြီး ဥပဒေနဲ့အညီ ဖွဲ့စည်း လိုက်တာ ဖြစ်တယ်လို့ သမဂ္ဂ ခေါင်းဆောင် ဦးမျိုးမင်းသိန်းက ပြောပါတယ်။
အဲဒီအဖွဲ့ထဲမှာ အလုပ်သမားခေါင်းဆောင် ၃၅ဦးမှာ ၅ဦးကနေ ၇ဦးပါတဲ့ အလုပ်အမှုဆောင် တွေနဲ့ ဖွဲ့စည်းထားတယ်လို့ ဆိုပါတယ်။
အစိုးရသစ်ရဲ့ အလုပ်သမား သမဂ္ဂ ဥပဒေကတော့ ပြီးခဲ့တဲ့နှစ် နိုဝင်ဘာလကတည်းက အတည်ပြု ခဲ့ပြီး ဖြစ်ပါတယ်။
ဒါပေမယ့် အလုပ်သမား သမဂ္ဂ မှတ်ပုံတင် အရာရှိ မခန့်ရသေးလို့ဆိုပြီး တင်လာသမျှ အလုပ်သမား သမဂ္ဂသစ်တွေကို လက်မခံသေးပဲ ပယ်ချနေခဲ့တာ ဖြစ်ကြောင်းနဲ့ ဒါပေမယ့် အခု မှတ်ပုံတင်ခွင့် မရသေးရင်လည်း တရားဝင်နေပြီလို့ ဒီသမဂ္ဂ ဖွဲ့ရေး အကြံပေးခဲ့တဲ့ ရှေ့နေ ဦးဌေးက ပြောပါတယ်။
တိုင်ရီ အလုပ်သမားတွေက လုပ်ခလစာ တိုးပေးရေးအတွက် ပြီးခဲ့တဲ့ ဖေဖေါ်ဝါရီလ ၆ရက်နေ့က စ သပိတ်မှောက်ခဲ့ရာမှာ မတ်လ ၁ရက်နေ့ကမှ မြို့နယ် ဝါဏိဇ္ဇ ပဋိပက္ခ ဖြေရှင်းရေး ကော်မီတီက ကြားဝင် ဆုံးဖြတ်လိုက်လို့ ပြေလည်သွားခဲ့ပါတယ်။
ဒီပဋိပက္ခကြောင့်ပဲ တိုင်ရီ အလုပ်သမားတွေနဲ့ မိမိတို့ အခွင့်အရေးကို ကာကွယ်ဖို့အတွက် မိမိတို့ ကိုယ်တိုင် သမဂ္ဂ ဖွဲ့ဖို့ ဖြစ်လာရတယ်လို့ သမဂ္ဂ ခေါင်းဆောင်က ပြောပါတယ်။

KIO နဲ့ မြန်မာအစိုးရ ရွှေလီမှာ ဒုတိယအကြိမ် ဆွေးနွေးမည်
By ကိုမိုးဇော်
ကချင်လွတ်လပ်ရေးအဖွဲ့ KIO နဲ့ မြန်မာအစိုးရရဲ့ ငြိမ်းချမ်းရေး ဆွေးနွေးရေးအဖွဲ့ တို့ဟာ ဒီလ ၈ ရက်နေ့ ကြာသပတေးနေ့မှာ တရုတ်နိုင်ငံ ရွှေလီမြို့မှာ ထပ်မံတွေ့ဆုံဖို့ သဘောတူထားပြီး KIO ဘက်က အချက် ၃ ချက်အပေါ်မှာ မူတည်ပြီး အပစ်အခတ် ရပ်စဲရေးအပါအ၀င် သဘောတူညီချက်တွေ ရရှိအောင် ဆွေးနွေးဖို့ ပြင်ဆင်ထားပါတယ်။ လောလောဆယ်မှာတော့ ကချင်ပြည်နယ်အတွင်းမှာ တိုက်ပွဲတွေဟာ နေ့စဉ်ဆိုသလို ဆက်လက် ဖြစ်ပွားနေပါတယ်။ နယ်စပ်ဒေသကို ထွက်ပြေးလာတဲ့ ဒုက္ခသည်တွေဟာလည်း မကြာခင် မိုးရာသီ ရောက်ရှိလာတော့မှာ ဖြစ်တာကြောင့် အမိုးအကာ၊ စားနပ်ရိက္ခာအပြင် ဆေးဝါးတွေလည်း အရေးတကြီး လိုအပ်နေတယ်လို့ ဒုက္ခသည်အရေး ကူညီဆောင်ရွက်နေသူတွေက ပြောကြပါတယ်။ ဒီသတင်း အပြည့်အစုံကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။
ကချင်လွတ်လပ်ရေးအဖွဲ့ KIO နဲ့ မြန်မာအစိုးရရဲ့ ငြိမ်းချမ်းရေး ကိုယ်စားလှယ်အဖွဲ့ အကြား နေရာ ရွေးချယ်မရတာကြောင့် နောက်ထပ်တစ်ကြိမ် တွေ့ဆုံဖို့ ကြန့်ကြာနေရာက ဒီရက်ပိုင်းမှာတော့ ဆွေးနွေးဖို့ နေရာနဲ့ နေ့ရက်ကို နှစ်ဘက်သဘောတူ သတ်မှတ်နိုင်ပြီ ဖြစ်ပါတယ်။
ဒီတစ်ပတ်အတွင်း နှစ်ဘက် ထပ်မံတွေ့ဆုံမယ့် အစီအစဉ်ကိုတော့ ကချင်လွတ်လပ်ရေးတပ်မတော် KIA ရဲ့ ဒုတိယစစ်ဦးစီးချုပ် ဗိုလ်မှူးချုပ် ဂွမ်မော်က အခုလို ပြောပါတယ်။
“ဒီမတ်လ ၈ ရက်မှာ စပြီး တွေ့ဖို့ ကျနော်တို့ ညှိနှိုင်းနေတယ်ခင်ဗျ။ ကျနော်တို့ ၈ ရက်နေ့ တွေ့ဖို့ကို အတည်ပြုပါပြီ။ အခုကတော့ သွားရေးလာရေးနဲ့ အခြားကိစ္စတွေကို အပြန်အလှန် ဆက်သွယ်နေကြတဲ့ သဘောပါ။ နေရာကတော့ အရင်နေရာပါပဲ၊ ရွှေလီမှာပဲ တွေ့ဖို့ပါ။”
KIO ကိုယ်စားလှယ် အဖွဲ့နဲ့ ဦးအောင်သောင်း ခေါင်းဆောင်တဲ့ အစိုးရငြိမ်းချမ်းရေး ကိုယ်စားလှယ်အဖွဲ့တို့ဟာ ဇန်န၀ါရီလအတွင်းက တရုတ်နိုင်ငံ၊ ရွှေလီမြို့မှာ နောက်ဆုံး တွေ့ဆုံခဲ့တာ ဖြစ်ပါတယ်။ ဒီနောက်ဆုံး တွေ့ဆုံပွဲမှာ စစ်ရေးတိုက်ခိုက်မှု အရှိန်လျော့ချဖို့နဲ့ ပြဿနာဖြစ်နိုင်တဲ့ ဒေသအတွင်း နှစ်ဘက်တပ်တွေ ကိစ္စကို ညှိနှိုင်း ဆောင်ရွက်သွားဖို့ သဘောတူညီခဲ့ကြပါတယ်။
ဒီတစ်ခေါက် ထပ်မံဆွေးနွေးရင်တော့ KIO ဘက်က အချက် ၃ ချက်အပေါ်မှာ မူတည်ပြီး သဘောတူညီချက် တစ်စုံတစ်ရာ ရရှိအောင် ပြင်ဆင်ထားတယ်လို့ ဗိုလ်မှူးချုပ် ဂွမ်မော်က ပြောပါတယ်။
“ကျနော်တို့က ခိုင်ခိုင်မာမာနဲ့ အပစ်အခတ် ရပ်ဆိုင်းတာ ဖြစ်ချင်တယ်။ အဲတော့ ဘယ်လို ပုံစံမျိုးနဲ့ အပစ်ရပ်မလဲ။ ဘယ်လိုအချက်အပေါ်မှာ အခြေခံပြီး လက်မှတ်ထိုးကြမလဲ ဆိုတာကို ကျနော်တို့ ဦးအောင်သောင်းတို့ဆီကို စာနဲ့ proposal တင်ထားတာရှိပါတယ်။ အဲတော့ ဒီတစ်ခေါက်မှာ ဒီကိစ္စတွေကို ဆွေးနွေးဖြစ်လုိ့ ရှိရင်တော့ အဖြေတစ်ခုခု ထွက်လာမယ်လို့ ထင်တယ်လေ။ ကျနော်တို့ မူအရ ပြောမယ်ဆိုရင်တော့ နိုင်ငံရေးအရ ဆွေးနွေးလိုသော စိတ်ဓါတ်ပေါ့နော်၊ political will ရှိရမယ်။ နောက်ပြီးတော့ ဆက်ပြီးမှ ဘယ်လို ဆွေးနွေးမလဲဆိုတဲ့ လမ်းကြောင်းတွေ နှစ်ဘက် သေသေချာချာ ဆွေးနွေးရမယ်။ နောက် တတိယအချက်ကတော့ ပြဿနာဖြစ်ပွားနိုင်တဲ့ ဒေသမှာရှိတဲ့ နှစ်ဘက်တပ်တွေ ကိစ္စကို ဆွေးနွေးအဖြေရှာမယ်။ လက်တွေ့ အကောင်အထည်ဖော်မယ်။ ဒီအခြေအနေ ၃ ခုပေါ်မှာ မူတည်ပြီး ကျနော်တို့က cease fire agreement ပဲဖြစ်ဖြစ်၊ agreement တစ်ခုခုကို ဘယ်လို လုပ်ကြမလဲ ဆိုတဲ့ဟာကတော့ အဲဒီအပေါ်မှာပဲ မူတည်မှာပါ။”
လောလောဆယ်မှာတော့ KIA တပ်ဖွဲ့တွေနဲ့ အစိုးရတပ်တွေ အကြားမှာ နေ့စဉ်လို တိုက်ပွဲတွေ ဖြစ်ပွားနေဆဲဖြစ်သလို အစိုးရဘက်က ကချင်ပြည်နယ် ဗန်းမော်၊ မိုးမောက်၊ လိုင်ဇာ၊ ဟိုပင် ဒေသဘက်တွေနဲ့ ရှမ်းပြည်နယ်မြောက်ပိုင်း KIA တပ်ဖွဲ့အခြေစိုက်ရာ ဒေသဘက်တွေကို တပ်ရင်းတပ်ဖွဲ့တွေ ထပ်မံစေလွှတ်နေတယ်လို့ ဗိုလ်မှူးချုပ်ဂွမ်မော်က ပြောပါတယ်။
KIA နဲ့ မြန်မာအစိုးရအကြား ၁၇ နှစ်ကျော်ကြာ အပစ်အခတ် ရပ်စဲခဲ့ပြီး ပြီးခဲ့တဲ့နှစ် ဇွန်လအတွင်းက တိုက်ပွဲတွေ ပြန်လည်စတင်ခဲ့တာ အခုဆိုရင် ၉ လနီးပါး ရှိလာပြီ ဖြစ်ပါတယ်။ ဒီတိုက်ပွဲတွေကြောင့် ဒေသခံတွေ ခြောက်သောင်း ကျော်လောက်ဟာ တရုတ်-မြန်မာနယ်စပ်နဲ့ မြစ်ကြီးနား၊ ဗန်းမော်၊ ၀ိုင်းမော်၊ မိုးကောင်း စတဲ့ ကချင်ပြည်နယ် အတွင်းက မြို့တွေဆီကို ထွက်ပြေး တိမ်းရှောင်နေကြရပါတယ်။
တရုတ်နယ်စပ်က ဒုက္ခသည်အရေး ကူညီနေသူတစ်ယောက်ကတော့ နယ်စပ်ဒေသမှာ ဒုက္ခသည် လေးသောင်းခွဲ လောက်ရှိပြီး သူတို့ အများစုနေထိုင်ရာ မိုးကာတဲတွေဟာ ဟောင်းနွမ်း စုတ်ပြဲကုန်တာကြောင့် မိုးကာစတွေ လိုအပ်နေသလို စားနပ်ရိက္ခာနဲ့ ဆေးဝါးတွေလည်း လိုအပ်နေတယ်လို့ ပြောပါတယ်။
အထူးသဖြင့် မကြာခင် မိုးရာသီကို ရောက်ရှိတော့မှာဖြစ်တာကြောင့် ကြိုတင်ပြင်ဆင်ဖို့လည်း လိုအပ်နေတယ်လို့ သူက ပြောပါတယ်။
“လိုတာတွေတော့ အများကြီးပဲ။ ဆေးဝါးတွေတော့ မိုးတွင်းအတွက်လည်း ကြိုတင်ပြင်ဆင်ရမယ့် အခြေအနေတွေတော့ ရှိပါတယ်။ အများအားဖြင့်တော့ ငှက်ဖျားတွေ၊ ၀မ်းရောဂါနဲ့ ပတ်သက်တာတွေတော့ ပိုပြီးမှ လိုတာပဲ။ မိုးတွင်းအတွက် ဆိုရင်တော့ နေရေးထိုင်ရေး၊ တဲတွေ အိမ်တွေ ဒါတွေက မိုးလုံလေလုံ လုပ်ရမှာတွေ ရှိတယ်။ တချို့နေရာမှာဆိုရင် လမ်းပန်း ဆက်သွယ်ရေး ခက်တယ်ဆိုတော့ ကျနော်တို့ ရိက္ခာတွေ ဆန်တွေဘာတွေလည်းပဲ တတ်နိုင်ရင်တော့ တစ်လအတွက်တော့ စုထားမှ စိတ်ချရတာပေါ့။ လူလည်း များတယ်။ နေ့တိုင်းလိုလို သုံးနေတယ်ဆိုတော့ ဗြုံးကနဲ စီစဉ်ဖို့လည်း အခက်အခဲရှိတယ် ဆိုတော့၊ ဒီလို အခက်အခဲ ရှိပါတယ်။”
နယ်စပ်ဒေသက ဒုက္ခသည်တွေကိုတော့ KIO အဖွဲ့နဲ့ တရုတ်နယ်စပ် ဒေသက ကချင်လူမှုအဖွဲ့တွေ၊ ဘာသာရေးအဖွဲ့တွေက ၀ိုင်းဝန်းကူညီနေတာဖြစ်ပြီး ကချင်ပြည်နယ်အတွင်းက မြို့ပေါ်ဒေသတွေကို ထွက်ပြေးကြတဲ့ ဒုကသည်တွေကိုတော့ အစိုးရအပါအ၀င် ကုလသမဂ အဖွဲ့အစည်းတွေနဲ့ လူမှုရေး၊ ဘာသာရေးအသင်းအဖွဲ့တွေက ကူညီထားတာဖြစ်ပါတယ်။

အိုဘားမားနဲ့ Netanyahu အီရန် နျူကလီးယားအရေး ဆွေးနွေးမည်
By ဗွီအိုအေ (မြန်မာဌာန)
အီရန် နျူကလီးယားအရေး အင်အားသုံးတာထက် သံတမန်ရေးနဲ့ ဖြေရှင်းဖို့ကိုသာ ပိုပြီးလိုလားတယ်လို့ အမေရိကန် သမ္မတအိုဘားမားက ပြောဆိုပြီး တစ်ရက်အကြာမှာ အစ္စရေး ၀န်ကြီးချုပ် Benjamin Netanyahu နဲ့ အီရန်အရေး ဒီကနေ့ ဆွေးနွေးဖို့ရှိပါတယ်။
အီရန် နျူကလီးယား အစီအစဉ်အပေါ် ကမ္ဘာတ၀န်းက စိုးရိမ်မှုနဲ့အတူ အစ္စရေးက ကြိုတင်ပြင်ဆင် တိုက်ခိုက်ဖို့ ဖြစ်နိုင်ချေ အလားအလာတွေ ရှိနေချိန်မှာ သမ္မတအိုဘားမားက အိမ်ဖြူတော်မှာ အစ္စရေးဝန်ကြီးချုပ် Benjamin Netanyahu နဲ့ ဒီကနေ့ တွေ့ဆုံမှာဖြစ်ပါတယ်။
မနေ့က တနင်္ဂနွေနေ့က ၀ါရှင်တန်မြို့တော်မှာ ကျင်းပတဲ့ အမေရိကန်-အစ္စရေး ပြည်သူ့ရေးရာ ကော်မတီ အစည်းအဝေးမှာ သမ္မတအိုဘားမားက အီရန် နျူကလီးယားအရေး အင်အားသုံးတာထက် သံတမန်ရေးနဲ့ ဖြေရှင်းဖို့ကိုသာ ပိုပြီးလိုလားတယ်လို ပြောဆိုလိုက်တာပါ။ နိုင်ငံတကာ အသိုင်းအ၀ိုင်းအနေနဲ့ အီရန်နိုင်ငံက နျူကလီးယား လက်နက် မထုတ်လုပ်နိုင်အောင် ကျယ်ကျယ်ပြန့်ပြန့် အရှည်သဖြင့် ဖိအားတွေ တိုးပေးကြဖို့ အချိန်တန်ပြီလို့ ပြောဆိုလိုက်ပါတယ်။
အီရန်အပေါ် စစ်ရေးအရ အရေးယူရေးနဲ့ ပတ်သက်ပြီး ပြောနေသံတွေ အများကြီး ကြားနေရကြောင်း၊ ဒီလိုအပြောမျိုးတွေကြောင့် အီရန်က ရေနံဈေးတက်တဲ့ အကျိုးသာရှိပြီး၊ အဲဒီအကျိုးအမြတ်ကနေရတဲ့ ရန်ပုံငွေနဲ့ အီရန်က နျူကလီးယား အစီအစဉ် အကောင်အထည်ဖော်မှာ ဖြစ်တယ်လို့ သမ္မတအိုဘားမားက ထောက်ပြလိုက်ပါတယ်။
တချိန်တည်းမှာပဲ အစ္စရေးဝန်ကြီးချုပ် Benjamin Netanyahu က အီရန်အပေါ် အရေးယူရေး ဘက်ပေါင်းစုံက စဉ်းစားနေတာ သိရလို့ သမ္မတအိုဘားမားရဲ့ ဒီမှတ်ချက်ကို လေးစားပါကြောင်း၊ ဘယ်လိုအန္တရာယ်မျိုးကိုမဆို အစ္စရေးနိုင်ငံ အနေနဲ့ ကိုယ့်ကိုယ်ကို ကာကွယ်နိုင်စွမ်း ရှိပါတယ်လို့ ပြောဆိုလိုက်ပါတယ်။

Putin အနိုင်ရရှိမှု ရွေးကောက်ပွဲအကဲခတ် ဝေဖန်
By ဗွီအိုအေ (မြန်မာဌာန)
မနေ့က တနင်္ဂနွေနေ့က ကျင်းပခဲ့တဲ့ ရုရှား သမ္မတ ရွေးကောက်ပွဲဟာ ၀န်ကြီးချုပ် Vladimir Putin အပြတ်အသတ် အနိုင်ရအောင် အသာပေးဖို့ ကျင်းပခဲ့တယ် ဆိုတာ ရှင်းပါတယ်လို့ ဥရောပသမဂ္ဂရဲ့ ရွေးကောက်ပွဲ အကဲခတ် လေ့လာရေးအဖွဲ့က ပြောဆိုလိုက်ပါတယ်။ OSCE ခေါ် ဥရောပ လုံခြုံရေနဲ့ ပူပေါင်းဆောင်ရွက်ရေး အဖွဲ့က တကယ့် ယှဉ်ပြိုင်တဲ့ ရွေးကောက်ပွဲ မဟုတ်တဲ့အကြောင်း ဒီကနေ့ ထုတ်ပြန်တဲ့ ကြေညာချက်မှာ ဖော်ပြလိုက်ပါတယ်။ ရွေးကောက်ပွဲမှာ အစိုးရပိုင် အရင်းအမြစ်တွေကို အလွဲသုံးစား လုပ်ပြီး မစ္စတာပူတင် အနိုင်ရအောင် ကြိုတင်ပြင်ဆင် ခဲ့တယ်ဆိုတာကို သံသယဖြစ်စရာ မလိုဘူးလို့ OSCE ရဲ့ ကြေညာချက်မှာ ဖော်ပြလိုက်တာပါ။
Vladimir Putin သမ္မတအဖြစ် ပြန်အရွေးခံရတာကို ကန့်ကွက်တဲ့အနေနဲ့ ရုရှားအတိုက်အခံတွေက ကရင်မလင် (Kremlin) ရင်ပြင်အနီးမှာ ဆန္ဒပြကြဖို့ စီစဉ်နေကြပါပြီ။
မဲအားလုံးနီးပါး ရေတွက်ပြီးတဲ့နောက် တနင်္ဂနွေနေ့က သမ္မတရွေးကောက်ပွဲမှာ မစ္စတာပူတင် ဟာ မဲအရေအတွက် ၆၄% ရရှိခဲ့တာကြောင့် အနိုင်ရရှိသွားတယ်လို့ ရုရှား တာဝန်ရှိသူတွေက ပြောပါတယ်။ သူ့ရဲ့ အနီးကပ်ဆုံးပြိုင်ဘက် ကွန်မြူနစ်ပါတီ အကြီးအကဲ Gennady Zyuganov က ၁၇% နဲ့ နောက် သမ္မတလောင်း ၃ ဦးကတော့ ၁၀% အောက်မှာပဲ မဲရခဲ့ကြပါတယ်။
အတိုက်အခံ ခေါင်းဆောင်တွေကတော့ ဒီရွေးကောက်ပွဲဟာ အတုအယောင်ဖြစ်ပြီး မဲခိုးမဲလိမ်မှုတွေ ရှိခဲ့တယ်လို့ ပြောနေကြပါတယ်။ Golos ခေါ် သီးခြားလွတ်လပ်တဲ့ ရွေးကောက်ပွဲ အကဲခတ်အဖွဲ့ကတော့ မဲပေးမယ့်သူတွေကို ဘက်စ်ကားပေါ်တင်ပြီး မဲရုံ တစ်ရုံပြီးတစ်ရုံ မဲထည့်ခိုင်းတာတွေ အပါအ၀င် မသမာမှုပေါင်း ၃,၀၀၀ ကို မှတ်တမ်း တင်ခဲ့ရတယ်လို့ ပြောပါတယ်။ တကယ်လို့သာ ရွေးကောက်ပွဲဟာ လွတ်လပ် မျှတခဲ့မယ်ဆိုရင် မစ္စတာ ပူတင် အနေနဲ့ ရွေးကောက်ပွဲ နောက်တကျော့ ထပ်ပြိုင်ရမှာ သေချာတယ်လို့ Golos အကဲခတ်အဖွဲ့ ပြောခွင့်ရသူ Grigory Melkonyants က ဗွီအိုအေကို ပြောပါတယ်။
ဒါပေမဲ့ မစ္စတာ ပူတင် ကတော့ ပွင့်လင်း ရိုးသားစွာနဲ့ သူ ရုန်းကန်ခဲ့လို့ အနိုင်ရခဲ့တာလို့ ဆိုပါတယ်။ မစ္စတာ ပူတင် က ၀မ်းသာလွန်းလို့ မျက်ရည်လည်စွာနဲ့ ကရင်မလင်ရင်ပြင်မှာ ထောက်ခံသူတွေကို ကျေးဇူးတင်ကြောင်း၊ တိုင်းပြည်ကို ကျူးကျော်မယ့် ရန်သူတွေ လက်ထဲမကျအောင် တားဆီးနိုင်ခဲ့ပြီလို့ ပြောဆိုလိုက်ပါတယ်။ ကွယ်လွန်သူ ရုရှားသမ္မတဟောင်း Boris Yeltsin က ၂၀၀၀ ပြည့်နှစ် ဇန်န၀ါရီလ ၁ ရက်နေ့မှာ မစ္စတာ ပူတင် လက်ထဲ အာဏာလွှဲအပ်ခဲ့ပြီး ၂၀၀၄ ခုနှစ်မှာ သမ္မတအဖြစ် မစ္စတာ ပူတင် သမ္မတအဖြစ် ပြန်အရွေးခံရပါတယ်။ ရုရှား အခြေခံဥပဒေအရ ၃ ကြိမ်ဆက်တိုက် သမ္မတ အရွေးခံခွင့် မရှိတာကြောင့် ပြီးခဲ့တဲ့ ၄ နှစ်အတွင်း ၀န်ကြီးချုပ်တာဝန် ယူထားရတာ ဖြစ်ပါတယ်။