04.03.2012 နေ့ဖတ်ရန်သတင်းများ

by Myanmar Journal on Sunday, March 4, 2012 at 11:19am ·

 
ဗြိတိန် နိုင်ငံခြားရေး ဝန်ကြီး ဝီလီယံ ဟေးခ်မြန်မာ ကိစ္စ ဗြိတိန် ဝန်ကြီးကို TUC တိုက်တွန်း
ဗြိတိန် က အလုပ်သမား ၆ သန်းကျော် ပါဝင်ဖွဲ့စည်းထားတဲ့ TUC (Trade Union Congress) က အီးယူ ဥရောပ သမဂ္ဂ အနေနဲ့ မြန်မာနိုင်ငံ ကို ချမှတ်ထားတဲ့ အရေးယူ ဆောင်ရွက်မှု တွေ ရုပ်သိမ်း ဖို့အရေး လာမယ့် ဧပြီလ အတွင်း စဉ်းစား ကြရင် ထည့်သွင်း စဉ်းစား ရမယ့် အရေးကြီး သတ်မှတ်ချက် တခု ကို ဗြိတိန် နိုင်ငံခြားရေး ဝန်ကြီး ဆီ ကို စာရေး တိုက်တွန်းလိုက်ပါတယ်။

ဗြိတိန် မှာ အင်အား အကောင်း ဆုံး အလုပ်သမား သမဂ္ဂ ကြီးဖြစ်တဲ့ TUC က မြန်မာနိုင်ငံ မှာ အပြု သဘော ပြောင်းလဲမှု တွေ ကို ကြိုဆို ပေမယ့် အာဏာပိုင်တွေက အတင်းအဓမ္မ အလုပ်စေခိုင်း တာတွေ အပါအဝင် လူ့အခွင့်အရေး ချိုးဖောက်မှု တွေ က ကျယ်ကျယ်ပြန့်ပြန့် ဖြစ်နေဆဲဖြစ်တဲ့ အတွက် ဒီ အရေး တွေ ကို မြန်မာ အစိုးရ အနေနဲ့ အသေအချာ ဖြေရှင်း ပြီးမှ သာ အီးယူ အနေနဲ့ မြန်မာ အပေါ် အရေးယူ ထားတဲ့ ဆန်ရှင် တွေ ကို ရုပ်သိမ်း သင့်တယ် လို့ ဗြိတိန် နိုင်ငံခြားရေး ဝန်ကြီး ကို တောင်းဆိုလိုက်တာ ပါ။
မြန်မာ စစ်တပ် က ကလေးသူ ငယ်တွေ ကို စစ်သား အဖြစ်လုပ်ခိုင်းနေတဲ့ ကိစ္စ တွေ အပါအဝင် အရပ်သားတွေ ကို လမ်းဖောက်ခိုင်းတာ ပေါ်တာ ဆွဲ တာ စတာတွေ လုပ်နေဆဲ ဖြစ်ကြောင်း အိုင်အယ်အို အနေနဲ့ အစီရင်ခံစာ ထုတ်ထား တာ ကို ထောက်ပြလိုက် ပါတယ်။
မြန်မာ အစိုးရ အနေနဲ့ လက်ရှိ လုပ်ဆောင်နေတဲ့ နိုင်ငံရေး အကျဉ်းသား တွေ လွှတ်ပေးတာ တိုင်းရင်းသား လက်နက်ကိုင် အဖွဲ့တွေနဲ့ ငြိမ်းချမ်းရေး ရ ဖို့ လုပ်နေတာ၊ တွေ ရှိနေတယ်ဆို တော့ နိုင်ငံတကာ က တောင်းဆိုတာ တွေ ကို လိုက်လျောဆောင်ရွက် နေတဲ့ ပုံပါ။
ဒါပေမယ့် အတင်းအဓမ္မ အလုပ် စေခိုင်းခြင်း ကို ဥပဒေအရ အပြစ်ပေးမယ် လို့ တားမြစ်လိုက်မှ သာ စီးပွားရေး ဆန်ရှင် တွေရုပ်သိမ်း သင့် ကြောင်း TUC က ဗြိတိန် နိုင်ငံခြားရေး ဝန်ကြီး ကို တောင်းဆိုလိုက်တာဖြစ်ပါတယ်။

ဟုမ်းစ်မြို့ရောက် ကြက်ခြေနီအဖွဲ့ မကူညီနိုင်သေး
ICRC အတွက် အန္တရာယ်ရှိတယ်လို့ ဆီးရီးယား အာဏာပိုင်တွေက ပြောကြား
ဆီးရီးယားနိုင်ငံ ဟုမ်းစ်မြို့ကို ရောက်ရှိနေ တဲ့ နိုင်ငံတကာ ကြက်ခြေနီအဖွဲ့ ICRC ရဲ့ ကူညီ ကယ်ဆယ်ရေး ယာဉ်တန်း ဟာ အန္တရာယ်ရှိ နေသေးတဲ့ အတွက် ကူညီရေး ပစ္စည်းတွေကို ဖြန်ဝေခွင့် မရသေးဘူးလို့ ICRC က ပြောပါတယ်။
မိုင်းတွေနဲ့ ထောင်ချောက်တွေရဲ့ အန္တရာယ် ရှိနေတယ်လို့ ဆီးရီးယား အာဏာပိုင် တွေက ပြောကြောင်း ICRC က ပြောပါတယ်။
မနေ့ကလည်း အကူအညီမပေးနိုင်ဘဲ ပြန်လှည့်ခဲ့ရပြီးနောက် စနေနေ့မှာတော့ ဟုမ်းမြို့ထဲကို အရေးပေါ် အကူအညီတွေ ပေးနိုင်ဖို့ မျှော်လင့်တယ်လို့ ဆိုပါတယ်။
အဆောက်အဦးအများအပြား ပျက်ဆီးနေတဲ့ ဟုမ်းစ်မြို့က လမ်းမတွေပေါ်မှာ လူသူကင်းမဲ့ နေတာကို ဆီးရီးယား နိုင်ငံ ပိုင်ရုပ်မြင်သံကြား ကနေ ရှားရှားပါးပါး ပြသ သွားပါတယ်။
ဘာဘာအာမာရပ်ကွက်ကနေ အစောပိုင်းက ခိုးထွက်လာနိုင်ခဲ့တဲ့ ဗြိတိသျှ ဓာတ်ပုံဆရာ Paul Conroy က ဘီဘီစီကို ပြောရာမှာ အဲဒီ ဘာဘာအာမာ ရပ်ကွက်မှာ အရပ်သားတွေအပေါ် စနစ်တကျ အစုလိုက် အပြုံလိုက် သတ်ဖြတ်မှုတွေ ရှိခဲ့တယ်လို့ ပြောပါတယ်။
ဆီးရီးယား အစိုးရတပ်ဖွဲ့တွေဟာ ဘာဘာအာမာ ရပ်ကွက်က လူတွေကို အဲဒီကနေ ဖယ်ရှား လိုတဲ့ ရည်ရွယ်ချက်နဲ့ အမြောက်နဲ့ ပစ်ခတ်ခဲ့တာ ဖြစ်တယ်လို့လည်း မစ္စတာ Conroy က ပြောပါတယ်။
မစ္စတာ Conroy ဟာ ရော့ကက်နဲ့ ပစ်ခတ်တိုက်ခိုက်မှုကနေ လွတ်မြောက်လာခဲ့တာ ဖြစ်ပါ တယ်။ အဲဒီ တိုက်ခိုက်မှုမှာ အနောက်နိုင်ငံတွေက သတင်းထောက် ၂ ဦး သေဆုံးသွားခဲ့ ပါတယ်။

 အမေရိကန်မှာ မှောင်ခိုဂိုဏ်း ဖမ်းမီ
တရုတ် လူမျိုး ၂၆ ယောက်ကို ဖမ်းဆီး ခေါ်ဆောင် သွား
အမေရိကန် ကနေ တရုတ် တလွှား နိုင်ငံ တကာမှာ တရားမဝင် မှောင်ခို ကုန်ကူးနေ တဲ့ ဂိုဏ်းတဂိုဏ်းကို အမေရိကန်အာဏာ ပိုင်တွေက ဖော်ထုတ်ခဲ့တယ်လို့ ပြောပါ တယ်။
နယူးဂျာစီ ၊ နယူးယောက် ၊ တက္ကဆက်နဲ့ ဖိလစ် ပိုင် တို့မှာလည်း ဖမ်းဆီးမှုတွေ ရှိပြီး အမေရိကန် နဲ့ တရုတ် လူမျိုး ၂၆ယောက်ကို တရားစွဲထား တယ်လို့ အမေရိကန် အရာရှိတွေက ဆိုပါတယ်။
အဲဒီလူတွေဟာ နယူးဂျာစီ ဆိပ်ကမ်းကနေ အမေရိကန် တလွှားကို တရုတ် ပစ္စည်းအတု ဒေါ်လာ သန်း ၃ဝဝ ကျော်ဖိုး ခိုးသွင်းခဲ့တယ်လို့ စွပ်စွဲခံထားရတာ ဖြစ်ပါတယ်။
ဖမ်းမိထားသူ တချို့ကို ဘိန်းမှောင်ခို တင်သွင်းမှု နဲ့ စွပ်စွဲချက် ထုတ်ထားတယ်လို့ သိရပါ တယ်။

ကရင် အမျိုးသား တိုးတက်ရေး ပါတီ အလံ ကေအန်ပီပီ နဲ့ အစိုးရ ဆွေးနွေးရန်ရှိ
အစိုးရရဲ့ ပြည်ထောင်စု အဆင့် ငြိမ်းချမ်း ရေး ဖေါ်ဆောင်ရေး ကိုယ်စားလှယ် အဖွဲ့နဲ့ ဆွေးနွေးဖို့ အတွက် ကရင်နီတိုးတက်ရေး ပါတီက မတ်လပထမ အပတ် မှာ တွေ့ဆုံ ဆွေးနွေးမှာ ဖြစ်ပါတယ်လို့ ကရင်နီ တိုးတက် ပါတီရဲ့ အတွင်း ရေးမှူး (၁) ဖြစ်သူ ခူဦးရယ်က ပြောပါတယ်။
အခုတွေ့ဆုံပွဲဟာ အပစ်အခတ်ရပ်စဲဖို့အတွက် ရထား ပို့ဆောင်ရေး ၀န်ကြီး ဦးအောင်မင်း ဦးဆောင်တဲ့ ပြည်ထောင်စု အဆင့် ငြိမ်းချမ်းရေး ဖေါ်ဆောင်ရေး အဖွဲ့နဲ့ ကယား ပြည်နယ် လွိုင်ကော်မြို့မှာ ဒီမတ်လ (၇)ရက် နေ့လောက်မှာ တွေ့ဆုံဖို့ဖြစ်ပါတယ်။
အခုဆွေးနွေးပွဲမှာ အပစ်အခတ် ရပ်စဲဖို့ သာ ဖြစ်တဲ့အတွက် တကယ်လို့ ကရင်နီဖက် က တင်ပြ သလို အစိုးရဖက်က လက်ခံမယ်ဆိုရင် တော့ အပစ်အခတ်ရပ်စဲဖို့ လက်မှတ်ထိုးဖွယ် ရှိတယ်လို့ အဖွဲ့ ခေါင်းဖြစ်သူ ခူဦးရယ်ပြောပါတယ်။
ကရင်နီ တိုးတက်ရေး ပါတီဟာ အစိုးရ အဖွဲ့နဲ့ နှစ်ကြိမ်တိုင် ဆွေးနွေး ခဲ့ပြီးဖြစ်ပါတယ်။ ပြီးခဲ့သည့်၂၀၁၁ ခုနှစ် နို ၀င်ဘာလတွင် ထိုင်းနိုင်ငံ မဲဟောင်စွန်မှာ တကြိမ်နဲ့ ၂၀၁၂ ခုနှစ် ဖေဖေါ်ဝါရီ လဆန်းပိုင်း တကြိမ် ဆွေးနွေး ခဲ့ဘူး ပါတယ်။

လစ်ဗျားနဲ့ပတ်သက်တဲ့ လူ့အခွင့်အရေး အစီရင်ခံစာ
အစိုးရနဲ့ အတိုက်အခံ နှစ်ဘက်စလုံးက လူ့အခွင့် အရေး ချိုးဖေါက်မှုတွေ ကျူးလွန်ခဲ့
လစ်ဗျားနိုင်ငံမှာ ခေါင်းဆောင်းဟောင်း ကဒါဖီ သေဆုံးသွားသည် အထိ ဖြစ်ပွားခဲ့ လူထု အုံကြွမှုတွေနဲ့ တိုက်ခိုက်မှုတွေအတွင်း အစိုးရနဲ့ အတိုက်အခံ နှစ်ဘက်စလုံးဟာ လူ့အခွင့်အရေး ချိုးဖေါက်မှုတွေ ကျူးလွန် ခဲ့ကြတယ်လို့ လစ်ဗျားက လူ့အခွင့်အရေး ချိုးဖေါက်မှုတွေနဲ့ ပတ်သက်တဲ့ ကုလသမဂ္ဂရဲ့ အစီရင်ခံစာ တခုမှာ ကောက်ချက်ချ ဖေါ်ပြ ထားပါတယ်။
ဗိုလ်မှူးကြီး ကဒါဖီ တပ်ဖွဲ့တွေဟာ လူသတ်မှု၊ ညှင်းပန်းနှိပ်စက်မှု၊ လိင်မှုဆိုင်ရာ မတော်မတရား ပြုကျင့်မှု အပါအဝင် လူတွေကိုပါ အစဖျောက်ပစ်တာတွေကို ကျယ်ကျယ် ပြန့်ပြန့် လုပ်ဆောင်ခဲ့တယ်လို့ အခုထုတ်ပြန်လိုက်တဲ့ ကုလသမဂ္ဂ လူ့အခွင့်အရေးကောင်စီရဲ့ အစီခံစာမှာ ဖေါ်ပြထားပါတယ်။
တဆက်တည်းမှာပဲ သူပုန်တပ်ဖွဲ့တွေ ဟာလည်း အလားတူ လူ့အခွင့်အရေး ချိုးဖေါက်မှု တွေကို ကျူးလွန်ခဲ့ကြောင်းနဲ့ တချို့ လုပ်ရပ်တွေကို ဆက်ပြီး ကျူးလွန်နေဆဲ ဖြစ်တယ်လို့ အစီရင်ခံစာက ဆိုပါတယ်။
အဲဒီ ပြီးခဲ့တဲ့နှစ်တုန်းက ကုလသမဂ္ဂ လုံခြုံရေးကောင်စီကနေ လစ်ဗျားနိုင်ငံအပေါ် မပျံသန်းရဇုန် သတ်မှတ်ပြီး၊ နေတိုးတပ်ဖွဲ့ရဲ့ လေကြောင်း တိုက်ခိုက်မှုတွေကြောင့် အရပ်သားတွေ သေဆုံးခဲ့ရတာကိုလည်း နေတိုးအဖွဲ့က လုံလောက်တဲ့ စုံစမ်းစစ်ဆေးမှု တွေ လုပ်ဖို့ ပျက်ကွက်ခဲ့တယ်လို့ ဖေါ်ပြထားပါတယ်။

KIO နဲ့ အစိုးရ အကြား ဆွေနွေးပွဲ ပြန်စမယ်
ဇန်နဝါရီ လတုန်းကလည်း တရုတ်နိုင်ငံ ရွှေလီမြို့မှာ နောက်ဆုံးတွေ့ဆုံ ဆွေးနွေးခဲ့
ကချင်လွပ်လပ်ရေးအဖွဲ့ KIO နဲ့ အစိုးရ အကြား နောက်တကြိမ် ထပ်မံ တွေ့ဆုံ ဆွေးနွေးမှုကို ဒီတပတ် အတွင်း ပြန်လည် စတင်နိုင်တော့မှာ ဖြစ်ကြောင်း သိရပါ တယ်။
အစိုးရရဲ့ ငြိမ်းချမ်းရေး ဖေါ်ဆောင်ရေး အဖွဲ့ကနေ ဒီလထဲမှာ ဆွေးနွေးဖို့ KIO ကို အကြောင်းကြား ကမ်းလှမ်းတာကို KIO ဘက်ကလည်း တုံ့ပြန် အကြောင်းကြားခဲ့ပြီ ဖြစ်တဲ့အတွက် ဒီအပတ်ထဲ ဆွေးနွေးပွဲတွေ ပြန်စနိုင်တော့မှာ ဖြစ်ပါတယ်။
ဆွေးနွေးမယ့် နေရာကတော့ တရုတ်- မြန်မာနယ်စပ် တရုတ်နိုင်ငံဖက်ခြမ်း တနေရာမှာ ဖြစ်နိုင်ကြောင်း သိရပါတယ်။
KIO ကိုယ်စားလှယ်အဖွဲ့နဲ့ ဦးအောင်သောင်း ခေါင်းဆောင်တဲ့ ငြိမ်းချမ်းရေး ဖေါ်ဆောင်ရေး အဖွဲ့ဟာ ပြီးခဲ့တဲ့ ဇန်နဝါရီ ၁၈-၁၉ ရက်တွေမှာ တရုတ်နိုင်ငံ ရွှေလီမြို့မှာ နောက်ဆုံးတွေ့ဆုံ ဆွေးနွေးခဲ့ကြပြီးတဲ့ နောက်ပိုင်း ရပ်ဆိုင်းနေခဲ့ရာမှ၊ အခုတခါ နောက်ထပ် ထပ်မံ တွေ့ဆုံ ဆွေးနွေးဖို့ ဖြစ်လာတာပါ။
အခုလို နှစ်ဖက် တွေ့ဆုံဆွေးနွေးကြဖို့ စိုင်းပြင်းနေကြပေမဲ့၊ တဘက်မှာလည်း KIA နဲ့ အစိုးရ စစ်တပ်တွေအကြား စစ်ရေးလှုပ်ရှားမှုတွေ ကတော့ ဆက်လက်ရှိနေပြီး၊ ထိတွေ့ တိုက်ပွဲဖြစ်ပွားမှုတွေလဲ ဆက်လက်ဖြစ်ပေါ်နေဆဲဖြစ်ပါတယ်။
ကြာသပတေးနေ့က ဆိုရင်၊ ကချင်ပြည်နယ် ဆင်ဘိုမြို့နယ်ခွဲနဲ့ စစ်ကိုင်းတိုင်း ကသာမြို့နယ် အကြားရှိ KIA တပ်ဖွဲ့တွေနဲ့ အစိုးရစစ်တပ်တွေ အကြား၊ မနက် စောစောပိုင်း ကနေ ညနေပိုင်းလောက်အထိ တိုက်ပွဲတခု ဖြစ်ပွားခဲ့ပါတယ်။
ဒီတိုက်ပွဲ အတွင်း နှစ်ဖက်ထိခိုက် ဒဏ်ရာမှုတွေ ရှိကြောင်း သိရပေမဲ့ အရေအတွက် အတိ အကျကိုတော့ ရှင်းရှင်းလင်းလင်း မသိရသေးပါ။

နေမကောင်းတဲ့ကြားက မန္တလေးလူထုကို ဒေါ်စု မိန့်ခွန်းပြော
မိုးရွာနေတဲ့ကြားက မန္တလေးလူထုက ဒေါ်အောင်ဆန်း စုကြည်ကို တခဲနက် ကြိုဆိုခဲ့ကြ
NLD အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ မန္တလေးမြို့ကို စည်းရုံးရေး ခရီးစဉ်အဖြစ် ဒီကနေ့ ရောက်ရှိလာရာမှာ မန္တလေး မြို့ခံ သောင်းနဲ့ ချီ ကြိုဆိုခဲ့ကြပါတယ်။
တံတားဦးလေဆိပ်ကနေ ထွက်ခွာလာရာမှာ NLD တံဆိပ်ပါ တီရှပ်တွေ ဝတ်ထားတဲ့ ပြိုင်ဘီးစီး စက်ဘီးသမားတွေ၊ ဆိုင်ကယ် သမားတွေ ပါတဲ့ ကြိုဆိုရေး ကားတန်းကြီးကို လမ်းတလျှောက် လူတွေက စောင့်ဆိုင်း ကြိုဆိုခဲ့ကြတဲ့အတွက် တအိအိနဲ့ ထွက်ခဲ့ရပြီး မွန်းလွဲ တနာရီကျော်ကြာမှ အောင်ပင်လယ် ကွင်းကို ရောက်ခဲ့ရတယ်လို့ မန္တလေး မြို့ခံ တဦးက ဘီဘီစီကို ပြောပါတယ်။
လမ်းခရီးမှာ မူးဝေ အော့အန်ပြီး ဆရာဝန်နဲ့ ပြခဲ့ရတဲ့ ဒေါ်အောင်ဆန်းစုကြည်ဟာ နေမကောင်းတဲ့ကြားက လူထုကို ကြိုးစား မိန့်ခွန်း ပြောခဲ့တယ်လို့ သိရပါတယ်။
သူ နေမကောင်းတဲ့အတွက် လူထုကို မိန့်ခွန်း ရှည်ရှည် မပြောနိုင်တာကို တောင်းပန်ရင်း မန္တလေးမြို့ကို နောက်တခေါက် ပြန်လာမယ်လို့ ဒေါ်အောင်ဆန်းစုကြည်က ပြောသွား ပါတယ်။
လာမယ့် ကြားဖြတ် ရွေးကောက်ပွဲမှာ NLD ပါတီကို မဲပေးကြဖို့နဲ့ NLD ပါတီဝင် အမတ်တွေ အပေါ်မှာလည်း ဝေဖန်စရာ ရှိရင် ဝေဖန်နိုင်တယ်လို့ ဒေါ်အောင်ဆန်းစုကြည်က သူ့မိန့်ခွန်း ထဲမှာ ပြောသွားပါတယ်။
ဒေါ်အောင်ဆန်း စုကြည်ကို မန္တလေး ဒေသခံတွေ ကြိုဆိုရာမှာ ရွှေဝါရောင် ခွပ်ဒေါင်း အလှပြ ယာဉ်ကြီး ပါသလို NLD ဝတ်စုံ ဝတ်ပေးထားတဲ့ ဧရာမ လူရုပ်ကြီးနဲ့ လူပရိသတ် သောင်းပေါင်း များစွာ လှည့်လည် ကြိုဆိုခဲ့ကြတဲ့အတွက် ဒုတိယ မန္တလေး သင်္ကြန်လို့ မန္တလေး သားတွေက တင်စား ပြောခဲ့ကြတယ်လို့ သိရပါတယ်။
တနင်္ဂနွေနေ့မှာတော့ ဒေါ်အောင်ဆန်း စုကြည်ဟာ စစ်ကိုင်းမြို့ကို သွားရောက်ဖို့ ရှိပါတယ်။

ကျောင်းသားအရေးနဲ့ဒီမိုကရေစီ အသွင်ပြောင်း
မြန်မာနိုင်ငံမှာ စစ်အာဏာရှင် စနစ် ပေါ်ပေါက်လာခြင်း နဲ့ ကျောင်းသားကဏ္ဍ နဲ့ ပတ်သက်လို့ ဆွေးနွေးပွဲ ကို ဂျပန် နိုင်ငံ ရောက် မြန်မာ့ ဒီမိုကရေစီ အင်အားစု တွေနဲ့ ABSDF ကျောင်းသားဟောင်း တွေ ဦးစီးပြီး ကျင်းပရာမှာ ABSDF ဉက္ကဌ ဟောင်း ဦးထွန်းအောင်ကျော် ပါဝင် ဟောပြော ဆွေးနွေးပါတယ်။
အထူးသဖြင့် စစ်အစိုးရမှ အရပ်သား အစိုးရ အသွင် ကူးပြောင်းပြီး၊ သမ္မတ ဦးသိန်းစိန် ရဲ့ ရာထူးသက်တမ်း တနှစ် မှာ ဒီမိုကရေစီရေး ဘက်၊ အငွေ့အသက် ထွက်လာတာ ကို သတိပြုမိကြောင်း ဦးထွန်းအောင်ကျော် က ဘီဘီစီ ကို ပြောပြပါတယ်။ ပြည်တွင်းမှာ ဒီမိုကရေစီ ရေး လှုပ်ရှားမှု တချို့ ခွင့်ပြုလာတာ တွေ့ရသလို၊ ပြည်ပ မှ တက်ကြွလှုပ်ရှား သူတွေကိုလည်း ပြန်လာဖို့ ဖိတ်ခေါ်တာ ရှိလာပုံ၊ ဒါပေမယ့် သိက္ခာ ရှိရှိ နဲ့ လွတ်ငြိမ်းခွင့် အပြည့် အဝ ပေးပြီး အမျိုးသား ပြန်လည်ပေါင်းစည်း ရေးရရှိဖို့ ကမ်းလှမ်းရန် ကျန်နေသေးကြောင်း ပြောပြပါတယ်။
ကျောင်းသား လှုပ်ရှားမှု မှာ အရလည်း ၁၉၆၂ ခု စစ်တပ်မှ အာဏာ သိမ်းချိန် က စလို့၊ မှိုင်းရာပြည့်၊ ဦးသန့် အရေးအခင်း၊၁၉၈၈ လူထုအုံကြွမှု စတာ တွေမှာ ကျောင်းသားတွေ ပါဝင်တာ တောက်လျှောက် တွေ့ခဲ့ရ သလို၊ သံဃာ့ လှုပ်ရှားမှု အထိ ပါဝင်ခဲ့ပုံ၊ ၈၈ မျိုးဆက် ကျောင်းသား အုပ်စု ဟာ၊ နှစ် ၂ဝ ကျော် အကျဉ်းကျခံပြီး နိုင်ငံအတွက် အနစ်နာ ခံခဲ့ပုံ တွေ ရှင်းပြပါတယ်။
အခုထိ ၈၈ မျိုးဆက် ကျောင်းသား အဖွဲ့ဟာ၊ နိုင်ငံတွင်း လှည့်လည် လှုပ်ရှားမှု ပြုနေဆဲ မို့၊ ပြည်ပ ကျောင်းသားထု ရဲ့ ထောက်ခံအားပေးမှု ရနေကြောင်း၊ ကျောင်းသား သမဂ္ဂ တွေ၊ ပြန်လည် ဖွဲ့စည်းလာကြမှုဟာ အားတက်စရာကောင်းတဲ့ အကြောင်း၊ ဒါပေမယ့် တက္ကသိုလ် ကျောင်းအုပ် တချို့က ကျောင်းသားတွေ နိုင်ငံရေး လုပ်ရင် ကျောင်းက ထုတ်ပစ်မယ် လို့ ပြောဆိုမှု ကြားရလို့၊ ဒါဟာ ၁ဂ နှစ်ကျော်ရင် နိုင်ငံရေး ပါတီ ဝင်ခွင့်ရတဲ့ အခြေခံ ဉပဒေ ကို ချိုးဖေါက်ရာ ရောက်တဲ့ အတွက်၊ ဦးသိန်းစိန် အစိုးရ အနေနဲ့ အရေးယူသင့် ပုံတွေ ဦးထွန်းအောင်ကျော် က ဘီဘီစီ ကို ပြောပြပါတယ်။

အီရန် နျူကလီယား လက်နက်လုပ်ရင် အမေရိကန် တကယ်တိုက်မယ်
By ဗွီအိုအေ (မြန်မာဌာန)
အီရန်နိုင်ငံက နျူကလီးယားလက်နက် ထုတ်လုပ်ဖို့ တကယ်တန်း လုပ်လာတယ်ဆိုရင် အမေရိကန်နိုင်ငံက စစ်ရေးအရ အရေးယူဖို့ သေသေချာချာ လုပ်ဆောင်မှာဖြစ်ကြောင်း အမေရိကန်သမ္မတ ဘာရက်အိုဘားမားက ပြောကြားလိုက်ပါတယ်။
အီရန်ပြဿနာနဲ့ပတ်သက်ပြီး စစ်ရေးအရ အပါအဝင် နည်းလမ်းအားလုံးအတွက် စဉ်းစားထားတယ်လို့ The Atlantic မဂဇ္ဇင်းနဲ့ လူတွေ့မေးမြန်းခန်းမှာ သမ္မတရဲ့ပြောကြားချက်ကို ကြာသာပတေးနေ့က ထုတ်ပြန်ခဲ့တာပါ။ အီရန်နိုင်ငံရဲ့ နျူကလီယားအစီအစဉ်တွေနဲ့ ပတ်သက်ပြီး နိုင်ငံတကာကနေ စိုးရိမ်စိတ်ပူနေသလို အစ္စရေးက အီရန်ကို ဦးအောင်ဝင်ပြီး တိုက်ခိုက်နိုင်ခြေ ရှိနေချိန်မှာပဲ မစ္စတာအိုဘားမားရဲ့ အခုလို ပြောဆိုချက် ထွက်ပေါ်လာခဲ့တာပါ။
အမေရိကန်သမ္မတ တယောက်အနေနဲ့ သူ အခုလို ပြောတာဟာ ကြောက်အောင် ဟန်ဆောင်ပြီး ခြောက်လှန့်နေတာမျိုး မဟုတ်ဘဲ တကယ်ပြောနေတယ် ဆိုတာကိုတော့ အစ္စရေးအစိုးရက သေသေချာချာသိမယ်လို့လည်း ပြောပါတယ်။
အစ္စရေးနဲ့အီရန်ကြား စစ်မက် ဖြစ်ပွားလာမှာနဲ့ ဒေသတွင်းမှာရော နိုင်ငံတကာမှာပါ ဒီပြဿနာ ဂယက်ရိုက်လာမယ့် ကိစ္စကို သမ္မတအိုဘားမားက အဓိက ပူပန်တာပါ။ တနင်္လာနေ့ကတော့ အစ္စရေးဝန်ကြီးချုပ် ဘင်ဂျမင် နာတန်ရာဟုကို သမ္မတအိမ်ဖြူတော်မှာ သူက လက်ခံတွေ့ဆုံခဲ့ပါတယ်။
အီရန်အနေနဲ့ သူ့ရဲ့ အငြင်းပွားဖွယ် နျူကလီယားလုပ်ငန်းစဉ်တွေဟာ ငြိမ်းချမ်းရေးအတွက်ပါလို့ ပြောပြီး နိုင်ငံတကာနဲ့ ညှိနှိုင်းဆွေးနွေးမှုတွေ လုပ်ဖို့ အသင့်ဖြစ်နေကြောင်း ကြေညာချက်တွေ အများအပြား ထုတ်ပြန်နေပေမယ့် ညှိနှိုင်းလို့မရနိုင်အောင် ကြိုတင်သတ်မှတ်ချက်တွေကို ချထားနေတာပါ။

အီရန်လွှတ်တော် ရွေးကောက်ပွဲ အတိုက်အခံ အသာရ
By ဗွီအိုအေ (မြန်မာဌာန)
အီရန်နိုင်ငံက လွှတ်တော် ရွေးကောက်ပွဲ ရလဒ်တချို့ ထွက်ပေါ်လာချိန်မှာတော့ သမ္မတ Mahmoud Ahmadinejad  ရဲ့ ပြိုင်ဘက် ရှေးရိုးစွဲ ၀ါဒီတွေက မဲဆန္ဒနယ်မြေ တော်တော်များများမှာ အနိုင်ရခဲ့တာကြောင့် ကိုယ်စားလှယ်နေရာ ၂၉၀ ရှိတဲ့ လွှတ်တော်ထဲမှာ ထိန်းချုပ်သွားနိုင်မယ့် အလားအလာတွေ တွေ့နေရပါတယ်။ နယ်တွေမှာရှိတဲ့ မဲတွေအပေါ် အစောပိုင်း ရေတွက်မှုတွေမှာတော့ နိုင်ငံ့ဥသျှောင် Ayatollah Khamenei ကို ထောက်ခံသူ သစ္စာခံတွေ အသာရနေပြီး သမ္မတကို ထောက်ခံသူတွေကတော့ လွှတ်တော်ထဲမှာ ခြေကုပ်မရတော့မယ့် အခြေအနေမျိုးနဲ့ ကြုံနေကြရတာပါ။
ပြည်ထဲရေးဝန်ကြီး Mostafa Mohammad Najjar ကတော့ ဆန္ဒမဲပေးသူ ၆၄ ရာခိုင်နှုန်း မဲထည့်ခဲ့ကြတဲ့ အကြောင်း ကြေညာပါတယ်။ ၂၀၀၉ ခုနှစ်တုန်းက အခြေအတင် ဖြစ်စရာတွေ ကြုံခဲ့ရတဲ့ သမ္မတ ရွေးကောက်ပွဲတွေ ကျင်းပခဲ့စဉ်အချိန်ကစလို့ ပထမဆုံး အကြိမ် ကျင်းပတဲ့ လွှတ်တော် ရွေးကောက်ပွဲကိုတော့ အီရန်နိုင်ငံရဲ့ အဓိက အတိုက်အခံ ပါတီနဲ့ ပြုပြင် ပြောင်းလဲရေးသမားတွေက ကန့်ကွက် သပိတ်မှောက်ထားတာ ဖြစ်ပါတယ်။ ရွေးကောက်ပွဲမှာ ယှဉ်ပြိုင်သူ ကိုယ်စားလှယ်လောင်းတွေကိုတော့ အခြေခံဥပဒေရေးရာ ကိစ္စတွေမှာ အာဏာရှိတဲ့ အစ္စလာမ် ပညာရှင်တွေ၊ ခုံသမာဓိတွေနဲ့ ဖွဲ့စည်းထားပြီး သြဇာကြီးမားလှတဲ့ Guardian Council က အတည်ပြုပေးရတာ ဖြစ်ပါတယ်။
ရွေးကောက်ပွဲက အီရန်နိုင်ငံရဲ့ နိုင်ငံခြားရေးရာနဲ့ နျူကလီးယားဆိုင်ရာ မူဝါဒတွေ အပေါ်မှာ သက်ရောက်မှုတွေရှိမှာ မဟုတ်ပေမဲ့ ရှေ့နှစ်ကျင်းပမယ့် သမ္မတ ရွေးကောက်ပွဲတွေ မတိုင်မီ နိုင်ငံဥသျှောင် Khamenei ရဲ့ အနေအထားကို ပိုမိုခိုင်မာအောင် လုပ်ပေးနိုင်မှာတော့ ဖြစ်ပါတယ်။

ဒဏ်ခတ်မှုမရုပ်သိမ်းခင် အဓမ္မလုပ်အားစေခိုင်းမှုရပ်ပါ
By ဗွီအိုအေ (မြန်မာဌာန)
မြန်မာနိုင်ငံအပေါ် ထားရှိတဲ့ ဒဏ်ခတ် အရေးယူမှုတွေကို မရုပ်သိမ်းခင် အဓမ္မ အလုပ်ခိုင်းစေမှုတွေကို ရပ်ဆိုင်းဖို့ ဗြိတိန်နိုင်ငံက အလုပ်သမား သမဂ္ဂများ ကွန်ဂရက် TUC က ဗြိတိသျှ အစိုးရကို တောင်းဆိုလိုက်ပါတယ်။
မြန်မာနိုင်ငံမှာ အပြုသဘောဆောင်တဲ့ အပြောင်းအလဲတွေ ရှိခဲ့တာ မှန်ပေမဲ့ နေရာအနှံ့ အလုပ်ကြမ်း ခိုင်းစေမှုတွေ အပါအဝင် လူ့အခွင့်အရေး ချိုးဖောက်မှုတွေ သိသိသာသာ ရှိနေတုန်းပဲလို့ TUC ရဲ့ အထွေထွေ အတွင်းရေးမှူး Brendan Barber က ဗြိတိသျှ နိုင်ငံခြားရေးဝန်ကြီး William Hague ထံ ပေးပို့တဲ့ စာမှာဖော်ပြထားတာပါ။
မကြာသေးခင်တုန်းက နိုင်ငံရေး အကျဉ်းသားတွေ လွတ်မြောက်လာတာ၊ အမျိုးသား ဒီမိုကရေစီ အဖွဲ့ချုပ် (NLD) ကို နိုင်ငံရေး ပါတီအဖြစ် မှတ်ပုံတင်ခွင့်ပြုတာ၊ တိုင်းရင်းသား လက်နက်ကိုင်တွေနဲ့ အပစ်အခတ်ရပ်စဲတာ စတဲ့ အပြောင်းအလဲတွေကို တုံ့ပြန်တဲ့ အနေနဲ့ EU က မြန်မာအရာရှိ ၉ဝ လောက်အပေါ် ပြည်ဝင်ခွင့်ဗီဇာ တားမြစ်ထားတာကို ရုပ်သိမ်းပေးခဲ့တာ ဖြစ်ပါတယ်။
EU ဝန်ကြီး တချို့ကလည်း မြန်မာနိုင်ငံအပေါ် ဘုံရပ်တည်ချက်အဖြစ် ဧပြီလမှာ ချမှတ်တဲ့အခါ အရေးယူ ဒဏ်ခတ်မှုတွေ ရုပ်သိမ်းဖို့ ဆန္ဒရှိနေကြတာမို့ ဒါဟာ ပြင်းထန်တဲ့ လူ့အခွင့်အရေး ချိုးဖောက်မှုတွေကို လျစ်လျူရှုရာ ကျတယ်လို့လည်း TUC က ထောက်ပြထားတာပါ။ EU နဲ့ မြန်မာနိုင်ငံအပေါ် အလားတူ ပြစ်ဒဏ်ခတ် အရေးယူမှုတွေ ချမှတ်ထားတဲ့ အမေရိကန် ပြည်ထောင်စု တို့ကတော့ မြန်မာနိုင်ငံမှာ လာမယ့် ဧပြီလ ၁ ရက်နေ့ ကျင်းပမယ့် လွှတ်တော် ကြားဖြတ် ရွေးကောက်ပွဲတွေမှာ လွတ်လပ်မျှတမှု ရှိမရှိ ဆိုတာဟာလည်း ဒဏ်ခတ်မှုတွေ လျှော့ပေါ့ရာမှာ ထည့်သွင်းစဉ်းစားမယ့် ကိစ္စဖြစ်တယ်လို့ ပြောဆိုထားကြတာ ဖြစ်ပါတယ်။

စာနာကူညီရေးအဖွဲ့တွေကို ဆီးရီးယား တားမြစ်
By ဗွီအိုအေ (မြန်မာဌာန)
ဆီးရီးယားနိုင်ငံရဲ့ အချက်အချာမြို့ဖြစ်တဲ့ ဟုမ်းစ်မြို့ရဲ့ ရပ်ကွက် တော်တော်များများကို အစိုးရတပ်ဖွဲ့ဝင်တွေက စနေနေ့မှာ လက်နက်ကြီးတွေနဲ့ ပစ်ခတ် တိုက်ခိုက်တဲ့အတွက် ဒေသတွင်းမှာ ပိတ်မိနေသူတွေကို ဆေးဝါးနဲ့ အစားအစာ ဖြန့်ဝေပေးဖို့ ကြိုးစားနေတဲ့ ကြက်ခြေနီအဖွဲ့ဝင်တွေနဲ့ အာဏာပိုင်တွေကြားမှာ မပြေလည်မှုတွေ ဖြစ်နေပါတယ်။
သမ္မတ ဘာရှာအယ်လ်အာဆဒ်ရဲ့ သစ္စာခံအဖွဲ့တွေက ဟုမ်းစ်မြို့တွင်းက အနည်းဆုံးနေရာ လေးနေရာကို မော်တာတွေနဲ့ ပစ်ခတ်နေတယ်လို့ တက်ကြွလှုပ်ရှားသူတွေနဲ့ ကျန်းမာရေးဝန်ထမ်းတွေက ပြောပါတယ်။
ဒဏ်ရာရသူ အရေအတွက် ဘယ်လောက် ရှိသလဲ ဆိုတာကိုတော့ အတိအကျ မသိရသေးပါဘူး။ အဲဒီလို မြို့ထဲမှာ ပိတ်မိနေသူတွေအတွက် လူသားချင်းစာနာတဲ့ ကူညီမှုပေးမယ် လုပ်သားတွေ ၀င်ရောက် ကူညီခွင့် ရရှိရေး ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်းက ဆီးရီးယား နိုင်ငံကို တောင်းဆိုလိုက်ပါတယ်။
သတ်ဖြတ်မှုတွေ၊ မတရား ဖမ်းဆီးချုပ်နှောင်မှုတွေ၊ ညှဉ်းပမ်းနှိပ်စက်မှုတွေ ရှိနေတယ် ဆိုတဲ့ သတင်းတွေလည်း ရထားတယ်လို့ မစ္စတာ ဘန်ကီမွန်းက ပြောပါတယ်။ တိုက်ပွဲတွေဖြစ်တဲ့ ဟုမ်းစ်မြို့အတွင်း Baba Amr အရပ်ကို ဆေးဝါးနဲ့ လူသားချင်းစာနာတဲ့ အကူအညီ အထောက်အပံ့တွေ ပေးရာမှာ ပိတ်ပင်ခံနေရတယ်လို့ ICRC ခေါ် နိုင်ငံတကာ ကြက်ခြေနီအသင်းက ပြောပြီးတဲ့နောက် အတွင်းရေးမှူးချုပ် ဘန်ကီမွန်းက အခုလို မှတ်ချက်ပေး ပြောဆိုသွားတာပါ။
လက်ရှိ ဆီးရီးယား နိုင်ငံရဲ့ အခြေအနေဟာ ပြည်တွင်းစစ်ဖြစ်မယ့် အန္တရာယ် အလားအလာ ကျရောက်နေပြီလို့လည်း အတွင်းရေးမှူးချုပ်က သတိပေးခဲ့ပါတယ်။ သွေးထွက်သံယိုမှုတွေကို အဆုံးသတ်နိုင်ဖို့ နိုင်ငံတကာ အနေနဲ့ ညီညီညွတ်ညွတ် အရေးတကြီး တုံ့ပြန် ကိုင်တွယ်သွားရမယ်လို့လည် မစ္စတာ ဘန်ကီမွန်းက ပြောဆိုလိုက်ပါတယ်။

အမေရိကန်အရှေ့ဘက် လေပြင်းကြောင့် လူ ၂၇ ဦး သေဆုံး
By ဗွီအိုအေ (မြန်မာဌာန)
အမေရိကန်နိုင်ငံမှာ ပြင်းထန်တဲ့ လေဆင်နှာမောင်း Tornadoes တိုက်ခတ်ခဲ့တာကြောင့် လူတွေ ဒါဇင်နဲ့ချီ သေဆုံးခဲ့ရပါတယ်။ အမေရိကန်နိုင်ငံက အင်ဒီးယားနားပြည်နယ်မှာ ၁၃ ဦး၊ ကန်တာကီ ပြည်နယ်မှာ ၁၂ ဦးနဲ့ အိုဟိုင်းယိုး ပြည်နယ်မှာ ၁၂ ဦးနဲ့ စုစုပေါင်း အနည်းဆုံး ၂၇ ဦး သေဆုံးသွားခဲ့ရပြီး ဖြစ်ပါတယ်။
ဒီလေဆင်နှာမောင်းဒဏ်ကြောင့် အင်ဒီးယားနား ပြည်နယ်က ဟင်နရီဗေးစ် မြို့မှာ အဆောက်အဦးတွေ ပြိုကျပြီး ပြားချပ်သွားပါတယ်။ မော်တော်ယာဉ်တွေလည်း ပျက်စီးသွားပြီး ဘက်စ်ကားတွေကလည်း အိမ်တွေ ဆိုင်တွေကို ၀င်တိုက်ပြီး ပျက်စီးကုန်ပါတယ်။ ဒါ့အပြင် ဒီပြည်နယ်က မယ်ရီဗေးစ် က အရာရှိတွေကလည်း သူတို့မြို့တမြို့လုံး ဆုံးရှုံးပျက်စီးကုန်ပြီလို့ ဆိုလိုက်ပါတယ်။
ကန်တက်ကီ ပြည်နယ်က  လူးဝစ်ဗေးလ် မှာလည်း မနေ့ညပိုင်းက လေဆင်နှာမောင်း ၀င်တိုက်တာကြောင့် အပျက်အစီးတွေ ကြီးကြီးမားမား ဖြစ်ခဲ့ရပါတယ်။ နိုင်ငံတောင်ပိုင်း အယ်လာဘားမား ပြည်နယ်မှာတော့ မနေ့စောစောပိုင်း ကတည်းက မုန်တိုင်းဝင်ခဲ့ပေမဲ့ ဒေသခံတချို့ ဒဏ်ရာ ရခဲ့ကြပါတယ်။

ဗီဂျေးနမ်ဘီးယားကို မြန်မာအတွက် သီးသန့်တာဝန်ပေး
By ဗွီအိုအေ (မြန်မာဌာန)
ကုလသမဂ္ဂအတွင်းရေးမှူးချုပ်ရုံးအဖွဲ့ အကြီးအကဲလည်းဖြစ် မြန်မာနိုင်ငံဆိုင်ရာ အထူးအကြံပေး တာဝန်လည်း ထမ်းဆောင်နေတဲ့ မစ္စတာ ဗီဂျေး နမ်ဘီးယား Vijay Nambiar ဟာ ဧပြီလတရက်နေ့က စပြီး ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းရဲ့ မြန်မာနိုင်ငံဆိုင်ရာ အထူး အကြံပေးတာဝန်ကိုပဲ သီးသန့်ထမ်းဆောင်တော့မှာ ဖြစ်ပါတယ်။
မစ္စတာဘန်ကီမွန်းက သူ့ရဲ့ဒုတိယအကြိမ် အတွင်းရေးမှူးချုပ် ဒုတိယသက်တမ်းအတွက် ရုံးအဖွဲ့သစ်မှာ တာဝန်ထမ်းဆောင်မယ့်သူတွေကို သောကြာနေ့ သတင်းစာရှင်းလင်းပွဲမှာ ထုတ်ပြန်ကြေညာခဲ့ပါတယ်။
“လက်ရှိ ကျနော့်ရဲ့ ရုံးအဖွဲ့အကြီးအကဲ မစ္စတာ ဘီဂျေး၊ နမ်ဘီးယားဟာ သူ အခုတာဝန်ယူဆောင်ရွက်နေတဲ့ မြန်မာနိုင်ငံဆိုင်ရာ အထူးအကြံပေး တာဝန်ကိုပဲ အာရုံစိုက်ပြီးတော့ ဆောင်ရွက်တော့မှာပါ။ ဧပြီလ ၁ ရက်နေ့ကျလို့ရှိရင် ရုံးအဖွဲ့အကြီးအကဲ အသစ်အဖြစ်နဲ့ တာဝန်ယူမယ့်သူကို အခုထမ်းဆောင်နေတဲ့ အလုပ်တွေ စနစ်တကျ လွှဲပြောင်းပေးဖို့ ပြောထားပြီးပါပြီ”
မစ္စတာ ဘီဂျေးနမ်ဘီးယားနေရာမှာ ကုလသမဂ္ဂအတွင်းရေးမှူးချုပ်ရဲ့ အကြီးအကဲအဖြစ်နဲ့ အာဂျင်တီးနားနိုင်ငံက ဆူဇဲန်နား မယ်လ်ကော်ရာ Susana Malcorra ကို ခန့်အပ်မှာ ဖြစ်ပါတယ်။ မစ္စတာနမ်ဘီးယားဟာ မကြာသေးခင်ကမှ မြန်မာနိုင်ငံကို သွားရောက်ခဲ့တာပါ။ ပြီးခဲ့တဲ့သောကြာနေ့ နယူးယောက် ကုလသမဂ္ဂရုံးချုပ် သတင်းစာရှင်းလင်းပွဲမှာတော့ မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှုတွေ လုပ်နေတာတွေ့ရပေမယ့် ရေရှည်တည်ငြိမ်အေးချမ်းမှုရှိစေဖို့ အဓိက လုပ်ဆောင်ရမှာဖြစ်ကြောင်း ပြောပါတယ်။
မြန်မာနိုင်ငံပြုပြင်ပြောင်းလဲရေးမှာ ဧပြီလ ကြားဖြတ်ရွေးကောက်ပွဲ ထင်သာမြင်သာရှိပြီး တရားမျှတဖို့၊ တိုင်းရင်းသား အဖွဲ့အစည်းအသီးသီးနဲ့ ပြန်လည်သွေးစည်းဖို့နဲ့ လူမှုရေး၊ စီးပွားရေး ဖွံ့ဖြိုးမှု အရှိန်မြှင့်တင်ဖို့တွေကို ဦးစားပေးလုပ်ဆောင်မှ တာရှည်ခံတဲ့ ပြောင်းလဲမှု ဖြစ်လာမယ်လို့ ဆိုပါတယ်။