03.02.2012 နေ့ဖတ်ရန်သတင်းများ

by Myanmar Journal on Saturday, March 3, 2012 at 5:52am ·

 
ဘာသာရေး ခေါင်းဆောင်ကြီး ကိုယ်တိုင် ပါလီမန် ရွေးကောက်ပွဲမှာ မဲလာပေးပါတယ် 
အီရန်မှာ ပါလီမန်ရွေးကောက်ပွဲ ကျင်းပ
အီရန်နိုင်ငံမှာ ပါလီမန် ရွေးကောက်ပွဲတွေ ကျင်းပနေရာ မဲဆန္ဒရှင်တွေ မဲပေးနေ ကြပြီ ဖြစ်ပါတယ်။
ပြီးခဲတဲ့ ၃ နှစ်က သမ္မတ အာမတ် ဒင်နဂျတ် အနိုင်ရရှိသွားတဲ့ အငြင်းပွားဖွယ် သမ္မတ ရွေးကောက်ပွဲ နောက်ပိုင်း အခု ပါလီမန် ရွေးကောက်ပွဲဟာ ပထမဦးဆုံး ဖြစ်ပါတယ်။

အခုရွေးကောက်ပွဲမှာ ဘာသာရေးခေါင်းဆောင် အာယာတိုလာ အာလီ ခါမီနီနဲ့ နီးစပ်သူ အုပ်စုနဲ့ သမ္မတ အာမတ် ဒင်နဂျတ်ကို ထောက်ခံသူတွေ အကြား အဓိက ယှဉ်ပြိုင်ကြမှာ ဖြစ်ပါတယ်။
ပြိင်ဖက် နှစ်ဘက်စလုံးဟာ သဘောထား တင်းမာသူ အုပ်စု တွေ ဖြစ်ကြပါတယ်။ အတိုက် အခံတွေကတော့ ဒီရွေကောက်ပွဲကို သပိတ်မှောက်ထားပါတယ်။
အကြောင်းကတော့ သူတို့ရဲ့ ထိပ်တန်း ခေါင်းဆောင်တွေကို နေအိမ် အကျယ်ချုပ် ထားတာမျိုး ဒါမှမဟုတ် ဒီရွေးကောက်ပွဲမှာ ဝင်ရောက် ယှဉ်ပြိုင်ခွင့် မပြုတဲ့ အတွက် ဖြစ်ပါတယ်။
အာဏာပိုင်တွေကတော့ ပြည်သူများ အနေနဲ့ မဲပေးကြဖို့ကို တိုက်တွန်းထားပါတယ်။

ပဏာမ ဆွေးနွေးမှုတွေကို၊ ဇန်နဝါရီလတုန်းက ကရင်ပြည်နယ် ဘားအံမြို့မှာ ဆွေးနွေးခဲ့KNU နဲ့ ဝန်ကြီး ဦးအောင်မင်း ဆွေးနွေး
ပြည်ထောင်စုအဆင့် ငြိမ်းချမ်းရေး ဖေါ်ဆောင်ရေး အဖွဲ့က ရထားပို့ဆောင်ရေး ပြည်ထောင်စုဝန်ကြီး ဦးအောင်မင်းနဲ့ အဖွဲ့ဟာ သောကြာနေ့ နေ့လည်ပိုင်းမှာ ထိုင်းနိုင်ငံမဲဆောက်ကို ရောက်လာပြီး အပစ်အခတ် ရပ်စဲရေးအတွက် ကေအန်ယူ ခေါင်းဆောင်တွေနဲ့ တွေ့ဆုံဆွေးနွေး ခဲ့ပါတယ်။
အခုလို တွေ့ဆုံဆွေးနွေပွဲကတော့ အစိုးရနဲ့ ကေအန်ယူကြား အပစ်အခတ် ရပ်စဲရေးကိစ္စ အမြန်ဆုံး လက်မှတ် ထိုးနိုင်အောင် ရှင်းလင်းစရာ ရှိနေတဲ့ စစ်ရေး ကိစ္စတချို့ကို ရထားဝန်ကြီး ဦးအောင်မင်းက လာရောက် ရှင်းလင်းတာ ဖြစ်ပါတယ်။
အခုတော့ နားလည်မှုရသွားပြီ ဖြစ်တဲ့အတွက် တရားဝင် ဆွေးနွေးကြမယ့် ရက်ကို မတ်လ ပထမ အပါတ်မှာဘဲ ချိန်းဆို လိုက်ကြတယ်လို့ ငြိမ်းချမ်းရေး အကျိုးဆောင် တဦးဖြစ်တဲ့ ဦးညိုအုန်းမြင့် ပြောပါတယ်။
ဒီနေ့ဆွေးနွေးပွဲမှာ ရထားပို့ဆောင်ရေး ဝန်ကြီးဦးအောင်မင်းနဲ့ အတူ နယ်စပ်ရေးရာ ဝန်ကြီးနဲ့ အဖွဲ့ဝင် (၃) ဦး ပါပြီးတော့ ကေအန်ယူဘက်ကတော့ အထွေအထွေ အတွင်းရေးမှုး နော်စီဖိုးရာစိန် ဦးဆောင်ပြီး၊ ဗိုလ်ချုပ်ကြီးမူးတူးဆေးဖိုးနဲ့ ဗိုလ်မှူးတူးတူးလေးတို့ ပါဝင်ပါတယ်။
ကေအန်ယူနဲ့ ပြည်ထောင်စုအဆင့် ငြိမ်းချမ်းရေး ဖေါ်ဆောင်ရေး အဖွဲ့တိုရဲ့ ပဏာမ ဆွေးနွေးမှုတွေဟာ ပြီးခဲ့တဲ့ ဇန်နဝါရီလတုန်းက ကရင်ပြည် နယ်ဘားအံမြို့မှာ ဆွေးနွေးခဲ့ ကြတာ ဖြစ်ပါတယ်။

မြန်မာ့ စာနယ်ဇင်း အနာဂတ်
စာပေ လွတ်လပ်ခွင့် အပြည့်အဝ ရရှိဖို့ကတော့ စိန်ခေါ်မှုတွေ ဆက်ရှိနေဦးမယ်
ကြာသတေးနေ့ ပြည်ထောင်စုလွှတ်တော် အစည်းအဝေးမှာ သမ္မတ ဦးသိန်းစိန်က အမျိုးသား စာနယ်ဇင်းကောင်စီ ဖွဲ့စည်းဖို့ စီစဉ်နေတယ်လို့ ပြောကြား သွားပါတယ်။
ဒီအဖွဲ့ဟာ မြန်မာနိုင်ငံစာပေ အဖွဲ့အစည်းတွေရဲ့ လွတ်လပ်မှုနဲ့ တာဝန်ယူမှုကို ထိန်းကျောင်း ပေးမယ့် ကောင်စီ ဖြစ်တယ်လို့ မြန်မာနိုင်ငံ စာပေနဲ့ စာနယ်ဇင်းအဖွဲ့ အတွင်းရေးမှူး ကိုကို (စက်မှုတက္ကသိုလ်) က ပြောပါတယ်။
စာပေနဲ့ စာနယ်ဇင်းအဖွဲ့ဟာလည်း မတ်လ ၂၄ ရက်နေ့ အရေးပေါ် ညီလာခံပြီးရင် ဖျက်သိမ်း တော့မှာ ဖြစ်ပါတယ်။ အဲဒီနောက် မြန်မာနိုင်ငံသတင်းစာအသင်း၊ မြန်မာနိုင်ငံ စာရေးဆရာ အသင်းနဲ့ ပုံနှိပ်ထုတ်ဝေဖြန့်ချိသူများအသင်းဆိုပြီး အသင်းသုံးသင်းဟာ သီခြားစီ ရပ်တည်မှာ ဖြစ်ပါတယ်။
ဒီအဖွဲ့ဟာ စစ်အစိုးရ လက်ထပ်မှာ ဖွဲ့စည်းထားတာ ဖြစ်ကြောင်း၊ အခုတော့ ဒီမိုကရေစီ နည်းအရ အရပ်ဖက် အဖွဲ့အစည်း ပုံသဏ္ဍာန် ဖွဲ့စည်းဖို့ လိုအပ်လာတာကြောင့် ဖျက်သိမ်း မှာ ဖြစ်ကြောင်းကိုလည်း ဦးကိုကိုက ဘီဘီကို ရှင်းပြပါတယ်။
မြန်မာနိုင်ငံ သတင်းစာအသင်းမှာ အထက်ကနေ တိုက်ရိုက် ခန့်အပ်တာမျိုး မရှိစေဘဲ ဒီမိုကရေစီ နည်းစနစ်အရ မဲပေးရွေးချယ် ခန့်အပ်တာမျိုး ဦးတည် ဆောင်ရွက်သွားမှာ ဖြစ်ပြီး၊ အခုလက်ရှိ စာပေနဲ့ စာနယ်ဇင်းအဖွဲ့ထက် အများကြီး ပိုပြီး လွတ်လပ်တဲ့ အသင်းမျိုးဖြစ်အောင် ဆောင်ရွက်မယ်လို့ ဆိုပါတယ်။
အစိုးရဖွဲ့မယ့် အမျိုးသားစာနယ်ဇင်းကောင်စီမှာတော့ သတင်းစာဆရာတွေ၊ အရပ်သားတွေ၊ မြန်မာစာကျွမ်းကျင်သူတွေ၊ ယဉ်ကျေးမှုပညာရှင်တွေ စသဖြင့် ပါဝင်မှာ ဖြစ်ပြီး၊ သတင်းစာ အသင်းမှာက သတင်းသမားတွေပဲ ပါဝင်မှာဖြစ်တယ်လို့ ဦးကိုကိုကပြောပါတယ်။
စာပေ စိစစ်ရေးကတော့ အခုလို အဖွဲ့တွေ ဖွဲ့စည်းခြင်းနဲ့ သီခြားဖြစ်ကြောင်းနဲ့ စာပေ လွတ်လပ်ခွင့် အပြည့်အဝ ရရှိဖို့ကတော့ စိန်ခေါ်မှုတွေ ဆက်ရှိနေဦးမှာ ဖြစ် တယ်လို့ ဦးကိုကိုက ထပ်လောင်းပြောကြားသွားပါတယ်။

ဟုမ်းစ်မြို့ရောက် ကြက်ခြေနီအဖွဲ့ဝင်များကယ်ဆယ်ရေး ယာဉ်တန်း ဟုမ်းစ်မြို့ကိုရောက်
အစားအသောက် တွေ ဆေးဝါး နဲ့ ခြုံစောင် တွေ တင်ဆောင်ထားတဲ့ နိုင်ငံတကာ ကြက်ခြေနီ အဖွဲ့ အိုင်စီအာစီ လော်ရီကားကြီး ၇စီး ရောက်လာတာ ဖြစ်ပါတယ်။ ဒီ အကူအညီ ပေးရေး အဖွဲ့ ကို ဒေသခံ ကြက်ခြေနီ အဖွဲ့ ဖြစ်တဲ့ လခြမ်းနီ အဖွဲ့ ကလည်း အရေးပေါ် လူနာတင်ကား ကား တွေ အတူ လိုက်ပါလာခဲ့ပါတယ်။
သူတို့ ဟာ ဘာဘာ အမာ အရပ် ကို သွားတဲ့ လမ်း ပေါ် မှာ ခရီးဆက်နေပါတယ်။ အရင် က ဆီးရီးယား လွတ်မြောက်ရေး တပ်ဖွဲ့ အခြေစိုက်ခဲ့ပြီး ပြီးခဲ့တဲ့ တလ လောက် ဒီ အရပ် ဟာ အစိုးရ ဘက်က အမြှောက်တွေ တင့်ကား တွေ က နေ အမြောက်ဗုံး တွေနဲ့ တရစပ် ပစ်ခတ် တာ ကို ခံ ခဲ့ရပါတယ်။
ဒေသခံပြည်သူ တွေအကြား အစာ ရေ ပြတ်တောက် ကုန် တာ ဒဏ်ရာရ လူနာတွေ ကျန်းမာရေး စောင့် ရှောက်မှု ကင်းမဲ့ တဲ့ အခြေအနေ ကို ကြုံခဲ့ ကြ ရပါတယ်။
ဒါ့အပြင် အစိုးရ ဆန့်ကျင် ရေး တပ်တွေ ဒီ အရပ် က ဆုတ်ခွာ ရ တဲ့နောက် မှာ တော့ အစိုးရ စစ်တပ်တွေ ဝင်လာပြီး အကျဉ်းရုံး စီရင် သေဒဏ် ပေး နေတဲ့ ဆိုတဲ့ အစီရင်ခံစာ ကို ကုလသမဂ္ဂ က ရ ခဲ့ ပါတယ်။
ဒိလို အခြေအနေ တွေမှာ ဒေသခံ တွေ ကလည်း နိုင်ငံတကာ ကြက်ခြေနီ အဖွဲ့ တွေ ကို သူတို့ ဆီ ကို အမြန်ရောက် စေချင် နေတာပါ။
ဆီးရီးယား အစိုးရ ရဲ့ ခွင့်ပြုချက်ကို ရယူ ခဲ့ရပြီး အခု အကူအညီ ပေး ရေး အတွက် လာနေကြတဲ့ ကယ်ဆယ်ရေး လုပ်သား တွေ အနေ နဲ့ လည်း ဘာဘာ အမာ အရပ် ကို ရောက် ရင် ကယ်ဆယ်ရေး နဲ့ ပတ်သက်ပြီး ကြီးမား တဲ့ စိမ်ခေါ်မှု တွေ နဲ့ ရင်ဆိုင် ကြရမယ် ဆိုတာ ကို ကြိုတွေးထား ကြတယ် လို့ သိရပါတယ်။
နိုင်ငံတကာ ကြက်ခြေနီ အဖွဲ့ အနေနဲ့ ဦးစားပေး လုပ်ရမယ့် အလုပ် က တော့ အပြင်းအထန် ဒဏ်ရာ ရနေသူတွေ အသည်းအသန် ကျန်းမာရေး ဆိုးရွားနေ သူ တွေ ကို ရှာဖွေ ပြီး ဆေးရုံတွေ ဆီ ရောက်အောင် ပို့ဆောင် ရမယ့် အလုပ်ပါ ဖြစ်တယ်။

လယ်ယာကဏ္ဍ တိုးတက်အောင် လုပ်နေလို့ သမ္မတပြော
လယ်သမားတွေအနေနဲ့ စပါးဈေးကျပြီး အထွက်မတိုးလို့ ဒုက္ခရောက်ကြရ
ဒီကနေ့ကျရောက်တဲ့ တောင်သူ လယ်သမားနေ့အတွက် သမ္မတ ဦးသိန်းစိန် ပေးပို့ခဲ့တဲ့ သဝဏ်လွှာထဲမှာ လူဦးရေရဲ့ ၇၀ ရာခိုင်နှုန်းရှိတဲ့ တောင်သူလယ်သမားတွေရဲ့ လယ်ယာကဏ္ဍ တိုးတက်ဖွံ့ဖြိုးရေးကိုအမျိုးသားရေး လုပ်ငန်းစဉ်တရပ်အနေနဲ့ ဦးစားပေး ဆောင်ရွက်နေတယ်လို့ ဖေါ်ပြထားပါတယ်။
ပညာမရှိလို့ လယ်လုပ်တယ်ဆိုတဲ့ အယူအဆဟောင်းကနေ ပြောင်းလဲပြီး ပညာတတ်ပြီး လယ်လုပ်ခြင်းအားဖြင့် လယ်သမားတွေရဲ့ လူနေမှုဘဝနဲ့ လယ်ယာကဏ္ဍ တိုးတက်အောင် စီမံဆောင်ရွက်နေတယ်လို့ ဆိုပါတယ်။
လက်မှုလယ်ယာကနေ စက်မှုလယ်ယာစနစ်ကို ကူးပြောင်းနိုင်ရေး ဖော်ဆောင်နေပြီး လယ်ယာထွက်ကုန်တွေ စီးပွားရေးအရ တွက်ခြေကိုက်ရေး ဈေးကွက်ခိုင်မာရေး ကုန်ကျစရိတ်သက်သာရေးစတာတွေကို အဓိကထားပြီ လယ်ယာကဏ္ဍတိုးတက်အောင် လုပ်နေပါတယ်လို့လဲ ဖေါ်ပြထားပါတယ်။
လက်ရှိ လယ်သမားတွေရဲ့ ဘဝ အခြေအနေနဲ့ပတ်သက်လို့ ဘိုကလေးမြို့နယ် ပါတူချောင်ကျေးရွာက လယ်လုပ်သက် အနှစ် ၃၀ ရှိတဲ့ လယ်သမားကြီး ဦးစိုးတင့်ကို ဆက်သွယ်မေးကြည့်တော့ အခုလောလောဆယ် နှစ်တွေအတွင်း စပါးဈေးကျပြီး အထွက်မကောင်းတဲ့ အတွက် မကိုက်ကြဘူးလို့ ပြောပါတယ်။
အလုပ်သမားခ ကောက်စိုက်ခ ကောက်ရိတ်ခတွေကြီးမြင့်ပြီး ဓါတ်မြေသြဇာဈေးတွေကြီးတာကလည်း အကြောင်းရင်းတွေ ဖြစ်တယ်လို့ ပြောပါတယ်။
စိုက်ပျိုးရေးဘဏ်တွေက တဧကကို လေးသောင်းနှုန်း ထုတ်ချေးတာဟာ အထောက်အကူဖြစ်ပေမဲ့ ထင်သလောက် ခရီးမရောက်ဘူးလို့ ပြောပါတယ်။
လယ်ယာကဏ္ဍတိုးတက်ဖို့ အတွက် မျိုးကောင်း မျိုးသန့်စပါးရဖို့ ဓါတ်မြေသြဇာ ဈေးသက်သာအောင်လုပ်ပေးဖို့ နဲ့ လယ်ယာမြေတွေကို ပြင်ဖို့ လိုတယ်၊ နှစ်သီး သုံးသီးစိုက်တာဟာ လယ်ယာမြေ အရည်အသွေးကျလို့ အထွက်နည်းတယ်လို့ လယ်သမားကြီးဦးစိုးတင့်က ပြောပါတယ်။
တချို့ဒေသတွေမှာ လယ်သိမ်းခံတာတွေ ကြုံနေရပြီး တချို့က အကြွေးသံသရာလည်နေကြတယ်လို့ သိရပါတယ်။

မြန်မာသမ္မတ ဦးသိန်းစိန်နောက်ပြန် မလှည့်ဘူး လို့ သမ္မတ ပြော
အစိုးရ သက်တမ်းကာလ တနှစ် ပြည့်လာတဲ့ ကာလမှာ မြန်မာ သမ္မတ က နိုင်ငံ ဒီမိုကရေစီရေး ပြုပြင် ပြောင်းလဲမှု တွေ လုပ်ဆောင် နေတဲ့ လမ်းကြောင်း ကနေ နောက်ပြန် လှည့် သွားမှာ မဟုတ် ကြောင်း မတ်လ ၁ ရက် နေ့ က ထပ်မံ ပြောကြား လိုက် ပါတယ်။
ပြည်ထောင်စုလွှတ်တော် တွင်း တနာရီ နီးပါး ပြောကြားသွားတဲ့ သမ္မတ ဦးသိန်းစိန် မိန့်ခွန်းထဲမှာ အားလုံးပါဝင် နိုင်တဲ့ နိုင်ငံရေး ဖြစ်စဉ် တခု ကို ဖော်ဆောင်နေတာ အပြင် တိုင်းရင်းသား လက်နက်ကိုင် တပ်ဖွဲ့ တွေ နဲ့ ထာဝရ ငြိမ်းချမ်းရေး ဖော်ဆောင်နိုင်ဖို့ အစိုးရ က ကြိုးစား နေတာ၊ နိုင်ငံ စီးပွားရေး ဖွံ့ဖြိုးအောင် ကြိုးစားတဲ့ နေရာမှာ လည်း နိုင်ငံသား အားလုံး လူသား ဂုဏ်သိက္ခာ နဲ့ အညီ နေနိုင် စားနိုင် တဲ့ အားလုံးအတွက် တိုးတက်မှု ဖြစ်အောင် ကြိုးစားတဲ့ အခြေခံမူ ကို အစိုးရ က ချမှတ်ထား တာ စတာ တွေ ပါဝင်ပါတယ်။
တရားဥပဒေ စိုးမိုးရေး နဲ့ အကျင့်ပျက် လာဘ်စားမှု ပပျောက်ရေး ကို လည်း လုပ်ဆောင်သွားမယ့် အကြောင်း သမ္မတ က မိန့်ခွန်းထဲမှာ အာမခံထား ပါတယ်။
သမ္မတရဲ့ အခု မိန့်ခွန်း က ဘက်ပေါင်းစုံ ကနေ အစိုးရ က အကောင်း တွေ လုပ်နေကြောင်း ပြလိုတဲ့ အနေနဲ့ အသေအချာ ရေးသား ပြင်ဆင် ခဲ့တာ လို့ အများ က သုံးသပ်ကြ ပါတယ်။
ထာဝရ ငြိမ်းချမ်းရေးဖော်ဆောင်ရေး နဲ့ ပတ်သက်လို့ လက်နက်ကိုင် တိုင်းရင်းသား အဖွဲ့အစည်း တွေ နဲ့ အစိုးရ က ဆွေးနွေး လုပ်ဆောင် နေတဲ့ နေရာမှာ အဆင့် ၃ ဆင့်ထား ပြီး လုပ်ဆောင် နေကြောင်း နဲ့ ပြည်နယ် အဆင့် မှာ အပစ်အခတ် ရပ်စဲရေး လုပ်ဆောင် ပြီးရင် ဖွဲ့စည်းပုံ အခြေခံ ဥပဒေ အတိုင်း နိုင်ငံ မှာ စစ်တပ် တခုတည်း ရှိရေး နဲ့ အခြေခံ ဥပဒေ ကို ပြင်ဆင်ချင်ရင် လွှတ်တော် က တဆင့် ပြင်ဆင်တဲ့ လမ်းကြောင်း ကို လုပ် ကြဖို့ သမ္မတ က လမ်းညွှန်ထား ပါတယ်။
ဒါမှ ဒုတိယ အဆင့် ပြည်ထောင်စု အစိုးရ အဆင့် နဲ့ နောက်ဆုံး လွှတ်တော် အဆင့် မှာ ထာဝရ ငြိမ်းချမ်းရေး တည်ဆောက် နိုင်မှာ ဖြစ်ကြောင်း သူ ပြောသွား ပါတယ်။
ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ က ပြောခွင့်ရ ပုဂ္ဂိုလ် ခွန်ဥက္ကာ က သူတို့ အနေနဲ့ လွှတ်တော် တွင်း ပြည်ထောင်စု အရေး ပြောဆိုနိုင် ဖို့ ပထမ အဆင့် အနေ နဲ့ ကြိုးပမ်းသွား နိုင်မယ် လို့ မျှော်လင့် ထား ကြောင်း နဲ့ ၂၀၀၈ ခုနှစ် ဖွဲ့စည်းပုံ အခြေခံ ဥပဒေ က စစ်မှန်တဲ့ ပြည်ထောင်စု ပေါ်ထွန်းရေး အတွက် အကန့်အသတ် ဖြစ်နေတာ ကြောင့် ပြင်ဆင်သွား ဖို့ လိုအပ် တယ် လို့ တုန့်ပြန် ပါတယ်။
အစိုးရ အတွင်း ခေါင်းမာဂိုဏ်း အပြော့ ဂိုဏ်း ဆိုတဲ့ ကွဲပြားမှု တွေ မရှိကြောင်း နဲ့ စစ်တပ် အပါအဝင် သူတို့အားလုံး က ကြီးလေး တဲ့ အသွင်ကူးပြောင်းရေး တာဝန် ကို ထမ်းရွက် နေကြကြောင်း သမ္မတ က အခု မိန့်ခွန်း ထဲမှာ ပြောကြား ခဲ့ပေမယ့် ဒီ ကွဲပြားမှုတွေ မရှိပါဘူး ဆိုတဲ့ အချက်အပေါ် မယုံကြည် ကြသူ အများအပြား ရှိနေ ပါတယ်။
လွှတ်တော်တွင်း သဘောထား
သမ္မတ မိန့်ခွန်းထဲမှာ ပင်လုံစိတ်ဓာတ်နဲ့အတူ ငြိမ်းချမ်းရေးစကားတွေ ပြောတဲ့အပေါ် လွှတ်တော် အမတ်တွေကတော့ ကျေနပ်မှု ဖြစ်ကြပေမယ့် သမ္မတရဲ့ လွှတ်တော်တွင်း ပြောတဲ့ မိန့်ခွန်းမှာ လွှတ်တော်ဘက်က တင်ပြဆွေးနွေးထားတဲ့ အချက်တွေ သိပ်မပါတာကိုတော့ အားမရကြဘူးလို့ ရခိုင် တိုင်းရင်းသားများ တိုးတက်ရေးပါတီ ဥက္ကဌ ဒေါက်တာ အေးမောင်က ပြောပါတယ်။
ဘတ်ဂျက် ကိစ္စလိုမျိုးမှာ အစိုးရရဲ့ လုပ်ဆောင်မှုတွေက အရင်အစိုးရပုံစံနဲ့ သိပ်မကွာတဲ့ သဘောတွေ တွေ့နေရတယ်လို့ သူက ပြောပါတယ်။

ရင်းနှီးမြှုပ်နှံဖို့ မြန်မာဆွဲဆောင်
By ကိုဝင်းမင်း
မြန်မာနိုင်ငံမှာ လက်ရှိကျင့်သုံးနေတဲ့ ရင်းနှီးမြှုပ်နှံမှုနဲ့ ငွေကြေးဆိုင်ရာ မူဝါဒတွေဟာ ပြောင်းလဲလာတဲ့အခြေအနေတွေနဲ့ လျော်ညီမှု မရှိတော့တဲ့အတွက် မူဝါဒအသစ်တွေ ချမှတ်ဖို့ ပြင်ဆင်နေတယ်လို့ မြန်မာနိုင်ငံစက်မှုဝန်ကြီးလည်းဖြစ်၊ နိုင်ငံခြားရင်းနှီးမြှုပ်နှံမှု ကော်မရှင် ဥက္ကဋ္ဌလည်းဖြစ်တဲ့ ဦးစိုးသိန်းက ပြောလိုက်ပါတယ်။ သင့်လျော်တဲ့ရင်းနှီးမြှုပ်နှံမှု ဥပဒေသစ်တွေနဲ့ ငွေကြေးဆိုင်ရာ မူဝါဒသစ်တွေကို မကြာခင်မှာ ထုတ်ပြန်နိုင်တော့မှာဖြစ်လို့ မြန်မာနိုင်ငံမှာ လာပြီးတော့ ရင်းနှီးမြှုပ်နှံကြဖို့ ဝန်ကြီးဦးစိုးသိန်းက ကမ္ဘာတဝှမ်းက လူလတ်ပိုင်း စီးပွားရေးလုပ်ငန်းရှင်တွေ၊ ကုမ္ပဏီအကြီးအကဲတွေပါဝင်တဲ့ Young President Organization နဲ့ ကြာသာပတေးနေ့ညက တွေ့ဆုံတုန်းက ပြောခဲ့ပါတယ်။ မြန်မာနိုင်ငံမှာ ရင်းနှီးမြှုပ်နှံကြချင်သူတွေအတွက် ဘယ်လိုအာမခံချက်တွေ ပေးခဲ့လဲဆိုတာကို ကိုဝင်းမင်းက တင်ပြပေးထားပါတယ်။
ကမ္ဘာတဝှမ်းက သက်လတ်ပိုင်း ရင်းနှီးမြှုပ်နှံမှုဆိုင်ရာ အရာရှိတွေနဲ့ ရန်ကုန်မြို့မှာ တွေ့ဆုံရာမှာ ဝန်ကြီးဦးစိုးသိန်းက အခုလို ရင်းနှီးမြှုပ်နှံမှုတွေကို စွဲဆောင်နိုင်တဲ့ ဥပဒေတွေနဲ့ မူဝါဒအသစ်တွေကို ပြင်ဆင်နေတယ်လို့ ပြောလိုက်တာပါ။ ဘာကြောင့် အခုလိုပြင်ရတာနဲ့ ဘယ်တော့ ဥပဒေသစ်တွေ ဖြစ်လာနိုင်သလဲဆိုတာကိုလည်း ဦးစိုးသိန်းက -
“အရင်ကရှိတဲ့ ရင်းနှီးမြှုပ်နှံမှု ဥပဒေက ရင်းနှီးမြှုပ်နှံမှုတွေအတွက် အားပေးသလို မဖြစ်ခဲ့ပါဘူး။ အဲဒါက မကောင်းပါဘူး။ ဒါကြောင့် အခု ဂျပန်ကုမ္ပဏီတွေနဲ့ တိုင်ပင်ပြီး ရင်းနှီးမြှုပ်နှံမှု ဥပဒေသစ်တခုကို ပြင်ဆင်နေပါတယ်။ အဲဒီတော့ တကယ့်ကို မကြာခင်ကာလမှာပဲ ပါလီမန်ကနေ ဒီ ဥပဒေသစ်ကို အတည်ပြုပေးတော့မှာပါ”
ဦးစိုးသိန်းကပဲ မြန်မာပြည်သူအများ အဓိက အလုပ်ရနိုင်ဖို့အတွက် နိုင်ငံခြားရင်းနှီးမြှုပ်နှံမှုတွေကို စွဲဆောင်နိုင်မယ့် ဒီဥပဒေအသစ်မှာ အဓိကထား အလေးပေးထားတဲ့ အချက်တွေအဖြစ် ရင်းနှီးမြှုပ်နှံသူတွေနဲ့ ပတ်ဝန်းကျင်နဲ့ လူမှုရေးအတွက် အကာအကွယ်ပေးတာတွေအပြင် ထင်သာမြင်သာရှိအောင် လုပ်တာတွေလည်း ပါမယ်လို့ အခုလို ဆက်ရှင်းပြပါတယ်။
“အဓိကအချက် နံပါတ် ၁ သတ်မှတ်ချက်ကတော့ ကျနော်တို့အနေနဲ့ ရင်းနှီးမြှုပ်နှံသူတွေကို အကာအကွယ်ပေးကို ပေးရမှာပါ။ နောက် ဒုတိယ အဓိကအားထားချက်ကတော့ ပတ်ဝန်းကျင်အပေါ် အကျိုးဆက်တွေကို လေ့လာပေးရမှာပါ။ ဒါ့အပြင် လူမှုရေးအရ အကျိုးဆက်တွေကိုလည်း ထည့်သွင်း သုံးသပ်သွားရမှာ ဖြစ်ပါတယ်။ နောက် ငွေကြေးကဏ္ဍကလည်း မဖုံးကွယ်ဘဲ ထင်သာမြင်သာ ရှိအောင်နဲ့ တာဝန်ယူ၊ တာဝန်ခံမှု ရှိအောင် လုပ်ပေးရမှာပါ။”
ဦးစိုးသိန်းကပဲ နိုင်ငံတိုင်းကို မခွဲခြားဘဲ ရင်းနှီးမြှုပ်နှံမှု ဖိတ်ခေါ်နိုင်ရေးအတွက် ဒီငွေကြေးဆိုင်ရာ ဥပဒေကိုပြုပြင်ရာမှာ အဓိက တိုင်ပင်နေတာတွေနဲ့ ဖြစ်လာမှာတွေကိုလည်း အခုလို ဆက်ရှင်းပြပါတယ်။
“ပွင့်ပွင့်လင်းလင်း ပြောရရင် ကျနော်တို့လက်ရှိငွေကြေးမူဝါဒက မကောင်းပါဘူး။ IMF နဲ့ ကမ္ဘာ့ဘဏ်က နည်းပညာအကူအညီပေးတာတွေ၊ နောက် နော်ဝေအစိုးရကလည်း ကမ္ဘာ့ဘဏ် ကျွမ်းကျင်မှုဆိုင်ရာတွေ ကူညီတာတွေနဲ့ ဆွေးနွေးနေတာတွေ အများကြီးရှိနေပါတယ်။ ဒါကြောင့် တကယ့်ကို မကြာခင်မှာ အကောင်းဆုံး ငွေကြေးမူဝါဒနဲ့ ရသုံးမှန်းခြေ မူဝါဒတွေ၊ အဲဒါအပြင် ဒေသတွင်း တန်းတူ ဘဏ်စနစ်တွေ ဖြစ်လာတော့မှာပါ။”
အဲဒါကြောင့် ဒီဥပဒေအသစ်တွေထွက်လာရင် နိုင်ငံတကာရင်းနှီးမြှုပ်နှံသူတွေအတွက်ရော အလုပ်အကိုင်နည်းပြီး ဆင်းရဲတဲ့ မြန်မာနိုင်ငံ အတွက်ပါ ၂ ဘက်လုံးအကျိုးရှိမှာမို့ စိုက်ပျိုးရေးကဏ္ဍကို အခြေခံတဲ့ ကဏ္ဍတွေမှာ အသေးစားနဲ့အလတ်စား စီးပွားရေးရင်းနှီးမြှုပ်နှံမှု လုပ်ငန်းတွေကို ပိုလုပ်ကြဖို့ နိုင်ငံတကာ ရင်းနှီးမြှုပ်နှံသူတွေကို တိုက်တွန်းလိုက်ပါတယ်။ ဒါ့အပြင် ဦးစိုးသိန်းကပဲ လက်ရှိမြန်မာနိုင်ငံမှာ စီးပွားရေးလုပ်ငန်းတွေအတွက် အထောက်အကူပြုမယ့် လက်ကိုင်ဖုန်းသုံးနိုင်တာက ခန့်မှန်းခြေအားဖြင့် ၅ % ပဲ ရှိသေးတာမို့ အရှေ့တောင်အာရှ နိုင်ငံတွေအကြားမှာ အနိမ့်ဆုံးသုံးနိုင်တဲ့ နိုင်ငံဖြစ်နေတယ်၊ တချိန်ကျရင် ၇၅ % ကနေ ၁၀၀ % ထိအောင် လက်ကိုင်ဖုန်းသုံးနိုင်အောင် ပြင်ဆင်နေတာမို့ ဒီတယ်လီဖုန်းဆက်သွယ်ရေး ကဏ္ဍမှာလည်း ပိုမိုရင်းနှီးမြှုပ်နှံကြဖို့ကို ဖိတ်ခေါ်လိုက်ပါတယ်။
မကြာသေးခင်က မြန်မာနိုင်ငံမှာ ပြုပြင်ပြောင်းလဲရေးတွေ လုပ်လာတဲ့အပေါ် နော်ဝေးနိုင်ငံက မြန်မာနိုင်ငံမှာ ရင်းနှီးမြှုပ်နှံထားတာတွေ ပိတ်ပင်ထားတာကို ပြန်ပြီးရုပ်သိမ်းအပြီးမှာ နော်ဝေးနိုင်ငံရဲ့ တယ်လီနာ လက်ကိုင်ဖုန်းကုမ္ပဏီက မြန်မာနိုင်ငံမှာ ရင်းနှီးမြှုပ်နှံဖို့ကို သွားရောက် လေ့လာခဲ့ပြီး ဦးစိုးသိန်းနဲ့လည်း တွေ့ဆုံခဲ့ပါတယ်။ အခုလို တွေ့ဆုံရာမှာ ဦးစိုးသိန်းက ဒီ ရင်းနှီးမြှုပ်နှံသူတွေကို ကာကွယ်ပေးဖို့နဲ့ ဥပဒေတွေကို ခဏ ခဏ ထင်သလိုပြောင်းတာ လုပ်မှာမဟုတ်ဘူးလို့ အာမခံချက်ပေးခဲ့ပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း နိုင်ငံတကာ ရင်းနှီးမြှုပ်နှံသူတွေကို ပြောရာမှာ မြန်မာနိုင်ငံက စီးပွားရေးလုပ်ငန်းမှာ ဦးဆောင်နေသူတွေက ပုဂ္ဂိုလ်ရေးအရ ကျောသားရင်သားခွဲပြီး ထင်ရာစိုင်းတာမျိုးမဟုတ်ဘဲ ဥပဒေအရသာ ဆုံးဖြတ်တဲ့ Rule or Law ရှိမှသာ နိုင်ငံခြားရင်းနှီးမြှုပ်နှံမှုတွေအတွက် အကျိုးရှိပါတယ်လို့ ပြောလေ့ရှိပါတယ်။

သမ္မတနေရာ ပြန်အရွေးခံမယ့် ရုရှားဝန်ကြီးချုပ် ဆန့်ကျင်မှုတွေနဲ့ကြုံ
By ဗွီအိုအေ(မြန်မာဌာန)
ရုရှားနိုင်ငံသားတွေ သမ္မတသစ်ကို ရွေးကောက်တင်မြှောက်ဖို့ တနင်္ဂနွေနေ့မှာ မဲပေးကြရတော့မှာဖြစ်ပြီး သမ္မတဟောင်းနဲ့ လက်ရှိဝန်ကြီးချုပ် ဗလာဒီမီယာ ပူတင် (Vladimir Putin) အနိုင်ရမယ်လို့ ခန့်မှန်းထားကြပါတယ်။
အတိုက်အခံ သမ္မတလောင်း လေးယောက်ရှိပြီး အာဏာရ ညီညွတ်သောရုရှားပါတီနဲ့ ဗလာဒီမီယာ ပူတင်ကို အကြီးအကျယ် ကန့်ကွက်ဆန္ဒပြတာတွေရှိခဲ့ပေမဲ့ ပူတင်ပဲ အနိုင်ရမယ်လို့ ကျယ်ကျယ်ပြန့်ပြန့်ကို ခန့်မှန်းထားကြတာပါ။
ဆိုဗီယက်ပြည်ထောင်စု ပြိုကွဲခဲ့ပြီးကတည်းကဆိုရင် ဘယ်တုန်းကနဲ့မှမတူတဲ့ ကန့်ကွက်ဆန္ဒပြပွဲတွေမှာ ရုရှားနိုင်ငံသားတွေ ပါဝင်ခဲ့ကြပါတယ်။
နောက်ထပ် ၆ နှစ်ကနေ ၁၂ နှစ်အထိ တိုင်းပြည်ကို မစ္စတာပူတင် ထပ်ပြီးအုပ်ချုပ်မယ်ဆိုတဲ့ အတွေးမျိုး လုံးဝကို မတွေးနိုင်ဘူးလို့ ဆန္ဒပြသူတွေကပြောပါတယ်။ ၂၀၀၀ ပြည့်နှစ်ကနေ ၂၀၀၈ ခုနှစ်အထိ သမ္မတအဖြစ် အာဏာယူခဲ့တဲ့ လက်ရှိ ၀န်ကြီးချုပ်ဟာ တင်းတင်းကျပ်ကျပ် ထိန်းချုပ်ထားတဲ့ နိုင်ငံရေးစနစ်၊ အကျင့်ပျက်ခြစားမှုတွေကနေတဆင့် တိုင်းပြည်ကို အုပ်ချုပ်ခဲ့တယ်လို့ သူတို့က ဆိုပါတယ်။
ရွေးကောက်ပွဲမတိုင်ခင် လွတ်လပ်တဲ့ ဆန္ဒမဲကောက်ယူရေးအဖွဲ့ Levada က ကောက်ယူခဲ့တဲ့ လူထုသဘောထားစစ်တမ်းမှာ မစ္စတာပူတင်ဟာ ၆၂ ကနေ ၆၆ ရာခိုင်နှုန်းအထိ မဲအရေအတွက်နဲ့ အနိုင်ရပြီး စိတ်မသက်မသာဖြစ်ဖွယ် ဒုတိယအကျော့ ပြန် ပြိုင်ရမှာကို ရှောင်ရှားနိုင်မယ်ဆိုတာ တွေ့ရပါတယ်။

နိုင်ငံ့အရေးမှာအားလုံးပါဝင်ဖို့ သမ္မတဦးသိန်းစိန်တိုက်တွန်း
စုမြတ်မွန်  
အားလုံးပါဝင်နိုင်တဲ့ နိုင်ငံရေးလုပ်ငန်းစဉ်တွေမှာ တိုင်းရင်းသားတွေ ပါဝင်နိုင်မှုဟာ အရေးအကြီးဆုံး ဖြစ် တယ်လို့ သမ္မတဦးသိန်းစိန်က ပြောလိုက်ပါတယ်။ ပြီးခဲ့တဲ့ တနှစ်အတွင်း အစိုးရရဲ့ ဒီမိုကရေစီ အသွင် ကူးပြောင်းမှုတွေမှာ အောင်မြင်မှုတွေရှိသလို စိန်ခေါ်မှုတွေကိုလဲ ရင်ဆိုင်ခဲ့ရတယ်လို့ ပြည်ထောင်စု လွှတ်တော်မှာ ဒီကနေ့ပြောကြားခဲ့တဲ့ မိန့်ခွန်းထဲမှာ သမ္မတ ဦးသိန်းစိန်က ပြောခဲ့ပါတယ်။ ပြီးခဲ့တဲ့ တနှစ်တာ ကာလအတွင်း အစိုးရအဖွဲ့ရဲ့ ဆောင်ရွက်ချက်တွေ၊ ရှေ့ဆက်ဆောင်ရွက်ရမဲ့ ကိစ္စတွေကို လွှတ်တော်ကတဆင့် ပြည်သူတွေသိရှိအောင် ပြောကြားတဲ့ သမ္မတရဲ့ မိန့်ခွန်းနဲ့ ပါတ်သက်လို့ အပြည့်အစုံကို မစုမြတ်မွန်က ဆက်ပြောပြပါမယ်။
လက်ရှိအစိုးရရဲ့ မူဝါဒတွေ၊ ကုန်ခဲ့တဲ့ ၁ နှစ်အတွင်း အစိုးရရဲ့ ဆောင်ရွက်ချက်တွေ၊ ရှေ့ဆက်လုပ်မဲ့ ကိစ္စတွေ ကို အများပြည်သူသိရှိစေဖို့ ပြည်ထောင်စုလွှတ်တော်ကနေတဆင့် သမ္မတဦးသိန်းစိန်က ဒီကနေ့ မိန့်ခွန်း ပြောကြားခဲ့ပါတယ်။ မြန်မာနိုင်ငံရဲ့ အသွင်ကူပြောင်းမှုအပေါ်မှာ နိုင်ငံတကာအသိုင်းအဝိုင်းရဲ့ နားလည်မှု တွေကို မြင့်မားလာနေတဲ့အတွက် ဒီထက် ပိုပြီး ယုံကြည်မှုတွေကို ရရှိအောင် လုပ်သွားရမယ်ဆိုတာကို သမ္မတဦးသိန်းစိန်က မိန့်ခွန်းအစပိုင်းမှာ ပြောကြားပါတယ်။
“ဒီကနေ့ အချိန်မှာ ကျနော်တို့ အနေနဲ့ စစ်မှန်ခိုင်မာတဲ့ ဒီမိုကရေစီနဲ့ လောကပါလ တရားများ ထွန်းကားတဲ့ နိုင်ငံတော်သစ် တည်ဆောက်နိုင်ပြီလား လို့ပေးရင် ကျနော်တို့ အများကြီး ကြိုးစားရဦးမှာ ဖြစ်ပါတယ်။ ကျနော်တို့ ရှေ့ဆက်ပြီး ခြေလှမ်းပေါင်းများစွာ လျှောက်လှမ်းရဦး မှာဖြစ်ပါတယ်။ ဒါဟာ ဒီမိုကရေစီ မြန်မာ့ လူဘောင်ကို တည်တံ့ ခိုင်မာ ရှင်သန်အောင် ကြိုးပမ်းဆောင်ရွက်သွားကြရမယ့် ရေရှည်လုပ်ငန်းစဉ်ကြီး တရပ်လည်း ဖြစ်ပါတယ်။”
တည်ငြိမ်အေးချမ်းစွာနေထိုင်လိုတဲ့ ပြည်သူတွေရဲ့ ဆန္ဒကို အခြေခံပြီးတော့ အမျိုးသားပြန်လည် စည်းလုံးညီလွတ်ရေး၊ ထာဝရငြိမ်းချမ်းရေး ရရှိအောင်ဆောင်ရွက်နေတဲ့အကြောင်းတွေကိုလဲ မိန့်ခွန်းထဲမှာ ပြောသွားပါတယ်၊ အားလုံးပါဝင်နိုင်တဲ့ နိုင်ငံရေးလုပ်ငန်းစဉ်မှာ တိုင်းရင်းသားတွေ ပါဝင်နိုင်ဖို့က အရေးအကြီးဆုံးဖြစ်ပါတယ်လို့ ဆိုပါတယ်၊
“ကျနော်တို့ နိုင်ငံဟာ ပြည်ထောင်စု နိုင်ငံတစ်နိုင်ငံ ဖြစ်တာနဲ့ အညီ ဒီနိုင်ငံရေး လမ်းစဉ်မှာ တိုင်းရင်းသား တွေ အားလုံး တန်းတူ ရည်တူ ပါဝင်ခွင့်ရရှိဖို့ မဖြစ်မနေ ဆောင်ရွက်ရမှာဖြစ်ပါတယ်။ ဒါဟာ ကျနော်တို့ သွေးရင်းညီအစ်ကို တိုင်းရင်းသားတွေရဲ့ ခေတ်အဆက်ဆက် အကောင်အထည် မဖော်ခဲ့တဲ့ အိပ်မက် လွင့်ပြယ် ပျောက်ပျက်ခဲ့ရတဲ့ အိပ်မက်တွေလည်းဖြစ်ပါတယ်။ တဖက်နဲ့ တဖက် ထိတွေ့ဆက်ဆံမှုတွေ ကင်းဝေးပြီး အထင်အမြင် လွှဲမှားခဲ့တာတွေ ကျနော်တို့ အစိုးရ လက်ထက်မှာ အဆုံးသတ် ပေးနိုင်ဖို့ လိုပါတယ်။ ”
အမျိုးသား ပြန်လည်ပေါင်းစည်း ညီညွတ်ရေးမှာ တဖက်နဲ့ တဖက် ယုံကြည်မှုဟာ အရေးကြီးတယ်ဆိုတာကို သူ့ရဲ့ အစိုးရက သဘောပေါက်ကြောင်းကိုလဲ သမ္မတက မိန့်ခွန်းထဲမှာ ပြောသွားပါတယ်။
“ကျနော် အခိုင်အမာ သံန္ဓိဋ္ဌာန်ချထားပါတယ်။ ကျနော်တို့ အစိုးရ လက်ထက်မှာ ဒီလို မယုံမရဲဖြစ်နေတဲ့ စိုးရိမ်မှုတွေ မပျောက် ပျောက်အောင် ဖြောက်ဖြစ်ရပါမယ်။ ဒါဟာ ကျနော်တို့ အစိုးရရဲ့ ခံယူချက်လည်း ဖြစ်ပါတယ်။ ကျနော်တို့ တိုင်းရင်းသားတွေ ခံစားနေကြရတဲ့ ခါးသီးတဲ့ ဒဏ်ရာတွေ စူးနစ်တဲ့ အတွေ့အ ကြုံတွေ ပျောက်ဆုံးနေတဲ့ အိပ်မက်တွေ ကျနော်တို့ အားလုံးဖြည့်ဆည်းပေးဖို့ တာဝန်ရှိပါတယ်။”
ကချင်ပြည်နယ်ဖက်မှာ ဆက်ရှိနေတဲ့ တိုက်ပွဲတွေရပ်သွားဖို့နဲ့ ပါတ်သက်လို့တော့ ၂ ဖက် အပစ်အခတ် ရပ်ဆဲဖို့ ခိုင်မာတဲ့ အာမခံချက်တွေလိုတယ်လို့ သမ္မတက ဆိုပါတယ်။ ငြိမ်းချမ်းရေးလိုချင်တဲ့ တိုင်းရင်းသား တွေ သိက္ခာရှိရှိ ရပ်တည်နိုင်ဖို့အတွက်ကိုတော့ အားလုံး ပူးပေါင်းဆောင်ရွက်ပေးဖို့ကို သမ္မတက တိုက်တွန်း ပါတယ်။
“သေနတ်ကိုင်ခဲ့တဲ့ ကျနော်တို့ တိုင်းရင်းသားလူငယ်တွေ Laptop ကိုင်ပြီး ထည်ထည်ဝါဝါ ရပ်တည်နေနိုင်ဖို့ ကျနော်တို့ အားလုံး ဝိုင်းဝန်းကြိုးပမ်းသွားကြရမှာ ဖြစ်ပါတယ်။ ဒီလို ကြိုးပမ်းကြတဲ့ နေရာမှာ ပြည်တွင်း ပြည်ပ ရင်းနှီးမြုပ်နှံမှုတွေ ထောက်ပံ့ ကူညီမှုတွေ ဖိတ်ခေါ်ကြိုဆိုပြီး ဘက်စုံ ထောင့်စုံ ဖြည့်ဆည်းနိုင်အောင် ကြိုးပမ်း ဆောင်ရွက်သွားမှာ ဖြစ်ပါတယ်။ ”
နိုင်ငံတော် စီမံကိန်းတွေမှာ တိုင်းရင်းသား လူငယ်တွေ ပါဝင်နိုင်ဖို့ ဆောင်ရွက်ရမယ်လို့ လဲ ဆိုသွားပါတယ်။ လက်ရှိအစိုးရအဖွဲ့ထဲမှာ သဘောထားပျော့ပြောင်းသူ၊ သဘောထားတင်းမာသူရယ်လို့ မရှိပါဘူးဆိုတာကိုလဲ သမ္မတက ပြည်ထောင်စုလွှတ်တော်မှာ ပြောတဲ့မိန့်ခွန်းထဲမှာ ခုလို ပြောပါတယ်။
“ကျနော်တို့ အစိုးရဟာ ဒီကနေ့ အများပြောနေကြသလို ခေါင်းမာဂိုဏ်း နဲ့ အပျော့ဂိုဏ်း ဆိုပြီး ကွဲပြားနေတာ မရှိပါဘူး။ လူတစ်ဦး ချင်းစီရဲ့ ဗီဇ စရိုက် အမူအကျင့်တွေ ပေါ်မှာ မူတည်ပြီး စီမံခန့်ခွဲမှု ကွဲပြားခြားနားတာက လွဲလို့ ကျနော်တို့ အစိုးရရဲ့ မူဝါဒကို ကျနော်တို့ အားလုံး မမှိတ်မသုန် ယုံကြည်စွာ ဆောင်ရွက် နေကြတာ ဖြစ်ပါတယ်။ ”
အစိုးရဆောင်ရွက်နေတဲ့ ပြုပြင်ပြောင်းလဲရေး လုပ်ငန်းတွေ ခိုင်မာဖို့ လိုအပ်တဲ့အကြောင်းနဲ့ ခေတ်ပြောင်း စနစ်ပြောင်းမှာ ပညာပေးသင့်တာပေး၊ စည်းရုံးသင့်တာ စည်းရုံး၊ အသိပေး၊ သတိပေး အရေးယူတာတွေ သင့်သလိုလုပ်နေတဲ့အကြောင်းတွေကိုလဲ သူ့ရဲ့ မိန့်ခွန်းထဲမှာ ပြောသွားပါတယ်။ ရပ်ကွက် ကျေးရွာ အဆင့်အထိ အုပ်ချုပ်ရေး ယန္တရားကို ပြင်ဆင်ဖွဲ့စည်းနေတဲ့နေရာမှာ ခေတ်အဆက်ဆက် စူးဝင်နေတဲ့ ဆူးတွေကို ဖယ်နိုင်ဖို့ ခိုင်မာတဲ့ ဥပဒေ၊ နည်းဥပဒေတွေနဲ့ တည်ဆောက်နေတယ်လို့ ဆိုပါတယ်။ ဝန်ထမ်းတွေ လစာတိုးမြှင့်ရေးကိစ္စနဲ့ ပါတ်သက်လို့ လက်ရှိ နိုင်ငံတော်ရဲ့ ငွေကြေးအခြေအနေ၊ ပြည်ပချေးငွေ တွေအပေါ် မူတည်ပြီး သင့်ရင် သင့်သလို လစာတိုးရေးကို ကြိုစားသွားမယ်လို့ ပြောပါတယ်။ ဒါပေမဲ့
“လစာတိုးပေးရေး ဆွေးနွေးမှုတွေ ကြောင့် အရပ်ရပ် ကုန်ဈေးနှုန်းတွေ ရုတ်တရက် တက်လာတာကိုလည်း တွေ့ရှိရပါတယ်။ ကျနော်တို့ ဝန်ထမ်းတွေ လစာတိုးမြှင့်ပေးလိုက်လို့ ခံစားရမယ့် အစိုးရ ဝန်ထမ်းမဟုတ်တဲ့ ၅၈ သန်းသော ပြည်သူတွေဟာ ဒီ နောက်ဆက်တွဲ အကျိုးဆက်ကို ကိုယ်တိုင်ကိုယ်ကျ ကြုံတွေ့ရမှာ ဖြစ်ပါတယ်။ ကိုယ့်ရဲ့ ယန္တရား တစ်ရပ်ထဲကို ဘဲ အလေးပေး စဉ်းစားလို့ မဖြစ်တဲ့ အခြေအနေမှာ ကျနော်တို့ အနေနဲ့ လစာ သို့မဟုတ် ထောက်ပံ့ကူညီမှုတွေကို တိုးမြှင့်နိုင်ဖို့ ခြုံငုံစဉ်းစား ဆောင်ရွက်ပေးသွားမှာ ဖြစ်ပါတယ်။”
စီးပွားရေး၊ ကျန်းမာရေး၊ ပညာရေး ပြုပြင်ပြောင်းလဲမှုတွေလုပ်နေတာတွေကိုလဲ ဒီမိန့်ခွန်းမှာ ထည့်ပြော သွားပါတယ်။ မြန်မာနိုင်ငံမှာ ရင်းနှီးမြှုပ်နှံမှုတွေ လုပ်လာဖို့အတွက်ကိုလဲ သမ္မတဦးသိန်းစိန်က မိန်းခွန်းထဲ ကနေတ တဆင့် ဖိတ်ခေါ်ပါတယ်။ နိုင်ငံတကာ ဆက်ဆံရေးနဲ့ ပါတ်သက်လို့လဲ
“နိုင်ငံတကာဆက်ဆံရေး နယ်ပယ်မှာ အရှေ့အနောက် ခွဲခြားခြင်းမရှိဘဲ ကမ္ဘာ့နိုင်ငံအားလုံးနဲ့ ရင်းနှီးချစ်ကြည် စွာ ဆက်ဆံသွားမှာဖြစ်သလို နိုင်ငံတကာမိသားစုရဲ့ အားပေးကူညီမှုတွေ ပူးပေါင်းဆောင်ရွက်မှုတွေ ရင်းနှီး မြုပ်နှံမှုတွေ ထောက်ပံ့ကူညီမှုတွေကို နွေးထွေးစွာ လက်ကမ်းကြိုဆိုသွားမှာဖြစ်ပါတယ်။”
စစ်အစိုးရရနေ အရပ်သားအစိုးရအဖြစ် အသွင်ပြောင်းခဲ့ပြီးနောက်မှာ အစိုးရရဲ့ ဆောင်ရွက်ချက်တွေ၊ ရှေ့ဆက်လုပ်မယ့် ကိစ္စတွေကို သမ္မတက ပထမဆုံး ပြည်သူကို အသိပေးပြောကြားတဲ့ မိန့်ခွန်းလဲ ဖြစ်ပါတယ်။

အီရန်ဘာသာရေးခေါင်းဆောင် မဲပေးဖို့တိုက်တွန်း
By ဗွီအိုအေ (မြန်မာဌာန)
အီရန်ပါလီမန်ရွေးကောက်ပွဲတွေကို ဒီကနေ့ ပြုလုပ်နေတာမှာ သဘောထားတင်းမာသူ ရှေးရိုးစဉ်လာသမားတွေ ကြားမှာပဲ သမ္မတ မာမွတ်အမာဒီနီဂျတ် (Mahmoud Ahmadinejad) ကို ထောက်ခံသူတွေနဲ့ ဆန့်ကျင်သူတွေရဲ့ အားပြိုင်ပွဲအဖြစ် တွေ့မြင်နေကြရပါတယ်။
အီရန်ပါလီမန်ရဲ့ အမတ်နေရာ ၂၉၀ အတွက် ၀င်ရောက်ယှဉ်ပြိုင်ကြသူ ကိုယ်စားလှယ်လောင်း ၃,၄၀၀ ထဲမှာ အပြောင်းအလဲလိုလားသူတွေ အနည်းငယ်တော့ ပါဝင်နိုင်ပါတယ်။ ၂၀၀၉ ခုနှစ် က သမ္မတ အမာဒီနီဂျတ် ပြန်ပြီး အရွေးခံတာကို ဆန့်ကျင်ကန့်ကွက်တဲ့ လူထုဆန္ဒပြပွဲတွေ ပြုပြင် ပြောင်းလဲရေးလှုပ်ရှားမှုတွေကို ရှေးရိုးဝါဒီတွေရဲ့ အစိုးရနဲ့ အီရန်ကို တကယ်တမ်း လွှမ်းမိုးချုပ်ကိုင်ထားကြတဲ့ ဘာသာရေးခေါင်းဆောင်တွေက ဖြိုခွင်းနှိပ်ကွပ်ခဲ့ကြပါတယ်။ ဒီကနေ့ ပါလီမန်ရွေးကောက်ပွဲမှာ မဲပေးခွင့် ရှိသူပေါင်း ၄၈ သန်းကျော် ရှိပါတယ်။
အီရန်ရဲ့ ဘာသာရေးခေါင်းဆောင် အယာတိုလာခါမေနီက ဒီကနေ့ ရွေးကောက်ပွဲမှာ လူထုကို မဲလာပေးကြဖို့ မေတ္တာ ရပ်ခံလိုက်ပြီးတော့ အခုလို အင်နဲ့အားနဲ့ မဲလာပေးခြင်းဖြင့် အီရန်ရဲ့ စီးပွားရေးကိုထိခိုက်စေဖို့ အီရန်ရဲ့ရန်သူ အနောက်နိုင်ငံတွေက ချမှတ်ထားတဲ့ အရေးယူ ပိတ်ဆို့ဒဏ်ခတ်မှုတွေကို အံတုပြသရာရောက်တယ်လို့ ပြောဆိုလိုက်ပါတယ်။
အီရန်နိုင်ငံရဲ့ နျူကလီးယားစွမ်းအင်အတွက် လုပ်ဆောင်နေမှုကနေ နျူကလီးယားလက်နက်တွေ ထုတ်လုပ်လာမှာကို စိုးရိမ်တဲ့အတွက် နျူကလီးယားအစီအစဉ်တွေ ရပ်ဆိုင်းစေရေး ဖိအားပေးတဲ့အနေနဲ့ အနောက်နိုင်ငံတွေက အီရန်ကို စီးပွားရေးအရ အရေးယူ ပိတ်ဆို့ဒဏ်ခတ်မှုတွေ လုပ်ဆောင်နေတာ ဖြစ်ပါတယ်။

နိုင်ငံရေးပါတီတချို့ EU တွေ့ဆုံ
By မနန္ဒာချမ်း
မြန်မာနိုင်ငံမှာ ရောက်နေတဲ့ အာဆီယံနိုင်ငံများနဲ့ ဆက်ဆံရေး ဥရောပ ပါလီမန်ကိုယ်စားလှယ်အဖွဲ့ဟာ ဒီကနေ့ ရွေးကောက်ပွဲ ၀င် နိုင်ငံရေး ပါတီတချို့နဲ့ တွေ့ဆုံခဲ့ပြီး - မြန်မာနိုင်ငံမှာ ကျင်းပဖို့ရှိတဲ့ ကြားဖြတ်ရွေးကောက်ပွဲ လွတ်လပ်မျှတမှု ရှိနိုင် - မရှိနိုင်ဆိုတဲ့အပေါ် ဆွေးနွေးခဲ့ပါတယ်။ နောက်ပြီးတော့ ကြားဖြတ် ရွေးကောက်ပွဲရဲ့ နောက်ပိုင်းမှာ ဖြစ်ပေါ်လာမယ့် လွှတ်တော်တွင်း အခြေအနေတွေနဲ့ ပတ်သက်ပြီး ဆွေးနွေးခဲ့ကြပါတယ်။ နိုင်ငံရေး ပါတီတွေဘက်ကတော့ - ဒီကြားဖြတ်ရွေးကောက်ပွဲဟာ ပြီးခဲ့တဲ့ ၂၀၁၀ ရွေးကောက်ပွဲထက် တော့ ပိုပြီး လွတ်လပ်မျှတမှုရှိနိုင်တဲ့အကြောင်း တင်ပြခဲ့တယ်လို့ ဆိုပါတယ်။