ဘ၀အမောတွေ ပြေပျောက်ဖို့ ဟာသလေးတွေဖတ်ကြစို့..
by Moenge Aung on Monday, November 7, 2011 at 9:24am
ုအထင်မသေးပါနဲ့
`ဒီကားက ကျနော် စိတ်တိုင်းကျ ဆင်ထားတာပါ
သိပ်ကိုမာပါတယ်..ကုန်ကုန်ပြောရရင် သုံးတန် ကား
နဲ့တိုက် ဘာမှမဖြစ်စေရဘူး၊ဓါတ်တိုင်ကို ၀င်တိုက်
ဓါတ်တိုင်သာကောက်သွားမယ်၊ကားကတော့ အိုကေပဲ..
အုတ်တံတိုင်း ၀င်ဆောင့်ဦး..အုတ်တံတိုင်းပဲ ပြိုသွားမယ်..´
`နေပါဦး...မင်းက ဦးလေး ကို ကားတစီးဝယ်ပြီး တွေ့ရာ
လိုက်တိုက်နေမယ်ထင်နေလို့လားးး´ ဟူသတည်း။
--------------------------------------------------------------------------------------------------------------------------------------------------------------------------
ငါ့ကားရဲ့အစွဲ
`သူငယ်ချင်း မင်းကားဝယ်လိုက်ပြီဆို..´
`အေးကွ ကားဝယ်လိုက်တော့မှ ကားတွေမှာ အစွဲရှိတယ်ဆိုတာ
ငါသိတော့တယ်..တချို့ကား ကရှေ့ခန်းမှာ မိန်းကလေး တင်လို့
မရဘူး တင်တာနဲ့ ပျက်ရော...´
`အခု မင်းဝယ်တဲ့ ကားကရော..´
`ငါ့ကား အစွဲ က ဆန်းတယ်ကွာ...သူငယ်ချင်းတင်လို့မရဘူးးး´ ဟူသတည်း။
--------------------------------------------------------------------------------------------------------------------------------------------------------------------------
ဝယ်ချင်စရာ
ကိုချမ်းသာက သတင်းစာထဲ က ကြော်ငြာကို ဖတ်ပြီး...
`တို့ ဒီကားဝယ်ရရင်မကောင်းဘူးလားးးငါတော့ ကြော်ငြာဖတ်တာနဲ့တင်
ဝယ်ချင်စိတ်ပေါက်သွားပြီ..´
`ဖတ်ပြစမ်းပါဦးးးဘယ်လိုကြော်ငြာထားလို့လဲ..´
`ကားရောင်းရန်ရှိသည်။အင်ဂျင်ကောင်းသည်။ဘော်ဒီလှသည်။ဇနီးနှင့် ကလေး
(၃) ယောက်သာ ဆန့်မည်။ယောက္ခမ၊ယောက်ဖ နှင့် ခယ်မ တို့ လမ်းကြုံလိုက်ရန်
နေရာမရှိပါတဲ့...´ဟူသတည်း။
--------------------------------------------------------------------------------------------------------------------------------------------------------------------------
တော်သေးတယ်
`ကျုပ်မိန်းမ က အချက်အပြုတ်တတ်ပေမယ့် ပျင်းတယ်ဗျာ...
ဆိုင်ကပဲ ၀ယ်စားနေရတာ များပါတယ်..´
တော်သေးတာပေါ့....ကျုပ်မိန်းမ ကတော့ အချက်အပြုတ်
မတတ်ပဲ အမြဲချက်နေလို့ မနည်းမျိုချနေရတယ်..´ ဟူသတည်း။
--------------------------------------------------------------------------------------------------------------------------------------------------------------------------
ပိုသနားတယ်
လံဘားတို့ ဘောလုံးကန်တာကို လာကြည့်ပြီးပွဲပြီးတော့ သူငယ်ချင်းက
`လံဘားရာ မင်းကန်နေတဲ့ကွင်းရော...မင်းကန်နေတဲ့ အသင်းရော....
အရမ်းနိမ့်တာပဲ....မင်းကိုငါသနားတယ်...´
`အေးကွာ....ငါကလည်း မင်းကို သနားနေတာပဲ....ငါတို့လို့ ခပ်နိမ့်နိမ့်ကောင်တွေ
ကန်နေတာကိုပဲ မင်းက ဘေးမှာ ထိုင်ငေးနေရတဲ့ အဆင့်ပါလားလို့လေ....´ ဟူသတည်း။
--------------------------------------------------------------------------------------------------------------------------------------------------------------------------
သက်သာမယ်
`င့ါ သမီး အမေက တော့ သမီးကို ဦးသာပိန်ရဲ့မြေးလေးနဲ့ပဲ ယူစေချင်တယ်.....´
`အို...သူ့မှာ ဘာအလုပ်မှ မရှိဘူးးးတနေကုန် အလေးပဲမနေတာ..´
`ဟဲ့...ညဉ်းခု ကြိုက်နေတဲ့ ကောင်လေးကရော အလုပ်ရှိလို့လားးးလုပ်ကျွေးရမှာချင်း
တူတူ အ၀တ်အစားဖိုး သက်သာတာ ယူရတယ်...ဦးသာပိန်ရဲ့မြေး က စွပ်ကျယ်
လက်ပြတ် ၀ယ်ပေးထားရင် ပြီးရော...´ ဟူသတည်း။
--------------------------------------------------------------------------------------------------------------------------------------------------------------------------
မက်စရာပေါ့
`ကျနော် အဲ့ဒီကောင်မလေး ကိုလက်ထပ်ချင်တယ် အဖေ..´
`စဉ်းစားပါဦးကွာ...သူ့အဖေ့ အူတူတူ..သူ့အမေ က အတတ
တစ်ရက်နေလို့မှ စကား သုံးခွန်းပြည့်အောင်မပြောဘူးးး။အဲ့ဒီ
ကောင်မလေး ကလည်း ဟုတ်ကဲ့ရှင့်၊နေကောင်းပါတယ်ရှင့်၊ကျေးဇူးတင်ပါတယ်ရှင့်
က လွဲရင် တခြားစကားပြောမှပြောတတ်ရဲ့လားမသိဘူးးးကဲ..ဘာများမက်စရာရှိလို့လဲကွာ...´
`ဟာ...အဖေ ခုပြောသွားတာတွေက အားလုံးမက်စရာတွေလေ....´ဟူသတည်း။
--------------------------------------------------------------------------------------------------------------------------------------------------------------------------
ဘာအတွက်လဲ
`ဒါ...ကျနော်တို့နောက်ထုတ်မယ့် ကားဒီဇိုင်းလေ..´
သုံးပေ အနက် ချောင်းကို ကောင်းကောင်း
ဖြတ်နိုင်တယ်...၁ပေ ရွှံ့တော ကို ရုန်းနိုင်မယ်..
၂ ပေ အမြင့် ကန်သင်းရိုးကို ကျော်နိုင်တယ်..´
`ထယ်သွားကို ဘယ်နားမှာတပ်မှာလဲ..´
`ဟာ...ဒါက မြို့ပေါ်လူစီးဖိ်ု့လေ...´
`ဒါနဲ့များ.........´ ဟူသတည်း။
--------------------------------------------------------------------------------------------------------------------------------------------------------------------------
သင်ခန်းစာပေးချင်လို့
`မင်းကားပေါ်မှာ ငွေ တသိန်း ပါတဲ့ အိတ်ကျန်နေခဲ့တာကို
မင်းက ပြန်မပေးဘူးဆို..´
`ကိုယ်ချင်းစာမိလို့ပါကွာ....ငါသာ..အဲ့သလိုပျောက်ရင်
တော်တော်ခံစားရမှာ...နောက်ပေါ့ပေါ့ဆဆ မလုပ်မိဖို့လည်း
နောင်တရမိမှာ....ဘ၀တွက် တန်ဖိုးကြီးမားတဲ့ သင်ခန်းစာ ဖြစ်မှာပဲ...
အဲ့လို တွေးမိသွားလို့ ငွေပြန်မပေးတော့တာ...´ဟူသတည်း။
--------------------------------------------------------------------------------------------------------------------------------------------------------------------------
တိုက်တဲ့နေရာ
“ဟဲလို...ဖေဖေလား..”
“ပြော....သာ....”
“သားရဲ့ ကားနဲ့ လယ်ထွန်စက်နဲ့တိုက်မိလို့..”
“ဟေ..ဟုတ်လား...ထွန်းစက်တွေ ကို ဘာလို့ ကားလမ်းပေါ်ပေးမောင်းရပါလိမ့်ကွာ...ကဲ နေရာ ပြောစမ်းသား...ဖေဖေလိုက်လာခဲ့မယ်..”
“ဟုတ်...အရှေ့ဘက်မြို့ အထွက် လမ်းက လယ်ကွက်ထဲမှာ...”ဟူသတည်း။
--------------------------------------------------------------------------------------------------------------------------------------------------------------------------------
ဝေခွဲမရလို့
အရက်အမူးလွန်ပြီး အိမ်တံခါးဝမှာ ထိုင်နေတဲ့သူကို ကင်းလှည့်လာတဲ့ ရဲက ရပ်ပြီးမေးတယ်။
“ခင်ဗျား အိမ်တံခါးဝမှာထိုင်ပြီးဘာလုပ်နေတာလဲ...”
“ကျွန်တော်လည်းအဲ့တာပဲ စဉ်းစားနေတာပါဗျာ..အိမ်ထဲက ထွက်လာတာလားးးးဝင်မလို့လားဆိုတာ ဝေခွဲမရလို့ပါ..”
---------------------------------------------------------------------------------------------------------------------------------------------------------------------------
အများနဲ့တစ်ယောက်
လူတယောက်သူ့ အခန်းထဲမှာ လေမှုတ်တူရိယာ လေ့ကျင့်နေတုန်း ဘေးအခန်းကလူရောက်လာပြီး
“ကျွန်တော် ဟိုဖက်အခန်းမှာနေပါတယ်..”
“ဟုတ်လားးးး”
“ကျွန်တော်က ညစောင့်လုပ်ရတာပါ..”
“ဟုတ်ကဲ့...ဒီတော့..”
“နေ့မှာပဲ အိပ်ရတာမို့ ခင်ဗျားလေ့ကျင့်တာညဘက်ပြောင်းလို့ရမလား..”
“၀မ်းနည်းပါတယ်ဗျာ....တစ်ရပ်ကွက်လုံးက နေ့မှာ အလုပ်သွားပြီး ညမှာ အိပ်ကြလို့ပါ...” ဟူသတည်း။
---------------------------------------------------------------------------------------------------------------------------------------------------------------------------
ဟုတ်သားပဲ
“ကားမောင်းသက် ဘယ်လောက်ရှိပြီလဲ”
“အနှစ် (၃၀) ပါ...”
“ယာဉ်တိုက်မှု ဖြစ်ဖူးသလား”
“တစ်ခါမှမဖြစ်ဖူးပါဘူး”
“ခွေးလေးးးးကြက်လေးတောင်မတိုက်ဖူးဘူးလား”
“မတိုက်ဖူးပါဘူး”
“၀င်းတံခါး၊ခြံတံခါး၊သစ်ပင် ဆိုတာမျိုးရော...”
“ဟင့်အင်း မတိုက်ဖူးပါဘူးဗျာ...”
“ဟုတ်ရဲ့လားဗျာ...”
“အဟုတ်ပါ..”
“ခင်ဗျား က ဘာကားမောင်းတာလဲ..”
“လယ်ထွန်စက်..” ဟူသတည်း။
---------------------------------------------------------------------------------------------------------------------------------------------------------------------------
စေတနာ
“ဟ....ဧည့်သည်ကို လက်ဆောင်ပေးဖို့ဆိုကာမှ
ဘာလို့ အသီးသေးသေးလေးတွေ ၀ယ်လာရတာလဲ..”
“အို...ကျုပ်က စေတနာနဲ့ပါတော်...
သူ သယ်သွားရတဲ့ အခါ လေးနေမှာ စိုးလို့ပါ...” ဟူသတည်း။
---------------------------------------------------------------------------------------------------------------------------------------------------------------------------
သိရင်ဖြေမှာပေါ့
လုပ်ငန်းခွင်သို့ အင်တာဗျူးဖြေပြီး ထွက်လာသူကို ဖြေဖို့စောင့်နေသူတွေက မေးတယ်...
“မေးခွန်းတွေ က လွယ်ရဲ့လား”
“လွယ်ပါတယ်..ရိုးရိုးရှင်းရှင်းလေး တွေမေးတာပါပဲ..အဲ ဖြေရတာတော့ ခက်တယ်...”
“ဟုတ်လား.. ဘယ်လိုမေးတာလဲ”
“သစ်သီးပုံပြပြီး ဒါဘာသီးလဲတဲ့”
“အဲ့တာဘာသီးလဲ”
“ဟာ...သိရင်ဖြေခဲ့မှာပေါ့...” ဟူသတည်း။
---------------------------------------------------------------------------------------------------------------------------------------------------------------------------
စေတနာပိုတယ်
ထမင်းစားပွဲ ကနေ ဒေါ်စိန်ဥ က
“ဂျမ်းစိန်”
“ရှင်...”
“အတို့အမြှပ်တွေ ပေါ် က ဘာတွေလဲ..”
“အသီးအရွက်ဖြန်းတဲ့ ပိုးသတ်ဆေးတွေ ပါ..မေမေကြီးတို့ စားရင် အန္တာရာယ်မဖြစ်အောင် ဖြန်းပေးထားတာပါ..”ဟူသတည်း။
---------------------------------------------------------------------------------------------------------------------------------------------------------------------------
တွေးပေးပါ
“ကျွန်တော်ထွင်နေတဲ့ကားလေ။
ဒီခလုတ်ကိုနှိပ်လိုက်တာနဲ့ ထိုင်ခုံအောက် ကနေ
စပရင် က ကန်ထွက်ပြီး လူအပေါ်မြောက်တက်သွားမယ်၊
အဲ့ဒီ ထိတော့ အိုကေပဲ..ကျွန်တော်ဆက်တွေးမရတာရှိနေလို့
လုပ်ငန်းက တ၀က်မှာ ရပ်နေတာ...”
“ဟုတ်လား ဘာများပါလိမ့်..”
“အဲ့ဒီ မြောက်တက်သွားတဲ့သူ ဘာဖြစ်မလဲဆိုတာ...” ဟူသတည်း။
--------------------------------------------------------------------------------------------------------------------------------------------------------------------------
--------------------------------------------------------------------------------------------------------------------------------------------------------------------------
တွေ့တဲ့ အခက်အခဲ
“ကျုပ်ကားဆင်နေတာလေ..
ဒါက ရေခဲသေတ္တာ ဒီမှာ အဲကွန်း
ဘေးက VCD စက်။မော်နီတာ က ဒီမှာထိုင်မယ်
ဘေးတံခါးကနေ စားပွဲ ဆွဲထုတ်လို့ရတယ်
နောက်မှီထဲမှာ ပန်ကန်ပြား၊ဇွန်း ခက်ရင်း အစုံပါတယ်
နောက်ခန်းထဲမှာက ပေါင်းအိုး၊ပေါ့အိုး၊ပါတယ်...”
“ အတော် ကို ပြည့်စုံနေတာပဲ..”
“ နောက်ဆုံးအဆင့် အခက်တွေ့နေလို့..”
“ဘယ်လိုအခက်အခဲလဲ...”
“အင်ဂျင် ဘယ်နားမှာ တပ်ရမလဲ..မသိတာ...”ဟူသတည်း။
--------------------------------------------------------------------------------------------------------------------------------------------------------------------------
ဒေါသ ဖြစ်လွန်းလို့
ရာသီဥတု က မိုးစွေပြီး စိမ့်အေးနေသည်။ ထိုအချိန်မှာ ဦးသာဝ ထိုင်နေရာသို့ လူငယ်တယောက်ဝင်လာပြီး လက်ကမ်းကြော်ငြာတခု
ပေးသည်။ဦးသာဝ သည် ထိုကြော်ငြာ ကို ဖတ်ကြည့်ရင်း ကြော်ငြာဝေသွားသော လူငယ်အား တဗျစ်တောက်တောက်နှင့် အပြစ်တင် နေသည်။ထိုအခါ ဦးသားဝ ၏ မိန်းမ ဖြစ်သူက “ တော်ဟာ.လေ...အလကားနေရင်း ဒေါသသင့်နေတာပဲ..လာဝေတဲ့ကြော်ငြာ
မဖတ်ချင်ရင်ဘေးချထားပေါ့..ဖတ်ပြီးတော့လည်း ကိုယ်နဲ့ မဆိုင်ရင် ဘေးချထားပေါ့တော်...”သည်တွင်ဦးသာဝ ပြန်ပြောလိုက်သည် က
“ ဖတ်ကြည့်မိတာနဲ့ဒေါသ ဖြစ်လွန်းလို့ပါကွာ...ဒါလောက်မိုးစိမ့်ပြီး အေးနေတာကို ရေကူးသင်တန်း တန်းခွဲသစ် မနက် ၆း၃၀ ဖွင့်မယ်တဲ့လေ...” ဟူသတည်း။
--------------------------------------------------------------------------------------------------------------------------------------------------------------------------------
အားနည်းချက်
-------------------
ဘောလုံးပွဲ တပွဲတွင် ၆ ဂိုးပြတ်ဖြင့်ရှု့းသွားသော အသင်း ၏ ဂိုးသမားဖြစ်သူထံ သို့ ဂျာနယ်လစ် တယောက် က သွားရောက်မေးမြန်းလေ
သည်-
လစ် ။ ။“ ခင်ဗျားတို့ အသင်း ၆ ဂိုးပြတ် နဲ့ ရှုံးသွားတယ်ဆို..”
ဂိုး ။ ။“ ဟုတ်ပါတယ်”
လစ် ။ ။“ခင်ဗျားက ဂိုးသမား မဟုတ်လား”
ဂိုး ။ ။“ ဟုတ်ပါတယ်..”
လစ် ။ ။“ ခုလို ၆ ဂိုးနဲ့ ရှုံးရတဲ့ အပေါ်မှာ ဂိုးသမားတယောက်ရဲ့ ခံစားချက်လေး ပြောပြပါဦး”
ဂိုး ။ ။“ဟုတ်ကဲ့....ကျနော်တို့ အသင်းရဲ့ တိုက်စစ်မှုးတွေ တဖက် အသင်းဘက်ကို ၇ ဂိုးမသွင်းနိုင်လို့ အားမလိုအားမရ ဖြစ်မိပါတယ်.”
လစ် ။ ။“ ဂိုးပေးလိုက်ရတဲ့ အပေါ် ခင်ဗျားရဲ့ ခံစားချက်လေး ”
ဂိုး ။ ။“အော်..တို့ အသင်းရဲ့ နောက်တန်းလူတွေ အတော်ညံ့ပါလားလို့ အသိရလိုက်ပါတယ်” ဟူသတည်.။
---------------------------------------------------------------------------------------------------------------------------------------------------------------------------
တွေးကြည့်ပါဦး
--------------------
တခါက လူသုံးယောက် ငရဲပြည်ကိုရောက်လာသည်...ဒီတော့ သကြားမင်း က အဲ့ ဒီလူတွေ ကို နတ်ပြည်ပေးဖို့တောင်းသည်..ငရဲမင်းက
လည်းမပေးဘူးးဒီတော့ သိကြားမင်း က “ ငရဲမင်း ခင်ဗျားကို တရားစွဲရမလား ” ထိုအခါ ငရဲမင်းပြောလိုက်သည်က
“စွဲချင်စွဲလေ ၊ မစွဲခင် စဉ်းစဉ်းစားစားလည်းလုပ်ပါ ဗျာ...ရှေ့နေတွေ ဘယ်မှာ ရှိတယ်ဆိုတာကိုလေ..” ဟူသတည်း။
---------------------------------------------------------------------------------------------------------------------------------------------------------------------------
စေတနာနဲ့ပါ
-----------------
အလုပ်နောက်ကျနေတဲ့ စာရေးကြီးကို မန်နေဂျာ က -
“ခင်ဗျား အလုပ်ကို တနာရီလောက်စောလာလို့မရဘူးလား”
“ကျနော်နေတဲ့ လမ်းက လူတွေ က မနက် ၆ နာရီမှ ထကြလို့ပါ”
“လမ်းထဲ က လူတွေ ၆ နာရီ မှထတာနဲ့ ခင်ဗျားနဲ့ ဘာဆိုင်သလဲ..ခင်ဗျားကို စောစောလာဖို့ ပြောတာလေ..”
“ဟုတ်ပါတယ်ခင်ဗျာ...ဒါပေမယ့် ကျနော် စောစော ထပြီး ကားစက်နှိုးလိုက်ရင် တလမ်းလုံးလန့်နိုးလာကြမှာစိုးလို့ပါ” ဟူသတည်း။
---------------------------------------------------------------------------------------------------------------------------------------------------------------------------
ပြေးလိုက်ပုံက
------------------
သူငယ်ချင်းတယောက် က ကားပိုင်ရှိသောသူငယ်ချင်းကို-
“မင်းရဲ့ ကား တော်တော်မှ ပြေးရဲ့လား”
“ပြေးပါသော်ကော သယ်ရင်းရာ သစ်ပင်ကို ၀င်တိုက်မိလို့ ကားဘော်ဒီ က ရပ်နေတာတောင် ဘီး က ကိုက် ၃၀၀ လောက်ပြေးလိုက်သေးတယ်” ဟူသတည်း။
---------------------------------------------------------------------------------------------------------------------------------------------------------------------------
မလိမ်ပါဘူး
--------------
“ဟဲလို....ကားဝပ်ရှော့ကလား..”
“ဟုတ်ကဲ့..”
“ခင်ဗျားတို့ ပြင်ပေးလိုက်တဲ့ ကားက ဘရိတ်မမိဘူးဗျာ..”
“ဟာ...ဟုတ်လို့လားဗျာ ကျုပ်တို့သေသေချာချာ ပြင်ပေးလိုက်တာပါဗျာ...”
“ဟာဗျာ....ကျနော် က ဘရိတ်မနင်းပဲ အလကားနေရင်း သစ်ပင်ကို ၀င်တိုက်ပါ့မလားဗျာ..” ဟူသတည်း။
------------------------------------------------------------------------------------------------------------------------------------------------------------------------------
ဝန်ဆောင်မှု
----------------
“ထူးခြားသော ၀န်ဆောင်မှုများပေးနေပါပြီ ဆိုပြီး ဆိုင်းဘုတ်ထောင်ထားလို့လာစားတာ အရင်တိုင်းပါပဲလားကွာ...ဟင်းတွေ ကလည်း
မာလိုက်တာ..မင်းတို့ ရဲ့ ထူးခြားသော ၀န်ဆောင်မှု ဆိုတာ ဘာလဲကွ..”
“ဟုတ်ကဲ့...သွားအထူးကု ဆရာဝန်ခေါ်ထားပါတယ်ဆရာ..” ဟူသတည်း။
---------------------------------------------------------------------------------------------------------------------------------------------------------------------------
အဆင်ပြေပါတယ်
-----------------------
“ခင်ဗျား အခုအုပ်ချုပ်ရတဲ့ဌာနမှာ ၀န်ထမ်း ဘယ်လောက်ရှိသလဲ..”
“၄၀ ပါ..”
“ဒီအခန်း ကလူ ၂၅ယောက်ပဲ အလုပ်လုပ်လို့ရတာမလား ၄၀ တောင်လုပ်လို့ရလို့လား”
“ရပါတယ်..၁၅ ယောက်လောက်က အမြဲပျောက်နေတော့ လုပ်ရတာ အဆင်ပြေပါတယ်ဆရာ...” ဟူသတည်း။
----------------------------------------------------------------------------------------------------------------------------------------------------------------------------
ပျက်မှာပေါ့
--------------
လူတယောက ကားပွဲစားဆီ ကို ဖုန်းဆက်လိုက်တယ်..
“ဟဲလို ”
“ပြောပါ..”
“မနေ့ က ပဲ ခင်ဗျား ၀ယ်ပေးလိုက်တဲ့ကားလေ ခုပဲ ၀ပ်ရှော့ပို့လိုက်ရပြီ ခင်ဗျား ဘာပြောဦးမလဲ ဘာလို့ ဒီလောက်မြန်မြန်ပျက်ရတာလဲ”
“ခင်ဗျား မောင်းကြည့်လို့နေမှာပေါ့ ဘယ်ကားမှ ရပ်ထားရင် အလိုလိုတော့မပျက်ပါဘူး ” ဟူသတည်း။
အာမခံတယ်
“ဆရာတို့ ထုတ်လုပ်တဲ့ကားတွေမှာ
ဘယ်လို အာမခံချက်တွေ ပေးထားလဲဆိုတာ သိချင်လို့ပါ..”
“အလိုလိုနေရင်းတော့ မပျက်စေရဘူး
အာမခံတယ်။ ယာဉ်မောင်းသူကြောင့် ပျက်တာတော့
ကျွန်တော်တို့ တာဝန်မယူပါဘူးးး” ဟူသတည်း။
-------------------------------------------------------------------------------------------------------------------------------------------------------------------------
0 comments:
Post a Comment