28.11.2011 နေ့ဖတ်ရန်သတင်းများ

by Myanmar Journal on Monday, November 28, 2011 at 6:58am

 

မစ္စစ် ကလင်တန်ရဲ့ ခရီးစဉ်အပေါ် သုံးသပ်ချက်

အစိုးရရဲ့ စိတ်ရင်းအမှန်ကို သိရဖို့ မြန်မာနိုင်ငံ ကို သွားမှာ ဖြစ်တယ်လို့ မစ္စစ် ကလင်တန် ပြော
လာမယ့် နိုဝင်ဘာလ ၃၀ရက်နေ့မှာ အမေရိကန် နိုင်ငံခြားရေး ဝန်ကြီး မစ္စစ် ကလင်တန်ရဲ့ မြန်မာနိုင်ငံ ခရီးစဉ် စတင်မှာ ဖြစ်ပါတယ်။
ဒါဟာ နှစ်ပေါင်း ၅၀အတွင်းမှာ အမေရိကန် နိုင်ငံခြားရေး ဝန်ကြီး တဦးရဲ့ ပထမဆုံး မြန်မာနိုင်ငံ ခရီးစဉ် ဖြစ်ပါလိမ့်မယ်။

အခုလို အမေရိကန် နိုင်ငံခြားရေး ဝန်ကြီး မြန်မာနိုင်ငံကို လာရောက်ခြင်းဟာ မြန်မာနိုင်ငံနဲ့ အမေရိကန်နိုင်ငံတို့အကြား နှစ်နိုင်ငံချင်း ဆက်ဆံရေး တိုးတက် မြင့်မားစေဖို့ လမ်းစဖော်နိုင်သလို မြန်မာနိုင်ငံမှာ ဒီမိုကရေစီ လူ့အဖွဲ့အစည်း တရပ် တည်ထောင်နိုင်ရေးအတွက်လည်း အပြုသဘော ဆောင်တဲ့ အခြေအနေတွေ ဖြစ်ပေါ်စေမယ်လို့ မျှော်လင့်ကြောင်း မြန်မာနိုင်ငံ လူ့အခွင့်အရေး ကော်မရှင်က ကြိုဆိုလိုက်ပါတယ်။
အာရှ ပစိဖိတ်ဒေသဖက်ကို အာရုံ ထားလာတဲ့ အမေရိကန် အစိုးရရဲ့ ပေါ်လစီမှာ မြန်မာနိုင်ငံ ဟာ အရေးပါတဲ့ အခန်းကဏ္ဍမှာ ရှိနေတယ်လို့ LSE လန်ဒန် စီးပွားရေး တက္ကသိုလ် အပြည်ပြည်ဆိုင်ရာ ဌာနက ပညာရှင် ဒေါက်တာ ဇာနည်က သုံးသပ်ပါတယ်။
မြန်မာနိုင်ငံဟာ အမေရိကန်အတွက် စီးပွားရေးအရ အရေးပါသလို အရှိန်သြဇာ ကြီးထွား လာနေတဲ့ တရုတ်က မြန်မာနိုင်ငံကို ခြေကုတ်ယူပြီး စစ်အင်အား ချဲ့ထွင်လာမှာကို မလိုလား တဲ့ အမေရိကန် အစိုးရဟာ မြန်မာနဲ့ အခုလို ဆက်ဆံရေး တိုးမြှင့် ထားရှိလာတာ ဖြစ်တယ် လို့ ဒေါက်တာဇာနည်က ပြောပါတယ်။
မြန်မာအစိုးရ အတွက်ကတော့ တရုတ်၊ အာဆီယံ တို့ကို အသုံးချလာခဲ့သလို အခုလည်း အမေရိကန်တို့၊ ဂျပန်တို့ကို မြန်မာနိုင်ငံရဲ့ နိုင်ငံခြား ဆက်ဆံရေးထဲ ပါလာအောင်လုပ်ပြီး အသုံးချသွားမယ်လို့ ယူဆရကြောင်း ဒေါက်တာ ဇာနည်က သူ့အမြင်ကို ပြောပြပါတယ်။
အမေရိကန်ဖက်က မြန်မာ အစိုးရနဲ့ သံအမတ်အဆင့် သံတမန် ဆက်ဆံရေး ပြန်ထား တာမျိုး၊ အစိုးရအဆင့် အသိုင်းအဝိုင်းကို အမေရိကန်နိုင်ငံထဲ ပြည်ဝင်ခွင့် ဗီဇာ ပြန်ပေး တာမျိုး တို့လို ကိစ္စတွေမှာ လိုက်လျောမှုတွေ ပြုကောင်းပြုလာနိုင်ပေမယ့် အမေရိကန် အစိုးရရဲ့ ဥပဒေအရ ပြဌာန်း အတည်ပြုထားတဲ့ စီးပွားရေး ဒဏ်ခတ် ပိတ်ဆို့မှုတွေကိုတော့ အလွယ်တကူ ပြန်ရုတ်သိမ်းနိုင်မယ့်ပုံ မရှိဘူးလို့ ဆိုပါတယ်။
ဒါပေမယ့် နှစ်နိုင်ငံ သံအမတ်အဆင့် သံတမန် ဆက်ဆံရေး တွေ ပြန်ထား တာမျိုး၊ မြန်မာ အစိုးရ အသိုင်းအဝိုင်းကို အမေရိကန်နိုင်ငံထဲ ပြည်ဝင်ခွင့်ဗီဇာ ပြန်ပေးတာမျိုး လိုက်လျော ရင်တောင် မြန်မာအစိုးရအနေနဲ့ သူတို့ဖက်က အတော် အမြတ်ထွက်တယ်လို့ တွက်ထားပုံ ရကြောင်း ဒေါက်တာ ဇာနည်က ပြောပါတယ်။
ဒေါက်တာဇာနည်ရဲ့ သုံးသပ်ချက်ကို အောက်မှာနားဆင်နိုင်ပါတယ်။

ပါကစ္စတန်တပ်ဂိတ်ကို တိုက်ခိုက်မှု နေတိုးဝန်ခံ
နေတိုးရဟတ်ယာဉ်တွေရဲ့ တိုက်ခိုက်မှုကြောင့် ပါကစ္စတန် စစ်သား ၂၄ ဦး သေဆုံးခဲ့
အာဖဂန်နယ်ခြားက ပါကစ္စတန်စစ်တပ်ဂိတ် ၂ ခု ကို နေတိုးရဟတ်ယာဉ်တွေက မနေ့က တိုက်ခိုက် ခဲ့တဲ့အတွက် အနည်းဆုံး ပါကစ္စတန် စစ်သား ၂၄ ဦး သေဆုံးခဲ့ မှုနဲ့ ပတ်သက်ပြီး နေတိုးအဖွဲ့က သူတို့မှာ တာဝန်ရှိကြောင်း ဝန်ခံ ပြောကြားလိုက် ပါတယ်။
နေတိုးအဖွဲ့ အထွေထွေအတွင်းရေးမှူး အန်ဒါးစ် ဖို့ ရာမူဆန်က ဝမ်းနည်းကြေကွဲဖွယ် အခုဖြစ်ရပ် မှာ နေတိုးအဖွဲ့က တမင်သက်သက် ရည်ရွယ် တိုက်ခိုက်ခဲ့တာ မဟုတ်ကြောင်း ပြောပါတယ်။
နောက်ပြီး အခု စုံစမ်း စစ်ဆေးမှုတွေလုပ်နေတဲ့ အပေါ် သူ့အနေနဲ့ အပြည့်အဝ ထောက်ခံ ကြောင်း ပြောပါတယ်။
သေဆုံးခဲ့ရသူ စစ်သားတွေရဲ့ အသုဘ အခမ်းအနားကိုတော့ ပါကစ္စတန် စစ်တပ်အကြီးအကဲ ကိုယ်တိုင် တက်ရောက်ခဲ့ပါတယ်။
အခုလို တိုက်ခိုက်ခဲ့မှုတွေအပေါ် ပါကစ္စတန်အနေနဲ့ ဘယ်လောက်အထိ အမျက်ထွက်ရတယ် ဆိုတာကို သိရှိစေဖို့ ပါကစ္စတန် နိုင်ငံခြားရေး ဝန်ကြီး ဟင်နာ ရတ်ဘာနီ ခါးက အမေရိကန် နိုင်ငံခြားရေး ဝန်ကြီးထံကို တယ်လီဖုန်းနဲ့ ဆက်သွယ်ပြီး ပြောကြားခဲ့ ပါတယ်။
ဒါပေမယ့်လည်း နေတိုးနဲ့ အာဖဂန် ဘက်က သတင်းတွေ အရတော့ ပါကစ္စတန် နိုင်ငံဘက် ကနေ နေတိုးအထူးတပ်ဖွဲ့ တခုကို တိုက်ခိုက်ခဲ့တယ်လို့ သိရပါတယ်။

ရေကြီးဒဏ်ခံ ထိုင်းရောက် မြန်မာတွေ အခက်အခဲရှိနေဆဲ
စက်ရုံတွေပြန်မဖွင့်နိုင်သေးလို့ စောင့်ဆိုင်း နေရတဲ့ သူတွေလည်း ရှိနေဆဲပါ
ထိုင်းနိုင်ငံ ဘန်ကောက်မြို့ တချို့နေရာ တွေမှာ ရေပြန်ကျနေပြီ ဖြစ်တဲ့အတွက် မြန်မာ ရွှေ့ပြောင်း အလုပ်သမားတွေဟာ ကယ်ဆယ်ရေးစခန်းကနေ စက်ရုံ အလုပ်ရုံ တွေကို ပြန်သွားနေကြပြီ ဖြစ်ပါတယ်။
ဒါပေမယ့်လည်း ရေတွေရှိနေဆဲ ဖြစ်တဲ့ စက်ရုံ အလုပ်ရုံတွေနားမှာ ရေစကြီးကတည်းက အခုအချိန်အထိ မရွှေ့မပြောင်းဘဲ ရေထဲမှာ နေနေကြတဲ့ မြန်မာ ရွှေ့ပြောင်း အလုပ်သမား တသောင်းကျော်ခန့် ရှိနေ တယ်လို့ သိရပါတယ်။
အဲဒီ ရေရှိနေဆဲ နေရာတွေကတော့ ဘန်ကောက်တောင်ဘက် အုန်းနွဲ့၊ အုန်းယိုင်၊ ဘန်ခဲ၊ ခေါန်ကမ်၊ နတ်ကာပထုံ စတဲ့ နေရာတွေ ဖြစ်ကြပါတယ်။
အဲဒီအလုပ်သမားတွေဟာ ရေကြီးတဲ့နေရာမှာ တလခန့် နေနေရတာဖြစ်လို့ ကျန်းမာရေး အတွက် စိုးရိမ်ရပြီး၊ အစားအသောက်အတွက်လည်း အခက်အခဲ ရှိနေတယ်လို့ ထိုင်းနိုင်ငံ ရောက် မြန်မာနိုင်ငံသားများအဖွဲ့ရဲ့ ဘန်ကောက်တာဝန်ခံ ဦးကျော်သောင်းက ပြောပါတယ်။
မဟာချိုင်က ဘုန်းကြီးကျောင်းတခုမှာ ဖွင့်ထားတဲ့ ယာယီကယ်ဆယ်ရေးစခန်းမှာရှိတဲ့ မြန်မာအလုပ်သမားတချို့ကတော့ အလုပ်ပြန်ဝင် ကြပြီဖြစ်လို့ အဲဒီမှာတော့ လူ ၅၀ လောက်ပဲ ကျန်တော့တယ်လို့ ပြောပါတယ်။

ကချင်စစ်ပြေးဒုက္ခသည်တွေ တရုတ်နယ်စပ်ထွက်ပြေး
ကချင် စစ်ပြေး ဒုက္ခသည်များ
မြန်မာအစိုးရတပ်နဲ့ ကချင် လွတ်လပ်ရေး တပ်မတော် (KIA) တပ်တို့ကြား တိုက်ပွဲ တွေ ဆက်လက် ဖြစ်ခဲ့သလို စစ်ပြေး ဒုက္ခသည်တွေလည်း ဆက်လက် များနေဆဲ လို့ သိရပါတယ်။
အထူးသဖြင့် ကချင်ပြည်နယ် မန်စီမြို့နယ်တွေနဲ့ ရှမ်းပြည်နယ် နမ့်ခမ်းမြို့နယ် တဝိုက်က ဒေသခံတွေဟာ စိုးရိမ်မှုတွေ ရှိနေကြသလို အများအပြားဟာ ဘေးလွတ်ရာ ထွက်ပြေး သွားကြတယ်လို့ ဒေသခံတွေက ပြောပါတယ်။
မန်ဝိန်းကြီး ဒေသတဝိုက်က ဒေသခံတွေဟာ တရုတ်-မြန်မာနယ်စပ် နန်တောင်း ဘက်ဆီကို ဦးတည် ထွက်ပြေး တိမ်းရှောင် နေရပါတယ်။
ပြီးခဲ့တဲ့ ဗုဒ္ဓဟူး ကြာသပတေးနေ့တွေက အစိုးရ စစ်တပ် စစ်ကားတွေ ပိုတွေ့လာရလို့ ပဋိပက္ခတွေ ပိုဖြစ်လာမလားဆိုပြီး စိုးရိမ်ကာ ပိုပြီး ထွက်ပြေးကြတယ်လို့ နန်တောင်း ဒေသခံ အမျိုးသမီးတစ်ဦးက ပြောပါတယ်။
နန်တောင်းဘက်မှာ ရက်ပိုင်းအတွင်း လူထောင်ဂဏန်းလောက် ထွက်ပြေးတာ တွေ့ရတယ်လို့ သူက ပြောပါတယ်။
စစ်ပြေး ဒုက္ခသည်တွေအတွက် အကူအညီတွေ လိုအပ်မှု ရှိနေတယ်လို့လည်း ပြောပါတယ်။

အီဂျစ်မှာ ရွေးကောက်ပွဲ ဆက်လုပ်မယ်
စစ်တပ်ကို ဖိအားပေးတာကို ခွင့်မပြုဘူးလို့ ဗိုလ်ချုပ်ကြီး တန်တာဝီက ပြောပါတယ်
အီဂျစ်နိုင်ငံမှာ နိုင်ငံရေး မငြိမ်မသက်ဖြစ်မှု တွေ တိုးမြင့်လာနေပေမယ့်လည်း တနင်္လာ နေ့ ကျင်းပဖို့ရှိတဲ့ ပါလီမန် ရွေးကောက်ပွဲ တွေကို စီစဉ်ထားတဲ့ အတိုင်း ဆက်လက် လုပ်ဆောင် သွားမှာ ဖြစ်တယ်လို့ စစ်အုပ်ချုပ်ရေး ကောင်စီ ဥက္ကဌက ပြောကြားလိုက်ပါတယ်။
လက်ရှိ စစ်ကောင်စီဥက္ကဌ ဗိုလ်ချုပ်ကြီး တန်တာဝီက ဘယ်လိုအုပ်စုကပဲ ဖြစ်ဖြစ် စစ်တပ်ကို ဖိအားပေးတာကို ခွင့်ပြုမှာ မဟုတ်ဘူးလို့ ပြောကြားလိုက်ပါတယ်။
နောက်ပြီး ပြီးခဲ့တဲ့အပတ်က သူခန့်အပ်ထားတဲ့ ဝန်ကြီးချုပ်ဖြစ်သူကိုလည်း သမ္မတ ကိုယ်စားလှယ်လောင်း နှစ်ဦး ဖြစ်တဲ့ မိုဟာမတ် အဲလ် ဘာရာဒေးနဲ့ အာမာ မူဆာ တို့အနေနဲ့ ထောက်ခံကြဖို့ ပန်ကြားလိုက်ပါတယ်။
ဆန္ဒပြသူတွေကတော့ စစ်အုပ်ချုပ်မှု ဆန့်ကျင့်ရေး ပိုမိုကြီးမားတဲ့ လူထုဆန္ဒပြပွဲတွေ ဒီကနေ့ ပြုလုပ်ဖို့ တိုက်တွန်း နှိုးဆော်ထားပြီး၊ စစ်တပ်အနေနဲ့ အရပ်သား အုပ်ချုပ်ရေးကို ချက်ခြင်း အာဏာလွှဲပြောင်းပေးဖို့ တောင်းဆိုထားပါတယ်။

AFP ImageForumမြန်မာ့အရေး အမေရိကန်နဲ့ ပူးပေါင်း ဆောင်ရွက်ဖို့ နည်းလမ်း NLD ဆွေးနွေးမည်
2011-11-27
မြန်မာနိုင်ငံကို လာရောက်မယ့် အမေရိကန် နိုင်ငံခြားရေးဝန်ကြီး ဟီလာရီ ကလင်တန်ဟာ ဒီဇင်ဘာလ ၂ ရက်နေ့မှာ အမျိုးသားဒီမိုကရေစီ အဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်နဲ့ တက္ကသိုလ်ရိပ်သာလမ်း နေအိမ်မှာ သွားရောက် တွေ့ဆုံမယ်လို့ ပါတီ ပြောခွင့်ရပုဂ္ဂိုလ် ဦးဥာဏ်ဝင်းက အာအက်ဖ်အေကို ဒီကနေ့ အတည်ပြု ပြောကြားပါတယ်။
မြန်မာနိုင်ငံရဲ့ ဒီမိုကရေစီစနစ် အသွင်ကူးပြောင်းရေးမှာ အမေရိကန်ပြည်ထောင်စု အနေနဲ့ ပူးပေါင်း ဆောင်ရွက်နိုင်မယ့် နည်းလမ်းတွေကို ဆွေးနွေးဖြစ်မယ်လို့ ဦးဥာဏ်ဝင်းက ပြောပါတယ်။
“ကျနော်တို့ NLD နဲ့ ဆွေးနွေးတဲ့နေရာမှာတော့ မြန်မာနိုင်ငံနဲ့ အမေရိကန်တို့ရဲ့ ဆက်ဆံရေး တိုးတက်လာတာနဲ့အညီ မြန်မာနိုင်ငံရဲ့ ဖွံ့ဖြိုးတိုးတက်မှု ပူးပေါင်းဆောင်ရွက်ဖို့၊ နိုင်ငံရေးအရ ပူးပေါင်း ဆောင်ရွက်ဖို့၊ ဒါတွေ ပါမှာပေါ့”

အခုလာမယ့် အမေရိကန် နိုင်ငံခြားရေးဝန်ကြီးအဆင့် မြန်မာနိုင်ငံ ခရီးစဉ်ဟာ နှစ်ပေါင်း ၅ဝ အတွင်း ပထမဆုံးအကြိမ် ဖြစ်ပါတယ်။ ပြီးခဲ့တဲ့ သီတင်းပတ်က ဒေါ်အောင်ဆန်းစုကြည်ကို အမေရိကန်သမ္မတ အိုဘားမားက သူ့ရဲ့ အထူးလေယာဉ်ပေါ်ကနေ တယ်လီဖုန်းနဲ့ မိနစ် ၂ဝ ကျော် စကား ပြောဆိုပြီးတဲ့နောက် မစ္စက်ကလင်တန်ရဲ့ မြန်မာနိုင်ငံ ခရီးစဉ်ကို သမ္မတကိုယ်တိုင် ကြေညာခဲ့ပါတယ်။

အခုလို အမေရိကန် ပြည်ထောင်စုက နိုင်ငံခြားရေးဝန်ကြီး ဟီလာရီ ကလင်တန်ကို မြန်မာနိုင်ငံကို စေလွှတ်ဖို့ ဆုံးဖြတ်ခဲ့တဲ့အပေါ် အားရ ကျေနပ်မိကြောင်း မြန်မာနိုင်ငံ အမျိုးသား လူ့အခွင့်အရေး ကောင်စီက သတင်း ထုတ်ပြန်ခဲ့ပါတယ်။ အမေရိကန် နိုင်ငံခြားရေးဝန်ကြီးရဲ့ ခရီးစဉ်ဟာ မြန်မာနိုင်ငံမှာ ဒီမိုကရေစီ လူ့အဖွဲ့အစည်းတစ်ရပ် ထူထောင်ရေးအတွက် အပြုသဘောဆောင်တဲ့ အခြေအနေတွေ ဖြစ်ပေါ်စေလိမ့်မယ်လို့ မျှော်လင့်ကြောင်းလည်း ထုတ်ပြန်ချက်မှာ ဖော်ပြထားပါတယ်။

အမေရိကန် အစိုးရကတော့ ဒီခရီးစဉ်ကြောင့် နှစ်နိုင်ငံဆက်ဆံရေး ပိုမို ကောင်းမွန်လာမှာ ဖြစ်ပေမယ့် မြန်မာနိုင်ငံအပေါ် ပိတ်ဆို့ အရေးယူမှု ကိုတော့ ရုပ်သိမ်းပေးဦးမှာ မဟုတ်ဘူးလို့ ကြေညာထားပါတယ်။

မြန်မာနဲ့ ပူးပေါင်းပြီး ရေနံတူးဖော်ရေး ဘင်္ဂလားဒေ့ရှ် ဆန္ဒပြင်းပြ
2011-11-27
ဘင်္ဂလားဒေ့ရှ နိုင်ငံဟာ မြန်မာနဲ့ ပူးပေါင်းပြီး ရေနံနဲ့ သဘာဝဓာတ်ငွေ့ တူးဖော်ထုတ်လုပ်ဖို့ ဆန္ဒပြင်းပြနေ သလို မြန်မာ့ သဘာဝဓာတ်ငွေ့ကို လည်း ဝယ်ယူဖို့ စိတ်အား ထက်သန်နေတယ်လို့ ဘင်္ဂလားဒေ့ရှ် ကူးသန်းရောင်းဝယ်ရေးဝန်ကြီး ဖာရပ်ခန်း (Faruk Khan) က ပြောဆိုလိုက်ပါတယ်။
ဒီကိစ္စနဲ့ ပတ်သက်လို့ ပြီးခဲ့တဲ့ သောကြာနေ့က မြန်မာ စွမ်းအင်ဝန်ကြီးနဲ့ သူ တွေ့ဆုံစဉ်မှာလည်း ပြောဆိုခဲ့တယ်လို့ ဆိုပါတယ်။ မြန်မာ စွမ်းအင်ဝန်ကြီးကလည်း ဒီကိစ္စကို စဉ်းစားပေးမယ်လို့ ပြောဆိုလိုက်ကြောင်း သိရပါတယ်။

ဘင်္ဂလားဒေ့ရှ် ဝန်ကြီးချုပ် ရှိတ်ဟာဆီနာရဲ့ ဒီဇင်ဘာလ ၅ ရက်ကနေ ၇ ရက်နေ့အထိ မြန်မာနိုင်ငံ ခရီးစဉ် မတိုင်ခင်မှာ ကူးသန်းရောင်းဝယ်ရေးဝန်ကြီး ဖာရပ်ခန်းက ရှေ့ပြေးခရီးအနေနဲ့ မြန်မာနိုင်ငံကို လာခဲ့တာပါ။

သူဟာ မြန်မာနိုင်ငံမှာ သုံးရက်ကြာ နေထိုင်မှာဖြစ်ပြီး နှစ်နိုင်ငံ ကူးသန်းရောင်းဝယ်ရေး ကိစ္စတွေ ဆွေးနွေး ညှိနှိုင်းမှာ ဖြစ်ပါတယ်။ အဲဒီ ဆွေးနွေးမှုတွေမှာ ဘဏ်ကိစ္စ၊ စွမ်းအင်ကိစ္စ၊ ကမ်းရိုးတန်းသွား သင်္ဘောတွေကိစ္စ၊ နှစ်နိုင်ငံ တိုက်ရိုက်လေကြောင်းလိုင်း ကိစ္စ၊ မွေးမြူရေးနဲ့ ရေလုပ်ငန်း ပူးပေါင်းဆောင်ရွက်ရေး ကိစ္စနဲ့ နယ်စပ်ကုန်သွယ်ရေး ကိစ္စတွေ ပါဝင်ပါတယ်။

ဒီအတောအတွင်းမှာပဲ နှစ်နိုင်ငံ ပူးပေါင်းပြီး မူးယစ်ဆေးဝါး နှိမ်နင်းရေး လုပ်ငန်းစဉ် (၇) ရပ်ပါ သဘောတူညီချက် တရပ်ကို အခုရက်ပိုင်းအတွင်း ဘင်္ဂလားဒေ့ရှ်- မြန်မာ လက်မှတ် ရေးထိုးလိုက်ကြတယ်လို့ သတင်း ရရှိပါတယ်။ မူးယစ်ဆေးဝါး တိုက်ဖျက်ရေးနဲ့ တရားဥပဒေ စိုးမိုးရေးဆိုင်ရာ နှစ်နိုင်ငံ အရာရှိတွေက ဒီကိစ္စကို သဘောတူ လက်မှတ်ရေးထိုးကြတာပါ။

ဒီစာချုပ်အရ ဘင်္ဂလားဒေ့ရှ်- မြန်မာ နယ်စပ်မှာ ဘိန်း စိုက်ပျိုးထုတ်လုပ်မှု၊ ယာဘ ခေါ် စိတ်ကြွဆေးပြား ထုတ်လုပ်မှုနဲ့ ရောင်းဝယ်ဖောက်ကားမှုတွေကို နှစ်နိုင်ငံ ပူးတွဲစောင့်ကြည့်ပြီး အရေးယူသွားမှာ ဖြစ်သလို သတင်း အချက်အလက်တွေလည်း အပြန်အလှန် ဖလှယ်သွားမယ်လို့ သိရပါတယ်။

ဂျပန် နိုင်ငံခြားရေးဝန်ကြီး မြန်မာနိုင်ငံကို ရှေ့လကုန် သွားဖို့ စဉ်းစား
2011-11-27
ဂျပန် နိုင်ငံခြားရေးဝန်ကြီး ကိုအိချိရို ဂန်ဘ (Koichiro Genba) က မြန်မာနိုင်ငံကို ဒီဇင်ဘာ လကုန်ပိုင်းလောက် မှာ သွားရောက်လည်ပတ်ပြီး သမ္မတ ဦးသိန်းစိန်နဲ့ တွေ့ဆုံဖို့ စဉ်းစားနေတယ်လို့ သိရပါတယ်။

တကယ်လို့ မြန်မာနိုင်ငံကို သွားဖြစ်မယ်ဆိုရင် ဒီမိုကရေစီ ဖော်ဆောင်ရေးကို အခုထက်ပိုပြီး ကြိုးပမ်းအားထုတ်ဖို့ သမ္မတဦးသိန်းစိန်ကို တိုက်တွန်းပြောဆိုဖို့ မျှော်လင့်ထားတယ်လို့ ဆိုပါတယ်။ တဆက်တည်းမှာပဲ ဂျပန် နိုင်ငံခြားရေးဝန်ကြီးဟာ မြန်မာပြည်ခရီးစဉ်မှာ ဒေါ်အောင်ဆန်းစုကြည်နဲ့လည်း တွေ့ဆုံဖို့ ရည်ရွယ်ထားတယ်လို့ သိရပါတယ်။

တကယ်လို့သာ ဂျပန် နိုင်ငံခြားရေးဝန်ကြီး မြန်မာနိုင်ငံကို သွားဖြစ်မယ်ဆိုရင် ဒါဟာ ၂ဝဝ၂ ခုနှစ် နောက်ပိုင်း ဂျပန် နိုင်ငံခြားရေးဝန်ကြီး တဦးရဲ့ ပထမဆုံး မြန်မာပြည်ခရီးစဉ် ဖြစ်လာမှာပါ။ ဒီအတောအတွင်း ဂျပန်အစိုးရက မြန်မာကို ဖွံ့ဖြိုးမှုအကူအညီတွေ ပြန်လည်ပေးသွားမယ်လို့ ထုတ်ဖော် ပြောဆိုထားပါတယ်။

ဂျပန်နိုင်ငံရဲ့ အကူအညီတွေကို ၂ဝဝ၃ ခုနှစ် ဒီပဲယင်းလုပ်ကြံမှု နောက်ပိုင်း ဒေါ်အောင်ဆန်းစုကြည်ကို နေအိမ်အကျယ်ချုပ် ချလိုက်ချိန်ကစပြီး ရပ်ဆိုင်းထားခဲ့တာ ဖြစ်ပါတယ်။

ဦးသိန်းစိန်နဲ့ ဒေါ်အောင်ဆန်းစုကြည် ထပ်မံတွေ့ဆုံဖို့ ဦးစိန်လှဦး တိုက်တွန်း
2011-11-26
နိုင်ငံရေး အကျဉ်းသားဟောင်းနဲ့ အင်န်အယ်လ်ဒီ ခေါင်းဆောင်ဟောင်း စာရေးဆရာ ဦးစိန်လှဦးက အမျိုးသား ဒီမိုကရေစီ အဖွဲ့ချုပ်ရဲ့ ဆောင်ရွက်ချက် တွေကို ကြိုဆိုလိုက်ပြီး သူ လက်ရှိ ပါဝင်နေတဲ့ NDF ပါတီအနေနဲ့ ဒေါ်အောင်ဆန်းစုကြည်နဲ့ ပူးပေါင်း ဆောင်ရွက်လိုကြောင်း ပြောကြားလိုက်ပါတယ်။

မြန်မာနိုင်ငံဟာ ဒီမိုကရေစီ အရေးအတွက် အင်မတန် အရေးကြီးတဲ့ ကာလတခုကို ရောက်ရှိနေပြီလို့ ဦးစိန်လှဦးက ပြောဆိုရင်း သမ္မတကြီး ဦးသိန်းစိန်နဲ့ ဒေါ်အောင်ဆန်းစုကြည်တို့ ထပ်မံ တွေ့ဆုံဖို့လည်း သူက တိုက်တွန်းလိုက်ပါတယ်။

ရုရှားသမ္မတဟောင်း သမ္မတရွေးကောက်ပွဲ ပြန်ဝင်မည်
By ဗွီအိုအေ (မြန်မာဌာန)
ရှေ့နှစ် မတ်လ ၄ ရက်နေ့မှာကျင်းပမယ့် ရုရှားသမ္မတရွေးကောက်ပွဲမှာ လက်ရှိ အာဏာရ ရုရှားညီညွတ်ရေး ပါတီရဲ့ သမ္မတလောင်းအဖြစ် ၀င်ရောက်အရွေးခံဖို့ ပါတီရဲ့ ရွေးချယ်မှုကို ရုရှားဝန်ကြီးချုပ် ဗလာဒီမာ ပူတင် (Vladimir Putin) က ဒီကနေ့ လက်ခံလိုက်ပါတယ်။
သမ္မတသက်တမ်းနှစ်ကြိမ် တာဝန်ထမ်းဆောင်ပြီးနောက်ပိုင်း ၂၀၀၈ ခုနှစ်မှာ မစ္စတာပူတင် သမ္မတရာထူးက ဆင်းပေးပြီး ၀န်ကြီးချုပ်အဖြစ် ဆက်လက် တာဝန်ထမ်းဆောင်နေခဲ့တာပါ။ သူ့အနေနဲ့ သမ္မတအဖြစ် ပြန်အရွေးခံလိုတဲ့အကြောင်း ပြီးခဲ့တဲ့ စက်တင်ဘာလမှာ တရားဝင် ထုတ်ပြန် ကြေညာခဲ့ပါတယ်။
တကယ်လို့ သူသာ သမ္မတအဖြစ် ပြန်အရွေးခံရရင် လက်ရှိသမ္မတ ဒီမီထရီ မက်ဒ်ဗီယဲ့ဒက်ဗ် (Dmitry Medvedev) ကို ၀န်ကြီးချုပ်အဖြစ် ခန့်အပ်လိုတဲ့အကြောင်း ပြောပါတယ်။
အခုလို ရာထူးအပြောင်းအလဲလုပ်တဲ့ကိစ္စအပေါ် ရုရှားပြည်သူအများစုက အမျက်ဒေါသထွက် နေကြပြီး ဒါဟာ အာဏာရှင်စနစ်ဘက်ကို ဦးတည်နေတဲ့ လုပ်ရပ်လို့ မြင်နေကြသလို ရုရှားအာဏာရှင်ဟောင်း ဂျိုးဆက်ဖ် စတာလင် (Joseph Stalin) ပြီးရင် မစ္စတာပူတင်အနေနဲ့ ရုရှားနိုင်ငံကို သက်တမ်းအကြာဆုံး အုပ်ချုပ်မယ့် ခေါင်းဆောင်ဖြစ်ပါလိမ့်မယ်။

အီဂျစ်ဆန္ဒပြသူတွေနဲ့ လုံခြုံရေးတပ် ထိပ်တိုက်တွေ့ပြန်ပြီ
By ဗွီအိုအေ (မြန်မာဌာန)

အီဂျစ်နိုင်ငံ ကိုင်ရိုမြို့က စစ်တပ်အုပ်ချုပ်ရေး ဆန့်ကျင် ဆန္ဒပြနေကြသူများ။ (နိုဝင်ဘာလ ၂၇၊ ၂၀၁၁)
အီဂျစ်နိုင်ငံ အရေးပေါ်အခြေအနေမှာ အုပ်ချုပ်ရေးကို တာဝန်ယူထားတဲ့စစ်တပ်ကို ဖယ်ရှားပေးဖို့ ကိုင်ရိုမြို့ တဟီရာရင်ပြင်မှာ ဆန္ဒပြသူတွေက ဆက်လက် ဖိအာေးပး တောင်းဆိုကြတဲ့အတွက် အပြန်အလှန် တိုက်ခိုက်မှုသစ်တွေ ဖြစ်နေပါတယ်။ ခဲနဲ့ထုတဲ့ ဆန္ဒပြသမားတွေကို လုံခြုံရေးတပ်တွေက မျက်ရည်ယိုဗုံးတွေ နဲ့ ပြန်ပြီး နှိမ်နင်းကြပါတယ်။
လုံခြုံရေးတပ်က ကားနဲ့တိုက်မိလို့ အနည်းဆုံး လူတစ်ယောက် သေဆုံးပါတယ်။ အီဂျစ် အာဏာပိုင်တွေက မတော်တဆဖြစ်ရတာပါလို့ ပြောပါတယ်။ သောကြာနေ့က အလက်ဇန်းဒရီးယားမြို့မှာ ဆန္ဒပြသူတွေနဲ့ လုံခြုံရေးတွေ ထိပ်တိုက်တွေ့ကြပါတယ်။ ပြီးခဲ့တဲ့အပတ်က တနိုင်ငံလုံးမှာ အနည်းဆုံး ၄၂ ယောက် သေဆုံးသွားပါတယ်။
တနင်္လာနေ့မှာ ပါလီမန်ရွေးကောက်ပွဲလုပ်ဖို့ ပြင်ဆင်နေချိန်မှာ မငြိမ်မသက်မှုတွေ ဖြစ်လာတာဖြစ်ပါတယ်။ သမ္မတ ဟိုစနီမူဘာရက် ပြုတ်ကျအပြီး ပထမဆုံးပြုလုပ်မယ့် ရွေးကောက်ပွဲ ဖြစ်ပါတယ်။ စနေနေ့က သမ္မတနေရာ အရွေးခံမယ့်ပုဂ္ဂိုလ်နှစ်ဦးနဲ့ စစ်ကောင်စီတို့ တနေရာစီခွဲပြီး တွေ့ဆုံကြပါတယ်။ အတိုက်အခံ ခေါင်းဆောင် Mohamed ElBaradei နဲ့ အာရပ်နိုင်ငံများအဖွဲ့ချုပ် ခေါင်းဆောင် Amr Moussa တို့ ဖြစ်ကြပါတယ်။
လောလောဆယ်ဖြစ်ပွားနေတဲ့ နိုင်ငံရေးပြဿနာတွေကို ဖြေရှင်းဖို့ စစ်တပ်နဲ့ Moussa တို့အကြား ဆွေးနွေးကြတယ်လို့ ရိုက်တာသတင်းက ဆိုပါတယ်။ ဥရောပသမဂ္ဂ နိုင်ငံခြားရေးဝါဒဆိုင်ရာ ခေါင်းဆောင် Catherine Ashton ကအီဂျစ်နိုင်ငံက အကြမ်းဖက်မှုတွေကို ဝေဖန်ရှုတ်ချလိုက်ပြီးတော့ တရားဥပဒေ စိုးမိုးရေး ရှိကြဖို့ တိုက်တွန်းလိုက်ပါတယ်။
သမ္မတဟောင်း ဟိုစနီမူဘာရက် လက်အောက်မှာ အမှုထမ်းခဲ့တဲ့ ပုဂ္ဂိုလ်တစ်ယောက်ဖြစ်တဲ့ Kamal el-Ganzouri ကို စစ်တပ်က ၀န်ကြီးချုပ်သစ်အဖြစ် ခန့်ထားတာကို ဆန္ဒပြသူတွေ အများစုက မကျေနပ်ကြတာ ဖြစ်ပါတယ်။ တနင်္လာနေ့မှာကျင်းပမယ့် ပါလီမန်ရွေးကောက်ပွဲ မပြီးခင် အစိုးရ မဖွဲ့နိုင်သေးတဲ့အကြောင်း Kamal el-Ganzouri က ပြောကြားသွားပါတယ်။

အမေရိကန်နဲ့ ပူးပေါင်း ဆောင်ရွက်မှု ပါကစ္စတန် ပြန်သုံးသပ်
By ဗွီအိုအေ (မြန်မာဌာန)
ပါကစ္စတန်နိုင်ငံထဲကို နေတိုးနဲ့ အမေရိကန်တို့ နယ်စပ်ဖြတ်ကျော် ၀င်ရောက် တိုက်ခိုက်မှု လုပ်ဆောင်ခဲ့ပြီး တဲ့နောက်မှာ သူတို့နဲ့ ဆက်ဆံရေးကို ပြန်ပြီးသုံးသပ်နေတယ်လို့ ပါကစ္စတန်အစိုးရက စနေနေ့ကပဲ ပြောကြားသွားပါတယ်။
ပါကစ္စတန်နိုင်ငံ အနောက်မြောက်ဘက်က စစ်စခန်းနှစ်ခုကို အမေရိကန်နဲ့ နေတိုးတပ်တွေ လေကြောင်းက တိုက်ခိုက်မှုကြောင့် ပါကစ္စတန်စစ်သား ၂၆ ဦးသေဆုံးပြီး ၁၄ ဦး ဒဏ်ရာရခဲ့တာပါ။ ပါကစ္စတန်ဝန်ကြီးချုပ် Yousuf Raza Gilani နဲ့ စစ်တပ်ထိပ်တန်းခေါင်းဆောင်တွေ အစိုးရခေါင်းဆောင်တွေဟာ စနေနေ့ နှောင်းပိုင်းမှာ အရေးပေါ်အစည်းအဝေးထိုင်ပြီး ဒီဖြစ်ရပ်နဲ့ပတ်သက်လို့ ဆွေးနွေးခဲ့ကြပါတယ်။
ဒီဖြစ်ရပ်ကြောင့် နဂိုကတည်းက အစွန်းအထင်းရှိထားတဲ့ အမေရိကန်နဲ့ ပါကစ္စတန်ဆက်ဆံရေး ပိုပြီး ပြဿနာရှိလာတဲ့ အနေအထားပါပဲ။ ပါကစ္စတန်အစိုးရရဲ့ ကြေညာချက်မှာ ပါကစ္စတန် အရာရှိတွေက ဘာပြောထားသလဲဆိုရင်တော့ အစိုးရဟာ အမေရိကန်၊ နေတိုး၊ ISAF တို့နဲ့ သံတမန်ရေး၊ နိုင်ငံရေး၊ စစ်ရေးနဲ့ ထောက်လှန်းရေး အပါအ၀င် ပူးတွဲလုပ်ဆောင်နေတဲ့ အစီအစဉ်အားလုံး ပူးတွဲလုပ်ဆောင်ဖို့ သဘောတူထားတာတွေ အားလုံးကို အပြည့်အ၀ ပြန်သုံးသပ်မယ်လို့ ပြောထားတာပါ။
နေတိုးလေယာဉ်ရဲ့ တိုက်ခိုက်မှုက အကြောင်းမဲ့ တိုက်ခိုက်မှုသက်သက် ဖြစ်တယ်လို့ ပါကစ္စတန် အရာရှိတွေက ရှုတ်ချတာပါ။ ဒီလိုဖြစ်ရပ်မျိုးကို လုံးဝလက်ခံနိုင်စရာ မရှိဘူး၊ ဒါဟာ မှားယွင်း လုပ်ဆောင်မှုအဖြစ် မသတ်မှတ်နိုင်ဘူးလို့ ပြောပါတယ်။
ဒီလိုမျိုး ရန်စမှုမျိုးအပေါ်မှာ တာဝန်ရှိတဲ့သူတွေကို အမြန်ဆုံး ထိထိရောက်ရောက် အရေးယူပေးဖို့ ကြေညာချက်မှာ တောင်းဆိုထားပါတယ်။ ပါကစ္စတန်က သူ့ရဲ့နယ်မြေကို ဖြတ်ပြီး အာဖဂန်နစ္စတန်နိုင်ငံထဲကို ပစ္စည်းတွေသယ်ယူနေတဲ့ နေတိုး ထောက်ပို့ လမ်းကြောင်းတွေအားလုံးကို ဖြတ်ပစ်လိုက်ခြင်းနဲ့ သူတို့က လက်တုံ့ပြန်ထားပါတယ်။ အမေရိကန်တွေကိုလည်း ရှန်စီ လေတပ်အခြေစိုက်စခန်းမှာ လုပ်ဆောင်မှုတွေ အားလုံး ၁၅ ရက်အတွင်းမှာ ရပ်ပစ်ဖို့အတွက် အချိန်သတ်မှတ်ပေးထားပါတယ်။

ဗြိတိန်သံအမတ်ကို အီရန် နှင်ထုတ်တော့မည်
By ဗွီအိုအေ (မြန်မာဌာန)
အီရန်နိုင်ငံရဲ့ နျူကလီးယားအစီအစဉ်အပေါ် ဒဏ်ခတ်တဲ့ အရေးယူ ပိတ်ဆို့မှုအသစ်တွေ အနောက်နိုင်ငံတွေ က ထပ်မံ ချမှတ်လိုက်တာကို တုံ့ပြန်တဲ့အနေနဲ့ ဗြိတိန်နဲ့ အီရန်အကြားက သံတမန်နဲ့ စီးပွားရေးဆိုင်ရာ ပူးပေါင်းဆောင်ရွက်မှုတွေကို အနိမ့်ဆုံးအဆင့်ထိ လျှော့ချသွားဖို့ အီရန်ပါလီမန်က ဆုံးဖြတ်လိုက်ပါတယ်။
အီရန်မှာရှိတဲ့ ဗြိတိသျှသံအမတ်ကြီး တိုင်းပြည်အတွင်းက အမြန်ဆုံးထွက်သွားရေး ဖိအားပေးလုပ်ဆောင်ဖို့ အီရန်လွှတ်တော်အမတ်တွေက ဒီကနေ့ တခဲနက် ထောက်ခံမဲ ပေးလိုက်ကြတာကြောင့် ဗြိတိန်သံရုံးမှာ သံရုံးယာယီတာဝန်ခံအဆင့်ပဲ ရှိတော့မှာဖြစ်ပါတယ်။ ဗြိတိန်နိုင်ငံနဲ့ လက်ရှိ တည်ရှိနေတဲ့ စီးပွားရေးဆိုင်ရာ ဆက်ဆံမှုတွေကိုလည်း အနိမ့်ဆုံးအဆင့်ကို လျှော့ချမယ်လို့ ဆိုပါတယ်။
အီရန်လွှတ်တော်အတွင်း တင်သွင်းခဲ့တဲ့ အဲဒီ ဥပဒေမူကြမ်း နောက်ဆုံးအဆင့် အတည်ပြုနိုင်ဖို့အတွက် ဖွဲ့စည်းပုံအရ ဆုံးဖြတ်ပိုင်ခွင့်ရှိတဲ့ အီရန်ရဲ့ အုပ်ချုပ်ရေးကောင်စီထံ ပို့လိုက်ကြပြီဖြစ်ပါတယ်။
အီရန်ရဲ့ နျူကလီးယားအစီအစဉ်တွေကို ရပ်တန့်ဖို့ ဖိအားပေးတဲ့အနေနဲ့ အမေရိကန်က စီးပွားရေးအရ ဒဏ်ခတ် ပိတ်ဆို့မှုတွေနဲ့ အပြစ်ပေး အရေးယူနေတာကို ဗြိတိန်နိုင်ငံက ထောက်ခံခဲ့တဲ့အပေါ် လက်တုံ့ပြန်တဲ့ အနေနဲ့ အီရန်လွှတ်တော်က အခုလို ဆုံးဖြတ်လိုက်တာ ပါ။
အမေရိကန်၊ ကနေဒါတို့နဲ့ ပူးပေါင်းပြီး အီရန်အပေါ် ပိုမို တင်းကျပ်တဲ့ ပိတ်ဆို့အရေးယူမှုတွေ ချမှတ် လုပ်ဆောင်သွားမယ့်အကြောင်း ဗြိတိန်အစိုးရက အခုလ အစောပိုင်းမှာ ကြေညာခဲ့တာပါ။ အီရန်နိုင်ငံအနေနဲ့ နျူကလီးယားလက်နက် တည်ဆောက်နိုင်ဖို့အတွက် သုတေသနတွေ လုပ်နေတယ်ဆိုတဲ့ ခိုင်လုံတဲ့ သက်သေ အထောက်အထားတွေ တွေ့ရှိထားတဲ့အကြောင်း ကုလသမဂ္ဂ နျူကလီးယားစောင့်ကြည့်ရေးအေဂျင်စီ (IAEA) က အစီရင်ခံစာ ထုတ်ပြန်ပြီးတဲ့နောက် သီတင်းတစ်ပတ်လောက်အကြာမှာ အမေရိကန်၊ ကနေဒါနဲ့ ဗြိတိန်နိုင်ငံတို့က အီရန်အပေါ် အရေးယူမှုအသစ်တွေ ချမှတ်လုပ်ဆောင်ဖို့  ဆုံးဖြတ်လိုက်ကြတာ ဖြစ်ပါတယ်။

တိုင်းရင်းသားရေးရာဝန်ကြီးများ လုပ်ပိုင်ခွင့် အခြေခံဥပဒေခုံရုံး ကြားနာမည်
By မသင်းသီရိ
နေပြည်တော် လွှတ်တော်အစည်းအဝေးခမ်းမမှာ ဒုတိယအကြိမ် ပုံမှန် လွှတ်တော်အစည်းအဝေး ကျင်းပနေစဉ် (စက်တင်ဘာ ၂၁၊ ၂၀၁၁)
တိုင်းရင်းသားဒေသတွေမှာရှိတဲ့ တိုင်းရင်းသားရေးရာဝန်ကြီးတွေရဲ့ လုပ်ပိုင်ခွင့်ဟာနိုင်ငံရဲ့ အခြေခံဥပဒေ ပြဌာန်းချက်တွေနဲ့ လွဲနေတာမို့ ပြင်ဆင်ပြဌာန်းပေးဖို့အတွက် တင်ပြထားတဲ့ကိစ္စကို တနင်္လာနေ့ကျရင် နေပြည်တော်က အခြေခံဥပဒေခုံရုံးမှာ ကြားနာမှာ ဖြစ်ပါတယ်။ အမျိုးသားလွှတ်တော် ကိုယ်စားလှယ် ၂၃ ဦးရဲ့လက်မှတ်နဲ့ တင်ပြထားတဲ့ ဒီအမှုဟာ ဖွဲ့စည်းပုံ အခြေခံဥပဒေနဲ့ပတ်သက်လို့ ပထမဆုံးအကြိမ် လူသိရှင်ကြား ခုံရုံးတင် ပြင်ဆင်ဖို့ ကြိုးပမ်းချက် လည်း ဖြစ်ပါတယ်။ ဒီအခြေအနေအသေးစိတ်ကိုတော့ မသင်းသီရိက အစီရင်ခံထားပါတယ်။
တိုင်းဒေသကြီးပြည်နယ် အစိုးရအဖွဲ့တွေထဲက တိုင်းရင်းသားရေးရာဝန်ကြီးတွေအဖြစ် ခန့်အပ် ထားတဲ့ ၀န်ကြီးတွေဟာ ဘာ့ကြောင့်မို့လို့ ပြည်နယ်နဲ့တိုင်းဝန်ကြီးတွေရဲ့ လုပ်ပိုင်ခွင့်တွေနဲ့ ကွာခြားနေသလဲ ဆိုတဲ့အပေါ် အမျိူးသားလွတ်တော်ကိုယ်စားလှယ် ၂၃ ဦးက အခြေခံဥပဒေ ခုံရုံးကိုတင်ပြထားတာပါ။ ဒါဟာ နိုင်ငံရဲ့ ဖွဲ့စည်းပုံအခြေခံဥပဒေထဲက တိုင်းရင်းသားရေးရာနဲ့  ပတ်သက်လို့ ပထမဆုံးအကြိမ်အဖြစ် လူသိရှင်ကြား ပြင်ဆင်ပြောင်းလဲဖို့ ကြိုးပမ်းချက် ဖြစ်တယ်လို့ ရခိုင်အမျိုးသားများတိုးတက်ရေးပါတီရဲ့ ဥက္ကဋ္ဌလည်းဖြစ် အမျိုးသားလွှတ်တော် အမတ်တဦးလည်းဖြစ်တဲ့ ဒေါက်တာအေးမောင်က ပြောပါတယ်။
“ဖွဲ့စည်းပုံအခြေခံဥပဒေနဲ့ပတ်သက်လို့ ကျနော်တို့ ဒါ ပထမဆုံးအကြိမ် လူသိရှင်ကြားပေါ့ နော်၊ လွှတ်တော်သိ လွှတ်တော်ကြား၊ ကျနော်တို့ ပထမဆုံး ခုံရုံးကိုတင်တဲ့ မေးခွန်းလေးပါ။ ကျနော် တို့ကို ပြန်ဖြေပေးပါ၊ သူတို့ပေးထားတဲ့ ဖွဲ့စည်းပုံအခြေခံဥပဒေဆိုင်ရာ ခုံရုံးရဲ့ ဥပဒေမှာလည်း ပါပါတယ်၊ နည်းဥပဒေမှာလည်း ပါပါတယ်။ အဲဒီ Procedure အတိုင်း ကျနော်တို့ တိုင်းရင်းသားတွေ အကုန်လုံးက တင်တာပါ။ ကျနော်တို့ တိုင်းရင်းသားအကုန်လုံးပါတဲ့ လွှတ်တော်အမတ် တွေ အမျိုးသားလွှတ်တော်က စတင်တဲ့ အမှုတွေလို့ ပြောရမှာပေါ့ဗျာ။”
အခုလိုမျိုး ဖွဲ့စည်းပုံအခြေခံဥပဒေထဲက ပြဌာန်းချက်နဲ့ပတ်သက်ပြီး ရှင်းလင်းပေးဖို့ တင်ပြထားတာကို နိုဝင်ဘာ ၂၈ ရက် တနင်္လာနေ့ကျရင် နေပြည်တော်က အခြေခံဥပဒေခုံရုံးမှာ ကြားနာမှာ ဖြစ်ပါတယ်။ အခုလို တိုင်းဒေသပြည်နယ် ၀န်ကြီးများအတွင်း ကွဲလွဲချက်ရှိနေတဲ့ ပြဌာန်းချက်ကိုပဲ ဒေါက်တာအေးမောင်က တိုင်းဒေသပြည်နယ်ဝန်ကြီးတွေရဲ့ အဆောင်အယောင်ပိုင်းများ ဆိုင်ရာ ဥပဒေပြင်ဆင်ချက်ကို အမျိုးသားလွှတ်တော်ထဲမှာ ပြင်ဆင်တင်ပြထားပါတယ်။ အဲဒီနောက် လွှတ်တော်အတွင်းမှာ အဓိပ္ပါယ်ဖွင့်ပြီးတော့ ပြင်ဆင်လို့မရနိုင်တဲ့ ကျန်နေသေးတဲ့ တာဝန်နဲ့လုပ်ပိုင်ခွင့်တွေ အတွက် အခုလိုမျိုး  အခြေခံဥပဒေခုံရုံးကို  တင်ပြထားကြတာလည်း ဖြစ်ပါတယ်။
“ဖွဲ့စည်းပုံအခြေခံဥပဒေမှာပါတဲ့ ပုဒ်မ ၂၆၂ (ဆ) (၂) ပေါ့ဗျာ၊ အဲဒါကို မိမိဖာသာမိမိ ဘာသာ ပြန်ပေးလို့မရဘူး၊ ဒီဥစ္စာနဲ့ပတ်သက်လို့ ဘာသာပြန်မယ်ဆိုရင် ဖွဲ့စည်းပုံ အခြေခံဥပဒေက လွဲပြီးရင် ဘယ်သူမှ ပြန်လို့မရဘူးပေါ့။ ဆိုတော့ ကျနော်တို့နားလည်တာက အဲဒီ ပုဒ်မတွေအရ တိုင်းရင်းသားရေးရာ ၀န်ကြီးအဆင့်နဲ့ တိုင်းဒေသ၊ ပြည်နယ် ၀န်ကြီးအဆင့်ဟာ တူတယ်၊ ကက်ဘိနက် (Cabinet) မှာ ပါသင့်တယ်ဆိုတဲ့ အစ်ရှုး (Issue) နဲ့ တင်ပါတယ်။
“အဲဒါကြောင့်မို့လို့ အဆောင်အယောင်၊ တိုင်းဒေသပြည်နယ် ၀န်ကြီးတပါးရဲ့ အဆောင်အယောင်အတိုင်းပဲ တိုင်းဒေသမှာရှိတဲ့ တိုင်းရင်းသားရေးရာဝန်ကြီးတွေကို ပေးသင့် တယ်ဆိုတဲ့ အစ်ရှုးနဲ့ တော်တော်များများ ကျေကျေလည်လည်ဖြစ်အောင် ဆွေးနွေးပါတယ်။ ဆွေးနွေးတဲ့အခါမှာ ဥပဒေပြန်ပြီး ရေးပါတယ်၊ အဆောင်အယောင်များဆိုင်ရာ ဥပဒေပေါ့ နော်၊ အခုဆိုရင် အဲဒီလို ပြင်ဆင်တဲ့ ဥပဒေပေါ့ နော်၊ တိုင်းဒေသကြီးပြည်နယ် အစိုးရအဖွဲ့နဲ့ ပတ်သက် လို့ အဆောင်အယောင်များဆိုင်ရာဥပဒေကို ပြန်ပြင်တဲ့ဟာကို တင်ပြီးပါပြီ။
“အဲလို တင်ပြီးတဲ့အခါမှာ လုပ်ပိုင်ခွင့်နဲ့တာဝန်ဟာ ကျန်ခဲ့လို့မရဘူးဆိုတဲ့အသိနဲ့ ကျနော်ဟာ သူ့ရဲ့ အခြေခံဥပဒေမှာ ခွင့်ပြုထားတဲ့ ဥစ္စာရယ်၊ ခုံရုံးရဲ့ ဥပဒေ နည်းဥပဒေတွေကို ပြန်သုံးသပ်ပြီး ခါမှ ကျနော်တို့ဟာ အမျိုးသားလွှတ်တော်ရဲ့ ၁၀% ပေါ့ နော်၊ ကျနော် အပါအ၀င်က ဒီသဘော တွေနဲ့ ပတ်သက်လို့ပေါ့ နော်၊ (ပုဒ်မ) ၂၆၂ နဲ့ပတ်သက်လို့ ကျနော်တို့ရဲ့ အဓိပ္ပါယ်ဖွင့်ဆိုချက် ဟာ ဒီလိုရှိပါတယ်၊ ကျနော်တို့ ၂၃ ဦး လက်မှတ်ထိုးပြီးခါမှ ကျနော်တို့ရဲ့ အမျိုးသားလွှတ်တော် ဥက္ကဋ္ဌကတဆင့် သူ့ရဲ့ ဥပဒေ နည်းဥပဒေနဲ့အညီ ကျနော်တို့က ဖွဲ့စည်းပုံအခြေခံဥပဒေဆိုင်ရာ ခုံရုံးကို တင်ထားပါတယ်။”
ဒါဟာ နိုင်ငံရဲ့ ဖွဲ့စည်းပုံအခြေခံဥပဒေထဲက ပြင်ဆင်ဖို့လိုတဲ့ အချက်တွေကို ပြင်ဆင်နိုင်ဖို့ အတွက် လွှတ်တော်ကိုယ်စားလှယ်တွေ ကြိုးစားနေတဲ့အချက်ကို လူထုကို အသိပေးသွားမှာ ဖြစ်တယ်လို့လည်း ဆိုပါတယ်။
“ဖွဲ့စည်းပုံအခြေခံခုံရုံးက ပြည့်ပြည့်စုံစုံ ဘာသာပြန်ပေးနိုင်မယ်လို့ ထင်ပါတယ်။ အဲဒီရဲ့အဖြေနဲ့ ပတ်သက်လို့လည်း ကျနော်တို့ မနက်ဖြန် (နိုဝင်ဘာ ၂၈၊ တနင်္လာ) ပြီးတဲ့ နောက်တနေ့မှာပေါ့ ဗျာ၊ ကျနော်တို့ကတော့ အပြည့်အစုံလေးကို ရှင်းပြသွားဖို့ တင်ပြသွားဖို့ ရှိပါတယ်။ ဗမာပြည် အနှံ့မှာရှိတဲ့ ပြည်တွင်းပြည်ပက ဥပဒေပညာရှင်တွေက ကျနော်တို့ ဖွဲ့စည်းပုံအခြေခံဥပဒေမှာ ဒါ ရှိပါတယ်၊ ဒီလို ခုံရုံးက ဆုံးဖြတ်ပါတယ်၊ ရှေ့နေချုပ်ရုံးက ဒီလိုပဲ ဆွေးနွေးပါတယ်၊ ကျနော်တို့ က ဒီလို ပြန်ပြီး တင်ပြပါတယ် ဆိုတာလေးကို အားလုံးသိအောင်၊ Transparency ဖြစ်အောင်၊ ဖွဲ့စည်းပုံအခြေခံဥပဒေနဲ့ပတ်သက်လို့ ဘယ်လိုဘယ်လိုတွေ ကျနော်တို့က ဆွေးနွေးနေကြပါ တယ်၊ စပြီးခါမှ ကျနော်တို့က တင်ပြနေပါပြီ ဆိုတာလေးကို လူထုသိအောင်၊ လူထုကလည်း ဆုံးဖြတ်နိုင်အောင် ကျနော်တို့က ချပြသွားဖို့ရှိပါတယ်။”
တိုင်း သို့မဟုတ် ပြည်နယ်အတွင်းမှာရှိတဲ့ တိုင်းရင်းသားရေးရာကိစ္စတွေကို ဆောင်ရွက်နိုင်ဖို့ တိုင်းရင်းသား ရေးရာဝန်ကြီးတွေအဖြစ် ခန့်အပ်ထားတာဖြစ်ပြီး  နိုင်ငံတ၀န်း တိုင်းရင်းသား ရေးရာဝန်ကြီး ၂၉ ဦးရှိပါတယ်။

ဇာဂနာကို နိုင်ငံကူး လက်မှတ်ထုတ်ပေး
သမ္မတ ဦးသိန်းစိန်၏ လွတ်ငြိမ်းချမ်းသာခွင့်ဖြင့် မကြာသေးခင်က မြစ်ကြီးနားထောင်မှ ပြန်လည်လွတ်မြောက် လာသော လူရွှင်တော် ဇာဂနာ အား အစိုးရက ပြည်ပ ခရီး ထွက် ရန် အတွက် နိုင်ငံကူးလက်မှတ် ထုတ်ပေးလိုက်သည်။ လူရွှင်တော် ဇာဂနာကို ထိုင်းနှင့် ကမ္ဘောဒီးယား နိုင်ငံများက ရုပ်ရှင်ဆိုင်ရာ အစီအစဉ်နှင့်ပတ်သက်ပြီး လာမည့် ဒီဇင်ဘာလ လယ်ခန့်တွင် လာရောက်ရန် ဖိတ်ကြား ထားကြောင်း သိရသည်။
မြောက်ကိုရီးယား-မြန်မာ နျူကလီးယား ကိစ္စ အမေရိကန်ထုတ်ဖော်
မြန်မာအစိုးရက မြောက်ကိုရီးယားထံမှ နျူကလီးယား လက်နက်ဆိုင်ရာ အကူအညီရယူထားသည်ကို အမေရိကန် အထက်လွှတ် တော် နိုင်ငံခြားရေး ကော်မတီ အနေနှင့် လွန်ခဲ့သည့် ၅ နှစ်ခန့်ကပင် သတင်းအချက်အလက် ရရှိထားကြောင်း အထက်လွှတ်တော် အမတ် Richard G. Lugar အား ကိုးကား၍ ၀ါရှင်တန် ပို့စ် သတင်း၌ ယနေ့ ဖော်ပြသည်။ ထိုအချိန်က ဆိုင်းငံ့ထားခဲ့သည့် ယင်း ကိစ္စကို ယခုမှသာ ထုတ်ပြန်ရခြင်းမှာ နိုဝင်ဘာလကုန် ပိုင်း နိုင်ငံခြားရေး ၀န်ကြီး မစ္စ ဟီလာရီ ကလင်တန် မြန်မာနိုင်ငံ သို့ ရောက်ရှိချိန် မြန်မာအစိုးရနှင့် တွေ့ဆုံပြောဆိုရာ၌ မီးမောင်းထိုးပြစေလို၍ ဖြစ်ကြောင်း သတင်းတွင် ပါရှိသည်။