27.11.2011 နေ့ဖတ်ရန်သတင်းများ

by Myanmar Journal on Sunday, November 27, 2011 at 4:42pm

 

 

Curiosity အင်္ဂါဂြိုဟ် သွား စက်ရုပ်ကား 

နာဆာကအင်္ဂါဂြိုဟ်သွား စက်ရုပ်ကားလွှတ်တင်
အမေရိကန် အမျိုးသား အာကာသ အေဂျင်စီ နာဆာက ခေတ်အမှီဆုံး ဂြိုဟ်မျက်နှာပြင်သွား စက်ရုပ်ကား တစင်းကို အင်္ဂါ ဂြိုဟ်ဆီကို လွှတ်တင် လိုက်ပြီ ဖြစ်ပါတယ်။
ဖလော်ရီဒါ ပြည်နယ်မှာ ရှိတဲ့ ကိပ် ကာနေ ဗာရယ်လ် စခန်း ကနေပြီး အလေးချိန် အားဖြင့် ၁ တန် နီးပါး လောက်ရှိတဲ့ ဂြိုဟ် မျက်နှာပြင် သွားယာဉ်ကို အက်တလပ်စ် ဒုံးပျံ ပေါ်တင်လို့ လွှတ်တင်လိုက် တာ ဖြစ်ပါတယ်။

Curiosity လို့ အမည်ပေးထားတဲ့ ဒီ စက်ရုပ် ကားဟာ အရင် လွှတ်တင် ထားခဲ့ ပြီး ဖြစ်တဲ့ ဂြိုဟ် သွားယာဉ် စက်ရုပ် ကားတွေ ထက်အများကြီး ပိုသာတယ်လို့ ဆိုပါတယ်။
ဒီ စက်ရုပ် ကားမှာ အင်မတန် အဆင့်မြင့်တဲ့ ကိရိယာတွေ တပ်ဆင် ပေးထားပြီး အရင်က ဒီ ဂြိုဟ်နီကြီး ပေါ်မှာ သက်ရှိတွေ ရှိခဲ့မလား ဆိုတဲ့ ကိစ္စနဲ့ ပတ်သက်လို့ စူးစမ်း လေ့လာ သွားမှာ ဖြစ်ပါတယ်။

KIA ဒုတိယစစ်ဉီးစီးချုပ် ဗိုလ်မှူးချုပ်ဂွန်မော်KIA နဲ့ မြန်မာ ကိုယ်စားလှယ် တရုတ်မှာ တွေ့ဖို့ရှိ
KIA ကချင်လွတ်လပ်ရေးတပ် နဲ့ မြန်မာ အစိုးရ ကိုယ်စားလှယ် အဖွဲ့ တို့ လာမယ့် ရက်ပိုင်းအတွင်း မှာ၊ အကြမ်းဖျဉ်း အားဖြင့် နိုဝင်္ဘာလ ၂၉ ရက်နေ့ မှာ တရုတ်နိုင်ငံ ရွှေလီမြို့ မှာ တွေ့ဆုံ ဆွေးနွေးဖို့ စီစဉ်ထားကြောင်း KIA ဒုတိယ စစ်ဦးစီးချုပ် ဗိုလ်မှူးချုပ် ဂွန်မော် က ဘီဘီစီ ကို ပြောပါတယ်။
တွေ့ဆုံမယ့် အချိန်နဲ့ နှစ်ဖက် လူဦးရေ စါရင်း ညှိနှိုင်းဆဲ ဖြစ်တဲ့အတွက် တနင်္လာနေ့ မှ အတည်ပြု နိုင်ဖွယ် ရှိတဲ့ အကြောင်းလည်း ပြောပြယင်း၊ အရင်ကတည်းက တရုတ်နိုင်ငံ မှာ တွေ့ဖို့ စီစဉ်ဖူးကြောင်း၊ အခုလည်း ကချင်ပြည်နယ် အတွင်းမှာ တိုက်ပွဲ တွေ ပြင်းထန်နေတဲ့ အတွက် အဆက်အသွယ်၊ သွားရေးလာရေး လွယ်ကူတဲ့ တရုတ်ဖက် ကို ရွေးချယ်ရပုံ ဗိုလ်မှူးချုပ် ဂွန်မော် က ပြောပါတယ်။
တရုတ်အစိုးရ အနေနဲ့တော့ ကြားဝင် စေ့စပ်မယ့် အခြေအနေ မရှိတဲ့ အကြောင်း လည်း ဗိုလ်ချုပ်ဂွန်မော် က ရှင်းပြပါတယ်။
မြန်မာ ကိုယ်စားလှယ် အဖွဲ့ ကို ဝန်ကြီး ဦးအောင်မင်း ဦးဆောင်လာစဉ်က ထိုင်းနိုင်ငံ ချင်းရိုင်မြို့မှာ တွေ့ဆုံခဲ့ သလို၊ သကြားယံ မှာလည်း တွေ့ဆုံဆွေးနွေး ဖူးပါတယ်။ KIA အဖွဲ့ဖက်က အခုအကြိမ် ဆွေးနွေးပွဲ မှာ ဗဟိုကော်မတီဝင် တွေ ပါဝင်မှာ ဖြစ်ကြောင်း၊ အပစ်အခတ် ရပ်ဆဲရေး အပါအဝင် နိုင်ငံရေး အရ ဆွေးနွေးမှု ကို လည်း၊ နှစ်ဦးနှစ်ဖက် ဝိုင်းပြီး စဉ်းစားတဲ့ သဘော ဆောင်ကြောင်း၊ ပြောပြပါသေးတယ်။
တိုက်ပွဲတွေ ကချင်ပြည်နယ်ထဲ မှာ ဆက်လက်ဖြစ်ပွား နေပေမယ့် တွေ့ဆုံဆွေးနွေး ရေး ကို အကောင်အထည် ဖေါ်မှာလို့ ဆိုပါသေးတယ်။ လက်ရှိ မြန်မာ့နိုင်ငံရေး အခြေအနေ နဲ့ ပတ်သက်လို့တော့ ဗိုလ်မှူးချုပ် ဂွန်မော်က ပြောင်းလဲဖို့ ကြိုးစား နေတယ်လို့ ပဲ မြင်ပုံ ဘီဘီစီ ကိုပြောပြပါတယ်။

ပြည်ပရောက် မြန်မာ့အဖွဲ့အစည်းတွေ အပြောင်းအလဲ ရှိလာနိုင်
မြန်မာနိုင်ငံ ပြည်တွင်း နိုင်ငံရေး အခြေ အနေအရ ပြည်ပရောက် အဖွဲ့အစည်းတွေ ရဲ့ အခန်းကဏ္ဍဟာ အပြောင်းအလဲ ရှိလာနိုင် တယ်ဆိုတာကို လက်ခံကြောင်း ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရ NCGUB ပြန်ကြားရေး တာဝန်ခံ ဒေါက်တာတင့်ဆွေက ဘီဘီစီကို ပြောကြားပါတယ်။
NLD မှတ်ပုံတင်ပြီး ရွေးကောက်ပွဲဝင်ရုံနဲ့ လိုချင်တဲ့ ရည်မှန်းချက်တွေ မပြည့်ဝသေးပါ
အမျိုးသားဒီမိုကရေစီအဖွဲ့ချုပ် NLD နဲ့ တိုင်းရင်းသားတွေ ပါဝင်တဲ့ ၁၉၉၀ ခုနှစ်က ကိုယ်စားလှယ်တွေ ပြည်တွင်း လွှတ်တော် နိုင်ငံရေးထဲ ရောက်သွားရင် ပြည်ပရောက် အဖွဲ့အစည်းတွေအနေနဲ့ သူတို့ကို အားဖြည့် ပေးဖို့ တာဝန်ရှိကြောင်း သူက ဆက်ပြော ပါတယ်။
ဒါပေမယ့်လည်း NLD မှတ်ပုံတင်ပြီး ရွေးကောက်ပွဲဝင်ရုံနဲ့ လိုချင်တဲ့ ရည်မှန်းချက်တွေ မပြည့်ဝသေးဘူးလို့ ယူဆကြောင်း ပြောပါ တယ်။ ဒေါ်အောင်ဆန်းစုကြည်နဲ့ NLD လွှတ်တော်ထဲရောက်ရေးဟာ သူတို့ရဲ့ ရည်မှန်းချက်မဟုတ်ဘူးလည်း ဆိုပါတယ်။
အကြောင်းကတော့ မြန်မာပြည်ကို ၁၉၆၂ ခုနှစ်ကတည်းက စစ်အုပ်စု အုပ်ချုပ်လာတဲ့ အပေါ်မှာရော၊ စစ်အုပ်စုရဲ့ အာဏာရလိုမှု အပေါ်မှာပါ ပြည်သူလူထုက လုံးဝ ယုံကြည် စိတ်ချရခြင်း မရှိသေးတာကြောင့် ဖြစ်တယ်လို့ ဆိုပါတယ်။
စိတ်မချရသေးသ၍ ပြည်တွင်းက နိုင်ငံရေးအင်အားစုတွေ ဆောင်ရွက်နေသလို ပြည်ပ ကနေလည်း ဆောင်ရွက်သင့်တယ်လို့ ယူဆကြောင်း သူကပြောပါတယ်။
လူထုက ထောက်ခံပေးလိုက်တဲ့ ၁၉၉၀ ရွေးကောက်ပွဲရလဒ်အရ ဒီမိုကရေစီနဲ့ လူ့အခွင့် အရေးတွေ အပြည့်အဝ ရရှိရေး၊ အမျိုးသား ရင်ကြားစေ့ရေးနဲ့ တိုင်းရင်းသား အရေး၊ ဒါတွေ စိတ်ချရပြီဆိုမှ ရည်မှန်းချက် ပြည့်စုံမှာ ဖြစ်တယ်လို့လည်း ပြောပါတယ်။
နောက်ဆုံးအခြေအနေမှာတော့ ပြည်တွင်း အဖွဲ့အစည်းတွေနဲ့ ပေါင်းစည်းလှုပ်ရှားနိုင်မှာ ဖြစ်ပေမယ့် အခုလောလောဆယ်မှာတော့ အဲဒီလိုအဆင့်ရောက်ဖို့ အတော့်ကို စောနေသေး ကြောင်း သူကပြောပါတယ်။
အခုလို လပိုင်းအတွင်း ဖြစ်ပေါ်လာတဲ့ အပြောင်းအလဲတွေကြောင့် နှစ်ပေါင်း လေးငါးဆယ် ကျော် လုပ်ခဲ့တာတွေ အတွက် ပြေလျော့သွားတယ်လို့ မထင်ကြောင်း ပြောပြသွားပါတယ်။

ကချင်မှာ တိုက်ပွဲတွေ ပြင်းထန်
ကချင်မှာ တိုက်ပွဲတွေ ပြင်းပြီး မြို့တွေထဲထိ ဗုံးထောင်မှုတွေ ရှိနေ
ကချင် ပြည်နယ်ထဲမှာ မြန်မာ အစိုးရနဲ့ ကေအိုင်အေတို့ရဲ့ တိုက်ပွဲတွေ ပိုကျယ် ပြန့်လာ၊ ပိုစိတ်လာတယ်လို့ သတင်းတွေ ရရှိပါတယ်။
အထူးသဖြင့် မိုးမောက်နဲ့ ဝိုင်းမော် မြို့နယ် တွေမှာ တိုက်ပွဲတွေ အပြင်းအထန် ဖြစ်နေပြီး ခုနောက်ဆုံး ကချင် ပြည်နယ်နဲ့ ရှမ်းပြည်နယ် ထိစပ်နေတဲ့ ဒေသတွေကိုပါ ကူးစက် လာပြီး တိုက်ပွဲတွေ နေ့စဉ် ရက်ဆက် ဖြစ်နေပါတယ်။
အစိုးရဘက်က ရဟတ်ယဉ်တွေပါ အသုံးပြု ထိုးစစ် ဆင်နေပါတယ်။
သောကြာနေ့က တရုတ် မြန်မာ နယ်စပ် လွယ်ဂျယ် မြို့နားက အစိုးရ တပ်စခန်းကိုစစ် သားတွေကို စစ်ရဟတ်ယဉ် သုံးစီးနဲ့ လေးကြိမ်လောက် ပို့ဆောင် ပေးခဲ့တယ်လို့ သတင်း ရပါတယ်။
တရက်ထဲမှာ နမ်းခမ်းကနေ ဆယ့်နှစ်မိုင်လောက် ဝေးတဲ့ မန်စီနားမှာ ကေအိုင်အေကနေ အစိုးရ စစ်ကြောင်းတွေကို နေရာ နှစ်နေရာမှာ တိုက်ခိုက်ခဲ့ပြီး ကေအိုင်အေ ရှေ့တန်း သတင်း ရပ်ကွက် အဆိုအရ လူဆယ့်ယောက် လောက်ထိ ကျဆုံးမှု ရှိတယ်လို့ သိရပြီး ဒေသခံ တွေကလည်း အကျ အဆုံး ရှိတယ်လို့ ဆိုပါတယ်။
တပ်မ ကိုးဆယ့်ကိုးက စစ်ကား ငါးစီးကို ကေအိုင်အေက တိုက်ခိုက်ရာမှာ နှစ်စီး လုံးဝ ပျက်သွားပြီး အကျ အဆုံး ရှိတယ်လို့ ဒေသခံတွေက ပြောပါတယ်။
ရှမ်းပြည်နယ်နဲ့ ကချင် ပြည်နယ် နယ်စပ်မှာ တပ်မ ကိုးဆယ့်ကိုးနဲ့ ရှစ်ဆယ့်ရှစ် တပ်ကူ တွေရောက်နေပြီး မြောက်ပိုင်းနဲ့ အရှေ့ မြောက်ပိုင်းက တပ်ရင်းပေါင်း ဆယ်ဂဏန်းထိ ရောက်နေပြီး ကေအိုင်အေ တပ်မဟာ ဌာနချုပ်ကို စီးဖို့ ပြင်ဆင်နေတာ ဖြစ်ကောင်း ဖြစ်နိုင် တယ်လို့ နယ်စပ်မှာ ခန့်မှန်း ပြောဆို နေပါတယ်။

အိုင်အယ်လ်အို အကြီးအကဲ Juan Somaviaလူ့ခွင့်ရေး ချိုးဖောက်မှု ဆက်ရှိ HRDB ပြော
သမ္မတ ဦးသိန်းစိန် လက်ထက်မှာ ပြုပြင် ပြောင်းလဲမှုတွေ လုပ်နေတယ် ဆိုပေမယ့် လူ့ အခွင့် အရေး ချိုးဖောက်မှုတွေ ဆက်ရှိ နေတယ်လို့ HRDB လူ့အခွင့်အရေး လေ့လာ စောင့်ကြည့်ရေး အဖွဲ့က ပြောပါတယ်။
တချို့ မြို့နယ်တွေမှာ အာဏာပိုင်တွေက အတင်း အဓမ္မ ကင်းစောင့်ခိုင်းတာ၊ ခလေး စစ်သား စုဆောင်းမှုတွေ ဆက်ရှိနေတယ်လို့ HRDB က စောဘန်ကူးက ဘီဘီစီကို ပြောပြပါတယ်။
ရပ်ကွက်ထဲမှာလည်း ကင်းမစောင့်ရင် အရေးယူမယ်လို့ ခြိမ်းခြောက်မှုတွေ ရှိခဲ့ပြီး မစောင့်ရင် ငါးရာ ၊ တထောင် ပေးရမယ် ဆိုတဲ့ တောင်းခံမှုတွေ ရှိခဲ့တယ်လို့လည်း သူက ဆိုပါတယ်။
အများသဘောတူရင် လုပ်လို့ ရတယ် ဆိုပေမယ့် ကင်းစောင့်ခြင်း ဆိုတာ တစုံတယောက်ရဲ့ ခြိမ်းခြောက်မှု ပါလာရင် အဓမ္မ ခိုင်းစေမှုလို့ အိုင်အယ်လ်အိုက သတ်မှတ်ကြောင်း စောဘန်ကူးက ဆိုပါတယ်။
ဘိုကလေး နယ်ဘက်မှာ ကလေးစစ်သား စုဆောင်းမှုတွေနဲ့ ပတ်သက်လို့ မေးကြည့်တော့ နာဂစ်ပြီး ကာလမှာ ကလေး စစ်သား ၁၄ယောက် ဝန်းကျင် စုဆောင်းခံခဲ့ရပြီး သူတို့ထဲက ပြန်လွှတ်လာတာ ရှိသလို ပြန်မလွှတ်သေးတဲ့ သူတွေလည်း ရှိသေးတယ်လို့ ဆိုပါတယ်။
အခု အစိုးရသစ် လက်ထက်မှာလည်း ကလေးတယောက် စစ်သားအဖြစ် စုဆောင်းခံရပြီး ဖြိုးမောင်မောင်တို့ ကျော်နိုင်ဝင်း တို့ ဇော်ဇော်လင်းတို့ ဆိုရင် အခုထိ ပြန်လွှတ်မလာ သေးဘူးလို့ သူက ပြောပါတယ်။

တရုတ်နိုင်ငံ ကလေးတယောက်ပေါ်လစီကို လျှော့ပေါ့ပေး
ဟီနန်ပြည်နယ်က မိသားစုတွေမှာ သမီးတဦး တည်း ရှိခဲ့ရင် နောက်တဦး ထပ်ယူခွင့်ရပြီ
တရုတ်နိုင်ငံမှာ တိုင်းပြည်ရဲ့ အငြင်းပွား ဖွယ် ဖြစ်နေတဲ့ မိသားတစု ကလေး တယောက် ပေါ်လစီနဲ့ ပတ်သက်တဲ့ စည်းကမ်းချက်တချို့ကို နိုင်ငံအလယ်ပိုင်း ဟီနန်ပြည်နယ်မှာ လျှော့ပေါ့ ပေးလိုက်ပြီ ဖြစ်ပါတယ်။
လူဦးရေ သန်း ၉၀ ရှိတဲ့ ဟီနန်ပြည်နယ်ဟာ မိသားတစုမှာ ကလေးတယောက်ပဲ ရှိရမယ် ဆိုတဲ့ ပိတ်ပင်ထားမှုကို နောက်ဆုံး လျှော့ပေါ့ ပေးလိုက်တဲ့ ပြည်နယ် ဖြစ်ပါတယ်။
ကျေးလက်ဒေသက သမီး မိန်းကလေးတဦးပဲ ရှိတဲ့ မိသားစုတွေ အနေနဲ့ သားယောင်္ကျား လေး အလိုရှိခဲ့ရင် နောက်ထပ် တဦး ထပ်မွေးခွင့် ရရှိမှာ ဖြစ်ပါတယ်။
နောက်ပြီး ဇနီးမောင်နှံ ၂ ဦးစလုံးဟာ သူတို့မိသားစုတွေမှာ တဦးတည်းသော သား/သမီး ဖြစ်ခဲ့မယ် ဆိုရင်လည်း အဲဒီ ဇနီးမောင်နှံဟာ သားသမီး ၂ ဦး ယူခွင့်ရမှာ ဖြစ်ပါတယ်။

နေတိုးတိုက်ခိုက်မှုကြောင့် ပါကစ္စတန်စစ်သားတွေ သေဆုံး
 အာဖဂန်က နေတိုးတပ်ဖွဲ့အတွက် ထောက်ပံ့ ရေး လမ်းကို ပါကစ္စတန်က ပိတ်လိုက်ပြီ
နေတိုးမဟာမိတ်တပ်ဖွဲ့ရဲ့ ရဟတ်ယာဉ်တွေ ဟာ ပါကစ္စတန် အနောက်မြောက်ဘက်က စစ်ဆေးရေး ဂိတ်တခုကို တိုက်ခိုက်ခဲ့တဲ့ အတွက် အနည်းဆုံး ပါကစ္စတန် စစ်သား ၂၆ ဦး သေဆုံး သွားတယ်လို့ ပါကစ္စတန် စစ်တပ်က ပြောပါတယ်။
ပါကစ္စတန်နိုင်ငံက လူမျိုးစုဒေသတခုဖြစ်တဲ့ မိုမာ့ဒ် ဒေသထဲက ဝေးလံခေါင်ဖျားတဲ့ အာဖဂန်နယ်ခြားအနီး နေရာတခုမှာ ရှိတဲ့ ဆာလားလား စစ်ဆေးရေးဂိတ်မှာ အခုလို တိုက်ခိုက် ခံခဲ့ရတာ ဖြစ်ပါတယ်။
ဒီဂိတ်ဟာ စစ်တပ်ဂိတ်ဖြစ်တယ် ဆိုတာ၊ အမှတ်အသား အသေအချာ လုပ်ထားတာ ဖြစ်ပြီး၊ ဘာမှာ ကြိုတင် သတိပေးခြင်းမရှိဘဲ တမင်သက်သက် ဝင်တိုက်ခံ ရတာ ဖြစ်တယ်လို့ အရာရှိတွေက ပြောပါတယ်။
အခုလို ဖြစ်ရပ်တွေအတွက် သည်းခံလိမ့်မှာ မဟုတ်ဘူးလို့ ပါကစ္စတန်ဘက်က ပြောကြား လိုက်ပြီး၊ အာဖဂန်မှာ တိုက်ခိုက်နေကြတဲ့ နေတိုးတပ်ဖွဲ့တွေအတွက် အဓိက ထောက်ပံ့ရေး လမ်းကြောင်း နှစ်ခုကို ပိတ်ပစ်လိုက်ပြီလို့ ပါကစ္စတန်နယ်ခြား အရာရှိတွေက ပြောပါတယ်။
ပါကစ္စတန်စစ်သားတွေ ဒီလောက်များများ သေဆုံးခဲ့ရတဲ့ ကိစ္စနဲ့ပတ်သက်ပြီး အရေးပေါ် အစည်းအဝေးကျင်းပဖို့ အတွက် ပါကစ္စတန်ဝန်ကြီးချုပ် ယူဆွန် ရာဇာ ဂီလာနီဟာ သူ့ဇာတိဖြစ်တဲ့ မူလ်တန်မြို့ကို ရောက်ရှိနေရာကနေ ချက်ချင်းခရီးစဉ်ကို ဖျက်သိမ်းပြီး ပြန်လာခဲ့ပါတယ်။
ဒီအရေးပေါ်အစည်းဝေးကို ပါကစ္စတန်စစ်တပ် ထိပ်တန်းခေါင်းဆောင်တွေလည်း တက်ရောက် နေကြပါတယ်။
ISAF နိုင်ငံတကာတပ်ဖွဲ့တွေရဲ့ပြောခွင့်ရသူ ဗိုလ်မှူးချုပ် Carsten Jacobsen က ဒီအဖြစ် အပျက်ကို စုံစမ်းစစ်ဆေးနေတယ်လို့ ပြောပါတယ်။
အခုဖြစ်ရပ်ကြောင့် ပါကစ္စတန်နဲ့ အမေရိကန်အကြား အဆင်မပြေဖြစ်နေတဲ့ ဆက်ဆံရေးကို ပိုမို ဆိုးဝါးလာစေတယ်လို့ သတင်းထောက်တွေက ပြောပါတယ်။

ဆီးရီးယားက ဆန္ဒပြပွဲတွေဆီးရီးယား အစိုးရ နောက်ဆုတ်မယ့်ပုံ မရှိ
ဆီးရီးယား နိုင်ငံထဲကို လေ့လာ သုံးသပ်သူတွေ ဝင်ခွင့်ပေးပါလို့ အာရပ်အဖွဲ့ချုပ်ရဲ့ တောင်းဆို ချက်ကို လိုက်လျောရမယ့် အချိန် ကျော်လွန်လာတာကြောင့် ဆီးရီးယားဟာ အာရပ် အဖွဲ့ချုပ်ရဲ့ စီးပွားရေး ပိတ်ဆို့ အရေးယူ ခံရမယ့် ခြိမ်းခြောက်မှု ရင်ဆိုင် နေရပါပြီ။
ဆီးရီးယားကို ပိတ်ဆို့ အရေးယူဖို့ အတွက် ဒီစနေ တနင်္ဂနွေမှာ အာရပ် အဖွဲ့ချုပ်မှာ အစည်းအဝေးခေါ်ပြီး ဆုံးဖြတ်ချက် ချမှာ ဖြစ်ပါတယ်။
အဲဒီလို အရေးယူမယ့် အစီအစဉ်အရ လေကြောင်းခရီး ပျံသန်းမှုတွေ ရပ်ဆိုင်းပြီး ဘဏ္ဍာရေး ဆက်သွယ်မှု့ အပြင် ဆီးရီးယားရဲ့ ပြည်ပက ပိုင်ဆိုင်မှုတွေကိုလည်း ကန့်သတ်ပစ်တော့ မှာ ဖြစ်ပါတယ်။
အာရပ် အဖွဲ့ချုပ်ရဲ့ စီးပွားရေး ပိတ်ဆို့ အရေးယူမယ့် အစီအစဉ်ကို ရှုတ်ချ ဆန္ဒပြမှုတွေ အပါအဝင် အစိုးရ အနေနဲ့ နောက်ဆုတ်မယ့် ပုံ မရှိဘူးလို့ ဘီဘီစီ အရှေ့အလယ်ပိုင်း ဆိုင်ရာ သတင်းထောက်က ပြောပါတယ်။
သမ္မတ အာဆက် ရာထူးက ဆင်းပေးရေး တက်ကြွ လှုပ်ရှားသူ တွေကတော့ ဆီးရီးယားမှာ ဆန္ဒပြမှုတွေ ဆက်ဖြစ်နေပြီး လုံခြုံရေး တပ်ဖွဲ့တွေ လက်ချက်ကြောင့် လူတွေ ထပ်ပြီး သေဆုံး နေတုန်းဘဲလို့ ပြောပါတယ်။

ဘယ်လဂျီယမ် ယာယီ ဝန်ကြီးချုပ် Yves LetermeS & P က ဘယ်ဂျီယမ်ကို အဆင့်လျှော့ သတ်မှတ်ပြီ
ဥရောပ ကြွေးမြီ ဂယက် ဆက်ပြန့်နေမှုကြောင့် ဘယ်လဂျီယမ်ရဲ့ ကြွေးမြီ ပြန်ဆပ်နိုင်စွမ်းကို အကြွေးအဆင့်အတန်း သတ်မှတ်ပေးတဲ့ အေဂျင်စီ Standard & Poor's ကနေ အဆင့်လျှော့ချ သတ်မှတ် လိုက်ပါ တယ်။
ဘယ်လဂျီယမ် နိုင်ငံရေး အခြေအနေက ရှေ့မတိုး နောက်မဆုတ် ဖြစ်နေပြီး အစိုးရသစ်ဖွဲ့ဖို့ အဖန်တလဲလဲ ပျက်ကွက်ခဲ့တာကြောင့် အကြွေးပြန်ဆပ်ဖို့ ပြဿနာ ကြုံရမယ့် အပေါ် စိုးရိမ်ပူပန်ကြောင်း Standard & Poor's က ပြောပါတယ်။
တနင်္လာနေ့ ဈေးဖွင့်ချိန် မတိုင်မီ ဘတ်ဂျတ်သစ်ရဲ့ အဓိက အချက်တွေကို သဘောတူညီမှု ရအောင် ကြိုးစား ကြဖို့ ဘယ်ဂျီယမ် ပြိုင်ဖက် ပါတီတွေကို ၁ဂလနီးပါး ယာယီ ဝန်ကြီးချုပ် အဖြစ် တာဝန်ယူ ထားရတဲ့ Yves Leterme က တိုက်တွန်း လိုက်ပါတယ်။

အီဂျစ် ဝန်ကြီးချုပ်သစ် ဂန်ဇူရီအီဂျစ်ဝန်ချုပ် မိန့်ခွန်း စိတ်တိုင်း မကျကြ
အီဂျစ်မှာ အသစ်တက်လာတဲ့ ဝန်ကြီးချုပ် သစ်က သူ့ကို အချိန်ပေးဖို့ ဆန္ဒ ပြနေသူ တွေကို ပန်ကြားလိုက်ပေမယ့် လူတွေက စိတ်တိုင်းကျပုံ မရပါဘူး။
ဆန္ဒပြသူတွေက စစ်အုပ်ချုပ်ရေး အဆုံးသတ် ရေးကိုသာ လိုလားတယ်လို့ ပြောနေပါတယ်။
တာဟီရာ ရင်ပြင်မှာ ညသန်းခေါင် ကျော်လာ ချိန်ထိဆန္ဒပြသူရှစ်သောင်းကိုးသောင်းလောက် ရှိနေပါတယ်။
ဆန္ဒ ပြမှုတွေဟာ ငြိမ်းငြိမ်း ချမ်းချမ်း ရှိတယ်၊ စစ်အုပ်ချုပ်ရေး အဆုံးသတ်ပေးဖို့ တောင်းဆို နေကြပါတယ်။
လူတွေက အရပ်သား အစိုးရကိုပဲ မြင်ချင်တယ်လို့ ပြောပြီး ဘယ်လို အစိုးရမျိုး လိုချင်လဲ ဆိုတဲ့ မေးခွန်းနဲ့ ပတ်သက်လို့တော့ တိတိကျကျ အဖြေ ပေးနိုင်ပုံ မရသေးဘူးလို့ ပြောပါ တယ်။
ဝန်ကြီးချုပ်သစ်က အစောပိုင်းက သူ့ကို အချိန်ပေးဖို့ ပန်ကြားပေမယ့် ဒီ ပန်ကြားချက်က လူတွေ နားထဲ ဝင်မယ့်ပုံ မရှိပါဘူး။
သူ့ ထောက်ခံ သူတွေ ကတော့ သူဟာ လုပ်ရည် ကိုင်ရည် ရှိသူဆိုတာ တိုင်းသိ ပြည်သိ ဖြစ်တယ်၊ နှိုင်းယှဉ်ချက် အရ တခြား လူတွေထက် လူကြိုက်များသူ ဖြစ်တယ်၊ ခုလို ရွေး ကောက်ပွဲ ကျင်းပခါနီး အတိမ်း အစောင်းမခံတဲ့ အခြေ အနေမျိုးမှာ အီဂျစ်ကို ထိန်းကျောင်း ပဲ့ကိုင်နိုင်မယ့်သူလို့ ပြောကြသလို တချို့ ကလည်း သူဟာ မူဘာရက် အစိုးရထဲကလူ၊ ဒီလို လူတွေကြောင့် အီဂျစ်က ဒုက္ခရောက်ရတာလို့ မြင်ကြပါတယ်။
မနေ့ နေ့ပိုင်းတုန်းက ဆန္ဒပြသူတွေ ထဲမှာ အရင် ကုလ တာဝန်ခံ မိုဟာမက် အယ်လဘာ ရာဒိုင်းကို တွေ့ခဲ့ရပေမယ့် သူ့ကို ထောက်ခံမှု ကျယ်ကျယ် ပြန့်ပြန့် မရှိဘူးလို့ ဘီဘီစီ သတင်းထောက်က ပြောပါတယ်။
 အီဂျစ်မှာ ရေပန်း အစားဆုံး မွတ်စလင် ညီရင်း အကိုများ အဖွဲ့
လက်ရှိ နိုင်ငံရေး အဖွဲ့အစည်းတွေထဲမှာ ရေပန်း အစားဆုံးကတော့ မွတ်စလင် ညီရင်းအကိုများ အဖွဲ့ပါ။
ဒါပေမယ့် သူတို့က တနင်္လာနေ့မှာ ရွေးကောက်ပွဲ ဝင်မှာဖြစ်ပြီး ရွေးကောက်ပွဲမှာ နေရာအများဆုံး ရနိုင်တာ သိထားတော့ ခုတာဟီရာ ရင်ပြင်က ဆန္ဒပြပွဲကို မဖြစ်စေချင်ပါဘူး။ ရွေးကောက်ပွဲ မပျက်စေချင်ပါဘူး။
ဒီတော့ အီဂျစ်မှာ စစ်တပ်က အုပ်ချုပ်မှု အာဏာ ယူထားပေမယ့် နိုင်ငံရေး အရ တရားဝင်တဲ့ အဖွဲ့ တဖွဲ့ ပေါ်လာဖို့ အရေးမှာ လစ်ဟာနေတယ် လို့ ဘီဘီစီ သတင်းထောက်က ကိုင်ရိုကနေ သတင်း ပို့ပါတယ်။

ပါကစ္စတန် က နေတိုးကို လမ်းပိတ် ပြီ
နေတိုး တပ်ဖွဲ့က ရဟတ်ယာဉ် တစင်း
ပါကစ္စတန် အစိုးရက အမေရိကန် နဲ့ နေတိုး အဖွဲ့တို့ နဲ့ ထားရှိတဲ့ သံတမန် ရေး၊ စစ်ရေး နဲ့ သတင်း ထောက်လှမ်းရေး ပူးပေါင်း ဆောင်ရွက် မှုတွေနဲ့ ပတ်သက်လို့ ပြန်လည် သုံးသတ်ဖို့ စီစဉ် နေတယ်လို့ ဆိုပါတယ်။
ဒါကတော့ ပါကစ္စတန် စစ်တပ် ရဲ့ ကင်းစခန်း တခုကို နေတိုးက လေကြောင်းက တိုက်ခိုက် ခဲ့လို့ စစ်သား ၂၅ ဦး သေဆုံး ခဲ့ရတဲ့ နောက်မှာ အခုလို ပြောကြား လိုက်တာ ဖြစ်ပါတယ်။
ကက်ဘိနက် ကာကွယ်ရေး ဆိုင်ရာ ကော်မတီ ရဲ့ အရေးပေါ် အစည်းအဝေး အပြီးမှာ ပါကစ္စတန် နဲ့ အာဖဂန်နစ္စတန် နယ်စပ်ကို နေတိုး တပ်ဖွဲ့တွေ ဖြတ်ကျော် ခွင့်တွေ ကိုလဲ ပိတ်ဖို့ ဆုံးဖြတ်လိုက် သလို၊ နိုင်ငံ အနောက်ပိုင်းက ဘာလူ ချစ်စတန် ပြည်နယ်မှာ ရှိတဲ့ ရှမ်ဆီး လေတပ် စခန်း ကနေ အမေရိကန် တပ်တွေ ၁၅ ရက် အတွင်း ထွက်ခွာ သွားဖို့ လဲ ကြေငြာ ချက်တရပ် ထုတ်လိုက်ပါတယ်။
အဲဒီ ရှမ်ဆီး လေတပ် စခန်း ကနေ အမေရိကန် တွေက မောင်းသူမဲ့ လေယာဉ် တွေကို စေလွှတ်ပြီး တိုက်ခိုက်မှု တွေလုပ်နေ ခဲ့ကြတာ ဖြစ်ပါတယ်။ ဒါပေမယ့် အဲဒီ စခန်း ကနေ အမေရိကန် တွေကို ဇွန်လ မှာထွက် သွားဖို့ အတွက် ပြောထား ပြီးသား လဲ ဖြစ်ပါတယ်။ နေတိုး ဘက်က က ပြောခွင့် ရသူကတော့ အာဖဂန် နဲ့ နယ်စပ် အနားမှာ ဆိုရင် တော့ မဟာမိတ် တွေဘက်က တိုက်ခဲ့ တာ ဖြစ်ဖို့ များတယ်လို့ ပြောပါတယ်။

လှေမှောက်လို့ လူအများအပြားသေ
စက်လှေနစ်မြုပ်မှုတွေ ခဏခဏဖြစ်ခဲ့
ရခိုင်ပြည်နယ် မောင်တော ဘက်ကနေ မလေးရှားကို ခိုးထွက်ဖို့ လုပ်တဲ့ စက်လှေ တစ်စီး မြန်မာ-ဘင်္ဂလားဒေ့ရှ် နယ်စပ်မှာ နစ်မြုပ်သွားတဲ့ အတွက် လူပေါင်း ၆၀ ခန့် သေဆုံးသွားတယ်လို့ ဒေသခံတွေ အပြော အရ သိရပါတယ်။
အဲဒီစက်လှေဟာ လူပေါင်း ၁၀၀ ကျော်ကို တင်ဆောင်ပြီး မောင်တောမြို့နယ် တောင်ပိုင်း အလယ် သံကျော်ကနေ လွန်ခဲ့တဲ့ အင်္ဂါနေ့ လောက်က မလေးရှားကို ထွက်ခွာ လာရာမှာ မြန်မာ ဘင်္ဂလား နယ်စပ် နတ်မြစ်ဝ အနီးမှာ နစ်မြုပ် သွားခဲ့တာလို့ ဒေသခံတစ်ဦးက ပြောပါတယ်။
အခုအခါ မြန်မာဘက်က ပတင်းဆိုတဲ့ နေရာမှာ အလောင်း တစ်ချို့ ပေါလော ပေါ်လာသလို ဘင်္ဂလားဒေ့ရှ် ဘက်ခြမ်းမှာလည်း အလောင်းတွေ လာပေါ်တယ်လို့ သိရပါတယ်။
အခု ဘင်္ဂလားဒေ့ရ်ှဘက်က စိန့်မာတင်ကျွန်းမှာ လေး ငါး ခြောက်လောင်း ပေါ်တယ်၊ မြန်မာဘက်မှာလည်း ပေါ်တာတွေ ရှိပြီး ခုချိန်ထိ ၁၂ လောင်း ၁၃ လောင်း ပေါ်ခဲ့တယ်လို့ ဒေသခံတစ်ဦးက ပြောပါတယ်။
အခု မြန်မာဘက်က သေဆုံးသွားတဲ့ သူတွေဟာ သူတို့ကိုယ် သူတို့ ရိုဟင်ဂျာလို့ ခံယူထားတဲ့ သူတွေ ဖြစ်တယ်လို့ ဒေသခံတွေက ပြောပါတယ်။
အခင်းဖြစ်ပွားတဲ့ နေရာကို မောင်တော ခရိုင် ရဲတွေ အပါအဝင် ဌာနပေါင်းစုံ လာရောက် စစ်ဆေးခဲ့တယ်လို့လည်း သိရပါတယ်။

ကချင်စစ်ပြေးဒုက္ခသည်တွေ တရုတ်နယ်စပ်ထွက်ပြေး
ကချင် စစ်ပြေး ဒုက္ခသည်များ
မြန်မာအစိုးရတပ်နဲ့ ကချင် လွတ်လပ်ရေး တပ်မတော် (KIA) တပ်တို့ကြား တိုက်ပွဲ တွေ ဆက်လက် ဖြစ်ခဲ့သလို စစ်ပြေး ဒုက္ခသည်တွေလည်း ဆက်လက် များနေဆဲ လို့ သိရပါတယ်။
အထူးသဖြင့် ကချင်ပြည်နယ် မန်စီမြို့နယ်တွေနဲ့ ရှမ်းပြည်နယ် နမ့်ခမ်းမြို့နယ် တဝိုက်က ဒေသခံတွေဟာ စိုးရိမ်မှုတွေ ရှိနေကြသလို အများအပြားဟာ ဘေးလွတ်ရာ ထွက်ပြေး သွားကြတယ်လို့ ဒေသခံတွေက ပြောပါတယ်။
မန်ဝိန်းကြီး ဒေသတဝိုက်က ဒေသခံတွေဟာ တရုတ်-မြန်မာနယ်စပ် နန်တောင်း ဘက်ဆီကို ဦးတည် ထွက်ပြေး တိမ်းရှောင် နေရပါတယ်။
ပြီးခဲ့တဲ့ ဗုဒ္ဓဟူး ကြာသပတေးနေ့တွေက အစိုးရ စစ်တပ် စစ်ကားတွေ ပိုတွေ့လာရလို့ ပဋိပက္ခတွေ ပိုဖြစ်လာမလားဆိုပြီး စိုးရိမ်ကာ ပိုပြီး ထွက်ပြေးကြတယ်လို့ နန်တောင်း ဒေသခံ အမျိုးသမီးတစ်ဦးက ပြောပါတယ်။
နန်တောင်းဘက်မှာ ရက်ပိုင်းအတွင်း လူထောင်ဂဏန်းလောက် ထွက်ပြေးတာ တွေ့ရတယ်လို့ သူက ပြောပါတယ်။
စစ်ပြေး ဒုက္ခသည်တွေအတွက် အကူအညီတွေ လိုအပ်မှု ရှိနေတယ်လို့လည်း ပြောပါတယ်။

အီဂျစ်ဆန္ဒပြသူတွေနဲ့ လုံခြုံရေးတပ် ထိပ်တိုက်တွေ့ပြန်ပြီ
By ဗွီအိုအေ (မြန်မာဌာန)
အီဂျစ်နိုင်ငံ အရေးပေါ်အခြေအနေမှာ အုပ်ချုပ်ရေးကို တာဝန်ယူထားတဲ့စစ်တပ်ကို ဖယ်ရှားပေးဖို့ ကိုင်ရိုမြို့ တဟီရာရင်ပြင်မှာ ဆန္ဒပြသူတွေက ဆက်လက် ဖိအာေးပး တောင်းဆိုကြတဲ့အတွက် အပြန်အလှန် တိုက်ခိုက်မှုသစ်တွေ ဖြစ်နေပါတယ်။ ခဲနဲ့ထုတဲ့ ဆန္ဒပြသမားတွေကို လုံခြုံရေးတပ်တွေက မျက်ရည်ယိုဗုံးတွေ နဲ့ ပြန်ပြီး နှိမ်နင်းကြပါတယ်။
လုံခြုံရေးတပ်က ကားနဲ့တိုက်မိလို့ အနည်းဆုံး လူတစ်ယောက် သေဆုံးပါတယ်။ အီဂျစ် အာဏာပိုင်တွေက မတော်တဆဖြစ်ရတာပါလို့ ပြောပါတယ်။ သောကြာနေ့က အလက်ဇန်းဒရီးယားမြို့မှာ ဆန္ဒပြသူတွေနဲ့ လုံခြုံရေးတွေ ထိပ်တိုက်တွေ့ကြပါတယ်။ ပြီးခဲ့တဲ့အပတ်က တနိုင်ငံလုံးမှာ အနည်းဆုံး ၄၂ ယောက် သေဆုံးသွားပါတယ်။
တနင်္လာနေ့မှာ ပါလီမန်ရွေးကောက်ပွဲလုပ်ဖို့ ပြင်ဆင်နေချိန်မှာ မငြိမ်မသက်မှုတွေ ဖြစ်လာတာဖြစ်ပါတယ်။ သမ္မတ ဟိုစနီမူဘာရက် ပြုတ်ကျအပြီး ပထမဆုံးပြုလုပ်မယ့် ရွေးကောက်ပွဲ ဖြစ်ပါတယ်။ စနေနေ့က သမ္မတနေရာ အရွေးခံမယ့်ပုဂ္ဂိုလ်နှစ်ဦးနဲ့ စစ်ကောင်စီတို့ တနေရာစီခွဲပြီး တွေ့ဆုံကြပါတယ်။ အတိုက်အခံ ခေါင်းဆောင် Mohamed ElBaradei နဲ့ အာရပ်နိုင်ငံများအဖွဲ့ချုပ် ခေါင်းဆောင် Amr Moussa တို့ ဖြစ်ကြပါတယ်။
လောလောဆယ်ဖြစ်ပွားနေတဲ့ နိုင်ငံရေးပြဿနာတွေကို ဖြေရှင်းဖို့ စစ်တပ်နဲ့ Moussa တို့အကြား ဆွေးနွေးကြတယ်လို့ ရိုက်တာသတင်းက ဆိုပါတယ်။ ဥရောပသမဂ္ဂ နိုင်ငံခြားရေးဝါဒဆိုင်ရာ ခေါင်းဆောင် Catherine Ashton ကအီဂျစ်နိုင်ငံက အကြမ်းဖက်မှုတွေကို ဝေဖန်ရှုတ်ချလိုက်ပြီးတော့ တရားဥပဒေ စိုးမိုးရေး ရှိကြဖို့ တိုက်တွန်းလိုက်ပါတယ်။
သမ္မတဟောင်း ဟိုစနီမူဘာရက် လက်အောက်မှာ အမှုထမ်းခဲ့တဲ့ ပုဂ္ဂိုလ်တစ်ယောက်ဖြစ်တဲ့ Kamal el-Ganzouri ကို စစ်တပ်က ၀န်ကြီးချုပ်သစ်အဖြစ် ခန့်ထားတာကို ဆန္ဒပြသူတွေ အများစုက မကျေနပ်ကြတာ ဖြစ်ပါတယ်။ တနင်္လာနေ့မှာကျင်းပမယ့် ပါလီမန်ရွေးကောက်ပွဲ မပြီးခင် အစိုးရ မဖွဲ့နိုင်သေးတဲ့အကြောင်း Kamal el-Ganzouri က ပြောကြားသွားပါတယ်။

ကချင်စစ်ပြေးဒုက္ခ စာပေ အနုပညာသမားများ စာနာ
By မသင်းသီရိ

ကချင်ပြည်နယ်တွင်း တိုက်ပွဲများကြောင့် ထွက်ပြေးတိမ်းရှောင်နေရသည့် ဒေသခံ စစ်ပြေးဒုက္ခသည်များ။
ကချင်ပြည်နယ်တွင်းမှာဖြစ်နေတဲ့ တိုက်ပွဲတွေကြောင့် နေရပ်ထွက်ပြေး တိမ်းရှောင်နေကြရတဲ့ ကချင် ဒုက္ခသည်တွေထဲက ကလေးငယ်တွေရဲ့ စိတ်ခွန်အားကို ဖြည်ဆည်းပေးနိုင်ဖို့ ဆိုတဲ့ လှုပ်ရှားမှုတစ်ခုကို မန္တလေးမြို့မှာ စတင်လှုပ်ရှားနေပြီဖြစ်ပြီး ဒီအထဲမှာ စာပေသမားတွေလည်း ပါဝင်ကူညီခဲ့ကြပါတယ်။ ဒါ့အပြင် ကချင်ပြည်နယ်ဘက်က ဒုက္ခသည်တွေအတွက် ကူညီရေးလုပ်ငန်းတွေကို ရုပ်ရှင်သရုပ်ဆောင် ကျော်သူ ဦးဆောင်တဲ့ ရန်ကုန် နာရေးကူညီမှုအသင်းကရော ဘယ်လိုပုံစံတွေနဲ့ ကူညီဖို့ စီစဉ်နေကြသလဲ ဆိုတာကိုတော့ ဆက်သွယ် မေးမြန်းထားတဲ့ မသင်းသီရိက တင်ပြထားပါတယ်။
မန္တလေးမြို့ ရဲမွန်တောင်ရပ် မစိုးရိမ် ကံတက်ကုန်း ဘုန်းကြီးကျောင်က  စောင့်ရှောက်ထားတဲ့ မိဘမဲ့ ကလေးတွေ၊ ကျောင်းသူကျောင်းသားလေးတွေအပြင် ကိုရင်ကလေးတွေရဲ့ ဆုတောင်းမေတ္တာ ရေးထားကြတဲ့ စာတွေနဲ့အတူ သူတို့လေးတွေဆွဲထားတဲ့ ပန်းချီနဲ့ ပုံလေးတွေအပြင် ပို့စကဒ်တွေကိုပါ စုပြီး ကချင်စစ်ပြေး ဒုက္ခသည်ကလေးတွေကို ပို့ဖို့ စီစဉ်နေကြတာပါ။
ကချင်ပြည်နယ်ထဲမှာ ဖြစ်ပွားနေတဲ့ တိုက်ပွဲတွေကြောင့် ဒေသခံ ကချင်တိုင်းရင်းသားတွေဟာ ဒုက္ခသည်အဖြစ် နေရပ်စွန့်ခွာထွက်ပြေးနေရတဲ့ အခြေအနေတွေထဲမှာ မိဘမဲ့ ဖြစ်သွားကြတဲ့ ကလေးငယ်တွေ ရှိကြသလို စာသင်ကြားနိုင်ခြင်းမရှိဘဲ တောတွေထဲ ပုန်းအောင်းနေကြရတဲ့ ကလေးငယ်တွေလည်း ရှိနေတာမို့ သူတို့တွေအတွက် စိတ်ပိုင်းဆိုင်ရာ ခွန်အားဖြစ်စေဖို့ ကလေးအချင်းချင်း အားေးပးကြတဲ့ အစီအစဉ်ကို လုပ်ခဲ့တာပါလို့ ဒီကံတက်ကုန်းကျောင်းမှာ ပရဟိတလုပ်ငန်းတွေ ၀ိုင်းဝန်း လုပ်ဆောင်နေသူ တစ်ဦးက ပြောပါတယ်။
“ကလေးအချင်းချင်း အားပေးကြရင် ပိုပြီးတော့ ကောင်းမလားလို့ပေါ့နော်။ ကလေးအချင်းချင်း အားပေးကြတဲ့စာလေးတွေ၊ အားပေးကြတဲ့ ရုပ်ပုံလေးတွေကို ကျမတို့က ပို့ပြီးတော့ ဒါလေးတွေ သူတို့အားပေးတဲ့စာလေးတွေ၊ သူတို့ပုံလေးတွေကိုတော့ ကျမတို့ ဒီ တစ်ရက်နှစ်ရက်အတွင်း ပို့ပေးမယ်ပေါ့လေ။”
ဒီအစီအစဉ်ကို ကံတက်ကုန်းဘုန်းကြီးကျောင်းက  ဆရာတော်ကြီးတွေ ဦးဆောင်သလို မန္တလေးမြို့က လူမှုရေးလုပ်တဲ့အဖွဲ့တွေနဲ့အတူ လူမှုကွန်ယက်တွေကပါ ပါဝင်ခဲ့ပြီးတော့ မန္တလေးမြို့က စာရေးဆရာတွေ ကလည်း ပါဝင်ကူညီခဲ့ကြပါတယ်။ အဓိက ကတော့ စစ်ရဲ့ ဆိုးကျိုးတွေကိုခံစားနေကြရတဲ့ ကလေးငယ်တွေရဲ့ စိတ်အနာတရ ဖြစ်မှုတွေကို တတ်နိုင်တဲ့နေရာက ကုစားကူညီပေးတာဖြစ်သလို ကချင်ပြည်နယ်နဲ့ဆိုင်တဲ့ ဗဟုသုတတွေ သိရအောင်လို့ ဆုတောင်းစာတွေရေးကြမယ့် ကလေးတွေ နားလည်အောင် ရှင်းပြခဲ့တယ်လို့ စာရေးဆရာ ညီပုလေးက ပြောပါတယ်။
“ကလေးတွေ ကချင်ပြည်နယ်အကြောင်း သိစေချင်လို့ ကျနော် သိတဲ့မြင်ဖူးတဲ့ ရောက်ဖူးတဲ့ ကချင်ပြည်နယ် အကြောင်း ပြောတယ်။ နောက်ပြီးတော့ စစ်ရဲ့ ကြောက်စရာကောင်းတဲ့အကြောင်းကို ပြောတယ်။ နောက်ပြီးတော့ ကလေးချင်း စာနာအောင်လို့ ကလေးဘ၀အကြောင်း သူတို့ကို ပြောပြပါတယ်။ နောက်ပြီးတော့ တောထဲမှာ မီးဟုန်းဟုန်းမထွက်အောင် ချက်ပြုတ်စားရတာတွေ၊ သူတို့ ရှင်သန်အောင် ရုန်းကန်ရတဲ့အကြောင်းတွေ ပြောပြခဲ့တာပါ။ ကျနော်တို့ပြောတဲ့အထဲမှာ စိတ်ရဲ့ အနိဋ္ဌာရုံတွေအကြောင်းလည်း ပါတယ်။ နောက်ပြီးတော့ ကျနော်တို့ သွေးချင်းသားချင်းတွေ စပ်ရင် ဆွေမျိုးတော်တယ်။ တစ်ယောက်နဲ့ တစ်ယောက် ချစ်ခင်ကြဖို့ အပြန်အလှန် လေးစားကြဖို့၊ တန်ဖိုးထားကြဖို့၊ တစ်ဦးစီမှာလည်း ယဉ်ကျေးမှု အမွေအနှစ်တွေ ရှိတဲ့အကြောင်းကို ပြောခဲ့ကြပါတယ်။”
မန္တလေးက စာရေးဆရာ ညီပုလေး ဖြစ်ပါတယ်။ ဒီလှုပ်ရှားမှုမှာ ပါဝင်သူတွေဟာ ကချင်ဒုက္ခသည်တွေအတွက် အလှူငွေတွေကိုလည်း စုဆောင်းနေပြီး ကလေးကစားစရာ အရုပ်ကလေးတွေနဲ့အတူ မုန့်ပဲသရေစာတွေကိုပါ ၀ယ်ပြီးသွားပေးဖို့ စီစဉ်ထားတယ်လို့ ပြောပါတယ်။
ရန်ကုန်က နာရေးကူညီမှုအသင်းကလည်း ကချင်ဒုက္ခသည်တွေအတွက် အေးချမ်းလာနေပြီ ဖြစ်တဲ့ ရာသီဥတုဒဏ်ကို ခံနိုင်ဖို့ အကူအညီတွေသွားပေးဖို့ စီစဉ်နေပြီလို့ နာရေးကူညီမှုအသင်းကို ဦးဆောင်နေသူ ရုပ်ရှင်သရုပ်ဆောင် ကျော်သူက ပြောပါတယ်။
“ကချင်ပြည်နယ်ထဲက စစ်ပြေးဒုက္ခသည်တွေအတွက် ကျနော်တို့ လူသားချင်းစာနာစိတ်နဲ့ ကူညီထောက်ပံ့ဖို့ အစီအစဉ်လုပ်ခဲ့ပါတယ်။ ကျနော်တို့ကတော့ လောလောဆယ်တော့ ရာသီဥတုက အေးလာပြီဆိုတော့ စောင်တို့၊ အနွေးထည်တို့၊ နောက်ပြီးတော့ ငွေသားတွေ သွားလှူဖို့ ကျနော်တို့ လုပ်နေပါတယ်။ ကျနော်တို့ နာရေးကူညီမှုအသင်းကနေ သိန်း ၂၀၀ မတည်ပြီးတော့ စလှူဖို့လုပ်နေပါတယ်။”
နာရေးကူညီမှုအသင်းကို ဦးဆောင်နေသူ ရုပ်ရှင်သရုပ်ဆောင် ကျော်သူဖြစ်ပါတယ်။ ကချင်ပြည်နယ်ထဲမှာ အစိုးရစစ်တပ်နဲ့ ကချင်လက်နက်ကိုင် အဖွဲ့တွေကြား ပြီးခဲတဲ့ ဇွန်လလောက်ကတည်းကစပြီး တိုက်ပွဲတွေ ဖြစ်နေတာဖြစ်နေတာပါ။ အပစ်အခတ်ရပ်စဲဖို့ နှစ်ဘက် ညှိနှိုင်းမှုတွေ ရှိနေပေမဲ့ ဒီကိစ္စတွေ မအောင်မြင်သေးသလို ဒီတိုက်ပွဲတွေကြောင့် ထွက်ပြေးနေရတဲ့ ဒုက္ခသည် အရေအတွက်ဟာလည်း နှစ်သောင်းမက ရှိနေပြီလို့ ကချင်ဒုက္ခသည် ကူညီရေး အဖွဲ့တွေက ပြောပါတယ်။

နေတိုးလက်ချက် ပါကစ္စတန်စစ်သား ၂၀ ကျော်သေဆုံး
By ဗွီအိုအေ (မြန်မာဌာန)
ပါကစ္စတန်နဲ့ အာဖဂန်နယ်စပ်အနီး ပါကစ္စတန်ဘက်က တောင်ပေါ်တိုင်းရင်းသားတွေရဲ့ Mohmand ဒေသ Salala ဆိုတဲ့ရွာကလေးက အင်အား ၄၀ ရှိတဲ့ ပါကစ္စတန်စစ်တပ်ရဲ့ စစ်ဆေးရေးဂိတ်တစ်ခုကို ဒီကနေ့မနက် ဒေသစံတော်ချိန် မနက် လင်းအားကြီး ၂ နာရီလောက်မှာ အာဖဂန်နစ်စတန်ထဲက မြောက်အန္တလန္တိတ်စစ်စာချုပ် နေတိုးတပ်ဖွဲ့ ရဟတ်ယာဉ်တွေက လာရောက် ပစ်ခတ်တိုက်ခိုက်ခဲ့ပါတယ်။ ဒီဖြစ်စဉ်မှာ ပါကစ္စတန်စစ်သည် ၂၅ ဦး သေဆုံးသွားပြီးတော့ ၁၄ ဦးထက်မနည်း ဒဏ်ရာတွေ ရရှိသွားတယ်လို့ ပါကစ္စတန်စစ်တပ်အရာရှိတွေက ပြောပါတယ်။
ဒီကိစ္စကို လက်တုံ့ပြန်တဲ့အနေနဲ့ ပါကစ္စတန်ဘက်ကနေ အာဖဂန်နစ္စတန်ထဲက နေတိုးတပ်ဖွဲ့တွေအတွက် အဓိက ထောက်ပံ့ရေးလမ်းကြောင်းဖြစ်တဲ့ Torkham နယ်စပ်ဂိတ်ကို ပါကစ္စတန်ဘက်က ပိတ်ပစ်လိုက်ပါတယ်။ ဒီဖြစ်ရပ်ဟာ တမင်သက်သက် ရန်စတိုက်ခိုက်တာမျိုးတော့ မဟုတ်ဘူးလို့ ပါကစ္စတန်အရာရှိတွေက ဆိုပါတယ်။
နေတိုးအရာရှိတွေက ဒီဖြစ်ရပ်အတွက် စုံစမ်းစစ်ဆေးမှုတွေ ပြုလုပ်နေပြီးတော့ အာဖဂန်နစ္စတန်ထဲက နေတိုး တပ်တွေနဲ့ အမေရိကန်တပ်တွေရဲ့ တပ်မှူးကြီး ဗိုလ်ချုပ်ကြီး John Ellen က ကျဆုံး၊ ဒဏ်ရာရ ပါကစ္စတန် စစ်သည်တွေရဲ့ မိသားစုဆီကို ၀မ်းနည်းကြောင်း သ၀ဏ်လွှာတွေ ပေးပို့ခဲ့ပါတယ်။
ပါကစ္စတန်ဝန်ကြီးချုပ် Yousef Raza Gilani ကတော့ ပါကစ္စတန် နိုင်ငံခြားရေးဝန်ကြီးဌာန အနေနဲ့ နေတိုးနဲ့ အမေရိကန်အစိုးရတို့ကို ပြင်းပြင်းထန်ထန် ကန့်ကွက်ဖို့ ညွှန်ကြားထားပါတယ်။

အမေရိကန်နဲ့ ပူးပေါင်း ဆောင်ရွက်မှု ပါကစ္စတန် ပြန်သုံးသပ်
By ဗွီအိုအေ (မြန်မာဌာန)
ပါကစ္စတန်နိုင်ငံထဲကို နေတိုးနဲ့ အမေရိကန်တို့ နယ်စပ်ဖြတ်ကျော် ၀င်ရောက် တိုက်ခိုက်မှု လုပ်ဆောင်ခဲ့ပြီး တဲ့နောက်မှာ သူတို့နဲ့ ဆက်ဆံရေးကို ပြန်ပြီးသုံးသပ်နေတယ်လို့ ပါကစ္စတန်အစိုးရက စနေနေ့ကပဲ ပြောကြားသွားပါတယ်။
ပါကစ္စတန်နိုင်ငံ အနောက်မြောက်ဘက်က စစ်စခန်းနှစ်ခုကို အမေရိကန်နဲ့ နေတိုးတပ်တွေ လေကြောင်းက တိုက်ခိုက်မှုကြောင့် ပါကစ္စတန်စစ်သား ၂၆ ဦးသေဆုံးပြီး ၁၄ ဦး ဒဏ်ရာရခဲ့တာပါ။ ပါကစ္စတန်ဝန်ကြီးချုပ် Yousuf Raza Gilani နဲ့ စစ်တပ်ထိပ်တန်းခေါင်းဆောင်တွေ အစိုးရခေါင်းဆောင်တွေဟာ စနေနေ့ နှောင်းပိုင်းမှာ အရေးပေါ်အစည်းအဝေးထိုင်ပြီး ဒီဖြစ်ရပ်နဲ့ပတ်သက်လို့ ဆွေးနွေးခဲ့ကြပါတယ်။
ဒီဖြစ်ရပ်ကြောင့် နဂိုကတည်းက အစွန်းအထင်းရှိထားတဲ့ အမေရိကန်နဲ့ ပါကစ္စတန်ဆက်ဆံရေး ပိုပြီး ပြဿနာရှိလာတဲ့ အနေအထားပါပဲ။ ပါကစ္စတန်အစိုးရရဲ့ ကြေညာချက်မှာ ပါကစ္စတန် အရာရှိတွေက ဘာပြောထားသလဲဆိုရင်တော့ အစိုးရဟာ အမေရိကန်၊ နေတိုး၊ ISAF တို့နဲ့ သံတမန်ရေး၊ နိုင်ငံရေး၊ စစ်ရေးနဲ့ ထောက်လှန်းရေး အပါအ၀င် ပူးတွဲလုပ်ဆောင်နေတဲ့ အစီအစဉ်အားလုံး ပူးတွဲလုပ်ဆောင်ဖို့ သဘောတူထားတာတွေ အားလုံးကို အပြည့်အ၀ ပြန်သုံးသပ်မယ်လို့ ပြောထားတာပါ။
နေတိုးလေယာဉ်ရဲ့ တိုက်ခိုက်မှုက အကြောင်းမဲ့ တိုက်ခိုက်မှုသက်သက် ဖြစ်တယ်လို့ ပါကစ္စတန် အရာရှိတွေက ရှုတ်ချတာပါ။ ဒီလိုဖြစ်ရပ်မျိုးကို လုံးဝလက်ခံနိုင်စရာ မရှိဘူး၊ ဒါဟာ မှားယွင်း လုပ်ဆောင်မှုအဖြစ် မသတ်မှတ်နိုင်ဘူးလို့ ပြောပါတယ်။