(နိုင်ငံရေးသိပ္ပံအခန်းဆက်မှ) နိုင်ငံရေးသဘောတရားလမ်းစဉ်များ ခေတ်သစ်ဝါဒ အချို့(၁၀)

politicsfreakcnz မှ ကူးယူတင်ပြပါသည်။ 

ရောက်တတ်ရာရာ နိုင်ငံရေးနှင့် အတွေးအခေါ်

ရှေးရိုးစွဲဝါဒသစ်(Neoconservatism)

ဤဝါဒမှာ ၁၉၇၀ပြည့်နှစ်များတွင် အမေရိကန်နိုင်ငံရှိ လွတ်လပ်မျှတမှုဝါဒစွဲကိုင်သောသူအချို့က သူတို့၏ ဝါဒကို ရှေးရိုးစွဲအမြင်များဖြင့် တည်ဆောက်ရန်ကြိုးစားကြရာမှ နာမည်တွင်လာခဲ့သော ဝါဒတခုပင် ဖြစ်သည်။ အမေရိကရှိ ဒီမိုကရက်တစ်ပါတီ၏ နိုင်ငံရေးနှင့်စီးပွားရေးတည်ဆောက်ပုံများသည် လက်ဝဲဆန်ဆန်လွန်းပြီး အလုပ်သမားအခွင့်အရေးများအလွန်အကျွံပေးထားသော လူမှုဖူလှုံရေးခံစားခွင့် များကို အသုံးပြုထားပြီး ပြည်သူလူထုတွင် လူမှုဖူလှုံရေးကိုမှီခိုစေပြီး အလုပ်လုပ်လိုစိတ်ကင်းမဲ့စေသည်ဟု ရှေးရိုးစွဲဝါဒီသစ်များက စွပ်စွဲကြသည်။ လူနည်းစုများ၊လူမျိုးစုအနွယ်များကို အသာပေးရသောစနစ်ကြောင့် လူဖြူများ အမေရိကရှိ အသက်မွေးဝမ်းကျောင်းနယ်ပယ်များအသီးသီးတွင် နေရာမရဖြစ်လာသည်ကိုလည်း အဆိုပါဝါဒီများက မကျေနပ်ကြကာ ယဉ်ကျေးမှုပုံစံပေါင်းစုံကို အသိအမှတ်ပြုအားပေးခြင်း (multiculturalism) ကိုပါ ဖိနှိပ်လာကြပြီး သူတို့၏လွတ်လပ်မျှတမှုဝါဒမှာ သူတို့အချင်းချင်း (ဝါ) လူဖြူများအချင်းချင်းအကြား တွင်သာ သက်ဆိုင်သလိုပြုမူလာကြသည်။
အမေရိကန်၏ ရီပတ်ဘလီကန်ပါတီမှ ရှေးရိုးစွဲဝါဒသစ်အမြင်ကြီးမားသောသူများအများစုပါဝင်သည့် အမေရိကန်၏ ၄၃ယောက်မြောက်သမ္မတဖြစ်လာခဲ့သော ဂျော့ဘုရှ်၏ အစိုးရအဖွဲ့လက်ထက်တွင် ဤဝါဒအသစ်ယုံကြည်သူများ၏ လှေနံဓါးထစ်တွက်ချက်မှုများဖြင့် အီရတ်ကို ကျူးကျော်ခဲ့သောကြောင့် အမေရိကန်ပြည်ထောင်စုမှာ မိမိရှုတ်ခဲ့သော အရှုတ်ထုတ်မှ မထွက်နိုင်ပဲဖြစ်နေရသည်။

အဆုံးစွန်လွတ်လပ်မျှတမှုဝါဒ (Libertarianism)
ဤဝါဒမှာ မူလလွတ်လပ်မျှတမှုဝါဒ(classic liberalism)တကျော့ပြန် ပြန်လည်ခေတ်စားလူကြိုက်များရာမှ အဆုံးစွန်လွတ်လပ်မျှတမှုဝါဒဟူ၍ အမည်တွင်လာသော ဝါဒတခုဖြစ်သည်ဟူ၍လည်း ပြောနိုင်သည်။ အဆိုပါဝါဒီများက စီးပွားရေးနှင့်ပတ်သက်၍ အဒမ်စမစ်ပြောကြားခဲ့သလိုပင် အစိုးရ၏ အခန်းကဏ္ဍကို နယ်ပယ်ဟူသမျှတွင် လုံးဝလျှော့ချရေးကို အလေးပေးပြီး စီးပွားရေးအထောက်အကူများ၊ကုန်သွယ်ရေးအခွန်ကောက်မှုများ၊ ပြည်ပမှသွင်းကုန်ကန့်သတ်မှုများမှစ၍ ဗျူရိုကရေစီယန္တရားကြီးတခုလုံးပါဝင်သည့် အစိုးရအဖွဲ့ကြီးတခုလုံးကို ပယ်ဖျက်လို၏။ ထိုအယူအဆတို့မှာ အမေရိကန်ပြည်ထောင်စုတည်ထောင်စအချိန်များက လူလေးစားသည့် အယူအဆဖြစ်သည့်အတွက်ကြောင့် ယခုခေတ်တွင်လည်း လူအများအသိအမှတ်ပြုခံရဆဲဖြစ်ပြီး အဆုံးစွန်လွတ်လပ်မျှတမှုဝါဒစွဲကိုင်သူ တဦးတယောက်မျှ ရွေးကောက်ပွဲများတွင် တင်မြှောက်ခံရခြင်းမရှိသေးသော်လည်း ထိုသူတို့တည်ထောင်ထားသော ဝါရှင်တန်ရှိ ကာတိုအင်စတီကျူ့(Cato Institute)ဟူသော အဖွဲ့အစည်းမှာတော့ အငြင်းအခုံများဖြင့် သက်ဝင်လှုပ်ရှားလျက်ရှိနေဆဲဖြစ်သည်။

“မ”ဝါဒ (Feminism)
၁၉၆၀ပြည့်နှစ်များတွင် အမျိုးသမီးစာရေးဆရာတစုမှ စတင်လှုံ့ဆော်ခဲ့သော “မ”ဝါဒအတွေးအခေါ်သည် ၁၉၇၀ပြည့်နှစ်များတွင် အမေရိကန်ပြည်ထောင်စုနှင့် ဥရောပနိုင်ငံများတွင် အမျိုးသမီးရေးရာလှုပ်ရှားမှုများဖြစ်လာခဲ့ပြီး နိုင်ငံရေးအရသက်ရောက်မှုများရှိလာခဲ့သည်။ အမျိုးသမီးစာရေးဆရာများက ထောက်ပြကြသည်မှာ အမျိုးသမီးများသည် လုပ်ငန်းခွင်များ၌ အမျိုးသားများလောက် လုပ်အားခများမရရှိပဲ ရာထူးတက်လျှင်လည်း အမျိုးသားများကသာတက်ပြီး အမျိုးသမီးများမှာ စိတ်ပိုင်းဆိုင်ရာနှင့် ရုပ်ပိုင်းဆိုင်ရာများပါ စော်ကားမှုများခံနေရပြီး ချေးငွေများနှင့် အာမခံများလျှောက်ထားရာတွင်ပါ ငြင်းပယ်ခံနေရပြီး အမျိုးသားများနှင့် ယှဉ်လျှင် ဒုတိယတန်းစားနိုင်ငံသားအဆင့်သာရှိသည်ဟု ပြောဆိုကြသည်။ အဓိကပြဿနာမှာ ဇီဝဗေဒအရကွဲပြားမှုအရ ခွဲခြားခံရမှုထက် စိတ်ပိုင်းဆိုင်ရာခံယူမှု
အပိုင်းပြဿနာသာဖြစ်ပြီး အစဉ်အလာအရ ယောက်ျားလေးဟူသည်မှာ ကြံ့ခိုင်တောင့်တင်းပြီး လွှမ်းမိုးချယ်လှယ်နိုင်သောစရိုက်ရှိရမည် တုံးတိုက်တိုက် ကျားကိုက်ကိုက်ရှိကာ “ယောက်ျားဆန်” ရမည်ဟူ၍ ဝိုင်းဝန်းသတ်မှတ်ကြပြီး မိန်းကလေးမှာမူ နူးညံ့သိမ်မွေ့ကာ၊မိမိကိုယ်ကိုယ်ပင်မသေချာဖြစ်နေပြီး နွဲ့နွဲ့နှောင်းနှောင်းရှိသော “မိန်းမဆန်” ရမည်ဟူ၍ သတ်မှတ်ကြခြင်းသည်သာဖြစ်သည်ဟု ဆို၏။ ထိုကဲ့သို့ကျားသတ္တဝါများကြီးစိုးသောလူ့အဖွဲ့အစည်းတွင် ဤသို့ဖိအားပေးကာ ကျားစိတ်ဓါတ်၊မ စိတ်ဓါတ်ဟူ၍ ခွဲခြားသွပ်သွင်းခံရ၍သာ မိန်းမများမစွမ်းသာဟု အထင်ခံနေရခြင်းဖြစ်ပြီး ဤအခြေအနေနှင့် အတွေးအခေါ်တို့သွပ်သွင်းပုံကို မျိုးဆက်သစ်များတွင် ပုံစံပြောင်းလိုက်နိုင်ပါက ယောက်ျားလေးများ ပိုမိုသဘောထားပျော့ပျောင်းလာပြီး မိန်းကလေးများကလည်း ရဲရဲတင်းတင်းဖြင့် မိမိကိုယ်ကိုယ် ယုံကြည်မှုတိုးလာမည်ဟု “မ” ဝါဒီများကဆို၏။

ဤသို့“မ”ဝါဒီများ စည်းရုံးလှုပ်ရှားမှုများကြောင့် လုပ်ငန်းခွင်များတွင် တဖြည်းဖြည်းယောက်ျားများနှင့် တန်းတူအခွင့်အရေးရရှိလာပြီး အလုပ်ရှင်များကလည်း အမျိုးသားထက် အမျိုးသမီးကို ခန့်ထားခြင်းများပြုလုပ်လာခဲ့သည်။ လုပ်ငန်းခွင်စီမန်ခန့်ခွဲမှုရာထူးများတွင်လည်း အမျိုးသမီးများ ထိပ်ပိုင်းနေရာများကိုရရှိလာခဲ့သည်။ မိန်းမများကလုပ်ငန်းခွင်ဝင်ပြီး အမျိုးသားများက အိမ်ရှင်မတာဝန်ယူ၍ ကလေးထိန်းရခြင်းများမှာလည်း အဆန်းမဟုတ်တော့ပဲဖြစ်လာခဲ့သည်။ နိုင်ငံရေးနယ်ပယ်၌လည်း အမျိုးသမီးများက မဲပေးခွင့်ကို အသုံးချ၍ နိုင်ငံရေး၌ လွှမ်းမိုးမှု၊သက်ရောက်မှုများရှိကြောင်းကိုပြလာနိုင်ကြသည်။ရလဒ်အားဖြင့် မဲဆွယ်သူများကလည်း အမျိုးသမီးမဲများရရှိရေးအတွက် အမျိုးသမီးအခွင့်အရေးကိစ္စများကို လျှစ်လျှရှုထား၍မရပဲ ထည့်သွင်းပြောဆိုလာရသည်။ အမေရိကတွင် အစဉ်အလာအားဖြင့် ခေတ်နောက်ပြန်ဆွဲ၍ရှေးဆန်မည်ဟုယူဆရသောအမျိုးသမီးများက သူတို့၏အခွင့်အရေးကို တိုးမပေးပဲကန့်သတ်မည့် ရှေးရိုးစွဲ ရီပတ်ဘလီကန်များထက် ဒီမိုကရက်များကိုမဲပေးကြသည်မှာလည်း နိုင်ငံရေးလောကတွင် အမျိုးသမီးများအရေးပါမှုကိုပြသနေပါသည်။