30.11.2011 နေ့ဖတ်ရန်သတင်းများ

by Myanmar Journal on Wednesday, November 30, 2011 at 5:48am

 

 
နိုင်ငံရေးအကျဉ်းသားလွှတ်ရေး ပြောဖို့ ကလင်တန်ကို ဝိုင်းဝန်းတိုက်တွန်း
By မနန္ဒာချမ်း

မြန်မာနိုင်ငံမှာ သိသာတဲ့ အပြောင်းအလဲတချို့ အနည်းငယ်ရှိလာတဲ့အပေါ် တုံ့ပြန်တဲ့အနေနဲ့ သွားရောက်မယ့် အမေရိကန်နိုင်ငံခြားရေး ၀န်ကြီး ဟီလာရီ ကလင်တန်ရဲ့ ခရီးစဉ်အတွင်း - မြန်မာအစိုးရဘက်က ဒိထက်ပိုပြီး တိုးတက်အောင် လုပ်ပြဖို့ လိုမယ်လို့ မြင်ကြပါတယ်။ အထူးသဖြင့် နိုင်ငံရေးအကျဉ်းသား လွတ်မြောက်ရေးလို - ခိုင်မာတဲ့ အပြောင်းအလဲတွေကို လုပ်ဖို့ လိုမယ်ဆိုပြီး မြန်မာ့နိုင်ငံရေး အသိုင်းအ၀ိုင်းနဲ့ သံတမန်တွေက ပြောဆိုနေကြတာပါ။ အပြည့်အစုံကိုတော့ ဆက်သွယ်မေးမြန်းထားတဲ့ မနန္ဒာချမ်း က တင်ပြပေးထားပါတယ်။

နှစ်ပေါင်း ၅၀ ကျော်အတွင်းမှာ ပထမဆုံးအကြိမ်အဖြစ်နဲ့ အမေရိကန်နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံကို သွားရောက် တဲ့အထိ ဆက်ဆံရေးတိုးတက်လာပေမဲ့လည်း ဒီထက်ရှေ့ဆက်နိုင်ဖို့အတွက် - သမ္မတ ဦးသိန်းစိန် အစိုးရအနေနဲ့ နိုင်ငံရေးအကျဉ်းသား လွှတ်ပေးတာမျိုးလို အဓိကကျတဲ့ကိစ္စကို လုပ်ပြဖို့လိုတယ်ဆိုပြီး ပြောဆိုနေတာဖြစ်ပါတယ်။ ဒီလဆန်းပိုင်းကပဲ အစိုးရကနေ ရွေးကောက်ပွဲ ဆိုင်ရာ ဥပဒေတချို့ ပြင်ဆင်ခဲ့ပြီးတဲ့နောက် ပါတီမှတ်ပုံ ပြန်တင်ပြီး ရွေးကောက်ပွဲဝင်ဖို့ ဆုံးဖြတ်ခဲ့တဲ့ NLD အမျိုးသားဒီမိုကရေစီအဖွဲ့ချုပ် ကလည်း - ၀န်ကြီး ကလင်တန်နဲ့ တွေ့ဆုံတဲ့အခါ ဒီနိုင်ငံရေးအကျဉ်းသားတွေ လွတ်မြောက်ရေးကိစ္စကို အဓိက ဆွေးနွေးပြောဆိုသွား ဖို့ရှိတယ်လို့ ပြောပါတယ်။
“ သူတို့အားလုံးက လွှတ်သင့်တယ်။ နိုင်ငံရေးအကျဉ်းသားတွေကို လွှတ်ခြင်းအားဖြင့် တိုင်းပြည်အတွက်ရော အစိုးရ အတွက်ရော အကျိုးရှိနိုင်ပါတယ်ဆိုတာကို ကျနော်တို့ ပြောသွားမှာပါ”
ဒါပေမဲ့လည်း အခုအချိန်အထိ နိုင်ငံရေးအကျဉ်းသားအားလုံးကို ပြန်မလွှတ်ပေးသေးတာဟာ အစိုးရအနေနဲ့ တဆင့်ပြီးတဆင့် အပြောင်းအလဲ လုပ်နေပေမဲ့ ဒီပြောင်းလဲမှုဖြစ်စဉ်ဟာ နှေးကွေးနေသေးတာဖြစ်နိုင်တယ်လို့လည်း NLD က သုံးသပ်ပါတယ်။ တခါ ရခိုင်အမျိုးသားဖွံ့ဖြိုး တိုးတက်ရေးပါတီရဲ့ အမျိုးသားလွှတ်တော်ကိုယ်စားလှယ် ဒေါက်တာအေးမောင်ကလည်း ၀န်ကြီးကလင်တန်နဲ့ တွေ့ဆုံဖို့ရှိပြီး - သူ့အနေနဲ့ ဆွေးနွေးခွင့်ရခဲ့မယ်ဆိုရင် - မြန်မာ့ နိုင်ငံရေးမှာ အဖုအထစ်ဖြစ်နေဆဲဖြစ်တဲ့ နိုင်ငံရေးအကျဉ်းသားကိစ္စနဲ့အတူ - အမေရိကန်ရဲ့ အရေးယူပိတ်ဆို့ဒဏ်ခတ်မှုတွေကို ဆွေးနွေးသွားမှာဖြစ်တယ်လို့ အခုလို ပြောပါတယ်။
“တိုင်းရင်းသားရေးရာကိစ္စ၊ ငြိမ်းချမ်းရေးကိစ္စ၊ လက်နက်ကိုင်ပဋိပက္ခကိစ္စအပါအဝင် နိုင်ငံသားအခွင့်အရေးဆုံးရှုံးတဲ့ ကိစ္စလေးတွေကို ကြုံရင်ကြုံသလို မိမိဒေသနဲ့ယှဉ်ပြီး တင်ပြကြရမှာပေါ့။ တချက်လေးပါပဲ။ နိုင်ငံရေးအကျဉ်းသားတွေကို ဒီဘက်ကလည်း လွှတ်ပေးရမယ်လေ။ လွှတ်ဖို့လည်း နိုင်ငံတော်အစိုးရကို ကျနော်တို့က တိုက်တွန်းမယ်။ အဲသလိုပဲ ဒီဟာနဲ့ဆက်နွယ်နေတဲ့ အမေရိကန်အပါအဝင် အနောက်နိုင်ငံတွေရဲ့ စီးပွားရေးပိတ်ဆို့ထားမှုတွေကိုလည်း ကျနော်တို့က မေတ္တာရပ်ခံပေးရမှာပေါ့။ အမတ်တဦးအနေနဲ့လေ”
ဒါ့အပြင် ဒီလို အမေရိကန် နဲ့ မြန်မာနိုင်ငံအကြား ဆက်ဆံရေး တိုးတက်ကောင်းမွန်လာတဲ့အခြေအနေကို ဆက်ပြီး ထိန်းထားနိုင်ဖို့အတွက် - သမ္မတ ဦးသိန်းစိန် အစိုးရအနေနဲ့ နိုင်ငံသားအကျဉ်းသားလွှတ်ပေးတာမျိုးလို ဒီမိုကရေစီနိုင်ငံအတွက် အဓိကကျတဲ့ ကိစ္စကို လုပ်ပြဖို့လိုတယ် ဆိုပြီးတော့ - ရန်ကုန် - အမေရိကန်သံရုံး ယာယီတာဝန်ခံအဖြစ် အမှုထမ်းခဲ့သူ သံတမန်ဟောင်း ပရစ်စီလာ ကလပ် ကလည်း ပြောပါတယ်။
“ ရာထောင်ချီတဲ့ နိုင်ငံရေးအကျဉ်းသားတွေ ရှိနေတုန်းပဲ ဆိုတဲ့ အချက်ကလည်း ရှိနေပါတယ်။ နေပြည်တော်ကလူတွေလည်း ဒါကို သတိထားမိပါလိမ့်မယ်။ ဒီကိစ္စကို မဖြေရှင်းနိုင်မချင်း ဆက်ဆံရေးမှာ နောက်ထပ် တိုးတက်မှုတွေရဖို့ အဟန့်အတား ဖြစ်နေလိမ့်ဦးမယ် ဆိုတာကိုလည်း သူတို့အနေနဲ့ ကောင်းကောင်း သိထားတယ်လို့ ကျမထင်ပါတယ်”
အမေရိကန်အစိုးရရဲ့ - မြန်မာအစိုးရနဲ့ တိုက်ရိုက်ထိတွေ့ဆက်ဆံရေး မူဝါဒအရ - မြန်မာနိုင်ငံရဲ့ လက်ရှိ အခြေအနေတွေကို သွားရောက် လေ့လာ အကဲခတ်ဖို့ သွားရောက်မယ့် ၀န်ကြီး ကလင်တန်ရဲ့ ဒီခရီးစဉ်အတွင်းမှာ - မြန်မာအစိုးရအနေနဲ့ နောက်ထပ် အဓိကကျတဲ့ ပြုပြင်ပြောင်းလဲမှုတွေကို ဆက်လက်လုပ်ဆောင်သွားဖို့ တိုက်တွန်းသွားမှာဖြစ်တယ်လို့လည်း - အမေရိကန်နိုင်ငံခြားရေးဌာနက ထုတ်ပြန် ခဲ့တဲ့ ကြေညာချက်ထဲမှာ ဖော်ပြခဲ့ဖူးပါတယ်။ ဒါနဲ့ပတ်သက်လို့လည်း မစ္စစ် ပရစ်စီလာ ကလပ် က -
“ သူ့အနေနဲ့ ၂ နိုင်ငံ ဆက်ဆံရေးမှာ ကျန်နေသေးတဲ့ အဟန့်အတားတွေကို ဆွေးနွေးသွားမှာကတော့ သေချာပါတယ်။ မြန်မာနိုင်ငံက ပြုပြင်ပြောင်းလဲရေး လုပ်ငန်းစဉ်မှာ အမေရိကန်ပြည်ထောင်စုက ဘယ်လို အကူအညီတွေ ပေးနိုင်မလဲ ဆိုတာတွေကိုလည်း ဆွေးနွေးတာမျိုးတွေ ဖြစ်နိုင်ပါတယ်”
မြန်မာနိုင်ငံမှာ လူ့အခွင့်အရေးချိုးဖောက်မှုတွေကြောင့် - အမေရိကန်အပါအ၀င် အနောက်အင်အားကြီး နိုင်ငံတွေက မြန်မာအစိုးရအပေါ် စီးပွားရေး၊ သံတမန်ရေးအရ ပိတ်ဆို့ဒဏ်ခတ်မှုတွေ လုပ်ထားခဲ့တာ ဖြစ်ပါတယ်။ မြန်မာအစိုးရဘက်ကလည်း အမေရိကန်နဲ့ ဆက်ဆံရေး တိုးတက်လာတာနဲ့အမျှ ဒီအရေးယူဒဏ်ခတ်မှုတွေကို အမေရိကန်ဘက်က ရုပ်သိမ်းပေးဖို့ကို မျှော်လင့်နေတာပါ။ ဒီအခြေအနေမှာ NDF အမျိုးသားဒီမိုကရေစီအင်အားစုကတော့ -
“အမေရိကန်နိုင်ငံအနေနဲ့ မြန်မာနိုင်ငံအပေါ်မှာ အပြုသဘောဆောင်တဲ့ဟာတွေ ဖြစ်ပေါ်လာပြီလို့ အပြောင်းအလဲတွေရှိလာပြီလို့ မြင်ရလို့ ကြိုဆိုတဲ့အတွက်ကြောင့်မို့လို့ မြန်မာပြည်ဆိုင်ရာ အမေရိကန်သံတမန်ကိုလည်း ထားသင့်ပြီလို့ အယူအဆတွေကို ကျနော်တို့ ပြောပါတယ်။ နောက်ပြီးတော့ စီးပွားရေးပိတ်ဆို့မှုဟာ မြန်မာပြည်သူတွေကို အကျိုးမဖြစ်ဘူးလို့ ခင်ဗျားတို့သိနေပြီး ဖြစ်တဲ့အတွက်ကြောင့်မို့လို့ ဒီ့ထက်ပိုပြီး ပြောင်းလဲမှုတွေ လျှင်မြန်လာအောင် တွန်းအားပေးတဲ့အနေနဲ့ စီးပွားရေးပိတ်ဆို့မှုတွေထဲက တစချင်း တစချင်း ရုပ်သိမ်းသွားဖို့ကို စဉ်းစားသင့်ဖို့ အချိန်တန်ပါပြီလို့ ကျနော်တို့ စကားလက်ဆောင်ပါးလိုက်ပါတယ်”
နိုဝင်ဘာ ၃၀ ရက်နေ့ကနေ ဒီဇင်ဘာ ၂ ရက်နေ့အထိ မြန်မာနိုင်ငံကိုသွားရောက်မယ့် ၀န်ကြီး ကလင်တန်ရဲ့ ခရီးစဉ်မှာ - အမေရိကန် လက်ထောက်နိုင်ငံခြားရေးဝန်ကြီး မိုက်ကယ် ပို့စနာ (Michael Posner)၊ မြန်မာနိုင်ငံဆိုင်ရာ အမေရိကန် အထူးသံ ဒဲရက်မစ်ချဲလ် (Derek Mitchell)၊ အမေရိကန် နိုင်ငံခြားရေးဝန်ကြီးဌာန အရှေ့အာရှရေးရာ လက်ထောက်နိုင်ငံခြားရေးဝန်ကြီး ခဒ့် ကမ့်ဘဲ (Kurt Campbell) တို့လည်း သူမနဲ့အတူ လိုပါသွားမှာဖြစ်ပါတယ်။ ဒီဇင်ဘာ ၁ ရက်နေ့ နေပြည်တော်မှာ အစိုးရ၀န်ကြီးတွေအပြင် လွှတ်တော်ကိုယ်စားလှယ် တွေနဲ့လည်း တွေ့ဆုံဖို့ရှိပြီး - ၂ ရက်နေ့မှာတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ စီစဉ်ထားပါတယ်ရှင်။

ရွှေလီမြို့က ဆွေးနွေးပွဲကချင်နဲ့ မြန်မာအစိုးရ တရုတ်မှာ တွေ့ဆုံ
မြန်မာအစိုးရ ကိုယ်စားလှယ်တွေနဲ့ ကချင် လွတ်လပ်ရေး အဖွဲ့ KIO ကိုယ်စားလှယ် တွေ တရုတ် မြန်မာနယ်စပ် တရုတ်ဘက် ခြမ်းက ရွှေလီမြို့မှာ အင်္ဂါနေ့ ညနေ စောင်းပိုင်းက တွေ့ဆုံ ခဲ့ကြပါတယ်။
မြန်မာအစိုးရဘက်က ရထားဝန်ကြီး ဦးအောင်မင်း နဲ့အတူ ဝန်ကြီးဟောင်းတွေ ဖြစ်တဲ့ ဦးအောင်သောင်း၊ ဦးသိန်းဇော် နောက်ပြီး ကချင်အမတ် ဦးခက်ထိန်နန်တို့ ပါဝင်ကြပါတယ်။
ကချင်ဘက်ကတော့ KIO ဥက္ကဌ ဦးဇောင်းဟရား ဦးဆောင်တဲ့ ကိုယ်စားလှယ်တွေ တက်ရောက်ကြပါတယ်။
နှစ်ဘက်ကြား တိုက်ပွဲတွေ လအတော်ကြာ ဖြစ်ပွားနေတဲ့ အချိန်မှာ နှစ်ဘက် အဆင့်မြင့်ဆုံး ကိုယ်စားလှယ်တွေ ပထမဆုံး အကြိမ် တွေ့ဆုံကြတာလည်း ဖြစ်ပါ တယ်။
အရင်ကတော့ ကချင်ပြည်နယ်တွင်းမှာ နယ်စပ်ရေးရာ ပြည်နယ်ဝန်ကြီးဖြစ်တဲ့ ဗိုလ်မှူးကြီး သန်းအောင် ဦးစီးတဲ့ အဖွဲ့နဲ့သာ ကချင်ကိုယ်စားလှယ်တွေ တွေ့ဆုံခဲ့တာပါ။ ဒါပေမယ့် အဲဒီအစည်းအဝေးတွေကလည်း ပြီးခဲ့တဲ့ သုံးလကျော် ကာလ အတွင်း နှစ်ဘက် တွေ့ဆုံမှုတွေ မလုပ်နိုင်ခဲ့ပါဘူး။
အခုတွေ့ဆုံမှုမှာ တက်ရောက်တဲ့ ကိုယ်စားလှယ်တွေရဲ့ အနေအထားကို ကြည့်မယ်ဆိုရင် တော့ ထူးခြား တယ် လို့ ပြောလို့ ရနိုင်ကြောင်း ကချင် လွတ်လပ်ရေး တပ်မတော် KIA က ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော်က ပြောပါတယ်။
ဒါပေမယ့် နိုင်ငံရေးအရ၊ စစ်ရေးအရ တိုးတက်မှုတွေ ရှိလာသလားဆိုတာကိုတော့ အခုချိန်မှာ ပြောဖို့ စောသေးကြောင်း သူက ပြောပါတယ်။
ကချင်ပြည်နယ်တွင်းမှာ တိုက်ပွဲတွေကတော့ ဆက်လက် ပြင်းထန်နေဆဲ ဖြစ်ပါတယ်။
အခု အစည်းအဝေးမှာ ကေအိုင်အိုဘက်ကတော့ တန်းတူရေးကို အခြေခံတဲ့ နိုင်ငံရေး ဆွေးနွေးပွဲ အရင်ဖြစ်ဖို့ လိုလားနေပြီး အစိုးရ ဘက်ကတော့ အပစ်အခတ်ရပ်ရေးကို အရင် ဦးစားပေးဖို့ ဆန္ဒရှိနေတယ်လို့လည်း တရုတ် မြန်မာနယ်စပ်မှာရှိနေတဲ့ ဘီဘီစီ သတင်းထောက်က ပြောပါတယ်။

မန်ဝိန်းကြီး ဒေသတွင်း တိုက်ပွဲတွေ ဆက်လက် ဖြစ်ပွားနေတာ ဖြစ်ပါတယ်ကချင်ပြည်နယ်မှာ တိုက်ခိုက်မှုတွေ ဆက်ဖြစ်နေဆဲ
မန်စီမြို့နယ် မန်ဝိန်းကြီးဒေ အတွင်းမှာ ကချင်လွပ်လပ်ရေးတပ်မတော် KIA တပ်မဟာ (၃) လက်အောက်ခံ တပ်ဖွဲ့ဝင် တွေနဲ့ အစိုးရ စစ်ကြောင်းတွေ အကြား ဗုဒ္ဓဟူးနေ့မှာ တိုက်ပွဲတွေ အပြင်းအထန် ဖြစ်ပွားခဲ့ပါတယ်။
KIA တပ်မဟာ(၃)၊ တပ်ရင်း (၂၇) အခြေစိုက် တဲ့ မန်ဝိန်းကြီး ဂွင်အတွင်းက ‘ပလောင်ဒိန်ဆာ’ ရွာကို အစိုးရ တပ်ဖွဲ့တွေက အင်အား (၃ဝဝ) ကျော် လောက်နဲ့ ဝင်ရောက် တိုက်ခိုက်ခဲ့တာ ကြောင့် KIA တပ်ရင်း (၂၇) ဟာ အင်္ဂါနေ့ ညနေ (၂) နာရီ ကျော်ခန့်က ဆုတ်ခွာပေးခဲ့ရပြီး နောက်၊ မန်ဝိန်းကြီး ဒေသ အတွင်းမှာ အခုလို တိုက်ပွဲကြီးငယ် တွေ ဆက်လက် ဖြစ်ပွား နေတာ ဖြစ်ပါတယ်။
အစိုးရစစ်တပ်တွေဟာ၊ မန်စီ-မန်ဝိန်းကြီး ကားလမ်းကို ထိန်းချုပ်နိုင်ရေး အတွက် ကေအိုင်အေရင်း(၂၇) အခြေစိုက်တဲ့ ‘ပလောင်ဒိန်ဆာ’ကို လွန်ခဲ့တဲ့ သီတင်း နှစ်ပတ် ကတည်းက ထိုးစစ် ဆင်နေခဲ့တာ ဖြစ်ပါတယ်။
မန်စီ-မန်ဝိန်းကြီး လမ်းကြောင်းဟာ အစိုးရတပ် ထောက်ပို့အတွက် အဓိကကျတဲ့ လမ်းကြောင်း ဖြစ်တာကြောင့် အစိုးရ စစ်တပ်ဘက်ကနေ အင်အား အလုံးအရင်းနဲ့ တိုက်ခိုက်နေတာ ဖြစ်ပါတယ်။
အလားတူပဲ အင်္ဂါနေ့ မနက်ပိုင်းကလည်း ကချင်ပြည်နယ် ဒေါ့ဖုန်းယန်မြို့နယ် အနောက် ဘက်က ဧရာဝတီမြစ်ကို ဖြတ်ကူးလာတဲ့ အစိုးရတပ်ဖွဲ့ဝင်တွေကို ကေအိုင်အေ တပ်ဖွဲ့ဝင် တွေက သွားရောက် တိုက်ခိုက်ခဲ့ရင်း ထိတွေ့ တိုက်ပွဲဖြစ်ပွားမှုတွေ ရှိခဲ့ပါတယ်။
အင်အား (၃ဝဝ) ဝန်းကျင်ခန့်ရှိ အစိုးရ စစ်ကြောင်းတခုဟာလည်း ဒေါ့ဖုန်းယန် မြို့နယ်ခွဲ အတွင်းရှိ ‘နန်ဝိုင်း’ရွာနဲ့ ‘ဖာဂီ ’ရွာတွေကို ဗုဒ္ဓဟူးနေ့၊ နေ့လည် (၁၂) နာရီခန့်က မီးတင်ရှို့ခဲ့ ကြောင်း၊ ဒေသခံတွေ အဆိုအရ သိရပါတယ်။
အိမ်ခြေ (၆ဝ) ခန့်ရှိ နန်ဝိုင်းရွာဟာ (၁ဝ) အိမ်ခန့်ပဲ ကျန်ခဲ့သလို၊ အိမ်ခြေ (၂ဝ) ကျော်ရှိ ‘ဖာဂီ’ ရွာဟာလဲ ရွာလုံးကျွတ် ပြာကျသွားခဲ့ရပြီး၊ ဒေသခံ ရွာသူရွာသားတွေဟာ ဘေးလွတ် ရာ ကေအိုင်အေ ထိန်းချုပ် နယ်မြေ (ခါလား ) ရွာဘက်ဆီ ထွက်ပြေး နေကြ ရကြောင်း သိရပါတယ်။
ဒီတိုက်ပွဲတွေ အတွင်း ထိခိုက်ကျဆုံးမှုတွေ ရှိကြောင်း သိရပေမဲ့၊ အရေအတွက် ဘယ်လောက် ရှိသလဲ ဆိုတာ အခုချိန်အထိတော့ အတည်ပြုနိုင်ခြင်း မရှိသေးပါဘူး။။

ကလင်တန်လာရောက်မှာကို မြန်မာလူ့အခွင့်အရေး ကော်မရှင် ကြိုဆို
အမေရိကန် နိုင်ငံခြားရေးဝန်ကြီး ဟီလာရီ ကလင်တန် မြန်မာနိုင်ငံ လာရောက်မှာကို မြန်မာနိုင်ငံ အမျိုးသား လူ့အခွင့်အရေး ကော်မရှင်က ကြိုဆိုကြောင်း ကြေညာချက် ထုတ်ပြန်လိုက်ပါတယ်။
မြန်မာ-အမေရိကန် နှစ်နိုင်ငံဆက်ဆံရေး တိုးတက်ကောင်းမွန်ဖို့အတွက်၊ လူ့အခွင့်အရေး ကိစ္စရပ်တွေမှာ ပြစ်တင် ပြောဆိုနေမယ့်အစား ပူးပေါင်း ပါဝင် လုပ်ဆောင်တာက ပိုအကျိုးရှိမှာ ဖြစ်ပြီး၊ အခုခရီးစဉ်အတွက် ကြိုဆိုကြောင်း မြန်မာ လူ့အခွင့်အရေး ကော်မရှင် ဥက္ကဌ ဦးဝင်းမရက ပြောပါတယ်။
နောက်ပြီးသူက လူ့အခွင့်အရေး ကော်မရှင်အနေနဲ့ အခြေခံဥပဒေမှာ ပါရှိတဲ့အတိုင်း လူ့အခွင့်အရေးကို တိုးတက် ခိုင်မာအောင်လုပ်နေကြောင်း ပြောပါတယ်။
လူ့အခွင့်အရေး ချိုးဖောက်ခံရတယ်လို့ တိုင်ကြားလာတာတွေကိုလည်း စိစစ်ပြီး ဆောင်ရွက် ပေးနေကြောင်း သူကပြောပါတယ်။ အဲဒါကတော့ အကာအကွယ်ပေးတဲ့ အပိုင်းဖြစ်ပြီး၊ တခြားကိစ္စရပ်ဖြစ်တဲ့ လူ့အခွင့်အရေးဆိုင်ရာ အသိပညာပေးမှုတွေကိုလည်း တက်တက်ကြွကြွလုပ်ဆောင်နေတယ်လို့ ဆိုပါတယ်။
အခုအချိန်မှာတော့ နိုင်ငံရေးအကျဉ်းသားတွေ လွှတ်ဖို့ ကော်မရှင်က မေတ္တာရပ်ခံထား တာကိုတောင် အစိုးရက ပြန်လွှတ်ပေးဖို့ နှေးကွေးနေတဲ့အတွက် အမေရိကန်အနေနဲ့ ယုံကြည်နိုင်ပါ့ မလားဆိုတဲ့ သံသယတွေလည်း ရှိနေတာ ဖြစ်ပါတယ်။
ဒီလိုဖြစ်နေတဲ့ ကိစ္စကိုတော့ ဦးဝင်းမရက နှေးကွေးတယ်၊ ကြန့်ကြာတယ်လို့တော့ ပြောလို့ မရကြောင်းနဲ့ ပထမအနေနဲ့ အကျဉ်းသား ၆၀၀၀ ကျော် လွှတ်ပေးတာကို ကြည့်ရင် ဒါဟာ ကြီးမားတဲ့ တိုးတက်မှုတရပ် ဖြစ်တယ်လို့ ပြောပါတယ်။
ကော်မရှင်က တောင်းဆိုတဲ့အတိုင်း အစိုးရပိုင်းက လုပ်ပေးလာမယ်လို့တော့ ပြောလို့မရ ကြောင်း၊ ဒါပေမယ့်လည်း အကျဉ်းသားတွေ ထပ်လွတ်လာဖို့ကိုတော့ မျှော်လင့် ကြောင်း သူက ဆက်ပြောပါတယ်။
အမေရိကန်အနေနဲ့ကလည်း အကျဉ်းသားတွေ ထပ်လွှတ်ပေးဖို့ တောင်းဆိုထားတဲ့ကြားက နိုင်ငံခြားရေးဝန်ကြီးကို အလည်အပတ် လွှတ်လိုက်တာ ဖြစ်တဲ့အတွက် အကျဉ်းသားတွေ ထပ်လွတ်လာဖို့ကို မျှော်လင့်နိုင်ကြောင်း ဦးဝင်းမရက ပြောပါတယ်။

အီဂျစ် ရွေးကောက်ပွဲ မဲဆန္ဒ ရှင်များအီဂျစ် နိုင်ငံမှာ ရွေးကောက်ပွဲ ကျင်းပ
အီဂျစ်နိုင်ငံမှာ လွန်ခဲ့တဲ့ ၉ လတုန်းက သမ္မတ မူဘာရက်ပြုတ်ကျခဲ့ပြီးတဲ့နောက် ပထမဆုံးကျင်းပနေတဲ့ ပါလီမန် ရွေးကောက်ပွဲမှာ ဒုတိယနေ့ အဖြစ် ဆက်လက်မဲပေးနေကြပါတယ်။
မနေ့တုန်းက ကိုင်ရို နဲ့ တခြား အဓိက မြို့ကြီးတွေမှာ လူတွေသန်းနဲ့ချီပြီး လာရောက်မဲပေးခဲ့ကြပါတယ်။
ကျန်တဲ့အီဂျစ်တနိုင်ငံလုံးမဲပေးပြီးကြမယ့် အခုနှစ်ကုန်မတိုင်ခင်တော့ မဲရလာဒ်ကိုသိနိုင်ဦးမှာမဟုတ်ပါဘူး။
အီဂျစ်နိုင်ငံ မှာ ပထအဆင့် ရွေးကောက်ပွဲ ဒုတိယနေ့ မှာ မနေ့ကနဲ့စာရင် သမိုင်းဝင်ဖြစ်ရပ်ရဲ့ အစဘဲ ဆိုတဲ့ ခံစားမှုမျိုးတော့ သိပ်မတွေ့ရတော့ပါဘူး။
မနေ့တုန်းက တော့ကိုင်ရိုမြို့ နေရာတချို့မှာ စိတ်ရှည်လက်ရှည် တန်းစီစောင့်ဆိုင်းနေကြတဲ့ လူအုပ်ကြီးကိုမဲပေးနိုင်အောင် မဲရုံမှူးတွေ အတော် ခက်ခက်ခဲခဲကိုင်တွယ်ခဲ့ရပါတယ်။
အီဂျစ်နိုင်ငံရဲ့ ရှုပ်ထွေးလှတဲ့ ရွေးကောက်ပွဲစည်းမျဉ်းတွေကြောင့် လွှတ်တော်နှစ်ရပ်လုံးအတွက် ဒေသသုံးခုမှာ သီးခြားစီရွေးချယ်မဲပေးကြရမှာဖြစ်ပြီး ရလာဒ်ကို ချက်ချင်းသိနိုင် ဦးမှာမဟုတ်ပါဘူး။
အခုမဲပေးရာမှာ First past the post လို့ခေါ်တဲ့ မဲအများစုရတဲ့သူ ကိုအနိုင်ပေးတဲ့စံနစ်နဲ့ propotional representation လို့ခေါ်တဲ့ အချိုးကျရွေးချယ်တင်မြှောက်တဲ့စံနစ်နှစ်မျိုး ကိုပေါင်းစပ်ထားတာဖြစ်ပါတယ်။
တချို့ရွေးကောက်ခံကိုယ်စား လှယ် တွေအနေနဲ့ မဲအများစုစံနစ်အရ သူတို့ဘယ်လောက်ထောက်ခံမှုရခဲ့ကြသလဲဆိုတာကိုမကြာခင်ရက်ပိုင်းအတွင်းသိလာရနိုင်ပေမယ့်၊ မဲစံနစ်ရဲ့ ရှုပ်ထွေးမှုကြောင့်နောက်ဆုံးရလာဒ်ဘယ်လိုဖြစ်လာမလဲဆိုတာကိုဘယ်သူမှအတတ်မပြောနိုင်ပါဘူး။
အီဂျစ်နိုင်ငံဆန္ဒခံယူပွဲမှာ လူတွေစံချိန်တင် အောင်လာရောက်မဲပေးကြလိမ့်မယ်ဆိုပြီးပါတီအများစုကခန့်မှန်းနေပါတယ်။
ဒါဟာ လွတ်လပ်စွာ ဆန္ဒဖော်ထုတ်ခွင့်ကို ပေးနိုင်မယ့် ဒီမိုကရေစီ စံနစ်ကိုလူတွေလိုလားတောင့်တနေတဲ့ လက္ခဏာတခုဘဲဖြစ်တယ်လို့ Kevin Connolly ကသတင်းပေးပို့ထားပါတယ်ခင်ဗျာ။

ပါကစ္စတန်စစ်သား ၂၄ ဦး သေဆုံးခဲ့တာကြောင့် သပိတ်မှောက်မှာ ဖြစ်ပါတယ်အာဖဂန်ဆိုင်ရာ ညီလာခံကို ပါကစ္စတန် သပိတ်မှောက်မယ်
အာဖဂန်နစ္စတန်ရဲ့ ရှေ့အနာဂတ်နဲ့ ပတ်သက်ပြီး ဂျာမဏီနိုင်ငံမှာ ရှေ့အပတ် ကျင်းပဖို့ရှိတဲ့ နိုင်ငံတကာ ညီလာခံတခုကို ပါကစ္စတန်နိုင်ငံက သပိတ်မှောက်မှာ ဖြစ်တယ်လို့ ပြောကြားလိုက်ပါတယ်။
အကြောင်းကတော့ စနေနေ့က နေတိုးတပ်ဖွဲ့ရဲ့ တိုက်ခိုက်မှုကြောင့် ပါကစ္စတန်စစ်သား ၂၄ ဦး သေဆုံးခဲ့ရတဲ့ အပေါ် ဆန့်ကျင် ကန့်ကွက်တဲ့ အနေနဲ့ အခုလို သပိတ်မှောက်ရတာ ဖြစ်ပါ တယ်။ လာဟိုးမြို့ ကဘိနက် အစည်းအဝေး တခုကနေ ဒီညီလာခံကို သပိတ်မှောက်ဖို့ ဆုံးဖြတ်ခဲ့တာ ဖြစ်ပါတယ်။
ပါကစ္စတန်နယ်ခြားက စစ်စခန်းတခုကို နေတိုးအဖွဲ့က တိုက်ခိုက်ခဲ့တာဟာ ပါကစ္စတန်ရဲ့ အချုပ်အခြာ ပိုင်စိုးမှုကို ချိုးဖောက်တာတင် မဟုတ်ဘဲ အာဖဂန်က နိုင်ငံတကာ တပ်ဖွဲ့တွေရဲ့ လုပ်ပိုင်ခွင့်တွေကိုပါ ချိုးဖေါက်ရာ ရောက်တယ်လို့ ပါကစ္စတန်က ပြောကြားလိုက်ပြီး၊ ပြင်းပြင်းထန်ထန် ရှုတ်ချလိုက်ပါတယ်။
ဗြိတိန်ဆိုင်ရာ ပါကစ္စတန် ကော်မရှင်နာ မင်းကြီးကတော့ နေတိုးအဖွဲ့ဟာ အနည်းဆုံး အနေနဲ့ ပါကစ္စတန်ပြည်သူတွေကို တောင်းပန်စကား ပြောကြားသင့်တယ်လို့ ပြောပါတယ်။
ပါကစ္စတန်အနေနဲ့ သပိတ်မှောက်မယ့် အစီအစဉ်ကို မပြောင်းလဲခဲ့ဘူးဆိုရင်တော့ ညီလာခံအတွက် အဓိကအရေးပါတဲ့ ပါကစ္စတန်မပါဘဲ ကျင်းပရတော့မှာ ဖြစ်တယ်လို့ အစ္စလာ မာဘတ်က ဘီဘီစီ သတင်းထောက်က ပြောပါတယ်။

မွန် ပြည်နယ် အလံမွန် ပါတီ နှစ်ခု ပေါင်းစည်းရေး။
မြန်မာနိုင်ငံတွင်း မှာ ရှိတဲ့ မွန် ပါတီ နှစ်ခု ပေါင်းစည်းရေး နဲ့ ပတ်သက်ပြီး ၉ဝ ခုနှစ်တုန်း က ရွေးကောက်ပွဲမှာ ပါဝင် ယှဉ်ပြိုင် ခဲ့တဲ့ မွန်အမျိုးသား ဒီမိုကရေစီ အဖွဲ့ရဲ့ ကမ်းလှမ်းချက်ကို ၂ဝ၁ဝ ရွေးကောက်ပွဲ မှာ ဝင်ခဲ့တဲ့ မွန်ဒေသ လုံးဆိုင်ရာ ဒီမိုကရေစီ ပါတီ က တနင်္ဂနွေ နေ့ မှာ အစည်းအဝေး ပြုလုပ် ဆွေးနွေးခဲ့ ကြပါတယ်။
မွန်ပါတီဟောင်း ဟာ ၂ဝ၁ဝ ရွေးကောက်ပွဲ ကာလမှာ ပါတီ ကို ပြန်လည် မှတ်ပုံ မတင်ပဲ သပိတ်မှောက်ခဲ့တဲ့ ပါတီ ဖြစ်သလို စီအာပီပီ အဖွဲ့ဝင် ပါတီလည်း ဖြစ်ပါတယ်။ အခု အမျိုးသား ဒီမိုကရေစီ အဖွဲ့ချုပ်က ပြန်လည် မှတ်ပုံတင်ဖို့ ဆုံးဖြတ်ပြီး နောက်ပိုင်းမှာ မွန် ပါတီ နှစ်ခု ပူးပေါင်းရေး ကို ကမ်းလှမ်းခဲ့တာ ဖြစ်ပါတယ်။
မွန်ပါတီသစ် ဖြစ်တဲ့ မွန်ဒေသလုံး ဆိုင်ရာ ဒီမိုကရေစီ ပါတီရဲ့ အစည်းအဝေးမှာ ပါတီဟောင်းရဲ့ ကမ်းလှမ်းချက်ကို လက်ခံဖို့ သူတို့ပါတီ ဘက်က ဆုံးဖြတ်ခဲ့ပေမယ့် နှစ်ပါတီ ဘယ်လို ပေါင်းစည်းမယ် ဆိုတာကို နှစ်ဘက် တွေ့ဆုံ ဆုံးဖြတ်ချက် ချတဲ့ အဆင့် မရောက်သေးဘူးလို့ ဉက္ကဌ နိုင်ငွေသိန်း က ဘီဘီစီ ကို ပြောပြပါတယ်။
ဒါပေမယ့် အနာဂတ် မှာ မွန်ပါတီ ဟာ တပါတီထဲ ဖြစ်ရမယ်လို့ ဆုံးဖြတ်တဲ့ အကြောင်း၊ ကော်မရှင် ဖွဲ့ပြီးတော့လည်း မွန်ပြည်သူတွေ ကို ရှင်းပြမှာ ဖြစ်သလို ပါတီ အမှုဆောင် တွေ အနေနဲ့လည်း ပူးပေါင်းဖို့ ရှိတဲ့ အကြောင်း ဉက္ကဌ နိုင်ငွေသိန်း က ဘီဘီစီ ကို ပြောပါတယ်။
ဒေါ်အောင်ဆန်းစုကြည် က ရွေးကောက်ပွဲ ဝင်ဖို့ ဆုံးဖြတ်လိုက်တဲ့ အတွက် တိုင်းရင်းသား ပါတီတွေ အနေနဲ့လည်း နိုင်ငံရေး ပါတီပြန်ဖွဲ့၊ မှတ်ပုံတင်ဖို့ စဉ်းစားရတဲ့ အကြောင်းလည်း နိုင်ငွေသိန်းက ရှင်းပြပါတယ်။

မစ္စက် ကလင်တန် မြန်မာပြည် ရောက်လာတော့မယ်
နေပြည်တော်သွား ရန်ကုန်ရောက် ရွှေတိဂုံ ဖူးမယ့် ဟီလာရီ ကလင်တန်
အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ဟာ မြန်မာနိုင်ငံကို မနက်ဖြန် နိုဝင်ဘာလ ၃၀ ရက်နေ့မှာ ရောက်လာတော့မှာ ဖြစ်ပါတယ်။
ဒီခရီးစဉ်ဟာ မြန်မာနဲ့ ဆက်ဆံရေးကို ကျယ်ကျယ်ပြန့်ပြန့် ပြန်လည်ထူထောင်ဖို့ ရှေ့ပြေး အစီအစဉ် ဖြစ်ပါတယ်။
မစ္စက် ကလင်တန်ဟာ နေပြည်တော်ကို အရင်ဆုံး သွားရောက်မှာ ဖြစ်ပြီး သမ္မတ ဦးသိန်းစိန် နိုင်ငံခြားရေး ဝန်ကြီး ဦးဝဏ္ဏမောင်လွင်နဲ့ တခြား ထိပ်တန်း လွှတ်တော် အရာရှိတွေနဲ့ တွေ့ဆုံမှာ ဖြစ်ပါတယ်။
အဲဒီနောက် ကြာသပတေးနေ့ ဒီဇင်ဘာလ တရက်နေ့မှာ မစ္စက် ကလင်တန်ဟာ ရန်ကုန် မြို့တော်ကို သွားပြီး ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ ပထမဆုံး တွေ့လိမ့်မယ်လို့ သိရပါတယ်။
ဒါ့အပြင် ရွှေတိဂုံ ဘုရားကို သွားရောက်ဖူးမျှော်ပြီး အဲဒီနောက် တခြား လူမှု အခြေပြု အဖွဲ့အစည်း ခေါင်းဆောင်တွေ ၊ တိုင်းရင်းသား အဖွဲ့အစည်းလည်း သောကြာနေ့မှာ ပြန်လာလိမ့်မယ်လို့ ရိုက်တာ သတင်းမှာ ရေးသားထားပါတယ်။

ဂျာမဏီက စတော့ဈေးကွက်အစုရှယ်ယာ ဈေးတွေ တဟုန်ထိုးတက်
ယူရိုဇုံထဲက ကြွေးမြီ ပြဿနာ ဖြေရှင်းဖို့ အရေးယူ ဆောင်ရွက်မှုသစ် တွေကြောင့် မျှော်လင့် ချက်တွေ ဖြစ်ပေါ်လာပြီး ဥရောပနဲ့အ မေရိကန် တလွှားက စတော့ဈေးကွက်မှာ အစု ရှယ်ယာ ဈေးတွေ တက်သွားခဲ့ပါတယ်။
ပါရီမှာ အစုရှယ်ယာဈေးတွေ ငါးရာခိုင်နှုန်း ကျော်နဲ့ ဘာလင်မှာ လေးရာခိုင်နှုန်းကျော် တက်ကာ နယူးယောက်မြို့ ဈေးပိတ်ချိန်မှာတော့ နှစ်ရာခိုင်နှုန်း တက်သွားခဲ့ပါတယ်။
တချိန်တည်းမှာ ဥရောပ ခေါင်းဆောင်တွေဟာ သမ္မတ အိုဘားမားနဲ့ အိမ်ဖြူတော်မှာ တွေ့ပြီးတဲ့နောက် ပိုမို အတူတကွ ပူးပေါင်း ဆောင်ရွက်ဖို့ ဂတိပြုခဲ့ ကြပါတယ်။
ယူရိုဇုန်ထဲ ပါဝင်တဲ့ နိုင်ငံတွေ အတွက် ပိုမို တင်းကျပ်တဲ့ ဘတ်ဂျတ် စည်းမျဉ်းစည်းကမ်း တွေချရမယ်လို့ ဥရောပ ကော်မရှင် ဥက္ကဌ ဂျိုဆေ မန်နူရယ် ဘာရိုဆိုက ပြောပါတယ်။
အမေရိကန် ပြည်ထောင်စု အနေနဲ့ ယူရိုဇုန်ရဲ့ ကြွေးမြီ ဝန်ထုပ်ဝန်ပိုး လျော့ပါးသွား စေအောင် အကူအညီပေးဖို့ အသင့်ပါဘဲလို့ ဆိုခဲ့ပေမယ့် ဒီပြောကြားချက်က ဘဏ္ဍာရေး အရ ကူညီမယ် ဆိုတဲ့ သဘောမဟုတ်ပါဘူးလို့ အမေရိကန် အစိုးရ ပြောခွင့်ရ ပုဂ္ဂိုလ်က ဆိုပါတယ်။

လစ်ဗျားက အဘူစံလင်း အကျဉ်းထောင်လစ်ဗျားမှာ အကျဉ်းသား ခုနှစ်ထောင်လောက် ဖမ်းထား
လစ်ဗျားက လက်ရှိ တော်လှန်ရေး အစိုးရ လက်အောက်မှာ ယာယီ ထိန်းသိမ်းရေး စခန်းတွေနဲ့ အကျဉ်းထောင်တွေမှာ ဖမ်းထားသူ ခုနှစ်ထောင်လောက် ရှိပြီး ရဲနဲ့ တရားရုံးတွေ ကောင်းကောင်း လည်ပတ်မှု မရှိသေးတာကြောင့် အဲဒီ အကျဉ်းသားတွေဟာ ဥပဒေကြောင်း အရ ဆောင်ရွက်မှုတွေကို ဆက်လက် မလုပ်ဆောင်နိုင်ကြဘူးလို့ ကုလသမဂ္ဂက ပြောပါတယ်။
တချို့ ထိန်းသိမ်းခံထားရသူတွေဟာ နှိပ်စက်ခံရပြီး အဲဒီထဲက အများစုဟာ ကဒါဖီ လက်ထက်တုန်းက ကြေးစား စစ်သားအဖြစ် ငှားထားတဲ့ အာဖရိက ဆာဟာရ ဒေသ နိုင်ငံတွေက လာရောက် အလုပ်လုပ်သူတွေ ဖြစ်တယ်လို့ ဆိုပါတယ်။
အစိုးရ အနေနဲ့ ဒီကိစ္စကို အလျင်အမြန် အရေးယူ ဆောင်ရွက်ဖို့ လိုတယ်လို့ လစ်ဗျားနိုင်ငံ ဆိုင်ရာ ကုလသမဂ္ဂ သံအမတ်ကြီး အီရန်မာတင်က ပြောပါတယ်။
ဒါပေမယ့် တော်လှန်ရေးတုန်းက ပါဝင် တိုက်ခိုက်ပေးခဲ့သူတွေ ဆီက လက်နက်တွေ ပြန်သိမ်းဖို့ အတွက် လစ်ဗျားနိုင်ငံဟာ တကယ့်ကို စိန်ခေါ်မှု တရပ်နဲ့ ရင်ဆိုင် နေရတယ်လို့ ဆိုပါတယ်။

စစ်ကောင်စီ ကြီးကြပ်တဲ့ အီဂျစ် ရွေးကောက်ပွဲအီဂျစ် ရွေးကောက်ပွဲ လူအများအပြား မဲလာထည့်
အီဂျစ်နိုင်ငံမှာ ပြီးခဲ့တဲ့ ဖေဖော်ဝါရီလ တုန်းက သမ္မတ မူဘာရက် ရာထူးက ဆင်းပေးခဲ့ ရပြီးတဲ့နောက် အရင်ဦးဆုံး ပါလီမန် ရွေးကောက်ပွဲကို ငြိမ်းချမ်းစွာ ကျင်းပနိုင်ခဲ့တဲ့ ပထမဆုံး နေ့မှာ လူတွေ အများအပြား မဲလာထည့် ခဲ့ကြပါတယ်။
အခုလို ချွတ်ယွင်းချက် မရှိဘဲ ပြည့်စုံတဲ့ ရွေးကောက်ပွဲမျိုး တခါမှ မတွေ့ဖူးပါဘဲ ကျွန်တော် တွေ့ရသလောက် ကိုင်ရိုမြို့ တဝိုက်မှာ ဆိုရင် ဒီနေ့ဟာ အီဂျစ် ပြည်သူတွေ အတွက် နေ့ထူး နေ့မြတ် တရက် ဖြစ်ပြီး လူထုရဲ့ ရွေးကောက်ပွဲ အပေါ် အထူးတလည် စိတ်ဝင်စား မှုကိုလည်း တွေ့ရပါတယ်လို့ အမေရိကန် လွှတ်တော် အမတ် ဒေးဗစ် ဒရိုင်ရာက ဆိုပါတယ်။
ထောက်ပို့ အခက်အခဲတွေနဲ့ မဲရုံမှာ မဲပေးဖို့ စောင့်နေရတဲ့ ရှည်လျားတဲ့ လူတန်းကြီးကြောင့် လက်ရှိ အာဏာရ စစ်ကောင်စီက အချိန် နှစ်နာရီ ပိုဖွင့်ပေးခဲ့ရပြီး အခုတော့ မဲရုံတွေ ပိတ်သွားပါပြီ။
မဲပြား ၊ မဲပုံးနဲ့ မင် ပြတ်လပ်မှုတွေ ရှိခဲ့သလို တချို့ မဲရုံကြီးကြပ်သူတွေလည်း မဲရုံဆီ သွားရင်း လမ်းပျောက်မှုတွေ ရှိခဲ့တယ် ဆိုတဲ့ သတင်းတွေလည်း ရရှိပါတယ်။
ရုန်းရင်းဆန်ခတ်မှုတွေလည်း ရှိခဲ့ပြီး လူ၂၅ယောက်ကျော်လောက် ထိခိုက် ဒဏ်ရာ ရခဲ့တယ်လို့ သိရပါတယ်။
ဒါပေမယ့် ရွေးကောက်ပွဲ စောင့်ကြည့် လေ့လာသူတွေကတော့ အကြမ်းဖက် မဲသမာမှု မဲခိုးမှုတွေ မရှိဘူးလို့ ပြောပါတယ်။

တရုတ်လေယာဉ်တင်သင်္ဘော ဒုတိယအကြိမ် စမ်းသပ်ခုတ်မောင်း
By ဗွီအိုအေ(မြန်မာဌာန)
တရုတ်နိုင်ငံရေပိုင်နက်လို့ အခိုင်အမာပြောနေတဲ့ ပင်လယ်ပြင်ဧရိယာထဲမှာ တရုတ်နိုင်ငံက လေယာဉ်တင် သင်္ဘောကို ဒုတိယအကြိမ် ရေချလိုက်ပါတယ်။ ဒီ လေယာဉ်တင်သင်္ဘောကို အင်္ဂါနေ့က ရေချပြီး စမ်းသပ်ခုတ်မောင်းခဲ့ကြောင်း ကာကွယ်ရေး ဝန်ကြီးဌာနက ပြောပါတယ်။ ဒီ ရုရှား လေယာဉ်တင် သဘောင်္ကို ၁၉၉၈ ခုနှစ်မှာ ယူကရိန်းကနေ ဝယ်ပြီး ကုန်းတင်ထားရာကနေ ပြီးခဲ့တဲ့ သြဂတ်စ်လထဲမှာ ပထမအကြိမ် ရေချပြီး စမ်းသပ်စစ်ဆေးမှုလုပ်ခဲ့တာပါ။
ဒီ လေယာဉ်တင်သင်္ဘောနဲ့ပတ်သက်လို့ တရုတ်နိုင်ငံဘက်က ရှင်းရှင်းလင်းလင်း မရှိတဲ့အပေါ်မှာ အမေရိကန်ပြည်ထောင်စုက စိုးရိမ် ပူပန်ကြောင်း ထုတ်ဖော်ပြောကြားခဲ့ပါတယ်။ ဒါပေမယ့် တရုတ် အာဏာပိုင်တွေဘက်တော့ ဒီလေယာဉ်တင်သင်္ဘောက ဘယ်သူ့ကိုမှ ခြိမ်းခြောက်နေတာ မဟုတ်ဘူးလို့ ပြောပါတယ်။
တရုတ်နိုင်ငံဟာ အရှေ့တရုတ်ပင်လယ်ထဲက ကျွန်းတွေနဲ့ပတ်သက်လို့ ဂျပန်နဲ့ သံခင်းတမန်ခင်းအရ အချင်းများနေသလို တောင်တရုတ် ပင်လယ်ဘက်မှာလည်း ရေနံနဲ့သဘာဝဓာတ်ငွေ့တွေ စီးပွားဖြစ်ထွက်ရာ ရေပိုင်နက် ဧရိယာမှာ ဗီယက်နမ်၊ ဖိလစ်ပိုင်နိုင်ငံတို့နဲ့ သူပိုင် ကိုယ်ပိုင် အငြင်းပွားနေတာလည်း ရှိပါတယ်။

KIO ဥက္ကဋ္ဌ ပြည်ထောင်စုဝန်ကြီးနဲ့ဆွေးနွေး
By မနူးပန်
ကချင်ပြည်နယ်ထဲမှာ အစိုးရတပ်နဲ့ ကချင်လက်နက်ကိုင်တွေကြား ပိုပြီးတော့ကျယ်ပြန့်လာတဲ့ တိုက်ပွဲတွေကြောင့် နှစ်ဘက် အပစ်အခတ်ရပ်စဲရေးကိစ္စ တွေ့ဆုံပွဲတခုကို ဒီကနေ့ တရုတ်နိုင်ငံ၊ ရွှေလီမြို့မှာ ပြုခဲ့ပါတယ်။ ကချင်လွတ်လပ်ရေးအဖွဲ့၊ ကေအိုင်အိုဥက္ကဋ္ဌ အပါအ၀င် အစိုးရ ကိုယ်စားလှယ်တွေနဲ့ ယနေ့ ညနေပိုင်းကနေ တွေ့ဆုံမှုစပြီးတော့ လုပ်နေတာပါ။ အစောပိုင်းက အပစ်ရပ်ရေးအတွက် တွေ့ဆုံ ဆွေးနွေးတာတွေ မအောင်မြင်ဘဲ အတန်ကြာတွေ့ဆုံဆွေးနွေးမှုတွေ ပြတ်သွားပြီးတဲ့နောက် ခုတစ်ခါထပ်ပြီးတော့ တွေ့ဆုံကြတာလည်း ဖြစ်ပါတယ်။ တဘက်မှာလည်း ဆွေးနွေးတာတွေ လုပ်နေပေမယ့် တိုက်ပွဲတွေကတော့ ပုံမှန်ပြင်းထန်နေဆဲဖြစ်တယ်လို့ သိရပါတယ်။ အပြည့်အစုံကိုတော့ ဗွီအိုအေက ထိုင်းအခြေစိုက်သတင်းထောက် နူးပန်ကတင်ပြထားပါတယ်။
မြန်မာအစိုးရရဲ့ လက်နက်ကိုင်များနဲ့ ထာဝရငြိမ်းချမ်းရေးအတွက် ကမ်းလှမ်းချက်အသစ်ကို ကချင် လွတ်လပ်ရေးအဖွဲ့ ကေအိုင်အိုအနေနဲ့ ပထမဆုံး ပြန်လည်လက်ခံတွေ့ဆုံခဲ့တာ ဖြစ်ပါတယ်။
တရုတ်ပြည်နယ်၊ ရွှေလီမြို့ ဟိုတယ်တခုမှာ နှစ်ဘက်တွေ့ဆုံမှုတွေကို ညနေပိုင်းကနေ စတင်ပြီး ဆွေးနွေးနေခဲ့တာဖြစ်တယ်လုိ့ ကေအိုင်အို တွဲဘက်အထွေထွေအတွင်းရေးမှူး လာနန်က ပြောပါတယ်။
ဆက်သွယ်မေးမြန်းခဲ့တဲ့အချိန်ထိ နှစ်ဘက်ဆွေးနွေးနေဆဲဖြစ်ပြီး ဆွေးနွေးမှုတွေ မပြီးပြတ်သေးတဲ့ အတွက် ၂ ဘက်စလုံးကတော့ အသေးစိတ်ကို ထုတ်ဖော်မပြောကြပါဘူး။
နှစ်ဘက်တွေ့ဆုံမှုမှာ အစိုးရဘက်က ဆက်သွယ်ရေး ၀န်ကြီးဟောင်း မြစ်ကြီးနားမြို့ ပြည်သူ့လွှတ်တော် ကိုယ်စားလှယ် ဦးသိန်းဇော်အပါအ၀င် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ အတွင်းရေးမှူး ဦးအောင်သောင်းနဲ့ ကိုယ်စားလှယ်များဖြစ်ပြီး ကေအိုင်အိုဘက်က  ဥက္ကဋ္ဌ ဦးလယောက်ဇောင်းဟရားနဲ့ စစ်ဦးစီးဌာနချုပ် ဗိုလ်မှူးကြီးဇော်တောင်နဲ့ ကိုယ်စားလှယ်အဖွဲ့များ ပါဝင်ကြောင်း သိရပါတယ်။
နှစ်ဘက်ဆွေးနွေးမှုတွေရှိနေပေမယ့် တိုက်ပွဲတွေကတော့ ပုံမှန်အတိုင်းပဲ ပြင်းထန်နေဆဲဖြစ်ပြီး ကေအိုင်အို ထိန်းချုပ်နယ်မြေထဲကို ဒုက္ခသည်များ နေ့စဉ် ထွက်ပြေးခိုလှုံနေကြဆဲဖြစ်တယ်လို့ ဒု-အထွေထွေအတွင်းရေးမှူး လာနန်က အခုလိုပြောပါတယ်။
“တိုက်ပွဲတွေကတော့ နေ့စဉ်နဲ့အမျှပေါ့နော်၊ ရပ်သွားတယ်- တိုက်ပွဲမရှိတဲ့နေ့တွေဆိုတာ မရှိသလောပါပဲ။ တိုက်ပွဲကတော့ နေ့စဉ် ရက်ဆက်တော့ဖြစ်တယ်ခင်ဗျ။ နေရာဒေသအနှံ့လို့ ပြောရမှာပေါ့နော်။ အထူးသဖြင့်တော့ ဆင်လွမ်လမ်းဘက်မှာ အမြဲတမ်း တိုက်ပွဲတွေ ဖြစ်တယ်။ တပ်မဟာ (၂) ရဲ့ တပ်ရင်း (၅) ဒေသမှာလည်း ဖြစ်တယ်။ နောက်ပြီးတော့ တပ်ရင်း (၃) ဒေသမှာ ဆဒုန်း ကန်ပိုင်တီဘက်လမ်း မှာတော့ နည်းနည်းလျော့ပေမယ့် ဂါးရာယန်ဘက်မှာ ဆက်ဖြစ်တယ်ခင်ဗျ။ လျော့တယ်ဆိုတာကတော့ သူတို့ရဲ့တပ်နဲ့ ကျနော်တို့တပ်တွေ ထိပ်တိုက် မတွေ့တဲ့နေရာ အချိန်မှာပဲ လျော့တယ်။ လုံးဝ ကင်းသွားတဲ့ ဟာမျိုးက မရှိပါဘူး”
ထိုးစစ်တွေကြောင့် တိုက်ပွဲများဆက်တိုက်ဖြစ်ပွားရာမှာ နိုဝင်ဘာ ၂၈ ရက်နေ့မှာတော့ ဗန်းမော်ခရိုင်၊ မံဝင်းမြို့ ဘလောင်ဒိန်ဆာ တပ်ရင်းဌာနချုပ် ကေအိုင်အေ တပ်မဟာ ၃ လက်အောက်ခံ တပ်ရင်း ၂၇ ကို အစိုးရစစ်တပ်များ တိုက်ခိုက်သိမ်းပိုက်ခဲ့တယ်လို့ သိရပါတယ်။
ပြီးခဲ့တဲ့ နိုဝင်ဘာ ၁၉ ရက်နေ့က အစိုးရနဲ့ တိုင်းရင်းသား လက်နက်ကိုင်အဖွဲ့တွေကြား ထာဝရ ငြိမ်းချမ်းရေးအတွက် သမ္မတဘက်က ကမ်းလှမ်းချက်ကို ကေအိုင်အိုအပါအ၀င် တိုင်းရင်းသား လက်နက်ကိုင်အဖွဲ့ ၅ ဖွဲ့ နဲ့ အစိုးရကိုယ်စားလှယ်တွေ တွေ့ဆုံဆွေးနွေးခဲ့ပါသေးတယ်။ ကရင်အမျိုးသားအစည်းအရုံး (KNU)၊ ကချင်ပြည်လွတ်မြောက်ရေးအဖွဲ့ (KIO)၊ ရှမ်းပြည်တပ်မတော် တောင်ပိုင်း၊ ရှမ်းပြည် ပြန်လည်ထူထောင်ရေးကောင်စီ၊ ကရင်နီအမျိုးသား တိုးတက်ရေးပါတီ (KNPP) နဲ့ ချင်းအမျိုးသားတပ်ဦး (CNF) တို့နဲ့ တွေ့ဆုံရာမှာတော့ မြန်မာအစိုးရ ကိုယ်စားလှယ်အဖွဲ့က အပစ်အခတ်ရပ်စဲဖို့၊ ဒီနောက် ဖွံ့ဖြိုးမှု အကူအညီတွေပေးဖို့နဲ့ နိုင်ငံရေးအရ ဆွေးနွေးမှုတွေ ကျယ်ကျယ်ပြန့်ပြန့်လုပ်ဖို့ စတဲ့ အဆင့်ဆင့်ပါဝင်တဲ့ အစီအစဉ်တရပ်ကို ကမ်းလှမ်းထားတာ ဖြစ်ပါတယ်။
အစောပိုင်းက အပစ်ခတ်ရပ်စဲရေးအတွက် ဇွန်လ နောက်ဆုံး အစိုးရနဲ့ ၃ ကြိမ် တွေ့ဆုံဆွေးနွေးခဲ့ပေမယ့် အောင်မြင်မှုမရှိဘဲ ခုတစ်ခါ အသစ်ကမ်းလှမ်းချက် တဖန် စတင်နေခြင်းလည်း ဖြစ်ပါတယ်။

အာဖဂန်ဆိုင်ရာ နိုင်ငံတကာညီလာခံ ပါကစ္စတန်သပိတ်မှောက်မည်
By ဗွီအိုအေ(မြန်မာဌာန)
ပါကစ္စတန်-အာဖဂန်နစ္စတန်နယ်စပ်မှာ အာဖဂန်နိုင်ငံရဲ့အနာဂတ်ကို ကာကွယ်စောင့်ရှောက်ရေး တာဝန်ယူ နေတဲ့ နေတိုးတပ်ဖွဲ့ရဲ့ လေကြောင်း တိုက်ခိုက်မှုကြောင့် ပြီးခဲ့တဲ့ သီတင်းပတ်ထဲက ပါကစ္စတန်စစ်သား ၂၄ ယောက် သေဆုံးသွားခဲ့တဲ့အတွက် နိုင်ငံတကာညီလာခံကို သပိတ်မှောက်ဖို့ ပါကစ္စတန်နိုင်ငံက ဆုံးဖြတ် လိုက်ပါတယ်။
အင်္ဂါနေ့က ကျင်းပတဲ့ လာဟိုးမှာအစည်းအဝေးမှာ ပါကစ္စတန် ဝန်ကြီးချုပ် ယူဆွပ်၊ ရာဇာ၊ ဂီလာနီက အခုလို သပိတ်မှောက်ဖို့ သဘောတူ ခဲ့တာဖြစ်ကြောင်း အရာရှိတွေက ပြောတာပါ။