ဒီမိုကရေစီနိုင်ငံရေး၏ အခြေခံအုတ်မြစ်များ (၁)

အခန်း (၁)၊ အပိုင်း(၁)

လူနှင့် နိုင်ငံရေး
ဤစာတမ်းသည် ဒီမိုကရေစီနည်းကျသော နိုင်ငံရေးပညာရပ်၏ အခြေခံ နိဒါန်းဖြစ်သည်။ ရှေ့ပိုင်းကျသော အခန်းများတွင် “နိုင်ငံရေး” ၏ သဘောသဘာဝကို လေ့လာတင်ပြသွားမည်ဖြစ် သည်။ သို့သော်နိုင်ငံရေး၏ သဘောသဘာဝကို သိနိုင်ရန်အတွက် “လူသား”၏ သဘောသဘာဝကို ဦးစွာသိသင့်ပေသည်။ လူမှုရေးသိပ္ပံနယ်ပယ်၌ ပညာရပ်တစ်ရပ်တည်းကို အလွန်အမင်း အထူးပြု လေ့လာလေ့ ရှိတတ်ခြင်းကြောင့် လည်းကောင်း၊ အချက်အလက်များနှင့် ကိန်းကဏန်းများကို စိတ်ကူးစိတ်သန်းများ နှင့် သဘောတရား အယူအဆများထက် ဦးစားပေးလေ့လာနိုင်ခြေ ရှိသော ကြောင့်လည်ကောင်း၊ မျက်မှောက်ခေတ် နိုင်ငံရေးသိပ္ပံပညာရှင်များသည် အခြေခံအကျဆုံး အရေးအ ကြီးဆုံးကိစ္စရပ်များကို သတိမပြုမိဘဲ ဖြစ်တတ် ကြသည်။
သို့ရာတွင် နိုင်ငံရေးသည် လူသားတို့၏ အထူးခြားဆုံးသော ပြုမူဆောင်ရွက်ချက် တစ်ရပ်ဖြစ်သည့် အားလျော်စွာ၊ လူသားတို့၏ သဘောသဘာဝကို နားလည်မထားပါက နိုင်ငံရေးကိုလည်း နားလည်သဘော ပေါက်နိုင်မည် မဟုတ်ပေ။

လူဆိုသည်မှာ
လူသားမျိုးနွယ် (homo sapiens) သည်မျောက်ဝံ အပါအ၀င် အခြားအဆင့်မြင့် နို့တိုက်သတ္တ၀ါများနှင့် အထူးနီးစပ်သည်။ သို့ဖြစ်ရာ အဆိုပါသတ္တ၀ါများကဲ့သို့ပင် လူတို့တွင်လည်း မျိုးရိုးစဉ်ဆက် ခံယူရရှိအပ်ပြီး၊ သင်ကြားတတ်မြောက်ရာ မဟုတ်သည့် “ဗိဇအသိ” ရှိသည်။ သို့ရာတွင် ဗုဒ္ဓဘာသာ၊ ကွန်းဖြူးရှပ်ဝါဒ၊ ဟိန္ဒူဘာ သာ၊ ဂျူးဘာသာ၊ ခရစ်ယန်ဘာသာ အစရှိသော အရှေ့တိုင်းနှင့် အနောက်တိုင်းမှ ဘသာအယူဝါဒများ၊ ထုံးတမ်းစဉ်လာ အတွေးအခေါ်အယူအဆများ လူသည်အခြားသေ၉ာ တိရစ္ဆာန်များထက် တစုံတရာထူးမြတ် သည်ဟု အခိုင်အမာဆိုကြသည်။ ခရစ်ယန်နှင့် ဂျူးဘာသာဝင်တို့က လူတို့သည် ဘုရားသခင်၏ “ပုံရိပ်တော်” အတိုင်း ဖန်းဆင်း ခံခဲ့ကြရသည်ဟု ယုံကြည်ကြသည်။ ဗုဒ္ဓဘာသာဝင်တို့ကလည်း လူတို့သည် ဆင်ခြင်တုံးတ ရားနှင့်ယှဉ်သည့် အသိဥာဏ်ကို ပိုင်ဆိုင်ကြသည့်အလျောက်၊ သံသရာမှ လွတ်မြောက်ရာ လွတ်အမြောက် ကြောင်းကို အားထုတ်လျက် နိဗ္ဗာန်ကို မျက်မှောက်ပြုနိုင်ကြသည် ဟု ယုံကြည်ကြလေသည်။ ကွန်ဖြူးရှပ်ဝါဒီ များကလည်း လူသည် သင့်တင့်လျောက်ပတ်သော လူမှုဆက်ဆံရေးကို နားလည်သိတတ်သောကြောင့် ထူးခြားရခြင်းဖြစ်သည် ဟု ယူဆကြသည်။ အဆိုပါ ၀ါဒများက လူသားတို့တွင် ဗီဇစိတ်၏ တွန်းအားများ တည်ရှိ နေခြင်းကို လက်ခံသော်လည်း၊ ယင်းတို့သည် လူ၏ထူးမြတ်သော အခြားစွမ်းရည်တို့လောက် အရေးမပါဟု သဘောထားကြခြင်းဖြစ်သည်။

ဘာသာရေးအယူဝါဒများက လူသားတို့၏ ထူးခြားချက်ကို ယင်းတို့ပိုင်ဆိုင်သော “အမတ” ၀ိညာဉ် အားဖြင့် လည်ကောင်း၊ သံသရာမှ လွတ်မြောက်ရာ လွတ်မြောက်ကြောင်းကို ကြံဆောင်နိုင်သည့် စွမ်းရည်တို့ အားဖြင့်လည်ကောင်း ဖော်ကျူးကြသကဲ့သုိ့၊ ခေတ်သစ် လူမှုသိပ္ပံပညာရှင်များကလည်း လူတို့၏ အရေးပါသော ပိုင်ဆိုင်မှု တစ်ရပ်မှာ အခြားတိရစ္ဆာန်တို့တွင် ချို့တဲ့လျက်ရှိသည့် “ယဉ်ကျေးမှု” ကိုပိုင်ဆိုင်ခြင်း ဖြစ်သည်ဟု ဖော်ပြကြသည်။ စင်စစ် လူသည် ဗီဇအသိကို ပိုင်ဆိုင်သူဖြစ်ရုံမျှမက၊ ယဉ်ကျေးမှုကိုဖန်တီး၍ လက်ဆင့်ကမ်းသူ လည်းဖြစ်သည်။ ယဉ်ကျေးမှုကို အောက်ပါအတိုင်းအဓိပ္ပါယ် သတ်မှတ်နိုင်သည်။
ယဉ်ကျေးမှုတွင် လူသားတို့၏ သာလွန်ထူးခြားမှုကို ထင်ရှားစေသည့် အနုပညာအပါအ၀င် နိမိတ်ပုံ သင်္ကေတမှတ်သားနည်းများ အားဖြင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ လက်ခံဖြန့်ဖြူးနိုင်သည့် အရာများ ပါဝင်သည်။ အမြုတေအားဖြင့် ယဉ်ကျေးမှုတွင် သမိုင်းစဉ်တစ်လျောက် ဆန်ကာတင် ရွေးချယ်ထားသည့် ရိုးရာ အယူအဆများ၊ အထူးသဖြင့် ယင်းတို့မှ ဆက်နွယ်လာသည့် ဂုဏ်အင်္ဂါရပ်များ ပါဝင်သည်။ ယဉ်ကျေးမှု၏ ပုံဏ္ဍာန်များကို ပြုမူကျင့်ကြံခြင်း၏ ရလဒ်များအသွင်ဖြင့် ယူဆ၍ ရနိုင်သကဲ့သို့ အနာဂတ်တွင်ဆောင်ရွက်အပ် သော အရာတို့အတွက် ကြိုတင်စီမံခြင်းအဖြစ်လည်း ယူဆနိုင်ပါသည်။ (A.L. Kroeber and C.Kluckholn, “Culture: a critical review of concepts and definitions”)

လူ့ယဉ်ကျေးမှု၏ အမှန်တရားလေးပါး
(၁)     ယဉ်ကျေးမှုသည် ပညာရေး၏ ရလဒ်ဖြစ်သည်။ ပညာရေးကို မိဘထံမှလည်းကောင်း၊ သင်းရိုးစနစ်ဖြင့် သင်ကြားပေးသော ဘာသာရေးကျောင်းများမှ လည်ကောင်း၊ မိတ်ဆွေများနှင့် လူမှုရေးဝန်းကျင်များမှ လည်းကောင်း သင်ယူရရှိသည်။
(၂)     ယဉ်ကျေးမှုသည် လူသားအုပ်စုများနှင့် လူမှုအဖွဲ့အစည်းများ၏ သရုပ်သကန်ကို ယေဘုယျအားဖြင့် ထင်ဟပ်ပေါ်လွင်စေသည်။ လူသားတို့သည် မိမိအား ပြုစုပျိုးထောင်၍ အထောက်ပံ့ပြုသော လူ့အသိုက်အ၀န်း နှင့်ကင်းလွတ်၍ ရပ်တည်နေနိုင်ခြင်း မရှိသောကြောင့် လူသားတစ်စုတစ်ဖွဲ့တည်းပိုင် သီးသန့် ယဉ်ကျေးမှု ဟူ၍ လည်းမရှိပေ။
(၃)     ယဉ်ကျေးမှုသည် လူ့အသိုက်အ၀န်း၏ အတတ်အမွေ တစ်ရပ်ဖြစ်သော်လည်း၊ ယင်းကိုပြောင်းလဲ ပြုပြင်ခြင်းသော်လည်ကောင်း၊ မွမ်းမံခြင်းသော်လည်ကောင်း ပြုလုပ်နိုင်သည်။
(၄)     ယဉ်ကျေးမှုကို “ဘာသာစကား” အားဖြင့် အဓိကလက်ဆင့်ကမ်းသည်။ လူသားတို့သည် အခြား တိရစ္ဆာန်တို့နှင့် မတူဘဲဘာသာစကားကို အသုံးပြု၍၊ သတင်းနှင့် အယူအဆများကို ပြောဆိုဆက်သွယ်နိုင်ခြင်း ကြောင့် ထူးခြားနေရခြင်း ဖြစ်သည်။
          လူသားတို့သည် ယဉ်ကျေးမှုအပေါ်တွင် မှီတည်လွန်းရသည်ဖြစ်ရာ ယင်းနှင့် ကင်းဝေး၍ ရပ်တည်နိုင် စွမ်းရှိမည်မဟုတ်ပါ။ အန္ဒိယ၊ ပြင်သစ်နှင့် အခြားဒေသများတွင် တိရစ္ဆာန်များက ပြုစုစောင့်ရှောက်ထား၍ဖြစ်စေ၊ မိမိဖာသာ ကြိုးစားရုန်းကန်၍ ဖြစ်စေ၊ ကြီးပြင်းလာရသည် ဆိုသော တောတွင်းသား အရိုင်းကလေးများ ရှိခဲ့ဖူး သည်။ ရုဒ်ယတ် ကစ်ပလင် (Rudyard Kipling) ရေးသားသော Jungle book စာအုပ်၌ အန္ဒိယနိုင်ငံတွင် ၀ံပုလွေများ၏ စောင့်ရှောက်မှုအောက်၌ ကြီးပြင်းလာခဲ့ရသော တောတွင်းသားလေးတစ်ယောက် အကြောင်းကို ဖော်ပြထားသည်။ ထိုကဲ့သို့သော ကလေးများသည်။ လူနုံ လူအ ကလေးများသာဖြစ်၍ လူလားမြောက်သည့် အထိ သက်တမ်းမရှည်ခဲ့ကြပါ။

          တိရစ္ဆာန်တို့နှင့် လူသားတို့အကြား ခြားနားမှုမှာ တိကျပြတ်သားစွာ ထင်ရှားလှသည်မဟုတ်ပါ။ အင်းဆက်ပိုးမွှားများ ကဲ့သို့သော အဆင့်နိမ့်သတ္တ၀ါများသည် သက်ဆိုင်ရာ နည်းလမ်းများအားဖြင့် ပြုမူကျင့်ကြံ ရန် ဗီဇအသိက ထိန်းချုပ်စေခိုင်းခြင်းကို ခံနေရသော သတ္တ၀ါများဖြစ်ပြီး အလွန်ခေတ်မီသော ကွန်ပြူတာများ ထက် အနည်းငယ်သာလွန်ကြသယောင် ရှိသည်။ သို့ရာတွင် အဆင့်မြင့်သတ္တ၀ါများမှာမူ အချင်းချင်းထံမှဖြစ်စေ ပတ်ဝန်းကျင်မှဖြစ်စေ၊ သင်ယူတတ်မြောက်ကြသည်။ ၎င်းအဆင့်မြင့် သတ္တ၀ါများ၏ ပြုမူဆက်ဆံပုံမှာ အဆင့်နိမ့် သတ္တ၀ါများထက်ပို၍ သိမ်မွေ့နူးညံ့လျက် ပြောင်းလဲတတ်သော သဘောရှိသည်။ သို့တိုင်အောင်ပင် ယင်းတို့သည် ဘာသာစကားကို အပြည့်အ၀အသုံးမချနိုင်သဖြင့် ချိတ်ဆက်မိသော ယဉ်ကျေးမှုတစ်ရပ်ကို တည်ဆောက်ခြင်းနှင့် မျိုးရိုးစဉ်ဆက် လက်ဆင့်ကမ်းခြင်းတို့ကို မပြုလုပ်နိုင်ကြပေ။

          သို့ဖြစ်ရာ လူသားသည် ဗီဇအသိနှင့် ယဉ်ကျေးမှုနှစ်ရပ်ပေါင်း၏ ရလဒ်သဖွယ်ဖြစ်နေပေသည်။ လူသား တို့သည် သက်ဆိုင်ရာ စေ့ဆော်မှုများ၊ အမူအကျင့်များနှင့် အတူတကွ မွေးဖွားလာကြခြင်းဖြစ်သည်။ သို့သော် လည်း လူတို့သည် အဓိကအားဖြင့် ဘာသာစကားမှတစ်ဆင့် လူ့အသိုက်အ၀န်း၏ ယဉ်ကျေးမှုဆိုင်ရာ အတွေး အခေါ်အကျင့်အကြံတို့ကို သင်ကြားတတ်မြောက်ကြသည်။ ဥပမာအားဖြင့် စားသောက်ခြင်းသည် လူသားတို့ အတွက် လိုအပ်ချက်တစ်ရပ်ဖြစ်ပြီး ဆာလောင်မွတ်သိပ်မှုသည် ဗီဇစိတ်၏စေ့ဆော်မှု တစ်ရပ်ဖြစ်သည်။ သို့ရာ တွင် မည်သည့်အရာအား စားသုံးရမည်ဆိုသည်ကိုမူ၊ များသောအားဖြင့် ယဉ်ကျေးမှုက အဆုံးအဖြတ်ပေး သည်။ အစ္စလမ်ယဉ်ကျေးမှုက ၀က်သားစားခြင်းကို တားမြစ်သည် ဟိန္ဒူဘာသာဝင်တို့က အမဲသားစားခြင်းကို ရှောင်ကြဉ်ကြသည်။ ဗုဒ္ဓဘာသာဝင် အတော်များများကမူ အသား၊ ငါးကိုရှောင်ကျဉ်၍ သက်သက်လွတ် စားကြ သည်။
          ယဉ်ကျေးမှုသည် ဗီဇစိတ်အားလွှမ်းမိုး၍ ပြုပြင်နိုင်စွမ်းရှိသည်။ သို့သော် လူ့သဘာဝကို ဖွဲ့စည်းပေးသမျှ အရာတို့မှာ ဤမျှမကပါ။ စင်စစ် “အသိဥာဏ်” ဟုခေါ်ဆိုအပ်သော တတ်ိယအရာ တစ်ခုကိုလည်း လူသားတို့ ပိုင်ဆိုင်ကြလေသည်။

အောက်ပါ ဥပမာနှစ်ရပ်ကို ကြည့်ကြပါစို့
(၁)     ၁၉၅၀ ပြည့်လွန်နှစ်များနှင့် ယင်းထက်စောသော ကာလးများအတွင်းက ရှိခဲ့သော အမေရိကန် အစား အသောက်ယဉ်ကျေးမှုတွင်၊ အသားနှင့် အဆီအစိမ့် များများစားခြင်းကို အားပေးခဲ့သည်။ စံပြအမေရိကန်စား သောက်ဝိုင်းတစ်ခုတွင် အမဲသားကင်တစ်တုံး၊ အလူးစိတ်ဆီကျော်များနှင့် ရေခဲမုန့် တစ်ပွဲတို့ ပါရှိတတ်သည်။ သို့ရာတွင် အသားနှင့်အဆီတို့ကို ကမာဏများများ စားသုံးပါက နှလုံးရောဂါနှင် သွေးတိုးရောဂါတို့ဖြစ်တတ် သည်ဟု ဆေးပညာရှင်များက တွေ့ရှိခဲ့သဖြင့်၊ အမေရိကန်တို့၏ အစားအသောက်ယဉ်ကျေးမှုပြောင်းလဲလာ ကာ ဟင်းသီးဟင်းရွက်၊ အသီးအနှံ၊ ငါးနှင့် အဆီနည်းသော အသားတို့ကို ပိုမိုစားသုံးလာကြသည်။ ထိုအခါ ကျန်းမာရေးအဆင့်အတန်းလည်း ပိုမိုတိုးတက်လာကြသည်။

(၂)     လူ့ယဉ်ကျေးမှုတိုင်းအတွက်  မဟုတ်သည့်တိုင်အောင်၊ ယဉ်ကျေးမှုများစွားတို့အတွက်မူ စစ်ပွဲနှင့်ပတ် သက်သော ဂုဏ်သိက္ခာသည် ရှေးပဝေသဏီကတည်းကပင် ယဉ်ကျေးမှု၏ အစိတ်အပိုင်းတစ်ခု ဖြစ်ခဲ့လေ သည်။  ထိုစဉ်အခါ လူ့အသိုက်အ၀န်း၏ တည်တံ့ရေးသည် စစ်ရေးကျွမ်းကျင်မှုပေါ်တွင် မှီတည်ခဲ့သည်။
 သို့ရာ တွင် ၂၀ ရာစုအစပိုင်းတွင်မူ စစ်ဟူသည် နောက်ဆုံး၌ ကောင်းကျိုးမပေးသည့်အပြင်၊ ကိုယ်ကိုယ်ကို ဖျက်ဆီးပစ်နေခြင်းမျိုးသာဖြစ်ကြောင်း လူတို့သိနားလည် လာကြသည်။ ၁၉၄၀ ပြည့်လွန်နှစ်များတွင် အနုမြူ လက်နှက်များက်ို တီထွင်ထုတ်လုပ်နိုင်စွမ်း ရှိလာသောအခါ လူတို့သည် မိမိတို့၏  လူသားမျိုးနွယ် တစ်ရပ်လုံး ကို ပထမဆုံးအကြိမ်အဖြစ် မိမိတို့ကိုယ်တိုင် အပြီးအပြတ် ချေမှုန်းနိုင်တော့မည် ကဲ့သို့ ဖြစ်လာလေသည်။ ထို့ ကြောင့် လူသားတို့သည် အသက်ရှင် ရပ်တည်နိုင်ရေးအတွက် စစ်ကို ဖယ်ရှားပစ်ရမည်ဟု မြင်လာကြပြီး စစ်လို လားသော ယဉ်ကျေးမှုကို ဝေဖန်ရှုတ်ချလာခဲ့ကြသည်။

          လူသားတို့အနေဖြင့် သာယာချမ်းမြေ့သောဘ၀တွင် ရှင်သန်ရပ်တည်လိုပါမူ ယဉ်ကျေးမှုအား အသိ ပညာဖြင့် ဝေဖန်သုံးသပ်ခြင်း၊ အပြန်ပြန်အလှန်လှန် ဆန်းစစ်ခြင်းတို့ကို ပြုလုပ်ရပေမည်။ ဆိုခဲ့ပြီးသော ဥပမာ များတွင် ဖော်ပြခဲ့သကဲ့သို့ ယဉ်ကျေးမှုကို ဝေဖန်ဆန်းစစ်ခြင်းမရှိဘဲ လိုက်နာကြမည် ဆိုပါလျှင် နောက်ဆုံးတစ် နေ့၌ မိမိကိုယ်မိမိ ဖျက်ဆီးပစ်ရ ရောက်မည်သာဖြစ်သည်။ သို့ဖြစ်၍ ယဉ်ကျေးမှုတွင် ကန့်သတ်ချက်များ ရှိလာ ခြင်းဖြစ်သည်။

ဆက်လက်ဖေါ်ပြပါမည်။
ကက်နက်အေ မက်ကေးရေးသား၍ ဒေါင်းညိုဘာသာပြန်ဆိုသော
ဒီမိုကရေစီနိုင်ငံရေး၏ အခြေခံအုတ်မြစ်များ စာအုပ်မှ ကူးယူတင်ပြပါသည်။