အမေရိကန်၏ စမ်းသပ်ဆဲ အီဘိုလာရောဂါ ဆေးဝါးသစ်များ အာဖရိကန်များကို ပေးသုံးရန် ပညာရှင်များပြော

ရွှေအိမ်စည်စာကြည့်တိုက်

အမေရိကန်ကယ်ဆယ်ရေးလုပ်သားများကိုသာ အဘယ်ကြောင့် စမ်းသပ်ဆေးဝါးပေးထားသနည်းဟု ကမ္ဘာ့ထိပ်တန်း အီဘိုလာရောဂါကျွမ်းကျင်ပညာရှင်များက မေးခွန်းထုတ်နေကြ၏။
ကြောက်ခမန်းလိလိ ရောဂါဆိုးကြီး ဖြစ်ပွားနေသော အနောက်အာဖရိက တိုင်းပြည်သုံးခု၌ ရှိနေကြသည့် ပြည်သူများအား စမ်းသပ်ဆေးဝါးနှင့် ဗိုင်းရပ်စ် ကာကွယ်ဆေးများ ပေးကမ်းရန် အီဘိုလာရောဂါဆိုင်ရာ ကမ္ဘာ့ထိပ်တန်းကျွမ်းကျင်ပညာရှင်သုံးဦးမှ တောင်းဆိုလိုက်သည်။

လိုင်ဘေးရီးယားတွင် ထိုရောဂါကူးစက်ခံ အမေရိကန် ကယ်ဆယ်ရေး လုပ်သားတို့ကို အမေရိကန်ပြည်ထောင်စုသို့ ပြန်လည်မခေါ်ယူမီ အတည်ပြုချက်မထွက်သေးသည့် ဆေးဝါးတစ်မျိုး ပေးခဲ့သည့် အချက်ကို ထောက်ပြ၍ (၁၉၇၆)ခုနှစ်က အီဘိုလာရောဂါ တွဲဖက်ရှာဖွေတွေ့ရှိသူ ပီတာ ပိုင်းယော့ Peter Piot အပါအ၀င် ကျွမ်းကျင်သူများသည် အလားတူ ကူးစက်ခံရသည့် အာဖရိကသားများ အနေနှင့် အလားတူ အခွင့်အရေးရသင့်ကြောင်း ပြောကြားသည်။
အီဘိုလာရောဂါ တိုက်ဖျက်ရေးလေ့လာမှုအောက်မှ အသုံးချနိုင်လောက်သော ဗိုင်းရပ်စ် တိုက်ဖျက်ဆေးဝါးများ၊ ဗီဇတူ ဘက်တီးရီးယားတို့ကို တိုက်ဖျက်နိုင်သည့် ပရိုတိန်းများ၊ ကာကွယ်ဆေးမျိုးစုံ ရှိနေပြီးဖြစ်ကြောင်း Piot ၊ David Heymann နှင့် Jeremy Farrar အပါအ၀င် London School of Hygiene and Tropical Medicine ၊ Chatham House Centre on Global Health Security ၊ Wellcome Trust ရှိ ကူးစက်ရောဂါဆိုင်ရာ ဂုဏ်ထူးဆောင် ပါမောက္ခနှင့် ဒါရိုက်တာအားလုံးတို့က ဆိုသည်။
“ဒီကာကွယ်ဆေးတွေကို  အသုံးပြုမယ် မပြုဘူးဆိုတာ အာဖရိကတိုင်းပြည်အစိုးရတို့ကို ဆုံးဖြတ်ချက် ချစေသင့်ပါတယ်။ ရောဂါကူးစက်နိုင်မှု အန္တရာယ် အထူးမြင့်မားနေတဲ့ ကျန်းမာရေးစောင့်ရှောက်မှု လုပ်သားတွေကို ကာကွယ်၊ ကုသပေးဖို့ ဆိုတာမျိုးပေါ့ ” ဟူ၍ ၎င်းတို့၏ စုပေါင်း ထုတ်ပြန်ချက်၌ ရေးသားထားသည်။
ထိုသို့ စမ်းသပ်ကုသခြင်း ခွင့်ပြုပေးရေးအတွက် နိုင်ငံတကာ၏ တစ်ခုတည်းသော သြဇာရှိအဖွဲ့အစည်းဖြစ်သည့် ကမ္ဘာ့ကျန်းမာရေးအဖွဲ့ချုပ် WHO  မှ ဤအခန်းကဏ္ဍအား ဦးစားပေး ဦးဆောင်မှုပေး ရလိမ့်မည် ဟုလည်း ထည့်သွင်းဖော်ပြထား၏။
ဖေဖော်ဝါရီလအတွင်း ဂီနီနိုင်ငံ၌ ဗိုင်းရပ်စ် စတင်ပျံ့နှံ့ချိန်မှစ၍ အီဘိုလာရောဂါကြောင့် ဂီနီ၊ ဆိုင်ရာလီယွန်နှင့် လိုင်ဘေးရီးယားတို့တွင် လူပေါင်း (၉၀၀)နီးပါး သေဆုံးကာ (၁၆၀၀၀)အထက် ကူးစက်ခံထားရသည်။
လစ်ဗျားရှိ အမေရိကန်ကယ်ဆယ်ရေး လုပ်သား (၂)ဦးမှာ အီဘိုလာရောဂါဖြင့် နာမကျန်း ဖြစ်ခဲ့သည်။  ၎င်းနောက် ဆန်ဒီယားဂိုး အခြေစိုက် ပုဂ္ဂလိက ဇီဝနည်းပညာအသင်း Mapp Biopharmaceutical မှ ထုတ်လုပ်သည့် ZMapp အမည်ရှိ စမ်းသပ်ဆေးဝါးကို တိုက်ကျွေးပြီးသည့်နောက် ထိုသူတို့မှာ လစ်ဗျားမှာတင် အခြေအနေ အဆင့်ဆင့် တိုးတက်ကောင်းမွန်လာကြောင်း တွေ့ကြရသည်။
အာဖရိက တိုက်သားတို့အပေါ် အလားတူအခွင့်အရေးမျိုး အဘယ်ကြောင့် မပေးခဲ့ကြောင်း Piot ၊ Farrar နှင့် Heymann တို့က မေးခွန်းထုတ်ခဲ့သည်။
အကယ်၍ ကြွယ်ဝ ချမ်းသာသော တိုင်းပြည်များ၌ ကြောက်စရာ ဗိုင်းရပ်စ် ပြန့်ပွားမှုကြီးထွား လာလေလျှင် “ဆေးဝါးအေဂျင်စီများသည် ကုမ္ပဏီများ၊ ဓာတ်ခွဲခန်းများနှင့် ဆေးဝါး ကုန်ပစ္စည်းတိုးမြှင့်ထုတ်လုပ်ရေး အတွက် ဆွေးနွေးပါ၊ ထို့နောက် မည်သူသည် အခမဲ့အသုံးပြုခြင်း အတွက် လိုအပ်ကြောင်း မဆိုင်းမတွ ဆုံးဖြတ်ကြပါ ” ဟု ဆိုကြပေသည်။
အင်္ဂါနေ့နှောင်းပိုင်း လန်ဒန်၌ ထုတ်ပြန်သည့် အဆိုပါစာထဲတွင် “ သာမန်အားဖြင့် ကနဦး ဘေးကင်း စိတ်ချရေး စစ်ဆေးချက်များ မပါဝင်ဘဲ စမ်းသပ်ကုသမှုနဲ့ အဆင့် မကျော်အပ်ပါဘူး။ သို့သော် အနောက် အာဖရိကမှာ ရင်ဆိုင်နေရတဲ့ သေရေးရှင်ရေး စိန်ခေါ်ချက်ကြောင့် အဆိုးရွားဆုံး လိုအပ်နေသူတွေထံ အသင့်လျော်ဆုံး၊ အကောင်းဆုံး(စမ်းသပ်)ဆေးဝါးများကို ပေးပို့ကူညီကြဖို့ လိုအပ်နေပါပြီ။ တစ်ချိန်တည်းမှာဘဲ ဘေးကင်းမှုနဲ့ ထိရောက်မှု အတိုင်းအတာကို စောင့်ကြည့်သွားရမှာပါ ” ဟုလည်း သူတို့က ဆိုထားကြ၏။
ZMapp ဆေးဝါးသည် ဇန္န၀ါရီလအတွင်း အရေးပေါ် ကုသမှု၌သာ ဖော်စပ်အသုံးပြုခဲ့ခြင်းဖြစ်ကြောင်း၊ ထို့ကြောင့် ချက်ခြင်းရယူရန် မလွယ်ကူလောက်အောင် ပမာဏနည်းပါးနေကြောင်း၊ ကုသရေးစနစ် မှာ ခက်ခဲသလို ကုန်ပစ္စည်းများအား လိုသလိုချက်ခြင်းထုတ်ဖို့က အလွန်လက်ဝင်ကြောင်း Biotech firm Mapp နှင့် ၎င်း၏ စီးပွားရေးပါတနာLeaf Biopharmaceutical ကုမ္ပဏီက ပြောကြားသည်။
ယင်းဆေးဝါးတွင် ထည့်သွင်းအသုံးပြုသည့် အဆင့်မြင့်ပြုပြင်ထားသောဆေးရွက်ကြီးများ ရရှိအောင် ရက်သတ္တပတ်ပေါင်း များစွာ စောင့်ဆိုင်းရသည်ဟု သိရသည်။
ကုလသမဂ္ဂကျန်းမာရေးအေဂျင်စီသည် လိုင်စင်နှင့် စမ်းသပ်ကုသမှု ပုံမှန်နည်းစဉ်အားဖြင့် ထွက်ရှိမလာသော မည်သည့်ဆေးဝါးကိုမျှ အားပေးလိမ့်မည်မဟုတ်ကြောင်း ဂျီနီဗာအခြေစိုက် WHO  ပြောရေးဆိုခွင့်ရှိသူတစ်ဦးက ရိုက်တာသတင်းဌာနသို့ ပြောကြားလိုက်သည်။
လူသားတို့ထံ ဘေးကင်းထိရောက်မှုရှိကြောင်း သတ်မှတ်ရန် စမ်းသပ်မှုလုပ်မထားသော ဓာတ်ခွဲခန်းဆေးဝါးများကို လူနာများအား ကုသခြင်းက ပုံမှန်လုပ်ထုံးလုပ်နည်းများနှင့် ဆန့်ကျင်နေပါသည်။
Agencies