"မထည့်ဖြစ်တဲ့စာ" (ကိုရွေး)
by Kyaw Thurein on Thursday, August 16, 2012 at 8:33pm
ချစ်ရတဲ့အစ်ကိုရေ
အလွမ်းတွေကို
စမ်းရေထဲမှာမျှောလိုက်ပေမယ့်
စမ်းတွေကဆည်တွေဖြစ်တော့
တကယ်ညစ်တယ်အစ်ကို
အစ်ကိုကပိုသိမှာပေါ့
ဟိုတလောက သတင်းစာထဲ
ဆင်းရဲမွဲတေမှုလျှော့ချရေးဆိုလား
ဆင်းရဲသားပပျောက်ရေးဆိုလား
စကားလုံးလေးတွေ တန်းစီထားတာ
လှလိုက်တာအစ်ကိုရယ်
ကျွန်မတို့နားထဲ
သကြားခဲလေးတွေဝင်လာသလိုပဲ
တီဗွီကြော်ငြာလို
ပျော်စရာလိုလို ဘာလိုလို
မစားရ အသားကျကျ
ကျွန်မတို့ဘ၀တွေပေါ့အစ်ကိုရာ
ဘယ်သူဌေးမှမတက်တဲ့
လမ်းဘေးအိမ်သာ ကျွန်မတို့တက်တယ်
ဘယ်သူဌေးမှမစီးတဲ့
မြို့ပတ်ရထား ကျွန်မတို့စီးတယ်
နိုင်ငံတော်အတွက်ဆို
တစ်ဆယ်လမ်းကိုတစ်ရာပေးစီးလိုက်တာလည်း
ကျွန်မတို့ပါပဲ
ကျွန်မတို့အတွက်စဉ်းစားပေးနေပြီဆိုတော့
ကျွန်မတို့ကလည်း ပြန်ပြီးနားလည်ပေးရတာပေါ့နော်။
(ကိုရွေး)
0 comments:
Post a Comment