ဆရာဝန် နှင့် အလုပ်

ဗမါ ဆရါဝင်္န

copy from post of သက် ထား·

သက်ဆိုင်သူများထံသို့
ကျွန်တော်၂၀၀၈ ခုနှစ် ဒီဇင်ဘာမှာ အလုပ်သင်ဆရာဝန် သင်တန်းကာလ ပြီးဆုံးပြီး ၂၀၀၉ ခုနှစ် မတ်လမှာဘွဲ့ရခဲ့ပါတယ်။ ဘွဲ့ရပြီးပြီးချင်းပဲ ကိုယ်ဆည်းပူးတတ်မြောက်ထားတဲ့ ပညာလေးတွေ အဆက်ပြတ်မသွားအောင် ပုဂ္ဂလိကဆေးရုံကြီးတစ်ခုမှာ ၀င်လုပ်ရင်း အစိုးရကအလုပ်ခေါ်မဲ့အချိန်ကို စောင့်နေခဲ့ပါတယ်။၂၀၁၁ ခုနှစ် နိုဝင်ဘာမှာ လက်ထောက်ဆရာဝန် အယောက် ၅၀၀ (၂၀၀

ဝခန့် လိုအပ်သည်ဟု ၀န်ကြီးကပြောထားသော်လည်း) အလုပ်ခေါ်တာနဲ့ ကြုံကြိုက်ခဲ့ပါတယ်။ ဒါပေမဲ့ အရင်နှစ်တွေနဲ့ မတူတာက ကျန်းမာရေးဝန်ကြီးဌာနမှ တိုက်ရိုက်ခေါ်ယူတာမျိုးမဟုတ်ဘဲ ပြည်ထောင်စုရာထူးဝန်အဖွဲ့က တဆင့် ခေါ်ပါတယ်။ကျွန်တော်တို့လိုလက်ထောက်ဆရာဝန် ဖြစ်ချင်လို့စောင့်နေသူတွေ ၀င်ဖြေဖြစ်ခဲ့ပါတယ်။သမရိုးကျမဟုတ်တဲ့ စနစ်တစ်ခုနဲ့ ကြုံလိုက်ရလို့ ကျွန်တော်တို့အားလုံး မလိုအပ်ဘဲ ငွေကြေး၊အချိန်တွေကုန်ပြီး လူလဲပင်ပန်း ခဲ့ကြရပါတယ်။ကျွန်တော့အနေနဲ့ အရွေးချယ်မခံခဲ့ရပါဘူး။ ရွေးချယ်လိုက်တဲ့ထဲမှာ အရွေးချယ်မခံခဲ့ရသူများထက် ပညာပိုင်း၊ လုပ်ရည်ကိုင်ရည်ပိုင်း ပိုတော်သောသူများပါသလို ပိုအားနည်းသောသူများလည်း ပါသွားပါတယ်။အဲဒီမှာအဓိကပြောစရာရှိတာက ပြည်ထောင်စုရာထူးဝန်အဖွဲ့အနေနဲ့ လူတွေ့စစ်ဆေးပြီး ရွေးချယ်ခေါ်ယူရာမှာ သေသေချာချာ စနစ်တကျ ချမှတ်ထားသော မူများမရှိဘဲ ရွေးချယ်ခဲ့တယ်လို့ ၀င်ရောက်ဖြေဆိုသူအများစုက(ရွေးချယ်ခံရသူရော ရွေးချယ်မခံရသူများကပါ)မှတ်ချက်ချကြပါတယ်။ စနစ်တကျချမှတ်ထားသော ထင်သာမြင်သာသည့်မူမရှိဘဲ ရွေးချယ်ခြင်းမှာ ယခင်အစိုးရလက်ထက်က ရွေးချယ်ရေးစနစ်များကို ကျင့်သုံးနေဆဲဟု ယူဆရပါသည်။
ပြည်ထောင်စုရာထူးဝန်အဖွဲ့ကို ကျွန်တော်တို့ဆရာဝန်များက မေးစရာရှိပါတယ်။ဆရာကြီးတို့အနေနဲ့ ဒီလိုရွေးချုယ်ရာမှာ ကျောင်းသားဘ၀မှတ်တမ်းများကိုကြည့်ပြီး တော်သောသူများကို ဦးစားပေးပါသလား။ ယခုလက်ရှိလုပ်ကိုင်နေသော အလုပ်အကိုင်ကို ကြည့်ပါသလား။ တိုင်းရင်းသားဖြစ်ခြင်း၊ နိုင်ငံခြား သွေးနှောခြင်းများကို ထည့်သွင်းစဉ်းစားကြပါသလား။ အရေးအကြီးဆုံးကတော့ ဆရာဝန်ကောင်းတစ်ယောက် ဖြစ်ဖို့ ဘယ်အရာတွေကိုပိုပြီး ဦးစားပေးစဉ်းစားပြီး ရွေးချယ်ရမယ်ဆိုတာကို ဆရာကြီးတို့လို စစ်မှုထမ်းဟောင်းကြီးများက သိကြပါသလားခင်ဗျာ။ ငါတို့က နိုင်ငံ့ဝန်ထမ်းကောင်းတစ်ယောက်မှာ ရှိသင့်တဲ့အရည်အချင်းတွေကို စစ်ဆေးတာလုိ့ ဆရာကြီးတို့က ပြောပါမယ်။ ဒါပေမဲ့ ဆရာကြီးတို့ပိုပြီး သတိထားစဉ်းစားပေးသင့်တာက ကျွန်တော်တို့ဟာ ရိုးရိုးစာရေးစာချီဝန်ထမ်းများ မဟုတ်ပါ၊ လူ့အသက်နဲ့ရင်းပြီး လုပ်ရမဲ့ ၀န်ထမ်းများဖြစ်တဲ့ အတွက် ဆရာဝန်ကောင်းတစ်ယောက်ဖြစ်မှသာ ၀န်ထမ်းကောင်းတစ်ယောက်အနေနဲ့ ပြည်သူတွေကို အကျိုးပြုနိုင်မှာ ဖြစ်ပါတယ်။

ဒါတွေဘာလို့ပြောနေရတာလဲဆိုတော့ ဆရာကြီးတို့ရွေးချယ်ခဲ့တဲ့ စာရင်းဟာ တရားမျှတမှုမရှိတဲ့ အဆင့်သတ်မှတ်ချက်ကြီး ဖြစ်နေလို့ပါပဲ။ ဆရာကြီးတို့ဟာ ကျွန်တော်တို့ကို အကဲဖြတ်စစ်ဆေးမေးမြန်းရာမှာတစ်ဦးလျှင် ပျှမ်းမျှအချိန် နာရီဝက်ခန့်သာ အသုံးပြုခဲ့ကြတာပါ။ ဒီအချိန်လေးဟာ လူတစ်ယောက်အနှစ်(၂၀)ကျော် ဖြတ်သန်းလာတဲ့သမိုင်းကြောင်းကို သုံးသပ်အကဲဖြတ်ဖို့ လုံလောက်တဲ့အချိန် ဖြစ်နိုင်ပါ့မလား။ ၀င်ရောက်ဖြေဆိုသူအားလုံးဟာ သူငယ်ချင်းတွေဖြစ်လို့ အတွင်းသိ အစင်းသိ တွေချည်းပါပဲ။ ဒါကြောင့် ဘယ်သူဟာ စာတော်တယ်၊ အကျင့်ကောင်းတယ်၊ အလုပ်ကြိုးစားတယ် ဘယ်သူကဖြင့် မကောင်းဘူး၊ ညံ့တယ်၊ အချောင်ခိုတယ်ဆိုတာတွေကို အနဲဆုံး၆နှစ်လောက် ပေါင်းလာကြတဲ့ ကျွန်တော်တို့အချင်းချင်းက ဆရာကြီးတို့ထက်ပိုသိတယ်ဆိုတာကို လက်ခံကြမယ်လို့ ထင်ပါတယ်။ ဒါကြောင့် ဆရာကြီးတို့ရဲ့ အဆင့်သတ်မှတ်ချက်ဟာ တရားမျှတမှုမရှိဘူးလို့ ကျွန်တော်တို့ဘက်က ပြောမယ်ဆိုရင် ဆရာကြီးတို့ ဘာများပြောချင်ပါသလဲ။
ဒီလိုပြောလို့ သူငယ်ချင်း အချင်းချင်း သာတယ်နာတယ် တွက်တယ်လို့ မထင်စေချင်ပါဘူး။ အားလုံးဟာ ပါမောက္ခဆရာဝန်ကြီးများ ကိုယ်တိုင်စစ်ဆေးတဲ့ စာမေးပွဲကြီးတွေကို အောင်မြင်ပြီး ပါမောက္ခချုပ်ကြီးများကိုယ်တိုင် ဘွဲ့အပ်နှင်းခြင်းခံရသူတွေချည်းပဲမို့ အများစုဟာ(တချို့တလေကလွဲလို့) လက်ထောက်ဆရာဝန်ဖြစ်ထိုက်ပါတယ်။အခြေအနေမပေးလို့ ရွေးချယ်ပြီးခေါ်ရတယ်ဆိုရင်လည်း ဒီအသက်ဒီအရွယ်ထိ ကြိုးစားခဲ့တဲ့ မှတ်တမ်းတွေကို မျက်ကွယ်ပြုပြီး နာရီဝက်လောက် မေးချင်ရာမေး၊ ပြောချင်ရာပြော၊ ရွေးချင်ရာရွေး မလုပ်သင့်ပါဘူး။

ပြီးခဲ့တဲ့ ၂၀၁၁ခုနှစ်ဝင်ခွင့်စာမေးပွဲမှာ ဆရာကြီးတို့ လူတွေ့စစ်ဆေးမေးမြန်းခဲ့တာတွေကို ပြန်စဉ်းစားကြည့်ပေးပါ။ ၀င်ရောက်ဖြေဆိုတဲ့ ကျွန်တော်တို့ဆရာဝန်ပေါက်စတွေဟာ ပါတီနိုင်ငံရေးကင်းရှင်းရမည်ဆိုတဲ့ ခေတ်မှာ ကြီးပြင်းလာခဲ့ကြတာပါ။ မီဒီယာလွတ်လပ်ခွင့်မရှိ၊ နိုင်ငံရေးလွတ်လပ်ခွင့် မရှိတဲ့ခေတ်မှာ လူဖြစ်လာရတဲ့အတွက် နိုင်ငံရေးနဲ့ပတ်သက်လို့ အသိပညာဗဟုသုတပိုင်း အားနည်းချက်ရှိတယ်ဆိုတာကို ကျွန်တော်တို့ မရှုက်တမ်းဝန်ခံရဲပါတယ်။ အဲဒီတော့ ဆရာကြီးတို့လို စစ်မှုထမ်းဟောင်းကြီးတွေ မေးတဲ့ နိုင်ငံရေးအကြောင်းအရာတွေကို ဆရာကြီးတို့ ကျေနပ်အောင်လိုက်ပြီး မဆွေးနွေးနိုင်တာ သဘာဝကျပါတယ်။ ဆရာကြီးတစ်ယောက်က ပြောခဲ့ပါတယ်။ ၀ိဇ္ဇာသိပ္ပံ ကျောင်သားတွေက အထွေထွေဗဟုသုတပိုင်းမှာ မင်းတို့ထက် သာတယ်တဲ့။ ကျွန်တော်တို့ လက်ခံပါတယ်။ ကျွန်တော်တို့ဟာ ဆေးကျောင်းသားဘ၀တစ်လျှောက်လုံးမှာ(ပင်ကိုယ်ဆိုးသွမ်းသော ကျောင်းသားအနည်းငယ်မှလွဲပြီး) စာကျက်ရင်းနဲ့ အချိန်ကုန်ကြတာ များပါတယ်။ အထွေထွေဗဟုသုတပိုင်းမှာ အထောက်အကူအများကြီး ပေးနုိုင်တဲ့ ပထ၀ီ၊ သမိုင်း စတဲ့ ဘာသာရပ်များကို ၈တန်းအထိပဲ သင်ခဲ့ရတာပါ။ ဒါကြောင့် အထွေထွေဗဟုသုတနဲ့ ပတ်သက်လို့လည်း ကျွန်တော်တို့ အားနည်းပါတယ်။ဒါပေမဲ့ ဆရာကြီးတို့ကို ပြောချင်တာက ဒါတွေအားလုံးသိတတ်နားလည်နေလို့ ဆရာဝန်ကောင်းတစ်ယောက် ဖြစ်မလာနိုင်ပါဘူး။ ကျွန်တော်တို့ ဆရာဝန်တွေအတွက် နိုင်ငံရဲ့ ပထ၀ီ အနေအထားထက် လူ့ခန္ဓာကိုယ်ဖွဲ့စည်းပုံအနေအထားက ပိုအရေးကြီးပါတယ်။ သမိုင်းဖြစ်စဉ်မှတ်တမ်းတွေကို အလွတ်ရနေတာထက် လူရဲ့ဇီဝကမ္မဖြစ်စဉ်များကို မှတ်မိနေဖို့က ပိုအရေကြီးပါတယ်။ မိမိနိုင်ငံကို နေရာတိုင်းကဏ္ဍတိုင်းမှာ တိုးတက်ကောင်းမွန်လာဖို့အတွက် ဘယ်ပုံဘယ်နည်းတွေနဲ့ လုပ်ဆောင်ကြမယ်ဆိုတာကိုတော့ ကျွန်တော်တို့ ဆရာဝန်တွေထက် လွှတ်တော်အမတ်မင်းများက ဆွေးနွေးကြတာက ပိုကောင်ပါလိမ့်မယ်။ ကျွန်တော်တို့ အနေနဲ့ လူတစ်ယောက်ရဲ့ကျန်းမာရေး၊ နိုင်ငံရဲ့ကျန်းမာရေးစနစ် တိုးတက်ကောင်းမွန်လာအောင် ကြံဆောင်ဖို့ပဲ စဉ်းစားချင်ပါတယ်။

ယခုလာမည့် ၂၀၁၂ ခုနှစ်၊ စက်တင်ဘာတွင် ပြုလုပ်မည့် ၀င်ခွင့်စာမေးပွဲကိုလည်း ၀င်ဖြေကြပါအုံးမည်။ ထိုစာမေးပွဲနှင့်ပတ်သက်၍လည်း ပြောစရာရှိနေပါသည်။ ၂၀၁၁ခုနှစ်တွင် ရွေးချယ်မခံရဘဲ ကျန်နေသူများ ရှိနေပါသေးသည်။ ထိုအတန်းနှင့်ကပ်လျက် အောက်အတန်းတွင်လည်း အနည်းဆုံး ၂၀၀၀ မှ ၃၀၀၀ ကြားရှိပါလိမ့်မည်။ လက်ထောက်ဆရာဝန် ၁၅၀၀ လောက်လေး ခေါ်ရန်အတွက် ထို၂တန်းနှင့်ပင် လုံလောက်ပိုလျှံနေပါလျက်နှင့် တတိယမြောက်အတန်းကို မလိုအပ်ဘဲ အဘယ်ကြောင့် ၀င်ဖြေခွင့်ပေးပါသလဲ။ ထိုအတန်းတွင် ယခင်ဝန်ကြီးဟောင်းတစ်ဦး၏သမီး ပါရှိသောကြောင့်ဟု ပြောနေကြသည်မှာကော ဟုတ်ပါသလား။ ယခင်လူတွေ့စစ်မေးရုံနှင့်ပင် အဆင်မပြေသော ဤဆရာဝန်ပေါက်စများကို ဤတစ်ကြိမ်တွင် အဘယ်ကြောင့် ရေးဖြေပါဖြေခိုင်းရပါသလဲ။
ကျွန်တော်တို့ အနေနှင့် ခြုံငုံပြောရလျှင် ဆရာဝန်ဖြစ်ထိုက်၍ ကျန်းမာရေးဝန်ကြီးဌာနမှ ဆမလက်မှတ်ပင်အပ်နှင်းထားပြီးဖြစ်သော ဆရာဝန်များမှ မိမိနိုင်ငံအတွက် တာဝန်ထမ်းဆောင်လို၍ အလုပ်လျှောက်ထားရာတွင် ယခင်ကအတိုင်း ကျန်းမာရေးဝန်ကြီးဌာနမှ တိုက်ရိုက်ခေါ်ယူခန့်အပ်ခြင်းကိုသာ လိုလားပါသည်။ ခေတ်စနစ်အရ အားလုံးအလုပ်မပေးနိုင်၍ ရွေးချယ်ခေါ်ယူရမည် ဆိုပါကလည်း သက်ဆိုင်ရာဝန်ထမ်း အမျိုးအစားပေါ်မှုတည်ပြီး သက်ဆိုင်သောအကြီးအကဲများကသာ သက်ဆိုင်သော အကြောင်းအရာများအပေါ် အခြေခံပြီး အတန်းစဉ် အလှည့်ကျ ရွေးချယ်ခန့်ထားစေလိုပါသည်။ စနစ်ကျသော တရားမျှတသည့်မူ မရှိဘဲ ရွေးချယ်သည့် ၀င်ခွင့်စာမေးပွဲများကြောင့် သမ္မတကြီး ဦးသိန်းစိန်၏ clean government မှာ မေးခွန်းထုတ်စရာများဖြစ်လာနိုင်ပါသည်။ နိုင်ငံအပေါ် စေတနာထားပြီး ၀န်ထမ်းဖြစ်ချင်သော သူများကိုလည်း စိတ်ဓါတ်ပျက်ပြားစေပြီး တန်းဖိုးရှိသည့် လူ့စွမ်းအားအရင်းအမြစ်များလည်း ဆုံးရှုံးယုတ်လျော့သွားစေနိုင်ပါသည်။ သမ္မတကြီး ဦးသိန်းစိန်၏ အစိုးရသစ်လက်ထက်တွင် အပေါင်းလက္ခဏာဆောင်သော တိုးတက်ပြောင်းလဲမှုများစွာ ဖြစ်ထွန်းလာ သော်လည်း ကျွန်တော်တို့ ကျောင်းပြီးစ ဆရာဝန်များမှာ ယခင်အစိုးရလက်ထက်ကထက်ပင် ပိုမိုဆိုးရွားသော စနစ်နှင့် ကြုံနေရသည်ကို ဆရာဝန်ဖြစ်သော ဒုသမ္မတကြီးနှင့်တကွ သက်ဆိုင်သူများက အဘယ်ကြောင့် လက်ပိုက်ကြည့်နေကြပါသနည်း။ လွှတ်တော်အမတ်မင်းများအနေဖြင့် ပြည်သူလူထုကို ၀န်ထုပ်ဝန်ပိုးဖြစ်စေသော အကျိုးမရှိသည့် ဤ၀င်ခွင့်စာမေးပွဲများနှင့်ပတ်သက်ပြီး သဘောထားတိုက်ဆိုင် သော အချက်များရှိပါက လွှတ်တော်တွင်းတင်ပြဆွေးနွေးပြီး အရေးတယူဆောင်ရွက်ပေးစေလိုပါကြောင်း ဆန္ဒပြုလိုက်ရပါသည်။

မန္တလေးမှ အလုပ်လက်မဲ့ ဆရာဝန်တစ်ဦး